` godhra, - chitraloka.com | Kannada Movie News, Reviews | Image

godhra,

  • Satish Neenasam's Godhra Launched

    godhra launched

    Satish Neenasam's  new film 'Godhra' was launched on Saturday morning at at the Omkar Hills in Rajarajeshwari Nagar in Bangalore and Shivarajakumar sounded clap for the first shot of the film.

    The new film is being directed by Nandish who had earlier assisted Jacob Verghese in 'Chambal' and others.

    Apart from Satish, Shraddha Srinath and Kishore will be playing prominent roles. The shooting for the film will be held in Bangalore, Kukke Subramanya apart from Chattisgarh.

    Related Articles :-

    ಕನ್ನಡದಲ್ಲಿ ತೆರೆಗೆ ಬರುತ್ತಿದೆ `ಗೋದ್ರಾ' - ಅದು ಗೋದ್ರಾ ಹತ್ಯಾಕಾಂಡದ ಕಥೇನಾ..?

  • ಅಯೋಗ್ಯ ಬ್ರಹ್ಮಚಾರಿ ಈಗ ಸ್ಟೂಡೆಂಟ್

    sathish ninasam is rebel student in godhra

    ಹೈಸ್ಕೂಲು ದಾಟದ ಅಯೋಗ್ಯನಾಗಿ, ಬ್ರಹ್ಮಚಾರಿಯಾಗಿ.. ಅಷ್ಟೇ ಏಕೆ.. ಐಎಎಸ್ ಅಧಿಕಾರಿಯೂ ಛಾಪು ಮೂಡಿಸಿದ್ದ ಸತೀಶ್ ನೀನಾಸಂ, ಈಗ ಸ್ಟೂಡೆಂಟ್ ಆಗಿದ್ದಾರೆ. ಇನ್ನೇನು ಶೀಘ್ರದಲ್ಲೇ ರಿಲೀಸ್ ಆಗಲು ರೆಡಿಯಾಗಿರುವ ಗೋದ್ರಾ ಚಿತ್ರದಲ್ಲಿ ಸತೀಶ್ ಅವರದ್ದು ರ್ಯಾಂಕ್ ಸ್ಟೂಡೆಂಟ್ ಪಾತ್ರ.

    ಪ್ರತಿಭಾವಂತ ವಿದ್ಯಾರ್ಥಿ ವ್ಯವಸ್ಥೆಯ ವಿರುದ್ಧ ಹೋರಾಟಕ್ಕೆ ನಿಲ್ಲುತ್ತಾನೆ. ಆಗ ಸೃಷ್ಟಿಯಾಗುವ ಕಥೆಯೇ ಗೋದ್ರಾ. ಇದರಲ್ಲೊಂದು ಪೊಲಿಟಿಕಲ್ ಥ್ರಿಲ್ಲರ್ ಮತ್ತು ಸೊಗಸಾದ ಲವ್ ಸ್ಟೋರಿ ಇದೆ ಎನ್ನುತ್ತಾರೆ ಸತೀಶ್.

    ನಂದೀಶ್ ನಿರ್ದೇಶನದ ಗೋದ್ರಾದಲ್ಲಿ ಶ್ರದ್ಧಾ ಶ್ರೀನಾಥ್ ನಾಯಕಿ. ಒಂದು ಔಟ್ & ಔಟ್ ಕಾಮಿಡಿ ಸಿನಿಮಾ ಕೊಟ್ಟಿದ್ದ ಸತೀಶ್, ಅದರ ಬೆನ್ನಲ್ಲೇ ಸಿಕ್ಕಾಪಟ್ಟೆ ಸೀರಿಯಸ್ ಮೂಲಕ ಪ್ರತ್ಯಕ್ಷವಾಗುತ್ತಿದ್ದಾರೆ.

  • ಕನ್ನಡದಲ್ಲಿ ತೆರೆಗೆ ಬರುತ್ತಿದೆ `ಗೋದ್ರಾ' - ಅದು ಗೋದ್ರಾ ಹತ್ಯಾಕಾಂಡದ ಕಥೇನಾ..?

    godhra image

    ಗೋದ್ರಾ ಹತ್ಯಾಕಾಂಡ. ಭಾರತದ ಇತಿಹಾಸದ ಕರಾಳ ಘಟನೆ. ಚಲಿಸುತ್ತಿದ್ದ ರೈಲಿಗೆ ಬೆಂಕಿ ಹಚ್ಚಿ, ರೈಲಿನಲ್ಲಿದ್ದ 50ಕ್ಕೂ ಹೆಚ್ಚು ಆರ್‍ಎಸ್‍ಎಸ್ ಕಾರ್ಯಕರ್ತರನ್ನು ಕೊಲ್ಲಲಾಗಿತ್ತು. ಅದಕ್ಕೆ ಪ್ರತಿಯಾಗಿ ನಡೆದ ಗೋದ್ರೋತ್ತರ ಹಿಂಸಾಚಾರವಂತೂ ಇನ್ನೂ ಭೀಕರವಾಗಿತ್ತು. ಈ ಕುರಿತು ಇದುವರೆಗೆ ಬಾಲಿವುಡ್ ಕೂಡಾ ಸಿನಿಮಾ ಮಾಡುವ ಸಾಹಸಕ್ಕೆ ಕೈ ಹಾಕಿಲ್ಲ. ಅಂಥಾದ್ದರಲ್ಲಿ ಕನ್ನಡದಲ್ಲಿ ಗೋದ್ರಾ ಎಂಬ ಹೆಸರಿನ ಚಿತ್ರವೊಂದು ಸೆಟ್ಟೇರುತ್ತಿದೆ.

    ನೀನಾಸಂ ಸತೀಶ್ ನಾಯಕರಾಗಿರುವ ಚಿತ್ರಕ್ಕೆ ಶ್ರದ್ಧಾ ಶ್ರೀನಾಥ್ ಹೀರೋಯಿನ್. ಜೇಕಬ್ ವರ್ಗಿಸ್ ಅವರ ಬಳಿ ಸಹಾಯಕರಾಗಿದ್ದ ನಂದೀಶ್ ಈ ಚಿತ್ರದ ನಿರ್ದೇಶಕ. ಅವರಿಗಿದು ಮೊದಲ ಪ್ರಯತ್ನ.

    ಗೋದ್ರಾ ಎಂಬ ಹೆಸರಿದ್ದರೂ, ಚಿತ್ರದ ಕಥೆಗೂ, ಗೋದ್ರಾ ಹತ್ಯಾಕಾಂಡಕ್ಕೂ ಸಂಬಂಧವಿಲ್ಲ ಎನ್ನುತ್ತಾರೆ ನಂದೀಶ್. ಆದರೆ, ತಮ್ಮ ಚಿತ್ರದ ಕಥೆಗೆ ಈ ಹೆಸರೇ ಸೂಕ್ತ ಎನ್ನುವ ಮೂಲಕ ಸಣ್ಣದೊಂದು ಗೊಂದಲ ಸೃಷ್ಟಿಸುತ್ತಾರೆ.

    ಇದು ಪೊಲಿಟಿಕಲ್ ಡ್ರಾಮಾ ಎನ್ನುತ್ತಾರೆ ಶ್ರದ್ಧಾ. ಇದುವರೆಗೆ ಇಂಥಾದ್ದೊಂದು ಪ್ರಬುದ್ಧ ಪಾತ್ರ ಸಿಕ್ಕಿರಲಿಲ್ಲ ಎನ್ನುತ್ತಾರೆ ನೀನಾಸಂ ಸತೀಶ್. ನೋಡೋಣ.. ಚಿತ್ರದಲ್ಲಿ ಇನ್ನೂ ಏನೇನಿರುತ್ತೋ..?

  • ಗೋದ್ರಾ ಟೀಸರ್ ಔಟ್ : ಎಂದೂ ಮುಗಿಯದ ಯುದ್ಧ

    godhra teaser out

    ನೀನಾಸಂ ಸತೀಶ್, ಶ್ರದ್ಧಾ ಶ್ರೀನಾಥ್ ಒಟ್ಟಿಗೇ ನಟಿಸಿರುವ ಮೊದಲ ಸಿನಿಮಾ ಗೋದ್ರಾ. ಎಂದೂ ಮುಗಿಯದ ಯುದ್ಧ ಅನ್ನೋದು ಟ್ಯಾಗ್‍ಲೈನ್. ಬಹುಕಾಲದ ನಿರೀಕ್ಷಿತ ಚಿತ್ರವಿದು. ಕಾರಣ ನಂ.1 ಚಿತ್ರದ ಟೈಟಲ್. ಏಕೆಂದರೆ, ಗೋದ್ರಾ ಅನ್ನೋ ಹೆಸರಿನಲ್ಲಿ ಭಾರತದ ಕರಾಳ ಇತಿಹಾಸವೊಂದು ಶಾಶ್ವತವಾಗಿ ನಿಂತಿದೆ. ಅಂಥಾದ್ದೊಂದು ಟೈಟಲ್ ಇಟ್ಟುಕೊಂಡು ಬರುತ್ತಿರುವ ಸಿನಿಮಾ ಕಥೆ ಏನಿರಬಹುದು ಅನ್ನೋ ಕುತೂಹಲ ಸಹಜವಾಗಿಯೇ ಇರುತ್ತೆ. ಚಿತ್ರದ ಟೀಸರ್ ಆ ಕುತೂಹಲವನ್ನು ಇನ್ನಷ್ಟು ಹೆಚ್ಚಿಸಿದೆ.

    ಅಲ್ಲಿ ರಾಜಕೀಯ, ಲವ್ ಸ್ಟೋರಿ, ನಕ್ಸಲ್ ಚಳವಳಿ, ಎಂಎನ್‍ಸಿಗಳ ವಿರುದ್ಧ ಹೋರಾಟ, ಹಿಂದುತ್ವದ ಕಿಚ್ಚು ಎಲ್ಲವೂ ಕಾಣಿಸುವ ಟೀಸರ್, ಕಥೆಯ ಒನ್ ಲೈನ್ ಗುಟ್ಟು ಬಿಟ್ಟುಕೊಟ್ಟಿಲ್ಲ.

    ಟೀಸರ್‍ನಲ್ಲಿ ಬರೋ ಖಡಕ್ ಡೈಲಾಗುಗಳು ರೋಮಾಂಚನ ಹುಟ್ಟಿಸುತ್ತವೆ. ನಿರ್ದೇಶಕ ಕೆ.ಎಸ್.ನಂದೀಶ್ ಭರವಸೆ ಹುಟ್ಟಿಸುತ್ತಾರೆ. ಜೇಕೋಬ್ ಫಿಲಂಸ್, ಲೀಡರ್ ಫಿಲಂಸ್ ಬ್ಯಾನರಿನಲ್ಲಿ ಬರುತ್ತಿರೋ ಚಿತ್ರದಲ್ಲಿ ಸತೀಶ್, ಶ್ರದ್ಧಾ ಜೊತೆಗೆ ಅಚ್ಯುತ್ ಕುಮಾರ್, ವಸಿಷ್ಠ ಸಿಂಹ ಪ್ರಧಾನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

  • ಗೋದ್ರಾಗೆ 4ನೇ ಸಂಗೀತ ನಿರ್ದೇಶಕ ಎಂಟ್ರಿ

    4th music director entera godhra

    ಒಂದು ಚಿತ್ರಕ್ಕೆ ಸಾಮಾನ್ಯವಾಗಿ ಎಷ್ಟು ಸಂಗೀತ ನಿರ್ದೇಶಕರಿರುತ್ತಾರೆ. ಕಾಮನ್ ಆಗಿ ಒಬ್ಬರು ಇರುತ್ತಾರೆ. ವಿಶೇಷ ಚಿತ್ರಗಳಲ್ಲಿ ಹಿನ್ನೆಲೆ ಸಂಗಿತಕ್ಕೇ ಒಬ್ಬರಿದ್ದರೆ, ಹಾಡುಗಳಿಗಾಗಿಯೇ ಮತ್ತೊಬ್ಬರಿರುತ್ತಾರೆ. ಅಫ್‍ಕೋರ್ಸ್.. ಕನ್ನಡದಲ್ಲಿ ಏಳೆಂಟು ಸಂಗೀತ ನಿರ್ದೇಶಕರನ್ನು ಒಂದೇ ಚಿತ್ರದಲ್ಲಿ ಬಳಸಿರುವ ದಾಖಲೆಯೂ ಇದೆ. ಆದರೆ, ಈ ನಿಟ್ಟಿನಲ್ಲಿ ಗೋದ್ರಾ ಡಿಫರೆಂಟ್ ಆಗಿ ಹೆಜ್ಜೆಯಿಟ್ಟಿದೆ. ಆ ಚಿತ್ರಕ್ಕೀಗ 4ನೇ ಸಂಗೀತ ನಿರ್ದೇಶಕ ಎಂಟ್ರಿ ಕೊಟ್ಟಿದ್ದಾರೆ.

    ಗೋದ್ರಾ ಘೋಷಣೆಯಾದಾಗ ಜೂಡಾ ಸ್ಯಾಂಡಿ ಒಬ್ಬರೇ ಮ್ಯೂಸಿಕ್ ಡೈರೆಕ್ಟರ್ ಅನ್ನೋ ಪ್ಲಾನ್ ಇತ್ತು. ಅದಾದ ಮೇಲೆ ಮಾಸ್ ಹಾಡೊಂದಕ್ಕೆ ನವೀನ್ ಸಜ್ಜು ಕೊಟ್ಟ ಮ್ಯೂಸಿಕ್ ಇಷ್ಟವಾಯ್ತು. ನಂತರ ಟೋನಿ ಜೋಸೆಫ್ ಕೇಳಿಸಿದ ಟ್ಯೂನುಗಳು ಇಷ್ಟವಾದವು. ಅದಾದ ಮೇಲೆ ಚಿತ್ರಕ್ಕೆ ಬ್ಯಾಕ್‍ಗ್ರೌಂಡ್ ಮ್ಯೂಸಿಕ್ ರಾ ಇರಬೇಕು ಎನ್ನಿಸಿತು. ಹೀಗಾಗಿ ಕೆಪಿ (ಕೃಷ್ಣಪ್ರಸಾದ್) ಅವರನ್ನು ಕರೆತರಲಾಯ್ತು ಎಂದಿದ್ದಾರೆ ನಿರ್ದೇಶಕ ನಂದೀಶ್.

    ನೀನಾಸಂ ಸತೀಶ್, ಶ್ರದ್ಧಾ ಶ್ರೀನಾಥ್ ಅಭಿನಯದ ಚಿತ್ರದ ಶೂಟಿಂಗ್ ಮುಗಿದಿದ್ದು, ರೀ ರೆಕಾರ್ಡಿಂಗ್ ನಡೆಯುತ್ತಿದೆ. ಪ್ಲಾನ್ ಪ್ರಕಾರವೇ ಎಲ್ಲವೂ ನಡೆದರೆ ಮೇ ತಿಂಗಳಲ್ಲಿ ಗೋದ್ರಾ ರಿಲೀಸ್ ಆಗಬಹುದು.

  • ಗೋದ್ರಾದಲ್ಲಿ ವಾಜಪೇಯಿ ಬಂದಿರೋದೇಕೆ..?

    why was vajpaye's statement mentioned in godhra

    ನೀನಾಸಂ ಸತೀಶ್ ಅಭಿನಯದ ಗೋದ್ರಾ ಚಿತ್ರದ ಮೋಷನ್ ಪೋಸ್ಟರ್ ಸಾಕಷ್ಟು ಕುತೂಹಲ ಹುಟ್ಟಿಸಿದೆ. ಪೋಸ್ಟರ್ ಶುರುವಾಗುವುದೇ ವಾಜಪೇಯಿ ಅವರ ಪ್ರಖ್ಯಾತ ಹೇಳಿಕೆಯೊಂದಿಗೆ. ಜಾತ್ಯತೀತವಾಗಿಲ್ಲದೇ ಇದ್ದರೆ, ಅದು ಭಾರತವೇ ಅಲ್ಲ ಎಂಬ ಘೋಷದೊಂದಿಗೆ.

    ಅಚ್ಯುತ್ ಕುಮಾರ್, ವಸಿಷ್ಠ ಸಿಂಹ, ಶ್ರದ್ಧಾ ಶ್ರೀನಾಥ್, ಸೋನು ಗೌಡ, ರಕ್ಷಾ ಸೋಮಶೇಖರ್.. ಎಲ್ಲರ ಲುಕ್ ಪರಿಚಯವೂ ಮೋಷನ್ ಪೋಸ್ಟರ್‍ನಲ್ಲಿ ಸಿಗುತ್ತೆ. ಆದರೆ.. ವಾಜಪೇಯಿ ಬಂದಿದ್ದೇಕೆ, ಎಮರ್ಜೆನ್ಸಿ ಪ್ರಸ್ತಾಪ ಏಕೆ.. ಎಂಬ ಕುತೂಹಲಗಳು ಹಾಗೆಯೇ ಉಳಿದುಬಿಡುತ್ತವೆ.

    ಕೆ.ಎಸ್.ನಂದೀಶ್ ನಿರ್ದೇಶನದ ಗೋದ್ರಾ ಚಿತ್ರಕ್ಕೆ ಜಾಕಬ್ ಫಿಲ್ಮ್ಸ್ ಮತ್ತು ಲೀಡರ್ ಫಿಲ್ಮ್ಸ್ ನಿರ್ಮಾಪಕರು.

     

  • ಡಬ್ಬಿಂಗ್ ಮುಗಿಸಿದ ಗೋದ್ರಾ

    godhra dubbing completes

    ನೀನಾಸಂ ಸತೀಶ್ ಮತ್ತು ಶ್ರದ್ಧಾ ಶ್ರೀನಾಥ್ ಅಭಿನಯದ ಗೋದ್ರಾ ಚಿತ್ರ ಡಬ್ಬಿಂಗ್ ಮುಗಿಸಿದೆ. ವ್ಯವಸ್ಥೆಯಲ್ಲಿದ್ದುಕೊಂಡೇ ಆ ವ್ಯವಸ್ಥೆ ವಿರುದ್ಧ ಬಂಡೇಳುವ ಹೋರಾಟಗಾರನ ಕಥೆ ಗೋದ್ರಾದಲ್ಲಿದೆ. ಚಿತ್ರದ ಡಬ್ಬಿಂಗ್ ಮುಗಿದಿದ್ದು, ಒಂದು ಹಾಡಿನ ಚಿತ್ರೀಕರಣ ಬಾಕಿಯಿದೆ.

    ಚಿತ್ರದ ನಾಯಕನ ಇಂಟ್ರೊಡಕ್ಷನ್‌ಗಾಗಿ ಜೈ ಬೋಲೋ.. ಜೈ ಜೈ ಬೋಲೋ.. ಜೈಜೈ ಹನುಮಾನ್. ಅಂದ್ಕೊAಡAತೆ ಆಗೋದಿಲ್ಲ ಮನುಷ್ಯನ ಜನ್ಮ ಅನ್ನೋ ಹಾಡಿನ ಚಿತ್ರೀಕರಣ ಆಗಬೇಕಿದೆ.

    ಸತೀಶ್ ಮತ್ತು ಶ್ರದ್ಧಾ ಇಬ್ಬರೂ ಚಿತ್ರದಲ್ಲಿ ಪತ್ರಿಕೋದ್ಯಮ ವಿದ್ಯಾರ್ಥಿಗಳು. ಸತೀಶ್ ಸುಭಾಶ್ ಹೆಸರಿನ ಪಾತ್ರದಲ್ಲಿದ್ದರೆ, ಶ್ರದ್ಧಾ ಸತೀಶ್ ಸಂಗಾತಿ. ಕೆ.ಎಸ್. ನಂದೀಶ್ ನಿರ್ದೇಶನದ ಚಿತ್ರಕ್ಕೆ ಜಾಕೊಬ್ ಫಿಲಂಸ್ ಮತ್ತು ಲೀಡರ್ ಫಿಲಂಸ್ ನಿರ್ಮಾಪಕರು.

  • ಬಾಂಬ್ ಬ್ಲಾಸ್ಟ್ - ನಟ ನೀನಾಸಂ ಸತೀಶ್​ಗೆ ಗಾಯ

    sathish neenasam injured

    ಗೋದ್ರಾ ಚಿತ್ರದ ಚಿತ್ರೀಕರಣದ ವೇಳೆ ನಟ ನೀನಾಸಂ ಸತೀಶ್ ಗಾಯಗೊಂಡಿದ್ದಾರೆ. ಬಾಂಬ್ ಬ್ಲಾಸ್ಟ್  ದೃಶ್ಯದ ಚಿತ್ರೀಕರಣದ ವೇಳೆ ಜೀಪ್ ಕಿಟಕಿ ಗಾಜು ಒಡೆದು ನಟ ಸತೀಶ್​ಗೆ ಗಾಯಗೊಂಡಿದ್ದಾರೆ. ಕುಕ್ಕೆ ಸುಬ್ರಮಣ್ಯದಲ್ಲಿ  ಗೋದ್ರಾ ಸಿನಿಮಾ ಚಿತ್ರೀಕರಣ ನಡೆಯುತ್ತಿತ್ತು. ವಿನೋದ್ ಮಾಸ್ಟರ್ ನಿರ್ದೇಶನದಲ್ಲಿ ಸಾಹಸ ದೃಶ್ಯಗಳನ್ನು ಶೂಟ್ ಮಾಡಲಾಗುತ್ತಿತ್ತು. ಮುಂಜಾಗ್ರತಾ ಕ್ರಮಗಳನ್ನು ಕೈಗೊಳ್ಳಲಾಗಿತ್ತಾದರೂ, ಅವಘಡ ಸಂಭವಿಸಿದೆ.

    ಅದು ಜೀಪ್​ನಲ್ಲಿ ಸತೀಶ್ ಡ್ರೈವ್ ಮಾಡಿಕೊಂಡು ಹೋಗುವಾಗ ಬಾಂಬ್ ಸ್ಫೋಟಿಸುವ ದೃಶ್ಯದ ಚಿತ್ರೀಕರಣ. ಬ್ಲಾಸ್ಟ್ ಆದಾಗ ಜೀಪ್ ಕಿಟಕಿ ಗಾಜು ಹೊಡೆದು ಸತೀಶ್  ಬಲಭಾಗದ ಹೊಟ್ಟೆಗೆ ಚುಚ್ಚಿಕೊಂಡಿದೆ. ನೀನಾಸಂ ಸತೀಶ್ ಸದ್ಯ ಸುಳ್ಯದ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಡ್ಯೂಪ್ ಬಳಸಿಕೊಳ್ಳುವ ಅವಕಾಶವಿದ್ದರೂ, ಡ್ಯೂಪ್ ಇಲ್ಲದೆ ಸಾಹಸದಲ್ಲಿ ಪಾಲ್ಗೊಂಡಿದ್ದು ಕೂಡಾ ಅಪಘಾತಕ್ಕೆ ಕಾರಣ. ನೀನಾಸಂ ಸತೀಶ್​ಗೆ ಯಾವುದೇ ತೀವ್ರ ಅಪಾಯ ಸಂಭವಿಸಿಲ್ಲ.

  • ಶ್ರದ್ಧಾ ಜೊತೆ ನೀನಾಸಂ ಸತೀಶ್ ಡ್ಯಾನ್ಸ್

    godhra movie shooting completed

    ನೀನಾಸಂ ಸತೀಶ್ ಅಭಿನಯದ ಗೋದ್ರಾ ಚಿತ್ರದ ಶೂಟಿಂಗ್ ಮುಕ್ತಾಯವಾಗಿದೆ. ಸುದೀರ್ಘ ಅವಧಿಯವರೆಗೆ ನಡೆದ ಶೂಟಿಂಗ್‍ನ್ನು ಮುಗಿಸಿದ ಸಿನಿಮಾ, ಪೋಸ್ಟ್ ಪ್ರೊಡಕ್ಷನ್ ಹಂತ ತಲುಪಿದೆ. ಆಂಧ್ರಪ್ರದೇಶದಲ್ಲಿ ಚಿತ್ರದ ಹಾಡಿನ ಚಿತ್ರೀಕರಣ ಮುಗಿಸಿದ್ದಾರೆ ನಿರ್ದೇಶಕ ನಂದೀಶ್.

    ಚಿತ್ರದಲ್ಲಿ ಸತೀಶ್ ನಕ್ಸಲ್ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದು, ಶ್ರದ್ಧಾ ಶ್ರೀನಾಥ್ ನೀನಾಸಂ ಸತೀಶ್‍ಗೆ ಜೋಡಿಯಾಗಿದ್ದಾರೆ. 

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery