` yuva rajkumar, - chitraloka.com | Kannada Movie News, Reviews | Image

yuva rajkumar,

  • ಅಣ್ಣಾವ್ರ ಹಾದಿಯಲ್ಲಿ ಅಣ್ಣಾವ್ರ ಮೊಮ್ಮಗ

    yuva rajkumar in annavru way

    ಕನ್ನಡದಲ್ಲಿ ಐತಿಹಾಸಿಕ ಚಿತ್ರಗಳೆಂದರೆ ತಕ್ಷಣ ಕಣ್ಣ ಮುಂದೆ ಬರೋದೇ ಅಣ್ಣಾವ್ರು. ಮಯೂರ, ಶ್ರೀಕೃಷ್ಣದೇವರಾಯ, ಇಮ್ಮಡಿ ಪುಲಿಕೇಶಿ, ರಣಧೀರ ಕಂಠೀರವ, ಕನಕದಾಸ, ಪುರಂದರ ದಾಸ, ಸರ್ವಜ್ಞ, ಕಾಳಿದಾಸ.. ಎಲ್ಲವೂ ಅವರೇ. ಈ ಹಾದಿಯಲ್ಲಿ ಶಿವಣ್ಣ ಒಂದೆರಡು ಪ್ರಯತ್ನ ಮಾಡಿದರಾದರೂ ದೊಡ್ಡಮಟ್ಟದ ಯಶಸ್ಸು ಸಿಗಲಿಲ್ಲ. ಪುನೀತ್ ಆ ಸಾಹಸಕ್ಕೆ ಇದುವರೆಗೂ ಕೈ ಹಾಕಿಲ್ಲ. ಹೀಗಿರುವಾಗ ಅಣ್ಣಾವ್ರ ಮೊಮ್ಮಗ ಯುವರಾಜ್ ಕುಮಾರ್ ಮೊದಲ ಚಿತ್ರದಲ್ಲೇ ಆ  ಸಾಹಸಕ್ಕೆ ಕೈ ಹಾಕಲು ಮುಂದಾಗಿದ್ದಾರೆ.

    ಮೈಸೂರು ಸಂಸ್ಥಾನ, ಬೆಂಗಳೂರು ಸುತ್ತಮುತ್ತಲಿನ ರಾಜಮಹಾರಾಜರು, ಕದಂಬರ ಕಾಲದ ಗರುಡ ಎನ್ನುವ ಸೈನ್ಯದ ತಂಡ. ಇವುಗಳ ಕುರಿತು ಚರ್ಚೆ ನಡೆಸುತ್ತಿದ್ದಾರೆ ನಿರ್ದೇಶಕ ಪುನೀತ್ ರುದ್ರನಾಗ್. ಯುವರಾಜ್ ಕುಮಾರ್ ಅವರನ್ನು ಲಾಂಚ್ ಮಾಡುವ ಹೊಣೆ ಹೊತ್ತಿರುವ ಪುನೀತ್ ರುದ್ರನಾಗ್, ಅದಕ್ಕಾಗಿ ಇತಿಹಾಸಕಾರರಾದ ಅರೇನಹಳ್ಳಿ ಶಿವಕುಮಾರ್, ಧರ್ಮೇಂದ್ರ ಕುಮಾರ್ ಮೊದಲಾದವರನ್ನು ಭೇಟಿ ಮಾಡುತ್ತಿದ್ದಾರೆ. ನಿರ್ದೇಶಕರಾದ ಪ್ರಶಾಂತ್ ನೀಲ್ ಮತ್ತು ಮಫ್ತಿ ಖ್ಯಾತಿಯ ನರ್ತನ್ ಬಳಿ ಸಹನಿರ್ದೇಶಕರಾಗಿದ್ದ ಪುನೀತ್ ರುದ್ರನಾಗ್ ಕೆಜಿಎಫ್‍ನ ಕೆಲವು ವಿಶೇಷ ಪಾತ್ರಗಳ ಸೃಷ್ಟಿಯಲ್ಲಿ ತಮ್ಮ ತಾಕತ್ತು ತೋರಿಸಿದ್ದರು.

    ನಾವು ಮಾಡುತ್ತಿರುವುದು ಒಂದು ಐತಿಹಾಸಿಕ ಚಿತ್ರ. ಇದುವರೆಗೂ ಕನ್ನಡದವರಿಗೆ ತಿಳಿಯದೇ ಇರುವ ಒಬ್ಬ ಐತಿಹಾಸಿಕ ವೀರನ ಕಥೆ ಹೇಳಲಿದ್ದೇವೆ ಎಂದಿದ್ದಾರೆ ಪುನೀತ್ ರುದ್ರನಾಗ್. ದೊಡ್ಡ ಜವಾಬ್ದಾರಿಗೆ ಹೆಗಲು ಕೊಡಲು ಹೊರಟಿರುವ ಅವರ ಸಾಹಸಕ್ಕೆ ಶುಭವಾಗಲಿ.

  • ಪ್ರೇಮಿಗಳ ದಿನಕ್ಕೆ ಯುವರತ್ನ

    yuvaratna shooting to start on valentine's day

    ರಾಜಕುಮಾರ ಕಾಂಬಿನೇಷನ್‍ನಲ್ಲಿ ಮೂಡಿಬರುತ್ತಿರುವ ಯುವರತ್ನ ಚಿತ್ರದ ಶೂಟಿಂಗ್, ಫೆಬ್ರವರಿ 14ರಿಂದ ಶುರುವಾಗುತ್ತಿದೆ. ಚಿತ್ರದ ಭರ್ಜರಿ ಆ್ಯಕ್ಷನ್ ಸೀನ್‍ಗಳೊಂದಿಗೇ ಚಿತ್ರೀಕರಣ ಆರಂಭವಾಗುತ್ತಿರುವುದು ವಿಶೇಷ. 

    ರಾಜಕುಮಾರ ನಂತರ, ಸಂತೋಷ್ ಆನಂದ್‍ರಾಮ್ ನಿರ್ದೇಶನದಲ್ಲಿ ಮೂಡಿ ಬರುತ್ತಿರುವ ಚಿತ್ರವಿದು. ಹೊಂಬಾಳೆ ಪ್ರೊಡಕ್ಷನ್ಸ್‍ನಲ್ಲಿ ವಿಜಯ್ ಕಿರಗಂದೂರು ನಿರ್ಮಾಣದ ಸಿನಿಮಾವನ್ನು ದಸರಾ ವೇಳೆಗೆ ತೆರೆಗೆ ತರುವುದಾಗಿ ಚಿತ್ರತಂಡ ಈಗಾಗಲೇ ಘೋಷಿಸಿದೆ.

  • ಯುವ ರಾಜಕುಮಾರ್ ರಂಗ ಪ್ರವೇಶ

    yuva rajkumar to enter films

    ಡಾ.ರಾಜ್ ಕುಟುಂಬದ 3ನೇ ತಲೆಮಾರಿನ ಇನ್ನೊಂದು ಕುಡಿ ಯುವ ರಾಜ್ ಕುಮಾರ್. ರಾಘವೇಂದ್ರ ರಾಜ್‍ಕುಮಾರ್ ಅವರ ಕಿರಿಯ ಮಗ. ಅವರ ಅಭಿನಯದ ಫಸ್ಟ್ ಲುಕ್ ರಿಲೀಸ್ ಮಾಡಿದ್ದು, ಕೈಯ್ಯಲ್ಲಿ ಈಟಿ ಹಿಡಿದಿರುವ ಯುವರಾಜ್ ರಗಡ್ ಲುಕ್‍ನಲ್ಲಿದ್ದಾರೆ.

    ಅಣ್ಣಾವ್ರ 92ನೇ ಹುಟ್ಟುಹಬ್ಬಕ್ಕಾಗಿಯೇ ವಿಶೇಷವಾಗಿ ಡಿಸೈನ್ ಮಾಡಿಸಿ ರಿಲೀಸ್ ಮಾಡಿರುವ ಪೋಸ್ಟರ್ ಇದು. ಪುನೀತ್ ರುದ್ರನಾಗ್ ನಿರ್ದೇಶಕ. ಕೆಜಿಎಫ್ ಖ್ಯಾತಿಯ ಪ್ರಶಾಂತ್ ನೀಲ್ ಅವರ ಗರಡಿಯ ಹುಡುಗ ಪುನೀತ್ ರುದ್ರನಾಗ್. ರವಿ ಬಸ್ರೂರು ಸಂಗೀತ ನಿರ್ದೇಶಕ. ಚಿತ್ರಕ್ಕಿನ್ನೂ ಟೈಟಲ್ ಇಟ್ಟಿಲ್ಲ. ಹುಡುಕಾಟದಲ್ಲಿದ್ದೇವೆ ಎಂದು ಪೋಸ್ಟರ್‍ನಲ್ಲಿಯೇ ಹೇಳಿದೆ ಚಿತ್ರತಂಡ

  • ಯುವ ರಾಜ್ ಕುಮಾರ್ ಮೊದಲ ಚಿತ್ರಕ್ಕೆ ಪುನೀತ್ ನಿರ್ದೇಶನ

    puneeth to direct yuva rajkumar's debut movie

    ಯುವರಾಜ್ ಕುಮಾರ್. ಡಾ.ರಾಜ್ ಕುಟುಂಬದ ಕುಡಿ. ರಾಘವೇಂದ್ರ ರಾಜ್‍ಕುಮಾರ್ ಅವರ 2ನೇ ಮಗ. ನಟಸಾರ್ವಭೌಮ ಚಿತ್ರದ ಆಡಿಯೋ ಲಾಂಚ್ ವೇಳೆ ಅದ್ಭುತವಾಗಿ ಕುಣಿದು ವ್ಹಾವ್ ಎನಿಸಿಕೊಂಡಿದ್ದ ಹುಡುಗ. ಚಿತ್ರರಂಗಕ್ಕೆ ಬರಲು ಅವಸರವೇನೂ ಇಲ್ಲ ಎಂದಿದ್ದ ಯುವರಾಜ್ ಕುಮಾರ್, ರಾಜ್ ಕುಮಾರ್ ಟ್ರಸ್ಟ್ ಕೆಲಸದಲ್ಲಿ ಹೆಚ್ಚು ತೊಡಗಿಸಿಕೊಂಡಿದ್ದರು. ಅವರೀಗ ಹೀರೋ ಆಗೋಕೆ ರೆಡಿ. ಡೈರೆಕ್ಟರ್ ಪುನೀತ್.

    ಕನ್‍ಫ್ಯೂಸ್ ಆಗಬೇಡಿ. ಪುನೀತ್ ಎಂದರೆ, ಯುವರಾಜ್ ಚಿಕ್ಕಪ್ಪ ಪುನೀತ್ ರಾಜ್‍ಕುಮಾರ್ ಅಲ್ಲ. ಪವರ್ ಸ್ಟಾರ್ ಅಣ್ಣನ ಮಗನ ಚಿತ್ರಕ್ಕೆ ಡೈರೆಕ್ಷನ್ ಮಾಡುತ್ತಿರುವ ನಿರ್ದೇಶಕನ ಹೆಸರು ಪುನೀತ್. ಇವರು ಪ್ರಶಾಂತ್ ನೀಲ್ ಜೊತೆ ಕೆಜಿಎಫ್ ಚಿತ್ರಕ್ಕೆ ಅಸಿಸ್ಟೆಂಟ್ ಆಗಿ ಕೆಲಸ ಮಾಡಿದ್ದವರು. ಸ್ಸೋ.. ಡೈರೆಕ್ಟರ್ ಪುನೀತ್, ಯುವ ಚಿತ್ರಕ್ಕೆ ಸ್ಟೋರಿ ಬೋರ್ಡ್ ರೆಡಿ ಮಾಡುತ್ತಿದ್ದಾರೆ. 2020ಕ್ಕೆ ಸಿನಿಮಾ ಲಾಂಚ್ ಆಗಲಿದೆ. ಅಫ್‍ಕೋರ್ಸ್.. ಅದು ದೊಡ್ಮನೆ ಹಬ್ಬವಾಗಲಿದೆ.

  • ರಾಜ್ ಮೊಮ್ಮಗನ ನಿಶ್ಚಿತಾರ್ಥ

    dr rajkumar's grandson engaged

    ಡಾ.ರಾಜ್ ಕುಮಾರ್ ಅವರ ಮೊಮ್ಮಗ, ರಾಘವೇಂದ್ರ ರಾಜ್‍ಕುಮಾರ್ ಅವರ ಮಗ ಯುವ ರಾಜ್‍ಕುಮಾರ್ ಅವರ ನಿಶ್ಚಿತಾರ್ಥ ಮೈಸೂರಿನಲ್ಲಿ ಮೈಸೂರಿನಲ್ಲಿ ಅದ್ಧೂರಿಯಾಗಿ ನೆರವೇರಿದೆ. ಮೈಸೂರಿನ ಯುವತಿ ಶ್ರೀದೇವಿ ಭೈರಪ್ಪ ಮತ್ತು ಯುವರಾಜ್‍ಕುಮಾರ್ ಉಂಗುರ ಬದಲಿಸಿಕೊಂಡಿದ್ದಾರೆ.

    ವಿನಯ್ ರಾಜ್‍ಕುಮಾರ್ ಅವರ ರನ್ ಆ್ಯಂಟನಿ ಸಿನಿಮಾದ ಪ್ರಚಾರದಲ್ಲಿ ಕೆಲಸ ಮಾಡಿದ್ದ ಶ್ರೀದೇವಿಗೆ, ಆ ವೇಳೆ ಯುವರಾಜ್‍ಕುಮಾರ್ ಗೆಳೆತನವಾಗಿತ್ತು. ಗೆಳೆತನ ಪ್ರೀತಿಗೆ ತಿರುಗಿತ್ತು. ಯುವನ ಜೊತೆ ರಾಜ್ ಸಿವಿಲ್ ಸರ್ವಿಸ್ (ಐಎಎಸ್ ಓದಲು ಬಯಸುವ ಬಡ ಪ್ರತಿಭಾವಂತರಿಗೆ ಉಚಿತ ಮಾರ್ಗದರ್ಶನ, ನೆರವು ನೀಡುತ್ತಿರುವ ಸಂಸ್ಥೆ) ನೋಡಿಕೊಳ್ಳುತ್ತಿದ್ದಾರೆ ಶ್ರೀದೇವಿ. ಈಗ ಇಬ್ಬರ ಪ್ರೀತಿಗೆ ಹಿರಿಯರ ಆಶೀರ್ವಾದವೂ ಸಿಕ್ಕು, ಸಪ್ತಪದಿ ತುಳಿಯಲು ಸಿದ್ಧವಾಗಿದೆ ಯುವಜೋಡಿ.

    ಶಿವರಾಜ್‍ಕುಮಾರ್, ರಾಘವೇಂದ್ರ ರಾಜ್‍ಕುಮಾರ್, ಪುನೀತ್ ರಾಜ್‍ಕುಮಾರ್ ಸೇರಿದಂತೆ, ರಾಜ್ ಮನೆತನದ ಸದಸ್ಯರೆಲ್ಲ ಹಾಜರಿದ್ದು, ಯುವ ಜೋಡಿಗೆ ಹರಸಿ ಹಾರೈಸಿದರು. ರೆಬಲ್‍ಸ್ಟಾರ್ ಅಂಬರೀಷ್, ಸುಮಲತಾ, ರಾಕ್‍ಲೈನ್ ವೆಂಕಟೇಶ್, ಶ್ರೀಮುರಳಿ ಸೇರಿದಂತೆ ಕುಟುಂಬದ ಆಪ್ತರು ನಿಶ್ಚಿತಾರ್ಥ ಕಾರ್ಯಕ್ರಮದಲ್ಲಿದ್ದರು. ಮದುವೆ ಶೀಘ್ರದಲ್ಲೇ ನೆರವೇರಲಿದೆ.

  • ಶಿವಣ್ಣ+ಅಪ್ಪು ಡ್ಯಾನ್ಸ್ = ಯುವರಾಜ್ ಕುಮಾರ್ ಡ್ಯಾನ್ಸ್ 

    yuvarajkumar dance mesmerizes everyone

    ಕನ್ನಡದ ನಂ.1 ಡ್ಯಾನ್ಸರ್ ಯಾರು ಅನ್ನೋ ಪ್ರಶ್ನೆಗೆ ಉತ್ತರ ಕೆಲವು ವರ್ಷಗಳ ಹಿಂದೆ ಶಿವಣ್ಣನ ಹೆಸರಲ್ಲಿತ್ತು. ಈಗ ಅದು ಅಪ್ಪು ಹೆಸರಲ್ಲಿದೆ. ಮುಂದಿನ ದಿನಗಳಲ್ಲಿ ಆ ಪಟ್ಟ ಯುವರಾಜ್ ಕುಮಾರ್ ಹೆಸರಿಗೆ ಹೋಗುತ್ತಾ..? ಅಂಥಾದ್ದೊಂದು ಅದ್ಭುತ ಸ್ಟೆಪ್ಪುಗಳ ಮೂಲಕ ಗಮನ ಸೆಳೆದಿದ್ದಾರೆ ಯುವರಾಜ್ ಕುಮಾರ್.

    ನಟಸಾರ್ವಭೌಮ ಚಿತ್ರದ ಆಡಿಯೋ ರಿಲೀಸ್ ಕಾರ್ಯಕ್ರಮದಲ್ಲಿ ಧಮ್ ಪವರೇ ಹಾಡಿಗೆ ಹೆಜ್ಜೆ ಹಾಕಿದ ಯುವರಾಜ್ ಕುಮಾರ್, ಪ್ರೇಕ್ಷಕರ ಚಪ್ಪಾಳೆ ಗಿಟ್ಟಿಸಿಕೊಂಡಿದ್ದಾರೆ. ಮಗನ ಒಂದೊಂದು ಸ್ಟೆಪ್ಪನ್ನೂ ರಾಘವೇಂದ್ರ ರಾಜ್‍ಕುಮಾರ್ ದಂಪತಿ, ಭಾವುಕರಾಗಿ ನೋಡುತ್ತಿದ್ದರೆ, ಚಿಕ್ಕಪ್ಪ ಪುನೀತ್ ರಾಜ್‍ಕುಮಾರ್ ಹುರಿದುಂಬಿಸುತ್ತಿದ್ದರು. 

    ನಮ್ಮನ್ನು ಹರಸಿದಂತೆ ಯುವರಾಜನನ್ನೂ ಹರಸಿ ಎಂದು ಮನವಿ ಮಾಡಿದರು ಪುನೀತ್ ರಾಜ್‍ಕುಮಾರ್. 

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery