` sm patil - chitraloka.com | Kannada Movie News, Reviews | Image

sm patil

  • Always Justice Will Win - SM Patil

    regional censor officer natasha dsouza image

    ಸತ್ಯದ ಹಿನ್ನಲೆ ಇದ್ದು ಹೊರಾಟ ನಿರಂತರವಾಗಿದ್ದಾಗ ಯಶಸ್ಸು ಖಂಡಿತ ಸಿಕ್ಕೇ ಸಿಗುತ್ತದೆ ಎಂಬುದಕ್ಕೆ ನಮ್ಮ ಘಟನೆಯೇ ಸಾಕ್ಷಿ.  ಕನ್ನಡವೇ ಗೊತ್ತಿಲ್ಲದ ನತಾಷಾ ಡಿಸೌಜಾ ಎಂಬ ಅಧಿಕಾರಿ ಸೆನ್ಸಾರ್ ಬೋರ್ಡಿನ ಪ್ರದೇಶಿಕ ಅಧಿಕಾರಿಯಾಗಿ ಬಂದು, ಒಂದೇ ತಿಂಗಳಲ್ಲಿ ವಿನಾಕಾರಣ ‘ನಿಮ್ಮನ ಅವಧಿ ಮುಗಿಯಿತು’ ಎಂದು ಸುಳ್ಳು ಹೇಳಿ ನಮ್ಮನ್ನು (6 ಜನ) ಚಿತ್ರ ವೀಕ್ಷಣೆಗೆ ಕರೆಯದೆ ತನ್ನ ಮಾನಸಿಕ ರೋಗ ಮೆರೆದಿದ್ದರು. ನಂತರ ಅವರ ತೀರ್ಮಾನದ ವಿರದ್ಧ ನನ್ನ ಹೋರಾಟ ಶುರುವಾಯಿತು. ಕೇಂದ್ರ ಸರಕಾರಕ್ಕೆ ಪತ್ರ ಬರೆದು ವಿವರ ಕೇಳಿದಾಗ ನಾವು ಈಗಲೂ ಸದಸ್ಯರಾಗಿದ್ದು ನಮ್ಮ ಅವಧಿ ಮುಗಿದಿಲ್ಲ ಅಂತಲೂ ಜೊತೆಗೆ ತಾವು ಯಾರನ್ನೂ ತೆಗೆಯುವಂತೆ ಸೂಚಿಸಿಲ್ಲ ಅಂತಲೂ ನಮಗೆ ಲಿಖಿತ ಮಾಹಿತಿ ಸಿಕ್ಕಿತು. ಈ ವಿವರ ಕೊಟ್ಟು ಪ್ರಶ್ನಿಸಲು ಹೊದಾಗ ನತಾಷಾ ನನ್ನ ಭೇಟಿ ಮಾಡಲು ಹಿಂದೇಟು ಹಾಕಿದರು. ‘ಯೂ ಹ್ಯಾವ್ ರಿಟನ್ ಅಗೇನ್ಸ್ಟ್  ಮೆಡಂ ಇನ್ ಚಿತ್ರ ಲೋಕ ಕಾಮ್ ಸರ್. ದ್ಯಾಟ್ಸ್ ವ್ಹಾಯ್ ಮೆಡಂ ಈಸ್ ಯಾಂಗ್ರೀ ಯಾಂಡ್ ಡಸಂಟ್ ವಾಂಟ್ ಟೂ ಸೀ ಯೂ ಸರ್’ ಎಂದು ಅವರ ಚೇಲಾ ಮಲಯಾಳಿ ಬಾಬು ಬಂದು ಹೇಳಿ ನಮ್ಮನ್ನು ವಾಪಸ್ಸು ಕಳಿಸಿದ್ದ!

    Censor Officer Should Go Immediately - SM Patil Writes

    ನಾನು ಮತ್ತು ನನ್ನ ಸಹ ಸದಸ್ಯರೊಬ್ಬರು ಸೇರಿ ಕೊರ್ಟಿನ ಮೆಟ್ಟಿಲು ಹತ್ತಲು ತೀರ್ಮಾನಿಸಿ ಖ್ಯಾತ ಲಾಯರ್ ಒಬ್ಬರನ್ನು ಗೊತ್ತು ಮಾಡಿದ್ದೂ ಆಯಿತು. ಜೊತೆಗೆ ವಿವರವಾಗಿ ಈ ಬಗ್ಗೆ ವಿವರವಾಗಿ ಸರಕಾರಕ್ಕೆ ಪತ್ರ ಬರೆದಿದ್ದೂ ಆಯಿತು. ಅಷ್ಟರಲ್ಲಾಗಲೆ ನತಾಷಾ ಅವರ ಕನ್ನಡ ಜ್ನಾನದ ಕೊರತೆಯಿಂದಾಗಿ ಕಿರಿಗೂರಿನ ಗಯ್ಯಾಳಿಗಳು ಚಿತ್ರಕ್ಕೆ ಅನ್ಯಾಯ ನಡೆದು ಅದು ಹೊರಾಟದ ಮಟ್ಟಕ್ಕೆ ತಿರುಗಿತ್ತು. ಅದರ ಪರಿಣಾಮ ಮೆಡಂ ಆಗಲೆ ಕೊರ್ಟಿನ ಬೆಂಚಿನ ಮೇಲೆ ಮೂರು ಬಾರಿ ಕುಳಿತು ಬಂದಿದ್ದಾಗಿದೆ. ಜೊತೆಗೆ ಇನ್ನೂ ಹಲವು ಪ್ರಕರಣಗಳು ಚೇಂಬರಿನ ಮೆಟ್ಟಿಲೂ ಹತ್ತಿದ್ದವು. ಮೀಡಿಯಾಗಳಲ್ಲೂ ನತಾಷಾ ವಿರುದ್ಧ ಹಲವರು ತಮಗಾದ ಅನ್ಯಾಯ ತೋಡಿಕೊಂಡಿದ್ದರು. 

    ಬಹುಶಃ ಇವೆಲ್ಲವೂ ಸರಕಾರದ ಗಮನ ಸೆಳೆಯಿತೂಂತ ಕಾಣಿಸುತ್ತೆ, ಈಗ ನತಾಷಾಗೆ ‘ಮಾಡಿದ್ದು ಸಾಕಮ್ಮಾ ಇಲ್ಲಿಂದ ತೊಲಗು’ ಎಂದು ಹೇಳಿ ಆರ್ಡರ್ ಹೊರಡಿಸಿದ ಸುದ್ದಿ ಬಂದಿದೆ. ‘ಮೆಡಂ ಮೆಡಂ’ ಎಂದು ಬೆಣ್ಣೆಯಂತೆ ಮಾತಾಡಿ ಮೆಡಂ ಸುತ್ತಮುತ್ತ ಗಿರಕಿ ಹೊಡೆಯುತ್ತಾ ತಮ್ಮ ಬೇಳೆ ಬೇಯಿಸಿಕೊಳ್ಳುತ್ತಿದ್ದ ಕೆಲವು ಸದಸ್ಯರು ಈಗ ಕೈ ಕೈ ಹಿಸುಕಿಕೊಳ್ಳುತ್ತಿದ್ದಾರೆ. ನಮ್ಮ ಮುಖದಲ್ಲಿ ಗೆಲುವಿನ ನಗು ಮಿಂಚುತ್ತಿದೆ. ತುಂಬಾ ಕಷ್ಟ ಪಟ್ಟು ಪ್ರಭಾವ ಬಳಸಿ ಹಿಂದಿದ್ದ ಅಧಿಕಾರಿಗಳನ್ನು ಹಿಂದಿಕ್ಕೆ ‘ಏನೊ ಸಿಗುತ್ತದೆ’ ಎಂಬ ಆಸೆಯಲ್ಲಿ ಬಂದಿದ್ದ ಈ ನತಾಷಾ ಎಂಬ ಅರೆ ಜ್ನಾನದ ಮಹಿಳೆ ಗಂಟು ಮೂಟೆ ಕಟ್ಟುತ್ತಿದ್ದಾರೆ. ದಕ್ಕಿದ್ದು ಸಿಕ್ಕಿದ್ದು ಮಾತ್ರ ಅವಹೇಳನೆ, ಅವಮಾನ. 

    ಈ ಮೆಡಂ ಮತ್ತವರ ಚೇಲಾಗಳ ತಂಡ ಹೇಗೆ ಕೆಲಸ ಮಾಡಿದೆ ಎಂಬುದಕ್ಕೆ ತೆಲೆ ತಗ್ಗಿಸುವಂಥ ಒಂದು ಉದಾಹರಣೆ ನಮ್ಮ ನಿಮ್ಮೆಲ್ಲರ ಮೆಚ್ಚಿನ ‘ತಿಥಿ’ ಎಂಬ ಚಿತ್ರದಲ್ಲಿ ಎದ್ದು ಕಾಣುತ್ತದೆ. ಮರ್ಮಾಂಗಗಳ ಆಡುಭಾಷೆ ಹೆಸರನ್ನು ಚಿತ್ರದಲ್ಲಿ ಬಳಸುವ ಹಾಗಿಲ್ಲ. ಇಲ್ಲಿಯವರೆಗೆ ಹಾಗೆ ಬಳಸಿದ್ದನ್ನು ನಾವು ನೀವು ಎಲ್ಲೂ ನೊಡಿಯೂ ಇಲ್ಲ. ಆದರೆ ತಿಥಿ ಚಿತ್ರದಲ್ಲಿ ‘ಟಿ ಯೂ ಎನ್ ಎನ್ ಐ’ ಎಂಬ ಪದದ ಬಳಕೆ ನಡೆದಿದೆ. ‘ಡಿ ಇ ಎನ್ ಜಿ ಯು’ ಎಂಬ ಪದದ ಬಳಕೆಯೂ ಇದೆ. ಗಯ್ಯಾಳಿಗಳು ಚಿತ್ರದಲ್ಲಿ ಇಂಥ ಯಾವ ಪದಗಳೂ ಇರಲಿಲ್ಲ. ಹಳ್ಳಿಯ ಸೊಗಡು, ಮತ್ತು ಆ ಚಿತ್ರ ಆಧರಿಸಿದ್ದ ಕಾದಂಬರಿಯಲ್ಲಿ ಬಳಸಲಾಗಿದ್ದ ಬಯ್ಗುಳಗಳು ಮಾತ್ರವೇ ಇದ್ದವು. ಅವಕ್ಕೆ ಕೊಕ್ ಕೊಟ್ಟು ಇವಕ್ಕೆ ಸ್ವಾಗತ ಕೊಟ್ಟಿದ್ದರ ಕಾರಣ ಮತ್ತೆ ಮೀನಿಂಗ್ ಅರ್ಥ ಆಗಲಿಲ್ವಂತೆ ಎಂಬ ಉತ್ತರವೇ ಇತ್ತು! 

    ತಾನು ಬೆಳೆದ ಮನೆ ಮತ್ತು ಕಲಿತ ಶಾಲೆ ತನಗೆ ಎಂಥಾ ಸಂಸ್ಕಾರ ಕೊಟ್ಟಿದೆ ಎಂಬುದನ್ನು ತನ್ನ ಕುತಂತ್ರಗಳ ಮೂಲಕ ತೋರಿಸಿಕೊಟ್ಟು ಹೊಗುತ್ತಿರುವ ನತಾಷಾ ಡಿಸೌಜಾಗೆ ಒಂದು ದೊಡ್ಡ ಗುಡ್ ಬೈ. 

    ಹಾಗೆಯೇ ನನ್ನ ಹೋರಾಟಕ್ಕೆ ಬೆಂಬಲ ಕೊಟ್ಟ ಚಿತ್ರಲೋಕ ಡಾಟ್ ಕಾಮ್ ಮತ್ತದರ ಸೃಷ್ಟಿ ಕರ್ತ ಶ್ರೀ ವೀರೇಶ್ ಅವರಿಗೂ ನನ್ನ ಅನಂತಾನಂತ ಕೃತಜ್ಞತೆಗಳು. ಅರಿತು ಬೆರೆತು ಸಕಾರಾತ್ಮಕವಾಗಿ ಸ್ಪಂಧಿಸಿದ ತಮಗೂ ಸಹ ನನ್ನ ತುಂಬು ಹೃದಯದ ಧನ್ಯವಾದಗಳು. 

    - ಎಸ್.ಎಮ್.ಪಾಟೀಲ್

    Also See

    Censor Officer Should Go Immediately - SM Patil Writes

    Censor Board Inside Story 3 - Writes SM Patil

    Censor Board Inside Story 2 - Writes SM Patil

    Censor Board Inside Story - 1 Writes SM Patil

     

     

  • Censor Board Inside Story - 1 Writes SM Patil

    censor board member sm patil, natasha dsouza image

    ನಾನು ಇಲ್ಲಿ ಬರೆಯುತ್ತಿರುವುದಕ್ಕೆ ಕಾರಣ ನಾನು, 2008 ರಿಂದ 2010ರ ವರೆಗೆ ಮತ್ತು 2012 ರಿಂದ 2016ರ ವರೆಗೆ ಸುಮಾರು ಆರು ವರ್ಷಗಳು ಇದೇ ಸೆನ್ಸಾರ್ ಮಂಡಳಿಯಲ್ಲಿ ಸದಸ್ಯನಾಗಿದ್ದೆ. ಈ ಆರು ವರ್ಷಗಳಲ್ಲಿ ಮೂರು ಉತ್ತಮ ಅಧಿಕಾರಿಗಳನ್ನು ಕಂಡ ನನಗೆ ಈ ನತಾಷಾ ವಿಚಿತ್ರ ಅಧಿಕಾರಿಯಾಗಿ ಗೊಚರಿಸಿದ್ದು ಅದನ್ನು ನಿಮ್ಮ ಜೊತೆಗೆ ಹಂಚಿಕೊಳ್ಳುವ ಉದ್ದೇಶದಿಂದ ಈ ಲೇಖನ ಬರೆಯುತ್ತಿದ್ದೇನೆ. 

    ಅರ್ಧಮರ್ಧ ಜ್ನಾನ, ಹಗುರವಾಗಿ ತೆಗೆದುಕೊಂಡ ವೃತ್ತಿ, ಮೇಲಧಿಕಾರಿಗಳ ಬೆಂಬಲ, ಒಬ್ಬ ಅಧಿಕಾರಿಯನ್ನು ಪಬ್ಲಿಕ್ಕಿನಲ್ಲಿ ಹೇಗೆ ಅವಮಾನಕ್ಕೀಡು ಮಾಡುತ್ತದೆ ಎಂಬುದಕ್ಕೆ ಸಾಕ್ಷಿಯೇ ಇತ್ತೀಚೆಗೆ ಬಂದ ಸೆನ್ಸಾರ್ ಅಧಿಕಾರಿ ನತಾಶಾ ಡಿಸೋಜಾ. ಇದೀಗ ನತಾಶಾ ಸೆನ್ಸಾರ್ ಮಂಡಳಿಯ ಹಲವು ಸ್ವಾರ್ಥ ಅರೆಫಿರಂಗಿ ಸದಸ್ಯರ ಕೈಗೊಂಬೆಯಾಗಿದ್ದು ಅದರ ಪರಿಣಾಮ ಅವರ ವೃತ್ತಿ ಮತ್ತು ಅಧಿಕಾರ ಫುಟ್ಬಾಲಿನಂತಾಗಿದೆ, ಪ್ರೇಕ್ಷಕರ, ನಿರ್ಮಾಪಕರ ಮತ್ತು ಮಂಡಳಿಯ ಸದಸ್ಯರ ಕಾಲಿಗೆ ತುತ್ತಾಗಿ ಅತ್ತಿಂದಿತ್ತ ಜಿಗಿದಾಡುತ್ತಿದೆ. ಇವರ ಮಧ್ಯ ಅದೇ ಸೆನ್ಸಾರ್ ಬೋರ್ಡ ಕಚೇರಿಯ ಗುಮಾಸ್ತ ಕುಟ್ಟಿಯೊಬ್ಬ ಅಲ್ಲಲ್ಲಿ ಕಾಲು ತೂರಸಿ ಕೊಡುತ್ತಿರುವ ಒದೆ ಸಹಿಸಿಕೊಳ್ಳಲಾಗದೆ ‘ಮೇಡಂ’ ಈಗ ‘ಢಂ’ ಎನ್ನುವ ಸ್ಥಿತಿ ತಲುಪಿದ್ದು ವಿಶೇಷ.

    ಸಿನಿಮಾ ಪ್ರಭಾವಶಾಲಿ ಮಾಧ್ಯಮವಾದ್ದರಿಂದ ಜನಸಾಮಾನ್ಯರ ಮಾನಸಿಕ ಸ್ವಾಸ್ಥ್ಯ ಕೆಡೆಸುವುದಾಗಲಿ, ಯಾವುದೇ ವ್ಯಕ್ತಿಗೆ, ಸಮುದಾಯಕ್ಕೆ, ಹೆಣ್ಣು ಮಕ್ಕಳಿಗೆ  ಅವಮಾನಿಸುವುದಾಗಲಿ, ಹಾಗೆಯೇ ಮಕ್ಕಳ ಮನಸ್ಸಿನ ಮೇಲೆ ದುಶ್ಪರಿಣಾಮ ಬೀರುವಂಥದ್ದಾಗಲಿ ಮಾಡಬಾರದೆಂಬ ಕಾರಣಕ್ಕೆ ಸರಕಾರ ಸೆನ್ಸಾರ್ ಬೋರ್ಡ ಸಂಸ್ಥೆಯನ್ನು ಹುಟ್ಟು ಹಾಕಿದೆ, [ಇದೀಗ ಅದನ್ನು ಸಿ.ಬಿ.ಎಫ್.ಸಿ ಅಂದರೆ ಸೆಂಟ್ರಲ್ ಬೋರ್ಡ ಆಫ್ ಫಿಲಂ ಸರ್ಟಿಫಿಕೇಶನ್ ಎಂದು ಕರೆಯಲ್ಪಡುತ್ತದೆ] ಒಬ್ಬ ಜವಾಬ್ದಾರಿಯುತ ಅಧಿಕಾರಿ, ಮತ್ತು ಸಾಮಾಜಿಕ ಕಳಕಳಿ ಇರುವ ಇಬ್ಬರು ಮಹಿಳೆಯರು ಮತ್ತಿಬ್ಬರು ಪುರುಷರು ಚಿತ್ರ ವೀಕ್ಷಿಸಿ ಪ್ರಮಾಣ ಪತ್ರ ನೀಡಬೇಕು, ಹಿಂದೆ ಇದರ ಕುರಿತು ಇದೆ ಚಿತ್ರಲೋಕದಲ್ಲಿ ಮಾಹಿತಿ ಕೊಟ್ಟ ಹಾಗೆ ವಯಸ್ಕರು ಮಾತ್ರ ನೊಡುವ ಚಿತ್ರಗಳಿಗೆ ಮಾತ್ರ ಎ, ಮತ್ತು ವಯಸ್ಕರ ಒಪ್ಪಿಗೆ ಪಡೆದು ಮಕ್ಕಳು ನೋಡಬಹುದಾದ ಚಿತ್ರಕ್ಕೆ ಯೂಎ, ಮತ್ತು ಎಲ್ಲರೂ ನೋಡುವಂಥಾ ಚಿತ್ರಕ್ಕೆ ಯೂ ಸರ್ಟಿಫಿಕೇಟು [ಪ್ರಮಾಣ ಪತ್ರ] ನೀಡಬೇಕು. ಇನ್ನುಳಿದಂತೆ ಚಿತ್ರಕ್ಕೆ ಸಂಬಂಧ ಪಟ್ಟ ಕೆಲವು ಜನ ಮಾತ್ರ ವೀಕ್ಷಿಸಬಹುದಾದ ಚಿತ್ರಕ್ಕೆ ಎಸ್ ಸರ್ಟೀಫಿಕೇಟನ್ನು ನೀಡಲಾಗುತ್ತದೆ. [ಉದಾಹರಣೆ ಹೆರಿಗೆಯ ಬಗ್ಗೆ ವಿವರವಾಗಿ ಚಿತ್ರಿಸಿದ ಚಿತ್ರ ವೈದ್ಯಕೀಯ ವಿದ್ಯಾರ್ಥಿಗಳು ಮಾತ್ರ ನೋಡಬೇಕು.. ಇತ್ಯಾದಿ] 

    ಕೇಂದ್ರ ಸರಕಾರದ ಮಾಹಿತಿ ಮತ್ತು ಪ್ರಸಾರ ಖಾತೆಯ ಮಂತ್ರಿಗಳಿಂದ ನೇಮಿಸಲ್ಪಡುವ ಈ ಸೆನ್ಸಾರ್ ಮಂಡಳಿಯ ಸದಸ್ಯರುಗಳು ಚಿತ್ರ ವೀಕ್ಷಿಸಿದ ನಂತರ ತಾವು ತಾವೇ ಚರ್ಚಿಸಿ ಚಿತ್ರಕ್ಕೆ ಪ್ರಮಾಣ ಪತ್ರ ನಿರ್ಧರಿಸುತ್ತಾರೆ, ಈ ಹಂತದಲ್ಲಿ ಚಿತ್ರದ ಹಲವು ವಿವಾದಾಸ್ಪದ ದೃಷ್ಯ ಮತ್ತು ಸಂಭಾಷಣೆಗಳನ್ನು ತೆಗೆದು ಹಾಕುವಂತೆ ಸೂಚಿಸುತ್ತಾರೆ. ಇದನ್ನೇ ಕತ್ತರಿ ಪ್ರಯೊಗ ಎಂದು ಹೇಳುತ್ತೇವೆ. ಈ ಕತ್ತರಿ ಪ್ರಯೋಗ ಪ್ರಮಾಣ ಪತ್ರಕ್ಕೆ ಅನುಸಾರವಾಗಿ ಬದಲಾಗುತ್ತದೆ. 

    ಪ್ರಾದೇಶಿಕ ಅಧಿಕಾರಿ ಎಂದು ಕರೆಸಿಕೊಳ್ಳುವ ಈ ಹುದ್ದೆಗೆ ಪ್ರಾದೇಶಿಕ ಭಾಷೆಯ ಜ್ನಾನ ಮತ್ತು ಬಾಷೆಯ ಮೇಲೆ ಸ್ಪಷ್ಟವಾದ ಹಿಡಿತ ಇರಬೇಕು.

    (To be Continued)

    Pls Note

    The views expressed in this column are those of its author and Chitraloka or its publishers do not claim to endorse it. You can express your opinion to his e-mail - This email address is being protected from spambots. You need JavaScript enabled to view it.

    Also See

    Censor Officer's 6 Wrongs

    Censor Chief Walks Out of Chamber

    Kiragooru moves to KFCC on Monday

    Protest Against Censor over Kiragoorina Mutes

    Kiragoorina Gayyaligalu Movie Review - 4/5

    We Never Asked for Apology - Censor RO

    Did Censor Seek RGV's Apology? - Exclusive

    Revising Committee clears 3Bittawaru Oorige Doddawaru

    Anti Superstition Film Denied Censor Certificate - Exclusive

    Mumbai Censor Doors Closed For Kannada - Exclusive

    Kannada Films Affected With Censor New Rules - Exclusive

    Censor Guidelines

  • Censor Board Inside Story 3 - Writes SM Patil

    censor natasha dsouza image

    ನಾನು ಪಟ್ಟು ಬಿಡಲಿಲ್ಲ, ಮಾಹಿತಿ ಹಕ್ಕು ಕಾಯ್ದೆಯ ಅಡಿ ಆದೇಶ ಪ್ರತಿ ಕೇಳಿದೆ. ಆಗ ನತಾಷೆ ನನಗೆ ಕೊಟ್ಟ ಉತ್ತರ ‘ನಿಮ್ಮ ಟರ್ಮ ಮುಗಿದು ಹೊಗಿದೆ’ ಅನ್ನೊದು. ಅದೂ ಸುಳ್ಳು. ಸತ್ಯ ಎಂದರೆ ನನ್ನ ಟರ್ಮ ಇನ್ನೂ ಮುಗಿದಿಲ್ಲ. ನಮ್ಮ ಜೊತೆಗಿದ್ದ ಇನ್ನುಳಿದ 16 ಸದಸ್ಯರು ಈಗಲೂ ಸದಸ್ಯರಾಗಿ ಮುಂದುವರೆದಿದ್ದಾರೆ. ನನಗೆ ಕಳೆದ ವರ್ಷ ಮಿನಿಸ್ಟರಿಯಿಂದ ಬಂದ ಆರ್ಡರ್ನ.ಲ್ಲಿ ‘ಮುಂದಿನ ಆಧೇಶದ ವರೆಗೆ ನಾವು ಮುಂದುವರೆಯಬೇಕು’ ಅಂತ ಇದೆ. ಅದನ್ನೂ ಸರಿಯಾಗಿ ಓದದೇ ಆದೇಶ ಬರುವುದಕ್ಕೂ ಮುನ್ನವೇ ‘ನಿಮ್ಮನ್ನು ತೆಗೆದು ಹಾಕಲಾಗಿದೆ ಎಂದು ನತಾಷಾ ಉಡಾಫೆಯಿಂದ ಉತ್ತರಿಸಿದ್ದಾರೆ! 

    ಹಿಂದಿನ ಅಧಿಕಾರಿಗಳಿಂದ ಭೇಷ್ ಎನಿಸಿಕೊಂಡಿರುವ ನಾನು ಯಾವುದೇ ಮಂತ್ರಿಗಳ ಮೂಲಕ ಸದಸ್ಯನಾಗಿ ಬಂದವನಲ್ಲ. ವಿದೇಶಿ ಚಿತ್ರಗಳ ಬಗ್ಗೆ ರೂಪತಾರಾದಲ್ಲಿ ನನ್ನ ಅಂಕಣ ಓದಿ ಆಗಿನ ಸಂಪಾದಕರಾಗಿದ್ದವರನ್ನು ವಿಚಾರಿಸಿ ನಾನು ಚಿತ್ರಗಳ ಬಗ್ಗೆ ಸಮರ್ಥವಾಗಿ ಮಾತಾನಾಡುತ್ತೇನೆ ಎಂಬ ಬಗ್ಗೆ ತಿಳಿದುಕೊಂಡು ನನ್ನನ್ನು ಸಿ.ಆರ್ ಚಂದ್ರಶೇಖರ್ ಸದಸ್ಯನಾಗಿ ಆಯ್ಕೆ ಮಾಡಿಕೊಂಡಿದ್ದರು. ನಂತರದ ಅಧಿಕಾರಿಗಳು ಸಹ ನನ್ನ ಕಾರ್ಯ ಮೆಚ್ಚಿಕೊಂಡಿದ್ದು ತಾವಾಗಿಯೇ ನನ್ನ ಸದಸ್ಯತ್ವವನ್ನು ಮುಂದುವರೆಸಿಕೊಂಡು ಬಂದಿದ್ದಾರೆ. ಆ ಹೆಮ್ಮೆ ನನಗಿದೆ, ಆದ್ದರಿಂದ ನಾನು ಹೋರಾಟ ಇನ್ನೂ ಬಿಟ್ಟಿಲ್ಲ, ಮುಂದುವರೆಸಿದ್ದೇನೆ. ಲಾಭ ನಷ್ಟದ ಪ್ರಶ್ನೆ ಇದರಲ್ಲಿಲ್ಲ. ಗೌರವ ಸ್ವಾಭಿಮಾನದ ಪ್ರಶ್ನೆ ಹೆಚ್ಚಾಗಿದೆ. ಕನ್ನಡ ಬರದೇ ಕನ್ನಡಿಗರನ್ನು ಆಟ ಆಡಿಸುತ್ತಿರುವ ನತಾಷಾ ಮೆಡಂಗೆ ತಕ್ಕ ಉತ್ತರ ಕೊಡಲು ನನ್ನ ಶಕ್ತಿಗನುಸಾರವಾಗಿ ಪ್ರಯತ್ನಿಸುತ್ತಿದ್ದೇನೆ. ಒಬ್ಬ ಕನ್ನಡಿಗನಾಗಿ ಅದು ನನ್ನ ಕರ್ತವ್ಯ ಎಂದೂ ಭಾವಿಸಿದ್ದೇನೆ.

    chitraloka_group1.gif

    ತನ್ನದೇ ದೊಣಿಗೆ ತೂತು ಹಾಕಿಕೊಂಡು ಪ್ರಯಾಣ ಹೊರಟಿರುವ ನತಾಷಾ ಡಿಸೊಜಾ ಎಂಬ ಈ ಅಧಿಕಾರಿಯ ಬಗ್ಗೆ ಹಲವಷ್ಟು ಅನುಮಾನಾಸ್ಪದ ಮಾಹಿತಿ ಕಲೆ ಹಾಕಿದ್ದೇನೆ, 

    1] ಇವರು ಅಧಿಕಾರಕ್ಕೆ ಬಂದಿದ್ದು ಮುಖ್ಯ ಕಾರ್ಯಾಲಯಕ್ಕೆ ‘ತನಗೆ ಕನ್ನಡ ಬರುತ್ತದೆ’ ಎಂಬ ಸುಳ್ಳು ಮಾಹಿತಿ ನೀಡಿ. ಇಲ್ಲವಾದಲ್ಲಿ ಕನ್ನಡ ಚಿತ್ರಗಳ ವೀಕ್ಷಣೆಗೆ ಕನ್ನಡವೇ ಬರದ ಅಧಿಕಾರಿಯನ್ನು ಕಳಿಸುವ ದಡ್ಡತನ ಯಾವ ಕೆಂದ್ರದ ಮಂತ್ರಿ ಕಾರ್ಯಾಲಯವೂ ಮಾಡಲಾರದು.

    2] ಹಲವು ಸದಸ್ಯರುಗಳನ್ನಷ್ಟೇ ಅನೇಕ ಚಿತ್ರಗಳಿಗೆ ಕರೆಯಲಾಗುತ್ತಿದ್ದು ಮತ್ತೆ ಕೆಲವು ಸದಸ್ಯರುಗಳಿಗೆ ನೆಪ ಮಾತ್ರಕ್ಕೆ ಕರೆಯುತ್ತಿದ್ದಾರೆ.

    3] ಚಿತ್ರರಂಗದ ಕೆಲವು ಮುಖಂಡರು ನತಾಷಾ ಮೇಡಂ ಬೆಂಬಲಕ್ಕೆ ನಿಂತಿದ್ದು ಅವರವರ ಸ್ವ ಹಿತಾಸಕ್ತಿ ಸಹ ಅದಕ್ಕೆ ಕಾರಣವಾಗಿದೆ. ಮುಂದೆ ಬರುವ ಚಿತ್ರಗಳನ್ನು ವೀಕ್ಷಿಸಿದಲ್ಲಿ ಇದರ ಪರಿಣಾಮ ಕಾಣಿಸುತ್ತದೆ. 

    5] ಬಾಬು ಎಂಬ ಮಲೆಯಾಳಿ ಸರಿಯಾಗಿ ಕೆಲಸ ನಿರ್ವಹಿಸದೆ ಅನೇಕರ ಜೊತೆಗೆ ಅನುಚಿತವಾಗಿ ವರ್ತಿಸುತ್ತಿದ್ದು ಸೆನ್ಸಾರ್ ಬೋರ್ಡ ಇವರಪ್ಪನ ಮನೆ ಎಂಬಂತೆ ವರ್ತಿಸುತ್ತಿದ್ದಾನೆ

    ಇಲ್ಲಿಯವರೆಗೆ ಘನತೆ ಗೌರವದಿಂದ ಚಿತ್ರರಂಗದ ಜೊತೆಗೆ ಸ್ಪಂಧಿಸುತ್ತಿದ್ದ ನಮ್ಮ ಸೆನ್ಸಾರ್ ಬೋರ್ಡ ಹೀಗೆ ಅಜ್ನಾನಿಯಂತೆ ವರ್ತಿಸುತ್ತಿದ್ದುದನ್ನು ಕಂಡು ಮನಸ್ಸು ಭಾರವಾಗಿದ್ದು, ಬಹಳಷ್ಟು ಬೇಸರವೂ ಮೂಡಿದೆ. 

    ಲೇಖನ ಅಲ್ಲಲ್ಲಿ ವಿಡಂಬನಾತ್ಮಕವಾಗಿ, ವ್ಯಂಗ್ಯವಾಗಿದ್ದರೂ ಸಹ ಆದಷ್ಟು ಬೇಗ ಇವರೆಲ್ಲಾ ತೊಲಗಿ ಸೆನ್ಸಾರ್ ಬೋರ್ಡ ಕಳೆದುಕೊಂಡ ತನ್ನ ಗೌರವ ಮತ್ತೆ ಸಂಪಾದಿಸಲಿ ಎಂಬ ಕಾಳಜಿ ಮಾತ್ರ ಈ ಲೇಖನದ ಹಿಂದಿದೆ. ದಯವಿಟ್ಟು ತಪ್ಪಾಗಿ ಭಾವಿಸಬೇಡಿ. 

    Censor Officer's 6 Wrongs

    ಸೆನ್ಸಾರ್ ಒಳ್ಳೆಯ ಚಿತ್ರಗಳಿಗೆ ಪರೋಕ್ಷವಾಗಿ ಹೇಗೆ ಸಹಾಯಕವಾಗಿ ಕೆಲಸ ಮಾಡುತ್ತದೆ ಎಂಬ ಬಗ್ಗೆ ಒಂದಷ್ಟು ಮಾಹಿತಿ. 

    1] ಸರಕಾರ ಒಂದು ಚಿತ್ರಕ್ಕೆ 10 ಲಕ್ಷದ ಸಬ್ಸಿಡಿ ನೀಡುತ್ತದೆ. ಇದನ್ನು ಪಡೆದುಕೊಳ್ಳಲು ಕೆಲವರು 4 ರಿಂದ 5 ಲಕ್ಷದಲ್ಲಿ ಚಿತ್ರವನ್ನು ಸುತ್ತಿಕೊಂಡು ಬರುತ್ತಾರೆ. ಇಂಥ ಚಿತ್ರ ವೀಕ್ಷಣೆಗೆ ಯೋಗ್ಯವಾಗಿರದೆ ಚಿತ್ರ ಸಿನಿಮಾ ರೂಪದಲ್ಲಿಯೇ ಇರೊದಿಲ್ಲ. ಇಂಥ ಚಿತ್ರಗಳು ಹೊರಬಂದು ಸಬ್ಸಿಡಿ ತೆಗೆದುಕೊಂಡಾಗ ಯೊಗ್ಯತೆ ಇರುವ ಚಿತ್ರಗಳು ಸಬ್ಸಿಡಿ ವಂಚಿತಗೊಳ್ಳುತ್ತವೆ, ಆಗ ಒಳ್ಳೆಯ ಚಿತ್ರ ನಿರ್ಮಾಪಕನಿಗೆ ಅನ್ಯಾಯವಾಗುತ್ತದೆ, ಇಂಥ ಚಿತ್ರಗಳನ್ನು ಸೆನ್ಸಾರ್ ರೆಫ್ಯೂಸಲ್ ಅಥವಾ ಅದರ್ಸ್ ಕೆಟೆಗರಿಯ ಸರ್ಟಿಫಿಕೇಟು ನೀಡುತ್ತದೆ.[ತಿರಸ್ಕರಿಸುತ್ತದೆ]

    2] ಮಕ್ಕಳ ಚಲನ ಚಿತ್ರಕ್ಕೆ ಸರಕಾರ 25 ಲಕ್ಷಗಳ ಸಬ್ಸಿಡಿ ನೀಡುತ್ತಿದ್ದು ವರ್ಷಕ್ಕೆ ನಾಲ್ಕು ಚಿತ್ರಗಳು ಮಾತ್ರ ಇದರ ಲಾಭ ಪಡೆಯಬಹುದಾಗಿದೆ. ಇಲ್ಲಿಯೂ ಕೆಲವು ನಿರ್ಮಾಪಕರು ಕೆಲವು ಮಕ್ಕಳನ್ನು ಇಟ್ಟುಕೊಂಡು ಕೆಲ ಲಕ್ಷಗಳಲ್ಲಿ ಕಳಪೆ ಚಿತ್ರ ತಯಾರಿಸಿಕೊಂಡು ಬರುತ್ತಾರೆ. ಅದರಿಂದ ಇತರ ಅತ್ಯುತ್ತಮ ಮಕ್ಕಳ ಚಿತ್ರಗಳ ನಿರ್ಮಾಪಕರಿಗೆ ಸಬ್ಸಿಡಿ ಸಿಕ್ಕದೆ ಅನ್ಯಾಯವಾಗುತ್ತದೆ. ಇಂಥಾ ಚಿತ್ರಗಳಿಗೆ ಸೆನ್ಸಾರ್ ಬೋರ್ಡ ಮಕ್ಕಳ ಚಿತ್ರ ಎಂಬ ಸರ್ಟಿಫಿಕೇಟನ್ನು ನೀಡಲು ನಿರಾಕರಿಸುತ್ತದೆ. ಅದರಿಂದ ಉತ್ತಮ ಮಕ್ಕಳ ಚಿತ್ರಗಳಿಗೆ ಸಬ್ಸಿಡಿ ಸಿಕ್ಕು ಮಕ್ಕಳ ಚಿತ್ರವನ್ನು ಸರಿಯಾಗಿ ನಿರ್ಮಿಸಿದ ನಿರ್ಮಾಕರಿಗೆ ನ್ಯಾಯ ಒದಗಿಸಿದಂತಾಗುತ್ತದೆ.

    3] ಯಾವುದೇ ಚಿತ್ರದಲ್ಲಿ ಪ್ರತಿಭೆ, ಕಲೆ, ಸಾಹಿತ್ಯ, ಸಾಮಾಜಿಕ ಹಿತಾಸಕ್ತಿ, ಮನೊರಂಜನೆ ಹಿನ್ನಲೆಯಾಗಿರಬೇಕೇ ಸ್ವಂತ ಹಿತಾಸಕ್ತಿ ಅದರಲ್ಲಿ ಇರಬಾರದು, ಒಬ್ಬ ಮಂತ್ರಿಯ ಬೆಂಬಲಿಗ ಚಿತ್ರ ನಿರ್ಮಿಸಿದರೆ ಅದರಲ್ಲಿ ಆತನ ವಿರೋಧಿಯನ್ನು ಹೀಯಾಳಿಸಿರುತ್ತಾನೆ, ಅದೇ ರೀತಿ ಒಬ್ಬ ನಟನ ಚಿತ್ರದಲ್ಲಿ ಮತ್ತೊಬ್ಬ ನಟನಿಗೆ ಅವಮಾನಿಸಲಾಗಿರುತ್ತದೆ, ಒಂದು ಜಾತಿಯವರು ಮತ್ತೊಂದು ಜಾತಿಯನ್ನೂ ಅವಮಾನಿಸಿರುತ್ತಾರೆ. ಅಷ್ಟೇ ಯಾಕೆ ದೇವರನ್ನೂ ಸಹ ನಿಂದಿಸಿದ ಉದಾಹರಣೆಗಳು ಇವೆ. ಅಂಗವಿಕಲರನ್ನು ಸಹ ಹೀನಾಯವಾಗಿ ಹಿಯಾಳಿಸಿದ್ದನ್ನೂ ನೊಡಿದ್ದೇನೆ. ಇತ್ತಿಚೆಗೆ ಒಂದು ಚಿತ್ರದಲ್ಲಿ ಅನಾಥಾಶ್ರಮದ ಮಕ್ಕಳಿಗೆ ಅ ಎಂದರೆ ಅಮ್ಮ ಎಂದು ಹೇಳಿಕೊಡುವುದಿಲ್ಲ ಯಾಕೆಂದರೆ ಮಕ್ಕಳಿಗೆ ಅಮ್ಮ ಇರೊದಿಲ್ಲ ಅಂತ ಎಂದು ಹೇಳಿಸಿದ್ದರು. ಕ್ರಿಯೇಟಿವಿಟಿ ಏನೇ ಇದ್ದರೂ ಇಂಥ ದೃಷ್ಯ ಕಂಡಾಗ ಅನಾಥಾಶ್ರಮದ ಮಕ್ಕಳಿಗೆ ನೋವಾಗುತ್ತದೆ ಆದ್ದರಿಂದ ಅದನ್ನು ತೆಗೆದುಹಾಕಲಾಯಿತು. ಚೆಕ್ಕಾ ಎಂಬ ಪದವನ್ನು ಬಯ್ಗಳಿನ ರೂಪದಲ್ಲಿ ಬಳಸಬಾರದೆಂದು ಮಂಗಳ ಮುಖಿಯರು ಸೆನ್ಸಾರ್ ಆಫಿಸಿಗೆ ಬಂದು ಕೊರಿಕೆ ಸಲ್ಲಿಸಿ ಅದರಿಂದ ತಮಗೆ ಅವಮಾನವಾಗುತ್ತಿದೆ ಎಂದು ಹೇಳಿಕೊಂಡಿದ್ದಾರೆ, ಆದ್ದರಿಂದ ಆ ಪದವನ್ನು ಈಗ ಬಿಡುತ್ತಿಲ್ಲ. ಅದರ ಬದಲು ಶಿಖಂಡಿ ಎಂದು ಬದಲಾಯಿಸಿಕೊಳ್ಳಲು ಸೂಚಿಸಲಾಗುತ್ತಿದೆ. ಅರ್ಥ ಒಂದೇ ಆದರೂ ಪರಿಣಾಮ ನೋಡಿ ಬಿಡಬೇಕಾದ್ದು ಸಹ ಸೆನ್ಸಾರ್ ಬೊರ್ಡಿನ ಹೊಣೆ ಆಗಿರುತ್ತದೆ. ಮುಂಡೆ ಎನ್ನುವ ಪದ ಆಗಲಿ, ಹಜಾಮ ಎನ್ನುವ ಪದವಾಗಲಿ ಬಯ್ಗುಳದ ರೂಪದಲ್ಲಿ ಬಳಸೊಹಾಗಿಲ್ಲ. ಆ ಪದಕ್ಕೆ ಸಂಬಂಧ ಪಟ್ಟ ಜನಕ್ಕೆ ನೋವಾಗುತ್ತದೆ ಎನ್ನುವುದು ಸರಕಾರದ ಉದ್ದೇಶ. ಹಣ ಕೊಟ್ಟು ಎಲ್ಲರೂ ನೊಡುತ್ತಾರಾದ್ದರಿಂದ ಯಾವುದೇ ವರ್ಗದ ಜನಕ್ಕೆ ಮುಜುಗರ ಅಥವಾ ನೊವಾಗಬಾರದೆಂಬ ಉದ್ದೆಶದಿಂದ ಸರಕಾರ ಕೈಗೊಂಡ ಕ್ರಮ ಇದು. ಹಾಗಂತ ಚಿತ್ರದ ನೈಜತೆಗೆ ಧಕ್ಕೆ ಸಹ ಆಗುವ ಹಾಗಿಲ್ಲ, ಆದ್ದರಿಂದಲೇ ಸರಕಾರ ಅನೇಕ ಪದಗಳ ಅಥವಾ ದೃಷ್ಯಗಳ ವಿಷಯದಲ್ಲಿ ರೂಲ್ಸು ಮಾಡಿಲ್ಲ. ಗೈಡ್ ಲೈನ್ ಮಾತ್ರ ಮಾಡಿದೆ. ಅಂದರೆ ಪದ ಪ್ರಯೊಗದ ಪರಿಣಾಮ ನೊಡಿಕೊಂಡು ಅದನ್ನು ಬಿಡಬೇಕೊ ಬೇಡವೊ ಎಂಬುದನ್ನು ಮಂಡಳಿ ನಿರ್ಧರಿಸಬೇಕು. ಇದಕ್ಕೆ ಭಾಷಾಜ್ನಾನ, ಅನುಭವ ಬಹಳ ಮುಖ್ಯ. ಇಂದಿನ ಅಧಿಕಾರಿಗೆ ಅದಿಲ್ಲ ಎನ್ನುವುದು ಸದ್ಯಕ್ಕೆ ನಮ್ಮ ಪಾಲಿನ ದುರಂತ. 

    ಒಂದು ಚಿತ್ರದಲ್ಲಿ ದೇವೇಗೌಡರನ್ನೂ ಮತ್ತೊಂದು ಚಿತ್ರದಲ್ಲಿ ಎಡೆಯೂರಪ್ಪನವರನ್ನೂ ಅವಮಾನಿಸಲಾಗಿತ್ತು, ಮತ್ತೊಂದು ಚಿತ್ರದಲ್ಲಿ ನಟ ಗಣೇಶರನ್ನೂ ಅವಮಾನಿಸಲಾಗಿತ್ತು. ಒಂದು ಕಡೆ ಸಿದ್ರಾಮಯ್ಯನವರನ್ನೂ ಸಹ ಪರೋಕ್ಷವಾಗಿ ಕಾಲೆಳೆಯಲಾಗಿತ್ತು. ಅಂಬೇಡ್ಕರ್ ಅವರನ್ನೂ ಸಹ ಅವಮಾನಿಸಿದ್ದಿದೆ. ಮಹಿಳೆಯರ ಅಂಗಾಂಗಳ ಬಗ್ಗೆ ಅವಹೇಳನ ಮಾಡಿದ ಚಿತ್ರಗಳೂ ಸಹ ಬಂದು ಹೋಗಿವೆ. ಇತಿಹಾಸ ತಿರುಚಿದ ಚಿತ್ರಗಳೂ ಸಹ ನಾನು ನೋಡಿದ್ದೇನೆ. ಇಂಥದ್ದಕ್ಕೆಲ್ಲಾ ಕತ್ತರಿ ಪ್ರಯೊಗ ಮಾಡಿ ಚಿತ್ರದಿಂದ ಅವನ್ನೆಲ್ಲಾ ತೆಗೆದು ಹಾಕಿದ್ದೇವೆ. ನನ್ನ ಆರು ವರ್ಷದ ಜರ್ನಿಯಲ್ಲಿ ಒಂದು ಚಲನ ಚಿತ್ರವನ್ನು ಕೆಲವೇ ಕೆಲವು ನಿರ್ಮಾಪಕರು ಹೇಗೆಲ್ಲಾ ಬಳಸಿಕೊಳ್ಳುತ್ತಾರೆ ಎಂದು ನೋಡಿ ‘ಥ್ಯಾಂಕ್ ಗಾಡ್! ಸೆನ್ಸಾರ್ ಮಂಡಳಿ ಅನ್ನೊದು ಇರೊದರಿಂದ ಇದ್ಯಾವದೂ ಆಚೆಗೆ ಬರದೆ ಹೊಯ್ತು’ ಎಂದು ಸಮಾಧಾನ ಪಟ್ಟುಕೊಂಡಿದ್ದೇನೆ. ಚಿತ್ರರಂಗಕ್ಕೆ ಸೆನ್ಸಾರ್ ಬೋರ್ಡ ತುಂಬಾ ಮುಖ್ಯ. ಇಲ್ಲದೆ ಹೋದಲ್ಲಿ ಹಣ ಕೊಟ್ಟ ಪ್ರೇಕ್ಷಕ ಮನೊರಂಜನೆಗಿಂತಾ ಮನೊ ವಿಕಲ್ಪಕ್ಕೆ ತುತ್ತಾಗಿ ಥೇಟರಿನಿಂದ ಹೊರಬರುವ ಸಾದ್ಯತೆ ಹೆಚ್ಚು. ‘ಹಣ ಹಾಕುವ ನಿರ್ಮಾಪಕನಿಗೆ ಅನ್ಯಾಯ ಎಸಗಬಾರದು,’ ‘ಹಣ ಹಾಕಿದ ನಿರ್ಮಾಪಕ ಎಲ್ಲಿ ಹೊಗ್ಬೇಕು’ ಎನ್ನುವ ಪದಗಳನ್ನ ಬಳಸಿ ಸೆನ್ಸಾರ್ ಬೋರ್ಡನ್ನು ನಿಂದಿಸುವುದನ್ನು ಬಿಟ್ಟು ಒಬ್ಬ ನಿರ್ಮಾಪಕನಿಂದ ಮತ್ತೊಬ್ಬ ನಿರ್ಮಾಪಕನಿಗೆ ಅನ್ಯಾಯ ಆಗೊದನ್ನ ತಪ್ಪಿಸುತ್ತಿರುವ ಸೆನ್ಸಾರ್ ಬೋರ್ಡನ್ನು ಅರ್ಥ ಮಾಡಿಕೊಳ್ಳುವ ಪ್ರಯತ್ನ ಚಿತ್ರರಂಗದ ಜನ ಮಾಡಬೇಕು. 

    ಹಾಗಂತ ಸೆನ್ಸಾರ್ ಬೋರ್ಡಿನಲ್ಲಿ ಎಲ್ಲೂವೂ ಸರಿಯಾಗಿದೆ ಎನ್ನಲಾಗದು, ಕೆಲವು ಪದಗಳಿಗೆ ಕತ್ತರಿ ಪ್ರಯೊಗ ಅನಾವಷ್ಯಕ. ಹಳ್ಳಿ ಸೊಗಡಿನ ಗ್ರಾಮೀಣ ಬಾಷೆಯ ಚಿತ್ರಗಳಲ್ಲಿ ನೈಜತೆ ಉಳಿಸಿಕೊಳ್ಳುವ ದೃಷ್ಟಿಯಿಂದ ಕೆಲವು ಪದಗಳನ್ನು ಬಿಡಬೇಕಾಗುತ್ತದೆ. ಆದರೆ ಅದನ್ನು ಚರ್ಚಿಸಿ ಸರಿಪಡಿಸಬಹುದು ಅಷ್ಟೆ. ಆ ಪ್ರಯತ್ನ ನಡೆದರೆ ಒಳ್ಳೆಯದು. ಓದಿದ್ದಕ್ಕೆ ಧನ್ಯವಾದಗಳು. 

    [ಸೆನ್ಸಾರ್ ಬೋರ್ಡ ಅನ್ನುವ ಪದ ಈಗ ತೆಗೆದು ಹಾಕಲಾಗಿದ್ದು ಸಿಬಿಎಫ್ಸಿಹ ಎಂದು ಕರೆಯಲ್ಪಡುತ್ತದೆ. ಓದುವ ಅನೇಕರಿಗೆ ಇದರ ಮಾಹಿತಿ ಇಲ್ಲದೆ ಇರುವುದರಿಂದ ನಾನು ಲೇಖನದ ಉದ್ದಕ್ಕೂ ಸೆನ್ಸಾರ್ ಬೋರ್ಡ ಎಂದೇ ಬಳಸಿದ್ದೇನೆ] 

    Pls Note

    The views expressed in this column are those of its author and Chitraloka or its publishers do not claim to endorse it. You can express your opinion to his e-mail - This email address is being protected from spambots. You need JavaScript enabled to view it.

    Also See

    Censor Board Inside Story 2 - Writes SM Patil

    Censor Board Inside Story - 1 Writes SM Patil

    Censor certification Stops in Bengaluru? - Exclusive

    Censor Officer's 6 Wrongs

    Censor Chief Walks Out of Chamber

    Kiragooru moves to KFCC on Monday

    Protest Against Censor over Kiragoorina Mutes

    Kiragoorina Gayyaligalu Movie Review - 4/5

    We Never Asked for Apology - Censor RO

    Did Censor Seek RGV's Apology? - Exclusive

    Revising Committee clears 3Bittawaru Oorige Doddawaru

    Anti Superstition Film Denied Censor Certificate - Exclusive

    Mumbai Censor Doors Closed For Kannada - Exclusive

    Kannada Films Affected With Censor New Rules - Exclusive

    Censor Guidelines

     
     
  • Censor Officer Should Go Immediately - SM Patil Writes

    sm patil, natasha dsouza image

    ಚಿತ್ರಲೋಕದಲ್ಲಿ ಬರೆದ ಸೆನ್ಸಾರ್  ಅಧಿಕಾರಿ ನತಾಷಾ ಮೆಡಂ ಬಗೆಗಿನ ನನ್ನ ಲೇಖನಕ್ಕೆ ಬಂದ ನಿಮ್ಮ ಪ್ರತಿಕ್ರಿಯೆಗೆ  ‘ಎಸ್ ನಾನು ಇಲ್ಲಿ ಒಂಟಿಯಲ್ಲ! ಅನ್ಯಾಯ ನಡೆದಾಗ ಮಾತಾಡಿಸುವವರೂ, ಸಾಂತ್ವಾನ ಸೂಚಿಸಿ ಬೆಂಬಲ ನೀಡುವವರೂ ನನ್ನ ನಾಡಿನಲ್ಲಿ ಇದ್ದಾರೆ’ ಎಂಬ ಭಾವನೆ ನನ್ನ ಒಳಗೆ ಹುಟ್ಟಿದ್ದು ಅದಕ್ಕೆ ಕಾರಣರಾದ ಎಲ್ಲರಿಗೂ ತುಂಬು ಹೃದಯದ ಧನ್ಯವಾದಗಳು. ನನಗಾದ ಅನ್ಯಾಯ ಪರೀಶೀಲಿಸಿ ಅದು ಸತ್ಯ ಎಂದು ಗೊತ್ತಾದ ನಂತರವಷ್ಟೇ ಚಿತ್ರಲೊಕದಲ್ಲಿ ಪ್ರಕಟಿಸಿ ನಿಮ್ಮ ಮುಂದಿಟ್ಟ ವಿರೇಶ್ ಅವರಿಗೂ ನನ್ನ ಕೃತಜ್ಞತೆಗಳು.

    Censor Board Inside Story 3 - Writes SM Patil

    ಕನ್ನಡ ಬಾರದ ಈ ಮೆಡಂ ಅವಾಂತರಗಳು ಅತ್ತ ಒಂದಾದ ಮೇಲೊಂದು ಹೊಸ ರೂಪ ಪಡೆಯುತ್ತಾ ತೆರೆಮರೆಯಲ್ಲಿರಬೇಕಾದ ಕಮೀಟಿಯ ಮೆಂಬರ್ಸ್ ಸುದ್ದಿಯಾಗತೊಡಗಿದ್ದಾರೆ. ಅವರು ನಡೆದುಕೊಳ್ಳುತ್ತಿರುವ ರೀತಿ ಚಿತ್ರರಂಗದಲ್ಲಿ ಚರ್ಚೆಗೆ ಗ್ರಾಸವಾಗುತ್ತಿದ್ದು ಯಾವಾಗ ಯಾರು ಯಾವ ರೀತಿಯಲ್ಲಿ ಅವಮಾನಕ್ಕೀಡಾಗುತ್ತಾರೋ ಹೇಳಲಾಗದ ಸ್ಥಿತಿ ನಿರ್ಮಾಣವಾಗಿದೆ. ಲಂಗುಲಗಾಮಿಲ್ಲದಂತೆ ಸೆನ್ಸಾರ್ ಆಗುತ್ತಿರುವ ಚಿತ್ರಗಳಲ್ಲಿ ಯಾರ ಪಾತ್ರ ಎಷ್ಟಿದೆ ಎನ್ನುವುದೂ ಬಯಲಾಗುತ್ತಿದೆ.

    ನನ್ನ ಆರ್ಟಿಕಲ್ ಇಲ್ಲಿ ಬಂದ ವಿಚಾರ ಗೊತ್ತಾಗಿ ನತಾಷಾ ಮೆಡಂ ಕೆರಳಿದ್ದಾರೆ. ಬಣ್ಣ ಬಯಲಾಗುತ್ತಿರುವುದಕ್ಕೆ ಸಿಡಿಮಿಡಿಗೊಳ್ಳುತ್ತಿದ್ದಾರೆ.

    Censor Board Inside Story 2 - Writes SM Patil

    ಅವರಿವರ ಮಾತು ಕೇಳಿಕೊಂಡು ನಿಮ್ಮನ್ನು ಸೆನ್ಸಾರ್ ಮಂಡಲಿಯ ಸದಸ್ಯತ್ವದಿಂದ ತೆಗೆದು ಹಾಕಲಾಗಿದೆ, ಹಾಗಂತ ಮಿನಿಸ್ಟರಿಯಿಂದ ಆರ್ಡರ್ ಬಂದಿದೆ ಎಂದು ಸುಳ್ಳು ಹೇಳಿ ಆ ನಂತರ ತಬ್ಬಿಬ್ಬಾಗಿ ನಿಮ್ಮ ಅವಧಿ ಮುಗಿದಿದೆ ಎಂದು ತಿದ್ದಿಕೊಂಡು ಉತ್ತರ ಕೊಟ್ಟಿದ್ದ ನತಾಷಾ ಅವರ ಮಾತಿನ ಸತ್ಯಾ ಸತ್ಯತೇನ ಪರೀಶೀಲಿಸಲು ನಾವು ಆರ್.ಟೀ.ಐ ಮುಖೇನ ಈ ಬಗ್ಗೆ ಮಿನಿಸ್ಟರಿಯನ್ನೇ ಪ್ರಶ್ನಿಸಿದ್ದೇವು. ಆ ಬಗ್ಗೆ ನಮಗೆ ಬದ ಉತ್ತರ ಆಘಾತಕಾರಿಯಾಗಿತ್ತು. ಅಸಲಿಗೆ ನಾವೆಲ್ಲಾ ಈಗಲೂ ಸೆನ್ಸಾರ್ ಮಂಡಳಿಯ ಸದಸ್ಯರೇ ಆಗಿದ್ದೇವೆ. ನಮ್ಮ ಹೆಸರು ಈಗಲೂ ಲಿಸ್ಟ್‍ನಲ್ಲಿದೆ. ಇದೆಲ್ಲಾ ನತಾಷಾ ಮೇಡಂ ಹುಟ್ಟು ಹಾಕಿದ ಕಥೆಗಳು, ಬರೋಬ್ಬರೀ ಆರು ಜನ ಅಮಾಯಕ, ಪ್ರಾಮಾಣಿಕರನ್ನು ಕಳಿಸಿ ಸಂಭವಿತರನ್ನು ನೆಪಮಾತ್ರಕ್ಕಿಟ್ಟುಕೊಂಡು,  ತನಗೆ ಬೇಕಾದವರನ್ನು ಪದೇ ಪದೇ ಕರೆದುಕೊಂಡು ಸೆನ್ಸಾರ್ ನಡೆಸುತ್ತಿರುವ ನತಾಷಾ ಅವರಿಂದ ಯಾರಿಗೆ ಲಾಭ ಆಗುತ್ತಿದೆ? ಯಾರಿಂದ ನತಾಷಾ ಮತ್ತವರ ಗುಂಪಿಗೆ ಲಾಭ ಆಗುತ್ತಿದೆ ಎಂಬ ಹಗರಣ ಈಗಲೊ ಆಗಲೊ ಹೊರ ಬರಲು ಕಾಯುವಂತಾ ಸ್ಥಿತಿಯಲ್ಲಿ ಹೊಯ್ದಾಡುತ್ತಿದೆ. ಕಾಲ ತಕ್ಕ ಉತ್ತರ ಕೊಟ್ಟೇ ಕೊಡುತ್ತದೆ. ಮಿನಿಸ್ಟರಿಯಿಂದ ಬಂದ ಉತ್ತರ ಕಳಿಸಿ ನಾವೀಗಲೂ ಮೆಂಬರ್ರೇ ಆಗಿದ್ದು ನಮ್ಮನ್ನು ಮತ್ತೆ ನೀವು ಕರೆಯಲೇಬೇಕೆಂದು ಹೇಳಲು ನಾನು ಇವೊತ್ತು ಸೆನ್ಸಾರ್ ಆಫೀಸಿಗೆ ಹೋದಾಗ ಮೆಡಂ ಮುಖ ತೋರಿಸಲಿಲ್ಲ. ತಮ್ಮ ಚೇಂಬರಿಗೂ ಕರೆಯಲಿಲ್ಲ. ಸುಮಾರು ಹೊತ್ತು ಕಣ್ಣಾ ಮುಚ್ಚಾಲೆ ಆಟ ಆಡಿದ ನಂತರ ಕೊನೆಗೆ, ಅವರ ಸೆರಗಿನ ಮರೆಯಲ್ಲಿ ತನ್ನ ಅಧಿಕಾರ ಮೆರೆಯುತ್ತಿರುವ ಕ್ಲರ್ಕ ಬಾಬುವನ್ನು ಕಳಿಸಿ ‘ನೀವು ಮೆಡಂ ಬಗ್ಗೆ ಚಿತ್ರಲೋಕದಲ್ಲಿ ಬರೆದಿದ್ದರಿಂದ ಅವರಿಗೆ ನಿಮ್ಮ ಮೇಲೆ ತುಂಬಾ ಕೊಪ ಬಂದಿದೆ, ಹಾಗಾಗಿ ನಿಮ್ಮನ್ನ ಅವ್ರು ಮೀಟ್ ಮಾಡಲ್ವಂತೆ’ ಎಂದು ಹೇಳಿ ಕೈ ತೊಳೆದುಕೊಂಡರು!

    Censor Board Inside Story - 1 Writes SM Patil

    ಸತ್ಯ ಸಮಾಜದ ಮುಂದಿಟ್ಟಾಗ, ಮಾನ ಮರ್ಯಾದೆ ಕಳೆದುಕೊಂಡು ಗುರಾಯಿಸುವ ಇಂಥ ಜನರ ಕುರಿತೇ ನಮ್ಮ ಹಿರಿಯರು ಹೇಳಿದ ಒಂದು ಮಾತಿದೆ, ‘ಇದ್ದದ್ದು ಇದ್ದ ಹಾಗೆ ಹೇಳಿದರೆ ಎದ್ದು ಬಂದು ಎದೆಗೆ ಒದ್ರಂತೆ’ (ಸದ್ಯ ಇಲ್ಲಿ ಯಾರೂ ಯಾರಿಗೂ ಒದೆಯಲಿಲ್ಲ ಬಿಡಿ).

    ಕಾಗೆ ಕೈಗೆ ಕಾರುಭಾರು ಕೊಟ್ರೆ ಕಛೇರಿ ತುಂಬಾ – ಮಾಡಿತ್ತಂತೆ.. ಎಂಬಂತೆ ನಡೆದುಕೊಳ್ಲುತ್ತಿರುವ ಬಾಬು ಮತ್ತು ಅಧಿಕಾರದ ಮತ್ತಿನಲ್ಲಿ ಅಮಾಯಕ ಸೋಗು ಹಾಕುತ್ತ ತಾನಾರು? ತನ್ನ ಅಧಿಕಾರ ಏನು ಎಂಬುದಿನ್ನೂ ತಿಳಿದುಕೊಳ್ಳಲು ಪ್ರಯತ್ನಿಸುತ್ತಿರುವ ನತಾಶಾ ಮೆಡಂಗೆ ಇತ್ತ ಮಲಯಾಳಿ ಬಾಬು ಅ ಆ ಇ ಈ ಹೇಳಿಕೊಡಲು ಪ್ರಯತ್ನಿಸುತ್ತಿರುವಾಗಲೇ ಅತ್ತ ಕೆಲವು ಮೇಂಬರುಗಳು ತಮ್ಮ ಬೇಳೆ ಬೇಯಿಸಿಕೊಳ್ಳುತ್ತಿರುವುದು ಶುರುವಾಗಿದ್ದು ಇದರ ಅರಿವು ಚೇಂಬರ್ ಗಮನಕ್ಕೂ ಬಂದಿದ್ದು ಸೆನ್ಸಾರ್ ಮಂಡಳಿಯನ್ನೇ  ಸೆನ್ಸಾರ್ ಮಾಡಲು ಚರ್ಚೆ ಶುರುವಾಗಿದೆ.

    ಅವಿವೇಕಿ ಮತ್ತು ಅಯೊಗ್ಯ ಅಧಿಕಾರಿಗಳು ಸರಕಾರದ ಕಣ್ಣಿಗೆ ಮಣ್ಣೆರಚಿ ಅಧಿಕಾರ ವಹಿಸಿಕೊಂಡರೆ ಕಛೇರಿಯಲ್ಲಿ ಏನೆಲ್ಲಾ ಅದ್ವಾನಗಳು ನಡೆಯುತ್ತವೆ ಎಂಬುದಕ್ಕೆ ಸಾಕ್ಷಿ ಆಗುತ್ತಿರುವ ಮೆಡಂ ನತಾಷಾ ಪೂರ್ತಿ ಮರ್ಯಾದೆ ಕಳೆದುಕೊಳ್ಳುವ ಮುನ್ನ, ಸರಕಾರದ ಗಮನಕ್ಕೆ ಅವರ ಕನ್ನಡ ಜ್ನಾನ ತಲುಪುವ ಮುನ್ನ ಜಾಗ ಬಿಟ್ಟು ಹೊರಟರೆ ನಾವು ನೀವು ನಿಟ್ಟುಸಿರು ಬಿಡಬಹುದು ಅಂದುಕೊಳ್ತೀನಿ.

    Pls Note

    The views expressed in this column are those of its author and Chitraloka or its publishers do not claim to endorse it. You can express your opinion to his e-mail - This email address is being protected from spambots. You need JavaScript enabled to view it.

    Also See

    Sa Ra Govindu demands removal of Censor officer

    Dubbing Chamber Film Censored

    Censor Board Inside Story 3 - Writes SM Patil

    Censor Board Inside Story 2 - Writes SM Patil

    Censor Board Inside Story - 1 Writes SM Patil

    Censor certification Stops in Bengaluru? - Exclusive

    Censor Officer's 6 Wrongs

    Censor Chief Walks Out of Chamber

    Kiragooru moves to KFCC on Monday

    Protest Against Censor over Kiragoorina Mutes

    Kiragoorina Gayyaligalu Movie Review - 4/5

    We Never Asked for Apology - Censor RO

    Did Censor Seek RGV's Apology? - Exclusive

    Revising Committee clears 3Bittawaru Oorige Doddawaru

    Anti Superstition Film Denied Censor Certificate - Exclusive

    Mumbai Censor Doors Closed For Kannada - Exclusive

    Kannada Films Affected With Censor New Rules - Exclusive

     

    Censor Guidelines

Gara Gallery

Rightbanner02_butterfly_inside

Paddehuli Movie Gallery