` arjun gowda, - chitraloka.com | Kannada Movie News, Reviews | Image

arjun gowda,

  • Longest 2K Teaser Of 'Arjun Gowda' Released

    teaser of arjun gowda released

    A Longest 2K teaser of Prajwal starrer 'Arjun Gowda' was released on 7 PM in the You Tube channel of Anand Audio.The teaser which is of 1 minute, 57 seconds duration has already got one lakh views in just 12 hours.

    'Arjun Gowda/  is not inspired nor is a remake of Telugu hit 'Arjun Reddy'. The film is an commercial thriller with lots of action elements in it. The film stars Prajwal, Priyanka Thimmesh, Dinesh Mangalore, Deepak Shetty, Yamuna Srinidhi, Aravind Rao and others in prominent roles.

    'Arjun Gowda' is being produced by senior producer Ramu under Ramu Films. The film is written and directed by Lucky Shankar. Dharma Vish is the music director, while Jai Anand is the cinematographer.

  • Priyanka Thimmesh Is The Heroine For 'Arjun Gowda'

    priyanka thimmesh is the heroine for arjun gowda

    Prajwal's new film 'Arjun Gowda' which is being produced by senior Producer Ramu is all set to be launched later this month. Meanwhile, Priyanka Thimmesh who has acted in films like 'Ganapa', 'Pataki' and others has been roped in as the heroine for Prajwal.

    'Arjun Gowda' is being directed by Lucky Shankar who had directed films like 'Jilebi', 'Devarane', '90' and others. Shankar himself has scripted the film apart from directing it. The film has nothing to do with Telugu hit 'Arjun Reddy' starring Vijay Devarakonda.

    'Arjun Gowda' is Ramu's 38th film as a producer. Jai Anand has been roped in as the cameraman for this film, while Milind Dharmasena is the music director.

  • Ramu's New Film With Prajwal Called 'Arjun Gowda'

    ramu and prajwal devaraj team up for arjun gowda

    Well known producer Ramu's last release 'Raj-Vishnu' was a flop at the box-office. After that Ramu had not produced any films and now the senior producer is all set to make a comeback with a new film called 'Arjun Gowda'. This is Ramu's 38th film as a producer.

    'Arjun Gowda' is being directed by Lucky Shankar who had directed films like 'Jilebi', 'Devarane', '90' and others. Shankar himself has scripted the film apart from directing it. The film has nothing to do with Telugu hit 'Arjun Reddy' starring Vijay Devarakonda.

    'Arjun Gowda' is all set to be launched in the month of June. The star cast is yet to be finalized. Meanwhile, Jai Anand has been roped in as the cameraman for this film, while Milind Dharmasena is the music director.

  • ಅರ್ಜುನ್ ಗೌಡ ಏನ್ ಕಥೆ..?

    ಅರ್ಜುನ್ ಗೌಡ ಏನ್ ಕಥೆ..?

    ಕೋಟಿ ರಾಮು ನಿರ್ಮಾಣದ ಅರ್ಜುನ್ ಗೌಡ ಒಂದು ಭರ್ಜರಿ ಕಮರ್ಷಿಯಲ್ ಕಥೆಯಿರೋ ಸಿನಿಮಾ ತೋರಿಸುವ ಉಮೇದಿನಲ್ಲಿದ್ದಾರೆ. ಅರ್ಜುನ್ ಗೌಡ ಚಿತ್ರದ ಟ್ರೇಲರ್ ನೋಡಿದಾಗ ಅನ್ನಿಸೋದೇ ಇದು. ಟ್ರೇಲರ್ ನೋಡಿದವರಿಗೆ ಗೌರಿ ಲಂಕೇಶ್ ಹತ್ಯೆ, ಸಿಎಎ ವಿರೋಧಿ ಹೋರಾಟದಲ್ಲಿ ಕೇಳಿಬಂದ ಪಾಕಿಸ್ತಾನ್ ಜಿಂದಾಬಾದ್ ಘೋಷಣೆ, ಪ್ರತಿಭಟನೆ, ಹೋರಾಟ, ಪತ್ರಕರ್ತರ ಕಥೆಗಳು ನೆನಪಾದರೆ, ಕ್ರೆಡಿಟ್ಟು ಸಲ್ಲಬೇಕಿರೋದು ಲಕ್ಕಿ ಶಂಕರ್ ಅವರಿಗೆ. ಕಥೆ, ಚಿತ್ರಕಥೆ ಅವರದ್ದೇ. ನಿರ್ದೇಶನವೂ ಕೂಡಾ.

    ಜೊತೆಯಲ್ಲೊಂದು ಚೆಂದದ ರೊಮ್ಯಾನ್ಸ್ ಇದೆ. ಪ್ರಜ್ವಲ್ ದೇವರಾಜ್ ಮತ್ತು ಪ್ರಿಯಾಂಕಾ ತಿಮ್ಮೇಶ್ ನಡುವೆ ಇರೋ ಲವ್ ಸ್ಟೋರಿ, ಕಚಗುಳಿ ಇಡುವ ಕಾಮಿಡಿ ಮತ್ತು ಮೈನವಿರೇಳಿಸುವ ಸಾಹಸ ಎಲ್ಲವೂ ಇರುವ ಪಕ್ಕಾ ಕಮರ್ಷಿಯಲ್ ಮೂವಿ ಅರ್ಜುನ್ ಗೌಡ. 

  • ಅರ್ಜುನ್ ಗೌಡ ಯಾರವನು? ಎಂಥವನು?

    ಅರ್ಜುನ್ ಗೌಡ ಯಾರವನು? ಎಂಥವನು?

    ಡಿ.31ಕ್ಕೆ ರಿಲೀಸ್ ಆಗುತ್ತಿರುವ ಸಿನಿಮಾ ಅರ್ಜುನ್ ಗೌಡ. ಪ್ರಜ್ವಲ್ ದೇವರಾಜ್ ಮತ್ತು ಪ್ರಿಯಾಂಕಾ ತಿಮ್ಮೇಶ್ ಪ್ರಧಾನ ಪಾತ್ರದಲ್ಲಿರೋ ಅರ್ಜುನ್ ಗೌಡ ಚಿತ್ರಕ್ಕೆ ಲಕ್ಕಿ ಶಂಕರ್ ಡೈರೆಕ್ಟರ್. ರಾಮು ನಿರ್ಮಾಣದ ಕೊನೆಯ ಚಿತ್ರ ಕಮರ್ಷಿಯಲ್ ಸಿನಿಮಾ ಎನ್ನುವುದರಲ್ಲಿ ಯಾವ ಡೌಟೂ ಇಲ್ಲ. ಇಂತಹ ಚಿತ್ರದಲ್ಲಿ ಅರ್ಜುನ್ ಗೌಡನ ಪಾತ್ರ ಹೇಗಿದೆ?

    ಅರ್ಜುನ್ ಗೌಡ ಅಹಂಕಾರದ ಸ್ವಭಾವದವನು. ತಾಯಿಯೊಂದಿಗೆ ಸದಾ ಜಗಳವಾಡುವ ಹುಡುಗ. ಸಮಾಜದ ದುಷ್ಟಶಕ್ತಿಗಳ ಜೊತೆ ಹೊಡೆದಾಡುವ, ಒಳ್ಳೆಯವರ ವೇಷದಲ್ಲಿ ದೇಶದೊಳಗೆ ಬದುಕುತ್ತಿರುವ ವಿದ್ರೋಹಿಗಳನ್ನು ಬೆತ್ತಲು ಮಾಡುವ ಪಾತ್ರ. ಇದರ ಮಧ್ಯೆ ಒಂದು ಲವ್ ಸ್ಟೋರಿ ಇದೆ ಎನ್ನುತ್ತಾರೆ ಪ್ರಜ್ವಲ್ ದೇವರಾಜ್.

    ಚಿತ್ರದಲ್ಲಿ ಪ್ರಜ್ವಲ್ ಮೂರು ಶೇಡ್‍ಗಳಲ್ಲಿ ಕಾಣಿಸಿದ್ದಾರಂತೆ. ಲಕ್ಕಿ ಶಂಕರ್ ಚಿತ್ರದ ಕಥೆಯನ್ನು ಚೆನ್ನಾಗಿ ಹೇಳಿದ್ದಾರೆ ಎಂದು ಖುಷಿಯಾಗಿದ್ದಾರೆ ಪ್ರಜ್ವಲ್.

  • ಅರ್ಜುನ್ ಗೌಡ, ಅರ್ಜುನ್ ರೆಡ್ಡಿ ಚಿತ್ರದ ರೀಮೇಕಾ..?

    arjun gowda is not arjun reddy remake

    ಅರ್ಜುನ್ ಗೌಡ. ಈ ಹೆಸರಿನ ಚಿತ್ರವೊಂದು ಸದ್ದಿಲ್ಲದೆ ಸೆಟ್ಟೇರುತ್ತಿದೆ. ಚಿತ್ರದ ಟೈಟಲ್ ಕೇಳಿದವರಿಗೆ ಸಡನ್ನಾಗಿ ಮೂಡುತ್ತಿರುವ ಪ್ರಶ್ನೆ ಅದೇ. ಇದು ತೆಲುಗಿನ ಅರ್ಜುನ್ ರೆಡ್ಡಿ ರೀಮೇಕಾ ಅನ್ನೋದು. ಕಳೆದ ವರ್ಷ ತೆಲುಗಿನಲ್ಲಿ ರಿಲೀಸ್ ಆಗಿದ್ದ ಅರ್ಜುನ್ ರೆಡ್ಡಿ, ಹಸಿಹಸಿ ಪ್ರೇಮಕಥೆಯಿಂದ ಗಮನ ಸೆಳೆದಿತ್ತು. ವಿಜಯ್ ದೇವರಕೊಂಡ ಎಂಬ ಹೊಸ ಸ್ಟಾರ್‍ನನ್ನು ತೆಲುಗು ಚಿತ್ರರಂಗಕ್ಕೆ ಕೊಟ್ಟ ಚಿತ್ರ ಅರ್ಜುನ್ ರೆಡ್ಡಿ. 

    ಆದರೆ, ಚಿತ್ರತಂಡದ ಪ್ರಕಾರ, ಇದು ಆ ಚಿತ್ರದ ರೀಮೇಕ್ ಅಲ್ಲ. ಇದೊಂದು ಪಕ್ಕಾ ಆ್ಯಕ್ಷನ್ ಚಿತ್ರ. ಚಿತ್ರಕ್ಕೆ ಪ್ರಜ್ವಲ್ ದೇವರಾಜ್ ಹೀರೋ. ರಾಮು ಎಂಟರ್‍ಪ್ರೈಸಸ್‍ನಲ್ಲಿ ಮೂಡಿ ಬರ್ತಿರೋ ಚಿತ್ರಕ್ಕೆ, ಲಕ್ಕಿ ಶಂಕರ್ ನಿರ್ದೇಶಕ. 

    ಇಷ್ಟೆಲ್ಲ ಆಗಿದ್ದರೂ, ಚಿತ್ರ ಶುರುವಾಗುವುದು ಏಪ್ರಿಲ್ ನಂತರ. ಏಕೆಂದರೆ, ಪ್ರಜ್ವಲ್ ದೇವರಾಜ್ ಮೊದಲು ತೂಗುದೀಪ ದಿವಾಕರ್ ನಿರ್ದೇಶನದ ಲೈಫ್ ಜೊತೆ ಒಂದ್ ಸೆಲ್ಫಿ ಹಾಗೂ ಇನ್ಸ್‍ಪೆಕ್ಟರ್ ವಿಕ್ರಂ ಚಿತ್ರಗಳನ್ನು ಪೂರೈಸಬೇಕಿದೆ. ಆನಂತರ ಅರ್ಜುನ್ ಗೌಡ ಶುರುವಾಗಲಿದೆ.

  • ಅರ್ಜುನ್ ಗೌಡನ ಜಾಹ್ನವಿ ಹೇಳಿದ್ದೇನು?

    ಅರ್ಜುನ್ ಗೌಡನ ಜಾಹ್ನವಿ ಹೇಳಿದ್ದೇನು?

    ಅರ್ಜುನ್ ಗೌಡ. ಡಿ.31ಕ್ಕೆ ರಿಲೀಸ್ ಆಗುತ್ತಿರೋ ಚಿತ್ರದ ನಾಯಕಿ ಪ್ರಿಯಾಂಕಾ ತಿಮ್ಮೇಶ್. ಬಿಗ್‍ಬಾಸ್ ಮನೆಯಿಂದ ಹೊರಬಂದ ಮೇಲೆ ರಿಲೀಸ್ ಆಗುತ್ತಿರೋ ಪ್ರಿಯಾಂಕಾ ಅವರ ಮೊದಲ ಸಿನಿಮಾ. ಕೋಟಿ ರಾಮು ಕನಸಿನ ಕೊನೆಯ ಸಿನಿಮಾ.

    ಸಿನಿಮಾದಲ್ಲಿ ನನ್ನದು ಜಾಹ್ನವಿ ಅನ್ನೋ ಹೆಸರಿನ ಪಾತ್ರ. ಬೋಲ್ಡ್ & ಬ್ಯೂಟಿಫುಲ್. ಹೀರೋ ಮೇಲೆ ಪ್ರೀತಿ. ಆದರೆ ಆ ಪ್ರೀತಿ ಅಪ್ಪನಿಗೆ ಇಷ್ಟ ಇಲ್ಲ. ನಾನು ಚಿತ್ರದಲ್ಲಿ ಖಳನಾಯಕನ ಮಗಳು. ಅಪ್ಪನ ವಿರೋಧದ ನಡುವೆಯೂ ನಾನ್ಯಾಕೆ ಅರ್ಜುನ್ ಗೌಡನನ್ನೇ ಲವ್ ಮಾಡ್ತೇನೆ ಅನ್ನೋದು ಇಂಟ್ರೆಸ್ಟಿಂಗ್. ಕಮರ್ಷಿಯಲ್ ಚಿತ್ರವಾದರೂ ನನ್ನ ಪಾತ್ರಕ್ಕೆ ಚಿತ್ರದಲ್ಲಿ ಒಳ್ಳೆಯ ಸ್ಕೋಪ್ ಇದೆ. ನಟನೆಗೆ ಅವಕಾಶವಿದೆ ಎಂದಿದ್ದಾರೆ ಪ್ರಿಯಾಂಕಾ ತಿಮ್ಮೇಶ್.

    ಪ್ರಜ್ವಲ್ ದೇವರಾಜ್ ಹೀರೋ ಆಗಿರೋ ಚಿತ್ರಕ್ಕೆ ಲಕ್ಕೀ ಶಂಕರ್ ನಿರ್ದೇಶನವಿದೆ.

  • ಅರ್ಜುನ್ ಗೌಡನಿಗೆ ಕಿಚ್ಚನ ಬೆಂಬಲ

    ಅರ್ಜುನ್ ಗೌಡನಿಗೆ ಕಿಚ್ಚನ ಬೆಂಬಲ

    ಅರ್ಜುನ್ ಗೌಡ. ಇದೇ ವಾರ ರಿಲೀಸ್ ಆಗುತ್ತಿರೋ ಸಿನಿಮಾ. ಪ್ರಜ್ವಲ್ ದೇವರಾಜ್, ಪ್ರಿಯಾಂಕಾ ತಿಮ್ಮೇಶ್ ನಟಿಸಿರೋ ಈ ಚಿತ್ರ ರಾಮು ಅವರ ಕೊನೆಯ ಕನಸು. ಪತಿ ರಾಮು ಅವರ ಆ ಕನಸು ನನಸು ಮಾಡೋಕೆ ಹೊರಟಿರುವುದು ನಟಿ ಮಾಲಾಶ್ರೀ. ಆ ಕನಸಿಗೆ ಹಲವರು ಶಕ್ತಿ ತುಂಬುತ್ತಿದ್ದಾರೆ. ಕಿಚ್ಚ ಸುದೀಪ್ ಸೇರಿದಂತೆ..

    ಅರ್ಜುನ್ ಗೌಡ ಚಿತ್ರದ ಬಗ್ಗೆ ಬಹಳ ಕೇಳಿದ್ದೆ. ಅದು ರೀಮೇಕ್ ಎಂದೇ ಹಲವರು ಹೇಳಿದ್ದರು. ಆದರೆ ಇದು ರೀಮೇಕ್ ಅಲ್ಲ, ಸ್ಟ್ರೈಟ್ ಸಬ್ಜೆಕ್ಟ್ ಸಿನಿಮಾ ಎಂದು ಆಮೇಲೆ ಗೊತ್ತಾಯ್ತು. ಅರ್ಜುನ್ ಗೌಡ ಚಿತ್ರವನ್ನು ನಿರ್ದೇಶಕ ಲಕ್ಕಿ ಶಂಕರ್  ತುಂಬಾ ಚೆನ್ನಾಗಿ ಮಾಡಿದ್ದಾರೆ. ಧರ್ಮವಿಶ್ ಅವರ ಮ್ಯೂಸಿಕ್ಕೂ ಚೆನ್ನಾಗಿದೆ. ನನಗೆ ಜಯಣ್ಣ ಕೇಳು ಭೋಗಣ್ಣ ಹಾಡು ಇಷ್ಟವಾಯ್ತು. ರಾಮು ಅವರ ಈ ಕನಸನ್ನು ಗೆಲ್ಲಿಸೋಣ ಎಂದಿದ್ದಾರೆ ಸುದೀಪ್.

    ಪ್ರಜ್ವಲ್, ಪ್ರಿಯಾಂಕಾ ತಿಮ್ಮೇಶ್, ಸ್ಪರ್ಶ ರೇಖಾ.. ಮೊದಲಾದವರು ನಟಿಸಿರೋ ಚಿತ್ರ ಡಿ.31ಕ್ಕೆ ರಿಲೀಸ್ ಆಗುತ್ತಿದೆ. 

  • ಅಲ್ಲೂ ರೊಮ್ಯಾನ್ಸ್.. ಇಲ್ಲೂ ರೊಮ್ಯಾನ್ಸ್ : ಏನಿದು ಅರ್ಜುನ್ ಗೌಡ V/S ಲವ್ ಯೂ ರಚ್ಚು ಸ್ಟೋರಿ..?

    ಅಲ್ಲೂ ರೊಮ್ಯಾನ್ಸ್.. ಇಲ್ಲೂ ರೊಮ್ಯಾನ್ಸ್ : ಏನಿದು ಅರ್ಜುನ್ ಗೌಡ V/S ಲವ್ ಯೂ ರಚ್ಚು ಸ್ಟೋರಿ..?

    ಲವ್ ಯೂ ರಚ್ಚು ಚಿತ್ರದ ರೊಮ್ಯಾನ್ಸ್ ಹಾಡು ಹೊರಬಿದ್ದಾಗ.. ಅರೆರೇ.. ಏನಿದು ರಚಿತಾ ರಾಮ್ ಇಷ್ಟೊಂದು ಹಾಟ್ ಆಗಿದ್ದಾರಾ? ಹಾಟ್ ಸೀನ್ ಮಾಡಲ್ಲ ಅಂತಿದ್ರಲ್ಲ.. ಏನ್ ಮೇಡಂ ಅನ್ನೋ ಪ್ರಶ್ನೆ ರಚಿತಾಗೆ ಎದುರಾಗಿತ್ತು. ಅದರಲ್ಲೇನಿದೆ.. ಮದುವೆ ಆದವರು ಫಸ್ಟ್ ನೈಟ್‍ನಲ್ಲಿ ಏನ್ ಮಾಡ್ತಾರೋ ಅದನ್ನೇ ನಾವು ಮಾಡಿರೋದು..

    ಏನ್ ಮಾಡ್ತಾರೆ ಹೇಳಿ.. ಎಂದು ರಚಿತಾ ತಿರುಗಿ ಕೇಳಿದ್ದ ಬೋಲ್ಡ್ ಪ್ರಶ್ನೆಗೆ ಪ್ರಶ್ನೆ ಕೇಳಿದ್ದವರೇ ಬಾಯಿ ಮುಚ್ಚಿಕೊಂಡಿದ್ದರು. ಚಿತ್ರದ ಪೋಸ್ಟರ್‍ಗಳಲ್ಲಿ ಹೈಲೈಟ್ ಆಗಿದ್ದೂ ಕೂಡಾ ಅದೇ ಸೀನ್. ರಚಿತಾ ಮತ್ತು ಅಜಯ್ ರಾವ್ ಬೆಡ್‍ರೂಂ ಸೀನ್‍ನ ಪೋಸ್ಟರ್.

    ಆದರೆ.. ಇದರ ಜೊತೆ ಅರ್ಜುನ್ ಗೌಡ ಕೂಡಾ ಪೈಪೋಟಿಗೆ ಬಿದ್ದರಾ? ಏಕೆಂದರೆ ಈಗ ರಿಲೀಸ್ ಆಗಿರೋ ಪೋಸ್ಟರುಗಳಲ್ಲಿ ಸೇಮ್ ಟು ಸೇಮ್ ಅದೇ ರೀತಿಯ ರೊಮ್ಯಾನ್ಸ್ ಪೋಸ್ಟರ್ ಸದ್ದು ಮಾಡ್ತಿದೆ. ಇಲ್ಲಿ ಪ್ರಿಯಾಂಕಾ ತಿಮ್ಮೇಶ್ ಜೊತೆ ಬೆಡ್ ಹಂಚಿಕೊಂಡಿರೋದು ಪ್ರಜ್ವಲ್ ದೇವರಾಜ್.

    ಎರಡೂ ಚಿತ್ರಗಳು ರಿಲೀಸ್ ಆಗ್ತಿರೋದು ಡಿಸೆಂಬರ್ 31ರಂದು. ಒಂದು ಗುರುದೇಶಪಾಂಡೆ ಸಿನಿಮಾ. ಇನ್ನೊಂದು ಕೋಟಿ ರಾಮು ಕೊನೆಯ ಸಿನಿಮಾ. ಒಟ್ಟಿನಲ್ಲಿ ಇದು ಬಾಕ್ಸಾಫೀಸ್‍ನಲ್ಲಷ್ಟೇ ಅಲ್ಲ.. ರೊಮ್ಯಾನ್ಸ್‍ನಲ್ಲೂ ಪೈಪೋಟಿ ಎನ್ನಬಹುದು.

  • ಎಲ್ಲರೂ ಕಣ್ಣೀರಿಟ್ಟಾಗ ಮಾಲಾಶ್ರಿಯನ್ನು ನಗಿಸಿದ ರವಿಚಂದ್ರನ್

    ಎಲ್ಲರೂ ಕಣ್ಣೀರಿಟ್ಟಾಗ ಮಾಲಾಶ್ರಿಯನ್ನು ನಗಿಸಿದ ರವಿಚಂದ್ರನ್

    ಮಾಲಾಶ್ರೀ. ಒಂದಿಡೀ ದಶಕ ಕನ್ನಡ ಚಿತ್ರರಂಗವನ್ನು ಆಳಿದ ಲೇಡಿ ಸೂಪರ್ ಸ್ಟಾರ್. ರಾಮು ಅವರನ್ನು ಮದುವೆಯಾದ ನಂತರ ಆಗಾಗ್ಗೆ ಆ್ಯಕ್ಷನ್ ಚಿತ್ರಗಳಲ್ಲಿ ನಟಿಸುತ್ತಿದ್ದ ಮಾಲಾಶ್ರೀ, ಈಗ ಪತಿ ರಾಮು ಅವರ ಕೊನೆಯ ಚಿತ್ರ ಅರ್ಜುನ್ ಗೌಡ ರಿಲೀಸ್‍ಗೆ ರೆಡಿಯಾಗಿದ್ದಾರೆ. ಚಿತ್ರದ ಪ್ರಚಾರದಲ್ಲಿ ಇಡೀ ಚಿತ್ರರಂಗ ಮಾಲಾಶ್ರೀ ಜೊತೆಗೆ ನಿಂತಿದ್ದು ವಿಶೇಷ. ಶಿವಣ್ಣ, ರವಿಚಂದ್ರನ್, ಉಪೇಂದ್ರ, ಗಣೇಶ್, ರಾಕ್‍ಲೈನ್ ವೆಂಕಟೇಶ್, ದೇವರಾಜ್, ಡಾರ್ಲಿಂಗ್ ಕೃಷ್ಣ ವೇದಿಕೆಯಲ್ಲಿದ್ದು ಮಾಲಾಶ್ರೀಗೆ ಶುಭ ಹಾರೈಸಿದರೆ, ಯಶ್, ಸುದೀಪ್, ಸಾಯಿಕುಮಾರ್ ವಿಡಿಯೋಗಳ ಮೂಲಕ ಹೇಳಿಕೆ ನೀಡಿ ಮಾಲಾಶ್ರೀಗೆ ಆತ್ಮಸ್ಥೈರ್ಯ ತುಂಬಿದರು. ರಾಮು ಬ್ಯಾನರ್‍ನ್ನು ನಿಲ್ಲಿಸಬೇಡಿ. ಮುಂದುವರೆಸಿ, ನಿಮ್ಮೊಂದಿಗೆ ನಾವಿದ್ದೇವೆ ಎಂದರು. ಎಲ್ಲರೂ ದುಃಖದಲ್ಲಿದ್ದರು. ದುಃಖದಲ್ಲಿಯೇ ಮಾತನಾಡುತ್ತಿದ್ದರು. ಸಾಧು ಕೋಕಿಲ ಅವರಂತೂ ರಾಮು ಮತ್ತು ಅಪ್ಪು ಇಬ್ಬರನ್ನೂ ನೆನಪಿಸಿಕೊಂಡು ವೇದಿಕೆಯಲ್ಲೇ ಕಣ್ಣೀರಿಟ್ಟರು. ಇದೆಲ್ಲದರ ನಡುವೆ ಮಾಲಾಶ್ರಿಯನ್ನು ನಗಿಸಿದ್ದು ರವಿಚಂದ್ರನ್.

    ನನಗೆ ರಾಮಾಚಾರಿ ಮೂಲಕ ಹಿಟ್ ಕೊಟ್ಟಿದ್ದರು ಮಾಲಾಶ್ರಿ. ಆ ಋಣವನ್ನು ನಾನು ಮಲ್ಲ  ಮೂಲಕ ತೀರಿಸಿದೆ. ಚಿತ್ರರಂಗವೇ ಹಾಗೆ.. ನಾನು ಸೋತಾಗ ಹಲವರು ನನಗೆ ಹೆಗಲು ಕೊಟ್ಟಿದ್ದಾರೆ. ಇನ್ನೊಬ್ಬರು ಸೋತಾಗ ನಾವು ಹೆಗಲು ಕೊಟ್ಟಿದ್ದೇವೆ. ನಾವು ಇರಬೇಕಾದ್ದೇ ಹಾಗೆ. ಮಲ್ಲ 2 ಮಾಡೋಣ್ವಾ ಮಾಲಾ..? ನಿನ್ನ ಮಗಳೇ ಹೀರೋಯಿನ್ ಆಗಲಿ. ಹೀರೋ ಆಗಿ ನಾನು ಬೇಡ ಅನ್ನಿಸಿದ್ರೆ, ನನ್ನ ಮಗನೇ ಹೀರೋ. ಓಕೆನಾ.. ಎಂದಾಗ ಅದೂವರೆಗೆ ದುಃಖದಲ್ಲಿಯೇ ಇದ್ದ ಮಾಲಾಶ್ರೀ ಕೊನೆಗೂ ನಕ್ಕರು.. 

  • ಕಿಕ್ ಬಾಕ್ಸರ್ ಅರ್ಜುನ್ ಗೌಡ

    Arjun Gowda actor prajwal devaraj image

    ಕನ್ನಡದಲ್ಲೀಗ ಬಾಕ್ಸರ್‍ಗಳ ಹವಾ ಶುರುವಾಗಿದೆ. ಕಿಚ್ಚ ಸುದೀಪ್ ಪೈಲ್ವಾನ್‍ನಲ್ಲಿ ಕುಸ್ತಿ ಪಟುವಾದ ಬಳಿಕ, ವಿನಯ್ ರಾಜ್‍ಕುಮಾರ್ ಕೂಡಾ ಬಾಕ್ಸರ್ ಆಗುತ್ತಿದ್ದಾರೆ. ಪುಷ್ಕರ್ ಮಲ್ಲಿಕಾರ್ಜುನಯ್ಯ ನಿರ್ಮಾಣದ ಹೊಸ ಚಿತ್ರದಲ್ಲಿ ವಿನಯ್ ಬಾಕ್ಸರ್ ಹೀರೋ. ಈಗ ಆ ಸಾಲಿಗೆ ಮತ್ತೊಂದು ಹೊಸ ಸೇರ್ಪಡೆ ಪ್ರಜ್ವಲ್ ಅಭಿನಯದ  ಅರ್ಜುನ್ ಗೌಡ.

    ರಾಮು ನಿರ್ಮಾಣದ ಲಕ್ಕಿ ಶಂಕರ್ ನಿರ್ದೇಶನದ ಅರ್ಜುನ್ ಗೌಡ, ಅರ್ಜುನ್ ರೆಡ್ಡಿಯ ರೀಮೇಕ್ ಇರಬಹುದೇ ಎಂಬ ಅನುಮಾನ ಮೂಡಿತ್ತು. ಈಗ ಅದಕ್ಕೆ ಉತ್ತರ ಸಿಕ್ಕಿದೆ. ಪ್ರಜ್ವಲ್, ಈ ಸಿನಿಮಾದಲ್ಲಿ ಬಾಕ್ಸರ್ ಆಗಿ ನಟಿಸುತ್ತಿದ್ದು, ಕಿಕ್‍ಬಾಕ್ಸಿಂಗ್ ಚಾಂಪಿಯನ್ ಗಿರೀಶ್, ಲಕ್ಕಿ ಶಂಕರ್ ಅವರಿಗೆ ಸಲಹೆ ಸೂಚನೆ ಕೊಟ್ಟಿದ್ದಾರೆ. ಚಿತ್ರದ ಟಾಕಿ ಪೋರ್ಷನ್ ಮುಗಿದಿದೆ.

     

  • ಕೊರೊನಾದಲ್ಲಿ ಮೃತಪಟ್ಟವರ ಅಸ್ಥಿಯನ್ನು ಕಾಶಿಯಲ್ಲಿ ವಿಸರ್ಜಿಸಿದ ಅರ್ಜುನ್ ಗೌಡ

    ಕೊರೊನಾದಲ್ಲಿ ಮೃತಪಟ್ಟವರ ಅಸ್ಥಿಯನ್ನು ಕಾಶಿಯಲ್ಲಿ ವಿಸರ್ಜಿಸಿದ ಅರ್ಜುನ್ ಗೌಡ

    ಸ್ಯಾಂಡಲ್‍ವುಡ್ ನಟ ಅರ್ಜುನ್ ಗೌಡ, ಕೋವಿಡ್ ಸಂಕಷ್ಟದ ವೇಳೆ ಆಂಬುಲೆನ್ಸ್ ಡ್ರೈವರ್ ಆಗಿ 100ಕ್ಕೂ ಹೆಚ್ಚು ಮಂದಿಯ ಅಂತ್ಯ ಸಂಸ್ಕಾರ ನೆರವೇರಿಸಿದ್ದರು. ಈಗ ಹಾಗೆ ಮೃತಪಟ್ಟವರ ಅಂತಿಮ ವಿಧಿ ವಿಧಾನಗಳನ್ನು ಕಾಶಿಯಲ್ಲಿ ನೆರವೇರಿಸಿದ್ದಾರೆ.

    ತಾವೇ ಸಂಸ್ಕಾರ ಮಾಡಿಸಿದ್ದ 100ಕ್ಕೂ ಹೆಚ್ಚು ಜನರ ಅಸ್ಥಿಗಳನ್ನು ಸಂಗ್ರಹಿಸಿ ಕಾಶಿಯಲ್ಲಿ, ಪವಿತ್ರ ಗಂಗಾ ನದಿಯಲ್ಲಿ ವಿಸರ್ಜನೆ ಮಾಡಿದ್ದಾರೆ. ಅರ್ಜುನ್ ಗೌಡ ಸಂಸ್ಕಾರ ನೆರವೇರಿಸಿದವರಲ್ಲಿ ಹಲವರು ಮಕ್ಕಳು, ಕುಟುಂಬಸ್ಥರು ಇದ್ದೂ ಅನಾಥರಂತೆ ಸತ್ತವರು. ಬಂಧುಗಳೇ ಹತ್ತಿರ ಬರದಿದ್ದವರ ಸಂಸ್ಕಾರಗಳನ್ನೇ ಹೆಚ್ಚು ಮಾಡಿದ್ದ ಅರ್ಜುನ್ ಗೌಡ, ಈಗ ಅವರ ಅಸ್ಥಿಗಳನ್ನು ಕಾಶಿಯಲ್ಲಿ ಗಂಗಾನದಿಯಲ್ಲಿ ವಿಸರ್ಜಿಸಿ, ಮೃತರ ಆತ್ಮಕ್ಕೆ ಶಾಂತಿ ಕೋರಿದ್ದಾರೆ.

  • ಕೋಟಿ ರಾಮು ಕೊನೆಯ ಕನಸು ನನಸು ಮಾಡಲು ಮಾಲಾಶ್ರೀ ಪಣ

    ಕೋಟಿ ರಾಮು ಕೊನೆಯ ಕನಸು ನನಸು ಮಾಡಲು ಮಾಲಾಶ್ರೀ ಪಣ

    ಕೋಟಿ ರಾಮು ಎಂದೇ ಹೆಸರಾಗಿದ್ದ ರಾಮು ಅವರು ನಿರ್ಮಿಸಿದ್ದ 39ನೇ ಹಾಗೂ ಕೊನೆಯ ಸಿನಿಮಾ ಅರ್ಜುನ್ ಗೌಡ. ರಾಮು ಅನಿರೀಕ್ಷಿತವಾಗಿ ಕೊರೊನಾಗೆ ಬಲಿಯಾದ ನಂತರ ಅವರ ಕನಸನ್ನು ನನಸು ಮಾಡಲು ಪಣ ತೊಟ್ಟಿರುವುದು ನಟಿ ಮಾಲಾಶ್ರೀ. ಪತಿಯ ಕೊನೆಯ ಚಿತ್ರವನ್ನು ಬಿಡುಗಡೆ ಮಾಡಲು ಹೊರಟಿರುವ ಮಾಲಾಶ್ರೀ, ಅರ್ಜುನ್ ಗೌಡ ಚಿತ್ರವನ್ನು ಡಿಸೆಂಬರ್ 31ಕ್ಕೆ ರಿಲೀಸ್ ಮಾಡುತ್ತಿದ್ದಾರೆ.

    ಪ್ರಜ್ವಲ್ ದೇವರಾಜ್ ಅರ್ಜುನ್ ಗೌಡನಾಗಿ ನಟಿಸಿದ್ದಾರೆ, ಅರ್ಜುನ್ ಗೌಡನ ಗೆಳತಿ ಜಾಹ್ನವಿಯಾಗಿ ನಟಿಸಿರುವುದು ಪ್ರಿಯಾಂಕಾ ತಿಮ್ಮೇಶ್. ಆ್ಯಕ್ಷನ್ ರೊಮ್ಯಾಂಟಿಕ್ ಥ್ರಿಲ್ಲರ್ ಚಿತ್ರದಲ್ಲಿ ಅರ್ಜುನ್ ಗೌಡನದ್ದು ನೇರಾನೇರ ಮಾತನಾಡುವ ವ್ಯಕ್ತಿಯ ಪಾತ್ರವಂತೆ. ಲಕ್ಕಿ ಶಂಕರ್ ನಿರ್ದೇಶನದ ಅರ್ಜುನ್ ಗೌಡದಲ್ಲಿ ಕಡ್ಡಿಪುಡಿ ಚಂದ್ರು, ಸ್ಪರ್ಶ ರೇಖಾ, ರಾಹುಲ್ ದೇವ್, ಸಾಧು ಕೋಕಿಲ ದೊಡ್ಡ ತಾರಾಗಣವೇ ಇದೆ.

  • ಗೌರಿ ಲಂಕೇಶ್ ಹತ್ಯೆಗೂ ಅರ್ಜುನ್ ಗೌಡನಿಗೂ ಏನು ಸಂಬಂಧ?

    ಗೌರಿ ಲಂಕೇಶ್ ಹತ್ಯೆಗೂ ಅರ್ಜುನ್ ಗೌಡನಿಗೂ ಏನು ಸಂಬಂಧ?

    ಸೋಷಿಯಲ್ ಮೀಡಿಯಾದಲ್ಲಿ ಇನ್ನೊಬ್ಬರಿಗೆ ಬುದ್ದಿವಾದ ಹೇಳುತ್ತಾ ಮಾಡಬೇಕಾದ ಕೆಲಸವನ್ನೇ ಮರೆತಿರುವ ಯುವ ಜನಾಂಗಕ್ಕೆ ಇದೊಂದು ಎಚ್ಚರಿಕೆ ನೀಡುವ ಸಿನಿಮಾ. ಗೌರಿ ಲಂಕೇಶ್ ಹತ್ಯೆಯ ಕಥೆಯೂ ಇದೆ. ಆ ಹತ್ಯೆಗೆ ಕಾರಣ ಏನು ಅನ್ನೋದು ಸ್ಪಷ್ಟವಾಗಿ ಇದುವರೆಗೆ ಗೊತ್ತಾಗಿಲ್ಲ. ದೇಶದಾದ್ಯಂತ ಅಂತಹುದೇ ಪ್ರಕರಣಗಳು ನಡೆದಿವೆ. ಅಂತಹ ಕೆಲ ಘಟನೆಗಳನ್ನಿಟ್ಟುಕೊಂಡು ರೂಪಿಸಿರುವ ಕಥೆ ಅರ್ಜುನ್ ಗೌಡ. ಇದು ಲಕ್ಕಿ ಶಂಕರ್ ಮಾತು. ಇದರ ಮಧ್ಯೆ ಹೀರೋ ಹೀರೋಯಿನ್ ಲವ್ ಸ್ಟೋರಿಗೇನು ಕೆಲಸ ಅನ್ನೋದಕ್ಕೂ ಅವರ ಬಳಿ ಉತ್ತರ ಇದೆ.

    ತಾವಾಯಿತು ತಮ್ಮ ಪ್ರೀತಿಯಾಯಿತು ಎನ್ನುವಂತಿದ್ದ ಪ್ರೇಮಿಗಳಿಬ್ಬರೂ ಈ ಪ್ರಕರಣದಲ್ಲಿ ಸಿಲುಕಿಕೊಳ್ಳುತ್ತಾರೆ. ಎಲ್ಲಿ ಏನೇ ಸಮಸ್ಯೆಯಾದರೂ ಮುನ್ನುಗ್ಗುವ ಹೀರೋ ಅರ್ಜುನ್ ಗೌಡ. ಅವನನ್ನು ಪ್ರೀತಿಸುವ ನಾಯಕಿ.. ಟರ್ನು ಟ್ವಿಸ್ಟುಗಳಿವೆ ಎನ್ನುವ ಲಕ್ಕಿ ಶಂಕರ್‍ಗೆ ಚಿತ್ರದ ಮೇಲೆ ಭಾರಿ ವಿಶ್ವಾಸವಿದೆ.

    ಪ್ರಜ್ವಲ್ ದೇವರಾಜ್ ಮತ್ತು ಪ್ರಿಯಾಂಕಾ ತಿಮ್ಮೇಶ್ ಪ್ರಧಾನ ಪಾತ್ರದಲ್ಲಿದ್ದು, ರಾಮು ಅವರು ನಿರ್ಮಾಣ ಮಾಡಿದ್ದ ಕೊನೆಯ ಸಿನಿಮಾ ಅರ್ಜುನ್ ಗೌಡ. ಆ ಕನಸನ್ನು ತೆರೆಗೆ ತರುತ್ತಿರುವುದು ಮಾಲಾಶ್ರೀ.

  • ದೇವರಾಜ್ ಜೊತೆ ಫಸ್ಟ್. ಪ್ರಜ್ವಲ್ ಜೊತೆ ಲಾಸ್ಟ್ : ಕೋಟಿ ರಾಮು ಸಿನಿ ಜರ್ನಿ

    ದೇವರಾಜ್ ಜೊತೆ ಫಸ್ಟ್. ಪ್ರಜ್ವಲ್ ಜೊತೆ ಲಾಸ್ಟ್ : ಕೋಟಿ ರಾಮು ಸಿನಿ ಜರ್ನಿ

    ರಾಮು. ಕೋಟಿ ರಾಮು ಎಂದೇ ಖ್ಯಾತರಾದ ನಿರ್ಮಾಪಕ. ತಮ್ಮ ಸಿನಿಮಾಗಳಲ್ಲಿ ಅದ್ಧೂರಿತನವನ್ನು ತರಲೆಂದೇ ಕೋಟಿ ಕೋಟಿ ಸುರಿಯುತ್ತಿದ್ದ ರಾಮು ನಿರ್ಮಾಪಕರಾಗಿದ್ದು ಗೋಲಿಬಾರ್ ಚಿತ್ರದ ಮೂಲಕ.

    ಗೋಲಿಬಾರ್ ಚಿತ್ರಕ್ಕೆ ಹೀರೋ ದೇವರಾಜ್. ಅದೂವರೆಗೆ ವಿಲನ್ ಪಾತ್ರಗಳಲ್ಲಿಯೇ ಹೆಚ್ಚು ಮಿಂಚುತ್ತಿದ್ದ ದೇವರಾಜ್ ಅವರಿಗೆ ಹೀರೋಯಿಸಂ ಪಟ್ಟ ಕೊಟ್ಟಿದ್ದೂ ಗೋಲಿಬಾರ್ ಚಿತ್ರವೇ. ಆ ಚಿತ್ರದ ನಂತರವೇ ದೇವರಾಜ್ ಕಂಪ್ಲೀಟ್ ಹೀರೋ ಆಗಿದ್ದು. ಅದಾದ ನಂತರವೂ ರಾಮು ಮತ್ತು ದೇವರಾಜ್ ಸಿನಿ ಜರ್ನಿ ಅದ್ಭುತವಾಗಿ ಮುಂದುವರೆಯಿತು. ಗೋಲಿಬಾರ್ ನಂತರ ಲಾಕಪ್ ಡೆತ್, ಸರ್ಕಲ್ ಇನ್ಸ್‍ಪೆಕ್ಟರ್ ಸೇರಿದಂತೆ ಹಲವು ಚಿತ್ರಗಳಲ್ಲಿ ನಟಿಸಿದರು. ಎಲ್ಲವೂ ಸೂಪರ್ ಹಿಟ್ ಚಿತ್ರಗಳೇ.

    ಇನ್ನೂ ಒಂದು ವಿಶೇಷವಿದೆ. ರಾಮು ದೇವರಾಜ್ ಅವರಿಗೆ 3 ಸಿನಿಮಾ ನಿರ್ಮಿಸಿದ್ದರು. ಇತ್ತ ಪ್ರಜ್ವಲ್ ಅವರಿಗೂ ಮೂರು ಚಿತ್ರಗಳು. ಗುಲಾಮ ಮತ್ತು ಸಾಗರ್ ನಂತರ ಈಗ ಅರ್ಜುನ್ ಗೌಡ.

    ಈಗ ರಾಮು ಇಲ್ಲ. ಆದರೆ ರಾಮು ನಿರ್ಮಾಣದ ಕೊನೆಯ ಚಿತ್ರ ಅರ್ಜುನ್ ಗೌಡ. ವಿಶೇಷವೆಂದರೆ ಈ ಚಿತ್ರದ ಹೀರೋ ಪ್ರಜ್ವಲ್ ದೇವರಾಜ್.  ದೇವರಾಜ್ ಮಗ. ಅರ್ಜುನ್ ಗೌಡ ಚಿತ್ರದ ಟ್ರೇಲರ್, ಹಾಡುಗಳು ಗಮನ ಸೆಳೆಯುತ್ತಿವೆ. ಅರ್ಜುನ್ ಗೌಡ ಇದೇ ಡಿ.31ಕ್ಕೆ ರಿಲೀಸ್ ಆಗುತ್ತಿದೆ.

  • ಮಕ್ಕಳ ಹೆಣ ಸಾಗಿಸುವ ಕೆಲಸ ಬಾರದಿರಲಿ : ಅರ್ಜುನ್ ಗೌಡ

    ಮಕ್ಕಳ ಹೆಣ ಸಾಗಿಸುವ ಕೆಲಸ ಬಾರದಿರಲಿ : ಅರ್ಜುನ್ ಗೌಡ

    ನಟ ಅರ್ಜುನ್ ಗೌಡ, ಕೋವಿಡ್ 2ನೇ ಅಲೆ ತೀವ್ರವಾದಾಗ ಯಾರೊಬ್ಬರೂ ಮಾಡದೇ ಇರುವ ಕಾಯಕಕ್ಕೆ ಕೈ ಹಾಕಿದರು. ಆಂಬುಲೆನ್ಸ್ ಡ್ರೈವರ್ ಆದರು. ಅದೆಷ್ಟು ಶವಗಳನ್ನು ಸಾಗಿಸಿದರೋ.. ಕೈಯಾರೆ ಸಂಸ್ಕಾರ ಮಾಡಿದರೋ.. ಅದೆಷ್ಟು ಕಂಬನಿ ಒರೆಸಿದರೋ.. ಲೆಕ್ಕವಿಟ್ಟಿಲ್ಲ. ಒಟ್ಟಿನಲ್ಲಿ ನೋವಿನಿಂದ ನರಳುತ್ತಿದ್ದ ಕುಟುಂಬಗಳಿಗೆ ತಮ್ಮ ಕೈಲಾದ ಸಹಾಯ ಮಾಡುತ್ತಿರೋ ಅರ್ಜುನ್ ಗೌಡ ಅವರಿಗೆ ಈಗ ಹೊಸ ಆತಂಕ ಶುರುವಾಗಿದೆ.

    ಈಗ ಪ್ರತಿದಿನ 20-25 ಫೋನ್ ಬರುತ್ತಿವೆ. ತಂದೆ ತಾಯಿ ಇಬ್ಬರೂ  ಸತ್ತಿದ್ದಾರೆ. ಮಕ್ಕಳು ಅನಾಥವಾಗಿವೆ. ಏನು ಮಾಡೋದು ಎನ್ನುವವರ ಸಂಖ್ಯೆ ಹೆಚ್ಚುತ್ತಿದೆ. ಹಲವು ಹಿರಿಯರ ಶವ ಸಾಗಿಸಿದ್ದೇನೆ. ಈಗ ಅದೇ ಆಂಬುಲೆನ್ಸ್‍ನಲ್ಲಿ ಮಕ್ಕಳ ಹೆಣವನ್ನು ಸಾಗಿಸಬೇಕಾ..? ಇದಕ್ಕೆಲ್ಲ ಯಾರು ಹೊಣೆ ಎಂದಿರುವ ಅರ್ಜುನ್ ಗೌಡ, ಅಪ್ಪ ಅಮ್ಮನನ್ನು ಕಳೆದುಕೊಂಡಿರುವ ಮಕ್ಕಳ ಬಗ್ಗೆ ಗಮನ ಹರಿಸುವ ತುರ್ತು ಅಗತ್ಯವಿದೆ ಎಂದಿದ್ದಾರೆ.

     

    ದೆಹಲಿಯಲ್ಲಿ ಮತ್ತು ಮಧ್ಯ ಪ್ರದೇಶಗಳಲ್ಲಿ ಅಲ್ಲಿನ ಸರ್ಕಾರಗಳು ಅನಾಥ ಮಕ್ಕಳ ಹೊಣೆ ಹೊತ್ತುಕೊಂಡಿವೆ. ಸಾವುಗಳನ್ನಂತೂ ತಡೆಯಲು ಸಾಧ್ಯವಾಗದ ಸರ್ಕಾರ, ರಾಜ್ಯದಲ್ಲಿ ಅಂತಾದ್ದೊಂದು ದಿಟ್ಟ ಹೆಜ್ಜೆಯಿಡುತ್ತಾ..? ಹಣವಿರುವವರು ಇತ್ತ ಗಮನ ಹರಿಸಿದರೆ ಎಷ್ಟೋ ಮಕ್ಕಳ ಬಾಳಲ್ಲಿ ಬೆಳಕು ಮೂಡುವುದಂತೂ ನಿಶ್ಚಿತ.

  • ಯುವರತ್ನ ನಟ ಅರ್ಜುನ್ ಗೌಡ ಈಗ ಆ್ಯಂಬುಲೆನ್ಸ್ ಡ್ರೈವರ್

    ಯುವರತ್ನ ನಟ ಅರ್ಜುನ್ ಗೌಡ ಈಗ ಆ್ಯಂಬುಲೆನ್ಸ್ ಡ್ರೈವರ್

    ಕೊರೊನಾ ಇನ್ನಿಲ್ಲದಂತೆ ಕಾಡುತ್ತಿದೆ. ದಿನ ದಿನವೂ ನೂರಾರು ಸಾವು. ಇಂತಹ ಸಂದರ್ಭದಲ್ಲಿ ಯುವರತ್ನ ಚಿತ್ರದ ನಟ ಅರ್ಜುನ್ ಗೌಡ ಆ್ಯಂಬುಲೆನ್ಸ್ ಡ್ರೈವರ್ ಆಗಿದ್ದಾರೆ. ವಿಶೇಷವಾಗಿ ಶವಗಳನ್ನು ಸಾಗಿಸುವ ಆ್ಯಂಬುಲೆನ್ಸ್ ಡ್ರೈವರ್ ಆಗಿ ಕೆಲಸ ಮಾಡುತ್ತಿದ್ದಾರೆ. ಯುವರತ್ನ, ರುಸ್ತುಂ, ಒಡೆಯ, ಏಕ್ ಲವ್ ಯಾ ಸೇರಿದಂತೆ ಹಲವು ಚಿತ್ರಗಳಲ್ಲಿ ನಟಿಸಿರುವ ಅರ್ಜುನ್ ಗೌಡ, ಆ್ಯಂಬುಲೆನ್ಸ್ ಡ್ರೈವರ್ ಆಗೋದಿಕ್ಕೂ ಕಾರಣವಿದೆ.

    ಅರ್ಜುನ್ ಗೌಡ ಮನೆಗೆ ಹಾಲು ಹಾಕುತ್ತಿದ್ದವರು ಅರ್ಜುನ್ ಗೌಡ ಅವರಲ್ಲಿ 12 ಸಾವಿರ ರೂ. ಕೇಳಿದರಂತೆ. ಏಕೆಂದು ವಿಚಾರಿಸಿದಾಗ ಅವರ ಅಜ್ಜಿ ಮೃತಪಟ್ಟಿದ್ದು, ಆ್ಯಂಬುಲೆನ್ಸ್‍ನವರಿಗೆ ಕೊಡಬೇಕು ಎಂದರಂತೆ. ಅವರಿಗೆ ನೆರವು ನೀಡಿದ ಅರ್ಜುನ್ ಗೌಡ, ನಂತರ ನಾನೇ ಏಕೆ ನೆರವು ನೀಡಬಾರದು ಎಂದು ಯೋಚಿಸಿದವರೇ ಆ್ಯಂಬುಲೆನ್ಸ್ ಡ್ರೈವರ್ ಆಗಿದ್ದಾರೆ.

    ಪ್ರಾಜೆಕ್ಟ್ ಸ್ಮೈಲ್ ಟ್ರಸ್ಟ್‍ನವರನ್ನು ಸಂಪರ್ಕಿಸಿದ ಅರ್ಜುನ್ ಗೌಡ, ಅವರ ಬಳಿಯಿದ್ದ ಆ್ಯಂಬುಲೆನ್ಸ್ ಪಡೆದುಕೊಂಡಿದ್ದಾರೆ. ಟ್ರಸ್ಟ್‍ನವರಿಂದಲೇ 2 ದಿನ ತರಬೇತಿ ಪಡೆದೆ. ಡ್ರೈವಿಂಗ್ ಗೊತ್ತಿದ್ದ ಕಾರಣ, ಅದೇನೂ ಕಷ್ಟವಾಗಲಿಲ್ಲ. 10 ದಿನಗಳಿಂದ ಹಲವು ರೋಗಿಗಳನ್ನು ಆಸ್ಪತ್ರೆಗೆ ಸೇರಿಸಿದ್ದೇನೆ. ಮೃತದೇಹಗಳನ್ನು ಚಿತಾಗಾರಕ್ಕೆ ಸಾಗಿಸಿದ್ದೇನೆ. ಕೊರತೆ ಇರುವ ಕಡೆ ಆಮ್ಲಜನಕ ತಲುಪಿಸಿದ್ದೇನೆ. ಜನರ ಕಷ್ಟಕ್ಕೆ ಸ್ಪಂದಿಸುತ್ತಿರುವ ತೃಪ್ತಿ ಇದೆ. ಇನ್ನೂ 2 ತಿಂಗಳು ಇದೇ ಕೆಲಸ ಮಾಡುತ್ತೇನೆ ಎಂದಿದ್ದಾರೆ ಅರ್ಜುನ್ ಗೌಡ.

    ಅರ್ಜುನ್ ಗೌಡ ಅವರಿಗೆ ಒಂದು ಜಿಮ್ ಕೂಡಾ ಇದೆ. ಸದ್ಯಕ್ಕೆ ಜಿಮ್ ಬಾಗಿಲು ಬಂದ್ ಆಗಿದೆ. ಕೊರೊನಾ ಸೋಂಕಿತರ ಆಸುಪಾಸಿನಲ್ಲೇ ಓಡಾಡುತ್ತಿರುವ ಅರ್ಜುನ್ ಗೌಡ, ಈಗ ಗೆಳೆಯನೊಬ್ಬನ ಮನೆಯಲ್ಲಿ ಉಳಿದುಕೊಂಡಿದ್ದಾರೆ. ಕುಟುಂಬದಿಂದ ದೂರವೇ ಇದ್ದಾರೆ. ಗೆಳೆಯ ಮತ್ತವನ ಕುಟುಂಬ ಊರಿಗೆ ಹೋಗಿರುವ ಹಿನ್ನೆಲೆಯಲ್ಲಿ ಮನೆ ಖಾಲಿಯಿದ್ದು, ಅಲ್ಲಿಯೇ ಪ್ರತ್ಯೇಕವಾಗಿ ವಾಸಿಸುತ್ತಿದ್ದಾರೆ. ಹ್ಯಾಟ್ಸಾಫ್ ಅರ್ಜುನ್ ಗೌಡ.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery