` pratham, - chitraloka.com | Kannada Movie News, Reviews | Image

pratham,

  • ಬಿಗ್‍ಬಾಸ್ ವಿನ್ನರ್ ಪ್ರಥಮ್‍ನ ಬಿಲ್ಡಪ್

    big boss winner pratham

    ಬಿಗ್‍ಬಾಸ್ ಪ್ರಥಮ್ ಅಂಥಾನೇ ಸದ್ಯಕ್ಕೆ ಫೇಮಸ್ ಆಗಿರೋ   ಪ್ರಥಮ್, ಮತ್ತೊಂದು ಬಿಲ್ಡಪ್ ಕೊಡೋಕೆ ರೆಡಿಯಾಗಿದ್ದಾರೆ. ಬಿಗ್‍ಬಾಸ್ ವಿನ್ನರ್ ಪ್ರಥಮ್ ಅನ್ನೋ ಹೆಸರಿನಲ್ಲೇ ಸಿನಿಮಾ ಮಾಡೋಕೆ ರೆಡಿಯಾಗಿದ್ದಾರೆ. ಚಿತ್ರದ ಟ್ಯಾಗ್‍ಲೈನ್ ಈ ನನ್ನ ಮಗಂದು ಎದೆ ಅತ್ತಿತು ಗುರು.

    ಈ ಚಿತ್ರಕ್ಕೆ ಪ್ರಥಮ್ ಹೀರೋ ಅಷ್ಟೆ ಅಲ್ಲ, ನಿರ್ದೇಶಕನೂ ಆತನೇ.ಚಿತ್ರದ ಕಥೆ ನೀಡಿರುವುದು ಉದ್ಯಮಿ ಉದಯ್ ಮೆಹ್ತಾ ಮತ್ತು ಶ್ರೀಮತಿ ವಾಸವಿ ಮೆಹ್ತಾ. ಆದರೆ, ಹಣ ಹೂಡುತ್ತಿರುವುದು ಅವರಲ್ಲ. 

    ಪ್ರಥಮ್ ಸದ್ಯಕ್ಕೆ ಎಂಎಲ್‍ಎ, ದೇವರಂತಾ ಮನುಷ್ಯ ಚಿತ್ರಗಳಲ್ಲಿ ಬ್ಯುಸಿ. ದೇವರಂತಾ ಮನುಷ್ಯ ಚಿತ್ರದ ಆಡಿಯೋ ರಿಲೀಸ್, ಸೆಪ್ಟೆಂಬರ್ ಮೊದಲ ವಾರಕ್ಕೆ ಫಿಕ್ಸಾಗಿದೆ. ಚಿತ್ರದ ಎರಡನೇ ಟೀಸರ್, ಸೋಮವಾರ ಬಿಡುಗಡೆಯಾಗ್ತಾ ಇದೆ.

    ಅದಕ್ಕೂ ಮುನ್ನ ಅಂದರೆ ಭಾನುವಾರವೇ `ಬಿಲ್ಡಪ್' ಸಿನಿಮಾದ ಫೋಟೋಶೂಟ್ ನಡೆಯಲಿದೆ. ಎಂಎಲ್‍ಎ ಚಿತ್ರಕ್ಕೆ ಸಂಗೀತ ನೀಡಿರುವ ವಿಕ್ರಮ್, ಬಿಲ್ಡಪ್ ಚಿತ್ರಕ್ಕೂ ಸಂಗೀತ ನಿರ್ದೇಶನ ಮಾಡುತ್ತಿದ್ದಾರೆ. ದಕ್ಷಿಣ ಭಾರತ ಚಿತ್ರರಂಗದಲ್ಲಿ ಹೆಸರು ಮಾಡಿರುವ ಖ್ಯಾತ ನಟಿಯೊಬ್ಬರು ಹೀರೋಯಿನ್ ಆಗುವ ನಿರೀಕ್ಷೆಯಿದೆ. ಚಿತ್ರದ ಕಥೆ ಕಂಪ್ಲೀಟ್ ಕಾಮಿಡಿ ಸಬ್ಜೆಕ್ಟ್ ಎಂದಿದ್ದಾರೆ ಪ್ರಥಮ್.

    Related Articles :-

    Pratham's Build Up

  • ಬಿಲ್ಡಪ್ ಕೊಟ್ಟಿದ್ದ ಪ್ರಥಮ್ ಮಾಡಿ ತೋರಿಸಿಬಿಟ್ಟರು

    pratham's build up

    ಬಿಗ್‍ಬಾಸ್ ಪ್ರಥಮ್, ಬಿಲ್ಡಪ್ ಕೊಡೋದ್ರಲ್ಲಿ ಹೆಸರುವಾಸಿ. ಆದರೆ, ಆ ಬಿಲ್ಡಪ್‍ಗಳನ್ನು ಹಾಗೆಯೇ ಬಿಟ್ಟವರೂ ಅಲ್ಲ. ಕೊಟ್ಟ ಬಿಲ್ಡಪ್‍ಗಳಿಗೆ ತಕ್ಕಂತೆ ಮಾಡಿ ತೋರಿಸಿದವರು. ಅವರು ತಮ್ಮ ಹೊಸ ಚಿತ್ರದ ಟೈಟಲ್ ಲಾಂಚ್ ಬಗ್ಗೆಯೂ ಇಂಥದ್ದೇ ಬಿಲ್ಡಪ್ ಕೊಟ್ಟಿದ್ದರು. ಸ್ಯಾಂಡಲ್‍ವುಡ್ ಸ್ಟಾರ್ ನಟರೊಬ್ಬರಿಂದ ತಮ್ಮ ಚಿತ್ರದ ಟೈಟಲ್ ಲಾಂಚ್ ಮಾಡಿಸುವುದಾಗಿ ಹೇಳಿಕೊಂಡಿದ್ದರು. ಆ ಬಿಲ್ಡಪ್‍ನಲ್ಲಿಯೂ ಗೆದ್ದಿದ್ದಾರೆ ಪ್ರಥಮ್.

    ಪ್ರಥಮ್ ಅವರ ಹೊಸ ಚಿತ್ರದ ಟೈಟಲ್ ಲಂಚ್ ಮಾಡಿರುವುದು ಸ್ಯಾಂಡಲ್‍ವುಡ್ ಸ್ಟಾರ್ ಶಿವರಾಜ್ ಕುಮಾರ್. ಚಿತ್ರದ ಹೆಸರೂ ಅದೇ `ಬಿಲ್ಡಪ್'. 

    ತಮ್ಮ ಎಂಎಲ್‍ಎ ಚಿತ್ರಕ್ಕೆ ಸಿದ್ದರಾಮಯ್ಯನವರಿಂದಲೇ ಕ್ಲಾಪ್ ಮಾಡಿಸಿದ್ದ, ಹಾಲಿ ಸಚಿವ ಎಚ್.ಎಂ. ರೇವಣ್ಣನವರಿಂದ ಸಿಎಂ ಪಾತ್ರ ಮಾಡಿಸುತ್ತಿರುವ ಪ್ರಥಮ್, ಬಿಲ್ಡಪ್ ಚಿತ್ರಕ್ಕೆ ನಾಯಕರಷ್ಟೇ ಅಲ್ಲ, ನಿರ್ದೇಶಕರೂ ಹೌದು.

  • ಮುಖ್ಯಮಂತ್ರಿ ಹೆಚ್.ಎಂ.ರೇವಣ್ಣ ಡಬ್ಬಿಂಗ್‍ನಲ್ಲಿ

    hm revanna dubs for mla

    ಪ್ರಸ್ತುತ ಸಿದ್ದರಾಮಯ್ಯ ಸರ್ಕಾರದಲ್ಲಿ ಸಚಿವರಾಗಿರುವ ಹೆಚ್.ಎಂ.ರೇವಣ್ಣ ಪ್ರಥಮ್ ಅವರ ಎಂಎಲ್‍ಎ ಸಿನಿಮಾದಲ್ಲಿ ಮುಖ್ಯಮಂತ್ರಿಯೇ ಆಗಿದ್ದಾರೆ. ಆ ಸಿನಿಮಾದಲ್ಲಿ ಪ್ರಥಮ್ ಅವರದ್ದು ಶಾಸಕ ಮತ್ತು ಸಚಿವರ ಪಾತ್ರ.

    ಸಿನಿಮಾದ ಶೂಟಿಂಗ್ ಮುಗಿಸಿದ್ದ ಹೆಚ್.ಎಂ.ರೇವಣ್ಣ ಚಿತ್ರಕ್ಕೆ ಡಬ್ಬಿಂಗ್‍ನ್ನೂ ಮಾಡಿಕೊಟ್ಟಿದ್ದಾರೆ. ಅದಕ್ಕಾಗಿಯೇ 4 ದಿನ ಬಿಡುವು ಮಾಡಿಕೊಂಡು ಭಾಗವಹಿಸಿದ್ದ ಹೆಚ್.ಎಂ.ರೇವಣ್ಣ ಅವರಿಗೆ ಪ್ರಥಮ್ ಕೃತಜ್ಞತೆ ಸಲ್ಲಿಸಿದರು.

    ನಿಜ ಜೀವನದಲ್ಲಿಯೂ ಹೆಚ್.ಎಂ.ರೇವಣ್ಣ ಮುಖ್ಯಮಂತ್ರಿಯಾಗಲಿ ಎಂದು ಹಾರೈಸಿದರು. ಹಾಲಿ ರಾಜಕೀಯದ ದಾಳಗಳನ್ನು ನೋಡಿರುವ ಅನುಭವಸ್ಥ ರಾಜಕಾರಣಿ ಹೆಚ್.ಎಂ.ರೇವಣ್ಣ, ಪ್ರಥಮ್ ಅವರ ರಿಯಲ್ ಸಿಎಂ ಆಗುವ ಹಾರೈಕೆಯನ್ನು ನಗುನಗುತ್ತಲೇ ನಿರಾಕರಿಸಿ, ತಮಗೆ ಅಂತಹ ಆಸೆಯೇ ಇಲ್ಲ ಎಂದು ಹೇಳಿಕೊಂಡಿದ್ದು ವಿಶೇಷ.

  • ಯಶ್ ಟೀಕಾಕಾರರಿಗೆ ಪ್ರಥಮ್ ಚಾಲೆಂಜ್

    pratham hits back at yash trollers

    ಕಿಚ್ಚ ಸುದೀಪ್ ಮತ್ತು ಯಶ್ ನಡುವೆ ಉತ್ತಮ ಸ್ನೇಹವಿದೆ. ಸುದೀಪ್‍ರ ಫಿಟ್‍ನೆಸ್ ಚಾಲೆಂಜ್‍ಗೆ ಯಶ್ ವಿಡಿಯೋ ಮಾಡಿ ಕಳಿಸಿದ್ದಕ್ಕಿಂತ ದೊಡ್ಡ ಸಾಕ್ಷಿ ಬೇಕಿಲ್ಲ. ಆದರೆ, ಆ ವಿಡಿಯೋದಲ್ಲಿ ಸುದೀಪ್‍ರನ್ನು ಸುದೀಪ್ ಸರ್ ಎನ್ನಬೇಕಿತ್ತು ಎಂದು ಕೆಲವು ಅತಿರೇಕಿ ಅಭಿಮಾನಿಗಳು ರೊಚ್ಚಿಗೆದ್ದುಬಿಟ್ಟಿದ್ದಾರೆ. ಸ್ವತಃ ಸುದೀಪ್, ಯಶ್‍ರನ್ನು ಹಾಗೆಲ್ಲ ಟೀಕಿಸಬೇಡಿ ಎಂದು ಮನವಿ ಮಾಡಿದ್ದರೂ, ಇನ್ನೂ ಕೆಲವರು ಕಂಟಿನ್ಯೂ ಮಾಡ್ತಾನೇ ಇದ್ದಾರೆ. ಅಂತಹವರಿಗೆ ಪ್ರಥಮ್ ಈಗ ಒಂದು ಚಾಲೆಂಜ್ ಹಾಕಿದ್ದಾರೆ.

    ನಿಮಗೆ ಯಶ್‍ರನ್ನು ಕಾಲೆಳೆಯಬೇಕು ಅಂತಿದ್ರೆ, ಒಂದ್ಸಲ ಅವರನ್ನು ತಲೆಯೆತ್ತಿ ನೋಡಿ. ಅವರು ಆಗಲೇ ತುಂಬಾ ಮೇಲಿದ್ದಾರೆ.ಸ್ಸೋ.. ಕೆಳಗೆ ನಿಂತು ಕಲ್ಲೆಸೆಯೋ ಪ್ರಯತ್ನ ಬೇಡ. ಅದು ನಿಮ್ಮ ತಲೆ ಮೇಲೇ ಬೀಳುತ್ತೆ. ಇದು ಪ್ರಥಮ್ ಮಾತು.

    ಅವರನ್ನು ಟೀಕಿಸುವವರು ಮೊದಲು ಅವರು ಏರಿರುವ ಎತ್ತರಕ್ಕೆ ಬೆಳೆಯಲಿ ಎಂದಿದ್ದಾರೆ ಪ್ರಥಮ್.

    Related Articles :-

    ಅಭಿಮಾನಿಗಳ ಅತಿರೇಕ - ಸುದೀಪ್ ಬುದ್ದಿವಾದ

     

  • ರಾಜ್ಯೋತ್ಸವಕ್ಕೆ ಪ್ರಥಮ್ ಹೊಸ ಚಿತ್ರದ ಟೈಟಲ್ ಲಾಂಚ್

    pratham's new movie title launch

    ಬಿಗ್‍ಬಾಸ್ ಪ್ರಥಮ್, ಒಳ್ಳೆ ಹುಡ್ಗ ಪ್ರಥಮ್ ಅವರ ಹೊಸ ಚಿತ್ರದ ಟೈಟಲ್ ನಾಳೆ ಲಾಂಚ್ ಆಗಲಿದೆ. ಕನ್ನಡದ ಪ್ರಖ್ಯಾತ ನಟರೊಬ್ಬರು ಚಿತ್ರದ ಟೈಟಲ್ ಲಾಂಚ್ ಮಾಡಲಿದ್ದಾರೆ. ಇದರ ಜೊತೆಗೆ ಚಿತ್ರರಂಗದ ಹಲವಾರು ಖ್ಯಾತ ನಿರ್ಮಾಪಕರು ಟೈಟಲ್ ಲಾಂಚ್‍ಗೆ ಸಾಕ್ಷಿಯಾಗಲಿದ್ದಾರೆ. ನಾಳೆ ಸಂಜೆ 7 ಗಂಟೆಗೆ ರಾಜ್ಯೋತ್ಸವದ ಪ್ರಯುಕ್ತ ಸಿನಿಮಾದ ಟೈಟಲ್ ಲಾಂಚ್ ಆಗಲಿದ್ದು, ನವೆಂಬರ್‍ನಲ್ಲೇ ಚಿತ್ರದ ಚಿತ್ರೀಕರಣ ಶುರುವಾಗಲಿದೆ.

    ಪ್ರಥಮ್ ಬಿಲ್ಡಪ್ ಕೊಡೋದ್ರಲ್ಲಿ ಫೇಮಸ್. ತಮ್ಮ ಈ ಹಿಂದಿನ ಚಿತ್ರಗಳಿಗೆ ಸಿಎಂ ಸಿದ್ದರಾಮಯ್ಯನವರನ್ನೇ ಕರೆಸಿದ್ದ, ಯಡಿಯೂರಪ್ಪ ಭಾಗಿಯಾಗುವಂತೆ ಮಾಡಿದ್ದ ಹಾಗೂ ಹೆಚ್.ಎಂ. ರೇವಣ್ಣನವರನ್ನೆ ತಮ್ಮ ಚಿತ್ರದಲ್ಲಿ ಸಿಎಂ ಪಾತ್ರದಲ್ಲಿ ನಟಿಸುವಂತೆ ಒಪ್ಪಿಸಿ ಗೆದ್ದಿರುವ ಪ್ರಥಮ್, ಈ ಚಿತ್ರದಲ್ಲಿ ಏನೇನು ಬಿಲ್ಡಪ್ ಕೊಡಲಿದ್ದಾರೋ.. ನೋಡಬೇಕು.

  • ವಿವಾದಿತ ಸ್ಟಾರ್ ಪ್ರಥಮ್ ಸ್ಟೋರಿಗೆ ಟ್ವಿಸ್ಟ್ - ಈಗ ಭುವನ್ ವಿರುದ್ಧ ಪ್ರಥಮ್ ಕಂಪ್ಲೇಂಟ್ 

    pratham files complaint aganist bhuvan

    ಸಹನಟ ಭುವನ್​ ತೊಡೆಗೆ ಕಚ್ಚಿ, ಗಾಯಗೊಳಿಸಿದ್ದ ಪ್ರಥಮ್, ಈಗ ಭುವನ್ ವಿರುದ್ಧ ತಮ್ಮ ಮೇಲೆ ಹಲ್ಲೆ ನಡೆಸಿದ ಎಂಬ ಆರೋಪ ಮಾಡಿ ದೂರು ಕೊಟ್ಟಿದ್ದಾರೆ. ಶನಿವಾರ ಸಂಜೆ 4.30ರ ವೇಳೆಯಲ್ಲಿ ಭುವನ್ ಪ್ರಥಮ್ ಮೇಲೆ ಹಲ್ಲೆ ನಡೆಸಿದ್ದಾರಂತೆ. ದೂರಿನ ಪ್ರಕಾರ, ಭುವನ್ ಪ್ರಥಮ್​ಗೆ ‘‘ಲೇ ಪ್ರಥಮ್ ಇವತ್ತು ನನಗೆ ಸಂಜು ಮತ್ತು ನಾನು ಧಾರಾವಾಹಿಯಲ್ಲಿ ಕೊನೆ ದಿನ. ಆದರೆ, ನಿನಗೆ ಇವತ್ತೇ ಕೊನೆ ದಿನ’’ ಎಂದು ಹೇಳಿ ಹಿಗ್ಗಾಮುಗ್ಗಾ ಹೊಡೆದರಂತೆ. ಕುತ್ತಿಗೆ, ಬೆನ್ನಿಗೆಲ್ಲ ಗಾಯವಾಯಿತಂತೆ. ಆಗ ಧಾರಾವಾಹಿ ತಂಡದಲ್ಲಿದ್ದ ಕೆಲವರೇ ನನ್ನನ್ನು ಭುವನ್​ನಿಂದ ರಕ್ಷಿಸಿದರು ಎಂದು ದೂರಿದ್ದಾರೆ ಪ್ರಥಮ್. 

    ಘಟನೆ ನಡೆದ ಮೇಲೆ ಊರಿಗೆ ಹೋಗಿದ್ದ ಪ್ರಥಮ್​ಗೆ ವಿಷಯ ಗೊತ್ತಾಗಿದ್ದು ಮಾಧ್ಯಮಗಳ ಮೂಲಕ ಅಂತೆ. ಅದೂವರೆಗೆ ಪ್ರಥಮ್ ತನ್ನ ವಿರುದ್ಧ ದೂರು ನೀಡಿದ್ದಾರೆ ಎಂದೇ ಗೊತ್ತಿರಲಿಲ್ಲ. ಗೊತ್ತಾದ ಮೇಲೆ ಜಾಮೀನು ಪಡೆದು, ನಂತರ ಚಿಕಿತ್ಸೆ ಪಡೆದು ಈಗ ದೂರು ಕೊಡುತ್ತಿದ್ದೇನೆ ಎಂದು ಹೇಳಿಕೊಂಡಿದ್ದಾರೆ. 

    ಅಂದಹಾಗೆ ಪ್ರಥಮ್, ಭುವನ್ ವಿರುದ್ಧ ದೂರು ದಾಖಲಿಸಿರುವುದು ನಿನ್ನೆ ಅಂದ್ರೆ ಜುಲೈ 24ರ ರಾತ್ರಿ 11.30ರ ವೇಳೆಯಲ್ಲಿ.

    Related Articles :-

    ಕಚ್ಚಿಂಗ್ ಸ್ಟಾರ್ ಪ್ರಥಮ್ ಹುಚ್ಚಾಟ - ಆತ ‘ಪ್ರೀತ್ಸೆ’ ಚಿತ್ರದ ಉಪೇಂದ್ರನಾ..?

    ಸೈಕೋ ಪ್ರಥಮ್​ಗೆ ಶಿಕ್ಷೆಯಾಗಲಿ ಎಂದರು ಹರ್ಷಿಕಾ ಪೂಣಚ್ಚ

    Is Pratham The New Venkat?

    ಬಿಗ್​ಬಾಸ್ ಪ್ರಥಮ್​ಗೆ ಷರತ್ತುಬದ್ಧ ಜಾಮೀನು - ನ್ಯಾಯಾಧೀಶರಿಂದ ಬುದ್ಧಿವಾದ

    ತೊಡೆ ಕಚ್ಚಿದ ಪ್ರಥಮ್ ನ್ಯಾಯಾಲಯಕ್ಕೆ ಶರಣು

    ಪೊಲೀಸರಿಗೂ ಸಿಕ್ಕದೆ ಬಿಗ್​ಬಾಸ್ ಪ್ರಥಮ್ ನಾಪತ್ತೆ - ಪ್ರಥಮ್ ವಿರುದ್ಧ ದೂರುಗಳು.. ಅಬ್ಬಬ್ಬಾ..!!!

    Udaya Mehta Not Producimg Pratham Movie 

    ಬಿಗ್ ಬಾಸ್ ಪ್ರಥಮ್ ಮತ್ತೊಮ್ಮೆ ಕಿರಿಕ್ - ಈ ಬಾರಿ ಗೆಳೆಯನ ತೊಡೆಯನ್ನೇ ಕಚ್ಚಿದ

  • ಶಂಕರ್ ಅಶ್ವತ್ಥ್‍ಗೆ ಪ್ರಥಮ್ ನೆರವು

    pratham helps ks ashwath's son

    ಹಿರಿಯ ಕಲಾವಿದ ಕೆ.ಎಸ್.ಅಶ್ವತ್ಥ್ ಅವರ ಪುತ್ರ ಶಂಕರ್ ಅಶ್ವತ್ಥ್ ಕ್ಯಾಬ್ ಓಡಿಸುತ್ತಿರುವ ಸುದ್ದಿ ಗೊತ್ತಾಗಿದ್ದೇ ತಡ, ಹಲವರು ಶಂಕರ್ ಅಶ್ವತ್ಥ್ ನೆರವಿಗೆ ಧಾವಿಸಿದ್ದಾರೆ. ಪ್ರಥಮ್ ಅಭಿನಯದ ಬಿಲ್ಡಪ್ ಚಿತ್ರದಲ್ಲೊಂದು ಅವಕಾಶ ಕೊಟ್ಟಿದ್ದಾರೆ. 

    ಶಂಕರ್ ಅಶ್ವತ್ಥ್ ಅವರ ಮನೆಗೆ ಭೇಟಿ ಕೊಟ್ಟ ಪ್ರಥಮ್, ತಮ್ಮ ಬಿಲ್ಡಪ್ ಚಿತ್ರದಲ್ಲಿ ಪಾತ್ರವೊಂದರಲ್ಲಿ ನಟಿಸಲು ಆಹ್ವಾನ ನೀಡಿದ್ದಾರೆ. ಅದು ಶಂಕರ್ ಅಶ್ವತ್ಥ್ ಅವರಿಗೆ ಸೂಕ್ತವಾದ ಪಾತ್ರವಿದೆ ಎಂದು ಹೇಳಿರುವ ಪ್ರಥಮ್, ಅಡ್ವಾನ್ಸ್ ಚೆಕ್‍ನ್ನೂ ನೀಡಿದ್ದಾರೆ.

    ನಾನು ಶಂಕರ್ ಸರ್‍ಗೆ ನೆರವು ನೀಡಲು ಬಂದಿಲ್ಲ. ಅವರ ಸ್ವಾಭಿಮಾನದ ಬದುಕಿನ ಬಗ್ಗೆ ನನಗೆ ಗೌರವವಿದೆ. ನಾನು ನನ್ನ ಚಿತ್ರಕ್ಕೆ ಡೇಟ್ಸ್ ಕೇಳಲು ಬಂದಿದ್ದೇನೆ. ಶಂಕರ್ ಅಶ್ವತ್ಥ್ ಅವರು ಒಪ್ಪಿಕೊಂಡಿದ್ದಾರೆ. ಇದು ನಾನು ಅವರಿಗೆ ನೀಡುತ್ತಿರುವ ಸಹಾಯ ಅಲ್ಲ ಎಂದರು ಪ್ರಥಮ್.

    ಸ್ವಾಭಿಮಾನಿ ಕಲಾವಿದನ ಬಗ್ಗೆ ನೆರವು ನೀಡುವಾಗ ಪ್ರಥಮ್ ತೋರಿಸಿದ ಕಾಳಜಿ ಮೆಚ್ಚುವಂಥದ್ದೇ.

  • ಸೈಕೋ ಪ್ರಥಮ್​ಗೆ ಶಿಕ್ಷೆಯಾಗಲಿ ಎಂದರು ಹರ್ಷಿಕಾ ಪೂಣಚ್ಚ

    harishka poonacha reacteion

    ಈ ರೀತಿ ಕಚ್ಚುವವರು ಮನುಷ್ಯರಾ..? ಇವನು ಸೈಕೋಪಾತ್​ ಇರಬೇಕು. ಇವನಿಗೆ ಸರಿಯಾದ ಶಿಕ್ಷೆಯಾಗಲಿ. ಹೀಗೆಂದು ಪ್ರಥಮ್​ ಬಗ್ಗೆ ಹೇಳಿರೋದು ಹರ್ಷಿಕಾ ಪೂಣಚ್ಚ. ಪ್ರಥಮ್ ಕಚ್ಚಾಟ, ಹುಚ್ಚಾಟ ಎಲ್ಲರನ್ನೂ ರೇಗಿಸಿಬಿಟ್ಟಿದೆ. 

    ಇದು ಕೇವಲ ಹರ್ಷಿಕಾ ಪೂಣಚ್ಚ ಒಬ್ಬರ ಧ್ವನಿಯಲ್ಲ. ಬಿಗ್​ಬಾಸ್​ನಲ್ಲಿ ಪ್ರಥಮ್ ಜೊತೆಗೇ ಇದ್ದ ನಿರ್ದೇಶಕ ಓಂ ಪ್ರಕಾಶ್ ರಾವ್ ಕೂಡಾ ಇದೇ ಮಾತು ಹೇಳಿದ್ದಾರೆ. ಅವನೊಬ್ಬ ಡ್ರಾಮಾ ಕಿಂಗ್ ಎಂದಿದ್ದಾರೆ. ಭುವನ್ ಮತ್ತು ಸಂಜನಾ ಕೂಡಾ ಅಷ್ಟೆ. ಇಷ್ಟು ಅಸಹ್ಯವಾಗಿ ಕಿತ್ತಾಡಿಕೊಂಡಿರುವ ಇವರಿಗೆ ಸರಿಯಾದ ಮಾನಸಿಕ ಚಿಕಿತ್ಸೆ ಕೊಡಿಸಬೇಕು ಎಂದಿದ್ದಾರೆ. 

    ಇನ್ನುಳಿದಂತೆ ಬಿಗ್​​ಬಾಸ್​ನಲ್ಲಿದ್ದ ಹಲವು ಸ್ಪರ್ಧಿಗಳು, ಪ್ರಥಮ್​ನ ಹುಚ್ಚಾಟಕ್ಕೆ ನೋ ಕಮೆಂಟ್ಸ್ ಎನ್ನುತ್ತಾ, ಇಡೀ ವಿವಾದದಿಂದ ದೂರವೇ ಉಳಿಯುತ್ತಿದ್ದಾರೆ. ಪ್ರಥಮ್ ಬಗ್ಗೆ ಮಾತನಾಡೋಕೂ ಇಷ್ಟವಿಲ್ಲ ಎನ್ನುತ್ತಿದ್ದಾರೆ.

    Related Articles :-

    Is Pratham The New Venkat?

    ಬಿಗ್​ಬಾಸ್ ಪ್ರಥಮ್​ಗೆ ಷರತ್ತುಬದ್ಧ ಜಾಮೀನು - ನ್ಯಾಯಾಧೀಶರಿಂದ ಬುದ್ಧಿವಾದ

    ತೊಡೆ ಕಚ್ಚಿದ ಪ್ರಥಮ್ ನ್ಯಾಯಾಲಯಕ್ಕೆ ಶರಣು

    ಪೊಲೀಸರಿಗೂ ಸಿಕ್ಕದೆ ಬಿಗ್​ಬಾಸ್ ಪ್ರಥಮ್ ನಾಪತ್ತೆ - ಪ್ರಥಮ್ ವಿರುದ್ಧ ದೂರುಗಳು.. ಅಬ್ಬಬ್ಬಾ..!!!

    Udaya Mehta Not Producimg Pratham Movie 

    ಬಿಗ್ ಬಾಸ್ ಪ್ರಥಮ್ ಮತ್ತೊಮ್ಮೆ ಕಿರಿಕ್ - ಈ ಬಾರಿ ಗೆಳೆಯನ ತೊಡೆಯನ್ನೇ ಕಚ್ಚಿದ

  • ಸ್ಪರ್ಶ ರೇಖಾ ಪ್ರಥಮ್‍ಗೆ ವಿಲನ್..!

    sparsha rekha in negative shade

    ಎಂಎಲ್‍ಎ, ಪ್ರಥಮ್ ಅಭಿನಯಿಸಿರುವ ಸಿನಿಮಾ. ಸೆನ್ಸಾರ್ ಕೂಡಾ ಆಗಿ ತೆರೆಗೆ ಬರಲು ಚಿತ್ರದಲ್ಲಿ ಪೊಲಿಟಿಕಲ್ ಸ್ಟೋರಿಯಿದೆ. ಪ್ರಥಮ್, ರಾಜಕಾರಣಿಯಾಗಿ, ಶಾಸಕರಾಗಿ, ಮಂತ್ರಿಯಾಗಿ ನಟಿಸಿದ್ದಾರೆ. ಮಾಜಿ ಸಚಿವ ಎಚ್.ಎಂ.ರೇವಣ್ಣ, ಈ ಸಿನಿಮಾದಲ್ಲಿ ಸಿಎಂ ಆಗಿದ್ದಾರೆ. ಈ ಚಿತ್ರದಲ್ಲಿ ಸ್ಪರ್ಶ ರೇಖಾ, ವಿಲನ್ ಆಗಿ ನಟಿಸಿದ್ದಾರಂತೆ.

    ವಿಲನ್ ಎಂದರೆ ವಿಲನ್ ಅಲ್ಲ, ನೆಗೆಟಿವ್ ಶೇಡ್ ಇರುವ ರಾಜಕಾರಣಿಯ ಪಾತ್ರ ಎಂದಿದ್ದಾರೆ ರೇಖಾ. ರೇಖಾ ಎಂದರೆ ಸ್ಪರ್ಶ, ಮೆಜೆಸ್ಟಿಕ್ ಚಿತ್ರಗಳು ನೆನಪಾಗುತ್ತವೆ. ಆ ಚಿತ್ರಗಳ ಮೂಲಕ ಕನ್ನಡದಲ್ಲಿ ಇಬ್ಬರು ಸ್ಟಾರ್‍ಗಳು  ಉದಯವಾಗಿದ್ದರು. ಈಗ ಪ್ರಥಮ್ ಚಿತ್ರದಲ್ಲಿ ರೇಖಾ ವಿಲನ್ ಆಗಿ ನಟಿಸುತ್ತಿರುವುದು,ಪ್ರಥಮ್‍ಗೆ ಅದೃಷ್ಟ ತರುತ್ತಾ..? 

  • ಹುಟ್ಟಿದೂರಿನಲ್ಲಿ ಪ್ರಥಮ್ ದೇವರ ಸೇವೆ

    pratham helps build temple in kollegala

    ಬಿಗ್‍ಬಾಸ್‍ನಿಂದಲೇ ಖ್ಯಾತಿಗೆ ಬಂದ ಪ್ರಥಮ್, ಬಿಗ್‍ಬಾಸ್‍ನಲ್ಲಿ ಗೆದ್ದ ಬಹುಮಾನದ ಹಣವನ್ನು ಸಮಾಜಸೇವೆ ಕೆಲಸಗಳಿಗೆ ಬಳಸಿದ್ದು, ಪ್ರಧಾನಿಯವರ ಪರಿಹಾರ ನಿಧಿಗೆ ನೀಡಿದ್ದು ಗೊತ್ತಿರುವ ವಿಚಾರವೇ.

    ಪ್ರಥಮ್ ಅವರ ಊರು ಕೊಳ್ಳೇಗಾಲ ತಾಲೂಕಿನ ಹಲಗಾಪುರ. ಆ ಊರಿನಲ್ಲಿಯೂ ಎಲ್ಲ ಊರುಗಳ ಹಾಗೆ ಜನರೆಲ್ಲ ಜಾತಿಬೇಧವಿಲ್ಲದೆ ಬದುಕುತ್ತಿದ್ದಾರೆ. ಲಿಂಗಾಯತರು, ಕುರುಬರು, ದಲಿತರು ಹೆಚ್ಚಿರುವ ಊರಿನಲ್ಲಿ ಸಾಮರಸ್ಯ ನೆಲೆಸಿದೆ.

    ಆ ಊರಿನಲ್ಲಿ ಊರ ಜನರೆಲ್ಲ ಸೇರಿ, ಶಿವಲಂಕಾರೇಶ್ವರ ದೇವಸ್ಥಾನ ಕಟ್ಟಿಸುತ್ತಿದ್ದಾರೆ. ಆ ದೇವಸ್ಥಾನಕ್ಕೆ ಮೊದಲು 50 ಸಾವಿರ ರೂ. ದೇಣಿಗೆ ನೀಡಿದ್ದ ಪ್ರಥಮ್, ನಂತರ ಮತ್ತೆ ಒಂದು ಲಕ್ಷ ಹಣ ಕೊಟ್ಟಿದ್ದಾರೆ. ನವೆಂಬರ್‍ನಲ್ಲಿ ದೇವಸ್ಥಾನ ಉದ್ಘಾಟಿಸುವ ಯೋಜನೆಯಿದೆ. ಸಾಧ್ಯವಾದರೆ, ಆ ಉದ್ಘಾಟನೆಗೆ ಯಡಿಯೂರಪ್ಪನವರನ್ನೇ ಕರೆಸಬೇಕು ಅನ್ನೋದು ಊರವರ ಬಯಕೆ. 

    ಒಟ್ಟಿನಲ್ಲಿ ಇದುವರೆಗೆ ಹುತಾತ್ಮ ಯೋಧರ ಕುಟುಂಬ, ಊರಿನಲ್ಲಿ ದೇವಸ್ಥಾನ, ಅನಾಥ ಮಕ್ಕಳಿಗೆ ನೆರವು, ಪ್ರಧಾನಮಂತ್ರಿ ಪರಿಹಾರ ನಿಧಿ ಸೇರಿದಂತೆ ಬಿಗ್‍ಬಾಸ್ ಬಹುಮಾನದ ಹಣದಲ್ಲಿ 20 ಲಕ್ಷವನ್ನು ವಿತರಿಸಿ ಆಗಿದೆ.  ಉಳಿದಿರುವ ಹಣವನ್ನೂ ಸಮಾಜ ಸೇವೆ ಕೆಲಸಗಳಿಗೆ ಬಳಸೋದಾಗಿ ಹೇಳಿಕೊಂಡಿದ್ದಾರೆ.

  • ‘MLA’ ಬಿಗ್​ಬಾಸ್ ಪ್ರಥಮ್​ಗೆ ಸಿಎಂ ಆಶೀರ್ವಾದ

    mla launch image

    ಬಿಗ್ ಬಾಸ್ ಪ್ರಥಮ್ ಈಗ 'ಎಂಎಲ್ಎ' ಆಗಲಿದ್ದಾರೆ. ಏನಪ್ಪಾ ಇದು, ಪ್ರಥಮ್ ಯಾವಾಗ ಎಂಎಲ್​ಎ ಆದ್ರು ಅಂತಾ ಕನ್​ಫ್ಯೂಸ್ ಆಗ್ಬೇಡಿ. ಅದು ಬಿಗ್​ಬಾಸ್ ಖ್ಯಾತಿಯ ಪ್ರಥಮ್ ಅಭಿನಯಿಸ್ತಾ ಇರೋ ಚಿತ್ರದ ಹೆಸರು. 

    ಈ ರೀಲ್ ಎಂಎಲ್​ಎ ಚಿತ್ರದ ಮುಹೂರ್ತಕ್ಕೆ ಕ್ಲಾಪ್ ಮಾಡಿರುವುದು ಸಿಎಂ ಸಿದ್ದರಾಮಯ್ಯ. ಕಂಠೀರವ ಸ್ಟುಡಿಯೊದಲ್ಲಿ ನಡೆದ ಎಂಎಲ್​ಎ ಚಿತ್ರದ ಮುಹೂರ್ತಕ್ಕೆ ಖುದ್ದು ಸಿಎಂ ಸಿದ್ದರಾಮಯ್ಯನವರೇ ಆಗಮಿಸಿ ಶುಭ ಹಾರೈಸಿದ್ದೇ ವಿಶೇಷ.

    ಹಾಲಿ ಮುಖ್ಯಮಂತ್ರಿಯ ಆಶೀರ್ವಾದ ಬಲದೊಂದಿಗೆ ತೆರೆಗೆ ಬರುತ್ತಿರುವ ಚಿತ್ರದ ನಿರ್ದೇಶಕ ಮಂಜು ಮೌರ್ಯ. ನಿಜವಾದ ರಾಜಕಾರಣಿ ಹೇಗಿರಬೇಕು ಅನ್ನೋದನ್ನ ಸಿನಿಮಾದಲ್ಲಿ ಸಿಕ್ಕಾಪಟ್ಟೆ ತಮಾಷೆಯಾಗಿ ಹೇಳ್ತಾರಂತೆ. ಹಾಗೆಂದು ರಾಜಕೀಯ ವಿಡಂಬನೆಯ ಚಿತ್ರವೂ ಇದಲ್ಲವಂತೆ. 

    ತ್ರಿವೇಣಿ ಎಂಟರ್ ಪ್ರೈಸಸ್ ಬ್ಯಾನರ್​ನಲ್ಲಿ ನಿರ್ಮಾಣವಾಗುತ್ತಿರುವ 'ಎಂಎಲ್ಎ' ಚಿತ್ರಕ್ಕೆ ಸೋನಲ್ ಅನ್ನೋ ನಟಿ ಹೀರೋಯಿನ್

Padarasa Movie Gallery

Kumari 21 Movie Gallery