` jaggesh - chitraloka.com | Kannada Movie News, Reviews | Image

jaggesh

  • ಕಂಠದಲ್ಲೇ ಚಿಂದಿ ಉಡಾಯಿಸಿದ ಜಗ್ಗೇಶ್

    jaggesh voice hits again

    ನಟ ಜಗ್ಗೇಶ್, ಅದ್ಭುತ ಕಲಾವಿದರಷ್ಟೇ ಅಲ್ಲ, ಒಳ್ಳೆಯ ಗಾಯಕರೂ ಹೌದು. ಕಂಠವನ್ನು ಇಂದಿಗೂ ಶುದ್ಧವಾಗಿಟ್ಟುಕೊಂಡಿರವ ಜಗ್ಗೇಶ್, ಸಂಗೀತವನ್ನು ಶಾಸ್ತ್ರೀಯವಾಗಿ ಕಲಿತಿಲ್ಲವಾದರೂ, ಅದ್ಭುತವಾಗಿ ಹಾಡುತ್ತಾರೆ. ಹೊಸಬರಿಗೆ ಪ್ರೋತ್ಸಾಹಿಸುವವರ ಹಾದಿಯಲ್ಲಿ ಸದಾ ಮುಂದಿರುವ ಜಗ್ಗೇಶ್, ಈಗ ಹೊಸಬರಿಗಾಗಿ ಗಾಯಕರೂ ಆಗಿದ್ದಾರೆ.

    ಡೇಸ್ ಆಫ್ ಬೋರಾಪುರ ಚಿತ್ರದ ರೆಟ್ರೋ ಶೈಲಿಯ ಹಾಡಿಗೆ ದನಿಕೊಟ್ಟಿದ್ದಾರೆ ಜಗ್ಗೇಶ್. ಸ್ನೇಹ ಒಂಥರಾ.. ನಿಂಬೆ ಹುಳಿ ಪೆಪ್ಪರ್​ಮೆಂಟ್ ಅನ್ನೋ ಹಾಡು ಕೇಳೋಕೂ ಮಜಬೂತಾಗಿದೆ. ಜೊತೆಗೆ ಜಗ್ಗಣ್ಣನ ವಾಯ್ಸ್ ಬೇರೆ.

    ಒಂದಷ್ಟು ಸಾಫ್ಟ್​ವೇರ್ ಹುಡುಗರು ಒಟ್ಟಿಗೇ ಸೇರಿಕೊಂಡು ಮಾಡುತ್ತಿರುವ ವಿಭಿನ್ನ ಪ್ರಯತ್ನಕ್ಕೆ ಕೈ ಜೋಡಿಸಿದ್ದಾರೆ ಜಗ್ಗೇಶ್.

  • ಕವಿರತ್ನ ಅಲ್ಲ, ಕನ್ನಡ ಮೇಷ್ಟ್ರು ಕಾಳಿದಾಸ ಜಗ್ಗೇಶ್

    jaggesh as kananda mestru kaalidasa

    ಕವಿರತ್ನ ಕಾಳಿದಾಸ ಎಂದರೆ ಕಾಳಿದಾಸನ ಶಾಕುಂತಲೆ ನೆನಪಿಗೆ ಬರುತ್ತಾಳೋ ಇಲ್ಲವೋ.. ಡಾ.ರಾಜ್‍ಕುಮಾರ್ ಅಂತೂ ಥಟ್ಟನೆ ಕಣ್ಮುಂದೆ ಬರುತ್ತಾರೆ. ಕನ್ನಡಿಗರ ಪಾಲಿಗೆ ಕವಿರತ್ನ ಕಾಳಿದಾಸ ಎಂದರೆ ಡಾ.ರಾಜ್. ಆದರೀಗ ಅಭಿನವ ಕಾಳಿದಾಸನಾಗಿ ಬರುತ್ತಿದ್ದಾರೆ ಜಗ್ಗೇಶ್. ಒಂದೇ ಒಂದು ಬದಲಾವಣೆ.. ಆ ಕಾಳಿದಾಸ ಸಂಸ್ಕøತ ಪಂಡಿತ. ಮಹಾನ್ ಕವಿ. ಈ ಕಾಳಿದಾಸ ಕನ್ನಡ ಮೇಷ್ಟ್ರು.

    ಕನ್ನಡ ಮೇಷ್ಟ್ರು ಕಾಳಿದಾಸ. ಇದು ಕವಿರಾಜ್ ನಿರ್ದೇಶನದ ಸಿನಿಮಾ. ಈ ಚಿತ್ರದಲ್ಲಿ ಜಗ್ಗೇಶ್‍ಗೆ ಮೇಘನಾ ಗಾಂವ್ಕರ್ ನಾಯಕಿ. ಅಂಬಿಕಾ ಕೂಡಾ ಪ್ರಮುಖ ಪಾತ್ರದಲ್ಲಿದ್ದಾರೆ. ಇಡೀ ಸಿನಿಮಾದಲ್ಲಿ ಮೇಘನಾ, ಜಗ್ಗೇಶ್‍ಗೆ ಹೆದರಿಸ್ತಾ ಇರ್ತಾರಂತೆ. ಮೇಘನಾ ಕಾಳಿಯಾದರೆ, ಜಗ್ಗೇಶ್ ದಾಸ. ಅಫ್‍ಕೋರ್ಸ್.. ಅವರ ಹೆಸರೂ ಕೂಡಾ ಕಾಳಿದಾಸ.

    ಇದು ಕಾಮಿಡಿ ಕಾಮಿಡಿಯಾಗಿಯೇ ಸಾಗುತ್ತಾ ಸೀರಿಯಸ್ ಆಗುವ ಸಿನಿಮಾ. ಜಗ್ಗೇಶ್ ಈ ಚಿತ್ರದಲ್ಲಿ ನವರಸಗಳನ್ನೂ ಪ್ರದರ್ಶನ ಮಾಡುವ ಅವಕಾಶ ಇದೆ ಎಂದಿದ್ದಾರೆ ಕವಿರಾಜ್. ಚಿತ್ರದ ಚಿತ್ರೀಕರಣ ಡಿಸೆಂಬರ್ 10ರಿಂದ ಶುರುವಾಗಲಿದೆ.

  • ಕಾಲಭೈರವ ದೇವಸ್ಥಾನದ ಜಗ್ಗೇಶ್ ತಪಸ್ಸು ಈಡೇರಿತು..!

    jaggesh's dream comes true

    ಹರಿಶ್ಚಂದ್ರ ಘಾಟ್‍ನಲ್ಲಿ ಒಂದಿಡೀ ದಿನ ಇದ್ದು, 11 ಶವಗಳಿಗೆ ಸಂಸ್ಕಾರ ಮಾಡಿದ್ದು ಒಂದು ವ್ರತ. ಕಾಶಿಗೆ ಹೋಗಿ ವಿಶ್ವನಾಥನ ದರ್ಶನ ಮಾಡಿದ್ದು ಗಂಗಾಸ್ನಾನ ಮಾಡಿದ್ದು ಇನ್ನೊಂದು ವ್ರತ. ಈಗ ಕಾಲಭೈರವೇಶ್ವರನ ಪೂಜೆ ಕೈಗೆ ಬಳೆ ಹಾಕಿಸಿಕೊಂಡಿದ್ದು ಮತ್ತೊಂದು ವ್ರತ. ಹೀಗೆ ಸತತ ಒಂದು ವರ್ಷದಿಂದ ವ್ರತದಲ್ಲಿಯೇ ಇದ್ದ ನಟ ಜಗ್ಗೇಶ್, ಈಗ ವ್ರತವನ್ನು ಮುಗಿಸಿದ್ದಾರೆ. ಕಾಲಭೈರವೇಶ್ವರ ದೇವಸ್ಥಾನವನ್ನು ಜೀರ್ಣೋದ್ಧಾರ ಮಾಡಿಸಿ, ದೇವರ ಎದುರು ಮಂಡಿಯೂರಿದ್ದಾರೆ.

    ತುರುವೇಕೆರೆ ತಾಲೂಕಿನ ಅನಗೋಡು ಗ್ರಾಮದಲ್ಲಿರುವ ಕಾಲಭೈರವೇಶ್ವರ ದೇವಾಲಯ, ಜಗ್ಗೇಶ್ ಅವರನ್ನು ಸೆಳೆದಿತ್ತು. ಅದು ಅವರ ಮನೆದೇವರು. ಆ ದೇವಸ್ಥಾನವನ್ನು ಜೀರ್ಣೋದ್ಧಾರ ಮಾಡಿಸಿದ್ದಾರೆ ಜಗ್ಗೇಶ್. ಜೀರ್ಣೋದ್ಧಾರ ಕಾರ್ಯಕ್ರಮಕ್ಕೆ ಮೈಸೂರಿನ ರಾಜವಂಶಸ್ಥ ಯದುವೀರ್ ಒಡೆಯರ್, ಆದಿಚುಂಚನಗಿರಿ ಮಠದ ಶಾಖಾಮಠದ ಸ್ವಾಮೀಜಿ ಪ್ರಸನ್ನನಾಥ ಸ್ವಾಮೀಜಿ ಭಾಗಿಯಾಗಿದ್ದರು.

  • ಚಿತ್ರ ಸಾಹಿತಿಯಾದರು ನವರಸ ನಾಯಕ

    jaggesh writes new song

    ನಟ ಜಗ್ಗೇಶ್ ಪೋಷಕ, ಖಳ ಪಾತ್ರಗಳಿಂದ ನಾಯಕನ ಪಟ್ಟಕ್ಕೇರಿದವರು ಎನ್ನುವುದು ಎಲ್ಲರಿಗೂ ಗೊತ್ತು. ಆದರೆ ಜಗ್ಗೇಶ್ ಎಂದರೆ ಅಷ್ಟೇ ಅಲ್ಲ, ಅವರಿಗೆ ಚಿತ್ರ ನಿರ್ಮಾಣದ ಪ್ರತಿ ವಿಭಾಗವೂ ಗೊತ್ತು. ಸಿನಿಮಾದ ಎಲ್ಲ ಹಂತಗಳಲ್ಲಿ ಕೆಲಸ ಮಾಡಿರುವ ಜಗ್ಗೇಶ್, ಆರಂಭದ ದಿನಗಳಲ್ಲಿ ಸಹ ನಿರ್ದೇಶಕರಾಗಿಯೂ ದುಡಿದಿದ್ದಾರೆ. ಚಿತ್ರ ನಿರ್ದೇಶನ, ನಿರ್ಮಾಣವನ್ನೂ ಮಾಡಿರುವ ಜಗ್ಗೇಶ್, ಈಗ ಚಿತ್ರ ಸಾಹಿತಿಯೂ ಆಗಿದ್ದಾರೆ.

    ಕನ್ನಡದಲ್ಲಿ ನಾಯಕರು ಗಾಯಕರಾಗುವುದು ಅಪರೂಪವೇನೂ ಅಲ್ಲ. ಜಗ್ಗೇಶ್ ಕೂಡಾ ಗಾಯಕರೇ. ಆದರೆ, ಉಪೇಂದ್ರ ಬಿಟ್ಟರೆ, ಉಳಿದಂತೆ ನಾಯಕರು ಯಾರೂ ಹಾಡಿಗೆ ಸಾಹಿತ್ಯ ಬರೆದವರಲ್ಲ. ಉಪೇಂದ್ರ ಕೂಡಾ ನಿರ್ದೇಶಕರಾಗಿ ಮೊದಲು ಬಂದವರಾದ್ದರಿಂದ, ಜಗ್ಗೇಶ್ ವಿಭಿನ್ನವಾಗಿ ನಿಲ್ಲುತ್ತಾರೆ.

    ಜಗ್ಗೇಶ್ ಹೊಸ ಚಿತ್ರ 8ಎಂಎಂ ಚಿತ್ರಕ್ಕೆ ಹಾಡು ಬರೆದಿದ್ದಾರೆ. ಇಷ್ಟು ದಿನ ಎಲ್ಲವನ್ನೂ ಪರರಿಗಾಗಿ ಮಾಡಿ ಎಲೆಮರೆ ಕಾಯಿಯಂತೆ ಬದುಕುತ್ತಿದ್ದೆ. ಇನ್ನು ಮುಂದೆ ನನ್ನ ಶ್ರಮ ನನ್ನ ಫಲವಾಗಲಿ.. ಅಲ್ಲವೇ ಎಂದಿದ್ದಾರೆ ಜಗ್ಗೇಶ್.

    ಯುದ್ಧ ಭೂಮಿ..

    ಕದನ ಮಾಡಿ ಗೆಲ್ಲು..

    ಸೋಲು ಗೆಲುವು

    ಸಾವು ನೋವು

    ಲೆಕ್ಕ ಬಿಟ್ಟು ನಿಲ್ಲು.. ಎಂದು ಶುರುವಾಗುವ ಗೀತೆ, 8ಎಂಎಂ ಚಿತ್ರದ ಕ್ಲೈಮಾಕ್ಸ್‍ನಲ್ಲಿ ಬಳಕೆಯಾಗಲಿದೆ. ಚಿತ್ರಸಾಹಿತಿ ಜಗ್ಗೇಶ್‍ಗೆ ಶುಭವಾಗಲಿ.

  • ಜಗ್ಗೇಶ್ ಜೊತೆ ನಟಿಸಲಿರುವ ಆ ಸ್ಟಾರ್ ಯಾರು..?

    jaggesh ready to work with star director

    ನವರಸ ನಾಯಕ ಜಗ್ಗೇಶ್ ಅವರಿಗೆ ಮಲ್ಟಿಸ್ಟಾರ್ ಚಿತ್ರಗಳು ಹೊಸದಲ್ಲ. ಬಹುಶಃ ಶಿವರಾಜ್ ಕುಮಾರ್ ಬಿಟ್ಟರೆ, ನಾಯಕರಾಗಿ ಹಲವು ನಾಯಕರ ಜೊತೆ ತೆರೆ ಹಂಚಿಕೊಂಡಿರುವ ಹೀರೋ ಜಗ್ಗೇಶ್ ಅವರೇ ಇರಬೇಕು. ಶಿವರಾಜ್ ಕುಮಾರ್, ರವಿಚಂದ್ರನ್, ಅಂಬರೀಷ್, ರಕ್ಷಿತ್ ಶೆಟ್ಟಿ, ದರ್ಶನ್ ಸೇರಿದಂತೆ ಹಲವು ಸ್ಟಾರ್‍ಗಳ ಜೊತೆ ನಟಿಸಿರುವ ಜಗ್ಗೇಶ್, ಈಗ ಮತ್ತೊಂದು ಸ್ಟಾರ್ ಜೊತೆ ನಟಿಸೋಕೆ ರೆಡಿಯಾಗಿದ್ದಾರೆ.

    2018ಕ್ಕೆ ಕನ್ನಡದ ಇನ್ನೊಬ್ಬ ಅದ್ಬುತ ನಟ ಮತ್ತು ನನ್ನ ಆತ್ಮೀಯನ ಜೊತೆ ಭರ್ಜರಿ ಕಾಂಬೊ. ದಕ್ಷಿಣ ಭಾರತದಲ್ಲಿ ಖ್ಯಾತನಾಮ ನಿರ್ದೇಶಕ, ಲಕ್ಕಿ ನಿರ್ಮಾಪಕರ ಜೊತೆ ಕೆಲಸ ಮಾಡಲು ನಿನ್ನೆ ಮಾತು ಕೊಟ್ಟೆ. ನನ್ನ ಮನಸ್ಸಿಗೆ ಇಷ್ಟವಾಗಿ ಜನರಿಗೂ ಮೆಚ್ಚುಗೆಯಾದರೆ ಕೊನೆ ಉಸಿರುವವರೆಗೆ ನಟಿಸುವೆ ಎಂದು ಹೇಳಿಕೊಂಡಿದ್ದಾರೆ ಜಗ್ಗೇಶ್.

    ಜಗ್ಗೇಶ್ ಅವರಿಗೇ ಈ ಪರಿಯ ಎಕ್ಸೈಟ್‍ಮೆಂಟು ಎಂದರೆ, ಅಭಿಮಾನಿಗಳಿಗೆ ಎಷ್ಟಿರಬೇಡ. ಯಾರು ಸರ್ ಆ ಹೀರೋ..? ಡೈರೆಕ್ಟರ್ ಯಾರು..? ಪ್ರೊಡ್ಯೂಸರ್ ಯಾರು..? ಹೇಳ್ಬಿಡಿ ಸರ್..

     

  • ಜಗ್ಗೇಶ್ ಪುತ್ರನ ಮೇಲೆ ರೌಡಿಸಂ - ಆರೋಪಿ ಕಾಂಗ್ರೆಸ್ ಕಾರ್ಯಕರ್ತನೆಂಬ ಕಾರಣಕ್ಕೇ ಬಂಧನವಾಗಿಲ್ಲವಾ..?

    jaggesh son gururaj jaggesh

    ಜಗ್ಗೇಶ್ ಕೇವಲ ನಟರಲ್ಲ. ಮಾಜಿ ಶಾಸಕರೂ ಹೌದು. ಕರ್ನಾಟಕದ ಐಕಾನ್​ಗಳಲ್ಲಿ ಒಬ್ಬರು. ಈಗ ಹಲ್ಲೆಗೊಳಗಾಗಿರುವ,  ಚಾಕು ಇರಿತಕ್ಕೊಳಗಾಗಿರುವ ಗುರುರಾಜ್ ಕೂಡಾ ಉದಯೋನ್ಮುಖ ಕಲಾವಿದ. ರೌಡಿಸಂ ನಡೆದಿರೋದು ನಟ್ಟನಡುರಾತ್ರಿಯಲ್ಲಿ ಅಲ್ಲ. ಬೆಳ್ಳಂಬೆಳಗ್ಗೆ ಹೊತ್ತಿನಲ್ಲಿ. ಕಾರ್ ನಂಬರ್ ಸಿಕ್ಕಿದೆ. ಆರೋಪಿ ಶಿವರಾಂನ ಹೆಸರು, ವಿಳಾಸ ಎಲ್ಲವೂ ಸಿಕ್ಕಿದೆ. ಆದರೆ, ಇದುವರೆಗೆ ಆರೋಪಿ ಬಂಧನವಾಗಿಲ್ಲ.

    ನಟ ಜಗ್ಗೇಶ್ ಮತ್ತು ಪರಿಮಳಾ ಜಗ್ಗೇಶ್, ಮಗ ಹೇಗೋ ದೊಡ್ಡ ಗಂಡಾಂತರದಿಂದ ಪಾರಾದ ಎಂದು ನಿಟ್ಟುಸಿರುಬಿಟ್ಟಿದ್ದಾರೆ. ಆ ಹಲ್ಲೆ ನಡೆದಾಗ ಅವರ ಮಗ ಕಾರಿನಲ್ಲೇ ಇದ್ದ. ಅವನಿಗೆ ಏನೂ ಆಗಲಿಲ್ಲವಲ್ಲ, ದೇವರು ದೊಡ್ಡವನು ಎನ್ನುತ್ತಿದ್ದಾರೆ. 

    ಇಷ್ಟು ಹೊತ್ತಾದರೂ ಆರೋಪಿ ಬಂಧನವಾಗದೇ ಇರಲು ಕಾರಣವೇನು..? ಹುಡುಕುತ್ತಾ ಹೊರಟರೆ ಆತ ಕಾಂಗ್ರೆಸ್ ಕಾರ್ಯಕರ್ತ ಎಂಬ ಮಾತು ಕೇಳಿಬಂದಿದೆ. ಆತ ಕಾಂಗ್ರೆಸ್​ನ ಹಲವು ಕಾರ್ಯಕ್ರಮಗಳಲ್ಲಿ ಭಾಗವಹಿಸಿರುವ ಫೋಟೋಗಳು ಸಿಕ್ಕಿವೆ. ಶಾಸಕರ ಜೊತೆ ಇರುವ ಫೋಟೋಗಳೂ ಇವೆ. ಇದೇ ಕಾರಣಕ್ಕೆ ಆತನನ್ನು ಬಂಧಿಸಲು ಪೊಲೀಸರಿಗೆ ಸಾಧ್ಯವಾಗಿಲ್ಲವಾ..? 

    ಸದ್ಯಕ್ಕೇನೋ ಪೊಲೀಸರ ಬಗ್ಗೆ ಜಗ್ಗೇಶ್ ಒಳ್ಳೆಯ ಮಾತುಗಳನ್ನೇ ಹೇಳುತ್ತಿದ್ದಾರೆ. ಆದರೆ, ಜಗ್ಗೇಶ್  ಅಭಿಮಾನಿಗಳು ಮತ್ತು ನಾಗರಿಕರು ಕೇಳುತ್ತಿರುವ ಪ್ರಶ್ನೆಗಳಿಗೆ ಉತ್ತರ ಮತ್ತು ಸಮಾಧಾನ ಸಿಗುವುದು ಆತನ ಬಂಧನದ ನಂತರವೇ. ಆತನ ಬಂಧನಕ್ಕೆ ಎರಡು ವಿಶೇಷ ತಂಡ ರಚಿಸಿರುವ ಪೊಲೀಸರು ಆರೋಪಿಯ ಪತ್ತೆಗೆ ಬಲೆ ಬೀಸಿದ್ದಾರೆ.

    Related Articles :-

    ಜಗ್ಗೇಶ್ ಪುತ್ರನ ಮೇಲೆ ರೌಡಿಗಳ ದಾಳಿ - ಕಾರ್ ಗುರುತು ಪತ್ತೆ

    ಜಂಪ್ ಮಾಡದೇ ಇದ್ದಿದ್ದರೆ ಜೀವಕ್ಕೇ ಅಪಾಯವಿತ್ತು - ಗುರುರಾಜ್ ಜಗ್ಗೇಶ್

    ನಟ ಜಗ್ಗೇಶ್ ಪುತ್ರನಿಗೆ ರೌಡಿಗಳಿಂದ ಚಾಕು ಇರಿತ

  • ಜಗ್ಗೇಶ್ ಪುತ್ರನಿಗೆ ಚಾಕು ಹಾಕಿದವ 4 ದಿನವಾದರೂ ಪೊಲೀಸರಿಗೆ ಸಿಗಲಿಲ್ಲ. ಆದರೆ..

    jaggesh son attacked

    ನಟ ಜಗ್ಗೇಶ್ ಅವರ ಪುತ್ರ ಗುರುರಾಜ್ ಜಗ್ಗೇಶ್ ಮೇಲೆ ಚಾಕು ಹಾಕಿ ಪರಾರಿಯಾಗಿದ್ದ ಆರೋಪಿ ಶಿವಶಂಕರ್, 4 ದಿನವಾದರೂ ಪೊಲೀಸರ ಕೈಗೆ ಸಿಕ್ಕಿಲ್ಲ. ಕಾಂಗ್ರೆಸ್ ಕಾರ್ಯಕರ್ತನೂ ಆಗಿರುವ ಆರೋಪಿ ಶಿವಶಂಕರ್, ಪೊಲೀಸರ ಕೈಗೆ ಸಿಗದೆ ತಲೆಮರೆಸಿಕೊಂಡು ಓಡಾಡುತ್ತಿದ್ದಾನೆ. ಈ ಮಧ್ಯೆಯೇ ಬೆಂಗಳೂರು ಸೆಷನ್ಸ್ ನ್ಯಾಯಾಲಯದಲ್ಲಿ ಶಿವಶಂಕರ್ ಪರ ವಕೀಲರು ನಿರೀಕ್ಷಣಾ ಜಾಮೀನಿಗೆ ಅರ್ಜಿ ಸಲ್ಲಿಸಿದ್ದಾರೆ.

    ಆಗಸ್ಟ್  14ರಂದು ಆರ್.ಟಿ.ನಗರದ ಮಠದಹಳ್ಳಿ ಮೈದಾನ ರಸ್ತೆಯಲ್ಲಿ ಜಗ್ಗೇಶ್ ಹಿರಿಯ ಪುತ್ರ ಗುರುರಾಜ್ ಜಗ್ಗೇಶ್ ಮೇಲೆ ಹಲ್ಲೆಯಾಗಿತ್ತು. ಮಗನನ್ನು ಶಾಲೆಗೆ ಬಿಡಲು ಹೋಗುವಾಗ ಗುರುರಾಜ್ ಕಾರ್​ನ್ನು ಓವರ್​ಟೇಕ್ ಮಾಡಿದ್ದ ಶಿವಶಂಕರ್, ಕಾರಿಗೆ ಗುದ್ದಿದ್ದೂ ಅಲ್ಲದೆ, ಗುರುರಾಜ್ ಮೇಲೆ ಹಲ್ಲೆ ನಡೆಸಿದ್ದ. ತೊಡೆಗೆ ಗಾಯವಾಗಿತ್ತು. ಆರೋಪಿ ಕಾಂಗ್ರೆಸ್ ಕಾರ್ಯಕರ್ತ ಎಂಬ ಕಾರಣಕ್ಕೇ ಬಂಧಿಸಿಲ್ಲ ಎಂಬ ಆರೋಪ ಕೇಳಿಬಂದಿತ್ತು.

    Related Articles :-

    ಜಗ್ಗೇಶ್ ಪುತ್ರನ ಮೇಲೆ ರೌಡಿಸಂ - ಆರೋಪಿ ಕಾಂಗ್ರೆಸ್ ಕಾರ್ಯಕರ್ತನೆಂಬ ಕಾರಣಕ್ಕೇ ಬಂಧನವಾಗಿಲ್ಲವಾ..?

    ಜಂಪ್ ಮಾಡದೇ ಇದ್ದಿದ್ದರೆ ಜೀವಕ್ಕೇ ಅಪಾಯವಿತ್ತು - ಗುರುರಾಜ್ ಜಗ್ಗೇಶ್

    ನಟ ಜಗ್ಗೇಶ್ ಪುತ್ರನಿಗೆ ರೌಡಿಗಳಿಂದ ಚಾಕು ಇರಿತ

  • ಜಗ್ಗೇಶ್ ಯಾರಿಗೋ ಹೊಡೆದ್ರಂತೆ.. ರಿಯಲ್ ಕಥೆ ಏನು..?

    jaggesh clarifies on assault allegation

    ಸುದ್ದಿ ಮಾಧ್ಯಮಗಳಲ್ಲಿ ಶನಿವಾರ ಇದ್ದಕ್ಕಿದ್ದಂತೆ ಒಂದು ವಿಡಿಯೋ ಹರಿದಾಡೋಕೆ ಶುರುವಾಯ್ತು. ಯುವಕನೊಬ್ಬನನ್ನು ಜಗ್ಗೇಶ್ ಎಳೆದಾಡುವ ವಿಡಿಯೋ ಅದು. ಚಿತ್ರನಟರಷ್ಟೇ ಅಲ್ಲ, ಬಿಜೆಪಿ ಮುಖಂಡರೂ ಆಗಿರುವ ಜಗ್ಗೇಶ್ ಸಹಜವಾಗಿಯೇ ಸುದ್ದಿಯಾದರು. ಅತ್ತ ಕಲಾವಿದರ ಕ್ರಿಕೆಟ್ ಕಪ್‍ನಲ್ಲಿ ಬ್ಯುಸಿಯಾಗಿದ್ದ ಜಗ್ಗೇಶ್‍ಗೆ ಫೋನ್‍ಗಳ ಸುರಿಮಳೆಯಾಗತೊಡಗಿತು. ಕೊನೆಗೆ ಈ ಬಗ್ಗೆ ಜಗ್ಗೇಶ್ ಸ್ಪಷ್ಟನೆ ಕೊಟ್ಟಿದ್ದಾರೆ.

    ಜಗ್ಗೇಶ್ ಸ್ಪಷ್ಟನೆ ಇದು. 

    ಮಲ್ಲೇಶ್ವರಂ 8ನೇ ಕ್ರಾಸ್‍ನಲ್ಲಿ ಜಗ್ಗೇಶ್ ನನ್ನ ಸಂಬಂಧಿ ಮಾದೇಗೌಡ(ಭೂಮಿಗೀತ ಚಿತ್ರದ ನಿರ್ಮಾಪಕ) ತಮ್ಮ ಮಗನಿಗೆ ಒಂದು ಔಟ್‍ಲೆಟ್ ಹಾಕಿಕೊಟ್ಟಿದ್ದಾರೆ. ಅಲ್ಲಿಗೆ ರವಿಕುಮಾರ್ ಎಂಬ ಯುವಕ ಆಗಾಗ್ಗೆ ಕಾರ್ಪೊರೇಟರ್ ಮಂಜುನಾಥ್ ಹೆಸರು ಹೇಳಿಕೊಂಡು ಬಂದು ಗಲಾಟೆ ಮಾಡುತ್ತಿದ್ದ. ತೊಂದರೆ ಕೊಡುತ್ತಿದ್ದ. ಇದು ಮಂಜುನಾಥ್ ಅವರ ಗಮನಕ್ಕೂ ತಂದಿದ್ದೆ. ನಮ್ಮ ಯಾವ ಹುಡುಗರೂ ಆ ರೀತಿ ಮಾಡಿಲ್ಲ ಎಂದು ಸ್ಪಷ್ಟಪಡಿಸಿದ್ದರು ಮಂಜುನಾಥ್. ನಿನ್ನೆ ರಾತ್ರಿ ಕೂಡಾ ಹಾಗೆಯೇ ಆಯ್ತು. ಆಗ ನನ್ನ ಜೊತೆಯಲ್ಲಿ ಕಾರ್ಪೊರೇಟರ್ ಮಂಜುನಾಥ್ ಕೂಡಾ ಇದ್ದರು. ಅವರ ಜೊತೆಯಲ್ಲಿಯೇ ನಾನು ಜಾಗಕ್ಕೆ ಹೋದೆ. ಆತನನ್ನು ಹಿಡಿದು ಪೊಲೀಸರಿಗೆ  ಒಪ್ಪಿಸಿದ್ದೇನೆ. ಹೀಗೆ ಹಿಡಿಯುವ ವೇಳೆ ತಳ್ಳಾಟಗಳಾಗಿವೆ. ಅಷ್ಟೆ. ನಾನು ಹೊಡೆದಿಲ್ಲ.

    ಆದರೆ, ಇದಕ್ಕೆ ಹೊಡೆತ ತಿಂದಿದ್ದಾರೆ ಎನ್ನಲಾದ ರವಿಕುಮಾರ್ ಹೇಳೋದೇ ಬೇರೆ. ಅವರು ರಸ್ತೆಯಲ್ಲಿಯೇ ಚೇರ್‍ಗಳನ್ನು ಹಾಕಿದ್ದರು. ನಾನು ಪ್ರಶ್ನೆ ಮಾಡಿದೆ. ನಾವು ಬಿಬಿಎಂಪಿಗೆ ದುಡ್ಡು ಕೊಟ್ಟಿದ್ದೇವೆ ಎಂದು ಧಿಮಾಕಿನಿಂದ ಉತ್ತರಿಸಿದ್ರು. ನಾನು ಪ್ರಶ್ನೆ ಮಾಡುವಷ್ಟರಲ್ಲಿ ಜಗ್ಗೇಶ್ ಬಂದು ನನಗೆ ಹೊಡೆದರು ಅನ್ನೋದು ರವಿಕುಮಾರ್ ವಾದ.

    ಜಗ್ಗೇಶ್ ಪ್ರಕಾರ, ವಿವಾದ ಪೊಲೀಸ್ ಠಾಣೆಯಲ್ಲಿ ಇತ್ಯರ್ಥವಾಗಿದೆ. ಅವರು ವಿಡಿಯೋವನ್ನು ವೈರಲ್ ಮಾಡಿದವರ ವಿರುದ್ಧ ಸೈಬರ್ ಕ್ರೈಂಗೆ ದೂರು ಕೊಡುವ ಚಿಂತನೆಯಲ್ಲಿದ್ದಾರೆ.

  • ಜಗ್ಗೇಶ್ ಹುಟ್ಟುಹಬ್ಬಕ್ಕೆ ಪದ್ಮಿನಿ ಪ್ರೀಮಿಯರ್

    premiere padmini teaser released for jaggesh's birthday

    ಜಗ್ಗೇಶ್ ಹುಟ್ಟುಹಬ್ಬದ ದಿನಕ್ಕೆ ಪ್ರೀಮಿಯರ್ ಪದ್ಮಿನಿ ಚಿತ್ರತಂಡ ವಿಶೇಷ ಗಿಫ್ಟ್ ನೀಡಿದೆ. ವಿಶೇಷ ಟೀಸರ್‍ನ್ನು ಜಗ್ಗೇಶ್ ಅವರಿಗೆ ಶುಭ ಹಾರೈಸಿಯೇ ಬಿಡುಗಡೆ ಮಾಡಿ ಜಗ್ಗೇಶ್ ಖುಷಿ ಹೆಚ್ಚಿಸಿದೆ.

    ಶ್ರುತಿ ನಾಯ್ಡು ಇದೇ ಮೊದಲ ಬಾರಿಗೆ ಮಾಡುತ್ತಿರುವ ಸಿನಿಮಾದಲ್ಲಿ, ವಿಚ್ಛೇದಿತ ದಂಪತಿಯ ನಂಬಿಕೆಗಳ ಕಥೆಯಿದೆ. ಸುಧಾರಾಣಿ, ಮಧುಬಾಲಾ ಜೊತೆ ಜಗ್ಗೇಶ್ ನಟಿಸಿರುವ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳಿರುವುದು ರಮೇಶ್ ಇಂದಿರಾ. ಚಿತ್ರೀಕರಣ ಮುಗಿಸಿರುವ ತೆರೆಗೆ ಬರಲು ಸಿದ್ಧವಾಗುತ್ತಿದೆ.

  • ಜಗ್ಗೇಶ್ ಹುಟ್ದಬ್ಬಕ್ಕೆ ಫಸ್ಟ್ ತೋತಾಪುರಿ ನೋಡ್ಕಂಡ್ಬುಡಿ..

    totapuri first look on jaggesh's birthday

    ಜಗ್ಗೇಶ್ ಅಭಿನಯದ, ವಿಜಯ್ ಪ್ರಸಾದ್ ನಿರ್ದೇಶನದ ತೋತಾಪುರಿ ಚಿತ್ರ 100ನೇ ದಿನದತ್ತ ದಾಪುಗಾಲಿಟ್ಟಿದೆ. ಅರೇ.. ಏನ್ರೀ ಇದು.. ತೋತಾಪುರಿ ಸಿನಿಮಾ ಶೂಟಿಂಗೇ ಮುಗಿದಿಲ್ಲ ಅಂತೀರಾ..? ನಾವ್ ಹೇಳ್ತಿರೋದೂ ಅದೇ ಸ್ವಾಮಿ.. ಶೂಟಿಂಗ್ ಬಗ್ಗೆನೇ..

    ಸಾಮಾನ್ಯವಾಗಿ ಜಗ್ಗೇಶ್ ಚಿತ್ರಗಳ ಶೂಟಿಂಗ್ ತುಂಬಾ ದಿನ ನಡೆಯಲ್ಲ. ಎಷ್ಟು ಸಾಧ್ಯವೋ ಅಷ್ಟು ಕಡಿಮೆ ದಿನದಲ್ಲಿ ಶೂಟಿಂಗ್ ಮಾಡಿ ಎನ್ನುವುದು ಜಗ್ಗೇಶ್ ಪಾಲಿಸಿ. ಸದಾ ನಿರ್ಮಾಪಕರ ಜೇಬಿನ ಬಗ್ಗೆ ನಿಗಾ ಇಡುವ ನಟ ಜಗ್ಗೇಶ್, ಈ ಬಾರಿ 100ದಿನದ ಶೂಟಿಂಗಿಗೆ ಸಾಕ್ಷಿಯಾಗಿದ್ದಾರೆ. ಈಗಾಗಲೇ 80 ದಿನ ಶೂಟಿಂಗ್ ಮುಗಿಸಿರುವ ನಿರ್ದೇಶಕ ವಿಜಯ್ ಪ್ರಸಾದ್, ಫಸ್ಟ್ ಲುಕ್ ಹೊರಬಿಡಲು ರೆಡಿಯಾಗಿದ್ದಾರೆ.

    ಇದು ನೀರ್ ದೋಸೆ ಕಾಂಬಿನೇಷನ್ ಸಿನಿಮಾ. ಜಗ್ಗೇಶ್, ಸುಮನ್ ರಂಗನಾಥ್, ದತ್ತಣ್ಣ ಮತ್ತೆ ಜೊತೆಯಾಗಿದ್ದಾರೆ.. ಅದೇ ವಿಜಯ್ ಪ್ರಸಾದ್ ಸಾರಥ್ಯದಲ್ಲಿ. ಮಾರ್ಚ್ 16ಕ್ಕೆ ಜಗ್ಗೇಶ್ ಹುಟ್ಟುಹಬ್ಬ. ನೋಡ್ಕೊಂಡ್‍ಬಿಡಿ.

  • ಜಗ್ಗೇಶ್ ಹೆಸರಿಗೆ ಮಸಿ ಬಳಿಯಲು ನಡೆದ ಹುನ್ನಾರ

    jaggesh declares war against fake criminals

    ಇದು ಈಗ ದೇಶಾದ್ಯಂತ ಸೆನ್ಸೇಷನನ್ ನ್ಯೂಸ್. ರಫೇಲ್ ಡೀಲ್ ವ್ಯವಹಾರದ ಕೆಲವು ದಾಖಲೆಗಳು ಕಳ್ಳತನವಾಗಿವೆ ಎಂದು ಕೇಂದ್ರ ಸರ್ಕಾರವೇ ಸುಪ್ರೀಂಕೋರ್ಟ್‍ಗೆ ಮಾಹಿತಿ ನೀಡಿದೆ. ಈ ವಿಚಾರದಲ್ಲಿ ಎಲ್ಲರೂ ಪ್ರಧಾನಿ ನರೇಂದ್ರ ಮೋದಿಯನ್ನು ಟಾರ್ಗೆಟ್ ಮಾಡಿದ್ದಾರೆ. ಆದರೆ, ಜಗ್ಗೇಶ್ ವಿಚಾರದಲ್ಲಿ ಆಗಿದ್ದೇ ಬೇರೆ.

    ರಫೇಲ್ ದಾಖಲೆಗಳನ್ನು ರಕ್ಷಿಸಿಕೊಳ್ಳಲು ಸಾಧ್ಯವಿಲ್ಲದ ರಾಜ್ಯದ ಮೈತ್ರಿ ಸರ್ಕಾರ, ಜನರನ್ನು ಹೇಗೆ ರಕ್ಷಣೆ ಮಾಡುತ್ತೆ ಎಂಬರ್ಥದ ಟ್ವೀಟ್‍ವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಸದ್ದು ಮಾಡಿತು. ಕಾಂಗ್ರೆಸ್‍ನ ಅತಿರಥ, ಮಹಾರಥ ನಾಯಕರೆಲ್ಲ ಅದನ್ನು ರೀಟ್ವೀಟ್ ಮಾಡಿ ಜಗ್ಗೇಶ್‍ರನ್ನು ಪೆದ್ದ, ದಡ್ಡ ಎಂದೆಲ್ಲ ಹೀಯಾಳಿಸಿಬಿಟ್ಟರು. ಶೂಟಿಂಗಿನಲ್ಲಿದ್ದ ಜಗ್ಗೇಶ್ ಬಿಡುವು ಮಾಡಿಕೊಂಡು ಟ್ವಿಟರ್ ನೋಡಿದಾಗ ಅವರಿಗೂ ಶಾಕ್. ಯಾಕೆಂದರೆ, ಯಾರೋ ಕಿಡಿಗೇಡಿಗಳು ಅವರ ಅಕೌಂಟಿನ ನಕಲಿ ಇಮೇಜ್ ಸೃಷ್ಟಿಸಿ, ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಟ್ಟಿದ್ದರು. ಅದನ್ನು ಪಕ್ಕಾ ಪ್ಲಾನ್ ಮಾಡಿಯೇ ಮಾಡಲಾಗಿದೆ ಅನ್ನೋದು ಮೇಲ್ನೋಟಕ್ಕೇ ಗೊತ್ತಾಗುವ ಸತ್ಯ.

    ಇತ್ತೀಚೆಗಷ್ಟೇ ಇಂತಹ ಫೇಕ್ ಖದೀಮನನ್ನು ಕೋರ್ಟಿನ ಕಟಕಟೆಗೆ ಎಳೆದಿದ್ದ ಜಗ್ಗೇಶ್, ಕೊನೆಗೆ ನ್ಯಾಯಾಲಯದಲ್ಲಿ ಆತನ ಕಣ್ಣೀರು ನೋಡಲಾಗದೆ ಕ್ಷಮಿಸಿ ಎದ್ದು ಬಂದಿದ್ದರು. ಆದರೆ, ಈಗ ಇವರನ್ನು ಮಾತ್ರ ಬಿಡಲಾರೆ ಎಂದಿರುವ ಜಗ್ಗೇಶ್ ತಮ್ಮದೇ ಶೈಲಿಯ ಉತ್ತರ ಕೊಟ್ಟಿದ್ದಾರೆ. `ಮಕ್ಳಾ.. ಎಷ್ಟು ಜನ ನೋಡಿಲ್ಲ.. ನಿಮ್ಮಂತ ಫೇಕುಗಳನ್ನ. 38 ವರ್ಷದಿಂದ ನಿಮ್ಮಂತಹ ಹೇಡಿಗಳನ್ನೆಲ್ಲ ಮೆಟ್ಟಿನಿಂತೇ ನಾನು ನವರಸ ನಾಯಕ ಆಗಿದ್ದು' ಎಂದಿದ್ದಾರೆ. 

    ಸ್ಸೋ.. ಜಗ್ಗೇಶ್‍ರ ಮುಂದಿನ ಹೋರಾಟ ಕೋರ್ಟಿನಲ್ಲಿಯೇ ನಡೆಯಲಿದೆ. ಫೇಕುಗಳೇ ಎಚ್ಚರಿಕೆ..!

  • ಜಗ್ಗೇಶ್‍ಗೀಗ.. ಮುದ್ದೆ, ಬಸ್ಸಾರು ಎಲ್ಲ ಅದೇ..

    parimala jaggesh puts jaggesh on diet

    ಪಾಪ... ಜಗ್ಗೇಶ್ ಸಾರು.. ಮೇಡಂನ ಎಷ್ಟು ಪ್ರೀತಿಯಿಂದ ನೋಡ್ಕಂತರೆ. ಊಟ ಹಾಕಕಿಲ್ವೇ.. ಏನಾತಂತೆ.. ಹಂಗೆಲ್ಲ ತಲೆಗ್ ಹುಳ ಬಿಟ್ಕಬೇಡಿ. ಜಗ್ಗೇಶ್ ಅವರಿಗೆ ಅವರ ಪತ್ನಿ ಪರಿಮಳ ಜಗ್ಗೇಶ್, ಉಪ್ಪು, ಹುಳಿ, ಕಾರ.. ಎಲ್ಲವೂ ಇರುವ ಊಟವನ್ನು ಸದ್ಯಕ್ಕೆ ಬಂದ್ ಮಾಡಿದ್ದಾರೆ. ಅವರಿಗೀಗ.. ಮುದ್ದೆ, ಬಸ್ಸಾರು, ಉಪ್ಪಿಟ್ಟು, ಚಿತ್ರಾನ್ನ, ಪಲಾವ್ ಎಲ್ಲ ಅದೇ.. ಪರಂಗಿ ಹಣ್ಣು.

    6 ತಿಂಗಳಿಂದ ಡಯಟ್ ಬಿಟ್ಟು, ಮತ್ತೆ ಊದಿಕೊಳ್ಳೋಕೆ ಶುರುವಾಗಿದ್ದರಂತೆ ಜಗ್ಗೇಶ್. ಈಗ.. ಪರಿಮಳಾ ಮತ್ತೊಮ್ಮೆ ಡಯಟ್ ಶುರುಮಾಡಿಸಿದ್ದಾರೆ. ಬೆಳಗ್ಗೆ, ಮಧ್ಯಾಹ್ನ, ರಾತ್ರಿ.. ಜಗ್ಗೇಶ್‍ಗೀಗ ಪರಂಗಿ ಹಣ್ಣೇ ಸರ್ವಸ್ವವಾಗಿದೆ. 45 ದಿನಗಳಲ್ಲಿ ಈ ಡಯಟ್‍ನಲ್ಲಿ 5 ಕೆಜಿ ತೂಕ ಇಳಿಸಬೇಕು ಜಗ್ಗೇಶ್ ಮುಂದಿರುವ ಟಾರ್ಗೆಟ್.

  • ಜಗ್ಗೇಶ್‍ಗೆ ಟಿಕೆಟ್ - ಮೊದಲು ಹೇಳಿದ್ದು ಯಾರು..?

    jaggesh yet again feels the blessings of divine power

    ನವರಸ ನಾಯಕ ಜಗ್ಗೇಶ್, ಮತ್ತೊಮ್ಮೆ ಚುನಾವಣಾ ಅಖಾಡಕ್ಕಿಳಿಯುತ್ತಿದ್ದಾರೆ. ಯಶವಂತಪುರ ವಿಧಾನಸಭಾ ಕ್ಷೇತ್ರದಿಂದ ಜಗ್ಗೇಶ್ ಈ ಬಾರಿ ಅಭ್ಯರ್ಥಿ. ರಾಜ್ ಹುಟ್ಟುಹಬ್ಬದಂದೇ ನಾಮಪತ್ರ ಸಲ್ಲಿಸುತ್ತಿರುವುದು ವಿಶೇಷ. ಆದರೆ, ಚುನಾವಣೆಗೂ ಮುನ್ನ ಜಗ್ಗೇಶ್ ರಾಜಕೀಯ, ಸ್ಪರ್ಧೆಯ ಸಹವಾಸವೇ ಬೇಡ ಎನ್ನುವಂತಿದ್ದವರು. ವೈರಾಗ್ಯ ಜೀವನದ ಹತ್ತಿರದಲ್ಲಿದ್ದೇನೆ ಎನ್ನುತ್ತಿದ್ದ ಜಗ್ಗೇಶ್, ಟಿಕೆಟ್ ಆಕಾಂಕ್ಷಿಯೂ ಆಗಿರಲಿಲ್ಲ.

    ಇದಕ್ಕೂ ಮುನ್ನ ಜಗ್ಗೇಶ್ ಮಂತ್ರಾಲಯಕ್ಕೆ ಹೋಗಿದ್ದರಂತೆ. ಮನಸ್ಸಿಗೆ ತೋಚಿದಾಗಲೆಲ್ಲ ಮಂತ್ರಾಲಯಕ್ಕೆ ಹೋಗಿ ರಾಯರ ಎದುರು ಕೂರುವುದು ಜಗ್ಗೇಶ್ ಅವರಿಗೆ ಅಭ್ಯಾಸ. ಇತ್ತೀಚೆಗೆ ಹಾಗೆ ಹೋಗಿದ್ದಾಗ, ಅಲ್ಲಿನ ಸ್ವಾಮಿಗಳು ನಿಮಗೆ ಅಧಿಕಾರ ಪ್ರಾಪ್ತಿಯಾಗಲಿದೆ ಎಂದಿದ್ದರಂತೆ. ಆಗ ನಾನು ಚುನಾವಣೆಗೆ ನಿಲ್ಲುತ್ತಿಲ್ಲ, ಹೇಗೆ ಸಾಧ್ಯ ಎಂದು ಜಗ್ಗೇಶ್ ಪ್ರಶ್ನಿಸಿದಾಗ ಸ್ವಾಮಿಗಳು ನಕ್ಕಿದ್ದರಂತೆ.

    ಆಗ ನನಗೆ ಅರ್ಥವಾಗಿರಲಿಲ್ಲ. ಎಲ್ಲವೂ ರಾಯರ ಆಶೀರ್ವಾದ. ರಾಯರು ಬಯಸಿದಂತೆ ನಡೆಯುತ್ತೇನೆ ಎಂದಿದ್ದಾರೆ ಜಗ್ಗೇಶ್. ಅಂದಹಾಗೆ ಜಗ್ಗೇಶ್ ನಾಮಪತ್ರ ಸಲ್ಲಿಸುತ್ತಿರುವುದು ಅವರ ಆರಾಧ್ಯ ದೈವ ಡಾ.ರಾಜ್‍ಕುಮಾರ್ ಹುಟ್ಟುಹಬ್ಬದ ದಿನ ಎನ್ನುವುದು ಇನ್ನೊಂದು ವಿಶೇಷ.

     

  • ಜಪಾನ್‍ನಿಂದ ಹಾರಿಬಂತು 8ಎಂಎಂ

    8mm movie

    ನವರಸ ನಾಯಕ ಜಗ್ಗೇಶ್ ಅಭಿನಯದ 8ಎಂಎಂ ಚಿತ್ರದ ಚಿತ್ರೀಕರಣ ಶುರುವಾಗಿದೆ. ಚಿತ್ರದ ಮುಹೂರ್ತಕ್ಕೆ ಚಿತ್ರರಂಗದ ಗಣ್ಯಾತಿಗಣ್ಯರೆಲ್ಲ ಆಗಮಿಸಿ ಶುಭ ಹಾರೈಸಿದ್ದು ವಿಶೇಷ. ಶಿವರಾಜ್ ಕುಮಾರ್, ಯಶ್, ಸಾ.ರಾ. ಗೋವಿಂದು, ರಾಕ್‍ಲೈನ್ ವೆಂಕಟೇಶ್ ಸೇರಿದಂತೆ ಚಿತ್ರರಂಗದ ದೊಡ್ಡ ಸಮೂಹವೇ ಅಲ್ಲಿತ್ತು. 

    ಚಿತ್ರದ ಮುಹೂರ್ತವಾಗುತ್ತಿದ್ದಂತೆಯೇ, ತುಂಬಾ ದಿನಗಳಿಂದ ಕಾಡುತ್ತಿರುವ ಪ್ರಶ್ನೆ ಜಗ್ಗೇಶ್ ಅವರಿಗೂ ಎದುರಾಗಿದೆ. 8ಎಂಎಂ ತಮಿಳಿನ ``8 ತೊಟ್ಟಕ್ಕಲ್'' ಚಿತ್ರದ ರೀಮೇಕಾ..? ಈ ಪ್ರಶ್ನೆಗೆ ಇಲ್ಲ ಎಂದು ಸ್ಪಷ್ಟವಾಗಿ ಉತ್ತರ ಕೊಟ್ಟಿದ್ದಾರೆ ಜಗ್ಗೇಶ್. ಇದು ಜಪಾನ್‍ನ ಅಕಿರಾ ಕುರುಸೋವಾ ನಿರ್ದೇಶನದ ``ಸ್ಟ್ರೇ ಡಾಗ್ಸ್'' ಚಿತ್ರದಿಂದ ಸ್ಫೂರ್ತಿ ಪಡೆದು ಮಾಡಿರುವ ಕಥೆ. ಹಾಗೆಂದು ಇದು ಸ್ಟ್ರೇ ಡಾಗ್ಸ್ ಚಿತ್ರದ ಯಥಾವತ್ ನಕಲು ಕೂಡಾ ಅಲ್ಲ. ಆ ಕಥೆಯಿಂದ ಸ್ಫೂರ್ತಿ ಪಡೆದು ಇಲ್ಲಿನ ನೇಟಿವಿಟಿಗೆ ತಕ್ಕಂತೆ ಕಥೆ ಹೆಣೆಯಲಾಗಿದೆ.

    ಹರಿಕೃಷ್ಣ ಎಂಬುವವರು ನಿರ್ದೇಶಿಸುತ್ತಿರುವ ಈ ಚಿತ್ರಕ್ಕೆ ನಾರಾಯಣ ಸ್ವಾಮಿ, ಇನ್ಫೆಂಟ್ ಸ್ವಾಮಿ, ಸಲೀಂ ಶಾ ನಿರ್ಮಾಪಕರು. ಜೂಡಾ ಸ್ಯಾಂಡಿ ಸಂಗೀತ ನಿರ್ದೇಶನವಿದೆ.

    Related Articles :-

    Jaggesh's New Film 8MM Launched

    Motion poster of '8MM' On Thursday

  • ಟೀಮ್ ಇಷ್ಟವಾದರೆ ಜಗ್ಗೇಶ್ ಹೀಗೆಲ್ಲ ಪ್ರೀತಿಸ್ತಾರೆ..!

    jaggesh supports hangover movie

    ನವರಸ ನಾಯಕ ಜಗ್ಗೇಶ್, ಸ್ವಯಂ ಪ್ರತಿಭೆ, ಛಲದಿಂದ ಚಿತ್ರರಂಗದಲ್ಲಿ ಬೇರೂರಿದವರು. ಹೀಗಾಗಿಯೇ ಹೊಸಬರ ತಂಡಗಳಿಗೆ ಸದಾ ಬೆನ್ನೆಲುಬಾಗಿ ನಿಲ್ಲುವ ಗುಣವೂ ಬೆರೆತಿದೆ. ಅದು ಈಗಿನಿಂದಲ್ಲ... ಹೊಸ ಪ್ರತಿಭೆಗಳ ಚಿತ್ರಗಳಿಗೆ ಸಹಾಯ ಮಾಡುವ, ಕಷ್ಟಕ್ಕೆ ಜೊತೆಯಾಗುವ ಜಗ್ಗೇಶ್... ಈಗ ಮತ್ತೊಂದು ಹೊಸಬರ ಚಿತ್ರಕ್ಕೆ ಬೆನ್ನುತಟ್ಟಿದ್ದಾರೆ.

    ವಿಠಲ್ ಭಟ್ ನಿರ್ದೇಶನದ ಹ್ಯಾಂಗೋವರ್ ಚಿತ್ರಕ್ಕೆ ಜಗ್ಗೇಶ್ ಅವರದ್ದೇ ಹಿನ್ನೆಲೆ ಧ್ವನಿ. ಚಿತ್ರದಲ್ಲಿನ ಮೂರು ಪಾತ್ರಗಳನ್ನು ಜಗ್ಗೇಶ್ ತಮ್ಮದೇ ಶೈಲಿಯಲ್ಲಿ ಪ್ರೇಕ್ಷಕರಿಗೆ ಪರಿಚಯ ಮಾಡಿಕೊಡ್ತಾರೆ. ಇತ್ತೀಚೆಗೆ ಚಮಕ್ ಚಿತ್ರದಲ್ಲಿ ಜಗ್ಗೇಶ್ ಇದೇ ರೀತಿ ಕಥೆ ಶುರು ಮಾಡಿದ್ದರು. ಸಿನಿಮಾ ಹಿಟ್ ಆಗಿತ್ತು. ಈಗ ಹ್ಯಾಂಗೋವರ್ ಚಿತ್ರಕ್ಕೂ ಜಗ್ಗೇಶ್ ಧ್ವನಿ ನೀಡಿದ್ದಾರೆ.

    ಟೀಮ್ ಇಷ್ಟವಾದರೆ ಜಗ್ಗೇಶ್ ಹೇಗೆಲ್ಲ ಬೆಂಬಲ ಕೊಡ್ತಾರೆ ಅನ್ನೋಕೆ ಈ ಚಿತ್ರಕ್ಕೆ ಜಗ್ಗೇಶ್ ನೀಡಿರುವ ಸಹಕಾರವೇ ಸಾಕ್ಷಿ. ಸಿನಿಮಾಗೆ ವಾಯ್ಸ್ ಕೊಡೋಕೆ ಜಗ್ಗೇಶ್ ಬಂದಿರೋದು ರಾತ್ರಿ 9 ಗಂಟೆಗೆ. ಅದೂ ಸೈಕಲ್‍ನಲ್ಲಿ. ರಿಯಾಲಿಟಿ ಶೋ, ಸಿನಿಮಾ, ರಾಜಕೀಯಗಳ ಮಧ್ಯೆ ಬಿಡುವು ಮಾಡಿಕೊಂಡು ಹೊಸಬರ ಚಿತ್ರಕ್ಕೆ ಬೆನ್ನುತಟ್ಟಿರುವ ಜಗ್ಗೇಶ್, ಸಿನಿಮಾಗೆ ಶುಭ ಹಾರೈಸಿದ್ದಾರೆ.

  • ಡಬ್ಬಿಂಗ್‍ನ್ನು ಸಂವಿಧಾನವೇ ಸರಿ ಎಂದ ಮೇಲೆ ನಮ್ಮದೇನಿದೆ..? - ಜಗ್ಗೇಶ್ 

    jaggesh steps back from dubbing agitation

    ಡಬ್ಬಿಂಗ್. ಬರಬೇಕೋ ಬೇಡವೋ ಎಂಬ ಚರ್ಚೆ ಬಿರುಸಿನಿಂದ ನಡೆಯುತ್ತಿರುವಾಗಲೇ ಡಬ್ಬಿಂಗ್ ವಿರುದ್ಧ ನಿಲ್ಲುತ್ತಿದ್ದ ನವರಸ ನಾಯಕ ಜಗ್ಗೇಶ್, ತಮ್ಮ ವಾದದಿಂದ ಹಿಂದೆ ಸರಿದಿದ್ದಾರೆ. ಡಬ್ಬಿಂಗ್‍ನಲ್ಲಿ ತಪ್ಪೇನಿಲ್ಲ ಎಂದು ಸಂವಿಧಾನವೇ ಹೇಳಿದ ಮೇಲೆ ನಮ್ಮದೇನಿದೆ.

    ನನ್ನ ಈ ಹಿಂದಿನ ನಡಾವಳಿಗಳಿಂದ ನೋವಾಗಿದ್ದರೆ ಕ್ಷಮೆ ಇರಲಿ ಎಂದಿದ್ದಾರೆ. ಕನ್ನಡಿಗರಿಗೆ ಏನ ಇಷ್ಟವೋ.. ಅದನ್ನು ನೋಡಲು ಪಡೆಯಲು ಸ್ವತಂತ್ರರು ಎಂದಿದ್ದಾರೆ ಜಗ್ಗೇಶ್.

  • ತೋತಾಪುರಿ.. ತೊಟ್ಟು ಕೀಳ್ಬೇಕು.. ತೊಟ್ಟು ಕಿತ್ತಾಯ್ತು..!

    jaggesh's thotapuri willbe in 2 parts

    ತೋತಾಪುರಿ, ಕನ್ನಡ ಚಿತ್ರರಂಗದ ಹಿಟ್ ಕಾಂಬಿನೇಷನ್ ಮತ್ತೊಮ್ಮೆ ಒಂದಾಗಿರುವ ಚಿತ್ರ. ನೀರ್‍ದೋಸೆ ನಂತರ ನಿರ್ದೇಶಕ ವಿಜಯ್ ಪ್ರಸಾದ್, ನಟ ಜಗ್ಗೇಶ್, ದತ್ತಣ್ಣ, ಸುಮನ್ ರಂಗನಾಥ್ ನಟಿಸುತ್ತಿರುವ ಸಿನಿಮಾ. ಡಾಲಿ ಧನಂಜಯ್, ಆದಿತಿ ಪ್ರಭುದೇವ ಕೂಡ ಪ್ರಮುಖ ಪಾತ್ರಗಳಲ್ಲಿ ನಟಿಸಿರುವ ಈ ಚಿತ್ರದ ಟ್ಯಾಗ್‍ಲೈನ್ ತೊಟ್ಟು ಕೀಳ್ಬೇಕು.. ತೊಟ್ಟು ಕಿತ್ತಾಯ್ತು.

    ಅರೆರೆ.. ಒಂದ್ ಚಿತ್ರಕ್ಕೆ ಎರಡು ಟ್ಯಾಗ್‍ಲೈನ್ ಯಾಕೆ ಅಂತೀರಾ..? ಈಗ ಪ್ಲಾನ್ ಬದಲಾಗಿದೆ. ಚಿತ್ರವನ್ನು 2 ಭಾಗಗಳಲ್ಲಿ ತೆರೆಗೆ ತರುವ ಪ್ಲಾನ್ ಮಾಡಲಾಗಿದೆ. ಮೊದಲ ಭಾಗದ ಟ್ಯಾಗ್‍ಲೈನ್ ತೋತಾಪುರಿ, ತೊಟ್ಟು ಕೀಳ್ಬೇಕು. ಎರಡನೇ ಭಾಗಕ್ಕೆ ತೋತಾಪುರಿ, ತೊಟ್ಟು ಕಿತ್ತಾಯ್ತು.

    ಬಾಹುಬಲಿ, ಕೆಜಿಎಫ್ ಮಾದರಿಯಲ್ಲಿ ಎರಡು ಭಾಗದಲ್ಲಿ ಬರುತ್ತಿರುವ ಚಿತ್ರಕ್ಕೆ ಈಗಾಗಲೇ 90 ದಿನಗಳ ಚಿತ್ರೀಕರಣ ಮುಗಿದಿದೆ. ಇನ್ನೂ 60 ದಿನಗಳ ಶೂಟಿಂಗ್ ಬ್ಯಾಲೆನ್ಸ್ ಇದೆ.

  • ತೋತಾಪುರಿಗೆ ಬಜಾರ್ ಹುಡುಗಿ

    aditi prabhudeva in thotapuri

    ಸಿಂಪಲ್ ಸುನಿ ನಿರ್ದೇಶನದ ಬಜಾರ್ ಚಿತ್ರದ ನಾಯಕಿ ಆದಿತಿ ಪ್ರಭುದೇವ್, ಜಗ್ಗೇಶ್-ವಿಜಯ್ ಪ್ರಸಾದ್ ಜೋಡಿಯ ತೋತಾಪುರಿ ಚಿತ್ರಕ್ಕೆ ನಾಯಕಿಯಾಗಿ ಆಯ್ಕೆಯಾಗಿದ್ದಾರೆ. ಬಜಾರ್ ರಿಲೀಸ್‍ಗೂ ಮೊದಲೇ ಮತ್ತೊಂದು ದೊಡ್ಡ ಅವಕಾಶ ಆದಿತಿಯನ್ನು ಹುಡುಕಿಕೊಂಡು ಬಂದಿದೆ. ದುನಿಯಾ ವಿಜಯ್ ಜೊತೆ ಕುಸ್ತಿಯಲ್ಲಿ ನಾಯಕಿಯಾಗಿರುವ ಆದಿತಿ, ತೋತಾಪುರಿಗೂ ಬಣ್ಣ ತುಂಬಲಿದ್ದಾರೆ.

    ಸಿನಿಮಾ ನಾಯಕಿಗಾಗಿ ನಡೆದ ಅಡಿಷನ್‍ನಲ್ಲಿ ಕಾವ್ಯಾ ಶೆಟ್ಟಿ ಮತ್ತು ಆದಿತಿ ಪ್ರಭುದೇವ್ ಅಂತಿಮ ಸುತ್ತಿನಲ್ಲಿದ್ದರು. ಶುದ್ಧವಾದ ಭಾಷೆ ಮತ್ತು ಅಭಿನಯದ ಆಧಾರದ ಮೇಲೆ ಆದಿತಿ ಆಯ್ಕೆಯಾಗಲಿದ್ದಾರೆ ಎಂದಿದ್ದಾರೆ ನಿರ್ದೇಶಕ ವಿಜಯ್ ಪ್ರಸಾದ್.

    ತೋತಾಪುರಿಯಲ್ಲಿ ಆದಿತಿ, ಶಕೀಲಾ ಬಾನು ಎಂಬ ಸಂಪ್ರದಾಯಸ್ಥ ಮುಸ್ಲಿಂ ಹುಡುಗಿಯಾಗಿ ನಟಿಸಲಿದ್ದಾರೆ. ಉಡಾಳ ನಾಯಕನ ಪರಿಚಯವಾದ ಮೇಲೆ ಸಂಪೂರ್ಣ ಚೇಂಜ್ ಆಗುವ ಹುಡುಗಿಯಾಗಿ ನಟಿಸುತ್ತಿದ್ದಾರೆ. 

  • ದೇವರಾಜ್‍ಗೆ ಜಗ್ಗೇಶ್ ಕೊಟ್ಟ ಅಭಿಮಾನದ ಸರ್ಟಿಫಿಕೇಟ್

    jaggesh praises devaraj

    ದೇವರಾಜ್ ಒಬ್ಬ ಅದ್ಭುತ ನಟ. ಅವರ ಮುಖಚರ್ಯೆ, ಕಣ್ಣು.. ಇವೆಲ್ಲ ಎಂಥ ಪಾತ್ರಕ್ಕೂ ಸೂಟ್ ಆಗುತ್ತವೆ. ಅಣ್ಣ, ಅಪ್ಪ, ತಾತ.. ಹೀಗೆ ಯಾವ ಪಾತ್ರವಾದರೂ ಸರಿ. ಅವರು ಸರಿಯಾಗಿ ನಿಂತಿದ್ದರೆ, ಬೇರೆ ಭಾಷೆಯ ಚಿತ್ರಗಳಲ್ಲಿ ರೈ ಅಂತಹವರಿಗೆ ಚಾನ್ಸ್ ಕೂಡಾ ಸಿಗುತ್ತಿರಲಿಲ್ಲ. ಆಂಧ್ರಪ್ರದೇಶಕ್ಕೆ ನಂದಿ ಅವಾರ್ಡ್ ಪಡೆದುಕೊಂಡ ನಟ ಅವರು. ನಿಜಕ್ಕೂ ಅವರು ಕನ್ನಡ ಚಿತ್ರರಂಗಕ್ಕೆ ದೊಡ್ಡ ಆಸ್ತಿ. ಅವರು ಗಟ್ಟಿಯಾಗಿ ನಿಂತುಬಿಟ್ಟರೆ, ಅವರು ಬೆಳೆಯೋ ಎತ್ತರವೇ ಬೇರೆ. ಅವರನ್ನು ಮುಟ್ಟೋಕೆ ಆಗಲ್ಲ.

    ಇದು ಡೈನಮಿಕ್ ಸ್ಟಾರ್ ದೇವರಾಜ್ ಅವರಿಗೆ ಜಗ್ಗೇಶ್ ಕೊಟ್ಟಿರುವ ಅಭಿಮಾನದ ಸರ್ಟಿಫಿಕೇಟು. ಸಾಗುವ ದಾರಿಯಲ್ಲಿ ಚಿತ್ರದ ಆಡಿಯೋ ಬಿಡುಗಡೆ ವೇಳೆ ಅತಿಥಿಗಳಾಗಿ ಆಗಮಿಸಿದ್ದ ಜಗ್ಗೇಶ್, ದೇವರಾಜ್ ಅವರನ್ನು ಕೊಂಡಾಡಿದ್ದು ಹೀಗೆ. ತಾವು, ದೇವರಾಜ್, ಅವಿನಾಶ್, ಶಶಿಕುಮಾರ್ ಎಲ್ಲರೂ ಕೆ.ವಿ. ರಾಜು ಅವರ ಬಳಿ ಕೆಲಸ ಮಾಡಿದ ದಿನಗಳನ್ನು ನೆನಪಿಸಿಕೊಂಡ ಜಗ್ಗೇಶ್, ರಾಜು ಚಿತ್ರಗಳಲ್ಲಿ ದೇವರಾಜ್‍ಗೆ ಒಂದು ಪಾತ್ರ ಖಾಯಂ ಇರುತ್ತಿತ್ತು. ದೇವರಾಜ್ ಆಯ್ಕೆಯಾದ ಮೇಲೆಯೇ ಉಳಿದವರ ಆಯ್ಕೆಯಾಗುತ್ತಿತ್ತು ಎಂದು ನೆನಪಿಸಿಕೊಂಡರು.

    ದೇವರಾಜ್ ಅವರಿಗೆ ಅವರ ಪತ್ನಿ ಮೇಲೆ ಪ್ರೀತಿ ಜಾಸ್ತಿ. ಪ್ರೀತಿ ಮಾಡಿ ತಪ್ಪೇನಿಲ್ಲ. ಆದರೆ, ಪ್ರೀತಿಯನ್ನು ಸ್ವಲ್ಪ ಕಡಿಮೆ ಮಾಡಿ, ಹೊರಗೆ ಬನ್ನಿ ಎಂದು ಸಲಹೆಯನ್ನೂ ಕೊಟ್ಟರು. ಸಲಹೆಯನ್ನು ಸ್ವೀಕರಿಸೋದು ಬಿಡೋದು ದೇವರಾಜ್ ಅವರಿಗೆ ಬಿಟ್ಟಿದ್ದು.

  • ದೇವಸ್ಥಾನ ಕಟ್ಟಿಸಿಯೇಬಿಟ್ಟರು ನವರಸನಾಯಕ ಜಗ್ಗೇಶ್

    jaggesh rebuilds temple in his birth place

    ನವರಸ ನಾಯಕ ಜಗ್ಗೇಶ್ ರಾಯರ ಪರಮಭಕ್ತ. ದೇವರು ದಿಂಡಿರು, ಶಾಸ್ತ್ರ ಸಂಪ್ರದಾಯಗಳಲ್ಲಿ ನಂಬಿಕೆಯಿರುವ ಜಗ್ಗೇಶ್, ಈಗ ತಮ್ಮ ಊರಿನಲ್ಲೇ ಒಂದು ದೇವಸ್ಥಾನ ಕಟ್ಟಿಸಿದ್ದಾರೆ. ತಮ್ಮ ಹುಟ್ಟೂರು ಜಡೇಮಾಯಸಂದ್ರದಲ್ಲಿ 300 ವರ್ಷಗಳಷ್ಟು ಹಳೆಯದಾದ, ಶಿಥಿಲವಾಗಿದ್ದ ಕಾಲಭೈರವೇಶ್ವರನ ದೇವಸ್ಥಾನವನ್ನು ಜೀರ್ಣೋದ್ಧಾರ ಮಾಡಿಸಿದ್ದಾರೆ. ಅದು ಅವರ ತಾಯಿಯ ನೆನಪಿಗಾಗಿ.

    ನನ್ನಿಂದ ಇಂಥಾದ್ದೊಂದು ಕೆಲಸ ಮಾಡಿಸಿದ ದೇವರಿಗೆ ನಾನು ಚಿರಋಣಿ ಎಂದು ಮತ್ತೊಮ್ಮೆ ಭಕ್ತಿ ಭಾವ ಮೆರೆದಿದ್ದಾರೆ ಜಗ್ಗೇಶ್.

#

Adi Lakshmi Purana Movie Gallery

Rightbanner02_butterfly_inside

Yaana Movie Gallery