` manoranjan - chitraloka.com | Kannada Movie News, Reviews | Image

manoranjan

  • ``ರವಿಚಂದ್ರನ್ ಮಗ ಅಂದ್ರೇನ್ ಎರಡು ಕೊಂಬಿರುತ್ತಾ..?''

    saheba's son simplicity

    ರವಿಚಂದ್ರನ್ ಮಗ ಮನೋರಂಜನ್ ಅಭಿನಯದ ಸಾಹೇಬ ಚಿತ್ರ ತೆರೆಗೆ ಬರೋಕೆ ಸಿದ್ಧವಾಗಿದೆ. ಇದೇ ಶುಕ್ರವಾರ ರಿಲೀಸ್ ಕೂಡಾ ಆಗ್ತಿದೆ. ಚಿತ್ರತಂಡದವರು ಹೇಳೋ ಪ್ರಕಾರ, ಮನೋರಂಜನ್‍ಗೆ ತಾನು ರವಿಚಂದ್ರನ್ ಮಗ ಅನ್ನೋ ಅಹಂ ಇಲ್ಲ. ಎಲ್ಲರೊಂದಿಗೆ ಸಿಂಪಲ್ಲಾಗಿ ಬೆರೀತಾರೆ. ಇದಕ್ಕೆ ಕಾರಣ ಏನು ಅಂಥಾ ಕೇಳಿದಾಗ ಕೇಳಿಸಿದ್ದೇ ಇದು, ರವಿಚಂದ್ರನ್ ಮಗ ಅಂದ್ರೇನ್ ಎರಡು ಕೊಂಬಿರುತ್ತಾ..?

    ಈ ಡೈಲಾಗ್‍ನ್ನು ಮನೋರಂಜನ್‍ಗೆ ಪದೇ ಪದೇ ಹೇಳುತ್ತಿದ್ದವರು ಅವರ ತಾಯಿ. ಸ್ಕೂಲಿನಲ್ಲಿ ಜೊತೆಯಲ್ಲಿದ್ದ ಹುಡುಗರೆಲ್ಲ ರವಿಚಂದ್ರನ್ ಮಕ್ಕಳು ಎಂದು ನೋಡುತ್ತಿದ್ದರೆ, ರವಿಚಂದ್ರನ್ ಪತ್ನಿ ಮಕ್ಕಳಿಗೆ ಈ ರೀತಿ ಹೇಳುತ್ತಿದ್ದರಂತೆ. ಅಮ್ಮ ಹೇಳುತ್ತಿದ್ದ ಆ ಮಾತು, ನಾವು ಎಲ್ಲರೊಂದಿಗೆ ಬೆರೆಯಲು ಸಾಧ್ಯವಾಯಿತು. ಸ್ಟಾರ್ ಮಕ್ಕಳು ಎಂಬ ಅಹಂಕಾರವನ್ನು ತಲೆಗೆ ಹತ್ತಲು ಬಿಡಲಿಲ್ಲ ಎಂದು ನೆನಪಿಸಿಕೊಳ್ತಾರೆ ಮನೋರಂಜನ್.

    ಸಾಹೇಬ ಚಿತ್ರದ ಬಗ್ಗೆಯಂತೂ ಮನೋರಂಜನ್‍ಗೆ ತುಂಬಾ ನಿರೀಕ್ಷೆಗಳಿವೆ. ಚಿತ್ರತಂಡದ ಹಲವರು 1980ರ ರವಿಚಂದ್ರನ್ ಥರಾ ಕಾಣಿಸ್ತೀರಿ ಎಂದಾಗ, ಖುಷಿಯೂ ಆಗುತ್ತೆ. ಭಯವೂ ಆಗುತ್ತೆ ಅಂತಾರೆ ಮನೋರಂಜನ್. 

    ಪ್ರತಿವರ್ಷ ಚಿತ್ರರಂಗಕ್ಕೆ ಹೊಸಬರು ಬರ್ತಾನೇ ಇರ್ತಾರೆ. ಆದರೆ, ಚಿತ್ರರಂಗಕ್ಕೇ ಹೊಸತನ ಕೊಟ್ಟ ರವಿಚಂದ್ರನ್ ಪುತ್ರ ಬರುತ್ತಿರುವುದು ಸಂಪೂರ್ಣ ವಿಶೇಷ. ಹೀಗಾಗಿಯೇ ಈ ಹೊಸ ಎಂಟ್ರಿ ಇಷ್ಟು ದೊಡ್ಡದಾಗಿ ಸದ್ದು ಮಾಡ್ತಿದೆ.

  • ಅಪ್ಪನನ್ನೂ ಮೀರಿಸಿದ ಮಗ..!

    celebs appreciates manoranjan

    ಮನೋರಂಜನ್ ರವಿಚಂದ್ರನ್ ಅಭಿನಯದ ಎರಡನೇ ಚಿತ್ರ ಬೃಹಸ್ಪತಿ ತೆರೆಗೆ ಬರಲು ಸಿದ್ಧವಾಗಿದೆ. ಹೊಸ ಪ್ರತಿಭೆಗಳಿಗಿರುವ ಕೆಲವೊಂದು ರಿಲ್ಯಾಕ್ಸ್‍ಗಳು ಸ್ಟಾರ್ ಪುತ್ರರಿಗೆ ಇರುವುದಿಲ್ಲ. ಅದರಲ್ಲೂ ರವಿಚಂದ್ರನ್ ಮಗ ಎನ್ನುವ ಪರ್ವತ ತೂಕವನ್ನು ಹೊರುವುದು ಅಷ್ಟು ಸುಲಭವೂ ಅಲ್ಲ. ಆದರೆ, ಅಂಥಾದ್ದೊಂದು ಭಾರವನ್ನು ಹೊತ್ತು ಗೆದ್ದಿರುವುದೇ ಮನೋರಂಜನ್ ಸಾಧನೆ.

    ರವಿಚಂದ್ರನ್ ಅವರ ಆಪ್ತಮಿತ್ರರಲ್ಲೊಬ್ಬರಾದ ರಾಕ್‍ಲೈನ್ ವೆಂಕಟೇಶ್, ಈಗ ಅವರ ಮಗನ ಎರಡನೇ ಚಿತ್ರದ ನಿರ್ಮಾಪಕರು. ನಂದಕಿಶೋರ್ ನಿರ್ದೇಶನದ ಚಿತ್ರದಲ್ಲಿ ಮನೋರಂಜನ್ ಅದ್ಭುತ ಅಭಿನಯ ನೀಡಿದ್ದಾರಂತೆ. 

    ಚಿತ್ರದ ಆಡಿಯೋ ಬಿಡುಗಡೆ ಸಮಾರಂಭದಲ್ಲಿ ಚಿತ್ರದ ದೃಶ್ಯವೊಂದನ್ನು ಮನೋರಂಜನ್ ವೇದಿಕೆ ಮೇಲೆ ಪ್ರದರ್ಶಿಸಿದಾಗ, ನೆರೆದಿದ್ದವರು ಚಪ್ಪಾಳೆ ತಟ್ಟಿ ಪ್ರೋತ್ಸಾಹಿಸಿದ್ದರು. ಏಕೆಂದರೆ, ಮನೋರಂಜನ್ ಒಂದೇ ಉಸಿರಿನಲ್ಲಿ ಸುಮಾರು 2 ಪುಟಗಳ ಡೈಲಾಗ್‍ನ್ನು ಸ್ವಲ್ಪವೂ ತಡವರಿಸದೆ ಭಾವಾಭಿನಯದ ಮೂಲಕ ವ್ಯಕ್ತಪಡಿಸಿದ್ದರು. ಒಂದು ಡ್ಯಾನ್ಸ್ ಪರ್‍ಫಾರ್ಮೆನ್ಸ್ ಕೂಡಾ ಕೊಟ್ಟಿದ್ದರು.

    ಮನೋರಂಜನ್ ಅವರ ಈ ಪ್ರತಿಭೆ, ವೇದಿಕೆಯಲ್ಲಿದ್ದ ನಿರ್ಮಾಪಕ ಮುನಿರತ್ನ ಅವರನ್ನು ಎಷ್ಟರ ಮಟ್ಟಿಗೆ ಪ್ರಭಾವಿಸಿತು ಎಂದರೆ, ವೇದಿಕೆಯಲ್ಲಿಯೇ ನಿಮ್ಮ ಅಪ್ಪನಿಗಿಂತ ಚೆನ್ನಾಗಿ ಡ್ಯಾನ್ಸ್ ಮಾಡ್ತೀಯ ಎಂದು ವೇದಿಕೆಯಲ್ಲೇ ಹೊಗಳಿದರು. ಆ ಸಮಾರಂಭಕ್ಕೆ ರವಿಚಂದ್ರನ್ ಬಂದಿರಲಿಲ್ಲ. ಹೀಗಾಗಿ, ನಿಮ್ಮ ಅಪ್ಪ ಇವತ್ತು ಎದುರಿನಲ್ಲಿದ್ದರೆ, ಅವರ ಎದುರೇ ಈ ಮಾತು ಹೇಳುತ್ತಿದ್ದೆ ಎಂದರು ಮುನಿರತ್ನ. 

    ಹೀಗೆ ಚಿತ್ರರಂಗದವರ ಪ್ರೋತ್ಸಾಹ ಪಡೆದಿರುವ ಮನೋರಂಜನ್ ಈಗ ಕನ್ನಡಿಗರ ಮೆಚ್ಚುಗೆ ಗಳಿಸಬೇಕಿದೆ. ಅಪ್ಪನಿಗೆ ಅಭಿಮಾನದ ಆಶೀರ್ವಾದ ಮಾಡಿರುವ ಕನ್ನಡಿಗರು, ಮಗನನ್ನೂ ಬೆನ್ನು ತಟ್ಟಿ ಪ್ರೋತ್ಸಾಹಿಸುತ್ತಾರೆ ಎಂಬ ನಿರೀಕ್ಷೆಯೂ ಇದೆ. 2017ರ ಜನವರಿಗೆ ಬೃಹಸ್ಪತಿ ರಿಲೀಸ್ ಆಗುತ್ತಿದೆ.

  • ಅಭಿಮಾನಿಗಳೇ.. ಇದು ಮನೋರಂಜನ್ ರವಿಚಂದ್ರನ್ ಮನವಿ

    manoranjan requests fans to watch brihaspathi

    ಬೃಹಸ್ಪತಿ. ಇದೇ ವಾರ ರಿಲೀಸ್ ಆಗಿರುವ ಮನೋರಂಜನ್ ರವಿಚಂದ್ರನ್ ಸಿನಿಮಾ. ಸಿನಿಮಾದ ಕಥೆ  ಹಾಗೂ ಸಂದೇಶದ ಬಗ್ಗೆ ವಿಮರ್ಶಕರಿಂದ ಒಳ್ಳೆಯ ಅಭಿಪ್ರಾಯಗಳು ಕೇಳಿ ಬರುತ್ತಿವೆ. ರಾಕ್‍ಲೈನ್ ವೆಂಕಟೇಶ್ ನಿರ್ಮಾಣದ ಈ ಸಿನಿಮಾಗೆ ನಂದಕಿಶೋರ್ ನಿರ್ದೇಶಕ. 

    ಅಭಿಮಾನಿಗಳೇ, ಸಿನಿಮಾವನ್ನು ನೀವು ಥಿಯೇಟರ್‍ಗೆ ಬಂದು ನೋಡಿ. ಚಿತ್ರವನ್ನು ನೀವೇ ಪ್ರೋತ್ಸಾಹಿಸಬೇಕು. ದಯವಿಟ್ಟು ನೀವು ಸಿನಿಮಾ ನೋಡಿ, ನಿಮ್ಮೆ ಸ್ನೇಹಿತರಿಗೂ ಸಿನಿಮಾ ನೋಡುವಂತೆ ತಿಳಿಸಿ. ಚಿತ್ರ ಬಿಡುಗಡೆಯಾದ ನಂತರ ಅಭಿಮಾನಿಗಳಿಗೆ ಸ್ವತಃ ಮನೋರಂಜನ್ ರವಿಚಂದ್ರನ್ ಮನವಿ ಮಾಡಿಕೊಂಡಿರುವುದು ಹೀಗೆ.

    ಏಕೆಂದರೆ, ಇನ್ನೆರಡು ವಾರಗಳಲ್ಲಿ ಕನ್ನಡವೂ ಸೇರಿದಂತೆ ಎಲ್ಲ ಭಾಷೆಗಳ ದೊಡ್ಡ ದೊಡ್ಡ ಸಿನಿಮಾಗಳು ಬಿಡುಗಡೆಯಾಗೋಕೆ ಕ್ಯೂನಲ್ಲಿವೆ. ನಮ್ಮ ಸಿನಿಮಾ ನೋಡಿ, ಬೆಂಬಲಿಸಿ ಎಂದು ಅಭಿಮಾನಿಗಳನ್ನು ಕೇಳಿಕೊಂಡಿದ್ದಾರೆ ಮನೋರಂಜನ್ ರವಿಚಂದ್ರನ್.

  • ಕ್ರೇಜಿ ಪುತ್ರನಿಗೆ ರಾಕಿಂಗ್ ಸ್ಟಾರ್ ಹಾರೈಕೆ

    yash wishes manoranjan

    ಮನೋರಂಜನ್ ರವಿಚಂದ್ರನ್ ಅಭಿನಯದ ಬೃಹಸ್ಪತಿ ಚಿತ್ರ ಈ ದಿನ ರಿಲೀಸ್. ಮಿಶ್ಮಿ ಚಕ್ರವರ್ತಿ ನಾಯಕಿಯಾಗಿರುವ ಚಿತ್ರಕ್ಕೆ ನಂದಕಿಶೋರ್ ನಿರ್ದೇಶನವಿದೆ. ಚಿತ್ರವನ್ನು ಅಭಿಮಾನಿಗಳು ಕುತೂಹಲದಿಂದ ಎದುರು ನೋಡುತ್ತಿದ್ದಾರೆ. ಹಾಗೆ ಎದುರು ನೋಡುತ್ತಿರುವವರಲ್ಲಿ ನಾನೂ ಕೂಡಾ ಒಬ್ಬ ಎಂದಿದ್ದಾರೆ ರಾಕಿಂಗ್ ಸ್ಟಾರ್ ಯಶ್.

    ಮನೋರಂಜನ್ ಅವರ ಡೆಡಿಕೇಶನ್ ತುಂಬಾ ಇಷ್ಟ. ಮನು ಡ್ಯಾನ್ಸ್, ಫೈಟ್ ಪ್ರಾಕ್ಟೀಸ್ ಮಾಡಿರುವುದನ್ನು ನಾನೂ ನೋಡಿದ್ದೇನೆ. ಹಾಡುಗಳು ಸೂಪರ್ ಆಗಿವೆ. ಸಿನಿಮಾ ನೋಡೋಕೆ ನಾನೂ ಕಾಯ್ತಿದ್ದೇನೆ. ನೀವು ನೋಡಿ. ಶುಭ ಹಾರೈಸಿ ಎಂದು ಹೇಳಿದ್ದಾರೆ ಯಶ್.

    ಹರಿಕೃಷ್ಣ ಅವರ ಮ್ಯೂಸಿಕ್‍ನಲ್ಲಿ ಹಾಡುಗಳು ಅದ್ದೂರಿಯಾಗಿ ಬಂದಿವೆ. ಚಿತ್ರದ ಟ್ರೇಲರ್ ಕೂಡಾ ಅಭಿಮಾನಿಗಳಿಗೆ ಇಷ್ಟವಾಗಿದೆ. ಇಂದಿನಿಂದ ಬೃಹಸ್ಪತಿ ಪ್ರೇಕ್ಷಕರ ಮಡಿಲಿಗೆ ಸೇರಿದ್ದಾನೆ.

  • ಜ್ಯೂ. ಕ್ರೇಜಿಸ್ಟಾರ್ ಕೈಲಿ ಲಾಂಗು

    chillum's first look is ut

    ರವಿಚಂದ್ರನ್ ಎಂದರೆ ನೆನಪಾಗೋದು ಗುಲಾಬಿ, ಪ್ರೀತಿ, ನಗು, ರೊಮ್ಯಾನ್ಸ್, ಸೌಂದರ್ಯ, ಶೃಂಗಾರ.. ಇತ್ಯಾದಿ ಇತ್ಯಾದಿ.. ಆ್ಯಕ್ಷನ್ ಸಿನಿಮಾ ಮಾಡಿದ್ದಾರಾದರೂ, ಹಿಟ್ ಆಗಿದ್ದು ಕಡಿಮೆ. ಆದರೆ, ರವಿಚಂದ್ರನ್ ಅವರ ಪುತ್ರ ಮನೋರಂಜನ್, ತಮ್ಮ 3ನೇ ಚಿತ್ರದಲ್ಲೇ ಲಾಂಗು ಹಿಡಿದುಬಿಟ್ಟಿದ್ದಾರೆ. ಚಿಲಂ ಚಿತ್ರದಲ್ಲಿ ಮನೋರಂಜನ್ ಗಡ್ಡ ಬಿಟ್ಟು, ಲಾಂಗ್ ಹಿಡಿದು ರಗಡ್ ಲುಕ್‍ನಲ್ಲಿ ಪ್ರತ್ಯಕ್ಷವಾಗಿದ್ದಾರೆ.

    ಚಂದ್ರಕಲಾ ನಿರ್ದೇಶನದ ಚಿತ್ರದಲ್ಲಿ ರಾಘವೇಂದ್ರ ರಾಜ್‍ಕುಮಾರ್, ಸರಿತಾ, ನಾನಾ ಪಾಟೇಕರ್ ಪ್ರಮುಖ ಪಾತ್ರದಲ್ಲಿದ್ದಾರೆ. ಪ್ರಿಯಾಂಕಾ ತಿಮ್ಮೇಶ್ ನಾಯಕಿ. 

    ಬಿರುಸಾಗಿ ಸಾಗುತ್ತಿದ್ದ ಚಿತ್ರೀಕರಣಕ್ಕೆ ಎಡಬಿಡದೆ ಸುರಿಯುತ್ತಿರುವ ಮಳೆ ಬ್ರೇಕ್ ಹಾಕಿದೆ. ಮಳೆ ನಿಂತ ನಂತರ ಮತ್ತೊಮ್ಮೆ ಶೂಟಿಂಗ್ ಶುರುವಾಗಲಿದೆ ಎಂದು ತಿಳಿಸಿದೆ ಚಿತ್ರತಂಡ.

  • ಜ್ಯೂ.ರವಿಚಂದ್ರನ್ ಎದುರು ನಾನಾ ಪಾಟೇಕರ್

    nana patekar i chillum as villain

    ಮನೋರಂಜನ್ ರವಿಚಂದ್ರನ್ ನಟಿಸುತ್ತಿರುವ ಹೊಸ ಸಿನಿಮಾ ಚಿಲ್ಲಂ. ಈ ಚಿತ್ರದಲ್ಲಿ ರಾಘವೇಂದ್ರ ರಾಜ್‍ಕುಮಾರ್ ನಟಿಸುತ್ತಿರುವುದು ಹಳೆಯ ಸುದ್ದಿ. ಈಗ ಇನ್ನೊಬ್ಬ ಸ್ಟಾರ್ ಆಗಮನವಾಗಿದೆ. ಬಾಲಿವುಡ್ ಸ್ಟಾರ್ ನಾನಾ ಪಾಟೇಕರ್ ಕೂಡಾ ಈ ಚಿತ್ರದಲ್ಲಿ ನಟಿಸುತ್ತಿದ್ದಾರೆ.

    ರಾಘವೇಂದ್ರ ರಾಜ್‍ಕುಮಾರ್ ಅವರಂತೆಯೇ ನಾನಾ ಪಾಟೇಕರ್ ಕೂಡಾ ವಿಲನ್ ಆಗಿಯೇ ನಟಿಸುತ್ತಿರುವುದು ಚಿತ್ರದ ವಿಶೇಷ. chi

    ಗಣಪ ಖ್ಯಾತಿಯ ಪ್ರಿಯಾಂಕಾ ತಿಮ್ಮೇಶ್ ಎಂಬ ಹುಡುಗಿ ನಾಯಕಿಯಾಗಿ ಆಯ್ಕೆಯಾಗಿದ್ದು, ಹಿರಿಯ ನಟಿ ಸರಿತಾ ಅವರಿಗೆ ಪ್ರಮುಖ ಪಾತ್ರವಿದೆ. ಚಿತ್ರದ ಚಿತ್ರೀಕರಣ ಕೆಲವೇ ದಿನಗಳಲ್ಲಿ ಶುರುವಾಗಲಿದೆ. ಚಂದ್ರಕಲಾ ಚಿತ್ರದ ನಿರ್ದೇಶಕಿ.

  • ಬೃಹಸ್ಪತಿ ಎಂದರೆ ಏನರ್ಥ ಗೊತ್ತಾ..?

    brihaspathi meaning in mythology

    ಬೃಹಸ್ಪತಿ ಎಂದರೆ ಮನೋರಂಜನ್ ಅಭಿನಯದ ಹೊಸ ಸಿನಿಮಾ. ರಾಕ್‍ಲೈನ್ ವೆಂಕಟೇಶ್ ನಿರ್ಮಾಣದ ನಂದಕಿಶೋರ್ ನಿರ್ದೇಶನದ ಈ ಸಿನಿಮಾ ಜನವರಿ 5 ರಂದು ತೆರೆಗೆ ಬರುತ್ತಿದೆ. ರವಿಚಂದ್ರನ್ ಪುತ್ರನ ಅಭಿನಯದ 2ನೇ ಚಿತ್ರ. ಈ ಚಿತ್ರಕ್ಕೆ ಇಟ್ಟಿರುವ ಟೈಟಲ್ ಕುತೂಹಲ ಹುಟ್ಟಿಸಿರುವುದು ಸತ್ಯ. 

    ಪುರಾಣ, ರಾಮಾಯಣ, ಮಹಾಭಾರತದ ಅರಿವಿಲ್ಲದೇ ಇರುವವರಿಗೆ ಬೃಹಸ್ಪತಿ ಎಂದರೆ ಏನು..? ಯಾರು..? ಎಂಬ ಕುತೂಹಲ ಸಹಜ. ಬೃಹಸ್ಪತಿ ಎಂದರೆ, ಬೃಹದಾಕಾರದ ಜಾಗ ಎನ್ನುವ ಪದದ ಅರ್ಥ. 

    ಬೃಹಸ್ಪತಿ ದೇವತೆಗಳ ಗುರು. ಅಂಗೀರಸ ಋಷಿಯ ಪುತ್ರ. ಇವನ ತಪಸ್ಸಿಗೆ ಮೆಚ್ಚಿ ಈಶ್ವರನೇ ಬೃಹಸ್ಪತಿಗೆ ದೇವತೆಗಳ ಗುರುವಿನ ಸ್ಥಾನ ನೀಡುತ್ತಾನೆ. ನವಗ್ರಹಗಳಲ್ಲಿಯೂ ಸ್ಥಾನ ಕೊಡುತ್ತಾನೆ. ಗುರು ಗ್ರಹದ ಅಧಿಪತಿ ಬೃಹಸ್ಪತಿ.

    ದೇವತೆಗಳಿಗೆ ಯಾವುದೇ ಸಮಸ್ಯೆ ಎದುರಾದರೂ ಅದನ್ನು ನಿವಾರಿಸುವುದು, ಮಾರ್ಗದರ್ಶನ ನೀಡುವುದು ಬೃಹಸ್ಪತಿ ಕಾಯಕ. ಗುರು ಎಂದರೆ ಬುದ್ದಿವಂತಿಕೆಯ ದೇವರು. ಎಲ್ಲ ಸರಿ, ಈ ಹೆಸರನ್ನು ಚಿತ್ರಕ್ಕೆ ಇಟ್ಟಿದ್ದು ಯಾಕೆ..? ಚಿತ್ರದ ಟೈಟಲ್‍ಗೂ, ಕಥೆಗೂ ಏನು ಸಂಬಂಧ..? ಸಿನಿಮಾ ಬಿಡುಗಡೆಯಾಗುವವರೆಗೂ ಕಾಯಬೇಕು.

  • ಬೃಹಸ್ಪತಿ ಮನೋರಂಜನ್ ಸಿಕ್ಸ್‍ಪ್ಯಾಕ್ ಹೆಂಗೆ..?

    brihaspathi movie highlights

    ಬೃಹಸ್ಪತಿ. ಮನೋರಂಜನ್ ರವಿಚಂದ್ರನ್ ಅಭಿನಯದ ಈ ಸಿನಿಮಾ ಇದೇ ಶುಕ್ರವಾರ ತೆರೆಗೆ ಬರುತ್ತಿದೆ. ಚಿತ್ರದ ಕಥೆ, ತಾರಾಗಣದಂತೆಯೇ ಗಮನ ಸೆಳೆದಿರುವುದು ಮನೋರಂಜನ್ ಸ್ಟೈಲ್. ಮೊದಲ ಚಿತ್ರ ಸಾಹೇಬದಲ್ಲಿ ಸಾಫ್ಟ್ ಹುಡುಗನಾಗಿ, ಅಮ್ಮನ ಪ್ರೀತಿಯ ಮಗನಾಗಿ ಕಾಣಿಸಿಕೊಂಡಿದ್ದ ಮನೋರಂಜನ್ ಈ ಚಿತ್ರದಲ್ಲಿ ಸ್ವಲ್ಪ ರಫ್ & ಟಫ್ ಆಗಿ ಕಾಣಿಸಿಕೊಳ್ತಾರೆ.

    ಎಂಜಿನಿಯರ್ ಪಾತ್ರದಲ್ಲಿ ನಟಿಸಿರುವ ಮನೋರಂಜನ್, ಕೆಲವು ದೃಶ್ಯಗಳಲ್ಲಿ ಪ್ರೇಕ್ಷಕರ ಕಣ್ಣು ಒದ್ದೆ ಮಾಡಲಿದ್ದಾರೆ ಎನ್ನುವ ಭರವಸೆ ನಿರ್ದೇಶಕ ನಂದಕಿಶೋಕರ್ ಅವರಿಂದ ಸಿಗುತ್ತಿದೆ. ಚಿತ್ರದ ಕಥೆಯೇ ಹಾಗಿದೆ. ಸರಳವಾದ ಕಥೆಯೊಳಗೆ ನೋಡ ನೋಡುತ್ತಲೇ ಪ್ರೇಕ್ಷಕ ಇಳಿದು ಹೋಗುತ್ತಾನೆ. ಯುವಕರಂತೂ ಮನೋರಂಜನ್ ಅವರಲ್ಲಿ ತಮ್ಮನ್ನು ತಾವೇ ನೋಡಿಕೊಳ್ಳುತ್ತಾರೆ ಎನ್ನುವುದು ನಿರ್ದೇಶಕರ ನುಡಿ.

    ಚಿತ್ರದಲ್ಲಿ ಮನೋರಂಜನ್ ತಮ್ಮ ದೇಹದಾಢ್ರ್ಯ ಪ್ರದರ್ಶನವನ್ನೂ ಮಾಡಿದ್ಧಾರೆ. ಹುರಿಗಟ್ಟಿದ ಮಾಂಸಖಂಡಗಳ ಮನೋರಂಜನ್ ಅವರ ಪೋಸ್ಟರ್ ಕಣ್ಣು ಕುಕ್ಕುವಂತಿದೆ. ಜ್ಯೂ.ಕ್ರೇಜಿಸ್ಟಾರ್ ಆಗುವ ಭರವಸೆ ಮೂಡಿಸಿರುವ ಮನೋರಂಜನ್‍ಗೆ ಬೃಹಸ್ಪತಿ, ಬೃಹತ್ ಆದ ಹಿಟ್ ಕೊಡಲಿ.

  • ಬೆಳ್ಳಿ ತೆರೆಯಲ್ಲಿ ರವಿಚಂದ್ರನ್-ಮನೋರಂಜನ್ ಮಿಲನ

    father and son unite on silver screen

    ಕನ್ನಡದಲ್ಲಿ ತಂದೆ ಮಕ್ಕಳು ಬೆಳ್ಳಿ ತೆರೆಯಲ್ಲಿ ಒಟ್ಟಾಗಿ ಕಾಣಿಸಿಕೊಂಡಿರುವುದು ಹೊಸದೇನಲ್ಲ. ಡಾ.ರಾಜ್, ಶಿವರಾಜ್ ಕುಮಾರ್, ಪುನೀತ್ ರಾಜ್‍ಕುಮಾರ್ ಜೊತೆ, ದೇವರಾಜ್, ಪ್ರಜ್ವಲ್ ಜೊತೆ ತೆರೆ ಹಂಚಿಕೊಂಡಿದ್ದಾರೆ. ಈಗ ರವಿಚಂದ್ರನ್ ಮತ್ತು ಮನೋರಂಜನ್ ಸರದಿ.

    ಅಪ್ಪ ಮಕ್ಕಳನ್ನು ಒಂದಾಗಿಸುತ್ತಿರುವುದು ಉರ್ವಿ ಖ್ಯಾತಿಯ ನಿರ್ದೇಶಕ ಪ್ರದೀಪ್ ವರ್ಮಾ. ಆರಂಭದಲ್ಲಿ ಮನೋರಂಜನ್ ಪ್ರದೀಪ್ ವರ್ಮಾ ಅವರ ತಲೆಯಲ್ಲಿರಲಿಲ್ಲ. ರವಿಚಂದ್ರನ್ ಅವರಿಗೆ ಕಥೆ ಹೇಳಿದ್ದ ವರ್ಮಾ, ಅವರನ್ನು ಒಪ್ಪಿಸಿದ್ದರು ಕೂಡಾ. ಅದಾದ ಮೇಲೆ ಆಕಸ್ಮಿಕವಾಗಿ ಸಿಕ್ಕ ಮನೋರಂಜನ್ ಅವರಿಗೆ ಕಥೆ ಹೇಳಿ, ಅವರು ಇಷ್ಟಪಟ್ಟಾಗ ನಿರ್ಧಾರ ಫೈನಲ್ ಆಯ್ತು ಎಂದಿದ್ದಾರೆ ಪ್ರದೀಪ್.

    ಚಿತ್ರದಲ್ಲಿ ಮನೋರಂಜನ್ ಮತ್ತು ರವಿಚಂದ್ರನ್ ಅಪ್ಪ-ಮಗನಾಗಿಯೇ ಕಾಣಿಸಿಕೊಳ್ಳಲಿದ್ದಾರೆ. ತಂದೆ-ಮಗನ ಬಾಂಧವ್ಯದ ಸುತ್ತಲೇ ಚಿತ್ರದ ಕಥೆ ಹೆಣೆಯಲಾಗಿದೆ. ಚಿತ್ರದಲ್ಲಿ ಸಂಗೀತವೇ ಪ್ರಧಾನ ಎಂದಿದ್ದಾರೆ ಪ್ರದೀಪ್. ಡಿಸೆಂಬರ್‍ನಲ್ಲಿ ಚಿತ್ರ ಶುರುವಾಗಲಿದ್ದು, ಚಿತ್ರದ ಶೀರ್ಷಿಕೆ ಇನ್ನೂ ಅಂತಿಮವಾಗಿಲ್ಲ.

  • ಭಯದಿಂದಲೇ ಮನೋರಂಜನ್ ಬೃಹಸ್ಪತಿಯಾದ ಕಥೆ

    manoranjan's dilemma

    ಜ್ಯೂನಿಯರ್ ಕ್ರೇಜಿಸ್ಟಾರ್ ಮನೋರಂಜನ್ ಅಭಿನಯದ ಬೃಹಸ್ಪತಿ ಇದೇ ವಾರ ತೆರೆ ಕಾಣುತ್ತಿದೆ. ಮನೋರಂಜನ್ ಅವರಿಗೆ ಇದು 2ನೇ ಸಿನಿಮಾ. ರಾಕ್‍ಲೈನ್ ಬ್ಯಾನರ್‍ನಲ್ಲಿ ನಟಿಸಿರುವ ಮನೋರಂಜನ್‍ಗೆ ತನ್ನ ಆರಂಭದ ಮೊದಲ ಎರಡೂ ಚಿತ್ರಗಳು ದೊಡ್ಡ ಬ್ಯಾನರ್‍ನಲ್ಲೇ ಬಂದ ಖುಷಿಯಿದೆ.

    ಜಯಣ್ಣ ಬ್ಯಾನರ್‍ನಲ್ಲಿ ಸಾಹೇಬನಾಗಿ ಕಾಣಿಸಿಕೊಂಡಿದ್ದ ಮನೋರಂಜನ್‍ಗೆ, 2ನೇ ಚಿತ್ರದಲ್ಲಿ ರಾಕ್‍ಲೈನ್ ಬ್ಯಾನರ್‍ನಲ್ಲಿ ನಟಿಸುವ ಅವಕಾಶ. ಹಾಗೆ ನೋಡಿದರೆ, ರಾಕ್‍ಲೈನ್ ವೆಂಕಟೇಶ್ ಮನೋರಂಜನ್‍ಗೆ ಅಪರಿಚಿತರೇನೂ ಅಲ್ಲ. ಪ್ಯಾಮಿಲಿ ಫ್ರೆಂಡ್ ಆಗಿದ್ದ ರಾಕ್‍ಲೈನ್, ಚಿಕ್ಕಂದಿನಿಂದಲೂ ಮನೋರಂಜನ್ ನೋಡಿದವರು.

    ಆದರೆ, ಬೃಹಸ್ಪತಿ ಚಿತ್ರದ ಆಫರ್ ಬಂದಾಗ ಮನೋರಂಜನ್‍ಗೆ ಸಣ್ಣದೊಂದು ಭಯವೂ ಇತ್ತು. ಏಕೆಂದರೆ, ಅದು ತಮಿಳಿನ ಧನುಷ್ ಅಭಿನದಯ ಚಿತ್ರದ ರೀಮೇಕ್. ತಮಿಳಿನಲ್ಲಿ ವಿಐಪಿ ಸಿನಿಮಾ ಧನುಷ್ ಪಾಲಿಗೆ 25ನೇ ಚಿತ್ರ. ಅಭಿನಯದ ವಿಚಾರಕ್ಕೆ ಬಂದರೆ, ಧನುಷ್‍ಗೆ ಧನುಷ್‍ರೇ ಸಾಟಿ.

    ಚಿತ್ರದಲ್ಲಿ ಅಭಿನಯಕ್ಕೆ ವಿಭಿನ್ನ ಶೇಡ್‍ಗಳಿವೆ. ಈ ಪಾತ್ರವನ್ನು ನಾನು ಮಾಡಬಲ್ಲೆನಾ ಎಂಬ ಆತಂಕದಲ್ಲಿದ್ದವರಿಗೆ ಧೈರ್ಯ ಹೇಳಿದ್ದು ರಾಕ್‍ಲೈನ್ ವೆಂಕಟೇಶ್ ಮತ್ತು ನಿರ್ದೇಶಕ ನಂದಕಿಶೋರ್. ಈಗ ಚಿತ್ರ ಸಿದ್ಧವಾಗಿ ತೆರೆಗೆ ಬರುತ್ತಿದೆ. ಸಿನಿಮಾ ನೋಡಿದ ಮೇಲೆ ಕೂಡಾ ತನ್ನನ್ನು ಧನುಷ್ ಅವರ ಜೊತೆ ಹೋಲಿಸಬೇಡಿ ಅನ್ನೋದು ಮನೋರಂಜನ್ ವಿನಂತಿ.

  • ಮನೋರಂಜನ್ ರವಿಚಂದ್ರನ್ ಕಿಸ್ಸಿಂಗ್ ಸೀನ್ ಪ್ರಾರಂಭ

    praramba trailer released

    ಬೆಳ್ಳಿತೆರೆಯ ಮೇಲೆ ಕಿಸ್ಸಿಂಗ್ ಸೀನ್‍ನಲ್ಲಿ ಕಾಣಿಸಿಕೊಂಡ ಮೊದಲ ಹೀರೋ ಕ್ರೇಜಿಸ್ಟಾರ್ ರವಿಚಂದ್ರನ್. ಈಗ ಅವರ ಪುತ್ರ ಮನೋರಂಜನ್ ರವಿಚಂದ್ರನ್ ಮುತ್ತಿನ ದೃಶ್ಯದಲ್ಲಿ ನಟಿಸಿ ಸದ್ದು ಮಾಡಿದ್ದಾರೆ. ಅದು ಪ್ರಾರಂಭ ಚಿತ್ರದಲ್ಲಿ.

    ಮನು ಕಲ್ಯಾಡಿ ನಿರ್ದೇಶನದ ಚಿತ್ರದಲ್ಲಿ ರೊಮ್ಯಾಂಟಿಕ್ ಲವ್ ಸ್ಟೋರಿ ಇದೆ. ಈ ಚಿತ್ರದ ಒಂದು ದೃಶ್ಯಕ್ಕಾಗಿ ಕೀರ್ತಿ ಕಲಕೇರಿ ಜೊತೆ ಕಿಸ್ಸಿಂಗ್ ಸೀನ್‍ನಲ್ಲಿ ನಟಿಸಿದ್ದಾರೆ ಮನೋರಂಜನ್.

    ಸಾಹೇಬ ಮತ್ತು ಬೃಹಸ್ಪತಿ ನಂತರ ಮನೋರಂಜನ್ ನಟಿಸುತ್ತಿರುವ ಚಿತ್ರವಿದು. ಚಿತ್ರದ ಟೀಸರ್ ಹೊರಬಿದ್ದಿದೆ. ಚಿತ್ರಕ್ಕೆ ದರ್ಶನ್ ಹಿನ್ನೆಲೆ ಧ್ವನಿ ನೀಡಿದ್ದಾರೆ. ಚಿತ್ರಕ್ಕೆ ಜಗದೀಶ್ ಕಲ್ಯಾಡಿ ನಿರ್ಮಾಪಕ. 

  • ರವಿಚಂದ್ರನ್ ಪುತ್ರ ಹೀರೋ.. ರಾಕ್‍ಲೈನ್ ನಿರ್ಮಪಕ

    manoranjan, ravichandran at bruhaspathi audio kaunch

    ಕ್ರೇಜಿಸ್ಟಾರ್ ರವಿಚಂದ್ರನ್ ಪುತ್ರ ಮನೋರಂಜನ್ ಅಭಿನಯದ ಬೃಹಸ್ಪತಿ ಚಿತ್ರ ತೆರೆಗೆ ಬರುತ್ತಿದೆ. ಮುಂದಿನ ವರ್ಷದ ಜನವರಿ ಮೊದಲ ವಾರದಲ್ಲೇ ಮನೋರಂಜನ್, ಬೃಹಸ್ಪತಿಯಾಗಿ ಟಾಕೀಸ್ ಟಾಕೀಸ್‍ಗಳಲ್ಲಿ ದರ್ಶನ ಕೊಡಲಿದ್ದಾರೆ.

    ಚಿತ್ರದ ವಿಶೇಷವೇನು ಗೊತ್ತಾ..? ಚಿತ್ರಕ್ಕೆ ರಾಕ್‍ಲೈನ್ ವೆಂಕಟೇಶ್ ನಿರ್ಮಾಪಕ. ತಮಿಳು, ತೆಲುಗು,  ಹಿಂದಿಯಲ್ಲಿ ಬಿಗ್ ಬಜೆಟ್ ಸಿನಿಮಾಕ್ಕಿಳಿದು ಗೆದ್ದ ರಾಕ್‍ಲೈನ್, ಕನ್ನಡ ಚಿತ್ರರಂಗವನ್ನು ಬಿಟ್ಟರಾ ಎಂಬ ಅಭಿಮಾನಿಗಳ ಪ್ರಶ್ನೆಗೆ ಬ್ಯಾಕ್ ಟು ಬ್ಯಾಕ್ ಸಿನಿಮಾಗಳ ಮೂಲಕ ಉತ್ತರ ಕೊಟ್ಟಿದ್ದಾರೆ ರಾಕ್‍ಲೈನ್.

    ಈಗ ವಿಶೇಷ ವಿಷಯಕ್ಕೆ ಬರೋಣ. ರಾಕ್‍ಲೈನ್ ವೆಂಕಟೇಶ್, ನಟ ರವಿಚಂದ್ರನ್ ಆಪ್ತಮಿತ್ರರಲ್ಲಿ ಒಬ್ಬರು. ರವಿಚಂದ್ರನ್ ಅಭಿನಯದ ಹಲವು ಸೂಪರ್ ಹಿಟ್ ಚಿತ್ರಗಳನ್ನು ನಿರ್ಮಿಸಿದ್ದ ರಾಕ್‍ಲೈನ್ ವೆಂಕಟೇಶ್, ಈಗ ಅವರ ಮಗನ ಚಿತ್ರವನ್ನೂ ನಿರ್ಮಿಸಿದ್ದಾರೆ. ರಾಕ್‍ಲೈನ್-ರವಿಚಂದ್ರನ್ ಜೋಡಿಗೆ ಸಿಕ್ಕಂಥ ಯಶಸ್ಸು, ರಾಕ್‍ಲೈನ್-ಮನೋರಂಜನ್ ಜೋಡಿಗೂ ಸಿಗಲಿ.

    ಚಿತ್ರಕ್ಕೆ ನಂದಕಿಶೋರ್ ನಿರ್ದೇಶಕ. ಮಿಶ್ತಿ ಚಕ್ರವರ್ತಿ ನಾಯಕಿ. ಇನ್ನು ರವಿಚಂದ್ರನ್ ಅವರ ಗರಡಿಯಲ್ಲೇ ಇದ್ದ ಹರಿಕೃಷ್ಣ ಮ್ಯೂಸಿಕ್ ಡೈರೆಕ್ಟರ್. ಸಿತಾರಾ, ಅವಿನಾಶ್, ಪ್ರಕಾಶ್ ಬೆಳವಾಡಿ, ಸಾಧು ಕೋಕಿಲ್ ಮೊದಲಾದವರು ನಟಿಸಿರುವ ಸಿನಿಮಾ, ತಮಿಳಿನ ವಿಐಪಿ ಚಿತ್ರದ ರೀಮೇಕ್. 

  • ಶಿವರಾಜ್ ಕುಮಾರ್ ದಾಖಲೆ 2018ಕ್ಕೆ ಮನೋರಂಜನ್‍ಗೆ

    first movie of 2018 is brihaspathi

    ಕಳೆದ 2 ವರ್ಷಗಳಿಂದ ಈ ದಾಖಲೆ ಶಿವರಾಜ್ ಕುಮಾರ್ ಬಳಿಯೇ ಇತ್ತು. ಈ ವರ್ಷ.. ಅಲ್ಲಲ್ಲ ಮುಂದಿನ ವರ್ಷ ಈ ದಾಖಲೆ ಮನೋರಂಜನ್ ರವಿಚಂದ್ರನ್ ಪಾಲಾಗುತ್ತಿದೆ. ಯಾವ ದಾಖಲೆ ಅಂತೀರಾ..?

    2018ಕ್ಕೆ ಬಿಡುಗಡೆಯಾಗಲಿರುವ ಮೊದಲ ಸಿನಿಮಾ ಬೃಹಸ್ಪತಿ. ರಾಕ್‍ಲೈನ್ ವೆಂಕಟೇಶ್ ನಿರ್ಮಾಣದ ನಂದಕಿಶೋರ್ ನಿರ್ದೇಶನದ ಈ ಚಿತ್ರ 2018ರಲ್ಲಿ ಬಿಡುಗಡೆಯಾಗಲಿರುವ ಮೊತ್ತ ಮೊದಲ ಕನ್ನಡ ಸಿನಿಮಾ.

    2017ರಲ್ಲಿ ಶ್ರೀಕಂಠ ಹಾಗೂ 2016ರಲ್ಲಿ ಕಿಲ್ಲಿಂಗ್ ವೀರಪ್ಪನ್ ವರ್ಷದ ಆರಂಭದಲ್ಲಿ ಬಿಡುಗಡೆಯಾಗಿದ್ದ ಮೊದಲ ಸಿನಿಮಾ ಎನಿಸಿದ್ದವು. ಈ ವರ್ಷ ಜ್ಯೂನಿಯರ್ ಕ್ರೇಜಿಸ್ಟಾರ್ ಚಿತ್ರದೊಂದಿಗೆ ಹೊಸ ವರ್ಷ ಶುರುವಾಗಲಿದೆ.

    ನಂದಕಿಶೋರ್ ನಿರ್ದೇಶನದ ಈ ಚಿತ್ರ, ಯುವಕರಿಗೆ ಸ್ಫೂರ್ತಿ ತುಂಬುವಂತಹಾ ಕಥೆ ಹೊಂದಿದೆ. ಜ್ಯೂನಿಯರ್ ಕ್ರೇಜಿಸ್ಟಾರ್‍ಗೆ ಶುಭವಾಗಲಿ.

  • ಸೋಲನ್ನು ಗೆಲ್ಲುವುದು ಹೇಗೆ..? - ಬೃಹಸ್ಪತಿಯಲ್ಲಿದೆ ಸಂದೇಶ

    brihaspathi is a lesson to youth

    ಬೃಹಸ್ಪತಿ, ಮನೋರಂಜನ್ ರವಿಚಂದ್ರನ್ ಅಭಿನಯದ ಈ ಸಿನಿಮಾ ಯಾರಿಗಾಗಿ..? ಚಿತ್ರದಲ್ಲಿ ಅಂತಹುದ್ದೇನಿದೆ..? ಹೀಗೆ ಕೇಳುವವರಿಗೆ ಚಿತ್ರದಲ್ಲೊಂದು ಅದ್ಭುತ ಸಂದೇಶವಿದೆ ಎಂಬ ಉತ್ತರ ಸಿಗುತ್ತೆ. ನಂದಕಿಶೋರ್ ನಿರ್ದೇಶನದ ಚಿತ್ರದ ನಿರ್ಮಾಪಕ ರಾಕ್‍ಲೈನ್ ವೆಂಕಟೇಶ್. 

    ಕಷ್ಟ ಪಟ್ಟು ದುಡಿಯಬೇಕಾದ ಹೊತ್ತಿನಲ್ಲಿ ದಾರಿ ತಪ್ಪಿದ ಯುವಕರು, ಮತ್ತೆ ಗೆಲುವನ್ನೇ ಮರೆತುಬಿಡುತ್ತಾರೆ. ಒಂದು ಸಣ್ಣ ಗೆಲುವಿಗಾಗಿ ಏನೇನೆಲ್ಲ ಸರ್ಕಸ್ ಮಾಡುತ್ತಾರೆ. ಎಷ್ಟೋ ಬಾರಿ, ನಮ್ಮ ಹಣೆಬರಹವೇ ಇಷ್ಟು ಬಿಡ್ರಿ ಎಂದುಕೊಂಡು ಸುಮ್ಮನಾಗಿಬಿಡ್ತಾರೆ. ತಾವು ಮೊದಲು ಮಾಡಿದ್ದ ತಪ್ಪುಗಳಿಗೆ ತಮ್ಮನ್ನೇ ಹಳಿದುಕೊಳ್ಳುತ್ತಾ, ಹಳೆಯ ಗಾಯಗಳನ್ನೇ ಪದೇ ಪದೇ ಕೆರೆದುಕೊಳ್ಳುತ್ತಾ ಕಣ್ಣೀರಿಡುತ್ತಲೇ ಬದುಕಿಬಿಡುತ್ತಾರೆ.

    ಬೃಹಸ್ಪತಿಯಲ್ಲಿರುವುದು ಅಂಥಾ ಯುವಕನ ಕಥೆ. ತಪ್ಪುಗಳನ್ನು ಮರೆತು, ಗೆಲುವಿನ ಹಾದಿಯಲ್ಲಿ ಮುನ್ನುಗ್ಗುವ ಬೃಹಸ್ಪತಿಯ ಕಥೆ. ಸೋಲನ್ನೇ ಸೋಪಾನ ಮಾಡಿಕೊಂಡಿರುವ, ಹತಾಶೆಯನ್ನೇ ಹಾಸಿಗೆ ಮಾಡಿಕೊಂಡಿರುವ, ಹಳಹಳಿಸುವುದನ್ನೇ ಜೀವನ ಮಾಡಿಕೊಂಡಿರುವವರು.. ಮತ್ತೆ ಗೆಲುವಿನತ್ತ ಮುನ್ನುಗ್ಗುವ ಕಸನು ಬಿತ್ತಲಿದೆಯಂತೆ ಈ ಸಿನಿಮಾ. ಗೆಲುವಿಗಾಗಿ ಹಪಹಪಿಸುವ ಯುವಕರಿಗೆ ಈ ಚಿತ್ರ ಸ್ಫೂರ್ತಿ ನೀಡಲಿ ಎಂಬ ಕನಸು ರಾಕ್‍ಲೈನ್ ವೆಂಕಟೇಶ್, ನಂದಕಿಶೋರ್, ಮನೋರಂಜನ್ ಅವರಿಗೂ ಇದೆ.

Geetha Movie Gallery

Damayanthi Teaser Launch Gallery