` niveditha gowda, - chitraloka.com | Kannada Movie News, Reviews | Image

niveditha gowda,

  • ನಿವೇದಿತಾ ಗೌಡ ಮೊದಲ ದಿನವೇ ಹೊರಬರುತ್ತಾರಾ..?

    big boss contestant niveditha gowda

    ನಿವೇದಿತಾ ಗೌಡ ಎಂಬ ಈ 18ರ ಬಾಲೆ, ಈಗ ಬಿಗ್​ಬಾಸ್ ಸ್ಪರ್ಧಿ. ಬಿಗ್​ಬಾಸ್ ಸ್ಪರ್ಧಿಗಳಲ್ಲೇ ಅತಿ ಚಿಕ್ಕ ವಯಸ್ಸಿನ ಹುಡುಗಿ, ಹುಟ್ಟಿದ್ದು, ಬೆಳೆದಿದ್ದು ಓದಿದ್ದು ಮೈಸೂರಿನಲ್ಲೇ ಆದರೂ ಸರಿಯಾಗಿ ಕನ್ನಡ ಮಾತನಾಡೋಕೆ ಬರಲ್ಲ. ಹೀಗಾಗಿ ಈಕೆಯ ಕನ್ನಡ ಕಂಗ್ಲಿಷ್ ಆಗಿಹೋಗಿದೆ. ಜಾಲತಾಣಗಳಲ್ಲಂತೂ ನಿವೇದಿತಾ ಗೌಡರನ್ನು ಸಂಜನಾ ಟ್ವಿನ್ ಅಂತಾನೇ ಕರೀತಿದ್ದಾರೆ. ಸಿಕ್ಕಾಪಟ್ಟೆ ಟ್ರೋಲ್ ಆಗಿದ್ದಾರೆ ನಿವೇದಿತಾ ಗೌಡ.

    ಅರ್ಧಗಂಟೆಗೊಮ್ಮೆ ಬಟ್ಟೆ ಬದಲಾಯಿಸುವುದು ಈಕೆಯ ಹವ್ಯಾಸವಂತೆ. ಅಡುಗೆ ಬರಲ್ಲ. ಡಬ್​ಸ್ಮ್ಯಾಶ್ ಅಂದ್ರೆ ತುಂಬಾನೇ ಇಷ್ಟ. ಹೀಗಿರುವ ನಿವೇದಿತಾ, ಬಿಗ್​ಬಾಸ್ ಮನೆಯ ಬಾರ್ಬಿ ಡಾಲ್. ಅದೇ ರೀತಿಯ ಡ್ರೆಸ್​ನಲ್ಲಿ ಬಂದಿದ್ದ ನಿವೇದಿತಾರ ಕನ್ನಡ ವೀಕ್ಷಕರನ್ನು ಸುಸ್ತು ಹೊಡೆಸಿರುವುದು ಸುಳ್ಳಲ್ಲ.

    ಈ ನಿವೇದಿತಾ ಗೌಡ, ಮೊದಲ ದಿನವೇ ಎವಿಕ್ಷನ್​ಗೊಳಗಾಗುತ್ತಾರಾ..? ಅಂದರೆ, ಹೊರಹಾಕಲ್ಪಡುತ್ತಾರಾ..? ಅಂಥದ್ದೊಂದು ಕುತೂಹಲ ಹುಟ್ಟಿಸಿರುವುದು ಪರಮೇಶ್ವರ್ ಗುಂಡ್ಕಲ್ ಅವರ ಇನ್​ಸ್ಟಾಗ್ರಾಮ್ ಸ್ಟೇಟಸ್. ಬಹುಶಃ, ಹಾಗಾಗದೇ ಇರಬಹುದು. ಆದರೆ, ಅದು ಬಿಗ್​ಬಾಸ್ ಹೌಸ್. ಆದರೂ ಆಗಬಹುದು. ಒಟ್ಟಿನಲ್ಲಿ ಬಿಗ್​ಮನೆಯಲ್ಲಿ ಮೊದಲ ದಿನವೇ ಭರಪೂರ ಮನರಂಜನೆಯಂತೂ ಕಾದಿದೆ.

     

  • ನಿವೇದಿತಾಗೆ ಕೈ ಮುಗಿದ ಕಿಚ್ಚ..!

    sudeep praises niveditha

    ಬಿಗ್‍ಬಾಸ್ ಮನೆಯ ಬಾರ್ಬಿ ಡಾಲ್ ನಿವೇದಿತಾ ಗೌಡ, ತಮ್ಮ ಕಂಗ್ಲಿಷ್‍ನಿಂದಲೇ ಫೇಮಸ್ ಆದ ಹುಡುಗಿ. ವಿಚಿತ್ರ ಆ್ಯಕ್ಸೆಂಟ್‍ನ  ಭಾಷೆಯಿಂದಾಗಿ, ಬಿಗ್‍ಬಾಸ್ ಮನೆಗೆ ಎಂಟ್ರಿ ಕೊಟ್ಟ ದಿನದಿಂದಲೇ ಫೇಮಸ್ ಆದವರು. ವಯಸ್ಸಿನ್ನೂ ಚಿಕ್ಕದು. ಬಿಕಾಂ ಓದುತ್ತಿರುವ ಈ ಹುಡುಗಿಗೆ ಕನ್ನಡದ ಹಿರಿಯ ನಟ, ಬಿಗ್‍ಬಾಸ್ ನಿರೂಪಕ ಕಿಚ್ಚ ಸುದೀಪ್ ಕೈ ಮುಗಿದರು ಎಂದರೆ, ನಿವೇದಿತಾ ಅಂಥದ್ದೇನು ಮಾಡಿದರು ಎಂಬ ಕುತೂಹಲ ಸಹಜ.

    ಬಿಗ್‍ಬಾಸ್‍ನಲ್ಲಿ ಈ ವಾರ ಅವರ ಕುಟುಂಬದವರೊಂದಿಗೆ ಅರ್ಧ ಗಂಟೆ ಕಳೆಯುವ ಅವಕಾಶ ನೀಡಲಾಗಿತ್ತು. ಆದರೆ, ಅರ್ಧ ಗಂಟೆ ಸಂಪೂರ್ಣ ಇರಬೇಕು ಎಂದರೆ, ಅವರ ಸಹಸ್ಪರ್ಧಿ ಅದಕ್ಕೆ ಸಹಕರಿಸಬೇಕು. ಅರ್ಧ ಗಂಟೆ ಒಂಟಿ ಕಾಲಿನ ಟೇಬಲ್ ಮೇಲಿಟ್ಟ ಮಡಕೆ ಬಿದ್ದು ಒಡೆದು ಹೋಗದಂತೆ ತಡೆಯಬೇಕು. ಒಂಟಿ ಕಾಲಿನಲ್ಲಿ ಸರ್ಕಸ್ ಮಾಡುತ್ತಲೇ ಅದನ್ನು ನಿಭಾಯಿಸಬೇಕು. ಅರ್ಧ ಗಂಟೆ ಹಾಗೆ ನಿಲ್ಲುವುದು ಸುಲಭದ ಮಾತಲ್ಲ.

    ಆದರೆ, ಬಿಗ್‍ಬಾಸ್ ಸ್ಪರ್ಧಿ ದಿವಾಕರ್ ಅವರು ತಮ್ಮ ಪತ್ನಿ ಮಮತಾ ಅವರ ಜೊತೆ ಅರ್ಧಗಂಟೆ ಕಳೆಯುವ ಅವಕಾಶ ಸಿಕ್ಕಿತು. ಆ ಅವಕಾಶ ಸಿಗುವಂತೆ ಮಾಡಿದ್ದು ನಿವೇದಿತಾ ಗೌಡ. ಬೇರೆ ಯಾವ ಸ್ಪರ್ಧಿಗಳೂ ಮಾಡದಂತಹಾ ಈ ಸಾಹಸವನ್ನು ಕಷ್ಟಪಟ್ಟು ಮಾಡಿ, ಪತಿ-ಪತ್ನಿಯ ಮಾತುಕತೆಗೆ ಅವಕಾಶ ಕೊಟ್ಟ ನಿವೇದಿತಾ ಗೌಡ, ಅರ್ಧಗಂಟೆ ಕಳೆಯುವಷ್ಟರಲ್ಲಿ ಸುಸ್ತಾಗಿ ಹೋಗಿದ್ದರು.

    ಕಿಚ್ಚ ಸುದೀಪ್ ನಿವೇದಿತಾಗೆ ಕೈ ಮುಗಿದದ್ದು ಇದೇ ಕಾರಣಕ್ಕೆ. ನಿಮ್ಮ ಪರಿಶ್ರಮ, ತ್ಯಾಗಕ್ಕೆ ನನ್ನ ಧನ್ಯವಾದ ಎಂದು ಕೈಮುಗಿದರು ಸುದೀಪ್.

  • ಸ್ಟಾರ್ ಆಗ್ಬುಟ್ರು ನಿವೇಡಿಟಾ ಗೌಡ

    big boss 5 contestant Gowda

    ನೀವು ಓದ್ತಾ ಇರೋದು ಸರಿಯಾಗೇ ಇದೆ. ಅದು ನಿವೇದಿತಾ ಗೌಡ ಅಲ್ಲ. ನಿವೇಡಿಟಾ ಗೌಡ. ಅದು ಫೇಮಸ್ ಆಗಿದ್ದು ಆಕೆಯ ಕಂಗ್ಲಿಷ್‍ನಿಂದ. ಬಿಗ್‍ಬಾಸ್ ಮನೆ ಸೇರಿದವರಲ್ಲಿ ಸಿಕ್ಕಾಪಟ್ಟೆ ಫೇಮಸ್ ಆದ ಹುಡುಗಿ ಈ ನಿವೇದಿತಾ ಗೌಡ. ಮೈಸೂರಿನ ಹುಡುಗಿ. ಬಿಸಿಎ ಓದುತ್ತಿರುವ ಈ ಬಾರ್ಬಿ ಡಾಲ್, ಎಕ್ಸಾಂನ್ನೂ ಬಿಟ್ಟು ಬಿಗ್‍ಬಾಸ್‍ಗೆ ಸೇರಿದ್ದಾರೆ. 

    ತಮ್ಮ ಚಿತ್ರ ವಿಚಿತ್ರ ಕನ್ನಡದಿಂದಾಗಿ ಟ್ರೋಲ್ ಆದ ನಿವೇದಿತಾ, ಆ ಟ್ರೋಲ್‍ಗಳಿಂದಾನೆ ಸ್ಟಾರ್ ಕೂಡಾ ಆಗಿಬಿಟ್ಟಿದ್ದಾರೆ. ನಂಬ್ತೀರೋ ಇಲ್ವೋ... ಈಕೆಯ ಹೆಸರಲ್ಲಿ ಐದಾರು ಅಭಿಮಾನಿ ಸಂಘಗಳು ಹುಟ್ಟಿಕೊಂಡಿವೆ. ಆಕೆ ಇಂಗ್ಲಿಷ್ ಆಕ್ಸೆಂಟ್‍ನಲ್ಲಿ ಕನ್ನಡ ಮಾತನಾಡುವುದನ್ನು ನೋಡುವುದೇ ಒಂದು ಚೆಂದ. ಕೆಲವರು ಅದನ್ನು ಎಂಜಾಯ್ ಮಾಡಿದರೆ, ಇನ್ನೂ ಕೆಲವರು ಲೇವಡಿ ಮಾಡುತ್ತಿದ್ದಾರೆ. ಅದಕ್ಕೆ ಕಾರಣವೂ ಇದೆ. ಮೈಸೂರಿನಲ್ಲಿಯೇ ಹುಟ್ಟಿ ಬೆಳೆದ, ಗೌಡರ ಹುಡುಗಿಗೆ ಸರಿಯಾಗಿ  ಕನ್ನಡ ಬರಲ್ಲ ಅಂದ್ರೆ ಹೆಂಗೆ ಅನ್ನೋದು ಟ್ರೋಲ್ ಮಾಡೋವ್ರ ವಾದ. 

    ಆದರೆ ಅವರ ತಾಯಿ ಹೇಮಾ ಹೇಳೋದೇ ಬೇರೆ. ಅವಳು ಚಿಕ್ಕ ಹುಡುಗಿಯಾಗಿದ್ದಾಗಿನಿಂದ ಹಾಗೆಯೇ ಮಾತನಾಡ್ತಾ ಇದ್ಲು. ನಮಗೂ ಖುಷಿ ಕೊಡ್ತಿತ್ತು. ಅದಾದ ಮೇಲೆ ಅದನ್ನು ನಾವು ತಿದ್ದೋಕೆ ಹೋಗಲಿಲ್ಲ. ಅವಳೂ ಹಾಗೆಯೇ ಇದ್ದುಬಿಟ್ಟಳು. ಅಷ್ಟೆ. ನಂಗೆ ನಿಮ್ಮ ಥರ ಮಾತನಾಡೋಕೆ ಆಗಲ್ಲ ಮಮ್ಮಿ ಅಂಥಾಳೆ. ಏನ್ ಮಾಡೋದು. ಅದಕ್ಕೆಲ್ಲ ಅವಳನ್ನು ಟ್ರೋಲ್ ಮಾಡಬೇಡಿ ಎಂದು ಮನವಿ ಮಾಡಿದ್ದಾರೆ ಆಕೆಯ ತಾಯಿ.

Phailwaan Audio Release Gallery

Rightbanner02_gimmick_inside

Nanna Prakara Audio Release Images