` ravichandran, - chitraloka.com | Kannada Movie News, Reviews | Image

ravichandran,

  • ರವಿಚಂದ್ರನ್ ಮಗಳ ಮದುವೆಗೆ ಹಂಸಲೇಖ ಸಂಗೀತ..!

    hamsalekha's music for ravichandran

    ರವಿಚಂದ್ರನ್ ಮತ್ತು ಹಂಸಲೇಖ ಚಿತ್ರರಂಗದಲ್ಲಿ ಅದೆಷ್ಟು ಒಳ್ಳೆಯ ಸ್ನೇಹಿತರು ಎನ್ನುವುದು ಎಲ್ಲರಿಗೂ ಗೊತ್ತು. ಮಧ್ಯೆ ಭಿನ್ನಾಭಿಪ್ರಾಯಗಳು ಬಂದಿರಬಹುದು. ರವಿ ಚಿತ್ರಗಳಿಗೆ ಹಂಸಲೇಖ ಸಂಗೀತ ನೀಡಿರುವುದು ನಿಂತಿರಬಹುದು. ಆದರೆ, ಅವರಿಬ್ಬರ ಗೆಳೆತನ ಈಗಲೂ ಹಾಗೆಯೇ ಇದೆ. 

    ರವಿಚಂದ್ರನ್‍ರನ್ನು ಯಜಮಾನ್ರೇ ಎಂದು ಕರೆಯುವ ಪ್ರೀತಿಯನ್ನು ಹಾಗೆಯೇ ಉಳಿಸಿಕೊಂಡಿದ್ದಾರೆ ಹಂಸಲೇಖ. ಅದು ರವಿಚಂದ್ರನ್ ಮಗಳ ಮದುವೆಯಲ್ಲೂ ಸಾಬೀತಾಗುತ್ತಿದೆ.

    ಮೇ 28,29ರಂದು ರವಿಚಂದ್ರನ್ ಮಗಳು ಗೀತಾಂಜಲಿ ಮದುವೆ ಇದೆ. ಆ ಮದುವೆಗೆ ಸಂಗೀತ ಕಾರ್ಯಕ್ರಮ ನಡೆಸಿಕೊಡ್ತಿರೋದು ಹಂಸಲೇಖ. ರವಿಚಂದ್ರನ್ ತಮ್ಮ ಮಗಳಿಗಾಗಿಯೇ ಒಂದು ಹಾಡನ್ನು ಬರೆದು, ಸಂಗೀತ ನಿರ್ದೇಶನ ಮಾಡಿದ್ದಾರೆ. ಈಗ ಅವರ ಮಗಳ ಮದುವೆಯ ಇಡೀ ಸಂಗೀತ ಕಾರ್ಯಕ್ರಮನ್ನು ಅವರ ಗೆಳೆಯ ಹಂಸಲೇಖ ನಿರ್ದೇಶನ ಮಾಡುತ್ತಿದ್ದಾರೆ.

  • ರವಿಚಂದ್ರನ್ ಮಗಳು ಈಗ ಹೀರೋಯಿನ್..!

    ravichandran's daughter is heroine

    ರವಿಚಂದ್ರನ್‍ಗೆ ಇರೋದೇ ಇಬ್ಬರು ಮಕ್ಕಳು. ಇಬ್ಬರೂ ಗಂಡು ಮಕ್ಕಳು. ಇದೆಲ್ಲಿಂದ ಬಂದಳು ಮಗಳು ಎಂದು ಕನ್‍ಫ್ಯೂಸ್ ಆಗಬೇಡಿ. ಈ ಮಗಳು ಆರೋಹಿ. ರವಿಚಂದ್ರನ್ ಮಗಳೆಂದೇ ಗುರುತಿಸಿಕೊಂಡ ಆರೋಹಿ, ದೃಶ್ಯ ಚಿತ್ರದಲ್ಲಿ ನಟಿಸಿದ್ದ ಹುಡುಗಿ. ಈಗ ಈ ಹುಡುಗಿ ಹೀರೋಯಿನ್ ಆಗುತ್ತಿದ್ದಾರೆ.

    ಕಿರಿಕ್ ಪಾರ್ಟಿ ಚಿತ್ರದಲ್ಲಿ ಪುಟ್ಟ ಪಾತ್ರದಲ್ಲಿ ನಟಿಸಿದ್ದ ಅರವಿಂದ ಅಯ್ಯರ್ ನಾಯಕನಾಗಿರುವ ಚಿತ್ರದಲ್ಲಿ ಆರೋಹಿ ಹೀರೋಯಿನ್. 

  • ರವಿಚಂದ್ರನ್ ಸಿನಿಮಾ ವಿರುದ್ಧ 1 ರೂ. ಮಾನನಷ್ಟ ಮೊಕದ್ದಮೆ

    daasharatha faces defamtion charges

    ರವಿಚಂದ್ರನ್ ಅಭಿನಯದ ದಶರಥ ಇನ್ನೇನು ರಿಲೀಸ್ ಆಗಲಿದೆ ಎಂದು ಕಾದು ಕುಳಿತಿದ್ದವರಿಗೆ ಶಾಕಿಂಗ್ ನ್ಯೂಸ್. ದಶರಥ ಚಿತ್ರದ ಒಂದು ಹಾಡು ಈಗ ವಿವಾದಕ್ಕೊಳಗಾಗಿದೆ. ಕರಿಕೋಟು ಹಾಕೊರೆಲ್ಲ.. ಕೇಸು ಗೆಲ್ಲೋದಿಲ್ಲ.. ಕೇಸು ಗೆದ್ದೋರೆಲ್ಲ.. ಹರಿಶ್ಚಂದ್ರರಲ್ಲ.. ಎಂಬ ಹಾಡು ಈಗ ವಿವಾದದ ಕೇಂದ್ರಬಿಂದು.

    ಇದೇ ಹಾಡಿನ ಸಾಹಿತ್ಯದ ವಿರುದ್ಧ ಈಗ ಬೆಂಗಳೂರಿನ ವಕೀಲ ಗಡಿಲಿಂಗಪ್ಪ ನ್ಯಾಯಾಲಯದ ಮೆಟ್ಟಿಲೇರಿದ್ದಾರೆ. 1 ರೂ. ಮಾನನಷ್ಟ ಮೊಕದ್ದಮೆ ಹೂಡಿದ್ದಾರೆ.

    ಚಿತ್ರದ ಗೀತರಚನೆಕಾರ, ಗಾಯಕ, ನಿರ್ದೇಶಕ, ಸಂಗೀತ ನಿರ್ದೇಶಕ , ಲಹರಿ ಆಡಿಯೋ ಸಂಸ್ಥೆ ಹಾಗೂ ನಿರ್ಮಾಪಕರ ವಿರುದ್ಧ ಕೇಸ್ ಹಾಕಿದ್ದಾರೆ. ಯುದ್ಧಕಾಂಡ ಚಿತ್ರದ ನಂತರ ರವಿಚಂದ್ರನ್ ವಕೀಲರಾಗಿ ಕಾಣಿಸಿಕೊಳ್ತಿರೋ ಚಿತ್ರಕ್ಕೆ ಎಂ.ಎಸ್.ರಮೇಶ್ ನಿರ್ದೇಶಕ. ಅಕ್ಷಯ್ ಎಂಬುವವರು ಚಿತ್ರದ ನಿರ್ಮಾಪಕರು. 

  • ರವಿಚಂದ್ರನ್ ಸಿನಿಮಾ.. ಆ ದೃಶ್ಯ

    ravichandran k manju movie titled aa drishya

    ಕ್ರೇಜಿಸ್ಟಾರ್ ರವಿಚಂದ್ರನ್ ಮತ್ತು ನಿರ್ಮಾಪಕ ಕೆ.ಮಂಜು ಕಾಂಬಿನೇಷನ್‍ನ ಶಿವಗಣೇಶ್ ನಿರ್ದೇಶನದ ಚಿತ್ರಕ್ಕೆ ಆ ದೃಶ್ಯ ಎಂದು ಹೆಸರಿಡಲಾಗಿದೆ. ರವಿಚಂದ್ರನ್ ಈ ಚಿತ್ರದಲ್ಲಿ ತನಿಖಾಧಿಕಾರಿಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು ವಿಶೇಷ ಗೆಟಪ್‍ನಲ್ಲಿ ನಟಿಸುತ್ತಿದ್ದಾರೆ. ಈ ಗೆಟಪ್‍ನಲ್ಲಿ ಅವರು 20 ವರ್ಷ ಚಿಕ್ಕವರಂತೆ ಕಾಣಿಸುತ್ತಿರುವುದು ವಿಶೇಷ.

    ದೃಶ್ಯ ಚಿತ್ರದಲ್ಲಿ ಕುಟುಂಬಕ್ಕಾಗಿ ಪೊಲೀಸರನ್ನೇ ಯಾಮಾರಿಸುವ ಪಾತ್ರದಲ್ಲಿ ನಟಿಸಿದ್ದ ರವಿಚಂದ್ರನ್, ಆ ದೃಶ್ಯ ಚಿತ್ರದಲ್ಲಿ ಸ್ವತಃ ಅವರೇ ಒಬ್ಬ ಪೊಲೀಸ್. ಜಿಗರ್‍ಥಂಡ ಖ್ಯಾತಿಯ ಶಿವಗಣೇಶ್ ಅವರ ಚಿತ್ರಕಥೆ ಹಾಗೂ ಕಥೆ ಹೇಳುವ ಶೈಲಿಯನ್ನು ರವಿಚಂದ್ರನ್ ಮೆಚ್ಚಿಕೊಂಡಿದ್ದು, ಚಿತ್ರಕ್ಕೆ ಈಗ ಆ ದೃಶ್ಯ ಎಂಬ ಟೈಟಲ್‍ನ್ನೇ ಫೈನಲ್ ಮಾಡಲಾಗಿದೆಯಂತೆ. ದೃಶ್ಯದಂತೆಯೇ ಆ ದೃಶ್ಯವೂ ಸಕ್ಸಸ್ ಆಗಲಿ ಎನ್ನುವುದು ಎಲ್ಲರ ಹಾರೈಕೆ.

  • ರವಿಚಂದ್ರನ್-ಉಪ್ಪಿ ಕಾಂಬಿನೇಷನ್ ಚಿತ್ರದ ಟೈಟಲ್ ಮತ್ತೆ ಬದಲು

    Ravichandran- Upendra Movie Title Changed

    ಕ್ರೇಜಿಸ್ಟಾರ್ ರವಿಚಂದ್ರನ್ ಮತ್ತು ರಿಯಲ್ ಸ್ಟಾರ್ ಉಪೇಂದ್ರ. ಇವರಿಬ್ಬರೂ ಒಟ್ಟಿಗೇ ನಟಿಸುತ್ತಿರುವ ಮೊತ್ತ ಮೊದಲ ಚಿತ್ರದ ಟೈಟಲ್ ಸತತ 3ನೇ ಬಾರಿಗೆ ಬದಲಾಗಿದೆ.

    ಆರಂಭದಲ್ಲಿ ಈ ಚಿತ್ರಕ್ಕೆ ರವಿಚಂದ್ರ ಎಂದು ಟೈಟಲ್ ಕೊಡಲಾಗಿತ್ತು. ನಂತರ ವೇದವ್ಯಾಸ ಎಂದು ಟೈಟಲ್ ಬದಲಾವಣೆ ಮಾಡಲಾಯ್ತು. ಈಗ ಅದೇ ಚಿತ್ರಕ್ಕೆ ತ್ರಿಶೂಲಂ ಎಂದು ಟೈಟಲ್ ಇಡಲಾಗಿದೆ. ಉಪ್ಪಿ ಹುಟ್ಟುಹಬ್ಬದ ಹಿನ್ನೆಲೆಯಲ್ಲಿ ಹೊಸ ಟೈಟಲ್ ಇರುವ ಪೋಸ್ಟರ್ ಕೂಡಾ ರಿಲೀಸ್ ಆಗಿದೆ.

    ಇದು ತೆಲುಗಿನ ಬಲುಪು ಚಿತ್ರದ ರೀಮೇಕ್. ರವಿತೇಜ, ಪ್ರಕಾಶ್ ರೈ ನಟಿಸಿದ್ದ ಆ ಚಿತ್ರವನ್ನು ಕನ್ನಡದಲ್ಲಿ ಮಾಡಲಾಗುತ್ತಿದೆ. ರವಿತೇಜ ರೋಲ್‍ನಲ್ಲಿ ಉಪ್ಪಿ, ರೈ ಪಾತ್ರದಲ್ಲಿ ರವಿಚಂದ್ರನ್ ನಟಿಸುತ್ತಿದ್ದಾರೆ. ಚಿತ್ರಕ್ಕೆ ಶಾನ್ವಿ ಶ್ರೀವಾತ್ಸವ್ ನಾಯಕಿ. ನಿಮಿಕಾ ರತ್ನಾಕರ್ ಇನ್ನೋರ್ವ ನಾಯಕಿ. ಓಂ ಪ್ರಕಾಶ್ ರಾವ್ ನಿರ್ದೇಶನದ ಚಿತ್ರಕ್ಕೆ ಆರ್. ಶ್ರೀನಿವಾಸ್ ನಿರ್ಮಾಪಕ.

  • ರವಿಚಂದ್ರನ್-ಸುಧಾರಾಣಿ ಮತ್ತೆ ಜೋಡಿ..!

    ravichandran adnd sudharani in paddehuli

    ಕ್ರೇಜಿಸ್ಟಾರ್ ರವಿಚಂದ್ರನ್ ಮತ್ತು ಸುಧಾರಾಣಿ ಒಟ್ಟಿಗೇ ನಟಿಸಿದ್ದ ಸಿನಿಮಾ ಮನೆದೇವ್ರು. ನಟಿಸಿದ್ದು ಒಂದೇ ಸಿನಿಮಾ ಆದರೂ ಕನ್ನಡ ಚಿತ್ರರಸಿಕರ ನೆನಪಿನಲ್ಲಿ ಸದಾ ಹಸಿರಾಗಿರುವ ಜೋಡಿ ರವಿ-ಸುಧಾ ಅವರದ್ದು. ಈಗ ಆ ಜೋಡಿ ಮತ್ತೆ ಒಂದಾಗುತ್ತಿದೆ. ತೆರೆಯ ಮೇಲೆ. ಪಡ್ಡೆ ಹುಲಿ ಚಿತ್ರದಲ್ಲಿ.

    ಪಡ್ಡೆ ಹುಲಿ ಚಿತ್ರದಲ್ಲಿ ರವಿಚಂದ್ರನ್ ಕನ್ನಡ ಪ್ರೊಫೆಸರ್ ಪಾತ್ರ ಮಾಡುತ್ತಿದ್ದಾರೆ. ಅದು ಚಾಮಯ್ಯ ಮೇಷ್ಟ್ರು ಪಾತ್ರದಂತೆಯೇ ಹಿಟ್ ಆಗಲಿದೆ ಅನ್ನೋದು ನಿರ್ದೇಶಕ ಗುರು ದೇಶಪಾಂಡೆ ಭರವಸೆ. ಆ ಪಾತ್ರದಲ್ಲಿ ನಿಮಗೆ ಯು.ಆರ್.ಅನಂತಮೂರ್ತಿ ಮತ್ತು ಎಸ್.ಎಲ್. ಭೈರಪ್ಪ ಕಂಡರೆ ಅಚ್ಚರಿಯಿಲ್ಲ, ಅಷ್ಟರಮಟ್ಟಿಗೆ ಆ ಪಾತ್ರವನ್ನು ಕಟ್ಟಲಾಗಿದೆ. ನಾಯಕನ ತಂದೆಯಾಗಿ ನಟಿಸುತ್ತಿರುವ ರವಿಚಂದ್ರನ್‍ಗೆ ಸುಧಾರಾಣಿ ಜೋಡಿ.

    ನಿರ್ಮಾಪಕ ಕೆ.ಮಂಜು ಪುತ್ರ ಶ್ರೇಯಸ್ ನಟಿಸುತ್ತಿರುವ ಮೊದಲ ಸಿನಿಮಾ ಪಡ್ಡೆಹುಲಿ. ನಿಶ್ವಿಕಾ ನಾಯ್ಡು ನಾಯಕಿಯಾಗಿರುವ ಚಿತ್ರದ ನಿರ್ಮಾಪಕರು ರಮೇಶ್ ರೆಡ್ಡಿ ನಂಗ್ಲಿ.

     

  • ರವಿಚಂದ್ರನ್‍ರನ್ನು ನೋಡಿ ಕಾಲಿಗೆ ಬಿದ್ದವರು ಯಾರು..?

    ravichandran as krishna

    ಕ್ರೇಜಿ ಸ್ಟಾರ್ ರವಿಚಂದ್ರನ್, ಇದೇ ಮೊದಲ ಬಾರಿಗೆ ಕುರುಕ್ಷೇತ್ರ ಚಿತ್ರದಲ್ಲಿ ಪೌರಾಣಿಕ ಪಾತ್ರ ನಿರ್ವಹಿಸುತ್ತಿರುವುದು ಸರಿಯಷ್ಟೆ. ತಮ್ಮ ಆರಂಭದ ದಿನಗಳ ಸಿನಿಮಾಗಳಲ್ಲಿ ಪೋಲಿಕೃಷ್ಣನಾಗಿದ್ದ ರವಿಚಂದ್ರನ್, ಕುರುಕ್ಷೇತ್ರ ಚಿತ್ರದಲ್ಲಿ ನಿಜವಾದ ಶ್ರೀಕೃಷ್ಣನ ಪಾತ್ರದಲ್ಲಿಯೇ ನಟಿಸುತ್ತಿದ್ದಾರೆ.

    ಆ ಚಿತ್ರಕ್ಕಾಗಿ 8 ಕೆಜಿ ತೂಕ ಇಳಿಸಿಕೊಂಡಿರುವ ರವಿಚಂದ್ರನ್, ಮೀಸೆಗೂ ಬೈ ಬೈ ಹೇಳಿದ್ದರು. ಆಗ  ಅವರನ್ನು ನೋಡಿದವರೊಬ್ಬರು ನೀವು ವೀರಸ್ವಾಮಿ ಅವರ ತರಾ ಕಾಣಿಸ್ತಿದ್ದೀರಾ ಅಂದರಂತೆ. ಅದು ರವಿಚಂದ್ರನ್ ಅವರಿಗೆ ಸಿಕ್ಕಿರುವ ಬೆಸ್ಟ್ ಕಾಂಪ್ಲಿಮೆಂಟು.

    ಇನ್ನು ಚಿತ್ರದ ಮೇಕಪ್, ಮೈತುಂಬಾ ಬಳಿದ ನೀಲಿಬಣ್ಣ ಇಷ್ಟವಾಗದೆ ಮೊದಲ ದಿನ ಶೂಟಿಂಗ್‍ಗೇ ಹೋಗಲಿಲ್ಲವಂತೆ ರವಿಚಂದ್ರನ್. ಎರಡನೇ ದಿನ ತಾವೇ ನಾಲ್ಕು ಕಲರ್ ತರಿಸಿಕೊಂಡು, ಕಾಸ್ಟ್ಯೂಮ್‍ನ್ನು ಬದಲಾಯಿಸಿಕೊಂಡು ಅದೇ ದಿನ ಸಂಜೆ ಶ್ರೀಕೃಷ್ಣನ ಗೆಟಪ್‍ನಲ್ಲಿ ಸೆಟ್‍ಗೆ ಹೋಗಿದ್ದಾರೆ ರವಿಚಂದ್ರನ್. ಸೆಟ್‍ನಲ್ಲಿದ್ದವರೆಲ್ಲ ಕಾಲಿಗೆ ಬಿದ್ದರಂತೆ.

    ಅಷ್ಟಿಲ್ಲದೆ ಹೇಳ್ತಾರಾ.. ರವಿ ಕಾಣದ್ದನ್ನು ಕವಿ ಕಂಡ, ಕವಿಯೂ ಕಾಣದ್ದನ್ನು ರವಿಚಂದ್ರನ್ ಕಂಡ ಅಂತ.

  • ರವಿಚಂದ್ರನ್‍ರಿಂದ ಮತ್ತೊಂದು ಥ್ರಿಲ್ಲರ್

    ravichandran and k manju team up for a movie

    ದೃಶ್ಯ ಚಿತ್ರದಂತಾ ಥ್ರಿಲ್ಲರ್ ಮೂಲಕ ಮತ್ತೆ ಹಿಟ್ ಸಿನಿಮಾ ಕೊಟ್ಟ ರವಿಚಂದ್ರನ್, ಈಗ ಮತ್ತೂ ಒಂದು ಥ್ರಿಲ್ಲರ್ ಕಥೆ ಮಾಡುತ್ತಿದ್ದಾರೆ. ಈ ಬಾರಿ ರವಿಚಂದ್ರನ್ ಸಸ್ಪೆನ್ಸ್ ಥ್ರಿಲ್ಲರ್ ಸಿನಿಮಾ ಮಾಡುತ್ತಿರುವುದು ಮಂಜು ಬ್ಯಾನರ್‍ಗೆ. ಕೆ. ಮಂಜು ಬ್ಯಾನರ್‍ನಲ್ಲಿ ನಿರ್ಮಾಣವಾಗುತ್ತಿರುವ ಹೊಸ ಸಿನಿಮಾಗೆ ರವಿಚಂದ್ರನ್ ಹೀರೋ. ಜಿಗರ್‍ಥಂಡ ಖ್ಯಾತಿಯ ಶಿವಗಣೇಶ್ ನಿರ್ದೇಶನವಿರುತ್ತೆ.

    ಈ ಸಿನಿಮಾ ತಮಿಳಿನ ದುರುವಂಗಲ್ ಪದಿನಾರು ಚಿತ್ರದ ರೀಮೇಕ್. ತೆಲುಗಿನಲ್ಲಿ 16 ಹೆಸರಲ್ಲಿ ಡಬ್ಬಿಂಗ್ ಆಗಿದ್ದ ಸಿನಿಮಾವನ್ನ ಕನ್ನಡಕ್ಕೆ ತರುತ್ತಿದ್ದಾರೆ ಕೆ. ಮಂಜು. ಒಂದು ಕೊಲೆಯ ಸುತ್ತಲೇ ಸುತ್ತುವ ಕಥೆ, ಕಟ್ಟಕಡೆಯವರೆಗೂ ಕುತೂಹಲ ಹುಟ್ಟಿಸುತ್ತೆ. ಚಿತ್ರದಲ್ಲಿ ರವಿಚಂದ್ರನ್ ಅವರದ್ದು ತನಿಖಾಧಿಕಾರಿಯ ಪಾತ್ರ. ಈ ಹಿಂದೆ ಮಂಜು ಜೊತೆ ಸಾಹುಕಾರ, ಕಳ್ಳಮಳ್ಳಸುಳ್ಳ, ಒಡಹುಟ್ಟಿದವಳು, ರಾಜಕುಮಾರಿ.. ಮೊದಲಾದ ಚಿತ್ರ ಮಾಡಿದ್ದ ರವಿಚಂದ್ರನ್, ಮತ್ತೊಮ್ಮೆ ಮಂಜು ಜೊತೆಯಾಗಿದ್ದಾರೆ.

  • ರವಿಮಾಮನ ರುಕ್ಮಿಣಿ ನೋಡಿದ್ರಾ..?

    ravichandran's rukmini is pragya jaiswal

    ನಾನು ಹೆಸರಿಗಷ್ಟೇ ಕೃಷ್ಣ, 16 ಸಾವಿರ ಗೋಪಿಕೆಯರ ಇನಿಯ.. ಆದರೆ, ಇಡೀ ಸಿನಿಮಾದಲ್ಲಿ ನನಗೆ ಒಬ್ಬರೇ ಒಬ್ಬ ನಾಯಕಿಯಿಲ್ಲ ಎಂದು ನಿರ್ಮಾಪಕ ಮುನಿರತ್ನರನ್ನು ಕಿಚಾಯಿಸಿದ್ದರು ಕೃಷ್ಣ. ರವಿಮಾಮಂಗೇ ಹೀರೋಯಿನ್ ಇಲ್ಲ ಅಂದ್ರೆ ಎಂಥ ಎಂಬ ಪ್ರಶ್ನೆ ಅಭಿಮಾನಿಗಳಿಂದ ಬಂದಿತ್ತು. ಈಗ ರವಿಮಾಮಂಗೂ ನಾಯಕಿ ಇದ್ದಾರೆ ಅನ್ನೋ ಸುದ್ದಿ ಹೊರಬಿಟ್ಟಿದೆ ಕುರುಕ್ಷೇತ್ರ ಟೀಂ.

    ಶ್ರೀಕೃಷ್ಣನಿಗೆ ರುಕ್ಮಿಣಿ ಪತ್ನಿ, ಆ ಪಾತ್ರದಲ್ಲಿ ತೆಲುಗು ಮೂಲದ ನಟಿ ಪ್ರಗ್ಯಾ ಜೈಸ್ವಾಲ್ ನಟಿಸಿದ್ದಾರಂತೆ. ತೆಲುಗಿನಲ್ಲಿ ವಿಕ್ಟರಿ ವೆಂಕಟೇಶ್ ಸೇರಿದಂತೆ ಹಲವರ ಜೊತೆ ನಟಿಸಿರುವ ಪ್ರಗ್ಯಾ, ಇಲ್ಲಿ ರವಿಚಂದ್ರನ್ ಎದುರು ರುಕ್ಮಿಣಿ.

    ಇಷ್ಟೆಲ್ಲ ಇದ್ರೂ.. ಅವರು ಬರೋದು ಒಂದೇ ಒಂದು ಸೀನ್‍ನಲ್ಲಂತೆ..

  • ರಾಜೇಂದ್ರ ಪೊನ್ನಪ್ಪನ ನಿರೀಕ್ಷೆ 50 ಕೋಟಿ..!

    ravichandran expects mega hit from rajendra ponappa

    57ನೇ ಹುಟ್ಟುಹಬ್ಬ ಆಚರಿಸಿಕೊಂಡಿರುವ ರವಿಚಂದ್ರನ್, ಖುಷಿ ಖುಷಿಯಾಗಿದ್ದಾರೆ. ಮಗಳು ಕೊಟ್ಟ ಕೂಲಿಂಗ್ ಗ್ಲಾಸ್ ಉಡುಗೊರೆ, ಮಗ ಕೊಟ್ಟ ಕ್ರೇಜಿ ಟೀಷರ್ಟ್ ಕಾಣಿಕೆ, ಪಡ್ಡೆಹುಲಿಯ ಸ್ಪೆಷಲ್ ಟೀಸರ್ ಗಿಫ್ಟ್.. ಅಭಿಮಾನಿಗಳು ತಂದಿದ್ದ ಅಭಿಮಾನದ ಕೇಕ್.. ರವಿಚಂದ್ರನ್ ಹುಟ್ಟುಹಬ್ಬದ ಸಂಭ್ರಮಕ್ಕೆ ನೂರಾರು ಕಾರಣಗಳಿದ್ದವು.

    ಆದರೆ, ರವಿಚಂದ್ರನ್ ಎಂದಿನಂತೆ ಸಿನಿಮಾ ಭಕ್ತ. ಸಿನಿಮಾ ಹೊರತುಪಡಿಸಿ ಬೇರೇನನ್ನೂ ಚಿಂತಿಸದ ರವಿಚಂದ್ರನ್, ಎಂದಿನಂತೆ ತಮ್ಮ ಕನಸಿನ ಮಂಜಿನ ಹನಿ ಸಿನಿಮಾದ ಕನಸು ಹಂಚಿಕೊಂಡರು. ಆ ಸಿನಿಮಾಗಾಗಿ ಈಗಾಗಲೇ 8 ಕೋಟಿ ಖರ್ಚು ಮಾಡಿದ್ದಾರಂತೆ ರವಿಚಂದ್ರನ್. 

    ರಾಜೇಂದ್ರ ಪೊನ್ನಪ್ಪ ಸಿನಿಮಾ ಮೇಲೆ ನಿರೀಕ್ಷೆ ಇದೆ. ಅದು ಕ್ಲಾಸ್-ಮಾಸ್ ಸಿನಿಮಾ. ಆ ಸಿನಿಮಾದ ಮೂಲಕ ನೀವು ಮತ್ತೊಮ್ಮೆ ರಣಧೀರನನ್ನು ನೋಡ್ತೀರಿ ಎಂದಿರುವ ರವಿಚಂದ್ರನ್, ಆ ಸಿನಿಮಾ ಏನಾದರೂ 50 ಕೋಟಿ ದುಡಿದುಬಿಟ್ಟರೆ, ಮಂಜಿನ ಹನಿ ಮತ್ತೆ ಟೇಕಾಫ್ ಆಗಲಿದೆ ಅಂದ್ರು. 

    ಕನಸುಗಾರನ ಕನಸುಗಳಲ್ಲಿ ಸಿನಿಮಾ ಬಿಟ್ಟು ಬೇರೇನೂ ಇಲ್ಲ. ರಾಜೇಂದ್ರ ಪೊನ್ನಪ್ಪ ಚಿತ್ರ ಯಶಸ್ವಿಯಾಗಲಿ ಅನ್ನೋದು ಅಭಿಮಾನಿಗಳ ಹಾರೈಕೆ. ಆದರೆ, ಸದ್ಯಕ್ಕೆ ಆ ದೊಡ್ಡ ಬಜೆಟ್‍ನ ಕಾರಣಕ್ಕಾಗಿಯೇ ಮಂಜಿನ ಹನಿಯನ್ನು ಡ್ರಾಪ್ ಮಾಡಿದ್ದಾರಂತೆ ರವಿಚಂದ್ರನ್.

  • ರಾಜ್ಯೋತ್ಸವಕ್ಕೆ ರಾಜೇಂದ್ರ ಪೊನ್ನಪ್ಪ

    rajendra ponappa movie image

    ಕ್ರೇಜಿಸ್ಟಾರ್ ರವಿಚಂದ್ರನ್ ಅಭಿನಯ ಹಾಗೂ ನಿರ್ದೇಶನದ ರಾಜೇಂದ್ರ ಪೊನ್ನಪ್ಪ, ರಾಜ್ಯೋತ್ಸವಕ್ಕೆ ಬಿಡುಗಡೆಯಾಗುವ ಸಾಧ್ಯತೆ ಇದೆ. ಕಳೆದ 10 ವರ್ಷಗಳಲ್ಲಿ ಸ್ವತಃ ರವಿಚಂದ್ರನ್ ನಿರ್ದೇಶಿಸಿರುವ 3ನೇ ಸಿನಿಮಾ ಇದು. ರಾಜೇಂದ್ರ ಪೊನ್ನಪ್ಪ, ರವಿಚಂದ್ರನ್ ಅವರ ಹಿಟ್ ಸಿನಿಮಾ ಆಗಿರುವ ದೃಶ್ಯ ಚಿತ್ರದ ಪಾತ್ರಧಾರಿಯ ಹೆಸರು. ಆದರೆ, ಇದು ದೃಶ್ಯ ಚಿತ್ರದ ಮುಂದುವರಿದ ಭಾಗ ಅಲ್ಲ.

    ರವಿಚಂದ್ರನ್ ಕನ್ನಡ ಚಿತ್ರರಂಗದ ಸ್ಟಾರ್ ಡೈರೆಕ್ಟರ್‍ಗಳಲ್ಲಿ ಒಬ್ಬರು. ಅವರು ಇದುವರೆಗೆ ನಿರ್ದೇಶಿಸಿರುವುದು 23 ಸಿನಿಮಾ. ಇದು ಅವರ 24ನೇ ಸಿನಿಮಾ ಆಗಲಿದೆ. ಅಪೂರ್ವ ಸಿನಿಮಾ ನಂತರ ರವಿಚಂದ್ರನ್ ನಿರ್ದೇಶಿಸುತ್ತಿರುವ ಸಿನಿಮಾ ಇದು. ಇತ್ತೀಚೆಗೆ ಹೀರೋ ಪಾತ್ರಗಳನ್ನು ಬಿಟ್ಟು, ಯಂಗ್‍ಸ್ಟಾರ್‍ಗಳ ಜೊತೆ ಹಿರಿಯ ಪಾತ್ರಧಾರಿಯಾಗಿ ಕಾಣಿಸಿಕೊಳ್ಳುತ್ತಿರುವ ರವಿಚಂದ್ರನ್, ಈ ಚಿತ್ರದಲ್ಲಿ ಹೀರೋ. ಅವರೇ ಹೀರೋ.. ಅವರೇ ಡೈರೆಕ್ಟರ್.

    ರವಿಚಂದ್ರನ್‍ಗೆ ನಾಯಕಿಯಾಗಿರೋದು ರಾಧಿಕಾ ಕುಮಾರಸ್ವಾಮಿ. ಆದರೆ, ಚಿತ್ರದ ಪೋಸ್ಟರ್‍ಗಳಲ್ಲಿ ಕೇವಲ ರವಿಚಂದ್ರನ್ ಮಾತ್ರ ಕಾಣಿಸುತ್ತಿದ್ದಾರೆ. ಹಾಗಾದರೆ, ಚಿತ್ರದಲ್ಲಿ ರಾಧಿಕಾ ಕುಮಾರಸ್ವಾಮಿ ಕಂಟಿನ್ಯೂ ಆಗಿದ್ದಾರಾ.. ಇಲ್ಲವಾ.. ಅದಕ್ಕೆ ಉತ್ತರ ಸಿಕ್ಕಿಲ್ಲ.

    ಆದರೆ ಪೋಸ್ಟರ್ ಮೇಲಿರುವ ಡೈಲಾಗುಗಳು ವಿಚಿತ್ರ ಕುತೂಹಲ ಹುಟ್ಟಿಸಿವೆ. ಸುಮ್ಮನೆ ಸ್ಯಾಂಪಲ್ ನಓಡಿ. ಕಾಸಿದ್ದೋನೇ ಇಲ್ಲಿ ಯಜಮಾನ, ತಲೆ ಇದ್ದೋನು ಇಲ್ಲಿ ಜವಾನ.. ತಪ್ ಮಾಡ್ದೋನ್ಗೆ ಇಲ್ಲಿ ಸನ್ಮಾನ, ತೆಪ್ಗಿದ್ದೋನ್ಗೆ ಬರೀ ಅವಮಾನ..  ನನ್ನ ಕಾಲ ಮೇಲೆ ನಿಂತು ಸಾಯ್ತೀನೇ ಹೊರತು, ಮಂಡಿಯೂರಿ ಸಾಯಲ್ಲ..  ನಿನಗೆ ಸರಿ ಅನ್ಸಿದ್ದಕ್ಕೆ ನಿಂತ್ಕೋ, ಏಕಾಂಗಿ ಆದ್ರೂ ಸರಿ...  ಇಂತಹ ತರಹೇವಾರಿ ಡೈಲಾಗುಗಳು ಪೋಸ್ಟರ್ ಮೇಲಿವೆ. ಕುತೂಹಲ ಹುಟ್ಟಿಸೋಕೆ ಅಷ್ಟು ಸಾಕೇನೋ..

  • ರಾಮಾಚಾರಿಯ ಯಾರಿವಳು ಹಾಡಿನ ಹಿಂದಿನ ಕಥೆ..!

    yarivalu song

    ರಾಮಾಚಾರಿ ಚಿತ್ರದ ಯಾರಿವಳು.. ಯಾರಿವಳು... ಹಾಡು ಕನ್ನಡ ಚಿತ್ರರಂಗದ ಅಪರೂಪದ ಹಾಡುಗಳಲ್ಲಿ ಒಂದು. ಮಾಲಾಶ್ರೀಯವರಿಗಂತೂ ಆ ಹಾಡು ಇನ್ನೂ ವಿಶೇಷ. ಒಂದು ಹೆಣ್ಣು ಹೇಗಿರಬೇಕು ಎಂದು ಹಳ್ಳಿಯ ಭಾಷೆಯಲ್ಲಿ ವರ್ಣಿಸುವ ಆ ಹಾಡು ಬಿಡುಗಡೆಯಾದಾಗ ಇತಿಹಾಸವನ್ನೇ ಸೃಷ್ಟಿಸಿತ್ತು. ಹೆಣ್ಣು ನೋಡೋಕೆ ಹೋದಾಗ ಹುಡುಗಿ ಹೇಗಿರಬೇಕು ಅಂದ್ರೆ, ಮಾಲಾಶ್ರೀ ಇದ್ದಂಗಿರಬೇಕು ಎಂಬುದು ಆ ಕಾಲದ ಫೇಮಸ್ ಡೈಲಾಗ್.

    ಅಷ್ಟೆಲ್ಲ ಇತಿಹಾಸ ಸೃಷ್ಟಿಸಿದ ಆ ಹಾಡಿನ ಚಿತ್ರೀಕರಣದ ವೇಳೆ, ಮಾಲಾಶ್ರೀಗೆ ಚಿತ್ರದ ಟೇಕಿಂಗ್ಸ್‍ಗಳೇ ಅರ್ಥವಾಗುತ್ತಿರಲಿಲ್ಲವಂತೆ. ಇಷ್ಟೊಂದು ಶಾಟ್ ಯಾಕೆ ತೆಗಿತಿದ್ದಾರೆ ಅಂತಾ ತಲೆಕೆಡಿಸಿಕೊಂಡಿದ್ರಂತೆ. ಏನಾಗ್ತಿದೆ ಅನ್ನೋದೇ ಗೊತ್ತಾಗದೆ ಚಿತ್ರೀಕರಣದಲ್ಲಿ ಭಾಗವಹಿಸಿದ್ದ ಮಾಲಾಶ್ರೀಗೆ, ಹಾಡಿನ ಔಟ್‍ಪುಟ್ ನೋಡಿದಾಗಲೇ ರವಿಚಂದ್ರನ್ ಅವರ ಶ್ರಮ ಹಾಗೂ ಪ್ರತಿಭೆಯ ಅರಿವಾಗಿದ್ದು.

    ರವಿಚಂದ್ರನ್ ಅವರು ಜಡ್ಜ್ ಆಗಿರುವ ರಿಯಾಲಿಟಿ ಶೋಗೆ ಅತಿಥಿಯಾಗಿ ಬಂದಿದ್ದ ಮಾಲಾಶ್ರೀ, ರಾಮಾಚಾರಿ ಚಿತ್ರದ ಆ ಹಾಡಿನ ಕಥೆಯನ್ನು ಬಿಚ್ಚಿಟ್ಟಿದ್ದಾರೆ. ರವಿಚಂದ್ರನ್ ಅವರ ಸಕ್ಸಸ್‍ನ ಸೀಕ್ರೆಟ್ ಅವರ ಶ್ರಮ ಎಂದಿದ್ದಾರೆ ಮಾಲಾಶ್ರೀ.

  • ರಿಯಲ್ ಕ್ರೇಜಿ ಕಾಂಬಿನೇಷನ್‍ಗೆ ಅಣ್ಣಾವ್ರ ಸಿನಿಮಾ ಟೈಟಲ್

    ravi chandran movie title

    ಕ್ರೇಜಿ ಸ್ಟಾರ್ ರವಿಚಂದ್ರನ್ ಮತ್ತು ರಿಯಲ್ ಸ್ಟಾರ್ ಉಪೇಂದ್ರ ಕಾಂಬಿನೇಷನ್‍ನ ಸಿನಿಮಾ ಆಗಸ್ಟ್ 20ಕ್ಕೆ ಸೆಟ್ಟೇರುತ್ತಿದೆ. ಇದು ಓಂಪ್ರಕಾಶ್ ರಾವ್ ನಿರ್ದೇಶನದ ಚಿತ್ರ. ಚಿತ್ರ ತೆಲುಗಿನ ಬಲುಪು ಚಿತ್ರದ ರೀಮೇಕ್ ಎನ್ನಲಾಗಿದ್ದು, ರವಿತೇಜ ಪಾತ್ರದಲ್ಲಿ ಉಪೇಂದ್ರ ಹಾಗೂ ಪ್ರಕಾಶ್ ರೈ ಪಾತ್ರದಲ್ಲಿ ರವಿಚಂದ್ರನ್ ನಟಿಸಲಿದ್ದಾರೆ. ಈಗ ಚಿತ್ರಕ್ಕೆ ರವಿಚಂದ್ರ ಅನ್ನೋ ಟೈಟಲ್ ಫೈನಲ್ ಮಾಡಿದ್ದಾರೆ.

    ರವಿಚಂದ್ರ, ಡಾ.ರಾಜ್ ಅಭಿನಯಿಸಿದ್ದ ಸಿನಿಮಾ. ಡಾ.ರಾಜ್, ಲಕ್ಷ್ಮಿ ನಟಿಸಿದ್ದ ಚಿತ್ರ. ರಾಜ್ ದ್ವಿಪಾತ್ರದಲ್ಲಿ ನಟಿಸಿದ್ದರು. ಸುಮಲತಾ ಕನ್ನಡಕ್ಕೆ ಎಂಟ್ರಿ ಕೊಟ್ಟಿದ್ದು ಇದೇ ಸಿನಿಮಾದ ಮೂಲಕ. 1980ರಲ್ಲಿ ರಿಲೀಸ್ ಆಗಿದ್ದ ಆ ಚಿತ್ರಕ್ಕೆ ಎ.ವಿ.ಶೇಷಗಿರಿರಾವ್ ನಿರ್ದೇಶಕರು. ಈಗ.. 2018ರಲ್ಲಿ ಸೆಟ್ಟೇರುತ್ತಿರುವ ಈ ಚಿತ್ರಕ್ಕೆ ಓಂಪ್ರಕಾಶ್ ರಾವ್ ನಿರ್ದೇಶಕರು. ಕನಕಪುರ ಶ್ರೀನಿವಾಸ್ ನಿರ್ಮಾಣದ ಚಿತ್ರದಲ್ಲಿ ಶಾನ್ವಿ ಶ್ರೀವಾಸ್ತವ್ ನಾಯಕಿ.

  • ರಿಯಲ್ ಸ್ಟಾರ್ ಚಿತ್ರಕ್ಕೆ ಕ್ರೇಜಿ ಸ್ಟಾರ್ ಮ್ಯೂಸಿಕ್

    ravichandran's music in upendra's i love you

    ಐ ಲವ್ ಯೂ.. ರಿಲೀಸ್‍ಗೂ ಮೊದಲೇ ಕ್ರೇಜ್ ಸೃಷ್ಟಿಸುತ್ತಿರುವ ಈ ಸಿನಿಮಾದಲ್ಲಿ ವಿಶೇಷಗಳ ಮೇಲೆ ವಿಶೇಷಗಳಿವೆ. ಆರ್.ಚಂದ್ರು ನಿರ್ದೇಶನದ ಚಿತ್ರಕ್ಕೆ ಸಂಗೀತ ನೀಡಿರುವುದು ಡಾ.ಕಿರಣ್. ಆದರೆ, ಒಂದು ಹಾಡಿಗೆ ಸಂಗೀತ ನೀಡಿರುವುದು ಕ್ರೇಜಿ ಸ್ಟಾರ್ ರವಿಚಂದ್ರನ್.

    ಚಿತ್ರದ ಹಾಡನ್ನು ಕೇಳಿದ ರವಿಚಂದ್ರನ್, ಸಾಹಿತ್ಯವನ್ನು ಇಷ್ಟಪಟ್ಟಿದ್ದಷ್ಟೇ ಅಲ್ಲದೆ, ಆ ಹಾಡಿಗೆ ತಾವೇ ಸಂಗೀತ ನೀಡೋದಾಗಿ ನಿರ್ಧರಿಸಿದ್ರಂತೆ. ಹೀಗಾಗಿ, ಇದೇ ಮೊದಲ ಬಾರಿಗೆ ಉಪ್ಪಿ ಚಿತ್ರದಲ್ಲಿ ರವಿಚಂದ್ರನ್ ಸಂಗೀತ ಮೇಳೈಸಿದೆ.

    ಈಗಾಗಲೇ ದಾವಣಗೆರೆಯಲ್ಲಿ 3 ಹಾಡುಗಳನ್ನು ಬಿಡುಗಡೆ ಮಾಡಿರುವ ಆರ್.ಚಂದ್ರು, ಇನ್ನೂ 3 ಹಾಡುಗಳನ್ನು ಫೆಬ್ರವರಿ 18ಕ್ಕೆ ಮಂಡ್ಯದಲ್ಲಿ ರಿಲೀಸ್ ಮಾಡಲು ನಿರ್ಧರಿಸಿದ್ದಾರೆ.

  • ಲಾ ಅಂದ್ರೆ ಲವ್ & ವಿನ್.. ಇದು ದಶರಥನ ವಾದ

    ravichandran plays lawyer in sadharath

    ಕ್ರೇಜಿ ಸ್ಟಾರ್ ರವಿಚಂದ್ರನ್ ಮತ್ತೊಮ್ಮೆ ಲಾಯರ್ ಆಗಿದ್ದಾರೆ. ಬ್ರಹ್ಮ ವಿಷ್ಣು ಮಹೇಶ್ವರ, ಯುದ್ಧಕಾಂಡ ಚಿತ್ರಗಳಲ್ಲಿ ವಕೀಲರಾಗಿ ನಟಿಸಿದ್ದ ರವಿಚಂದ್ರನ್, ಮತ್ತೊಮ್ಮೆ ದಶರಥ ಚಿತ್ರದಲ್ಲಿ ಲಾಯರ್ ಆಗಿದ್ದಾರೆ. ಸಿನಿಮಾ ಜುಲೈ 26ಕ್ಕೆ ರಿಲೀಸ್ ಆಗುತ್ತಿದ್ದು, ಎಂ.ಎಸ್.ರಮೇಶ್ ನಿರ್ದೇಶನವಿದೆ.

    ವಾದ ವಿವಾದದ ಆಚೆ ಲಾಯರ್ ಯಾಗಿಗಾಗಿ, ಯಾವ ವಿಷಯಕ್ಕಾಗಿ ಕೋರ್ಟ್‍ನಲ್ಲಿ ವಾದಕ್ಕಿಳಿಯುತ್ತಾರೆ ಎನ್ನುವುದೇ ಚಿತ್ರದ ವಿಶೇಷವಂತೆ. ಲಾ ಅಂದ್ರೆ ಲವ್ ಅಂಡ್ ವಿನ್ ಇಲ್ಲವೇ ಲೀಗಲ್ ಅನೌನ್ಸ್ ವಾರ್ ಎನ್ನುವ ಸಿದ್ಧಾಂತ. ಅದನ್ನು ಏತಕ್ಕಾಗಿ ಪಾಲಿಸುತ್ತಾರೆನ್ನುವುದೇ ಚಿತ್ರದ ಹೈಲೈಟ್ ಎನ್ನುತ್ತಾರೆ ನಿರ್ದೇಶಕ ಎಂಎಸ್ ರಮೇಶ್.

    ರವಿಚಂದ್ರನ್‍ಗೆ ಸರಿಸಮಾನವಾದ ಪಾತ್ರದಲ್ಲಿ ನಟಿಸಿರುವುದು ರಂಗಾಯಣ ರಘು. ಇಬ್ಬರ ಮುಖಾಮುಖಿ ಪ್ರೇಕ್ಷಕರನ್ನು ತುದಿಗಾಲಲ್ಲಿ ಕೂರಿಸುತ್ತದೆ ಎನ್ನುವ ರಮೇಶ್, ಚಿತ್ರದ ಬಗ್ಗೆ ಕಾನ್ಫಿಡೆನ್ಸ್ ಇಟ್ಟುಕೊಂಡಿದ್ದಾರೆ. ಅಕ್ಷಯ ಸಮರ್ಥ ನಿರ್ಮಾಪಕರಾಗಿರುವ ಚಿತ್ರ ವಿಭಿನ್ನ ಕಥಾಹಂದರ ಇರುವ ಚಿತ್ರ.

  • ಲೋ ಮಗನೇ.. ನಿನ್ನ ಬಿಟ್ಟರೆ ಬೇರೆ ದುರ್ಯೋಧನ ಇಲ್ಲ' - ದಚ್ಚುಗೆ ಕ್ರೇಜಿ ಸರ್ಟಿಫಿಕೇಟ್

    ravichandran appreciates darshan in his own style

    ಶ್ರೀರಾಮ ಎಂದರೆ ಡಾ.ರಾಜ್.. ಕೃಷ್ಣ ಎಂದರೂ ಡಾ.ರಾಜ್.. ವೆಂಕಟೇಶ್ವರ, ರಾಘವೇಂದ್ರ ಸ್ವಾಮಿ, ಭಬ್ರುವಾಹನ, ಮಯೂರ, ಶ್ರೀಕೃಷ್ಣದೇವರಾಯ, ಕನಕದಾಸ, ಕಾಳಿದಾಸ, ಹಿರಣ್ಯಕಶಿಪು.... ಹೀಗೆ ಪೌರಾಣಿಕ, ಐತಿಹಾಸಿಕ ಪಾತ್ರಗಳನ್ನು ನೆನಪಿಸಿಕೊಂಡಾಗಲೆಲ್ಲ ಕಣ್ಣ ಮುಂದೆ ರಾಜ್ ಬರುತ್ತಾರೆ. ಆದರೆ.. ದುರ್ಯೋಧನ..

    ದುರ್ಯೋಧನ ಎಂದರೆ ಕನ್ನಡಿಗರ ಕಣ್ಣ ಮುಂದೆ ಅನುಮಾನವೇ ಇಲ್ಲದಂತೆ ದರ್ಶನ್ ಬರುತ್ತಾರೆ. ದರ್ಶನ್‍ಗೆ ಅಂಥಾದ್ದೊಂದು ಸರ್ಟಿಫಿಕೇಟ್ ಕೊಟ್ಟಿರುವುದು ಬೇರಾರೂ ಅಲ್ಲ, ಕುರುಕ್ಷೇತ್ರದ ಶ್ರೀಕೃಷ್ಣ, ಕ್ರೇಜಿ ಸ್ಟಾರ್ ರವಿಚಂದ್ರನ್.

    ಕುರುಕ್ಷೇತ್ರದ ಸೆಟ್‍ನಲ್ಲಿ ಮೇಕಪ್ಪಿನಲ್ಲಿ ದರ್ಶನ್ ಅವರನ್ನು ನೋಡಿದ ದರ್ಶನ್, ಲೋ..ಮಗನೇ.. ನಿನ್ನ ಬಿಟ್ಟರೆ ಇನ್ನೊಬ್ಬ ದುರ್ಯೋಧನ ಕರ್ನಾಟಕಕ್ಕೆ ಇಲ್ಲ ಎಂದಿದ್ದರಂತೆ. ಕನ್ನಡಿಗರು ದುರ್ಯೋಧನನನ್ನು ನೋಡಿಲ್ಲ. ದರ್ಶನ್‍ರನ್ನು ನೋಡಿದೆ. ಅವನನ್ನ ನೋಡಿದ ಮೇಲೆ ಇನ್ನೊಂದು ಹೋಲಿಕೆ ಕಾಣಿಸಲಿಲ್ಲ ಎಂದಿದ್ದಾರೆ ರವಿಚಂದ್ರನ್.

    ಅಲ್ಲಿಗೆ ಚಾಲೆಂಜಿಂಗ್ ಸ್ಟಾರ್ ದರ್ಶನ್‍ಗೆ ಒಂದು ಅತಿದೊಡ್ಡ ಸರ್ಟಿಫಿಕೇಟ್ ಸಿಕ್ಕಂತಾಗಿದೆ. ಏಕೆಂದರೆ ರವಿಚಂದ್ರನ್ ಹೊಗಳುವುದು ಅಂದ್ರೆ ಸುಮ್ಮನೆ ಮಾತಲ್ಲ. ಅಷ್ಟು ಸಲೀಸಾಗಿ ಯಾರನ್ನೂ ಹೊಗಳದ ರವಿಚಂದ್ರನ್, ದರ್ಶನ್‍ರನ್ನು ಹೊಗಳಿದ್ದಾರೆ ಎಂದರೆ, ದರ್ಶನ್ ಅಬ್ಬರಿಸಿದ್ದಾರೆ ಎಂದೇ ಅರ್ಥ.

  • ಸಾಹೇಬ ನೋಡಿದ ಕ್ರೇಜಿಸ್ಟಾರ್ ಪುತ್ರಿ ಥ್ರಿಲ್ಲಾದರಂತೆ..!

    geetanjali's reaction on saheba

    ಸಾಹೇಬ, ಕ್ರೇಜಿಸ್ಟಾರ್ ರವಿಚಂದ್ರನ್ ಅವರ ಪುತ್ರ ಮನೋರಂಜನ್ ಅಭಿನಯದ ಮೊದಲ ಸಿನಿಮಾ. ಸಿನಿಮಾ ರಿಲೀಸ್ ಆದ ದಿನ ಸಂಜೆ ವಿಶೇಷ ಪ್ರದರ್ಶನವಿತ್ತು. ರವಿಚಂದ್ರನ್ ಕೂಡಾ ಮಗನ ಸಿನಿಮಾ ನೋಡಿದ್ದು ಅಲ್ಲಿಯೇ. ಆದರೆ, ರವಿಚಂದ್ರನ್ ಮಗಳು ಗೀತಾಂಜಲಿಗೆ ಸಂಜೆಯವರೆಗೂ ಕಾಯಲು ಸಾಧ್ಯವಾಗಲಿಲ್ಲ. ಥಿಯೇಟರ್​ಗೆ ಹೋಗಿ ನೋಡಿಕೊಂಡು ಬಂದರಂತೆ.

    ಅಣ್ಣನ ಸಿನಿಮಾ ಇಷ್ಟವಾಗಿತ್ತು. ಆದರೆ, ಫಸ್ಟ್ ಆಫ್ ಲ್ಯಾಗ್ ಆಯ್ತು ಅನ್ನಿಸಿತು ಎಂದು ಭಯದಿಂದಲೇ ಹೇಳಿದರಂತೆ ಗೀತಾಂಜಲಿ. ಆಗ ರವಿಚಂದ್ರನ್, ಡೋಂಟ್ ವರಿ, ಹಬ್ಬದ ದಿನ, ಜನ ಕಡಿಮೆ ಇರುತ್ತಾರೆ. ಹಾಗಾಗಿ ನಿನಗೆ ಹಾಗನಿಸರಬೇಕು ಎಂದರಂತೆ. 

    ಅಷ್ಟೇ ಅಲ್ಲ, ತಮ್ಮ ಪ್ರೇಮಲೋಕ ಮತ್ತು ಪುಟ್ನಂಜ ಚಿತ್ರಗಳೂ ಕೂಡಾ ಆರಂಭದಲ್ಲಿ ಸೋಲುತ್ತವೆ ಎನ್ನಿಸಿದ್ದವು. ಜನರೇ ಬಂದಿರಲಿಲ್ಲ. ಕೆಲವು ವಾರ ಕಳೆದ ಮೇಲೆ ದಾಖಲೆಯನ್ನೇ ಬರೆದವು ಎಂದು ಸಮಾಧಾನ ಮಾಡಿದರಂತೆ.

    ಆದರೆ, ಸಂಜೆ ಚಿತ್ರ ನೋಡಿದ ಮೇಲೆ ರವಿಚಂದ್ರನ್ ಕೂಡಾ ಮೆಚ್ಚಿಕೊಂಡರು. ಪ್ರೇಕ್ಷಕರೂ ಅಷ್ಟೆ, ರವಿಚಂದ್ರನ್ ಮಗಳುನ್ನು ಕಾಯಿಸಲೇ ಇಲ್ಲ. ಥಿಯೇಟರು ತುಂಬಿದವು. ಈಗ ಚಿತ್ರ ಹಿಟ್ ಆಗುವ ಹಾದಿಯಲ್ಲಿದೆ.

  • ಸೀಜರ್ ಅಂದ್ರೆ  ಯಾರು ಗುರು..?

    who is seizer

    ಸೀಜರ್ ಅಂದ್ರೆ ಯಾರು..? ಇತಿಹಾಸ ಅಲ್ಪಸ್ವಲ್ಪ ಗೊತ್ತಿದ್ದವರಿಗೆ ತಕ್ಷಣ ನೆನಪಿಗೆ ಬರೋದು ಜೂಲಿಯಸ್ ಸೀಸರ್‍ನ ಹೆಸರು. ಆತ ರೋಮನ್ ಸಾಮ್ರಾಜ್ಯದ ಸೇನಾಧಿಪತಿ.. ಸರ್ವಾಧಿಕಾರಿಯಂತೆ ಮೆರೆದಿದ್ದವನು. ಕ್ರಿ.ಪೂ.60ರಲ್ಲಿ ಬದುಕಿದ್ದವನು. ಅಂದರೆ ಕ್ರಿಸ್ತ ಹುಟ್ಟುವುದಕ್ಕೂ ಮೊದಲು. ಈಗ ಆತನ ಹೆಸರನ್ನಿಟ್ಟುಕೊಂಡು ಬರುತ್ತಿರುವುದು ಸೀಜರ್ ಸಿನಿಮಾ.

    ಈ ಸಿನಿಮಾದಲ್ಲಿ ಚಿರಂಜೀವಿ ಸರ್ಜಾ ಮತ್ತು ರವಿಚಂದ್ರನ್ ಕಾಂಬಿನೇಷನ್ ಇದೆ. ರವಿಚಂದ್ರನ್ ಫೈನಾನ್ಷಿಯರ್ ಆದ್ರೆ, ಚಿರು ಸರ್ಜಾ ರೌಡಿ. ಪರೂಲ್ ಯಾದವ್ ನಾಯಕಿಯಾಗಿರೋ ಸಿನಿಮಾದಲ್ಲಿ ಪ್ರಕಾಶ್ ರೈ ವಿಲನ್. ಸಿನಿಮಾ ಈ ವಾರ ತೆರೆಗೆ ಬರೋಕೆ ರೆಡಿಯಾಗಿದೆ.

    ಈ ಥರದ ಪಾತ್ರ ನನಗೆ ಇದೇ ಮೊದಲು. ಸಾಮಾನ್ಯವಾಗಿ ಹೀರೊಯಿಸಂನೊಂದಿಗೆ ಕಥೆಗಳು ಸಾಗಿದರೆ, ಇಲ್ಲಿ ರೌಡಿಸಂನೊಂದಿಗೆ ಕಥೆ ಸಾಗುತ್ತೆ. ನೆಗೆಟಿವ್ ಶೇಡ್ ಇರುವ ಪಾತ್ರ. ರವಿಚಂದ್ರನ್ ಜೊತೆ ನಟಿಸಿರುವ ಖುಷಿಯೂ ಇದೆ ಎಂದು ಖುಷಿ ಹಂಚಿಕೊಳ್ಳುತ್ತಿದ್ದಾರೆ ಚಿರು. ಏಪ್ರಿಲ್ 13ಕ್ಕೆ ತೆರೆಗೆ ಬರುತ್ತಿರುವ ಸಿನಿಮಾ, ಗೋಹತ್ಯೆ ಡೈಲಾಗ್‍ನಿಂದಲೂ ಸುದ್ದಿಯಲ್ಲಿದೆ.

  • ಸೀಜರ್ ಗೋಹತ್ಯೆ ಡೈಲಾಗ್ - ನಿರ್ದೇಶಕರಿಗೆ ಪ್ರಕಾಶ್ ರೈ ಕ್ಲಾಸ್

    prakash raj slams seizer movie director

    ಗೋಹತ್ಯೆ ಮಾಡೋದು ಮತ್ತು ಹೆತ್ತ ತಾಯಿಯ ತಲೆ ಹಿಡಿಯೋದು ಎರಡೂ ಒಂದೇ. ಇದು ಸೀಜರ್ ಚಿತ್ರದಲ್ಲಿನ ಒಂದು ಡೈಲಾಗ್. ಇದು ಸದ್ಯಕ್ಕೆ ವಿವಾದವಾಗಿದೆ. ಚಿತ್ರ ಬಿಡುಗಡೆ ಹೊತ್ತಿನಲ್ಲಿಯೇ ವಿವಾದದ ಕಿಡಿ ಹೊತ್ತುಕೊಂಡಿದೆ.

    ಚಿತ್ರದಲ್ಲಿ ಈ ಡೈಲಾಗ್ ಹೇಳಿರುವುದು ರವಿಚಂದ್ರನ್ ಅವರ ಪಾತ್ರ. ಚಿರಂಜೀವಿ ಸರ್ಜಾ ಚಿತ್ರದ ನಾಯಕ. ಆ ಚಿತ್ರದಲ್ಲಿ ಪ್ರಕಾಶ್ ರೈ ಕೂಡಾ ಇದ್ದಾರೆ. ಹೇಳಿಕೇಳಿ ಪ್ರಕಾಶ್ ರೈ, ಗೋಹತ್ಯೆ ನಿಷೇಧದ ವಿರುದ್ಧ ಗುರುತಿಸಿಕೊಂಡಿರುವವರು. ಹೀಗಾಗಿಯೇ ಪ್ರಕಾಶ್ ರೈ ಕೂಡಾ ಈ ಡೈಲಾಗ್ ಬಗ್ಗೆ ಬೇಸರಗೊಂಡಿದ್ದಾರೆ.

    ಡೈರೆಕ್ಟರ್‍ಗೆ ಫೋನ್ ಮಾಡಿದ್ದ ಪ್ರಕಾಶ್ ರೈ `ಏನಯ್ಯಾ, ಹೀಗಾ ಡೈಲಾಗ್ ಬರೆಯೋದು. ನಿಂಗೇನ್ ತಲೆ ಇಲ್ವಾ' ಎಂದು ಬೈದಿದ್ದಾರೆ. ವಿಷಯ ಗೊತ್ತಾದ ತಕ್ಷಣ ಫೋನ್ ಮಾಡಿ ನಿರ್ದೇಶಕರಿಗೆ ಉಗಿದೆ ಅನ್ನೋದನ್ನ ಪ್ರಕಾಶ್ ರೈ ಅವರೇ ಹೇಳಿಕೊಂಡಿದ್ದಾರೆ. 

    ಆದರೆ ಆ ಡೈಲಾಗ್ ಹೇಳುವ ದೃಶ್ಯದಲ್ಲಿ ನಾನಿಲ್ಲ. ಅಷ್ಟೇ ಸಮಾಧಾನ ಎಂದು ಹೇಳಿದ್ದಾರೆ ಪ್ರಕಾಶ್ ರೈ. ಇಂಥವರೆನ್ನಲ್ಲ ನಿರ್ದೇಶಕರು ಎನ್ನುವುದು ಹೇಗೆ.. ನಾನ್ಸೆನ್ಸ್ ಎಂದಿದ್ದಾರೆ ಪ್ರಕಾಶ್ ರೈ. ಚಿತ್ರದ ನಿದೇಶಕ ವಿನಯ್ ಕೃಷ್ಣ. ಪರೂಲ್ ಯಾದವ್ ಚಿತ್ರದ ನಾಯಕಿ.

  • ಸ್ಮಾರ್ಟ್ ರವಿಚಂದ್ರನ್... ಕೆ.ಮಂಜು ಪ್ರೊಡಕ್ಷನ್ ನಂ.42

    k manju's new film with ravichandran

    ಜಿಗರ್‍ಥಂಡಾ, ತ್ರಾಟಕ ಚಿತ್ರಗಳ ನಿರ್ದೇಶಕ ಶಿವನಾಗೇಶ್, ಈಗಾಗಲೇ 41 ಸಿನಿಮಾ ನಿರ್ಮಿಸಿರುವ ನಿರ್ಮಾಪಕ ಕೆ.ಮಂಜು. ಕನ್ನಡಿಗರ ಕ್ರೇಜಿಸ್ಟಾರ್ ರವಿಚಂದ್ರನ್...ಇವರೆಲ್ಲರ ಮಿಲನ ಪ್ರೊಡಕ್ಷನ್ ನಂ.42. ಚಿತ್ರಕ್ಕಿನ್ನೂ ಹೆಸರಿಟ್ಟಿಲ್ಲ. ಇದು ಮಂಜು ಬ್ಯಾನರ್‍ನ 42ನೇ ಸಿನಿಮಾ. 

    ಇದು ಹಾರರ್ ಸಿನಿಮಾ ಅಂತೆ. ಇದುವರೆಗೆ ರವಿಚಂದ್ರನ್ ಹಾರರ್ ಸಿನಿಮಾದಲ್ಲಿ ನಟಿಸಿಯೇ ಇಲ್ಲ. ಅವರಿಗೂ ಇದು ಹೊಸ ಪ್ರಯತ್ನ. ರವಿಚಂದ್ರನ್ ಪೊಲೀಸ್ ಆಫೀಸರ್ ಆಗಿ ನಟಿಸುತ್ತಿದ್ದು, ತನ್ನ ವೃತ್ತಿ ಜೀವನದ ಅತ್ಯಂತ ಕಠಿಣ ಚಾಲೆಂಜ್ ಎದುರಿಸುವ ಅಧಿಕಾರಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಅದು ಆತನ ಜೀವವನ್ನೇ ಕಿತ್ತುಕೊಳ್ಳುವ ಹಂತಕ್ಕೆ ತೆಗೆದುಕೊಂಡುತ್ತೆ. ಅದರಿಂದ ಹೇಗೆ ಬಚಾವ್ ಆಗುತ್ತಾನೆ ಅನ್ನೋದು ಚಿತ್ರದ ಕಥೆ. 

    ಮುಂದಿನ ವರ್ಷ 50ನೇ ಸಿನಿಮಾ ಮಾಡುತ್ತೇನೆ. ನಿರ್ಮಾಪಕನಾಗಿ ಅರ್ಧಶತಕ ಪೂರೈಸುತ್ತೇನೆ ಎಂಬ ವಿಶ್ವಾಸದಲ್ಲಿದ್ದಾರೆ ಕೆ.ಮಂಜು. ಈ ಸಿನಿಮಾ ಒಂದೇ ಶೆಡ್ಯೂಲ್‍ನಲ್ಲಿ ಶೂಟಿಂಗ್ ಮುಗಿಸಿಕೊಳ್ಳಲಿದ್ದು, ವರ್ಷದ ಕೊನೆಗೆ ರಿಲೀಸ್ ಮಾಡಲು ಪ್ಲಾನ್ ಮಾಡಿದ್ದಾರೆ ಮಂಜು.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery