` kurukshetra, - chitraloka.com | Kannada Movie News, Reviews | Image

kurukshetra,

  • ದುರ್ಯೋಧನನ ಪಾತ್ರಕ್ಕೆ ದರ್ಶನ್ ತಯಾರಿ ಹೇಗಿದೆ..?

    darshan as duryodhana

    ಕುರುಕ್ಷೇತ್ರ ಚಿತ್ರದಲ್ಲಿ ನಟಿಸುತ್ತಿರುವ ದರ್ಶನ್, ಆ ಪಾತ್ರಕ್ಕೆ ಸಿದ್ಧತೆಯನ್ನಂತೂ ಮಾಡಿಕೊಳ್ಳುತ್ತಿದ್ದಾರೆ. ಅದರಲ್ಲೂ ಪೌರಾಣಿಕ ಪಾತ್ರದ ವಿಚಾರ ಬಂದಾಗ ಯಾವ ನಟನಾದರೂ ಅಷ್ಟೆ, ಸಿದ್ಧತೆ ಇಲ್ಲದೆ ನಟಿಸುವುದು ಸಾಧ್ಯವೇ ಇಲ್ಲ ಎನ್ನುತ್ತಾರೆ ದರ್ಶನ್. ಹೀಗಾಗಿಯೇ ದರ್ಶನ್, ಡಾ. ರಾಜ್ ಕುಮಾರ್ ಅವರ ಹಳೆಯ ಚಿತ್ರಗಳನ್ನೆಲ್ಲ ಮತ್ತೊಮ್ಮೆ, ಮಗದೊಮ್ಮೆ ನೋಡುತ್ತಿದ್ದಾರಂತೆ. ಪೌರಾಣಿಕ ಚಿತ್ರಗಳಲ್ಲಿ ರಾಜ್ ಅಭಿನಯಕ್ಕೆ ಸಾಟಿಯಾಗಬಲ್ಲ ನಟರು ಕೂಡಾ ಇಲ್ಲ. ಹೀಗಾಗಿಯೇ ದರ್ಶನ್, ರಾಜ್ ಚಿತ್ರಗಳಲ್ಲಿನ ರಾಜ್ ಅಭಿನಯ, ಧ್ವನಿಯ ಏರಿಳಿತ, ಭಾವಭಂಗಿ, ನಡಿಗೆ.. ಹೀಗೆ ಪ್ರತಿಯೊಂದನ್ನೂ ಕಣ್ಣಲ್ಲಿ ಕಣ್ಣಿಟ್ಟು ನೋಡುತ್ತಿದ್ದಾರೆ.

    ಇನ್ನು ನೀನಾಸಂ ಮೂಲಕ ಬಂದಿರುವ ದರ್ಶನ್‍ಗೆ ರಂಗಭೂಮಿಯ ಪಾಠವೂ ಇದೆ. ನೀನಾಸಂನಲ್ಲಿದ್ದಾಗ ನಿರ್ದೇಶಕ ಚಿದಂಬರ ಸುಬ್ಬಾರಾವ್, ರಂಗದಲ್ಲಿ ಅಂತರಂಗ ಎಂಬ ಪುಸ್ತಕ ಕೊಟ್ಟಿದ್ದರಂತೆ. ಆ ಪುಸ್ತಕವನ್ನು ಮತ್ತೆ ಎರಡು ಬಾರಿ ಓದಿಕೊಂಡಿದ್ದಾರಂತೆ. 

    ಇನ್ನು ದೈಹಿಕ ಕಸರತ್ತಿನ ಬಗ್ಗೆ ಹೇಳಲೇಬೇಕಿಲ್ಲ. ಅದು ದರ್ಶನ್‍ಗೀಗ ದಿನಚರಿಯಾಗಿ ಹೋಗಿದೆ.

    Related Articles :-

    ಕುರುಕ್ಷೇತ್ರ ಚಿತ್ರದ ಮುಹೂರ್ತ ಮುಂದೆ ಹೋಯ್ತು..!

    ದುರ್ಯೋಧನ ದರ್ಶನ್​ಗೆ ಸಿಕ್ಕನಾ ಭೀಮ..? - ಬಾಲಿವುಡ್ ಆಂಜನೇಯ ಕುರುಕ್ಷೇತ್ರದ ಭೀಮ?

    Kurukshetra To be Launched on July 30th

    ದರ್ಶನ್ ಕುರುಕ್ಷೇತ್ರದಲ್ಲಿ ನಿಖಿಲ್ ಕುಮಾರಸ್ವಾಮಿ ಅಭಿಮನ್ಯು

    ಕುರುಕ್ಷೇತ್ರದಲ್ಲಿ ಹರಿಪ್ರಿಯ ದ್ರೌಪದಿಯಲ್ಲ..!

    Haripriya Confirmed For Kurukshetra

    ವದಂತಿಗಳಿಗೆ ಕಿವಿಗೊಡಬೇಡಿ - ದರ್ಶನ್ ಕುರುಕ್ಷೇತ್ರದಲ್ಲಿ ನಟಿಸೋದು ಪಕ್ಕಾ 

    Vivek Oberoi in Kurukshetra Say Reports

    Kurukshetra To Be Launched On July 23rd

    Krishna Ravichandran Stops Eating Meat

  • ದುರ್ಯೋಧನನಿಗೆ ಮೇಘನಾ ಭಾನುಮತಿ

    meghana as bhanumathi

    ಕುರುಕ್ಷೇತ್ರ, ಚಿತ್ರ ಶುರುವಾದಾಗಿನಿಂದ ಪಾತ್ರಧಾರಿಗಳ ಆಯ್ಕೆ, ಬದಲಾವಣೆ ಸುದ್ದಿಯಾಗುತ್ತಲೇ ಇದೆ. ಚಿತ್ರದ ಚಿತ್ರೀಕರಣ ಕ್ಲೈಮಾಕ್ಸ್ ಹಂತಕ್ಕೆ ಬಂದಿದೆ. ಡಬ್ಬಿಂಗ್ ಕೂಡಾ ಶುರುವಾಗಿದೆ. ಆದರೆ, ದುರ್ಯೋಧನನಿಗೆ ನಾಯಕಿ ಯಾರು ಎಂಬುದರ ಬಗ್ಗೆ ಗೊಂದಲವಿದ್ದೇ ಇತ್ತು.

    ರಮ್ಯಾ ನಂಬೀಸನ್ ಭಾನುಮತಿಯಾಗಿ ನಟಿಸುತ್ತಾರೆ ಎಂದು ಚಿತ್ರತಂಡ ಹೇಳಿಕೊಂಡಿತ್ತಾದರೂ, ರಮ್ಯಾ ನಂಬೀಸನ್ ಡೇಟ್ಸ್ ಸಿಗಲೇ ಇಲ್ಲವಂತೆ. ಹೀಗಾಗಿ ರಮ್ಯಾ ನಂಬೀಸನ್ ಅವರನ್ನು ಕೈಬಿಟ್ಟಿರುವ ಚಿತ್ರತಂಡ ಈಗ ಆ ಪಾತ್ರಕ್ಕೆ ಮೇಘನಾ ಅವರನ್ನು ಆಯ್ಕೆ ಮಾಡಿದೆ. ಅಲ್ಲಿಗೆ ಮೇಘನಾ ಭಾನುಮತಿಯಾಗಿ ನಟಿಸಲಿರುವುದು ಖಚಿತ.

    ಕುರುಕ್ಷೇತ್ರ ಚಿತ್ರದಲ್ಲಿ ಸ್ಟಾರ್‍ಗಳ ಸಮಾಗಮವೇ ಆಗಿದೆ. ಆ ಸ್ಟಾರ್‍ಗಳ ಪಟ್ಟಿಗೆ ಹೊಸ ಸೇರ್ಪಡೆ ಮೇಘನಾ ರಾಜ್. ಟೆಸ್ಟ್ ಶೂಟ್ ಮುಗಿದಿದ್ದು, ಮೇಘನಾ ಅವರ ಪಾತ್ರದ  ಚಿತ್ರೀಕರಣ ಕೆಲವೇ ದಿನಗಳಲ್ಲಿ ಶುರುವಾಗಲಿದೆ.

  • ಪರಭಾಷಿಕರಿಗೆ ಚಾಲೆಂಜಿಂಗ್ ಸ್ಟಾರ್ ಚಾಲೆಂಜ್

    darshan challengs other language

    ಕುರುಕ್ಷೇತ್ರ ಚಿತ್ರದ ಶೂಟಿಂಗ್, ಇಂದು (ಜನವರಿ 5) ಕಂಪ್ಲೀಟ್ ಆಗಲಿದೆ. ಮುಂದಿನದ್ದು ಪೋಸ್ಟ್ ಪ್ರೊಡಕ್ಷನ್ ಕೆಲಸ. ಮಾರ್ಚ್‍ನಲ್ಲಿ ರಿಲೀಸ್ ಮಾಡಲು ಸಿದ್ಧತೆ ನಡೆಸಿರುವ ನಿರ್ಮಾಪಕ ಮುನಿರತ್ನ, ಚಿತ್ರದ ಬಗ್ಗೆ ಖುಷಿಯಿಂದಿದ್ದಾರೆ. ಫೆ.10ರೊಳಗೆ ಎಲ್ಲ ಕೆಲಸ ಮುಗಿಸಿ, ಮಾ.2ಕ್ಕೆ ಸೆನ್ಸಾರ್ ಮಾಡಿಸಿ, ಮಾ.9ಕ್ಕೆ ರಿಲೀಸ್ ಮಾಡುವುದು ಮುನಿರತ್ನ ಪ್ಲಾನ್.

    ದರ್ಶನ್ ಹೇಳಿಕೊಂಡಿರೋದು ಇದನ್ನೇ. ಅದು ಪರಭಾಷಿಕರಿಗೆ ದರ್ಶನ್ ಹಾಕಿದ ಚಾಲೆಂಜ್ ಎಂದಾದರೂ ಎಂದುಕೊಳ್ಳಿ. ತಮ್ಮ ಚಿತ್ರದ ಮೇಲಿರುವ ಆತ್ಮವಿಶ್ವಾಸ ಎಂದು ಬೇಕಾದರೂ  ಎಂದುಕೊಳ್ಳಿ. ದರ್ಶನ್ ಓಪನ್ ಆಗಿ ಮಾತನಾಡಿದ್ದಾರೆ.

    ಇತ್ತೀಚೆಗೆ ಬಂದ ಪರಭಾಷೆಯ ಚಿತ್ರವೊಂದರ ಬಗ್ಗೆ ಭಾರಿ ಬಿಲ್ಡಪ್ ಕೊಟ್ರು. ಅದಕ್ಕೋಸ್ಕರ ಅವರು ಮೂರೂವರೆ ವರ್ಷ ತೆಗೆದುಕೊಂಡಿದ್ದರಂತೆ. ನಮ್ಮ ಬಳಿ ಬರಲಿ, ಕಡಿಮೆ ಅವಧಿಯಲ್ಲಿ ಸಿದ್ಧತೆ ಮಾಡಿಕೊಂಡು ಸಿನಿಮಾ ಮಾಡೋದು ಹೇಗೆ ಅನ್ನೋದನ್ನ ಹೇಳಿಕೊಡ್ತೀವಿ. ಕನ್ನಡದಲ್ಲಿ ಎಲ್ಲವೂ ಇದೆ. ಪ್ರೋತ್ಸಾಹ ಬೇಕಷ್ಟೆ ಎಂದಿದ್ದಾರೆ ದರ್ಶನ್. 

    ದರ್ಶನ್ ಹೇಳಿರುವ ಪರಭಾಷೆಯ ಸಿನಿಮಾ ಬಾಹುಬಲಿ ಎಂದು ಪ್ರತ್ಯೇಕವಾಗಿ ಬೇರೆ ಹೇಳಬೇಕಿಲ್ಲ. ಬಾಹುಬಲಿ ಸಿನಿಮಾ ವೇಳೆಯಲ್ಲಿ ಕೂಡಾ ದರ್ಶನ್ ಕನ್ನಡದ ಪತ್ರಿಕೆ, ಟಿವಿ ಚಾನೆಲ್‍ಗಳ ವಿರುದ್ಧ ಕಿಡಿ ಕಾರಿದ್ದರು. ಪರಭಾಷೆಯ ಚಿತ್ರಕ್ಕೆ ಕೊಡುವ ಪ್ರಚಾರವನ್ನು ಕನ್ನಡ ಚಿತ್ರಗಳಿಗೆ ಕೊಡಿ ಎಂದು ಬಹಿರಂಗವಾಗಿಯೇ ಹೇಳಿದ್ದರು. 

  • ಪಾಪ.. ರವಿಚಂದ್ರನ್‍ಗೆ ಮುನಿರತ್ನ ಹೀಗೆ ಮಾಡಬಾರದಿತ್ತು..!

    krishna ravichandran is mssing this in kurukshetra

    ಕ್ರೇಜಿ ಸ್ಟಾರ್ ರವಿಚಂದ್ರನ್, ಕನ್ನಡ ಚಿತ್ರರಂಗದ ಕನಸುಗಾರ. ಸೊಗಸುಗಾರ. ಈ ಚೆಲುವಾಂತ ಚೆನ್ನಿಗ ಕುರುಕ್ಷೇತ್ರ ಚಿತ್ರದಲ್ಲಿ ಕೃಷ್ಣನ ಪಾರ್ಟು ಹಾಕಿದ್ದಾರೆ. ಆದರೆ, ನೋಡಿ.. ಕೃಷ್ಣ ಅಂದಮೇಲೆ ಗೋಪಿಕೆಯರು ಇರಬೇಕಲ್ವಾ..? 16 ಸಾವಿರ ಚೆಲುವೆಯರ ಚೆಲುವಾಂತ ಚೆಲುವ ಕೃಷ್ಣನ ಪಾತ್ರ ಮಾಡಿರುವ ರವಿಚಂದ್ರನ್‍ಗೆ ಕುರುಕ್ಷೇತ್ರ ಚಿತ್ರದಲ್ಲಿ ಮುನಿರತ್ನ ಏನ್ ಮಾಡಿದ್ದಾರೆ ಗೊತ್ತಾ..?

    ಕೃಷ್ಣನ ಪಾತ್ರ ಕೊಟ್ಟಿದ್ದರೂ ಹುಡುಗಿಯರಿಲ್ಲ. ರೊಮ್ಯಾನ್ಸ್ ಇಲ್ಲ. ಎಲ್ಲರೂ ದ್ರಾಕ್ಷಿ ಅಂದ ಕೂಡ್ಲೇ ನನ್ನ ನೆನಪಿಸಿಕೊಳ್ತಾರೆ. ಇಲ್ಲಿ ದ್ರಾಕ್ಷಿ ತಿನ್ನಿಸೋದು ಕೂಡಾ ಇಲ್ಲ. ಕನ್ನಡ ಚಿತ್ರರಂಗದಲ್ಲಿ ಕೃಷ್ಣ ಅಂತ ಯಾರಾದ್ರೂ ಇದ್ರೆ ಅದು ನಾನು. ಲವ್ ಮಾಡಿಸೋ ನಾನು ಚಿತ್ರದಲ್ಲಿ ಯುದ್ಧ ಶುರು ಮಾಡಿಸುತ್ತೇನೆ ಎಂದು ಚಟಾಕಿ ಹಾರಿಸಿದ್ದಾರೆ ರವಿಚಂದ್ರನ್.

  • ಬೆಳ್‍ಬೆಳಗ್ಗೇನೇ ಸ್ಟುಡಿಯೋಗೆ ಹೋಗ್ತಾರೆ ದರ್ಶನ್..!

    darshan dubs for kurukshetra

    ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರ 50ನೇ ಸಿನಿಮಾ ಕುರುಕ್ಷೇತ್ರ. ಚಿತ್ರತಂಡ ಹೇಳಿದ್ದಂತೆಯೇ ಎಲ್ಲವೂ ಆಗಿದ್ದರೆ, ಸಿನಿಮಾ ಇಷ್ಟು ಹೊತ್ತಿಗೆ ಥಿಯೇಟರ್‍ನಲ್ಲಿರಬೇಕಿತ್ತು. ಚಿತ್ರದ ಡಬ್ಬಿಂಗ್ ಭಾರಿ ವೇಗವಾಗಿ ನಡೆಯುತ್ತಿದ್ದು, ದರ್ಶನ್ ಅಂತೂ ತಪಸ್ಸಿನಂತೆ ಮಾಡುತ್ತಿದ್ದಾರೆ.

    ದರ್ಶನ್ ಮುಂಜಾನೆಯೇ ಎದ್ದು ಸ್ಟುಡಿಯೋಗೆ ಬಂದು ಫ್ರೆಶ್ ವಾಯ್ಸ್‍ನಲ್ಲೆ ಡಬ್ಬಿಂಗ್ ಮಾಡುತ್ತಿರುವುದು ವಿಶೇಷ. ಈ ಹಿಂದೆ ಸಂಗೊಳ್ಳಿ ರಾಯಣ್ಣ ಚಿತ್ರಕ್ಕೆ ಇದೇ ರೀತಿ ಡಬ್ ಮಾಡಿದ್ದ ದರ್ಶನ್, ಕುರುಕ್ಷೇತ್ರ ಚಿತ್ರಕ್ಕೂ ಅದೇ ಮಾದರಿ ಅನುಸರಿಸುತ್ತಿದ್ದಾರೆ.

    ಡಬ್ಬಿಂಗ್ ಒಂದು ಹಂತದ  ಕೆಲಸ ಮುಗಿದಿದ್ದು, ಈಗಾಗಲೇ 2ನೇ ಶೆಡ್ಯೂಲ್ ಜಾರಿಯಲ್ಲಿದೆ. 

  • ಮಗನ ಅಭಿನಯ ಮೆಚ್ಚಿಕೊಂಡ ಮುಖ್ಯಮಂತ್ರಿ

    hd kumaraswamy appreciates nikhil in kurukshetra

    ರಾಜ್ಯದಲ್ಲೀಗ ಸರ್ಕಾರ ಉಳಿಯುತ್ತಾ.. ಉರುಳುತ್ತಾ ಅನ್ನೊದೇ ದೊಡ್ಡ ಚರ್ಚೆ. ಆದರೆ, ಸಿಎಂ ಆಗಿರುವ ಕುಮಾರಸ್ವಾಮಿ ಮಾತ್ರ ಕೂಲಾಗೇ ಇದ್ದಾರೆ. ಇಬ್ಬರು ಪಕ್ಷೇತರ ಶಾಸಕರು ಬೆಂಬಲ ವಾಪಸ್ ತೆಗೆದುಕೊಂಡು, ಇನ್ನೂ ಕೆಲವು ಶಾಸಕರು ಸಿಡಿದೆದ್ದಿದ್ದಾರೆ ಎಂಬ ಸೂಚನೆಯಿದ್ದರೂ.. ಅವರು ಮಾತ್ರ ಕೂಲ್ ಕೂಲ್. ಅವರು ನೆಮ್ಮದಿಯಾಗಿ.. ನಿರಾಳವಾಗಿ  ಮುನಿರತ್ನ ಅವರ ಮನೆಗೆ ಹೋಗಿ.. ಕುರುಕ್ಷೇತ್ರ ಚಿತ್ರದ ಒಂದು ಹಾಡು ನೋಡಿದ್ದಾರೆ. ಅಭಿಮನ್ಯು ಆಗಿ ನಟಿಸಿರುವ ಮಗನ ಅಭಿನಯವನ್ನು ಮೆಚ್ಚಿಕೊಂಡಿದ್ದಾರೆ.

    ಕುರುಕ್ಷೇತ್ರ ಚಿತ್ರ ಈಗಾಗಲೇ ಒಂದೂವರೆ ವರ್ಷ ತಡವಾಗಿದೆ. ಈ ಕುರಿತು ಮಾತನಾಡಿರುವ ಮುನಿರತ್ನ, ಚಿತ್ರದ 2ಡಿ ಪ್ರಿಂಟ್ ರೆಡಿಯಾಗಿದೆ. 3ಡಿ ಪ್ರಿಂಟ್ ರೆಡಿಯಾಗುತ್ತಿದೆ. ಎರಡೂ ವರ್ಷನ್ ರೆಡಿಯಾದ ಮೇಲೆ ರಿಲೀಸ್ ಎಂದಿದ್ದಾರೆ.

  • ಮುನಿರತ್ನ ಕುರುಕ್ಷೇತ್ರದ ಮುಹೂರ್ತಕ್ಕೆ ಡಿಕೆ ತಲೆನೋವು

    kurukshtera movie image

    ದರ್ಶನ್ ಅಭಿನಯದ 50ನೇ ಚಿತ್ರ ಕುರುಕ್ಷೇತ್ರ. ಅಲ್ಲಲ್ಲ.. ಅದು ಮುನಿರತ್ನ ಕುರುಕ್ಷೇತ್ರ. ಚಿತ್ರದ ಮುಹೂರ್ತಕ್ಕೆ ಆಗಸ್ಟ್ 6ನೇ ತಾರೀಕು ಡೇಟ್ ಫ{ಇಕ್ಸ್ ಆಗಿರುವುದು ನಿಜವಾದರೂ, ಮುನಿರತ್ನಗೆ ಒಂದು ವಿಚಿತ್ರ ತಲೆನೋವು ಶುರುವಾಗಿದೆ. ಅದು ಡಿಕೆ ತಲೆನೋವು

    ಇನ್ನೇನಿಲ್ಲ, ಮುನಿರತ್ನ ಡಿಕೆ ಶಿವಕುಮಾರ್ ಆಪ್ತರಲ್ಲಿ ಒಬ್ಬರು. ಹೀಗಾಗಿಯೇ ಸಿನಿಮಾ ಮುಹೂರ್ತದ ಆಹ್ವಾನ ಪತ್ರಿಕೆಯಲ್ಲಿ ಸಚಿವ ಡಿ.ಕೆ. ಶಿವಕುಮಾರ್ ಮತ್ತು ಸಂಸದ ಡಿ.ಕೆ. ಸುರೇಶ್ ಇಬ್ಬರ ಹೆಸರೂ ಇದೆ. ಆದರೆ ಈಗ ಕಂಪ್ಲೀಟ್ ಐಟಿ ಟೆನ್ಷನ್‍ನಲ್ಲಿರುವ ಡಿಕೆ ಬ್ರದರ್ಸ್, ಮುಹೂರ್ತ ಕಾರ್ಯಕ್ರಮಕ್ಕೆ ಬರುವುದು ಕಷ್ಟಸಾಧ್ಯ. ತನಿಖೆ ಮುಗಿಯಲೇ ಇಲ್ಲದವಾದರೆ ಬರಲು ಆಗುವುದೂ ಇಲ್ಲ. 

    ಈ ಮಧ್ಯೆ ಐಟಿಯವರು ಬೆಂಡೆತ್ತಿರುವಾಗಲೇ ಮುನಿರತ್ನ ಹೋಗಿ ಡಿಕೆ ಸುರೇಶ್ ಅವರಿಗೆ ಆಹ್ವಾನವನ್ನೂ ಕೊಟ್ಟು ಬಂದಿದ್ದಾರೆ. ಒಟ್ಟಿನಲ್ಲಿ ಮುನಿರತ್ನ ಕುರುಕ್ಷೇತ್ರದ ದಿನ ಏನೇ ಸಂಭ್ರಮವಿದ್ದರೂ, ಡಿಕೆ ತಲೆನೋವು ಎಲ್ಲರಿಗೂ ಕಾಡಲಿದೆ.

    Related Articles :-

    ಕುರುಕ್ಷೇತ್ರದ ಮುಹೂರ್ತಕ್ಕೆ ಆಹ್ವಾನ. ಹೇಗಿದ್ದಾರೆ ಗೊತ್ತಾ ದರ್ಶನ್..?

    ಕುರುಕ್ಷೇತ್ರದಲ್ಲಿ ದರ್ಶನ್ ಜೊತೆ ನಟಿಸುತ್ತಿಲ್ಲ - ಕಾರಣ ಹೇಳಿದ ಶಿವರಾಜ್​ ಕುಮಾರ್ 

    ಕುರುಕ್ಷೇತ್ರ ಚಿತ್ರದ ಮುಹೂರ್ತ ಮುಂದೆ ಹೋಯ್ತು..!

    ದುರ್ಯೋಧನ ದರ್ಶನ್​ಗೆ ಸಿಕ್ಕನಾ ಭೀಮ..? - ಬಾಲಿವುಡ್ ಆಂಜನೇಯ ಕುರುಕ್ಷೇತ್ರದ ಭೀಮ?

    Kurukshetra To be Launched on July 30th

    ದರ್ಶನ್ ಕುರುಕ್ಷೇತ್ರದಲ್ಲಿ ನಿಖಿಲ್ ಕುಮಾರಸ್ವಾಮಿ ಅಭಿಮನ್ಯು

    ಕುರುಕ್ಷೇತ್ರದಲ್ಲಿ ಹರಿಪ್ರಿಯ ದ್ರೌಪದಿಯಲ್ಲ..!

    Haripriya Confirmed For Kurukshetra

    Vivek Oberoi in Kurukshetra Say Reports

    Kurukshetra To Be Launched On July 23rd

  • ಮುನಿರತ್ನ ಕುರುಕ್ಷೇತ್ರದಲ್ಲಿ ಅವಕಾಶ - ಶಕುನಿ ರವಿಶಂಕರ್, ಧೃತರಾಷ್ಷ್ಟ್ರ ಶ್ರೀನಾಥ್​ಗೆ ಉತ್ಸಾಹವೋ ಉತ್ಸಾಹ

    ravishankar in kurukshetra

    ದರ್ಶನ್ ಅಭಿನಯದ 50ನೇ ಚಿತ್ರ ಮುನಿರತ್ನ ಕುರುಕ್ಷೇತ್ರ ಚಿತ್ರ, ಸೆಟ್ಟೇರುವ ಮೊದಲೇ ಅಪಾರ ನಿರೀಕ್ಷೆ ಹುಟ್ಟಿಸುತ್ತಿದೆ. ಈಗ ಚಿತ್ರದ ಅತ್ಯಂತ ಪ್ರಮುಖ ಪಾತ್ರಕ್ಕೆ ಆರ್ಮುಗಂ ಖ್ಯಾತಿಯ ರವಿಶಂಕರ್ ಸೇರ್ಪಡೆಯಾಗಿದ್ದಾರೆ. ರವಿಶಂಕರ್​ಗೆ ಕುರುಕ್ಷೇತ್ರ ಚಿತ್ರದಲ್ಲಿ ಶಕುನಿಯ ಪಾತ್ರ.

    ಕುರುಕ್ಷೇತ್ರ ಚಿತ್ರದಲ್ಲಿ ನಟಿಸುವ ಅವಕಾಶ ಸಿಕ್ಕಿರುವುದೇ ನನ್ನ ಅದೃಷ್ಟ. ನಾನಂತೂ ಎಕ್ಸೈಟ್ ಆಗಿದ್ದೇನೆ ಎಂದಿದ್ದಾರೆ ರವಿಶಂಕರ್. ಅವರ ಎಕ್ಸೈಟ್​ಮೆಂಟ್​ಗೆ ಕಾರಣವೂ ಇದೆ. ಏಕೆಂದರೆ ಕುರುಕ್ಷೇತ್ರಕ್ಕೆ ಕಾರಣಕರ್ತನೇ ಶಕುನಿ. ಮಹಾಭಾರತದ ಅತ್ಯಂತ ಪ್ರಮುಖ ಪಾತ್ರವದು.

    ಇನ್ನು ಧೃತರಾಷ್ಟ್ರನ ಪಾತ್ರದಲ್ಲಿ ನಟಿಸುತ್ತಿರುವ ಶ್ರೀನಾಥ್​ಗೂ ಅಂಥದ್ದೇ ಉತ್ಸಾಹ. ಶ್ರೀನಾಥ್​ಗೆ ಪೌರಾಣಿಕ ಚಿತ್ರ ಮತ್ತು ಪಾತ್ರಗಳು ಹೊಸದಲ್ಲ. ಈ ಹಿಂದೆ ಅಣ್ಣಾವ್ರ ಜೊತೆ ನಾಲ್ಕು ಪೌರಾಣಿಕ ಚಿತ್ರಗಳಲ್ಲಿ ನಟಿಸಿದ್ದೆ. ಈಗ ಮತ್ತೆ ಅಂಥಾದ್ದೊಂದು ಅದ್ಭುತ ಅವಕಾಶ ಸಿಕ್ಕಿದೆ. ಹಳೆಯದೆಲ್ಲ ನೆನಪಾಗುತ್ತಿದೆ. ಅಭಿನಯಿಸಲು ಕಾತುರನಾಗಿದ್ದೇನೆ ಎಂದಿದ್ದಾರೆ ಶ್ರೀನಾಥ್.

    Related Articles :-

    ಮುನಿರತ್ನ ಕುರುಕ್ಷೇತ್ರದ ಮುಹೂರ್ತಕ್ಕೆ ಡಿಕೆ ತಲೆನೋವು

    ಕುರುಕ್ಷೇತ್ರದ ಮುಹೂರ್ತಕ್ಕೆ ಆಹ್ವಾನ. ಹೇಗಿದ್ದಾರೆ ಗೊತ್ತಾ ದರ್ಶನ್..?

    ಕುರುಕ್ಷೇತ್ರದಲ್ಲಿ ದರ್ಶನ್ ಜೊತೆ ನಟಿಸುತ್ತಿಲ್ಲ - ಕಾರಣ ಹೇಳಿದ ಶಿವರಾಜ್​ ಕುಮಾರ್ 

    ಕುರುಕ್ಷೇತ್ರ ಚಿತ್ರದ ಮುಹೂರ್ತ ಮುಂದೆ ಹೋಯ್ತು..!

    ದುರ್ಯೋಧನ ದರ್ಶನ್​ಗೆ ಸಿಕ್ಕನಾ ಭೀಮ..? - ಬಾಲಿವುಡ್ ಆಂಜನೇಯ ಕುರುಕ್ಷೇತ್ರದ ಭೀಮ?

    Kurukshetra To be Launched on July 30th

    ದರ್ಶನ್ ಕುರುಕ್ಷೇತ್ರದಲ್ಲಿ ನಿಖಿಲ್ ಕುಮಾರಸ್ವಾಮಿ ಅಭಿಮನ್ಯು

    ಕುರುಕ್ಷೇತ್ರದಲ್ಲಿ ಹರಿಪ್ರಿಯ ದ್ರೌಪದಿಯಲ್ಲ..!

  • ಯುಗಾದಿಗೆ ಕುರುಕ್ಷೇತ್ರ

    kurukshetra may release for yugadi

    ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿನಯದ 50ನೇ ಸಿನಿಮಾ ಆಗಬೇಕಿದ್ದ ಕುರುಕ್ಷೇತ್ರ ಚಿತ್ರ 51ನೇ ಚಿತ್ರವಾಗುತ್ತಿದೆ. ಅದಕ್ಕಿಂತ ಮೊದಲೇ ಯಜಮಾನ ಬಂದಿರುತ್ತಾನೆ. 2018ರ ಸಂಕ್ರಾಂತಿಗೇ ರಿಲೀಸ್ ಆಗಬೇಕಿದ್ದ ಕುರುಕ್ಷೇತ್ರ 3ಡಿ ವರ್ಷನ್ ಹಿನ್ನೆಲೆಯಲ್ಲಿ ವಿಳಂಬವಾಗುತ್ತಿದೆ. ಈಗ 3ಡಿ ಕೆಲಸವೂ ಬಹುತೇಕ ಮುಗಿದಿದ್ದು, ತಮಿಳು, ತೆಲುಗು, ಮಲಯಾಳಂ ಹಾಗೂ ಹಿಂದಿಯ ಡಬ್ಬಿಂಗ್ ಕೆಲಸಗಳು ಶುರುವಾಗಿವೆಯಂತೆ.

    ಎಲ್ಲ ಭಾಷೆಗಳಲ್ಲೂ ಖ್ಯಾತ ಬರಹಗಾರರು, ಡೈಲಾಗ್ ಬರೆಯುತ್ತಿದ್ದಾರೆ. ಡಬ್ಬಿಂಗ್ ಆರ್ಟಿಸ್ಟುಗಳ ಆಯ್ಕೆಯೂ ಮುಗಿದಿದ್ದು, ಶೀಘ್ರದಲ್ಲೇ ಡಬ್ಬಿಂಗ್ ಶುರುವಾಗಲಿದೆ.

    3 ಗಂಟೆ 5 ನಿಮಿಷದ ಕುರುಕ್ಷೇತ್ರ ಚಿತ್ರದ 2ಡಿ ವರ್ಷನ್ ಈಗಾಗಲೇ ಸೆನ್ಸಾರ್ ಆಗಿದೆ. 3ಡಿ ವರ್ಷನ್ ಬಂದೊಡನೆ ಸೆನ್ಸಾರ್ ಮುಗಿಸಿ ಏಪ್ರಿಲ್ 6ಕ್ಕೆ ಚಿತ್ರ ರಿಲೀಸ್ ಮಾಡುವ ಪ್ಲಾನ್ ಮಾಡಿದೆ ಚಿತ್ರತಂಡ. ಏಪ್ರಿಲ್ 7ಕ್ಕೆ ಯುಗಾದಿ.

  • ರವಿಚಂದ್ರನ್ ಕೃಷ್ಣನಾ.. ಕೊಳಲಿನಾ.. ಕರೆ...

    kurukshetra image

    ಕೃಷ್ಣನೆಂದರೆ ಏನೇನೆಲ್ಲ ನೆನಪಾಗುತ್ತೆ ಹೇಳಿ.. ಏನಿಲ್ಲವೆಂದರೂ ಕೃಷ್ಣನ ತುಂಟಾಟಗಳು ನೆನಪಾಗಿಯೇ ಆಗುತ್ತವೆ. ಅದರಲ್ಲಿ ಶ್ರೀಕೃಷ್ಣನ ಅವತಾರದಲ್ಲಿ ರವಿಚಂದ್ರನ್ ಬಂದುಬಿಟ್ಟರೆ, ಅಬ್ಬಾ.. ಮುಂದಿನದ್ದು ಹೇಳೋದೇ ಬೇಡ. ಮೊದಲೇ ರಸಿಕರ ರಸಿಕ ರವಿಚಂದ್ರನ್.

    ರಣಧೀರನಾಗಿಯೂ ಕೊಳಲು, ರಸಿಕನಾಗಿಯೂ ಕೊಳಲು, ಕೊಳಲಿಗೆ ರಾಯಭಾರಿ, ಕುರುಕ್ಷೇತ್ರದ ರೂವಾರಿ ಎಂದೆಲ್ಲ ಹೊಗಳಿಬಿಟ್ಟಿದ್ದಾರೆ ನಿರ್ದೇಶಕ ರಘುರಾಮ್. ಪುತ್ರ ಮನೋರಂಜನ್ ಶ್ರೀಕೃಷ್ಣನ ವೇಷದಲ್ಲಿರುವ ನನ್ನ ತಂದೆ ದೇವರು ಎಂದು ಭಕ್ತಿಯಿಂದಲೇ ಹೇಳಿಕೊಂಡಿದ್ದಾರೆ.

    30+ ವರ್ಷಗಳ ಚಿತ್ರಜೀವನದಲ್ಲಿ ಇದೆ ಮೊದಲ ಬಾರಿ ಮೀಸೆಯನ್ನೂ ತೆಗೆದು ನಟಿಸಿರುವ ರವಿಚಂದ್ರನ್, ಮೈಮೇಲಿನ ಕೂದಲನ್ನೆಲ್ಲ ತೆಗೆದಿದ್ದರು. ಈಗ ರವಿಚಂದ್ರನ್ ಅವರ ಫೋಟೋ ನಿಮ್ಮ ಕಣ್ಣ ಮುಂದಿದೆ. ಹೇಗಿದ್ದಾರೆ ರವಿಚಂದ್ರನ್..? ಅಲ್ಲಲ್ಲ.. ಹೇಗಿದ್ದಾರೆ ಶ್ರೀಕೃಷ್ಣ..?

  • ರವಿಚಂದ್ರನ್‍ರನ್ನು ನೋಡಿ ಕಾಲಿಗೆ ಬಿದ್ದವರು ಯಾರು..?

    ravichandran as krishna

    ಕ್ರೇಜಿ ಸ್ಟಾರ್ ರವಿಚಂದ್ರನ್, ಇದೇ ಮೊದಲ ಬಾರಿಗೆ ಕುರುಕ್ಷೇತ್ರ ಚಿತ್ರದಲ್ಲಿ ಪೌರಾಣಿಕ ಪಾತ್ರ ನಿರ್ವಹಿಸುತ್ತಿರುವುದು ಸರಿಯಷ್ಟೆ. ತಮ್ಮ ಆರಂಭದ ದಿನಗಳ ಸಿನಿಮಾಗಳಲ್ಲಿ ಪೋಲಿಕೃಷ್ಣನಾಗಿದ್ದ ರವಿಚಂದ್ರನ್, ಕುರುಕ್ಷೇತ್ರ ಚಿತ್ರದಲ್ಲಿ ನಿಜವಾದ ಶ್ರೀಕೃಷ್ಣನ ಪಾತ್ರದಲ್ಲಿಯೇ ನಟಿಸುತ್ತಿದ್ದಾರೆ.

    ಆ ಚಿತ್ರಕ್ಕಾಗಿ 8 ಕೆಜಿ ತೂಕ ಇಳಿಸಿಕೊಂಡಿರುವ ರವಿಚಂದ್ರನ್, ಮೀಸೆಗೂ ಬೈ ಬೈ ಹೇಳಿದ್ದರು. ಆಗ  ಅವರನ್ನು ನೋಡಿದವರೊಬ್ಬರು ನೀವು ವೀರಸ್ವಾಮಿ ಅವರ ತರಾ ಕಾಣಿಸ್ತಿದ್ದೀರಾ ಅಂದರಂತೆ. ಅದು ರವಿಚಂದ್ರನ್ ಅವರಿಗೆ ಸಿಕ್ಕಿರುವ ಬೆಸ್ಟ್ ಕಾಂಪ್ಲಿಮೆಂಟು.

    ಇನ್ನು ಚಿತ್ರದ ಮೇಕಪ್, ಮೈತುಂಬಾ ಬಳಿದ ನೀಲಿಬಣ್ಣ ಇಷ್ಟವಾಗದೆ ಮೊದಲ ದಿನ ಶೂಟಿಂಗ್‍ಗೇ ಹೋಗಲಿಲ್ಲವಂತೆ ರವಿಚಂದ್ರನ್. ಎರಡನೇ ದಿನ ತಾವೇ ನಾಲ್ಕು ಕಲರ್ ತರಿಸಿಕೊಂಡು, ಕಾಸ್ಟ್ಯೂಮ್‍ನ್ನು ಬದಲಾಯಿಸಿಕೊಂಡು ಅದೇ ದಿನ ಸಂಜೆ ಶ್ರೀಕೃಷ್ಣನ ಗೆಟಪ್‍ನಲ್ಲಿ ಸೆಟ್‍ಗೆ ಹೋಗಿದ್ದಾರೆ ರವಿಚಂದ್ರನ್. ಸೆಟ್‍ನಲ್ಲಿದ್ದವರೆಲ್ಲ ಕಾಲಿಗೆ ಬಿದ್ದರಂತೆ.

    ಅಷ್ಟಿಲ್ಲದೆ ಹೇಳ್ತಾರಾ.. ರವಿ ಕಾಣದ್ದನ್ನು ಕವಿ ಕಂಡ, ಕವಿಯೂ ಕಾಣದ್ದನ್ನು ರವಿಚಂದ್ರನ್ ಕಂಡ ಅಂತ.

  • ರಿಲೀಸ್‍ಗೂ ಮೊದಲೇ ಕುರುಕ್ಷೇತ್ರಕ್ಕೆ 20 ಕೋಟಿ ಬ್ಯುಸಿನೆಸ್

    kurushetra does 20 crore business even before the release

    ದರ್ಶನ್ ಅಭಿನಯದ 50ನೇ ಸಿನಿಮಾ ಮುನಿರತ್ನ ಕುರುಕ್ಷೇತ್ರ 5 ಭಾಷೆಗಳಲ್ಲಿ ರಿಲೀಸ್ ಆಗುತ್ತಿದೆ. ಈ ಸಿನಿಮಾ ಕನ್ನಡದ ಅತ್ಯಂತ ಅದ್ಧೂರಿ ಸಿನಿಮಾ ಎನ್ನುವುದರಲ್ಲಿ ಅನುಮಾನವಿಲ್ಲ. ವಿಶೇಷವೆಂದರೆ, ವರಮಹಾಲಕ್ಷ್ಮಿ ಹಬ್ಬಕ್ಕೆ ಅಂದರೆ, ಇನ್ನೂ ಎರಡೂವರೆ ತಿಂಗಳ ನಂತರ ರಿಲೀಸ್ ಆಗುತ್ತಿರುವ ಚಿತ್ರ ಆಗಲೇ 20 ಕೋಟಿ ಬ್ಯುಸಿನೆಸ್ ಮಾಡಿದೆ.

    ಕುರುಕ್ಷೇತ್ರ ಚಿತ್ರದ ಹಿಂದಿ ಸ್ಯಾಟಲೈಟ್ ಹಕ್ಕು ಹಾಗೂ ಕನ್ನಡ ಟಿವಿ ರೈಟ್ಸ್ ತಲಾ ಒಂಭತ್ತೂವರೆ ಕೋಟಿಗೆ ಮಾರಾಟವಾಗಿದ್ದರೆ, ಆಡಿಯೋ ಹಕ್ಕುಗಳನ್ನು ಒಂದೂವರೆ ಕೋಟಿಗೆ ಸೇಲ್ ಮಾಡಿದ್ದಾರೆ ನಿರ್ಮಾಪಕ ಮನಿರತ್ನ. ಉಳಿದಂತೆ ಇತರೆ ಭಾಷೆಗಳ ಸ್ಯಾಟಲೈಟ್ ರೈಟ್ಸ್, ಆನ್‍ಲೈನ್ ರೈಟ್ಸ್ ಹಾಗೂ ಡಿಸ್ಟ್ರಿಬ್ಯೂಷನ್ ರೈಟ್ಸ್, ಇನ್ನೂ ಶುರುವಾಗಬೇಕಿದೆ. ಒಟ್ಟಿನಲ್ಲಿ ಕನ್ನಡದ ಐತಿಹಾಸಿಕ ಚಿತ್ರವೊಂದು ದಾಖಲೆ ಬರೆಯಲು ರೆಡಿಯಾಗುತ್ತಿದೆ.

  • ಲೇಟ್ ಆಗಿ ಬರಲಿದೆ ಕುರುಕ್ಷೇತ್ರ..!

    kurukshetra image

    ಕುರುಕ್ಷೇತ್ರ. ಅರ್ಧಕ್ಕರ್ಧ ಕನ್ನಡ ಚಿತ್ರರಂಗವೇ ಈ ಚಿತ್ರದಲ್ಲಿ ತೊಡಗಿಸಿಕೊಂಡಿದೆ. ಮುನಿರತ್ನ ನಿರ್ಮಾಣದ ಈ ಚಿತ್ರದಲ್ಲಿ ಕಥೆ ದುರ್ಯೋಧನ ದರ್ಶನ್ ನೆಲೆಯ ಕಥೆಯಿದೆ. ಅಂಬರೀಷ್, ಅರ್ಜುನ್ ಸರ್ಜಾ, ಶ್ರೀನಾಥ್, ಲಕ್ಷ್ಮೀ, ಸ್ನೇಹಾ, ನಿಖಿಲ್, ಹರಿಪ್ರಿಯಾ, ಶೃತಿ ಹರಿಹರನ್, ರವಿಶಂಕರ್.. ಹೀಗೆ ತಾರಾಗಣದ ದೊಡ್ಡ ಪಡೆಯೇ ಇದೆ. 

    ಎಲ್ಲವೂ ಅಂದುಕೊಂಡಂತೆ ಆಗಿದ್ದರೆ, ಸಿನಿಮಾ ಸಂಕ್ರಾಂತಿ ಹೊತ್ತಿಗೆ ತೆರೆಗೆ ಬರಬೇಕಿತ್ತು. ಆದರೆ, ಗ್ರಾಫಿಕ್ಸ್ ವರ್ಕ್ ಹೆಚ್ಚಿರುವ ಕಾರಣ, ಚಿತ್ರದ ಪ್ರಥಮ ಪ್ರತಿ ಬರುವುದೇ ಫೆಬ್ರವರಿ ತಿಂಗಳ ಕೊನೆಗೆ ಎನ್ನಲಾಗುತ್ತಿದೆ. 

    ಹೀಗಾಗಿ ಸಿನಿಮಾ ಮಾರ್ಚ್ ಅಥವಾ ಏಪ್ರಿಲ್‍ನಲ್ಲಿ ತೆರೆಗೆ ಬರಬಹುದು ಎಂಬ ಸುಳಿವು ನೀಡಿದ್ದಾರೆ ಮುನಿರತ್ನ. ಅತಿದೊಡ್ಡ ಬಜೆಟ್‍ನ ಅತಿ ದೊಡ್ಡ ಕ್ಯಾನ್ವಾಸ್‍ನ ಸಿನಿಮಾ ಲೇಟ್ ಆಗಿ ಬಂದರೂ ಅಭಿಮಾನಿಗಳು ಕಾಯುತ್ತಾರೆ.

  • ವದಂತಿಗಳಿಗೆ ಕಿವಿಗೊಡಬೇಡಿ - ದರ್ಶನ್ ಕುರುಕ್ಷೇತ್ರದಲ್ಲಿ ನಟಿಸೋದು ಪಕ್ಕಾ 

    darshan

    ಚಾಲೆಂಜಿಂಗ್ ಸ್ಟಾರ್ ದರ್ಶನ್, ಕುರುಕ್ಷೇತ್ರ ಚಿತ್ರವನ್ನು ಕೈಬಿಟ್ಟಿಲ್ಲ. ಅಂತಹ ಅವಕಾಶವನ್ನು ದರ್ಶನ್ ಬಿಡೋದಿಲ್ಲ. ವದಂತಿಗಳಿಗೆಲ್ಲ ಕಿವಿಗೊಡಬೇಡಿ ಅನ್ನೋ ಸುದ್ದಿ ಡಿ ಕ್ಯಾಂಪ್​ನಿಂದ ಹೊರಬಿದ್ದಿದೆ. ಕುರುಕ್ಷೇತ್ರ ಚಿತ್ರದಲ್ಲಿ ದರ್ಶನ್ ದುರ್ಯೋಧನ ಪಾತ್ರ ಮಾಡುತ್ತಿದ್ದು,

    ಈಗಾಗಲೇ ಫೋಟೋ ಶೂಟ್ ಕೂಡಾ ಮುಗಿದಿದೆ. ದುರ್ಯೋಧನನ ಪಾತ್ರಕ್ಕಾಗಿ ದರ್ಶನ್, ತೂಕ ಹೆಚ್ಚಿಸಿಕೊಳ್ಳುತ್ತಿದ್ದು, ತಾಲೀಮು ನಡೆಸುತ್ತಿದ್ದಾರೆ. ಒಬ್ಬ ನಟನ ಜೀವನದಲ್ಲಿ ಸಿಗುವ ಅಪರೂಪದ ಅವಕಾಶ ಇದು ಎಂದು ಸ್ಪಷ್ಟಪಡಿಸಿದ್ದಾರೆ ದಿನಕರ್ ತೂಗುದೀಪ. ಈಗಾಗಲೇ ಚಿತ್ರಕ್ಕಾಗಿ ಹೈದರಾಬಾದ್​ನ ರಾಮೋಜಿ ಫಿಲ್ಮ್​ ಸಿಟಿಯಲ್ಲಿ ಭರ್ಜರಿ ಸೆಟ್ ಸಿದ್ಧವಾಗುತ್ತಿದೆಯಂತೆ.

  • ಶಕುನಿ ಕಾಣಿಸಿಕೊಂಡೇ ಬಿಟ್ರು..!

    ravishankar in kurukshetra

    ಕುರುಕ್ಷೇತ್ರ ಚಿತ್ರದ ಒಬ್ಬೊಬ್ಬಬರ ಪಾತ್ರ, ಲುಕ್‍ನ್ನು ಗೌಪ್ಯವಾಗಿಯೇ ಮಾಡಲಾಗುತ್ತಿದೆ. ಸದ್ಯಕ್ಕೆ ದುರ್ಯೋಧನ ದರ್ಶನ್, ಅಭಿಮನ್ಯು ನಿಖಿಲ್, ಭೀಷ್ಮ ಅಂಬರೀಷ್ ಸೇರಿದಂತೆ ಕೆಲವೇ ಕಲಾವಿದರ ಫೋಟೋಗಳು ಹೊರಬಿದ್ದಿವೆ. ಟೀಸರ್ ಎಂದು ಬಂದಿರೋದು ದುರ್ಯೋಧನ ದರ್ಶನ್ ಅವರದ್ದು ಮಾತ್ರ. ಉಳಿದವರ ಗೆಟಪ್‍ಗಳನ್ನು ಫೋಟೋ ನೋಡಿ ತೃಪ್ತಿಪಟ್ಟುಕೊಳ್ಳಬೇಕಷ್ಟೆ.

    ಅಂಥದ್ದೇ ಕುತೂಹಲ ಇದ್ದದ್ದು ಶಕುನಿ ರವಿಶಂಕರ್ ಬಗ್ಗೆ. ಕಮರ್ಷಿಯಲ್ ಸಿನಿಮಾಗಳಲ್ಲಿ ಖಳ, ಪೋಷಕ, ಹಾಸ್ಯ ಪಾತ್ರಗಳನ್ನು ಲೀಲಾಜಾಲವಾಗಿ ಮಾಡುವ ರವಿಶಂಕರ್, ಪೌರಾಣಿಕ ಶಕುನಿ ಪಾತ್ರದಲ್ಲಿ ಹೇಗೆ ಕಾಣಿಸುತ್ತಾರೆ ಎಂಬ ಕುತೂಹಲ ಇತ್ತು. ಅವರದ್ದೊಂದು ಫೋಟೋ ಈಗ ಹೊರಬಿದ್ದಿದೆ.

    ಸೆಟ್ ಬಳಿ ಹೋಗಿದ್ದ ಅಭಿಮಾನಿಗಳ ಆಗ್ರಹಕ್ಕೆ ಮಣಿದು ಫೋಟೋ ತೆಗೆಸಿಕೊಂಡಿದ್ದಾರೆ ರವಿಶಂಕರ್. ಪಕ್ಕದಲ್ಲೆ ದುರ್ಯೋಧನ ದರ್ಶನ್, ಶಶಿಕುಮಾರ್ ಕೂಡಾ ಇದ್ದಾರೆ. ಇನ್ನೊಂದ್ ವಿಷ್ಯ, ಅಭಿಮನ್ಯು ನಿಖಿಲ್ ಟೀಸರ್ ನಾಳೆ ಹೊರಬೀಳ್ತಾ ಇದೆ.

  • ಸಂಕ್ರಾಂತಿಗೇ ರಿಲೀಸ್ ಆಗುತ್ತೆ ದರ್ಶನ್ ಕುರುಕ್ಷೇತ್ರ..!

    kurukshetra movie image

    ಕುರುಕ್ಷೇತ್ರ ಚಿತ್ರಕ್ಕೆ ಅದ್ದೂರಿ ಮುಹೂರ್ತ ನೆರವೇರಿದೆ. ಮುಖ್ಯಮಂತ್ರಿಗಳೇ ಕ್ಲಾಪ್ ಮಾಡಿ ಶುಭ ಕೋರಿದ್ದಾರೆ. ಚಿತ್ರದಲ್ಲಿರುವ ಕನ್ನಡದ ದೊಡ್ಡ ಸ್ಟಾರ್ ನಟರೆಂದರೆ ಇಬ್ಬರು ಮಾತ್ರ. ದರ್ಶನ್ ಮತ್ತು ರವಿಚಂದ್ರನ್. ಕೇವಲ 2 ತಿಂಗಳಲ್ಲಿ ಪ್ಲಾನ್ ಮಾಡಿದ ಚಿತ್ರ. ಹೀಗಾಗಿ ಸ್ಟಾರ್ ನಟರನ್ನೆಲ್ಲ ಒಗ್ಗೂಡಿಸುವುದು ಸಾಧ್ಯವಾಗಲಿಲ್ಲ ಎಂಬ ಸ್ಪಷ್ಟನೆ ಮುನಿರತ್ನ ಅವರದ್ದು.

    ಅಂದಹಾಗೆ ಕನ್ನಡದ ಈ ಪೌರಾಣಿಕ ಚಿತ್ರ ಸಂಕ್ರಾಂತಿಗೆ ರಿಲೀಸ್ ಆಗುತ್ತಿದೆಯಂತೆ. ಚಿತ್ರ ಸೆಟ್ಟೇರಿರುವುದು ಈಗ. 60 ಕೋಟಿ ಬಜೆಟ್‍ನ ಈ ಚಿತ್ರ ಐದೇ ತಿಂಗಳಲ್ಲಿ ತಯಾರಾಗಲಿದೆ ಎಂಬುದು ಅಚ್ಚರಿ ಹುಟ್ಟಿಸುತ್ತಿದೆ. ಏಕೆಂದರೆ, ಪೌರಾಣಿಕ ಚಿತ್ರಗಳ ಮೇಕಿಂಗ್ ಹೆಚ್ಚು ಸಮಯ ಕೇಳುತ್ತೆ. ಆದರೆ, ಸಿದ್ಧತೆ ಸರಿಯಾಗಿದ್ದರೆ, 5 ತಿಂಗಳಲ್ಲಿ ಸಿನಿಮಾ ರೆಡಿ ಮಾಡುವುದು ಕಷ್ಟವಲ್ಲ ಎನ್ನುವುದು ಮುನಿರತ್ನ ಹೇಳಿಕೆ.

    ಕುರುಕ್ಷೇತ್ರ ಹೈಲೈಟ್ಸ್

    ==============

    ಕನ್ನಡದಲ್ಲಿ ಸುದೀರ್ಘ ಕಾಲದ ನಂತರ ಬರುತ್ತಿರುವ ಪೌರಾಣಿಕ ಸಿನಿಮಾ

    ದರ್ಶನ್ ಮತ್ತು ರವಿಚಂದ್ರನ್ ಒಟ್ಟಿಗೇ ಕಾಣಿಸಿಕೊಳ್ಳುತ್ತಿರುವುದು ಇದೇ ಮೊದಲು

    60 ಕೋಟಿ ಬಜೆಟ್‍ನ ಚಿತ್ರ, ಕನ್ನಡದ ಅತ್ಯಂತ ಅದ್ಧೂರಿ ಚಿತ್ರವಾಗಲಿದೆ

    ಚಿತ್ರದ ಬಹುತೇಕ ಚಿತ್ರೀಕರಣ ರಾಮೋಜಿಫಿಲ್ಮ್ ಸಿಟಿಯಲ್ಲಿ ನಡೆಯಲಿದೆ

    16 ವಿಭಿನ್ನ ಸೆಟ್‍ಗಳನ್ನು ಹಾಕಲಾಗಿದೆ

    ಯಾವುದೇ ಬ್ರೇಕ್ ಇಲ್ಲದೆ ಒಂದೇ ಹಂತದಲ್ಲಿ 100 ದಿನ ಚಿತ್ರೀಕರಣ ನಡೆಯಲಿದೆ

  • ಸಂಭಾವನೆಯನ್ನೇ ಪಡೆದಿಲ್ಲ ಕುರುಕ್ಷೇತ್ರದ ಭೀಷ್ಮ

    ambareesh did not take his remunarayion for kurukshetra

    ದರ್ಶನ್ ಅಭಿನಯದ ಮುನಿರತ್ನ ಕುರುಕ್ಷೇತ್ರ ಬಿಡುಗಡೆಗೆ ರೆಡಿಯಾಗಿರುವಾಗಲೇ ನಿರ್ಮಾಪಕ ಮುನಿರತ್ನ, ಸಿನಿಮಾದ.. ಅದರಲ್ಲೂ ಅಂಬರೀಷ್ ಕುರಿತ ವಿಶೇಷ ಸಂಗತಿಯೊಂದನ್ನು ಬಹಿರಂಗಪಡಿಸಿದ್ದಾರೆ. ಏನೆಂದರೆ, ಅಂಬರೀಷ್ ಈ ಚಿತ್ರದಲ್ಲಿನ ತಮ್ಮನಟನೆಗೆ ಸಂಭಾವನೆಯನ್ನೇ ಪಡೆದಿಲ್ಲ ಎನ್ನವುದು.

    ಅದೇನೋ ಗೊತ್ತಿಲ್ಲ, ಅಂಬರೀಷ್ ಮೊದ ಮೊದಲು ನಾನು ಮಾಡಲ್ಲ ಎಂದೇ ವಾದಿಸಿದರು. ನೀವೇ ಮಾಡಬೇಕು ಎಂದು ಹಠ ಮಾಡಿದ ಮೇಲೆ ಒಪ್ಪಿಕೊಂಡರು. ಅಷ್ಟೇ ಅಲ್ಲ, ಶೂಟಿಂಗ್ ಮುಗಿದ ತಕ್ಷಣ ತಾವಾಗಿಯೇ ಕೇಳಿ ಡಬ್ಬಿಂಗ್ ಮಾಡಿಕೊಟ್ಟರು. ಅವರು ಕೇಳಿದರು ಎಂಬ ಕಾರಣಕ್ಕೆ, ಶೂಟಿಂಗ್ ನಡೆಯುತ್ತಿರುವಾಗಲೇ ಡಬ್ಬಿಂಗ್ ಮಾಡಿಸಿದ್ದೆವು. ಇದುವರೆಗೆ ಅವರಿಗೆ ನಾನು ಸಂಭಾವನೆ ಕೊಟ್ಟಿಲ್ಲ ಎಂದಿದ್ದಾರೆ ನಿರ್ಮಾಪಕ ಮುನಿರತ್ನ.

    ಕುರುಕ್ಷೇತ್ರ ಸಿನಿಮಾ ಅಂಬರೀಷ್ ಅಭಿನಯದ ಕೊನೆಯ ಸಿನಿಮಾ. ಕುರುಕ್ಷೇತ್ರ ಮೊದಲೇ ಬಿಡುಗಡೆಯಾಗಿದ್ದರೆ, ಅಂಬಿ ನಿಂಗ್ ವಯಸ್ಸಾಯ್ತೋ ಕೊನೆಯ ಚಿತ್ರವಾಗುತ್ತಿತ್ತು. ಆದರೆ, ಕುರುಕ್ಷೇತ್ರ ವಿಳಂಬವಾದ ಹಿನ್ನೆಲೆಯಲ್ಲಿ ದರ್ಶನ್ ಅಭಿನಯದ 50ನೇ ಚಿತ್ರವೇ, ಅಂಬಿಯ ಕೊನೆಯ ಚಿತ್ರವಾಗಿದೆ. 

  • ಸೆನ್ಸಾರ್ ಆಗಿದ್ದರೂ ಕುರುಕ್ಷೇತ್ರ ಬಿಡುಗಡೆ ಇಲ್ಲ ಏಕೆ ಗೊತ್ತಾ..?

    kurukshetra censored, they why is movie release delayed

    ಕುರುಕ್ಷೇತ್ರ ಚಿತ್ರಕ್ಕೆ ಸೆನ್ಸಾರ್ ಆಗಿದೆ. ಯು/ಎ ಸರ್ಟಿಫಿಕೇಟ್ ಸಿಕ್ಕಿದೆ. ಹೀಗಿದ್ದರೂ ಕುರುಕ್ಷೇತ್ರ ಚಿತ್ರ ಇನ್ನೂ ರಿಲೀಸ್ ಆಗುತ್ತಿಲ್ಲ. ಬಹುಶಃ ಕುರುಕ್ಷೇತ್ರ ಸಿನಿಮಾ, ಏಪ್ರಿಲ್‍ನಲ್ಲಿ ರಿಲೀಸ್ ಆಗಬಹುದು. ಸೆನ್ಸಾರ್ ಆಗಿದ್ದರೂ, ಸಿನಿಮಾ ಬಿಡುಗಡೆ ವಿಳಂಬ ಆಗುತ್ತಿರುವುದೇಕೆ ಎನ್ನುವುದಕ್ಕೆ ಕಾರಣವೂ ಇದೆ.

    ಸದ್ಯಕ್ಕೆ ಸೆನ್ಸಾರ್ ಆಗಿರುವುದು ಕುರುಕ್ಷೇತ್ರ ಚಿತ್ರದ 2ಡಿ ವರ್ಷನ್ ಮಾತ್ರ. 3ಡಿ ವರ್ಷನ್ ಕುರುಕ್ಷೇತ್ರದ ತಾಂತ್ರಿಕ ಕೆಲಸಗಳು ಇನ್ನೂ ಪ್ರಗತಿಯಲ್ಲಿವೆ. ಹೀಗಾಗಿ ಕುರುಕ್ಷೇತ್ರ ಚಿತ್ರದ ಬಿಡುಗಡೆ ವಿಳಂಬವಾಗುತ್ತಿದೆ. ದರ್ಶನ್‍ರ ಯಜಮಾನ ಚಿತ್ರವೇ ಮೊದಲು ರಿಲೀಸ್ ಆದರೆ, ಅದು ದರ್ಶನ್‍ರ 50ನೇ ಚಿತ್ರವಾಗಲಿದ್ದು, ಕುರುಕ್ಷೇತ್ರ 51ನೇ ಸಿನಿಮಾ ಆಗಲಿದೆ.

    ಮೊದಲಿನ ಪ್ಲಾನ್ ಪ್ರಕಾರ ಕುರುಕ್ಷೇತ್ರ 2018ರ ಮಾರ್ಚ್ 10ಕ್ಕೆ ರಿಲೀಸ್ ಆಗಬೇಕಿತ್ತು. ಪ್ಲಾನ್ ಏರುಪೇರಾಗಿದ್ದು, ಒಂದು ವರ್ಷ ವಿಳಂಬವಾಗಿ ರಿಲೀಸ್ ಆಗುವ ಸಾಧ್ಯತೆಯಿದೆ. 

  • ಹಿಂದಿ ಕುರುಕ್ಷೇತ್ರ 9.5 ಕೋಟಿಗೆ ಸೇಲ್

    kurukshetra hinid television rights sold

    ದರ್ಶನ್ ಅಭಿನಯದ ಮುನಿರತ್ನ ಕುರುಕ್ಷೇತ್ರ ರಿಲೀಸ್‍ಗೆ ರೆಡಿಯಾಗುತ್ತಿದೆ. ಕನ್ನಡ, ತೆಲುಗು, ತಮಿಳು, ಮಲಯಾಳಂ ಹಾಗೂ ಹಿಂದಿಯಲ್ಲಿ ಸಿದ್ಧವಾಗುತ್ತಿದೆ. ನಾಲ್ಕು ಭಾಷೆಯಲ್ಲಿ ಕುರುಕ್ಷೇತ್ರ 3ಡಿ ವರ್ಷನ್ ಸಂಪೂರ್ಣ ಸಿದ್ಧಗೊಂಡಿದೆ. ಕನ್ನಡ ವರ್ಷನ್ ಸೆನ್ಸಾರ್ ಕೂಡಾ ಆಗಿದೆ. ಇನ್ನುಳಿದ ಮೂರು ಭಾಷೆಯ ಚಿತ್ರಗಳು ಮುಂದಿನ ವಾರ ಸೆನ್ಸಾರ್‍ಗೆ ಹೋಗುತ್ತಿವೆ. ಇನ್ನು 15 ದಿನಗಳಲ್ಲಿ ಹಿಂದಿ ವರ್ಷನ್ ಕೂಡಾ ಮುಕ್ತಾಯಗೊಳ್ಳಲಿದೆ. ಹೀಗೆ ರಿಲೀಸ್‍ಗೆ ರೆಡಿಯಾಗುತ್ತಿರುವಾಗಲೇ ಹಿಂದಿ ಕುರುಕ್ಷೇತ್ರ ಚಿತ್ರದ ಟಿವಿ ರೈಟ್ಸ್ ಒಂಭತ್ತೂವರೆ ಕೋಟಿಗೆ ಮಾರಾಟವಾಗಿದೆ.

    ಇದು ಕೇವಲ ಟಿವಿ ರೈಟ್ಸ್, ಡಿಸ್ಟ್ರಿಬ್ಯೂಷನ್ ರೈಟ್ಸ್ ಅಲ್ಲ. ಯಾವುದೇ ಭಾಷೆಯ ಡಿಸ್ಟ್ರಿಬ್ಯೂಷನ್‍ನ್ನು ಇನ್ನೂ ಮಾರಾಟ ಮಾಡಿಲ್ಲ. ಐದಕ್ಕೆ ಐದೂ ಭಾಷೆಯಲ್ಲಿ ಕುರುಕ್ಷೇತ್ರ ಚಿತ್ರವನ್ನು ಏಕಕಾಲಕ್ಕೆ ರಿಲೀಸ್ ಮಾಡುವ ಪ್ಲಾನ್ ಮಾಡುತ್ತಿದ್ದಾರೆ ನಿರ್ಮಾಪಕ ಮುನಿರತ್ನ.

    ದರ್ಶನ್ ದುರ್ಯೋಧನನಾಗಿ ನಟಿಸಿದ್ದು, ದುರ್ಯೋಧನನ ಆ್ಯಂಗಲ್‍ನಲ್ಲಿಯೇ ಇಡೀ ಚಿತ್ರವನ್ನು ಕಟ್ಟಿಕೊಡಲಾಗಿದೆ. ರವಿಚಂದ್ರನ್, ಅರ್ಜುನ್ ಸರ್ಜಾ, ಶ್ರೀನಾಥ್, ನಿಖಿಲ್ ಕುಮಾರಸ್ವಾಮಿ, ಮೇಘನಾ ರಾಜ್, ಹರಿಪ್ರಿಯಾ, ಸ್ನೇಹ, ಸೃಜನ್ ಲೋಕೇಶ್ ಮೊದಲಾದವರು ನಟಿಸಿರುವ ಬಹುತಾರಾಗಣದ ಸಿನಿಮಾ ಕುರುಕ್ಷೇತ್ರ.

    ರೆಬಲ್‍ಸ್ಟಾರ್ ಅಂಬರೀಷ್ ಅಭಿನಯದ ಕೊನೆಯ ಚಿತ್ರವೂ ಇದಾಗಿದ್ದು, ನಾಗಣ್ಣ ಮತ್ತು ನಾಗೇಂದ್ರ ಪ್ರಸಾದ್ ಚಿತ್ರವನ್ನು ನಿರ್ದೇಶಿಸಿದ್ದಾರೆ.

  • ಹೀಗಿದ್ದಾರೆ ನೋಡಿ ಭೀಷ್ಮ ಅಂಬರೀಷ್

    ambareesh image

    ಕುರುಕ್ಷೇತ್ರ ಚಿತ್ರ ಶುರುವಾದಾಗಿನಿಂದ ಅಭಿಮಾನಿಗಳಲ್ಲಿದ್ದ ಪ್ರಶ್ನೆ ಅದೇ..ಭೀಷ್ಮನ ಪಾತ್ರದಲ್ಲಿ ಅಂಬರೀಷ್ ಹೇಗೆ ಕಾಣಿಸಬಹುದು ಎಂಬುದು. ಆ ಪ್ರಶ್ನೆಗೆ ಉತ್ತರ ಸಿಕ್ಕಿದೆ. ಬಿಳಿ ಗಡ್ಡ, ಮೀಸೆ, ಉದ್ದ ಕೂದಲಿನ ಅಂಬರೀಷ್ ಅವರ ಒಂದು ಪೋಸ್ಟರ್ ಈಗ ಹೊರಬಿದ್ದಿದೆ. ಶ್ರೀ ಮಂಜುನಾಥ ಚಿತ್ರದಲ್ಲಿ ಮಹಾರಾಜನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು ಹೊರತುಪಡಿಸಿದರೆ, ಅಂಬರೀಷ್ ಪೌರಾಣಿಕ ಚಿತ್ರಗಳಲ್ಲಿ ಕಾಣಿಸಿಕೊಂಡೇ ಇಲ್ಲ.

    ಹೀಗಾಗಿಯೇ ಕುರುಕ್ಷೇತ್ರ ಚಿತ್ರದಲ್ಲಿ ದುರ್ಯೋಧನ ದರ್ಶನ್ ಅವರಷ್ಟೇ ದೊಡ್ಡ ಕ್ರೇಜ್ ಮತ್ತು ಕುತೂಹಲ ಸೃಷ್ಟಿಸಿರುವುದು ಅಂಬರೀಷ್ ಪಾತ್ರ. ಅಂದಹಾಗೆ ಶ್ರೀಕೃಷ್ಣ ರವಿಚಂದ್ರನ್ ಗೆಟಪ್ ಹೇಗಿದೆ ಎನ್ನುವುದನ್ನೂ ಕೂಡಾ ನೋಡೋಕೆ ಅಭಿಮಾನಿಗಳು ಕಾಯುತ್ತಿದ್ದಾರೆ. 

     

I Love You Movie Gallery

Rightbanner02_butterfly_inside

Paddehuli Movie Gallery