` rakshith shetty - chitraloka.com | Kannada Movie News, Reviews | Image

rakshith shetty

  • ನಿನ್ನೆ ನಿನ್ನೆಗೇ.. ನಾಳೆ ನಾಳೆಗೆ.. - ರಕ್ಷಿತ್ ಶೆಟ್ಟಿ

    rakshit shetty's gentleman reaction towards one question

    ರಕ್ಷಿತ್ ಶೆಟ್ಟಿ ಈಗ ಅವನೇ ಶ್ರೀಮನ್ನಾರಾಯಣದ ಪ್ರಮೋಷನ್ ಕೆಲಸದಲ್ಲಿ ಫುಲ್ ಬ್ಯುಸಿ. ಆದರೆ, ಈ ಸಿನಿಮಾ ಪ್ರಚಾರಕ್ಕೆ ಹೋದಾಗಲೆಲ್ಲ ಅವರಿಗೆ ಎದುರಾಗುತ್ತಿರುವ ಒಂದು ಕಾಮನ್ ಪ್ರಶ್ನೆ ಅವರ ರಿಲೇಷನ್‌ಶಿಪ್‌ನದ್ದು. ಆದರೆ, ಅವರು ಅದನ್ನು ಅದೆಷ್ಟು ಚೆನ್ನಾಗಿ ಬ್ಯಾಲೆನ್ಸ್ ಮಾಡುತ್ತಿದ್ದಾರೆಂದರೆ, ಕೇಳುವವರೇ ಪ್ರಶ್ನೆ ಡ್ರಾಪ್ ಮಾಡಬೇಕು ಎನಿಸುವಷ್ಟು.

    `ನಾನು ಭೂತಕಾಲವನ್ನು ಜಡ್ಜ್ ಮಾಡೋಕೆ ಹೋಗಲ್ಲ. ಪ್ರತಿಯೊಬ್ಬರ ಜೀವನದಲ್ಲೂ ಒಬ್ಬರಲ್ಲ ಒಬ್ಬರು ಬರ್ತಾರೆ. ಹೋಗ್ತಾರೆ. ಇದು ಕೇವಲ ರೊಮ್ಯಾಂಟಿಕ್ ರಿಲೇಷನ್‌ಶಿಪ್ ಅಷ್ಟೇ ಅಲ್ಲ, ಸ್ನೇಹಿತರು, ಕೆಲಸದ ವಿಚಾರದಲ್ಲೂ ಅಷ್ಟೆ. ಬರುವವರು ಬರಬಹುದು. ಹೋಗುವವರು ಹೋಗಬಹುದು. ಯಾರನ್ನೂ ನಾನು ತಡೆಯಲ್ಲ. ಜೊತೆಗೆ ಬಂದ ಪ್ರತಿಯೊಬ್ಬರೂ ಪಾಠ ಕಲಿಸ್ತಾರೆ. ಕಲಿಯುತ್ತಿರಬೇಕು, ಅಷ್ಟೆ' ಎಂದಿದ್ದಾರೆ ರಕ್ಷಿತ್.

    ಸಿಂಪಲ್ಲಾಗ್ ಹೇಳ್ಬೇಕಂದ್ರೆ, ಸಿಂಪಲ್ ಸ್ಟಾರ್ ಅದೆಲ್ಲವನ್ನೂ ಪಕ್ಕಕ್ಕಿಟ್ಟು ತಮ್ಮ ಕನಸಿನ ಚಿತ್ರ ಅವನೇ ಶ್ರೀಮನ್ನಾರಾಯಣವನ್ನಷ್ಟೆ ಧ್ಯಾನಿಸುತ್ತಿದ್ದಾರೆ. ಸಚಿನ್ ನಿರ್ದೇಶನದ ಚಿತ್ರದಲ್ಲಿ ರಕ್ಷಿತ್‌ಗೆ ಶಾನ್ವಿ ಹೀರೋಯಿನ್. ಪುಷ್ಕರ್ ಮಲ್ಲಿಕಾರ್ಜುನಯ್ಯ ನಿರ್ಮಾಣದ ಅವನೇ ಶ್ರೀಮನ್ನಾರಾಯಣ ಡಿಸೆಂಬರ್ ಕೊನೆಯಲ್ಲಿ ರಿಲೀಸ್ ಆಗುತ್ತಿದೆ.

  • ನೋಡ್ ನೋಡ್ತಾನೇ ಮುಗಿದೋಯ್ತು ಮೊದಲ ಹಂತ

    ನೋಡ್ ನೋಡ್ತಾನೇ ಮುಗಿದೋಯ್ತು ಮೊದಲ ಹಂತ

    ಸಿಂಪಲ್ ಸ್ಟಾರ್ ರಕ್ಷಿತ್ ಶೆಟ್ಟಿ ಮತ್ತು ಹೇಮಂತ್ ರಾವ್ ಮತ್ತೆ ಜೋಡಿಯಾಗಿರುವ ಸಪ್ತ ಸಾಗರದಾಚೆಯೆಲ್ಲೋ ಚಿತ್ರದ ಮೊದಲ ಹಂತದ ಚಿತ್ರೀಕರಣ ನೋಡ ನೋಡುತ್ತಲೇ ಮುಗಿದು ಹೋಗಿದೆ. ಮೊನ್ನೆ ಮೊನ್ನೆ ಶುರುವಾಯ್ತು ಎಂದುಕೊಳ್ಳುತ್ತಿರುವಾಗಲೇ 21 ದಿನಗಳ ಮೊದಲ ಶೆಡ್ಯೂಲ್ ಮುಗಿಸಿದೆ ಚಿತ್ರತಂಡ.

    ರಕ್ಷಿತ್ ಶೆಟ್ಟಿ ಎದುರು ರುಕ್ಮಿಣಿ ನಾಯಕಿಯಾಗಿದ್ದಾರೆ. ಕೋವಿಡ್ ಹಿನ್ನೆಲೆಯಲ್ಲಿ ಶೂಟಿಂಗ್‍ನ್ನು ತರಾತುರಿಯಲ್ಲೇ ಮುಗಿಸಿದ್ದಾರೆ. ಚಿತ್ರತಂಡದ ಎಲ್ಲರಿಗೂ ಕೊರೊನಾ ವ್ಯಾಕ್ಸಿನ್ ಹಾಕಿಸಿದ ನಂತರ ಮುಂದಿನ ಹಂತದ ಚಿತ್ರೀಕರಣ ಶುರುವಾಗಲಿದೆ. 2ನೇ ಹಂತಕ್ಕಾಗಿ ರಕ್ಷಿತ್ ಶೆಟ್ಟಿ 10ರಿಂದ 15 ಕೆಜಿ ದಪ್ಪಗಾಗಬೇಕಿದ್ದು, ಜುಲೈನಲ್ಲಿ ಶೂಟಿಂಗ್ ಶುರುವಾಗಲಿದೆ.

  • ಪಂಚಭಾಷಾ ಸಿನಿಮಾ ಅವನೇ ಶ್ರೀಮನ್ನಾರಾಯಣ

    after kgf avane srimananrayana to release in 5 languages

    ರಕ್ಷಿತ್ ಶೆಟ್ಟಿ ಸಿನಿಮಾ ಬಂದು ಎರಡೂವರೆ ವರ್ಷವಾಯ್ತು. ಇನ್ನೂ 3 ತಿಂಗಳು ಕಾಯಬೇಕು. ಆಗ ಬರ ನೀಗಲಿದೆ. ಅವನೇ ಶ್ರೀಮನ್ನಾರಾಯಣ ಆಗಸ್ಟ್‍ನಲ್ಲಿ ತೆರೆಗೆ ಬರ್ತಾನೆ. ಒಂದಲ್ಲ.. ಎರಡಲ್ಲ.. ಐದು ಭಾಷೆಗಳಲ್ಲಿ ಮಾತನಾಡ್ತಾನೆ. ಕನ್ನಡ, ತೆಲುಗು, ತಮಿಳು, ಮಲಯಾಳಂ ಹಾಗೂ ಹಿಂದಿಯಲ್ಲಿ ಮಾತನಾಡಲಿದ್ದಾನೆ ಶ್ರೀಮನ್ನಾರಾಯಣ.

    ಪುಷ್ಕರ್ ಮಲ್ಲಿಕಾರ್ಜುನಯ್ಯ, ಪ್ರಕಾಶ್ ಗೌಡ ನಿರ್ಮಾಣದ ಚಿತ್ರಕ್ಕೆ ಯುವ ನಿರ್ದೇಶಕ ಸಚಿನ್ ಆ್ಯಕ್ಷನ್ ಕಟ್ ಹೇಳಿದ್ದಾರೆ. ಶ್ವೇತಾ ಶ್ರೀವಾಸ್ತವ್ ಹೀರೋಯಿನ್. 9 ಸೆಟ್ಟುಗಳಲ್ಲಿ 200 ದಿನ ಶೂಟಿಂಗ್ ಮಾಡಿರುವ ಸಿನಿಮಾ ಅವನೇ ಶ್ರೀಮನ್ನಾರಾಯಣ.

    ಆಗಸ್ಟ್‍ನಲ್ಲಿ ಯಾವಾಗ ಅನ್ನೋದು ಫೈನಲ್ ಆಗಿಲ್ಲ. ಒಬ್ಬ ನಟನಾಗಿ ನನಗೂ ಕುತೂಹಲವಿದೆ ಎಂದಿರುವ ರಕ್ಷಿತ್ ಶೆಟ್ಟಿ, ಹಿಂದಿಯಲ್ಲಿಯೂ ಅವರೇ ಡಬ್ ಮಾಡಿದ್ದಾರಂತೆ. 

  • ಪಡ್ಡೆಹುಲಿಗೆ ಸಿಂಪಲ್ ಸ್ಟಾರ್ ಪವರ್

    rakshit shetty joins paddehuli team

    ನಿರ್ಮಾಪಕ ಕೆ.ಮಂಜು ಪುತ್ರ ಶ್ರೇಯಸ್ ಅಭಿನಯದ ಮೊದಲ ಸಿನಿಮಾ ಪಡ್ಡೆಹುಲಿ. ಅಪ್ಪಟ ವಿಷ್ಣು ಅಭಿಮಾನಿಯಾಗಿರುವ ಕೆ.ಮಂಜು, ತಮ್ಮ ಮೊದಲ ಚಿತ್ರದಲ್ಲಿ ವಿಷ್ಣು ಆರಾಧನೆಯನ್ನೇ ಮಾಡಿಬಿಟ್ಟಿದ್ದಾರೆ. ಪುತ್ರನಿಗೆ ನಾಗರಹಾವು ರಾಮಾಚಾರಿ ವೇಷ ಹಾಕಿಸಿ ಸಂಭ್ರಮಿಸಿದ್ದಾರೆ. ಚಿತ್ರದಲ್ಲಿ ಚಾಮಯ್ಯ ಮೇಷ್ಟರಂತೆ ಇರೋದು ರವಿಚಂದ್ರನ್. ಇವರೆಲ್ಲರ ಜೊತೆಗೆ ಈಗ ಸಿಂಪಲ್ ಸ್ಟಾರ್ ಆಗಮನವಾಗಿದೆ.

    ರಕ್ಷಿತ್ ಶೆಟ್ಟಿ, ಪಡ್ಡೆಹುಲಿ ಚಿತ್ರದಲ್ಲೊಂದು ಪ್ರಮುಖ ಪಾತ್ರ ಮಾಡುತ್ತಿದ್ದಾರೆ. ಅದು ಅತಿಥಿ ನಟನ ಪಾತ್ರವೇನಲ್ಲ. ಹೀಗೆ ಕಾಣಿಸಿಕೊಂಡು ಮರೆಯಾಗುವ ರೋಲ್ ಅಲ್ಲ. ಮಧ್ಯಂತರದ ನಂತರ ಹೆಚ್ಚೂ ಕಡಿಮೆ ಚಿತ್ರದುದ್ದಕ್ಕೂ ರಕ್ಷಿತ್ ಶೆಟ್ಟಿ ಇರ್ತಾರೆ.

    `ಚಿತ್ರದಲ್ಲಿ ರಕ್ಷಿತ್ ಶೆಟ್ಟಿ ಕ್ರೀಡಾಪಟುವಾಗಿ ಕಾಣಿಸಿಕೊಳ್ತಾರೆ. ಸ್ನೇಹಪೂರ್ವಕವಾಗಿ ನಟಿಸುತ್ತಿದ್ದಾರೆ. ಹೀರೋ ಶ್ರೇಯಸ್‍ಗೆ ಸ್ಫೂರ್ತಿ ತುಂಬುವ ಪಾತ್ರವದು. ಪಾತ್ರವೂ ಪವರ್‍ಫುಲ್ಲಾಗಿದೆ'' ಎಂದಿದ್ದಾರೆ ನಿರ್ದೇಶಕ ಗುರು ದೇಶಪಾಂಡೆ.

  • ಪುಣ್ಯಕೋಟಿ ಬಜೆಟ್ 100 ಕೋಟಿಯಂತೆ..!

    rakshit shetty's pnyakoti

    ದಿ ವಿಲನ್, ಕೆಜಿಎಫ್ ನಂತರ ಕನ್ನಡದಲ್ಲಿ ಮತ್ತೊಂದು ಭಾರಿ ಬಜೆಟ್ ಸಿನಿಮಾ ಸೆಟ್ಟೇರೋಕೆ ಸಿದ್ಧವಾಗಿದೆ. ಈಗಾಗಲೇ ಅವನೇ ಶ್ರೀಮನ್ನಾರಾಯಣ, 777 ಚಾರ್ಲಿ ಎಂಬ ದೊಡ್ಡ ಬಜೆಟ್ ಚಿತ್ರಗಳಲ್ಲಿಯೇ ತೊಡಗಿಸಿಕೊಂಡಿರುವ ರಕ್ಷಿತ್ ಶೆಟ್ಟಿ, ಈಗ 100 ಕೋಟಿ ಬಜೆಟ್ ಚಿತ್ರಕ್ಕೆ ರೆಡಿಯಾಗುತ್ತಿದ್ದಾರೆ. ರಕ್ಷಿತ್ ಶೆಟ್ಟಿ ನಿರ್ದೇಶಿಸಿ, ನಟಿಸಲು ನಿರ್ಧರಿಸಿರುವ ಪುಣ್ಯಕೋಟಿ ಚಿತ್ರದ ಬಜೆಟ್ 100 ಕೋಟಿಯಂತೆ.

    ಪುಣ್ಯಕೋಟಿಗೆ 100 ಕೋಟಿ ಅನ್ನೋಕೂ ಕಾರಣಗಳಿವೆ. ಏಕೆಂದರೆ ಕಥೆ 300 ವರ್ಷಗಳ ಹಿಂದಿನದ್ದು. ಆ ಕಾಲದಲ್ಲಿ ನಡೆದಿದ್ದ ಯುದ್ಧವೊಂದನ್ನು ಮರುಸೃಷ್ಟಿಸುವುದು ಈಗಿನ ಸವಾಲು. ಜೊತೆಯಲ್ಲೇ ಪುಣ್ಯಕೋಟಿ ಗೋವು ಮತ್ತು ಹುಲಿರಾಯನದ ಕಥೆಯನ್ನೂ ಅಳವಡಿಸಿಕೊಂಡು ಕಥೆ ಹೇಳಲಾಗುತ್ತೆ. ಹೀಗಾಗಿ ಚಿತ್ರದ ಬಜೆಟ್ ಮಿನಿಮಮ್ 80ರಿಂದ 100 ಕೋಟಿ ಎನ್ನಲಾಗುತ್ತಿದೆ. ಸಿನಿಮಾ ಮುಂದಿನ ವರ್ಷ ಸೆಟ್ಟೇರಲಿದೆ.

  • ಪುಷ್ಕರ್ ಮಲ್ಲಿಕಾರ್ಜುನಯ್ಯ ವಿರುದ್ಧ ರಕ್ಷಿತ್ ಶೆಟ್ಟಿ ಆರೋಪವೇನು?

    ಪುಷ್ಕರ್ ಮಲ್ಲಿಕಾರ್ಜುನಯ್ಯ ವಿರುದ್ಧ ರಕ್ಷಿತ್ ಶೆಟ್ಟಿ ಆರೋಪವೇನು?

    ಪುಷ್ಕರ್ ಮಲ್ಲಿಕಾರ್ಜುನಯ್ಯ ಮತ್ತು ರಕ್ಷಿತ್ ಶೆಟ್ಟಿ ಆತ್ಮೀಯ ಮಿತ್ರರು. 2016ರಲ್ಲಿ ಗೋಧಿ ಬಣ್ಣ ಸಾಧಾರಣ ಮೈಕಟ್ಟು ಚಿತ್ರದಿಂದ ಶುರುವಾದ ಗೆಳೆತವನ ಅದು. ರಕ್ಷಿತ್ ಶೆಟ್ಟಿ ವೃತ್ತಿ ಜೀವನದ ಅತಿದೊಡ್ಡ ಹಿಟ್ ಕಿರಿಕ್ ಪಾರ್ಟಿ ಚಿತ್ರಕ್ಕೂ ಬಂಡವಾಳ ಹೂಡಿದ್ದವರು ಪುಷ್ಕರ್ ಮಲ್ಲಿಕಾರ್ಜುನಯ್ಯ. ರಕ್ಷಿತ್ ಶೆಟ್ಟಿಯ ಪ್ರತಿ ಪ್ರಾಜೆಕ್ಟ್‍ನಲ್ಲೂ ಪುಷ್ಕರ್ ಹೆಸರು ಇರುತ್ತಿತ್ತು. ಅವರಿಬ್ಬರ ಸ್ನೇಹಕ್ಕೆ ಹುಳಿ ಹಿಂಡಿದ್ದೇ ಅವನೇ ಶ್ರೀಮನ್ನಾರಾಯಣ.

    ಅವನೇ ಶ್ರೀಮನ್ನಾರಾಯಣ, ದೊಡ್ಡ ಬಜೆಟ್ಟಿನಲ್ಲಿ ತಯಾರಾಗಿದ್ದ ಚಿತ್ರ. ದೊಡ್ಡ ಮಟ್ಟದ ನಿರೀಕ್ಷೆಯೂ ಇತ್ತು. ಚಿತ್ರದ ಖರ್ಚಿನಲ್ಲಿ ಧಾರಾಳಿಯಾಗಿದ್ದ ಪುಷ್ಕರ್ ಮಲ್ಲಿಕಾರ್ಜುನಯ್ಯ, ಚಿತ್ರದ ಪ್ರಮೋಷನ್‍ನ್ನೂ ದೊಡ್ಡದಾಗಿಯೇ ಮಾಡಿದರು. ಆದರೆ, ಚಿತ್ರ ಪ್ರೇಕ್ಷಕರಿಗೆ ರುಚಿಸಲೇ ಇಲ್ಲ. ಲಾಸ್ ಆಯಿತು.

    ರಕ್ಷಿತ್ ಶೆಟ್ಟಿ ಪ್ರಕಾರ `ಅವನೇ ಶ್ರೀಮನ್ನಾರಾಯನ ಚಿತ್ರಕ್ಕೆ ಪುಷ್ಕರ್ ಮಲ್ಲಿಕಾರ್ಜುಯನ್ನ ಬಡ್ಡಿಗೆ ಸಾಲ ತಂದು ಹಾಕಿದ್ದರು. ಹೀಗಾಗಿ ಲಾಸ್ ಆಯಿತು. ಇಲ್ಲದೇ ಇದ್ದರೆ ಲಾಸ್ ಆಗುತ್ತಿರಲಿಲ್ಲ. ನಾನೂ 3 ವರ್ಷ ಚಿತ್ರಕ್ಕೆ ಶ್ರಮ ಹಾಕಿದ್ದೆ. ಸಿನಿಮಾ ಓಡಲಿಲ್ಲ ಎಂದ ಮಾತ್ರಕ್ಕೆ ಸಿನಿಮಾ ಬಗ್ಗೆ ಲೂಸ್ ಟಾಕ್ ಮಾಡ್ತಾನೆ ಅಂದ್ರೆ ಆತನಿಗೆ ಸಿನಿಮಾ ಬಗ್ಗೆ ಪ್ರೀತಿ ಇರಲಿಲ್ಲ ಎಂದೇ ಅರ್ಥ. ಹೀಗಾಗಿ ಆತನ ಜೊತೆಗಿನ ಸಂಬಂಧ ಕಡಿದುಕೊಂಡಿದ್ದೇವೆ' ಎಂದಿದ್ದಾರೆ ರಕ್ಷಿತ್ ಶೆಟ್ಟಿ.

    ಅವನೇ ಶ್ರೀಮನ್ನಾರಾಯಣ ಚಿತ್ರದ ಲಾಸ್ 20 ಕೋಟಿಯನ್ನು ಸಾಲ ಮಾಡಿ ತಂದುಕೊಟ್ಟಿದ್ದೇನೆ. ಚಾರ್ಲಿ 777 ಚಿತ್ರಕ್ಕೆ ಹೂಡಿದ್ದ ಮೂರೂವರೆ ಕೋಟಿ ಹಾಗೂ ಸಪ್ತಸಾಗರದಾಚೆಯೆಲ್ಲೋ ಚಿತ್ರದಲ್ಲಿದ್ದ ಬಂಡವಾಳವನ್ನೂ ಪುಷ್ಕರ್ ಅವರಿಗೆ ವಾಪಸ್ ನೀಡಿದ್ದೇನೆ ಎಂದಿರೋ ರಕ್ಷಿತ್ ಶೆಟ್ಟಿ, ಪುಷ್ಕರ್ ಅವರ ಬಿಸಿನೆಸ್ ಸ್ಟೈಲ್ ನನಗೆ ಇಷ್ಟವಾಗಲಿಲ್ಲ ಎಂದಿದ್ದಾರೆ.

    ಹಾಗಂತ ರಕ್ಷಿತ್ ಶೆಟ್ಟಿ ಮತ್ತು ಪುಷ್ಕರ್ ಮಧ್ಯೆ ಇರೋ ಸ್ನೇಹವೂ ಮುಗಿದು ಹೋಯ್ತಾ ಎಂದರೆ ಹಾಗೇನಿಲ್ಲ. ಇತ್ತೀಚೆಗೆ ರಕ್ಷಿತ್ ಶೆಟ್ಟಿ ವಿರುದ್ಧ ಸುದ್ದಿಗಳ ಗಾಸಿಪ್ ಆದಾಗ ಜೊತೆಗಿದ್ದವರು ಇದೇ ಪುಷ್ಕರ್. ರಕ್ಷಿತ್ ಶೆಟ್ಟಿಯ ಹುಟ್ಟುಹಬ್ಬಕ್ಕೂ ಶುಭ ಕೋರಿದ್ದ ಪುಷ್ಕರ್, ರಕ್ಷಿತ್ ಶೆಟ್ಟಿ ಬಗ್ಗೆ ನೆಗೆಟಿವ್ ಸುದ್ದಿ ಬಂದಾಗಲೆಲ್ಲ ಪಾಸಿಟಿವ್ ಆಗಿಯೇ ಜೊತೆಗಿದ್ದಾರೆ.

  • ಪ್ರಭುದೇವಗೆ ಮೂಕಿ ಚಿತ್ರ ಸವಾಲಾಗಲಿಲ್ಲ. ಏಕೆ ಗೊತ್ತಾ..?

    prabhudeva talks about mercury

    ಮಕ್ರ್ಯುರಿ.. ಮೂಕಿ ಸಿನಿಮಾ. ಸೈಲೆಂಟ್ ಥ್ರಿಲ್ಲರ್. ಇಡೀ ಚಿತ್ರದಲ್ಲಿ ಒಂದೇ ಒಂದು ಸಂಭಾಷಣೆ ಇಲ್ಲ. ಡ್ಯಾನ್ಸ್ ಕೂಡಾ ಇಲ್ಲ. ಕಾಮಿಡಿಯೂ ಇಲ್ಲ. ಆದರೆ, ಈ ಚಿತ್ರದ ಹೀರೋ ಪ್ರಭುದೇವ. ಪ್ರಭುದೇವ ಇದ್ದೂ, ಇವ್ಯಾವುದೂ ಇಲ್ಲ ಎಂದರೆ ಹೇಗೆ..? ಪ್ರಭುದೇವ ಅವರಿಗೆ ಇದು ರಿಸ್ಕ್ ಎನಿಸಲಿಲ್ಲವಾ..? ಇಂಥಾದ್ದೊಂದು ಪ್ರಶ್ನೆಯನ್ನು ಪ್ರಭುದೇವ ಮುಂದಿಟ್ಟಾಗ ಅವರು ಹೇಳಿದ್ದು ನಮಗೆ ಅಚ್ಚರಿ ತರಬಹುದು.

    `ನಾನು ಮೂಲತಃ ಡ್ಯಾನ್ಸರ್. ಡ್ಯಾನ್ಸ್ ಮಾಡುವವರು ಮಾತನಾಡದೆಯೇ ಸಂಭಾಷಣೆ ನಡೆಸೋದು ಅತ್ಯಂತ ಸಹಜವಾಗಿ ನಡೆದು ಹೋಗುತ್ತೆ. ಕಣ್ಣು, ಕೈಬಾಯಿ ಸನ್ನೆಗಳಲ್ಲೇ ಕಮ್ಯುನಿಕೇಷನ್ ಆಗಿರುತ್ತೆ. ಹೀಗಾಗಿ ಈ ಸಿನಿಮಾದಲ್ಲಿ ನಟಿಸುವುದು ನನಗೆ ಚಾಲೆಂಜ್ ಎನಿಸಲಿಲ್ಲ'

    ಇದು ಪ್ರಭುದೇವ ಉತ್ತರ. ಮಕ್ರ್ಯುರಿ ಚಿತ್ರದ ಕಥೆ ಕೇಳಿದಾಗ ಥ್ರಿಲ್ ಆಗಿದ್ದರಂತೆ ಪ್ರಭುದೇವ. ನನ್ನೊಳಗೆ ಡ್ಯಾನ್ಸರ್ ಅಷ್ಟೇ ಅಲ್ಲ, ನಟನೂ ಇದ್ದಾನೆ. ಒಳ್ಳೆಯ ಪಾತ್ರಕ್ಕಾಗಿ ಮನಸ್ಸು ಹುಡುಕುತ್ತಿರುತ್ತೆ. ಹೀಗಿರುವಾಗಲೇ ಈ ಸಿನಿಮಾದ ಆಫರ್ ಬಂತು. ಥ್ರಿಲ್ಲಾಗಿಬಿಟ್ಟೆ ಅಂತಾರೆ ಪ್ರಭುದೇವ. 

    ಸಿನಿಮಾ ಇದೇ ವಾರ ರಿಲೀಸ್. ರಕ್ಷಿತ್ ಶೆಟ್ಟಿ, ಪುಷ್ಕರ್ ಮಲ್ಲಿಕಾರ್ಜುನಯ್ಯ ಬ್ಯಾನರ್‍ನ ಪರಂವಾ ಸ್ಟುಡಿಯೋಸ್ ಸಿನಿಮಾವನ್ನು ರಾಜ್ಯದಾದ್ಯಂತ ಬಿಡುಗಡೆ ಮಾಡುತ್ತಿದೆ.ಕಾರ್ತಿಕ್ ಸುಬ್ಬರಾಜ್ ನಿರ್ದೇಶನದ ಈ ಚಿತ್ರ, ಕಾರ್ತಿಕ್-ಪ್ರಭುದೇವ ಕಾಂಬಿನೇಷನ್ ಹಾಗೂ ಸೈಲೆಂಟ್ ಮೂವಿ ಎಂಬ ಕಾರಣಕ್ಕೇ ನಿರೀಕ್ಷೆ ಹುಟ್ಟಿಸಿದೆ.

  • ಬಂದ.. ಬಂದ.. ಬಂದ.. ಅವನೇ ಶ್ರೀಮನ್ನಾರಾಯಣ

    avane srimmanrayana teaser out

    ರಕ್ಷಿತ್ ಶೆಟ್ಟಿ ಹುಟ್ಟುಹಬ್ಬಕ್ಕೆಂದೇ ವಿಶೇಷವಾಗಿ ಸಿದ್ಧಪಡಿಸಲಾಗಿರುವ ಅವನೇ ಶ್ರೀಮನ್ನಾರಾಯಣದ ಟೀಸರ್ ಹೊರಬಿದ್ದಿದೆ. ರಾಕ್ಷಸರನ್ನು ಕೊಲ್ಲಲು ನಮ್ಮೊಳಗಿನ ರಾಕ್ಷಸನನ್ನು ಮೊದಲು ಕೊಂದುಹಾಕಬೇಕು ಎಂಬ ವಾಯ್ಸ್ ಓವರ್‍ನೊಂದಿಗೆ ಶುರುವಾಗುವ ಟೀಸರ್ ನೋಡಿದರೆ, ಕಥೆ ಖಂಡಿತಾ ಗೊತ್ತಾಗಲ್ಲ.

    3 ವರ್ಷಗಳ ನಂತರ ರಕ್ಷಿತ್ ಶೆಟ್ಟಿಯನ್ನು ತೆರೆಗೆ ತರುತ್ತಿರುವ ಚಿತ್ರವಿದು. ಸಚಿನ್ ನಿರ್ದೇಶನದ ಚಿತ್ರದ ಟೀಸರ್ ಪಕ್ಕಾ ಮಾಸ್ ಆ್ಯಕ್ಷನ್ ಸಿನಿಮಾ ಇರಬಹುದು ಎನಿಸುತ್ತದೆಯಾದರೂ, ಬೇರೇನೋ ಇದೆ ಎಂಬ ಕುತೂಹಲವನ್ನೂ ಹುಟ್ಟಿಸುತ್ತೆ. 

    ಶಾನ್ವಿ ಶ್ರೀವತ್ಸವ್ ನಾಯಕಿಯಾಗಿರುವ ಚಿತ್ರಕ್ಕೆ ಪುಷ್ಕರ್ ಮಲ್ಲಿಕಾರ್ಜುನಯ್ಯ ನಿರ್ಮಾಪಕ. ಸಿನಿಮಾ ವರಮಹಾಲಕ್ಷ್ಮಿ ಹಬ್ಬದ ದಿನ ರಿಲೀಸ್ ಆಗುವ ಸಾಧ್ಯತೆ ಇದೆ.

  • ಬಾಕ್ಸಾಫೀಸಿನಲ್ಲಿ ಅವನೇ ಶ್ರೀಮನ್ನಾರಾಯಣ ಕಲೆಕ್ಷನ್ ಎಷ್ಟು..?

    avane srimnananrayana first day collection report

    ಅವನೇ ಶ್ರೀಮನ್ನಾರಾಯಣ ಸಿನಿಮಾ ರಿಲೀಸ್ ಆಗುವವರೆಗೂ ಅದೇನೇ ಕಾನ್ಫಿಡೆನ್ಸ್ ಇದ್ದರೂ, ಸ್ವಲ್ಪ ಟೆನ್ಷನ್ನಿನಲ್ಲಿರುವಂತೆ ಕಾಣುತ್ತಿದ್ದ ನಿರ್ಮಾಪಕ ಪುಷ್ಕರ್ ಮಲ್ಲಿಕಾರ್ಜುನಯ್ಯ ಈಗ ಫುಲ್ ಹ್ಯಾಪಿ. ನಾರಾಯಣನ ಬಗ್ಗೆ ವಿಮರ್ಶಕರು, ಪ್ರೇಕ್ಷಕರು ಹೊಗಳಿರುವುದಷ್ಟೇ ಅಲ್ಲ, ಸಿನಿಮಾದ ಬಾಕ್ಸಾಫೀಸ್ ಖಜಾನೆಯೂ ತುಂಬಿದೆ. ನಾರಾಯಣನಿಗೆ ಧನಲಕ್ಷ್ಮಿ ಒಲಿದಿದ್ದಾಳೆ.

    ಮೂಲಗಳ ಪ್ರಕಾರ ರಕ್ಷಿತ್ ಶೆಟ್ಟಿ, ಶಾನ್ವಿ ಅಭಿನಯದ ಚಿತ್ರದ ಮೊದಲ ದಿನದ ಗಳಿಕೆ 12ರಿಂದ 15 ಕೋಟಿ. ಸಿಂಗಲ್ ಸ್ಕ್ರೀನ್‍ಗಳಿಗಿಂತ ಮಲ್ಟಿಪ್ಲೆಕ್ಸುಗಳಲ್ಲಿ ಚಿತ್ರಕ್ಕೆ ಭರ್ಜರಿ ರೆಸ್ಪಾನ್ಸ್ ಸಿಕ್ಕಿದೆ. ರಿಲೀಸ್ ಆದ ಎಲ್ಲ ಕಡೆಗಳಲ್ಲೂ ಚಿತ್ರಕ್ಕೆ ಭರ್ಜರಿ ಓಪನಿಂಗ್ ಸಿಕ್ಕಿದೆ.

    ನಿರ್ಮಾಪಕರಿಗೆ ಇನ್ನೂ ಖುಷಿಯ ವಿಷಯವೆಂದರೆ, ಇದು ಕ್ರಿಸ್‍ಮಸ್ ಟೈಂ. ರಜೆ ಮುಗಿದಿಲ್ಲ. ಹೀಗಾಗಿ ಒನ್ಸ್ ಎಗೇಯ್ನ್ ರಕ್ಷಿತ್-ಪುಷ್ಕರ್ ಜೋಡಿಗೆ ಡಿಸೆಂಬರ್ ಲಕ್ಕಿ ಎನಿಸಿಬಿಟ್ಟಿದೆ.

     

  • ಬಾಲಿವುಡ್‍ಗೆ ಗೋಧಿ ಬಣ್ಣ..

    godi banna to be remake in hindi

    ಗೋಧಿ ಬಣ್ಣ ಸಾಧಾರಣ ಮೈಕಟ್ಟು.. ತನ್ನ ವಿಭಿನ್ನ ಟೈಟಲ್‍ನಿಂದಾಗಿಯೇ ಗಮನ ಸೆಳೆದಿದ್ದ ಚಿತ್ರ, ವಿಶಿಷ್ಟ ಕಥೆ, ಅನಂತ್‍ನಾಗ್, ರಕ್ಷಿತ್ ಶೆಟ್ಟಿ, ಶ್ರುತಿ ಹರಿಹರನ್ ಅವರ ಅಭಿನಯ, ಹೇಮಂತ್ ರಾವ್ ಅವರ ಅಚ್ಚುಕಟ್ಟಾದ ನಿರ್ದೇಶನದಿಂದ ಕನ್ನಡಿಗರ ಮನ ಗೆದ್ದಿತ್ತು. ಹೀಗೆ ಕನ್ನಡಿಗರ ಮನಗೆದ್ದಿದ್ದ ಚಿತ್ರ, ಈಗ ಬಾಲಿವುಡ್‍ಗೆ ಹೊರಟಿದೆ.

    ಸುಮಾರು ದಿನಗಳಿಂದ ಮಾತುಕತೆ ನಡೆಯುತ್ತಿತ್ತು. ಈಗ ಫೈನಲ್ ಆಗಿದೆ. ಕನ್ನಡದ ಚಿತ್ರವೊಂದು ಹಿಂದಿಗೆ ರೀಮೇಕ್ ಆಗಲಿದೆ. ನನ್ನ ಚಿತ್ರವೇ ರೀಮೇಕ್ ಆಗಲಿದೆ ಎನ್ನುವುದು ಹೆಮ್ಮೆಯ ವಿಚಾರ ಎಂದು ಖುಷಿ ಹಂಚಿಕೊಂಡಿದ್ದಾರೆ ಹೇಮಂತ್ ರಾವ್.

    ಗೋಧಿಬಣ್ಣದ ನಿರ್ಮಾಪಕರಾದ ಪುಷ್ಕರ್, ರಕ್ಷಿತ್ ಶೆಟ್ಟಿ ಎಲ್ಲರೂ ಗೋಧಿ ಬಣ್ಣಕ್ಕೆ ಸಿಕ್ಕ ಮನ್ನಣೆ ನೋಡಿ ಖುಷಿಗೊಂಡಿದ್ದಾರೆ. ಹಿಂದಿಯಲ್ಲಿ ತಯಾರಾಗುತ್ತಿರುವ ಗೋಧಿ ಬಣ್ಣದ ತಾರಾಬಳಗ, ತಂತ್ರಜ್ಞರ ಬಗ್ಗೆ ಇನ್ನೂ ಮಾಹಿತಿ ಹೊರಬಿದ್ದಿಲ್ಲ.

  • ಬುಕ್ಕಿಂಗ್ ಶುರುವಾಯ್ತಾ..? ಹೌದು ಶ್ರೀಮನ್ನಾರಾಯಣ

    avane srimmnarayana booking starts

    ರಕ್ಷಿತ್‌ ಶೆಟ್ಟಿ ಅಭಿನಯದ ಅವನೇ ಶ್ರೀಮನ್ನಾರಾಯಣ ರಿಲೀಸ್ ಆಗೋಕೆ ಇನ್ನೇನು ಕೆಲವೇ ದಿನ. ಚಿತ್ರದ ಟಿಕೆಟ್‌ ಆನ್‌ಲೈನ್‌ ಬುಕ್ಕಿಂಗ್‌ ಶುರುವಾಗಿದೆ. ಮೂರು ದಿನಗಳ ಮೊದಲು ಆನ್‌ಲೈನ್‌ ಬುಕ್ಕಿಂಗ್‌ ಶುರುವಾಗುವುದು ಕಾಮನ್. ಆದರೆ ಅವನೇ ಶ್ರೀಮನ್ನಾರಾಯಣನ ಮೇಲೆ ಪ್ರೇಕ್ಷಕರ ಭಕ್ತಿ ಹೆಚ್ಚಾಗಿರೋ ಕಾರಣ,  ಒಂದು ವಾರ ಮುಂಚಿತವಾಗಿಯೇ ಆರಂಭವಾಗಿದೆ. ಬೆಂಗಳೂರಿನ ಊರ್ವಶಿ ಹಾಗೂ ಕಾವೇರಿ ಚಿತ್ರಮಂದಿರಗಳಲ್ಲಿ ಈಗಾಗಲೇ ಮೊದಲ ದಿನದ ಎಲ್ಲಾ ಟಿಕೆಟ್‌ಗಳು ಸೋಲ್ಡ್‌ ಔಟ್‌ ಆಗಿವೆ.

    ಐದು ಭಾಷೆಗಳಲ್ಲಿ ರಿಲೀಸ್ ಆಗುತ್ತಿರುವ ಚಿತ್ರ, ಕನ್ನಡದಲ್ಲಿ 27ರಂದು ಬಿಡುಗಡೆಯಾಗುತ್ತಿದೆ. ತೆಲುಗಿನಲ್ಲಿ ಜನವರಿ 1, ತಮಿಳು ಹಾಗೂ ಮಲಯಾಳದಲ್ಲಿ ಜನವರಿ 3 ಹಾಗೂ ಹಿಂದಿಯಲ್ಲಿ ಜ.17ರಂದು ರಿಲೀಸ್ ಆಗುತ್ತಿದೆ.

    ಚಿತ್ರದ ಟ್ರೇಲರ್‌ ದೊಡ್ಡ ಮಟ್ಟದಲ್ಲಿ ಹಿಟ್‌ ಆಗಿದ್ದರೆ, ಹ್ಯಾಂಡ್ಸಪ್‌  ಹಾಡು ಚಿಕ್ಕ ಚಿಕ್ಕ ಮಕ್ಕಳಿಗೆ ಇಷ್ಟವಾಗಿಬಿಟ್ಟಿದೆ.

    ಸಚಿನ್‌ ರವಿ ನಿರ್ದೇಶನದ ಅವನೇ ಶ್ರೀಮನ್ನಾರಾಯಣ ಚಿತ್ರಕ್ಕೆ ಪುಷ್ಕರ್ ಮಲ್ಲಿಕಾರ್ಜುನಯ್ಯ ನಿರ್ಮಾಪಕ. ಚಾಲಾಕಿ ನಾರಾಯಣನಿಗಾಗಿ 2 ಸಾವಿರ ದೃಶ್ಯಗಳಲ್ಲಿ ಗ್ರಾಫಿಕ್ಸ್ ಬಳಸಿ ಸಿದ್ಧ ಪಡಿಸಲಾಗಿದ್ಯಂತೆ.ಈ ನಾರಾಯಣ ಪೊಲೀಸ್‌ ಹಾಗೂ ಭ್ರಷ್ಟ ಪೊಲೀಸ್. ಆದರೆ, ಭಲೇ ಬುದ್ದಿವಂತ. ಅವನ ಪ್ರಿಯತಮೆ ಲಕ್ಷ್ಮಿ ಅರ್ಥಾತ್ ಶಾನ್ವಿ ಶ್ರೀವಾತ್ಸವ್. ಅಚ್ಯುತ್‌ ಕುಮಾರ್‌, ರಿಷಬ್‌ ಶೆಟ್ಟಿ, ಪ್ರಮೋದ್‌ ಶೆಟ್ಟಿ ಮೊದಲಾದವರು ಚಿತ್ರದಲ್ಲಿ ನಟಿಸಿದ್ದಾರೆ.

     

  • ಬೆಸ್ಟ್ ಆಫ್ ಲಕ್ ಮಗಾ.. - ರಕ್ಷಿತ್ ಶೆಟ್ಟಿಗೆ ರಿಷಬ್ ಶೆಟ್ಟಿ ಹಾರೈಕೆ 

    rakshit shetty puts up director cap once again

    ರಕ್ಷಿತ್ ಶೆಟ್ಟಿ, ಮತ್ತೆ ನಿರ್ದೇಶನಕ್ಕೆ ಮುಂದಾಗಿದ್ದಾರೆ. ಉಳಿದವರು ಕಂಡಂತೆ ಚಿತ್ರದ ನಂತರ ರಕ್ಷಿತ್ ಶೆಟ್ಟಿ, ನಟನೆ, ನಿರ್ಮಾಣದಲ್ಲೇ ತೊಡಗಿಸಿಕೊಂಡಿದ್ದರು. ಈಗ ಮತ್ತೊಮ್ಮೆ ಡೈರೆಕ್ಟರ್ ಕ್ಯಾಪ್ ತೊಡುತ್ತಿದ್ದಾರೆ. ಪುಣ್ಯಕೋಟಿ ಚಿತ್ರದ ಮೂಲಕ. ಆ ಚಿತ್ರಕ್ಕೆ ಕಥೆ, ಚಿತ್ರಕಥೆ ಮತ್ತು ನಿರ್ದೇಶನ ರಕ್ಷಿತ್ ಶೆಟ್ಟಿ ಅವರದ್ದೇ.

    ಸದ್ಯಕ್ಕೆ ಪುಣ್ಯಕೋಟಿ ಚಿತ್ರದ ಹೆಚ್ಚಿನ ವಿವರಗಳು ತಿಳಿದುಬಂದಿಲ್ಲ. ಏಕೆಂದರೆ, ಈ ಪುಣ್ಯಕೋಟಿ ಕಥೆ ಹೇಳಿರುವುದು ರಕ್ಷಿತ್ ಶೆಟ್ಟಿಯ ಗೆಳೆಯ ರಿಷಬ್ ಶೆಟ್ಟಿ. ಸೋಷಿಯಲ್ ಮೀಡಿಯಾದಿಂದ ದೂರವೇ ಉಳಿದಿರುವ ರಕ್ಷಿತ್ ಶೆಟ್ಟಿಯವರನ್ನು ಉಳಿದವರು ಕಂಡಂತೆ ಚಿತ್ರದ ನಂತರ ಕತೆ, ನಿರ್ದೇಶನ ರಕ್ಷಿತ್ ಶೆಟ್ಟಿ ಅನ್ನೋ ಬರಹ ನೋಡುವುದಕ್ಕೇ ಖುಷಿಯಾಗ್ತಿದೆ. ಈಗ ರಕ್ಷಿತ್ ಕಥೆಯನ್ನು ಮತ್ತೊಮ್ಮೆ ತಿದ್ದುತ್ತಿದ್ದಾರೆ. ಬೆಸ್ಟ್ ಆಫ್ ಲಕ್ ಮಗಾ ಎಂದಿದ್ದಾರೆ ರಿಷಬ್.

  • ಬ್ರೇಕಪ್ ನ್ಯೂಸ್‍ಗೆ ರಕ್ಷಿತ್ ಶೆಟ್ಟಿ ಬ್ರೇಕ್

    rakshit shetty breaks silence on break up iwith rashmika

    ರಕ್ಷಿತ್ ಶೆಟ್ಟಿ ಮತ್ತು ರಶ್ಮಿಕಾ ಮಂದಣ್ಣ ನಡುವಿನ ಬ್ರೇಕಪ್ ನ್ಯೂಸ್ ಕುರಿತಂತೆ ರಕ್ಷಿತ್ ಶೆಟ್ಟಿ ಮೌನ ಮುರಿದಿದ್ದಾರೆ. ಅಷ್ಟೇ ಅಲ್ಲ, ತಾವು ದೂರವಾಗಿದ್ದ ಸಾಮಾಜಿಕ ಜಾಲತಾಣಕ್ಕೆ ಮತ್ತೆ ಬಂದಿರುವ ರಕ್ಷಿತ್ ಶೆಟ್ಟಿ, ರಶ್ಮಿಕಾ ಬೆಂಬಲಕ್ಕೆ ನಿಂತಿದ್ದಾರೆ. ನನ್ನ ಪ್ರೀತಿಪಾತ್ರರ ಬಗ್ಗೆ ಹರಿದಾಡುತ್ತಿರುವ ಕೆಲವು ಸಂಗತಿಗಳ ಕುರಿತು ಸ್ಪಷ್ಟನೆ ನೀಡಲು ಮತ್ತೆ ಬಂದಿದ್ದೇನೆ ಎಂದಿದ್ದಾರೆ ರಕ್ಷಿತ್ ಶೆಟ್ಟಿ.

    ರಶ್ಮಿಕಾ ಬಗ್ಗೆ ರೂಪುಗೊಳ್ಳುತ್ತಿರುವ ಅಭಿಪ್ರಾಯ ಬೇಸರ ತರಿಸಿದೆ. ಪ್ರತ್ಯಕ್ಷ ಕಂಡರೂ ಪ್ರಮಾಣಿಸಿ ನೋಡು ಅಂತಾರೆ. ಆದರೆ ಈ ಸುದ್ದಿಗಳನ್ನು ನನ್ನನ್ನಾಗಲೀ ಅಥವಾ ರಶ್ಮಿಕಾ ಅವರನ್ನಾಗಲೀ ಸಂಪರ್ಕಿಸದೆ ಮಾಡಲಾಗಿದೆ. ರಶ್ಮಿಕಾ ನನಗೆ 2 ವರ್ಷಗಳಿಂದ ಚೆನ್ನಾಗಿ ಗೊತ್ತು. ಎಲ್ಲರಿಗಿಂತ ಚೆನ್ನಾಗಿ ಗೊತ್ತು. ದಯವಿಟ್ಟು ಬಜ್ ಮಾಡುವುದನ್ನು ನಿಲ್ಲಿಸಿ. ರಶ್ಮಿಕಾರನ್ನು ನೆಮ್ಮದಿಯಾಗಿರಲು ಬಿಡಿ ಎಂದು ಮನವಿ ಮಾಡಿದ್ದಾರೆ ರಕ್ಷಿತ್ ಶೆಟ್ಟಿ.

    ದಯವಿಟ್ಟು ಮಾಧ್ಯಮದ ಸುದ್ದಿಗಳನ್ನು ನಂಬಬೇಡಿ ಎಂದಿರುವ ರಕ್ಷಿತ್ ಶೆಟ್ಟಿ, ಅವೆಲ್ಲವೂ ಕಪೋಲಕಲ್ಪಿತ ಎಂದಿದ್ದಾರೆ. ನಾನು ಸಾಮಾಜಿಕ ಜಾಲತಾಣದಿಂದ ದೂರವಾಗೋಕೆ ಕಾರಣ, ನಾನು ಅದಕ್ಕೆ ಅಡಿಕ್ಟ್ ಆಗಿಬಿಟ್ಟಿದ್ದೆ. ಅದರಿಂದ ಹೊರಬರಬೇಕಿತ್ತು.  ಅಷ್ಟೇ ಹೊರತು, ಅದಕ್ಕೂ ರಶ್ಮಿಕಾಗೂ ಸಂಬಂಧ ಕಲ್ಪಿಸಬೇಡಿ ಎಂದು ಕೇಳಿಕೊಂಡಿದ್ದಾರೆ.

  • ಮಕ್ರ್ಯುರಿ ಒಂದು ದಿನ ಮೊದಲೇ ರಿಲೀಸ್.. ಇಲ್ಲಲ್ಲ..!

    mercury to release one day before in united states

    ಮಕ್ರ್ಯುರಿ .. ಈ ಮೂಕಭಾಷೆಯ ಸಿನಿಮಾ ಏಪ್ರಿಲ್ 13ಕ್ಕೆ ದೇಶಾದ್ಯಂತ ಬಿಡುಗಡೆಯಾಗುತ್ತಿದೆ. ಆದರೆ, ಇದಕ್ಕೂ ಮೊದಲೇ.. ಅಂದರೆ ಒಂದು ದಿನ ಮೊದಲು ಮಕ್ರ್ಯುರಿ ಅಮೆರಿಕದಲ್ಲಿ ಬಿಡುಗಡೆಯಾಗುತ್ತಿದೆ. ಅದು ಇಂಡಿಯನ್ ಫಿಲಂ ಫೆಸ್ಟಿವಲ್ ಆಫ್ ಲಾಸ್ ಏಂಜಲೀಸ್ ಚಲನಚಿತ್ರೋತ್ಸವದಲ್ಲಿ. 

    ಮಕ್ರ್ಯುರಿ ಚಿತ್ರಕ್ಕೆ ಬೆನ್ನೆಲುಬಾಗಿ ನಿಂತಿರುವುದು ತಮಿಳಿನಲ್ಲಿ ಧನುಷ್ ಹಾಗೂ ತೆಲುಗಿನಲ್ಲಿ ರಾಣಾದಗ್ಗುಬಾಟಿ. ಕನ್ನಡದಲ್ಲಿ ಮಕ್ರ್ಯುರಿಗೆ ಬೆಂಬಲ ಕೊಟ್ಟಿರುವುದು ರಕ್ಷಿತ್ ಶೆಟ್ಟಿ ಮತ್ತು ಪುಷ್ಕರ್ ಮಲ್ಲಿಕಾರ್ಜುನಯ್ಯ. ಕರ್ನಾಟಕದಲ್ಲಿ ಸಿನಿಮಾವನ್ನು ವಿತರಣೆ ಮಾಡುತ್ತಿರುವ ಮಲ್ಲಿಕಾರ್ಜುನಯ್ಯ, ಒಂದು ದಿನ ಮೊದಲೇ ಚಿತ್ರ ಅಮೆರಿಕದಲ್ಲಿ ಪ್ರದರ್ಶನವಾಗುತ್ತಿರುವುದರಿಂದ ಯಾವುದೇ ತೊಂದರೆ ಇಲ್ಲ ಎಂದಿದ್ದಾರೆ. ಚಿತ್ರದಲ್ಲಿ ಪ್ರಭುದೇವ ಮುಖ್ಯಪಾತ್ರದಲ್ಲಿದ್ದಾರೆ. ಕಾರ್ತಿಕೇಯನ್, ಸಂತಾನಂ, ಜಯಂತಿಲಾಲ್ ಗಡ ಜಂಟಿಯಾಗಿ ನಿರ್ಮಿಸಿರುವ ಚಿತ್ರ ಇದು. ಕಾರ್ತಿಕ್ ಸುಬ್ಬರಾಜು ಚಿತ್ರದ ನಿರ್ದೇಶಕ.

     

  • ಮಕ್ರ್ಯುರಿ ಚಿತ್ರದಲ್ಲಿ ಕೊಡೈಕೆನಾಲ್ ಪಾಯ್ಸನ್ ದುರಂತದ ಕಥೆ

    mercury is based on real incidents

    ಮಕ್ರ್ಯುರಿ ಚಿತ್ರ, ಸೈಲೆಂಟ್ ಥ್ರಿಲ್ಲರ್ ಎಂಬ ಕಾರಣಕ್ಕಾಗಿಯೇ ಗಮನ ಸೆಳೆಯುತ್ತಿರುವ ಸಿನಿಮಾ. ಸಂಭಾಷಣೆ ಇಲ್ಲದ ಚಿತ್ರದಲ್ಲಿರುವ ಕಥೆ ಏನು ಎಂಬುದಕ್ಕೆ ಉತ್ತರ ಸಿಕ್ಕಿದೆ. ಚಿತ್ರದಲ್ಲಿನ ಕಥೆಯ ಮೂಲವಸ್ತು ಕೊಡೈಕೆನಾಲ್‍ನ ಮಕ್ರ್ಯುರಿ ಫ್ಯಾಕ್ಟರಿಯಲ್ಲಿ ನಡೆದ ದುರಂತದ ಕಥೆ. ಅದನ್ನು ನಾಲ್ವರು ಗೆಳೆಯರ ಮೂಲಕ ಹೇಳಲಾಗಿದೆ. 

    1987ರಲ್ಲಿ ಕೊಡೈಕೆನಾಲ್‍ನಲ್ಲಿ ಪಾಂಡ್ಸ್ ಕಂಪೆನಿಯವರು ಮಕ್ರ್ಯುರಿ ಥರ್ಮಾಮೀಟರ್ ಘಟಕ ಸ್ಥಾಪಿಸಿದರು. ಅಮೆರಿಕದಿಂದ ಪಾದರಸ ತರಿಸಿಕೊಂಡು, ಥರ್ಮಾಮೀಟರ್ ತಯಾರಿಸುವುದು ಆ ಫ್ಯಾಕ್ಟರಿಯ ಕೆಲಸ. 2001ರ ಹೊತ್ತಿಗೆ ಆ ಫ್ಯಾಕ್ಟರಿಯಲ್ಲಿ ಕೆಲಸ ಮಾಡುತ್ತಿದ್ದ ಕಾರ್ಮಿಕರಲ್ಲಿ ಕಿಡ್ನಿ ಸಮಸ್ಯೆ ಕಾಣಿಸಿಕೊಂಡಿತು. ಕಾರಣ ಏನೆಂದು ಹುಡುಕುತ್ತಾ ಹೊರಟಾಗ, ಫ್ಯಾಕ್ಟರಿಯವರು ಪಾದರಸದ ವೇಸ್ಟ್‍ನ್ನು ಯಾವುದೇ ಮುಂಜಾಗ್ರತೆ ವಹಿಸದೆ ಕಸ ಎಸೆಯುವಂತೆ ಎಸೆಯುತ್ತಿದ್ದ ವಿಷಯ ಬೆಳಕಿಗೆ ಬಂದಿತ್ತು. ನೂರಾರಲ್ಲ.. ಸಾವಿರಾರು ಕಾರ್ಮಿಕರು, ಕಿಡ್ನಿ ಕಳೆದುಕೊಂಡಿದ್ದಾರೆ. ಜೀವ ಕಳೆದುಕೊಂಡಿದ್ದಾರೆ. ಅವರ ಮಕ್ಕಳು ಇಂದಿಗೂ ನರಳುತ್ತಿದ್ದಾರೆ. ನಮ್ಮ ಕರಾವಳಿ ಭಾಗದ ಎಂಡೋಸಲ್ಫಾನ್ ಕಥೆಯಂತಹುದೇ ಕಥೆ ವಿಷಕಾರಿ ಪಾದರಸದ್ದು. ಆ ಜನರಿಗೆ ಇದುವರೆಗೆ ಯಾವುದೇ ಪರಿಹಾರ ಸಿಕ್ಕಿಲ್ಲ. ಕಂಪೆನಿಯ ತಪ್ಪೇ ಇಲ್ಲ ಎಂಬ ವರದಿ ಬಂದಿದೆ. ಇದು ಸತ್ಯ ಘಟನೆ. 

    ಮಕ್ರ್ಯುರಿ ಚಿತ್ರದಲ್ಲಿರೋದು ಇದೇ ಕಥೆ. ಈ ನೈಜ ಘಟನೆಯನ್ನಿಟ್ಟುಕೊಂಡು ಥ್ರಿಲ್ಲರ್ ಕಥೆ ಹೆಣೆಯಲಾಗಿದೆ. ಹೀಗಾಗಿಯೇ ರಕ್ಷಿತ್ ಶೆಟ್ಟಿ, ಪುಷ್ಕರ್ ಮಲ್ಲಿಕಾರ್ಜುನಯ್ಯ ಅವರ ಪರಂವಾ ಸ್ಟುಡಿಯೋ, ಚಿತ್ರವನ್ನು ಹೆಚ್ಚು ಹೆಚ್ಚು ಜನರಿಗೆ ತಲುಪಿಸುವ ಗುರಿ ಇಟ್ಟುಕೊಂಡು ಹೊರಟಿದೆ. ಕರ್ನಾಟಕದಲ್ಲಿ ಸಿನಿಮಾ ಬಿಡುಗಡೆಯ ಜವಾಬ್ದಾರಿ ಹೊತ್ತಿರುವುದೇ ಪರಂವಾ ಸ್ಟುಡಿಯೋ. ಒಂದು ಸಾಮಾಜಿಕ ಕಳಕಳಿ ಇರುವ ಚಿತ್ರ, ಇದೇ ವಾರ ಬಿಡುಗಡೆಯಾಗುತ್ತಿದೆ.

  • ಮಕ್ರ್ಯುರಿ ನಿರ್ದೇಶಕರ ಸಿನಿಮಾ ಲಿಸ್ಟ್ ಕೇಳಿದ್ರೆ ಸಾಕು..

    mercury is directors special

    ಮಕ್ರ್ಯುರಿ ಅನ್ನೋ ಸಂಭಾಷಣೆಯಿಲ್ಲ, ಡ್ಯಾನ್ಸ್ ಇಲ್ಲದ ಸೈಲೆಂಟ್ ಥ್ರಿಲ್ಲರ್ ಬಿಡುಗಡೆಯಾಗುತ್ತಿರುವುದು ಗೊತ್ತಿರುವ ವಿಷಯವೇ. ಏಕೆಂದರೆ, ಕರ್ನಾಟಕದಲ್ಲಿ ಈ ಚಿತ್ರವನ್ನು ಪ್ರಮೋಟ್ ಮಾಡುತ್ತಿರುವುದು ರಕ್ಷಿತ್ ಶೆಟ್ಟಿ ಮತ್ತು ಪುಷ್ಕರ್ ಮಲ್ಲಿಕಾರ್ಜುನಯ್ಯ. ಅವರು ತಮ್ಮ ಪರಂವಾ ಸ್ಟುಡಿಯೋದಿಂದ ಚಿತ್ರವನ್ನು ಕರ್ನಾಟಕದಲ್ಲಿ ವಿತರಣೆ ಮಾಡುತ್ತಿದ್ದಾರೆ. ಚಿತ್ರದಲ್ಲಿ ಪ್ರಭುದೇವಾ ಹೀರೋ. ಆದರೆ, ಅದೆಲ್ಲಕ್ಕಿಂತ ಕುತೂಹಲ ಹುಟ್ಟಿಸಿರುವುದು ಚಿತ್ರದ ನಿರ್ದೇಶಕ ಕಾರ್ತಿಕ್ ಸುಬ್ಬರಾಜ್.

    ಕಾರ್ತಿಕ್ ಅವರ ಈ ಹಿಂದಿನ ಚಿತ್ರಗಳ ಹೆಸರುಗಳನ್ನೊಮ್ಮೆ ಕೇಳಿದರೆ ಸಾಕು, ಚಿತ್ರದ ಕುತೂಹಲ ನೂರ್ಮಡಿಯಾಗುತ್ತೆ. ಕಾರ್ತಿಕ್ ನಿರ್ದೇಶಿಸಿದ ಮೊದಲ ಚಿತ್ರ ಪಿಜ್ಜಾ. ಇದು ಕನ್ನಡದಲ್ಲಿ ವಿಷಲ್ ಹೆಸರಿನಲ್ಲಿ ರೀಮೇಕ್ ಆಗಿದ್ದ ಚಿತ್ರ. ಮತ್ತೊಂದು ಚಿತ್ರ ಜಿಗರ್‍ಥಂಡಾ. ಆ ಚಿತ್ರವನ್ನು ಕಿಚ್ಚ ಸುದೀಪ್ ತಮ್ಮ ಬ್ಯಾನರ್‍ನಲ್ಲಿ ರೀಮೇಕ್ ಮಾಡಿದ್ದರು. ಇರೈವಿ ಚಿತ್ರವೂ ಪ್ರೇಕ್ಷಕರು, ವಿಮರ್ಶಕರ ಮೆಚ್ಚುಗೆ ಗಳಿಸಿತ್ತು. ಈಗ ನಾಲ್ಕನೇ ಚಿತ್ರ ಮಕ್ರ್ಯುರಿ.

    ಮೇಲೆ ಹೇಳಿದ ಒಂದೊಂದು ಚಿತ್ರವೂ ವಿಭಿನ್ನ ಎನ್ನುವುದೇ ಕಾರ್ತಿಕ್ ಸ್ಪೆಷಾಲಿಟಿ. ಪಿಜ್ಜಾ ಹಾರರ್ ಥ್ರಿಲ್ಲರ್. ಅತ್ಯಂತ ಕಡಿಮೆ ಬಜೆಟ್‍ನಲ್ಲಿ ತಯಾರಾಗಿ, ಬಾಕ್ಸಾಫೀಸ್ ಚಿಂದಿ ಉಡಾಯಿಸಿದ್ದ ಸಿನಿಮಾ. ಇನ್ನು ಜಿಗರ್‍ಥಂಡಾ ರೌಡಿಸಂ ಮತ್ತು ಮಾನವೀಯತೆ ಹಿನ್ನೆಲೆಯ ಚಿತ್ರ. ಇರೈವಿ ಕಥೆಯೇ ಒಂಥರಾ ವಿಚಿತ್ರ. ಸಂಬಂಧಗಳ ಕುರಿತಾದ ಕಥೆ. ಈಗ ಮಕ್ರ್ಯುರಿ. ಇದು ಸೈಲೆಂಟ್ ಥ್ರಿಲ್ಲರ್ ಅಷ್ಟೇ ಅಲ್ಲ, ನೈಜ ಕಥೆಯೂ ಇದೆ. ಹೀಗಾಗಿಯೇ ಮಕ್ರ್ಯುರಿ ಕುತೂಹಲ ಹುಟ್ಟಿಸುತ್ತಿದೆ. 

  • ಮಕ್ರ್ಯುರಿ ಹವಾ ಭರ್ಜರಿ

    mercury trending online

    ಮಕ್ರ್ಯುರಿ, 7 ಭಾಷೆಗಳಲ್ಲಿ ರಿಲೀಸ್ ಆಗುತ್ತಿರುವ ಮೂಕಿ ಚಿತ್ರ. ಪ್ರಭುದೇವ ನಾಯಕರಾಗಿರುವ ಚಿತ್ರದಲ್ಲಿ ಇರುವುದು ಥ್ರಿಲ್ಲರ್ ಕಥೆ. ಹೈಸ್ಕೂಲಿನಲ್ಲಿ ಒಟ್ಟಿಗೇ ಓದಿದ ಐವರು ಗೆಳೆಯರು ಹಲವು ವರ್ಷಗಳ ನಂತರ ಒಟ್ಟಿಗೇ ಸೇರುತ್ತಾರೆ. ಅಲ್ಲಿ ನಡೆಯಬಾರದ ಘಟನೆಯೊಂದು ನಡೆದು ಹೋಗುತ್ತೆ. ಅಲ್ಲಿಂದ ಶುರುವಾಗುತ್ತೆ ಮಕ್ರ್ಯುರಿ ಥ್ರಿಲ್ಲರ್. ಕ್ಷಣ ಕ್ಷಣವೂ ಕುತೂಹಲ ಹುಟ್ಟಿಸುವ ಚಿತ್ರದಲ್ಲಿ ಸಂಭಾಷಣೆಗಳಿಲ್ಲ. 

    ಚಿತ್ರದಲ್ಲಿ ಪ್ರಭುದೇವ ಮುಖ್ಯಪಾತ್ರದಲ್ಲಿದ್ದಾರೆ. ಕಾರ್ತಿಕೇಯನ್, ಸಂತಾನಂ, ಜಯಂತಿಲಾಲ್ ಗಡ ಜಂಟಿಯಾಗಿ ನಿರ್ಮಿಸಿರುವ ಚಿತ್ರ ಇದು. ಕಾರ್ತಿಕ್ ಸುಬ್ಬರಾಜು ಚಿತ್ರದ ನಿರ್ದೇಶಕ.

    ವೆನ್ ಲೈಫ್ ಈಸ್ ಅಟ್ ವಾರ್, ದಿ ಮೋಸ್ಟ್ ಪವರ್‍ಫುಲ್ ಸ್ಕೀಮ್ ಈಸ್ ಸೈಲೆನ್ಸ್ ಅನ್ನೋದು ಚಿತ್ರದ ಟ್ಯಾಗ್‍ಲೈನ್. ಜೀವನವೇ ಯುದ್ಧವಾಗಿರುವ ಸಮಯದಲ್ಲಿ ಮೌನವೇ ಅತಿ ದೊಡ್ಡ ಎದುರಾಳಿ ಎನ್ನುವ ಅರ್ಥವಿದೆ. ಟೀಸರ್‍ನಲ್ಲಿ ಸಂತೋಷ್ ನಾರಾಯಣನ್ ಹಿನ್ನೆಲೆ ಸಂಗೀತ ಹಾಗೂ ತಿರುನವುಕ್ಕರಸು ಕ್ಯಾಮೆರಾ ಕೆಲಸ ಗಮನ ಸೆಳೆಯುತ್ತಿದೆ. ಹಾಲಿವುಡ್ ಫೀಲ್ ಕೊಡುತ್ತಿರುವ ಚಿತ್ರ, ಮುಂದಿನ ವಾರ ಪಾದರಸದಂತೆಯೇ ಜಗತ್ತಿನಾದ್ಯಂತ ತೆರೆ ಕಾಣುತ್ತಿದೆ.

  • ಮಕ್ರ್ಯೂರಿ ಚಿತ್ರ ವಿತರಣೆ ಮಾಡಿದ್ದೇಕೆ ರಕ್ಷಿತ್ ಶೆಟ್ಟಿ..?

    paramvah studios to distribute mercury

    ಇಂದು ದೇಶಾದ್ಯಂತ ಮಕ್ರ್ಯೂರಿ ಚಿತ್ರ ಬಿಡುಗಡೆಯಾಗಿದೆ. ಪ್ರಭುದೇವ ಅಭಿನಯದ ಈ ಚಿತ್ರಕ್ಕೆ ಕಾರ್ತಿಕ್ ಶುಭ್‍ರಾಜ್ ನಿರ್ದೇಶನವಿದೆ. ಮಾತುಗಳೇ ಇಲ್ಲದ ಈ ಈ ಚಿತ್ರವನ್ನು ಕರ್ನಾಟಕದಲ್ಲಿ ಬಿಡುಗಡೆ ಮಾಡುತ್ತಿರುವುದು ಪರಂವಾ ಸ್ಟುಡಿಯೋಸ್. ರಕ್ಷಿತ್ ಶೆಟ್ಟಿ, ಪುಷ್ಕರ್ ಮಲ್ಲಿಕಾರ್ಜುನಯ್ಯ ಮಲ್ಟಿಪ್ಲೆಕ್ಸ್ ವಿತರಣೆ ಹೊಣೆ ಹೊತ್ತುಕೊಂಡಿದ್ದಾರೆ. ಜಯಣ್ಣ-ಭೋಗೇಂದ್ರ ಥಿಯೇಟರ್‍ಗಳಲ್ಲಿ ವಿತರಣೆ ಮಾಡುತ್ತಿದ್ದಾರೆ.

    ತಮಿಳು ಡೈರೆಕ್ಟರ್ ನಿರ್ದೇಶನದ ಚಿತ್ರವನ್ನು ಕರ್ನಾಟಕದಲ್ಲಿ ವಿತರಣೆ ಮಾಡುತ್ತಿರುವುದಕ್ಕೆ ಚಿತ್ರದ ಕಥೆ, ವಿಭಿನ್ನತೆಯೊಂದೇ ಕಾರಣವಲ್ಲ. ನಾವು ಕನ್ನಡ ಸಿನಿಮಾಗಳನ್ನು ಬೇರೆ ರಾಜ್ಯಗಳಿಗೂ ವಿಸ್ತರಿಸುವ ಕನಸು ಕಟ್ಟುತ್ತಿದ್ದೇವೆ. ಅದು ಸಾಧ್ಯವಾಗಬೇಕಾದರೆ, ಪರರಾಜ್ಯದವರ ಜೊತೆ ನಮ್ಮ ನಂಟು ಬೆಳೆಯಲೇಬೇಕು. ಇವುಗಳ ಆರಂಭದ ಹಂತವೇ ಈ ಮಕ್ರ್ಯೂರಿ ಸಿನಿಮಾ ಎನ್ನುತ್ತಾರೆ ರಕ್ಷಿತ್ ಶೆಟ್ಟಿ.

    ಚಿತ್ರದಲ್ಲಿ ಒಂದೊಳ್ಳೆಯ ಮೆಸೇಜ್ ಇದೆ. ಚಿತ್ರ ಸೆನ್ಸಾರ್ ಆಗಿರುವುದೂ ಬೆಂಗಳೂರಿನಲ್ಲಿ. ಹೀಗೆ ಚಿತ್ರವನ್ನು ಕರ್ನಾಟಕದಲ್ಲಿ ವಿತರಿಸಲು ಒಪ್ಪಿಕೊಳ್ಳೋಕೆ ಹಲವು ಕಾರಣಗಳಿವೆ. ಸಿನಿಮಾ ಇಂದು ದೇಶಾದ್ಯಂತ 1500ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ರಿಲೀಸ್ ಆಗುತ್ತಿದೆ.

  • ಮತ್ತೆ ಮತ್ತೆ ಪುಷ್ಪಕ ವಿಮಾನ

    mercury is another silent thriller movie

    ಮಕ್ರ್ಯುರಿ. ಈ ವಾರ ರಿಲೀಸ್ ಆಗುತ್ತಿರುವ ಸೈಲೆಂಟ್ ಥ್ರಿಲ್ಲರ್. ಪ್ರಭುದೇವ ಹೀರೋ. ಇಡೀ ಚಿತ್ರದಲ್ಲಿ ಒಂದೇ ಒಂದು ಡೈಲಾಗ್ ಇಲ್ಲ. ತಕ್ಷಣ ನಿಮಗೆ 1987ರಲ್ಲಿ ರಿಲೀಸ್ ಆಗಿದ್ದ ಪುಷ್ಪಕವಿಮಾನ ನೆನಪಾದರೆ, ಅದು ಸಹಜ. ಏಕೆಂದರೆ, 30 ವರ್ಷಗಳ ನಂತರೂ ಆ ಚಿತ್ರ ಇಂದಿಗೂ ನಮ್ಮ ಮನಸ್ಸಿನಲ್ಲಿ ಫ್ರೆಷ್ ಆಗಿದೆ. ಆ ಚಿತ್ರದಲ್ಲಿ ಕಮಲ್‍ಹಾಸನ್ ಹೀರೋ. ಆದರೆ, ಮಕ್ರ್ಯುರಿ ಮತ್ತು ಪುಷ್ಪಕ ವಿಮಾನ ಚಿತ್ರಗಳ ನಡುವಿನ ಹೋಲಿಕೆ ಇಲ್ಲಿಗೇ ಮುಗಿಯುತ್ತೆ.

    ಪುಷ್ಪಕ ವಿಮಾನ ಥ್ರಿಲ್ಲರ್ ಆಗಿದ್ದರೂ, ಚಿತ್ರದಲ್ಲಿ ಕಾಮಿಡಿ, ಲವ್ ಎಲ್ಲವೂ ಇತ್ತು. ಆದರೆ, ಮಕ್ರ್ಯುರಿಯಲ್ಲಿ ಹಾಗಿಲ್ಲ. ಒಮ್ಮೆ ಸಿನಿಮಾ ಶುರುವಾದರೆ, ಸೀಟ್‍ನ ಅಂಚಿಗೆ ಬಂದು ಉಗುರು ಕಡಿಯುತ್ತಾ ಕೂರುವ ಪ್ರೇಕ್ಷಕ ರಿಲ್ಯಾಕ್ಸ್ ಆಗುವುದು ಕ್ಲೈಮಾಕ್ಸ್‍ನಲ್ಲೇ. ಅಷ್ಟರಮಟ್ಟಿಗೆ ಮಕ್ರ್ಯುರಿ ಚಿತ್ರದ ಕಥೆ, ಚಿತ್ರಕಥೆ ವಂಡರ್‍ಫುಲ್ ಆಗಿದೆ ಅನ್ನೋದು ಈಗಾಗಲೇ ಚಿತ್ರ ನೋಡಿರುವವರ ಅಭಿಪ್ರಾಯ.

    ಮಕ್ರ್ಯುರಿ ಚಿತ್ರದ ಕಥೆ ಕೇಳಿಯೇ ಥ್ರಿಲ್ ಆಗಿಬಿಟ್ಟೆ. ಪುಷ್ಪಕವಿಮಾನದ ನಂತರ ಹಲವು ಮೂಕಿ ಸಿನಿಮಾಗಳು ಬಂದಿವೆ. ಆದರೆ, ಇಂದಿಗೂ ನಮ್ಮ ನೆನಪಲ್ಲಿರುವುದು ಪುಷ್ಪಕವಿಮಾನ. 30 ವರ್ಷಗಳ ನಂತರವೂ. ಸಿನಿಮಾ ನೋಡಿದ ಮೇಲಂತೂ ಥ್ರಿಲ್ ಆಗಿಬಿಟ್ಟೆ. ಚಿತ್ರದ ಮ್ಯೂಸಿಕ್ ಅಂತೂ ಅದ್ಭುತ. 

    ಹೀಗೆ ಸಿನಿಮಾ ನೋಡಿದ ಥ್ರಿಲ್‍ನಲ್ಲಿರುವುದು ಪುಷ್ಕರ್ ಮಲ್ಲಿಕಾರ್ಜುನಯ್ಯ. ಪರಂವಾ ಸ್ಟುಡಿಯೋಸ್ ಮೂಲಕ ಮಕ್ರ್ಯುರಿ ಚಿತ್ರವನ್ನು ಕರ್ನಾಟಕದಲ್ಲಿ ಬಿಡುಗಡೆ ಮಾಡುತ್ತಿರುವುದು ಇವರೇ. ರಕ್ಷಿತ್ ಶೆಟ್ಟಿ, ಪುಷ್ಕರ್ ಜೊತೆಯಲ್ಲಿಯೇ ಇದ್ದಾರೆ. ಒಂದು ವಿಭಿನ್ನ ಸಿನಿಮಾವನ್ನು ಜನರಿಗೆ ತಲುಪಿಸಲೇಬೇಕು. ಸಿನಿಮಾದಲ್ಲಿ ಥ್ರಿಲ್ಲರ್ ಅಂಶವಷ್ಟೇ ಅಲ್ಲದೆ, ಒಂದು ವಿಭಿನ್ನವಾದ ಸಂದೇಶವೂ ಇದೆ ಅಂತಾರೆ ಪುಷ್ಕರ್. ಕೆಲವೇ ದಿನ. ಮಕ್ರ್ಯುರಿ ಥಿಯೇಟರುಗಳಲ್ಲಿ ಪ್ರತ್ಯಕ್ಷವಾಗಲಿದೆ.

  • ಮನೆ.. ಮದುವೆ.. ಶಾನ್ವಿ ಜೊತೆ ಗಾಸಿಪ್.. ಎಲ್ಲದಕ್ಕೂ ರಕ್ಷಿತ್ ಕೊಟ್ಟರು ಉತ್ತರ

    rakshit shetty clears rumors

    ಅವನೇ ಶ್ರೀಮನ್ನಾರಾಯಣ ಚಿತ್ರದ ಮೂಲಕ ರಕ್ಷಿತ್ ಶೆಟ್ಟಿ ವಾಪಸ್ ಆಗುತ್ತಿದ್ದಾರೆ. ಬರೋಬ್ಬರಿ 3 ವರ್ಷಗಳ ಗ್ಯಾಪ್. ಲೇಟಾಗಿ ಬಂದರೂ ಲೇಟೆಸ್ಟ್ ಎನ್ನುವಂತೆ ಎಎಸ್ಎನ್ ಚಿತ್ರದ ಟ್ರೇಲರ್, ಹಾಡು ಬೊಂಬಾಟಾಗಿ ಬಂದಿವೆ. 5 ಭಾಷೆಗಳಲ್ಲಿ ರಿಲೀಸ್ ಆಗುತ್ತಿರುವ ಅವನೇ ಶ್ರೀಮನ್ನಾರಾಯಣನ ಪ್ರಚಾರದಲ್ಲಿ ಬ್ಯುಸಿಯಾಗಿರೋ ರಕ್ಷಿತ್ ಶೆಟ್ಟಿ, ಜೊತೆ ಜೊತೆಯಲ್ಲೇ ತಮ್ಮ ಕನಸನ್ನೂ ಹಂಚಿಕೊಂಡಿದ್ದಾರೆ.

    ಬೆಂಗಳೂರಿನಲ್ಲಿ ಸ್ವಂತದ್ದೊಂದು ಮನೆ ಕಟ್ಟಬೇಕು ಅನ್ನೋದು ರಕ್ಷಿತ್ ಕನಸು. ಆ ಕನಸು ಈಡೇರುವವರೆಗೆ ಮದುವೆ ಇಲ್ಲ ಎನ್ನುವುದು ರಕ್ಷಿತ್ ಶೆಟ್ಟಿ ಪ್ರತಿಜ್ಞೆ. ಇನ್ನು ಇದೇ ವೇಳೆ ಅಭಿಮಾನಿಗಳಿಂದ ಸೃಷ್ಟಿಯಾಗಿದ್ದ ಶಾನ್ವಿ ಶ್ರೀವಾತ್ಸವ್ ಜೊತೆಗಿನ ಗಾಸಿಪ್ಗೆ ಒಂದೇ ಮಾತಿನಲ್ಲಿ ಫುಲ್ ಸ್ಟಾಪ್ ಇಟ್ಟಿದ್ದಾರೆ ರಕ್ಷಿತ್ ಶೆಟ್ಟಿ.

    ಇದರ ಬಗ್ಗೆ ಪ್ರಶ್ನಿಸಿದ್ದ ಅಭಿಮಾನಿಯೊಬ್ಬರಿಗೆ ಇಂಥವನ್ನೆಲ್ಲ ನಿರ್ಲಕ್ಷಿಸಿ, ಮುಂದೆ ಸಾಗಿ ಎಂಬ ಉತ್ತರ ಕೊಟ್ಟಿದ್ದಾರೆ ರಕ್ಷಿತ್. ಜಸ್ಟ್ ಇಗ್ನೋರ್ ಎಂದಿದ್ದಾರೆ. ಶಾನ್ವಿ, ಅವನೇ ಶ್ರೀಮನ್ನಾರಾಯಣ ಚಿತ್ರದ ನಾಯಕಿ. ಪುಷ್ಕರ್ ಮಲ್ಲಿಕಾರ್ಜುನಯ್ಯ ನಿರ್ಮಾಣದ ಚಿತ್ರ 5 ಭಾಷೆಗಳಲ್ಲಿ ರಿಲೀಸ್ ಆಗುತ್ತಿದ್ದು, ಚಿತ್ರದಲ್ಲಿ ಬೊಂಬಾಟ್ ಹಾಡುಗಳ ಜೊತೆ, ಖತರ್ನಾಕ್ ಫೈಟುಗಳೂ ಇವೆಯಂತೆ. ಚಿಕ್ಕಂದಿನಲ್ಲಿ ಕಲಿತ ಕರಾಟೆ ಬಹಳ ಸಹಾಯ ಮಾಡಿತು ಎಂದು ಹೇಳಿಕೊಂಡಿದ್ದಾರೆ ರಕ್ಷಿತ್ ಶೆಟ್ಟಿ.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery