` marriage rumors, - chitraloka.com | Kannada Movie News, Reviews | Image

marriage rumors,

  • ನಾನು ಗಂಡನಿಗಾಗಿ ಶಾಪಿಂಗ್ ಮಾಡ್ತಿಲ್ಲ ಅಂದ್ರು ತಮನ್ನಾ..!

    tamannah rubbishes her marriage rumors

    ತಮನ್ನಾ.. ಕನ್ನಡದಲ್ಲಿ ಕಾಣಿಸಿಕೊಂಡಿರೋದು ಒಂದೇ ಸಿನಿಮಾದಲ್ಲಿ. ಜಾಗ್ವಾರ್ ಚಿತ್ರದಲ್ಲಿ ಐಟಂ ಸಾಂಗ್‍ಗೆ ಹೆಜ್ಜೆ ಹಾಕಿ ಹೋದ ತಮನ್ನಾ, ಕನ್ನಡಿಗರಿಗೆ ಹತ್ತಿರವಾಗಿದ್ದು ಪುನೀತ್ ರಾಜ್‍ಕುಮಾರ್ ಜೊತೆ ಕಾಣಿಸಿಕೊಂಡ ಜಾಹೀರಾತಿನ ಮೂಲಕ. ಅದಾದ ಮೇಲೆ ಕನ್ನಡದಲ್ಲಿಯೂ ನಟಿಸುವ ಆಸೆ ವ್ಯಕ್ತಪಡಿಸಿದ್ದ ಮಿಲ್ಕಿಬ್ಯೂಟಿ, ಈಗ ಮಾಧ್ಯಮಗಳ ಮೇಲೆ ಗುರ್ರ್ ಎನ್ನುತ್ತಿದ್ದಾರೆ. ಅದಕ್ಕೆ ಕಾರಣ ಇಷ್ಟೆ, ಇತ್ತೀಚೆಗೆ ತಮನ್ನಾ, ಅಮೆರಿಕದ ಡಾಕ್ಟರ್ ಒಬ್ಬರನ್ನು ಮದುವೆಯಾಗುತ್ತಿದ್ದಾರೆ ಎಂದು ಗಾಸಿಪ್ ಹರಡಲಾಗಿತ್ತು. ಈ ಕುರಿತು ಸಿಟ್ಟಿನಿಂದಲೇ ಪ್ರತಿಕ್ರಿಯೆ ಕೊಟ್ಟಿದ್ದಾರೆ ತಮನ್ನಾ.

    ``ಮೊದಲು ಆ್ಯಕ್ಟರ್ ಜೊತೆ, ನಂತರ ಕ್ರಿಕೆಟರ್ ಜೊತೆ, ಈಗ ಡಾಕ್ಟರ್ ಜೊತೆ... ಮದುವೆಯ ಸುದ್ದಿ ಮಾಡಿದ್ದೀರಿ. ನಾನೇನು ಗಂಡನನ್ನು ಆಯ್ಕೆ ಮಾಡಿಕೊಳ್ಳೋಕೆ ಶಾಪಿಂಗ್ ಮಾಡ್ತಿದ್ದೀನಾ..? ಈ ರೂಮರ್‍ಗಳನ್ನು ಮೊದಲು ನಿಲ್ಲಿಸಿ. ನನ್ನ ವೈಯಕ್ತಿಕ ಜೀವನದ ಬಗ್ಗೆ ಇಲ್ಲಸಲ್ಲದ ಸುದ್ದಿಗಳನ್ನೆಲ್ಲ ಹಬ್ಬಿಸಬೇಡಿ. ನಾನಾಗಲೀ, ನನ್ನ ಅಪ್ಪ, ಅಮ್ಮನಾಗಲೀ ಗಂಡು ಹುಡುಕುತ್ತಿಲ್ಲ. ನನಗೆ ಈಗಲೂ ಪ್ರೀತಿ ಇರೋದು ಸಿನಿಮಾದ ಮೇಲೆ ಮಾತ್ರ. ಇಂತಹ ಸುದ್ದಿಗಳು ನಿಮಗೂ, ನನಗೂ ಗೌರವ ತರುವುದಿಲ್ಲ. ನಾನು ಮದುವೆಯಾಗುವುದಾದರೆ, ಆ ದಿನ, ಆ ಸುದ್ದಿಯನ್ನು ನಾನೇ ಜಗತ್ತಿಗೆ ಸಾರಿ ಸಾರಿ ಹೇಳುತ್ತೇನೆ. ಅಲ್ಲಿಯವರೆಗೂ ಸುಮ್ಮನಿರಿ''

    ತಮ್ಮ ಮದುವೆಯ ಗಾಸಿಪ್ ಬಗ್ಗೆ ಸ್ವಲ್ಪ.. ಸ್ವಲ್ಪವೇನು ಸಂಪೂರ್ಣ ಖಾರವಾಗಿಯೇ ಪ್ರತಿಕ್ರಿಯಿಸಿರುವ ತಮನ್ನಾ, ಗಾಸಿಪ್‍ಗಳ ಬಗ್ಗೆ ತಲೆ ಕೆಡಿಸಿಕೊಂಡಿರುವುದಂತೂ ನಿಜ.

  • ಶ್ರಿಯಾ ಸರಣ್ ಮದುವೆ ಸುಳ್ಳೇಸುಳ್ಳು

    shriya saran rejects her marriage rumors

    ಶ್ರಿಯಾ ಸರಣ್, ದಕ್ಷಿಣ ಭಾರತ ಚಿತ್ರರಂಗದವರಿಗೆ, ಕನ್ನಡದವರಿಗೆ ಹೊಸಬರೇನೂ ಅಲ್ಲ. ಶ್ರಿಯಾ ಕನ್ನಡದಲ್ಲಿ ನಟಿಸಿರುವುದು ಎರಡೇ ಚಿತ್ರಗಳಲ್ಲಿ. ಅರಸು ಚಿತ್ರದ ಕ್ಲೈಮಾಕ್ಸ್‍ನಲ್ಲಿ ಕಾಣಿಸಿಕೊಂಡಿದ್ದ ಶ್ರಿಯಾ, ನಂತರ ಅಭಿನಯಿಸಿದ್ದು ಚಂದ್ರ ಚಿತ್ರದಲ್ಲಿ. ರಜಿನಿಕಾಂತ್, ಚಿರಂಜೀವಿ, ವೆಂಕಟೇಶ್, ಪ್ರಭಾಸ್, ವಿಜಯ್, ಅಜಯ್ ದೇವಗನ್ ಸೇರಿದಂತೆ ಚಿತ್ರರಂಗದ ಘಟಾನುಘಟಿಗಳ ಜೊತೆ ನಟಿಸಿರುವ ಶ್ರಿಯಾ ಸರಣ್ ಕುರಿತು, ಒಂದು ಸುದ್ದಿ ಇದ್ದಕ್ಕಿದ್ದಂತೆ ವೈರಲ್ ಆಗಿತ್ತು.

    ಶ್ರಿಯಾ ಸರಣ್ ಮದುವೆಯಾಗ್ತಿದ್ದಾರಂತೆ. ರಷ್ಯನ್ ಗೆಳೆಯನ ಜೊತೆ ಎಂಗೇಜ್‍ಮೆಂಟ್ ಫಿಕ್ಸ್ ಆಗಿದೆಯಂತೆ. ರಾಜಸ್ಥಾನದಲ್ಲಿ ಮದುವೆಯೂ ನಡೆಯಲಿದೆಯಂತೆ ಅನ್ನೋದು ಸುದ್ದಿ. ಅದನ್ನೆಲ್ಲ ಶ್ರಿಯಾ ನಿರಾಕರಿಸಿದ್ದಾರೆ.

    ಆಗಿದ್ದೇನೆಂದರೆ, ಮದುವೆಯಾಗುತ್ತಿರುವುದು ನಿಜ. ಆದರೆ, ಶ್ರಿಯಾ ಅವರದ್ದಲ್ಲ, ಅವರ ಗೆಳತಿಯದ್ದು. ಗೆಳತಿಯ ಮದುವೆಗೆ ಬಟ್ಟೆ, ಒಡವೆ ಖರೀದಿಗೆ ಹೋಗಿದ್ದರಂತೆ ಶ್ರಿಯಾ. ಅದೇ ಈಗ ದೊಡ್ಡ ಸುದ್ದಿಯಾಗಿಬಿಟ್ಟಿದೆ.

    ಮದುವೆಯ ಸುದ್ದಿ ಎಂದು ಈಗ ಸ್ವತಃ ಶ್ರಿಯಾ ಸರಣ್ ಹಾಗೂ ಅವರ ತಾಯಿ ಸ್ಪಷ್ಟನೆ ಕೊಟ್ಟಿದ್ದಾರೆ.