` kurukshetra, - chitraloka.com | Kannada Movie News, Reviews | Image

kurukshetra,

  • ಕುರುಕ್ಷೇತ್ರದಲ್ಲಿ ದರ್ಶನ್ ಜೊತೆ ನಟಿಸುತ್ತಿಲ್ಲ - ಕಾರಣ ಹೇಳಿದ ಶಿವರಾಜ್​ ಕುಮಾರ್ 

    shivarajkumar, darshan

    ದರ್ಶನ್ ಅಭಿನಯದ 50ನೇ ಚಿತ್ರ, ಸೆಟ್ಟೇರುವ ಮುನ್ನವೇ ಭರ್ಜರಿ ಸದ್ದು ಮಾಡುತ್ತಿದೆ. ದರ್ಶನ್ ಅಭಿನಯದ 50ನೇ ಚಿತ್ರ ಎಂಬುದಷ್ಟೇ ಕಾರಣವಲ್ಲ, ಕನ್ನಡದಲ್ಲಿ ಪೌರಾಣಿಕ ಚಿತ್ರವೊಂದು ಎಷ್ಟೋ ವರ್ಷಗಳ ನಂತರ ದೊಡ್ಡ ಮಟ್ಟದಲ್ಲಿ ಸೆಟ್ಟೇರುತ್ತಿರುವುದು ಕೂಡಾ ಕುತೂಹಲಕ್ಕೆ ಕಾರಣ. ಚಿತ್ರದಲ್ಲಿ ದರ್ಶನ್ ದುರ್ಯೋಧನನ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಆ ಚಿತ್ರದಲ್ಲಿ ಶಿವರಾಜ್ ಕುಮಾರ್ ನಟಿಸಬೇಕಿತ್ತು. ಆದರೆ, ನಟಿಸುತ್ತಿಲ್ಲ. ಆಫರ್​ನ್ನು ನಿರಾಕರಿಸಿರುವ ಶಿವಣ್ಣ, ಅದಕ್ಕೆ ಕಾರಣಗಳನ್ನೂ ಕೊಟ್ಟಿದ್ದಾರೆ. ಕುರುಕ್ಷೇತ್ರದ ಸಂಪೂರ್ಣ ವಿವರವನ್ನು ಹೇಳಿಕೊಂಡಿದ್ದಾರೆ.

    ಅರ್ಜುನನ ಪಾತ್ರವಲ್ಲ, ಕರ್ಣನ ಪಾತ್ರಕ್ಕೆ ಆಫರ್

    ಎಲ್ಲರೂ ಅಂದುಕೊಂಡಿದ್ದಂತೆ ಶಿವರಾಜ್​ ಕುಮಾರ್​ಗೆ ಬಂದಿದ್ದದ್ದು ಅರ್ಜುನನ ಪಾತ್ರವಲ್ಲ. ಕರ್ಣನ ಪಾತ್ರವಲ್ಲ. ಕರ್ಣ ಮತ್ತು ದುರ್ಯೋಧನರ ಸ್ನೇಹದ ಬಗ್ಗೆ ಮಹಾಭಾರತದಲ್ಲಿ ಅದ್ಭುತ ಕಥೆಯಿದೆ. 

    ಡೇಟ್ ಸಮಸ್ಯೆ

    ಬಹುಶಃ ಕನ್ನಡದಲ್ಲಿ ಅತ್ಯಂತ ಬ್ಯುಸಿಯಾಗಿರುವ ನಟರೆಂದರೆ, ಅದು ಶಿವರಾಜ್ ಕುಮಾರ್ ಮಾತ್ರ. ಸದ್ಯಕ್ಕೆ "ದಿ ವಿಲನ್‌', "ಟಗರು' ಮುಂತಾದ ಚಿತ್ರಗಳಲ್ಲಿ ನಟಿಸುತ್ತಿದ್ದಾರೆ. ಮಾಸ್ ಲೀಡರ್ ಬಿಡುಗಡೆ ಹಂತದಲ್ಲಿದೆ. ಕೈಯಲ್ಲಿ 10ಕ್ಕೂ ಹೆಚ್ಚು ಚಿತ್ರಗಳಿವೆ. ಅಷ್ಟು ಚಿತ್ರಗಳ ಮಧ್ಯೆ ಕುರುಕ್ಷೇತ್ರಕ್ಕೆ ಡೇಟ್ಸ್ ಹೊಂದಾಣಿಕೆ ಸಾಧ್ಯವಾಗಿಲ್ಲ

    ತೂಕದ ಸಮಸ್ಯೆ

    ಎಲ್ಲರಿಗೂ ಗೊತ್ತಿರುವಂತೆ ಕರ್ಣ ಮಹಾರಥಿ ಯೋಧ. ಅಪ್ರತಿಮ ವೀರ. ಆ ಪಾತ್ರಕ್ಕೆ ಅಭಿನಯದಷ್ಟೇ ದೇಹದಾರ್ಢ್ಯತೆಯೂ ಮುಖ್ಯ. ಶಿವರಾಜ್ ಕುಮಾರ್ ನೋಡಿದರೆ ಸ್ಲಿಮ್ & ಸ್ಮಾರ್ಟ್. ಕರ್ಣನ ಪಾತ್ರಕ್ಕೆ ಏನಿಲ್ಲವೆಂದರೂ 5 ಕೆಜಿ ತೂಕ ಹೆಚ್ಚಿಸಿಕೊಳ್ಳಬೇಕಿತ್ತು. 67 ಕೆಜಿ ತೂಕವಿರುವ ಶಿವಣ್ಣ, 72 ಕೆಜಿಗೆ ತೂಕ ಹೆಚ್ಚಿಸಿಕೊಳ್ಳಬೇಕಿತ್ತು. ಈಗಿನ ಸ್ಥಿತಿಯಲ್ಲಿ ಅದು ಅಸಾಧ್ಯ ಎಂದು ಹೇಳಿದ್ದಾರೆ ಶಿವರಾಜ್​ ಕುಮಾರ್.

    ಯಾವ ವೈರತ್ವವೂ ಇಲ್ಲ

    ದರ್ಶನ್‌ ಜೊತೆಗೆ ನಟಿಸಬೇಕು ಎಂಬ ಕಾರಣಕ್ಕೆ ಸಿನಿಮಾ ಬಿಡಲಿಲ್ಲ. ನಿಜ ಹೇಳಬೇಕೆಂದರೆ, ಕರ್ಣನ ಪಾತ್ರವನ್ನು ಬಹಳ ಮಿಸ್‌ ಮಾಡಿಕೊಳ್ಳುತ್ತಿದ್ದೇನೆ. ಮಹಾಭಾರತದಲ್ಲಿ ಕರ್ಣ, ದುರ್ಯೋಧನರ ಮಧ್ಯೆ ಎಂತಹ ಸ್ನೇಹವಿತ್ತೋ ಅಂಥದ್ದೇ ಸ್ನೇಹ ನಮ್ಮಿಬ್ಬರ ಮಧ್ಯೆ ಈಗಲೂ ಇದೆ. ದರ್ಶನ್​ರನ್ನು ಚಿಕ್ಕ ಹುಡುಗನಾಗಿದ್ದಾಗಿನಿಂದ ನೋಡಿದ್ದೇನೆ. ನಾವಿಬ್ಬರೂ ಈಗಲೂ ಸ್ನೇಹಿತರು.

    ದರ್ಶನ್ ಅದ್ಭುತವಾಗಿ ನಟಿಸುತ್ತಾರೆ

    ಅದು ನನ್ನ ನಂಬಿಕೆ. ದರ್ಶನ್‌ ಅವರ ಜೀನ್ಸ್‌ನಲ್ಲೇ ಆ ಶಕ್ತಿಯಿದೆ. ದುರ್ಯೋಧನನ ಪಾತ್ರವನ್ನು ದರ್ಶನ್‌ ಅದ್ಭುತವಾಗಿ ನಿರ್ವಹಿಸುತ್ತಾರೆ ಎಂಬ ನಂಬಿಕೆ ನನ್ನದು. ದರ್ಶನ್ ಕೆಪ್ಯಾಸಿಟಿಗೆ ಆ ತರಹದ ಪಾತ್ರಗಳು ಅತ್ಯಂತ ಸುಲಭ ಎಂದಿದ್ದಾರೆ ಶಿವಣ್ಣ. ಕುರುಕ್ಷೇತ್ರ ಚಿತ್ರ ಅದ್ಭುತವಾಗಿ ಮೂಡಿಬರಲಿ ಎಂದು ಶುಭ ಹಾರೈಸಿದ್ದಾರೆ.

    Actor Shivarajakumar who is back from London after acting in 'The Villain', says that he couldn't act in 'Kurukshetra' because of date clash and he is missing the role of Karna very much.

    'I was offered the role of Karna in the movie, but I couldn't act in the film because of date clash. I have given the dates for 'The Villain' and 'Tagaru'. Moreover, I had to increase my weight, which I cannot do now. Firstly, I need some time to gain my weight and if I increase my weight, then I would become a problem from other films' said Shivarajakumar.

    Shivarajakumar said his decision to opt out of the film has nothing to do with Darshan. 'I and Darshan are very good friends and I know him from many years. Our friendship is like of Duryodhana and Karna's and I am very much missing an opportunity to act with him' said Shivarajakumar.

  • ಕುರುಕ್ಷೇತ್ರದಲ್ಲಿ ಹರಿಪ್ರಿಯ ದ್ರೌಪದಿಯಲ್ಲ..!

    haripriya in kurukshetra

    ಚಾಲೆಂಜಿಂಗ್ ಸ್ಟಾರ್ ದರ್ಶನ್ ನಟಿಸುತ್ತಿರುವ ಕುರುಕ್ಷೇತ್ರ ಸಿನಿಮಾಕ್ಕೆ ಇಬ್ಬರು ನಾಯಕಿಯರ ಆಗಮನವಾಗಿದೆ..ಇದು ದರ್ಶನ್ಗೆ 50 ನೇ ಸಿನಿಮಾ, ಅದೂ ಮಹಾಭಾರತದ ಗದಾಯುದ್ಧ ದ ಕಥೆಯಿರುವ ಚಿತ್ರ. ದರ್ಶನ್ ದುರ್ಯೋಧನನಾಗಿದ್ದಾರೆ.

    ಚಿತ್ರದ ಇಬ್ಬರು ನಾಯಕಿಯರಲ್ಲಿ ಒಬ್ಬರು ಹರಿಪ್ರಿಯ. ದರ್ಶನ್ ಜೊತೆಗೆ ಇದು ಹರಿಪ್ರಿಯಾಗೆ ಮೊತ್ತ ಮೊದಲ ಚಿತ್ರ. ಆದರೆ, ಚಿತ್ರದ ಪ್ರಮುಖ ಪಾತ್ರವಾದ ದ್ರೌಪದಿ ಪಾತ್ರ ಅಲ್ಲವಂತೆ. ನರ್ತಕಿಯ ಪಾತ್ರವಂತೆ. ಆದರೆ, ಪಾತ್ರದಲ್ಲಿ ಅಭಿನಯಕ್ಕೆ ಒಳ್ಳೆಯ ಅವಕಾಶ ಇರುವ ಒಪ್ಪಿಕೊಂಡಿದ್ದೇನೆ ಎನ್ನುತ್ತಾರೆ ಹರಿಪ್ರಿಯ. ಇನ್ನು  ಕುರುಕ್ಷೇತ್ರ ಸಿನಿಮಾಗೆ ಸಿಕ್ಕ ಮತ್ತೊಬ್ಬ ನಟಿ ರೆಜಿನಾ..ತೆಲುಗು ನಟಿಯಾದ್ರೂ ಕನ್ನಡದ ಸುರ್ಯಕಾಂತಿ ಸಿನಿಮಾದಲ್ಲಿ  ನಟಿಸಿದ ಅನುಭವವಿದೆ.

    ಬಹುಶಃ ರೆಜಿನಾ ದರ್ಶನ್ಗೆ ಜೋಡಿಯಾಗಬಹುದು. ರೆಜಿನಾ ಭಾನುಮತಿ ಪಾತ್ರ ವಹಿಸಲಿದ್ದಾರೆ ಎನ್ನಲಾಗುತ್ತಿದೆ. ನಿರ್ದೇಶಕ ನಾಗಣ್ಣ ಪಾತ್ರಗಳಿಗೆ ಕಲಾವಿದರನ್ನು ಅಳೆದೂ ತೂಗಿ ಆಯ್ಕೆ ಮಾಡುತ್ತಿದ್ದಾರೆ. ಜುಲೈ 30ಕ್ಕೆ ಚಿತ್ರದ ಶೂಟಿಂಗ್ ಶುರುವಾಗುವ ಸಾಧ್ಯತೆ ಇದೆ.

    ಆದರೆ, ದ್ರೌಪದಿ ಇನ್ನೂ ಸಿಕ್ಕಿಲ್ಲ.

    Related Articles :-

    Haripriya Confirmed For Kurukshetra

    ವದಂತಿಗಳಿಗೆ ಕಿವಿಗೊಡಬೇಡಿ - ದರ್ಶನ್ ಕುರುಕ್ಷೇತ್ರದಲ್ಲಿ ನಟಿಸೋದು ಪಕ್ಕಾ 

    Vivek Oberoi in Kurukshetra Say Reports

    Kurukshetra To Be Launched On July 23rd

  • ಕೃಷ್ಣ ರವಿಚಂದ್ರನ್‍ಗೆ ಶ್ರೀನಿವಾಸಪ್ರಭು ಡಬ್ಬಿಂಗ್

    srinivasa prabhu to dub for ravichandran's krithsna role

    ಕ್ರೇಜಿ ಸ್ಟಾರ್ ರವಿಚಂದ್ರನ್ ಅವರದ್ದು ವಿಶಿಷ್ಟವಾದ ಧ್ವನಿ. ಇಂದಿಗೂ ರವಿಚಂದ್ರನ್ ಅವರನ್ನು ಮಿಮಿಕ್ರಿ ಮಾಡುವವರು, ಪ್ರೇಮಲೋಕ, ರಣಧೀರ, ಅಂಜದಗಂಡು ಮೊದಲಾದ ಚಿತ್ರಗಳಲ್ಲಿನ ಧ್ವನಿಯನ್ನೇ ಅನುಸರಿಸ್ತಾರೆ. ಆದರೆ, ಸ್ವಾರಸ್ಯವೇನೂ ಗೊತ್ತೇ.. ಅದು ರವಿಚಂದ್ರನ್ ಧ್ವನಿಯಲ್ಲ. ಆರಂಭದ ದಿನಗಳಲ್ಲಿ ರವಿಚಂದ್ರನ್ ತಮ್ಮ ಪಾತ್ರಗಳಿಗೆ ಶ್ರೀನಿವಾಸಪ್ರಭು ಅವರಿಂದ ಡಬ್ ಮಾಡಿಸ್ತಾ ಇದ್ರು. ಈಗ ಮತ್ತೊಮ್ಮೆ ರವಿಚಂದ್ರನ್‍ಗೆ ಕಂಠವಾಗಲು ಬಂದಿದ್ದಾರೆ ಶ್ರೀನಿವಾಸಪ್ರಭು.

    ಕುರುಕ್ಷೇತ್ರ ಚಿತ್ರದಲ್ಲಿ ಶ್ರೀಕೃಷ್ಣನ ಪಾತ್ರ ಮಾಡಿರುವ ರವಿಚಂದ್ರನ್‍ಗೆ ಶ್ರೀನಿವಾಸಪ್ರಭು ಅವರೇ ಧ್ವನಿ ಕೊಡಲಿದ್ದಾರೆ. ಕನ್ನಡದ ಮೇಲೆ ಅದ್ಭುತ ಹಿಡಿತ ಹೊಂದಿರುವ, ರಂಗಭೂಮಿಯ ನಂಟೂ ಇರುವ ಶ್ರೀನಿವಾಸ್‍ಪ್ರಭು ಅವರಿಗೆ ಪೌರಾಣಿಕ ಚಿತ್ರದ ಡೈಲಾಗ್ ಹೇಳುವುದು ನೀರು ಕುಡಿದಷ್ಟೇ ಸುಲಭ.

    ಪೋಸ್ಟ್ ಪ್ರೊಡಕ್ಷನ್ ಹಂತದಲ್ಲಿರುವ ಕುರುಕ್ಷೇತ್ರ ಕೆಲವೇ ದಿನಗಳಲ್ಲಿ ಡಬ್ಬಿಂಗ್ ಮುಗಿಸಿ, ಆಡಿಯೋ ಲಾಂಚ್ ಮಾಡೋಕೆ ಸಿದ್ಧವಾಗುತ್ತಿದೆ. ದರ್ಶನ್ ಅಭಿನಯದ 50ನೇ ಸಿನಿಮಾ ಅಷ್ಟೇ ಅಲ್ಲ, ಹೆಚ್ಚೂ ಕಡಿಮೆ ಅರ್ಧಕ್ಕರ್ಧ ಕನ್ನಡ ಚಿತ್ರರಂಗವೇ ಪಾಲ್ಗೊಂಡಿರುವ ಸಿನಿಮಾ ಕುರುಕ್ಷೇತ್ರ.

  • ಕೆಜಿಎಫ್ ದಾಖಲೆ ಮುರಿಯುತ್ತಾ ಕುರುಕ್ಷೇತ್ರ..?

    will kurukshetra beat kgf's record

    ಕನ್ನಡದಲ್ಲಿ ಸದ್ಯಕ್ಕೆ ಅತೀ ಹೆಚ್ಚು ಬಾಕ್ಸಾಫೀಸ್ ಕಲೆಕ್ಷನ್ ಮಾಡಿದ ದಾಖಲೆ ಕೆಜಿಎಫ್ ಹೆಸರಿನಲ್ಲಿದೆ. 100 ಕೋಟಿ ದಾಟಿದ ಮೊದಲ ಕನ್ನಡ ಚಿತ್ರ ಕೆಜಿಎಫ್. ಈಗ ಆ ದಾಖಲೆಯನ್ನು ಕುರುಕ್ಷೇತ್ರ ಮುರಿಯುವತ್ತ ದಾಪುಗಾಲಿಟ್ಟಿದೆ. 

    ಕುರುಕ್ಷೇತ್ರ ಚಿತ್ರ ಮೊದಲ ದಿನ 13 ಕೋಟಿ ಕಲೆಕ್ಷನ್ ಮಾಡಿತ್ತು. 2ನೇ ದಿನ 10 ಕೋಟಿ ಹಾಗೂ 3ನೇ ದಿನ 5 ರಿಂದ 6 ಕೋಟಿ ಕಲೆಕ್ಷನ್ ಮಾಡಿದೆ. ತೆಲುಗಿನಲ್ಲೂ ಕಲೆಕ್ಷನ್ ಒಂದೂವರೆ ಕೋಟಿ ದಾಟಿದೆ.

    ಒಂದು ವಾರ ಕಳೆಯುವ ಮೊದಲೇ 35 ಕೋಟಿ ದಾಖಲೆ ಮಾಡಿರುವ ಕುರುಕ್ಷೇತ್ರ, ಕೆಜಿಎಫ್ ದಾಖಲೆ ಮುರಿಯುವ ಸಾಧ್ಯತೆಗಳಿವೆ. ಸದ್ಯಕ್ಕೆ ಕುರುಕ್ಷೇತ್ರ ಕನ್ನಡ ಮತ್ತು ತೆಲುಗಿನಲ್ಲಷ್ಟೇ ರಿಲೀಸ್ ಆಗಿದೆ. ತಮಿಳಿನಲ್ಲಿ ಈ ವಾರ ರಿಲೀಸ್ ಆಗುವ ಸಾಧ್ಯತೆಗಳಿವೆ. ಮಲಯಾಳಂ ಹಾಗೂ ಹಿಂದಿಯಲ್ಲಿ ಇನ್ನೂ ರಿಲೀಸ್ ಆಗಿಲ್ಲ.

  • ಡಿ ಬಾಸ್ ಅಲ್ಲ.. ದುರ್ಯೋಧನ ಬಾಸ್ - ಸುಮಲತಾ ನಾಮಕರಣ

    sumalatha renames darshan with new name

    ಅಭಿಮಾನಿಗಳಿಂದ ಚಾಲೆಂಜಿಂಗ್ ಸ್ಟಾರ್, ದಾಸ, ಡಿ ಬಾಸ್, ಚಕ್ರವರ್ತಿ, ಯಜಮಾನ ಎಂದೆಲ್ಲ ಕರೆಸಿಕೊಳ್ಳೋ ದರ್ಶನ್‍ಗೆ ಈಗ ಹೊಸ ನಾಮಕರಣವಾಗಿದೆ. ಅದು ದುರ್ಯೋಧನ ಬಾಸ್. ಈ ಹೊಸ ಹೆಸರು ನೀಡಿರೋದು ಸುಮಲತಾ ಅಂಬರೀಷ್.

    ಕುರುಕ್ಷೇತ್ರ ಸಿನಿಮಾ ನೋಡಿದ ಸುಮಲತಾ ಅಂಬರೀಷ್, ದರ್ಶನ್ ಅಭಿನಯವನ್ನು ಹೊಗಳಿದ್ದಾರೆ. ದರ್ಶನ್ ದುರ್ಯೋಧನನ ಪಾತ್ರಕ್ಕೆ ಪರ್ಫೆಕ್ಟ್ ಆಗಿ ನಟಿಸಿದ್ದಾರೆ. ಸಂಗೊಳ್ಳಿ ರಾಯಣ್ಣ ಆದ ಮೇಲೆ ಇದು ಹೊಸ ಮೈಲಿಗಲ್ಲು ಎಂದಿದ್ದಾರೆ ಸುಮಲತಾ.

    ಅಂಬರೀಷ್‍ರನ್ನು ಕೊನೆಯ ಬಾರಿಗೆ ಅಭಿನಯಿಸಿರುವುದನ್ನು ತೆರೆಯ ಮೇಲೆ ನೋಡುವಾಗ ಆದ ಅನುಭವ ಹೇಳೋಕಾಗಲ್ಲ ಎಂದಿರೋ ಸುಮಲತಾ, ಕುರುಕ್ಷೇತ್ರ ಒಂದು ಸಿನಿಮಾ ಅಲ್ಲ, ಅದೊಂದು ಅನುಭವ ಎಂದಿದ್ದಾರೆ.

  • ಡಿ.19ಕ್ಕೆ ಕುರುಕ್ಷೇತ್ರದ ಮತ್ತೊಂದು ಟೀಸರ್

    kurukshetra movie image

    ಕುರುಕ್ಷೇತ್ರ. ಕನ್ನಡ ಚಿತ್ರರಂಗದಲ್ಲೇ ದಾಖಲೆ ಬರೆಯುತ್ತಿರುವ ಈ ಸಿನಿಮಾ, ಪ್ರತಿದಿನವೂ ಸುದ್ದಿಯಲ್ಲಿದೆ. ಚಿತ್ರದ ಕ್ಯಾನ್‍ವಾಸ್ ಅಂಥಾದ್ದು. ದರ್ಶನ್ ಅಭಿನಯದ, ಮುನಿರತ್ನ ನಿರ್ಮಿಸುತ್ತಿರುವ ಚಿತ್ರದಿಂದ ಹೊರಬಿದ್ದಿರುವುದು ಒಂದೇ ಟೀಸರ್. ಅದೂ ದರ್ಶನ್ ಹುಟ್ಟುಹಬ್ಬಕ್ಕೆಂದು ಬಿಡುಗಡೆಯಾದ ಸ್ಪೆಷಲ್.

    ಈಗ ಚಿತ್ರದ ಇನ್ನೊಂದು ಟೀಸರ್ ಬಿಡುಗಡೆ ಮಾಡಲು ಚಿತ್ರತಂಡ ತಯಾರಿ ನಡೆಸಿದೆ. ಡಿ.19ಕ್ಕೆ ಕುರುಕ್ಷೇತ್ರ ಚಿತ್ರದ 2ನೇ ಟೀಸರ್ ಬಿಡುಗಡೆಯಾಗಲಿದೆ. ಮೊದಲ ಟೀಸರ್‍ನಲ್ಲಿ ಕಂಗೊಳಿಸಿದ್ದವರು ದುರ್ಯೋಧನ ದರ್ಶನ್. ಎರಡನೇ ಟೀಸರ್‍ನಲ್ಲಿ ಮಿಂಚಲಿರುವುದು ಅಭಿಮನ್ಯು ನಿಖಿಲ್. ಅಂದಹಾಗೆ ಅಂದು ನಿಖಿಲ್ ಹುಟ್ಟುಹಬ್ಬ.

  • ತಾರಕ್ ಜೊತೆ ಬಂದ ದುರ್ಯೋಧನ

    kuruk teaser

    ತಾರಕ್ ಚಿತ್ರ ಚಿತ್ರಮಂದಿರಗಳಲ್ಲಿ ಅದ್ದೂರಿ ಪ್ರವೇಶವಾಗಿದೆ. ಫ್ಯಾಮಿಲಿ ಮತ್ತು ಆಕ್ಷನ್ ಮಿಶ್ರಿತ ಸಿನಿಮಾ ಪ್ರೇಕ್ಷಕರಿಗೂ ಇಷ್ಟವಾಗುತ್ತಿದೆ. ಇದೆಲ್ಲದರ ಜೊತೆ ದರ್ಶನ್​ ಅಭಿಮಾನಿಗಳಿಗೆ ಡಬಲ್ ಧಮಾಕ. ತಾರಕ್ ಜೊತೆ ಅವರಿಗೆ ದುರ್ಯೋಧನನ ದರ್ಶನವೂ ಆಗಿದೆ. ತಾರಕ್ ಚಿತ್ರಕ್ಕೂ ಮುನ್ನ ಚಿತ್ರಮಂದಿರಗಳಲ್ಲಿ ಕುರುಕ್ಷೇತ್ರ ಚಿತ್ರದ ಟೀಸರ್ ಪ್ರದರ್ಶನವಾಗಿವೆ.

    ದುರ್ಯೋಧನನ ರಾಜಭವನ ಪ್ರವೇಶ, ದರ್ಶನ್​ರ ಆ ಠೀವಿ, ಹಿನ್ನೆಲೆಯಲ್ಲಿ ಕೇಳಿ ಬರುವ ಸಾರ್ವಭೌಮ ದುರ್ಯೋಧನ ಎಂಬ ಧ್ವನಿ, ದರ್ಶನ್​ ಗಹಗಹಿಸಿ ನಗುವ ಆ ನಗು ಅಭಿಮಾನಿಗಳ ಸಂಭ್ರಮಕ್ಕೆ ಕಿಚ್ಚು ಹಚ್ಚಿರುವುದು ಸುಳ್ಳಲ್ಲ. ತಾರಕ್ ಎಂಜಾಯ್ ಮಾಡುತ್ತಲೇ ಕುರುಕ್ಷೇತ್ರಕ್ಕಾಗಿ ಕಾಯುವಂತೆ ಮಾಡಿದ್ದಾರೆ ದರ್ಶನ್.

  • ತೆಲುಗು ಕುರುಕ್ಷೇತ್ರಕ್ಕೆ ಕೀರವಾಣಿ ಸಾಹೋರೆ

    keervani song for kurukshetra telugu version

    ಕುರುಕ್ಷೇತ್ರ ಚಿತ್ರದ ಸಾಹೋರೇ ಹಾಡು ಕನ್ನಡದಲ್ಲಿ ಜನಪ್ರಿಯವಾಗಿರುವ ಗೀತೆ. ಇದೇ ಹಾಡನ್ನು ತೆಲುಗಿನಲ್ಲಿ ಮೊಳಗಿಸಿರುವುದು ಕೀರವಾಣಿ. ಎಂ.ಎಂ.ಕೀರವಾಣಿ. ಕನ್ನಡದಲ್ಲಿ ಈ ಹಾಡು ಹಾಡಿರುವುದು ವಿಜಯ್ ಪ್ರಕಾಶ್. ತೆಲುಗಿನಲ್ಲಿ ಹಾಡಿಗೆ ಧ್ವನಿ ನೀಡಿರುವುದು ದ.ಭಾರತದ ಸ್ಟಾರ್ ಸಂಗೀತ ನಿರ್ದೇಶಕ ಕೀರವಾಣಿ.

    ಹರಿಕೃಷ್ಣ ಅವರ ಸಂಗೀತ ನಿರ್ದೇಶನದ ಹಾಡಿಗೆ ಕೀರವಾಣಿಯಂತಹ ದಿಗ್ಗಜ ಹಾಡಿರುವುದೇ ಹೆಮ್ಮೆ. ಕನ್ನಡದಲ್ಲಿ ನಾಗೇಂದ್ರ ಪ್ರಸಾದ್ ಸಾಹಿತ್ಯವನ್ನು ತೆಲುಗಿನಲ್ಲಿ ವೆನ್ನಿಲಕಾಂತಿ ಬರೆದಿದ್ದಾರೆ.

    ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿನಯದ ಮುನಿರತ್ನ ಕುರುಕ್ಷೇತ್ರ ವರಮಹಾಲಕ್ಷ್ಮಿ ಹಬ್ಬಕ್ಕೆ ರಿಲೀಸ್ ಆಗುತ್ತಿದೆ.

  • ದರ್ಶನ್ ಅನುಭವದಲ್ಲಿ ಕುರುಕ್ಷೇತ್ರ ಶೂಟಿಂಗ್ 

    darshan shares kurukshetra experiences

    ಗದೆ ಬಿಟ್ಟರೆ, ಮೈಮೇಲೆ 35ರಿಂದ 40 ಕೆಜಿ ತೂಕದ ಒಡವೆಗಳಿರುತ್ತವೆ. ಡಿಸೈನ್ ಕಚ್ಚೆಯ ತೂಕವೇ ಎರಡ್ಮೂರು ಕೆಜಿ ಇರುತ್ತೆ. ಮೈಮೇಲಿನ ಒಡವೆ, ಕಿರೀಟ, ಗದೆ, ಐದಾರು ಇಂದು ಎತ್ತರದ ಗೋಲ್ಡ್ ಕಲರ್ ಚಪ್ಪಲಿ..ಇವೆಲ್ಲವನ್ನೂ ಹೊತ್ತುಕೊಂಡೇ ಓಡಾಡಬೇಕು. ಗದೆ, ಕಿರೀಟವನ್ನಷ್ಟೇ ಬದಿಗಿಡಬಹುದು ಹೊರತು, ಉಳಿದವೆಲ್ಲ ಮೈಮೇಲೆ ಇರುತ್ತವೆ. ಮೇಕಪ್ ಮಾಡಿಕೊಳ್ಳೋಕೆ ಎರಡೂವರೆ ಗಂಟೆ ಬೇಕು. ಮೇಕಪ್ ಹಾಕಿಕೊಂಡು ಕ್ಯಾರವಾನ್‍ನಿಂದ ಇಳಿದರೆ, ಸಂಜೆ 6ರ ತನಕ ಶೂಟಿಂಗ್. ಕಾಸ್ಟ್ಯೂಮ್ ತೆಗೆಯುವಂತೆಯೇ ಇಲ್ಲ. ಇದು ಸ್ವತಃ ದರ್ಶನ್ ಬಿಚ್ಚಿಟ್ಟಿರುವ ಕುರುಕ್ಷೇತ್ರದ ಶೂಟಿಂಗ್ ಅನುಭವ.

    ಒಂದು ದಿನಕ್ಕೆ ಒಂದು ಅಥವಾ ಎರಡು ಸೀನ್‍ಗಳನ್ನಷ್ಟೇ ಶೂಟ್ ಮಾಡಲಾಗುತ್ತಿದೆಯಂತೆ. ಅದರಲ್ಲಿಯೂ ಎರಡು ಬಾರಿ. 2ಡಿ ವರ್ಷನ್‍ಗೆ ಒಂದ್ಸಾರಿ, 3ಡಿ ವರ್ಷನ್‍ಗೆ ಇನ್ನೊಂದ್ಸಾರಿ ಶೂಟಿಂಗ್ ನಡೆಯುತ್ತಿದೆಯಂತೆ. ಡಬ್ಬಿಂಗ್ ಕೂಡಾ ಎರಡೆರಡು ಸಲ ಮಾಡಬೇಕಾಗಿದೆ. ನಿರ್ಮಾಪಕ ಮುನಿರತ್ನ, ಒಂದೇ ಸಂಭಾವನೆಯಲ್ಲಿ ಎರಡು ಸಿನಿಮಾ ಮಾಡಿಸಿಕೊಳ್ಳುತ್ತಿದ್ದಾರೆ ಎಂದು ತಮಾಷೆ ಮಾಡಿದ್ದಾರೆ ದರ್ಶನ್.

    ಇನ್ನು ನಿರ್ದೇಶಕ ನಾಗಣ್ಣನವರಿಗೆ ಇನ್ನೂ ದರ್ಶನ್‍ಗೆ ಹೊಂದಬಲ್ಲ ನಾಯಕಿ ಸಿಕ್ಕಿಲ್ಲ. ಭಾನುಮತಿಯ ಪಾತ್ರಕ್ಕೆ ಹುಡುಕಾಟ ನಡೆಯುತ್ತಲೇ ಇದೆ.

    ಇನ್ನು ದರ್ಶನ್ ಟೈಂ ಟೇಬಲ್ ಕೂಡಾ ಬದಲಾಗಿದೆ. ಬೆಳಗ್ಗೆ ಎದ್ದವರೇ ಎರಡು ಗಂಟೆ ಜಿಮ್‍ನಲ್ಲಿ ಬೆವರು ಹರಿಸಿ, ಜಾಗಿಂಗ್ ಮಾಡ್ತಾರೆ. ಆಮೇಲೆ ಸೆಟ್‍ಗೆ ಹೋದರೆ, ಎರಡು ಗಂಟೆ ಮೇಕಪ್‍ಗೇ ಸಮಯ ತೆಗೆದುಕೊಳ್ಳುತ್ತೆ. ಇದರ ನಡುವೆ ತಮ್ಮದೇ ಸೈಕಲ್‍ನಲ್ಲಿ ರಾಮೋಜಿಫಿಲ್ಮ್ ಸಿಟಿ ರೌಂಡ್ ಹಾಕ್ತಾರಂತೆ ದರ್ಶನ್. ಒಟ್ಟಿನಲ್ಲಿ ಕುರುಕ್ಷೇತ್ರ ಚಿತ್ರದ ಅನುಭವ ಡಿಫರೆಂಟಾಗಿಯಂತೂ ಇದೆ.

  • ದರ್ಶನ್ ಕುರುಕ್ಷೇತ್ರದಲ್ಲಿ ನಿಖಿಲ್ ಕುಮಾರಸ್ವಾಮಿ ಅಭಿಮನ್ಯು

    nikhil gowda as abhimanyu

    ಜಾಗ್ವಾರ್ ಚಿತ್ರದ ಮೂಲಕ ಬೆಳ್ಳಿತೆರೆ ಪ್ರವೇಶಿಸಿದ ನಿಖಿಲ್ ಕುಮಾರಸ್ವಾಮಿ, ಕುರುಕ್ಷೇತ್ರ ಚಿತ್ರದ ಪ್ರಮುಖ ಪಾತ್ರಕ್ಕೆ ಆಯ್ಕೆಯಾಗಿದ್ದಾರೆ. ಮಾಜಿ ಸಿಎಂ ಹೆಚ್.ಡಿ. ಕುಮಾರಸ್ವಾಮಿ ಪುತ್ರ ನಿಖಿಲ್, ಕುರುಕ್ಷೇತ್ರ ಚಿತ್ರದಲ್ಲಿ ಅಬಿಮನ್ಯು ಪಾತ್ರ ಮಾಡುತ್ತಿದ್ದಾರಂತೆ.

    ನಾಗಣ್ಣ ನಿರ್ದೇಶನದ ಕುರುಕ್ಷೇತ್ರ ಚಿತ್ರಕ್ಕೆ ಪಾತ್ರಧಾರಿಗಳ ಆಯ್ಕೆಯೇ ವಿಶೇಷವಾಗಿ ಗಮನ ಸೆಳೆಯುತ್ತಿದೆ. ಈಗಾಗಲೇ ಹರಿಪ್ರಿಯ ನರ್ತಕಿ ಪಾತ್ರದಲ್ಲಿ, ರೆಜಿನಾ ಭಾನುಮತಿ ಪಾತ್ರದಲ್ಲಿ ನಟಿಸುವುದು ಕನ್ಫರ್ಮ್ ಆಗಿದೆ.

    ದ್ರೌಪದಿಯ ಪಾತ್ರಕ್ಕೆ ದಕ್ಷಿಣ ಭಾರತದ ಖ್ಯಾತ ನಟಿಯೊಬ್ಬರ ಆಯ್ಕೆಯಾಗಿದೆ ಎನ್ನಲಾಗುತ್ತಿದೆ. ಹೆಸರು ಖಚಿತವಾಗಿಲ್ಲ. ಬಹುತೇಕ ಮುಗುಳ್ನಗೆ ಸುಂದರಿ ಸ್ನೇಹಾ ಆಯ್ಕೆಯಾಗುವುದು ಪಕ್ಕಾ ಎನ್ನಲಾಗುತ್ತಿದೆ.

    ಇನ್ನು ಚಿತ್ರದಲ್ಲಿ ಶ್ರೀನಿವಾಸ ಮೂರ್ತಿ ದ್ರೋಣಾಚಾರ್ಯರ ಪಾತ್ರದಲ್ಲಿ ನಟಿಸುತ್ತಿದ್ದು, ಶ್ರೀನಾಥ್ ದೃತರಾಷ್ಟ್ರನ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರಂತೆ. ಸಾಯಿಕುಮಾರ್, ಶಶಿಕುಮಾರ್ಗೆ ಪಾತ್ರವಿದೆಯಂತೆ. ಯಾವ ಪಾತ್ರ ಎನ್ನುವುದು ಇನ್ನೂ ಬಹಿರಂಗವಾಗಿಲ್ಲ.

    ಕುಂತಿಯ ಪಾತ್ರಕ್ಕೆ ಜ್ಯೂಲಿ ಲಕ್ಷ್ಮಿಯನ್ನು ಕೇಳಲಾಗಿದ್ದು, ಅವರಿನ್ನೂ ಕನ್ಫರ್ಮ್ ಮಾಡಿಲ್ಲ. ಒಟ್ಟಿನಲ್ಲಿ ದರ್ಶನ್ ದುರ್ಯೋಧನನಾಗಿ, ರವಿಚಂದ್ರನ್ ಶ್ರೀಕೃಷ್ಣನಾಗಿ ನಟಿಸುತ್ತಿರುವ ಚಿತ್ರ, ಸೆಟ್ಟೇರುವ ಮುನ್ನವೇ ಭರ್ಜರಿ ಸದ್ದು ಮಾಡುತ್ತಿದೆ.

    ಚಿತ್ರ ಇದೇ ತಿಂಗಳು 29ರಂದು ಸೆಟ್ಟೇರಲಿದೆ.

    Related Articles :-

    ಕುರುಕ್ಷೇತ್ರದಲ್ಲಿ ಹರಿಪ್ರಿಯ ದ್ರೌಪದಿಯಲ್ಲ..!

    Haripriya Confirmed For Kurukshetra

    ವದಂತಿಗಳಿಗೆ ಕಿವಿಗೊಡಬೇಡಿ - ದರ್ಶನ್ ಕುರುಕ್ಷೇತ್ರದಲ್ಲಿ ನಟಿಸೋದು ಪಕ್ಕಾ 

    Vivek Oberoi in Kurukshetra Say Reports

    Kurukshetra To Be Launched On July 23rd

    Krishna Ravichandran Stops Eating Meat

  • ದರ್ಶನ್ ದುರ್ಯೋಧನ ಅಲ್ಲ, ಸುಯೋಧನ..!

    kurukshetra image

    ಚಾಲೆಂಜಿಂಗ್ ಸ್ಟಾರ್ ದರ್ಶನ್, ಕುರುಕ್ಷೇತ್ರ ಚಿತ್ರದಲ್ಲಿ ದುರ್ಯೋಧನನ ಪಾತ್ರ ವಹಿಸುತ್ತಿರುವುದು ಎಲ್ಲರಿಗೂ ಗೊತ್ತಿರುವಂಥದ್ದೇ. ಈಗಾಗಲೇ ದುರ್ಯೋಧನನ ಪಾತ್ರದಲ್ಲಿ ದರ್ಶನ್ ಅವರ ನಡಿಗೆಯ ಗತ್ತು, ಆ ಅಟ್ಟಹಾಸದ ನಗು ನೋಡಿದವರು ಸಿನಿಮಾಗಾಗಿ ಎದುರು ನೋಡುತ್ತಿದ್ದಾರೆ. 

    ಆದರೆ, ದರ್ಶನ್ ಹೇಳೋದೇ ಬೇರೆ. ಎಲ್ಲರಿಗೂ ಗೊತ್ತಿರುವಂತೆ ಮಹಾಭಾರತದಲ್ಲಿ ದುರ್ಯೋಧನ ಖಳನಾಯಕ. ದುರ್ಯೋಧನನನ್ನು ಒಳ್ಳೆಯ ಆದರ್ಶ ಪುರುಷನಂತೆ ಚಿತ್ರಿಸುವ ಮೊದಲ ಪ್ರಯತ್ನ ನಡೆದಿದ್ದು ಕನ್ನಡದ ಹೆಮ್ಮೆ ಕವಿಗಳಲ್ಲಿ ಒಬ್ಬನಾದ ರನ್ನನಿಂದ. ರನ್ನನ ಗದಾಯುದ್ಧ ಕಾವ್ಯದಲ್ಲಿ ದುರ್ಯೋಧನನನ್ನು ಸುಯೋಧನ ಎಂದು ಬದಲಿಸಿ ಚಿತ್ರಿಸಲಾಗಿತ್ತು. ಈಗ ಕುರುಕ್ಷೇತ್ರದಲ್ಲಿ ಕೂಡಾ ಹಾಗೆ. ಇದನ್ನು ಸ್ವತಃ ದರ್ಶನ್ ಹೇಳಿಕೊಂಡಿದ್ದಾರೆ.

    ಇದು ಸಣ್ಣ ಪಾತ್ರವಲ್ಲ. ಸಣ್ಣ ಸವಾಲೂ ಅಲ್ಲ. ಅದರಲ್ಲೂ ಹಳಗನ್ನಡದ ಸಂಭಾಷಣೆ. ಹಲವು ಬಾರಿ ಹೇಳಿಕೊಂಡು, ಸ್ಕ್ರಿಪ್ಟ್‍ನ್ನು ಮನೆಗೇ ತೆಗೆದುಕೊಂಡು ಹೋಗಿ, ಉರುಹೊಡೆದು ಅಭ್ಯಾಸ ಮಾಡಿದ್ದೇನೆ. ತಪ್ಪಾಗಬಾರದು ಎಂಬ ಕಾಳಜಿಯಿಂದ ಚಿತ್ರದ ಸಂಪೂರ್ಣ ಸಂಭಾಷಣೆಯನ್ನು ಅಭ್ಯಾಸ ಮಾಡಿದ್ದೇನೆ ಎಂದು ಹೇಳಿಕೊಂಡಿದ್ದಾರೆ.

    ನಾನೂ ಕೂಡಾ ದುರ್ಯೋಧನನನ್ನು ಒಬ್ಬ ಖಳನಂತೆಯೇ ಚಿತ್ರಿಸಿಕೊಂಡಿದ್ದೆ. ಆದರೆ, ಈ ಚಿತ್ರದಲ್ಲಿ ನಟಿಸಿದ ಮೇಲೆ ದುರ್ಯೋಧನನ ಒಳ್ಳೆಯ ಗುಣಗಳ ಪರಿಚಯವೂ ನನಗಾಯಿತು. ಅವನು ದುರ್ಯೋಧನ ಅಲ್ಲ, ಸುಯೋಧನ ಎಂದಿದ್ದಾರೆ. 

    ಹಾಗಾದರೆ, ಕುರುಕ್ಷೇತ್ರ ಸಿನಿಮಾಗೆ ಕವಿ ರನ್ನನ ಗದಾಯುದ್ಧ ಸ್ಫೂರ್ತಿಯಾ..? ನಿರ್ದೇಶಕ ನಾಗಣ್ಣನವರೇ ಹೇಳಬೇಕು. ಹಾಗೇನಾದರೂ ಆಗಿದ್ದರೆ, ಅವರು ಅಭಿನಂದನಾರ್ಹರು. ಏಕೆಂದರೆ, ರನ್ನನ ಕಾವ್ಯವೊಂದು ಸಿನಿಮಾಗೆ ಸ್ಫೂರ್ತಿಯಾಗುವುದೆಂದರೆ ಸುಮ್ಮನೆ ಮಾತಲ್ಲ.

  • ದರ್ಶನ್ ಮೈಮೇಲೆ 50 ಕೆಜಿ ಭಾರ..!

    darshan wears 50kg jewelley

    ಕುರುಕ್ಷೇತ್ರ ಚಿತ್ರವನ್ನು ಮಾಡುತ್ತಿರುವ ನಿರ್ದೇಶಕ ನಾಗಣ್ಣ, ದುರ್ಯೋಧನನ ಪಾತ್ರವನ್ನೇ ಕೇಂದ್ರವಾಗಿಟ್ಟುಕೊಂಡು ಸಿನಿಮಾ ಮಾಡುತ್ತಿದ್ದಾರೆ. ಪೌರಾಣಿಕ ಚಿತ್ರದಲ್ಲಿ ದರ್ಶನ್‍ಗೆ ಇದ್ದ ಸವಾಲು ಮೈಮೇಲೆ ಆಭರಣ, ಕಾಸ್ಟ್ಯೂಮ್ ಹಾಕಿಕೊಳ್ಳೋದು.

    ಇವುಗಳ ಭಾರವೇ 50 ಕೆಜಿ ಇತ್ತಂತೆ. ಸದಾ ಲವಲವಿಕೆಯಿಂದ ಓಡಾಡಿಕೊಂಡಿರುವ ದರ್ಶನ್, ಮೈಮೇಲೆ ಆಭರಣ, ಕಾಸ್ಟ್ಯೂಮ್ ಹೊತ್ತು ಓಡಾಡಿ ಸುಸ್ತಾಗಿ ಹೋದರಂತೆ. ಒಮ್ಮೆಯಂತೂ ಎರಡು ದಿನ ರೆಸ್ಟ್ ಕೊಡಿ ಎಂದು ಕೇಳಿಕೊಂಡರಂತೆ.

    ದರ್ಶನ್ ಕಷ್ಟವನ್ನು ಅರ್ಥ ಮಾಡಿಕೊಂಡ ನಿರ್ಮಾಪಕ ಮುನಿರತ್ನ, ದುರ್ಯೋಧನನ ಪಾತ್ರಕ್ಕೆ ಹೊಸ ಕಿರೀಟ ಮಾಡಿಸಿಕೊಟ್ಟರಂತೆ. ಹಾಗಂತ ಅದೇನೂ ಹಗುರವಾದದ್ದಲ್ಲ. ಹಗುರವಾದ ಆ ಕಿರೀಟದ ತೂಕ 22 ಕೆಜಿ. ದರ್ಶನ್ ಪಾತ್ರದ ಕಷ್ಟವನ್ನು ನೀವೇ ಅರ್ಥ ಮಾಡಿಕೊಳ್ಳಿ.

  • ದರ್ಶನ್ ಮೊದಲ ಚಿತ್ರಕ್ಕೆ ಅಂಬಿ ಹೀರೋ.. ಅಂಬಿ ಕೊನೆ ಚಿತ್ರಕ್ಕೆ ದಚ್ಚು ಹೀರೋ

    darshan talks about ambi

    ನನಗೆ ಇದು ಒಂದು ಸೌಭಾಗ್ಯವೂ ಹೌದು ಎಂದು ದರ್ಶನ್ ಸ್ವತಃ ನೆನಪಿಸಿಕೊಳ್ಳುವವರೆಗೆ ಉಳಿದವರು ಆ ಬಗ್ಗೆ ಯೋಚನೆ ಮಾಡಿರಲಿಲ್ಲ. ಕುರುಕ್ಷೇತ್ರ ಸಿನಿಮಾವನ್ನು ಎಲ್ಲರೂ ನೋಡಿ ಹೊಗಳುತ್ತಿದ್ದರೆ, ದರ್ಶನ್ ಮಾತ್ರ ಮತ್ತೊಮ್ಮೆ ಎಲ್ಲರೂ ನೋಡಿದ ಮೇಲೆ ಸಿನಿಮಾ ನೋಡುತ್ತೇನೆ ಎನ್ನುತ್ತಿದ್ದರು. ಅಂಬರೀಷ್‍ರನ್ನು ನೆನಪಿಸಿಕೊಂಡು ಭಾವುಕರಾದ ದರ್ಶನ್ ನನ್ನ ಅಭಿನಯದ ಮೊದಲ ಚಿತ್ರದಲ್ಲಿ ಹಾಗೂ ಅವರ ಕೊನೆಯ ಚಿತ್ರದಲ್ಲಿ ನಾನಿದ್ದೆ ಎನ್ನುವುದೇ ನನಗೆ ಸೌಭಾಗ್ಯ ಎಂದರು.

    ದರ್ಶನ್ ಮೊದಲ ಬಾರಿಗೆ ಬಣ್ಣ ಹಚ್ಚಿದ್ದು ದೇವರ ಮಗ ಚಿತ್ರಕ್ಕೆ. ಆ ಚಿತ್ರದಲ್ಲಿ ಅಂಬರೀಷ್ ಮತ್ತು ಶಿವರಾಜ್‍ಕುಮಾರ್ ನಾಯಕರಾಗಿದ್ದರು. ಇನ್ನು ಅಂಬರೀಷ್ ಅಭಿನಯದ ಕೊನೆಯ ಚಿತ್ರ ಕುರುಕ್ಷೇತ್ರ. ಅಲ್ಲಿ ದರ್ಶನ್ ಹೀರೋ. ಈಗ ಕುರುಕ್ಷೇತ್ರ ಎಲ್ಲೆಡೆ ರಿಲೀಸ್ ಆಗಿದ್ದು ಭರ್ಜರಿ ಪ್ರದರ್ಶನ ಕಾಣುತ್ತಿದೆ.

  • ದರ್ಶನ್‍ಗೆ ದರ್ಶನ್ ಅವರೇ ಕೊಡ್ತಾರಾ ಫೈಟು..?

    will the month of august be darshan vs darshan

    ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರ ಕುರುಕ್ಷೇತ್ರ ಸಿನಿಮಾ, ಆಗಸ್ಟ್ 9ಕ್ಕೆ ವರಮಹಾಲಕ್ಷ್ಮಿ ಹಬ್ಬಕ್ಕೆ ರಿಲೀಸ್ ಆಗ್ತಿದೆ. ಅದೇ ದಿನ ಸುದೀಪ್ ಅಭಿನಯದ ಪೈಲ್ವಾನ್, ರಕ್ಷಿತ್ ಶೆಟ್ಟಿ ಅಭಿನಯದ ಅವನೇ ಶ್ರೀಮನ್ನಾರಾಯಣ ಕೂಡಾ ರಿಲೀಸ್ ಆಗುವ ಸಾಧ್ಯತೆಗಳಿವೆ. ಹೀಗೆ ಆಗಸ್ಟ್ ಸ್ಟಾರ್‍ವಾರ್‍ಗೆ ಸಾಕ್ಷಿಯಾಗಲಿದೆ ಎನ್ನುತ್ತಿರುವಾಗಲೇ, ಅದೇ ತಿಂಗಳು ಇನ್ನೂ ಒಂದು ಸ್ಟಾರ್ ವಾರ್ ಶುರುವಾಗೋ ಸುಳಿವು ಬರ್ತಾ ಇದೆ. 

    ಅಚ್ಚರಿಯೆಂಬಂತೆ ಈ ಸ್ಟಾರ್‍ವಾರ್ ಸುಳಿವು ಬರ್ತಿರೋದು ದರ್ಶನ್ ಅವರ ಇನ್ನೊಂದು ಸಿನಿಮಾದ ಕಡೆಯಿಂದ. ದರ್ಶನ್ ಅಭಿನಯದ ಒಡೆಯ ಚಿತ್ರದ ಚಿತ್ರೀಕರಣ ಬಹುತೇಕ ಮುಗಿದಿದ್ದು, ಇನ್ನೊಂದು ಹಾಡು ಬಾಕಿ ಇದೆ. ಅದನ್ನೂ ಮುಗಿಸಿ, ಆಗಸ್ಟ್ ಕೊನೆಯ ವಾರದಲ್ಲಿ ತೆರೆಗೆ ತರುವ ಆಲೋಚನೆ ಒಡೆಯ ಚಿತ್ರತಂಡಕ್ಕಿದೆ ಎನ್ನಲಾಗಿದೆ. ಹಾಗೇನಾದರೂ ಆದರೆ, ದರ್ಶನ್ ವರ್ಸಸ್ ದರ್ಶನ್ ಫೈಟ್ ನಡೆಯಲಿದೆ ಅನ್ನೋದ್ರಲ್ಲಿ ಡೌಟಿಲ್ಲ.

  • ದರ್ಶನ್‍ಗೆ ಹರಿಪ್ರಿಯಾ `ಮಾಯೆ'

    hari priya image

    ಕುರುಕ್ಷೇತ್ರ ಚಿತ್ರದ ಶೂಟಿಂಗ್ ಮುಗಿಸಿ ಬಂದಿದ್ದಾರೆ ಹರಿಪ್ರಿಯಾ. ಚಿತ್ರದಲ್ಲಿ ಹರಿಪ್ರಿಯಾ ಅವರದ್ದು ನರ್ತಕಿಯ ಪಾತ್ರ ಎನ್ನಲಾಗಿತ್ತು. ಈಗ ಚಿತ್ರದ ಇನ್ನೊಂದು ಮಾಹಿತಿ ಹೊರಬಿದ್ದಿದೆ. ಚಿತ್ರದಲ್ಲಿ ಹರಿಪ್ರಿಯಾ ಅವರ ಪಾತ್ರದ ಹೆಸರು ಮಾಯೆ. ದುರ್ಯೋಧನನನ್ನು ಮರಳು ಮಾಡುವ ಮಾಯೆಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ ಹರಿಪ್ರಿಯಾ.

    ಚಿತ್ರವನ್ನು 3ಡಿಯಲ್ಲಿ ಚಿತ್ರೀಕರಿಸಿರುವುದನ್ನು ಥ್ರಿಲ್ಲಾಗಿ ನೋಡಿರುವ ಹರಿಪ್ರಿಯಾ, ಶೂಟಿಂಗ್ ಮಾನಿಟರ್ ನೋಡುವಾಗಲೂ 3ಡಿ ಕನ್ನಡಕ ಬಳಸುತ್ತಿರುವುದನ್ನು ನೋಡಿ ಬೆರಗಾಗಿದ್ದರಂತೆ. ಒಟ್ಟಿನಲ್ಲಿ ಕುರುಕ್ಷೇತ್ರದ ಒಂದೊಂದು ಸುದ್ದಿಯೂ ಕುತೂಹಲವನ್ನು ಹೆಚ್ಚಿಸುತ್ತಲೇ ಇದೆ.

  • ದುರ್ಯೋಧನ ದರ್ಶನ್​ಗೆ ಸಿಕ್ಕನಾ ಭೀಮ..? - ಬಾಲಿವುಡ್ ಆಂಜನೇಯ ಕುರುಕ್ಷೇತ್ರದ ಭೀಮ?

    bollywood anjaneya in kurukshtera ?

    ಚಾಲೆಂಜಿಗ್ ಸ್ಟಾರ್ ದರ್ಶನ್ ಅಭಿನಯದ 50 ನೇ ಸಿನಿಮಾ ಕುರುಕ್ಷೇತ್ರ ಪ್ರತಿದಿನವೂ ಕುತೂಹಲ ಮೂಡಿಸುತ್ತಿದೆ.  ಚಿತ್ರದ ಬಹುತೇಕ ಪಾತ್ರಗಳು ಅಂತಿಮಗೊಂಡಿದ್ದರೂ, ಭೀಮ ಯಾರು ಎನ್ನುವುದು ಇನ್ನೂ ಫೈನಲ್ ಆಗಿರಲಿಲ್ಲ. 

    ಈಗ ಆ ಪಾತ್ರಕ್ಕೆ  ಬಾಲಿವುಡ್ ಆಂಜನೇಯ ಡ್ಯಾನಿಶ್ ಅಖ್ತರ್ ಸೈಫಿ ಆಯ್ಕೆಯಾಗಿದ್ದಾರಂತೆ. ಆರೂವರೆ ಅಡಿ ಎತ್ತರದ ಡ್ಯಾನಿಶ್, 125 ಕೆಜಿ ತೂಕವಿದ್ದಾರೆ. ಸಿಯಾ ಕೇ ರಾಮ್ ಚಿತ್ರದಲ್ಲಿ ಆಂಜನೇಯನ ಪಾತ್ರ ಮಾಡಿದ್ದ ಡ್ಯಾನಿಶ್, ಬಾಲಿವುಡ್ ಆಂಜನೇಯ ಎಂದೇ ಫೇಮಸ್. ಆದರೆ, ಚಿತ್ರತಂಡ ಇನ್ನೂ ಡ್ಯಾನಿಶ್​ರೇ ಭೀಮನ ಪಾತ್ರಧಾರಿನಾ ಎನ್ನುವುದನ್ನು ಫೈನಲ್ ಮಾಡಿಲ್ಲ. ಚಿತ್ರ ಜುಲೈ 30ರಂದು ಸೆಟ್ಟೇರುತ್ತಿದೆ.

    Related Articles :-

    Kurukshetra To be Launched on July 30th

    ದರ್ಶನ್ ಕುರುಕ್ಷೇತ್ರದಲ್ಲಿ ನಿಖಿಲ್ ಕುಮಾರಸ್ವಾಮಿ ಅಭಿಮನ್ಯು

    ಕುರುಕ್ಷೇತ್ರದಲ್ಲಿ ಹರಿಪ್ರಿಯ ದ್ರೌಪದಿಯಲ್ಲ..!

    Haripriya Confirmed For Kurukshetra

    ವದಂತಿಗಳಿಗೆ ಕಿವಿಗೊಡಬೇಡಿ - ದರ್ಶನ್ ಕುರುಕ್ಷೇತ್ರದಲ್ಲಿ ನಟಿಸೋದು ಪಕ್ಕಾ 

    Vivek Oberoi in Kurukshetra Say Reports

    Kurukshetra To Be Launched On July 23rd

  • ದುರ್ಯೋಧನ, ಭೀಷ್ಮನನ್ನು ನೋಡಲು ಕಾಯುತ್ತಿದ್ದೇನೆ - ಸುಮಲತಾ

    sumalatha eagerly waiting for muniratna;s kurukshetra

    ಮುನಿರತ್ನ ಕುರುಕ್ಷೇತ್ರ ಬಿಡುಗಡೆಗೆ ಲಕ್ಷಾಂತರ ಅಭಿಮಾನಿಗಳು ಕಾಯುತ್ತಿರುವಂತೆಯೇ ಸುಮಲತಾ ಅಂಬರೀಷ್ ವಿಶೇಷವಾಗಿ ಕಾಯುತ್ತಿದ್ದಾರೆ. ಅವರ ಕಾಯುವಿಕೆಗೆ ವಿಶೇಷ ಅರ್ಥವೂ ಇದೆ. ಕುರುಕ್ಷೇತ್ರ ಚಿತ್ರ ರೆಬಲ್ ಸ್ಟಾರ್ ಅಂಬರೀಷ್ ಅಭಿನಯಿಸಿರುವ ಕಟ್ಟಕಡೆಯ ಸಿನಿಮಾ. ಅಂಬಿ ನಿಂಗ್ ವಯಸ್ಸಾಯ್ತೋ ಚಿತ್ರಕ್ಕೂ ಮೊದಲೇ ಶೂಟಿಂಗ್ ಆಗಿದ್ದರೂ, ಈಗ ರಿಲೀಸ್ ಆಗುತ್ತಿದೆ. ಅಂಬಿ, ಭೀಷ್ಮ ಪಿತಾಮಹನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

    ಇನ್ನು ಸುಮಲತಾ ಅವರ ಪ್ರೀತಿಯ ಪುತ್ರ ದರ್ಶನ್ ಅಭಿನಯದ 50ನೇ ಸಿನಿಮಾ ಕುರುಕ್ಷೇತ್ರ. ಇಡೀ ಚಿತ್ರವನ್ನು ದುರ್ಯೋಧನನ್ನು ಕೇಂದ್ರೀಕರಿಸಿ ಮಾಡಲಾಗಿದೆ. ಹೀಗಾಗಿಯೇ ಸುಮಲತಾ ಅಂಬರೀಷ್ `ಭೀಷ್ಮ, ದುರ್ಯೋಧನರನ್ನು ನೋಡಲು ನಾನು ಕಾತರುಳಾಗಿದ್ದೇನೆ' ಎಂದಿದ್ದಾರೆ. ಕುರುಕ್ಷೇತ್ರ ಆಗಸ್ಟ್ 2ರಂದು ರಿಲೀಸ್ ಆಗುತ್ತಿದೆ.

  • ದುರ್ಯೋಧನನ ಪಾತ್ರಕ್ಕೆ ದರ್ಶನ್ ತಯಾರಿ ಹೇಗಿದೆ..?

    darshan as duryodhana

    ಕುರುಕ್ಷೇತ್ರ ಚಿತ್ರದಲ್ಲಿ ನಟಿಸುತ್ತಿರುವ ದರ್ಶನ್, ಆ ಪಾತ್ರಕ್ಕೆ ಸಿದ್ಧತೆಯನ್ನಂತೂ ಮಾಡಿಕೊಳ್ಳುತ್ತಿದ್ದಾರೆ. ಅದರಲ್ಲೂ ಪೌರಾಣಿಕ ಪಾತ್ರದ ವಿಚಾರ ಬಂದಾಗ ಯಾವ ನಟನಾದರೂ ಅಷ್ಟೆ, ಸಿದ್ಧತೆ ಇಲ್ಲದೆ ನಟಿಸುವುದು ಸಾಧ್ಯವೇ ಇಲ್ಲ ಎನ್ನುತ್ತಾರೆ ದರ್ಶನ್. ಹೀಗಾಗಿಯೇ ದರ್ಶನ್, ಡಾ. ರಾಜ್ ಕುಮಾರ್ ಅವರ ಹಳೆಯ ಚಿತ್ರಗಳನ್ನೆಲ್ಲ ಮತ್ತೊಮ್ಮೆ, ಮಗದೊಮ್ಮೆ ನೋಡುತ್ತಿದ್ದಾರಂತೆ. ಪೌರಾಣಿಕ ಚಿತ್ರಗಳಲ್ಲಿ ರಾಜ್ ಅಭಿನಯಕ್ಕೆ ಸಾಟಿಯಾಗಬಲ್ಲ ನಟರು ಕೂಡಾ ಇಲ್ಲ. ಹೀಗಾಗಿಯೇ ದರ್ಶನ್, ರಾಜ್ ಚಿತ್ರಗಳಲ್ಲಿನ ರಾಜ್ ಅಭಿನಯ, ಧ್ವನಿಯ ಏರಿಳಿತ, ಭಾವಭಂಗಿ, ನಡಿಗೆ.. ಹೀಗೆ ಪ್ರತಿಯೊಂದನ್ನೂ ಕಣ್ಣಲ್ಲಿ ಕಣ್ಣಿಟ್ಟು ನೋಡುತ್ತಿದ್ದಾರೆ.

    ಇನ್ನು ನೀನಾಸಂ ಮೂಲಕ ಬಂದಿರುವ ದರ್ಶನ್‍ಗೆ ರಂಗಭೂಮಿಯ ಪಾಠವೂ ಇದೆ. ನೀನಾಸಂನಲ್ಲಿದ್ದಾಗ ನಿರ್ದೇಶಕ ಚಿದಂಬರ ಸುಬ್ಬಾರಾವ್, ರಂಗದಲ್ಲಿ ಅಂತರಂಗ ಎಂಬ ಪುಸ್ತಕ ಕೊಟ್ಟಿದ್ದರಂತೆ. ಆ ಪುಸ್ತಕವನ್ನು ಮತ್ತೆ ಎರಡು ಬಾರಿ ಓದಿಕೊಂಡಿದ್ದಾರಂತೆ. 

    ಇನ್ನು ದೈಹಿಕ ಕಸರತ್ತಿನ ಬಗ್ಗೆ ಹೇಳಲೇಬೇಕಿಲ್ಲ. ಅದು ದರ್ಶನ್‍ಗೀಗ ದಿನಚರಿಯಾಗಿ ಹೋಗಿದೆ.

    Related Articles :-

    ಕುರುಕ್ಷೇತ್ರ ಚಿತ್ರದ ಮುಹೂರ್ತ ಮುಂದೆ ಹೋಯ್ತು..!

    ದುರ್ಯೋಧನ ದರ್ಶನ್​ಗೆ ಸಿಕ್ಕನಾ ಭೀಮ..? - ಬಾಲಿವುಡ್ ಆಂಜನೇಯ ಕುರುಕ್ಷೇತ್ರದ ಭೀಮ?

    Kurukshetra To be Launched on July 30th

    ದರ್ಶನ್ ಕುರುಕ್ಷೇತ್ರದಲ್ಲಿ ನಿಖಿಲ್ ಕುಮಾರಸ್ವಾಮಿ ಅಭಿಮನ್ಯು

    ಕುರುಕ್ಷೇತ್ರದಲ್ಲಿ ಹರಿಪ್ರಿಯ ದ್ರೌಪದಿಯಲ್ಲ..!

    Haripriya Confirmed For Kurukshetra

    ವದಂತಿಗಳಿಗೆ ಕಿವಿಗೊಡಬೇಡಿ - ದರ್ಶನ್ ಕುರುಕ್ಷೇತ್ರದಲ್ಲಿ ನಟಿಸೋದು ಪಕ್ಕಾ 

    Vivek Oberoi in Kurukshetra Say Reports

    Kurukshetra To Be Launched On July 23rd

    Krishna Ravichandran Stops Eating Meat

  • ದುರ್ಯೋಧನನಿಗೆ ಮೆಜೆಸ್ಟಿಕ್ ಕಾಣಿಕೆ

    ravichandran gets majestic surpise

    ಚಾಲೆಂಜಿಂಗ್ ಸ್ಟಾರ್ ದರ್ಶನ್‍ಗೆ ನಿರ್ಮಾಪಕ ರಾಮಮೂರ್ತಿಯವರ ಮೇಲೆ ಪ್ರೀತಿ, ಗೌರವ ಎರಡೂ ಹೆಚ್ಚು. ಕಾರಣ, ದರ್ಶನ್‍ರನ್ನು ಹೀರೋ ಮಾಡಿದ್ದೇ ಎಂ.ಜಿ.ರಾಮಮೂರ್ತಿ. ಮೆಜೆಸ್ಟಿಕ್ ನಿರ್ಮಾಪಕ. ತಾವು ಹೀರೋ ಮಾಡಿದ ಹುಡುಗ, ಸ್ಟಾರ್ ಆಗಿ.. 50ನೇ ಚಿತ್ರ ಮಾಡಿರುವುದನ್ನು ಸಂಭ್ರಮಿಸಿದ್ದಾರೆ ನಿರ್ಮಾಪಕ ರಾಮಮೂರ್ತಿ.

    ಕುರುಕ್ಷೇತ್ರ ಚಿತ್ರದ ಬಿಡುಗಡೆ ವೇಳೆ ದರ್ಶನ್ ಅವರಿಗಾಗಿ 50 ಕೆಜಿ ತೂಕದ ಕೇಕ್ ಕಟ್ ಮಾಡಿ, ದರ್ಶನ್‍ಗೆ ಸನ್ಮಾನ ಮಾಡಿದ್ದಾರೆ. ರಾಮಮೂರ್ತಿಯವರ ಗೆಳೆಯ ಮಂಜುನಾಥ್, ದರ್ಶನ್‍ಗೆ 5 ಕೆಜಿ ಬೆಳ್ಳಿಯ ಚೈನನ್ನು ಕಾಣಿಕೆ ನೀಡಿ ಖುಷಿಪಟ್ಟಿದ್ದಾರೆ. 

     

  • ದುರ್ಯೋಧನನಿಗೆ ಮೇಘನಾ ಭಾನುಮತಿ

    meghana as bhanumathi

    ಕುರುಕ್ಷೇತ್ರ, ಚಿತ್ರ ಶುರುವಾದಾಗಿನಿಂದ ಪಾತ್ರಧಾರಿಗಳ ಆಯ್ಕೆ, ಬದಲಾವಣೆ ಸುದ್ದಿಯಾಗುತ್ತಲೇ ಇದೆ. ಚಿತ್ರದ ಚಿತ್ರೀಕರಣ ಕ್ಲೈಮಾಕ್ಸ್ ಹಂತಕ್ಕೆ ಬಂದಿದೆ. ಡಬ್ಬಿಂಗ್ ಕೂಡಾ ಶುರುವಾಗಿದೆ. ಆದರೆ, ದುರ್ಯೋಧನನಿಗೆ ನಾಯಕಿ ಯಾರು ಎಂಬುದರ ಬಗ್ಗೆ ಗೊಂದಲವಿದ್ದೇ ಇತ್ತು.

    ರಮ್ಯಾ ನಂಬೀಸನ್ ಭಾನುಮತಿಯಾಗಿ ನಟಿಸುತ್ತಾರೆ ಎಂದು ಚಿತ್ರತಂಡ ಹೇಳಿಕೊಂಡಿತ್ತಾದರೂ, ರಮ್ಯಾ ನಂಬೀಸನ್ ಡೇಟ್ಸ್ ಸಿಗಲೇ ಇಲ್ಲವಂತೆ. ಹೀಗಾಗಿ ರಮ್ಯಾ ನಂಬೀಸನ್ ಅವರನ್ನು ಕೈಬಿಟ್ಟಿರುವ ಚಿತ್ರತಂಡ ಈಗ ಆ ಪಾತ್ರಕ್ಕೆ ಮೇಘನಾ ಅವರನ್ನು ಆಯ್ಕೆ ಮಾಡಿದೆ. ಅಲ್ಲಿಗೆ ಮೇಘನಾ ಭಾನುಮತಿಯಾಗಿ ನಟಿಸಲಿರುವುದು ಖಚಿತ.

    ಕುರುಕ್ಷೇತ್ರ ಚಿತ್ರದಲ್ಲಿ ಸ್ಟಾರ್‍ಗಳ ಸಮಾಗಮವೇ ಆಗಿದೆ. ಆ ಸ್ಟಾರ್‍ಗಳ ಪಟ್ಟಿಗೆ ಹೊಸ ಸೇರ್ಪಡೆ ಮೇಘನಾ ರಾಜ್. ಟೆಸ್ಟ್ ಶೂಟ್ ಮುಗಿದಿದ್ದು, ಮೇಘನಾ ಅವರ ಪಾತ್ರದ  ಚಿತ್ರೀಕರಣ ಕೆಲವೇ ದಿನಗಳಲ್ಲಿ ಶುರುವಾಗಲಿದೆ.

Ayushmanbhava Movie Gallery

Ellidhe Illitanaka Movie Gallery