` pratham, - chitraloka.com | Kannada Movie News, Reviews | Image

pratham,

  • ಎಂಎಲ್‍ಎಯ ಮೂಲದಲ್ಲಿರೋದು ರಾಮಕೃಷ್ಣ ಪರಮಹಂಸರ ಕಥೆ

    mla story based on ramakrishna parmahamsa

    ಎಂಎಲ್‍ಎ. ಪ್ರಥಮ್ ಅಭಿನಯದ ಸಿನಿಮಾ ರಿಲೀಸ್‍ಗೆ ರೆಡಿಯಾಗಿದೆ. ಇದೇ ವಾರ ತೆರೆಗೆ ಬರುತ್ತಿರೋ ಚಿತ್ರದ ಮೂಲ ಕಥೆಗಾರರು ರಾಮಕೃಷ್ಣ ಪರಮಹಂಸ. ಆಸೆ ಇದ್ದರೆ ಮನುಷ್ಯ ಏನಾಗುತ್ತಾನೆ ಅನ್ನೋ ಪರಮಹಂಸರ ಕಥೆಯನ್ನಿಟ್ಟುಕೊಂಡೇ ಸಿನಿಮಾ ಮಾಡಲಾಗಿದೆ. ಅಷ್ಟಕ್ಕೂ ಎಂಎಲ್‍ಎ ಅಂದ್ರೆ `ಮದರ್ ಪ್ರಾಮಿಸ್ ಲೆಕ್ಕಕ್ಕಿಲ್ಲದ ಆಸಾಮಿ' ಎಂದು ಅರ್ಥ ಇದೆಯಂತೆ.

    ತಮಾಷೆಯಾಗಿಯೇ ಸಾಗುವ ಕಥೆ ಹೋಗ್ತಾ ಹೋಗ್ತಾ ಸೀರಿಯಸ್ ಕೂಡಾ ಆಗುತ್ತೆ. ಸಿಎಂ ಆಗಿ ಮಾಜಿ ಸಚಿವ ಎಚ್.ಎಂ.ರೇವಣ್ಣ ನಟಿಸಿದ್ದರೆ, ನೆಗೆಟಿವ್ ಶೇಡ್‍ನಲ್ಲಿ ಕಾಣಿಸಿಕೊಂಡಿರೋದು ಸ್ಪರ್ಶ ರೇಖಾ.

    ಮೌರ್ಯ ನಿರ್ದೇಶನದ ಚಿತ್ರಕ್ಕೆ ವೆಂಕಟೇಶ್ ರೆಡ್ಡಿ ನಿರ್ಮಾಪಕರು. ಸೋನಾಲ್ ನಾಯಕಿ. 

  • ಒಳ್ಳೆ ಹುಡುಗ ಪ್ರಥಮ್ ಹಿಂಗೆಲ್ಲ ಆಡ್ತಾರಾ..?

    ramachandra, pratham image

    ಬಿಗ್ ಬಾಸ್ ಖ್ಯಾತಿಯ ಒಳ್ಳೆ ಹುಡುಗ ಪ್ರಥಮ್ ಮತ್ತೊಮ್ಮೆ ಸುದ್ದಿಯಲ್ಲಿದ್ದಾರೆ. ಈ ಬಾರಿಯೂ ವಿವಾದದ ಮೂಲಕವೇ. ಎಂಎಲ್​ಎ ಚಿತ್ರದ ಸಹನಿರ್ದೇಶಕ ರಾಮಚಂದ್ರ, ಪ್ರಥಮ್ ವಿರುದ್ಧ ಗಂಭೀರ ಆರೋಪ ಮಾಡಿದ್ದಾರೆ. ಫೇಸ್​ಬುಕ್ ಲೈವ್​ನಲ್ಲಿ ಪ್ರತ್ಯಕ್ಷವಾದ ರಾಮಚಂದ್ರ, ಓಂ ಸಾಯಿ ಪ್ರಕಾಶ್ ಅವರ ಬಳಿ 9 ವರ್ಷದಿಂದ ಕೆಲಸ ಮಾಡುತ್ತಿದ್ದ ಸಹ ನಿರ್ದೇಶಕ. ಪ್ರಥಮ್ ಅಭಿನಯದ ಎಂ.ಎಲ್.ಎ ಚಿತ್ರದಲ್ಲಿ ಸಹ ನಿರ್ದೇಶಕರಾಗಿ ಕೆಲಸ ಮಾಡುತ್ತಿದ್ದರು. ಈ ಚಿತ್ರದ ನಿರ್ದೇಶಕ ಮೌರ್ಯ ಮಂಜುನಾಥ್.

    mla_director_assistant_dire.jpgಪ್ರಥಮ್ ಚಿತ್ರೀಕರಣದಲ್ಲಿ ಇಷ್ಟ ಬಂದಂತೆ ಆಡ್ತಾರಂತೆ. ಮೈಸೂರಿನ ಮಾನಸ ಗಂಗೋತ್ರಿಯಲ್ಲಿ ಚಿತ್ರೀಕರಣ ಮಾಡುವಾಗ 8 ಟೇಕ್ ತೆಗೆದುಕೊಂಡೂ ಶಾಟ್ ಮುಗಿಸಲಿಲ್ಲವಂತೆ. ಮಧ್ಯೆ ಮಧ್ಯೆ ಶೂಟಿಂಗ್ ನೋಡಲು ಬಂದಿದ್ದವರ ಜೊತೆ ಸೆಲ್ಫಿ ತೆಗೆದುಕೊಂಡು ಕಾಲ ಕಳೆಯುತ್ತಿದ್ದರಂತೆ. ನಂತರ ನಿರ್ದೇಶಕರು ಕರೆದರೂ ಕೇಳಿಸಿಕೊಳ್ಳದೆ ಶೂಟಿಂಗ್ ಸ್ಪಾಟ್​ನಿಂದ ಎದ್ದು ಹೋದರಂತೆ. ಆಗ, ರಾಮಚಂದ್ರ,  ಪ್ರಥಮ್ ಅವರನ್ನು ಅಕ್ಷರಶಃ ಕೈ ಹಿಡಿದು ಎಳೆದು ತಂದು ಶೂಟಿಂಗ್ ಮಾಡಿಸಿದರಂತೆ. 

    ಆದರೆ, ಅದಾದ ಮೇಲೆ  ಪ್ರಥಮ್  ನನ್ನನ್ನು ಬಾಯಿಗೆ ಬಂದಂತೆ ಬೈದರು. ಕೆಟ್ಟ ಕೆಟ್ಟ ಪದಗಳನ್ನೆಲ್ಲ ಬಳಸಿದರು. ನಟಿ ರೇಖಾ, ಕುರಿ ಪ್ರತಾಪ್ ಮೊದಲಾದವರು ಹೇಳಿದರೂ ಕೇಳದರೆ, ನನ್ನನ್ನು ಅವಮಾನಿಸಿದರು. ಕೊನೆಗೆ ನಾನು ತಂಡದಲ್ಲಿದ್ದರೆ, ಸಿನಿಮಾನೇ ಮಾಡಲ್ಲ ಎಂದು ಹಠ ಹಿಡಿದರು. ಕೊನೆಗೆ ಸಿನಿಮಾಗೆ ಸಮಸ್ಯೆ ಆಗಬಾರದು ಎಂಬ ಕಾರಣಕ್ಕೆ ನಾನೇ ಚಿತ್ರದಿಂದ ಹೊರಬಂದೆ ಎಂದಿದ್ದಾರೆ ರಾಮಚಂದ್ರ. 

    ‘ಪ್ರಥಮ್ ಒಳ್ಳೆ ಹುಡುಗ ಅಲ್ಲ. ಅವನಿಗೆ ಬೇಕಾದ ಚಪ್ಪಲಿ, ಬಟ್ಟೆ ಇಲ್ಲದಿದ್ದರೆ, ಅವನು ನಟಿಸೋದೇ ಇಲ್ಲ. ದಯವಿಟ್ಟು ಅವನಿಂದ ದೂರವಿರಿ ಎಂದಿದ್ದಾರೆ ರಾಮಚಂದ್ರ. ಅಲ್ಲದೆ ನಿರ್ದೇಶಕರು ಕೊಟ್ಟ ಡೈಲಾಗ್ ಹೇಳದೆ ಕಿರಿಕಿರಿ ಮಾಡುತ್ತಾನೆ. ದಯವಿಟ್ಟು ಇವನನ್ನ ಸಿನಿಮಾಗೆ ಹಾಕಿಕೊಳ್ಳಬೇಡಿ ಎಂದು ಹೇಳಿದ್ದಾರೆ ರಾಮಚಂದ್ರ.

    ಇದಕ್ಕೆಲ್ಲ ಪ್ರಥಮ್ ಏನ್ ಹೇಳ್ತಾರೋ..?

  • ಚಿತ್ರಲೋಕ ಹೇಳಿದ್ದನ್ನೇ ಪ್ರಥಮ್ ಹೇಳಿದಾಗ..

    pratham reveals what chitraloka exposed

    ಸಂಜನಾ ಅವರ ಬಿಲ್ಡಪ್ ದರ್ಶನ್ ಹೇಳಿಕೆ ಸಡನ್ನಾಗಿ ಬಂದಿದ್ದೇನೂ ಅಲ್ಲ. ಆ ಹೇಳಿಕೆ ಕೊಡುವಾಗ ಪ್ಲಾನ್ ಹಾಕಿಕೊಂಡೇ ಹೇಳಿದ್ದರು. ಅಂಥಾದ್ದೊಂದು ಸ್ಟೇಟ್‍ಮೆಂಟ್ ಕೊಡುವಾಗ ಅವರಿಗೆ ಅದು ಹೋಗುವ ರೀತಿ, ವಿವಾದವಾಗುವ ಬಗೆ ಎಲ್ಲದರ ಅರಿವೂ ಇತ್ತು. ಕೇವಲ ಸುದ್ದಿಯಲ್ಲಿರುವ ಕಾರಣಕ್ಕಾಗಿ ಸಂಜನಾ ಅಂತಹ ಹೇಳಿಕೆ ಕೊಟ್ಟಿದ್ದರು ಎನ್ನುವುದನ್ನು ಚಿತ್ರಲೋಕ ನಿನ್ನೆಯಷ್ಟೇ ವರದಿ ಮಾಡಿತ್ತು. ಈಗ ಆ ಮಾತಿಗೆ ಪುಷ್ಠಿ ನೀಡುವಂತೆ ಪ್ರಥಮ್ ಕೂಡಾ ಅದೇ ಮಾತು ಹೇಳಿದ್ದಾರೆ. ಅಂದಹಾಗೆ ಪ್ರಥಮ್, ಸಂಜನಾ ಜೊತೆಗೆ ಅದೇ ಶೋನಲ್ಲಿ ಪಾಲ್ಗೊಂಡಿದ್ದ ನಟ.

    ಶೋ ಮುಗಿದ ಮೇಲೆ ಮಾತನಾಡುವಾಗ ನನ್ನ ಎದುರೇ ಒಬ್ಬರು ಸಂಜನಾಗೆ ಹೇಳಿದರು. ಟ್ರಸ್ಟ್ ಮೀ, ಇಟ್ಸ್ ವಿಲ್ ಬಿ ಬಿಗ್ಗೆಸ್ಟ್ ಟ್ರೋಲ್ ಎವರ್ ಎಂದರು. ಆಗ ಸಂಜನಾ ಹಾಗೂ ಅವರ ಜೊತೆಯಲ್ಲಿದ್ದ ಇನ್ನೊಬ್ಬ ಏನು ಹೇಳಿದ ಗೊತ್ತಾ..? ಒಳ್ಳೆಯದೋ.. ಕೆಟ್ಟದ್ದೋ.. ನನಗೆ ಬೇಡ. ಇವಳ ಹೆಸರು ಪಬ್ಲಿಸಿಟಿಯಲ್ಲಿರಬೇಕು. ಇವಳು ದರ್ಶನ್ ಹೆಸರು ಹೇಳಿರೋದ್ರಿಂದ ಒಂದು ವಾರ ಇವಳ ಹೆಸರು ಪಬ್ಲಿಸಿಟಿಯಲ್ಲಿ ಇರುತ್ತಾ..? ಜಸ್ಟ್ ಚಿಲ್ ಎಂದ.

    ಆದರೆ, ಇದರ ಬಗ್ಗೆ ಪ್ರಥಮ್ ಬಳಿ ಏನೂ ಸಾಕ್ಷಿ ಇಲ್ಲವಂತೆ. ನನಗೆ ಹೊಡೆದಾಗಲೇ ಸಾಕ್ಷಿ ಇಟ್ಟುಕೊಳ್ಳದ ದಡ್ಡನಾನು, ಇದಕ್ಕೆಲ್ಲಿಂದ ಸಾಕ್ಷಿ ತರಲಿ ಎಂದಿದ್ದಾರೆ ಪ್ರಥಮ್. ದರ್ಶನ್ ಮೇಲೇಕೆ ಪ್ರೀತಿ ಎಂಬ ಬಗ್ಗೆಯೂ ಪ್ರಥಮ್ ಬರೆದುಕೊಂಡಿದ್ದಾರೆ. ಪ್ರಥಮ್ ಅವರನ್ನು ಪ್ರಥಮ್ ಸರ್ ಎಂದು ಕರೆದ ಮೊದಲ ವ್ಯಕ್ತಿ ದರ್ಶನ್ ಅಂತೆ. ಹಾಗಾಗಿ ದರ್ಶನ್ ಅವರನ್ನು ತುಂಬಾ ಗೌರವಿಸುತ್ತೇನೆ. 

    ಅವರ ಬಗ್ಗೆ ಹಾಗೆ ಹೇಳಿದಾಗ ಸಹಿಸಿಕೊಳ್ಳಲು ಆಗಲಿಲ್ಲ ಎಂದಿದ್ದಾರೆ ಪ್ರಥಮ್.

    Related Articles :-

    ದರ್ಶನ್ ಸರ್, ನನ್ನನ್ನೂ ಕ್ಷಮಿಸಿಬಿಡಿ - ಬಿಗ್‍ಬಾಸ್ ಪ್ರಥಮ್ 

    ದರ್ಶನ್ ಅಭಿಮಾನಿಗಳೇ.. ದಯವಿಟ್ಟು ಕ್ಷಮಿಸಿ - ಸಾರಿ ಕೇಳಿದ ಸಂಜನಾ 

    ‘ದರ್ಶನ್ ಬಿಲ್ಡಪ್’ ಸಂಜನಾ ಹೇಳಿಕೆ ಹಿಂದಿನ ಕಾರಣವೇ ಬಿಲ್ಡಪ್ - EXCLUSIVE

    ದರ್ಶನ್ ಅಂದ್ರೆ ಬಿಲ್ಡಪ್ - ಬಿಗ್ಬಾಸ್ ಸಂಜನಾಗೆ ದರ್ಶನ್ ಅಭಿಮಾನಿಗಳಿಂದ ಟ್ರೋಲ್

  • ತಿಮಿಂಗಿಲ ಪ್ರಥಮ್

    pratham as corrupt police officer

    ಒಳ್ಳೆಯ ಹುಡುಗ ಪ್ರಥಮ್, ನಟಭಯಂಕರ ಪ್ರಥಮ್ ಈಗ ತಿಮಿಂಗಿಲವಾಗುತ್ತಿದ್ದಾರೆ. ತಿಮಿಂಗಿಲ ಪ್ರಥಮ್ ಅವರ ಹೊಸ ಚಿತ್ರದ ಹೆಸರು. ಅದು ಪರಮ ಭ್ರಷ್ಟಪೊಲೀಸ್ ಅಧಿಕಾರಿಯ ಕಥೆಯಂತೆ.

    ಅಂತಹ ಭ್ರಷ್ಟಾತಿಭ್ರಷ್ಟ ತಿಮಿಂಗಿಲ ಪೊಲೀಸ್ ಅಧಿಕಾರಿಯಾಗಿ ನಟಿಸುತ್ತಿರುವುದು ಪ್ರಥಮ್. ಇಮೇಜಿನ ಹಂಗನ್ನೇ ಇಟ್ಟುಕೊಳ್ಳದ ಪ್ರಥಮ್, ಭ್ರಷ್ಟನಾಗಿ ನಟಿಸುತ್ತಿದ್ದಾರೆ. ಜೊತೆಯಾಗಿರುವುದು ಈ ಬಾರಿ ಸಾಧುಕೋಕಿಲ. ಒಂದೇ ದಿನ ಹುಟ್ಟಿ, ಒಂದೇ ಕಡೆ ಬೆಳೆಯುವ ಇಬ್ಬರೂ ಒಂದೇ ದಿನ ಪರೀಕ್ಷೆ ಬರೆಯುತ್ತಾರೆ. ಆದರೆ, ಪ್ರಥಮ್, ಸಾಧುಗಿಂತ ಒಂದೇ ಒಂದು ಅಂಕ ಜಾಸ್ತಿ ಪಡೆದು ಇನ್ಸ್ ಪೆಕ್ಟರ್ ಆದರೆ, ಸಾಧು ಪೊಲೀಸ್ ಆಗುತ್ತಾರೆ. ಇವರಿಬ್ಬರ ಮಧ್ಯೆ ನಡೆಯುವ ತಮಾಷೆ ಪ್ರಸಂಗಗಳೇ ಚಿತ್ರದ ಕಥೆ.

    ಅವಿನಾಶ್ ಎಂಬುವರು ನಿರ್ದೇಶಿಸುತ್ತಿರುವ ಚಿತ್ರ ಜುಲೈನಲ್ಲಿ ಸೆಟ್ಟೇರಲಿದೆ.

  • ತೊಡೆ ಕಚ್ಚಿದ ಪ್ರಥಮ್ ನ್ಯಾಯಾಲಯಕ್ಕೆ ಶರಣು

    pratham image

    ನಿನ್ನೆಯಿಂದ ನಾಪತ್ತೆಯಾಗಿದ್ದ ಬಿಗ್​​ಬಾಸ್​ ಪ್ರಥಮ್ ನ್ಯಾಯಾಲಯಕ್ಕೆ ಶರಣಾಗಿದ್ದಾರೆ. ಬೆಂಗಳೂರಿನ 2ನೇ ಎಸಿಜೆಎಂ ಕೋರ್ಟ್​ಗೆ ತೆರಳಿ ಶರಣಾಗಿದ್ದಾರೆ. ಸಹನಟ ಭುವನ್ ತೊಡೆ ಕಚ್ಚಿದ್ದಕ್ಕೆ ಪ್ರಥಮ್ ಮೇಲೆ ದೂರು ನೀಡಲಾಗಿತ್ತಷ್ಟೇ ಅಲ್ಲ, ಎಫ್​ಐಆರ್ ಕೂಡಾ ದಾಖಲಾಗಿತ್ತು. ರಾತ್ರಿಯಿಂದಲೂ ಪೊಲೀಸರಿಗೆ ಸಿಗದೆ ಓಡಾಡಿಕೊಂಡಿದ್ದ ಪ್ರಥಮ್, ಕುಕ್ಕೆ ಸುಬ್ರಹ್ಮಣ್ಯದಲ್ಲಿರೋದಾಗಿ ಪೊಲೀಸರಿಗೆ ತಿಳಿಸಿದ್ದ. 

    ಈಗ ನೇರವಾಗಿ ನ್ಯಾಯಾಲಯಕ್ಕೇ ಶರಣಾಗಿರುವ ಪ್ರಥಮ್, ನಿರೀಕ್ಷಣಾ ಜಾಮೀನಿಗಾಗಿ ಅರ್ಜಿ ಸಲ್ಲಿಸಿದ್ದಾರೆ.

    Related Articles :-

    ಪೊಲೀಸರಿಗೂ ಸಿಕ್ಕದೆ ಬಿಗ್​ಬಾಸ್ ಪ್ರಥಮ್ ನಾಪತ್ತೆ - ಪ್ರಥಮ್ ವಿರುದ್ಧ ದೂರುಗಳು.. ಅಬ್ಬಬ್ಬಾ..!!!

    Udaya Mehta Not Producimg Pratham Movie 

    ಬಿಗ್ ಬಾಸ್ ಪ್ರಥಮ್ ಮತ್ತೊಮ್ಮೆ ಕಿರಿಕ್ - ಈ ಬಾರಿ ಗೆಳೆಯನ ತೊಡೆಯನ್ನೇ ಕಚ್ಚಿದ

  • ದರ್ಶನ್ ಸರ್, ನನ್ನನ್ನೂ ಕ್ಷಮಿಸಿಬಿಡಿ - ಬಿಗ್‍ಬಾಸ್ ಪ್ರಥಮ್ 

    pratham seeks apology to darshan

    ಎಲ್ಲ ಚಾಲೆಂಜಿಂಗ್ ಸ್ಟಾರ್ ಅಭಿಮಾನಿಗಳಿಗೆ ಕ್ಷಮೆ ಕೋರುತ್ತಿದ್ದೇನೆ. ಕ್ಷಮಿಸಿ ದರ್ಶನ್ ಸರ್, ನಿಮಗೆ ಅಗೌರವ ಮಾಡಿದ ನಾಲಾಯಕ್ ಜೊತೆಯಲ್ಲಿ ಕಾರ್ಯಕ್ರಮಕ್ಕೆ ಹೋಗಿದ್ದಕ್ಕೆ ದಯವಿಟ್ಟು ಕ್ಷಮಿಸಿ. ಈಗಲೂ ಸ್ಕ್ರೀನ್ ಶೇರ್ ಮಾಡ್ತಾ ಇರೋದಕ್ಕೆ ನನಗೆ ನನ್ನ ಮೇಲೆಯೇ ನಾಚಿಕೆ ಇದೆ. ನಾನು ಈ ಕಾರಣಕ್ಕೆ ಆ ಹೆಣ್ಣಿನ ರೂಪದಲ್ಲಿರೋ ಕಸದ ಜೊತೆ ಸ್ಕ್ರೀನ್ ಶೇರ್ ಮಾಡೋಕೆ ಹಿಂಸೆ.

    ಇದು ದರ್ಶನ್ ಮತ್ತು ದರ್ಶನ್ ಅಭಿಮಾನಿಗಳಿಗೆ ಪ್ರಥಮ್ ಕ್ಷಮೆ ಕೇಳಿರುವ ಪರಿ.

    ಅಂದ ಹಾಗೆ ಪ್ರಥಮ್ ಈ ಮಾತು ಹೇಳಿರೋದು ಸಂಜನಾ ಅವರ ಬಿಲ್ಡಪ್ ವಿವಾದದ ಬಗ್ಗೆ. ಸಂಜನಾ ಕ್ಷಮೆ ಕೇಳಿದ ನಂತರ, ಸಂಜನಾ ಅವರ ಜೊತೆ ಕಾರ್ಯಕ್ರಮಕ್ಕೆ ಹೋಗಿದ್ದಕ್ಕೆ, ಅವರ ಜೊತೆ ಧಾರಾವಾಹಿಯಲ್ಲಿ ನಟಿಸುತ್ತಿರುವುದಕ್ಕೆ ಕೂಡಾ ಬೇಜಾರು ಮಾಡಿಕೊಂಡಿದ್ದಾರೆ.

    Related Articles :-

    ದರ್ಶನ್ ಅಭಿಮಾನಿಗಳೇ.. ದಯವಿಟ್ಟು ಕ್ಷಮಿಸಿ - ಸಾರಿ ಕೇಳಿದ ಸಂಜನಾ 

    ‘ದರ್ಶನ್ ಬಿಲ್ಡಪ್’ ಸಂಜನಾ ಹೇಳಿಕೆ ಹಿಂದಿನ ಕಾರಣವೇ ಬಿಲ್ಡಪ್ - EXCLUSIVE

    ದರ್ಶನ್ ಅಂದ್ರೆ ಬಿಲ್ಡಪ್ - ಬಿಗ್ಬಾಸ್ ಸಂಜನಾಗೆ ದರ್ಶನ್ ಅಭಿಮಾನಿಗಳಿಂದ ಟ್ರೋಲ್

     

  • ದಾನಮ್ಮಳಿಗಾಗಿ ಮುಖ್ಯಮಂತ್ರಿ ಭೇಟಿ ಮಾಡಿದ ಪ್ರಥಮ್

    pratham meets cm

    ಬಿಗ್‍ಬಾಸ್ ಖ್ಯಾತಿಯ ಪ್ರಥಮ್, ಸದಾ ಸುದ್ದಿಯಲ್ಲಿರುವ ವ್ಯಕ್ತಿ. ಇತ್ತೀಚೆಗೆ ಒಳ್ಳೆಯ ಕಾರಣಗಳಿಂದಲೇ ಹೆಚ್ಚು ಹೆಚ್ಚು ಸುದ್ದಿಯಾಗುತ್ತಿರುವುದು ವಿಶೇಷ. ವಿಜಯಪುರದಲ್ಲಿ ಸಾಮೂಹಿಕ ಅತ್ಯಾಚಾರಿಗಳ ಅಟ್ಟಹಾಸಕ್ಕೆ ಬಲಿಯಾದ ಪುಟ್ಟ ಬಾಲಕಿ ದಾನಮ್ಮನಿಗಾಗಿ. ಆಕೆಯ ಸಾವಿಗೆ ನ್ಯಾಯ ಕೊಡಿಸುವ ಸಲುವಾಗಿ ಖುದ್ದು ಮುಖ್ಯಮಂತ್ರಿ ಸಿದ್ದರಾಮಯ್ಯನವರನ್ನು ಭೇಟಿ ಮಾಡಿದ್ದಾರೆ. ದಾನಮ್ಮ ಕುಟುಂಬಕ್ಕೆ ನ್ಯಾಯ ಸಲ್ಲಿಸುವಂತೆ ಸಿದ್ದರಾಮಯ್ಯನವರಿಗೆ ಮನವಿ ಪತ್ರ ಕೊಟ್ಟಿದ್ದಾರೆ.

    ಸಿದ್ದರಾಮಯ್ಯನವರಿಗೆ ಕೊಟ್ಟಿರುವ ಮನವಿ ಪತ್ರದಲ್ಲಿ ಪ್ರಥಮ್ ಅವರ ಬೇಡಿಕೆಗಳು ಇಷ್ಟೆ. 

    ದಾನಮ್ಮ ಕುಟುಂಬಕ್ಕೆ ಇನ್ನಷ್ಟು ಆರ್ಥಿಕ ನೆರವು ಒದಗಿಸಬೇಕು. ಅವರ ಕುಟುಂಬದ ಯಾರಾದರೊಬ್ಬರಿಗೆ ಸರ್ಕಾರಿ ನೌಕರಿ ನೀಡಬೇಕು. ಪ್ರಕರಣದ ವಿಚಾರಣೆಯನ್ನು ತ್ವರಿತ ನ್ಯಾಯಾಲಯದಲ್ಲಿ ನಡೆಸಬೇಕು. 

    ಅಪರಾಧಿಗಳು ಯಾವುದೇ ಕಾರಣಕ್ಕೂ ಕಾನೂನಿನ ಚೌಕಟ್ಟಿನಿಂದ ತಪ್ಪಿಸಿಕೊಳ್ಳಲು ಅವಕಾಶ ನೀಡಬಾರದು ಎಂದು ಮನವಿ ಮಾಡಿದ್ದಾರೆ.

    ಪ್ರಥಮ್ ಅವರಿಗೆ ಒಂದು ಹವ್ಯಾಸವಿದೆ. ಅವರು ಸಾಮಾನ್ಯವಾಗಿ ಯಾರೇ ಗಣ್ಯರನ್ನು ಭೇಟಿ ಮಾಡಿದರೂ, ಸೆಲ್ಫಿ ತೆಗೆದುಕೊಳ್ತಾರೆ. ಆದರೆ, ದಾನಮ್ಮ ವಿಚಾರಕ್ಕೆ ಸಿದ್ದರಾಮಯ್ಯರನ್ನು ಭೇಟಿ ಮಾಡಿದಾಗ ಸೆಲ್ಫಿ ತೆಗೆದುಕೊಳ್ಳಬೇಕು ಎಂದು ಅನ್ನಿಸಲಿಲ್ಲ ಎಂದಿದ್ದಾರೆ ಪ್ರಥಮ್. ಇನ್ನು ಪ್ರಥಮ್‍ಗೆ ಸಿದ್ದರಾಮಯ್ಯನವರ ಸರಳತೆ ಮತ್ತು ಕಳಕಳಿಯೂ ಇಷ್ಟವಾಗಿದೆಯಂತೆ. ಅವರ ಸಜ್ಜನಿಕೆಗೊಂದು ಸೆಲ್ಯೂಟ್ ಎಂದಿದ್ದಾರೆ ಪ್ರಥಮ್.

  • ದೀಪಕ್ ಕುಟುಂಬಕ್ಕೆ ಪ್ರಥಮ್‍ರಿಂದ ಪರಿಹಾರ, ಸಾಂತ್ವನ

    pratham meets deepak's mother and brother

    ರಾಜ್ಯಾದ್ಯಂತ ಹೊತ್ತಿ ಉರಿಯುತ್ತಿರುವುದು ಕೋಮು ಸಂಘರ್ಷ. ಕರಾವಳಿಯಂತೂ ಕೊತಕೊತನೆ ಕುದಿಯುತ್ತಿದೆ.  ದೀಪಕ್ ರಾವ್ ಕೋಮುವಾದಿ ಮುಸಲ್ಮಾನರ ದಾಳಿಗೆ ಬಲಿಯಾಗಿದ್ದರೆ, ಬಶೀರ್ ಎಂಬುವವರು ಹಿಂದೂ ಕೋಮುವಾದಿಗಳ ಅಟ್ಟಹಾಸಕ್ಕೆ ಜೀವಬಿಟ್ಟಿದ್ದಾರೆ. ಮೃತರ ನೆರವಿಗೆ ಧಾವಿಸಿರುವವರು ಸೌಹಾರ್ದದ ಮಾತನಾಡುತ್ತಿದ್ದಾರೆ. ಅದರಲ್ಲೂ ಪ್ರಥಮ್‍ಗೆ ಆನ್‍ಲೈನ್ ಅಭಿಯಾನದಲ್ಲಿ ನೆರವಿನ ಮಹಾಪೂರವೇ ಹರಿದುಬಂದಿದೆ. ಸರಿಸುಮಾರು 40 ಲಕ್ಷ ರೂ. ಹಣ ದಾನಿಗಳಿಂದಲೇ ಸಂಗ್ರಹವಾಗಿದೆ. ಸರ್ಕಾರದ ನೆರವನ್ನು ಹೊರತುಪಡಿಸಿ ಎನ್ನುವುದು ವಿಶೇಷ.

    ಈ ನಡುವೆಯೇ ಬಿಗ್‍ಬಾಸ್ ಪ್ರಥಮ್ ಸದ್ದಿಲ್ಲದೆ ಮಂಗಳೂರಿಗೆ ಹೋಗಿ ಬಂದಿದ್ದಾರೆ. ಯಾವುದೇ ಪ್ರಚಾರವಿಲ್ಲದೆ ದೀಪಕ್ ರಾವ್ ಅವರ ಮನೆಗೆ ಹೋಗಿ ಸಾಂತ್ವನ ಹೇಳಿದ್ದಾರೆ. ನಿಮ್ಮ ನೆರವಿಗೆ, ಕುಟುಂಬಕ್ಕೆ ಆಸರೆಯಾಗಿ ನಾವಿದ್ದೇವೆ ಎಂದು ಭರವಸೆ ತುಂಬಿದ್ದಾರೆ. 25 ಸಾವಿರ ರೂ. ನಗದು ಹಾಗೂ 25 ಸಾವಿರ ರೂ. ಚೆಕ್‍ನ್ನು ನೀಡಿ ಬಂದಿದ್ದಾರೆ.

    ಪ್ರಥಮ್ ಈ ರೀತಿಯ ನೆರವು ನೀಡುತ್ತಿರುವುದು ಇದೇ ಮೊದಲೇನೂ ಅಲ್ಲ. ಹಾಗೆಂದು ಪ್ರಥಮ್ ಕೋಟ್ಯಧಿಪತಿಯಲ್ಲ. ತನ್ನ ಬಳಿ ಇರುವ ಅಲ್ಪಸ್ವಲ್ಪ ಹಣವನ್ನೇ ನೊಂದವರಿಗೆ ನೀಡುವ ಕೆಲಸವನ್ನು ಮಾಡಿಕೊಂಡೇ ಬರುತ್ತಿದ್ದಾರೆ. 

  • ದೇವ್ರಂತ ಮನುಷ್ಯ ಥಿಯೇಟರಲ್ಲಿ ಸಿಕ್ಕೇ ಸಿಗ್ತಾನೆ

    devarantha manushya image

    ದೇವ್ರಂಥ ಮನುಷೈ. ಒಳ್ಳೆ ಹುಡುಗ ಪ್ರಥಮ್ ಅಭಿನಯದ ಚಿತ್ರದ ಟ್ಯಾಗ್‍ಲೈನ್, ಸಂಜೆ ಮೇಲೆ ಸಿಗ್ಬೇಡಿ ಅನ್ನೋದು. ಹೀಗಿದ್ರೂ ಪ್ರಥಮ್ ಇದೇ ವಾರದಿಂದ ಥಿಯೇಟರಿನಲ್ಲಿ ಸಿಗ್ತಾರೆ. ಪ್ರಥಮ್ ಸಿಗದೇ ಹೋದರೂ ಅಪ್ಪಟ ದೇವ್ರಂತಾ ಮನುಷ್ಯ ಸಿಕ್ಕೋದು ಗ್ಯಾರಂಟಿ. ಇದೇ ವಾರ ಚಿತ್ರ ರಿಲೀಸ್ ಆಗ್ತಾ ಇದೆ.

    ಚಿತ್ರದ ಕಥೆ, ಚಿತ್ರಕಥೆಯ ಸಸ್ಪೆನ್ಸ್ ಹಾಗೆಯೇ ಇದೆ. ನಾಯಕಿಯಾಗಿ ವೈಷ್ಣವಿ ನಟಿಸಿದ್ದಾರೆ. ಪಂಚಿಂಗ್ ಡೈಲಾಗುಗಳಿಂದಲೇ ಕಿಕ್ಕು ಹತ್ತಿಸಿದ್ದ ದೇವ್ರಂಥಾ ಮನುಷ್ಯ, ಯೂಟ್ಯೂಬ್‍ನಲ್ಲಿ ಭರ್ಜರಿ ಹಿಟ್ಸ್ ಗಿಟ್ಟಿಸಿತ್ತು. ಅದೇ ಲೆಕ್ಕ ನೋಡಿದರೆ, ಪ್ರಥಮ್ ಮೊದಲ ಎಸೆತದಲ್ಲೇ ಸೆಂಚುರಿ ಹೊಡೆಯೋದು ಗ್ಯಾರಂಟಿ.

     

  • ದೇವ್ರಂತ ಮನುಷ್ಯ ರಾಜಕೀಯಕ್ಕೆ ಬರ್ತಾರಾ..?

    will pratham enter politics?

    ನಾನು ಕೋತ್‍ನನ್ಮಗ ಇರಬೌದು, ಕಳ್ ನನ್ಮಗ ಅಲ್ಲ. ನನಗೆ ಸಿನಿಮಾಗಿಂತ ರಾಜಕೀಯದಲ್ಲೇ ಆಸಕ್ತಿ ಜಾಸ್ತಿ. ಮುಂದೊಂದು ದಿನ ರಾಜಕೀಯಕ್ಕೆ ಬರುವ ಆಸೆಯಿದೆ. ಬಿಗ್‍ಬಾಸ್ ಪ್ರಥಮ್ ಇಂಥದ್ದೊಂದು ಕನಸನ್ನು ಮೊದಲಬಾರಿ ಹೇಳಿಕೊಂಡಿದ್ದು ಚಿತ್ರಲೋಕದಲ್ಲೇ. ವಿಜಯಪುರದ ದಾನಮ್ಮ ಅತ್ಯಾಚಾರ ಪ್ರಕರಣದ ತನಿಖೆ ಕುರಿತಂತೆ, ಸಿಎಂ ಸಿದ್ದರಾಮಯ್ಯನವರನ್ನು ಭೇಟಿ ಮಾಡಿದ್ದ ಪ್ರಥಮ್, ನಂತರ ಚಿತ್ರಲೋಕದ ಜೊತೆ ಮಾತನಾಡಿದ್ದರು. 

    ಈಗ ಪ್ರಥಮ್ ದೆಹಲಿಗೆ ಫ್ಲೈಟು ಹತ್ತುವ ಕನಸಿನಲ್ಲಿದ್ದಾರೆ. ಅವರ ಪ್ರಕಾರ ಎಲ್ಲವೂ ಆಗಿಬಿಟ್ಟರೆ, ದೆಹಲಿಯಲ್ಲಿ ಅಮಿತ್ ಶಾ ಅವರನ್ನು ಭೇಟಿ ಮಾಡಬಹುದು. ಈ ಚುನಾವಣೆಯಲ್ಲೇ ಟಿಕೆಟ್ ಪಡೆದರೂ ಪಡೆಯಬಹುದು.

    ಆದರೆ, ಪ್ರಥಮ್ ಸದ್ಯಕ್ಕೆ ದೇವ್ರಂಥ ಮನುಷ್ಯ ಚಿತ್ರದ ಬಿಡುಗಡೆಯಲ್ಲಿ ಬ್ಯುಸಿ.  ದೇವ್ರಂಥ ಮನುಷ್ಯ, ಸಂಜೆ ಹೊತ್ತಲ್ಲಿ ಸಿಗಬೇಡಿ ಅನ್ನೋ ಟ್ಯಾಗ್‍ಲೈನ್ ಇರುವ ಚಿತ್ರ ತೆರೆಗೆ ಸಿದ್ಧವಾಗಿದೆ. 

  • ದೇವ್ರಂಥ ಮನುಷ್ಯ ಸಿಎಂಗೇ ಇಷ್ಟವಾಗಿಬಿಡ್ತು..!

    cm siddaramaiah liked devarantha manushya

    ಬಿಗ್‍ಬಾಸ್ ಖ್ಯಾತಿಯ ಪ್ರಥಮ್ ಅಭಿನಯದ ಚಿತ್ರ ಚಿತ್ರಮಂದಿರಗಳಿಗೆ ಪ್ರವೇಶಿಸಿದೆ. ಪ್ರೇಕ್ಷಕರ ಅಭಿಪ್ರಾಯ ಕೇಳೋಕೂ ಮೊದಲೇ ಪ್ರಥಮ್ ಚಿತ್ರಕ್ಕೆ ಅತಿ ದೊಡ್ಡ ಮೆಚ್ಚುಗೆಯೊಂದು ಸಿಕ್ಕಿಬಿಟ್ಟಿದೆ. ಅದು ಸಿಎಂ ಸಿದ್ದರಾಮಯ್ಯನವರದ್ದು.

    ದೇವ್ರಂಥ ಮನುಷ್ಯ ಚಿತ್ರದ ಹಾಡು ಕೇಳಿರುವ ಸಿದ್ದರಾಮಯ್ಯ, ಚಿತ್ರದ  ಬಗ್ಗೆ ಅಪಾರ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಸಿದ್ದರಾಮಯ್ಯ ಹಾಡು ಕೇಳುತ್ತಿರುವ, ತಾಳ ಹಾಕುತ್ತಿರುವ ವಿಡಿಯೋವನ್ನು ಪ್ರಥಮ್ ಬಿಡುಗಡೆ ಮಾಡಿದ್ದಾರೆ. ದೇವ್ರಂಥ ಮನುಷ್ಯ ಸಂಜೆ ಮೇಲೆ ಸಿಗ್ಬೇಡಿ ಅನ್ನೋದನ್ನೇ ಟ್ಯಾಗ್‍ಲೈನ್ ಮಾಡಿಕೊಂಡಿರುವ ಚಿತ್ರದ ಥೀಮ್ ವಿಶೇಷವಾಗಿದೆ. ತಪ್ಪು ಮಾಡೋದು ಸಹಜ. ಆದರೆ, ತಪ್ಪುಗಳೇ ಅತಿಯಾಗಿಬಿಟ್ಟರೆ ಏನಾಗುತ್ತೆ ಅನ್ನೋದೇ ಚಿತ್ರದ ಕಥೆ.

    ಎಚ್.ಸಿ.ಮಂಜುನಾಥ್, ತಿಮ್ಮರಾಜು ನಿರ್ಮಾಣದ ಚಿತ್ರಕ್ಕೆ ಕಿರಣ್ ಶೆಟ್ಟಿ ನಿರ್ದೇಶನವಿದೆ. ಶ್ರುತಿ ಹಾಗೂ ವೈಷ್ಣವಿ ಚಿತ್ರದ ನಾಯಕಿಯರು. ಸುಚೇಂದ್ರ ಪ್ರಸಾದ್, ತಬಲಾನಾಣಿ, ಕಿರಿಕ್ ಕೀರ್ತಿ ಕೂಡಾ ಚಿತ್ರದಲ್ಲಿದ್ದಾರೆ. 

    ಈಗಾಗಲೇ ಚಿತ್ರದ ಪುಟ್ಟ ಟ್ರೇಲರ್‍ಗಳು, ಡೈಲಾಗ್‍ಗಳು ಹಾಡುಗಳು ಚಿತ್ರರಸಿಕರ ಮನ ಗೆದ್ದಿವೆ. ಇನ್ನು ಥಿಯೇಟರ್‍ನಲ್ಲಿ ಜನ ಮೆಚ್ಚುವುದಷ್ಟೇ ಬಾಕಿ.

  • ನಟಭಯಂಕರ' ಪ್ರಥಮ್

    pratham is now natabhayankara

    ನಟ ಸಾರ್ವಭೌಮ ಎಂದರೆ ಡಾ.ರಾಜ್‍ಕುಮಾರ್. ನಟ ಭೈರವ ಎಂದರೆ ವಜ್ರಮುನಿ. ನಟಶೇಖರ ಎಂದರೆ ಕಲ್ಯಾಣ್‍ಕುಮಾರ್. ನಟಭಯಂಕರ ಎಂದರೆ ಪ್ರಥಮ್. ಹೌದು, ಒಳ್ಳೆಯ ಹುಡುಗ ಪ್ರಥಮ್, ಬಿಗ್‍ಬಾಸ್ ಪ್ರಥಮ್ ನಟಭಯಂಕರರಾಗುತ್ತಿದ್ದಾರೆ. ನಿಮಗೆ ನೆನಪಿರಬೇಕು. ಇತ್ತೀಚೆಗೆ ಪ್ರಥಮ್ ಅಭಿನಯದ 

    `ಪ್ರಥಮ್ ಬಿಲ್ಡಪ್' ಹೆಸರಿನ ಚಿತ್ರವೊಂದು ಶುರುವಾಗಿತ್ತು. ಈಗ ಚಿತ್ರದ ಟೈಟಲ್ ಬದಲಾಗಿದೆ. ಚಿತ್ರಕ್ಕೆ ನಟಭಯಂಕರ ಎಂದು ಟೈಟಲ್ ಇಡಲಾಗಿದೆ. ಅಲ್ಲಿಗೆ ಬಿಗ್‍ಬಾಸ್ ಪ್ರಥಮ್, ಒಳ್ಳೆಯ ಹುಡುಗ ಪ್ರಥಮ್... ನಟ ಭಯಂಕರ ಪ್ರಥಮ್ ಆಗಲಿದ್ದಾರೆ.

  • ಪುನೀತ್ ವೃದ್ಧಾಶ್ರಮಕ್ಕೆ ಒಳ್ಳೆ ಹುಡುಗ ಪ್ರಥಮ್ ದೇಣಿಗೆ

    pratham donates to shaktidama

    ಒಳ್ಳೆ ಹುಡುಗ ಪ್ರಥಮ್, ಬಿಗ್‍ಬಾಸ್‍ನಲ್ಲಿ ಗೆದ್ದ ಹಣದ ಬಹುಭಾಗವನ್ನು ಸಮಾಜಸೇವೆಗೆ ಮೀಸಲಿಟ್ಟು ಸುದ್ದಿಯಾದವರು. ರೈತರು, ಸೈನಿಕರು, ಊರಿನ ದೇವಸ್ಥಾನ.. ಹೀಗೆ ತಮಗೆ ಕೊಡಬೇಕು ಎನಿಸಿದ ತಕ್ಷಣ, ತಮ್ಮ ಕೈಲಾದಷ್ಟು ನೆರವು ನೀಡುತ್ತಾ ಬಂದಿದ್ದಾರೆ ಪ್ರಥಮ್. ಇದೀಗ ಮತ್ತೊಮ್ಮೆ ಅಂಥದ್ದೇ ಗುಣ ಮೆರೆದಿದ್ದಾರೆ.

    ಇತ್ತೀಚೆಗೆ ಸ್ಟಾರ್ ಸುವರ್ಣ ವಾಹಿನಿಯ ಸಿಕ್ಸ್ತ್ ಸೆನ್ಸ್ ಗೇಮ್‍ಶೋಗೆ ಹೋಗಿದ್ದ ಪ್ರಥಮ್, ಸ್ಪರ್ಧೆಯಲ್ಲಿ 10 ಸಾವಿರ ರೂ. ಬಹುಮಾನ ಗೆದ್ದರು. 10 ಲಕ್ಷ ಗೆಲ್ಲುವ ಅವಕಾಶ ಮಿಸ್ ಮಾಡಿಕೊಂಡ ಪ್ರಥಮ್, ತಾವು ಗೆದ್ದ ಅಷ್ಟೂ ಹಣವನ್ನು ಅಲ್ಲಿಯೇ ಶಕ್ತಿಧಾಮ ಸಂಸ್ಥೆಗೆ ದೇಣಿಗೆಯಾಗಿ ನೀಡಿದರು.

    ಮೈಸೂರಿನಲ್ಲಿರುವ ಶಕ್ತಿಧಾಮ ಸಂಸ್ಥೆ, ರಾಜ್ ಕುಟುಂಬದವರದ್ದು. ದಶಕಗಳ ಹಿಂದೆ ಪಾರ್ವತಮ್ಮ ರಾಜ್‍ಕುಮಾರ್ ಆರಂಭಿಸಿದ್ದ ಈ 

    ಸಂಸ್ಥೆಯಲ್ಲಿ ವೃದ್ಧರು, ಅಶಕ್ತ ಮಹಿಳೆಯರಿಗೆ ಬದುಕು ಕಲ್ಪಿಸಲಾಗುತ್ತಿದೆ. ಅಶಕ್ತ ಮಹಿಳೆಯರಿಗೆ ಸೂಕ್ತ ತರಬೇತಿ ನೀಡಿ, ಸ್ವಯಂ ಉದ್ಯೋಗ ಹಾಗೂ ನೆಲೆ ಕಲ್ಪಿಸುತ್ತಿರುವ ಸಂಸ್ಥೆ, ಪ್ರತಿವರ್ಷ ನೂರಾರು ಮಹಿಳೆಯರ ಬಾಳಿಗೆ ಬೆಳಕಾಗುತ್ತಿದೆ. ಆ ಸಂಸ್ಥೆಗೆ ತಾವು ಗೆದ್ದ ಹಣವನ್ನು ದೇಣಿಗೆಯಾಗಿ ಕೊಟ್ಟಿದ್ದಾರೆ. ಹಾಗಂತ ಪ್ರಥಮ್ ಕೋಟ್ಯಧಿಪತಿಯೇನೂ ಅಲ್ಲ. ಕೊಡುವ ಮನಸ್ಸಿರುವವರು ಅಷ್ಟೆ.

     

  • ಪೊಲೀಸರಿಗೂ ಸಿಕ್ಕದೆ ಬಿಗ್​ಬಾಸ್ ಪ್ರಥಮ್ ನಾಪತ್ತೆ - ಪ್ರಥಮ್ ವಿರುದ್ಧ ದೂರುಗಳು.. ಅಬ್ಬಬ್ಬಾ..!!!

    pratham image

    ಬಿಗ್​ಬಾಸ್ ಪ್ರಥಮ್ ಸಹನಟ ಭುವನ್​ ತೊಡೆಗೇ ಕಚ್ಚಿ, ಟಿವಿ ನ್ಯೂಸ್​ನಲ್ಲಿ ಮಾತನಾಡಿ, ನಂತರ ನಾಪತ್ತೆಯಾಗಿ ಹೋಗಿದ್ದಾರೆ. ಆದರೆ, ಪ್ರಥಮ್ ಮೇಲೆ ಕಂಪ್ಲೇಂಟುಗಳ ಸರಮಾಲೆಯೇ ಬರತೊಡಗಿದೆ. 

    ಸಂಜು ಮತ್ತು ನಾನು ಸೀರಿಯಲ್​ನಲ್ಲಿ ನಟಿಸುತ್ತಿದ್ದ ಪ್ರಥಮ್, ಸೀರಿಯಲ್​ನ ದೃಶ್ಯವೊಂದರಲ್ಲಿ ಸಂಜನಾ ಜೊತೆ ನಟಿಸಬೇಕಿತ್ತು. ಪ್ರಥಮ್ ಎಂದರೇನೇ ಉರಿದು ಬೀಳುತ್ತಿದ್ದ ನಟಿ ಸಂಜನಾ, ಆತನ ಕೈ ಮೇಲೆ ಕೈ ಇಟ್ಟು ಪ್ರಾಮಿಸ್ ಮಾಡುವ ದೃಶ್ಯಕ್ಕೂ ಒಲ್ಲೆ ಎಂದು ಕೂತುಬಿಟ್ಟಿದ್ದರು. ನಂತರ ಭುವನ್ ಹೇಳಿದ ಮೇಲೆ ಒಪ್ಪಿ ನಟಿಸಿದರಂತೆ. ಆದರೆ, ಅದಾದ ಮೇಲೆ ಇನ್ನಷ್ಟು ಕೆರಳಿದ ಪ್ರಥಮ್, ಈ ರೀತಿ ಹಲ್ಲೆ ನಡೆಸಿದ್ದಾರೆ ಎನ್ನುವುದು ಭುವನ್ ಪೊನ್ನಣ್ಣ ದೂರು.

    ಸಂಜನಾಗೆ ಕೂಡಾ ಪ್ರಥಮ್ ವರ್ತನೆ ಇಷ್ಟವಾಗುತ್ತಿರಲಿಲ್ಲ. ಅವರಷ್ಟೇ ಅಲ್ಲ, ಸೀರಿಯಲ್ ತಂಡದ ಹಲವು ತಂತ್ರಜ್ಞರು, ಸಹ ಕಲಾವಿದರು ಪ್ರಥಮ್ ವರ್ತನೆಯ ಬಗ್ಗೆ ದೂರುಗಳ ಸರಮಾಲೆಯನ್ನೇ ಹೇಳುತ್ತಿದ್ದಾರೆ.

    ಇದೆಲ್ಲದರ ಮಧ್ಯೆ ಭುವನ್, ಪ್ರಥಮ್ ವಿರುದ್ಧ ದೂರು ಕೊಟ್ಟಾಗಿದೆ. ಆದರೆ, ಪ್ರಥಮ್ ಇದುವರೆಗೆ ಪೊಲೀಸರಿಗೆ ಸಿಕ್ಕಿಲ್ಲ. ಎಲ್ಲಿದ್ದಾರೋ ಗೊತ್ತಿಲ್ಲ. 

    ಇದೆಲ್ಲದರ ಮಧ್ಯೆ ಬಚ್ಚನ್ ಖ್ಯಾತಿಯ ಉದಯ್ ಮೆಹ್ತಾ ಅವರು ನನ್ನನ್ನು ಹೀರೋ ಹಾಕಿಕೊಂಡು ಸಿನಿಮಾ ಮಾಡುತ್ತಿದ್ದಾರೆ ಎಂದಿದ್ದು, ನಂತರ ಅದನ್ನು ಉದಯ್ ಮೆಹ್ತಾ ನಿರಾಕರಿಸಿದ್ದು ಪ್ರಥಮ್ ಹುಚ್ಚಾಟಕ್ಕೆ ಇನ್ನೊಂದು ಉದಾಹರಣೆಯಷ್ಟೆ. 

    ಪ್ರಥಮ್ ವಿರುದ್ಧದ ದೂರುಗಳ ಲಿಸ್ಟು ಹನುಮಂತನ ಬಾಲದಂತೆ ಬೆಳೆಯುತ್ತಿದೆ. ಆತನ ಜೊತೆ ಕೆಲಸ ಮಾಡಿರುವವರು ನೀಡುತ್ತಿರುವ ಸಲಹೆಯೇನು ಗೊತ್ತೇ, ಪ್ರಥಮ್​ಗೆ ಒಬ್ಬ ಒಳ್ಳೆಯ ಮಾನಸಿಕ ತಜ್ಞರಿಂದ ಕೌನ್ಸೆಲಿಂಗ್ ಮಾಡಿಸಬೇಕು ಎನ್ನುವುದು.

    Related Articles :-

    ಬಿಗ್ ಬಾಸ್ ಪ್ರಥಮ್ ಮತ್ತೊಮ್ಮೆ ಕಿರಿಕ್ - ಈ ಬಾರಿ ಗೆಳೆಯನ ತೊಡೆಯನ್ನೇ ಕಚ್ಚಿದ

  • ಪ್ರಥಮ್ ಕಾರ್ ನಲ್ಲಿ ಅಧಿಕಾರಿಗಳಿಗೆ ಸಿಕ್ಕಿದ್ದೇನು..?

    pratham's car gets checked

    ಒಳ್ಳೆಯ ಹುಡುಗ ಪ್ರಥಮ್ ಅವರ ಕಾರ್‍ನ್ನು ಚುನಾವಣಾಧಿಕಾರಿಗಳು ತಪಾಸಣೆ ಮಾಡಿದ್ದಾರೆ. ಅದೂ ದಾವಣಗೆರೆಯಲ್ಲಿ. ತಮ್ಮ ಕಾರ್‍ನಲ್ಲಿ ದಾವಣಗೆರೆಗೆ ಹೋಗುತ್ತಿದ್ದ ಪ್ರಥಮ್ ಅವರ ಕಾರ್‍ನ್ನು ತಡೆದ ಅಧಿಕಾರಿಗಳು ಪ್ರಥಮ್ ಅವರನ್ನು ಪ್ರೀತಿಯಿಂದಲೇ ಮಾತನಾಡಿಸಿದ್ದಾರೆ. ಕೋಡ್ ಆಫ್ ಕಂಡಕ್ಟ್ ಇರುವ ಕಾರಣ, ಕಾರ್‍ನ್ನು ಪರಿಶೀಲನೆ ಮಾಡಿದ್ದಾರೆ.

    ಅಧಿಕಾರಿಗಳಿಗೆ ಸಹಕಾರ ಕೊಟ್ಟಿರುವ ಪ್ರಥಮ್, ಮೋದಿಯೇ ಬಂದರೂ ನಿಮ್ಮ ಕರ್ತವ್ಯ ನೀವು ಮಾಡಲೇಬೇಕು ಎಂದು ಅಧಿಕಾರಿಗಳಿಗೆ ಹೇಳಿದ್ದಾರೆ. ಇನ್ನು ಪರಿಶೀಲನೆ ನಡೆಸಿದವರ ಗುಂಪಿನಲ್ಲಿ ಒಬ್ಬ ಅಧಿಕಾರಿ ಪ್ರಥಮ್ ಅವರ ಅಭಿಮಾನಿ. ಅವರ ಜೊತೆಗೊಂದು ಸೆಲ್ಫಿ ತೆಗೆದುಕೊಟ್ಟಿರುವ ಪ್ರಥಮ್ ಅಧಿಕಾರಿಗಳ ಪರಿಶೀಲನೆ, ತನಿಖೆಗೆ ಸಹಕರಿಸಿ ಎಂಬ ಸಂದೇಶವನ್ನೂ ಕೊಟ್ಟಿದ್ದಾರೆ. ಅಲ್ಲಿಗೆ.. ಪ್ರಥಮ್ ಕಾರು ಪರಿಶೀಲನೆ ಮಾಡಿದವರಿಗೆ ಕೊನೆಗೂ ಸಿಕ್ಕಿದ್ದು ಸೆಲ್ಫಿ ಮಾತ್ರ..!

  • ಪ್ರಥಮ್ ನಿಜವಾದ ಹೆಸರೇನು ಗೊತ್ತಾ..? ಪುನೀತ್..!

    pratham reveals name secret

    ಒಳ್ಳೆ ಹುಡುಗ ಪ್ರಥಮ್ ಅವರ ನಿಜವಾದ ಹೆಸರೇನು..? ನಿಮಗೆ ಅಚ್ಚರಿಯಾಗಬಹುದೇನೋ. ಅವರ ನಿಜವಾದ ಹೆಸರು ಪುನೀತ್. ಅವರ ಆಧಾರ್ ಕಾರ್ಡ್‍ನಲ್ಲಿರೋ ಹೆಸರು ಕೂಡಾ ಪುನೀತ್. ಅವರು ಬಣ್ಣದ ಲೋಕದಲ್ಲಷ್ಟೇ ಪ್ರಥಮ್. ರಿಯಲ್ ಲೈಫ್‍ನಲ್ಲಿ ಪುನೀತ್. 

    ಇದನ್ನು ಬಹಿರಂಗಪಡಿಸಿರುವುದು ಸ್ವತಃ ಪ್ರಥಮ್. ಪುನೀತ್ ರಾಜ್‍ಕುಮಾರ್ ಅವರ ರಿಯಾಲಿಟಿ ಶೋನಲ್ಲಿ ಭಾಗವಹಿಸಿದ್ದ ಪ್ರಥಮ್, ಅಪ್ಪು ಎದುರೇ ಈ ಸತ್ಯ ಬಿಚ್ಚಿಟ್ಟಿದ್ದಾರೆ. ಪುನೀತ್ ಅವರಿಗೆ ತಮ್ಮ ಆಧಾರ್ ಕಾರ್ಡ್‍ನ್ನೂ ತೋರಿಸಿದ್ದಾರೆ. ಆಗ ಶಾಕ್ ಆಗುವ ಸರದಿ ಪುನೀತ್ ರಾಜ್‍ಕುಮಾರ್ ಅವರದ್ದಾಗಿತ್ತು.

    ಅದಕ್ಕೆ ಕಾರಣ ಇಷ್ಟೆ, ಪ್ರಥಮ್ ಅವರ ತಂದೆ, ತಾಯಿ ಇಬ್ಬರೂ ಡಾ.ರಾಜ್ ಅಭಿಮಾನಿಗಳು. ಪುನೀತ್ ಅವರ ಸಿನಿಮಾಗಳನ್ನು ಬಹಳ ಇಷ್ಟಪಡುತ್ತಿದ್ದರು. ಇನ್ನು ಪ್ರಥಮ್, ಸಿನಿಮಾ ಲೋಕಕ್ಕೆ ಬಂದಾಗ, ಸಿನಿಮಾಗೆ ಒಬ್ಬರೇ ಪುನೀತ್ ಇರಬೇಕು. ಅದು ಪವರ್ ಸ್ಟಾರ್ ಪುನೀತ್ ರಾಜ್‍ಕುಮಾರ್ ಅವರೇ ಆಗಿರಬೇಕು. ಅವರ ಕಾಪಿ, ರಿಪ್ಲೇಸ್‍ಮೆಂಟ್ ಯಾವುದೂ ಇರಬಾರದು ಎಂಬ ಕಾರಣಕ್ಕೆ ಪ್ರಥಮ್ ಎಂದು ಹೆಸರು ಬದಲಾಯಿಸಿಕೊಂಡೆ ಎಂದು ಹೇಳಿಕೊಂಡಿದ್ದಾರೆ ಪ್ರಥಮ್.

     

  • ಪ್ರಥಮ್ ಪಾಲಿಟಿಕ್ಸ್. ಕಾಂಗ್ರೆಸ್ಸಾ..? ಬಿಜೆಪಿನಾ..?

    pratham politics

    ನೀವು ಒಪ್ತೀರೋ, ಬಿಡ್ತೀರೋ.. ಆದರೆ, ಪ್ರಥಮ್ ತಮ್ಮ ಒಲವು ನಿಲುವುಗಳನ್ನು ಯಾವುದೇ ಮುಚ್ಚುಮರೆಯಿಲ್ಲದೆ ಹೇಳಿಕೊಳ್ಳುವ ಮನುಷ್ಯ. ಅವರ ಕೆಲವು ನಿಲುವುಗಳು ಇವರ ಪಕ್ಕಾ ಬಿಜೆಪಿಯಿರಬೇಕು ಎನಿಸಿಬಿಟ್ಟರೆ, ಇನ್ನೂ ಕೆಲವು ನಿಲುವುಗಳು ಇವರು ಕಾಂಗ್ರೆಸ್ಸಿಗನಾಗಿರಬಹುದು ಎನಿಸಿಬಿಡುತ್ತವೆ. ಕೆಲವೊಮ್ಮೆ ಜೆಡಿಎಸ್‍ನವರಿದ್ದರೂ ಇರಬಹುದು ಎನಿಸುತ್ತದೆ. ಏಕೆಂದರೆ, ಪ್ರಥಮ್ ಪ್ರಕಾಶ್ ರೈ ವಿರುದ್ಧ ಹರಿಹಾಯುತ್ತಾರೆ. ಮತ್ತೊಂದು ಕಡೆ ಸಿದ್ದರಾಮಯ್ಯನವರನ್ನ ವೈಯಕ್ತಿಕವಾಗಿ ಗೌರವಿಸುತ್ತಲೇ ಕಾಂಗ್ರೆಸ್ ನಾಯಕರನ್ನು ಟೀಕಿಸುತ್ತಾರೆ. ಅಷ್ಟೆಲ್ಲ ಅಗಿ  ಯಾರಾದರೂ ದೇವೇಗೌಡರ ಬಗ್ಗೆ ಕೆಮ್ಮಿದರೂ ಸಾಕು, ಪ್ರಥಮ್ ಕೆಂಡಾಮಂಡಲವಾಗಿಬಿಡುತ್ತಾರೆ. ಹೀಗಾಗಿಯೇ ಪ್ರಥಮ್ ಯಾವ ಪಾರ್ಟಿ ಅನ್ನೋದು ಕನ್‍ಫ್ಯೂಷನ್.

    ಪ್ರಥಮ್ ಈ ಚುನಾವಣೆಯಲ್ಲಿ ನಾಲ್ವರು ಸೋಲಬೇಕು ಎಂದು ಬಯಸುತ್ತಿದ್ದಾರೆ. ಅವರ ಸೋಲಿಗಾಗಿ ಪ್ರಚಾರವನ್ನೂ ಮಾಡ್ತಾರಂತೆ. ಹಿಂದೂ ಧರ್ಮವನ್ನು ಒಡೆಯಲು ಯತ್ನಿಸುತ್ತಿರುವ ಎಂ.ಬಿ.ಪಾಟೀಲ್ ಮತ್ತು ವಿನಯ್ ಕುಲಕರ್ಣಿ ಅವರನ್ನು ಸೋಲಿಸಬೇಕು. ದೇವೇಗೌಡರನ್ನು ಬಾಯಿಗೆ ಬಂದಂತೆ ಬೈದ ಜಮೀರ್ ಅಹ್ಮದ್‍ರನ್ನು ಸೋಲಿಸಬೇಕು ಹಾಗೂ ದ.ಕನ್ನಡದಲ್ಲಿ ಕೋಮುಗಲಭೆ ತಡೆಯಲು ವಿಫಲವಾಗಿರುವ ರಮಾನಾಥ್ ರೈರನ್ನು ಸೋಲಿಸಬೇಕು ಎನ್ನುತ್ತಾರೆ.

    ಹಾಗಾದರೆ, ಪ್ರಥಮ್ ಕಾಂಗ್ರೆಸ್ ವಿರೋಧಿನಾ ಎಂದರೆ, ಅದೂ ಅಲ್ಲ. ಸಿಎಂ ಸಿದ್ದರಾಮಯ್ಯನವರ ಮಗ ಯತೀಂದ್ರ ಗೆಲ್ಲಬೇಕು. ಅವರು ಬಹಳ ಒಳ್ಳೆಯ ವ್ಯಕ್ತಿ. ಅಂತಹವರನ್ನು ಕಳೆದುಕೊಳ್ಳಬಾರದು. ಅವರು ಕರೆಯದಿದ್ದರೂ ಅವರು ನಿಂತರೆ ನಾನು ಅವರ ಪರ ಪ್ರಚಾರ ಮಾಡ್ತೇನೆ ಎನ್ನುತ್ತಾರೆ ಪ್ರಥಮ್.

    ಸದ್ಯಕ್ಕಂತೂ ಪ್ರಥಮ್ ದೇವ್ರಂತ ಮನುಷ್ಯ ಚಿತ್ರದ ಪ್ರಚಾರದಲ್ಲಿ ಸಿಕ್ಕಾಪಟ್ಟೆ ಬ್ಯುಸಿ.

  • ಪ್ರಥಮ್ ಭುವನ್ ಜಗಳ್‍ಬಂದಿಯ ಹಿಂದೆ ಗೋಮಾಂಸದ ಕಥೆ..! - ಚಿತ್ರಲೋಕ ಎಕ್ಸ್‍ಕ್ಲೂಸಿವ್ ಭಾಗ 02

    pratham bhuvan story

    ಭಾಗ 01ರ ವಿವರ

    ಪ್ರಥಮ್ ಭುವನ್ ಮಧ್ಯೆ ಜಗಳವಾಗಿದ್ದು ನಿಜ. ಆದರೆ ಕಚ್ಚಿರುವುದು ಧಾರಾವಾಹಿ ತಂಡದವರಿಗೆ ಗೊತ್ತಿಲ್ಲ. ಆ ದಿನ ಜಗಳವಾದ ನಂತರವೂ ರಾತ್ರಿವರೆಗೆ ಶೂಟಿಂಗ್ ಆಗಿತ್ತು. ಭುವನ್ ನಾರ್ಮಲ್ಲಾಗಿಯೇ ಇದ್ದರು. ಮಾರನೇ ದಿನ ನ್ಯೂಸ್ ಚಾನೆಲ್ಲುಗಳಲ್ಲಿ ಸುದ್ದಿಯಾಯ್ತು. ಮೊದಲು ಬುದ್ದಿ ಹೇಳಿದ್ದ ತಲಘಟ್ಟಪುರ ಠಾಣೆಯ ಇನ್ಸ್‍ಪೆಕ್ಟರ್, ನ್ಯೂಸ್ ಚಾನೆಲ್‍ಗಳಲ್ಲಿ ವಿಡಿಯೋ, ಫೋಟೋ ಬಹಿರಂಗವಾದ ಮೇಲೆ ಎಫ್‍ಐಆರ್ ದಾಖಲಿಸಿದರು. ನ್ಯೂಸ್ ಚಾನೆಲ್ಲುಗಳಿಗೆ ವಿವರ ನೀಡಿದ ಅಸೋಸಿಯೇಟ್ ಡೈರೆಕ್ಟರ್ ಪವನ್ ಯಾರೆಂಬುದು ಧಾರಾವಾಹಿ ನಿರ್ದೇಶಕ ರಾಜೇಶ್‍ಗೆ ಗೊತ್ತಿಲ್ಲ. ಇಷ್ಟೆಲ್ಲ ಆದ ಮೇಲೆ ಎಂಎಲ್‍ಎ ಚಿತ್ರದ  ಶೂಟಿಂಗ್‍ನಲ್ಲಿದ್ದ ಪ್ರಥಮ್, ಚಿತ್ರ ನಿರ್ದೇಶಕರ ಸಲಹೆಯಂತೆ ಕೋರ್ಟ್‍ಗೆ ಶರಣಾಗಿ ಜಾಮೀನು ಪಡೆದರು. 

    ಭಾಗ 02

    ಮೊದಲ ಭಾಗದಲ್ಲಿ ಇಡೀ ಘಟನೆಯ ವಿವರ ಓದಿದಿರಿ. ಈ ಇಬ್ಬರ ಮಧ್ಯೆ ಮುನಿಸು ಶುರುವಾಗಲು ಏನು ಕಾರಣ..? ಯಾರು ಕಾರಣ..? ಪ್ರಥಮ್ ಮತ್ತು ಭುವನ್ ಮಧ್ಯೆ ಇಷ್ಟೆಲ್ಲ ಜಗಳವಾಗೋಕೆ ಸಂಜನಾ ಕಾರಣ ಎಂದುಕೊಂಡರೆ, ತಪ್ಪಾದೀತು. 

    ಬಿಗ್‍ಬಾಸ್‍ನಿಂದ ಶುರುವಾಗಿತ್ತು ಜಗಳ್‍ಬಂದಿ

    ಇಬ್ಬರ ಮಧ್ಯೆ ಮುನಿಸು, ಮನಸ್ತಾಪ, ಜಗಳ, ಬೈಗುಳ ಶುರುವಾಗಿದ್ದು ಸಂಜು ಮತ್ತು ನಾನು ಧಾರಾವಾಹಿ ಶೂಟಿಂಗ್‍ನಲ್ಲಿ ಅಲ್ಲ. ಬಿಗ್‍ಬಾಸ್ ಸೀಸನ್4ಗೆ ಎಂಟ್ರಿ ಕೊಟ್ಟಾಗಿನಿಂದ ಶುರುವಾಗಿತ್ತು. ಎಲ್ಲರಿಗೂ ಗೊತ್ತಿರುವ ಹಾಗೆ, ಪ್ರಥಮ್ ಆಗ ಸೆಲಬ್ರಿಟಿಯೇನೂ ಆಗಿರಲಿಲ್ಲ. ಆದರೆ, ತಮ್ಮ ಬಿಗ್‍ಬಾಸ್ ಪ್ರವೇಶಕ್ಕೆ ಹೆಚ್.ಡಿ. ದೇವೇಗೌಡರ ಶುಭಾಶಯದ ಹೇಳಿಕೆಯನ್ನೂ ತೆಗೆದುಕೊಂಡು ಬಂದಿದ್ದ ಚತುರ. ಹಾಗೆ ಬಿಗ್‍ಬಾಸ್‍ಗೆ ಎಂಟ್ರಿ ಕೊಟ್ಟ ದಿನದಿಂದ ಪ್ರಥಮ್ ಎಲ್ಲರ ಆಕರ್ಷಣೆಯ ಬಿಂದುವಾಗುತ್ತಾ ಹೋದರು. ಅಷ್ಟು ಹೊತ್ತಿಗೆ ಭುವನ್ ಮತ್ತು ಸಂಜನಾ ಎಷ್ಟು ಅನ್ಯೋನ್ಯವಾಗಿದ್ದರು ಎಂದರೆ, ನೋಡಿದವರಿಗೆ ಅವರು ಪ್ರೇಮಿಗಳೇ ಇರಬಹುದಾ ಎಂಬ ಅನುಮಾನವೂ ಬಂದಿತ್ತು.

    ಅಲ್ಲಿದೆ ಗೋಮಾಂಸದ ಕಥೆ..!

    ಹಾಗಾದರೆ ಬಿಗ್‍ಬಾಸ್‍ನಲ್ಲಿ ಏನಾಗಿತ್ತು ಎಂಬುದರ ಬಗ್ಗೆ ಚಿತ್ರಲೋಕ ಬೆನ್ನು ಹತ್ತಿದಾಗಬಿಗ್‍ಬಾಸ್ ಮನೆಯಲ್ಲಿ ಸಂಜನಾ ವಿಚಾರಕ್ಕೆ ಕುರಿತಂತೆ ಭುವನ್ ಮತ್ತು ಪ್ರಥಮ್ ಮಧ್ಯೆ ಹಲವು ಬಾರಿ ಜಗಳವಾಗಿತ್ತು. ಪ್ರಥಮ್ ಬಡಬಡನೆ ಮಾತನಾಡುವ ಮಾತುಗಾರನಾದರೆ, ಭುವನ್ ಸೈಲೆಂಟ್. ಭುವನ್ ಮಾಂಸಾಹಾರಿಯಾದರೆ, ಪ್ರಥಮ್ ಸಸ್ಯಾಹಾರಿ. ಹಾಗೆಂದು ಪ್ರಥಮ್ ಮಾಂಸಾಹಾರಿಗಳನ್ನು ದ್ವೇಷಿಸುವ ವ್ಯಕ್ತಿಯೇನಲ್ಲ. ಆದರೆ, ಗೋಮಾಂಸ ತಿನ್ನುವವರನ್ನು ಕಂಡರೆ ಉರಿದುಬೀಳುವ ಆಸಾಮಿ. ಜೋರಾಗಿ ಕೂಗಾಡಿ, ಬೀಫ್ ತಿನ್ನುವವರನ್ನು ಬಾಯಿಗೆ ಬಂದಂತೆ ಬೈದುಬಿಡುತ್ತಿದ್ದರು. ಈ ವೀಕ್‍ನೆಸ್‍ನ್ನು ಭುವನ್ ಅರ್ಥ ಮಾಡಿಕೊಂಡಿದ್ದರು ಮತ್ತು ಭುವನ್‍ಗೆ ಬೀಫ್ (ಗೋಮಾಂಸ) ಎಂದರೆ ಇಷ್ಟ.

    ಬೀಫ್ ತಿನ್ನು, ಚೆನ್ನಾಗಿ ಆಗ್ತೀಯ ಎನ್ನುತ್ತಿದ್ದ ಭುವನ್

    ಬೀಫ್ ತಿಂದರೆ ಬಲಿಷ್ಠನಾಗುತ್ತೀಯ ಎಂದು ಪದೇ ಪದೇ ಹೇಳುತ್ತಿದ್ದ ಭುವನ್, ಪ್ರಥಮ್‍ನನ್ನು ಆಗಾಗ್ಗೆ ಬೀಫ್ ವಿಚಾರಕ್ಕೆ ಕೆಣಕುತ್ತಿದ್ದರು. ನೋಡೋಕೆ ಕೋತಿ ಥರಾ ಇದ್ದೀಯಾ, ಬೀಫ್ ತಿನ್ನು, ಹೀರೋ ತರಹ ಆಗ್ತೀಯ ಎಂದು ರೇಗಿಸುತ್ತಿದ್ದರು. ಭುವನ್ ಹಾಗೆ ಹೇಳಿದಾಗಲೆಲ್ಲ ಪ್ರಥಮ್ ಸಿಡಿದುಬೀಳುತ್ತಿದ್ದರು. ಕೂಗಾಡುತ್ತಿದ್ದರು. ಬಾಯಿಗೆ ಬಂದಂತೆ ಭುವನ್‍ನ್ನು ಬಯ್ಯುತ್ತಿದ್ದರು. ಆಮೇಲೆ ಪ್ರಥಮ್ ಬಿಗ್‍ಬಾಸ್ ವಿನ್ನರ್ ಆದರು ಅದು ಬೇರೆ ಕಥೆ.

    ಧಾರಾವಾಹಿ ಶೂಟಿಂಗ್‍ನಲ್ಲಾಗಿದ್ದು ಕೂಡಾ ಅದೇ. ಮತ್ತದೇ ಬೀಫ್ ವಿಚಾರಕ್ಕೆ ಪ್ರಥಮ್‍ನನ್ನು ಕೆಣಕಿದ ಭುವನ್, ಗಲಾಟೆ ಮಾಡಿಕೊಂಡಿದ್ದಾರೆ. ಇಡೀ ಘಟನೆ ಶುರುವಾಗಿರುವುದೇ ಅಲ್ಲಿಂದ. ಇದನ್ನು ಪ್ರಥಮ್ ಕೂಡಾ ಹೇಳಿಕೊಂಡಿದ್ದಾರೆ. 

    ಪ್ರಥಮ್ ಹೇಳುತ್ತಿರುವುದೇನು..?

    ನೀವು ಹಾಕಿದ ವೋಟಿನ ಭಿಕ್ಷೆಯಿಂದ ನನಗೆ ಗೆಲುವು ಸಿಕ್ಕಿದೆ ಜೀವನ ರೂಪಿಸಿಕೊಂಡಿದ್ದೇನೆ. ನನ್ನ ಮತ್ತು ಭುವನ್‍ರ ನಡುವಿನ ಇಷ್ಟೂ ಗಲಾಟೆಗೆ ಕಾರಣ ಏನೆಂದರೆ, ಭುವನ್‍ರ ಅತಿಯಾದ ಗೋಮಾಂಸ ಪ್ರೀತಿ. ಅವರು ಯಾವಾಗಲೂ ನನ್ನನ್ನು ಬೀಫ್ ತಿನ್ನುವಂತೆ ಹೇಳಿ ರೇಗಿಸುತ್ತಿದ್ದರು. ಪ್ರಥಮ್, ನೀವು ಕೋತಿ ತರಹಾ ಇದ್ದೀರ.. ಈಗ ಹೀರೋ ಬೇರೆ ಆಗಿದ್ದೀರಾ.. ಬೀಫ್ ತಿನ್ನಿ. ಪರ್ಸನಾಲಿಟಿ ಡೆವಲಪ್ ಮಾಡಿಕೊಳ್ಳಿ ಎಂದು ನನ್ನ ಭಾವನೆ ಕೆರಳಿಸುತ್ತಿದ್ದರು. ಹಸುವಿನ ಗಂಜಲದಲ್ಲಿ ನಾವು ಮಾಡಿದ ಪಾಪಗಳನ್ನು ಕಳೆದುಕೊಳ್ಳಬಹುದು ಎಂದು ನಂಬಿರುವವನು ನಾನು. 

    ನಾನು ನಿಮ್ಮ ನಂಬಿಕೆಗೆ ಮೋಸ ಮಾಡಿಲ್ಲ. ನಾನು ಕಚ್ಚಿಲ್ಲ. ನಿಮ್ಮ ಕಾಲನ್ನು ಕಚ್ಚುತ್ತಾ ಇದ್ದರೆ, ಯಾರೂ ರಕ್ತ ಬರುವ ತನಕ ಸುಮ್ಮನಿರಲ್ಲ. ಝಾಡಿಸಿ ಒದೀತೀರ..ದಯವಿಟ್ಟು ಸತ್ಯ ಅರ್ಥ ಮಾಡಿಕೊಳ್ಳಿ. 

    ಪ್ರಥಮ್ ಮತ್ತು ಭುವನ್ ಮಧ್ಯೆ ನಡೆದಿರುವ ಘಟನೆಯ ಹಿಂದು ಮುಂದಿನ ಚಿತ್ರಗಳ ಸಂಪೂರ್ಣ ಚಿತ್ರಣ ಇದು. ಸದ್ಯಕ್ಕೆ ಪ್ರಥಮ್ ಸಿನಿಮಾ ಶೂಟಿಂಗ್‍ನಲ್ಲಿದ್ದರೆ, ಭುವನ್ ಎಲ್ಲಿದ್ದಾರೆ ಎನ್ನುವುದು ಗೊತ್ತಿಲ್ಲ.  

  • ಪ್ರಥಮ್ ಭುವನ್ ಜಗಳ್‍ಬಂದಿಯ ಹಿಂದೆ ಗೋಮಾಂಸದ ಕಥೆ..! - ಥ್ರಿಲ್ಲರ್ ಸಿನಿಮಾಗಿಂತ ಕಡಿಮೆಯೇನಿಲ್ಲ - ಚಿತ್ರಲೋಕ ಎಕ್ಸ್‍ಕ್ಲೂಸಿವ್ ಭಾಗ 01

    pratham bhuvan sotry

    ಇದುವರೆಗೆ ಪ್ರಥಮ್, ಭುವನ್ ಜಗಳದ ಕಥೆ ನೋಡಿದವರಿಗೆ ಪ್ರಥಮ್ ಖಳನಾಯಕನಂತೆಯೂ, ಭುವನ್ ಸಂತ್ರಸ್ತನಂತೆಯೂ ಕಾಣಿಸಿದೆ. ಆದರೆ, ಕಥೆ ಇಷ್ಟೇ ಅಲ್ಲ. ಹೀಗಾಗಿಯೇ ನಿಜವಾಗಿಯೂ ನಡೆದದ್ದೇನು ಎಂದು ಪತ್ತೆ ಮಾಡಲು ಚಿತ್ರಲೋಕ ಬೆನ್ನು ಹತ್ತಿದಾಗ ಒಂದೊಂದೇ ಕಥೆ ಬಿಚ್ಚಿಕೊಳ್ಳುತ್ತಾ ಹೋಯ್ತು. ಯಾವ ಸಸ್ಪೆನ್ಸ್, ಥ್ರಿಲ್ಲರ್ ಸಿನಿಮಾಗೂ ಕಡಿಮೆಯಿಲ್ಲದಂತಾ ಕಥೆಯೊಂದು ಓಪನ್ ಆಯ್ತು.

    ಇದುವರೆಗೆ ಎಲ್ಲರಿಗೂ ಗೊತ್ತಿರೋದು ಇಷ್ಟು. ಭಾನುವಾರ ಸಂಜೆಯ ಹೊತ್ತಿಗೆ ಪ್ರಥಮ್, ಸಂಜು ಮತ್ತು ನಾನು ಧಾರಾವಾಹಿಯ ಶೂಟಿಂಗ್‍ನಲ್ಲಿ ಸಹನಟ ಭುವನ್ ತೊಡೆಗೆ ಕಚ್ಚಿದ್ದಾನೆ ಎಂದು ನ್ಯೂಸ್ ಚಾನೆಲ್ಲುಗಳಲ್ಲಿ ಬ್ರೇಕಿಂಗ್ ನ್ಯೂಸ್ ಪ್ರಕಟವಾಯ್ತು. ಅದಾದ ನಂತರ ಭುವನ್ ದೂರು ಕೊಟ್ಟಿದ್ದು, ಪ್ರಥಮ್ ಜಾಮೀನು ಪಡೆದಿದ್ದು, ನಂತರ ಪ್ರಥಮ್ ಭುವನ್ ವಿರುದ್ಧ ದೂರು ಕೊಟ್ಟಿದ್ದು, ನಾನು ಹಲ್ಲೆ ಮಾಡಿಲ್ಲ ಎಂದು ಹೇಳುತ್ತಿರುವುದು. ಇದೆಲ್ಲ ಇಡೀ ಘಟನೆಯ ಸಂಕ್ಷಿಪ್ತ ಚಿತ್ರಣ. ಆದರೆ, ಇಡೀ ಘಟನೆ ಇಷ್ಟೇ ಅಲ್ಲ. ಈ ಬಗ್ಗೆ ಚಿತ್ರಲೋಕ ಮೊದಲು ಸಂಪರ್ಕಿಸಿದ್ದು ಸಂಜು ಮತ್ತು ನಾನು ಧಾರಾವಾಹಿಯ ನಿರ್ದೇಶಕ ರಾಜೇಶ್ ಅವರನ್ನ.

    ನಿರ್ದೇಶಕ ರಾಜೇಶ್ ಹೇಳಿದ್ದು

    ಇಡೀ ಘಟನೆ ನಡೆದಿದ್ದು ಶನಿವಾರ ಅಂದರೆ ಜುಲೈ 22ನೇ ತಾರೀಕು. ಸಂಜೆ 4.45ರಿಂದ 5.15ರ ಮಧ್ಯೆ. ಗಲಾಟೆ ಆಗಿದ್ದು ನಿಜ. ಆದರೆ, ಎಲ್ಲರೂ ಹೇಳುವಂತೆ ಭುವನ್ ಮತ್ತು ಪ್ರಥಮ್ ಮಧ್ಯೆ ಪ್ರತಿದಿನವೂ ಜಗಳ ನಡೆಯುತ್ತಿರಲಿಲ್ಲ. ಇಬ್ಬರೂ ಪರಸ್ಪರ ಮಾತನಾಡುತ್ತಿದ್ದುದೇ ಕಡಿಮೆ. ಕೆಲವು ಬಾರಿ ಪ್ರಥಮ್ ಅವರೇ ಭುವನ್ ಬಳಿ ಹೋಗಿ ಸೆಲ್ಫೀ ತೆಗೆದುಕೊಂಡು ತಮ್ಮ ಫೇಸ್‍ಬುಕ್ ಪೇಜ್‍ಗೆ ಹಾಕುತ್ತಿದ್ದರು.

    ಅದು ಪ್ರಥಮ್‍ಗೆ ಲಾಸ್ಟ್ ಡೇ

    ಸಂಜು ಮತ್ತು ನಾನು ಧಾರಾವಾಹಿಯಲ್ಲಿ ಪ್ರಥಮ್ ಭಾಗದ ಶೂಟಿಂಗ್ ಮುಗಿದಿತ್ತು.ಶನಿವಾರವೇ ಕೊನೆಯ ದಿನ. ಸಂಜೆ 4.45ರ ಸುಮಾರಿಗೆ ಗಲಾಟೆ ನಡೆಯಿತು. ನಂತರ ನನ್ನ ತಂಡದ ಸದಸ್ಯರ ಬಳಿ ಘಟನೆಯ ವಿವರ ತಿಳಿದುಕೊಂಡೆ. ಪ್ರಥಮ್‍ಗೆ ಮೊದಲು ಹೊಡೆದಿದ್ದು ಭುವನ್. ಪ್ರಥಮ್ ಏಕಾಏಕಿ ಹಲ್ಲೆ ಮಾಡಲಿಲ್ಲ. ನಂತರ ಇಡೀ ಚಿತ್ರತಂಡದ ಸದಸ್ಯರು ಇಬ್ಬರನ್ನೂ ಹಿಡಿದು ಸಮಾಧಾನ ಪಡಿಸುವ ಯತ್ನ ಮಾಡಿದರು. ಹೊಡೆದಾಡುತ್ತಿದ್ದವರನ್ನು ಬೇರೆ ಮಾಡಿದರು. ನಂತರ ಇಬ್ಬರೂ ತಮ್ಮ ತಮ್ಮ ರೂಮುಗಳಿಗೆ ತೆರಳಿದರು.

    ಭುವನ್ ಗಾಯದ ವಿಚಾರ ಹೇಳಿದ್ದು ಭುವನ್ ಅಲ್ಲ..!

    ಕೆಲವು ನಿಮಿಷಗಳ ನಂತರ ಓನರ್ ವಿಶಾಲಾಕ್ಷಮ್ಮ ಭುವನ್ ತೊಡೆಯಲ್ಲಿ ಗಾಯವಾಗಿದೆ ಎಂದು ಹೇಳಿದರು. ಅದಾದ ನಂತರವೇ ಪ್ರಥಮ್ ಭುವನ್‍ನ ತೊಡೆಗೆ ಕಚ್ಚಿದ್ದಾನೆ ಎಂಬ ಸುದ್ದಿ ಹಬ್ಬಿದ್ದು. ನಂತರ ಶೂಟಿಂಗ್ ಶುರು ಮಾಡಿದೆವು. ಭುವನ್ ನನ್ನ ಕೈ ನೋಯುತ್ತಿದೆ ಎಂದು ಹೇಳಿದರು. ಇದು ಹೊಡೆದಾಟದ ಎಫೆಕ್ಟ್. ಏನೂ ಆಗಲ್ಲ. ಕೆಲಸದ ಕಡೆ ಗಮನ ಕೊಡು, ಎಲ್ಲ ಸರಿ ಹೋಗುತ್ತೆ ಎಂದು ಹೇಳಿದೆ. 

    ಭುವನ್ ಆರಾಮಾಗಿಯೇ ಇದ್ದ..!

    ಅದಾದ ನಂತರ ಧಾರಾವಾಹಿಯ ಚಿತ್ರೀಕರಣ ರಾತ್ರಿ 9.45ರವರೆಗೂ ನಡೆಯಿತು. ಭುವನ್ ನಾರ್ಮಲ್ ಆಗಿಯೇ ಓಡಾಡಿಕೊಂಡಿದ್ದರು. ಅಲ್ಲಿಗೆ ಎಲ್ಲವೂ ಮುಗಿದಿತ್ತು. ಮಾರನೇ ದಿನ ಅದು ನ್ಯೂಸ್ ಆಯ್ತು. ಕೆಲವು ಚಾನೆಲ್ಲಿನವರು ನನ್ನನ್ನು ಕೇಳಿದರು. ನಾನು ಘಟನೆಯ ವಿವರ ನೀಡಿದೆ. 

    ಪವನ್ ಎಂಬುವ ವ್ಯಕ್ತಿಯೇ ಇಲ್ಲ..!

    ಅದು ನಿಜಕ್ಕೂ ನನಗೂ ಶಾಕಿಂಗ್ ನ್ಯೂಸ್. ಆ ದಿನ ನ್ಯೂಸ್ ಚಾನೆಲ್ಲುಗಳಲ್ಲಿ ಪವನ್ ಎಂಬ ವ್ಯಕ್ತಿ ಮಾತನಾಡಿದ. ಸಂಜು ಮತ್ತು ನಾನು ಧಾರಾವಾಹಿಯ ಅಸೋಸಿಯೇಟ್ ಡೈರೆಕ್ಟರ್ ಎಂದು ಹೇಳಿಕೊಂಡು ಮಾತನಾಡಿದ. ಆದರೆ, ಪವನ್ ಎಂಬ ವ್ಯಕ್ತಿ ಯಾರೋ ನಿರ್ದೇಶಕನಾದ ನನಗೂ ಗೊತ್ತಿಲ್ಲ. ನನ್ನ ಟೀಂನಲ್ಲಿ ಅಸೋಸಿಯೇಟ್ ಡೈರೆಕ್ಟರ್ ಇಲ್ಲ. ನ್ಯೂಸ್ ಚಾನೆಲ್‍ಗಳಿಗೆ ಮಾತನಾಡಿದ ಆ ವ್ಯಕ್ತಿ ಯಾರು..? ನನಗೆ ಗೊತ್ತಿಲ್ಲ.

    ದೂರು ಕೊಟ್ಟಿದ್ದು 20 ಗಂಟೆಗಳ ನಂತರ..!

    ಘಟನೆ ನಡೆದಿರೋದು ಜುಲೈ 22ನೇ ತಾರೀಕು. ದೂರು ಕೊಟ್ಟಿರೋದು 23ನೇ ತಾರೀಕು ಸಂಜೆ. ಘಟನೆ ಮತ್ತು ದೂರಿನ ಮಧ್ಯೆ 20 ಗಂಟೆಗಳ ಗ್ಯಾಪ್ ಇದೆ. ಅಷ್ಟು ದೊಡ್ಡ ಗಾಯವಾಗಿದ್ದರೆ, ಭುವನ್ ಯಾಕೆ ಘಟನೆ ನಡೆದ ತಕ್ಷಣ ದೂರು ಕೊಡಲಿಲ್ಲ. ತಕ್ಷಣ ಯಾಕೆ ಚಿಕಿತ್ಸೆಯನ್ನೂ ಪಡೆಯಲಿಲ್ಲ. ಅದು ಯಕ್ಷ ಪ್ರಶ್ನೆ.

    ಚಿತ್ರಲೋಕದ ತನಿಖೆಯಲ್ಲಿ ಗೊತ್ತಾದ ಅಂಶವೆಂದರೆ, ತಲಘಟ್ಟಪುರ ಠಾಣೆಗೆ ಭುವನ್ ನಾರ್ಮಲ್ ಆಗಿಯೇ ನಡೆದುಕೊಂಡು ಬಂದರು. ಆಗ ಠಾಣೆಯಲ್ಲಿದ್ದ ಇನ್ಸ್‍ಪೆಕ್ಟರ್ ಇದನ್ನು ಗಮನಿಸಿ, ಕಂಪ್ಲೇಂಟ್ ತೆಗೆದುಕೊಂಡಿಲ್ಲ. ಫ್ರೆಂಡ್‍ಶಿಪ್ ಮಧ್ಯೆ ನಡೆದ ಸಣ್ಣ ಜಗಳವನ್ನು ಸ್ಟೇಷನ್‍ಗೇಕೆ ತರುತ್ತೀರಿ. ನೀವೇ ಮಾತನಾಡಿ ಸರಿಪಡಿಸಿಕೊಳ್ಳಿ.. ಎಂದು ಬುದ್ದಿಮಾತು ಹೇಳಿದ್ದಾರೆ. ಆದರೆ ಯಾವಾಗ ಪ್ರಕರಣ ನ್ಯೂಸ್ ಚಾನೆಲ್‍ಗಳಲ್ಲಿ ಬಂದು, ಟಿವಿಗಳಲ್ಲಿ ಭುವನ್ ತಮ್ಮ ತೊಡೆಗೆ ಪ್ರಥಮ್ ಕಚ್ಚಿದ್ದಾನೆ ಎಂದು ಫೋಟೋ ಮತ್ತು ವಿಡಿಯೋಗಳು ಹೊರಬಂದವೋ, ಆಗ ಪೊಲೀಸರು ದೂರು ಸ್ವೀಕರಿಸಿ, ಎಫ್‍ಐಆರ್ ಮಾಡಿಕೊಂಡಿದ್ದಾರೆ.

    ಎಲ್ಲಿ ಹೋಗಿದ್ದರು ಪ್ರಥಮ್..?

    ಇಷ್ಟೂ ಘಟನೆ ನಡೆಯುವಾಗ ಪ್ರಥಮ್ ಎಂಎಲ್‍ಎ ಚಿತ್ರದ ಶೂಟಿಂಗ್‍ನಲ್ಲಿದ್ದರು. ಧಾರಾವಾಹಿಯ ಶೂಟಿಂಗ್ ಮುಗಿಸಿ, ಸಿನಿಮಾ ಶೂಟಿಂಗ್‍ನಲ್ಲಿ ತೊಡಗಿಸಿಕೊಂಡಿದ್ದರು. ಪ್ರಥಮ್‍ಗೆ ಭುವನ್ ತನ್ನ ವಿರುದ್ಧ ದೂರು ಕೊಟ್ಟಿದ್ದಾರೆ ಎನ್ನುವುದು ಗೊತ್ತಾಗಿದ್ದು ನ್ಯೂಸ್ ಚಾನೆಲ್ಲುಗಳಲ್ಲಿ ಬಹಿರಂಗವಾದ ನಂತರ. ಎಂಎಲ್‍ಎ ಚಿತ್ರದ ನಿರ್ದೇಶಕರೇ, ಪ್ರಥಮ್‍ಗೆ ಮೊದಲು ಕೋರ್ಟ್‍ಗೆ ಹೋಗಿ ಜಾಮೀನು ತೆಗೆದುಕೊಂಡು ಬರುವಂತೆ ಸಲಹೆ ನೀಡಿದರು. ಅದರಂತೆ ಪ್ರಥಮ್, ಕೋರ್ಟ್‍ನಲ್ಲಿ ಶರಣಾಗಿ ಜಾಮೀನು ಪಡೆದುಕೊಂಡರು. ನಂತರ ಭುವನ್ ವಿರುದ್ಧ ದೂರು ನೀಡಿದರು. 

    ಈಗ ಭುವನ್ ಮನೆಯಲ್ಲಿಲ್ಲ. ಇಬ್ಬರ ಮಧ್ಯೆ ಇಷ್ಟು ದೊಡ್ಡ ಜಗಳ ಶುರುವಾಗಲು ಕಾರಣ ಏನು..? ಎಲ್ಲಿಂದ ಶುರುವಾಯ್ತು..? ಗೋಮಾಂಸದ ಕಥೆ ಏನು..?

    ಮುಂದಿನ ಭಾಗದಲ್ಲಿ ನೋಡಿ. 

     

  • ಪ್ರಥಮ್.. ಏನಪ್ಪಾ ನಿನ್ ಸೀಕ್ರೆಟ್ಟು..?

    pratham's secret

    ಬಿಗ್‍ಬಾಸ್ ಪ್ರಥಮ್, ಬಿಲ್ಡಪ್ ಸೃಷ್ಟಿಸೋದ್ರಲ್ಲಿ ಎತ್ತಿದ ಕೈ. ಅದೂ ಸುಮ್ಮನೆ ಬಿಲ್ಡಪ್ ಹುಟ್ಟೋದಿಲ್ಲ. ಹೇಳಿದ್ದನ್ನು ಮಾಡಿ ತೋರಿಸಿರುವ ಹುಡುಗ ಪ್ರಥಮ್. ನಿಮಗೆಲ್ಲ ಗೊತ್ತಿರೋ ಹಾಗೆ, ಪ್ರಥಮ್ ಅವರ ಮೊದಲ ಚಿತ್ರ `ದೇವ್ರಂತಾ ಮನುಷ್ಯ' ಚಿತ್ರಕ್ಕೆ ಕ್ಲಾಪ್ ಮಾಡಿದ್ದು ಹೆಚ್.ಡಿ. ದೇವೇಗೌಡ. ಎರಡನೇ ಸಿನಿಮಾ `ಎಂಎಲ್‍ಎ' ಚಿತ್ರಕ್ಕೆ ಕ್ಲಾಪ್ ಮಾಡಿದ್ದವರು ಸಿದ್ದರಾಮಯ್ಯ. 

    ಈಗ ಅವರ 3ನೇ ಸಿನಿಮಾ `ಬಿಲ್ಡಪ್' ರೆಡಿಯಾಗುತ್ತಿದೆ. ಹೇಳಿದಂತೆ ಶಿವರಾಜ್ ಕುಮಾರ್ ಅವರಿಂದಲೇ ಟೈಟಲ್ ಲಾಂಚ್ ಮಾಡಿಸಿರುವ ಪ್ರಥಮ್, ಈಗ ಚಿತ್ರಕ್ಕೆ ಕ್ಲಾಪ್ ಮಾಡೋಕೆ ದೇಶದ ಅತಿಗಣ್ಯ ವ್ಯಕ್ತಿಯೊಬ್ಬರನ್ನು ಕರೆಸುತ್ತಿದ್ದಾರಂತೆ. ಅವರ ಹೆಸರು ಕೇಳಿದರೆ ಸಾಕು, ಇಡೀ ದೇಶ ಎದ್ದು ನಿಂತು ಗೌರವಿಸುತ್ತೆ ಅಂತಾರೆ ಪ್ರಥಮ್. ಆದರೆ ಅವರ್ಯಾರು ಅನ್ನೋದನ್ನು ಮಾತ್ರ ಪ್ರಥಮ್ ಹೇಳೋದಿಲ್ಲ. 

    ಇನ್ನು ಚಿತ್ರದಲ್ಲಿ ಭಾರತ ಚಿತ್ರರಂಗದಲ್ಲೇ ಖ್ಯಾತರಾಗಿರುವ ನಟಿಯೊಬ್ಬರು ನಟಿಸಲಿದ್ದಾರಂತೆ. ಇನ್ನು ಹಲವು ವರ್ಷಗಳಿಂದ ಚಿತ್ರರಂಗದಿಂದ ದೂರವಿದ್ದ ಹಿರಿಯ ಕಲಾವಿದರೊಬ್ಬರು ಈ ಚಿತ್ರದಲ್ಲಿ ನಟಿಸಲಿದ್ದಾರಂತೆ. ಇವೆಲ್ಲವನ್ನೂ ಹೇಳಿಕೊಳ್ಳುವ ಪ್ರಥಮ್, ಅವರ್ಯಾರು ಅನ್ನೋ ವಿಷಯವನ್ನು ಮಾತ್ರ ಗುಟ್ಟಾಗಿಡ್ತಾರೆ. ಒಟ್ಟಿನಲ್ಲಿ ಸೀಕ್ರೆಟ್ ಮೈಂಟೇನ್ ಮಾಡಿಕೊಂಡೇ `ಬಿಲ್ಡಪ್' ತೆಗೆದುಕೊಳ್ಳೊದ್ರಲ್ಲಿ, ಪ್ರಥಮ್‍ಗೆ ಪ್ರಥಮ್ ಅವರೇ ಸಾಟಿ.

#

The Terrorist Movie Gallery

Thayige Thakka Maga Movie Gallery