ರಾಜಕುಮಾರ ಚಿತ್ರದಿಂದ ಕನ್ನಡಿಗರ ಹೃದಯಕ್ಕೇ ಲಗ್ಗೆಯಿಟ್ಟಿದ್ದ ಪ್ರಿಯಾ ಆನಂದ್ ಯೋಗರಾಜ್ ಭಟ್ಟರ ಚಿತ್ರಕ್ಕೆ ಸೇರಿಕೊಂಡಿದ್ದಾರೆ. ಗಾಳಿಪಟ 2ನಲ್ಲಿಯೂ ಮಿಂಚು ಹರಿಸಿದ್ದ ನಿಶ್ವಿಕಾ ನಾಯ್ಡು ಮತ್ತೊಮ್ಮೆ ಭಟ್ಟರ ಕ್ಯಾಂಪ್ ಸೇರಿದ್ದಾರೆ. ಶಿವಣ್ಣ ಮತ್ತು ಪ್ರಭುದೇವ ಅವರೊಂದಿಗೆ ಭಟ್ಟರು ನಿರ್ದೇಶಿಸುತ್ತಿರುವ ಹೊಸ ಚಿತ್ರಕ್ಕೆ ಪ್ರಿಯಾ ಆನಂದ್ ಮತ್ತು ನಿಶ್ವಿಕಾ ನಾಯ್ಡು ಜೊತೆಯಾಗಿದ್ದಾರೆ.

ಸದ್ಯಕ್ಕೆ ಗಾಳಿಪಟ 2 ಸಕ್ಸಸ್ ಸಂಭ್ರಮದಲ್ಲಿರುವ ಯೋಗರಾಜ್ ಭಟ್, ಶಿವಣ್ಣ-ಪ್ರಭುದೇವ ಜೋಡಿಯ ಚಿತ್ರದ ಚಿತ್ರೀಕರಣಕ್ಕೆ ಚಿಕ್ಕ ಬ್ರೇಕ್ ಕೊಟ್ಟಿದ್ದಾರೆ. ರಾಕ್‍ಲೈನ್ ಪ್ರೊಡಕ್ಷನ್ಸ್‍ನವರ ಈ ಚಿತ್ರಕ್ಕೆ ಸದ್ಯಕ್ಕೆ ಕುಲದಲ್ಲಿ ಕೀಳ್ಯಾವುದೋ ಅನ್ನೋ ಟೈಟಲ್ ಇಡಲಾಗಿದೆ.

ಪ್ರಿಯಾ ಆನಂದ್ ರಾಜಕುಮಾರ ಹಾಗೂ ಜೇಮ್ಸ್ ಚಿತ್ರದಲ್ಲಿ ಪುನೀತ್ ಎದುರು ನಾಯಕಿಯಾಗಿ ನಟಿಸಿದ್ದವರು. ಗಣೇಶ್ ಜೊತೆಯಲ್ಲೂ ನಟಿಸಿದ್ದ ಪ್ರಿಯಾಗೆ ಶಿವಣ್ಣನ ಜೊತೆ ಇದು ಮೊದಲ ಸಿನಿಮಾ.

ನಿಶ್ವಿಕಾ ನಾಯ್ಡು ಈ ಚಿತ್ರದಲ್ಲಿ ಪ್ರಭುದೇವಗೆ ನಾಯಕಿ. ಭಟ್ಟರ ಜೊತೆ ಅವರದ್ದು 2ನೇ ಸಿನಿಮಾ. ಹಾಗೆ ನೋಡಿದರೆ ಶಿವಣ್ಣಗೂ ಕೂಡಾ ಭಟ್ಟರ ಜೊತೆ ಇದು ಮೊದಲ ಸಿನಿಮಾ.

ಒಂದು ವಿಡಿಯೋ ಏನೇನೆಲ್ಲ ಮಾಡಬಹುದು ಅನ್ನೋದಕ್ಕೆ ಪ್ರಿಯಾ ಆನಂದ್ ಅವರ ಈ ವಿಡಿಯೋಗಿಂತ ದೊಡ್ಡ ಉದಾಹರಣೆ ಬೇಕಿಲ್ಲ. ಪ್ರಿಯಾ ಆನಂದ್ ಎಂದರೆ ಕನ್ನಡಿಗರು ರಾಜಕುಮಾರಿ ಅಂತಾರೆ. ಕಾರಣ, ರಾಜಕುಮಾರ ಚಿತ್ರದ ಹೀರೋಯಿನ್ ಆಗಿದ್ದವರು. ರಾಜಕುಮಾರ, ಆರೆಂಜ್, ಜೇಮ್ಸ್ ಚಿತ್ರಗಳಲ್ಲಿ ನಟಿಸಿದ್ದ ಪ್ರಿಯಾ ಆನಂದ್ ಈಗ.. ಇದೇ ಮೊದಲ ಬಾರಿಗೆ ಟ್ರೋಲ್ ಆಗಿದ್ದಾರೆ. ಅದೂ ನಿತ್ಯಾನಂದನಿಗಾಗಿ.

ನಿತ್ಯಾನಂದ ಅದೆಷ್ಟು ಕಾಂಟ್ರವರ್ಸಿ ಸ್ವಾಮಿ ಅನ್ನೋದು ಇಡೀ ಜಗತ್ತಿಗೇ ಗೊತ್ತು. ಸೂರ್ಯನನ್ನೇ ಲೇಟ್ ಆಗಿ ಬರುವಂತೆ ಮಾಡುವ ಪವಾಡ ಪುರುಷನಿಗೂ ಲಕ್ಷ ಲಕ್ಷ ಸಂಖ್ಯೆಯಲ್ಲಿ ಭಕ್ತರಿದ್ದಾರೆ. ಇದರ ಬಗ್ಗೆ ಮಾತನಾಡುತ್ತಾ ಪ್ರಿಯಾ ಆನಂದ್ ಮಾಡಿರೋ ಜೋಕು.. ಈಗ ಟ್ರೋಲ್ ಆಗುತ್ತಿದೆ.

ನಿತ್ಯಾನಂದ ಅವರ ಪೇಜ್`ನ್ನ ನಾನು ಫಾಲೋ ಮಾಡ್ತೀನಿ. ಲೈಕ್ಸ್ ಕೊಡ್ತೀನಿ. ಅವರ ಬಗ್ಗೆ ಏನಾದರೂ ವಿವಾದ ಇರಬಹುದು. ಆದರೆ, ಅವರಿಗೂ ಲಕ್ಷಾಂತರ ಭಕ್ತರಿದ್ದಾರೆ. ಏನೋ ವಿಶೇಷ ಇರಲೇಬೇಕು. ಬೇಕಾದರೆ ಅವರನ್ನು ಮದುವೆ ಆಗೋಕೂ ಸಿದ್ಧ. ಯಾಕಂದ್ರೆ ಆಗ ನಾನು ನನ್ನ ಹೆಸರು ಬದಲಿಸಿಕೊಳ್ಳೋ ಪ್ರಮೇಯವೇ ಬರಲ್ಲ ಎಂದು ಜೋಕ್ ಮಾಡಿದ್ದಾರೆ.

ಕಾಮಿಡಿ ಈಗ ಟ್ರೋಲ್ ಆಗಿದೆ.

ಆರೆಂಜ್. ಪ್ರಶಾಂತ್ ರಾಜ್ ನಿರ್ದೇಶನದ ಈ ಸಿನಿಮಾ ಪಕ್ಕಾ ಪೈಸಾ ವಸೂಲ್ ಚಿತ್ರ. ನೋಡುವ ಪ್ರೇಕ್ಷಕರು ಕೊಟ್ಟ ಹಣಕ್ಕೆ ಮೋಸವಿಲ್ಲ, ಪಕ್ಕಾ ಎಂಟರ್‍ಟೈನರ್ ಎಂದು ಭರವಸೆ ಕೊಡ್ತಾರೆ ನಿರ್ದೇಶಕ ಪ್ರಶಾಂತ್ ರಾಜ್. ಅಷ್ಟೇ ಅಲ್ಲ, ಚಿತ್ರದ ನಿರ್ಮಾಪಕರಿಗೂ ಆಗಲೇ ಚಿತ್ರದ ಪೈಸಾ ವಸೂಲ್ ಆಗಿ ಹೋಗಿದೆಯಂತೆ. ಚಿತ್ರವನ್ನು ಆಮೇಜಾನ್‍ನವರು ಉತ್ತಮ ಮೊತ್ತಕ್ಕೆ ಖರೀದಿಸಿದ್ದು, ಬಿಡಗಡೆಗೆ ಮುನ್ನವೇ ನಿರ್ಮಾಪಕರು ಸೇಫ್ ಝೋನ್‍ನಲ್ಲಿದ್ದಾರಂತೆ.

ನಾಳೆ ಸಿನಿಮಾ ರಾಜ್ಯಾದ್ಯಂತ ತೆರೆ ಕಾಣುತ್ತಿದ್ದು, ನಂತರ ವಿದೇಶದಲ್ಲೂ ರಿಲೀಸ್ ಮಾಡುವ ಯೋಚನೆ ಚಿತ್ರತಂಡಕ್ಕಿದೆ. ಇಡೀ ಸಿನಿಮಾದಲ್ಲಿ ಪಾತ್ರಧಾರಿಗಳು ಸೀರಿಯಸ್ಸಾಗಿದ್ದರೂ, ನೋಡುವವರು ನಗುತ್ತಿರುತ್ತಾರೆ. ಅಷ್ಟರಮಟ್ಟಿಗೆ ಚಿತ್ರಕಥೆ ಕಲರ್‍ಫುಲ್ಲಾಗಿದೆ ಅಂತಾರೆ ಗಣೇಶ್.

ಪ್ರಿಯಾ ಆನಂದ್-ಗಣೇಶ್ ಜೋಡಿ, ಕನ್ನಡ ಚಿತ್ರರಂಗದ ಸೂಪರ್ ಹಿಟ್ ಜೋಡಿಯಾಗಲಿದೆ ಎನ್ನುವ ಭರವಸೆ ಪ್ರಶಾಂತ್ ರಾಜ್ ಅವರದ್ದು.

ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಅವರ ಹೊಸ ಸಿನಿಮಾಗೆ ರಾಜಕುಮಾರಿ ಜೋಡಿಯಾಗಿದ್ದಾರೆ. ಪುನೀತ್ ರಾಜ್ಕುಮಾರ್ ಅವರ ಸೂಪರ್ ಡ್ಯೂಪರ್ ಹಿಟ್ ಸಿನಿಮಾ ರಾಜಕುಮಾರದಲ್ಲಿ ಜೋಡಿಯಾಗಿದ್ದ ಪ್ರಿಯಾ ಆನಂದ್ ಶಿವರಾಜ್ ಕುಮಾರ್ ಎದುರು ನಾಯಕಿಯಾಗಲಿದ್ದಾರೆ.

ಅಂದಹಾಗೆ ಪ್ರಿಯಾ, ಶಿವಣ್ಣ ಜೋಡಿಯಾಗುತ್ತಿರುವ ಚಿತ್ರದ ಒಂದೊಂದೇ ಡೀಟೈಲ್ಸ್ ಈಗಷ್ಟೇ ಹೊರಬೀಳುತ್ತಿದೆ. ತಮಿಳಿನಲ್ಲಿ ವಿಶ್ವಾಸಂನಂತಹ ಸೂಪರ್ ಹಿಟ್ ಸಿನಿಮಾ ಕೊಟ್ಟ ಸತ್ಯಜ್ಯೋತಿ ಫಿಲಂಸ್ ಈ ಚಿತ್ರದ ಮೂಲಕ ಕನ್ನಡ ಚಿತ್ರರಂಗಕ್ಕೆ ಕಂಬ್ಯಾಕ್ ಮಾಡುತ್ತಿದೆ. ಹಲವು ವರ್ಷಗಳ ಹಿಂದೆ ವಿಷ್ಣುವರ್ಧನ್ ಅವರಿಗಾಗಿ ಸತ್ಯಜ್ಯೋತಿ ಎಂಬ ಸಿನಿಮಾ ನಿರ್ಮಿಸಿದ್ದ ಸಂಸ್ಥೆ ಅದು. ಈ ಚಿತ್ರಕ್ಕೆ ಕೆಜಿಎಫ್ ಖ್ಯಾತಿಯ ಚಂದ್ರಮೌಳಿ ಸಂಭಾಷಣೆ ಬರೆಯುತ್ತಿದ್ದು, ಟಗರು ಚರಣ್ ರಾಜ್ ಸಂಗೀತ ನಿರ್ದೇಶನದ ಹೊಣೆ ಹೊತ್ತಿದ್ದಾರೆ.

ಅಂದಹಾಗೆ ಚಿತ್ರದ ಹೆಸರು ಆರ್ಡಿಎಕ್ಸ್ ಎನ್ನಲಾಗಿದ್ದು, ಚಿತ್ರದಲ್ಲಿ ಮತ್ತೊಮ್ಮೆ ಶಿವರಾಜ್ ಕುಮಾರ್ ಖಾಕಿ ಖದರುತೋರಲಿದ್ದಾರಂತೆ.