` master, - chitraloka.com | Kannada Movie News, Reviews | Image

master,

  • ತಮಿಳಿನ ಮಾಸ್ಟರ್ ಬಾಕ್ಸಾಫೀಸ್ ಕೊಟ್ಟ ಥ್ರಿಲ್ಲಿಂಗ್ ಸಂದೇಶ

    ತಮಿಳಿನ ಮಾಸ್ಟರ್ ಬಾಕ್ಸಾಫೀಸ್ ಕೊಟ್ಟ ಥ್ರಿಲ್ಲಿಂಗ್ ಸಂದೇಶ

    ಕೊರೊನಾ ಈಗಿನ್ನೂ ಹೋಗ್ತಾ ಇದೆ. ಜನರಿಗಿನ್ನೂ ಭಯ ಹೋಗಿಲ್ಲ. ಥಿಯೇಟರುಗಳಲ್ಲಿ ಬೇರೆ 50% ಪ್ರೇಕ್ಷಕರಿಗೆ ಅಷ್ಟೇ ಅವಕಾಶ ಇದೆ. ಇಂಥಾ ಟೈಮಲ್ಲಿ ಸಿನಿಮಾ ರಿಲೀಸ್ ಮಾಡಿದ್ರೆ.. ಜನ ಬರ್ತಾರಾ..? ಬಾಕ್ಸಾಫೀಸ್‍ನಲ್ಲಿ ಲಾಭ ಸಿಗುತ್ತಾ..? ನಿರ್ಮಾಪಕರು ಸೇಫ್ ಆಗ್ತಾರಾ..? ಹೀಗೆ ಹತ್ತು ಹಲವು ಆತಂಕಗಳು.

    ಇದೆಲ್ಲದರ ನಡುವೆ ರಿಲೀಸ್ ಆದ ಸಿನಿಮಾ ತಮಿಳಿನ ಮಾಸ್ಟರ್. ತಮಿಳಿನಲ್ಲಷ್ಟೇ ಅಲ್ಲ, ಇಂಡಿಯನ್ ಫಿಲಂ ಇಂಡಸ್ಟ್ರಿಯಲ್ಲಿ ಕೊರೊನಾ ಲಾಕ್ ಮಧ್ಯೆ ರಿಲೀಸ್ ಆದ ಮೊಟ್ಟ ಮೊದಲ ಸಿನಿಮಾ ದಳಪತಿ ವಿಜಯ್ ಅಭಿನಯದ ಮಾಸ್ಟರ್.

    ಆ ಸಿನಿಮಾ ರಿಲೀಸ್ ಆದ 8 ದಿನಗಳಲ್ಲಿ 200 ಕೋಟಿ ದುಡಿದಿದೆ. ಮಾಸ್ಟರ್ ಜನವರಿ 13ರಂದು ರಿಲೀಸ್ ಆಗಿತ್ತು. ಚಿತ್ರದ ಬಗ್ಗೆ ಮಿಶ್ರ ಪ್ರತಿಕ್ರಿಯೆಗಳೇ ಹೆಚ್ಚಾಗಿ ಕೇಳಿ ಬಂದಿತ್ತು. ಆದರೆ.. ಇದೆಲ್ಲವನ್ನೂ ಮೀರಿ ಜನ ಮೆಚ್ಚುಗೆ ಗಳಿಸಿರೋ ಮಾಸ್ಟರ್, ರಿಲೀಸ್ ಮಾಡೋಕೆ ಹಿಂದೆಮಂದೆ ಯೋಚಿಸುತ್ತಿರುವವರಿಗೆ ಧೈರ್ಯ ಕೊಟ್ಟಿದೆ.

  • ತಮಿಳಿನಲ್ಲಿ ವಿಜಯ್, ವಿಜಯ್ ಸೇತುಪತಿ ಧೈರ್ಯ ಪ್ರದರ್ಶನ : ಜನವರಿ 13ಕ್ಕೆ ಮಾಸ್ಟರ್

    ತಮಿಳಿನಲ್ಲಿ ವಿಜಯ್, ವಿಜಯ್ ಸೇತುಪತಿ ಧೈರ್ಯ ಪ್ರದರ್ಶನ : ಜನವರಿ 13ಕ್ಕೆ ಮಾಸ್ಟರ್

    ಕೊರೊನಾ ಲಾಕ್‍ಡೌನ್ 8 ತಿಂಗಳು, ಲಾಕ್ ಡೌನ್ ತೆರವಾದ ನಂತರ, ಚಿತ್ರಮಂದಿರಗಳು ಶುರುವಾದ ನಂತರ.. ಎಲ್ಲರೂ ಕಾಯುತ್ತಿರುವುದು ಬಿಗ್ ಸ್ಟಾರ್‍ಗಳ ಚಿತ್ರಕ್ಕೆ. ರಿಲೀಸ್ ಆದ ಸಣ್ಣ ಸಣ್ಣ ಚಿತ್ರಗಳು ಗಮನ ಸೆಳೆದವೇ ಹೊರತು, ಪ್ರೇಕ್ಷಕರನ್ನು ಚಿತ್ರಮಂದಿರಗಳಿಗೆ ಎಳೆದು ತರಲಿಲ್ಲ. ಆ ಶಕ್ತಿಯಿರೋದು ಸ್ಟಾರ್ ಚಿತ್ರಗಳಿಗೆ. ಯಾರು ಧೈರ್ಯ ಮಾಡ್ತಾರೆ ಎಂದು ಯೋಚಿಸುತ್ತಿದ್ದವರಿಗೆ ಧೈರ್ಯ ಪ್ರದರ್ಶನ ಮಾಡಿಯೇ ಬಿಟ್ಟಿದ್ದಾರೆ ತಮಿಳು ಸ್ಟಾರ್ಸ್.

    ವಿಜಯ್ ಮತ್ತು ವಿಜಯ್ ಸೇತುಪತಿ ಇಬ್ಬರೂ ನಟಿಸಿರುವ ಸಿನಿಮಾ ಮಾಸ್ಟರ್. ಚಿತ್ರ ಬಿಡುಗಡೆಗೆ ಸಹಕಾರ ನೀಡುವುದಾಗಿ ತಮಿಳುನಾಡು ಸಿಎಂ ಕೂಡಾ ಭರವಸೆ ಕೊಟ್ಟಿದ್ದಾರೆ.

    ಮಾಸ್ಟರ್, ಕೇವಲ ತಮಿಳು ಅಷ್ಟೇ ಅಲ್ಲ, ಕನ್ನಡ, ತೆಲುಗು, ತಮಿಳು, ಮಲಯಾಳಂ ಹಾಗೂ ಹಿಂದಿ ಸೇರಿದಂತೆ ಭಾರತೀಯ ಚಿತ್ರರಂಗದಲ್ಲಿಯೇ ಕೊರೊನಾ ನಂತರ ರಿಲೀಸ್ ಆಗುತ್ತಿರುವ ಬಿಗ್ ಸ್ಟಾರ್ ಸಿನಿಮಾ.

    ಈ ಸಿನಿಮಾ ಗೆಲ್ಲಲಿ. ಪ್ರೇಕ್ಷಕರು ಚಿತ್ರಮಂದಿರಕ್ಕೆ ನುಗ್ಗಿ ಬರಲಿ. ಸ್ಟಾರ್ ಚಿತ್ರಗಳ ಬಿಡುಗಡೆಗೆ ಮಾಸ್ಟರ್ ಮುನ್ನುಡಿ ಬರೆಯಲಿ.

  • ರಾಬರ್ಟ್‍ಗೆ ಮಾಸ್ಟರ್ ಚಾಲೆಂಜ್

    vijays master and roberrt to clash at box office on april 9th

    ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿನಯದ ರಾಬರ್ಟ್ ಇದೇ ಏಪ್ರಿಲ್ 9ಕ್ಕೆ ರಿಲೀಸ್ ಎನ್ನುವುದು ಹೆಚ್ಚೂ ಕಡಿಮೆ ಪಕ್ಕಾ ಆಗಿದೆ. ಏಪ್ರಿಲ್‍ನಲ್ಲಿ ಕನ್ನಡದಲ್ಲೇ ಸ್ಟಾರ್ ಚಿತ್ರಗಳ ಮೆರವಣಿಗೆ ಫಿಕ್ಸ್ ಆಗಿದೆ. ಹೀಗಿರುವಾಗ ರಾಬರ್ಟ್‍ಗೆ ತಮಿಳು ಸ್ಟಾರ್ ವಿಜಯ್ ಚಿತ್ರವೂ ಪೈಪೋಟಿ ಒಡ್ಡೋಕೆ ಬರ್ತಿದೆ.

    ಏಪ್ರಿಲ್ 9ಕ್ಕೆ ವಿಜಯ್ ಅಭಿನಯದ ಮಾಸ್ಟರ್ ರಿಲೀಸ್ ಆಗುತ್ತಿದೆ. ತಮಿಳಿನ ಮಾಸ್ಟರ್, ಕರ್ನಾಟಕದಲ್ಲೂ ಏಕಕಾಲಕ್ಕೆ ರಿಲೀಸ್ ಆಗುತ್ತಿದೆ. ತಮಿಳು, ತೆಲುಗು ಸ್ಟಾರ್ ಚಿತ್ರಗಳು ಇತ್ತೀಚೆಗೆ ಭರ್ಜರಿ ಓಪನಿಂಗ್ ಪಡೆಯುತ್ತಿರುವುದು ರಹಸ್ಯವೇನೂ ಅಲ್ಲ. ಹೀಗಾಗಿ ರಾಬರ್ಟ್ ಚಿತ್ರಕ್ಕೆ ವಿಜಯ್ ಚಿತ್ರ ಎಷ್ಟರಮಟ್ಟಿಗೆ ಫೈಟ್ ಕೊಡಲಿದೆ.. ಕಾದು ನೋಡಬೇಕು.

    ರಾಬರ್ಟ್ 2020ರಲ್ಲಿ ರಿಲೀಸ್ ಆಗುತ್ತಿರುವ ಮೊದಲ ದರ್ಶನ್ ಸಿನಿಮಾ. ತರುಣ್ ಸುಧೀರ್ ದೊಡ್ಡ ಗ್ಯಾಪ್ ನಂತರ ಸ್ವತಃ ನಿರ್ದೇಶನ ಮಾಡಿರುವ ಸಿನಿಮಾ. ಸ್ಟಾರ್ ನಿರ್ಮಾಪಕ ಉಮಾಪತಿ ಬ್ಯಾನರಿನಲ್ಲಿ ದರ್ಶನ್ ನಟಿಸಿರುವ ಮೊದಲ ಸಿನಿಮಾ. ಜೊತೆಗೆ ರಾಬರ್ಟ್ ಚಿತ್ರದಲ್ಲಿ ಭರ್ಜರಿ ಸ್ಟಾರ್ ಕಾಂಬಿನೇಷನ್ ಇದೆ. ಈ ಚಿತ್ರಕ್ಕೆ ತಮಿಳಿನ ಮಾಸ್ಟರ್ ಸರಿಸಾಟಿಯಾಗುತ್ತಾ..? ನೋ ಚಾನ್ಸ್.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery