` karthik gowda, - chitraloka.com | Kannada Movie News, Reviews | Image

karthik gowda,

  • 3 ಈಡಿಯಟ್ಸ್ ಕನ್ನಡಕ್ಕೆ ಬರುತ್ತಾ..? ಬಂದ್ರೆ ಯಾರು..?

    will 3 idiots be made in kananda

    3 ಈಡಿಯಟ್ಸ್, ಬಾಲಿವುಡ್‍ನ ಕ್ಲಾಸ್ ಮತ್ತು ಕ್ಲಾಸಿಕ್ ಚಿತ್ರಗಳಲ್ಲಿ ಒಂದು. ಮನರಂಜನೆಯ ಜೊತೆ ಜೊತೆಗೇ ಹೃದಯ ಮುಟ್ಟುವ ಸಂದೇಶವೂ ಇದ್ದ ಚಿತ್ರವದು. ಹಿಂದಿಯಲ್ಲಿ ಅಮೀರ್ ಖಾನ್, ಮಾಧವನ್, ಶರ್ಮಾನ್ ಜೋಷಿ ನಟಿಸಿದ್ದರೆ, ತಮಿಳಿನಲ್ಲಿ ಅಜಿತ್, ಜೀವ, ಶ್ರೀಕಾಂತ್ ನಟಿಸಿದ್ದರು. ಈ ಚಿತ್ರವನ್ನು ಕನ್ನಡದಲ್ಲಿ ರೀಮೇಕ್ ಮಾಡಿದ್ರೆ ಹೇಗೆ..?

    ಅಯ್ಯೋ ಬಿಡ್ರಿ, ಯಾರ್ ಮಾಡ್ತಾರೆ ಅಂತಾ ಅಂದ್ಕೋಬೇಡಿ. ಯಾಕಂದ್ರೆ ಅಂತಾದ್ದೊಂದು ಪ್ರಶ್ನೆ ಕೇಳಿ ಸಂಚಲನ ಸೃಷ್ಟಿಸಿರೋದು ನಿರ್ಮಾಪಕ ಕಾರ್ತಿಕ್ ಗೌಡ. ಕನ್ನಡದಲ್ಲಿ 3 ಈಡಿಯಟ್ಸ್ ರೀಮೇಕ್ ಮಾಡಿದ್ರೆ ಯಾರು ಯಾರು ನಟಿಸಬಹುದು ಎಂದು ಅಭಿಮಾನಿಗಳ ಮುಂದೆ ಪ್ರಶ್ನೆ ಇಟ್ಟಿದ್ದಾರೆ.

    ಅಭಿಮಾನಿಗಳು ಅದಕ್ಕೆ ಉತ್ತರವನ್ನೂ ಕೊಟ್ಟಿದ್ದಾರೆ. ಪುನೀತ್, ಶ್ರೀಕಾಂತ್ ಯೋಗಿಯ ಹುಡುಗರು ಕಾಂಬಿನೇಷನ್, ಗಾಳಿಪಟದ ಗಣೇಶ್, ದಿಗಂತ್, ರಾಜೇಶ್ ಕೃಷ್ಣನ್ ಕಾಂಬಿನೇಷನ್ ಹೆಸರು ಮುಂದಿಟ್ಟಿದ್ದಾರೆ. ಪ್ರಜ್ವಲ್ ದೇವರಾಜ್, ಡಾರ್ಲಿಂಗ್ ಕೃಷ್ಣ, ಧನಂಜಯ್ ಹೆಸರುಗಳೂ ಕೇಳಿ ಬಂದಿವೆ. ಆದರೆ ಅಮೀರ್ ಖಾನ್ ಪಾತ್ರಕ್ಕೆ ಕೇಳಿ ಬಂದಿರೋದು ಇಬ್ಬರ ಹೆಸರು. ಪುನೀತ್ ಮತ್ತು ಗಣೇಶ್.

    ಇನ್ನು ಬೊಮ್ಮನ್ ಇರಾನಿ ಪಾತ್ರಕ್ಕೆ ಅನಂತ್ ನಾಗ್ ಅವರೇ ಅಂತಿಮ ಆಯ್ಕೆ. ಮಿಕ್ಕ ಪಾತ್ರ ಯಾರಾದರೂ ಮಾಡಲಿ, ಇರಾನಿ ಪಾತ್ರಕ್ಕೆ ಅನಂತ್ ನಾಗ್ ಅವರೇ ಸೂಕ್ತ ಎಂದಿದ್ದಾರೆ ಫ್ಯಾನ್ಸ್. ಅನಂತ್ ನಾಗ್ ಅವರಿಗೆ ಕಾಂಪಿಟೇಷನ್ನೇ ಇಲ್ಲ

  • Santhosh Anandaram To Do Another Film For Hombale Films

    santhosh ananadaram to do hombale films

    Director Santhosh Anandaram is looking forward for the 100 days function of 'Rajakumara' on Friday. Meanwhile, it has been confirmed that he will be doing another film for Hombale Films.

    'Rajakumara' Executive Producer Karthik Gowda himself has confirmed that Hombale Films will be producing another film in the direction of Santhosh Anandaram and the next film will be announced in the month of August.

    Earlier, there was a news that Santhosh might direct Shivarajakumar in a new film called 'Ranaranga'. Will Santhosh direct Shivarajakumar for Hombale Films is yet to be seen.

  • ಕಿಚ್ಚನ ಮುಂದಿನ ಸಿನಿಮಾ ಕಾರ್ತಿಕ್ ಗೌಡರ ಜೊತೆನಾ? ಅಥವಾ..

    ಕಿಚ್ಚನ ಮುಂದಿನ ಸಿನಿಮಾ ಕಾರ್ತಿಕ್ ಗೌಡರ ಜೊತೆನಾ? ಅಥವಾ..

    ವಿಕ್ರಾಂತ್ ರೋಣ ಚಿತ್ರದ ಭರ್ಜರಿ ಯಶಸ್ಸಿನ ನಂತರ ಹೊಸ ಚಿತ್ರವನ್ನು ಸುದೀಪ್ ಘೋಷಣೆ ಮಾಡಿಲ್ಲ. ಸದ್ಯಕ್ಕೆ ಬಿಗ್ ಬಾಸ್ ನಿರೂಪಣೆಯಲ್ಲಿಯೇ ಬ್ಯುಸಿಯಾಗಿರುವ ಸುದೀಪ್ ಮಧ್ಯೆ ಕಥೆಗಳನ್ನು ಕೇಳೋದನ್ನು ಬಿಟ್ಟಿಲ್ಲ. ಮುಂದಿನ ಸಿನಿಮಾ ಯಾರು ಮಾಡ್ತಾರಂತೆ ಅನ್ನೋ ಪ್ರಶ್ನೆಗೆ ಅಧಿಕೃತವಾಗಿ ಉತ್ತರವಿನ್ನೂ ಸಿಕ್ಕಿಲ್ಲ. ಇದರ ನಡುವೆ ಸೆನ್ಸೇಷನ್ ಕೊಟ್ಟಿದ್ದಾರೆ ಕಾರ್ತಿಕ್ ಗೌಡ.

    ಹೊಸ ಆರಂಭ ಎಂದು ಸುದೀಪ್ ಅವರನ್ನು ಟ್ಯಾಗ್ ಮಾಡಿ ಒಂದು ಪೋಸ್ಟ್ ಹಾಕಿದ್ದಾರೆ. ಸದ್ಯಕ್ಕೆ ಕಾರ್ತಿಕ್ ಗೌಡ ಕೈತುಂಬಾ ಚಿತ್ರಗಳನ್ನಿಟ್ಟುಕೊಂಡಿದ್ದಾರೆ. ಹೊಯ್ಸಳ, ಉತ್ತರಕಾಂಡ. ಸೇರಿದಂತೆ ಹಲವು ಚಿತ್ರಗಳಿವೆ. ಇದರ ಜೊತೆಯೇ ಈ ಟ್ವೀಟ್ ಹೊರಬಿದ್ದಿದೆ.

    ಹಾಗಾದರೆ ಸುದೀಪ್ ಮುಂದಿನ ಚಿತ್ರಕ್ಕೆ ಕಾರ್ತಿಕ್ ಗೌಡ ಪ್ರೊಡ್ಯೂಸರ್ ಇರಬಹುದಾ? ಈ ಪ್ರಶ್ನೆ ಅಭಿಮಾನಿಗಳ ತಲೆಯಲ್ಲಿ ಓಡಾಡುತ್ತಿದೆ. ಆದರೆ ಕಾರ್ತಿಕ್ ಗೌಡ ಹೊಂಬಾಳೆಯವರೂ ಹೌದು. ಹೊಂಬಾಳೆಯೇ ಇರಬಹುದಾ? ಇದು ಇನ್ನೊಂದು ಪ್ರಶ್ನೆ. ಆದಷ್ಟು ಬೇಗ ಸುದೀಪ್-ಕಾರ್ತಿಕ್ ಗೌಡ ಹೊಸ ಆರಂಭ ಶುರುವಾಗಲಿ.

  • ಕೆಜಿಎಫ್ ಚಾಪ್ಟರ್ 2 ಡಬಲ್ ಸಿಹಿ ಸುದ್ದಿ

    kgf image

    ಕೆಜಿಎಫ್ ಚಾಪ್ಟರ್ 2 ಚಿತ್ರದ ರಿಲೀಸ್ ಡೇಟ್ ಏನೋ ಅನೌನ್ಸ್ ಆಗಿದೆ. ಆದರೆ ಟೀಸರ್ ಆಗಲೀ, ಟ್ರೇಲರ್ ಆಗಲೀ ಇಲ್ಲ. ಅಪ್‍ಡೇಟ್ ಏನೂ ಸಿಗ್ತಿಲ್ಲ. ಲಾಕ್ ಡೌನ್ ಮಧ್ಯೆಯೂ ಕೆಜಿಎಫ್ ಅಪ್‍ಡೇಟ್ ನಿರೀಕ್ಷೆಯಲ್ಲಿರೋ ಅಭಿಮಾನಿಗಳಿಗೆ ಒಂದು ಸಿಹಿ ಸುದ್ದಿ.

    ಕೆಜಿಎಫ್ ಚಾಪ್ಟರ್ 2 ಚಿತ್ರದ ಟೀಸರ್ ಮತ್ತು ಟ್ರೇಲರ್ ಒಟ್ಟೊಟ್ಟಿಗೇ ಬರಲಿವೆಯಂತೆ. ಹೊಂಬಾಳೆ ಫಿಲಂಸ್‍ನ ನಿರ್ಮಾಪಕ ಕಾರ್ತಿಕ್ ಗೌಡ ನೀಡಿರುವ ಸಿಹಿ ಸುದ್ದಿ ಇದು. ಯಾವಾಗ..? ಆ ಗುಟ್ಟನ್ನು ಗೌಡರು ಬಿಟ್ಟುಕೊಟ್ಟಿಲ್ಲ.

    ಪ್ರಶಾಂತ್ ನೀಲ್, ಯಶ್, ವಿಜಯ್ ಕಿರಗಂದೂರು ಕಾಂಬಿನೇಷನ್ನಿನ ಕೆಜಿಎಫ್ ಚಾಪ್ಟರ್ 2 ಈ ವರ್ಷದ ಭಾರತೀಯ ಚಿತ್ರರಂಗದ ಬಹುನಿರೀಕ್ಷಿತ ಚಿತ್ರ.

  • ಕೆಜಿಎಫ್ ಚಾಪ್ಟರ್ 2ಗೆ ಫೇಕ್ ಅಭಿಮಾನಿಗಳ ಕಾಟ..

    ಕೆಜಿಎಫ್ ಚಾಪ್ಟರ್ 2ಗೆ ಫೇಕ್ ಅಭಿಮಾನಿಗಳ ಕಾಟ..

    ಅದನ್ನು ನೋಡಿ ಖುಷಿ ಪಡಬೇಕೋ.. ಏನ್ ಮಾಡೋದಪ್ಪಾ ಎಂದು ತಲೆ ಮೇಲೆ ಕೈ ಹೊತ್ಕೋಬೇಕೋ.. ಗೊತ್ತಾಗದ ಸ್ಥಿತಿ ಕೆಜಿಎಫ್ ಟೀಂನದ್ದು. ಅದು ಕೆಜಿಎಫ್ ಸೃಷ್ಟಿಸಿರೋ ಹವಾ. ಹೀಗಾಗಿ ಪ್ರತಿಯೊಂದನ್ನೂ ಸಹಿಸಿಕೊಳ್ಳಬೇಕು. ಇತ್ತೀಚೆಗೆ ಮಾರ್ಚ್ 8ರಂದು, ಸಂಜೆ 6.18ಕ್ಕೆ ಕೆಜಿಎಫ್ ಚಾಪ್ಟರ್ 2 ಟ್ರೇಲರ್ ರಿಲೀಸ್ ಆಗುತ್ತೆ ಅನ್ನೋ ಸುದ್ದಿಯೊಂದು ಹೊರಬಿದ್ದಿತ್ತು. ನೋಡಿದರೆ ಅದು ಕೆಜಿಎಫ್ ಟೀಂನದ್ದೇ ಟ್ವೀಟ್ ಅನ್ನೋ ರೀತಿಯಲ್ಲಿರೋ ಪೋಸ್ಟ್. ವಿಚಿತ್ರವೆಂದರೆ ಕೆಜಿಎಫ್ ಹವಾದಲ್ಲಿ ಅದೂ ಕೂಡಾ ಟ್ರೆಂಡ್ ಸೃಷ್ಟಿಸಿಬಿಡ್ತು.

    ದಯವಿಟ್ಟು ಇಂತಹ ಸುದ್ದಿಗಳನ್ನೆಲ್ಲ ನಂಬಬೇಡಿ. ಕೆಜಿಎಫ್ ಚಾಪ್ಟರ್ 2 ಏಪ್ರಿಲ್ 14ಕ್ಕೆ ರಿಲೀಸ್ ಆಗುತ್ತೆ. ಚಿತ್ರದ ಪ್ರಚಾರವೂ ಶುರುವಾಗುತ್ತೆ. ಸಂಬಂಧಪಟ್ಟ ವಿಷಯಗಳನ್ನು ಅಫಿಷಿಯಲ್ ಪೇಜ್‍ಗಳಲ್ಲಷ್ಟೇ ನೋಡಿ ಎಂದು ಸ್ವತಃ ಕಾರ್ತಿಕ್ ಗೌಡ ಮನವಿ ಮಾಡಿದ್ದಾರೆ. ಕಾರ್ತಿಕ್ ಗೌಡ, ಕೆಜಿಎಫ್ ಚಾಪ್ಟರ್ 2ನ ಕಾರ್ಯಕಾರಿ ನಿರ್ಮಾಪಕ.

    ಕೆಜಿಎಫ್ ಚಾಪ್ಟರ್ 1 ಹಿಟ್ ಆಗಿದ್ದರ ಜೊತೆಗೆ, ಚಾಪ್ಟರ್ 2ಗೆ ಇನ್ನಷ್ಟು ನಿರೀಕ್ಷೆ ಬಂದುಬಿಟ್ಟಿದೆ. ಪ್ರಶಾಂತ್ ನೀಲ್ ತಮ್ಮ ತಂಡಕ್ಕೆ ಯಶ್, ಶ್ರೀನಿಧಿ ಶೆಟ್ಟಿ ಜೊತೆಗೆ ಪ್ರಕಾಶ್ ರೈ, ಸಂಜಯ್ ದತ್, ರವೀನಾ ಟಂಡನ್ ಮೊದಲಾದವರನ್ನೆಲ್ಲ ಸೇರಿಸಿಬಿಟ್ಟಿದ್ದಾರೆ. ನಿರೀಕ್ಷೆ ಮೌಂಟ್ ಎವರೆಸ್ಟ್ ಎತ್ತರಕ್ಕೇರಿರುವಾಗ ಇಂತಹದ್ದನ್ನೆಲ್ಲ ಸಹಿಸಿಕೊಳ್ಳಲೇಬೇಕು.

  • ಕೆಜಿಎಫ್‌ ಲೂಟಿಗೆ ಯತ್ನ : ಲೋಕಲ್ ಚಾನೆಲ್‍ಗೆ ನಿರ್ಮಾಪಕರ ವಾರ್ನಿಂಗ್

    producers warns telugu local channels

    ಕೆಜಿಎಫ್, ಹೊಸ ಇತಿಹಾಸವನ್ನೇ ಬರೆದ ಸಿನಿಮಾ. ಬಾಕ್ಸಾಫೀಸಿನಲ್ಲಷ್ಟೇ ಅಲ್ಲ, ಟಿವಿ ರೇಟಿಂಗ್ನಲ್ಲೂ ಭರ್ಜರಿ ದುಡ್ಡು ಮಾಡ್ತಿರೋ ಕೆಜಿಎಫ್, ಇಂದಿಗೂ ಹವಾ ಉಳಿಸಿಕೊಂಡಿದೆ. ಟಿವಿ ಚಾನೆಲ್ಲುಗಳಲ್ಲಿ ಈಗಲೂ ಒಳ್ಳೆಯ ಹಣ ಗಳಿಸುತ್ತಿರುವ ಸಿನಿಮಾ ಕೆಜಿಎಫ್. ಹೀಗಾಗಿಯೇ ಸಹಜವಾಗಿಯೇ ಕೆಜಿಎಫ್ ಮೇಲೆ ಕಳ್ಳರ ಕಣ್ಣು ಬಿದ್ದಿದೆ.

    ಕೆಜಿಎಫ್‌ ಚಾಪ್ಟರ್‌ 1  ಕನ್ನಡದ ಜೊತೆ ತಮಿಳು,ತೆಲುಗು, ಮಲಯಾಳಂ ಹಾಗೂ ಹಿಂದಿಯಲ್ಲೂ ರಿಲೀಸ್ ಆಗಿತ್ತು. ಟಿವಿ ರೈಟ್ಸ್ಗಳೂ ಒಳ್ಳೆಯ ಮೊತ್ತಕ್ಕೆ ಸೇಲ್ ಆಗಿತ್ತು. ಆದರೆ, ಆಂಧ್ರದಲ್ಲಿ ರೈಟ್ಸ್ ಪಡೆದ ಚಾನೆಲ್ ಬಿಟ್ಟು, ಇನ್ನೊಂದು ಚಾನೆಲ್ ದುಡ್ಡಿನ ಆಸೆಗೆ ಅಡ್ಡದಾರಿ ಹಿಡಿದಿದೆ. ನಿರ್ಮಾಪಕರಿಂದ ಅನುಮತಿಯನ್ನೂ ಪಡೆದಿಲ್ಲ. ಹಣವನ್ನೂ ಕೊಟ್ಟಿಲ್ಲ. ಮಾಹಿತಿಯನ್ನೂ ನೀಡಿಲ್ಲ. ಹಕ್ಕುಗಳೇ ಇಲ್ಲದೆ ಟಿವಿಯಲ್ಲಿ ಸಿನಿಮಾ ಪ್ರಸಾರ ಮಾಡಿದೆ.

    Every ಹೆಸರಿನ ಲೋಕಲ್‌ ತೆಲುಗು ಚಾನಲ್‌ ಕೆಜಿಎಫ್‌ ಸಿನಿಮಾವನ್ನು ಅಕ್ರಮವಾಗಿ ಪ್ರಸಾರ ಮಾಡಿದೆ. ಹೀಗಾಗಿಯೇ ಗರಂ ಆಗಿರುವ ನಿರ್ಮಾಪಕ ಕಾರ್ತಿಕ್ ಗೌಡ, ಚಾನೆಲ್ ವಿರುದ್ಧ

    ಕಾನೂನು ಹೋರಾಟ ಮಾಡುವುದಾಗಿ ಹೇಳಿದ್ಧಾರೆ. ಆ ಚಾನೆಲ್ಲಿನಲ್ಲಿ ಪ್ರಸಾರವಾದ ವಿಡಿಯೋ ಮತ್ತು ಸ್ಕ್ರೀನ್ ಶಾಟ್ ಇಟ್ಟುಕೊಂಡು ಕೇಸ್ ಹಾಕುವುದಾಗಿ ತಿಳಿಸಿದ್ಧಾರೆ ಕಾರ್ತಿಕ್ ಗೌಡ.

    ಹೊಂಬಾಳೆ ಫಿಲಂಸ್ನ ಟೀಂನಲ್ಲಿ ಒಬ್ಬರಾಗಿರುವ ಕಾರ್ತಿಕ್ ಗೌಡ, ಕೋರ್ಟ್ ಮೆಟ್ಟಿಲೇರುವುದು ಖಚಿತ.

    ವಿಜಯ್ ಕಿರಗಂದೂರು ನಿರ್ಮಾಣದ ಚಿತ್ರವನ್ನು ಪ್ರಶಾಂತ್ ನೀಲ್ ನಿರ್ದೇಶಿಸಿದ್ದರು. ಯಶ್ ಅವರಿಗೆ ನ್ಯಾಷನಲ್ ಲೆವೆಲ್ ಸ್ಟಾರ್ ಪಟ್ಟ ಕೊಟ್ಟಿರುವ ಚಿತ್ರದ ಸೀಕ್ವೆಲ್, ಈ ವರ್ಷ ಅಕ್ಟೋಬರ್ನಲ್ಲಿ ರಿಲೀಸ್ ಆಗುತ್ತಿದೆ. ಕೆಜಿಎಫ್ ಚಾಪ್ಟರ್ 2ನಲ್ಲಿ ಯಶ್ ಜೊತೆ ಸಂಜಯ್ ದತ್, ರವೀನಾ ಟಂಡನ್ ಮೊದಲಾದ ಬಾಲಿವುಡ್ ಸ್ಟಾರ್ಗಳೂ ಇದ್ಧಾರೆ.

  • ಯಜಮಾನನ ವಿತರಣೆ ಕಾರ್ತಿಕ್ ಗೌಡ ಪಾಲು

    karthik gowda to distribute yajamana

    ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿನಯದ ಯಜಮಾನ ಚಿತ್ರ ಬಿಡುಗಡೆಗೆ ರೆಡಿಯಾಗುತ್ತಿರುವಾಗಲೇ ಚಿತ್ರಕ್ಕೆ ಡಿಮ್ಯಾಂಡ್ ಜೋರಾಗಿದೆ. ಚಿತ್ರದ ವಿತರಣೆ ಹೊಣೆಯನ್ನು ನಿರ್ಮಾಪಕ ಕಾರ್ತಿಕ್ ಗೌಡ ವಹಿಸಿಕೊಂಡಿದ್ದಾರೆ. ಕಾರ್ತಿಕ್ ಗೌಡ ಅವರ ಕೆ.ಆರ್.ಜಿ. ಸ್ಟುಡಿಯೋ ಮೂಲಕ ಯಜಮಾನ ರಾಜ್ಯಾದ್ಯಂತ ಬಿಡುಗಡೆಯಾಗಲಿದೆ.

    ಯಜಮಾನ ಚಿತ್ರವನ್ನು ರಿಲೀಸ್ ಮಾಡುವುದಕ್ಕೆ ಎಕ್ಸೈಟ್ ಆಗಿದ್ದೇನೆ ಎಂದು ಹೇಳಿಕೊಂಡಿದ್ದಾರೆ ಕಾರ್ತಿಕ್ ಗೌಡ. ಕೆಜಿಎಫ್‍ನ ಸಹನಿರ್ಮಾಪಕರಲ್ಲಿ ಒಬ್ಬರಾದ ಕಾರ್ತಿಕ್ ಗೌಡ, ವಿಜಯ್ ಕಿರಗಂದೂರು ಅವರ ಸಂಬಂಧಿಯೂ ಹೌದು. ದರ್ಶನ್, ರಶ್ಮಿಕಾ ಮಂದಣ್ಣ ಅಭಿನಯದ ಸಿನಿಮಾಗೆ ಪಿ.ಕುಮಾರ್, ಹರಿಕೃಷ್ಣ ನಿರ್ದೇಶಕರು. ಶೈಲಜಾ ನಾಗ್ ಮತ್ತು ಬಿ.ಸುರೇಶ್ ನಿರ್ಮಾಣದ ಸಿನಿಮಾ ಇದೇ ತಿಂಗಳ ಅಂತ್ಯಕ್ಕೆ ಅಥವಾ ಮಾರ್ಚ್‍ನಲ್ಲಿ ತೆರೆಗೆ ಬರುವ ಸಾಧ್ಯತೆ ಇದೆ.

  • ರಾಜಕುಮಾರ ನಿರ್ಮಾಪಕನ ಜೊತೆ ರಾಜಮೌಳಿ

    raajkumara producer withrakamouli

    ರಾಜಕುಮಾರ ಶತದಿನೋತ್ಸವದತ್ತ ಮುನ್ನುಗ್ಗುತ್ತಿರುವಾಗಲೇ, ಚಿತ್ರದ ನಿರ್ಮಾಪಕ ಕಾರ್ತಿಕ್ ಗೌಡ, ರಾಜಮೌಳಿಯನ್ನು ಭೇಟಿಯಾಗಿ ಬಂದಿದ್ದಾರೆ. ರಾಜಕುಮಾರನ ಶತದಿನೋತ್ಸವ ಸಂಭ್ರಮಕ್ಕೆ ರಾಜಮೌಳಿ ಬರಲಿದ್ದಾರೆ ಎನ್ನುವ ನಿರೀಕ್ಷೆ, ಸ್ಯಾಂಡಲ್​ವುಡ್​ನಲ್ಲಿದೆ.

    ಕನ್ನಡದ ಬಾಕ್ಸಾಫೀಸ್​ನಲ್ಲಿ ಭರ್ಜರಿ ಸದ್ದು ಮಾಡಿದ ಪುನೀತ್ ರಾಜಕುಮಾರನ ಸಂಭ್ರಮಕ್ಕೆ ರಾಜಮೌಳಿ ವಿಶೇಷ ಅತಿಥಿಯಾಗುತ್ತಾರಾ..? ಅದು ಒಂದು ನಿರೀಕ್ಷೆಯಾದರೆ, ಇನ್ನೊಂದು ನಿರೀಕ್ಷೆ, ರಾಜಮೌಳಿ ಕನ್ನಡದಲ್ಲಿ ಸಿನಿಮಾ ಮಾಡ್ತಾರಾ ಅನ್ನೋದು. ನಿರೀಕ್ಷೆಗಳು ಗರಿಗೆದರಿವೆ.

  • ರಾಜಕುಮಾರನ ಸಂಭ್ರಮವಷ್ಟೇ ಅಲ್ಲ - ಲಾಭದಲ್ಲೂ ಪಾಲು

    rajakumara producer decides to distribute profit

    ಎಲ್ಲರೂ ಸಂತೋಷದಿಂದಿರಬೇಕು ಎಂಬ ಸೂತ್ರವನ್ನೇ ಚಿತ್ರ ಮಾಡಿ ಗೆದ್ದ ರಾಜಕುಮಾರ ಚಿತ್ರತಂಡ, ಚಿತ್ರದ ಯಶಸ್ಸಿನಲ್ಲೂ ಅದೇ ಸೂತ್ರ ಅನುಸರಿಸುತ್ತಿದೆ. ರಾಜಕುಮಾರ ಚಿತ್ರದ ಶತದಿನೋತ್ಸವ ಸಮಾರಂಭ ಜುಲೈ 7ಕ್ಕೆ ನಡೆಯಲಿದೆ. ಅದರ ಜೊತೆಯಲ್ಲೇ ಇನ್ನೊಂದು ಸಿಹಿ ಸುದ್ದಿಯೂ ಇದೆ.

    ಚಿತ್ರ ಬಾಕ್ಸಾಫೀಸ್​ನಲ್ಲಿ ದಾಖಲೆ ಬರೆದಿದ್ದು ನಿಜ. ಹಾಗೆ ಚಿತ್ರದಿಂದ ಲಾಭಾಂಶವನ್ನೂ ಹಂಚಲು ನಿರ್ಧರಿಸಿದ್ದಾರೆ ನಿರ್ಮಾಪಕ ಕಾರ್ತಿಕ್ ಗೌಡ. ಚಿತ್ರದಲ್ಲಿ ನಟಿಸಿದ ಕಲಾವಿದರ, ದುಡಿದ ತಂತ್ರಜ್ಞರು, ಕಾರ್ಮಿಕರು..ಹೀಗೆ ಪ್ರತಿಯೊಬ್ಬರಿಗೂ ಚಿತ್ರದ ಲಾಭಾಂಶದಲ್ಲಿ ಪಾಲು ನೀಡಲು ಮುಂದಾಗಿದ್ದಾರೆ. ಈ ಮೂಲಕ ಕನ್ನಡ ಚಿತ್ರರಂದಲ್ಲಿ ಹೊಸ ಸತ್​ ಸಂಪ್ರದಾಯದವೊಂದಕ್ಕೆ ಮುನ್ನುಡಿ ಬರೆಯುತ್ತಿದ್ದಾರೆ.

    ಜುಲೈ 7ರಂದು ಪ್ಯಾಲೇಸ್ ಗ್ರೌಂಡ್​ನಲ್ಲಿ ಬೃಹತ್ ಸಮಾರಂಭ ನಡೆಯಲಿದೆ. ಚಿತ್ರತಂಡದ ಸಂಭ್ರಮದಲ್ಲಿ ಚಿತ್ರರಂಗವೇ ಪಾಲ್ಗೊಳ್ಳುತ್ತಿದೆ. ವೇದಿಕೆಯಲ್ಲಿ ಚಿತ್ರಕ್ಕೆ ಬೆವರು ಸುರಿಸಿದ ತಂತ್ರಜ್ಞರನ್ನು ಸನ್ಮಾನಿಸುವ ಕಾರ್ಯಕ್ರಮವೂ ಇವೆ. ಆ ವಿಶೇಷ ಕಾರ್ಯಕ್ರಮಕ್ಕೆ ಕನ್ನಡ ಚಿತ್ರರಂಗದ ಗಣ್ಯಾತಿಗಣ್ಯರೆಲ್ಲ ಆಗಮಿಸಿ ಶುಭ ಹಾರೈಸುತ್ತಿದ್ದಾರೆ. ಡಾ. ರಾಜ್​ ಕುಟುಂಬದ ಜೊತೆಗೆ ರವಿಚಂದ್ರನ್, ಸುದೀಪ್, ಉಪೇಂದ್ರ, ಯಶ್, ಗಣೇಶ್, ಜಗ್ಗೇಶ್ ಸೇರಿದಂತೆ, ಚಿತ್ರರಂಗಕ್ಕೆ ಚಿತ್ರರಂಗವೇ ಒಂದಾಗಿ ರಾಜಕುಮಾರನ ಈ ಗೆಲವನ್ನು ಸಂಭ್ರಮಿಸುತ್ತಿದೆ. 

  • ವರ್ಷದ ಸೂಪರ್ ಹಿಟ್ ಸ್ಟಾರ್ ಅವರಲ್ಲ.. ಇವರೂ ಅಲ್ಲ.. ಮತ್ಯಾರು?

    ವರ್ಷದ ಸೂಪರ್ ಹಿಟ್ ಸ್ಟಾರ್ ಅವರಲ್ಲ.. ಇವರೂ ಅಲ್ಲ.. ಮತ್ಯಾರು?

    2022ರ ಸೂಪರ್ ಹಿಟ್ ಚಿತ್ರ ಯಾವುದು ಎಂದರೆ ಕೆಜಿಎಫ್ ಅನ್ನೋದ್ರಲ್ಲಿ ಡೌಟೇ ಇಲ್ಲ. ಕೆಜಿಎಫ್ ಚಾಪ್ಟರ್ 2 ಬಿಟ್ಟರೆ, ಅಷ್ಟು ದೊಡ್ಡ ಮಟ್ಟದ ಸಕ್ಸಸ್ ಕಂಡ ಇನ್ನೊಂದು ಸಿನಿಮಾ ಅಪ್ಪು ಅಭಿನಯದ ಜೇಮ್ಸ್. ಇನ್ನು ಈ ವರ್ಷ ಹಿಟ್ ಆದ ಚಿತ್ರಗಳ ಲಿಸ್ಟಿನಲ್ಲಿ ಬಡವ ರಾಸ್ಕಲ್ ಇದೆ. ಲವ್ ಮಾಕ್‍ಟೇಲ್ 2 ಕೂಡಾ ಇದೆ. ಈಗ 777 ಚಾರ್ಲಿ. ಈ ಎಲ್ಲ ಚಿತ್ರಗಳಲ್ಲೂ ಕಾಣಿಸಿದ ಏಕೈಕ ಹೆಸರು ಒಂದೇ. ಅದು ಕೆಆರ್‍ಜಿ ಸ್ಟುಡಿಯೋಸ್.

    ಕಾರ್ತಿಕ್ ಗೌಡ, ಹೊಂಬಾಳೆ ಕುಟುಂಬದವರೇ. ಕೆಆರ್‍ಜಿ ಸ್ಟುಡಿಯೋಸ್ ಇವರ ಮಾಲೀಕತ್ವದ ಸಂಸ್ಥೆ. ಈ ಸಂಸ್ಥೆಯ ಮೂಲಕ ಈ ವರ್ಷ ವಿತರಣೆ ಕಂಡ ಚಿತ್ರಗಳು ಇವು. ಕೆಜಿಎಫ್ ಚಾಪ್ಟರ್ 2. ಬಡವ ರಾಸ್ಕಲ್. ಲವ್ ಮಾಕ್‍ಟೇಲ್ 2 ಹಾಗೂ ಈಗ 777 ಚಾರ್ಲಿ.

    ಹೀಗಾಗಿ ವರ್ಷದ ಸೂಪರ್ ಹಿಟ್ ಸ್ಟಾರ್ ಯಾರು ಎಂದರೆ ಕೆಆರ್‍ಜಿ ಸ್ಟುಡಿಯೋಸ್ ಎನ್ನಬಹುದು.