` the villain, - chitraloka.com | Kannada Movie News, Reviews | Image

the villain,

  • ಒಂದು ಸೀಕ್ರೆಟ್ ಬಿಟ್ಟೇ ಬಿಟ್ರು ವಿಲನ್ ಪ್ರೇಮ್

    prem reveals one of the villain's secret

    ದಿ ವಿಲನ್ ಚಿತ್ರದ ಕಥೆಯನ್ನೇ ನಂಗೆ ಹೇಳಿಲ್ಲ. ಶಿವಣ್ಣಂಗೂ ಹೇಳಿಲ್ಲ. ಅವರಿಗೆ ಹೇಳಿದ್ದೀನಿ ಡಾರ್ಲಿಂಗ್ ಅಂತಾ ನಂಗೆ, ನಂಗೆ ಹೇಳಿದ್ದೀನಿ ಅಂಥಾ ಶಿವಣ್ಣಂಗೆ ಯಾಮಾರಿಸಿದ್ದಾರೆ ಪ್ರೇಮ್.. ಇದು ಆಗಾಗ್ಗೆ ವಿಲನ್ ನಿರ್ದೇಶಕ ಪ್ರೇಮ್ ಅವರನ್ನು ಸುದೀಪ್ ಅವರು ಗೋಳಾಡಿಸುವ ಪರಿ. ಪ್ರೇಮ್ ಇರೋದೇ ಹಾಗೆ. ಗುಟ್ಟು ಬಿಟ್ಟುಕೊಡಲ್ಲ. ಇಷ್ಟೆಲ್ಲ ಆಗಿಯೂ.. ಈ ಬಾರಿ ಪ್ರೇಮ್ ದಿ ವಿಲನ್ ಚಿತ್ರದ ಒಂದು ಮಹಾ ಸೀಕ್ರೆಟ್ ಹೊರಹಾಕಿದ್ದಾರೆ.

    ದಿ ವಿಲನ್ ಚಿತ್ರದ ಕ್ಲೈಮಾಕ್ಸ್‍ನಲ್ಲಿ ಫೈಟ್ ಇಲ್ಲವಂತೆ. ಅದು ಸೆಂಟಿಮೆಂಟ್ ದೃಶ್ಯ ಎಂಬ ಮಾಹಿತಿಯನ್ನು ಸ್ವತಃ ಪ್ರೇಮ್ ಅವರೇ ಹೊರಹಾಕಿರುವುದು ವಿಶೇಷ. ಶಿವಣ್ಣ ಮತ್ತು ಸುದೀಪ್ ಇಬ್ಬರೂ ಕಮರ್ಷಿಯಲ್ ಹೀರೋಗಳು. ಅವರನ್ನಿಟ್ಟುಕೊಂಡು ಆ್ಯಕ್ಷನ್ ಸಿನಿಮಾ ಮಾಡೋದು ದೊಡ್ಡದಲ್ಲ. ಒಂದು ಉದ್ದೇಶ, ಸಂದೇಶ ಇಟ್ಟುಕೊಂಡು ಸೆಂಟಿಮೆಂಟ್ ಕಥೆ ಇರುವ ಸಿನಿಮಾ ಮಾಡಿದ್ದೇನೆ ಎಂದಿದ್ದಾರೆ ಪ್ರೇಮ್.

    ಕ್ಲೈಮಾಕ್ಸ್‍ನಲ್ಲಿ ಫೈಟ್ ಸೀನ್ ಇಲ್ಲ ಎನ್ನುವ ಮೂಲಕ ಪ್ರೇಮ್ ಒಂದು ಗುಟ್ಟನ್ನಷ್ಟೇ ಹೊರಹಾಕಿದ್ದಾರೆ. ಉಳಿದ ಗುಟ್ಟುಗಳನ್ನೆಲ್ಲ ಈಗಲೇ ಹೇಳೋಕೆ ಸಾಧ್ಯವಿಲ್ಲ. ಸಿ.ಆರ್.ಮನೋಹರ್ ನಿರ್ಮಾಣದ ಈ ಸಿನಿಮಾದ ಮಿಕ್ಕ ಎಲ್ಲ ಗುಟ್ಟುಗಳನ್ನೂ ನೋಡೋಕೆ ಆಯುಧಪೂಜೆವರೆಗೆ ಕಾಯಲೇಬೇಕು.

  • ಗಾಂಧಿನಗರದಲ್ಲೇ 3 ಥಿಯೇಟರ್‍ಗಳಲ್ಲಿ ದಿ ವಿಲನ್

    the villain will release in 3 theraters in gandhinagar

    ದಿ ವಿಲನ್. ಶಿವರಾಜ್‍ಕುಮಾರ್, ಸುದೀಪ್ ಅಭಿನಯದ ಚಿತ್ರ ಬಿಡುಗಡೆಗೂ ಮೊದಲೇ ಸೆನ್ಸೇಷನ್ ಸೃಷ್ಟಿಸಿದೆ. ಎಷ್ಟರಮಟ್ಟಿಗೆಂದರೆ, ಸಾವಿರ ಥಿಯೇಟರ್‍ಗಳಲ್ಲಿ ರಿಲೀಸ್ ಆಗುವ ಸಾಧ್ಯತೆ ಇದೆ. ಅದರಲ್ಲೂ ಗಾಂಧಿನಗರದಲ್ಲಿ ಒಂದೇ ಕಡೆ 3 ಥಿಯೇಟರ್‍ಗಳಲ್ಲಿ ರಿಲೀಸ್ ಆಗುತ್ತಿದೆ. ಸಂತೊಷ್, ನರ್ತಕಿ ಹಾಗೂ ಪಕ್ಕದಲ್ಲೇ ಇರುವ ತ್ರಿವೇಣಿ ಚಿತ್ರಮಂದಿರದಲ್ಲಿ ಸಿನಿಮಾ ಬಿಡುಗಡೆಯಾಗುತ್ತಿದೆ.

    ಸೆನ್ಸಾರ್‍ನಲ್ಲಿ ಯು/ಎ  ಪ್ರಮಾಣ ಪತ್ರ ಪಡೆದಿರವ ದಿ ವಿಲನ್, ಸೆಪ್ಟೆಂಬರ್ 20ಕ್ಕೆ ರಿಲೀಸ್ ಆಗುವ ಸಾಧ್ಯತೆ ಇದೆ. ಜೋಗಿ ಪ್ರೇಮ್ ಚಿತ್ರದ ಅದ್ಧೂರಿ ಬಿಡುಗಡೆಗೆ ಹೊಸ ಪ್ಲಾನ್ ಮಾಡಿಕೊಂಡಿದ್ದರೆ, ನಿರ್ಮಾಪಕ ಸಿ.ಆರ್.ಮನೋಹರ್.. ಒಂದು ಸಾವಿರ ಥಿಯೇಟರುಗಳಲ್ಲಿ ಬಿಡುಗಡೆ ಮಾಡುವ ಯೋಚನೆಯಲ್ಲಿದ್ದಾರಂತೆ. ಕೆಲವೇ ದಿನ. ಗೌರಿ, ಗಣೇಶ ಹಬ್ಬ ಕಳೆಯುತ್ತಿದ್ದಂತೆ ವಿಲನ್ ಹಬ್ಬ ಶುರುವಾಗಲಿದೆ.

  • ಚಿಕ್ಕಮಗಳೂರಲ್ಲಿ ಲಂಡನ್ ಮಲ್ಲಿಗೆ ಘಮಘಮ..

    amy jackson feels energetic in chikkamangluru

    ಆ್ಯಮಿ ಜಾಕ್ಸನ್ ಮೂಲತಃ ಬ್ರಿಟನ್‍ನವರು. ಜೋಗಿ ಪ್ರೇಮ್ ಕಣ್ಣಿಗೆ ಬಿದ್ದು ದಿ ವಿಲನ್‍ಗೆ ಹೀರೋಯಿನ್ ಆದವರು. ವಿಲನ್ ಚಿತ್ರದ ಚಿತ್ರೀಕರಣ ಈಗ ಚಿಕ್ಕಮಗಳೂರಲ್ಲಿ ನಡೀತಾ ಇದೆ. ಕಿಚ್ಚ ಸುದೀಪ್ & ಆ್ಯಮಿ ಜಾಕ್ಸನ್ ಜೋಡಿಯ ಕೆಲವು ದೃಶ್ಯ ಮತ್ತು ಹಾಡುಗಳ ಚಿತ್ರೀಕರಣ ಮಾಡಿದ್ದಾರೆ ಜೋಗಿ ಪ್ರೇಮ್.

    ಈ ಲಂಡನ್ ಮಲ್ಲಿಗೆ ಚಿಕ್ಕಮಗಳೂರಿನ ಮಂಜಿಗೆ ಮಾರು ಹೋಗಿದೆ. ಅಲ್ಲಿನ ಚುಮು ಚುಮು ಚಳಿ, ತಣ್ಣನೆಯ ಗಾಳಿ, ಹಸಿರು ಬೆಟ್ಟ, ಒಂಟಿ ದೇಗುಲ, ತಂಪಾದ ಎಳನೀರು, ಘಂಟೆಯ ನಾದ..ಇವುಗಳಿಗೆಲ್ಲ ತನ್ಮಯವಾಗಿ ಹೋಗಿರುವ ಆ್ಯಮಿ ಜಾಕ್ಸನ್, ಬೆಟ್ಟದಲ್ಲಿ ದೇಗುಲದ ಎದುರು ಕುಳಿತು ಅಬ್ಬಾ.. ಎಂಥಾ ಎನರ್ಜಿ, ಎಂಥಾ ಬೆಟ್ಟ ಎಂದು ಖುಷಿಪಟ್ಟಿದ್ದಾರೆ.

    Related Articles :-

    ಇಂದಿನಿಂದ ಚಿಕ್ಕಮಗಳೂರಿನಲ್ಲಿ ವಿಲನ್ ಟೀಂ

    ದಿ ವಿಲನ್ ಚಿತ್ರದ ಸೀಕ್ರೆಟ್ ಹೇಳಿದ ಕಿಚ್ಚ

    ವಿಲನ್ ಚಿತ್ರದ ಕಾನ್ಸೆಪ್ಟ್ - ಹೀಗೂ ಉಂಟೆ..?

    Motion poster Of 'The Villain' Released!

    ಮತ್ತೆ ಬ್ಯಾಂಕಾಕ್‍ಗೆ `ದಿ ವಿಲನ್' ಟೀಂ

    The Villain Rights Sold

    ದಿ ವಿಲನ್, ಲಂಡನ್ ಶೂಟಿಂಗ್ ಮುಗೀತು - ಭಾನುವಾರದ ಕಿಚ್ಚನ ಪ್ಲಾನ್ ಏನು?

    ಲಂಡನ್ನಲ್ಲಿ ವಿಲನ್ ಜೊತೆ ಸೇರಿದ ಶಿವರಾಜ್ ಕುಮಾರ್

  • ಜೋಗಿ ಪ್ರೇಮ್‍ಗೆ ಧೈರ್ಯ ಹೇಳಿದ ಕಿಚ್ಚ

    sudeep wishes prem

    ದಿ ವಿಲನ್ ಚಿತ್ರದ ಸಕ್ಸಸ್ ಖುಷಿಯಲ್ಲಿರುವ ನಿರ್ದೇಶಕ ಜೋಗಿ ಪ್ರೇಮ್, ಅಷ್ಟೇ ಪ್ರಮಾಣದ ಟೀಕೆಯನ್ನೂ ಎದುರಿಸುತ್ತಿದ್ದಾರೆ. ಹೀಗೆ ಟೀಕೆ ಎದುರಿಸುತ್ತಿದ್ದ ವೇಳೆಯಲ್ಲೇ ಪ್ರೇಮ್‍ಗೆ ಹುಟ್ಟುಹಬ್ಬದ ಸಂಭ್ರಮ. ಆ ಸಂಭ್ರಮಕ್ಕೆ ವಿಶ್ ಮಾಡಿರುವ ಕಿಚ್ಚ ಸುದೀಪ್, ಧೈರ್ಯವನ್ನೂ ತುಂಬಿದ್ದಾರೆ.

    `ಹುಟ್ಟುಹಬ್ಬದ ಶುಭಾಶಯಗಳು ಪ್ರೇಮ್. ಇಡೀ ವರ್ಷ ನಿನಗೆ ಶುಭವಾಗಲಿ. ಸದಾ ನಗುನಗುತ್ತಲೇ ಇರಿ. ಮರೆಯಬೇಡ.. ನೀನು ಯಾವಾಗ್ಯಾವಾಗ ದಾಳಿಗೆ ಒಳಗಾಗುತ್ತೀಯೋ.. ಆಗೆಲ್ಲ ನೀನು ಗಮನ ಸೆಳೆಯುವಂತಹ ಕೆಲಸ ಮಾಡುತ್ತಲೇ ಇರುತ್ತೀಯ ಎಂದರ್ಥ. ಈ ಹಂತವನ್ನು ಎಂಜಾಯ್ ಮಾಡು. ಸಕ್ಸಸ್‍ನ ಖುಷಿ ಅನುಭವಿಸು'

    ಇದು ಪ್ರೇಮ್‍ಗೆ ಕಿಚ್ಚ ಹೇಳಿರುವ ಧೈರ್ಯ ಮತ್ತು ಹುಟ್ಟುಹಬ್ಬದ ಶುಭಾಶಯ.

  • ಟೀಸರ್‍ನಲ್ಲಿ ಗೆದ್ದ ವಿಲನ್ ಪ್ರೇಮ್

    two teasers of the villain released

    ನಿರ್ದೇಶಕ ಪ್ರೇಮ್ ಮೇಲೆ ಒಂದು ಕಂಪ್ಲೇಂಟ್ ಇದೆ. ಅವರು ಬಿಲ್ಡಪ್ ಜಾಸ್ತಿ ಕೊಡ್ತಾರೆ ಅನ್ನೋದು. ನಮ್ಮ ಸಿನಿಮಾಗೆ ನಾವೇ ಬಿಲ್ಡಪ್ ಕೊಡದೇ ಇದ್ರೆ ಇನ್ಯಾರ್ ಕೊಡ್ತಾರೆ ಅನ್ನೋದು ಪ್ರೇಮ್ ಅವರ ಸಮರ್ಥನೆ. ಆದರೆ, ದಿ ವಿಲನ್ ಟೀಸರ್‍ನಲ್ಲಿ ಬಿಲ್ಡಪ್‍ನ್ನೂ ಆಚೆಗಿಟ್ಟು ಪ್ರೇಮ್ ಗೆದ್ದಿರುವುದು ವಿಶೇಷ. 

    thevillain_teaser_launch.jpgಟೀಸರ್ ಎಂದರೆ, ಚಿತ್ರದ ಬಗ್ಗೆ ಕುತೂಹಲ, ನಿರೀಕ್ಷೆ ಹೆಚ್ಚಿಸುವಂತಿರಬೇಕು. ಶೋಕೇಸ್‍ನಲ್ಲಿರುವ ಬೊಂಬೆಯ ಹಾಗೆ. ಅಷ್ಟರಮಟ್ಟಿಗೆ ಟೀಸರ್ ಗೆದ್ದಿದೆ. 

    ಶಿವರಾಜ್‍ಕುಮಾರ್ ಮತ್ತು ಸುದೀಪ್‍ಗೆ ಪ್ರತ್ಯೇಕ ಟೀಸರ್ ಕೊಟ್ಟಿರುವ ಪ್ರೇಮ್, ರಾಮ, ರಾವಣರ ಕಥೆ ಹೇಳುತ್ತಿದ್ದಾರಾ..? ರಾಮ ಯಾರು..? ರಾವಣ ಯಾರು..? ಕುತೂಹಲ ಹೆಚ್ಚಿದೆ.

    ಕಣ್ಣು, ಧ್ವನಿಗಳ ಮೂಲಕ ನಟಿಸುತ್ತಿದ್ದ ಸುದೀಪ್, ಈ ಬಾರಿ ಬೆರಳುಗಳ ಮೂಲಕವೂ ನಟಿಸಿರೋದು ಸ್ಪೆಷಲ್. ಶಿವರಾಜ್‍ಕುಮಾರ್ ಕೂಡಾ ಅಷ್ಟೆ...ಕಣ್ಣಲ್ಲೇ ಬೆಂಕಿಯುಂಡೆ. ಟೀಸರ್‍ನಲ್ಲಿ ಗೆದ್ದಿರುವ ಪ್ರೇಮ್, ಸಿನಿಮಾದಲ್ಲೂ ಗೆಲ್ಲಲಿ. ಏಕೆಂದರೆ, ಇದು ಕನ್ನಡ ಚಿತ್ರರಂಗವೇ ಬಹುನಿರೀಕ್ಷೆಯಿಂದ ಎದುರು ನೋಡುತ್ತಿರುವ ಸಿನಿಮಾ. ಸಿ.ಆರ್.ಮನೋಹರ್ ನಿರ್ಮಾಣದ ಚಿತ್ರದಲ್ಲಿ ಆ್ಯಮಿ ಜಾಕ್ಸನ್ ನಾಯಕಿ. ಸಿನಿಮಾ ಆಗಸ್ಟ್‍ನಲ್ಲೇ ತೆರೆಗೆ ಬಂದರೂ ಅಚ್ಚರಿಯಿಲ್ಲ ಎನ್ನಲಾಗಿದೆ.

  • ತೇಜೋವಧೆ ಮಾಡಿದವರ ವಿರುದ್ಧ ಪೊಲೀಸರಿಗೆ ಪ್ರೇಮ್ ದೂರು

    jogi prem drags 9 people to police station

    ದಿ ವಿಲನ್ ಚಿತ್ರದ ಬಿಡುಗಡೆ ನಂತರ ಕೇಳಿ ಬಂದ ಟೀಕೆಗಳನ್ನು ನಿರ್ದೇಶಕ ಪ್ರೇಮ್ ಸ್ವಾಗತಿಸಿದ್ದಾರೆ. ಅಭಿಮಾನಿಗಳ ಆಕ್ರೋಶಕ್ಕೆ ಸಂಯಮದಿಂದಲೇ ಉತ್ತರವನ್ನೂ ಕೊಟ್ಟಿದ್ದಾರೆ. ಟೀಕೆ ಮಾಡಲು ನೀವು ಸ್ವತಂತ್ರರು ಎನ್ನುತ್ತಲೇ, ನಾನೇಕೆ ಅಂತಹ ದೃಶ್ಯಗಳನ್ನು ಮಾಡಿದ್ದೇನೆ ಎಂಬ ಸಮರ್ಥನೆಯನ್ನೂ ಕೊಟ್ಟಿದ್ದಾರೆ. ಇದುವರೆಗೆ ಪ್ರೇಮ್ ತಮ್ಮ ವಿರುದ್ಧದ ಟೀಕೆಗಳಿಗೆ ತಾಳ್ಮೆ ಕಳೆದುಕೊಂಡಿದ್ದು ಕಡಿಮೆ. ಟೀಕೆ, ಲೇವಡಿಗಳನ್ನೂ ನಗುನಗುತ್ತಲೇ ಸ್ವೀಕರಿಸುತ್ತಿದ್ದ ಪ್ರೇಮ್, ಈ ಬಾರಿ ಸಿಟ್ಟಾಗಿದ್ದಾರೆ. 

    ಕೆಲವು ಅಭಿಮಾನಿಗಳು ದಿ ವಿಲನ್ ಟೀಕಿಸುವ ಭರದಲ್ಲಿ ಪ್ರೇಮ್ ಅವರನ್ನು ವೈಯಕ್ತಿಕವಾಗಿ ತೇಜೋವಧೆ ಮಾಡಿರುವುದು ಅವರನ್ನು ಕೆರಳಿಸಿಬಿಟ್ಟಿದೆ. ಹಾಗೆ ತಮ್ಮನ್ನು ವೈಯಕ್ತಿಕ ತೇಜೋವಧೆ ಮಾಡಿದವರ ವಿರುದ್ಧ ಪೊಲೀಸರಿಗೆ ದೂರು ಕೊಡಲು ನಿರ್ಧರಿಸಿದ್ದಾರೆ ಪ್ರೇಮ್. ಹಾಗೆ ವೈಯಕ್ತಿಕ ತೇಜೋವಧೆ ಮಾಡಿದ 9 ಮಂದಿಯನ್ನು ಪ್ರೇಮ್ ಗುರುತಿಸಿದ್ದು, ಇಂದು ರವಿ ಡಿ. ಚನ್ನಣ್ಣನವರ್ ಅವರಿಗೆ ದೂರು ಸಲ್ಲಿಸಲಿದ್ದಾರೆ.

  • ದರ ಹೆಚ್ಚಾದ್ರೂ ದಿ ವಿಲನ್ ಹೌಸ್‍ಫುಲ್..!

    the villain advance booking craze begins

    ದಿ ವಿಲನ್ ರಿಲೀಸ್ ಆಗೋಕೆ ಕೆಲವೇ ದಿನಗಳಿವೆ. ಶಿವಣ್ಣ ಮತ್ತು ಸುದೀಪ್ ಕಾಂಬಿನೇಷನ್ ಸಿನಿಮಾ. ಜೋಗಿ ಪ್ರೇಮ್ ನಿರ್ದೇಶನದ ಚಿತ್ರಕ್ಕೆ ಟಿಕೆಟ್ ದರ ಹೆಚ್ಚಿಸಿಯೇ ಅಡ್ವಾನ್ಸ್ ಬುಕಿಂಗ್ ಶುರು ಮಾಡಲಾಗಿದೆ. ಟಿಕೆಟ್ ದರ ಹೆಚ್ಚಾದರೂ ಹಲವು ಥಿಯೇಟರುಗಳು ಈಗಾಗಲೇ ಹೌಸ್‍ಫುಲ್ ಆಗಿವೆ.

    ಬಾಹುಬಲಿ ಬಂದಾಗ ಇದೇ ರೀತಿ ಟಿಕೆಟ್ ದರ ಏರಿಸಲಾಗಿತ್ತು. ಈಗ ಕನ್ನಡದ ಸಿನಿಮಾಗೂ ಇದೇ ರೀತಿ ದರ ಹೆಚ್ಚಿಸಿದ್ದೇವೆ. ವಿಶೇಷವೆಂದರೆ ಯಾರೊಬ್ಬರೂ ಟಿಕೆಟ್ ದರ ಹೆಚ್ಚಳದ ವಿರುದ್ಧ ಮಾತನಾಡುತ್ತಿಲ್ಲ. ಬಹುತೇಕ ಕಡೆ ಈಗಾಗಲೇ ಹೌಸ್‍ಫುಲ್ ಆಗಿದೆ ಎಂದು ಖುಷಿ ಹಂಚಿಕೊಂಡಿದ್ದಾರೆ ನಿರ್ದೇಶಕ ಪ್ರೇಮ್.

    ಇದೇ ಗುರುವಾರ ತೆರೆಗೆ ಬರುತ್ತಿರುವ ದಿ ವಿಲನ್ ಟಿಕೆಟ್ ದರ  ಗರಿಷ್ಟ 400 ರೂ. ಹಾಗೂ ಕನಿಷ್ಟ 150 ರೂ. ಇದೆ. 

  • ದಿ ವಿಲನ್ - ಒಂದು ಸೀನ್‍ಗೇ ಮೂರೂವರೆ ಕೋಟಿ..!

    the villain

    ದಿ ವಿಲನ್. ಶಿವರಾಜ್ ಕುಮಾರ್ ಮತ್ತು ಸುದೀಪ್ ಒಟ್ಟಿಗೇ ನಟಿಸುತ್ತಿರುವ ಈ ಸಿನಿಮಾ, ಕನ್ನಡ ಚಿತ್ರರಂಗದಲ್ಲಿ ಭರ್ಜರಿ ನಿರೀಕ್ಷೆ ಹುಟ್ಟಿಸಿರುವ ಚಿತ್ರ. ಇಬ್ಬರು ದೊಡ್ಡ ಸ್ಟಾರ್‍ಗಳು ಒಟ್ಟಿಗೇ ನಟಿಸುತ್ತಿರುವ ಕಾರಣಕ್ಕೆ ಇಷ್ಟು ದೊಡ್ಡ ನಿರೀಕ್ಷೆ ಮೂಡಿಸಿರುವ ಚಿತ್ರದ ಇನ್ನೊಂದು ಹೈಲೈಟ್ ಇಲ್ಲಿದೆ ನೋಡಿ.

    ದಿ ವಿಲನ್ ಚಿತ್ರದ ಒಂದು ಚೇಸಿಂಗ್ ಸೀನ್‍ಗೇ ಮೂರೂವರೆ ಕೋಟಿ ಖರ್ಚಾಗುತ್ತಿದೆಯಂತೆ. ಅದು ಕನ್ನಡದ ಸಣ್ಣ ಬಜೆಟ್ ಸಿನಿಮಾಗಳ ಒಟ್ಟು ಬಜೆಟ್ ಎಂಬುದು ನಿಮಗೆ ಗೊತ್ತಿರಲಿ. ಚಿತ್ರದ ಈ ಚೇಸಿಂಗ್ ಸೀನ್‍ನ ಚಿತ್ರೀಕರಣ ನಡೆಯುತ್ತಿರುವುದು ಬ್ಯಾಂಕಾಕ್‍ನಲ್ಲಿ. ಆ ದೃಶ್ಯದ ಚಿತ್ರೀಕರಣ ನೋಡಲು ಶಿವಣ್ಣನ ಮಗಳು ನಿವೇದಿತಾ ಕೂಡಾ ಬ್ಯಾಂಕಾಕ್‍ಗೆ ಹೋಗಿದ್ದಾರೆ.

    ಈ ದೃಶ್ಯದಲ್ಲಿ ಸುದೀಪ್, ಶಿವಣ್ಣ ಜೊತೆ ತಿಲಕ್ ಕೂಡಾ ಕಾಣಿಸಿಕೊಳ್ಳಲಿದ್ದಾರೆ. ಸಾಹಸ ದೃಶ್ಯ ಸಂಯೋಜಿಸಿರುವುದು ಮಾಸ್ ಮಾದ. ವಿದೇಶಿ ಸಾಹಸ ಕಲಾವಿದರೂ ಕೂಡಾ ಈ ಸಾಹಸ ದೃಶ್ಯದಲ್ಲಿ ನಟಿಸಲಿದ್ದು, ದುಬಾರಿ ಕಾರುಗಳ ಬಳಕೆಯಾಗುತ್ತಿದೆ. 

    ಈ ಮೂರೂವರೆ ಕೋಟಿ ವೆಚ್ಚದ ದೃಶ್ಯದ ಚಿತ್ರೀಕರಣ ನಡೆಯಲಿರುವುದು 2 ದಿನ. ಒಂದು ದೃಶ್ಯಕ್ಕೆ ಇಷ್ಟು ಖರ್ಚು ಮಾಡಲಿರುವ ಚಿತ್ರದ ಒಟ್ಟಾರೆ ಬಜೆಟ್ ಎಷ್ಟಿರಬಹುದು..? ನಮಗೂ ಗೊತ್ತಿಲ್ಲ. ನೀವೇ ಲೆಕ್ಕ ಹಾಕಿ.

    Related Articles :-

    ರಿಲೀಸ್‍ಗೂ ಮೊದಲೇ ದುಬೈಯಲ್ಲಿ ವಿಲನ್ ಅಬ್ಬರ

    ಇಂದಿನಿಂದ ಚಿಕ್ಕಮಗಳೂರಿನಲ್ಲಿ ವಿಲನ್ ಟೀಂ

    ದಿ ವಿಲನ್ ಚಿತ್ರದ ಸೀಕ್ರೆಟ್ ಹೇಳಿದ ಕಿಚ್ಚ

    ವಿಲನ್ ಚಿತ್ರದ ಕಾನ್ಸೆಪ್ಟ್ - ಹೀಗೂ ಉಂಟೆ..?

    Motion poster Of 'The Villain' Released!

  • ದಿ ವಿಲನ್ 3ನೇ ಹಾಡು ಆಗಸ್ಟ್ 4ಕ್ಕೆ

    the villain 4th song on saturday

    ಒಂದೊಂದೇ ಹಾಡಿನ ಮೂಲಕ ವಿಲನ್ ಹವಾ ಎಬ್ಬಿಸುತ್ತಿರುವ ಜೋಗಿ ಪ್ರೇಮ್, ಈಗ 3ನೇ ಹಾಡು ಬಿಡುಗಡೆಗೆ ಮುಹೂರ್ತ ಫಿಕ್ಸ್ ಮಾಡಿದ್ದಾರೆ. 3ನೇ ಹಾಡು ಆಗಸ್ಟ್ 4ನೇ ತಾರೀಕು ಅಂದರೆ ಇದೇ ಶನಿವಾರ ಬಿಡುಗಡೆಯಾಗಲಿದೆ. ಮೊದಲ ಎರಡೂ ಹಾಡುಗಳು ಹೀರೋ ಇಮೇಜ್ ಸುತ್ತಮುತ್ತ ಇದ್ದಂಥವು. ಆದರೆ, 3ನೇ ಹಾಡು ಪಕ್ಕಾ ಲವ್ ಸಾಂಗ್ ಎನ್ನುವ ಸುಳಿವು ಸಿಕ್ಕಿದೆ.

    ಲವ್ ಆಗೋಯ್ತು ನಿನ್ನ ಮ್ಯಾಲೆ.. ಅನ್ನೋ ಹಾಡದು. ಅಫ್‍ಕೋರ್ಸ್... ಹುಳ ಬಿಡುವ ಟೆಕ್ನಾಲಜಿಯನ್ನು ಪ್ರೇಮ್ ಇಲ್ಲೂ ಬಿಟ್ಟಿಲ್ಲ. ಹಾಡು ರಿಲೀಸ್ ಆಗಲಿದೆ ಎಂದು ಹೇಳಿ ಶಿವರಾಜ್ ಕುಮಾರ್ ಮತ್ತು ಸುದೀಪ್ ಇಬ್ಬರೂ ಆ್ಯಮಿ ಜಾಕ್ಸನ್ ಜೊತೆ ಇರುವ ಎರಡು ಪೋಸ್ಟರ್ ಬಿಟ್ಟಿದ್ದಾರೆ ಪ್ರೇಮ್. ಹಾಗಾದರೆ, ಹಾಡು ಯಾರ ಮೇಲೆ..? ಹೋಗಲಿ.. ಇದು ತ್ರಿಕೋನ ಪ್ರೇಮಕಥೆನಾ..?

    ನಿಮ್ಮ ತಲೆಯಲ್ಲಿ ಪ್ರಶ್ನೆ ಹುಟ್ಟಿದವು ತಾನೇ. ಪ್ರೇಮ್‍ಗೆ ಬೇಕಾಗಿರುವುದೂ ಅದೇ.. ಹೋಗ್ಲಿಬಿಡಿ.. ಆಗಸ್ಟ್ 4ಕ್ಕೆ ಹೊಸ ಹಾಡು ಕೇಳೋಕೆ ರೆಡಿಯಾಗಿ.

  • ದಿ ವಿಲನ್ ಆಡಿಯೋಗೆ 1 ಕೋಟಿ, 8 ಲಕ್ಷ..!

    the villain audio rights sold for 1.08 crores

    ಕನ್ನಡದ ಬಹುನಿರೀಕ್ಷಿತ ಚಿತ್ರ `ದಿ ವಿಲನ್' ಚಿತ್ರದ ಆಡಿಯೋ ರೈಟ್ಸ್ 1 ಕೋಟಿ, 8 ಲಕ್ಷಕ್ಕೆ ಮಾರಾಟವಾಗಿದೆ. ಇದು ಒಂದು ದಾಖಲೆಯೇ. ದಕ್ಷಿಣ ಭಾರತ ಚಿತ್ರರಂಗದಲ್ಲಿ 70 ಲಕ್ಷಕ್ಕೆ ಆಡಿಯೋ ಮಾರಾಟವಾಗುವುದು ಗರಿಷ್ಠ ಸರಾಸರಿ. ಹೀಗಿರುವಾಗ ವಿಲನ್ ಚಿತ್ರಕ್ಕೆ 1 ಕೋಟಿ 8 ಲಕ್ಷ ನೀಡಿದೆ ಆನಂದ್ ಆಡಿಯೋ ಕಂಪೆನಿ.

    ಪ್ರೇಮ್ ಅವರ ಚಿತ್ರಗಳಿಂದ ಆನಂದ್ ಆಡಿಯೋಗೆ ಈ ಹಿಂದೆ ಒಳ್ಳೆಯ ಬ್ಯುಸಿನೆಸ್ ಆಗಿದೆ. ಈ ಹಿನ್ನೆಲೆಯಲ್ಲಿ ಈ ಮೊತ್ತಕ್ಕೆ ಆಡಿಯೊ ಖರೀದಿಸಿದ್ದಾರೆ ಎಂದು ಹೇಳಿಕೊಂಡಿದ್ದಾರೆ ಪ್ರೇಮ್. ಚಿತ್ರದ ಚಿತ್ರೀಕರಣ ಮುಂದಿನ ತಿಂಗಳು ಮುಗಿಯಲಿದ್ದು, ಪೋಸ್ಟ್ ಪ್ರೊಡಕ್ಷನ್ ಕೆಲಸಗಳೂ ಆಗಲೇ ಶುರುವಾಗಿವೆ. ಸಿ.ಆರ್. ಮನೋಹರ್ ನಿರ್ಮಾಣದ ಚಿತ್ರ ಶಿವರಾಜ್‍ಕುಮಾರ್ & ಸುದೀಪ್ ಕಾಂಬಿನೇಷನ್‍ನಿಂದಾಗಿಯೇ ಭಾರಿ ನಿರೀಕ್ಷೆ ಹುಟ್ಟಿಸಿರುವ ಸಿನಿಮಾ.

  • ದಿ ವಿಲನ್ ಆ್ಯಮಿ ಜಾಕ್ಸನ್ ಪ್ರಾಬ್ಲಂ

    the villain has new villain

    ಶಿವರಾಜ್ ಕುಮಾರ್ ಮತ್ತು ಸುದೀಪ್ ಒಟ್ಟಿಗೇ ನಟಿಸುತ್ತಿರುವ `ದಿ ವಿಲನ್' ಚಿತ್ರಕ್ಕೆ ಹೊಸ ವಿಲನ್ ಸೃಷ್ಟಿಯಾಗಿದ್ದಾರೆ. ಕನ್ನಡ ಚಿತ್ರರಂಗದ ಅದ್ದೂರಿ ಚಿತ್ರಕೆಕ ವಿಲನ್ ಆಗಿರೋದು ಭಾರತೀಯ ವಿದೇಶಾಂಗ ಇಲಾಖೆ ಮತ್ತು ರಜಿನಿ ಅಭಿನಯದ ರೋಬೋ 2.0 ಚಿತ್ರ.

    ಆ್ಯಮಿ ಜಾಕ್ಸನ್‍ಗೆ ವೀಸಾ ಸಿಗುತ್ತಿಲ್ಲ. ಹೀಗಾಗಿ ಸುದೀಪ್ ಅವರ ಇಂಟ್ರೊಡಕ್ಷನ್ ಸಾಂಗ್‍ನ ಶೂಟಿಂಗ್‍ನಿಂದ ಆ್ಯಮಿ ದೂರವೇ ಉಳಿಯುವಂತಾಗಿದೆ. ಶೂಟಿಂಗ್ ಕೂಡಾ ಸಮಸ್ಯೆಯಾಗಿದೆ. ಇದರ ಜೊತೆಗೆ ರೋಬೋ 2.0 ಚಿತ್ರ ವಿಳಂಬವಾಗುತ್ತಿದ್ದು, ಡೇಟ್ ಕ್ಲಾಷ್ ಆಗುತ್ತಿದೆ. 

    ಈಗ ಪ್ರೇಮ್‍ಗೆ ಆಗಿರುವ ಸಮಸ್ಯೆಯೆಂದರೆ, ಆ್ಯಮಿ ಡೇಟ್ಸ್‍ಗೆ ಉಳಿದವರ ಡೇಟ್ಸ್ ಹೊಂದಿಸುವುದು. ಆದರೆ, ಚಿತ್ರದಲ್ಲಿ ನಟಿಸುತ್ತಿರುವ ಶಿವಣ್ಣ ಹಾಗೂ ಸುದೀಪ್, ಆ್ಯಮಿಗಿಂತಾ ಬ್ಯುಸಿ. ಪ್ರೇಮ್ ತಲೆ ಕಾದಹೆಂಚಿನಂತಾಗಿರುವುದಂತೂ ನಿಜ.

  • ದಿ ವಿಲನ್ ಕಥೆ ಇದೇ.

    fans started guessing the villain story

    ದಿ ವಿಲನ್ ಚಿತ್ರದ ಕಥೆ ಕೊನೆಗೂ ಗೊತ್ತಾಗಿ ಹೋಗಿದೆ. ಒಂದಲ್ಲ.. ಎರಡಲ್ಲ.. ಇದುವರೆಗೆ ಆರು ಟೀಸರ್ ಬಿಟ್ಟಿರುವ ಪ್ರೇಮ್, ಕಥೆಯನ್ನು ಗುಟ್ಟಾಗಿಯೇ ಇಟ್ಟುಕೊಂಡಿದ್ದರೂ, ಸಿನಿಮಾ ಕಥೆ ಗೊತ್ತಾಗಿಬಿಟ್ಟಿದೆ. ವಿಲನ್ ಕಥೆಯನ್ನು ಬಹಿರಂಗಪಡಿಸಿರುವುದು ಬೇರೆ ಯಾರೂ ಅಲ್ಲ, ವಿಲನ್‍ಗಾಗಿ ಕಾಯ್ತಿರೋ ಅಭಿಮಾನಿಗಳು. ಟೀಸರ್‍ಗಳನ್ನು ನೋಡಿ, ಕಥೆ ಹೀಗೆಯೇ ಇರಬಹುದು ಎಂಬ ಕಲ್ಪನೆಯನ್ನು ಹರಿಬಿಟ್ಟಿದ್ದಾರೆ ಫ್ಯಾನ್ಸ್.

    ಕಥೆ ನಂ.1 - ಸುದೀಪ್ ಮತ್ತು ಶಿವರಾಜ್‍ಕುಮಾರ್, ಇಬ್ಬರೂ ಚಿತ್ರದಲ್ಲಿ ರೌಡಿ ಅಥವಾ ವಿಲನ್‍ಗಳು. ಇಬ್ಬರೂ ಕೂಡಾ ಒಬ್ಬರನ್ನು (ಆ್ಯಮಿ ಜಾಕ್ಸನ್)ರನ್ನು ಹುಡುಕುತ್ತಿರುತ್ತಾರೆ. ಆ ಬೇಟೆಯನ್ನು ನಾನೇ ಆಡಬೇಕು ಎಂದು ಹಠಕ್ಕೆ ಬೀಳ್ತಾರೆ. ಅಲ್ಲಿ ಹೋರಾಟ ನಡೆಯುತ್ತೆ. ಮಧ್ಯೆ ಮದರ್ ಸೆಂಟಿಮೆಂಟ್ ಕೂಡಾ ಇದೆ.

    ಕಥೆ ನಂ.2 - ಸುದೀಪ್ ವಿಲನ್. ಶಿವಣ್ಣ ರಾವಣ. ಇಬ್ಬರೂ ನೆಗೆಟಿವ್ ಶೇಡ್ ಕ್ಯಾರೆಕ್ಟರ್‍ಗಳೇ. ಒಬ್ಬರು ಲೋಕಲ್, ಇನ್ನೊಬ್ಬರು ಇಂಟರ್‍ನ್ಯಾಷನಲ್. ಇಬ್ಬರ ನಡುವೆ ಪರಸ್ಪರ ಬೇಟೆಯಾಡುವ ಕಥೆ ಇದೆ. ಇಬ್ಬರ ನಡುವೆ ಟ್ವಿಸ್ಟ್ ಕೊಡೋದು ಆ್ಯಮಿ ಜಾಕ್ಸನ್. 

    ಕಥೆ ನಂ. 3 - ಇದು ಅಂಡರ್‍ವಲ್ರ್ಡ್ ಸ್ಟೋರಿ. ಡಾನ್ ಯಾರಾಗಬೇಕು ಎಂದು ಇಬ್ಬರ ನಡುವೆ ಫೈಟ್ ಶುರುವಾಗುತ್ತೆ. ಅಥವಾ ಇಬ್ಬರೂ ತಮ್ಮ ತಮ್ಮ ಬಾಸ್‍ಗಳಿಗಾಗಿ ಫೈಟ್ ಶುರು ಮಾಡ್ತಾರೆ. ಆ್ಯಮಿ ಜಾಕ್ಸನ್ ತನಿಖಾಧಿಕಾರಿಯಾಗಿ ಇಬ್ಬರ ನಡುವೆ ದ್ವೇಷ ತಂದಿಟ್ಟು, ಗೇಮ್ ಆಡ್ತಾರೆ. 

    ಸದ್ಯಕ್ಕೆ ಅಭಿಮಾನಿಗಳಿಂದ ಹೊರಬಿದ್ದಿರುವ ಕಥೆಗಳು ಈ ಮೂರು. ಜೋಗಿ ಪ್ರೇಮ್ ಈ ಕಥೆಗಳಲ್ಲೇ ಹೊಸದೊಂದು ಕಥೆ ಸೃಷ್ಟಿಸಿದರೂ ಆಶ್ಚರ್ಯ ಪಡಬೇಡಿ. ನಿಜವಾದ ಕಥೆ ಏನು ಅನ್ನೋದನ್ನು ಪ್ರೇಮ್ ಇದುವರೆಗೂ ಸೀಕ್ರೆಟ್ ಆಗಿಯೇ ಇಟ್ಟಿದ್ದಾರೆ. ಆದರೆ, ಸಿನಿಮಾವೊಂದರ ಕಥೆಯ ಬಗ್ಗೆ ಅಭಿಮಾನಿಗಳಲ್ಲಿ ಈ ರೀತಿಯ ಕುತೂಹಲ ಮೂಡಿರುವುದು, ತಮ್ಮ ತಮ್ಮಲ್ಲೇ ಕಥೆ ಹೀಗೂ ಇರಬಹುದು ಎಂಬ ಚರ್ಚೆ ಶುರುವಾಗಿರೋದು ಚಿತ್ರದ ಮೇಲಿನ ನಿರೀಕ್ಷೆಗೆ ಒಂದು ಪುಟ್ಟ ಸಾಕ್ಷಿ.

  • ದಿ ವಿಲನ್ ಚಿತ್ರದ ಸೀಕ್ರೆಟ್ ಹೇಳಿದ ಕಿಚ್ಚ

    sudeep, the villain

    ಕಿಚ್ಚ ಸುದೀಪ್ ಇದೇ ಮೊದಲ ಬಾರಿಗೆ ಫೇಸ್​ಬುಕ್​ ಲೈವ್​ನಲ್ಲಿ ಕಾಣಿಸಿಕೊಂಡಿದ್ದಾರೆ. ಅದಕ್ಕೆ ಕಾರಣ, ದಿ ವಿಲನ್ ಚಿತ್ರದ ನಿರ್ದೇಶಕ. ಚಿತ್ರದಲ್ಲಿ ಇಂಥಾದ್ದೊಂದು ಅವಕಾಶ ಕೊಟ್ಟಿದ್ದಕ್ಕೆ ಪ್ರೇಮ್​ಗೆ ಅಭಿನಂದನೆ ಸಲ್ಲಿಸಿದ್ದಾರೆ ಕಿಚ್ಚ ಸುದೀಪ್. ಇದೇ ವೇಳೆ ಸುದೀಪ್ ಹುಟ್ಟುಹಬ್ಬದ ವಿಶೇಷವಾಗಿ ಚಿತ್ರದ ಮೋಶನ್ ಪೋಸ್ಟರ್​ನ್ನೂ ರಿಲೀಸ್ ಮಾಡಲಾಗಿದೆ.

    ಶಿವರಾಜ್ ಕುಮಾರ್ ಜೊತೆ ನಟಿಸುವ ಚಾನ್ಸ್ ಸಿಕ್ಕಿದ್ದಕ್ಕೆ, ಅದನ್ನು ಸಾಧ್ಯವಾಗಿಸಿದ ಪ್ರೇಮ್ ಹಠಕ್ಕೆ ಸುದೀಪ್ ಖುಷಿಯಾಗಿದ್ದಾರೆ. ಚಿತ್ರದ ಚಿತ್ರೀಕರಣದ ವೇಳೆ ಪ್ರೇಮ್ ಸಿಕ್ಕಾಪಟ್ಟೆ ಕಾಟ ಕೊಡ್ತಾನೆ ಅನ್ನೋದನ್ನು ಪ್ರೀತಿಯಿಂದಲೇ ಹೇಳಿಕೊಂಡಿರುವ ಕಿಚ್ಚ ಸುದೀಪ್, ಅದೇ ವೇಳೆ ಚಿತ್ರದ ಗುಟ್ಟೊಂದನ್ನು ಬಿಟ್ಟುಕೊಟ್ಟಿದ್ದಾರೆ.

    ಚಿತ್ರದಲ್ಲಿ ನಾವೀಗ ನೋಡ್ತಿರೋದು ಸುದೀಪ್​ರ ಒಂದು ಗೆಟಪ್ ಮಾತ್ರ. ಆದರೆ, ಚಿತ್ರದಲ್ಲಿ ಸುದೀಪ್ ಮೂರು ಶೇಡ್​ಗಳಲ್ಲಿ, ಮೂರು ಅವತಾರಗಳಲ್ಲಿ ಕಾಣಿಸಿಕೊಳ್ಳುತ್ತಾರಂತೆ. ಉಳಿದಂತೆ ಕಥೆಯ ಬಗ್ಗೆ ಏನೊಂದು ಗುಟ್ಟನ್ನೂ ಬಿಟ್ಟುಕೊಡದ ಸುದೀಪ್, ದಿ ವಿಲನ್ ಚಿತ್ರದ ಬಗ್ಗೆ ಅಪಾರ ನಿರೀಕ್ಷೆ ಇಟ್ಟುಕೊಂಡಿರುವುದಾಗಿ ಹೇಳಿದ್ದಾರೆ. ಅರ್ಜುನ್ ಜನ್ಯ ಸಂಗೀತ ಸಂಯೋಜಸಿರುವ ಒಂದು ಹಾಡಿನ ಕೆಲವು ಸಾಲುಗಳನ್ನಷ್ಟೇ ಸುದೀಪ್ ಕೇಳಿದ್ದಾರಂತೆ. ಅದು ಕೂಡಾ ಸಖತ್ತಾಗಿದೆ ಎಂದು ಖುಷಿ ಹಂಚಿಕೊಂಡಿದ್ದಾರೆ ಸುದೀಪ್.

  • ದಿ ವಿಲನ್ ಟಿಕೆಟ್ ರೇಟ್.. 400-1000 ರೂ...? 

    will the villain's ticket price go up

    ಶಿವಣ್ಣ ಮತ್ತು ಕಿಚ್ಚ ಸುದೀಪ್ ಜೋಡಿಯ ದಿ ವಿಲನ್ ಇದೇ ಕ್ಟೋಬರ್ 18ಕ್ಕೆ ಬಿಡುಗಡೆಯಾಗುತ್ತಿದೆ. ಬಿಡುಗಡೆಯ ದಿನವನ್ನು ಅಭಿಮಾನಿಗಳು ಕಾತುರದಿಂದ ಎದುರು ನೋಡುತ್ತಿದ್ದಾರೆ. ಈಗಾಗಲೇ ಮಲ್ಟಿಪ್ಲೆಕ್ಸ್ ಮಾಲೀಕರೊಂದಿಗೆ ಹೆಚ್ಚುವರಿ ಲಾಭಾಂಶಕ್ಕೆ ಮನವಿ ಮಾಡಿದ್ದ ಚಿತ್ರತಂಡ, 60:40 ಲಾಭಾಂಶಕ್ಕೆ ಒಪ್ಪಿಸಿದೆ. 

    ವಿಲನ್ ನಿರ್ಮಾಪಕರಿಗೆ ಶೇ.60ರಷ್ಟು ಪಾಲು ನೀಡಲು ಮಲ್ಟಿಪ್ಲೆಕ್ಸ್ ಮಾಲೀಕರು ಬಹುತೇಕ ಒಪ್ಪಿಕೊಂಡಿದ್ದಾರೆ. ಅಷ್ಟೇ ಅಲ್ಲ, ಚಿತ್ರದ ಅವಧಿ 3 ಗಂಟೆ ಇರುವುದರಿಂದ, ಜಾಹೀರಾತು ಅವಧಿ ಕಡಿಮೆ ಮಾಡುವಂತೆಯೂ ಚಿತ್ರತಂಡ ಮನವಿ ಮಾಡಿದೆ. ಸಾಮಾನ್ಯವಾಗಿ ಮಲ್ಟಿಪ್ಲೆಕ್ಸ್‍ಗಳಲ್ಲಿ 15ರಿಂದ 20 ನಿಮಿಷ ಜಾಹೀರಾತುಗಳಿರುತ್ತವೆ. ಇದೆಲ್ಲದರ ಜೊತೆಗೆ ದಿ ವಿಲನ್ ಟಿಕೆಟ್ ದರ ಮೊದಲ ವಾರದಲ್ಲಿ 400 ರೂ. 500 ರೂ. 1000 ರೂ. ಆಗುವ ಸಾಧ್ಯತೆ ಇದೆ.

    ದೊಡ್ಡ ಬಜೆಟ್‍ನಲ್ಲಿ ಸಿನಿಮಾ ನಿರ್ಮಾಣವಾಗಿರುವುದು ಕೂಡಾ ಟಿಕೆಟ್ ದರ ಹೆಚ್ಚಳಕ್ಕೆ ಕಾರಣ ಎನ್ನಲಾಗುತ್ತಿದೆ. ಹಾಗೆಂದು ಇದು ಮೊದಲೇನೂ ಅಲ್ಲ. ಹಿಂದಿ, ತೆಲುಗು, ತಮಿಳು ಚಿತ್ರಗಳು ರಿಲೀಸ್ ಆದಾಗ ಮೊದಲ ವಾರ ಮಲ್ಟಿಪ್ಲೆಕ್ಸ್‍ಗಳಲ್ಲಿ ಇದೇ ರೀತಿ ಟಿಕೆಟ್ ದರ ಹೆಚ್ಚಿಸುವ ಸಂಪ್ರದಾಯವೇ ಇದೆ. ಒಟ್ಟಿನಲ್ಲಿ ದಿ ವಿಲನ್ ಚಿತ್ರವನ್ನು ಮೊದಲ ವಾರವೇ ನೋಡಬೇಕು ಎನ್ನುವ ಪ್ರೇಕ್ಷಕರು ಹೆಚ್ಚುವರಿ ಮೊತ್ತವನ್ನು ನೀಡಬೇಕಾಗಬಹುದು.

  • ದಿ ವಿಲನ್ ಟೀಸರ್‍ಗೇ 500 ರೂ. ಟಿಕೆಟ್.. ಯಾಕೆ ಗೊತ್ತಾ..?

    the villain teaser on june 28th

    ದಿ ವಿಲನ್. ಕನ್ನಡ ಚಿತ್ರರಂಗದ ಬಹುನಿರೀಕ್ಷಿತ ಸಿನಿಮಾ. ಶಿವರಾಜ್‍ಕುಮಾರ್, ಸುದೀಪ್ ಮತ್ತು ಪ್ರೇಮ್ ಹಾಗೂ ಸಿ.ಆರ್.ಮನೋಹರ್ ಕಾಂಬಿನೇಷನ್ ಚಿತ್ರದ ಬಗ್ಗೆ ಗೌರಿಶಂಕರದಷ್ಟು ನಿರೀಕ್ಷೆ ಹುಟ್ಟಿಸಿದೆ. ಚಿತ್ರದ ಬಿಡುಗಡೆ ಯಾವಾಗ ಎಂಬ ಪ್ರಶ್ನೆಗೆ ಉತ್ತರ ಇನ್ನೂ ಸಿಕ್ಕಿಲ್ಲವಾದರೂ, ಹೇಳಿದಂತೆ ಜೂನ್ ತಿಂಗಳಲ್ಲೇ ಚಿತ್ರದ ಟೀಸರ್ ಹೊರತರುತ್ತಿದ್ದಾರೆ ನಿರ್ದೇಶಕ ಪ್ರೇಮ್. ಜೂನ್ 28ರಂದು ಬೆಂಗಳೂರಿನ ಜಿ.ಟಿ.ಮಾಲ್‍ನಲ್ಲಿ ಚಿತ್ರದ ಟೀಸರ್ ಬಿಡುಗಡೆಯಾಗಲಿದೆ. 

    ಕನ್ನಡ ಚಿತ್ರರಂಗದಲ್ಲಿ ಹಲವು ಹೊಸತುಗಳಿಗೆ ಮುನ್ನುಡಿ ಬರೆಯುತ್ತಿರುವ ಚಿತ್ರ, ಟೀಸರ್ ಬಿಡುಗಡೆಯಲ್ಲೂ ವಿಭಿನ್ನ ಹಾದಿ ತುಳಿದಿದೆ. ಚಿತ್ರದ ಟೀಸರ್ ಪ್ರದರ್ಶನಕ್ಕೂ ಟಿಕೆಟ್ ನೀಡಲಾಗುತ್ತಿದೆ. ಒಂದು ಟಿಕೆಟ್‍ಗೆ 500 ರೂ.

    ಶಿವಣ್ಣ ಮತ್ತು ಸುದೀಪ್ ಇಬ್ಬರಿಗೂ ಪ್ರತ್ಯೇಕ ಟೀಸರ್ ರೆಡಿ ಮಾಡಲಾಗಿದೆಯಂತೆ. ಅಂದಹಾಗೆ ಟೀಸರ್ ನೋಡೋಕೆ ನೀವು ಕೊಡೋ 500 ರೂ. ವ್ಯರ್ಥವಾಗುವುದಿಲ್ಲ. ಆ ಹಣ ಕನ್ನಡ ಚಿತ್ರರಂಗದಲ್ಲಿ ಸಂಕಷ್ಟದಲ್ಲಿರುವ ನಿರ್ದೇಶಕರ ನೆರವಿಗಾಗಿ ನೀಡಲು ಚಿತ್ರತಂಡ ನಿರ್ಧರಿಸಿದೆ. ಅದೇ ದಿನ ಹಣವನ್ನು ಮುಖ್ಯಮಂತ್ರಿ ಕುಮಾರಸ್ವಾಮಿಯವರಿಗೆ ತಲುಪಿಸಲು ಚಿತ್ರತಂಡ ಪ್ಲಾನ್ ಮಾಡಿದೆ. ಸಿಎಂ ಮೂಲಕವೇ ಸಂಕಷ್ಟದಲ್ಲಿರುವ ಆಯ್ದ ನಿರ್ದೇಶಕರಿಗೆ ಈ ಮೊತ್ತ ತಲುಪಲಿದೆ ಎಂದು ಹೇಳಿಕೊಂಡಿದೆ ಚಿತ್ರತಂಡ. 

  • ದಿ ವಿಲನ್ ಡಬ್ಬಿಂಗ್ ಶುರು

    the villain dubbing starts

    ಕಿಚ್ಚ ಸುದೀಪ್ ಮತ್ತು ಶಿವರಾಜ್‍ಕುಮಾರ್ ಒಟ್ಟಿಗೇ ನಟಿಸುತ್ತಿರುವ ಸ್ಯಾಂಡಲ್‍ವುಡ್‍ನ ಬಹುನಿರೀಕ್ಷಿತ ಚಿತ್ರ ದಿ ವಿಲನ್. ಪ್ರೇಮ್ ನಿರ್ದೇಶನದಲ್ಲಿ ಮೂಡಿ ಬರುತ್ತಿರುವ ಚಿತ್ರದ ಡಬ್ಬಿಂಗ್ ಈಗ ಶುರುವಾಗಿದೆ. ಹಾಗೆಂದು ಶೂಟಂಗ್ ಮುಗಿದಿದೆ ಎಂದುಕೊಳ್ಳಬೇಡಿ. ಇನ್ನೂ ಎರಡು ಹಾಡುಗಳ ಶೂಟಿಂಗ್ ಕೆಲಸ ಬಾಕಿಯಿದೆ.

    ಸಿ.ಆರ್.ಮನೋಹರ್ ನಿರ್ಮಾಣದ ಚಿತ್ರ ವರಮಹಾಲಕ್ಷ್ಮಿ ಹಬ್ಬಕ್ಕೆ ತೆರೆಯ ಮೇಲೆ ಬರಲಿದೆ. ರಿಲೀಸ್ ಡೇಟ್ ಫಿಕ್ಸ್ ಮಾಡಿಕೊಂಡೇ ಪೋಸ್ಟ್ ಪ್ರೊಡಕ್ಷನ್ ಕೆಲಸ ಶುರು ಮಾಡಲಾಗಿದೆ. ಎಲ್ಲವೂ ನಿರೀಕ್ಷೆಯಂತೆಯೇ ಆದರೆ, ಆಗಸ್ಟ್ 24ರಂದು ಚಿತ್ರ ತೆರೆಗೆ ಬರಲಿದೆ.

    ಅಂದಹಾಗೆ.. ಸುದೀಪ್ ಅವರೇ ಹೀರೋ ಆಗಿರುವ ಚಿತ್ರವೊಂದು ತೆರೆಯ ಮೇಲೆ ಒಂದು ವರ್ಷ 2 ತಿಂಗಳಾಗಿದೆ.

  • ದಿ ವಿಲನ್ ರಿಲೀಸ್ ಲಕ್ಷ್ಮಿ ಹಬ್ಬಕ್ಕಿಲ್ಲ.. ಮುಂದಾ..?

    the villain not releasing for varamahalakshmi festival

    ದಿ ವಿಲನ್ ಚಿತ್ರ ಆಗಸ್ಟ್‍ನಲ್ಲಿಯೇ ವರಮಹಾಲಕ್ಷ್ಮಿ ಹಬ್ಬದ ದಿನ ರಿಲೀಸ್ ಆಗಲಿದೆ ಎಂಬ ಸುದ್ದಿ ಗಾಂಧಿನಗರದಲ್ಲಿ ದಟ್ಟವಾಗಿ ಹಬ್ಬಿತ್ತು. ಈಗ ದಿ ವಿಲನ್ ಚಿತ್ರತಂಡದಿಂದ ಒಂದು ಸುದ್ದಿಯಂತೂ ಪಕ್ಕಾ ಆಗಿದೆ. ವರಮಹಾಲಕ್ಷ್ಮಿ ಹಬ್ಬಕ್ಕೆ ದಿ ವಿಲನ್ ರಿಲೀಸ್ ಆಗುತ್ತಿಲ್ಲ.

    ವಿಲನ್ ಚಿತ್ರದ 3 ಹಾಡುಗಳನ್ನು ರಿಲೀಸ್ ಮಾಡಿರುವ ಚಿತ್ರತಂಡ, ಆಡಿಯೋ ಬಿಡುಗಡೆ ಸಮಾರಂಭವನ್ನು ಅದ್ಧೂರಿಯಾಗಿ ದುಬೈ ಹಾಗೂ ಹುಬ್ಬಳ್ಳಿಯಲ್ಲಿಆಯೋಜಿಸಲು ತೀರ್ಮಾನಿಸಿದೆ. ಚಿತ್ರತಂಡದ ಪೋಸ್ಟ್ ಪ್ರೊಡಕ್ಷನ್ ಕೆಲಸಗಳು ಚುರುಕಾಗಿ ನಡೆಯುತ್ತಿವೆ. ಹೀಗಿರುವಾಗಲೇ.. ದಿ ವಿಲನ್ ಸಿನಿಮಾ ಸೆಪ್ಟೆಂಬರ್ 13ಕ್ಕೆ ರಿಲೀಸ್ ಆಗಲಿದೆ ಎಂಬ ಸುದ್ದಿ ಹರಿದಾಡೋಕೆ ಶುರುವಾಗಿದೆ.

    ಈ ಸೆಪ್ಟೆಂಬರ್ 13ರ ಡೇಟ್ ಫಿಕ್ಸ್ ಮಾಡಿರುವುದು ನಿರ್ಮಾಪಕ ಸಿ.ಆರ್.ಮನೋಹರ್ ಅಲ್ಲ, ನಿರ್ದೇಶಕ ಜೋಗಿ ಪ್ರೇಮ್ ಅಲ್ಲ. ಶಿವರಾಜ್‍ಕುಮಾರ್ ಮತ್ತು ಸುದೀಪ್ ಅಭಿಮಾನಿಗಳು.

  • ದಿ ವಿಲನ್ ರೆಡಿ.. ಕಲಿಯೂ ಬರುತ್ತೆ..!

    kaali not shelved

    ದಿ ವಿಲನ್ ಚಿತ್ರದ ಆಡಿಯೋ ಅಧಿಕೃತವಾಗಿ ರಿಲೀಸ್ ಆಗಿದೆ. ಹಾಡುಗಳು ಭರ್ಜರಿಯಾಗಿ ಸದ್ದು ಮಾಡುತ್ತಿವೆ. ಹೀಗಿರುವಾಗಲೇ ನಿರ್ಮಾಪಕ ಸಿ.ಆರ್.ಮನೋಹರ್, ಕಲಿ ಚಿತ್ರದ ಬಗ್ಗೆ ಮಾತನಾಡಿದ್ದಾರೆ. ಕಲಿ, ಶಿವರಾಜ್ ಕುಮಾರ್, ಸುದೀಪ್, ಪ್ರೇಮ್ ಕಾಂಬಿನೇಷನ್‍ನಲ್ಲಿ ಸಿ.ಆರ್.ಮನೋಹರ್ ಅವರೇ ಶುರು ಮಾಡಿದ್ದ ಸಿನಿಮಾ. ಸಿನಿಮಾದ ಟೀಸರ್‍ನ್ನು ಆಗಿನ ಮುಖ್ಯಮಂತ್ರಿ ಸಿದ್ದರಾಮಯ್ಯ ರಿಲೀಸ್ ಮಾಡಿದ್ದರು. ಅದ್ಧೂರಿ ಮುಹೂರ್ತವೂ ನೆರವೇರಿತ್ತು. ಅದಾದ ನಂತರ ಆ ಸಿನಿಮಾ ಅರ್ಧಕ್ಕೆ ನಿಂತು, ಕೊನೆಗೆ ದಿ ವಿಲನ್ ಶುರುವಾಯ್ತು. ಈಗ ರಿಲೀಸ್‍ಗೆ ರೆಡಿಯಾಗಿದೆ.

    ಕಲಿ ನನ್ನ ಕನಸಿನ ಪ್ರಾಜೆಕ್ಟ್. ಅದನ್ನು ಬಾಹುಬಲಿ ರೇಂಜ್‍ನಲ್ಲಿಯೇ ನಿರ್ಮಿಸಿ, ತೆರೆಗೆ ತರುವ ಚಿಂತನೆಯಿದೆ. ದಿ ವಿಲನ್ ತೆರೆ ಕಂಡ ನಂತರ ಕಲಿಗೆ ಚಾಲನೆ ಸಿಗಲಿದೆ ಎಂದಿದ್ದಾರೆ ಮನೋಹರ್. 

  • ದಿ ವಿಲನ್ ವಿಳಂಬಕ್ಕೆ ಯಾರು ಕಾರಣ..?

    delya in the villain

    ದಿ ವಿಲನ್ ಎಂಬ ಚಿತ್ರದ ಕನಸು ಬಿತ್ತಿರುವ ನಿರ್ದೇಶಕ ಪ್ರೇಮ್, ಚಿತ್ರವನ್ನು ಮಾತ್ರ ಬೇಗ ಮುಗಿಸುತ್ತಿಲ್ಲ. ಮೊದಲೇ ಹೇಳಿದಂತೆ ಆಗಿದ್ದರೆ ಚಿತ್ರ ಇಷ್ಟು ಹೊತ್ತಿಗೆ ತೆರೆಗೆ ಬರಲು ರೆಡಿಯಾಗಿರಬೇಕಿತ್ತು. ಆದರೆ, ಇನ್ನೂ ಶೂಟಿಂಗ್ ಮುಗಿದಿಲ್ಲ. ಇನ್ನೂ 12 ದಿನದ ಶೂಟಿಂಗ್ ಬಾಕಿ ಇದೆಯಂತೆ. ಮೊದಲೇ ಶಿವರಾಜ್‍ಕುಮಾರ್ ಮತ್ತು ಸುದೀಪ್ ಕಾಂಬಿನೇಷನ್ ಸಿನಿಮಾ. ಇಷ್ಟು ನಿಧಾನವಾದರೆ ಹೇಗೆ..? ಯಾರು ಕಾರಣ ಎಂದರೆ, ಪ್ರಶ್ನೆ ಪ್ರೇಮ್ ಅವರತ್ತಲೇ ತಿರುಗುತ್ತಿದೆ.

    ಚಿತ್ರ ಇನ್ನೂ ಮುಗಿದಿಲ್ಲ. ಚಿತ್ರ ಯಾಕೆ ತಡವಾಯ್ತು ಅನ್ನೋದನ್ನು ಪ್ರೇಮ್ ಅವರನ್ನೇ ಕೇಳಬೇಕು. ನಾನೇನಾದರೂ ನಿರ್ದೇಶಕನಾಗಿದ್ದರೆ, ಪಕ್ಕಾ ಪ್ಲಾನ್ ಮಾಡಿಕೊಳ್ಳುತ್ತಿದ್ದೆ. ನಿರ್ಮಾಪಕರಿಗೆ ನಷ್ಟವಾಗದಂತೆ ನೋಡಿಕೊಳ್ಳುತ್ತಿದ್ದೆ. ಮುಂದೇನಾದರೂ ನಾನು ಡೈರೆಕ್ಷನ್ ಮಾಡಿದರೆ, ಸಿನಿಮಾ ಶುರುವಾದ ನಂತರದ 7ನೇ ತಿಂಗಳು ಸಿನಿಮಾ ತೆರೆಯ ಮೇಲಿರುವಂತೆ ನೋಡಿಕೊಳ್ಳುತ್ತೇನೆ. ಎರಡು ವರ್ಷ ಸಿನಿಮಾ ಮಾಡಿದರೆ ಗೆಲ್ಲುತ್ತೆ ಅನ್ನೋದು ಭ್ರಮೆಯಷ್ಟೆ ಎಂದಿದ್ದಾರೆ ಸ್ವತಃ ಶಿವರಾಜ್‍ಕುಮಾರ್.

  • ದಿ ವಿಲನ್ ಸೃಷ್ಟಿಸುತ್ತಿರುವ ದಾಖಲೆಗಳು..

    the villain creates record after record

    ದಿ ವಿಲನ್. ಶಿವರಾಜ್‍ಕುಮಾರ್ ಮತ್ತು ಕಿಚ್ಚ ಸುದೀಪ್‍ರನ್ನು ಒಗ್ಗೂಡಿಸಿದ್ದೇ ಪ್ರೇಮ್ ಮಾಡಿದ ಮೊದಲ ದಾಖಲೆ. ಕನ್ನಡ ಚಿತ್ರರಂಗದ ಎರಡು ಧ್ರುವ ನಕ್ಷತ್ರಗಳನ್ನು ಒಟ್ಟುಗೂಡಿಸುವುದು ಸುಲಭದ ಮಾತಲ್ಲ. ಹಾಗೆ ಶುರುವಾದ ಚಿತ್ರ, ಬಿಡುಗಡೆಗೂ ಮುನ್ನವೇ ದಾಖಲೆಗಳ ಮೇಲೆ ದಾಖಲೆ ಬರೆಯುತ್ತಿರುವುದು ವಿಶೇಷ.

    ದಿ ವಿಲನ್.. ಒಟ್ಟಾರೆ ತೋರಿಸಿದ್ದು 4 ನಿಮಿಷಗಳ ಟೀಸರ್. ಕನ್ನಡ ಚಿತ್ರರಂಗದಲ್ಲಷ್ಟೇ ಅಲ್ಲ, ಭಾರತ ಚಿತ್ರರಂಗದ ಇತಿಹಾಸದಲ್ಲೇ ಟೀಸರ್ ಬಿಡುಗಡೆಗಾಗಿ ಪ್ರೇಕ್ಷಕರಿಂದಲೇ ಹಣ ವಸೂಲಿ ಮಾಡಿದ ಉದಾಹರಣೆಗಳೇ ಇಲ್ಲ ಎನ್ನಬೇಕು. ಇದು ದಾಖಲೆಯೇ ಸರಿ.

    ಇಡೀ ಚಿತ್ರ ನೋಡೋದು ಬಿಡಿ, 4 ನಿಮಿಷಗಳ ಟೀಸರ್ ನೋಡೋಕೆ ಜನ 500 ರೂ. ಕೊಟ್ಟಿದ್ದಾರೆ. ಅಫ್‍ಕೋರ್ಸ್, ಆ ಹಣವನ್ನು ನಿರ್ಮಾಪಕ ಸಿ.ಆರ್.ಮನೋಹರ್ ಸಂಕಷ್ಟದಲ್ಲಿರುವ ನಿರ್ದೇಶಕರಿಗೇ ನೀಡಿರುವುದು ಸ್ವಾಗತಾರ್ಹ.

    ಆನಂದ್ ಪಿ.ರಾಜು, ಎ.ಟಿ.ರಘು, ಬೂದಾಳ ಕೃಷ್ಣಮೂರ್ತಿ, ಹಿರೇಮಠ್ ಅವರಿಗೆ ಟೀಸರ್ ಪ್ರದರ್ಶನದಿಂದ ಬಂದ ಹಣವನ್ನು ಸಂದಾಯ ಮಾಡಲಾಗಿದೆ. ಅದು ಅವರ ಸಂಕಷ್ಟದ ಬದುಕಿದೆ ದಿ ವಿಲನ್ ಸ್ಪಂದಿಸಿದ ರೀತಿ. 

    ಟೈಮೆಕ್ಸ್ ಹಾಗೂ ಡೈರಿ ಡೇ ಸಂಸ್ಥೆಗಳು, ದಿ ವಿಲನ್ ಚಿತ್ರಕ್ಕೆ ಬ್ರಾಂಡ್ ಪಾರ್ಟ್‍ನರ್ ಆಗಿರುವುದು ವಿಶೇಷ. ಇದು ಕನ್ನಡಕ್ಕೆ ಹೊಸದೇನಲ್ಲವಾದರೂ, ಟೈಮೆಕ್ಸ್ ಸಂಸ್ಥೆ ದಿ ವಿಲನ್ ಹೆಸರಿನಲ್ಲೇ ವಾಚ್ ತರುತ್ತಿರುವುದು ಹೊಸದು. ಒನ್ಸ್ ಎಗೇಯ್ನ್, ಇದೂ ಕೂಡಾ ದಾಖಲೆ.

    ಚಿತ್ರದ ಟೀಸರ್‍ನ್ನು ಮುಖ್ಯಮಂತ್ರಿ ಕುಮಾರಸ್ವಾಮಿಯವರೇ ಬಿಡುಗಡೆಗೊಳಿಸಿದ್ದು ವಿಶೇಷ. ಅಂದಹಾಗೆ ದಿ ವಿಲನ್ ಚಿತ್ರತಂಡ, ಮೊದಲು ಶುರು ಮಾಡಿದ್ದು ಕಲಿ ಚಿತ್ರವನ್ನ. ಆ ಚಿತ್ರವನ್ನು ಲಾಂಚ್ ಮಾಡಿದ್ದವರು ಆಗ ಸಿಎಂ ಆಗಿದ್ದ ಸಿದ್ದರಾಮಯ್ಯ. ಅದಾದ ಮೇಲೆ ಕಥೆಯೂ ಬದಲಾಗಿ ದಿ ವಿಲನ್ ಸಿದ್ಧವಾಯ್ತು. ಈ ಚಿತ್ರದ ಟೀಸರ್ ರಿಲೀಸ್ ಮಾಡಿದ್ದು ಈಗಿನ ಸಿಎಂ ಕುಮಾರಸ್ವಾಮಿ. ಒನ್ ಮೋರ್ ಸ್ಪೆಷಲ್.

    ಇನ್ನು ಚಿತ್ರದ ಎರಡೂ ಟೀಸರ್‍ಗಳು, ದಾಖಲೆ ಪ್ರಮಾಣದಲ್ಲಿ ಹಿಟ್ಸ್ ಪಡೆಯತ್ತಿರುವುದು ವಿಶೇಷ. ಕನ್ನಡ ಚಿತ್ರದ ಟೀಸರ್‍ವೊಂದು, ಬಿಡುಗಡೆ ದಿನವೇ ಟ್ವಿಟರ್‍ನಲ್ಲಿ ಟ್ರೆಂಡ್ ಆಗಿದ್ದು ಕೂಡಾ ದಿ ವಿಲನ್ ಸೃಷ್ಟಿಸಿದ ದಾಖಲೆಯೇ..

#

The Terrorist Movie Gallery

Thayige Thakka Maga Movie Gallery