` fans, - chitraloka.com | Kannada Movie News, Reviews | Image

fans,

  • ಅಭಿಮಾನಿ ದೇವರ ಮನೆಗೆ ಅಪ್ಪು ಹೋದಾಗ..

    puneeth with his fans

    ಭಕ್ತರು ದೇವರ ಬಳಿ ಹೋಗೋದು ಕಾಮನ್. ದೇವರೇ ಭಕ್ತರ ಬಳಿ ಬಂದರೆ, ಅದು ಅದ್ಭುತ. ಆದರೆ, ಇದು ಒಂಥರಾ ಡಿಫರೆಂಟು. ಬಳ್ಳಾರಿಯಲ್ಲಿ ವಿಶ್ವ ಎಂಬ ಯುವಕನಿದ್ದಾನೆ. ಆತ ಪುನೀತ್ ರಾಜ್‍ಕುಮಾರ್ ಅವರ ಕಟ್ಟಾ ಅಭಿಮಾನಿ. ಇತ್ತೀಚೆಗೆ ಅವರ ತಂಗಿಯ ಮದುವೆಯಾಗಿತ್ತು. ಮದುವೆಗೆ ಬರಲೇಬೇಕೆಂದು ಆಹ್ವಾನ ಪತ್ರಿಕೆ ಕೊಟ್ಟಿದ್ದ ವಿಶ್ವ, ಪುನೀತ್ ಬಂದೇ ಬರುತ್ತಾರೆ ಎಂದು ಕಾಯುತ್ತಿದ್ದ. ಆದರೆ, ಆ ವೇಳೆಯಲ್ಲಿಯೇ ಪಾರ್ವತಮ್ಮ ರಾಜ್‍ಕುಮಾರ್ ಅನಾರೋಗ್ಯದಿಂದ ಬಳಲುತ್ತಿದ್ದರು. ಹೀಗಾಗಿ ಪುನೀತ್ ಹೋಗಲು ಸಾಧ್ಯವಾಗಲೇ ಇಲ್ಲ.

    ಪುನೀತ್ ಸಮಸ್ಯೆ ಅರ್ಥ ಮಾಡಿಕೊಂಡ ವಿಶ್ವ ತನಗೆ ತಾನೇ ಸಮಾಧಾನಪಟ್ಟುಕೊಂಡಿದ್ದರು. ಆದರೆ, ಮೊನ್ನೆ ಮೊನ್ನೆ ವಿಶ್ವಗೆ ದಿಢೀರ್ ಅಚ್ಚರಿ ಕಾದಿತ್ತು. ಅವರ ಮನೆ ಬಾಗಿಲಲ್ಲಿ ಅಭಿಮಾನದ ದೇವರು ಪುನೀತ್ ನಿಂತಿದ್ದರು. ರಾಜಕುಮಾರ ಚಿತ್ರದ ನಿರ್ದೇಶಕ ಸಂತೋಷ್ ಅನಂದ್‍ರಾಮ್ ನಿಶ್ಚಿತಾರ್ಥಕ್ಕೆ ಬಿಡುವು ಮಾಡಿಕೊಂಡು ಬಳ್ಳಾರಿಗೆ ಹೋಗಿದ್ದ ಪುನೀತ್, ಅಭಿಮಾನಿ ವಿಶ್ವನನ್ನು ಮರೆತಿರಲಿಲ್ಲ. ಸೀದಾ ಅವರ ಮನೆಗೆ ಹೋಗಿ, ಅವರ ಮನೆಯ ಆತಿಥ್ಯ ಸ್ವೀಕರಿಸಿದರು.

    ರಾಜ್ ಕುಟುಂಬದವರು ಅಭಿಮಾನಿಗಳನ್ನೇ ದೇವರು ಅಂತಾರೆ. ಪುನೀತ್ ಕೂಡಾ ಹೊರತಲ್ಲ. ಅಭಿಮಾನಿಗಳು, ತಮ್ಮ ಸ್ಟಾರ್‍ನನ್ನೇ ದೇವರು ಅಂತಾರೆ. ಈಗ.. ದೇವರು ಯಾರು.. ಭಕ್ತ ಯಾರು ನೀವೇ ನಿರ್ಧಾರ ಮಾಡಿ.

  • ಕಿಚ್ಚನ ಬಯಕೆ ಈಡೇರಿಸಲು ಅಭಿಮಾನಿಗಳು ಸನ್ನದ್ಧ

    sudeep

    ಸುದೀಪ್ ಹುಟ್ಟುಹಬ್ಬ ನಾಳೆ. ಸೆಪ್ಟೆಂಬರ್ 2ರಂದು ಹುಟ್ಟುಹಬ್ಬ ಆಚರಿಸುತ್ತಿರುವ ಸುದೀಪ್, ಸದ್ಯಕ್ಕೆ ಭಾರತದಲ್ಲಿಲ್ಲ. ಹುಟ್ಟುಹಬ್ಬಕ್ಕೆ  ಸುಮಾರು ಎರಡು ತಿಂಗಳು ಮೊದಲೇ ಅಭಿಮಾನಿಗಳಿಗೆ ತಮ್ಮ ಹುಟ್ಟುಹಬ್ಬದ ದಿನ ಕೇಕ್, ಅಲಂಕಾರಕ್ಕೆ ದುಂದುವೆಚ್ಚ ಮಾಡಬೇಡಿ. ಅದರ ಬದಲು ಹಸಿದವರಿಗೆ, ನಿರ್ಗತಿಕರಿಗೆ ಆಸರೆ ನೀಡಿ ಎಂದು ಮನವಿ ಮಾಡಿದ್ದರು. ಅದಾದ ಮೇಲೆ ಟಿವಿ ಸಂದರ್ಶನದಲ್ಲೂ ಹೇಳಿದ್ದರು. ಸುದೀಪ್‍ರ ಈ ಕನಸನ್ನು ಅಭಿಮಾನಿಗಳು ಸಾಕಾರಗೊಳಿಸಲು ಹೊರಟಿದ್ದಾರೆ.

    ಅಖಿಲ ಕರ್ನಾಟಕದ ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ ಸೇನಾ ಸಮಿತಿಯವರು ಕಿಚ್ಚನ ಹುಟ್ಟುಹಬ್ಬದ ಸಲುವಾಗಿ ಅನ್ನಸಂತರ್ಪಣೆ, ರಕ್ತದಾನ ಶಿಬಿರ, ಉಚಿತ ಆರೋಗ್ಯ ತಪಾಸಣೆ ಹಮ್ಮಿಕೊಂಡಿದ್ದಾರೆ. ಸತಸ್ಯಂಗ ವಿದ್ಯಾಸಂಸ್ಥೆಯ ವಿಕಲಚೇತನ ಅನಾಥ ಮಕ್ಕಳಿಗೆ ಧನಸಹಾಯ, ಸಂರಕ್ಷಣಾ ಚಾರಿಟಬಲ್ ಟ್ರಸ್ಟ್‍ನ ಅನಾಥಾಶ್ರಮ ಹಾಗೂ ಸಿಟಿಜನ್ಸ್ ಸೇವಾಶ್ರಮ ಅನಾಥಾಶ್ರಮಕ್ಕೆ ಧನಸಹಾಯ ಮಾಡುತ್ತಿದ್ದಾರೆ.

    ಇದೆಲ್ಲ ಕಾರ್ಯಕ್ರಮಗಳಿಗೆ ಬೆಂಗಳೂರಿನ ನಾಗರಭಾವಿ ಸರ್ಕಲ್‍ನಲ್ಲಿ ವೇದಿಕೆ ಸಿದ್ಧಗೊಂಡಿದೆ. ಮಧ್ಯಾಹ್ನ 12 ಗಂಟೆಯ ಕಾರ್ಯಕ್ರಮಕ್ಕೆ ಎಲ್ಲರಿಗೂ ಸ್ವಾಗತವಿದೆ.

    ಹಸಿದವರು ಸಂತೃಪ್ತಿಯಿಂದ ಹರಸಿದರೆ, ನೆರವು ಪಡೆದ ಆ ಮಕ್ಕಳ ಕಣ್ಣಲ್ಲಿ ಮಿಂಚು ಮಿನುಗಿದರೆ, ಸುದೀಪ್ ಹುಟ್ಟುಹಬ್ಬದ ದಿನ ನಡೆದ ರಕ್ತದಾನ ಶಿಬಿರದ ನೆರವಿನಿಂದ ಯಾವುದೋ ಜೀವ ಉಳಿದರೆ, ಆ ಹಾರೈಕೆ ಸುದೀಪ್‍ಗೆ. ಸುದೀಪ್ ನೂರ್ಕಾಲ ಬಾಳಲಿ.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery