` anti piracy, - chitraloka.com | Kannada Movie News, Reviews | Image

anti piracy,

  • `ತಪ್ಪು ಮಾಡಿ.. ಆಣ್ಣಾ.. ನಾನು ನಿನ್ನ ಅಭಿಮಾನಿ ಎನ್ನಬೇಡಿ'

    yash requests fans to help curb piracy

    ಪೈರಸಿ ವಿರುದ್ಧ ಸಮರವನ್ನೇ ಸಾರಲು ಹೊರಟಿರುವ ಕೆಜಿಎಫ್ ಚಿತ್ರತಂಡ, ಹೆಲ್ಪ್‍ಲೈನ್ ಆರಂಭಿಸಿರುವುದು ತಿಳಿದಿದೆಯಷ್ಟೇ. ಅಷ್ಟೇ ಅಲ್ಲ, 2000ಕ್ಕೂ ಹೆಚ್ಚು ಥಿಯೇಟರುಗಳಲ್ಲಿ ರಿಲೀಸ್ ಆಗುತ್ತಿರುವ ಚಿತ್ರ, ಚಿತ್ರವನ್ನು ಪೈರೇಟ್ ಮಾಡುವವರ ವಿರುದ್ಧ ಹದ್ದಿನ ಕಣ್ಣಿಟ್ಟಿದೆ.

    ಫೇಸ್‍ಬುಕ್ ಲೈವ್, ಥಿಯೇಟರುಗಳಲ್ಲಿ ಮೊಬೈಲ್, ಕ್ಯಾಮೆರಾಗಳಲ್ಲಿ ಚಿತ್ರೀಕರಣ ಮಾಡೋದು.. ತಪ್ಪು. ಯಾರೂ ಕಾನೂನು ಉಲ್ಲಂಘನೆ ಮಾಡಬೇಡಿ ಎಂದು ಮನವಿ ಮಾಡಿದ್ದಾರೆ ಯಶ್. ಪೈರಸಿ ಆಗದಂತೆ ತಡೆಯುವ ಹೊಣೆಯನ್ನು ಖಾಸಗಿ ಏಜೆನ್ಸಿಯೊಂದಕ್ಕೆ ವಹಿಸಲಾಗಿದೆ.

    ತಪ್ಪು ಮಾಡಿದರೆ ಶಿಕ್ಷೆ ಕಟ್ಟಿಟ್ಟ ಬುತ್ತಿ. ತಪ್ಪು ಮಾಡಿ, ಅಣ್ಣಾ ನಾನು ನಿಮ್ಮ ಅಭಿಮಾನಿ ಎಂದರೆ, ಪೊಲೀಸರು ಸುಮ್ಮನಿರಲ್ಲ. ಒಳ್ಳೆಯ ಸಿನಿಮಾ ಮಾಡಿದರೆ, ಕನ್ನಡ ಚಿತ್ರರಂಗ ಏರುವ ಎತ್ತರವೇ ಬೇರೆ. ಕನ್ನಡ ತಲುಪುವ ಎತ್ತರವೇ ಬೇರೆ. ಮರೆಯಬೇಡಿ. ಸಹಕರಿಸಿ ಎಂದು ಕೇಳಿಕೊಂಡಿದ್ದಾರೆ ಯಶ್. 

  • ಸಿನಿಮಾ ಪೈರಸಿ ಮಾಡಿದ್ರೆ.. ಪೈರಸಿ ಸಿನಿಮಾ ನೋಡಿದ್ರೆ.. 10 ವರ್ಷ ಜೈಲು ಫಿಕ್ಸ್

    10 Years Jail For Watching Pirated Movie

    ಈಗ ಬಿಡುಗಡೆಯಾಗಿ ರಾಜ್ಯಾದ್ಯಂತ ಭರ್ಜರಿ ಸೌಂಡು ಮಾಡುತ್ತಿರುವ ಅವನೇ ಶ್ರೀಮನ್ನಾರಾಯಣ ಇರಬಹುದು, ಬಾಕ್ಸಾಫೀಸ್‍ನಲ್ಲಿ ಮೋಡಿ ಮಾಡಿದ ಯಜಮಾನ, ಕುರುಕ್ಷೇತ್ರ, ಪೈಲ್ವಾನ್, ನಟಸಾರ್ವಭೌಮ.. ಹೀಗೆ ಯಾವುದೇ ಸಿನಿಮಾ ಇರಬಹುದು. ಇಲ್ಲಿ ಥಿಯೇಟರಿನಲ್ಲಿ ರಿಲೀಸ್ ಆಗಿ, ಅಭಿಮಾನಿಗಳು ಕುಣಿದು ಕುಪ್ಪಳಿಸಿ ನೋಡುತ್ತಿರುವಾಗಲೇ ಮೊಬೈಲುಗಳಲ್ಲಿ ಇಡೀ ಸಿನಿಮಾ ಹೆಚ್‍ಡಿ ರೂಪದಲ್ಲಿ ಬಂದಿರುತ್ತೆ. ಅಷ್ಟು ಪ್ರಬಲವಾಗಿದೆ ಸಿನಿಮಾ ಪೈರಸಿ ಜಾಲ. ತಮಿಳ್ ರಾಕರ್ಸ್ ಈ ಪೈರಸಿ ಲೋಕದಲ್ಲಿ ಅತೀ ದೊಡ್ಡ ಹೆಸರು. ಈಗ ಈ ಪೈರಸಿ ಕ್ರಿಮಿನಲ್ಲುಗಳನ್ನು ಮಟ್ಟ ಹಾಕಲು ಹೊಸ ಕಾಯ್ದೆ ತರಲು ಹೊರಟಿದೆ ಕೇಂದ್ರ ಸರ್ಕಾರ.

    ಸಿನಿಮಾಟೋಗ್ರಫಿ ಕಾಯ್ದೆ 1952ಕ್ಕೆ ತಿದ್ದುಪಡಿ ತರಲು ಮುಂದಾಗಿರುವ ಕೇಂದ್ರ, ಈ ವಿಷಯಕ್ಕೆ ಆಗಲೇ ಕ್ಯಾಬಿನೆಟ್ ಅನುಮೋದನೆಯನ್ನೂ ಪಡೆದುಕೊಂಡಿದೆ. ಈ ಕಾಯ್ದೆ ಜಾರಿಗೆ ಬಂದರೆ, ಪೈರಸಿ ಸಿನಿಮಾ ನೋಡುವವರು, ಪೈರಸಿ ಮಾಡುವವರು ಇಬ್ಬರೂ ಅಪರಾಧಿಗಳೇ. 10 ಲಕ್ಷ ರೂ. ದಂಡ, 3 ವರ್ಷ ಜೈಲು ಫಿಕ್ಸ್. ಸಿನಿಮಾವನ್ನು ಮೊಬೈಲ್‍ನಲ್ಲಿ ಸೆರೆ ಹಿಡಿಯುವುದೂ ಕಾನೂನಾತ್ಮಕ ಅಪರಾಧವಾಗಲಿದೆ.

    ಕೇಂದ್ರದ ಹೊಸ ಪ್ರಸ್ತಾಪವನ್ನು ದೇಶದ ಎಲ್ಲ ಫಿಲಂ ಚೇಂಬರುಗಳೂ ಸ್ವಾಗತಿಸಿವೆ. ಪ್ರತಿ ಭಾಷೆಯ ಚಿತ್ರರಂಗವೂ ಈ ಪೈರಸಿಯ ವಿರುದ್ಧ ಯುದ್ಧ ನಡೆಸುತ್ತಿದೆ. ಕರ್ನಾಟಕ ಚಲನಚಿತ್ರ ವಾಣಿಜ್ಯ ಮಂಡಳಿಯೂ ಈ ನಿಟ್ಟಿನಲ್ಲಿ ದೊಡ್ಡ ಹೆಜ್ಜೆಯಿಟ್ಟಿದ್ದು, ಚಿತ್ರಮಂದಿರಗಳಲ್ಲಿ ಜಾಗೃತಿ ಸಂದೇಶ ಸಾರಲು ಮುಂದಾಗಿದೆ.