` ninna nayana, - chitraloka.com | Kannada Movie News, Reviews | Image

ninna nayana,

  • ನಿನ್ನಯನ.. ಅಲ್ಲಲ್ಲ.. ನಿನ್ನನಯನ.. ಸ್ವಾರ್ಥರತ್ನನ ಸಂಗೀತ

    ninna nayana song goes viral

    ನಿನ್ನಯನ.. ನಿನ್ನನಯನ.. ಎರಡು ಪದಗಳ ನಡುವೆ ಒಂದು ಚಿಕ್ಕ ಸ್ಪೇಸ್ ಕೊಡದೇ ಹೋದರೆ, ಅದು ಕೊಡುವ ಅರ್ಥವೇ ಬೇರೆ. ನಿನ್ನಮನ.. ನಿನ್ನ ಮನ.. ಪದವೂ ಅಷ್ಟೆ.. ಅದೊಂದು ಸಣ್ಣ ಅತೀ ಸಣ್ಣ ಪ್ರಯೋಗ. ಪದಗಳ ಜೊತೆ ಆಡಿದ ಆಟ. ಅದೇಕೋ ಏನೋ.. ಅದು ಪ್ರೇಕ್ಷಕರಿಗೆ ಯದ್ವಾತದ್ವಾ ಇಷ್ಟವಾಗಿಬಿಟ್ಟಿದೆ.

    ಸ್ವಾರ್ಥರತ್ನ ಚಿತ್ರದ ಈ ಹಾಡು ಈಗ ವೈರಲ್. ಚಿತ್ರ ರಿಲೀಸ್ ಆಗುತ್ತಿರುವ ಹೊತ್ತಿನಲ್ಲಿ ವೈರಲ್ ಆಗಿರುವ ಈ ಹಾಡು ಅತಿದೊಡ್ಡ ಮೌತ್‍ಪಬ್ಲಿಸಿಟಿ ಎಂದರೆ ತಪ್ಪಲ್ಲ. 

    ಕಿರುತೆರೆ ನಟ ಆದರ್ಶ್ ನಾಯಕರಾಗಿ, ಇಶಿತಾ ವರ್ಷ ನಾಯಕಿಯಾಗಿ ನಟಿಸಿರುವ ಈ ಚಿತ್ರಕ್ಕೆ ನಿರ್ದೇಶಕ ಅಶ್ವಿನ್. ಒಂದು ಪಕ್ಕಾ ಮಾಸ್ ಎಂಟರ್‍ಟೈನರ್ ಚಿತ್ರತಂಡ ಹೇಳಿಕೊಂಡಿದೆ. 

  • ನೀ ಬಂದು ನಿಂತಾಗ..v/s ನಿನ್ನ ನಯನ.. ಕಸ್ತೂರಿ ನಿವಾಸದ ಸ್ಟೈಲ್‍ನಲ್ಲಿ ಸ್ವಾರ್ಥ ರತ್ನ

    swartharatna song in kasturi nivasa style

    ಸ್ವಾರ್ಥ ರತ್ನ ಚಿತ್ರದಲ್ಲಿ ಹಿಟ್ ಆಗಿರೋದು ನಿನ್ನ ನಯನ.. ಅನ್ನೋ ಗೀತೆ. ಈ ಹಾಡು ಕೇವಲ ಪದಗಳ ಆಟದಿಂದಷ್ಟೇ ಇಷ್ಟವಾಗಿಲ್ಲ. ಚಿತ್ರದಲ್ಲಿ ಆ ಹಾಡನ್ನು ಚಿತ್ರೀಕರಿಸಿರುವ ರೀತಿಯೂ ಪ್ರೇಕ್ಷಕರಿಗೆ ಹೊಸತನ ಎನ್ನಿಸಿದೆ.

    ಡಾ.ರಾಜ್ ಬೆಸ್ಟ್ ಚಿತ್ರಗಳಲ್ಲಿಯೇ ಕಸ್ತೂರಿ ನಿವಾಸ ಬೆಸ್ಟ್ ಆಫ್ ದಿ ಬೆಸ್ಟ್. ಆ ಚಿತ್ರದಲ್ಲಿ ನೀ ಬಂದು ನಿಂತಾಗ.. ನಿಂತು ನೀ ನಕ್ಕಾಗ.. ಹಾಡು ನೋಡಿದ್ದೀರಲ್ಲ.. ನಿನ್ನ ನಯನ ಹಾಡು ಇರುವುದು ಅದೇ ಸ್ಟೈಲ್‍ನಲ್ಲಿ. ಹೀಗಾಗಿಯೇ ಈ ಹಾಡು ಇಷ್ಟವಾಗಿರೋದು.

    ಇಶಿತಾ ಮತ್ತು ಆದರ್ಶ್ ನಡುವಿನ ನಯನಮನಗಳ ಆಟವನ್ನು ಅಶ್ವಿನ್ ಚೆನ್ನಾಗಿ ಆಡಿಸಿದ್ದಾರೆ. ನೋಡುವಾಗ ಮುಖದ ಮೇಲೊಂದು ಮುಗುಳ್ನಗೆ ಇರುತ್ತೆ. ಇಡೀ ಚಿತ್ರದಲ್ಲಿ ಕಚಗುಳಿಯಿಡುವ ಕಿವಿತಂಪು ಮಾಡುವ ಸಂಭಾಷಣೆಗಳಿಗೆ ಬರವಿಲ್ಲ. ಹಾಸ್ಯಕ್ಕೆ ಕೊನೆಯಿಲ್ಲ. ಥಿಯೇಟರಿನ ಒಳಹೊಕ್ಕವರು ಹೊರಬರುವಾಗ ಗಹಗಹಿಸುತ್ತಲೇ ಬರುತ್ತಾರೆ ಅನ್ನೊದು ಚಿತ್ರತಂಡದ ಪ್ರಾಮಿಸ್.