ಜೋಗಿ ಪ್ರೇಮ್ ಮದ್ಯಪಾನ ಮಾಡಲ್ಲ. ಅದು ಇಂಡಸ್ಟಿçಯಲ್ಲಿರೋವ್ರಿಗೆ ಗೊತ್ತಿರೋ ವಿಷಯ. ಆದರೆ ಈ ಫೋಟೋ ನೋಡಿದೋವ್ರು ಕನ್‌ಫ್ಯೂಸ್ ಆಗೋದು ಸಹಜ. ಇಷ್ಟುದ್ದದ ಬಾಟಲ್ಲು. ಹಾಗಂತ ರಕ್ಷಿತಾ ಪ್ರೇಮ್ ಆಗಲೀ, ಜೋಗಿ ಪ್ರೇಮ್ ಅಭಿಮಾನಿಗಳಾಗಲೀ ಶಾಕ್ ಆಗಬೇಕಿಲ್ಲ. ಪ್ರೇಮ್ ಇದನ್ನು ಹಿಡ್ಕೊಂಡಿರೋದೇ ಹಾಡಿಗಾಗಿ.

ರಕ್ಷಿತಾ ಅವರ ಸೋದರ ರಾಣಾ ಹೀರೋ ಆಗಿರುವ ಚಿತ್ರಕ್ಕೆ ಪ್ರೇಮ್ ಡೈರೆಕ್ಟರ್. ರೀಷ್ಮಾ ಅನ್ನೋ ಹೀರೋಯಿನ್ ಪರಿಚಯವಾಗುತ್ತಿದ್ದರೆ, ರಚಿತಾ ರಾಮ್ ಒಂದು ಇಂಪಾರ್ಟೆAಟ್ ರೋಲ್ ಮಾಡುತ್ತಿದ್ದಾರೆ. ಅದೇನು ಎನ್ನುವುದು ಸಸ್ಪೆನ್ಸ್.

ಈ ಚಿತ್ರದಲ್ಲಿ ಒಂದು ಎಣ್ಣೆ ಹಾಡಿನ ಶೂಟಿಂಗ್ ನಡೆಯುತ್ತಿದೆ. ಮ್ಯೂಸಿಕ್ ಕೊಟ್ಟಿರೋದು ಎಣ್ಣೆ ಹಾಡುಗಳ ಸರದಾರ ಅರ್ಜುನ್ ಜನ್ಯಾ. ಖಾಲಿ ಕ್ವಾಟ್ರು, ಫೋನೂ ಇಲ್ಲ ಮೆಸೇಜಿಲ್ಲ ನಿಂದು.. , ನಾನ್ ಮನೆಗ್ ಹೋಗೋದಿಲ್ಲ.. ಹೀಗೆ ಸೂಪರ್ ಹಿಟ್ ಎಣ್ಣೆ ಹಾಡು ಕೊಟ್ಟಿರೋ ಅರ್ಜುನ್ ಜನ್ಯಾ, ಹೊಸ ಹುಡುಗನ ಚಿತ್ರಕ್ಕೂ ಒಂದು ಕಿಕ್ಕು ಕೊಟ್ಟಿದ್ದಾರೆ. ಆ ಹಾಡಿನ ಶೂಟಿಂಗ್ ವೇಳೆಯಲ್ಲೇ ಪ್ರೇಮ್ ಈ ಬಾಟಲ್ ಹಿಡಿದಿರೋದು.

ಎಣ್ಣೆಗೂ ಹೆಣ್ಣಿಗೂ ಎಲ್ಲಿಂದ ಲಿಂಕಿಟ್ಟೆ ಹೇಳೋ ಭಗವಂತ.. ಏಕ್ ಲವ್ ಯಾ ಚಿತ್ರದ ಈ ಹಾಡು ಈಗ ಎಲ್ಲರ ಹಾಟ್ & ಹಾರ್ಟ್ ಫೇವರಿಟ್. ಗಂಡು ಮಕ್ಕಳಿಗೆ ಬ್ರೇಕಪ್ ಆದಾಗ ಹಾಡೋಕೆ.. ಕುಣಿಯೋಕೆ ಬೇಜಾನ್ ಹಾಡುಗಳಿದ್ದರೂ, ಹೆಣ್ಣು ಮಕ್ಕಳಿಗೆಂದೇ ಒಂದು ಬ್ರೇಕಪ್ ಸಾಂಗ್ ಇರಲಿಲ್ಲ. ಆ ಕೊರತೆಗೆ ಫುಲ್ ಸ್ಟಾಪ್ ಇಟ್ಟಿದೆ ಏಕ್ ಲವ್ ಯಾ ಸಾಂಗ್.

ಈ ಹಾಡು ಹಿಟ್ ಆಗುತ್ತೆ ಅನ್ನೋ ಕಲ್ಪನೆ ಮತ್ತು ನಿರೀಕ್ಷೆ ಎರಡೂ ಇತ್ತು ಅಂತಾರೆ ಹಾಡಿಗೆ ಸಾಹಿತ್ಯ ಬರೆದಿರೋ ಜೋಗಿ ಪ್ರೇಮ್. ಹಾಡಿನ ಸಾಹಿತ್ಯ ಹುಟ್ಟಿದ್ದು ಪಬ್‍ಗಳಲ್ಲಂತೆ. ಪಬ್‍ಗಳಲ್ಲಿ ಬ್ರೇಕಪ್ ಮಾಡಿಕೊಂಡ ಹೆಣ್ಣು ಮಕ್ಕಳು ದಿಸ್ ಗಯ್ ಈಸ್ ಬುಲ್‍ಶಿಟ್ ಯಾ.. ಎಂದು ತಮ್ಮ ತಮ್ಮ ಬಾಯ್‍ಫ್ರೆಂಡ್‍ಗಳ ಬಗ್ಗೆ ಮಾತನಾಡಿಕೊಂಡಿದ್ದು ಕೇಳಿ ಹುಟ್ಟಿದ ಸಾಲುಗಳೇ ಎಣ್ಣೆಗೂ ಹೆಣ್ಣಿಗೂ ಹಾಡಿನ ಸಾಹಿತ್ಯ. ಎಣ್ಣೆಗೂ ಹೆಣ್ಣಿಗೂ.. ಅನ್ನೋ ಪದ ಬಂದೊಡನೆ ಹಾಡು ಹಿಟ್ ಆಗುತ್ತೆ ಎನಿಸಿಬಿಟ್ಟಿತು ಎನ್ನುತ್ತಾರೆ ಪ್ರೇಮ್.

ನಂತರ ಆ ಹಾಡಿಗೆ ಶಕ್ತಿ ತುಂಬಿದ್ದು ಅರ್ಜುನ್ ಜನ್ಯಾ ಮತ್ತು ಮಂಗ್ಲಿ. ಹಾಡಿನಲ್ಲಿ ಹೆಜ್ಜೆ ಹಾಕಿರೋದು ರಾಣಾ ಮತ್ತು ರಚಿತಾ ರಾಮ್. ಹಾಡು ಈಗಾಗಲೇ ಮಿಲಿಯನ್‍ಗಟ್ಟಲೆ ವೀಕ್ಷಣೆ ಕಂಡಿದೆ. ಹೀಗಾಗಿ ಈಗ ಪ್ರೇಮ್ ಎಣ್ಣೆ ಸಾಂಗಿಗೂ ಸಕ್ಸಸ್ಸಿಗೂ ಎಲ್ಲಿಂದ ಲಿಂಕಿಟ್ಟೆ ಹೇಳೋ ಭಗವಂತ ಎಂದು ಇನ್ನೊಂದು ಹಾಡು ಬರೆಯಬಹುದು.

ಜೋಗಿ ಪ್ರೇಮ್ ಡೈರೆಕ್ಷನ್‍ನಲ್ಲಿ ಶುರುವಾದ ಏಕ್ ಲವ್ ಯಾ ಸೆಟ್ಟೇರಿದ ದಿನದಿಂದಲೂ ಸುದ್ದಿ ಮಾಡುತ್ತಿದೆ. ರಕ್ಷಿತಾ ಪ್ರೇಮ್ ತಮ್ಮ ರಾಣಾ ಹೀರೋ ಆಗಿ ಬರುತ್ತಿರೋ ಮೊದಲ ಚಿತ್ರವಿದು. ಚಿತ್ರದ ಒಂದೊಂದು ಹಾಡುಗಳೂ ಸೂಪರ್ ಹಿಟ್ ಆಗಿವೆ. ಹಾಡುಗಳು ಅದ್ಭುತ ಎನ್ನುತ್ತಿದ್ದಾರೆ ಕೇಳಿದವರು. ಅದು ಪ್ರೇಮ್ ಸ್ಪೆಷಾಲಿಟಿ. ಈಗ ಚಿತ್ರದ ಟ್ರೇಲರ್ ರಿಲೀಸ್ ಮಾಡೋಕೆ ಡೇಟ್ ಫಿಕ್ಸ್ ಮಾಡಿದ್ದಾರೆ ಪ್ರೇಮ್.

ಒಂದೊಂದು ಹಾಡುಗಳ ಬಿಡುಗಡೆಯನ್ನು ಒಂದೊಂದು ರೀತಿ ಮಾಡಿದ್ದ ಪ್ರೇಮ್ ಈಗಾಗಲೇ ಗದಗ, ಧಾರವಾಡ, ಶಿವಮೊಗ್ಗ ರೌಂಡ್ಸ್ ಹಾಕಿದ್ದಾರೆ. ಟ್ರೇಲರ್ ರಿಲೀಸ್ ಮಾಡೋಕೆ ಹೋಗುತ್ತಿರುವುದು ಮೈಸೂರಿಗೆ. ಮೈಸೂರಿನ ಡಿಆರ್‍ಸಿ ಪರದೆಯಲ್ಲಿಟ್ರೇಲರ್ ರಿಲೀಸ್ ಆಗಲಿದೆ. ಅದೇ ವೇಳೆ ಅವರ ಯೂಟ್ಯೂಬ್ ಚಾನೆಲ್‍ನಲ್ಲೂ ಟ್ರೇಲರ್ ಬರಲಿದೆ.

ರಾಣಾ ಎದುರು ರಚಿತಾ ರಾಮ್ ಮತ್ತು ರೀಷ್ಮಾ ನಾಣಯ್ಯ ನಟಿಸಿರೋ ಚಿತ್ರದಲ್ಲಿ ಯೂತ್‍ಫುಲ್ ಲವ್ ಸ್ಟೋರಿ ಇದೆ. ಈಗಿನ ಜನರೇಷನ್‍ನ ಲವ್ ಸ್ಟೋರಿಯನ್ನು ಪ್ರೇಮ್ ಹೇಗೆ ತೆರೆ ಮೇಲೆ ತರಲಿದ್ದಾರೆ ಅನ್ನೋ ಕುತೂಹಲಕ್ಕೆ ಉತ್ತರ ಜನವರಿ 21ರಂದು ಸಿಗಲಿದೆ.

ಯಾರೆ ಯಾರೇ.. ನೀನು ನಂಗೆ..

ಹೊತ್ತಿಲ್ಲದ ಹೊತ್ತು.. ತುತ್ತಿಲ್ಲದೆ ನಿಂತು. ಕಾದಿದ್ದೆ ನಿನಗಾಗಿ ಯಾಕೆ.. ಹೇಳು ಯಾಕೆ..

ಎಣ್ಣೆಗೂ ಹೆಣ್ಣಿಗೂ ಎಲ್ಲಿಂದ ಲಿಂಕಿಟ್ಟೆ ಹೇಳು ಭಗವಂತ..

ಒಂದರ ಹಿಂದೊಂದು ಬಂದ ಮೂರು ಹಾಡುಗಳೂ ಹಿಟ್ ಆಗಿವೆ. ಎಲ್ಲವೂ ಜೋಗಿ ಪ್ರೇಮ್ ಮತ್ತು ಅರ್ಜುನ್ ಜನ್ಯಾ ಮ್ಯಾಜಿಕ್. ಪ್ರತಿ ಹಾಡೂ ಮಿಲಿಯನ್ ಗಟ್ಟಲೆ ವೀಕ್ಷಣೆ ಪಡೆದಿದೆ. ಹಾಡುಗಳ ಹ್ಯಾಟ್ರಿಕ್ ನಂತರ 4ನೇ ಹಾಡಿಗೂ ರೆಡಿಯಾಗಿದ್ದಾರೆ ಪ್ರೇಮ್. 4ನೇ ಹಾಡು ಪ್ರೀತಿನೇ ದೇವ್ರು.. ಅಂತಾ ಅಂದೋರ್ ಯಾರು..? ದೇವರೊಬ್ಬ ಬಿಸಿನೆಸ್ ಮ್ಯಾನ್ ಕಣೋ…

ಇದು ಪ್ರೀತಿಯ ಹಾಡಂತೆ. ಗವಾಯಿಗಳ ಶಿಷ್ಯ ಬರೆದಿರೋ ಪ್ರೀತಿಯ ಹಾಡಿನ ಬಗ್ಗೆ ಸಹಜವಾಗಿಯೇ ಕುತೂಹಲವಿದೆ. ಆ ಹಾಡನ್ನು ಹುಬ್ಬಳ್ಳಿಯಲ್ಲಿ ರಿಲೀಸ್ ಮಾಡೋ ಪ್ಲಾನ್ ಹಾಕಿದ್ದಾರೆ ಪ್ರೇಮ್.

ಏಕ್ ಲವ್ ಯಾದಲ್ಲಿ ಇದೇ ಮೊದಲ ಬಾರಿಗೆ ನಟಿ ರಕ್ಷಿತಾ ಸಹೋದರ ರಾಣಾ ಹೀರೋ ಆಗಿದ್ದಾರೆ. ರಚಿತಾ ರಾಮ್ ಮತ್ತು ರೀಷ್ಮಾ ನಾಣಯ್ಯ ಇಬ್ಬರೂ ಹೀರೋಯಿನ್ಸ್. ಕನ್ನಡದಲ್ಲಷ್ಟೇ ಅಲ್ಲ, ತೆಲುಗು, ತಮಿಳು, ಮಲಯಾಳಂನಲ್ಲೂ ಏಕಕಾಲಕ್ಕೆ ಜನವರಿಯಲ್ಲೇ ರಿಲೀಸ್ ಆಗುತ್ತಿದೆ. ಸಂಕ್ರಾಂತಿ ಸಂಭ್ರಮ ಹೆಚ್ಚಿಸಲಿದೆ. ಕನ್ನಡದಲ್ಲಿ ಮಾತ್ರ ಪ್ರೇಮ್ ಅವರೇ ವಿತರಣೆ ಮಾಡಲಿದ್ದು, ಬೇರೆ ಭಾಷೆಗಳಿಗೆ ಈಗಾಗಲೇ ಮಾರಾಟ ಮಾಡಿದ್ದಾರಂತೆ.