The team of 'Kotigobba 3' has headed for Poland to shoot major portions of the film. A 60 member team including Sudeep has travelled to Poland for the shooting. The team will be shooting in Varsa city for 15 days, where in some major portions including some fight sequences will be shot there.

This is the second time the team is flying to a foreign location for the shooting of the film. Earlier, the team including Sudeep, Monica Sebastian, Aftab Shivadasani and others shot in Serbia in  for 25 days. June 2018. After that, the team returned back to India and shot in Bangalore, Hyderabad and other places.

'Kotigobba 3' is being produced by Soorappa Babu and directed by Shiva Karthik. Shekhar Chandru is the cameraman, while Arjuna Janya is the music director.

Sudeep's new film 'Kotigobba 3' which is being produced by Soorappa Babu and directed by Shiva Karthik was launched on Friday in Bangalore.

The launch event was attended by well known producers like Muniratna, Rockline Venkatesh, Ramesh and others. Sudeep's wife Priya was also presented at the occasion and lighted the lamp. While, Muniratna sounded the clap for the first shot, Sudeep's father Sarovar Sanjeev switched on the camera.

Though 'Kotigobba 3' has been launched, the shooting for the film will start from this month end. Shekhar Chandru is the cameraman, while Arjuna Janya is the music director. Heroine and other artistes are yet to be finalized.

ಕಿಚ್ಚ ಸುದೀಪ್ ಅಭಿನಯದ ಕೋಟಿಗೊಬ್ಬ 3 ಚಿತ್ರದ ರಿಲೀಸ್ ಡೇಟ್ ಅನೌನ್ಸ್ ಆಗುತ್ತಿದ್ದಂತೆಯೇ, ಚಿತ್ರದ ಪ್ರಮೋಷನ್ ಕೂಡಾ ಜೋರಾಗುತ್ತಿದೆ. ಅಕ್ಟೋಬರ್ 7ರಂದು ಸಂಜೆ 5 ಗಂಟೆಗೆ ಕೋಟಿಗೊಬ್ಬ 3 ಚಿತ್ರದ ಟ್ರೇಲರ್ ರಿಲೀಸ್ ಆಗುತ್ತಿದೆ. ಇದೂವರೆಗೆ ಚಿತ್ರದ 2 ಟೀಸರ್ ಹೊರಬಿದ್ದಿವೆ. ಅಕ್ಟೋಬರ್ 10ರಂದ ಬೆಂಗಳೂರಿನಲ್ಲಿಯೇ ಚಿತ್ರದ ಪ್ರಿ ರಿಲೀಸ್ ಈವೆಂಟ್ ನಡೆಯಲಿದೆ.

ಶಿವಕಾರ್ತಿಕ್ ನಿರ್ದೇಶನದ ಕೋಟಿಗೊಬ್ಬ 3 ಚಿತ್ರದಲ್ಲಿ ಸುದೀಪ್ ಹೀರೋ ಆದರೆ, ಮಡೋನ್ನಾ ಸೆಬಾಸ್ಟಿಯನ್ ನಾಯಕಿ. ರವಿಶಂಕರ್, ಶ್ರದ್ಧಾ ದಾಸ್, ಅಫ್ತಾಬ್ ಶಿವದಾಸನಿ, ಡ್ಯಾನಿಷ್ ಅಖ್ತರ್ ನಟಿಸಿರುವ ಚಿತ್ರವಿದು. ಒಂದು ಹಾಡಿನಲ್ಲಿ ಚುಟು ಚುಟು ಅಶಿಕಾ ರಂಗನಾಥ್ ಪಟಾಕಿ ಸಿಡಿಸಿದ್ದರೆ, ಇನ್ನೊಂದು ಐಟಂ ಸಾಂಗ್‍ನಲ್ಲಿ ಸನ್ನಿ ಲಿಯೋನ್ ಸೊಂಟ ಬಳುಕಿಸಿದ್ದಾರೆ. ಮಂಗಳವಾರ ಕೋಟಿಗೊಬ್ಬ 3 ಸೆನ್ಸಾರ್ ಆಗಲಿದೆ ಎಂದು ತಿಳಿಸಿದ್ದಾರೆ ನಿರ್ಮಾಪಕ ಸೂರಪ್ಪ ಬಾಬು.

ಅವನ ಇಡೀ ಕಥೆ ಹೇಳೋದು ರವಿಶಂಕರ್. ಅದೇ.. ಕೋಟಿಗೊಬ್ಬ 2ನಲ್ಲಿ ಮಂಗ ಆಗಿ ಜೈಲು ಸೇರಿರ್ತಾನಲ್ಲ.. ಅದೇ ಪೊಲೀಸ್ ಆಫೀಸರ್ ರವಿಶಂಕರ್. ಅವನೊಬ್ಬ ಇಂಟರ್ ನ್ಯಾಷನಲ್ ಕಿಲಾಡಿ ಸರ್, ನಾನು ಆಗಲೇ ಹೇಳಿದ್ದರೂ ಯಾರೂ ನಂಬಿರಲಿಲ್ಲ ಎನ್ನುತ್ತಾ ಕಥೆ ಶುರು ಹಚ್ಚಿಕೊಳ್ತಾನೆ. ಕಿಚ್ಚ ಸ್ಟೈಲಿಷ್ ಆಗಿ ಕಾಣಿಸಿಕೊಂಡು ಬೆರಗು ಹುಟ್ಟಿಸಿದ್ರೆ, ಸ್ಟಂಟುಗಳು ಮೈನವಿರೇಳಿಸುತ್ತವೆ. ಇದು ಕೋಟಿಗೊಬ್ಬ 3 ಟೀಸರ್ ಕೊಟ್ಟಿರೋ ಸಣ್ಣ ಝಲಕ್.

ಮಲ್ಲು ಚೆಲುವೆ ಮಡೋನ್ನಾ ಸೆಬಾಸ್ಟಿಯನ್ ಹೀರೋಯಿನ್. ಕೋಟಿಗೊಬ್ಬ 2 ಮುಂದುವರಿದ ಭಾಗ ಅಂದ್ರೆ ನಿತ್ಯಾ ಮೆನನ್ ಇರಬೇಕಿತ್ತಲ್ಲವಾ ಎಂದೆನ್ನಿಸಬಹುದೇನೋ.. ಅದಕ್ಕೆ ನಿರ್ದೇಶಕ ಶಿವ ಕಾರ್ತಿಕ್ ಉತ್ತರ ಕೊಡೋದಿರಲಿ, ಸುಳಿವನ್ನೂ ಕೊಡೋದಿಲ್ಲ. ಕಿಚ್ಚನ ಜೊತೆ ಬರೋ ಆ ಮಗು ಯಾರು..? ಹುಳ ಬಿಟ್ಟಂಗೆ ಬಿಟ್ಟು ಟೀಸರ್ ಮುಗಿಸ್ತಾರೆ ಶಿವಕಾರ್ತಿಕ್.

ಸೂರಪ್ಪ ಬಾಬು ನಿರ್ಮಾಣದ ಕೋಟಿಗೊಬ್ಬ 3 ಟೀಸರ್ ಅದ್ಧೂರಿಯಾಗಿದೆ. ಬೇಸಗೆಯ ರಜಕ್ಕೇ ಬರ್ತಾನಂತೆ ಕೋಟಿಗೊಬ್ಬ. ಅಂದಹಾಗೆ.. ರವಿಶಂಕರ್ ಹೇಳೋ ಕೊನೆ ಡೈಲಾಗ್ ಏನ್ ಗೊತ್ತಾ.. ಅವನು ಇಬ್ಬರಲ್ಲ ಸಾರ್.. ಒಬ್ಬನೇ.. 

ಕೊರೋನಾ ಬಾರದೇ ಹೋಗಿದ್ದರೆ ಕೋಟಿಗೊಬ್ಬ 3 ಇಷ್ಟು ಹೊತ್ತಿಗೆ ಥಿಯೇಟರಿನಲ್ಲಿ ಪ್ರತ್ಯಕ್ಷವಾಗಿರುತ್ತಿತ್ತು. ಈಗ ಎಲ್ಲವೂ ನಿರಾಸೆ.. ಯಾವ ಸಿನಿಮಾಗಳು ಕೂಡಾ ಇಲ್ಲ. ಇಂಥ ಹೊತ್ತಲ್ಲಿಯೇ ಒಂದು ಗುಡ್ ನ್ಯೂಸ್ ಕೊಟ್ಟಿದೆ ಕೋಟಿಗೊಬ್ಬ 3.

ಏಪ್ರಿಲ್ 27ರಂದು ಆಕಾಶವೇ ಆರಾಧಿಸುವ.. ಹಾಡು ರಿಲೀಸ್ ಆಗಲಿದೆ. ಈ ಲಿರಿಕಲ್ ವಿಡಿಯೋ ಸಾಂಗ್‍ಗೆ ಅರ್ಜುನ್ ಜನ್ಯ ಸಂಗೀತವಿದ್ದು, ಸಾಹಿತ್ಯ ನಾಗೇಂದ್ರ ಪ್ರಸಾದ್ ಅವರದ್ದು.

ಸುದೀಪ್ ಅಭಿಮಾನಿಗಳು ತುದಿಗಾಲಲ್ಲಿ ನಿಂತು ಕಾಯುತ್ತಿರುವ ಚಿತ್ರವಿದು. ಏ.27ರಂದು ಬೆಳಗ್ಗೆ 10 ಗಂಟೆಗೆ ಆನಂದ್ ಆಡಿಯೋದಲ್ಲಿ ಚಿತ್ರದ ಲಿರಿಕಲ್ ವಿಡಿಯೋ ರಿಲೀಸ್ ಆಗಲಿದೆ. ಸೂರಪ್ಪ ಬಾಬು ನಿರ್ಮಾಣದ ಚಿತ್ರಕ್ಕೆ ಶಿವ ಕಾರ್ತಿಕ್ ನಿರ್ದೇಶನವಿದೆ. ಮಡೋನ್ನಾ ಸೆಬಾಸ್ಟಿಯನ್ ನಾಯಕಿಯಾಗಿರುವ ಚಿತ್ರದಲ್ಲಿ ಅಫ್ತಾಬ್ ಶಿವದಾಸನಿ, ರವಿಶಂಕರ್ ಕೂಡಾ ನಟಿಸಿದ್ದಾರೆ.

ಕಿಚ್ಚ ಸುದೀಪ್‍ಗೆ ಹುಟ್ಟುಹಬ್ಬ. ಅಭಿಮಾನಿಗಳಿಗೆ ಕಿಚ್ಚನ ಹಬ್ಬ. ಈ ಬಾರಿಯ ಹಬ್ಬಕ್ಕೆ ಎರಡು ಚಿತ್ರಗಳ ನಿರ್ಮಾಪಕರು, ವಿಶೇಷ ಟೀಸರ್‍ವೊಂದನ್ನು ಬಿಡುಗಡೆ ಮಾಡಿ ಶುಭ ಕೋರಿದ್ದಾರೆ.

ಹೆಬ್ಬುಲಿ ನಿರ್ದೇಶಿಸಿದ್ದ ಕೃಷ್ಣ, ಸುದೀಪ್ ಅವರಿಗಾಗಿ ಪೈಲ್ವಾನ್ ಸಿನಿಮಾ ಮಾಡುತ್ತಿದ್ದಾರೆ. ಇದೇ ಮೊದಲ ಬಾರಿಗೆ ಸುದೀಪ್ ಕಟ್ಟುಮಸ್ತಾದ ಹುರಿಗಟ್ಟಿದ ದೇಹದಲ್ಲಿ ಕಾಣಿಸಿಕೊಂಡಿದ್ದಾರೆ. ಸ್ವಪ್ನ ಕೃಷ್ಣ ನಿರ್ಮಾಣದ ಪೈಲ್ವಾನ್ ಟೀಸರ್‍ನಲ್ಲಿ ಸುದೀಪ್ ಅವರನ್ನು ನೋಡುವುದೇ ಒಂದು ಸೊಗಸು.

ಇನ್ನು ಕೋಟಿಗೊಬ್ಬ3 ಚಿತ್ರದ ಟೀಸರ್ ಕೂಡಾ ಹೊರಬಿದ್ದಿದೆ. ಸಸ್ಪೆನ್ಸ್ ಥ್ರಿಲ್ಲರ್ ಎನ್ನುವುದು ಮೇಲ್ನೋಟಕ್ಕೇ ಗೊತ್ತಾಗುವಂತಿದೆ. ಚಿಮ್ಮಿದ ನಾಣ್ಯದಲ್ಲಿ ಸುದೀಪ್ ಮುಖ ಬರುವಂತೆ ಮಾಡಿರುವ ಟೀಸರ್, ಮೆಚ್ಚುವಂತಿದೆ.

ಇನ್ನು ತೆಲುಗಿನ ಸೈರಾ ನರಸಿಂಹರೆಡ್ಡಿ ಚಿತ್ರ ತಂಡವೂ ಕೂಡಾ ಸುದೀಪ್ ಅವರ ಪೋಸ್ಟರ್‍ನ್ನು ರಿಲೀಸ್ ಮಾಡಿ ಶುಭ ಕೋರಿದೆ. ಚಿರಂಜೀವಿ ಅವರು ಪ್ರಧಾನ ಪಾತ್ರದಲ್ಲಿರೋ ಸ್ವಾತಂತ್ರ್ಯ ಹೋರಾಟಗಾರನ ಕಥೆ ಹೊಂದಿರುವ ಚಿತ್ರದಲ್ಲಿ ಸುದೀಪ್, ಸೈರಾಗೆ ನೆರವು ನೀಡುವ ರಾಜನೊಬ್ಬನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

ಕಿಚ್ಚ ಸುದೀಪ್ ಅಭಿನಯದ ಕೋಟಿಗೊಬ್ಬ 3 ಚಿತ್ರದ ಹಾಡಿನಲ್ಲಿ ಚುಟು ಚುಟು ಖ್ಯಾತಿಯ ಅಶಿಕಾ ರಂಗನಾಥ್ ಕುಣಿದು ಕುಪ್ಪಳಿಸಿದ್ದಾರೆ. ಸುದೀಪ್ ಅವರ ಇಂಟ್ರೊಡಕ್ಷನ್ ಸಾಂಗ್‍ನಲ್ಲಿ ಅಶಿಕಾ ಹೆಜ್ಜೆ ಹಾಕಿದ್ದಾರೆ. ಕಂಠೀರವ ಸ್ಟುಡಿಯೋದಲ್ಲಿ ಹಾಡಿಗಾಗಿಯೇ ಅದ್ಧೂರಿ ಸೆಟ್ ಹಾಕಲಾಗಿದೆ. ಇಲ್ಲಿ ನಡೆಯುತ್ತಿರುವ ಹಾಡಿಗೆ ರಾಜು ಸುಂದರಂ ನೃತ್ಯ ನಿರ್ದೇಶನವಿದೆ.

ಸೂರಪ್ಪ ಬಾಬು ನಿರ್ಮಾಣದ ಚಿತ್ರಕ್ಕೆ ಶಿವ ಕಾರ್ತಿಕ್ ನಿರ್ದೇಶಕ. ಈ ಹಾಡಿನ ಶೂಟಿಂಗ್ ಮುಗಿದರೆ, ಕೋಟಿಗೊಬ್ಬ 3 ಚಿತ್ರದ ಚಿತ್ರೀಕರಣ ಸಂಪೂರ್ಣ ಮುಗಿಯಲಿದೆ. ಸುದೀಪ್ ಎದುರು ಮಡೋನ್ನಾ ಸೆಬಾಸ್ಟಿಯನ್ ನಾಯಕಿಯಾಗಿ ನಟಿಸಿದ್ದಾರೆ. ಶ್ರದ್ಧಾ ದಾಸ್, ಅಫ್ತಾಬ್ ಶಿವದಾಸನಿ ಪ್ರಧಾನ ಪಾತ್ರಗಳಲ್ಲಿದ್ದಾರೆ.

ಕಿಚ್ಚ ಸುದೀಪ್ ಚಿತ್ರರಂಗಕ್ಕೆ ಪ್ರವೇಶಿಸಿ 25 ವರ್ಷಗಳಾಗಿದ್ದನ್ನು ವಿಕ್ರಾಂತ್ ರೋಣ ತಂಡ ದೊಡ್ಡಮಟ್ಟದಲ್ಲಿ ಸಂಭ್ರಮಿಸಿತು. ದುಬೈನ ಭುರ್ಜ್ ಖಲೀಫಾದಲ್ಲಿ ದಾಖಲೆಯನ್ನೂ ಬರೆಯಿತು. ಇದಾದ ನಂತರ ಸುದೀಪ್ ಅವರ 25ನೇ ವರ್ಷದ ಜರ್ನಿಯನ್ನು ಪತ್ರಿಕೆ ಮತ್ತು ಟಿವಿ ಚಾನೆಲ್‍ಗಳಲ್ಲಿ ವಿಶೇಷವಾಗಿ ಸೆಲಬ್ರೇಟ್ ಮಾಡಲಾಯ್ತು. ಈಗ ಕೋಟಿಗೊಬ್ಬ 3 ತಂಡದ ಸರದಿ.

ಕೋಟಿಗೊಬ್ಬ 3 ನಿರ್ಮಾಪಕ ಸೂರಪ್ಪ ಬಾಬು, ಸುದೀಪ್ ಬೆಳ್ಳಿಹಬ್ಬವನ್ನು ಸ್ಪೆಷಲ್ ಆಗಿಯೇ ಸೆಲಬ್ರೇಟ್ ಮಾಡುತ್ತಿದ್ದಾರೆ. ಮಾರ್ಚ್ 15ಕ್ಕೆ ಡೇಟ್ ಫಿಕ್ಸ್ ಆಗಿದೆ. ಸ್ಥಳ ಚೌಡಯ್ಯ ಮೆಮೋರಿಯಲ್ ಹಾಲ್. ಕಾರ್ಯಕ್ರಮ ಶುರುವಾಗೋದು ಸಂಜೆ 6.30ಕ್ಕೆ. ಇದೆಲ್ಲದರ ಜೊತೆ ಇನ್ನೂ ಕೆಲವು ವಿಶೇಷಗಳಿವೆ.

ಸುದೀಪ್ ಬೆಳ್ಳಿಹಬ್ಬದ ಈ ಕಾರ್ಯಕ್ರಮಕ್ಕೆ ಮುಖ್ಯ ಅತಿಥಿಯಾಗಿರುವುದು ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ. ಅವರು ಬರೋದು ಅಧಿಕೃತವಾಗಿ ಇನ್ನೂ ಕನ್‍ಫರ್ಮ್ ಆಗಿಲ್ಲ. ಇನ್ನು ಶಿವರಾಜ್ ಕುಮಾರ್, ರವಿಚಂದ್ರನ್, ರಮೇಶ್ ಅರವಿಂದ್ ಸೇರಿದಂತೆ ಚಿತ್ರರಂಗದ ಗಣ್ಯರು ಈ ಕಾರ್ಯಕ್ರಮದಲ್ಲಿ ಉಪಸ್ಥಿತರಿರುತ್ತಾರೆ.

ಕನ್ನಡ ಪ್ರಭ ಸುವರ್ಣ ನ್ಯೂಸ್‍ನ ಪ್ರಧಾನ ಸಂಪಾದಕ ರವಿ ಹೆಗಡೆ, ಪಬ್ಲಿಕ್ ಟಿವಿ ಸಂಪಾದಕ ಹೆಚ್.ಆರ್.ರಂಗನಾಥ್, ರಾಕ್'ಲೈನ್ ವೆಂಕಟೇಶ್, ಶಾಸಕ ಮುನಿರತ್ನ ಸೇರಿದಂತೆ ಇನ್ನೂ ಹಲವು ಗಣ್ಯರು ಆ ದಿನದ ಕಾರ್ಯಕ್ರಮಕ್ಕೆ ಮೆರುಗು ತುಂಬಲಿದ್ದಾರೆ.

ಒಂದು ಕೈಲಿ ಕಾರ್ಡ್.. ಇನ್ನೊಂದು ಕೈಲಿ ಸಿಗಾರ್.. ಬಾಯ್ತುಂಬಾ ಹೊಗೆ.. ಹಾರಾಡುತ್ತಿರುವ ವಿಲನ್ಸ್.. ಇಂಥಾದ್ದೊಂದು ಮೋಷನ್ ಪೋಸ್ಟರ್ ಮೂಲಕ ಎಂಟ್ರಿ ಕೊಟ್ಟಿದ್ದಾರೆ ಕಿಚ್ಚ ಸುದೀಪ್. ಸಖತ್ ಸ್ಟೈಲಿಷ್ ಆಗಿ ಕಾಣ್ತಿರೋ ಸುದೀಪ್, ಅಭಿಮಾನಿಗಳಿಗೆ ಸಂಕ್ರಾಂತಿಯ ಹಬ್ಬದೂಟ ಕೊಟ್ಟಿದ್ದಾರೆ.

ಶಿವಕಾರ್ತಿಕ್ ನಿರ್ದೇಶನದ ಚಿತ್ರವಿದು. ಸುದೀಪ್ ಹೇಳಿದ್ದಂತೆ ಅರ್ಜುನ್ ಜನ್ಯ ಮ್ಯೂಸಿಕ್ಕಿನಲ್ಲೇ ಥ್ರಿಲ್ ಕೊಟ್ಟಿದ್ದಾರೆ. ಮಡೋನ್ನಾ ಸೆಬಾಸ್ಟಿನ್, ಶ್ರದ್ಧಾ ದಾಸ್, ಅಫ್ತಾಬ್ ಶಿವದಾಸನಿ ನಟಿಸಿರುವ ಚಿತ್ರಕ್ಕೆ ಸೂರಪ್ಪ ಬಾಬು ನಿರ್ಮಾಪಕ.

ಕೋಟಿಗೊಬ್ಬ 3, ಎಲ್ಲವೂ ಸರಿಯಾಗಿದ್ದರೆ ಆಯುಧಪೂಜೆಯ ದಿನವೇ ಅಬ್ಬರಿಸಬೇಕಿತ್ತು. ಆದರೆ, ಆಗಲಿಲ್ಲ. ಕಟ್ಟಕಡೆಯ ಕ್ಷಣದಲ್ಲಿ ಸುದೀಪ್ ಎಂಟ್ರಿ ಕೊಡದೇ ಹೋಗಿದ್ದರೆ ಸಿನಿಮಾ ರಿಲೀಸ್ ಆಗುವುದೇ ಕಷ್ಟವಿತ್ತು. ಸಿನಿಮಾ ಡಿಸ್ಟ್ರಿಬ್ಯೂಷನ್ ರೈಟ್ಸ್ ಪಡೆದಿದ್ದ ಕೆಲ ನಿರ್ಮಾಪಕರು, ಹಣ ನೀಡದೇ ಕೈಕೊಟ್ಟಿದ್ದೇ ಎಲ್ಲ ಸಮಸ್ಯೆಗಳಿಗೂ ಕಾರಣವಾಗಿತ್ತು ಅನ್ನೋದನ್ನ ಸೂರಪ್ಪ ಬಾಬು ಹೇಳಿಕೊಂಡರು. ವಿತರಣೆಯ ಹಕ್ಕನ್ನು ಸೈಯದ್ ಸಲಾಂ, ಬಿ.ಕೆ.ಗಂಗಾಧರ್ ಮತ್ತು ಜಾಕ್ ಮಂಜು ಪಡೆದುಕೊಂಡರು. ಒಂದು ದಿನ ತಡವಾಗಿ ಸಿನಿಮಾ ರಿಲೀಸ್ ಆಯ್ತು. ಇದೆಲ್ಲದರಿಂದ ನಿರ್ಮಾಪಕರಿಗೆ ಆದ ಲಾಸ್ ಎಷ್ಟು?

300ಕ್ಕೂ ಹೆಚ್ಚು ಥಿಯೇಟರು ಮತ್ತು ಮಲ್ಟಿಪ್ಲೆಕ್ಸ್ಗಳಲ್ಲಿ ಮೊದಲ ದಿನ ಇದ್ದ ಶೋಗಳ ಸಂಖ್ಯೆ 1600ಕ್ಕೂ ಹೆಚ್ಚು. ಲೆಕ್ಕಾಚಾರದ ಪ್ರಕಾರ ಒಂದು ಶೋ ಹೌಸ್ಫುಲ್ ಆದರೆ, ನಿರ್ಮಾಪಕರ ಶೇರ್ 50ರಿಂದ 75 ಸಾವಿರದವರೆಗೂ ಇರುತ್ತದೆ. ಸುದೀಪ್ ಸಿನಿಮಾ ಅಂದ್ರೆ ಹೌಸ್ಫುಲ್ ಪ್ರಾಬ್ಲಂ ಅಂತೂ ಇರಲ್ಲ. ಅಂದರೆ ಮೊದಲ ದಿನ ಕಳೆದುಕೊಂಡ ಒಟ್ಟಾರೆ ಶೇರ್ 10 ಕೋಟಿಗೂ ಹೆಚ್ಚು.

ಇದೆಲ್ಲವನ್ನೂ ವಿತರಕ ಜಾಕ್ ಮಂಜು ಹೇಳಿದ್ದಾರೆ. ಚಿತ್ರರಂಗದ ಕೆಲವು ನಿರ್ಮಾಪಕರು ವಿತರಕರಿಗೆ ಹಣ ಸಿಗದಂತೆ ಅಡ್ಡಿ ಪಡಿಸಿದರು. ಥಿಯೇಟರಿನವರಿಗೆ ಫೋನ್ ಮಾಡಿ ಸುದೀಪ್ ಚಿತ್ರಕ್ಕೆ ಥಿಯೇಟರ್ ಕೊಡಬೇಡಿ ಎಂದು ಹೇಳಿದ್ದಾರೆ ಎಂದಿರೋ ಜಾಕ್ ಮಂಜು, ಗಂಡಸಾಗಿದ್ದರೆ ಒಳ್ಳೆಯ ರೀತಿಯಲ್ಲಿ ಬದುಕಿ. ನಮ್ಮನ್ನೂ ಬದುಕಲು ಬಿಡಿ. ಈ ರೀತಿ ಬದುಕಬೇಡಿ ಎಂದಿದ್ದಾರೆ ಜಾಕ್ ಮಂಜು.

ಇದೆಲ್ಲದರ ಮಧ್ಯೆ ಕನ್ನಡ ಚಿತ್ರರಂಗ ಖುಷಿಯಾಗೋ ಇನ್ನೊಂದು ಸುದ್ದಿಯನ್ನೂ ಅವರೇ ಹೇಳಿದ್ದಾರೆ. ಚಿತ್ರದ ಬಿಡುಗಡೆಗೆ ನೆರವಾದವರಲ್ಲಿ ಇನ್ನೊಬ್ಬರು ಕೆ.ಪಿ.ಶ್ರೀಕಾಂತ್. ಒಂದು ಕಡೆ ಅವರದ್ದೇ ನಿರ್ಮಾಣದ ಸಲಗ ರಿಲೀಸ್ ಆಗಿತ್ತು. ಅದಕ್ಕೆ ಯಾವ ಸಮಸ್ಯೆಯೂ ಆಗಲಿಲ್ಲ.  ತಮ್ಮ ಚಿತ್ರಕ್ಕೆ ಎದುರಾಳಿಯಾಗಿ ಬಂದಿದ್ದರೂ ಕೆ.ಪಿ.ಶ್ರೀಕಾಂತ್, ಕೋಟಿಗೊಬ್ಬ ಚಿತ್ರದ ಸಮಸ್ಯೆ ಬಗೆಹರಿಸಲು ಸಹಾಯ ಮಾಡಿದ್ದಾರೆ. ಚಿತ್ರದ ಬಿಡುಗಡೆಗೆ ಸಹಕರಿಸಿದ್ದಾರೆ. ಇದನ್ನು ಜಾಕ್ ಮಂಜು ಕೂಡಾ ಖುಷಿಯಿಂದಲೇ ಹೇಳಿಕೊಂಡಿದ್ದಾರೆ.

ಕಿಚ್ಚ ಸುದೀಪ್ ಅಭಿನಯದ ಕೋಟಿಗೊಬ್ಬ-3 ಚಿತ್ರದ ಮೊದಲ ಹಂತದ ಚಿತ್ರೀಕರಣವೇ ಮುಗಿದಿದೆ. ಸುದೀಪ್ ಅಭಿನಯಿಸುವ ದೃಶ್ಯಗಳು ಹಾಗೂ ಸುದೀಪ್ ಇಲ್ಲದ ದೃಶ್ಯಗಳ ಚಿತ್ರೀಕರಣ ಮುಕ್ತಾಯವಾಗಿದೆ. ಅವುಗಳ ಎಡಿಟಿಂಗ್ ಕೆಲಸವನ್ನೂ ಚಿತ್ರತಂಡ ಈಗಾಗಲೇ ಮುಗಿಸಿದೆ. ವಿಶೇಷವೆಂದರೆ ಚಿತ್ರಕ್ಕೆ ಇನ್ನೂ ನಾಯಕಿ ಯಾರು ಅನ್ನೋದೇ ಫೈನಲ್ ಆಗಿಲ್ಲ. ಪ್ರಮುಖ ಪಾತ್ರವೊಂದಕ್ಕೆ ಇನ್ನೂ ಹುಡುಕಾಟ ನಡೆಯುತ್ತಿದೆ. 

ಇಷ್ಟು ವೇಗವಾಗಿ ಚಿತ್ರೀಕರಣ ನಡೆಯುತ್ತಿರುವುದರ ಕ್ರೆಡಿಟ್‍ನ್ನು ಸುದೀಪ್ ನೀಡಿರುವುದು ನಿರ್ದೇಶಕ ಕಾರ್ತಿಕ್‍ಗೆ. ಕಾರ್ತಿಕ್‍ಗೆ ಇದು ಮೊದಲ ಚಿತ್ರ. ಕೇವಲ ಆತನಲ್ಲಿದ್ದ ಉತ್ಸಾಹ ನೋಡಿ ಮೆಗಾಪ್ರಾಜೆಕ್ಟ್‍ನ್ನು ಅವರ ಕೈಗೆ ನೀಡಿದ್ದು ಸುದೀಪ್ ಮತ್ತು ನಿರ್ಮಾಪಕ ಸೂರಪ್ಪ ಬಾಬು.

ಸೂರಪ್ಪ ಬಾಬು ಕತೆ ಹೇಳೋದಕ್ಕೆ ಒಬ್ಬ ಹುಡುಗನನ್ನು ಕರೆದುಕೊಂಡು ಬಂದ್ರು. ಆತ ಹೇಳಿದ ಕತೆ ನನಗೆ ಇಷ್ಟವಾಗಲಿಲ್ಲ. ಆದರೆ, ಆತನ ಉತ್ಸಾಹ ನನಗೆ ಮೆಚ್ಚುಗೆಯಾಯ್ತು. ಕತೆ ಹೇಳೋದ್ರ ಬಗ್ಗೆ ಫ್ಯಾಷನೇಟ್ ಆಗಿದ್ದ ಕಾರ್ತಿಕ್‍ಗೆ ನಾನೇ ಒಂದು ಕತೆ ಹೇಳಿದೆ. ಆ ಎಳೆಯನ್ನಿಟ್ಟುಕೊಂಡು ಚೆನ್ನಾಗಿ ಡೆವಲಪ್ ಮಾಡಿಕೊಂಡು ಬಂದ ಕಾರ್ತಿಕ್, ಒಳ್ಳೆಯ ಚಿತ್ರಕತೆಯನ್ನೂ ರೆಡಿ ಮಾಡಿಕೊಂಡು ತಂದ ಎಂದು ಹೇಳಿದ್ದಾರೆ ಸುದೀಪ್.

ಸದ್ಯಕ್ಕಂತೂ ಸುದೀಪ್ ಸಿನಿಮಾದಲ್ಲಿ ಸಿಕ್ಕಾಪಟ್ಟೆ ಎಂದರೆ ಸಿಕ್ಕಾಪಟ್ಟೆ ಬ್ಯುಸಿ. ಒಂದು ಕಡೆ ದಿ ವಿಲನ್ ಚಿತ್ರದ ಪೋಸ್ಟ್ ಪ್ರೊಡಕ್ಷನ್ ಕೆಲಸ, ಮತ್ತೊಂದೆಡೆ ಅಂಬಿ ನಿಂಗೆ ವಯಸ್ಸಾಯ್ತೋ ಚಿತ್ರ, ಇನ್ನೊಂದೆಡೆ ಕೋಟಿಗೊಬ್ಬ-3, ಮಗದೊಂದು ಕಡೆ ಪೈಲ್ವಾನ್ ಸಿನಿಮಾ.. ಸುದೀಪ್ ಕಂಪ್ಲೀಟ್ ಬ್ಯುಸಿ.

ಪೈಲ್ವಾನ್ ಚಿತ್ರದ ಚಿತ್ರೀಕರಣ ಮುಗಿಯುತ್ತಿದ್ದಂತೆಯೇ ಹೊಸ ಡ್ಯೂಟಿಗೆ ಹಾಜರ್ ಆಗಿದ್ದಾರೆ ಕಿಚ್ಚ ಸುದೀಪ್. ಕೋಟಿಗೊಬ್ಬ 3 ಚಿತ್ರದ 3ನೇ ಹಂತದ ಚಿತ್ರೀಕರಣ ಶುರುವಾಗಿದೆ. 

ಪೈಲ್ವಾನ್ ಮುಗಿಸಿದ್ದೇವೆ. ಪೈಲ್ವಾನ್ ತಂಡವನ್ನು ಮಿಸ್ ಮಾಡಿಕೊಳ್ಳುತ್ತಿದ್ದೇನೆ. ಆದರೆ, ಇದೊಂಥರಾ ಮಕ್ಕಳು ಸ್ಕೂಲು ಬದಲಿಸಿದ ಹಾಗೆ. ಸಿನಿಮಾಗಳ ಬ್ಯೂಟಿಯೇ ಇದು. ಹೊಸ ಮುಖಗಳು.. ಹೊಸ ಜಾಗಗಳು.. ಅಫ್‍ಕೋರ್ಸ್.. ಹೊಸ ಹೊಸ ಸವಾಲುಗಳು.

ಸೂರಪ್ಪ ಬಾಬು ನಿರ್ಮಾಣದ ಕೋಟಿಗೊಬ್ಬ 3 ಚಿತ್ರಕ್ಕೆ ಮಡೋನ್ನಾ ಸೆಬಾಸ್ಟಿಯನ್ ನಾಯಕಿ. ಹೊಸ ಹುಡುಗ ಕಾರ್ತಿಕ್ ಈ ಮೆಗಾಪ್ರಾಜೆಕ್ಟ್ 

ಕಿಚ್ಚ ಸುದೀಪ್ ಹೊಸ ಕೆಲಸಕ್ಕೆ ಶಿಫ್ಟ್ ಆಗಿದ್ದಾರೆ. ಅರ್ಥಾತ್.. ಹೊಸ ಸಿನಿಮಾದತ್ತ ಹೊರಳಿದ್ದಾರೆ. ಈಗಾಗಲೇ ಬಹುತೇಕ ಶೂಟಿಂಗ್ ಮುಗಿಸಿರುವ ಕೋಟಿಗೊಬ್ಬ 3 ಚಿತ್ರದ ಶೂಟಿಂಗಿಗಾಗಿ ಪೋಲೆಂಡ್‍ಗೆ ತೆರಳಿದ್ದಾರೆ. ಶಿವಕಾರ್ತಿಕ್ ನಿರ್ದೇಶನದ ಕೋಟಿಗೊಬ್ಬ 3ಗೆ ಸೂರಪ್ಪ ಬಾಬು ನಿರ್ಮಾಪಕ.

ಪೋಲೆಂಡಿನ ವಾರ್ಸಾದಲ್ಲಿ ಸಾಹಸ ದೃಶ್ಯಗಳ ಶೂಟಿಂಗ್ ನಡೆಯಲಿದ್ದು, ಕಣಲ್ ಕಣ್ಣನ್ ನಿರ್ದೇಶನದಲ್ಲಿ ಚೇಸಿಂಗ್ ಸೀನ್ ಶೂಟಿಂಗ್ ಆಗಲಿದೆ. 60 ಜನರ ಬೃಹತ್ ತಂಡ ಸಾಹಸ ದೃಶ್ಯಗಳ ಚಿತ್ರೀಕರಣದಲ್ಲಿ ಭಾಗವಹಿಸಿದೆ.

ಸುದೀಪ್‍ಗೆ ಎದುರಾಗಿ ಮಡೋನಾ ಸೆಬಾಸ್ಟಿನ್ ನಾಯಕಿಯಾಗಿದ್ದು, ಶ್ರದ್ಧಾ ದಾಸ್, ನವಾಬ್ ಶಾ, ಅಫ್ತಾಬ್ ಶಿವದಾಸನಿ, ರವಿಶಂಕರ್ ಹೀಗೆ ಹಲವಾರು ಕಲಾವಿದರು ನಟಿಸಿದ್ದಾರೆ.

ಕೋಟಿಗೊಬ್ಬ 3 ಟ್ರೇಲರ್ ನೋಡಿದವರಿಗೆ ಒಂದು ಅನುಮಾನವಂತೂ ಕಾಡುತ್ತೆ. ಇಲ್ಲಿ ನಿಜಕ್ಕೂ ಸುದೀಪ್ ಡಬಲ್ ರೋಲ್ ಮಾಡಿದ್ದಾರಾ? ಅಥವಾ ಕೋಟಿಗೊಬ್ಬ 2ನಲ್ಲಿ ಆಗುವಂತೆ ಶಿವ ಮತ್ತು ಸತ್ಯ ಇಬ್ಬರೂ ಒಬ್ಬರೇನಾ? ಅಲ್ಲಿ ರವಿಶಂಕರ್ ಪಾತ್ರ ಬಲಿ ಕಾ ಬಕ್ರಾ ಆದಂತೆ ಇಲ್ಲಿ ಇನ್ನೊಬ್ಬ ವಿಲನ್ ಆಗ್ತಾರಾ? ಅಷ್ಟು ಕುತೂಹಲ ಹುಟ್ಟಿಸಿರೋದು ಕೋಟಿಗೊಬ್ಬ 3 ಟ್ರೇಲರ್. ಕ್ರೆಡಿಟ್ ಸಲ್ಲಬೇಕಾದ್ದು ನಿರ್ದೇಶಕ ಶಿವಕಾರ್ತಿಕ್ ಅವರಿಗೆ.

ನಾನು ಮೊದಲು ಒಂದು ರೊಮ್ಯಾಂಟಿಕ್ ಆ್ಯಕ್ಷನ್ ಕಥೆ ರೆಡಿಮಾಡಿಕೊಂಡು ಹೋದೆ. ಸೂರಪ್ಪ ಬಾಬು ಸರ್‍ಗೆ ಇಷ್ಟವಾಯ್ತು. ಸುದೀಪ್ ಸರ್‍ಗೂ ಇಷ್ಟವಾಯ್ತು. ಆದರೆ, ಆ ಕಥೆಯಲ್ಲಿ ರನ್ನ ಮತ್ತು ಮಾಣಿಕ್ಯ ಚಿತ್ರಗಳ ಶೇಡ್ ಕಾಣಿಸುತ್ತಿತ್ತು. ಹೀಗಾಗಿ ಸುದೀಪ್ ಸರ್ ಒಮ್ಮೆ ಕೋಟಿಗೊಬ್ಬ 2 ನೋಡುವಂತೆ ಹೇಳಿದರು. ಅದನ್ನು ನೋಡುವಾಗ ಹೊಳೆದ ಲೈನ್ ಇಷ್ಟು. ರವಿಶಂಕರ್ ಪಾತ್ರ ಡಬಲ್ ರೋಲ್ ಮಾಡಿದರೆ ಹೇಗೆ ಅನ್ನೋದು. ಅದನ್ನೇ ಸ್ವಲ್ಪ ಡೆವಲಪ್ ಮಾಡಿ ಸುದೀಪ್ ಸರ್‍ಗೆ ಹೇಳಿದಾಗ ಅವರೂ ಥ್ರಿಲ್ಲಾದರು. ಚಿತ್ರಕಥೆ ರೆಡಿ ಮಾಡೋಕೆ ಹೇಳಿದರು ಎನ್ನುತ್ತಾರೆ ಶಿವ ಕಾರ್ತಿಕ್.

ಕೋಟಿಗೊಬ್ಬ 3 ಶಿವಕಾರ್ತಿಕ್ ಅವರಿಗೆ ಫಸ್ಟ್ ಸಿನಿಮಾ. ಮೊದಲ ಸಿನಿಮಾದಲ್ಲೇ ಸುದೀಪ್ ಹೀರೋ. ಪ್ಯಾನ್ ಇಂಡಿಯಾ ಲೆವೆಲ್ ಸಿನಿಮಾ. ಜೊತೆಗೆ ಮೊದಲ ಸಿನಿಮಾ ರಿಲೀಸ್ ಆಗುತ್ತಿರೋದು ನಾಡಹಬ್ಬದ ದಿನ. ಎಲ್ಲವೂ ನನಗೆ ಸ್ಪೆಷಲ್ ಎಂದು ಥ್ರಿಲ್ಲಾಗಿದ್ದಾರೆ ಶಿವಕಾರ್ತಿಕ್.

ಕೋಟಿಗೊಬ್ಬ 3 ಸಿನಿಮಾದ ಕಿಚ್ಚ ಈ ಬಾರಿ ಫುಲ್ ರೊಮ್ಯಾಂಟಿಕ್ ಲುಕ್ ಕೊಟ್ಟಿದ್ದಾರೆ. ದುಂಡು ದುಂಡಾದ ಕನ್ನಡಕ, ಕೊರಳಲ್ಲೊಂದು ಕಪ್ಪು ಡಾಲರ್, ವೈಟ್ ಶರ್ಟ್.. ವ್ಹಾವ್.. ಇದು ಕೋಟಿಗೊಬ್ಬ 3 ಚಿತ್ರದ ಹಾಡಿನ ಲುಕ್ಕು. ಶೂಟಿಂಗ್ ಬೆಂಗಳೂರಿನ ಕಂಠೀರವ ಸ್ಟುಡಿಯೋದಲ್ಲಿಯೇ ನಡೆಯುತ್ತಿದ್ದು, ಹಾಡಿನ ಕೆಲವು ಫೋಟೋ ಹೊರಬಿದ್ದಿವೆ. ಸುದೀಪ್ಗೆ ಈ ಚಿತ್ರದಲ್ಲಿ ಮಡೋನ್ನಾ ಸೆಬಾಸ್ಟಿಯನ್, ಶ್ರದ್ಧಾ ದಾಸ್ ನಾಯಕಿಯರು.

ಸುದೀಪ್ ಅವರ ಈ ಹಾಡಿಗೆ ಸ್ಪೆಷಲ್ ಸೆಟ್ ಹಾಕಿರೋದು ಅರುಣ್ ಸಾಗರ್. ನಿರ್ದೇಶಕ ಶಿವ ಕಾರ್ತಿಕ್. ಎರಡು ಹಾಡುಗಳ ಶೂಟಿಂಗ್‌ ಬಾಕಿಯಿದ್ದು, ಇಡೀ ಟೀಂ ಹಾಡಿನ ಶೂಟಿಂಗ್ನಲ್ಲಿ ಬ್ಯುಸಿ. ಈಗಾಗಲೇ ಸರ್ಬಿಯಾ, ಪೋಲೆಂಡ್ನಲ್ಲಿ ಚೇಸಿಂಗ್ ಸೀನ್ ಶೂಟಿಂಗ್ ಮುಗಿಸಿರುವ ಚಿತ್ರತಂಡ, ಕ್ಲೈಮಾಕ್ಸ್ ಶೂಟಿಂಗ್ನ್ನು ಬೆಂಗಳೂರಿನಲ್ಲಿಯೇ ಮಾಡಿದೆ.

ಕಿಚ್ಚ ಸುದೀಪ್ ಅಭಿನಯದ ಕೋಟಿಗೊಬ್ಬ 3 ಚಿತ್ರ ತಂಡಕ್ಕೆ ಪೋಲೆಂಡ್‍ನಲ್ಲೊಬ್ಬ ದಗಾಕೋರ ಮಹಾವಂಚನೆಯನ್ನೇ ಮಾಡಿದ್ದಾನೆ. ಈ ಕುರಿತು ಚಿತ್ರದ ನಿರ್ಮಾಪಕ ಸೂರಪ್ಪ ಬಾಬು ಈಗ ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದಾರೆ. ಪೋಲೆಂಡ್‍ನಲ್ಲಿರೋ ಭಾರತದ ರಾಯಭಾರ ಕಚೇರಿಯನ್ನೂ ಸಂಪರ್ಕಿಸುತ್ತಿದ್ದಾರೆ. ಸದ್ಯಕ್ಕೆ ಸೂರಪ್ಪ ಬಾಬು ಅವರ ಅಕೌಂಟೆಂಟ್, ಪೋಲೆಂಡಿನಲ್ಲಿ ಆ ದಗಾಕೋರನ ವಶದಲ್ಲೇ ಇದ್ದಾನೆ. ಆಗಿರೋದು ಇಷ್ಟು.

ಕೋಟಿಗೊಬ್ಬ 3 ಟೀಂ ಪೋಲೆಂಡ್‍ಗೆ ಶೂಟಿಂಗ್‍ಗೆಂದು ಹೋದಾಗ ಮಂಬೈನ ಏಜೆನ್ಸಿಯೊಂದರ ಜೊತೆ ಒಪ್ಪಂದ ಮಾಡಿಕೊಂಡಿತ್ತು. ಚಿತ್ರೀಕರಣಕ್ಕೆ ಬೇಕಾದ ಎಲ್ಲ ವ್ಯವಸ್ಥೆಯನ್ನೂ ಮಾಡಿಕೊಡುವುದಾಗಿ ಆ ಸಂಸ್ಥೆ ಹೇಳಿತ್ತು ಹಾಗೂ 3 ಕೋಟಿ ಹಣವನ್ನೂ ಪಡೆದುಕೊಂಡಿತ್ತು. ಆದರೆ, ಚಿತ್ರೀಕರಣ ಮುಗಿಸಿ ಹೊರಡುವಾಗ ಅಲ್ಲಿ ಉಸ್ತುವಾರಿ ನೋಡಿಕೊಳ್ಳುತ್ತಿದ್ದ ಸಂಜಯ್ ಪೌಲ್ ಎಂಬ ವ್ಯಕ್ತಿ ಮತ್ತೆ 50 ಲಕ್ಷಕ್ಕೆ ಡಿಮ್ಯಾಂಡ್ ಇಟ್ಟಿದ್ದಾನೆ. ಇಲ್ಲದೇ ಹೋದರೆ ಚಿತ್ರತಂಡವನ್ನೇ ಹೋಗೋಕೆ ಬಿಡಲ್ಲ ಎಂದು ಬೆದರಿಸಿದ್ದಾನೆ. ಹೇಗೋ ಹಣ ಕೊಟ್ಟು ಬಂದಿರುವ ಚಿತ್ರತಂಡ, ಈಗ ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದು ವಂಚಕನ ವಿರುದ್ಧ ಕ್ರಮಕ್ಕೆ ಒತ್ತಾಯಿಸಿದ್ದಾರೆ.

ಕೋಟಿಗೊಬ್ಬ 3 ಚಿತ್ರತಂಡದ ಚಿತ್ರದ ಪೋಸ್ಟರ್ ಡಿಸೈನರ್ ಹೊರನಡೆದಿದ್ದಾರೆ. ಸಾಯಿಕೃಷ್ಣ, ಕೋಟಿಗೊಬ್ಬ ಚಿತ್ರ ಶುರುವಾದಾಗಿನಿಂದ ಜೊತೆಯಲ್ಲೇ ಇದ್ದವರು. ಮಧ್ಯೆ ಏನಾಯ್ತು.. ಬಹುಶಃ ಸುದೀಪ್ ಅವರಿಗೂ ಗೊತ್ತಿರುವ ಸಾಧ್ಯತೆ ಇಲ್ಲ. ಏಕೆಂದರೆ ಸಾಯಿ ಕೃಷ್ಣ, ಇದನ್ನು ಸೋಷಿಯಲ್ ಮೀಡಿಯಾದಲ್ಲಿ ಅನೌನ್ಸ್ ಮಾಡಿಬಿಟ್ಟಿದ್ದಾರೆ.

ನಾನು ಈ ಚಿತ್ರವನ್ನು ಒಪ್ಪಿಕೊಳ್ಳೋಕೆ ಕಾರಣ ಸುದೀಪ್ ಸರ್, ಸುದೀಪ್ ಸರ್ ಫ್ಯಾನ್ಸ್ ಮತ್ತು ಹಣ ಎಂದು ನೇರವಾಗಿಯೇ ಹೇಳಿರುವ ಸಾಯಿ ಕೃಷ್ಣ, ನಿರ್ಮಾಣ ಸಂಸ್ಥೆಯವರು ಚಿತ್ರದ ಬಗ್ಗೆ ಸರಿಯಾದ ಮಾಹಿತಿ ನೀಡುತ್ತಿರಲಿಲ್ಲ. ಇನ್ನು ಮುಂದೆ ನಾನು ಕೋಟಿಗೊಬ್ಬ 3  ಚಿತ್ರದ ಅಫಿಷಿಯಲ್ ಡಿಸೈನರ್ ಅಲ್ಲ ಎಂದಿದ್ದಾರೆ ಸಾಯಿ.

ಕೋಟಿಗೊಬ್ಬ 3 ತಂಡದ ಜರ್ನಿಯಲ್ಲಿ ನೀವಿದ್ದೀರಿ. ನಿಮ್ಮ ನಿರ್ಣಯವನ್ನು ಗೌರವಿಸುತ್ತೇನೆ. ಏನಾಯಿತೋ.. ಅದನ್ನು ಬಿಟ್ಟು ಬಿಡಿ. ನೀವು ನಮ್ಮೊಂದಿಗೆ ಇರಬೇಕು. ಖಂಡಿತಾ ಇದರ ಬಗ್ಗೆ ಗಮನ ಹರಿಸುತ್ತೇನೆ ಎಂದಿದ್ದಾರೆ ಕಿಚ್ಚ.

ಕಿಚ್ಚ ಸುದೀಪ್ ಅಭಿನಯದ ಕೋಟಿಗೊಬ್ಬ-3 ಚಿತ್ರದ ಟೀಸರ್, ಸೋಷಿಯಲ್ ಮೀಡಿಯಾದಲ್ಲಿ ಕ್ರೇಜ್ ಸೃಷ್ಟಿಸಿದೆ. ದಾಖಲೆ ಬರೆಯುತ್ತಿದೆ. 20 ಲಕ್ಷಕ್ಕೂ ಹೆಚ್ಚು ಮಂದಿ ವೀಕ್ಷಿಸಿರುವ ಚಿತ್ರದ ಟೀಸರ್, ಹಾಲಿವುಡ್ ಸಿನಿಮಾ ಸ್ಟೈಲ್‍ನಲ್ಲಿದೆ. ಅದ್ಭುತ ಮೇಕಿಂಗ್, ಕ್ಲಾಸಿಕ್ ಸ್ಟೈಲ್, ಮಾಸ್ ಲುಕ್ ಎಲ್ಲವೂ ಇರುವ ಚಿತ್ರದ ಟೀಸರ್, ಅಭಿಮಾನಿಗಳಿಗಂತೂ ಇಷ್ಟವಾಗಿಬಿಟ್ಟಿದೆ.

ಸುದೀಪ್ ಜೊತೆ ಸಿನಿಮಾ ಮಾಡೋದು ಅಂದ್ರೆ, ರಜನಿ, ಕಮಲ್ ಚಿತ್ರಗಳನ್ನು ನಿರ್ದೇಶನ ಮಾಡಿದ ಅನುಭವವಾಗುತ್ತೆ. ನಾನು ಸುದೀಪ್ ಅವರಲ್ಲಿ ಮತ್ತೊಬ್ಬ ರಜನಿಯವರನ್ನು ಕಾಣುತ್ತಿದ್ದೇನೆ ಎಂದು ಥ್ರಿಲ್ ಆಗಿದ್ದಾರೆ ನಿರ್ದೇಶಕ ಶಿವಕಾರ್ತಿಕ್.

ಈ ಮೊದಲು ಕನ್ನಡದಲ್ಲಿ ಪುಟ್ಟಣ್ಣ ಕಣಗಾಲ್, ರವಿಚಂದ್ರನ್.. ಬೇರೆ ಭಾಷೆಯ ಚಿತ್ರರಂಗದಲ್ಲೂ ನಿರೀಕ್ಷೆ ಹುಟ್ಟಿಸಿದ್ದರು. ಅವರ ಸಿನಿಮಾಗಳನ್ನು ಬೇರೆ ಚಿತ್ರರಂಗದ ದಿಗ್ಗಜರು ಬೆಂಗಳೂರಿಗೆ ಬಂದು ನೋಡುತ್ತಿದ್ದರು. ಕನ್ನಡ ಚಿತ್ರರಂಗದ ತಾಕತ್ತು, ಕೋಟಿಗೊಬ್ಬ-3 ಚಿತ್ರದ ಮೂಲಕ ಗೊತ್ತಾಗಬೇಕು ಎಂದಿದ್ದಾರೆ ಶಿವಕಾರ್ತಿಕ್.

ಕಿಚ್ಚ ಸುದೀಪ್ ಅಭಿನಯದ ಪೈಲ್ವಾನ್ ಚಿತ್ರ ಶೂಟಿಂಗ್ ಮುಗಿಸಿ ಪೋಸ್ಟ್ ಪ್ರೊಡಕ್ಷನ್ ಹಂತ ತಲುಪಿದೆ. ಇತ್ತ ಕೋಟಿಗೊಬ್ಬ-3 ಚಿತ್ರದ ಚಿತ್ರೀಕರಣದ ಮುಂದಿನ ಹಂತಕ್ಕೆ ಪ್ಲಾನ್ ನಡೆಯುತ್ತಿದೆ. ಹೀಗಿರುವಾಗಲೇ ಆನಂದ್ ಆಡಿಯೋ ಕೋಟಿಗೊಬ್ಬ0-3 ಚಿತ್ರದ ಆಡಿಯೋ ರೈಟ್ಸ್ ಪಡೆದುಕೊಂಡಿದೆಯಂತೆ.

ಈ ವರ್ಷ ಕನಿಷ್ಠ 1 ಕೋಟಿ ವೀಕ್ಷಕರನ್ನು ತಲುಪುವ ಗುರಿ ಹೊಂದಿರುವ ಆನಂದ್ ಆಡಿಯೋ, ಕಿಚ್ಚ ಸುದೀಪ್ ಚಿತ್ರದ ಮೂಲಕ ದೊಡ್ಡ ಮಟ್ಟದ ಸಕ್ಸಸ್ ತಲುಪುವ ಗುರಿಯನ್ನೂ ಇಟ್ಟುಕೊಂಡಿದೆ. 

ಅಭಿಷೇಕ್ ಅಂಬರೀಷ್ ಅಭಿನಯದ ಅಮರ್, ಶ್ರೀಮುರಳಿ ಅಭಿನಯದ ಮದಗಜ, ಗಣೇಶ್ ಅಭಿನಯದ 99 ಚಿತ್ರದ ಆಡಿಯೋ ರೈಟ್ಸ್‍ನ್ನೂ ಆನಂದ್ ಆಡಿಯೋ ಖರೀದಿಸಿದೆಯಂತೆ. 

ಕೋಟಿಗೊಬ್ಬ-3, ಸ್ವತಃ ಸುದೀಪ್ ಕಥೆ ಬರೆದಿರುವ ಚಿತ್ರ. ಸೂರಪ್ಪ ಬಾಬು ನಿರ್ಮಾಣದಲ್ಲಿ ತಯಾರಾಗುತ್ತಿರುವ ಚಿತ್ರಕ್ಕೆ, ಶಿವಕಾರ್ತಿಕ್ ನಿರ್ದೇಶಕ. ಈಗಾಗಲೇ ಮುಹೂರ್ತ ಆಚರಿಸಿಕೊಂಡಿರುವ ಚಿತ್ರದ ಶೂಟಿಂಗ್ ಸದ್ದಿಲ್ಲದೆ ಶುರುವಾಗಿಬಿಟ್ಟಿದೆ. ಅದೂ ಸುದೀಪ್ ಇಲ್ಲದೆಯೇ..

ಸುದೀಪ್, ತಮ್ಮದೇ ಬ್ಯಾನರ್‍ನ ಅಂಬಿ ನಿಂಗೆ ವಯಸ್ಸಾಯ್ತೋ ಚಿತ್ರದ ಚಿತ್ರೀಕರಣದಲ್ಲಿ ಸಂಪೂರ್ಣ ಬ್ಯುಸಿಯಾಗಿಬಿಟ್ಟಿದ್ದಾರೆ. ಆ ಚಿತ್ರದ ಹಾಡುಗಳ ಶೂಟಿಂಗ್ ಬಾಕಿಯಿದೆಯಂತೆ. ಆ ಶೂಟಿಂಗ್ ಮುಗಿದ ನಂತರ ಕೋಟಿಗೊಬ್ಬ-3 ಶೂಟಿಂಗ್‍ಗೆ ಬರಲಿದ್ದಾರೆ ಕಿಚ್ಚ.

ಹೀಗಾಗಿ ಶೂಟಿಂಗ್ ಆರಂಭಿಸಿರುವ ಚಿತ್ರತಂಡ, ಸುದೀಪ್ ಅವರಿಲ್ಲದೇ ಇರುವ ದೃಶ್ಯಗಳ ಶೂಟಿಂಗ್ ನಡೆಸುತ್ತಿದೆ. ಅಂದಹಾಗೆ ಕೋಟಿಗೊಬ್ಬ-3 ಚಿತ್ರಕ್ಕೆ ಹೀರೋಯಿನ್ ಇನ್ನೂ ಅಂತಿಮವಾಗಿಲ್ಲ.