` troll - chitraloka.com | Kannada Movie News, Reviews | Image

troll

  • ಅಲೆಲೆಲೆಲೆ ಪುಟ್‍ಗೌರಿ.. ಏನೂ ಆಗ್ಲಿಲ್ವಾ..?

    puttagowri trolles creates trend

    ಪುಟ್ಟ ಗೌರಿ ಬೆಟ್ಟದಿಂದ ಬಿದ್ದಳು. ಮೇಕಪ್ ಹಾಳಾಗಲಿಲ್ಲ. ಮರ ಹತ್ತಿದರೂ, ಸೀರೆಯ ನೆರಿಗೆ ಕದಲಲಿಲ್ಲ. ಮಂತ್ರ ಹೇಳಿ ಕಚ್ಚಲು ಬಂದಿದ್ದ ಹಾವನ್ನೇ ಓಡಿಸಿದ ಜಗತ್ತಿನ ಏಕೈಕ ದಿಟ್ಟ ಹೆಣ್ಣು ಪುಟ್ಟ ಗೌರಿ.

    ಎಷ್ಟೇ ತುಳಿದರೂ ಬೆಳೆಯುತ್ತಂತೆ ಹುಲ್ಲು. ಆದರೂ ಮುಗಿಯಲ್ಲ ಪುಟ್ಟಗೌರಿ ಸೀರಿಯಲ್ಲು.  ಹುಲಿ ತಿನ್ನಾಕ ಪುಟ್‍ಗೌರಿ ಕಾಡಿಗೆ ಹೋಗ್ಯಾಳ. ಮೊದ್ಲಾ ನಮ್ ದೇಶದಾಗ ಹುಲಿಗಳ ಸಂಖ್ಯೆ ಕಡ್ಮಿ ಐತಿ. ಹುಲಿ ತಿನ್‍ಬ್ಯಾಡಾ ಅಂತಾ ಗೌರಿಗೆ ಹೇಳ್ರಪ್ಪೋ.. ಮರದಲ್ಲಿ ನೇತಾಡುತ್ತಿರುವ ಪುಟ್ಟಗೌರಿಯನ್ನು ರಕ್ಷಿಸಲು ಯಾರಾದರೂ ತಲುಪುವವರೆಗೂ ಫೇಸ್‍ಬುಕ್‍ನಲ್ಲಿ, ವಾಟ್ಸಪ್‍ನಲ್ಲಿ ಫೋಟೋ ಶೇರ್ ಮಾಡಿ. 

    ಇದೆಲ್ಲ ಪುಟ್‍ಗೌರಿ ನೋಡಿದ ಪ್ರೇಕ್ಷಕರು ಶಾಕ್‍ನಲ್ಲಿ ಕೊಡ್ತಾ ಇರೋ ಹೇಳಿಕೆಗಳು. ಬಹುಶಃ ಪುಟ್ಟಗೌರಿ ಸೀರಿಯಲ್‍ನಷ್ಟು ಟ್ರೋಲ್ ಆದ ಇನ್ನೊಂದು ಸೀರಿಯಲ್ ಇತ್ತೀಚೆಗೆ ಇರಲಿಲ್ಲ. ಈಗ ಸದ್ಯಕ್ಕೆ ಪುಟ್ಟಗೌರಿ ಕಾಡಿನಲ್ಲಿದ್ದಾಳೆ. ಪ್ರೇಕ್ಷಕರು ಶಾಕ್‍ನಲ್ಲಿದ್ದಾರೆ. ಇದು ಪುಟ್‍ಗೌರಿ ಮದುವೆ ಅನ್ನೋದು ಸೀರಿಯಲ್‍ನ ಟೈಟಲ್ ಸಾಂಗ್ ಅಷ್ಟೇ ಅಲ್ಲ, ಟ್ರೋಲ್ ಹೈಕ್ಳ ರಾಷ್ಟ್ರಗೀತೆಯೂ ಆಗಿಬಿಟ್ಟಿದೆ.

  • ದರ್ಶನ್ ಅಂದ್ರೆ ಬಿಲ್ಡಪ್ - ಸಂಜನಾ

    sanjana chidanand darshan image

    ಇತ್ತೀಚೆಗಷ್ಟೇ ಕಲರ್ಸ ಕನ್ನಡ ವಾಹಿನಿಯ ಸೂಪರ್ ಟಾಕ್ ಟೈಂ ಶೋನಲ್ಲಿ ಶೋ ಅಫ್ ಎಂದರೆ ಯಶ್ ನೆನಪಾಗ್ತಾರೆ ಎಂದು ಹೇಳಿದ್ದ ರಶ್ಮಿಕಾ, ಯಶ್ ಅಭಿಮಾನಿಗಳ ಕಟು ಟೀಕೆಗೆ ಗುರಿಯಾಗಿದ್ದರು. ನಂತರ ಅವರು ಕ್ಷಮೆ ಕೇಳಿದ್ದು, ಯಶ್ ಕೂಡಾ ಮಧ್ಯ ಪ್ರವೇಶಿಸಿ ಅಭಿಮಾನಿಗಳನ್ನು ಶಾಂತರಾಗಿಸಿದ್ದು ಈಗ ಮುಗಿದ ಅಧ್ಯಾಯ. ಈಗ ಅಂತಾದ್ದೇ ವಿವಾದ ಮೈಮೇಲೆಳೆದುಕೊಂಡಿದ್ದಾರೆ ನಟಿ ಸಂಜನಾ. ಈ ಸಂಜನಾ ಗಂಡ ಹೆಂಡತಿ ಖ್ಯಾತಿಯ ಸಂಜನಾ ಅಲ್ಲ. ಇತ್ತೀಚೆಗೆ ಬಿಗ್ಬಾಸ್ ಮೂಲಕ ಖ್ಯಾತಿಗೆ ಬಂದ ಸಂಜನಾ. 

    ಪ್ರಥಮ್ ಮತ್ತು ಭುವನ್ ನಡುವಿನ ಜಗಳದಲ್ಲಿ ಪದೇ ಪದೇ ಪ್ರಸ್ತಾಪವಾಗಿದ್ದ ಹೆಸರು ಈ ಸಂಜನಾ ಅವರದ್ದು. ಈ ಸಂಜನಾ ಅದೇ ಕಲರ್ಸ ವಾಹಿನಿಯ ಸೂಪರ್ ಟಾಕ್ ಟೈಂ ಶೋನಲ್ಲಿ ಅಕುಲ್ ಬಾಲಾಜಿಯ ರ್ಯಾಪಿಡ್ ಪ್ರಶ್ನೆಗಳಿಗೆ ಉತ್ತರ ಕೊಡುತ್ತಿದ್ದರು. ಹಾಗೆ ಉತ್ತರ ಕೊಡುವಾಗ ಬಿಲ್ಡಪ್ ಎಂದರೆ ಯಾರು ನೆನಪಾಗ್ತಾರೆ ಎಂದು ಹೇಳಬೇಕಿತ್ತು. ಆಗ ಸಂಜನಾ ಕೊಟ್ಟಿರುವ ಉತ್ತರ ದರ್ಶನ್ ಅವರದ್ದು.

    ಕಾರ್ಯಕ್ರಮ ಪ್ರಸಾರವಾಗಿದ್ದೇ ತಡ. ದರ್ಶನ್ ಅಭಿಮಾನಿಗಳು ಸಂಜನಾ ಅವರ ವಿರುದ್ಧ ಅಭಿಯಾನವನ್ನೇ ಆರಂಭಿಸಿಬಿಟ್ಟಿದ್ದಾರೆ. ಸಂಜನಾ ಅವರನ್ನು ಟ್ರೋಲ್ ಮಾಡುತ್ತಿದ್ದಾರೆ. ನಟಿ ಸಂಜನಾ ದರ್ಶನ್ ಅವರ ಕ್ಷಮೆ ಕೇಳಬೇಕು ಎಂದು ಒತ್ತಾಯಿಸುತ್ತಿದ್ದಾರೆ.

    ನಾನು ನನ್ನ ಅಭಿಪ್ರಾಯ ಹೇಳಿದ್ದೇನೆ. ನನಗೆ ಆ ಸ್ವಾತಂತ್ರ್ಯವಿದೆ ಎನ್ನುವುದು ಕಾಲೆಳೆದವರಿಗೆ ಸಂಜನಾ ಕೊಟ್ಟಿರುವ ಉತ್ತರ.

     

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery