` darshan, - chitraloka.com | Kannada Movie News, Reviews | Image

darshan,

  • ಅಭಿಮಾನಿಗಳ ಕೆಲಸವನ್ನು ಅಭಿಮಾನದಿಂದ ಮಾಡ್ತಿರೋ ದರ್ಶನ್

    darshan busy with distribution of fan's donations

    ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರ ಹುಟ್ಟುಹಬ್ಬವನ್ನು ಈ ಬಾರಿ ಯಾವುದೇ ಆಡಂಬರ, ಅಬ್ಬರವಿಲ್ಲದೆ ಸರಳವಾಗಿ ಆಚರಿಸಲಾಗಿತ್ತು. ಹುಟ್ಟುಹಬ್ಬಕ್ಕೆ ಕೇಕ್, ಹಾರಗಳ ಬದಲು, ಧವಸ ಧಾನ್ಯ ತನ್ನಿ, ಅದನ್ನು ಸಿದ್ಧಗಂಗಾ ಮಠ ಸೇರಿದಂತೆ ವಿವಿಧ ಅನಾಥಾಶ್ರಮ, ವೃದ್ಧಾಶ್ರಮಗಳಿಗೆ ತಲುಪಿಸುತ್ತೇನೆ ಎಂದು ಜವಾಬ್ದಾರಿ ಹೊತ್ತುಕೊಂಡಿದ್ದರು ದರ್ಶನ್.

    ಅಭಿಮಾನಿಗಳು, ಅಭಿಮಾನದಿಂದ ಹೊತ್ತು ತಂದಿದ್ದ ಧವಸ, ಧಾನ್ಯ, ಕಾಳು, ಬೇಳೆಗಳನ್ನು ದರ್ಶನ್ ಈಗ ರಾಜ್ಯದ ವಿವಿಧ ಅನಾಥಾಶ್ರಮ, ವೃದ್ಧಾಶ್ರಮಗಳಿಗೆ ತಲುಪಿಸುತ್ತಿದ್ದಾರೆ. ಹಲವು ಲಾರಿಗಳ ಮೂಲಕ ಧವಸ, ಧಾನ್ಯ ಅಗತ್ಯವಿರುವವರ ಮಡಿಲು ಸೇರುತ್ತಿದೆ.

  • ಅಭಿಮಾನಿಗಳಿಗೆ ದರ್ಶನ್ ಬರೆದ ಪತ್ರ.. ಓದಲೇಬೇಕು

    darshan's letter to fans is a must read

    ಹುಟ್ಟುಹಬ್ಬದ ದಿನ ಸಂಭ್ರಮ ಬೇಡ. ಹಾರ ಬೇಡ. ಕೇಕ್ ಬೇಡ. ದಯವಿಟ್ಟು ಈ ವರ್ಷ ಆಚರಣೆ ಬೇಡ.. ಎಂದೆಲ್ಲ ದರ್ಶನ್ ಅಭಿಮಾನಿಗಳಿಗೆ ಮನವಿ ಮಾಡಿದ್ದರು. ಅದಕ್ಕೆ ಸಕಾರಾತ್ಮಕವಾಗಿಯೇ ಪ್ರತಿಕ್ರಿಯಿಸಿದ್ದ ಅಭಿಮಾನಿಗಳು `ನಾವು ನಿಮ್ಮ ಮನೆಗೆ ಅಕ್ಕಿ, ಬೇಳೆ ಮೊದಲಾದ ಆಹಾರ ಪದಾರ್ಥ ತಲುಪಿಸುತ್ತೇವೆ. ಅವುಗಳನ್ನು ಸಿದ್ಧಗಂಗಾ ಮಠಕ್ಕೆ ತಲುಪಿಸಿ ಎಂದು ಕೇಳಿಕೊಂಡಿದ್ದರು. ಇದಕ್ಕೆ ಪ್ರತಿಕ್ರಿಯೆ ನೀಡಿರುವ ದರ್ಶನ್, ಒನ್ಸ್ ಎಗೇಯ್ನ್ ಅಭಿಮಾನಿಗಳ ಎದುರು ಶರಣಾಗಿದ್ದಾರೆ.

    `ನನ್ನ ಹುಟ್ಟುಹಬ್ಬಕ್ಕೆ ನೀವು ಕೊಡುತ್ತಿರುವ ಆ ಉಡುಗೊರೆಯನ್ನು ಪ್ರತಿ ಜಿಲ್ಲೆಯ ಒಂದು ಅನಾಥಾಶ್ರಮಕ್ಕೆ, ಒಂದು ವೃದ್ಧಾಶ್ರಮಕ್ಕೆ ಹಾಗೂ ಸಿದ್ಧಗಂಗಾ ಮಠಕ್ಕೆ ತಲುಪಿಸುವ ಜವಾಬ್ದಾರಿ ನನ್ನದು. ಅದನ್ನು ನಾನು ಸಂತೋಷದಿಂದಲೇ ಮಾಡುತ್ತೇನೆ. ಆದಷ್ಟು ಬಟ್ಟೆ ಬ್ಯಾಗ್‍ಗಳನ್ನು ಕಳುಹಿಸಿಕೊಡಿ' ಎಂದು ಮನವಿ ಮಾಡಿದ್ದಾರೆ.

    ಸ್ಸೋ.. ದರ್ಶನ್ ಅಭಿಮಾನಿಗಳೇ.. ಇನ್ನು ಸರದಿ ನಿಮ್ಮದು. ದವಸ ಧಾನ್ಯಗಳನ್ನು ಬಟ್ಟೆಯ ಬ್ಯಾಗುಗಳಲ್ಲಿ ದರ್ಶನ್ ಮನೆಗೆ ತಲುಪಿಸಿ. ಅದನ್ನು ಸಂಬಂಧಪಟ್ಟವರಿಗೆ ತಲುಪಿಸುವ ಹೊಣೆಯನ್ನು ದರ್ಶನ್ ಅವರೇ ಹೊತ್ತುಕೊಂಡಿದ್ದಾರೆ. 

  • ಅಭಿಮಾನಿಗಳಿಗೆ ಮತ್ತೊಮ್ಮೆ ದಾಸನಾದ ದರ್ಶನ್

    darshan autographs on fans auto

    ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಮತ್ತೊಮ್ಮೆ ದಾಸನಾಗಿದ್ದಾರೆ. ಒನ್ಸ್ ಎಗೇಯ್ನ್.. ಅಭಿಮಾನಿಗಳ ಎದುರು. ಇತ್ತೀಚೆಗೆ ದರ್ಶನ್ ಅವರ ಆಟೋ ಡ್ರೈವರ್ ಅಭಿಮಾನಿಗಳು ಸೀದಾ ಅವರ ಮನೆಗೇ ಹೋಗುತ್ತಿದ್ದಾರೆ. ಮನೆಯಲ್ಲಿದ್ದರೆ ಅಭಿಮಾನಿಗಳನ್ನು ಸದಾ ಭೇಟಿ ಮಾಡುವ ದರ್ಶನ್‍ಗೆ ಅಭಿಮಾನಿಗಳದ್ದು ಒಂದೇ ಡಿಮ್ಯಾಂಡ್. ಆಟೊಗ್ರಾಫ್ ಪ್ಲೀಸ್.. ಅದೂ ಆಟೋ ಮೇಲೆ.

    ಇದು ದರ್ಶನ್ ಅಭಿಮಾನಿಗಳ ಕ್ರೇಜ್. ಇಷ್ಟು ದಿನ ಆಟೋಗಳ ಹಿಂದೆ, ದರ್ಶನ್ ಚಿತ್ರದ ಹೆಸರು, ಬಿರುದು, ಫೋಟೋ, ಚಿತ್ರ ಹಾಕಿಕೊಂಡು ಖುಷಿ ಪಡುತ್ತಿದ್ದ ಅಭಿಮಾನಿಗಳು, ಈಗ ದರ್ಶನ್ ಅವರಿಂದಲೇ ಆಟೋಗ್ರಾಫ್ ಹಾಕಿಸಿಕೊಳ್ಳುವ ಐಡಿಯಾ ಕಂಡುಕೊಂಡಿದ್ದಾರೆ.

  • ಅಭಿಮಾನಿಗಳೇ.. ದರ್ಶನ್ ಮನವಿಯನ್ನೊಮ್ಮೆ ಕೇಳಿ

    darshan image

    ನಲ್ಮೆಯ ಅಭಿಮಾನಿಗಳಲ್ಲಿ

    ನಿಮ್ಮ ದಾಸ ದರ್ಶನ್ ತೂಗುದೀಪ ಮಾಡುವ ವಿನಂತಿ. ನನ್ನ ಹುಟ್ಟುಹಬ್ಬದ ದಿನ ನೀವೆಲ್ಲ ದೂರ ದೂರದ ಊರುಗಳಿಂದ ಬಂದು ನನಗೆ ಶುಭಾಶಯ ಕೋರಿ, ನಿಮ್ಮದೇ ಹುಟ್ಟುಹಬ್ಬ ಎನ್ನುವಂತೆ ಸಂಭ್ರಮಿಸುತ್ತೀರಿ. ಅದನ್ನು ನನ್ನ ಯಾವುದೋ ಪೂರ್ವಜನ್ಮದ ಪುಣ್ಯ ಎಂದೇ ಭಾವಿಸಿದ್ದೇನೆ. ಆದರೆ, ಹಾಗೆ ಸಂಭ್ರಮಪಡುವಾಗ ದಯವಿಟ್ಟು ಅಕ್ಕಪಕ್ಕದ ಮನೆಯವರಿಗೆ ತೊಂದರೆ ಕೊಡಬೇಡಿ. ಅಕ್ಕಪಕ್ಕದ ಮನೆಯ ನಿವಾಸಿಗಳಿಗೆ ತೊಂದರೆ ಆಗದಂತೆ ಶಾಂತಿ ಹಾಗೂ ಶಿಸ್ತಿನಿಂದ ವರ್ತಿಸಬೇಕೆಂದು ಕೈಮುಗಿದು ಬೇಡಿಕೊಳ್ಳುತ್ತೇನೆ. 

    ಅಕ್ಕಪಕ್ಕದ ಮನೆಯವರ ಕಾಂಪೌಂಡ್ ಪ್ರವೇಶಿಸುವುದು, ಹೂಕುಂಡಗಳನ್ನು ಒಡೆಯುವುದು, ಅವರ ಆಸ್ತಿಪಾಸ್ತಿಗೆ ಹಾನಿ ಮಾಡುವಂತಹ ಅನುಚಿತ ವರ್ತನೆಗಳನ್ನು ತೋರಿಸಬೇಡಿ. ನನ್ನ ಮೇಲೆ ಅಭಿಮಾನ ಇಟ್ಟಿರುವ ನೀವೆಲ್ಲ ನನ್ನ ಈ ಪ್ರಾರ್ಥನೆಯನ್ನು ಈಡೇರಿಸುತ್ತೀರಿ ಎಂದು ನಂಬಿದ್ದೇನೆ.

    ಇಂತಿ 

    ನಿಮ್ಮ ಪ್ರೀತಿಯ ದಾಸ 

    ದರ್ಶನ್

    ಅಂದಹಾಗೆ ಫೆಬ್ರವರಿ 16ಕ್ಕೆ ದರ್ಶನ್ ಹುಟ್ಟುಹಬ್ಬವಿದೆ. ದರ್ಶನ್, ಅಭಿಮಾನಿಗಳನ್ನು ಯಾವತ್ತಿಗೂ ಮಿಸ್ ಮಾಡಿಕೊಳ್ಳೋದಿಲ್ಲ. ಅಭಿಮಾನಿಗಳನ್ನು ಅತಿಯಾಗಿ ಪ್ರೀತಿಸುವ ದರ್ಶನ್ ಅವರ ಈ ಮನವಿಯನ್ನು ಅಭಿಮಾನಿಗಳೂ ಈಡೇರಿಸ್ತಾರಾ..ನೋಡೋಣ.

  • ಅಭಿಮಾನಿಗಳೇ.. ಹುಟ್ಟುಹಬ್ಬ ಬೇಡ - ದರ್ಶನ್ ಮನವಿ

    darshan requests fans not to celebrate birthday

    ಇದು ಅನಿರೀಕ್ಷಿತವೇನಲ್ಲ. ಅಂಬರೀಷ್ ಮತ್ತು ದರ್ಶನ್ ನಡುವಿನ ಬಾಂಧವ್ಯ ನೋಡಿದ್ದವರಿಗೆ ಇದು ಅಚ್ಚರಿಯೂ ಅಲ್ಲ. ದರ್ಶನ್ ಈ ಬಾರಿ ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿಲ್ಲ. ಅಷ್ಟೇ ಅಲ್ಲ, ಯಾರೇ ಕೇಕ್ ತಂದರೂ ಕೇಕ್ ಕತ್ತರಿಸುವುದಿಲ್ಲ. ದಯವಿಟ್ಟು ಒತ್ತಾಯ ಮಾಡಬೇಡಿ. ಇದೊಂದು ವರ್ಷ ನನ್ನನ್ನು ಬಿಟ್ಟು ಬಿಡಿ ಎಂದು ಮನವಿ ಮಾಡಿಕೊಂಡಿದ್ದಾರೆ ದರ್ಶನ್. ಅವರು ಅಂಬಿ ಹೆಸರು ಹೇಳುತ್ತಿಲ್ಲ.. ಅಷ್ಟೆ..

    ಇತ್ತ.. ತಿಂಗಳಿಗೆ ಮೊದಲೇ ದರ್ಶನ್ ಹುಟ್ಟುಹಬ್ಬಕ್ಕೆ ಪ್ಲಾನ್ ಮಾಡಿಕೊಂಡಿರೋ ಅಭಿಮಾನಿಗಳು, ಡಿ ಬಾಸ್ ಎಂಬ ಬೆಳ್ಳಿ ಕಡಗಗಳನ್ನು ಮಾಡಿಸಿ, ಗಿಫ್ಟ್ ಕೊಡೋಕೆ ರೆಡಿಯಾಗುತ್ತಿದ್ದಾರೆ. 

  • ಅಭಿಮಾನಿಯ ಕೊನೆಯ ಆಸೆ ಈಡೇರಿಸಿದ ದರ್ಶನ್

    darshan fulfills his last wish

    ಚಾಲೆಂಜಿಂಗ್ ಸ್ಟಾರ್ ದರ್ಶನ್, ಅಭಿಮಾನಿಗಳ ಪ್ರೀತಿಯ ದಾಸ. ಇತ್ತೀಚೆಗೆ ತಾನೆ ಚಿತ್ರಲೋಕದಲ್ಲಿ ದರ್ಶನ್ ಅಭಿಮಾನಿಯೊಬ್ಬನ ಕೊನೆಯ ಆಸೆ ಸ್ಟೋರಿ ನೋಡಿದ್ದಿರಿ. ಶಿವಮೊಗ್ಗದ ರೇವಂತ್ ಎಂಬ ದರ್ಶನ್ ಅಭಿಮಾನಿ, ಮೂಳೆ ಕ್ಯಾನ್ಸರ್‍ನಿಂದ ಬಳಲುತ್ತಿದ್ದು, ಸಾವಿನ ಸನಿಹದಲ್ಲಿದ್ದಾರೆ. ಆದರೆ, ಕೊನೆಯದಾಗಿ ದರ್ಶನ್ ಅವರನ್ನೊಮ್ಮೆ ನೋಡಬೇಕು ಅನ್ನೋದು ಅವರ ಆಸೆಯಾಗಿತ್ತು. ಅಭಿಮಾನಿಯ ಅಂತಿಮ ಆಸೆಯನ್ನು ದರ್ಶನ್ ಈಡೇರಿಸಿದ್ದಾರೆ.

    ಆದರೆ, ವೈಯಕ್ತಿಕವಾಗಿ ಶಿವಮೊಗ್ಗಕ್ಕೆ ಹೋಗಲು ಸಾಧ್ಯವಾಗಿಲ್ಲ. ವಿಡಿಯೋ ಕಾಲ್ ಮೂಲಕ ಅಭಿಮಾನಿಯ ಜೊತೆ ಮಾತನಾಡಿದ ದರ್ಶನ್, ವೈದ್ಯರು ಹೇಳುವ ಸೂಚನೆಗಳನ್ನು ಪಾಲಿಸುವಂತೆ ಹೇಳಿದ್ದಾರೆ. ರೇವಂತ್ ತಂದೆ, ತಾಯಿಗೂ ಧೈರ್ಯ ಹೇಳಿದ್ದಾರೆ. ಶೀಘ್ರದಲ್ಲೇ ಶಿವಮೊಗ್ಗಕ್ಕೆ ಬಂದು ಭೇಟಿ ಮಾಡುತ್ತೇನೆ ಎಂದು ಧೈರ್ಯ ತುಂಬಿದ್ದಾರೆ ದರ್ಶನ್. 

     

     

  • ಅಭಿಮಾನಿಯಾಗಿ.. ಅಭಿಮಾನದಿಂದ ದರ್ಶನ್‍ಗೆ ನಾಗೇಂದ್ರ ಪ್ರಸಾದ್ ಹಾಡಿನ ಕಾಣಿಕೆ

    darshan receives gift from v nagendra prasad

    ಚಿತ್ರ ಸಾಹಿತಿ ನಾಗೇಂದ್ರ ಪ್ರಸಾದ್, ಈ ಬಾರಿಯ ದರ್ಶನ್ ಹುಟ್ಟುಹಬ್ಬಕ್ಕೆ ವಿಶೇಷ ಗಿಫ್ಟ್ ಕೊಡುತ್ತಿದ್ದಾರೆ. ಈ ಹಾಡು ಅಭಿಮಾನಿಗಳ ಕಣ್ಣಲ್ಲಿ ದರ್ಶನ್ ಹೇಗೆ ಕಾಣ್ತಾರೆ ಅನ್ನೋದ್ರ ಮೇಲೆಯೇ ರಚಿತವಾಗಿದೆ. ಫೆಬ್ರವರಿ 16ರಂದು ಈ ಹಾಡನ್ನು ನಾಗೇಂದ್ರ ಪ್ರಸಾದ್ ದರ್ಶನ್  ಅವರಿಗಾಗಿ ಅರ್ಪಿಸಲಿದ್ದಾರೆ.

    ದರ್ಶನ್ ಚಿತ್ರಗಳಲ್ಲಿ ಬಹುತೇಕ ಚಿತ್ರಗಳಿಗೆ ಹಾಡು ಬರೆದಿರುವ ನಾಗೇಂದ್ರ ಪ್ರಸಾದ್, ಪ್ರತಿ ವರ್ಷವೂ ಗೆಳೆಯನಿಗೆ ಒಂದಲ್ಲಾ ಒಂದು ವಿಶೇಷ ಉಡುಗೊರೆ ಕೊಡುತ್ತಾರೆ. ಕಳೆದ ಬಾರಿ ಗೆಳೆಯನಿಗೆ `ಶತಸೋದರಾಗ್ರಜ ಶರವೀರ' ಅನ್ನೋ ಬಿರುದು ಕೊಟ್ಟಿದ್ದ ನಾಗೇಂದ್ರ ಪ್ರಸಾದ್, ಈಗ ಹಾಡಿಗೆ ಅಂತಿಮ ರೂಪ ಕೊಡುತ್ತಿದ್ದಾರೆ.

    ಈ ಹಾಡು ಅಭಿಮಾನಿಗಳಿಗೆ ಖಂಡಿತಾ ಇಷ್ಟವಾಗಲಿದೆ. ಹಾಡಿಗೆ ಸಂಗೀತವನ್ನೂ ನಾನೇ ನೀಡುತ್ತಿದ್ದೇನೆ ಎಂದಿದ್ದಾರೆ ನಾಗೇಂದ್ರ ಪ್ರಸಾದ್.

  • ಅಮರ್ ಚಿತ್ರದಲ್ಲಿ ದರ್ಶನ್ ನಟಿಸುತ್ತಿದ್ದಾರಾ..?

    darshan in guest role for abishek ambi's amar

    ರೆಬಲ್‍ಸ್ಟಾರ್ ಅಂಬರೀಶ್ ಪುತ್ರ ಅಭಿಷೇಕ್ ಅಭಿನಯದ ಮೊದಲ ಸಿನಿಮಾ ಅಮರ್. ಸಂದೇಶ್ ನಾಗರಾಜ್ ನಿರ್ಮಾಣದ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳುತ್ತಿರುವುದು ನಾಗಶೇಖರ್. ಬೈಕ್ ರೇಸ್ ಹಿನ್ನೆಲೆಯ ಲವ್ ಸ್ಟೋರಿಯಲ್ಲಿ ಈಗ ಹೊಸ ಅತಿಥಿ.. ಅಲ್ಲಲ್ಲ ಸಾರಥಿಯ ಆಗಮನವಾಗಿದೆಯಂತೆ.

    ಅಪ್ಪಾಜಿ ಮಗನ ಮೊದಲ ಸಿನಿಮಾದಲ್ಲಿ ದರ್ಶನ್ ನಟಿಸುತ್ತಿದ್ದಾರೆ. ಅತಿಥಿ ನಟನಾಗಿ ಪುಟ್ಟ ಪಾತ್ರವೊಂದರಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ ಎಂಬ ಸುದ್ದಿ ಹೊರಬಿದ್ದಿದೆ. 

    ಆದರೆ, ದರ್ಶನ್ ಪಾತ್ರ ಏನು..? ಸಿನಿಮಾದಲ್ಲಿ ಎಷ್ಟು ಹೊತ್ತು ಇರುತ್ತಾರೆ ಎಂಬ ಸುದ್ದಿ ಸದ್ಯಕ್ಕೆ ಸೀಕ್ರೆಟ್.

    ಅಂದಹಾಗೆ ಕನ್ನಡದಲ್ಲಿ ಅತೀ ಹೆಚ್ಚು ಚಿತ್ರಗಳಲ್ಲಿ ಅತಿಥಿ ನಟನಾಗಿ ನಟಿಸಿರುವ ಹೆಗ್ಗಳಿಕೆ ಅಂಬರೀಶ್ ಅವರದ್ದು. ಶಂಕರ್‍ನಾಗ್, ಪ್ರಭಾಕರ್, ಜಗ್ಗೇಶ್, ದೇವರಾಜ್ ಸೇರಿದಂತೆ ಹಲವು ಹೊಸಬರ ಚಿತ್ರಗಳಲ್ಲಿ ಅತಿಥಿ ನಟನಾಗಿ ನಟಿಸಿ ಪ್ರೋತ್ಸಾಹಿಸಿದ್ದವರು ಅಂಬರೀಶ್. 

  • ಅರ್ಜುನನ ಜೊತೆ ಐರಾವತ

    darshan meets airavatha

    ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಪ್ರಾಣಿಗಳ ಪ್ರೇಮಿ ಅನ್ನೋದು ಗೊತ್ತು. ಮೈಸೂರಿನ ತಮ್ಮ ಫಾರ್ಮ್‍ಹೌಸ್‍ನಲ್ಲಿ ಹಲವಾರು ಪ್ರಾಣಿ, ಪಕ್ಷಿಗಳನ್ನು ಸಾಕಿಕೊಂಡಿರುವ ದರ್ಶನ್, ಮೃಗಾಲಯದಲ್ಲಿ ಹಲವು ಪ್ರಾಣಿಗಳನ್ನು ದತ್ತು ಕೂಡಾ ಪಡೆದಿದ್ದಾರೆ. ಕರ್ನಾಟಕ ಅರಣ್ಯ ಇಲಾಖೆಯ ಬ್ರಾಂಡ್ ಅಂಬಾಸಿಡರ್ ಕೂಡಾ ಆಗಿರುವ ದರ್ಶನ್, ಕಾಡಿನಲ್ಲಿ ಸಫಾರಿ ಮಾಡಿದ್ದಾರೆ.

    ನಾಗರಹೊಳೆ ಅಭಯಾರಣ್ಯಕ್ಕೆ ತೆರಳಿ ಅರ್ಜುನನ ಜೊತೆ ಸಮಯ ಕಳೆದಿದ್ದಾರೆ. ಅರ್ಜುನ ಎಂದರೆ ಗೊತ್ತಲ್ಲ, ದಸರಾದಲ್ಲಿ ಚಾಮುಂಡೇಶ್ವರಿ ವಿಗ್ರಹ ಇರುವ ಅಂಬಾರಿ ಹೊರುವ ಭಾಗ್ಯವಂತ. ಅರ್ಜುನನಿಗೆ ಇಷ್ಟವಾದ ಬೆಲ್ಲವನ್ನು ತಿನ್ನಿಸಿ ಸಂಭ್ರಮಿಸಿರುವ ದರ್ಶನ್, ಕಾಡಿನಲ್ಲೆಲ್ಲ ಸುತ್ತಾಡಿದ್ದಾರೆ. ಅರ್ಜುನನ ಜೊತೆ ನಿಂತಿರುವ ದರ್ಶನ್ ಫೋಟೋ ನೋಡಿದ ಅಭಿಮಾನಿಗಳು, ಅರ್ಜುನನ ಜೊತೆ ಐರಾವತ ಎನ್ನುತ್ತಿದ್ದಾರೆ. 

  • ಅರ್ಜುನ್, ಚಿರಂಜೀವಿ & ಧ್ರುವ ಸರ್ಜಾ ಜೊತೆ ದರ್ಶನ್

    darshan and sarja's team up

    ಸರ್ಜಾ ಕುಟುಂಬದಿಂದ ಮೂವರು ಹೀರೋಗಳು. ಅರ್ಜುನ್ ಸರ್ಜಾ, ಚಿರಂಜೀವಿ ಸರ್ಜಾ ಹಾಗೂ ಧ್ರುವ ಸರ್ಜಾ. ಈಗ ಅವರ ಜೊತೆಗೊಬ್ಬ ಹೀರೋಯಿನ್. ಐಶ್ವರ್ಯಾ. ಅರ್ಜುನ್ ಸರ್ಜಾರ ಮಗಳು ಐಶ್ವರ್ಯಾ ನಟಿಸುತ್ತಿರುವ ಮೊದಲ ಚಿತ್ರ ಪ್ರೇಮಬರಹ. 

    darshan_sarjas_1prema_barah.jpgಆ ಚಿತ್ರದಲ್ಲಿ ಸರ್ಜಾ ಫ್ಯಾಮಿಲಿ ಜೊತೆ ದರ್ಶನ್ ಕೂಡಾ ಜೊತೆಯಾಗಿದ್ದಾರೆ. ಹನುಮನ ಭಕ್ತರಾಗಿ ಹೆಜ್ಜೆ ಹಾಕಿದ್ದಾರೆ. ತಿಪ್ಪಸಂದ್ರ ಬಳಿಯ ಆಂಜನೇಯ ದೇಗುದಲ್ಲಿ ನಡೆದ ಚಿತ್ರೀಕರಣದಲ್ಲಿ ದರ್ಶನ್, ಅರ್ಜುನ್, ಧ್ರುವ ಹಾಗೂ ಚಿರಂಜೀವಿ ಸರ್ಜಾ ಒಟ್ಟಿಗೇ ಹೆಜ್ಜೆ ಹಾಕಿರುವುದು ವಿಶೇಷ.

    ಅಂದಹಾಗೆ ದರ್ಶನ್, ಹೀಗೆ ಚಿತ್ರಗಳಲ್ಲಿ ಅತಿಥಿ ಪಾತ್ರಗಳಲ್ಲಿ ನಟಿಸುವುದು ಹೊಸದೇನಲ್ಲ. ಅರಸು, ಮೊನಾಲಿಸಾ, ಚೌಕ, ನಾಗರಹಾವು.. ಹೀಗೆ ಹಲವು ಚಿತ್ರಗಳಲ್ಲಿ ಗೆಸ್ಟ್ ರೋಲ್‍ನಲ್ಲಿ ನಟಿಸಿದ್ದಾರೆ. ಪ್ರೇಮ ಬರಹದಲ್ಲಿ ಹೆಜ್ಜೆ ಹಾಕಿರುವುದು ಸರ್ಜಾ ಫ್ಯಾಮಿಲಿ ಮೇಲಿನ ಗೌರವಕ್ಕೆ.

  • ಆಂಜನೇಯ ಆಗ್ತಾರಾ ದರ್ಶನ್..?

    will darshan act in anjaneya

    ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಆಂಜನೇಯ ಆಗ್ತಾರಾ..? ಅಂಬರೀಷನಾಗಿ, ಕೆಂಪೇಗೌಡನಾಗಿ, ಚಕ್ರವರ್ತಿಯಾಗಿ ಮಿಂಚಿರುವ ದರ್ಶನ್ ಮುಂದಿನ ಸಿನಿಮಾದಲ್ಲಿ ಆಂಜನೇಯ ಆಗ್ತಾರೆ ಅನ್ನೋ ಸುದ್ದಿ ಇದೆ. ಅದು ಪ್ರೇಮ್ ನಿರ್ದೇಶನದ ಸಿನಿಮಾ. ಪ್ರೇಮ್ ವಿಲನ್ ಚಿತ್ರ ಮುಗಿಸಿ, ಇತ್ತ ದರ್ಶನ್ ಬಿ.ಕುಮಾರ್ ಸಿನಿಮಾ ಮುಗಿಸಿದ ಮೇಲೆ ಸೆಟ್ಟೇರಬೇಕಿರುವ ಸಿನಿಮಾ.

    ಕರಿಯ ಚಿತ್ರದ ನಂತರ ದರ್ಶನ್ ಮತ್ತು ಪ್ರೇಮ್ ಜೋಡಿ ಮತ್ತೆ ಒಂದಾಗುತ್ತಿದೆ. ಮೂಲಗಳ ಪ್ರಕಾರ, ಆ ಚಿತ್ರಕ್ಕೆ ಆಂಜನೇಯ ಅನ್ನೋ ಟೈಟಲ್ ಫಿಕ್ಸ್ ಆಗಿದೆ. ಆದರೆ ಫೈನಲ್ ಆಗಿಲ್ಲ. ಏಕೆಂದರೆ, ಆ ಚಿತ್ರದ ನಿರ್ದೇಶಕ ಪ್ರೇಮ್. 

  • ಆಕ್ಟಿಂಗ್ ನನ್ನ ವೃತ್ತಿ.. ಕ್ಯಾಮೆರಾ ಇಲ್ಲದಿದ್ದಾಗ ಆ್ಯಕ್ಟಿಂಗ್ ಮಾಡಲ್ಲ - ದರ್ಶನ್

    i am an actor only when camera is on

    ಚಾಲೆಂಜಿಂಗ್ ಸ್ಟಾರ್ ದರ್ಶನ್, ಸಾಮಾನ್ಯವಾಗಿ ಮಾಧ್ಯಮಗಳಂದ ದೂರ ದೂರ. ಪುರುಸುತ್ತಿದ್ದರೂ ಸಿಕ್ಕಲ್ಲ. ಈಗ ಯಜಮಾನ ರಿಲೀಸ್ ಟೈಂ. ಹಾಗಾಗಿ ಮಾಧ್ಯಮಗಳ ಎದುರು ಬಂದಿದ್ದಾರೆ. ಹಾಗಂತ ದರ್ಶನ್ ಸುದ್ದಿಯೇ ಇರಲ್ಲ ಅಂತಲ್ಲ. ಯಾವುದಕ್ಕೂ ಅವರು ಉತ್ತರ ಕೊಡಲ್ಲ. ಸೈಲೆಂಟ್. ಹೀಗೇಕೆ.. ಎಂದರೆ ದರ್ಶನ್ ಹೇಳೋದಿಷ್ಟು.

    ನಾನೊಬ್ಬ ನಟ. ನಟನೆ ನನ್ನ ವೃತ್ತಿ. ಬೆಳಗ್ಗೆ 9ರಿಂದ ಸಂಜೆ 6ರವರೆಗೆ ನಾನು ಕ್ಯಾಮೆರಾ ಎದುರು ನಟಿಸುತ್ತೇನೆ. ಅದರ ಹೊರತಾಗಿ ನನಗೆ ನನ್ನದೇ ಆದ ಲೈಫ್ ಇದೆ. ಫ್ರೆಂಡ್ಸ್ ಜೊತೆ ಇರುತ್ತೇನೆ. ಚೆನ್ನಾಗಿ ತಿಂತೇನೆ. ಒಳ್ಳೆ ನಿದ್ದೆ ಮಾಡ್ತೇನೆ. ನಟನೆ ನನ್ನ ಜೀವನದ ಒಂದು ಭಾಗ. ಕ್ಯಾಮೆರಾ ಎದುರು ನಟಿಸುವುದು ನನ್ನ ವೃತ್ತಿ. ಅದರ ಹೊರತಾಗಿ ನಾನೂ ಒಬ್ಬ ಮನುಷ್ಯ ಎನ್ನುತ್ತಾರೆ ದರ್ಶನ್.

    ಕ್ಯಾಮೆರಾ ಇಲ್ಲದೇ ಇರುವಾಗ ನನಗೆ ನಟಿಸೋಕೆ ಬರಲ್ಲ. ನಾನು ಇರೋದೇ ಹೀಗೆ. ನಾನು ಮಾತನಾಡೋದು ಕಡಿಮೆ. ಹಾಗಂತ, ನಾನು ಯಾರಿಗೂ ಸಿಕ್ಕಲ್ಲ ಎಂದಲ್ಲ. ಅಭಿಮಾನಿಗಳ ಜೊತೆ ಟಚ್‍ನಲ್ಲಿರುತ್ತೇನೆ. ಇನ್ನೊಬ್ಬರ ಎದುರು ಶೋಆಫ್ ಮಾಡೋಕೆ ನನಗೆ ಬರಲ್ಲ ಎಂದಿದ್ದಾರೆ ದರ್ಶನ್.

  • ಆಗೋಯ್ತು ಮರ್ಯಾದೆ ಸಸ್ತಾ ಮಾಲು..

    yajamana shooting completed

    ಯಜಮಾನ ಚಿತ್ರದ ಹಾಡುಗಳ ಶೂಟಿಂಗ್ ಮುಕ್ತಾಯವಾಗಿದೆ. ಬೆಂಗಳೂರು ಸುತ್ತಮುತ್ತ ಹಾಡುಗಳನ್ನು ಚಿತ್ರೀಕರಿಸಲಾಗಿದೆ. ಆಗೋಯ್ತು ಮರ್ಯಾದೆ ಸಸ್ತಾ ಮಾಲು.. ಹಾಡನ್ನು ದರ್ಶನ್ ಮತ್ತು ರಶ್ಮಿಕಾ ಮಂದಣ್ಣ ಮೇಲೆ ಚಿತ್ರೀಕರಿಸಲಾಗಿದ್ದು, ಹಾಡಿಗೆ ಯೋಗರಾಜ್ ಭಟ್ ಸಾಹಿತ್ಯವಿದೆ. ಈ ಹಾಡಿನೊಂದಿಗೆ ಚಿತ್ರೀಕರಣ ಮುಗಿದಿದ್ದು, ಪೋಸ್ಟ್ ಪ್ರೊಡಕ್ಷನ್ ಮುಗಿಸಿ ಸೆನ್ಸಾರ್ ಮುಂದೆ ಬರಲಿದ್ದಾನೆ ಯಜಮಾನ.

    ಯಜಮಾನ ಮುಗಿಯುತ್ತಿದ್ದಂತೆ ಚುರುಕಾಗುವುದು ಒಡೆಯ ಚಿತ್ರದ ಚಿತ್ರೀಕರಣ. ಜೊತೆ ಜೊತೆಯಲ್ಲೇ ರಾಬರ್ಟ್ ಚಿತ್ರದ ಚಿತ್ರೀಕರಣ ಶುರುವಾಗಲಿದೆ. 2019ರಲ್ಲಿ ಯಜಮಾನ ಚಿತ್ರವೇ ಮೊದಲು ತೆರೆಗೆ ಬರಲಿದ್ದು, ಕುರುಕ್ಷೇತ್ರ ಆನಂತರ ರಿಲೀಸ್ ಆಗಲಿದೆ ಎನ್ನಲಾಗಿದೆ.

  • ಆರಡಿ ದರ್ಶನ್‍ಗೆ ಬೆರಳುದ್ದದ ಪ್ರತಿಮೆಯ ಕಾಣಿಕೆ

    darshan gets a heart waming gift

    ಚಾಲೆಂಜಿಂಗ್ ಸ್ಟಾರ್ ದರ್ಶನ್‍ಗೆ ಗಾಂಚಲಿ ಚಿತ್ರದ ಹೀರೋ ಆದರ್ಶ ವಿಶೇಷ ಕಾಣಿಕೆಯೊಂದನ್ನ ನೀಡಿದ್ದಾರೆ. ಅದು ದರ್ಶನ್ ಅವರ ಪುಟ್ಟ ಪ್ರತಿಮೆ. ದರ್ಶನ್ ಆರಡಿಯಿದ್ದರೇನು.. ಈ ಪ್ರತಿಮೆ ಅಂಗೈಯಲ್ಲಿ ಇಟ್ಟುಕೊಳ್ಳಬಹುದಾದಷ್ಟು ಚಿಕ್ಕದು. ಅಭಿಮಾನ, ಪ್ರೀತಿಯಷ್ಟೇ ಆರಡಿಗಿಂತ ದೊಡ್ಡದು.

    ಗಾಂಚಲಿ ಚಿತ್ರದ ಆಡಿಯೋ ರಿಲೀಸ್‍ಗೆ ಬಂದಿದ್ದ ದರ್ಶನ್‍ಗೆ ಆದರ್ಶ ನೀಡಿರುವ ಪ್ರೀತಿಯ ಕಾಣಿಕೆ ಈ ಮೈಕ್ರೋ ಪ್ರತಿಮೆ.

  • ಆ್ಯಕ್ಸಿಡೆಂಟ್ ಎಫೆಕ್ಟ್ - ದರ್ಶನ್ ಸಿನಿಮಾಗಳಿಗೆ ಬ್ರೇಕ್

    delay in darshan's movies

    ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರಿಗೆ ಸಂಭವಿಸಿದ ಅಪಘಾತ ಅವರ ಚಿತ್ರಗಳಿಗೆ ಬ್ರೇಕ್ ಹಾಕಿದೆ. ಮಿಂಚಿನ ವೇಗದಲ್ಲಿ ನಡೆಯುತ್ತಿದ್ದ ಚಿತ್ರೀಕರಣ, ಪ್ರೊಡಕ್ಷನ್ ಕೆಲಸಗಳು ಏರುಪೇರಾಗಿವೆ. ಅಪಘಾತವಾದ ಹಿಂದಿನ ದಿನವಷ್ಟೇ ಯಜಮಾನ ಚಿತ್ರದ ಮೋಷನ್ ಪೋಸ್ಟರ್ ಬಿಡುಗಡೆಯಾಗಿತ್ತು. ಬಹುತೇಕ ಚಿತ್ರೀಕರಣ ಮುಗಿಸಿದ್ದ ಸಿನಿಮಾದ ಹಾಡುಗಳ ಶೂಟಿಂಗ್ ಅಷ್ಟೇ ಬಾಕಿಯಿತ್ತು. ವಿದೇಶದಲ್ಲಿ ಶೂಟಿಂಗ್‍ಗೆ ಪ್ಲಾನ್ ಮಾಡಿದ್ದ ಚಿತ್ರತಂಡ, ಈಗ ಶೂಟಿಂಗ್‍ನ್ನು ಅನಿರ್ದಿಷ್ಟಾವಧಿಗೆ ಮುಂದೆ ಹಾಕಿದೆ. ಪಿ.ಕುಮಾರ್ ನಿರ್ದೇಶನದ ಚಿತ್ರದಲ್ಲಿ ರಶ್ಮಿಕಾ ಮಂದಣ್ಣ ನಾಯಕಿ.

    ದರ್ಶನ್ ಗುಣಮುಖರಾಗುವವರೆಗೆ ಶೂಟಿಂಗ್ ಮಾತೇ ಇಲ್ಲ. ರಿಲೀಸ್ ಡೇಟ್ ಕೂಡಾ ಮುಂದೆ ಹೋಗುತ್ತೆ. ಉಳಿದ ಕೆಲಸಗಳನ್ನು ಮುಗಿಸಿಕೊಳ್ಳುತ್ತೇವೆ. ಆದಷ್ಟು ಬೇಗ ಗುಣಮುಖರಾಗಿ ಶೂಟಿಂಗ್ ಶುರುವಾಗಲಿದೆ ಎಂದಿದ್ದಾರೆ ನಿರ್ಮಾಪಕಿ ಶೈಲಜಾ ನಾಗ್.

    ಸಂದೇಶ್ ನಾಗರಾಜ್ ನಿರ್ಮಾಣದ ಒಡೆಯ ಚಿತ್ರದ ಚಿತ್ರೀಕರಣವೂ ಸದ್ಯಕ್ಕೆ ಮುಂದಕ್ಕೆ ಹೋಗಿದೆ. 18 ದಿನಗಳ ಶೂಟಿಂಗ್ ಮುಗಿಸಿದ್ದ ಸಿನಿಮಾ ಟೀಂ, ದರ್ಶನ್ ಗುಣಮುಖರಾದ ಮೇಲಷ್ಟೇ ಮುಂದಿನ ಶೂಟಿಂಗ್ಎಂದಿದ್ದಾರೆ ಸಂದೇಶ್ ನಾಗರಾಜ್.

  • ಇನ್ಸ್‍ಪೆಕ್ಟರ್ ವಿಕ್ರಂಗೆ ದರ್ಶನ್ ಪವರ್

    darshan in guest role for prajwal' devaraj's movie

    ಇನ್ಸ್‍ಪೆಕ್ಟರ್ ವಿಕ್ರಂ. ಪ್ರಜ್ವಲ್ ದೇವರಾಜ್ ನಟಿಸುತ್ತಿರುವ ಸಿನಿಮಾ. ಈ ಸಿನಿಮಾದಲ್ಲಿ ಪ್ರಜ್ವಲ್‍ಗೆ ಜೋಡಿಯಾಗಿ ಭಾವನಾ ಬರುತ್ತಿದ್ದಾರೆ. ಇದೆಲ್ಲದರ ಜೊತೆಗೆ ಈಗ ಚಾಲೆಂಜಿಂಗ್ ಸ್ಟಾರ್ ಪವರ್ ಕೂಡಾ ಸಿಕ್ಕಿದೆ. ಚಿತ್ರದ ಅತ್ಯಂತ ಪ್ರಮುಖ ಪಾತ್ರವೊಂದರಲ್ಲಿ ದರ್ಶನ್ ನಟಿಸೋಕೆ ಒಪ್ಪಿಕೊಂಡಿದ್ದಾರಂತೆ.

    ಅರಸು, ನಾಗರಹಾವು, ಚೌಕ, ಪ್ರೇಮ ವಿರಹ.. ಹೀಗೆ ಹಲವು ಚಿತ್ರಗಳಲ್ಲಿ ಸ್ನೇಹಕ್ಕಾಗಿ ಅತಿಥಿ ಪಾತ್ರಗಳಲ್ಲಿ ನಟಿಸಿರುವ ದರ್ಶನ್, ಇನ್ಸ್‍ಪೆಕ್ಟರ್ ವಿಕ್ರಂನಲ್ಲೂ ಅಂಥದ್ದೇ ಪುಟ್ಟ ಪಾತ್ರದಲ್ಲಿ ನಟಿಸೋಕೆ ಒಪ್ಪಿದ್ದಾರೆ.

    ಪುಷ್ಪಕವಿಮಾನ ವಿಖ್ಯಾತ್ ನಿರ್ಮಾಣದ ಚಿತ್ರಕ್ಕೆ ಹೊಸ ಪ್ರತಿಬೇ ನರಸಿಂಹ ನಿರ್ದೇಶಕರು. ಸದ್ಯಕ್ಕೆ ಚಿತ್ರತಂಡ ಅದನ್ನು ಗುಟ್ಟಾಗಿಟ್ಟಿದೆ. ಅಧಿಕೃತಗೊಳಿಸಿಲ್ಲ. 

  • ಇಬ್ಬರು ಮಹಾಮೌನಿಗಳ ಮಿಲನ ತಾರಕ್

    tarak is a combination of two silent stars

    ಒಬ್ಬರು ಚಾಲೆಂಜಿಂಗ್ ಸ್ಟಾರ್. ಕರ್ನಾಟಕದಲ್ಲಿ ಅತೀ ಹೆಚ್ಚು ಫ್ಯಾನ್ ಫಾಲೋವರ್ಸ್ ಇರುವ ನಟ. ಮತ್ತೊಬ್ಬರು ಮಿಲನ ಪ್ರಕಾಶ್. ಹಿಟ್ ಮೇಲೆ ಹಿಟ್ ಕೊಟ್ಟಿರುವ ನಿರ್ದೇಶಕ. ಈ ಇಬ್ಬರೂ ಒಟ್ಟಾಗಿರುವುದು ತಾರಕ್ ಚಿತ್ರದಲ್ಲಿ. ಈ ಇಬ್ಬರದ್ದೂ ಒಂದೇ ಒಂದು ವಿಶೇಷತೆಯೆಂದರೆ, ಇಬ್ಬರೂ ಮಹಾಮೌನಿಗಳು. ಹಾಗೆಂದು ಮಾತನಾಡುವುದೇ ಇಲ್ಲ ಎಂದಲ್ಲ. ಆದರೆ, ಮಾಧ್ಯಮಗಳಿಂದ ಒಂದು ಅಂತರ ಕಾಯ್ದುಕೊಂಡೇ ಬಂದವರು.

    ತಮ್ಮ ಚಿತ್ರದ ಬಗ್ಗೆ ದರ್ಶನ್ ಮಾತನಾಡುವುದು ಕಡಿಮೆ ಎಂದೇ ಹೇಳಬೇಕು. ಏಕೆಂದರೆ, ಆ ಕೆಲಸವನ್ನು ಅಭಿಮಾನಿಗಳು ಮಾಡಿಬಿಡುತ್ತಾರೆ. ಹೀಗಾಗಿ ದರ್ಶನ್ ಮಾತನಾಡಲಿ, ಬಿಡಲಿ.. ಚಿತ್ರಕ್ಕೊಂದು ಹೈಪ್ ಅಭಿಮಾನಿಗಳಿಂದಲೇ ಸೃಷ್ಟಿಯಾಗಿಬಿಟ್ಟಿರುತ್ತೆ. 

    ಇನ್ನು ಮಿಲನ ಪ್ರಕಾಶ್ ವಿಚಾರಕ್ಕೆ ಬಂದರೆ, ಅವರು ಹೇಳೊದೇ ಬೇರೆ. ನಾವು ಮಾತನಾಡೋದಲ್ಲ. ಚಿತ್ರ ಮಾತನಾಡಬೇಕು ಅಂತಾರೆ ಪ್ರಕಾಶ್. ಸಿನಿಮಾಗೆ ಪಬ್ಲಿಸಿಟಿ ಕೊಡಬೇಕು ನಿಜ. ಅದನ್ನು ನಾವು ಮಾಡಿದ್ದೇವೆ. ಹಾಗೆಂದು ಚಿತ್ರವನ್ನು ವಿನಾಕಾರಣ ಉಬ್ಬಿಸಬಾರದು. ಚಿತ್ರದ ಕಥೆ ಮತ್ತು ಸಿನಿಮಾ ಬಗ್ಗೆ ನಮಗೆ ನಂಬಿಕೆಯಿರಬೇಕು. ಚಿತ್ರವನ್ನು ಗೆಲ್ಲಿಸುವುದೇ ಚಿತ್ರದ ಕಥೆ ಅಂತಾರೆ ಪ್ರಕಾಶ್.

  • ಈಗ ದರ್ಶನ್ ಬಾಸ್..

    darshan rides 8055 bike

    ಸ್ಯಾಂಡಲ್‍ವುಡ್ ಬಾಸ್  ಯಾರು ಅಂತಾ ಅಭಿಮಾನಿಗಳು ರೊಚ್ಚಿಗೆದ್ದಿರುವಾಗ, ಯಶ್ ಬಾಸ್ ಎಂದರ್ಥ ಬರುವ 8055 ನಂಬರ್ ಖರೀದಿಸಿರುವಾಗ, ದರ್ಶನ್ ಕೂಡಾ ಬಾಸ್ ಆಗಿದ್ದಾರೆ. ಅವರು ಬಾಸ್ ನಂಬರ್‍ನ ಬೈಕ್‍ನಲ್ಲಿ ಅಂದರೆ, 8055 ನಂಬರ್ ಇರುವ ಬೈಕ್ ಸವಾರಿ ಮಾಡಿದ್ದಾರೆ ದರ್ಶನ್.

    ಜಯಕಾಂತ್ ಎಂಬುವರು ದರ್ಶನ್ ಅಭಿಮಾನಿ. ಅವರ ಬಳಿ ಹಾರ್ಲೆ ಡೆವಿಡ್‍ಸನ್ ಬೈಕ್ ಇದೆ. ಆ ಬೈಕ್‍ನ ನಂಬರ್ ಕೆಎ-51 ಹೆಚ್‍ಡಿ8055. ಅಂದರೆ ಬಾಸ್ ಅರ್ಥ ಕೊಡುವ ನಂಬರ್. ಆ ನಂಬರ್‍ಗಾಗಿ ಜಯಕಾಂತ್ 30 ಸಆವಿರ ರೂ. ಖರ್ಚು ಮಾಡಿದ್ದರಂತೆ.

    ನೆಲಮಂಗಲ ಬಳಿ ಯಜಮಾನ ಚಿತ್ರದ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿದ್ದ ವೇಳೆ ದರ್ಶನ್, ತಮ್ಮ ಅಭಿಮಾನಿಯ ಬೈಕ್‍ನನ್ನು ರೈಡ್ ಮಾಡಿ ಸುದ್ದಿ ಮಾಡಿದ್ದಾರೆ. 

  • ಉಘೇ.. ಉಘೇ.. ಉಘೇ.. ಯಜಮಾನ

    yajamana trailer breaks all records

    ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿಮಾನಿಗಳ ವೇಯ್ಟಿಂಗ್ ಮುಗಿಯುವ ಕಾಲ ಹತ್ತಿರ ಬಂದಿದೆ. ಯಜಮಾನನ ಟ್ರೇಲರ್ ಹೊರಬಿದ್ದಿದೆ. ಟ್ರೇಲರ್ ಸಿಂಪ್ಲಿ ಸೂಪರ್ಬ್. ಇದುವರೆಗಿನ ದರ್ಶನ್ ಚಿತ್ರದ ಟ್ರೇಲರ್‍ಗಳಿಗಿಂತ ಡಿಫರೆಂಟ್ ಆಗಿದೆ ಅಷ್ಟೇ ಅಲ್ಲ, ಟೆಕ್ನಿಕಲಿ ಸೂಪರ್ ಆಗಿದೆ. ಹೀಗಾಗಿಯೇ.. ಸಂತಸದ ಮುಗಿಲು ಮುಟ್ಟಿರುವ ಅಭಿಮಾನಿಗಳು ಯಜಮಾನನ ಟ್ರೇಲರ್‍ನ್ನೇ ನೋಡಿ ನೋಡಿ.. ಆನಂದಿಸುತ್ತಿದ್ದಾರೆ.

    ದರ್ಶನ್ ಅವರ ಲುಕ್, ಗೆಟಪ್ ಎಲ್ಲವೂ ಮಾಸ್ ಆಗಿದೆ. ಆಕಾಶಕ್ಕೆ ತಲೆಕೊಟ್ಟು, ಭೂಮಿಗೆ ಬೆವರಿಳಿಸಿ, ನಿಯತ್ತಿನಿಂದ ಕಟ್ಟಿದ ಸ್ವಂತ ಬ್ರ್ಯಾಂಡ್ ಇದು ಎನ್ನುವ ಡೈಲಾಗ್ ಕಿಕ್ಕೇರಿಸುತ್ತೆ. ರಶ್ಮಿಕಾ ಮಂದಣ್ಣ, ದೇವರಾಜ್, ಡಾಲಿ ಧನಂಜಯ್, ರವಿಶಂಕರ್, ಅನೂಪ್ ಸಿಂಗ್ ಮೊದಲಾದವರು ನಟಿಸಿರುವ ಯಜಮಾನನ ಹಬ್ಬ ಮಾರ್ಚ್ 1ರಿಂದ ಆರಂಭ. 

  • ಎಂಎಲ್‍ಎ ಪ್ರಥಮ್‍ಗೆ ಪುನೀತ್, ದರ್ಶನ್ ಬೆಂಬಲ

    mla pratham gets support from puneeth, darshan

    ಒಳ್ಳೆಯ ಹುಡುಗ ಪ್ರಥಮ್ ಅಭಿನಯದ ಎಂಎಲ್‍ಎ ಚಿತ್ರದ ಆಡಿಯೋ ಬಿಡುಗಡೆಗೆ ವೇದಿಕೆ ಸಿದ್ಧಗೊಂಡಿದೆ. ಈ ಚಿತ್ರಕ್ಕೆ ಪ್ರಥಮ್‍ಗೆ ಕನ್ನಡದ ಇಬ್ಬರು ಸ್ಟಾರ್‍ಗಳ ಬೆಂಬಲ ಸಿಕ್ಕಿರುವುದು ವಿಶೇಷ. ಪವರ್ ಸ್ಟಾರ್ ಪುನೀತ್ ಮತ್ತು ಚಾಲೆಂಜಿಂಗ್ ಸ್ಟಾರ್ ದರ್ಶನ್‍ರ ಬೆಂಬಲ, ಪ್ರೋತ್ಸಾಹ ಪ್ರಥಮ್ ಹೊಸ ಸಿನಿಮಾಗೆ ಸಿಕ್ಕಿದೆ.

    ಕಾರ್ಮಿಕರ ದಿನಾಚರಣೆ ದಿನದಂದೇ ನಡೆಯುತ್ತಿರುವ ಈ ಕಾರ್ಯಕ್ರಮಕ್ಕೆ ವಿಶೇಷ ಅತಿಥಿಯಾಗಿ ಬರುತ್ತಿರುವುದು ಚಾಲೆಂಜಿಂಗ್ ಸ್ಟಾರ್ ದರ್ಶನ್.

    ಮೈಸೂರಿನಲ್ಲಿ ಯಜಮಾನ ಚಿತ್ರದ ಚಿತ್ರೀಕರಣ ನಡೆಯುವ ಸ್ಥಳಕ್ಕೆ ಹೋಗಿದ್ದ ಪ್ರಥಮ್‍ಗೆ, ಬಂದೇ ಬರ್ತೀನಿ ಅನ್ನೋ ಭರವಸೆ ಕೊಟ್ಟಿದ್ದಾರೆ ದರ್ಶನ್. ದರ್ಶನ್ ಅವರು ಯಾವತ್ತೂ ಕೊಟ್ಟ ಮಾತು ತಪ್ಪಿಲ್ಲ. ಅದು ನಾನು ಅವರಿಂದ ಕಲಿತ ಪಾಠವೂ ಹೌದು. ದರ್ಶನ್ ಅವರನ್ನು ಚಿತ್ರದ ಆಡಿಯೋ ಬಿಡಗಡೆಗೆ ಕರೆತರಲು ಸಹಕರಿಸಿದ ಎಲ್ಲರಿಗೂ ನಾನು ಋಣಿ ಎಂದಿದ್ದಾರೆ ಪ್ರಥಮ್.

    ಇನ್ನು ಎಂಎಲ್‍ಎ ಚಿತ್ರದ ಆಡಿಯೋ ರೈಟ್ಸ್ ಖರೀದಿಸಿರುವುದು ಪುನೀತ್ ರಾಜ್‍ಕುಮಾರ್ ಒಡೆತನದ ಪಿಆರ್‍ಕೆ ಆಡಿಯೋ ಕಂಪೆನಿ. ಸೋನಲ್ ಮಂಟಾರಿಯೋ ಪ್ರಥಮ್‍ಗೆ ನಾಯಕಿಯಾಗಿದ್ದು, ಮಜಾ ಟಾಕೀಸ್ ಮೌರ್ಯ ಚಿತ್ರದ ನಿರ್ದೇಶಕ. ವೆಂಕಟೇಶ್ ರೆಡ್ಡಿ ಚಿತ್ರದ ನಿರ್ಮಾಪಕರು.

Trayambakam Movie Gallery

Rightbanner02_butterfly_inside

Paddehuli Movie Gallery