` ravichandran, - chitraloka.com | Kannada Movie News, Reviews | Image

ravichandran,

  • ಕೀಚಕ ರವಿಚಂದ್ರನ್

    ravichandran is now keechaka

    ಪ್ರೇಮಲೋಕದ ರಣಧೀರ, ಅಣ್ಣಯ್ಯ, ಪುಟ್ನಂಜ, ಸಿಪಾಯಿ, ಕಲಾವಿದ, ರಾಮಾಚಾರಿ, ಅಂಜದಗಂಡು.. ಇಂತಹ ಟೈಟಲ್ಲುಗಳ ಸಿನಿಮಾಗಳಲ್ಲಿ ನಟಿಸಿದ್ದ ಕ್ರೇಜಿಸ್ಟಾರ್ ರವಿಚಂದ್ರನ್, ಕೀಚಕನಾಗುತ್ತಿದ್ದಾರೆ. ರವಿಚಂದ್ರನ್ ನಟಿಸುತ್ತಿರುವ ಹೊಸ ಸಿನಿಮಾ ಕೀಚಕ.

    ಕೀಚಕನಿಗೆ ಜೋಡಿಯಾಗಿರೋದು ಅಪೂರ್ವ. ಯಾರು ಈ ಅಪೂರ್ವ ಎಂದು ತಲೆಕೆಡಿಸಿಕೊಳ್ಳಬೇಡಿ. ರವಿಚಂದ್ರನ್ ನಿರ್ದೇಶನದ ಅಪೂರ್ವ ಸಿನಿಮಾ ನೆನಪಿಸಿಕೊಳ್ಳಿ. ಅದೇ ಅಪೂರ್ವ ಮತ್ತೊಮ್ಮೆ ರವಿಚಂರನ್‍ಗೆ ಜೊತೆಯಾಗುತ್ತಿದ್ದಾರೆ.

    ಇದು ತಮಿಳಿನ ಧ್ರುವಂಗಲ್ ಪದಿನಾರು ಚಿತ್ರದ ರೀಮೇಕ್. ಅದು ಸಸ್ಪೆನ್ಸ್ ಕ್ರೈಂ ಥ್ರಿಲ್ಲರ್. ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳುತ್ತಿರುವುದು ಶಿವರಾಜ್. ಈ ಹಿಂದೆ ತಮಿಳಿನಲ್ಲಿ ಉಪೇಂದ್ರ ಅವರ ಎ ಚಿತ್ರವನ್ನು ರೀಮೇಕ್ ಮಾಡಿದ್ದ ನಿರ್ದೇಶಕ. ಈಗ ಕನ್ನಡದಲ್ಲಿ ನಿರ್ದೇಶನಕ್ಕಿಳಿದಿದ್ದಾರೆ.

    ಚಿತ್ರಕ್ಕೆ ಪಕ್ಕಾ ದೇಸೀ ಸೊಗಡಿನ ಡೈಲಾಗು ಹೆಣೆಯುತ್ತಿರುವುದು ಮಳವಳ್ಳಿ ಸಾಯಿಕೃಷ್ಣ. ಅಂದಹಾಗೆ ಇಂಥಾದ್ದೊಂದು ಟೈಟಲ್ಲು ಕೊಟ್ಟಿದ್ದು ಬೇರ್ಯಾರೂ ಅಲ್ಲ, ಸ್ವತಃ ರವಿಚಂದ್ರನ್ ಅಂತೆ. ಸಿನಿಮಾವನ್ನು ಕೆ.ಮಂಜು ಮಾಡುತ್ತಿದ್ದಾರೆ ಅನ್ನೋ ಸುದ್ದಿಯಿದೆ.

  • ಕೃಷ್ಣ ರವಿಚಂದ್ರನ್‍ಗೆ ಶ್ರೀನಿವಾಸಪ್ರಭು ಡಬ್ಬಿಂಗ್

    srinivasa prabhu to dub for ravichandran's krithsna role

    ಕ್ರೇಜಿ ಸ್ಟಾರ್ ರವಿಚಂದ್ರನ್ ಅವರದ್ದು ವಿಶಿಷ್ಟವಾದ ಧ್ವನಿ. ಇಂದಿಗೂ ರವಿಚಂದ್ರನ್ ಅವರನ್ನು ಮಿಮಿಕ್ರಿ ಮಾಡುವವರು, ಪ್ರೇಮಲೋಕ, ರಣಧೀರ, ಅಂಜದಗಂಡು ಮೊದಲಾದ ಚಿತ್ರಗಳಲ್ಲಿನ ಧ್ವನಿಯನ್ನೇ ಅನುಸರಿಸ್ತಾರೆ. ಆದರೆ, ಸ್ವಾರಸ್ಯವೇನೂ ಗೊತ್ತೇ.. ಅದು ರವಿಚಂದ್ರನ್ ಧ್ವನಿಯಲ್ಲ. ಆರಂಭದ ದಿನಗಳಲ್ಲಿ ರವಿಚಂದ್ರನ್ ತಮ್ಮ ಪಾತ್ರಗಳಿಗೆ ಶ್ರೀನಿವಾಸಪ್ರಭು ಅವರಿಂದ ಡಬ್ ಮಾಡಿಸ್ತಾ ಇದ್ರು. ಈಗ ಮತ್ತೊಮ್ಮೆ ರವಿಚಂದ್ರನ್‍ಗೆ ಕಂಠವಾಗಲು ಬಂದಿದ್ದಾರೆ ಶ್ರೀನಿವಾಸಪ್ರಭು.

    ಕುರುಕ್ಷೇತ್ರ ಚಿತ್ರದಲ್ಲಿ ಶ್ರೀಕೃಷ್ಣನ ಪಾತ್ರ ಮಾಡಿರುವ ರವಿಚಂದ್ರನ್‍ಗೆ ಶ್ರೀನಿವಾಸಪ್ರಭು ಅವರೇ ಧ್ವನಿ ಕೊಡಲಿದ್ದಾರೆ. ಕನ್ನಡದ ಮೇಲೆ ಅದ್ಭುತ ಹಿಡಿತ ಹೊಂದಿರುವ, ರಂಗಭೂಮಿಯ ನಂಟೂ ಇರುವ ಶ್ರೀನಿವಾಸ್‍ಪ್ರಭು ಅವರಿಗೆ ಪೌರಾಣಿಕ ಚಿತ್ರದ ಡೈಲಾಗ್ ಹೇಳುವುದು ನೀರು ಕುಡಿದಷ್ಟೇ ಸುಲಭ.

    ಪೋಸ್ಟ್ ಪ್ರೊಡಕ್ಷನ್ ಹಂತದಲ್ಲಿರುವ ಕುರುಕ್ಷೇತ್ರ ಕೆಲವೇ ದಿನಗಳಲ್ಲಿ ಡಬ್ಬಿಂಗ್ ಮುಗಿಸಿ, ಆಡಿಯೋ ಲಾಂಚ್ ಮಾಡೋಕೆ ಸಿದ್ಧವಾಗುತ್ತಿದೆ. ದರ್ಶನ್ ಅಭಿನಯದ 50ನೇ ಸಿನಿಮಾ ಅಷ್ಟೇ ಅಲ್ಲ, ಹೆಚ್ಚೂ ಕಡಿಮೆ ಅರ್ಧಕ್ಕರ್ಧ ಕನ್ನಡ ಚಿತ್ರರಂಗವೇ ಪಾಲ್ಗೊಂಡಿರುವ ಸಿನಿಮಾ ಕುರುಕ್ಷೇತ್ರ.

  • ಕೆಲವರು ತಗೊಂಡ್ರು. ನಂಗೆ ಕೊಟ್ರು : ಗೌರವ ಡಾಕ್ಟರೇಟ್ ಪದವಿಗೆ ರವಿಚಂದ್ರನ್ ಹೇಳಿದ್ದು ಇಷ್ಟು

    ravichandran 's reaction on doctorate

    ಆ ದೃಶ್ಯ ರಿಲೀಸ್ ಹೊತ್ತಲ್ಲಿ ರವಿಚಂದ್ರನ್ ಖುಷಿ ಖುಷಿಯಾಗಿದ್ದಾರೆ. ಕಾರಣ ಇಷ್ಟೆ.. ಅವರೀಗ ಬರೀ ರವಿಚಂದ್ರನ್ ಅಲ್ಲ. ಡಾ. ರವಿಚಂದ್ರನ್. ಈ ಕುರಿತು ಮಾತನಾಡಿದ ರವಿಚಂದ್ರನ್ ಅಕ್ಟೋಬರ್ ೧೮ ನನಗೆ ತುಂಬಾ ವಿಶೇಷವಾದ ದಿನ. ನನ್ನ ಮಗಳ ಹುಟ್ಟುಹಬ್ಬ. ಅವಳ ಹುಟ್ಟುಹಬ್ಬದ ಸಂಭ್ರಮದಲ್ಲಿರುವಾಗಲೇ ನನಗೆ ಯುನಿವರ್ಸಿಟಿಯವರು ಗೌರವ ಡಾಕ್ಟರೇಟ್ ಕೊಡುತ್ತಿದ್ದೇವೆ ಎಂದು ಕರೆ ಮಾಡಿ ತಿಳಿಸಿದರು. ಅದಾದ ಮೇಲೆ ಚಿತ್ರರಂಗದ ಹಲವರು ಇಡೀ ದಿನ ಮೆಸೇಜ್ ಮಾಡಿದರು. ಯು ಡಿಸರ್ವ್ ಇಟ್ ಎಂದರು. ಇನ್ನೂ ಕೆಲವರು ಲೇಟ್ ಆಯ್ತು, ಯಾವಾಗಲೋ ಬರಬೇಕಿತ್ತು ಎಂದರು.

    ನಾನು ಹೇಳಿದ್ದು ಇಷ್ಟೆ, ಅದು ಯಾವಾಗ ಬರಬೇಕೋ ಅವಾಗಲೇ ಬರಬೇಕು. ಅದು ಕಿತ್ತುಕೊಂಡು ತೆಗೆದುಕೊಳ್ಳೋ ವಸ್ತುವಲ್ಲ. ಕೆಲವರು ತಗೊಂಡ್ರು, ನನಗೆ ಕೊಟ್ರು. ಅಷ್ಟೇ ವ್ಯತ್ಯಾಸ. ಎಷ್ಟೋ ಜನ ನನಗೆ ಗೌರವ ಡಾಕ್ಟರೇಟ್ ಕೊಡಿಸ್ತೀನಿ ಎಂದು ಬಂದಿದ್ದರು. ಅದು ಬಂದಾಗ ಬರಲಿ ಎಂದು ಅವರನ್ನು ದೂರ ಕಳಿಸಿದ್ದೆ ಎಂದಿದ್ದಾರೆ ರವಿಚಂದ್ರನ್.

    ಈ ಗೌರವ ಡಾಕ್ಟರೇಟ್ ಕೊಟ್ಟಿರುವುದು ರವಿಚಂದ್ರನ್ ಅನ್ನೋ ವ್ಯಕ್ತಿಗಲ್ಲ, ಮಾಡಿರುವ ಕೆಲಸಕ್ಕೆ. ಇದು ಗೌರವ, ಜವಾಬ್ದಾರಿ ಎರಡನ್ನೂ ಹೆಚ್ಚಿಸಿದೆ ಎಂದಿದ್ದಾರೆ.

  • ಕ್ಯಾಮೆರಾ ಬೇಡ, ಟಿವಿ ಲೈವ್ ಬೇಡ, ಮಗಳನ್ನು ಹರಸಿ ಹೋಗಿ - ಮಾಧ್ಯಮಗಳಿಗೆ ರವಿಚಂದ್ರನ್ ಮನವಿ

    ravichandran requests no camera and coverage for daughter's marriage

    ದಯವಿಟ್ಟು ಪ್ರತಿಯೊಬ್ಬರೂ ಕುಟುಂಬ ಸಮೇತರಾಗಿ ಮದುವೆಗೆ ಬನ್ನಿ. ಹೂಗುಚ್ಛ ಬೇಡ. ಕ್ಯಾಮೆರಾ ಕೂಡಾ ಬೇಡ. ನಿಮ್ಮ ಫೋಟೋಗಳನ್ನು ನಿಮಗೆ ತಲುಪಿಸುವ ಹೊಣೆ ನನ್ನದು. ಪತ್ರಕರ್ತರೂ ಅಷ್ಟೆ, ದಯವಿಟ್ಟು ಮದುವೆಗೆ ಬನ್ನಿ. ನನ್ನ ಮಗಳನ್ನು ಹರಸಿ. ಆದರೆ, ಕ್ಯಾಮೆರಾ ಬೇಡ. ವಿಡಿಯೋ ಬೇಡ. ಟಿವಿಯಲ್ಲಿ ನೇರಪ್ರಸಾರವೂ ಬೇಡ. ಇದು ಅಪ್ಪಟ ನನ್ನ ಮನೆಯ, ಮಗಳ ಖಾಸಗಿ ಕಾರ್ಯಕ್ರಮ. ನಿಮಗೆ ಬೇಕಾದ ವಿಡಿಯೋ ಫುಟೇಜ್ ನಾನೇ ತಲುಪಿಸುತ್ತೇನೆ.

    ಇಂಥಾದ್ದೊಂದು ಮನವಿ ಮಾಡಿರುವುದು ಕ್ರೇಜಿ ಸ್ಟಾರ್ ವಿ.ರವಿಚಂದ್ರನ್. ನನ್ನ ಮಗಳ ಮದುವೆಗೆ ನಿಮ್ಮೆಲ್ಲರ ಆಶೀರ್ವಾದವೂ ಬೇಕು ಎನ್ನುವ ರವಿಚಂದ್ರನ್, ಮದುವೆಗೆ ಬಂದು ಎಲ್ಲರೊಂದಿಗೆ ಬೆರೆತು, ನಕ್ಕು ನಲಿಯಿರಿ. ಟಿವಿ ನೇರಪ್ರಸಾರ ಎಂದರೆ, ಬಂಧು, ಸಂಬಂಧಿಕರು ಎಲ್ಲರನ್ನೂ ಸೈಡಿಗೆ ತಳ್ಳಿ, ಸ್ಟಾರ್‍ಗಳನ್ನೇ ತೋರಿಸುತ್ತಾರೆ. ಅದೆಲ್ಲ ಬೇಡ. ಖುಷಿ ಖುಷಿಯಾಗಿ ಕಳೆಯೋಣ ಎಂದಿದ್ದಾರೆ ರವಿಚಂದ್ರನ್.

    ನಾನು ಕೂಡಾ ಮಾಧ್ಯಮಗಳಿಂದಲೇ ಬೆಳೆದವನು. ನಿಮಗೆ ಬೇಕಾದ ವಿಡಿಯೋ ನಾನು ಕೊಡುತ್ತೇನೆ. ನನಗೆ ಬೇಕಾದ ಖಾಸಗಿತನವನ್ನು ನನಗೆ ಕೊಡಿ ಎನ್ನುವುದು ರವಿಚಂದ್ರನ್ ಮನವಿ. 

    ಈ ಮನವಿಯನ್ನು ಎಲ್ಲ ಟಿವಿ ಚಾನೆಲ್‍ಗಳೂ ಮಾನ್ಯ ಮಾಡಿದರೆ, ರವಿಚಂದ್ರನ್ ಮಗಳ ಮದುವೆಯ ನೇರಪ್ರಸಾರ ನೋಡುವ ಅವಕಾಶ ಕನ್ನಡಿಗರಿಗೆ ಇರುವುದಿಲ್ಲ.

  • ಕ್ರೇಜಿ ಪುತ್ರನ ಹೆಸರು ಬದಲಾವಣೆ

    ravichandran's son manoranjan is manuranjan

    ಕ್ರೇಜಿ ಸ್ಟಾರ್ ರವಿಚಂದ್ರನ್ ಪುತ್ರ ಮನೋರಂಜನ್ ತಮ್ಮ ಹೆಸರು ಬದಲಿಸಿಕೊಂಡಿದ್ದಾರೆ. ಅವರೀಗ ಮನೋರಂಜನ್ ಅಲ್ಲ, ಮನು ರಂಜನ್. ಇಂಗ್ಲಿಷ್‌ನಲ್ಲಿ ಓ ಜಾಗಕ್ಕೆ ಯು ಬಂದಿದೆ. ಅಷ್ಟೆ. ಮುಗಿಲ್ ಪೇಟೆ ಚಿತ್ರದ ಜಾಹೀರಾತಿನಲ್ಲಿ ಮನು ರಂಜನ್ ಹೆಸರು ಬದಲಾಗಿರುವುದು ಗಮನಕ್ಕೆ ಬಂದಿದೆ.

    ಇದಕ್ಕೆಲ್ಲ ಕಾರಣ ನ್ಯೂಮರಾಲಜಿ ಪ್ರಕಾರ ಈ ಬದಲಾವಣೆ ಎಂದಿರುವ ಮನುರಂಜನ್, ನನ್ನನ್ನು ಮನೆಯವರು, ಗೆಳೆಯರು ಎಲ್ಲರೂ ಕರೆಯೋದು ಮನು ಎಂದೇ. ಇದೂ ಕೂಡಾ ಹೆಸರು ಬದಲಾವಣೆಗೆ ಕಾರಣ ಎಂದಿದ್ದಾರೆ.

  • ಕ್ರೇಜಿ ಸ್ಟಾರ್ ಜೊತೆ ಬಕಾಸುರನ ಅನುಭವ

    buckasura movie directors' crazy experience with crazystar

    ಬಕಾಸುರ ಚಿತ್ರ ಇದ್ಯಲ್ಲ, ಇದು ನಿರ್ದೇಶಕ ನವನೀತ್‍ಗೆ 2ನೇ ಸಿನಿಮಾ ಅಷ್ಟೆ. ಮೊದಲ ಚಿತ್ರ ಕರ್ವ. ಅದು ಸೂಪರ್ ಹಿಟ್ ಆದ ಚಿತ್ರ. 2ನೇ ಚಿತ್ರದಲ್ಲೂ ಅದೇ ತಂಡ ಮತ್ತೆ ಒಟ್ಟುಗೂಡಿದೆ. ಹೊಸದಾಗಿ ಆ ತಂಡಕ್ಕೆ ಸೇರಿಕೊಂಡಿರೋದು ಕ್ರೇಜಿಸ್ಟಾರ್ ರವಿಚಂದ್ರನ್.

    ಒಬ್ಬ ಹೊಸ ನಿರ್ದೇಶಕನ 2ನೇ ಸಿನಿಮಾದಲ್ಲೇ ರವಿಚಂದ್ರನ್ ಅಂಥಹವರಿಗೆ ಡೈರೆಕ್ಟ್ ಮಾಡೋದು ಚಾಲೆಂಜಿಂಗ್ ಅಲ್ವಾ ಅಂತಾ ನಿರ್ದೇಶಕರನ್ನ ಕೇಳಿದ್ರೆ ಅದು ಚಾಲೆಂಜಿಂಗ್ ಅಲ್ಲ, ಥ್ರಿಲ್ಲಿಂಗ್ ಅಂತಾರೆ.

    ಒಂದ್ಸಲ ಕಥೆ ಫೈನಲ್ ಮಾಡಿದ್ಮೇಲೆ ರವಿ ಸರ್ ಜೊತೆ ಹಲವಾರು ಮೀಟಿಂಗ್‍ಗಳಾದವು. ಪ್ರತಿ ಮೀಟಿಂಗ್‍ನಲ್ಲೂ ರವಿ ಸರ್ ಕಂಫರ್ಟ್ ಎನಿಸುತ್ತಾ ಹೋದರು. ನಮ್ಮನ್ನು ಹೊಸಬರು ಎಂದು ನೋಡಲೇ ಇಲ್ಲ. ಕೆಲವು ಸಲಹೆಗಳನ್ನು ಕೊಡುತ್ತಾರೆ. ಆದರೆ, ಆಯ್ಕೆಯನ್ನು ನಮಗೇ ಬಿಡುತ್ತಾರೆ. ರವಿ ಸರ್ ಜೊತೆ ಕೆಲಸ ಮಾಡುವುದೇ ಒಂದು ಅದ್ಭುತ ಅನುಭವ ಅಂತಾರೆ ನವನೀತ್.

    ರೋಹಿತ್ ಶೆಟ್ಟಿ, ರವಿಚಂದ್ರನ್, ಕಾವ್ಯಾ ಗೌಡ ಪ್ರಮುಖ ಪಾತ್ರದಲ್ಲಿರುವ ಬಕಾಸುರ ಶುಕ್ರವಾರ ಥಿಯೇಟರ್‍ನಲ್ಲಿರುತ್ತೆ. ಜಸ್ಟ್ ಥ್ರಿಲ್.

  • ಕ್ರೇಜಿ ಸ್ಟಾರ್ ಮಗಳ ಮದುವೆ ಕ್ರೇಜಿ ಲಗ್ನಪತ್ರಿಕೆ

    crazy star's daughter marriage invitation is also crazy

    ಕ್ರೇಜಿ ಸ್ಟಾರ್ ರವಿಚಂದ್ರನ್ ಮಗಳ ಮದುವೆ ಅದ್ಧೂರಿಯಾಗಿ ಆಗುತ್ತಿದೆ. ತಾವು ಏನೇ ಮಾಡಿದರೂ ಪ್ಯಾಷನೇಟ್ ಆಗಿ ಮಾಡುವ ರವಿ, ಮುದ್ದಿನ ಮಗಳ ಮದುವೆಯ ಲಗ್ನಪತ್ರಿಕೆಯನ್ನೂ ಅಷ್ಟೇ ಪ್ಯಾಷನೇಟ್ ಆಗಿ ಮಾಡಿದ್ದಾರೆ. ಅದೂ 3ಡಿಯಲ್ಲಿ.

    ಆಮಂತ್ರಣ ಪತ್ರಿಕೆಯಲ್ಲಿ ರವಿಚಂದ್ರನ್ ಅವರ ಪೇಂಟಿಂಗ್ ಮಾದರಿಯ ಫೋಟೋದೊಂದಿಗೆ, ಮನೆಯ ಸದಸ್ಯರೆಲ್ಲರ ಹೆಸರುಗಳಿವೆ. ಅವರೆಲ್ಲರೂ ನಿಮ್ಮನ್ನು ಮದುವೆಗೆ ಆಹ್ವಾನಿಸುತ್ತಾರೆ. ಈ ಲಗ್ನಪತ್ರಿಕೆಯ ಮೌಲ್ಯ ಎಷ್ಟು ಗೊತ್ತೇ.? ಒಂದು ಪತ್ರಿಕೆಗೆ 3,000 ರೂ. 

    ರವಿಚಂದ್ರನ್ ಮುದ್ದಿನ ಮಗಳು ಗೀತಾಂಜಲಿ ಅವರ ಮದುವೆ ಉದ್ಯಮಿ ಅಜಯ್ ಅವರೊಂದಿಗೆ ಮೇ 28, 29ರಂದು ನಡೆಯಲಿದೆ.

  • ಕ್ರೇಜಿ ಸ್ಟಾರ್, ರಿಯಲ್ ಸ್ಟಾರ್ ಸಿನಿಮಾಗೆ ಓಂ ಪ್ರಕಾಶ್ ಡೈರೆಕ್ಟರ್

    ravichandran and upendra to act togerther in a movie

    ಒಬ್ಬರು ಕ್ರೇಜಿ ಸ್ಟಾರ್. ಇಡೀ ಭಾರತದ ನಿರ್ದೇಶಕರು, ನಟರು ರವಿಚಂದ್ರನ್ ಚಿತ್ರ ರಿಲೀಸ್ ಆದರೆ, ಯಾವ ರೀತಿ ಮಾಡಿರಬಹುದು ಎಂದು ನೋಡೋಕೆ ಕಾಯುತ್ತಿದ್ದರು. ಕ್ರೇಜಿ ಚಿತ್ರಗಳ ರಿಲೀಸ್ ದಿನ, ಬೆಂಗಳೂರಿನಲ್ಲಿ ವಿವಿಧ ಚಿತ್ರರಂಗದ ಖ್ಯಾತನಾಮರು ಬಂದು ನೋಡಿ ಹೋಗುತ್ತಿದ್ದರು. ರವಿ ಚಿತ್ರಗಳಲ್ಲಿ ನಮಗೊಂದು ಚಾನ್ಸ್ ಸಿಗುತ್ತಾ ಎಂದು ನಾಯಕಿಯರು ಕಾಯುತ್ತಿದ್ದರು.

    ಇನ್ನೊಬ್ಬರು ರಿಯಲ್ ಸ್ಟಾರ್. ಚಿತ್ರರಂಗದಲ್ಲಿನ ಕಥೆ, ಚಿತ್ರಕಥೆಗಳ ಸ್ವರೂಪವನ್ನೇ ಬದಲಿಸಿದ ನಿರ್ದೇಶಕ. 

    ಈ ಇಬ್ಬರನ್ನೂ ಈಗ ಒಂದುಗೂಡಿಸಿದ್ದಾರೆ ನಿರ್ದೇಶಕ ಓಂಪ್ರಕಾಶ್ ರಾವ್. ಕನಕಪುರ ಶ್ರೀನಿವಾಸ್ ನಿರ್ಮಾಪಕರಾಗಿದ್ದು, ಚಿತ್ರಕ್ಕಿನ್ನೂ ಹೆಸರಿಟ್ಟಿಲ್ಲ. ಶಾನ್ವಿ ಶ್ರೀವಾಸ್ತವ್ ಹಾಗೂ  ಮಂಗಳೂರು ಹುಡುಗಿ ನಿಮಿಕಾ ನಾಯಕಿಯರು. ಆಗಸ್ಟ್‍ನಲ್ಲಿ ಚಿತ್ರ ಸೆಟ್ಟೇರುವ ಸಾಧ್ಯತೆ ಇದೆ.

  • ಕ್ರೇಜಿ ಸ್ಟಾರ್‍ರ ಇನ್ನೊಬ್ಬ ಪುತ್ರ ಬೆಳ್ಳಿತೆರೆಗೆ ಎಂಟ್ರಿ

    ravichandran second son to launch in movies

    ಕ್ರೇಜಿ ಸ್ಟಾರ್ ರವಿಚಂದ್ರನ್ ಅವರ ಪುತ್ರ ಮನೋರಂಜನ್ ನಾಯಕರಾಗಿ ನಟಿಸುತ್ತಿರುವ ಸಾಹೇಬ ಚಿತ್ರ ರಿಲೀಸ್‍ಗೆ ರೆಡಿಯಾಗುತ್ತಿದೆ. ಈಗ ರವಿಚಂದ್ರನ್‍ರ ಎರಡನೇ ಮಗ ವಿಕ್ರಂ ಕೂಡಾ ಹೀರೋ ಆಗುತ್ತಿದ್ದಾರೆ.

    ವಿಕ್ರಂ ಕೂಡಾ ತಂದೆಯ ಬ್ಯಾನರ್‍ನಲ್ಲಿ ಲಾಂಚ್ ಆಗುತ್ತಿಲ್ಲ. ವಿಕ್ರಂ ಲಾಂಚ್ ಆಗ್ತಿರೋದು ಆರ್.ಎಸ್. ಶ್ರೀನಿವಾಸ್ ನಿರ್ಮಾಣದ ಚಿತ್ರದಲ್ಲಿ. ಚಿತ್ರದ ನಿರ್ದೇಶಕ ನಾಗಶೇಖರ್. ಆಷಾಡ ಮುಗಿದು ಶ್ರಾವಣ ಶುರುವಾದೊಡನೆ, ಚಿತ್ರಕ್ಕೆ ಮುಹೂರ್ತವಾಗಲಿದೆ.  ಚಿತ್ರದ ಕಥೆ ಓಕೆ ಆಗಿದ್ದು, ಟೈಟಲ್, ತಾರಾಗಣದ ಆಯ್ಕೆ ಇನ್ನಷ್ಟೇ ಶುರುವಾಗಬೇಕಿದೆ.

    ವಿಕ್ರಂಗೆ ನಟನೆಗಿಂತ ಡೈರೆಕ್ಷನ್ ಇಷ್ಟ ಎಂದು ರವಿಚಂದ್ರನ್ ಹೇಳಿಕೊಳ್ತಾ ಇದ್ರು. ಆದರೆ, ಮನೋರಂಜನ್‍ಗೂ ಮೊದಲೇ ಮಲ್ಲ ಸೇರಿದಂತೆ ಹಲವು ಚಿತ್ರಗಳಲ್ಲಿ ಸಣ್ಣಪುಟ್ಟ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದರು ವಿಕ್ರಂ. ಥೇಟು ರವಿಚಂದ್ರನ್ ಎಂಟ್ರಿ ಕೊಟ್ಟಂತೆಯೇ. ರವಿಚಂದ್ರನ್ ಕೂಡಾ ಹೀಗೇನೇ ಮೊದಲು ಸಣ್ಣ ಸಣ್ಣ ಪಾತ್ರಗಳಲ್ಲಿ ನಟಿಸಿಯೇ, ಹೀರೋ ಆದವರು. 

    ಈಗ ಒಬ್ಬ ಮಗ ಹೀರೋ ಆಗಿದ್ದಾನೆ. ತೆರೆಗೆ ಬರೋದಷ್ಟೇ ಬಾಕಿ. ಎರಡನೇ ಮಗ ಹೀರೋ ಆಗುತ್ತಿದ್ದಾನೆ. ಕ್ಯಾಮೆರಾ ಸ್ಟಾರ್ಟ್ ಆಗೋದಷ್ಟೇ ಬಾಕಿ. ಇಬ್ಬರೂ ಮಕ್ಕಳಿಗೆ  ತಮ್ಮ ಬ್ಯಾನರ್‍ನಲ್ಲಿ ಚಿತ್ರ ಮಾಡಲು ಆಗಲಿಲ್ಲ ಅನ್ನೋದಷ್ಟೇ ರವಿಚಂದ್ರನ್ ಕೊರಗು.

  • ಕ್ರೇಜಿ ಹುಟ್ಟುಹಬ್ಬಕ್ಕೆ ಪಡ್ಡೆಹುಲಿಯ ಕಾಣಿಕೆ

    paddehuli teaser

    ಕ್ರೇಜಿಸ್ಟಾರ್ ರವಿಚಂದ್ರನ್‍ಗೆ ಇಂದು ಹುಟ್ಟುಹಬ್ಬ. ಈ ಬಾರಿಯ ಹುಟ್ಟುಹಬ್ಬ ರವಿಚಂದ್ರನ್‍ಗೆ ಒಂಥರಾ ಸ್ಪೆಷಲ್. ಈ ಬಾರಿ ಅವರ ಅಭಿನಯದ ಮೂರು ಚಿತ್ರಗಳು ಸುದ್ದಿಯಲ್ಲಿವೆ. ಚಿತ್ರಮಂದಿರಕ್ಕೆ ಬರಲು ಸಿದ್ಧವಾಗುತ್ತಿವೆ. ಕುರುಕ್ಷೇತ್ರದಲ್ಲಿ ಇದೇ ಮೊದಲ ಬಾರಿಗೆ ರವಿಚಂದ್ರನ್, ಪೌರಾಣಿಕ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರೆ, ರಾಜೇಂದ್ರ ಪೊನ್ನಪ್ಪ ಚಿತ್ರ ವಿಚಿತ್ರ ಕುತೂಹಲ ಹುಟ್ಟಿಸಿದೆ. ಇವುಗಳಿಗಿಂತ ಭಿನ್ನವಾಗಿ ಕಾಣಿಸಿಕೊಳ್ಳುತ್ತಿರುವುದು ಪಡ್ಡೆಹುಲಿ ಚಿತ್ರದಲ್ಲಿ. ಈ ಚಿತ್ರದಲ್ಲಿ ರವಿಚಂದ್ರನ್ ಕನ್ನಡ ಮೇಷ್ಟ್ರು.

    ಹಳ್ಳಿಮೇಷ್ಟ್ರು ಚಿತ್ರದಲ್ಲಿ ಸಿಲ್ಕ್‍ಗೆ ಅಆಇಈ ತಿದ್ದಿಸಿದ್ದ ರವಿಚಂದ್ರನ್, ಈ ಚಿತ್ರದಲ್ಲಿ ಅಪ್ಟಟ ಚಾಮಯ್ಯ ಮೇಷ್ಟ್ರಂತೆ ಕಾಣಿಸಿಕೊಳ್ಳಲಿದ್ದಾರೆ. ರವಿಚಂದ್ರನ್ ಈ ಚಿತ್ರದಲ್ಲಿ ಹೀರೋ ಶ್ರೇಯಸ್ ತಂದೆ. ಕನ್ನಡ ಪ್ರೊಫೆಸರ್. ಚಿತ್ರದುರ್ಗದ ಹಿನ್ನೆಲೆಯಿದೆ. ಕನ್ನಡವೇ ನನ್ನುಸಿರು ಎನ್ನುವ ಸೀರಿಯಸ್ ಪಾತ್ರವದು.

    ಹೀಗಾಗಿ ರವಿಚಂದ್ರನ್ ಅವರ ಹುಟ್ಟುಹಬ್ಬವನ್ನು ಪಡ್ಡೆಹುಲಿ ಚಿತ್ರತಂಡ ವಿಭಿನ್ನವಾಗಿ ಸಂಭ್ರಮಿಸುತ್ತಿದೆ. ಕನ್ನಡದ ಜ್ಞಾನಪೀಠ ಸಾಹಿತಿಗಳು ಹಾಗೂ ಸಾಹಿತ್ಯವನ್ನೊಳಗೊಂಡ ಪುಟ್ಟ ಟೀಸರ್ ಹೊರಬಿಟ್ಟಿದೆ. ಆ ಮೂಲಕ ರವಿಚಂದ್ರನ್ ಅವರನ್ನು ಪರಿಚಯಿಸುವ ಕೆಲಸ ಮಾಡಿದೆ ಪಡ್ಡೆಹುಲಿ ತಂಡ.

    ಕುವೆಂಪು ಅವರ ಶ್ರೀರಾಮಾಯಣ ದರ್ಶನಂ ಕೃತಿ ಹಿಡಿದು ಶ್ರೇಯಸ್‍ಗೆ ವಿವರಣೆ ನೀಡುತ್ತಿರುವ ರವಿಚಂದ್ರನ್ ಅವರ ಭಂಗಿ, ಕುತೂಹಲ ಹುಟ್ಟಿಸುವುದು ದಿಟ. ರಮೇಶ್ ರೆಡ್ಡಿ ನಂಗ್ಲಿ ನಿರ್ಮಾಣದ ಚಿತ್ರಕ್ಕೆ ರಾಜಾಹುಲಿ ಗುರು ದೇಶಪಾಂಡೆ ನಿರ್ದೇಶನವಿದೆ.

    ಈ ಟೀಸರ್ ಮೂಲಕ ಚಿತ್ರತಂಡ ಒಂದು ಸಂದೇಶವನ್ನೂ ನೀಡಿದೆ. ಮೊಬೈಲ್ ಬಿಡಿ, ಸಾಮಾಜಿಕ ಜಾಲತಾಣಗಳಿಂದ ಹೊರಬನ್ನಿ. ಪುಸ್ತಕ ಹಿಡಿಯಿರಿ. ಓದುವ ಹವ್ಯಾಸ ಬೆಳೆಸಿಕೊಳ್ಳಿ. ಆ ಮೂಲಕ ರವಿಚಂದ್ರನ್ ಹುಟ್ಟುಹಬ್ಬವನ್ನು ಅರ್ಥಪೂರ್ಣವಾಗಿ ಆಚರಿಸಿ ಅನ್ನೋದು ಪಡ್ಡೆಹುಲಿ ತಂಡದ ಮನವಿ.

  • ಕ್ರೇಜಿಸ್ಟಾರ್ ದಶರಥನಿಗೆ ದರ್ಶನ್ ಗಾಯನ..!

    darshan sings a song for ravichandran

    ಚಾಲೆಂಜಿಂಗ್ ಸ್ಟಾರ್ ಹಾಡಿದ್ದನ್ನು ಕೇಳಿದ್ದೀರಾ..? ನೋ ಚಾನ್ಸ್. ದರ್ಶನ್ ಅವರು ಇದುವರೆಗೆ ಹಾಡುವ ಸಾಹಸಕ್ಕೆ ಕೈ ಹಾಕಿರಲಿಲ್ಲ. ಹೀಗಿದ್ದರೂ.. ಅವರೀಗ ಸಿಂಗರ್. ಹೌದು, ರವಿಚಂದ್ರನ್ ಅಭಿನಯದ ದಶರಥ ಚಿತ್ರದ ಇಂಟ್ರೊಡಕ್ಷನ್ ಹಾಡಿಗೆ ದರ್ಶನ್ ಹಾಡಿದ್ದಾರೆ.

    ಹಾಗಂತ, ಪೂರ್ತಿ ಸಿಂಗರ್ ಅಂತಲೂ ಹೇಳೋಕಾಗಲ್ಲ. ಚಿತ್ರತಂಡದವರು ಹಾಡೋಕೆ ಕೇಳಿಕೊಂಡರಂತೆ. ದರ್ಶನ್ ನೋ ಎಂದಿದ್ದಾರೆ. ನಂತರ ದರ್ಶನ್ ಸಾಹಿತ್ಯವನ್ನು ತಮ್ಮದೇ ಸ್ಟೈಲ್‍ನಲ್ಲಿ ಓದಿದ್ದಾರೆ. ಅದಕ್ಕೇ ಮ್ಯೂಸಿಕ್ ಹಾಕಿದೆಯಂತೆ ಚಿತ್ರತಂಡ. ಹೀಗಾಗಿ.. ದಶರಥನ ಎಂಟ್ರಿ ಸಾಂಗ್‍ನಲ್ಲಿ ದರ್ಶನ್ ವಾಯ್ಸ್ ಇರಲಿದೆ.

    ಎಂ.ಎಸ್.ರಮೇಶ್ ನಿರ್ದೇಶನದ ದಶರಥ ಚಿತ್ರ, ಫೆಬ್ರವರಿಯಲ್ಲಿ ತೆರೆಗೆ ಬರುವ ಸಾಧ್ಯತೆ ಇದೆ.

  • ಕ್ರೇಜಿಸ್ಟಾರ್ ರವಿಚಂದ್ರನ್ ಇನ್ಮುಂದೆ ಡಾ.ರವಿಚಂದ್ರನ್

    ravichandran gets honorary doctorate

    ಕ್ರೇಜಿಸ್ಟಾರ್, ರಣಧೀರ, ಅಂಜದಗಂಡು, ಮಲ್ಲ.. ಎಂದೆಲ್ಲ ಅಭಿಮಾನಿಗಳಿಂದ ಕರೆಸಿಕೊಳ್ಳುವ ರವಿಚಂದ್ರನ್, ಇನ್ನು ಮುಂದೆ ಡಾ.ರವಿಚಂದ್ರನ್ ಆಗಲಿದ್ದಾರೆ. ಬೆಂಗಳೂರಿನ ಸಿಎಂಆರ್ ಯುನಿವರ್ಸಿಟಿ, ರವಿಚಂದ್ರನ್ ಅವರಿಗೆ ಗೌರವ ಡಾಕ್ಟರೇಟ್ ನೀಡುತ್ತಿದೆ. ನವೆಂಬರ್ 3ರಂದು ಯುನಿವರ್ಸಿಟಿ, ರವಿಚಂದ್ರನ್ ಅವರಿಗೆ ಗೌರವ ಡಾಕ್ಟರೇಟ್ ಪ್ರದಾನ ಮಾಡಲಿದ್ದಾರೆ.

    ರವಿಚಂದ್ರನ್ ಚಿತ್ರರಂಗಕ್ಕೆ ಬಂದಿದ್ದು ಬಾಲನಟನಾಗಿ. 1971ರಲ್ಲಿ ಕುಲಗೌರವ ಚಿತ್ರದಲ್ಲಿ ಬಾಲನಟ. ನಂತರ ಖದೀಮ ಕಳ್ಳರು ಚಿತ್ರಕ್ಕೆ ನಿರ್ಮಾಪಕರಾದರು. ಆ ಚಿತ್ರದಲ್ಲಿ ವಿಲನ್ ಆಗಿ ಪುಟ್ಟ ಪಾತ್ರ ಮಾಡಿದ್ದ ರವಿಚಂದ್ರನ್, ನಾನೇ ರಾಜ ಚಿತ್ರದ ಮೂಲಕ ಹೀರೋ ಆದರು. ಪ್ರೇಮಲೋಕದ ಮೂಲಕ ನಿರ್ದೇಶಕರಾಗಿಯೂ ಗೆದ್ದ ರವಿಚಂದ್ರನ್, ನಾನು ನನ್ನ ಹೆಂಡ್ತೀರು ಚಿತ್ರದಿಂದ ಸಂಗೀತ ನಿರ್ದೇಶಕರೂ ಆದರು. ಒಂದು ರೀತಿಯಲ್ಲಿ ರವಿಚಂದ್ರನ್, ಚಿತ್ರರಂಗದ ಆಲ್‍ರೌಂಡರ್. ಈಗ ಡಾ.ರವಿಚಂದ್ರನ್.

    ಈ ಮೂಲಕ ರವಿಚಂದ್ರನ್, ಡಾ.ರಾಜ್, ವಿಷ್ಣುವರ್ಧನ್, ಅಂಬರೀಷ್, ಶಿವರಾಜ್ ಕುಮಾರ್, ಲೀಲಾವತಿ ಮೊದಲಾದವರ ಸಾಲಿಗೆ ಸೇರಿದ್ದಾರೆ.

  • ಗೋ ಹತ್ಯೆ.. ಡೈಲಾಗ್‍ಗೆ ಕತ್ತರಿ..!

    cow slaughter dialogue removied from seizer

    ಸೀಜರ್ ಚಿತ್ರ ನಾಳೆ ತೆರೆಕಾಣುತ್ತಿದೆ. ಚಿತ್ರದಲ್ಲಿ ಒಂದು ಕಡೆ ಗೋಹತ್ಯೆ ಕುರಿತ ಡೈಲಾಗ್ ಇದೆ. ಪಾತ್ರಧಾರಿ ರವಿಚಂದ್ರನ್, ಹಸುವಿನ ತಲೆ ಕಡಿಯುವುದು ಹಾಗೂ ಹೆತ್ತ ತಾಯಿಯ ತಲೆ ಹಿಡಿಯುವುದು ಎರಡೂ ಒಂದೇ ಎಂದು ಹೇಳುವ ಡೈಲಾಗ್ ಅದು. ಆ ಸಂಭಾಷಣೆಗೆ ವಿರೋಧ ವ್ಯಕ್ತವಾಗಿತ್ತು. ಗೋಹತ್ಯೆ ಪರ ಇರುವ ಸಂಘಟನೆಗಳು ಹಾಗೂ ಚಿತ್ರತಂಡದ ಭಾಗವಾಗಿರುವ ಪ್ರಕಾಶ್ ರೈ, ನಿರ್ದೇಶಕ ವಿನಯ್ ಕೃಷ್ಣ ವಿರುದ್ಧ ಕೆಂಡಕಾರಿದ್ದರು. ಫೋನ್ ಮಾಡಿ ಬೈದಿದ್ದೇನೆ ಎಂದು ಹೇಳಿದ್ದರು ಪ್ರಕಾಶ್ ರೈ.

    ಸಂಭಾಷಣೆಗೂ ರೈಗೂ ಸಂಬಂಧ ಇಲ್ಲ. ಅವರು ನನಗೆ ಫೋನ್ ಮಾಡಿಲ್ಲ ಎಂದಿದ್ದ ವಿನಯ್ ಕೃಷ್ಣ, ಈಗ ಚಿತ್ರದಲ್ಲಿ ಡೈಲಾಗ್‍ಗೆ ಮ್ಯೂಟ್ ಹಾಕಿಸಿದ್ದಾರೆ. ಅಂದರೆ, ಚಿತ್ರಮಂದಿರದಲ್ಲಿ ಈ ಸಿನಿಮಾ ನೋಡುವಾಗ ಆ ಸಂಭಾಷಣೆ ಬರುವ ವೇಳೆ ಬೀಪ್ ಸೌಂಡ್ ಮಾತ್ರ ಕೇಳುತ್ತೆ. 

    ನಟ ರವಿಚಂದ್ರನ್ ಕೂಡಾ ವಿವಾದ ಏಕೆ, ಡೈಲಾಗ್ ಬಿಡಿ ಎಂದು ಸೂಚಿಸಿದ ಹಿನ್ನೆಲೆಯಲ್ಲಿ ನಿರ್ದೇಶಕ ವಿನಯ್ ಹಾಗೂ ನಿರ್ಮಾಪಕ ತ್ರಿವಿಕ್ರಮ್ ಡೈಲಾಗ್‍ಗೆ ಕತ್ತರಿ ಆಡಿಸಿದ್ದಾರೆ. ಗೋಹತ್ಯೆ ಡೈಲಾಗ್ ಇಲ್ಲದ ಸೀಜರ್ ಸಿನಿಮಾ ನಾಳೆ ತೆರೆ ಕಾಣಲಿದೆ.

  • ಗೋಹತ್ಯೆ ಕುರಿತ ರವಿಚಂದ್ರನ್ ಡೈಲಾಗ್ ವಿವಾದ

    ravichandran dialogue creates controversy

    `ಹಸು ತಲೆ ಕಡಿಯೋದೂ ಒಂದೇ.. ಹೆತ್ತ ತಾಯಿಯ ತಲೆ ಹಿಡಿಯೋದೂ ಒಂದೇ..' ಇದು ರವಿಚಂದ್ರನ್ ಅಭಿನಯದ ಸೀಜರ್ ಚಿತ್ರದಲ್ಲಿರೋ ಡೈಲಾಗ್. ಈ ಡೈಲಾಗ್ ಹೇಳೋದು ನಾಯಕ ಕ್ರೇಜಿಸ್ಟಾರ್ ರವಿಚಂದ್ರನ್. ಸೀಜರ್ ಚಿತ್ರದ ಟ್ರೇಲರ್‍ನಲ್ಲೂ ಈ ಡೈಲಾಗ್ ಇದೆ. ಆದರೆ, ಈ ಡೈಲಾಗ್ ಈಗ ವಿವಾದಕ್ಕೆ ಕಾರಣವಾಗಿದೆ. 

    ರವಿಚಂದ್ರನ್ ಅವರಿಗೆ ಈಗ ಮಾರ್ಕೆಟ್ ಇಲ್ಲ. ಹೀಗಾಗಿ ಇಂತಹ ಗಿಮಿಕ್ ಮಾಡಿದ್ದಾರೆ. ಬೇರೆಯವರ ಆಹಾರ ಅಭ್ಯಾಸಗಳ ಬಗ್ಗೆ ಮಾತನಾಡೋ ಹಕ್ಕು ಅವರಿಗೆ ಇಲ್ಲ ಎನ್ನುವುದು ವಕೀಲ ಬಿ.ಟಿ.ವೆಂಕಟೇಶ್ ಎಂಬುವರ ಹೇಳಿಕೆ. ಹಿರಿಯ ನಟರಾದ ರವಿಚಂದ್ರನ್, ಈ ರೀತಿಯ ಡೈಲಾಗ್‍ಗೆ ನೋ ಎನ್ನಬೇಕಿತ್ತು. ಇದು ಕೋಮುಗಲಭೆಗೆ ಕಾರಣವಾಗಬಹುದು ಎಂದು ಆತಂಕ ವ್ಯಕ್ತಪಡಿಸಿದ್ದಾರೆ ಜನವಾದಿ ಸಂಘಟನೆ ನಾಯಕಿ ವಿಮಲಾ. 

    ಒಬ್ಬ ಹಿಂದೂ ಆಗಿ ಹಸುಗಳನ್ನು ಕೊಲ್ಲಬೇಡಿ ಎಂದು ಹೇಳೋದು ನನ್ನ ಹಕ್ಕು. ಗೋವನ್ನು ನಾವು ಪೂಜಿಸುತ್ತೇವೆ. ಗೋಹತ್ಯೆ ನಿಲ್ಲಿಸಬೇಕು. ಚಿತ್ರದಲ್ಲಿ ನಾವು ಅದನ್ನೇ ಹೇಳಿದ್ದೇವೆ. ಚಿತ್ರದ ಬಗ್ಗೆ ಸೆನ್ಸಾರ್ ಮಂಡಳಿಯೂ ಆಕ್ಷೇಪ ವ್ಯಕ್ತಪಡಿಸಿಲ್ಲ. ಒಂದೇ ಒಂದು ಕಟ್ ಇಲ್ಲದೆ ಪ್ರಮಾಣ ಪತ್ರ ಕೊಟ್ಟಿದೆ. ಇದರಲ್ಲಿ ವಿವಾದವೇ ಇಲ್ಲ ಎಂದಿದ್ದಾರೆ ನಿರ್ದೇಶಕ ವಿನಯ್ ಕೃಷ್ಣ.

    ಸೀಜರ್ ಚಿತ್ರ ಬಿಡುಗಡೆಗೆ ಸಿದ್ಧವಾಗಿದ್ದು, ಚುನಾವಣೆ ಹೊಸ್ತಿಲಲ್ಲಿ ನಿಂತಿರುವಾಗ ಇಂತಹ ವಿವಾದವಾದರೆ ಬಿಡುಗಡೆ ಸಾಧ್ಯವೇ ಎಂಬ ಅನುಮಾನವನ್ನೂ ಹುಟ್ಟುಹಾಕಿದೆ. ರವಿಚಂದ್ರನ್ ಜೊತೆ ಚಿತ್ರದಲ್ಲಿ ಚಿರಂಜೀವಿ ಸರ್ಜಾ, ಪ್ರಕಾಶ್ ರೈ ಕೂಡಾ ಇದ್ದಾರೆ.

  • ಚಂದನ್ ಶೆಟ್ಟಿ ಸಂಗೀತ ನಿರ್ದೇಶನದ ಸೀಜರ್

    chandan shetty's music in seizer

    ಚಂದನ್ ಶೆಟ್ಟಿ ಎಂದರೆ ತಕ್ಷಣ ನೆನಪಾಗುವುದು ಮೂರೇ ಮೂರು ಪೆಗ್ಗಿಗೆ.. ಹಾಡು. ಆದರೆ, ಚಂದನ್ ಶೆಟ್ಟಿ ಇದಿಷ್ಟೇ ಅಲ್ಲ, ಅವರು ಗಾಯಕರೂ ಹೌದು. ಹಾಡನ್ನು ಬರೆಯುವ ಕಲೆಯೂ ಅವರಿಗೆ ಸಿದ್ಧಿಸಿದೆ. ಸಂಗೀತ ಸಂಯೋಜಿಸುವುದೂ ಗೊತ್ತಿದೆ. ಇದೆಲ್ಲವೂ ಗೊತ್ತಿರುವ ಚಂದನ್ ಶೆಟ್ಟಿ, ಸೀಜರ್ ಚಿತ್ರಕ್ಕೆ ಸಂಗೀತ ನಿರ್ದೇಶನ ಮಾಡಿದ್ದಾರೆ.

    ಚಂದನ್ ಶೆಟ್ಟಿಯವರಿಗೆ ಇಂತಾದ್ದೊಂದು ಅವಕಾಶ ಕೊಟ್ಟಿದ್ದು ನಿರ್ಮಾಪಕ ತ್ರಿವಿಕ್ರಮ್. ಪವರ್ ಚಿತ್ರದ ಧಮ್ ಪವರೇ ಹಾಡು ಕೇಳಿದ ನಂತರ ತ್ರಿವಿಕ್ರಮ್, ಚಂದನ್ ಅವರನ್ನು ಆಯ್ಕೆ ಮಾಡಿದರಂತೆ.

    ಚಿತ್ರದಲ್ಲಿ ನಾಲ್ಕು ಹಾಡುಗಳಿದ್ದು, ನಾಲ್ಕೂ ಹಾಡುಗಳು ಸದ್ಯಕ್ಕೆ ಹಿಟ್ ಲಿಸ್ಟ್‍ನಲ್ಲಿವೆ. ವೆಸ್ಟರ್ನ್ ಶೈಲಿಯಲ್ಲಿರುವ ಸಂಗೀತ, ಅಭಿಮಾನಿಗಳಿಗೆ ಇಷ್ಟವಾಗಿದೆ.ರವಿಚಂದ್ರನ್, ಚಿರಂಜೀವಿ ಸರ್ಜಾ, ಪಾರೂಲ್ ಯಾದವ್ ಅಭಿನಯದ ಚಿತ್ರಕ್ಕೆ ವಿನಯ್ ಕೃಷ್ಣ ನಿರ್ದೇಶಕರು. ಚಿತ್ರ ಇದೇ ವಾರ ತೆರೆಗೆ ಬರುತ್ತಿದೆ.

  • ಚಿತ್ರನಗರಿಗೆ 500 ಕೋಟಿ : ರವಿಚಂದ್ರನ್ ರಿಯಾಕ್ಷನ್ ಏನಿತ್ತು ಗೊತ್ತಾ..?

    ravichandran's suggestion on film city issue

    ಈ ಬಜೆಟ್‍ನಲ್ಲಿ ಬಿ.ಎಸ್.ಯಡಿಯೂರಪ್ಪ ಬೆಂಗಳೂರಿನಲ್ಲಿ ಚಿತ್ರನಗರಿ ನಿರ್ಮಾಣಕ್ಕೆ 500 ಕೋಟಿ ಘೋಷಿಸಿರುವುದನ್ನು ಚಿತ್ರರಂಗದ ಅನೇಕರು ಸ್ವಾಗತಿಸಿದ್ದಾರೆ. ಚಲನಚಿತ್ರ ವಾಣಿಜ್ಯ ಮಂಡಳಿ ಸ್ಥಳ ಗುರುತಿಸುವ ಕೆಲಸವಾಗಲಿ ಎಂದಿದೆ. ಬೆಂಗಳೂರಿಗಿಂತ ಮೈಸೂರಿನಲ್ಲಾಗಿದ್ದರೆ ಚೆನ್ನಾಗಿರುತ್ತಿತ್ತು ಎನ್ನುವುದು ನಟ ಯಶ್ ಅವರ ವಾದ.

    ಚಿತ್ರನಗರಿ ಅನ್ನೋ ಕನಸಿಗೆ ದೊಡ್ಡ ರೂಪ ಕೊಟ್ಟ ರವಿಚಂದ್ರನ್ ರಿಯಾಕ್ಷನ್ ಏನಿರಬಹುದು..?

    ಪ್ರಾರಂಭ ಚಿತ್ರದ ಆಡಿಯೋ ರಿಲೀಸ್ ಕಾರ್ಯಕ್ರಮದಲ್ಲಿ ಮಾತನಾಡಿರುವ ರವಿಚಂದ್ರನ್, ಏನಾದರೂ ಆಗಲಿ, ಮೊದಲು ಕೆಲಸ ಶುರುವಾಗಲಿ. ಅದು ಚಲನಚಿತ್ರ ವಾಣಿಜ್ಯ ಮಂಡಳಿ ಉಸ್ತುವಾರಿಯಲ್ಲೇ ಆಗಲಿ. ಕಿತ್ತಾಡದಿದ್ದರೆ ಅಷ್ಟೇ ಸಾಕು ಎಂದಿದ್ದಾರೆ.

  • ಚುಟು ಚುಟು ಬ್ಯೂಟಿಗೆ ಕ್ರೇಜೀ ಟಚ್

    ashika in ravichandran's next

    ಕ್ರೇಜಿ ಸ್ಟಾರ್ ರವಿಚಂದ್ರನ್ ಚಿತ್ರಗಳಲ್ಲಿ ನಟಿಸುವುದು ಹಲವು ಹೀರೋಯಿನ್‍ಗಳ ಕನಸು. ಅದು ಈಗಲೂ ಬದಲಾಗಿಲ್ಲ. ಅವರ ನಿರ್ದೇಶನದ ಚಿತ್ರಗಳೆಂದರೆ, ನಾಯಕಿಯರು ಸದಾ ಸಿದ್ಧ. ಕಾರಣ ಇಷ್ಟೆ, ನಾಯಕಿಯರ ಚೆಲುವನ್ನು, ಸೌಂದರ್ಯವನ್ನು ರವಿಚಂದ್ರನ್‍ರಷ್ಟು ಅದ್ಭುತವಾಗಿ ತೋರಿಸಬಲ್ಲವರು ಮತ್ತೊಬ್ಬರಿಲ್ಲ. ಈಗ ಅಂತಹ ಅವಕಾಶ ಚುಟು ಚುಟು ಸ್ಟಾರ್  ಅಶಿಕಾ ರಂಗನಾಥ್ ಪಾಲಾಗಿದೆ.

    ರವಿಚಂದ್ರನ್ ನಿರ್ದೇಶನದ ಹೊಸ ಚಿತ್ರದಲ್ಲಿ ಅಶಿಕಾ ರಂಗನಾಥ್ ನಟಿಸಲಿದ್ದಾರೆ. ಕ್ಯೂಟ್ ಫೇಸ್‍ನ ಗ್ಲಾಮರಸ್ ಹುಡುಗಿ ಬೇಕಿತ್ತು. ನನ್ನ ಚಿತ್ರದ ಪಾತ್ರಕ್ಕೆ ಅಶಿಕಾ 100% ಸೂಟ್ ಆಗ್ತಾರೆ ಎಂದಿದ್ದಾರೆ ರವಿಚಂದ್ರನ್.

    ರವಿಚಂದ್ರನ್‍ರನ್ನು ಮೀಟ್ ಮಾಡಿ, ಚಿತ್ರಕ್ಕೆ ಓಕೆ ಎಂದಿರುವ ಅಶಿಕಾ ತಮ್ಮ ಡೇಟ್ಸ್‍ನ್ನು ರವಿಚಂದ್ರನ್ ಚಿತ್ರಕ್ಕಾಗಿ ಅಡ್ಜಸ್ಟ್ ಮಾಡಿಕೊಳ್ತೇನೆ ಎಂದಿದ್ದಾರೆ.

    ಸದ್ಯಕ್ಕೆ ಅಶಿಕಾ ರಂಗನಾಥ್ ಕನ್ನಡದ ಬ್ಯುಸಿ ಹೀರೋಯಿನ್‍ಗಳಲ್ಲಿ ಒಬ್ಬರು. ಶರಣ್ ಜೊತೆ ಅವತಾರ ಪುರುಷ, ಪವನ್ ಒಡೆಯರ್ ನಿರ್ದೇಶನದ ರೆಮೋ, ಪಿಸಿ ಶೇಖರ್ ನಿರ್ದೇಶನದ ಹೊಸ ಸಿನಿಮಾ, ಗರುಡ, ರಂಗಮಂದಿರ ಹೀಗೆ ಕೈತುಂಬಾ ಚಿತ್ರಗಳಿವೆ.

  • ಟಿಕ್‍ಟಾಕ್‍ನಲ್ಲೂ ದಶರಥ..!

    dasharatha craze in tik tok

    ದಶರಥ ಚಿತ್ರದಲ್ಲಿ ರವಿಚಂದ್ರನ್ ಅವರ ಜೊತೆ, ಟ್ರೇಲರ್‍ನಲ್ಲಿರೋ ಡೈಲಾಗುಗಳೂ ವೈರಲ್ ಆಗುತ್ತಿವೆ. ಎಂ.ಎಸ್.ರಮೇಶ್ ಹೇಳಿಕೇಳಿ ಬೆಂಕಿ ಡೈಲಾಗುಗಳಿಗೆ ಫೇಮಸ್ಸು. ಅದು ಟ್ರೇಲರಿನಲ್ಲೂ ಎದ್ದು ಕಾಣ್ತಿದೆ. ಈಗ ಟ್ರೇಲರ್‍ನಲ್ಲಿ ರವಿಚಂದ್ರನ್ ಅವರಿಗಾಗಿಯೇ ಬರೆದಿರುವ ಕೆಲವು ಸಾಲುಗಳು ಟಿಕ್‍ಟಾಕ್‍ನಲ್ಲಿ ವೈರಲ್ಲೋ ವೈರಲ್ಲು.

    ಇವನು ಪ್ರೀತಿಯಲ್ಲಿ ಬಂದ್ರೆ ಪ್ರೇಮಲೋಕ ಕಟ್ಟೋವ್ನು.. ರಣವೀಳ್ಯ ಕೊಟ್ರೆ ರಣಧೀರ ಆಗೋವ್ನು.

    ನನ್ ಕುಟುಂಬನೇ ನನ್ನ ಪ್ರಪಂಚ. ಅದರ ಮೇಲೆ ಯಾರದೇ ಕಣ್ಣು ಬಿದ್ರು ಸುಟ್ಟು ಹೋಗ್ತಾರೆ. ಯಾಕಂದ್ರೆ ಈ ದಶರಥ ಸೂರ್ಯವಂಶದವ್ನು.

    ನನ್ನ ವೆಪನ್ ಯಾವತ್ತಿದ್ರೂ ಲಾನೇ. ಲವ್ ಅಂಡ್ ವಿನ್ ನನ್ನ ಫಸ್ಟ್ ಸ್ಟೆಪ್ಪು. ಲೀಗಲಿ ಅನೌನ್ಸ್ ವಾರ್ ಅನ್ನೋದೇ ಫೈನಲ್ ಸ್ಟೆಪ್.

    ಇಟ್ಸ್ ಟೈಂ ಫಾರ್ ಜಡ್ಜ್‍ಮೆಂಟ್. ನಾಟ್ ಫಾರ್ ಆಗ್ರ್ಯುಮೆಂಟ್..

    ಹೀಗೆ ಟ್ರೇಲರ್‍ನ ಡೈಲಾಗುಗಳನ್ನೇ ಟಿಕ್‍ಟಾಕ್‍ನಲ್ಲಿ ಸೃಷ್ಟಿಸಿ ಎಂಜಾಯ್ ಮಾಡ್ತಿದ್ದಾರೆ ಕ್ರೇಜಿ ಫ್ಯಾನ್ಸ್.

    ರವಿಚಂದ್ರನ್ ಬಹಳ ವರ್ಷಗಳ ನಂತರ ಲಾಯರ್ ಆಗಿದ್ದಾರೆ. ಸೋನು ಅಗರ್‍ವಾಲ್ ನಾಯಕಿ. ರಂಗಾಯಣ ರಘು ಪ್ರತಿ ನಾಯಕ. ಸಿನಿಮಾ ಥ್ರಿಲ್ ಎನ್ನಿಸುತ್ತಿರುವುದೇ ಈ ಕಾರಣಕ್ಕೆ.

  • ಡಾ. ವಿ.ರವಿಚಂದ್ರನ್ : ಕ್ರೇಜಿಸ್ಟಾರ್‌ಗೆ ಸ್ಯಾಂಡಲ್ ವುಡ್ ಶುಭ ಹಾರೈಕೆ

    ravichandran dedicates his doctorate to his father veeraswamy

    ಕ್ರೇಜಿಸ್ಟಾರ್ ರವಿಚಂದ್ರನ್ ಈಗ ಡಾ.ರವಿಚಂದ್ರನ್. ಸಿಎಂಆರ್ ವಿವಿ, ರವಿಚಂದ್ರನ್ ಅವರಿಗೆ ಗೌರವ ಡಾಕ್ಟರೇಟ್ ನೀಡಿ ಗೌರವಿಸಿದೆ. ಬೆಂಗಳೂರಿನ ಕುಂದಲಹಳ್ಳಿಯಲ್ಲಿರುವ ಕ್ಯಾಂಪಸ್‌ನಲ್ಲಿ ಡಿಸಿಎಂ ಅಶ್ವತ್ಥ್ ನಾರಾಯಣ್ ಗೌ.ಡಾ. ನೀಡಿ ಗೌರವಿಸಿದ್ರು.

    ಇನ್ನು ಮುಂದೆ ಹೊಸ ದಾರಿಯಲ್ಲಿ ನಡೆಯುತ್ತೇನೆ. ಹಳೆ ದಾರಿಯನ್ನು ಸರಿ ಮಾಡಿಕೊಳ್ಳುವ ಹಾಗೆ ನಡೆಯುತ್ತೇನೆ ಎಂದ ರವಿಚಂದ್ರನ್, ಸಿಎಂಆರ್ ವಿವಿಗೆ ಧನ್ಯವಾದ ಸಲ್ಲಿಸಿದ್ರು.

    ರವಿಚಂದ್ರನ್ ಅವರ ಇಡೀ ಕುಟುಂಬವೇ ಕಾರ್ಯಕ್ರಮದಲ್ಲಿ ಭಾಗವಹಿಸಿತ್ತು. ತಮಗೆ ಸಿಕ್ಕ ಪುರಸ್ಕಾರವನ್ನು ತಂದೆ ಎನ್.ವೀರಸ್ವಾಮಿಗೆ ಅರ್ಪಿಸಿದರು ರವಿಚಂದ್ರನ್.

     ಇತ್ತ ಸ್ಯಾಂಡಲ್‌ವುಡ್ ರವಿಚಂದ್ರನ್ ಅವರಿಗೆ ಗೌರವ ಡಾಕ್ಟರೇಟ್ ನೀಡಿರುವುದನ್ನು ಸಂಭ್ರಮಿಸಿದೆ. ಚಿತ್ರರಂಗದ ಕಲಾವಿದರು, ತಂತ್ರಜ್ಞರು ಡಾ.ರವಿಚಂದ್ರನ್‌ಗೆ ಶುಭ ಹಾರೈಸಿದ್ದಾರೆ. ಖುಷಿ ಹಂಚಿಕೊAಡಿದ್ದಾರೆ.

  • ದಶರಥನ ಜೊತೆ ದರ್ಶನ್ ಪವರ್

    dasharatha gets darshan's power

    ಕ್ರೇಜಿ ಸ್ಟಾರ್ ರವಿಚಂದ್ರನ್ ಅವರ ದಶರಥ ಇದೇ ವಾರ ರಿಲೀಸ್. ಈ ಚಿತ್ರದಲ್ಲಿ ದರ್ಶನ್ ಅವರೂ ಇದ್ದಾರೆ. ತೆರೆಯ ಮೇಲಲ್ಲ.. ತೆರೆಯ ಹಿಂದೆ. ದರ್ಶನ್ ಅವರು ಒಂದು ಹಾಡು ಹಾಡಿದ್ದಾರೆ. ಅರೆ.. ದರ್ಶನ್ ಯಾವಾಗ ಗಾಯಕರಾದ್ರು ಎಂದುಕೊಂಡ್ರಾ..? ನೋ ಚಾನ್ಸ್...

    ದರ್ಶನ್ ಅವರ ಬಳಿ ಕೆಲವು ಸಾಲುಗಳನ್ನು ಹೇಳಿಸಿ, ಆ ಸಾಲುಗಳಿಗೇ ಮ್ಯೂಸಿಕ್ ಹೊಂದಿಸಿ ಹಾಡು ಸೃಷ್ಟಿಸಲಾಗಿದೆ. ಇದೊಂದು ಬೇರೆಯದೇ ರೀತಿಯ ಪ್ರಯತ್ನ. ಇದು ಚಿತ್ರದ ಟೈಟಲ್ ಟ್ರ್ಯಾಕ್. ರಮೇಶ್ ಚಿತ್ರಕ್ಕೆ ಒನ್ಸ್ ಎಗೇಯ್ನ್ 14ನೇ ಬಾರಿಗೆ ಗುರುಕಿರಣ್ ಸಂಗೀತ ನಿರ್ದೇಶನವಿದೆ.

    ಇಲ್ಲಿ ದೃಶ್ಯವನ್ನೂ ನೆನಪಿಸುವ ಇನ್ನೂ ಒಂದು ಡೈಲಾಗ್ ಇದೆ. ನನಗೆ ನನ್ನ ಕುಟುಂಬವೇ ಪ್ರಪಂಚ. ಅದರ ಮೇಲೆ ಯಾರ ಕಣ್ಣು ಬಿದ್ರೂ ಸುಟ್ಟು ಹೋಗ್ತಾರೆ ಅನ್ನೋ ಡೈಲಾಗ್ ಟ್ರೇಲರ್‍ನಲ್ಲಿದೆ. ಕುತೂಹಲ ಹುಟ್ಟೋದು ಇಲ್ಲೇ.

    ರವಿಚಂದ್ರನ್, ರಂಗಾಯಣ ರಘು, ಸೋನು ಅಗರ್‍ವಾಲ್, ಅಭಿನೇತ್ರಿ, ಅವಿನಾಶ್, ಶೋಭರಾಜ್ ನಟಿಸಿರುವ ಚಿತ್ರಕ್ಕೆ ಎಂ.ಎಸ್.ರಮೇಶ್ ನಿರ್ದೇಶಕ. ಅಕ್ಷಯ್ ಸಮರ್ಥ ನಿರ್ಮಾಣದ ಸಿನಿಮಾದಲ್ಲಿ ಆಧುನಿಕ ರಾಮಾಯಣದ ಕಥೆಯೂ ಇದೆ.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery