` nenapirali prem, - chitraloka.com | Kannada Movie News, Reviews | Image

nenapirali prem,

  • ಪ್ರೇಮಂ ಪೂಜ್ಯಂ ಅಪ್ಪುಗೆ ಸಮರ್ಪಣೆ : ಪ್ರೇಮ್

    ಪ್ರೇಮಂ ಪೂಜ್ಯಂ ಅಪ್ಪುಗೆ ಸಮರ್ಪಣೆ : ಪ್ರೇಮ್

    ನೆನಪಿರಲಿ ಪ್ರೇಮ್ ಮತ್ತು ಪುನೀತ್ ಅವರ ಬಾಂಧವ್ಯ ಹೊಸದೇನಲ್ಲ. ಶಿವಣ್ಣ ನೇತೃತ್ವದಲ್ಲಿ ಪ್ರತಿ ವರ್ಷ ಹೋಗುತ್ತಿದ್ದ ಶಬರಿಮಲೆ ಯಾತ್ರೆಯಲ್ಲಿ ಪುನೀತ್ ಜೊತೆ ಪ್ರೇಮ್ ಕೂಡಾ ಇರುತ್ತಿದ್ದರು. ಅವರು ನನಗೆ ಫ್ಯಾಮಿಲಿ ಫ್ರೆಂಡ್ ರೀತಿಯಲ್ಲೇ ಇದ್ದರು ಎಂದು ನೆನಪಿಸಿಕೊಳ್ಳುವ ಪ್ರೇಮ್ ತಮ್ಮ 25ನೇ ಸಿನಿಮಾ ಪ್ರೇಮಂ ಪೂಜ್ಯಂ ಚಿತ್ರವನ್ನು ಪುನೀತ್ ಅವರಿಗೇ ಸಮರ್ಪಿಸಿದ್ದಾರೆ.

    ಚಿತ್ರದ ನಿರ್ದೇಶಕ ಡಾ.ರಾಘವೇಂದ್ರ ಚಿತ್ರದ ಕಥೆಯನ್ನು ಅಂಬರೀಷ್ ಅವರಿಗೂ ರೀಡಿಂಗ್ ಕೊಟ್ಟಿದ್ದರಂತೆ. ಕಥೆಯನ್ನು ಇಷ್ಟಪಟ್ಟಿದ್ದ ಅಂಬಿ, ಏನೂ ಚೇಂಜ್ ಮಾಡಬೇಡ. ಇದೇ ರೀತಿ ಸಿನಿಮಾ ಮಾಡು ಎಂದಿದ್ದರಂತೆ. ನನ್ನ ಸ್ಕ್ರಿಪ್ಟ್ ನಂಬಿ ಒಟ್ಟು 28 ಜನ ವೈದ್ಯರು ನಿರ್ಮಾಣಕ್ಕೆ ಮುಂದೆ ಬಂದರು. ಅದು ನನ್ನ ಧೈರ್ಯವನ್ನು ಹೆಚ್ಚಿಸಿತು ಎನ್ನುವ ರಾಘವೇಂದ್ರ, ಪ್ರೀತಿಯನ್ನು ಪೂಜ್ಯ ಭಾವದಿಂದಲೇ ನೋಡಬೇಕು ಅನ್ನೋದನ್ನು ಕಥೆಯಲ್ಲಿ ಹೇಳಿದ್ದೇವೆ. ಅದಕ್ಕೆ ಪೂರಕವಾಗಿರೋದು ಸಂಗೀತ. ಒಬ್ಬ ಡಾಕ್ಟರ್ ರೂಪಿಸಿದ ಕಥೆಗೆ ಶಕ್ತಿ ತುಂಬಿರೋದು 28 ವೈದ್ಯರು. ಡಾಕ್ಟರ್‍ಗಳೇ ಹೇಳ್ತಿರೋ ಡಾಕ್ಟರ್ ಲವ್ ಸ್ಟೋರಿ ಪ್ರೇಮಂ ಪೂಜ್ಯಂ ಇದೇ ನವೆಂಬರ್ 12ರಂದು ರಿಲೀಸ್ ಆಗುತ್ತಿದೆ.

  • ಪ್ರೇಮಂ ಪೂಜ್ಯಂ ಪ್ರಚಾರದ ಹಬ್ಬ

    ಪ್ರೇಮಂ ಪೂಜ್ಯಂ ಪ್ರಚಾರದ ಹಬ್ಬ

    ನೆನಪಿರಲಿ ಪ್ರೇಮ್ ಅವರ ಮೈಲಿಗಲ್ಲು ಸಿನಿಮಾ ಪ್ರೇಮಂ ಪೂಜ್ಯಂ. ಇದು ಅವರ 25ನೇ ಸಿನಿಮಾ. ಪ್ರೇಮ್ ಲವ್ ಸ್ಟೋರಿ ಮೂಲಕವೇ ಪ್ರೇಮಂ ಪೂಜ್ಯಂ ಮ್ಯಾಜಿಕ್ ಮಾಡಲು ರೆಡಿಯಾಗಿದ್ದಾರೆ. ವೈದ್ಯರೇ ಸೇರಿ ನಿರ್ಮಿಸಿ, ನಿರ್ದೇಶಿಸಿರುವ ಚಿತ್ರದಲ್ಲಿರೋದು ಡಾಕ್ಟರ್‍ಗಳ ಲವ್ ಸ್ಟೋರಿಯಂತೆ. ಚಿತ್ರ ಅಕ್ಟೋಬರ್ ಕೊನೆಯ ವಾರ ರಿಲೀಸ್ ಆಗುತ್ತಿದೆ. ಅದೂ ಭಜರಂಗಿ 2 ಚಿತ್ರದ ಎದುರು. ಚಿತ್ರದ ಪ್ರಚಾರವೂ ಜೋರಾಗಿದೆ.

    ರಾಜ್ಯದ ಎಲ್ಲ ಜಿಲ್ಲೆಗಳಲ್ಲೂ ಪ್ರೇಮಂ ಪೂಜ್ಯಂ ಪೋಸ್ಟರ್‍ಗಳು ರಾರಾಜಿಸುತ್ತಿವೆ. ಕೆಡಂಬಾದಿ ಕ್ರಿಯೇಷನ್ಸ್‍ನವರು ಬಸ್ಸು, ಆಟೋ, ಕ್ಯಾಬ್ಸ್.. ಎಲ್ಲವುಗಳ ಮೇಲೂ ಪ್ರೇಮಂ ಪೂಜ್ಯಂ ಪೋಸ್ಟರ್ ರಾರಾಜಿಸುವಂತೆ ಮಾಡಿದ್ದಾರೆ.

    ಪ್ರೇಮ್ ಹೀರೋ ಆಗಿರೋ ಚಿತ್ರದಲ್ಲಿ ಬೃಂದಾ ಆಚಾರ್ಯ ನಾಯಕಿ.  ಡಾ. ಬಿ.ಎಸ್.ರಾಘವೇಂದ್ರ ಅವರ ನಿರ್ದೇಶನದ ಪ್ರೇಮಂ ಪೂಜ್ಯಂ, ಹಬ್ಬವನ್ನೇ ಶುರು ಮಾಡಿದೆ.

  • ಪ್ರೇಮಂ ಪೂಜ್ಯಂ ಸಖತ್ ಲವ್ಲಿ

    ಪ್ರೇಮಂ ಪೂಜ್ಯಂ ಸಖತ್ ಲವ್ಲಿ

    ಲವ್ಲಿ ಸ್ಟಾರ್ ಪ್ರೇಮ್ ಅಭಿನಯದ 25ನೇ ಸಿನಿಮಾ ಪ್ರೇಮಂ ಪೂಜ್ಯಂ. ಚಿತ್ರದ ಟ್ರೇಲರ್ ರಿಲೀಸ್ ಆಗಿದೆ. ನೋಡಿದವರು ಹೇಳ್ತಿರೋದು ಒಂದೇ ಮಾತು.. ಇದು ಸಖತ್ ಲವ್ಲಿಯಾಗಿದೆ.

    ಪವಿತ್ರವಾದ ಪ್ರೀತಿಯ ಅನುಭವ ಪಡೆದಿರುವ ಪ್ರತಿಯೊಬ್ಬರಿಗೂ ಇದು ಇಷ್ಟವಾಗುತ್ತೆ ಅನ್ನೋದು ಪ್ರೇಮ್ ಮಾತು. ಈ ಚಿತ್ರದಲ್ಲಿ ಒಟ್ಟು 12 ಹಾಡುಗಳಿವೆಯಂತೆ. ಹರಿಹರನ್, ಸೋನು ನಿಗಮ್, ವಿಜಯ ಪ್ರಕಾಶ್, ಅರ್ಮಾನ್ ಮಲಿಕ್, ಮೋಹಿತ್ ಚೌಹಾಣ್ ಹಾಡಿರುವ ಹಾಡುಗಳು. ರಾಘವೇಂದ್ರ ಅವರ ಮ್ಯೂಸಿಕ್ ಹೊಸತನದ ಅನುಭವ ನೀಡುತ್ತಿದೆ.

    ಅಂದಹಾಗೆ ಚಿತ್ರದ ನಿರ್ದೇಶಕ ಡಾ.ಬಿ.ಎಸ್.ರಾಘವೇಂದ್ರ ಅವರೇ ಚಿತ್ರದ ಮ್ಯೂಸಿಕ್ ಡೈರೆಕ್ಟರ್ ಕೂಡಾ. ಡಾ.ರಕ್ಷಿತ್ ಕೆಡಂಬಾಡಿ, ಡಾ.ರಾಜ್ಕುಮಾರ್ ಜಾನಕಿರಾಮನ್, ಡಾ.ಮನೋಜ್ ಕೃಷ್ಣನ್ ಅವರ ಜೊತೆ ಡಾ.ರಾಘವೇಂದ್ರ  ಕೂಡಾ ನಿರ್ಮಾಪಕರು. ವೃಂದಾ ಆಚಾರ್ಯ ಚಿತ್ರಕ್ಕೆ ಹೀರೋಯಿನ್. ಒಂದು ಚೆಂದದ ಪೇಂಯ್ಟಿಂಗ್ನಂತಿರೋ ಪ್ರೇಮಂ ಪೂಜ್ಯಂ ಚಿತ್ರದ ಟ್ರೇಲರ್, ಮನಸ್ಸಿಗೆ ಮುದ ನೀಡುತ್ತಿರುವುದಂತೂ ಸುಳ್ಳಲ್ಲ.

  • ಪ್ರೇಮಂ ಪೂಜ್ಯಂ ಸೆನ್ಸಾರ್ ಸಂಪನ್ನಂ

    ಪ್ರೇಮಂ ಪೂಜ್ಯಂ ಸೆನ್ಸಾರ್ ಸಂಪನ್ನಂ

    ಲವ್ಲಿ ಸ್ಟಾರ್ ವೃತ್ತಿಜೀವನದ ಮೈಲಿಗಲ್ಲು ಸಿನಿಮಾ ಪ್ರೇಮಂ ಪೂಜ್ಯಂ. ಇದು ಅವರ 25ನೇ ಸಿನಿಮಾ. ಅಕ್ಟೋಬರ್ 29ಕ್ಕೆ ರಾಜ್ಯಾದ್ಯಂತ ರಿಲೀಸ್ ಆಗುತ್ತಿರೋ ಪ್ರೇಮಂ ಪೂಜ್ಯಂ ಚಿತ್ರ ಸೆನ್ಸಾರ್ ಮುಗಿಸಿದೆ. ಚಿತ್ರಕ್ಕೆ ಯು/ಎ ಸರ್ಟಿಫಿಕೇಟ್ ಸಿಕ್ಕಿದೆ.

    ಕೆದಂಬಾಡಿ ಕ್ರಿಯೇಷನ್ಸ್ ನಿರ್ಮಾಣದ ಚಿತ್ರಕ್ಕೆ ಡಾಕ್ಟರುಗಳೇ ಪ್ರೊಡ್ಯೂಸರ್ಸ್. ಡೈರೆಕ್ಟರ್ ರಾಘವೇಂದ್ರ ಕೂಡಾ ವೈದ್ಯರೇ. ಸಂಗೀತವೂ ಅವರದ್ದೇ. ಮಧುರವಾದ ಹಾಡು, ಸುಂದರವಾದ ದೃಶ್ಯಗಳು ಚಿತ್ರದ ಪ್ಲಸ್ ಪಾಯಿಂಟ್ಸ್. ಪ್ರೇಮ್ ಎದುರು ನಾಯಕಿಯಾಗಿರುವುದು ಶೃಂಗೇರಿ ಸುಂದರಿ ಬೃಂದಾ ಆಚಾರ್ಯ.

    ಒಂದು ಮಧುರ ಅನುಭವ ಕೊಡುವ ಲವ್ ಸ್ಟೋರಿಗೆ ಯು/ಎ ಸರ್ಟಿಫಿಕೇಟ್ ಸಿಕ್ಕಿದ್ದು ಹೇಗೆ? ಚಿತ್ರದ ಟ್ರೇಲರ್ ನೋಡಿದವರಿಗೆ ಅಶ್ಲೀಲತೆಯಾಗಲೀ, ಕ್ರೌರ್ಯವಾಗಲೀ ಇರುವ ಸುಳಿವು ಕೂಡಾ ಇಲ್ಲ. ಹಾಗಿದ್ದರೂ ಚಿತ್ರಕ್ಕೆ ಯು ಸರ್ಟಿಫಿಕೇಟ್ ಬದಲು ಯು/ಎ ಸಿಕ್ಕಿದ್ದು ಏಕೆ ಅನ್ನೋ ಪ್ರಶ್ನೆಗೆ ಸಿನಿಮಾ ರಿಲೀಸ್ ಆಗುವವರೆಗೂ ಕಾಯಬೇಕು

  • ಪ್ರೇಮಂ ಪೂಜ್ಯಂನಲ್ಲಿ 12 ಮಧುರ ಪ್ರೇಮಗೀತೆ. ಆದರೆ.....

    ಪ್ರೇಮಂ ಪೂಜ್ಯಂನಲ್ಲಿ 12 ಮಧುರ ಪ್ರೇಮಗೀತೆ. ಆದರೆ.....

    ಒಂದಲ್ಲ.. ಎರಡಲ್ಲ.. 12 ಹಾಡುಗಳು. 12ಕ್ಕೆ ಹನ್ನೆರಡೂ ಪ್ರೇಮಗೀತೆಗಳೇ.. ಒಂದೊಂದು ಹಾಡೂ ಪೇಂಯ್ಟಿಂಗ್‍ನಂತೆ ಸೊಗಸಾಗಿವೆ. ಪ್ರೇಮ್, ಬೃಂದಾ ಆಚಾರ್ಯ, ಐಂದ್ರಿತಾ ರೇ.. ಎಲ್ಲರೂ ಚೆಂದ ಚೆಂದ ಕಾಣಿಸುತ್ತಾರೆ. ಅಷ್ಟೂ ಹಾಡುಗಳಿಗೆ ಸಂಗೀತ ನೀಡಿರುವುದು ಸ್ವತಃ ನಿರ್ದೇಶಕ ರಾಘವೇಂದ್ರ.

    ನಾನು ಸಂಗೀತ ನಿರ್ದೇಶಕನಾಗಬೇಕು ಎಂದುಕೊಂಡವನು. ಹಳೆಯ ಹಾಡುಗಳೆಂದರೆ ತುಂಬಾ ಇಷ್ಟ. ಪ್ರೀತಿಯನ್ನು ಅಭಿವ್ಯಕ್ತಿಸಲು ಹಾಡುಗಳೇ ಅತ್ಯುತ್ತಮ ಎಂದು ನಂಬಿದವನು ನಾನು. ಆದರೆ, ಚಿತ್ರದ ಕಥೆ, ಚಿತ್ರಕಥೆ ಬರೆದ ನಂತರ ಜೊತೆಗಿದ್ದವರೆಲ್ಲ ನಾನೇ ನಿರ್ದೇಶನವನ್ನೂ ಮಾಡಬೇಕು ಎಂದರು. ಹೀಗಾಗಿ ಡೈರೆಕ್ಟರ್ ಆದೆ ಎನ್ನುತ್ತಾರೆ ರಾಘವೇಂದ್ರ.

    12 ಪ್ರೇಮಗೀತೆಗಳಿದ್ದರೂ ಒಂದೇ ಒಂದು ಹಾಡಿನಲ್ಲಿ ಹೀರೋ ಹೀರೋಯಿನ್ ಪರಸ್ಪರ ಟಚ್ ಕೂಡಾ ಮಾಡಲ್ಲ. ಇದು ಚಿತ್ರದ ಇನ್ನೊಂದು ಹೈಲೈಟ್. ಪ್ರೀತಿಯನ್ನು ದೇವರ ಸ್ಥಾನದಲ್ಲಿಟ್ಟು ರೂಪಿಸಿರೋ ಕಥೆಯಲ್ಲಿ ಒಂದೊಂದು ಹಾಡು ಕೂಡಾ ಹೈಲೈಟ್. ಹಾಡುಗಳ ಮೂಲಕವೇ ಚಿತ್ರದ ಕಥೆ ಸಾಗುತ್ತಾ ಹೋಗುತ್ತೆ ಎನ್ನುತ್ತಾರೆ ರಾಘವೇಂದ್ರ.

    12 ಹಾಡುಗಳನ್ನು ಹರಿಹರನ್, ಸೋನು ನಿಗಮ್, ಸಾಧು ಕೋಕಿಲ, ವಿಜಯ್ ಪ್ರಕಾಶ್, ಅರ್ಮಾನ್ ಮಲಿಕ್, ಮೃದುಲಾ ವಾರಿಯರ್, ಶಹಬಾಜ್ ಅಮಾನ್, ಮೋಹಿತ್ ಚೌಹಾನ್.. ಮೊದಲಾದ ಖ್ಯಾತ ವಿಖ್ಯಾತರಿಂದಲೇ ಹಾಡಿಸಿದ್ದಾರೆ.

  • ಪ್ರೇಮಿಗಳಿಗೊಂದು ದಿವ್ಯಮಂತ್ರ ಕೊಟ್ಟ ಪ್ರೇಮ್

    ಪ್ರೇಮಿಗಳಿಗೊಂದು ದಿವ್ಯಮಂತ್ರ ಕೊಟ್ಟ ಪ್ರೇಮ್

    ಲವ್ ಲಿ ಸ್ಟಾರ್ ಪ್ರೇಮ್ ನಟಿಸುತ್ತಿರೋ 25ನೇ ಸಿನಿಮಾ ಪ್ರೇಮಂ ಪೂಜ್ಯಂ. ಪ್ರೇಮ ಕಥೆಯ ಸಿನಿಮಾಗಳ ಮೂಲಕವೇ ಸ್ಟಾರ್ ಆಗಿ ಲವ್ಲಿ ಸ್ಟಾರ್ ಪಟ್ಟಕ್ಕೇರಿದ ಪ್ರೇಮ್, ಪ್ರೇಮಂ ಪೂಜ್ಯಂ ಚಿತ್ರದಲ್ಲಿ ಪ್ರೇಮಿಗಳಿಗಾಗಿ ಪ್ರೇಮ ಮಂತ್ರವನ್ನೇ ಕೊಟ್ಟಿದ್ದಾರೆ. ಚಿತ್ರದ ಟೈಟಲ್ ಸಾಂಗ್ ನೋಡಿದವರಿಗೆ ಹಾಗೆ ಅನಿಸದೇ ಇರದು.

    ಪ್ರೇಮಂ ಪೂಜ್ಯಂ ಚಿತ್ರದ ಟೈಟಲ್ ಟ್ರ್ಯಾಕ್ ಕೇಳಿದರೆ, ಪ್ರೇಮಿಗಳ ಹೃದಯ ಕದಿಯೋಕೆ ರೆಡಿಯಾಗಿದ್ದಾರೆ ಪ್ರೇಮ್ ಅನ್ನೋ ಸತ್ಯ ಅರಿವಾಗದೇ ಇರದು. ಡಾ. ರಾಘವೇಂದ್ರ ನಿರ್ದೇಶದನ ಚೊಚ್ಚಲ ಸಿನಿಮಾ ಪ್ರೇಮಂ ಪೂಜ್ಯಂ. ಅಂದಹಾಗೆ ಈ ಹಾಡಿಗೆ ಸಾಹಿತ್ಯ ಮತ್ತು ಸಂಗೀತ ಎರಡೂ ರಾಘವೇಂದ್ರ ಅವರದ್ದೇ.

    ಪ್ರೇಮ್ ಗೆ ಜೋಡಿಯಾಗಿ ಬೃಂದಾ ಆಚಾರ್ಯ ನಟಿಸುತ್ತಿದ್ದು, ಲವ್ ಫೀಲಿಂಗ್ ಕೊಡುತ್ತಿರುವುದಂತೂ ಪಕ್ಕಾ.

  • ಪ್ರೇಮಿಗಳೇ.. ಪ್ರೇಮಿಗಳೇ.. ದಳಪತಿಯಲ್ಲಿದೆ ಪಾಠ

    levely star is now lovely leader

    ದಳಪತಿ. ಇದೇ ವಾರ ಬಿಡುಗಡೆಯಾಗುತ್ತಿರುವ ಚಿತ್ರ. ಈ ಚಿತ್ರದಲ್ಲಿ ಪ್ರೇಮ್, ಲವ್ ಲೀಡರ್ ಆಗಿ ನಟಿಸಿದ್ದಾರಂತೆ. ಪ್ರೀತಿಸುವ ಪ್ರತಿಯೊಬ್ಬರೂ ಪ್ರೀತಿಯನ್ನು ಪಡೆಯೋಕೆ ಸಾಹಸ ಮಾಡಬೇಕು. ಅಂತಹವರಿಗೆ ಇಲ್ಲೊಂದು ಸಂದೇಶ ಇದೆ ಎಂದು ಹೇಳಿದ್ದಾರೆ ಪ್ರೇಮ್. ಚಿತ್ರದಲ್ಲಿ ಆ್ಯಕ್ಷನ್ ಇದೆಯಾದರೂ ಬಾಂಬ್ ಸಿಡಿಯಲ್ಲ. ಜೀಪು, ಕಾರು ಹಾರಾಡುವುದಿಲ್ಲ. ಚಿತ್ರದಲ್ಲಿ ಮಾಸ್ ಲವ್ ಸ್ಟೋರಿ ಇದೆ. ಅದೇ ಚಿತ್ರದ ಸ್ಪೆಷಲ್ ಅಂತಾರೆ ಪ್ರೇಮ್.

    ಪ್ರೀತಿಸುವವರಿಗೆ, ಪ್ರೀತಿಸಬೇಕು ಎಂದು ಕೊಂಡಿರುವವರಿಗೆ ದಳಪತಿಯಲ್ಲೊಂದು ಪಾಠವಿದೆಯಂತೆ. ಅದು ಎಂತಹ ಪಾಠ ಅನ್ನೋದು ಚಿತ್ರಮಂದಿರಕ್ಕೆ ಹೋಗಿ ನೋಡಿದರೆ ತಾನೆ ಗೊತ್ತಾಗೋದು. ಇದೇ ಶುಕ್ರವಾರ ದಳಪತಿ ರಿಲೀಸ್. ಪ್ರಶಾಂತ್ ರಾಜ್ ನಿರ್ದೇಶನದ ಚಿತ್ರದಲ್ಲಿ ಪ್ರೇಮ್‍ಗೆ ಜೊತೆಯಾಗಿರುವುದು ಕೃತಿ ಕರಬಂಧ.

  • ಪ್ರೇಮ್ 9 ಅವತಾರ

    prem's 9 avatara in premam poojyam

    ಪ್ರೇಮಂ ಪೂಜ್ಯಂ, ನೆನಪಿರಲಲಿ ಪ್ರೇಮ್ ಅವರ 25ನೇ ಸಿನಿಮಾ. ಪ್ರಾಣ ಚಿತ್ರದ ಮೂಲಕ ಬೆಳ್ಳಿತೆರೆಗೆ ಕಾಲಿಟ್ಟ ಪ್ರೇಮ್‍ಗೆ ಅತಿ ದೊಡ್ಡ ಬ್ರೇಕ್ ಕೊಟ್ಟಿದ್ದು ನೆನಪಿರಲಿ ಸಿನಿಮಾ. ಈಗ 25ನೇ ಚಿತ್ರಕ್ಕೆ ಸಿದ್ಧರಾಗುತ್ತಿರುವ ಪ್ರೇಮ್, ಪ್ರೇಮಂ ಪೂಜ್ಯಂನಲ್ಲಿ 9 ವಿವಿಧ ಅವತಾರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರಂತೆ.

    ಒಟ್ಟು 9 ಗೆಟಪ್ಪುಗಳಿವೆ. ಕ್ಲೀನ್ ಶೇವ್, ಗಡ್ಡಧಾರಿ, ಸ್ಟೈಲಿಷ್ ಲುಕ್ಕುಗಳು, ಟ್ರಿಮ್ಮಿಂಗ್ ಲುಕ್.. ಹೀಗೆ ಪಾತ್ರದ ಜರ್ನಿಗೆ ತಕ್ಕಂತೆ ವಿವಿಧ ಆಯಾಮಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದೇನೆ. ಡಿಫರೆಂಟ್ ಲುಕ್‍ಗೆ ಯತ್ನಿಸುತ್ತಿದ್ದೇನೆ ಎಂದಿದ್ದಾರೆ ಪ್ರೇಮ್.

    ಪ್ರೇಮಂ ಪೂಜ್ಯಂಗೆ ರಾಘವೇಂದ್ರ ನಿರ್ದೇಶಕರಾದರೆ, ಡಾ. ರಕ್ಷಿತ್ ಕೆದಂಬಾಡಿ ಮತ್ತು ಡಾ. ರಾಜ್‍ಕುಮಾರ್ ಜಾನಕಿರಾಮ್ ನಿರ್ಮಾಪಕರು.

     

  • ಪ್ರೇಮ್ ದಿನಕರ್ ಜೊತೆ ಜೊತೆಯಲಿ ಸೆಲ್ಫಿ.. 12 ವರ್ಷಗಳ ನಂತರ

    prem nenapirali and dinakar reunite after 12 years

    ನೆನಪಿರಲಿ ಪ್ರೇಮ್ ಮತ್ತು ದಿನಕರ್ ತೂಗುದೀಪ್ ಮತ್ತೊಮ್ಮೆ ಒಂದಾಗಿದ್ದಾರೆ. ಬರೋಬ್ಬರಿ 14 ವರ್ಷಗಳ ನಂತರ. ದಿನಕರ್ ತೂಗುದೀಪ್ ನಿರ್ದೇಶನದ ಮೊದಲ ಸಿನಿಮಾ ಜೊತೆ ಜೊತೆಯಲಿ. ಪ್ರೇಮ್-ರಮ್ಯಾ ಕಾಂಬಿನೇಷನ್‍ನ ಆ ಸಿನಿಮಾ, ನೆನಪಿರಲಿ ಪ್ರೇಮ್‍ರನ್ನು ಲವ್ಲೀ ಸ್ಟಾರ್ ಮಾಡಿದ್ದ ಸಿನಿಮಾ. ಹರಿಕೃಷ್ಣ ಸಂಗೀತ ನಿರ್ದೇಶಕರಾಗಿ ಎಂಟ್ರಿ ಕೊಟ್ಟಿದ್ದ ಸಿನಿಮಾ. 2006ರಲ್ಲಿ ಬಂದಿದ್ದ ಆ ಸಿನಿಮಾ ಸೂಪರ್ ಹಿಟ್ ಆಗಿತ್ತು.

    ಈಗ ಅದೇ ಜೋಡಿ, 14 ವರ್ಷಗಳ ನಂತರ ಪ್ರೇಮ್ ಮತ್ತು ದಿನಕರ್ ಮತ್ತೆ ಒಂದಾಗಿದ್ದಾರೆ. ಲೈಫ್ ಜೊತೆ ಒಂದ್ ಸೆಲ್ಫಿ ಎನ್ನುತ್ತಿದ್ದಾರೆ. ಈ 12 ವರ್ಷಗಳಲ್ಲಿ ದಿನಕರ್ ನಿರ್ದೇಶಿಸಿರುವುದು ಕೇವಲ 4 ಸಿನಿಮಾ. ಜೊತೆ ಜೊತೆಯಲಿ, ನವಗ್ರಹ, ಸಾರಥಿ ಮತ್ತು ಈಗ ಲೈಫ್ ಜೊತೆ ಒಂದ್ ಸೆಲ್ಫಿ. ಈ ಹಿಂದಿನ ಮೂರೂ ಸಿನಿಮಾಗಳೂ ಸೂಪರ್ ಹಿಟ್. ಇನ್ನೊಂದು ವಿಶೇಷವೆಂದರೆ, ಮೂರು ಚಿತ್ರಗಳ ನಡುವೆ ಒಂದಕ್ಕೊಂದು ಹೋಲಿಕೆಯೇ ಇಲ್ಲ. ಅದು ದಿನಕರ್ ಸ್ಪೆಷಾಲಿಟಿ. 

    ಹೀಗಾಗಿ ಈ ಬಾರಿ ಲೈಫ್ ಜೊತೆ ಒಂದ್ ಸೆಲ್ಫಿ ಚಿತ್ರದ ಕುರಿತೂ ಸಾವಿರಾರು ನಿರೀಕ್ಷೆಗಳಿವೆ. ಆ ನಿರೀಕ್ಷೆಗಳನ್ನು ದಿನಕರ್ ಸುಳ್ಳು ಮಾಡಲ್ಲ ಅನ್ನೋ ವಿಶ್ವಾಸ ಪ್ರೇಮ್, ಪ್ರಜ್ವಲ್, ಹರಿಪ್ರಿಯಾ ಮತ್ತು ಪ್ರೇಕ್ಷಕ ಪ್ರಭುಗಳದ್ದು. 

  • ಪ್ರೇಮ್‍ಗೆ ಸೆಲ್ಫಿ..ಯಲ್ಲೂ ಮತ್ತೆ ನೆನಪಿರಲಿ..

    prem remembers nenapirali selfie

    ಲವ್ಲೀ ಸ್ಟಾರ್ ಪ್ರೇಮ್ ಖ್ಯಾತರಾಗಿದ್ದೇ ನೆನಪಿರಲಿ ಚಿತ್ರದ ಮೂಲಕ. ಅದಾದ ಮೇಲೆ ಹಲವು ಹಿಟ್ ಕೊಟ್ಟಿದ್ದರೂ ಪ್ರೇಮ್‍ರನ್ನು ನೆನಪಿರಲಿ ಪ್ರೇಮ್ ಎಂದೇ ಅಭಿಮಾನಿಗಳು ಗುರುತಿಸುವುದು. ವಿಶೇಷವೇನು ಗೊತ್ತಾ..? ನೆನಪಿರಲಿ ಚಿತ್ರ ಬಂದು 11 ವರ್ಷ ಕಳೆದುಹೋಗಿದೆ. ಆದರೆ, ಪ್ರೇಮ್‍ಗೆ ಮತ್ತೆ ಮತ್ತೆ ನೆನಪಿರಲಿ ನೆನಪಾಗುತ್ತಿದೆ.

    ಅದಕ್ಕೆ ಕಾರಣವೂ ಇದೆ. ಸದ್ಯಕ್ಕೆ ಪ್ರೇಮ್ ಲೈಫ್ ಜೊತೆ ಒಂದು ಸೆಲ್ಫಿ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಸಾರಥಿ ಚಿತ್ರದ ನಂತರ ದಿನಕರ್ ತೂಗುದೀಪ್ ನಿರ್ದೇಶಿಸುತ್ತಿರುವ ಚಿತ್ರ ಇದು. ಪ್ರಜ್ವಲ್ ಹಾಗೂ ಹರಿಪ್ರಿಯಾ ಕೂಡಾ ಚಿತ್ರದಲ್ಲಿದ್ದಾರೆ. 

    ಆದರೆ, ಪ್ರೇಮ್‍ಗೆ ಮತ್ತೆ ನೆನಪಿರಲಿ ನೆನಪಾಗೋಕೆ ಕಾರಣ, ಚಿತ್ರದ ಪಾತ್ರದ ಹೆಸರು. ಸೆಲ್ಫಿಯಲ್ಲಿ ಪ್ರೇಮ್ ಪಾತ್ರದ ಹೆಸರು ನಕುಲ್. ನೆನಪಿರಲಿ ಚಿತ್ರದಲ್ಲಿಯೂ ಪ್ರೇಮ್ ಪಾತ್ರದ ಹೆಸರು ನಕುಲ್. ನಕುಲ್ ಹೆಸರು ನನಗೆ ಲಕ್ಕಿ ಎಂದು ನೆನಪಿಸಿಕೊಂಡಿದ್ದಾರೆ ಪ್ರೇಮ್.

    ಸಮೃದ್ಧಿ ಮಂಜುನಾಥ್, ವಿರಾಟ್ ಸಾಯಿ ಕ್ರಿಯೇಷನ್ಸ್ ಬ್ಯಾನರ್‍ನಲ್ಲಿ ನಿರ್ಮಿಸುತ್ತಿರುವ ಚಿತ್ರ ಮೊದಲ ಹಂತದ ಶೂಟಿಂಗ್ ಮುಗಿಸಿದೆ. ಒಂದೂವರೆ ತಿಂಗಳ ಸತತ ಶೂಟಿಂಗ್ ನಂತರ, ಸದ್ಯಕ್ಕೆ ರೆಸ್ಟ್. 

  • ಭಟ್ರು.. ಹರಿಕೃಷ್ಣ.. ರಘು ದೀಕ್ಷಿತ್ ಪಂಚತಂತ್ರ ಕಾಂಬಿನೇಷನ್

    yogaraj bhat teams up with raghu dixit for a song in panchatantra

    ಪಂಚತಂತ್ರ ಚಿತ್ರವನ್ನು ಫೆಬ್ರವರಿ 14ರ ಪ್ರೇಮಿಗಳ ದಿನಕ್ಕೆ ಬಿಡುಗಡೆ ಮಾಡಲು ರೆಡಿಯಾಗುತ್ತಿರುವ ಯೋಗರಾಜ್ ಭಟ್, ಚಿತ್ರದಲ್ಲಿ ಎರಡು ಜನರೇಷನ್ ಲವ್ ಸ್ಟೋರಿ ಹೇಳುತ್ತಿದ್ದಾರೆ. ಈಗಾಗಲೇ ಚಿತ್ರದ ಎರಡು ಹಾಡುಗಳು ಸೂಪರ್ ಹಿಟ್ ಆಗಿವೆ. ಹೊಂಗೆಮರ ಹಾಡಂತೂ ಚಳಿಗಾಲದ ಪ್ರೇಮಕಾಮಗೀತೆಯಾಗುತ್ತಿದೆ. ಇದೆಲ್ಲದರ ನಡುವೆಯೇ ಚಿತ್ರದ ಇನ್ನೊಂದು ಕಾಂಬಿನೇಷನ್ ಹೊರಬಿದ್ದಿದೆ.

    ಚಿತ್ರದಲ್ಲಿ ಕಾರ್ ರೇಸ್ ಕಥೆಯೂ ಇದ್ದು, ಕಾರ್ ರೇಸ್ ಶುರುವಾಗುವ ಹೊತ್ತಿನಲ್ಲಿ ಡಿಚ್ಚಿ ಢಮಾರ್ ಹಾಡು ಬರುತ್ತೆ. ಆ ಹಾಡನ್ನು ಹಾಡಿರೋದು ತಾರಕ ಸ್ವರದ ಸಿಂಗರ್ ರಘು ದೀಕ್ಷಿತ್. ರಘು, ಹರಿಕೃಷ್ಣ ಮತ್ತು ಯೋಗರಾಜ್ ಭಟ್ ಮೂವರೂ ಒಟ್ಟಿಗೇ ಒಂದಾಗಿರುವ ಹಾಡಿದು.

    ಇದರ ಜೊತೆಯಲ್ಲೇ ಬ್ಯಾಡ ಹೋಗು ಅಂದ್ಬಿಟ್ರು.. ನಾನು ಬಂದ್ಬಿಟ್ಟೆ.. ಅಂತಾ ಇನ್ನೊಂದು ಹಾಡು ರೆಡಿ ಮಾಡಿಟ್ಟಿದ್ದಾರೆ ಭಟ್ಟರು. ಅದು ಭಗ್ನಪ್ರೇಮಿಗಳಿಗಾಗಿ. 

    ಒಟ್ಟಿನಲ್ಲಿ ಪಂಚತಂತ್ರ ಅನ್ನೋದು ಪ್ರೇಮ ಕಥೆ. ಕಾಮಕಥೆ. ಭಾವನಾ ಲೋಕದ ವ್ಯಥೆ. ಪ್ರೀತಿ ಪ್ರೇಮ ಪ್ರಣಯದ ಕಥೆ.

  • ಮಗಳ 18ನೇ ಹುಟ್ಟುಹಬ್ಬವನ್ನು ಸ್ಪೆಷಲ್ಲಾಗಿ ಆಚರಿಸಿದ ಪ್ರೇಮ್

    nenapirali prem celebrates his daughter's birthday

    ನೆನಪಿರಲಿ ಪ್ರೇಮ್ ನೋಡೋಕೇನೋ ಈಗಲೂ ಕಾಲೇಜ್ ಸ್ಟೂಡೆಂಟ್ ತರಾ ಕಾಣ್ತಾರೆ. ಆದರೆ, ಅವರ ಮಗಳಿಗೆ ಈಗ 18 ವರ್ಷ. ಹೌದು, ಪ್ರೇಮ್ ಸೀನಿಯರ್ ಆಗಿದ್ದಾರೆ. ಹೀಗಾಗಿಯೇ ಮುದ್ದು ಮಗಳು ಅಮೃತಾಳ 18ನೇ ಹುಟ್ಟಹಬ್ಬವನ್ನು ಡಿಫರೆಂಟ್ ಆಗಿ ಸೆಲಬ್ರೇಟ್ ಮಾಡಿದ್ದಾರೆ.

    ಮೆಡಿಕಲ್ ಎಲೆಕ್ಟ್ರಾನಿಕ್ಸ್ ಓದುತ್ತಿರುವ ಅಮೃತಾಗೆ ಅಪ್ಪ ಗಿಟಾರ್ ನುಡಿಸುವುದೆಂದರೆ ಇಷ್ಟ. ಮನೆ ಕುಟುಂಬ ಸದಸ್ಯರೊಂದಿಗೆ ಬರ್ತ್ ಡೇ ಆಚರಿಸಿರುವ ಪ್ರೇಮ್ ಮಗಳಿಗಾಗಿ ಇವತ್ತು ಗಿಟಾರ್ ನುಡಿಸಿದೆ. ಸಾಂಗ್ ಪ್ಲೇ ಮಾಡಿ ಖುಷಿ ಕೊಟ್ಟೆ. ಹ್ಯಾಪಿ ಬರ್ತ್ ಡೇ ಮಗಳೇ.. ಸ್ಟೇ ಲವ್ಲಿ. ನಿನ್ನ ಬಾಳು ಸದಾ ಹಸಿರಾಗಿರಲಿ ಎಂದು ದೇವರಲ್ಲಿ ಬೇಡಿಕೊಳ್ಳುತ್ತೇನೆ ಎಂದು ಹೇಳಿದ್ದಾರೆ ಪ್ರೇಮ್.

  • ಮಂಡ್ಯ.. ಮಳವಳ್ಳಿ.. ಮೈಸೂರು.. ವಿಯೆಟ್ನಾಂ : ಪ್ರೇಮಂ ಪೂಜ್ಯಂ ಲವ್ ಜರ್ನಿ

    ಮಂಡ್ಯ.. ಮಳವಳ್ಳಿ.. ಮೈಸೂರು.. ವಿಯೆಟ್ನಾಂ : ಪ್ರೇಮಂ ಪೂಜ್ಯಂ ಲವ್ ಜರ್ನಿ

    ಇದು ನನ್ನ 25ನೇ ಸಿನಿಮಾ. ನಾನು ಅನುಭವಿ ನಿರ್ದೇಶಕರನ್ನೇ ಹುಡುಕುತ್ತಿದ್ದೆ. ಆದರೆ, ಡಾ. ರಾಘವೇಂದ್ರ ಅವರನ್ನು ಭೇಟಿ ಮಾಡಿ ಕಥೆ ಹೇಳಿದ ನಂತರ ನನ್ನ ನಿರ್ಧಾರ ಬದಲಾಯ್ತು. ರಾಘವೇಂದ್ರ ಅವರು ಕಥೆ ಹೇಳೋ ಶೈಲಿಯೇ ಡಿಫರೆಂಟ್. ಇದು ಲವ್ ಸ್ಟೋರಿನೇ. ಆದರೆ, ವಿಭಿನ್ನ ಅನುಭವ ಕೊಡುವುದಂತೂ ಪಕ್ಕಾ..

    ಹೀಗೆ ವಿಶ್ವಾಸದಿಂದಲೇ ಹೇಳುತ್ತಾ ಹೋದರು ಡಾ.ಶ್ರೀಹರಿ ಅಲಿಯಾಸ್ ನೆನಪಿರಲಿ ಪ್ರೇಮ್. ಚಿತ್ರದಲ್ಲಿ ಪ್ರೇಮ್ ಅವರ ಪಾತ್ರದ ಹೆಸರು ಶ್ರೀಹರಿ. ಮಂಡ್ಯ.. ಮಳವಳ್ಳಿ.. ಮೈಸೂರು.. ವಿಯೆಟ್ನಾಂವರೆಗಿನ 2 ದಶಕದ ಜರ್ನಿ ಚಿತ್ರದಲ್ಲಿದೆ. ಚಿತ್ರದಲ್ಲಿ ನಾನು ಹೀರೋಯಿನ್‍ನ್ನು ಟಚ್ ಕೂಡಾ ಮಾಡಲ್ಲ. ಆದರೆ, ಚಿತ್ರದಲ್ಲಿ 12 ಹಾಡುಗಳಿವೆ ಎಂದು ನಕ್ಕರು ಪ್ರೇಮ್. ಅಷ್ಟು ಚೆಂದದ ನಾಯಕಿಯನ್ನು ನಿರ್ದೇಶಕರು ಮುಟ್ಟೋಕೂ ಬಿಡಲಿಲ್ಲ ಅನ್ನೋ ಅಸಮಾಧಾನವಿತ್ತೇನೋ..

    ಅಂದಹಾಗೆ ಚಿತ್ರದಲ್ಲಿ ಬೃಂದಾ ಆಚಾರ್ಯ ನಾಯಕಿ. ಐಂದ್ರಿತಾ ಕೂಡಾ ಚಿತ್ರದಲ್ಲೊಂದು ಪ್ರಮುಖ ಪಾತ್ರ ಮಾಡಿದ್ದಾರೆ. ಪ್ರಾಣ ಚಿತ್ರದಿಂದ ಶುರುವಾದ ಸಿನಿ ಜರ್ನಿ, ಈಗ ಪ್ರೇಮಂ ಪೂಜ್ಯಂವರೆಗೂ ತಂದು ನಿಲ್ಲಿಸಿದೆ. ನೆನಪಿರಲಿ ಪ್ರೇಮ್.. ಜೊತೆ ಜೊತೆಯಲಿ ಪ್ರೇಮ್.. ಎಂದೆಲ್ಲ ಕರೆಸಿಕೊಂಡಿದ್ದ ಲವ್ಲಿ ಸ್ಟಾರ್ ಪ್ರೇಮ್ ಅವರಿಗೆ ಇದು 25ನೇ ಸಿನಿಮಾ. ಗುಡ್ ಲಕ್.

  • ಮತ್ತೆ ಮದುವೆಯಾದರು ಲವ್ಲಿ ಸ್ಟಾರ್ ಪ್ರೇಮ್

    prem married again

    ಲವ್ಲಿ ಸ್ಟಾರ್ ಪ್ರೇಮ್.. ಅದೇ ನೆನಪಿರಲಿ ಪ್ರೇಮ್.. ಮತ್ತೊಮ್ಮೆ ಮದುವೆಯಾಗಿದ್ದಾರೆ. ಮಕ್ಕಳ ಎದುರಿಗೇ ತಾಳಿ ಶಾಸ್ತ್ರೋಕ್ತವಾಗಿ ತಾಳಿ ಕಟ್ಟಿದ್ದಾರೆ. ಸಪ್ತಪದಿ ತುಳಿದಿದ್ದಾರೆ.  ಪ್ರೇಮ್ ಮದುವೆಯಾಗಿರುವ ಹುಡುಗಿ ಜ್ಯೋತಿ. ಗಾಬರಿಯಾಗಬೇಡಿ. ತಮ್ಮ ಪತ್ನಿಯನ್ನೇ ಎರಡನೇ ಬಾರಿ ಮದುವೆಯಾಗಿದ್ದಾರೆ.

    ಇದೆಲ್ಲ ನಡೆದಿರೋದು ಡಾನ್ಸ್ ಡಾನ್ಯ್ಸ್ ಜ್ಯೂನಿಯರ್ಸ್ ಕಾರ್ಯಕ್ರಮದಲ್ಲಿ. ಆ ಕಾರ್ಯಕ್ರಮದಲ್ಲಿ ಪ್ರೇಮ್ ಜಡ್ಜ್ ಆಗಿದ್ದಾರೆ. ಫ್ಯಾಮಿಲಿ ರೌಂಡ್ಸ್ ಕಾರ್ಯಕ್ರಮದಲ್ಲಿ ಎಲ್ಲರೂ ತಮ್ಮ ಕುಟುಂಬದವರೊಂದಿಗೆ ಬರಬೇಕಿತ್ತು. ಹಾಗೆ ಬಂದವರಿಗೆ ಇದ್ದ ಟಾಸ್ಕ್​ ಪ್ರಕಾರ, ಪ್ರೇಮ್ ತಮ್ಮ ಇಬ್ಬರು ಮಕ್ಕಳ ಎದುರು ಪತ್ನಿ ಜ್ಯೋತಿಗೆ ಮತ್ತೊಮ್ಮೆ ತಾಳಿ ಕಟ್ಟಿ, ಸಪ್ತಪದಿ ತುಳಿದಿದ್ದಾರೆ. ಆ ಮದುವೆಗೆ ಅವರಿಬ್ಬರ ಮಕ್ಕಳು ಸಾಕ್ಷಿಯಾದದ್ದು ವಿಶೇಷ.

  • ಮಾಮ ಅಂದಾಗ ತಿರುಗಿ ನೋಡಿದ್ದು ಪ್ರೇಮ್

    kriti and prem's funny expeience

    ಮಾಮ ಅಂದ್ರೆ ಪ್ರೇಮ್ ಯಾಕೆ ತಿರುಗಿ ನೋಡ್ಬೇಕು ಅಂತೀರಾ..? ಕರೆದಿದ್ದು ಕೃತಿ ಕರಬಂಧ ಆದರೆ, ತಿರುಗಿ ನೋಡ್ಲೇಬೇಕಲ್ವಾ..? ಅಂಥ ಚೆಂದದ ಹುಡುಗಿ ಪ್ರೀತಿಯಿಂದ ಮಾಮಾ ಅಂತಾ ಕರೆದಾಗ.. ತಿರುಗಿ ನೋಡದೇ ಇರೋಕಾದ್ರೂ ಹೇಗೆ ಸಾಧ್ಯ ಹೇಳಿ. ಇದು ದಳಪತಿ ಚಿತ್ರದ ಶೂಟಿಂಗ್‍ನಲ್ಲಿ ನಡೀತಿದ್ದ ಸ್ವಾರಸ್ಯದ ಒಂದು ಭಾಗವಷ್ಟೆ.

    ಕ್ಯಾಮೆರಾ ಆಫ್ ಆದ ನಂತರವೂ ಪ್ರೇಮ್ ಲವಲವಿಕೆಯ ನಟ. ಸೆಟ್‍ನಲ್ಲಿದ್ದವರನ್ನೆಲ್ಲ ನಗುತ್ತಾ, ನಗಿಸುತ್ತಾ ಇರುವ ಕಲಾವಿದ. ಆ ತಮಾಷೆಯ ವ್ಯಕ್ತಿತ್ವ ಕೃತಿಗೂ ಇಷ್ಟವಾಗಿಬಿಟ್ಟಿತ್ತಂತೆ. ಶೂಟಿಂಗ್ ಟೈಮಲ್ಲಿ ಇಬ್ಬರೂ ಒಟ್ಟಿಗೇ ಟ್ರ್ಯಾಕ್ಟರ್ ಓಡಿಸಿದ್ದೂ ಇದೆ ಎಂದು ಶೂಟಿಂಗ್ ನೆನಪು ಹಂಚಿಕೊಂಡಿದ್ದಾರೆ ಕೃತಿ ಮತ್ತು ಪ್ರೇಮ್.

    ಅಂದಹಾಗೆ ಕೃತಿ ಮಾಮಾ ಎಂದಾಗಲೆಲ್ಲ ಪ್ರೇಮ್ ಕೃತಿಯನ್ನು ಕರೆಯುತ್ತಿದ್ದುದು ಭಾಜಿ ಅಂತಾ. 

    ಏ.13ಕ್ಕೆ ರಿಲೀಸ್ ಆಗುತ್ತಿರುವ ಸಿನಿಮಾದಲ್ಲಿ ಫ್ರೆಶ್ ಆದ ಲವ್‍ಸ್ಟೋರಿಯಿಂದ. ನಿರ್ದೇಶಕ ಪ್ರಶಾಂತ್ ರಾಜ್ ಹೆಸರಾಗಿರುವುದೇ ವಿಭಿನ್ನ ಲವ್‍ಸ್ಟೋರಿಗಳಿಗೆ. ದಳಪತಿ ಅನ್ನೋ ಹೆಸರಿಟ್ಟುಕೊಂಡು ಅದರಲ್ಲಿ ಎಂಥ ಲವ್‍ಸ್ಟೋರಿ ಹೇಳ್ತಾರೆ ಅನ್ನೋ ಕುತೂಹಲ ಪ್ರೇಕ್ಷಕರಿಗೂ ಇದೆ.

  • ಮೇಕೆದಾಟು ಪಾದಯಾತ್ರೆಯಲ್ಲಿ ಪ್ರೇಮ್ : ಕಾಂಗ್ರೆಸ್ ಸೇರ್ತಾರಾ?

    ಮೇಕೆದಾಟು ಪಾದಯಾತ್ರೆಯಲ್ಲಿ ಪ್ರೇಮ್ : ಕಾಂಗ್ರೆಸ್ ಸೇರ್ತಾರಾ?

    ರಾಜ್ಯ ಕಾಂಗ್ರೆಸ್ ಅಧ್ಯಕ್ಷ ಡಿ.ಕೆ.ಶಿವಕುಮಾರ್, ವಿಧಾನಸಭೆ ಪ್ರತಿಪಕ್ಷ ನಾಯಕ ಸಿದ್ದರಾಮಯ್ಯ ನೇತೃತ್ವದಲ್ಲಿ ಮೇಕೆದಾಟು ಪಾದಯಾತ್ರೆ ಆರಂಭವಾಗಿದೆ. ಈ ಬಾರಿ 5 ದಿನಗಳ 80 ಕಿ.ಮೀ. ಉದ್ದದ ಯಾತ್ರೆ ನಡೆಯಲಿದೆ. ಈ ಯಾತ್ರೆ ರಾಜಕೀಯ ವಾಗ್ಯುದ್ಧಕ್ಕೂ ಕಾರಣವಾಗಿತ್ತು. ಪಾದಯಾತ್ರೆ ಭಾಗ 01ರಲ್ಲೂ ಚಿತ್ರರಂಗದ ಹಲವರು ಭಾಗವಹಿಸಿದ್ದರು. ಈಗ ಭಾಗ 02ರಲ್ಲಿ ನೆನಪಿರಲಿ ಪ್ರೇಮ್ ಭಾಗವಹಿಸಿದ್ದಾರೆ.

    ಈ ಯೋಜನೆ ಜಾರಿಯಾದರೆ ಮುಂದಿನ 50-60 ವರ್ಷ ನೀರಿನ ಸಮಸ್ಯೆ ಇರಲ್ಲ ಅಂತಾ ತಿಳೀತು. ಹಾಗಾಗಿ ಪಾದಯಾತ್ರೆಗೆ ಬೆಂಬಲಿಸಿ ಬಂದೆ. ಇದು ರಾಜಕೀಯ ಲಾಭಕ್ಕಾಗಿ ನಡೆಯುತ್ತಿರೋ ಪಾದಯಾತ್ರೆ ಅನ್ನೋದು ನನಗೆ ಗೊತ್ತಿಲ್ಲ. ಡಿಕೆ ಶಿವಕುಮಾರ್ ನನಗೆ ಅಣ್ಣನಿದ್ದಂತೆ. ಇಲ್ಲಿಗೆ ನಾನೊಬ್ಬ ಕನ್ನಡಿಗನಾಗಿ ಬಂದಿದ್ದೇನೆ ಎಂದ ಪ್ರೇಮ್, ನಾನು ಯಾವುದೇ ರಾಜಕೀಯ ಪಕ್ಷದ ಪರ ಇಲ್ಲ. ಕಾಂಗ್ರೆಸ್ ಸೇರುತ್ತಿಲ್ಲ ಎಂದರು.

  • ರಾಧಿಕಾ ಕುಮಾರಸ್ವಾಮಿ ಮತ್ತು ನೆನಪರಲಿ ಪ್ರೇಮ್ ಜೊತೆ ಜೊತೆಯಲಿ

    Prem and Radhika Kumaraswamy Together

    ಚೌಕ ಚಿತ್ರದ ಯಶಸ್ಸಿನ ಸಂಭ್ರಮದಲ್ಲಿರುವ ನಟ ನೆನಪಿರಲಿ ಪ್ರೇಮ್, ರಾಧಿಕಾ ಕುಮಾರ ಸ್ವಾಮಿ ಜೊತೆಗೆ ಬರುತ್ತಿದ್ದಾರೆ. ಟಿವಿ ಶೋನಲ್ಲಿ. ಡ್ಯಾನ್ಸ್ ಡ್ಯಾನ್ಸ್ ಜೂನಿಯರ್ಸ್ ಸೀಸನ್ 2ನಲ್ಲಿ ನೆನಪಿರಲಿ ಪ್ರೇಮ್ ಜಡ್ಜ್. ಅವರ ಜೊತೆಗೆ ಜಡ್ಜ್ ಆಗಿ ಕೂರುತ್ತಿರುವ ನಾಯಕಿ ರಾಧಿಕಾ ಕುಮಾರಸ್ವಾಮ

    ನೆನಪಿರಲಿ ಪ್ರೇಮ್​ಗೆ ಟಿವಿ ಶೋ ಹೊಸದಲ್ಲ. ಈ ಮೊದಲು ಪುಟಾಣಿ ಪಂಟ್ರು ರಿಯಾಲಿಟಿ ಶೋನಲ್ಲಿ ಜಡ್ಜ್ ಆಗಿದ್ದ ಪ್ರೇಮ್​ಗೆ, ಕಿರುತೆರೆಯಲ್ಲಿ ಇದು 2ನೇ ಅನುಭವ. ಹೆಚ್ಚೂ ಕಡಿಮೆ ತೆರೆಮರೆಗೆ ಸರಿದವರಂತೆ ಇರುವ ರಾಧಿಕಾ ಕುಮಾರಸ್ವಾಮಿ, ಈ ಶೋ ಮೂಲಕ ಟಿವಿಯಲ್ಲಿ ಬರುತ್ತಿರುವುದು ಈ ರಿಯಾಲಿಟಿ ಶೋನ ವಿಶೇಷ.

    ಇವರಿಬ್ಬರ ಜೊತೆ 3ನೇ ಜಡ್ಜ್ ಆಗಿರುವದು ಕೊರಿಯೋಗ್ರಾಫರ್ ಸಲ್ಮಾನ್. ಜೂನ್ 24ರಿಂದ ಸ್ಟಾರ್ ಸುವರ್ಣದಲ್ಲಿ ಕಾರ್ಯಕ್ರಮ ಪ್ರಸಾರವಾಗಲಿದೆ

  • ರೌಡಿ ಕೃತಿ ಕರಬಂಧ..!

    kriti kharbandha is now rowdy

    ಕೃತಿ ಕರಬಂಧ ಎಂದರೆ ತಕ್ಷಣ ನೆನಪಾಗೋದು ಆಕೆಯ ನಗು. ಅದರಲ್ಲೂ ಗೂಗ್ಲಿಯಲ್ಲಿ ಆಗಾಗ್ಗೆ ತಲೆ ಕೂದಲನ್ನು ಹಿಂದಕ್ಕೆ ಸರಿಸುತ್ತಾ ಯಶ್‍ರನ್ನು ಕಾಡುವ ಸ್ಟೈಲು. ಅದಾದ ಮೇಲೆ ಕೃತಿ ಕರಬಂಧ ಕನ್ನಡದ ಹಲವು ಸ್ಟಾರ್‍ಗಳ ಜೊತೆ ತೆರೆ ಹಂಚಿಕೊಂಡಿದ್ದಾರೆ. ನಗು, ಸೌಂದರ್ಯಕ್ಕೆ ಹೆಸರಾದ ಕೃತಿ ಕರಬಂಧ ಇದೇ ಮೊದಲ ಬಾರಿಗೆ ರೌಡಿಯಾಗಿದ್ದಾರೆ.

    ಕೃತಿ ಕರಬಂಧ ರೌಡಿಯಾಗಿರೋದು ದಳಪತಿ ಚಿತ್ರದಲ್ಲಿ. ಸಿನಿಮಾದಲ್ಲಿ ಕೃತಿ ಕರಬಂಧ ಅವರದ್ದು ಕಾಲೇಜು ಕಾರಿಡಾರ್‍ನಲ್ಲಿ ಕಾಣಿಸಿಕೊಳ್ಳುವ ಬ್ಯೂಟಿಫುಲ್ ರೌಡಿಯ ಪಾತ್ರ. ಪಾತ್ರವನ್ನು ನಿರ್ದೇಶಕ ಪ್ರಶಾಂತ್ ರಾಜ್ ಸ್ಟೈಲಿಶ್ ಆಗಿ ತೆರೆಗೆ ತಂದಿದ್ದಾರೆ. ಇನ್ನು ಪ್ರೇಮ್ ಅವರ ಜೊತೆ ನಟಿಸಿದ ಕಾರಣ, ನನ್ನ ಕನ್ನಡ ಸುಧಾರಿಸಿದೆ. ಪ್ರೇಮ್ ತುಂಬಾ ಒಳ್ಳೆಯ ಕನ್ನಡ ಮಾತನಾಡ್ತಾರೆ. ಹೀಗಾಗಿ ರಿಹರ್ಸಲ್ ಮಾಡಿ ಮಾಡಿ ಇನ್ನೊಂದಿಷ್ಟು ಕನ್ನಡ ಕಲಿತಿದ್ದೇನೆ ಎಂದಿದ್ದಾರೆ ಗೂಗ್ಲಿ ಬ್ಯೂಟಿ.

    ಸದ್ಯಕ್ಕೆ ದಕ್ಷಿಣ ಭಾರತದ ಎಲ್ಲ ಭಾಷೆಯ ಚಿತ್ರರಂಗ ಹಾಗೂ ಬಾಲಿವುಡ್‍ನಲ್ಲೂ ಸರಿದಾಡುತ್ತಿರುವ ಚೆಲುವೆ, ಕನ್ನಡದಲ್ಲಿಯೇ ಗುರುತಿಸಿಕೊಂಡೆ. ಆದರೆ, ಇತ್ತೀಚೆಗೆ ಕನ್ನಡ ಚಿತ್ರರಂಗದಿಂದ ಯಾರೂ ಅಪ್ರೋಚ್ ಮಾಡುತ್ತಿಲ್ಲ. ನನಗೆ ಈಗಲೂ ಕನ್ನಡದಲ್ಲಿ ಹೆಚ್ಚು ಹೆಚ್ಚು ನಟಿಸುವ ಆಸೆಯಿದೆ ಎಂದು ಹೇಳಿಕೊಂಡಿದ್ದಾರೆ. ಎರಡು ಹಿಂದಿ ಚಿತ್ರಗಳಲ್ಲಿ ಬ್ಯುಸಿಯಾಗಿರುವ ಕೃತಿ, ತೆಲುಗು ಚಿತ್ರವೊಂದರಲ್ಲೂ ನಟಿಸುತ್ತಿದ್ದಾರಂತೆ.

  • ಲವ್ಲಿ ಸ್ಟಾರ್ ನೆನಪಿರಲಿ ಪ್ರೇಮ್ ಪುತ್ರಿ ಸಿನಿಮಾ ರಂಗಕ್ಕೆ..

    Nenapirali Prem's Daughter Amrutha's Photo shoot

    ಅಪ್ಪ ಲವ್ಲಿ ಸ್ಟಾರ್. ಮಗಳೂ ಅಷ್ಟೆ.. ಫೇರ್ & ಲವ್ಲಿ ಹುಡುಗಿ. ಹೆಸರು ಅಮೃತಾ. ನೆನಪಿರಲಿ ಪ್ರೇಮ್ ಪಾಲಿನ ಈ ಅದೃಷ್ಟ ದೇವತೆ ಸಿನಿಮಾ ರಂಗಕ್ಕೆ ಎಂಟ್ರಿ ಕೊಡೋಕೆ ರೆಡಿಯಾಗಿದ್ದಾರೆ.

    ಈಗಿನ್ನೂ ಸೆಕೆಂಡ್ ಇಯರ್ ಎಂಜಿನಿಯರಿಂಗ್ ಓದುತ್ತಿರೋ ಅಮೃತಾ, ಪ್ರೇಮ್-ಜ್ಯೋತಿ ದಂಪತಿಯ ಮುದ್ದಿನ ಮಹಾರಾಣಿ.

    ಡ್ಯಾನ್ಸ್, ಸಂಗೀತದಲ್ಲೂ ಆಸಕ್ತಿ ಇರುವ ಅಮೃತಾಗೆ ಸಿನಿಮಾಗೆ ಬರೋ ಆಸೆಯಂತೂ ಇದೆ. ಅಪ್ಪ, ಅಮ್ಮ ಓಕೆ ಎಂದಿದ್ದಾರೆ. ಜೊತೆಯಲ್ಲಿ ಕಂಡೀಷನ್ನೂ ಇದೆ. ಮೊದಲು ಓದು.. ನಂತರವೇ ಸಿನಿಮಾ ಅನ್ನೋ ಕಂಡಿಷನ್ ಅದು.

    ಇದರ ಜೊತೆ ಜೊತೆಯಲ್ಲೇ ಮೊದಲ ಬಾರಿಗೆ ಮಗಳ ಫೋಟೋಶೂಟ್ ಕೂಡಾ ಮಾಡಿಸಿದ್ದಾರೆ ಪ್ರೇಮ್.

     

  • ಲವ್ಲಿ ಸ್ಟಾರ್ ಪ್ರೇಮಂ ಪೂಜ್ಯಂ.. ಇದು ಡಾಕ್ಟರ್ ಸಿನಿಮಾ

    lovely star prem;s

    ಲವ್ಲಿ ಸ್ಟಾರ್ ಪ್ರೇಮ್ 25ನೇ ಸಿನಿಮಾ ಮಾಡುತ್ತಿದ್ದಾರೆ ಎಂದು ಗೊತ್ತಾದಾಗಲೇ, ಏನಿರಬಹುದು ಸಿನಿಮಾ ಕಥೆ..? ಎಂಬ ಕುತೂಹಲ ಗರಿಗೆದರಿತ್ತು. ಮೊದಲೇ ಲವ್ಲಿ ಸ್ಟಾರ್, ನಿರ್ದೇಶಕರು ಬೇರೆ ಹೊಸಬರು.. ಹೀಗೆ ಕುತೂಹಲ ಸೃಷ್ಟಿಸಿದ್ದ ಸಿನಿಮಾದ ಟೈಟಲ್ ಪ್ರೇಮಂ ಪೂಜ್ಯಂ.

    ಪ್ರೇಮಂ ಎಂದರೆ ಪ್ರೇಮ್ ಕೂಡಾ ಆಗಬಹುದು. ಪ್ರೇಮವೂ ಆಗಬಹುದು. ಪ್ರೇಮಂ ಪೂಜ್ಯಂ ಚಿತ್ರದ ಫಸ್ಟ್‍ಲುಕ್ ಹೊರಬಿದ್ದಿದೆ. ಕೋಟ್ಯಧಿಪತಿಯ ಲುಕ್‍ನಲ್ಲಿ ಕಾಣಿಸಿಕೊಂಡಿದ್ದಾರೆ ನಟ ಪ್ರೇಮ್.

    ಅಂದಹಾಗೆ ಇದು ಕಂಪ್ಲೀಟ್ ಡಾಕ್ಟರ್ ಸಿನಿಮಾ. ಸಿನಿಮಾ ನಿರ್ದೇಶಕ ವೃತ್ತಿಯಲ್ಲಿ ಡಾಕ್ಟರ್ ಆಗಿರುವ ರಾಘವೇಂದ್ರ. ನಿರ್ಮಾಪಕರಾಗಿರುವ ರಕ್ಷಿತ್ ಮತ್ತು ರಾಜ್‍ಕುಮಾರ್, ಇಬ್ಬರೂ ಡಾಕ್ಟರುಗಳೇ. 

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery