` paramvah studios, - chitraloka.com | Kannada Movie News, Reviews | Image

paramvah studios,

  • ಮಕ್ರ್ಯೂರಿ ಚಿತ್ರ ವಿತರಣೆ ಮಾಡಿದ್ದೇಕೆ ರಕ್ಷಿತ್ ಶೆಟ್ಟಿ..?

    paramvah studios to distribute mercury

    ಇಂದು ದೇಶಾದ್ಯಂತ ಮಕ್ರ್ಯೂರಿ ಚಿತ್ರ ಬಿಡುಗಡೆಯಾಗಿದೆ. ಪ್ರಭುದೇವ ಅಭಿನಯದ ಈ ಚಿತ್ರಕ್ಕೆ ಕಾರ್ತಿಕ್ ಶುಭ್‍ರಾಜ್ ನಿರ್ದೇಶನವಿದೆ. ಮಾತುಗಳೇ ಇಲ್ಲದ ಈ ಈ ಚಿತ್ರವನ್ನು ಕರ್ನಾಟಕದಲ್ಲಿ ಬಿಡುಗಡೆ ಮಾಡುತ್ತಿರುವುದು ಪರಂವಾ ಸ್ಟುಡಿಯೋಸ್. ರಕ್ಷಿತ್ ಶೆಟ್ಟಿ, ಪುಷ್ಕರ್ ಮಲ್ಲಿಕಾರ್ಜುನಯ್ಯ ಮಲ್ಟಿಪ್ಲೆಕ್ಸ್ ವಿತರಣೆ ಹೊಣೆ ಹೊತ್ತುಕೊಂಡಿದ್ದಾರೆ. ಜಯಣ್ಣ-ಭೋಗೇಂದ್ರ ಥಿಯೇಟರ್‍ಗಳಲ್ಲಿ ವಿತರಣೆ ಮಾಡುತ್ತಿದ್ದಾರೆ.

    ತಮಿಳು ಡೈರೆಕ್ಟರ್ ನಿರ್ದೇಶನದ ಚಿತ್ರವನ್ನು ಕರ್ನಾಟಕದಲ್ಲಿ ವಿತರಣೆ ಮಾಡುತ್ತಿರುವುದಕ್ಕೆ ಚಿತ್ರದ ಕಥೆ, ವಿಭಿನ್ನತೆಯೊಂದೇ ಕಾರಣವಲ್ಲ. ನಾವು ಕನ್ನಡ ಸಿನಿಮಾಗಳನ್ನು ಬೇರೆ ರಾಜ್ಯಗಳಿಗೂ ವಿಸ್ತರಿಸುವ ಕನಸು ಕಟ್ಟುತ್ತಿದ್ದೇವೆ. ಅದು ಸಾಧ್ಯವಾಗಬೇಕಾದರೆ, ಪರರಾಜ್ಯದವರ ಜೊತೆ ನಮ್ಮ ನಂಟು ಬೆಳೆಯಲೇಬೇಕು. ಇವುಗಳ ಆರಂಭದ ಹಂತವೇ ಈ ಮಕ್ರ್ಯೂರಿ ಸಿನಿಮಾ ಎನ್ನುತ್ತಾರೆ ರಕ್ಷಿತ್ ಶೆಟ್ಟಿ.

    ಚಿತ್ರದಲ್ಲಿ ಒಂದೊಳ್ಳೆಯ ಮೆಸೇಜ್ ಇದೆ. ಚಿತ್ರ ಸೆನ್ಸಾರ್ ಆಗಿರುವುದೂ ಬೆಂಗಳೂರಿನಲ್ಲಿ. ಹೀಗೆ ಚಿತ್ರವನ್ನು ಕರ್ನಾಟಕದಲ್ಲಿ ವಿತರಿಸಲು ಒಪ್ಪಿಕೊಳ್ಳೋಕೆ ಹಲವು ಕಾರಣಗಳಿವೆ. ಸಿನಿಮಾ ಇಂದು ದೇಶಾದ್ಯಂತ 1500ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ರಿಲೀಸ್ ಆಗುತ್ತಿದೆ.

  • ರಕ್ಷಿತ್ ಶೆಟ್ಟಿ ಗ್ಯಾಂಗ್ ಹೊಸ ಚಿತ್ರಕ್ಕೆ ಪಂಚತಂತ್ರ ಹೀರೋ : ಬೆಳ್ಳಿಯಪ್ಪ ಡೈರೆಕ್ಟರ್

    ರಕ್ಷಿತ್ ಶೆಟ್ಟಿ ಗ್ಯಾಂಗ್ ಹೊಸ ಚಿತ್ರಕ್ಕೆ ಪಂಚತಂತ್ರ ಹೀರೋ : ಬೆಳ್ಳಿಯಪ್ಪ ಡೈರೆಕ್ಟರ್

    ಪಂಚತಂತ್ರ ಚಿತ್ರದ ಮೂಲಕ ಗಮನ ಸೆಳೆದಿದ್ದ ವಿಹಾನ್ ಈಗ ರಕ್ಷಿತ್ ಶೆಟ್ಟಿ ಟೀಂ ಸೇರಿದ್ದಾರೆ. ರಕ್ಷಿತ್ ಶೆಟ್ಟಿಯವರ ಪರಂವಾ ಸ್ಟುಡಿಯೋಸ್`ನ ಹೊಸ ಚಿತ್ರಕ್ಕೆ ವಿಹಾನ್ ಹೀರೋ. ಚಿತ್ರಕ್ಕಿನ್ನೂ ಟೈಟಲ್ ಆಯ್ಕೆಯಾಗಿಲ್ಲ. ವಿಹಾನ್ ಎದುರು ಅಂಕಿತಾ ಅಮರ್ ನಾಯಕಿ. ನಮ್ಮನೆ ಯುವರಾಣಿ ಮೂಲಕ ಗಮನ ಸೆಳೆದ ಪ್ರತಿಭೆ.  

    ಚಿತ್ರಕ್ಕೆ ರಕ್ಷಿತ್ ಶೆಟ್ಟಿಯವರ ಸೆವೆನ್ ಆಡ್ಸ್ ಟೀಂನ ಚಂದ್ರಜಿತ್ ಬೆಳ್ಳಿಯಪ್ಪ ಡೈರೆಕ್ಟರ್.

    ಬೆಳ್ಳಿಯಪ್ಪ ಈಗಾಗಲೇ ಚಿತ್ರದ ಪ್ರೀ-ಪ್ರೊಡಕ್ಷನ್ ಕೆಲಸಕ್ಕೆ ಚಾಲನೆ ಕೊಟ್ಟಿದ್ದಾರೆ. ರಿಷಬ್ ಶೆಟ್ಟರ ವಿಭಿನ್ನ ಪ್ರಯೋಗ ಕಥಾಸಂಗಮದಲ್ಲಿ ರೈನ್ ಬೋ ಲ್ಯಾಂಡ್ ನಿರ್ದೇಶಿಸಿದ್ದ ಚಂದ್ರಜಿತ್ ಬೆಳ್ಳಿಯಪ್ಪ ಅವರಿಗೆ ಒಂದಿಡೀ ಸಿನಿಮಾ ಎಂಬ ಲೆಕ್ಕಕ್ಕೆ ಬಂದರೆ ಇದು ಮೊದಲ ಡೈರೆಕ್ಷನ್. ಕಥೆಗಾರರಾಗಿ ಈಗಾಗಲೇ ಅವನೇ ಶ್ರೀಮನ್ನಾರಾಯಣದಲ್ಲೂ ಕೆಲಸ ಮಾಡಿದ್ದವರು.

    ಚಿತ್ರದಲ್ಲಿ ಹೀರೋಗೆ ಮೂರು ಶೇಡ್ ಇದೆ. ಕಾಲೇಜು ವಿದ್ಯಾರ್ಥಿ, ಕ್ರಿಕೆಟ್ ಆಟಗಾರ ಹಾಗೂ ಉದ್ಯಮಿ. ಈ ಮೂರೂ ಪಾತ್ರಗಳಲ್ಲಿ ವಿಹಾನ್ ನಟಿಸುತ್ತಿದ್ದಾರೆ. ಆ ಪಾತ್ರಕ್ಕೆ ಅವರೇ ಸೂಕ್ತ ಎನಿಸಿತು ಎಂದಿದ್ದಾರೆ ಬೆಳ್ಳಿಯಪ್ಪ. ಆಗಸ್ಟ್‍ನಲ್ಲಿ ಚಿತ್ರದ ಶೀರ್ಷಿಕೆ ಹೇಳ್ತಾರಂತೆ.

  • ರಕ್ಷಿತ್ ಶೆಟ್ಟಿ ಬ್ಯಾನರ್`ನಿಂದ ಇನ್ನೊಂದು ಸಿನಿಮಾ

    ರಕ್ಷಿತ್ ಶೆಟ್ಟಿ ಬ್ಯಾನರ್`ನಿಂದ ಇನ್ನೊಂದು ಸಿನಿಮಾ

    ರಕ್ಷಿತ್ ಶೆಟ್ಟಿ ಬ್ಯುಸಿ. ನಟನೆ, ನಿರ್ದೇಶನ ಮತ್ತು ನಿರ್ಮಾಣ ಮೂರರಲ್ಲೂ ತೊಡಗಿಸಿಕೊಂಡಿರುವ ರಕ್ಷಿತ್ ಶೆಟ್ಟಿ ಒಂದಲ್ಲ ಒಂದು ಕೆಲಸಲ್ಲಿ ಬ್ಯುಸಿಯಿದ್ದೇ ಇರ್ತಾರೆ. ಈಗಾಗಲೇ ಸಪ್ತಸಾಗರದಾಚೆಯೆಲ್ಲೋ ಸಿನಿಮಾದಲ್ಲಿ ನಟರಾಗಿ ತೊಡಗಿಸಿಕೊಂಡಿದ್ದಾರೆ. ಮತ್ತೊಂದೆಡೆ ರಿಚರ್ಡ್ ಆಂಟನಿಗೆ ನಟ ಮತ್ತು ನಿರ್ದೇಶಕನಾಗಿ ರೆಡಿಯಾಗುತ್ತಿದ್ದಾರೆ. ಇದರ ಮಧ್ಯೆ ಪರಂವಾ ಸ್ಟುಡಿಯೋಸ್‍ನಿಂದ ಏಕಂ ಹಾಗೂ ಅಬ್ರಕದಬ್ರ ಚಿತ್ರಗಳ ಕೆಲಸ ನಡೆಯುತ್ತಿದೆ.

    ಇದರ ಜೊತೆ ಮಿಥ್ಯ ಅನ್ನೋ ಇನ್ನೊಂದು ಸಿನಿಮಾ ಘೋಷಣೆಯಾಗಿದೆ. ಇದು ಈ ತಿಂಗಳಲ್ಲಿ ಪರಂವಾ ಸ್ಟುಡಿಯೋಸ್‍ನಿಂದ ಘೋಷಣೆಯಾಗುತ್ತಿರೋ 3ನೇ ಸಿನಿಮಾ. ಅಭಿಜಿತ್ ಮಹೇಶ್ ನಿರ್ದೇಶನದಲ್ಲಿ ಒಂದು ಹಾಗೂ ಚಂದ್ರಕಾಂತ್ ಬೆಳ್ಳಿಯಪ್ಪ ನಿರ್ದೇಶನದಲ್ಲಿ ಮತ್ತೊಂದು ಸಿನಿಮಾ ಈ ತಿಂಗಳಲ್ಲಿ ಈಗಾಗಲೇ ಘೋಷಣೆಯಾಗಿವೆ.

    ಮಿಥ್ಯ ಚಿತ್ರ 11 ವರ್ಷದ ಬಾಲಕನ ಕಥೆಯಂತೆ. ಅಪ್ಪ-ಅಮ್ಮ ಇಬ್ಬರನ್ನೂ ಕಳೆದುಕೊಂಡ ಹುಡುಗ ಹೊಸ ಪ್ರಪಂಚ ಹುಡುಕಿಕೊಂಡು ಹೊರಡುವ ಕಥೆ ಮಿಥ್ಯ ಚಿತ್ರದ್ದು. ಏಕಂ ವೆಬ್ ಸರಣಿ ನಿರ್ದೇಶಿಸಿದ್ದ ಸುಮಂತ್ ಭಟ್ ಈ ಚಿತ್ರಕ್ಕೆ ಡೈರೆಕ್ಟರ್. ಶೀಘ್ರದಲ್ಲೇ ಶೂಟಿಂಗ್ ಶುರುವಾಗಲಿದೆ.