` dimple queen, - chitraloka.com | Kannada Movie News, Reviews | Image

dimple queen,

  • ಡಿಂಪಲ್ ಕ್ವೀನ್ ಪಂಕಜ ಕಸ್ತೂರಿ ಆಗ್ತಾರಾ..?

    rachita ram image

    ಡಿಂಪಲ್ ಕ್ವೀನ್ ರಚಿತಾ ರಾಮ್ ಈಗ ಕೋಕಿಲ ಆಗೋಕೆ ರೆಡಿಯಾಗುತ್ತಿದ್ದಾರೆ. ಕನ್ನಡದಲ್ಲೀಗ ಕೊಲಮಾವು ಕೋಕಿಲ ಚಿತ್ರದ ರೀಮೇಕ್ ನಡೆಯುತ್ತಿದ್ದು, ರಚಿತಾ ರಾಮ್ ನಾಯಕಿಯಾಗುತ್ತಿದ್ದಾರೆ. 2019ರಲ್ಲಿ ರಿಲೀಸ್ ಆಗಿದ್ದ ಕೊಲಮಾವು ಕೋಕಿಲ, ಡ್ರಗ್ಸ್ ಜಾಲ, ಅದರೊಳಗೇ ಇದ್ದು ತಪ್ಪಿಸಿಕೊಳ್ಳಲು ಬಯಸುವ ನಾಯಕಿ, ಕಳ್ಳ-ಪೊಲೀಸ್ ಆಟದ ರೋಚಕ ಕಥಾ ಹಂದರ ಹೊಂದಿತ್ತು. ಈಗ ಆ ಕಥೆ ಕನ್ನಡದಲ್ಲಿ ಸಿನಿಮಾ ಆಗುತ್ತಿದೆ. ಅಲ್ಲಿ ನಯನತಾರಾ ಹೀರೋಯಿನ್ ಆಗಿದ್ದರು.

    you_tube_chitraloka1.gif

    ಕನ್ನಡ್ ಗೊತ್ತಿಲ್ಲ ಚಿತ್ರವನ್ನು ನಿರ್ದೇಶಿಸಿದ್ದ ಮಯೂರ ರಾಘವೇಂದ್ರ, ಈ ಚಿತ್ರಕ್ಕೆ ನಿರ್ದೇಶಕ. ಕನ್ನಡದಲ್ಲಿ ಅತೀ ಹೆಚ್ಚು ಬ್ಯುಸಿ ಇರುವ ರಚಿತಾ ರಾಮ್, ಈಗ ತೆಲುಗಿನಲ್ಲೂ ಕಾಲಿಟ್ಟಿದ್ದಾರೆ. ಸೂಪರ್ ಮಚ್ಚಿ ಚಿತ್ರದ ಚಿತ್ರೀಕರಣ ಮುಗಿಸಿರೋ ರಚಿತಾ, ಕನ್ನಡದಲ್ಲಿ ಐ ಲವ್ ಯೂ, ಏಪ್ರಿಲ್, ವೀರಂ, ಲಿಲ್ಲಿ.. ಹೀಗೆ ಸಾಲು ಸಾಲು ಚಿತ್ರಗಳಿಗೆ ಯೆಸ್ ಎಂದಿದ್ದಾರೆ. ಅಕ್ಟೋಬರ್‍ನಲ್ಲಿ ಸಿನಿಮಾ ಶುರುವಾಗಲಿದೆ.

    ಕನ್ನಡದಲ್ಲಿ ಚಿತ್ರಕ್ಕೆ ಪಂಕಜ ಕಸ್ತೂರಿ ಅನ್ನೋ ಟೈಟಲ್ ಫೈನಲ್ ಆಗುವ ಸಾಧ್ಯತೆ ಇದೆ. ಚಿತ್ರದ ಸ್ಕ್ರಿಪ್ಟ್‍ನ್ನು ಘಾಟಿ ಸುಬ್ರಹ್ಮಣ್ಯದಲ್ಲಿ ಪೂಜೆ ಮಾಡಿಸಿ ಆಶೀರ್ವಾದ ಪಡೆದಿದ್ದಾರೆ ಮಯೂರ ರಾಘವೇಂದ್ರ.

  • ಡಿಂಪಿ ಸೆನ್ಸೇಷನ್ : 100 ರಿಲೀಸ್.. ಎಣ್ಣೆ ಸಾಂಗ್ ಹಿಟ್.. ಮುದ್ದು ಸಾಂಗೂ ಹಿಟ್..

    ಡಿಂಪಿ ಸೆನ್ಸೇಷನ್ : 100 ರಿಲೀಸ್.. ಎಣ್ಣೆ ಸಾಂಗ್ ಹಿಟ್.. ಮುದ್ದು ಸಾಂಗೂ ಹಿಟ್..

    ಈ ವಾರದ ಸೆನ್ಸೇಷನಲ್ ಸ್ಟಾರ್ ರಚಿತಾ ರಾಮ್. ಒಂದು ಕಡೆ ರಚಿತಾ ರಾಮ್ ಮತ್ತು ರಮೇಶ್ ಅರವಿಂದ್ ಕಾಂಬಿನೇಷನ್ನಿನ 100 ಸಿನಿಮಾ ಥ್ರಿಲ್ಲರ್ ಸೆನ್ಸೇಷನ್ ಸೃಷ್ಟಿಸಿದೆ. ಇದೇ ವಾರ ರಿಲೀಸ್ ಆಗುತ್ತಿದೆ. ರಮೇಶ್ ಅವರೇ ಡೈರೆಕ್ಟ್ ಮಾಡಿರೋ ಸಿನಿಮಾ ಆಗಿರೋ ಕಾರಣ ಚಿತ್ರದ ಮೇಲೆ ಭಾರಿ ನಿರೀಕ್ಷೆ ಇದೆ. ರಮೇಶ್ ರೆಡ್ಡಿ ನಿರ್ಮಾಣದ ಚಿತ್ರದಲ್ಲಿರೋದು ಸೈಬರ್ ಕ್ರೈಂ ಸ್ಟೋರಿ.

    ಅದೇ ಖುಷಿಯಲ್ಲಿರೋ ರಚಿತಾಗೆ ಇನ್ನೊಂದು ಕಿಕ್ ಕೊಟ್ಟಿರೋದು ಪ್ರೇಮ್ ಅವರ ಏಕ್ ಲವ್ ಯಾ ಚಿತ್ರದ ಎಣ್ಣೆ ಸಾಂಗ್. ಎಣ್ಣೆಗೂ ಹೆಣ್ಣಿಗೂ ಎಲ್ಲಿಂದ ಲಿಂಕಿಟ್ಟೆ ಹೇಳೋ ಭಗವಂತಾ ಹಾಡು.. ಈ ಹಾಡು ರೆಕಾರ್ಡ್ ಬರೆದಿದ್ದು 30 ಲಕ್ಷಕ್ಕೂ ಹೆಚ್ಚು ಜನ ಹಾಡನ್ನು ವೀಕ್ಷಿಸಿ ಖುಷಿಪಟ್ಟಿದ್ದಾರೆ.

    ಮತ್ತೊಂದು ರಚಿತಾ ರಾಮ್ ಅವರೇ ಕೊಟ್ಟಿರೋ ಕಿಕ್ಕು. ಸಖತ್ ಬೋಲ್ಡ್ ಆಗಿ ನಟಿಸಿದ್ದ ಲವ್ ಯೂ ರಚ್ಚು ಚಿತ್ರದ ಮುದ್ದು ನೀನು ಹಾಡು ಕೂಡಾ 20 ಲಕ್ಷಕ್ಕೂ ಹಿಟ್ಸ್ ಪಡೆದಿದೆ.

    ಒಟ್ಟಿನಲ್ಲಿ ಒಂದೆಡೆ ಥ್ರಿಲ್ ಕೊಡೋಕೆ ಬರುತ್ತಿರೋ ರಚಿತಾ.. ಇನ್ನೊಂದ್ ಕಡೆ ಕಿಕ್ ಹತ್ತಿಸಿಕೊಂಡಿದ್ದಾರೆ. ಮತ್ತೊಂದ್ ಕಡೆ ಕಿಕ್ ಹೆಚ್ಚಿಸುತ್ತಿದ್ದಾರೆ. ಟೋಟ್ಟಲ್ಲಿ.. ಸೆನ್ಸೇಷನ್.

  • ಮತ್ತೆ ಸ್ಲಿಮ್ಮಾದರು ಡಿಂಪಲ್ ಕ್ವೀನ್

    rachita ram sheds 7 kgs in 25 days

    ರಚಿತಾ ರಾಮ್... ಈಗ ಹಿಟ್ ಮೇಲೆ ಹಿಟ್ ಕೊಟ್ಟು ಮಿನುಗುತ್ತಿರುವ ತಾರೆ. ಅಯೋಗ್ಯ ಚಿತ್ರ ಹಿಟ್ ಆಗುವುದರೊಂದಿಗೆ ರಚಿತಾ ಲಕ್ಕಿ ಅನ್ನೋದು ಮತ್ತೆ ಪ್ರೂವ್ ಆಗಿದೆ. ಆದರೆ, ಇಲ್ಲೊಂದು ವ್ಯತ್ಯಾಸ ಗಮನಿಸಬೇಕು. ಅಯೋಗ್ಯ ಸಿನಿಮಾದಲ್ಲಿ ರಚಿತಾ, ತುಸು ದಪ್ಪಗಾದಂತೆ ಕಂಡಿದ್ದರು. ಅಷ್ಟೇ ಅಲ್ಲ, ಸೀತಾರಾಮ ಕಲ್ಯಾಣ ಹಾಗೂ ನಟಸಾರ್ವಭೌಮ ಸಿನಿಮಾಗಳಲ್ಲೂ ಅಷ್ಟೆ. ಸಪೂರ ಸುಂದರಿ ರಚಿತಾ, ದುಂಡು ದುಂಡಗೆ ಕಾಣ್ತಾರೆ. ಆದರೆ, ಈಗ ರಚಿತಾ ಕಂಪ್ಲೀಟ್ ಚೇಂಜ್.

    ಸ್ವಲ್ಪ ದಪ್ಪಗಾಗಿದ್ದ ರಚಿತಾ, 25 ದಿನಗಳಲ್ಲಿ 7 ಕೆಜಿ ತೂಕ ಇಳಿಸಿಕೊಂಡಿದ್ದಾರೆ. ನಾನು ಮೊದಲು ಇದ್ದಿದ್ದೇ ಸಣ್ಣಗೆ. ಅದೇಕೋ ಒಂದ್ಸಲ, ನಾನು ದಪ್ಪಗಾದರೆ ಹೇಗೆ ಕಾಣಬಹುದು ಎನ್ನಿಸಿತು. ಡಯಟ್ ಮತ್ತು ವರ್ಕೌಟ್ ಎರಡನ್ನೂ ಬಿಟ್ಟು, ದಪ್ಪಗಾದರೆ. ಊಟ ಜಾಸ್ತಿ ಆಯ್ತು. ಮೈಕೈ ತುಂಬಿಕೊಂಡು ಚಬ್ಬಿಚಬ್ಬಿಯಾಗಿಬಿಟ್ಟೆ. ಅಯೋಗ್ಯ, ಸೀತಾರಾಮ ಕಲ್ಯಾಣದಲ್ಲಿ ಹಾಗೆಯೇ ನಟಿಸಿದೆ. ಈಗ.. ದಪ್ಪಗಾಗಿದ್ದು ಸಾಕು ಎನ್ನಿಸಿದೆ. ಮತ್ತೆ ಡಯಟ್ ಶುರುವಾಗಿದೆ.

    65 ಕೆಜಿಯಿದ್ದ ನಾನು, ಮತ್ತೆ 58ಕ್ಕೆ ಇಳಿದಿದ್ದೇನೆ. ಇದು ಹೊಸ ಪ್ರಾಜೆಕ್ಟ್‍ಗಾಗಿ ನಡೆಸ್ತಾ ಇರೋ ಕಸರತ್ತೇನಲ್ಲ. ನನಗೆ ಅನ್ನಿಸಿದ್ದು ಅಷ್ಟೆ ಎಂದಿದ್ದಾರೆ ರಚಿತಾ. ರಚಿತಾ ಅವರಿಗೆ ಈಗ ಫಿಟ್‍ನೆಸ್ ಟ್ರೈನರ್ ಆಗಿರೋದು  360 ಶ್ರೀನಿವಾಸ್. ರಚಿತ ಆರೋಗ್ಯವಾಗಿದ್ದಾರೆ. ಹೀಗಾಗಿ ಸರಳ ವರ್ಕೌಟ್ ಮಾಡಿದರೆ ಸಾಕು. ಅವರು ತುಂಬಾ ಶ್ರದ್ಧೆಯಿಂದ ವರ್ಕೌಟ್ ಮಾಡಿ ತೂಕ ಇಳಿಸಿಕೊಂಡಿದ್ದಾರೆ ಎಂದು ಕ್ರೆಡಿಟ್ಟನ್ನೆಲ್ಲ ರಚಿತಾ ರಾಮ್ ಶ್ರದ್ಧೆಗೇ ಕೊಟ್ಟುಬಿಟ್ಟಿದ್ದಾರೆ 360 ಶ್ರೀನಿವಾಸ್.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery