` single screen theaters - chitraloka.com | Kannada Movie News, Reviews | Image

single screen theaters

  • ಬಂದ್ ಆಗುತ್ತಿವೆ 100ಕ್ಕೂ ಹೆಚ್ಚು ಟಾಕೀಸ್

    ಬಂದ್ ಆಗುತ್ತಿವೆ 100ಕ್ಕೂ ಹೆಚ್ಚು ಟಾಕೀಸ್

    ರಾಜ್ಯದಲ್ಲೀಗ ಇರೋದು 587 ಥಿಯೇಟರುಗಳು. 2 ವರ್ಷದ ಹಿಂದೆ ಕೊರೊನಾ, ಲಾಕ್ ಡೌನ್ ಶುರುವಾಗುವ ಮುನ್ನ ಇದ್ದ ಥಿಯೇಟರುಗಳ ಸಂಖ್ಯೆ 636. ಅವುಗಳಲ್ಲಿ ಬಹುತೇಕ ಥಿಯೇಟರುಗಳು ಬಾಗಿಲು ಮುಚ್ಚಿವೆ. ಮೈಸೂರೊಂದರಲ್ಲೇ ಕಣ್ಣು ಮುಚ್ಚಿದ ಥಿಯೇಟರ್ಸ್ ಸಂಖ್ಯೆ 8. ಈಗ ಇರುವ ಕೆಲವೇ ಥಿಯೇಟರುಗಳೂ ಬಾಗಿಲು ಮುಚ್ಚುವ ಹಂತಕ್ಕೆ ತಲುಪಿವೆ.

    ಕೊರೊನಾ, 50:50 ರೂಲ್ಸ್‍ಗಳಿಂದಾಗಿ ತತ್ತರಿಸಿರುವ ಮೈಸೂರಿನ ಸಿಂಗಲ್ ಸ್ಕ್ರೀನ್ ಟಾಕೀಸ್ ಮಾಲೀಕರು ಥಿಯೇಟರ್ ಬಂದ್ ಮಾಡುವ ನಿರ್ಧಾರಕ್ಕೆ ಬಂದಿದ್ದಾರೆ. ಮೈಸೂರಿನ ರಾಜ್‍ಕಮಲ್, ಸಂಗಂ, ಗಾಯತ್ರಿ ಸೇರಿದಂತೆ ಹಲವು ಥಿಯೇಟರ್ ಮಾಲೀಕರು

    ಸರ್ಕಾರ ನಿರ್ಬಂಧಗಳನ್ನು ವಾಪಸ್ ಪಡೆಯುವವರೆಗೆ ಥಿಯೇಟರ್ ಬಾಗಿಲು ಮುಚ್ಚೋಣ ಎಂದು ನಿರ್ಧರಿಸಿದ್ದಾರೆ. ಈಗಾಗಲೇ ನಿರ್ಧಾರವನ್ನು ಜಾರಿಗೂ ತಂದಿದ್ದು, ಥಿಯೇಟರ್‍ಗಳ ಬಾಗಿಲು ಈಗಾಗಲೇ ಬಂದ್ ಆಗಿದೆ.

    ಸರ್ಕಾರದ ನಿರ್ಧಾರ ಮತ್ತು ಅನಿಶ್ಚಿತತೆಯಿಂದಾಗಿ ಚಿತ್ರ ನಿರ್ಮಾಪಕರು ಮತ್ತು ವಿತರಕರು ಸಿನಿಮಾಗಳನ್ನು ಬಿಡುಗಡೆ ಮಾಡುತ್ತಿಲ್ಲ. ಹೊಸ ಸಿನಿಮಾ ಬರದೇ ಇದ್ದರೆ ಬಿಸಿನೆಸ್ ನಡೆಯೋದು ಹೇಗೆ? ಒಂದೊಂದು ಥಿಯೇಟರಿನಲ್ಲಿಯೂ ಕನಿಷ್ಠ 12ರಿಂದ 25 ಜನ ಕೆಲಸಗಾರರಿರುತ್ತಾರೆ. ಅವರ ಸಂಬಳ, ಥಿಯೇಟರ್ ವೆಚ್ಚ ಎಲ್ಲವೂ ಮಾಲೀಕರ ಹೆಗಲ ಮೇಲೆ ಬೀಳುತ್ತದೆ. ಈಗಾಗಲೇ 2 ವರ್ಷ ವ್ಯವಹಾರವಿಲ್ಲದೆ ಎಲ್ಲವನ್ನೂ ಕೈಯಿಂದ ಕೊಟ್ಟು ನರಳಿದ್ದಾರೆ. ಹೀಗಿರುವಾಗ ಪದೇ ಪದೇ ಆಗುವ ಇಂತಹ ನಿಯಮಗಳಿಂದಾಗಿ ಬಿಸಿನೆಸ್ ಕಷ್ಟವಾಗುತ್ತಿದೆ ಎನ್ನುತ್ತಾರೆ ಪ್ರದರ್ಶಕರ ಸಂಘದ ಉಪಾಧ್ಯಕ್ಷ ಎಂ.ಆರ್. ರಾಜಾರಾಂ.

    ಇದು ವಾಸ್ತವ ಪರಿಸ್ಥಿತಿಯೂ ಹೌದು. ಕೊರೊನಾ ವೇಳೆ ಸರ್ಕಾರಗಳು ಅತ್ಯಂತ ನಿಕೃಷ್ಟವಾಗಿ ಕಂಡ ಉದ್ಯಮ ಎಂದಿದ್ದರೆ ಅದು ಚಿತ್ರರಂಗ. ಯಾವುದೇ ನೆರವು, ಸೌಲಭ್ಯವನ್ನೂ ನೀಡದೆ ಮರೆತುಬಿಟ್ಟಿದೆ. ಈಗ ಚಿತ್ರರಂಗ ಅದರಲ್ಲೂ ಥಿಯೇಟರ್ ಮಾಲೀಕರು ಯಾಕಾದರೂ ಚಿತ್ರಮಂದಿರ ಕಟ್ಟಿದೆವೋ ಎಂದು ಪರಿತಪಿಸುವಂತಾಗಿದೆ. ವಿಚಿತ್ರವೆಂದರೆ ತಮ್ಮ ತಮ್ಮ ಚಿತ್ರಗಳ ಬಿಸಿನೆಸ್ಸಿನ ಮೂಲ ಸ್ಥಾನವಾಗಿರೋ ಚಿತ್ರಮಂದಿರಗಳ ಸಮಸ್ಯೆ ಬಗ್ಗೆ ಇದುವರೆಗೆ ಯಾವುದೇ ಸ್ಟಾರ್ ಕಲಾವಿದ, ನಿರ್ಮಾಪಕರೂ ತಲೆಕೆಡಿಸಿಕೊಳ್ಳದಿರೋದು..

  • ವೈರಸ್ ಎಫೆಕ್ಟ್ : ಚೆನ್ನೈನಲ್ಲಿ 2 ಚಿತ್ರಮಂದಿರ ಕ್ಲೋಸ್

    corona effect, 2 single screen theaters in chennai shut down

    ಚೈನೀಸ್ ವೈರಸ್ ಅದೆಷ್ಟೋ ಕೈಗಾರಿಕೆಗಳನ್ನು ಬಾಗಿಲು ಹಾಕಿಸಿದೆ. ಸಾವಿರಾರು ಉದ್ಯಮಿಗಳನ್ನು ಬೀದಿಗೆ ತಳ್ಳಿದೆ. ಕೋಟ್ಯಧಿಪತಿಗಳನ್ನು ಲಕ್ಷಾಧಿಪತಿಗಳನ್ನಾಗಿಸಿದೆ. ಕೋಟ್ಯಂತರ ಕನಸುಗಳನ್ನು ಸಮಾಧಿ ಮಾಡಿದೆ. ಚಿತ್ರರಂಗವೂ ಅದಕ್ಕೆ ಹೊರತಲ್ಲ. ಕೋವಿಡ್ 19 ಅಟ್ಟಹಾಸಕ್ಕೆ ಚೆನ್ನೈನ 2 ಸಿಂಗಲ್ ಸ್ಕ್ರೀನ್ ಚಿತ್ರಮಂದಿರಗಳು ಶಾಶ್ವತವಾಗಿ ಮುಚ್ಚುವ ಹಂತ ತಲುಪಿವೆ.

    ಚೆನ್ನೈನ ಎವಿಎಂ ರಾಜೇಶ್ವರಿ ಚಿತ್ರಮಂದಿರಕ್ಕೆ 41 ವರ್ಷಗಳ ಇತಿಹಾಸವಿದೆ. ಈ ಟಾಕೀಸ್ ಮೊದಲ ದಿನ, ಮೊದಲ ಶೋಗೆ ಫೇಮಸ್ ಆಗಿದ್ದ ಚಿತ್ರಮಂದಿರ. ಇನ್ನೊಂದು ಚೆನ್ನೈನ ಓಲ್ಡ್ ವಾಶರ್`ಮನ್ ಪೇಟೆಯಲ್ಲಿರುವ ಮಹಾರಾಣಿ ಚಿತ್ರಮಂದಿರ. ಎರಡೂ ಥಿಯೇಟರುಗಳೂ ಶಾಶ್ವತವಾಗಿ ಬಾಗಿಲು ಹಾಕುತ್ತಿವೆ.

    ಚೆನ್ನೈನಲ್ಲಿ ಮಲ್ಟಿಪ್ಲೆಕ್ಸ್`ಗಳಿಗಿಂತ ಸಿಂಗಲ್ ಸ್ಕ್ರೀನ್ ಥಿಯೇಟರುಗಳಿಗೇ ಜನ ಹೆಚ್ಚು. ಅಂಥಾದ್ದರಲ್ಲಿ ಚೆನ್ನೈನ ಸ್ಥಿತಿಯೇ ಹೀಗಾದರೆ, ಮೊದಲೇ ಪ್ರೇಕ್ಷಕರ ಬರ ಎದುರಿಸುತ್ತಿರುವ ಬೆಂಗಳೂರಿನ ಸಿಂಗಲ್ ಸ್ಕ್ರೀನ್ ಥಿಯೇಟರ್`ಗಳ ಕಥೆ ಏನು..? ಭವಿಷ್ಯ ಕಣ್ಣೆದುರು ಭಯಾನಕವಾಗಿ ಗೋಚರಿಸುತ್ತಿದೆ.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery