` sudeep - chitraloka.com | Kannada Movie News, Reviews | Image

sudeep

  • ಸುದೀಪ್ ಮೆಚ್ಚಿದ ಜೋಗಿ ಪ್ರೇಮ್‍ರ ಆ ಗುಣ

    the villain shooting image in chikkamangalur

    ಜೋಗಿ ಪ್ರೇಮ್ ನಿರ್ದೇಶನದಲ್ಲಿ ದಿ ವಿಲನ್ ಚಿತ್ರದಲ್ಲಿ ನಟಿಸುತ್ತಿರುವ ಸುದೀಪ್‍ಗೆ ಅವರ ಜೊತೆ ಕೆಲಸ ಮಾಡಿದ ಮೇಲೆ ತಾವು ಕೇಳಿದ್ದೇ ಬೇರೆ. ಇರುವ ಪ್ರೇಮ್ ಅವರೇ ಬೇರೆ ಎಂದು ಗೊತ್ತಾಗಿದೆಯಂತೆ. ಪ್ರೇಮ್ ಬಗ್ಗೆ ಅವರು ತುಂಬಾ ಬಿಲ್ಡಪ್ ಕೊಡ್ತಾರೆ. ಶೋ ಅಪ್ ಮಾಡ್ತಾರೆ ಅಂತಾ ಕೇಳಿದ್ದೆ. ಆದರೆ, ಅವರ ನಿರ್ದೇಶನದ  ಚಿತ್ರದಲ್ಲಿ ತೊಡಗಿಸಿಕೊಂಡ ಮೇಲೆ ಗೊತ್ತಾಯ್ತು. ಅವರು ತುಂಬಾ ಫ್ಯಾಷನೇಟ್. ಚಿತ್ರದ ಪ್ರತಿ ಫ್ರೇಂ ಕೂಡಾ ಹೀಗೇ ಬರಬೇಕು ಎಂದು ಬಯಸುತ್ತಾರೆ. ಅವರು ಬಯಸಿದ್ದು ಸಿಗುವವರೆಗೆ ಬಿಡುವುದೇ ಇಲ್ಲ ಎಂದು ಶಹಬ್ಬಾಸ್‍ಗಿರಿ ಕೊಟ್ಟಿದ್ದಾರೆ ಸುದೀಪ್.

    ಪ್ರೇಮ್ ಸಿನಿಮಾ ಬಿಟ್ಟು ಬೇರೇನೂ ಯೋಚಿಸೋದಿಲ್ಲ. ಕುಂತಲ್ಲಿ ಕೂರಲ್ಲ. ನಿಂತಲ್ಲಿ ನಿಲ್ಲಲ್ಲ. ಯಾರೊಬ್ಬರಿಗೂ ಬಯ್ಯಲ್ಲ. ಆದರೆ, ತನಗೆ ಬೇಕಾದ ಅಷ್ಟೂ ಕೆಲಸವನ್ನು ಪ್ರೀತಿಯಿಂದಲೇ ಮಾಡಿಸಿಕೊಂಡುಬಿಡ್ತಾರೆ ಅಂತಾರೆ ಸುದೀಪ್. ಸೆಟ್‍ನಲ್ಲಿ ಎಷ್ಟೋ ಬಾರಿ ಸುದೀಪ್ ಅವರೇ ಬೈದು ಊಟ ಮಾಡಿಸಿದ್ದೂ ಇದೆಯಂತೆ.

    ಇನ್ನು ಶಿವರಾಜ್ ಕುಮಾರ್ ಜೊತೆಗಿನ ಅನುಭವನ್ನೂ ಹಂಚಿಕೊಂಡಿದ್ದಾರೆ ಸುದೀಪ್. ಶಿವಣ್ಣ ಸೆಟ್‍ಗೆ ಯಾವಾಗ ಬರ್ತಾರೆ..ಯಾವಾಗ ಹೋಗ್ತಾರೆ ಗೊತ್ತೇ ಅಗಲ್ಲ. ಅಹಂ ಇಲ್ಲ. ಅವರ ಜೊತೆ ಕೆಲಸ ಮಾಡೋಕೆ ಖುಷಿಯಾಗುತ್ತೆ ಎಂದಿದ್ದಾರೆ ಸುದೀಪ್.

    ಇನ್ನು ಚಿತ್ರದ ಕಥೆ, ಪಾತ್ರದ ಬಗ್ಗೆ ಸುದೀಪ್ ಏನನ್ನೂ ಬಾಯ್ಬಿಡಲ್ಲ. ನಂಗೇನೂ ಗೊತ್ತಿಲ್ಲ. ಪ್ರೇಮ್ ಏನ್ ಹೇಳ್ತಿದ್ದಾರೋ, ಅಷ್ಟನ್ನು ಮಾತ್ರ ಮಾಡ್ತಿದ್ದೇನೆ ಅಂತಾರೆ ಸುದೀಪ್. ಅಫ್‍ಕೋರ್ಸ್, ಸುದೀಪ್ ಏನೇ ಹೇಳಿದರೂ, ಕಥೆ ಮತ್ತು ಪಾತ್ರದ ಬಗ್ಗೆ ಏನನ್ನೂ ತಿಳಿದುಕೊಳ್ಳದೆ ಸುದೀಪ್ ಸಿನಿಮಾ ಒಪ್ಪಿಕೊಳ್ಳಲ್ಲ ಎನ್ನುವುದು ಚಿತ್ರರಂಗದ ಪ್ರತಿಯೊಬ್ಬರಿಗೂ ಗೊತ್ತು. 

  • ಸುದೀಪ್ ಸಂಭಾವನೆ 8 ಕೋಟಿ..!

    sudeep gets 8 crores for kotigobba 3

    ಕಿಚ್ಚ ಸುದೀಪ್, ಕನ್ನಡಲ್ಲಿ ನಿರ್ಮಾಪಕರನ್ನು ಕೆಲವೇ ಕೆಲವು ಸ್ಟಾರ್ ನಟರಲ್ಲಿ ಒಬ್ಬರು. ಅವರು ಯಾವಾಗಲೂ ನಿರ್ಮಾಪಕರ ಜೊತೆ ಇರುತ್ತಾರೆ. ಅವರು ನಿರ್ಮಾಪಕರಿಗೆ  ಷರತ್ತು ಹಾಕೋದಿಲ್ಲ. ಅವರಂತೆ ಎಲ್ಲ ನಟರೂ ನಿರ್ಮಾಪಕರ ಕಷ್ಟಗಳಿಗೆ ಸ್ಪಂದಿಸೋದಿಲ್ಲ. ಹೀಗಾಗಿಯೇ, ಅವರು ಕೇಳದಿದ್ದರೂ ನಾನೇ 8 ಕೋಟಿ ಸಂಭಾವನೆ ಕೊಟ್ಟಿದ್ದೇನೆ. ಹೀಗೆಂದು ಹೇಳಿರುವುದು ಸೂರಪ್ಪ ಬಾಬು.

    ಸುದೀಪ್ ಜೊತೆ ಕೋಟಿಗೊಬ್ಬ 3 ಚಿತ್ರ ನಿರ್ಮಿಸುತ್ತಿರುವ ಸೂರಪ್ಪ ಬಾಬು, ಇಷ್ಟು ದೊಡ್ಡ ಮೊತ್ತದ ಸಂಭಾವನೆ ಪಡೆಯುವ ಸುದೀಪ್, ಚಿತ್ರದ ಪ್ರತಿ ಹಂತದಲ್ಲೂ ನಿರ್ಮಾಪಕರ ಜೊತೆಗಿರುತ್ತಾರೆ. 8 ಕೋಟಿ, ಸುದೀಪ್ ಕೇಳಿದ್ದಲ್ಲ. ನಾನೇ ಕೊಟ್ಟಿದ್ದು ಎಂದಿದ್ದಾರೆ ಸೂರಪ್ಪ ಬಾಬು.

    ಚಿತ್ರದ ಚಿತ್ರೀಕರಣ ಶೀಘ್ರದಲ್ಲಿಯೇ ಶುರುವಾಗಲಿದ್ದು, ಸ್ಪೇನ್ ಹಾಗೂ ಬೆಂಗಳೂರಿನಲ್ಲಿ ಶೂಟಿಂಗ್ ನಡೆಯಲಿದೆ. ಕನ್ನಡದ ನಟಿಯೇ ನಾಯಕಿಯಾಗಿ ನಟಿಸಲಿದ್ದಾರೆ ಎಂದು ತಿಳಿಸಿದ್ದಾರೆ ಸೂರಪ್ಪ ಬಾಬು.

    ಕನ್ನಡದಲ್ಲಿ ನಟರು ತೆಗೆದುಕೊಳ್ಳುವ ಸಂಭಾವನೆ ಎಷ್ಟು ಎಂಬ ಬಗ್ಗೆ ಯಾರೊಬ್ಬರೂ ತುಟಿ ಬಿಚ್ಚುವುದಿಲ್ಲ. ಅಲ್ಲಿ ಇಲ್ಲಿ ಕಿವಿಗೆ ಬಿದ್ದ ಮಾತುಗಳನ್ನಷ್ಟೇ ಕೇಳುತ್ತಿದ್ದವರಿಗೆ ಸೂರಪ್ಪ ಬಾಬು, ಬಹಿರಂಗವಾಗಿಯೇ ಹೇಳುವ ಮೂಲಕ ರಹಸ್ಯ ಸ್ಫೋಟಿಸಿರುವುದು ನಿಜ.

  • ಸುದೀಪ್ ಸಮಾಜಸೇವೆಯ ಕಂಪ್ಲೀಟ್ ಡೀಟೈಲ್ಸ್

    sudeep social service details

    ನಾನು ಕೋಟ್ಯಧಿಪತಿ ಅಲ್ಲ. ಆದರೆ ಸಂಪಾದಿಸಿದ್ದರಲ್ಲಿ ಶೇ.40ರಿಂದ 50ರಷ್ಟನ್ನು ಸಮಾಜಕ್ಕೆ ವಾಪಸ್ ಕೊಡುತ್ತಿದ್ದೇನೆ. ಇದು ಸುದೀಪ್ ಅವರೇ ಹೇಳಿಕೊಂಡಿರುವ ಮಾತು. ಇತ್ತೀಚೆಗಷ್ಟೇ ರಾಜಕೀಯಕ್ಕೆ ಬರುತ್ತೀರಾ ಎಂದು ಕೇಳಿದಾಗ, ನಾನು ನನ್ನ ಹಣದಲ್ಲಿ ನನ್ನ ಕೈಲಾದಷ್ಟು ಸಮಾಜಸೇವೆ ಮಾಡುತ್ತಿದ್ದೇನೆ. ಸೇವೆ ಮಾಡೋಕೆ ರಾಜಕೀಯಕ್ಕೆ ಬರಬೇಕು ಎಂಬ ಅನಿವಾರ್ಯತೆ ಇಲ್ಲ ಎಂದಿದ್ದರು. ಈಗ ತಮ್ಮ ಸಮಾಜಸೇವೆಯ ಕೆಲಸಗಳನ್ನು ಬಹಿರಂಗಪಡಿಸಿದ್ದಾರೆ.

    ಸುದೀಪ್ ಒಟ್ಟು 18 ಮಕ್ಕಳನ್ನು ದತ್ತು ತೆಗೆದುಕೊಂಡಿದ್ದಾರೆ. ಅವರ ಸಂಪೂರ್ಣ ಹೊಣೆ ಅವರದ್ದೇ. ಕೆಲವು ಸರ್ಕಾರಿ ಶಾಲೆಗಳನ್ನು ದತ್ತು ಪಡೆದು ಅಭಿವೃದ್ಧಿ ಕೆಲಸ ಮಾಡಿಸುತ್ತಿದ್ದಾರೆ. ಒಂದು ಅನಾಥಾಶ್ರಮವನ್ನೂ ನಡೆಸುತ್ತಿದ್ದಾರೆ. ಇದೆಲ್ಲವೂ ಅವರ ಸ್ವಂತ ಹಣದಲ್ಲಿಯೇ ನಡೆಯುತ್ತಿದೆ. 

    ಸುದೀಪ್ ಅವರನ್ನು ಮೆಚ್ಚಿಕೊಳ್ಳೋಕೆ ಇನ್ನಷ್ಟು ಕಾರಣಗಳು ಸಿಕ್ಕಿವೆ. ಅಷ್ಟೇ ಅಲ್ಲ, ಸಂಕಷ್ಟದಲ್ಲಿರುವ ಚಿತ್ರರಂಗದ ಕೆಲವರಿಗೆ ವೈಯಕ್ತಿಕವಾಗಿ ಸಹಾಯ ಮಾಡಿರುವುದನ್ನು ಸುದೀಪ್ ಹೊರಗೆ ಹೇಳಿಕೊಳ್ಳೋದಿಲ್ಲ. ಅದು ಸುದೀಪ್ ದೊಡ್ಡಗುಣ.

  • ಸುದೀಪ್ ಸಿನಿಮಾಗೆ ಅಫ್ತಾಬ್ ಶಿವದಾಸನಿ

    aftba debuts in kannada with sudeep movie

    ಸುದೀಪ್, ಬಾಲಿವುಡ್‍ನಲ್ಲಿ ನಟಿಸೋದು ಹೊಸದೇನಲ್ಲ. ಆದರೆ,ಸುದೀಪ್ ಚಿತ್ರದಲ್ಲಿ ಬಾಲಿವುಡ್ ತಾರೆಗಳು ನಟಿಸೋದು ಈಗ ಟ್ರೆಂಡ್. ಸುದೀಪ್ ಅವರ ಪೈಲ್ವಾನ್ ಚಿತ್ರದಲ್ಲಿ ಸುನಿಲ್ ಶೆಟ್ಟಿ ಮತ್ತು ಕಬೀರ್ ದುಹಾನ್ ನಟಿಸುತ್ತಿದ್ದಾರೆ. ಈಗ ಕೋಟಿಗೊಬ್ಬ3 ಚಿತ್ರಕ್ಕೂ ಬಾಲಿವುಡ್ ಸ್ಟಾರ್ಸ್ ಬರುತ್ತಿದ್ದಾರೆ.

    ಕೋಟಿಗೊಬ್ಬ3 ಚಿತ್ರದಲ್ಲಿ ಬಾಲಿವುಡ್‍ನ ಅಫ್ತಾಬ್ ಶಿವದಾಸನಿ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಈ ಚಿತ್ರದಲ್ಲಿ ವಿಲನ್ ಆಗಿರೋದು ಡಾನ್ 2 ಖ್ಯಾತಿಯ ನವಾಬ್ ಶಾ. ಅಫ್ತಾಬ್‍ಗೆ ಸ್ಯಾಂಡಲ್‍ವುಡ್‍ನಲ್ಲಿ ಇದು ಮೊದಲ ಸಿನಿಮಾ.

  • ಸುದೀಪ್ ಸುಂದರವಾಗಿ ಕಾಣುತ್ತಿದ್ದಾರೆ - ಶಿವಣ್ಣ

    shivanna feels extremely ha[[y and proud after watching pailwan

    ಪೈಲ್ವಾನ್ ಚಿತ್ರದ ಬಗ್ಗೆ ಶಿವಣ್ಣ ಮಾತನಾಡಿದ್ದಾರೆ. ಬಾಕ್ಸಾಫೀಸಿನಲ್ಲಿ ಹೊಸ ದಾಖಲೆ ಬರೆಯಲು ಮುನ್ನುಗ್ಗುತ್ತಿರುವ ಪೈಲ್ವಾನ್ ಚಿತ್ರದಲ್ಲಿ ಸುದೀಪ್ ಹೇಗೆ ಕಾಣ್ತಾರೆ ಎಂಬ ಪ್ರಶ್ನೆಗೆ ಶಿವರಾಜ್ ಕುಮಾರ್ ಕೊಟ್ಟಿರೋ ಉತ್ತರ ಇದು. ಪೈಲ್ವಾನ್ ಚಿತ್ರವನ್ನು ಥಿಯೇಟರಿನಲ್ಲಿ ನೋಡಿ ಖುಷಿ ಪಟ್ಟ ಶಿವಣ್ಣ, ಚಿತ್ರದ ಸಂದೇಶವಂತೂ ಅದ್ಭುತ ಎಂದಿದ್ದಾರೆ.

    ಸುದೀಪ್ ತುಂಬಾ ಚೆನ್ನಾಗಿ ಕಾಣ್ತಾರೆ. ಫಿಟ್ ನೆಸ್ ಬಗ್ಗೆ ಇಂಟ್ರೆಸ್ಟ್ ತೆಗೆದುಕೊಂಡು ಮಾಡಿರುವ ಚಿತ್ರ. ಹೀಗಾಗಿಯೇ ಸುದೀಪ್ ಪೈಲ್ವಾನ್ ಚಿತ್ರದಲ್ಲಿ ಸುಂದರವಾಗಿ ಕಾಣುತ್ತಾರೆ. ಸಿನಿಮಾ ತುಂಬಾ ಚೆನ್ನಾಗಿ ಬಂದಿದೆ. ಕೃಷ್ಣ ಅದ್ಭುತ ಕೆಲಸ ಮಾಡಿದ್ದಾರೆ ಎಂದು ಹೊಗಳಿದ್ದಾರೆ.

    ಪೈರಸಿ ಕುರಿತಂತೆ ಮಾತನಾಡಿರುವ ಅವರು ಇಡೀ ಚಿತ್ರರಂಗ ಒಂದು. ತಪ್ಪು ಯಾರು ಮಾಡಿದ್ದರೂ ತಪ್ಪು ತಪ್ಪೇ. ಕನ್ನಡದಲ್ಲಿ ಒಳ್ಳೆಯ ಸಿನಿಮಾ ಬಂದರೆ ಅದನ್ನು ನೋಡಿ ಹೆಮ್ಮೆ ಪಡಬೇಕು ಎಂದಿದ್ದಾರೆ ಶಿವಣ್ಣ.

  • ಸುದೀಪ್ ಹೇಳ್ತಾನೇ ಇರ್ತಾರೆ.. ಡೌಟು ಬರ್ತಾನೇ ಇರುತ್ತೆ..!

    sudeep amidst the same question net

    ಕಿಚ್ಚ ಸುದೀಪ್ ಒಂದ್ಸಲ ಅಲ್ಲ, ಹಲವಾರು ಬಾರಿ ನಾನು ರಾಜಕೀಯಕ್ಕೆ ಬರಲ್ಲ ಎಂದು ಹೇಳಿದ್ದಾರೆ. ಟಿವಿ ಸಂದರ್ಶನಗಳಲ್ಲ, ಪತ್ರಿಕೆಗಳಲ್ಲಿ, ಸೋಷಿಯಲ್ ಮೀಡಿಯಾಗಳಲ್ಲಿ.. ಹೀಗೆ ಹಲವು ವೇದಿಕೆಗಳಲ್ಲಿ ಹೇಳಿದ್ದರೂ, ಅವರು ಮತ್ತೆ ಮತ್ತೆ ಸ್ಪಷ್ಟನೆ ಕೊಡ್ತಾನೇ ಇರಬೇಕಾದ ಪರಿಸ್ಥಿತಿ ಬಂದಿದೆ.

    ಇತ್ತೀಚೆಗೆ ಸಿದ್ದರಾಮಯ್ಯನವರನ್ನು ಭೇಟಿ ಮಾಡಿದ್ದ ಸುದೀಪ್, ಚರ್ಚೆ ಮಾಡಿದ್ದು ವಿಷ್ಣುವರ್ಧನ್ ಸ್ಮಾರಕದ ವಿಚಾರದ ಬಗ್ಗೆಯೇ ಆದರೂ, ರಾಜಕೀಯ ಪ್ರವೇಶದ ಸುದ್ದಿಗೆ ರೆಕ್ಕೆಪುಕ್ಕ ಕಟ್ಟಲಾಗಿತ್ತು. ಈಗ ಸುದೀಪ್ ಮನೆಗೆ ಸ್ವತಃ ಹೆಚ್.ಡಿ.ಕುಮಾರಸ್ವಾಮಿ ಹೋಗಿದ್ದಾರೆ. ಮನೆಗೆ ಬಂದ ಅತಿಥಿಗಳಿಗೆ ಸ್ವತಃ ಊಟ ಬಡಿಸುವುದನ್ನು ಇಷ್ಟಪಡುವ ಸುದೀಪ್, ಕುಮಾರಸ್ವಾಮಿಯವರಿಗೂ ಅದೇ ಆತಿಥ್ಯ ನೀಡಿದ್ದಾರೆ. ಆ ಫೋಟೋಗಳು ಸೋಷಿಯಲ್ ಮೀಡಿಯಾದಲ್ಲಿ ಕೆಲವೇ ಗಂಟೆಗಳಲ್ಲಿ ವೈರಲ್ ಆಗಿಬಿಟ್ಟಿವೆ.

    ಅಲ್ಲಿಗೆ ತಣ್ಣಗಾಗಿದ್ದ ಸುದೀಪ್ ರಾಜಕೀಯ ಪ್ರವೇಶಕ್ಕೆ ಮತ್ತೆ ಜೀವ ಬಂದಂತಾಗಿದೆ. ರಾಜಕೀಯಕ್ಕೂ, ಈ ಭೇಟಿಗೂ ಸಂಬಂಧ ಇಲ್ಲ ಎಂದು ಹೆಚ್‍ಡಿಕೆ ಹೇಳಿದ್ದರೂ, ಸುದೀಪ್ ಮತ್ತೊಮ್ಮೆ ಹೇಳಿಕೆ ನೀಡಲಿ ಎಂದು ಕಾಯುವವರಿಗೇನೂ ಕೊರತೆಯಿಲ್ಲ.

    ಬಹುಶಃ ತಮ್ಮ ರಾಜಕೀಯ ಪ್ರವೇಶದ ಬಗ್ಗೆ ಇಷ್ಟೊಂದು ಬಾರಿ ಸ್ಪಷ್ಟನೆ ನೀಡಿರುವ ವ್ಯಕ್ತಿ ಬೇರ್ಯಾರೂ ಇಲ್ಲವೇನೋ. ಅಂದಹಾಗೆ ರಜಿನಿಕಾಂತ್ ಅತಿ ಹೆಚ್ಚು ಬಾರಿ ಈ ಪ್ರಶ್ನೆಗೆ ಉತ್ತರ ಕೊಟ್ಟಿದ್ದಾರೆ. ಆದರೆ, ಪ್ರತಿಬಾರಿಯೂ ಅಡ್ಡಗೋಡೆ ದೀಪ ಇಡುವುದು ರಜಿನಿ ಸ್ಟೈಲ್. ಆದರೆ, ಸುದೀಪ್ ಅತ್ಯಂತ ಸ್ಪಷ್ಟವಾಗಿ `ನಾನು ರಾಜಕೀಯಕ್ಕೆ ಬರುವುದಿಲ್ಲ' ಎಂದು ಹೇಳಿದ್ದರೂ ಪದೇ ಪದೇ ಸುದ್ದಿಯಾಗುತ್ತಲೇ ಇದೆ. 

  • ಸುದೀಪ್, ದರ್ಶನ್, ಯಶ್ ಪ್ರಚಾರ.. ಗೆದ್ದವರೆಷ್ಟು ಜನ..?

    results of stars campaigned constants in election

    ಈ ಬಾರಿಯ ಚುನಾವಣೆಯಲ್ಲಿ ಚಿತ್ರರಂಗದ ಹಲವು ತಾರೆಯರು ಪ್ರಚಾರ ಮಾಡಿದ್ದರು. ಪಕ್ಷಾತೀತವಾಗಿ ಪ್ರಚಾರ ಮಾಡಿದ್ದವರಲ್ಲಿ ಗೆದ್ದವರೆಷ್ಟು ಜನ.. ಸೋತವರೆಷ್ಟು ಜನ ಎಂದು ನೋಡಿದರೆ, ಫಲಿತಾಂಶ ಸ್ವಾರಸ್ಯಕರವಾಗಿದೆ.

    ಸುದೀಪ್ ಪ್ರಚಾರ ಮಾಡಿದವರಲ್ಲಿ ಇಬ್ಬರಿಗೆ ಇಬ್ಬರೂ ಗೆದ್ದಿದ್ದಾರೆ. ಮೊಳಕಾಲ್ಮೂರಿನಲ್ಲಿ ಶ್ರೀರಾಮುಲು ಹಾಗೂ ಸುರಪುರದಲ್ಲಿ ರಾಜು ಗೌಡ ಪರ ಪ್ರಚಾರ ಮಾಡಿದ್ದರು. ಇಬ್ಬರೂ ಗೆದ್ದಿದ್ದಾರೆ.

    ದರ್ಶನ್ ಪ್ರಚಾರ ಮಾಡಿದವರಲ್ಲಿ ಸಿಎಂ ಸಿದ್ದರಾಮಯ್ಯ ಸೋತಿದ್ದಾರೆ. ಚಾಮುಂಡೇಶ್ವರಿ ಕ್ಷೇತ್ರದಲ್ಲಿ ದರ್ಶನ್ ಪ್ರಚಾರ ಮಾಡಿದ್ದರು.

    ಯಶ್ ಪ್ರಚಾರ ಮಾಡಿದವರಲ್ಲಿ 50:50 ಫಲಿತಾಂಶ ಬಂದಿದೆ. ಯಶ್ ಪ್ರಚಾರ ಮಾಡಿದ್ದವರಲ್ಲಿ ಬಬಲೇಶ್ವರದ ಎಂ.ಬಿ.ಪಾಟೀಲ್, ಕೃಷ್ಣರಾಜ ಕ್ಷೇತ್ರದ ರಾಮದಾಸ್, ಕೆ.ಆರ್.ನಗರ ಕ್ಷೇತ್ರದ ಸಾ.ರಾ. ಮಹೇಶ್, ಬೊಮ್ಮನಹಳ್ಳಿಯಲ್ಲಿ ಸತೀಶ್ ರೆಡ್ಡಿ, ಶಿರಸಿಯಲ್ಲಿ ವಿಶ್ವೇಶ್ವರ ಹೆಗಡೆ ಕಾಗೇರಿ ಗೆದ್ದಿದ್ದಾರೆ.

    ಪ್ರಚಾರದಲ್ಲಿ ಅತಿ ದೊಡ್ಡ ಸೋಲು ಅನುಭವಿಸಿರುವುದು ನಟ ಪ್ರಕಾಶ್ ರೈ. ಹಲವು ತಿಂಗಳ ಕಾಲ ಬಿಜೆಪಿ ವಿರುದ್ಧ ಆಂದೋಲನವನ್ನೇ ನಡೆಸಿದ್ದ ಪ್ರಕಾಶ್ ರೈ ನಿರೀಕ್ಷೆಗೆ ವಿರುದ್ಧವಾಗಿ ಫಲಿತಾಂಶ ಬಂದಿದೆ. ರಾಜ್ಯದಲ್ಲಿ ಅತಿದೊಡ್ಡ ಪಕ್ಷವಾಗಿ ಬಿಜೆಪಿ ಹೊರಹೊಮ್ಮಿದೆ.

  • ಸುದೀಪ್, ಪುನೀತ್, ಉಪೇಂದ್ರ ಒಟ್ಟಿಗೇ ನಟಿಸ್ತಾರಾ..?

    sudeep, upendra, puneeth in chandragupta chanakya movie

    ಕಿಚ್ಚ ಸುದೀಪ್, ಪವರ್ ಸ್ಟಾರ್ ಪುನೀತ್ ರಾಜ್‍ಕುಮಾರ್, ರಿಯಲ್ ಸ್ಟಾರ್ ಉಪೇಂದ್ರ... ಮೂವರೂ ಒಟ್ಟಿಗೇ.. ಒಂದೇ ಸಿನಿಮಾದಲ್ಲಿ ನಟಿಸ್ತಾರಾ..? ಹಾಗೇನಾದರೂ ಆಗಿಬಿಟ್ಟರೆ.. ಅದು ಚಿತ್ರರಂಗದ ಪಾಲಿನ ದೊಡ್ಡ ಹಬ್ಬವೇ ಆಗೋದು ಖಂಡಿತಾ. ಅದೊಂಥರಾ ಸಂಕ್ರಾಂತಿ, ದೀಪಾವಳಿ, ಯುಗಾದಿಯನ್ನು ಒಟ್ಟಿಗೇ ಆಚರಿಸಿದಂತೆ. ಆದರೆ, ಅಂಥಾದ್ದೊಂದು ಕನಸು ಕಂಡಿದ್ದಾರೆ ನಿರ್ಮಾಪಕ ಮುನಿರತ್ನ.

    ಸದ್ಯಕ್ಕೆ ಕುರುಕ್ಷೇತ್ರ ಚಿತ್ರವನ್ನು ಸಿದ್ಧ ಮಾಡುತ್ತಿರುವ ಮುನಿರತ್ನ ಅವರಿಗೆ ಚಾಣಕ್ಯ-ಚಂದ್ರಗುಪ್ತರ ಕಥೆಯನ್ನು ಸಿನಿಮಾ ಮಾಡಬೇಕು ಎಂಬ ಆಸೆ ಹುಟ್ಟಿಕೊಂಡಿದೆ. ಸುದೀಪ್, ಅಲೆಕ್ಸಾಂಡರ್ ಪಾತ್ರ ಮಾಡಬೇಕು ಅನ್ನೊದು ಮುನಿರತ್ನ ಅವರ ಆಸೆ. ಮಗಧ ಸಾಮ್ರಾಜ್ಯ ಸ್ಥಾಪನೆಯ ಆ ಕಥೆಯನ್ನು ಅದ್ದೂರಿಯಾಗಿ ತೆರೆಯ ಮೇಲೆ ತರಬೇಕು ಅನ್ನೋದು ಮುನಿರತ್ನ ಕನಸು.

    ಕುರುಕ್ಷೇತ್ರ ಚಿತ್ರ ಮಾರ್ಚ್‍ನಲ್ಲಿ ಬಿಡುಗಡೆಯಾಗಲಿದ್ದು, ನಂತರ ಚುನಾವಣೆ ಬರಲಿದೆ. ಚುನಾವಣೆ ಮುಗಿದ ಮೇಲೆ ಈ ಕಥೆಯತ್ತ ಗಮನ ಹರಿಸೋದಾಗಿ ಹೇಳಿದ್ದಾರೆ ಮುನಿರತ್ನ. ಮುನಿರತ್ನ ಕನಸು ನನಸಾಗಲಿ ಎಂದು ಅಭಿಮಾನಿಗಳೂ ಕೇಳಿಕೊಳ್ತಾರೆ ಬಿಡಿ.

  • ಸುದೀಪ್, ಪ್ರಿಯಾ ಸ್ನೇಹಕ್ಕೆ ಬೆಳ್ಳಿ ಹಬ್ಬದ ಸಂಭ್ರಮ

    sudeep priya celebrates 25 years of friendship

    ಸುದೀಪ್.. ನಮ್ಮಿಬ್ಬರ ಸ್ನೇಹಕ್ಕೆ 25 ವರ್ಷ. ನಮ್ಮ ಮದುವೆ ಆ ಸ್ನೇಹವನ್ನು ಹಾಳು ಮಾಡಲಿಲ್ಲ. ಹ್ಯಾಪಿ ಫ್ರೆಂಡ್‍ಶಿಪ್ ಡೇ.. ಹಾಗೆಂದು ಹೇಳಿದವರು ಪ್ರಿಯಾ ರಾಧಾಕೃಷ್ಣನ್. ಸುದೀಪ್ ಅವರ ಪ್ರಿಯ ಪತ್ನಿ.

    ಸನ್ನಿವೇಶ, ಸಂದರ್ಭ ಯಾವುದೇ ಇರಲಿ. ಈ 25 ವರ್ಷಗಳಲ್ಲಿ ನನ್ನ ಜೊತೆಯಿರುವ ಅದ್ಭುತ ಗೆಳತಿ ನೀವು. ಮದುವೆ, ನಮ್ಮಿಬ್ಬರ ಸ್ನೇಹವನ್ನು ಹಾಳು ಮಾಡಲಿಲ್ಲ ಎನ್ನುವುದು ಖುಷಿಯ ಸಂಗತಿ. 25 ವರ್ಷಗಳ ಸ್ನೇಹಕ್ಕೆ ಥ್ಯಾಂಕ್ಸ್... ಊಫ್.. 25 ವರ್ಷ ತುಂಬಾ ದೊಡ್ಡ ಟೈಮೇ.. ಅದ್ಸರಿ.. ನನ್ನನ್ನು ಹೇಗೆ ಸಹಿಸಿಕೊಂಡಿರಿ.. ಎಂದು ಸ್ಮೈಲ್ ಕೊಟ್ಟಿದ್ದಾರೆ ಕಿಚ್ಚ ಸುದೀಪ್.

    ಪತಿ, ಪತ್ನಿ.. ಇಬ್ಬರೂ ಸ್ನೇಹಿತರಾಗಿದ್ದರೆ.. ವ್ಹಾವ್.. ಅದೇ ಶಾಂತಿನಿವಾಸ.

  • ಸುದೀಪ್, ಪ್ರೇಮ್ ವಿರುದ್ಧ ಫಿಲಂ ಚೇಂಬರ್‍ಗೆ ಕನ್ನಡ ಸಂಘಟನೆ ದೂರು

    kfcc gets complaint against sudeep and prem

    ಕಿಚ್ಚ ಸುದೀಪ್ ಮತ್ತು ನಿರ್ದೇಶಕ ಪ್ರೇಮ್, ಕನ್ನಡ ಧ್ವಜಕ್ಕೆ ಅಪಮಾನ ಮಾಡಿದ್ದಾರೆ ಎಂದು ಆರೋಪಿಸಿ ಕನ್ನಡ ಸಂಘಟನೆಯೊಂದು ಫಿಲಂ ಚೇಂಬರ್ ಮೆಟ್ಟಿಲೇರಿದೆ. ಕರ್ನಾಟಕ ಸಂಘಟನೆ ಒಕ್ಕೂಟದ ಅಧ್ಯಕ್ಷ ನಾಗೇಶ್, ಸುದೀಪ್ ಮತ್ತು ಪ್ರೇಮ್ ಫಿಲಂ ಚೇಂಬರ್‍ಗೆ ದೂರು ಸಲ್ಲಿಸಿದ್ದಾರೆ.

    ದಿ ವಿಲನ್ ಚಿತ್ರದ ಒಂದು ದೃಶ್ಯದಲ್ಲಿ ಸುದೀಪ್ ಕನ್ನಡ ಬಾವುಟವನ್ನು ಸೊಂಟಕ್ಕೆ ಸುತ್ತಿಕೊಂಡಿದ್ದಾರೆ. ಇದು ನಾಡಧ್ವಜಕ್ಕೆ ಮಾಡಿದ ಅವಮಾನ. ಹೀಗಾಗಿ ಪ್ರೇಮ್ ಮತ್ತು ಸುದೀಪ್ ಕ್ಷಮೆ ಕೇಳಬೇಕು ಅನ್ನೋದು ನಾಗೇಶ್ ಆಗ್ರಹ. ಇಲ್ಲದೇ ಹೋದರೆ ದಿ ವಿಲನ್ ಚಿತ್ರದ ಪ್ರದರ್ಶನಕ್ಕೆ ಅವಕಾಶ ನೀಡುವುದಿಲ್ಲ ಎಂದು ನಾಗೇಶ್ ದೂರಿನಲ್ಲಿ ಆಗ್ರಹಿಸಿದ್ದಾರೆ.

    ಅಕ್ಟೋಬರ್ 18ರಂದು ರಿಲೀಸ್ ಆಗಿರುವ ದಿ ವಿಲನ್ ಚಿತ್ರ 25 ದಿನ ಪೂರೈಸಿ 50ನೇ ದಿನದತ್ತ ಮುನ್ನುಗ್ಗುತ್ತಿದೆ. ಹೀಗಿರುವಾಗಲೇ ಚಿತ್ರದ ಮೇಲೆ ಮತ್ತೊಂದು ವಿವಾದದ ಹೊಡೆತ ಬಿದ್ದಿದೆ. ಈಗಾಗಲೇ ಚಿತ್ರ ರಿಲೀಸ್ ಆಗಿರುವುದರಿಂದ ಏನೂ ಮಾಡಲು ಸಾಧ್ಯವಿಲ್ಲ. ನೀವು ನಿರ್ದೇಶಕರನ್ನೇ ಸಂಪರ್ಕಿಸಿ ಎಂದು ಹೇಳಿ ಕಳಿಸಿದೆಯಂತೆ ಫಿಲಂ ಚೇಂಬರ್.

  • ಸುದೀಪ್, ರಾಗಿಣಿ ದ್ವಿವೇದಿ.. ಮತ್ತೆ..

    sudeep, ragini par up again

    ಸುದೀಪ್, ರಾಗಿಣಿ ದ್ವಿವೇದಿ.. ಮತ್ತೆ ಒಂದೇ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಹಾಗೆ ನೋಡಿದರೆ, ರಾಗಿಣಿ ದ್ವಿವೇದಿ ಅವರು ನಟಿಸಿದ ಮೊದಲ ಚಿತ್ರ ಕೆಂಪೇಗೌಡ ಎಂದೇ ಹೇಳಬೇಕು. ಕೆಂಪೇಗೌಡ, ವೀರ ಮದಕರಿ ಚಿತ್ರಗಳಲ್ಲಿ ಒಟ್ಟಿಗೇ ನಟಿಸಿದ್ದ ಸುದೀಪ್-ರಾಗಿಣಿ ಜೋಡಿ ಮತ್ತೆ ತೆರೆಯ ಮೇಲೆ ಜೊತೆಯಾಗಿ ಕಾಣಿಸಿಕೊಂಡಿಲ್ಲ. ಈಗ ಆ ಕಾಲ ಸನ್ನಿಹಿತವಾಗಿದೆ.

    `ಕಿಚ್ಚು' ಚಿತ್ರದಲ್ಲಿ ರಾಗಿಣಿ ನಾಯಕಿ. ಆ ಚಿತ್ರದಲ್ಲಿ ಅತಿಥಿ ನಟರಾಗಿ ನಟಿಸುತ್ತಿದ್ದಾರೆ ಕಿಚ್ಚ ಸುದೀಪ್. ಇತ್ತೀಚೆಗೆ ನಿಧನರಾದ ಧ್ರುವ ಚಿತ್ರದ ನಾಯಕ. ಪ್ರದೀಪ್ ರಾಜ್ ನಿರ್ದೇಶನದ ಚಿತ್ರದಲ್ಲಿ ರಾಗಿಣಿ ಗ್ಲ್ಯಾಮರ್ ಇಲ್ಲದ ರೋಲ್‍ನಲ್ಲಿ ನಟಿಸುತ್ತಿದ್ದಾರೆ. 

    ಸಿನಿಮಾದಲ್ಲಿ ಇಬ್ಬರೂ ಮುಖಾಮುಖಿಯಾಗುತ್ತಾರಾ..? ಇದು ಅಭಿಮಾನಿಗಳ ನಿರೀಕ್ಷೆ. ಹಿಟ್ ಜೋಡಿಯನ್ನು ಮತ್ತೊಮ್ಮೆ ತೆರೆಯ ಮೇಲೆ ನೋಡುವ ಆಸೆ ಅಭಿಮಾನಿಗಳಿಗೂ ಇದೆ.

  • ಸುದೀಪ್ಗೆ ಸಿಕ್ಕ ಅತಿ ದೊಡ್ಡ ಗೌರವ - ಕೊಟ್ಟಿದ್ದು ಯಾರು ಗೊತ್ತಾ..?

    sudeep's daughter sanvi

    ಕಿಚ್ಚ ಸುದೀಪ್ಗೆ ಸಿಕ್ಕಿರುವುದು ರಾಷ್ಟ್ರಪ್ರಶಸ್ತಿಯಂತೂ ಅಲ್ಲ. ಆದರೆ, ಸುದೀಪ್ ಪಾಲಿಗೆ ಇದು ಅದಕ್ಕಿಂತ ದೊಡ್ಡ ಗೌರವ. ಈ ಗೌರವ ಉಡುಗೊರೆ ಕೊಟ್ಟಿರುವುದು ಸುದೀಪ್ರ ಮಗಳು ಸಾನ್ವಿ.

    ಸುದೀಪ್ ಮಗಳು ಸಾನ್ವಿ, ತಾನು ಓದುತ್ತಿರುವ ಶಾಲೆಯಲ್ಲಿ ಶಾಲೆಯ ಲೀಡರ್ ಆಗಿದ್ದಾಳೆ. school perfect ಆಗಿ ಆಯ್ಕೆಯಾಗಿರುವ ಮಗಳಿಗೆ ಶಾಲೆಯ ಸಮಾರಂಭದಲ್ಲಿ ಬ್ಯಾಡ್ಜ್ ಹಾಕಿರುವುದು ಸ್ವತಃ ಸುದೀಪ್. ಆ ಖುಷಿಯನ್ನ ಸುದೀಪ್ ಮತ್ತು ಪತ್ನಿ ಪ್ರಿಯಾ ಟ್ವಿಟರ್ನಲ್ಲಿ ಸಂಭ್ರಮದಿಂದ ಹಂಚಿಕೊಂಡಿದ್ದಾರೆ.

    ನಾವು ಹೆಮ್ಮೆ ಪಡುವಂತೆ ಮಾಡಿದ ನಿನಗೆ ಧನ್ಯವಾದಗಳು ಎಂದು ಹೇಳಿ ಖುಷಿಪಡುತ್ತಿದ್ದಾರೆ. ಸುದೀಪ್ ಅಂತೂ ಮಗಳಿಗೆ ಬ್ಯಾಡ್ಜ್ ಹಾಕಿದ್ದನ್ನು  ಜೀವನದ 'ಅದ್ಭುತ ಕ್ಷಣ'  ಎಂದು ಹೇಳಿಕೊಂಡಿದ್ದಾರೆ. ಮಗಳನ್ನು ಇನ್ನಿಲ್ಲದಷ್ಟು ಪ್ರೀತಿಸುವ ಸುದೀಪ್ಗೆ ಮಗಳ ಸಾಧನೆ ಎದೆಯುಬ್ಬಿಸುವಂತೆ ಮಾಡಿದೆ.

     

  • ಸುದೀಪ್​ಗಾಗಿ ಕನ್ನಡ ಕಲಿತ ಜಪಾನ್ ಮಹಿಳೆ

    sudeep's fan learns kannada in japan

    ಜುಂಕೋ. ಈಕೆ ಜಪಾನಿ ಮಹಿಳೆ. ಈಕೆ ಈಗ ಕನ್ನಡ ಕಲಿಯುವ ಹಠ ತೊಟ್ಟಿದ್ದಾರೆ. ಅಲ್ಪ ಸ್ವಲ್ಪ ಕನ್ನಡವನ್ನು ಕಲಿತೂ ಬಿಟ್ಟಿದ್ದಾರೆ. ಹೀಗೆ ಈಕೆ ಕನ್ನಡ ಕಲಿಯಲು ಕಾರಣವೇನು ಗೊತ್ತಾ..? ಕಿಚ್ಚ ಸುದೀಪ್.

    ಜುಂಕೋ, ಸುದೀಪ್ ಅವರ ಕಟ್ಟಾ ಅಭಿಮಾನಿ. ಬೆಂಗಳೂರಿಗೆ ಬಂದು ಸುದೀಪ್ ಅವರನ್ನು ಭೇಟಿಯಾಗಿ ಫೋಟೋ ತೆಗೆಸಿಕೊಂಡು ಹೋಗಿರುವ ಈಕೆ, ಈಗ ಕನ್ನಡ ಕಲಿಯಲು ಸ್ಪೀಕಿಂಗ್ ಕನ್ನಡ ಪುಸ್ತಕ ಖರೀದಿಸಿದ್ದಾರೆ. 

    IndLangs.com ವೆಬ್​ಸೈಟ್ ಮೂಲಕವೂ ಕನ್ನಡ ಕಲಿಯುವ ಸಾಹಸ ಮಾಡುತ್ತಿದ್ದಾರೆ. IndLangs.com, ಭಾರತದ ಇತರೆ ರಾಜ್ಯಗಳ ಜನರು ಕನ್ನಡ ಕಲಿಯಲು ನೆರವಾಗುವ ಜಾಲತಾಣ. 

    ಇಂಗ್ಲಿಷ್ ವ್ಯಾಮೋಹಕ್ಕೆ ಬಿದ್ದ ಕನ್ನಡಿಗರೇ ಕನ್ನಡ ಮರೆಯಲು ಪೈಪೋಟಿ ನಡೆಸುತ್ತಿರುವಾಗ, ಒಪ್ಪ ಜಪಾನ್ ಮಹಿಳೆ ಕನ್ನಡ ಕಲಿಯಲು ಹೊರಟಿರುವುದು ನಿಜಕ್ಕೂ ಅಭಿನಂದನೀಯ.

    Related Articles :-

    Sudeep's Japanese Fan Is Learning Kannada

  • ಸುದೀಪ್‍ಗೆ ಥ್ಯಾಂಕ್ಸ್ ಅಣ್ಣಾ ಅಂದ್ರು ಮಯಾಂಕ್ ಅಗರ್‍ವಾಲ್..!

    sudeep wishes mayank and gets seet reply from him

    ಮಯಾಂಕ್ ಅಗರ್‍ವಾಲ್. ಇದೀಗ ತಾನೇ ಅಂತಾರಾಷ್ಟ್ರೀಯ ಕ್ರಿಕೆಟ್‍ಗೆ ಕಾಲಿಟ್ಟಿರುವ ಕನ್ನಡಿಗ. ಇದೇ ತಿಂಗಳು ವೆಸ್ಟ್‍ಇಂಡೀಸ್ ವಿರುದ್ಧದ ಟೆಸ್ಟ್ ಕ್ರಿಕೆಟ್ ಸರಣಿಯಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್‍ಗೆ ಪಾದಾರ್ಪಣೆ ಮಾಡುತ್ತಿರುವ ವೀರ ಕನ್ನಡಿಗ.

    ಮಯಾಂಕ್ ಅಗರ್‍ವಾಲ್ ಕಳೆದ ವರ್ಷದಿಂದ ದೇಶೀಯ ಕ್ರಿಕೆಟ್‍ನಲ್ಲಿ ದಾಖಲೆಗಳನ್ನು ಚಿಂದಿ ಉಡಾಯಿಸಿದ್ದವರು. ರಣಜಿ ಕ್ರಿಕೆಟ್, ವಿಜಯ್ ಹಜಾರೆ ಟ್ರೋಫಿ.. ಸೇರಿದಂತೆ ಎಲ್ಲ ದೇಶೀಯ ಕ್ರಿಕೆಟ್‍ನಲ್ಲೂ ರನ್ ಹೊಳೆ ಹರಿಸಿದ್ದವರು. ಈ ವರ್ಷದ ದೇಸೀ ಟೂರ್ನಿಗಳಲ್ಲೂ ಅಬ್ಬರ ಹಾಗೆಯೇ ಮುಂದುವರೆದಿದೆ. ಮುಂದೊಂದು ದಿನ ಅಂತಾರಾಷ್ಟ್ರೀಯ ಕ್ರಿಕೆಟ್‍ನ ಸ್ಟಾರ್ ಆಗಬಹುದಾದ ಮಯಾಂಕ್ ಅಗರ್‍ವಾಲ್‍ಗೆ ಸುದೀಪ್ ಶುಭ ಹಾರೈಸಿದ್ದರು.

    ನಿಮ್ಮ ಸಾಧನೆಯ ತಪಸ್ಸಿಗೆ ಒಂದು ಅದ್ಭುತ ಅವಕಾಶ ಸಿಕ್ಕಿದೆ. ನಿಮ್ಮ ಯಶಸ್ಸಿನ ಪಯಣ ಹೀಗೆಯೇ ಮುಂದುವರೆಯಲಿ ಎಂದು ಶುಭ ಹಾರೈಸಿದ್ದರು ಸುದೀಪ್. ಸುದೀಪ್‍ರ ಶುಭ ಹಾರೈಕೆಗೆ ಮಯಾಂಕ್ ಅಗರ್‍ವಾಲ್ ಕೊಟ್ಟಿರುವ ಪ್ರತಿಕ್ರಿಯೆ ಇದು. ಥ್ಯಾಂಕ್ಸ್ ಅಣ್ಣಾ ಎನ್ನುವ ಮೂಲಕ.

  • ಸುದೀಪ್‍ರದ್ದು ಹೊಸ ಪೈಲ್ವಾನ್ ಚಾಲೆಂಜ್

    sudeep starts phailwan challenge

    ಕಿಚ್ಚ ಸುದೀಪ್, ಇತ್ತೀಚೆಗೆ ಫಿಟ್‍ನೆಸ್ ಚಾಲೆಂಜ್ ಹಾಕಿ ಸುದ್ದಿ ಮಾಡಿದ್ದರು. ಅದು ಇನ್ನೇನೋ ಕಾರಣಕ್ಕೆ ಸದ್ದೂ ಮಾಡಿತ್ತು. ಪ್ರಬುದ್ಧತೆಯಿಂದಲೇ ಅದನ್ನು ನಿಭಾಯಿಸಿದ್ದ ಕಿಚ್ಚ ಸುದೀಪ್, ಈಗ ಪೈಲ್ವಾನ್ ಚಾಲೆಂಜ್ ಹಾಕಿದ್ದಾರೆ. ಬ್ರಿಂಗ್ ಔಟ್ ದ ಪೈಲ್ವಾನ್ ಇನ್ ಯು (ನಿಮ್ಮೊಳಗಿರುವ ಪೈಲ್ವಾನ್ ಹೊರಬರಲಿ) ಅನ್ನೋ ಚಾಲೆಂಜ್ ಅದು.

    ಇದು ಶುರುವಾಗಿರುವುದೂ ಅಷ್ಟೆ ಆಕಸ್ಮಿಕವಾಗಿ. ಪೈಲ್ವಾನ್ ಚಿತ್ರದ ನಿರ್ದೇಶಕ ಕೃಷ್ಣ ಅವರಿಗೆ ಹುಟ್ಟುಹಬ್ಬದ ಶುಭಾಶಯ ಕೋರಿದ್ದರು ಕಿಚ್ಚ ಸುದೀಪ್. ಆಗ ಕೃಷ್ಣ, ಧನ್ಯವಾದ ಹೇಳುತ್ತಾ, ಪೈಲ್ವಾನ್ ಚಿತ್ರಕ್ಕಾಗಿ ತೂಕ ಕಳೆದುಕೊಂಡು ಫಿಟ್‍ನೆಸ್ ಕಾಪಾಡಿಕೊಂಡ ಸುದೀಪ್ ಅವರ ಕಮಿಟ್‍ಮೆಂಟ್‍ನ್ನು ಹೊಗಳಿದ್ದರು. ಹಾಗೆ ಸುದೀಪ್ ಅವರ ಬದ್ಧತೆಯನ್ನು ಹೊಗಳುತ್ತಲೇ, ನೀವು ಇನ್ನೂ ಸ್ವಲ್ಪ ತೂಕ ಕಳೆದುಕೊಳ್ಳಬೇಕು. ದೇಹದಾಢ್ರ್ಯತೆಯನ್ನೂ ಚೆನ್ನಾಗಿಟ್ಟುಕೊಳ್ಳಬೇಕು ಎಂದು ನೆನಪಿಸಿದ್ದರು.

    ಅದನ್ನು ಪ್ರೀತಿಯಂದಲೇ ಸ್ವೀಕರಿಸಿದ ಕಿಚ್ಚ ಸುದೀಪ್, ಪೈಲ್ವಾನ್ ಚಿತ್ರದ ಶೂಟಿಂಗ್ ಮುಗಿಯೋದ್ರೊಳಗೆ ಇನ್ನೂ 5 ಕೆಜಿ ತೂಕ ಇಳಿಸುತ್ತೇನೆ ಎಂದಿದ್ದರು. ಈಗ ಅದನ್ನು ಟ್ರೆಂಡ್ ಮಾಡಿದ್ದಾರೆ ಸುದೀಪ್.

    ಇದನ್ನು ನಾವು ಸಿಂಪಲ್ಲಾಗಿ ಪೈಲ್ವಾನ್ ಚಾಲೆಂಜ್ ಅನ್ನೋಣ. ಇದರ ಪ್ರಕಾರ, ಪ್ರತಿಯೊಬ್ಬರೂ ವ್ಯಾಯಾಮ ಮಾಡುತ್ತಾ, ತಮ್ಮ ದೇದದಾಡ್ರ್ಯತೆಯ ಪ್ರತಿ ತಿಂಗಳ ಫೋಟೋ ಅಪ್‍ಲೋಡ್ ಮಾಡಬೇಕು. ವಿವರ ಕೊಡಬೇಕು. ಅದು ಇನ್ನೊಬ್ಬರಿಗೆ ಸ್ಫೂರ್ತಿಯಾಗಬೇಕು. ಸದ್ಯಕ್ಕೆ ಸುದೀಪ್ ಅನೂಪ್ ಭಂಡಾರಿ, ಕಾರ್ತಿಕ್ ಗೌಡ, ಪವನ್ ಒಡೆಯರ್, ರಾಜೀವ್ ಅವರನ್ನು ನಾಮಿನೇಟ್ ಮಾಡಿದ್ದಾರೆ. ಮುಂದುವರಿಯಲಿ ಪೈಲ್ವಾನ್ ಚಾಲೆಂಜ್.

  • ಸುನಿಲ್ ಕುಮಾರ್ ದೇಸಾಯಿಗೆ ಸುದೀಪ್ ಅಭಿಮಾನದ ಸ್ಪರ್ಶ

    sudeep's heartfelt message to sunil kumar desai

    sಸುನಿಲ್ ಕುಮಾರ್ ದೇಸಾಯಿ. ತರ್ಕ ಚಿತ್ರದ ಮೂಲಕ ನಿರ್ದೇಶಕರಾದ ದೇಸಾಯಿ, ಉತ್ಕರ್ಷ, ಸಂಘರ್ಷ, ನಿಷ್ಕರ್ಷ, ಬೆಳದಿಂಗಳ ಬಾಲೆ, ನಮ್ಮೂರ ಮಂದಾರ ಹೂವೆ, ಪ್ರೇಮ ರಾಗ ಹಾಡು ಗೆಳತಿ.. ಹೀಗೆ ಹಲವು ಹಿಟ್ ಸಿನಿಮಾ ಕೊಟ್ಟವರು. ದೇಸಾಯಿಯವರು ಕನ್ನಡ ಚಿತ್ರರಂಗಕ್ಕೆ ನೀಡಿದ ಮತ್ತೊಂದು ಕೊಡುಗೆ ಸುದೀಪ್.

    ಸುದೀಪ್‍ರ ಮೊದಲ ಚಿತ್ರ ಸ್ಪರ್ಶ ಅಲ್ಲ. ಅವರು ಮೊದಲು ನಟಿಸಿದ್ದು ಬ್ರಹ್ಮ ಚಿತ್ರದಲ್ಲಿ. ಅದು ಟೇಕಾಫ್ ಆಗದೇ ತಾಯವ್ವ ಮೂಲಕ ಹೀರೋ ಆದರು. ನಂತರ ಇದೇ ದೇಸಾಯಿಯವರ ಪ್ರತ್ಯರ್ಥ ಚಿತ್ರದಲ್ಲಿ ಪೋಷಕ ನಟರಾಗಿ ಕಾಣಿಸಿಕೊಂಡರು. ಅದಾದ ಮೇಲೆ ದೇಸಾಯಿಯವರು ಸ್ಪರ್ಶ ಚಿತ್ರ ಮಾಡಿದ್ದು. ಆ ಚಿತ್ರ.. ಸುದೀಪ್‍ರನ್ನು ಕನ್ನಡ ಚಿತ್ರರಂಗ ತಿರುಗಿ ನೋಡುವಂತೆ ಮಾಡಿತು. ಅದಾದ ನಂತರ ಬಂದ ಹುಚ್ಚ ಅವರನ್ನು ಕಿಚ್ಚನನ್ನಾಗಿಸಿತು. ಅದು ಇತಿಹಾಸ. 

    ಹೀಗಾಗಿಯೇ ಚಿತ್ರರಂಗದಲ್ಲಿ ತಮಗೊಂದು ಗುರುತು ನೀಡಿದ ದೇಸಾಯಿಯವರ ಹುಟ್ಟುಹಬ್ಬಕ್ಕೆ ಸುದೀಪ್ ವಿಶೇಷವಾಗಿ ವಿಶ್ ಮಾಡಿದ್ದಾರೆ. `ನನ್ನನ್ನು ನಾನು ಕಂಡುಕೊಳ್ಳಲು, ಸಿನಿಮಾವನ್ನು ಪ್ರೀತಿಸಲು, ಗುರಿಗಳನ್ನು ಮುಟ್ಟುವುದು ಹೇಗೆ ಎಂದು ಕಲಿಸಿಕೊಟ್ಟ ದೇಸಾಯಿ ಸರ್‍ಗೆ ಶುಭ ಹಾರೈಕೆಗಳು. ಅವರು ಇನ್ನೂ ಇನ್ನೂ ಒಳ್ಳೆಯ ಸಿನಿಮಾಗಳನ್ನು ಮಾಡುತ್ತಿರಲಿ' ಎಂದು ಶುಭ ಕೋರಿದ್ದಾರೆ ಕಿಚ್ಚ.

    63ನೇ ವರ್ಷಕ್ಕೆ ಕಾಲಿಟ್ಟ ಸುನಿಲ್ ಕುಮಾರ್ ದೇಸಾಯಿಯವರಿಗೆ ಹುಟ್ಟುಹಬ್ಬದ ಶುಭ ಕಾಮನೆಗಳು.

  • ಸುಮಕ್ಕನಿಗೆ ಕಿಚ್ಚನ ಹಾರೈಕೆ

    sudeeo wishes sumalatha

    ಮಂಡ್ಯದಿಂದ ಸ್ವತಂತ್ರವಾಗಿ ಸ್ಪರ್ಧಿಸಲು ಹೊರಟಿರುವ ಸುಮಲತಾ ಅಂಬರೀಷ್ ಅವರಿಗೆ ಕಿಚ್ಚ ಸುದೀಪ್ ಶುಭ ಹಾರೈಸಿದ್ದಾರೆ. ಶುಭವಾಗಲಿ ಅಕ್ಕಾ.. ಅಂಬರೀಷ್ ಮಾಮಾ ನಿಮ್ಮ ಜೊತೆಯಲ್ಲಿದ್ದಾರೆ. ನಿಮ್ಮ ಶಕ್ತಿ ಅವರೇ. ಅವರಿಗೆ ಶಕ್ತಿಯಾಗಿದ್ದ ಅದೇ ಜನ, ಈಗ ನಿಮ್ಮ ಜೊತೆಗಿರುತ್ತಾರೆ. ಅವರ ಸೇವೆ ಮಾಡುವ ನಿಮ್ಮ ಪ್ರಯತ್ನಕ್ಕೆ ಶುಭವಾಗಲಿ ಎಂದು ಹಾರೈಸಿದ್ದಾರೆ.

    ಸುದೀಪ್ ಹಾರೈಕೆಗೆ ಧನ್ಯವಾದ ಹೇಳಿರುವ ಸುಮಲತಾ, ನಿನ್ನ ಈ ಮಾತು ನನ್ನ ಆತ್ಮಸ್ಥೈರ್ಯ ಹೆಚ್ಚಿಸಿದೆ ಎಂದಿದ್ದಾರೆ.

  • ಸುಲ್ತಾನ್ ಮತ್ತು ಪೈಲ್ವಾನ್ ಜಂಘೀಕುಸ್ತಿ

    pailwan meets sultan

    ಪೈಲ್ವಾನ್ ಚಿತ್ರದೊಂದಿಗೆ ದೇಶಾದ್ಯಂತ ಸದ್ದು ಮಾಡ್ತಿದ್ದಾರೆ ಕಿಚ್ಚ ಸುದೀಪ್. ಇನ್ನು ಬಾಲಿವುಡ್ ಸುಲ್ತಾನ್, ಸಲ್ಮಾನ್ ಖಾನ್ ಕೂಡಾ ಪೈಲ್ವಾನನಾಗಿ ಅಬ್ಬರಿಸಿದ್ದವರು. ಅವರಿಬ್ಬರೂ ಈಗ ಕುಸ್ತಿಗೆ ಬಿದ್ದಿದ್ದಾರೆ. ಈ ಫೋಟೋ ಹೊರಬಿಟ್ಟಿರೋದು ಕಿಚ್ಚ ಸುದೀಪ್.

    `ಇದು ಮತ್ತೊಂದು ಪೋಸ್ಟರ್ ಅಲ್ಲ. ಸಲ್ಮಾನ್ ಖಾನ್ ತಮ್ಮ ಪ್ರೀತಿಪಾತ್ರರ ಜೊತೆ ಇರುವುದೇ ಹೀಗೆ. ನಿಮ್ಮ ಬದುಕಿನಲ್ಲಿ ನನಗೆ ಈ ಸ್ಥಾನ ನೀಡಿದ್ದಕ್ಕೆ ಧನ್ಯವಾದಗಳು ಸರ್' ಎಂದು ಬರೆದುಕೊಂಡಿದ್ದಾರೆ ಸುದೀಪ್.

    ಕಿಚ್ಚ ಸುದೀಪ್, ಪೈಲ್ವಾನ್ ಕೃಷ್ಣ ಕಾಂಬಿನೇಷನ್ನಿನ ಪೈಲ್ವಾನ್ ಚಿತ್ರಕ್ಕೆ ಸಲ್ಮಾನ್ ಖಾನ್ ಶುಭ ಕೋರಿದ್ದಾರೆ. ಸಲ್ಮಾನ್ ಖಾನ್‍ಗೂ  ಪೈಲ್ವಾನ್ ಟ್ರೇಲರ್ ಬಹಳ ಇಷ್ಟವಾಗಿದೆ. ಪೈಲ್ವಾನ್ ಸೆಪ್ಟೆಂಬರ್ 12ರಂದು ರಿಲೀಸ್ ಆಗುತ್ತಿದೆ.

  • ಸೆಪ್ಟೆಂಬರ್‍ನಲ್ಲಿ ವಿಲನ್, ಕೆಜಿಎಫ್ ಮುಖಾಮುಖಿ..?

    will the villain and kgf release together?

    ಶಿವರಾಜ್‍ಕುಮಾರ್, ಸುದೀಪ್, ಜೋಗಿ ಪ್ರೇಮ್ ಹಾಗೂ ನಿರ್ಮಾಪಕ ಸಿ.ಆರ್.ಮನೋಹರ್ ಕಾಂಬಿನೇಷನ್ ಸಿನಿಮಾ ದಿ ವಿಲನ್. ಶೂಟಿಂಗ್ ಮುಗಿಸಿ ಸೆನ್ಸಾರ್ ಮೆಟ್ಟಿಲೇರಿದೆ.

    ಯಶ್, ಪ್ರಶಾಂತ್ ನೀಲ್, ವಿಜಯ್ ಕಿರಗಂದೂರು ಕಾಂಬಿನೇಷನ್‍ನ ಕೆಜಿಎಫ್ ಚಿತ್ರ ಕೂಡಾ ಶೂಟಿಂಗ್ ಮುಗಿಸಿ, ಎಡಿಟಿಂಗ್ ಫೈನಲ್ ಸ್ಟೇಜ್‍ನಲ್ಲಿದೆ.

    ಎರಡೂ ಕನ್ನಡದ ಬಹುನಿರೀಕ್ಷಿತ ಚಿತ್ರಗಳು. ಈ ಎರಡೂ ಚಿತ್ರಗಳು ಸೆಪ್ಟೆಂಬರ್‍ನಲ್ಲಿಯೇ ಮುಖಾಮುಖಿಯಾಗುವ ಸಾಧ್ಯತೆ ಇದೆ. ವಿಲನ್ ಚಿತ್ರದ ಆಡಿಯೋ ರಿಲೀಸ್‍ಗೆ ಭರ್ಜರಿ ವೇದಿಕೆ ಸಿದ್ಧವಾಗಿದ್ದು, ಸೆಪ್ಟೆಂಬರ್ ಮೊದಲ ವಾರದಲ್ಲೇ ತೆರೆಗೆ ಬಂದರೆ ಅಚ್ಚರಿಯಿಲ್ಲ. ಕೆಜಿಎಫ್ ಸೆಪ್ಟೆಂಬರ್ ಕೊನೆಯಲ್ಲಿ ರಿಲೀಸ್ ಆಗುವ ಸಾಧ್ಯತೆಯೂ ಇಲ್ಲದಿಲ್ಲ. ಒಟ್ಟಿನಲ್ಲಿ ಸೆಪ್ಟೆಂಬರ್ ನಂತರ ಕನ್ನಡ ಚಿತ್ರರಂಗದಲ್ಲಿ ಸ್ಟಾರ್ ಚಿತ್ರಗಳದ್ದೇ ಹಬ್ಬ.

  • ಸೈರಾಗೆ ಸುದೀಪ್ ಸೈ ಎಂದಿದ್ದಕ್ಕೆ ಕಾರಣ ಆ ನಿರ್ದೇಶಕ..!

    sudeep agress for saira

    ಸುದೀಪ್, ತೆಲುಗಿನ ಉಯ್ಯಾಲವಾಡ ನರಸಿಂಹ ರೆಡ್ಡಿ ಅವರ ಜೀವನಾಧಾರಿತ ಚಿತ್ರ ಸೈರಾದಲ್ಲಿ ನಟಿಸುತ್ತಾರಾ..? ಮೆಗಾಸ್ಟಾರ್ ಚಿರಂಜೀವಿ ಅಭಿನಯದ 151ನೇ ಸಿನಿಮಾ ಆಗಿರುವ ಈ ಚಿತ್ರವನ್ನು ಸುದೀಪ್ ಕೈಬಿಟ್ಟರಂತೆ ಎಂಬ ಸುದ್ದಿಗಳೇ ಹರಿದಾಡುತ್ತಿದ್ದವು. ಈಗ ಅದಕ್ಕೆ ವ್ಯತಿರಿಕ್ತ ಎನ್ನುವಂತೆ ಸುದೀಪ್ ಸೈರಾ ಚಿತ್ರವನ್ನು ಒಪ್ಪಿಕೊಂಡಿದ್ದಾರೆ ಎಂಬ ಸುದ್ದಿ ಬಂದಿದೆ. ಇಷ್ಟಕ್ಕೂ ಸುದೀಪ್ ಅವರನ್ನು ಸೈರಾ ಚಿತ್ರಕ್ಕೆ ಒಪ್ಪಿಸಿರುವುದು ನಿರ್ದೇಶಕ ಸುರೀಂದರ್ ರೆಡ್ಡಿ.

    ಉಯ್ಯಾಲವಾಡ ನರಸಿಂಹ ರೆಡ್ಡಿ, ತೆಲುಗು ನೆಲದ ಸ್ವಾತಂತ್ರ್ಯ ಹೋರಾಟಗಾರನಲ್ಲ. ಆತ ಭಾರತದ ಮೊದಲ ಸ್ವಾತಂತ್ರ್ಯ ಹೋರಾಟಗಾರ. ಹಲವು ವರ್ಷಗಳ ಹಿಂದೆ, ಕೇಂದ್ರ ಸರ್ಕಾರವೇ ಘೋಷಣೆ ಮಾಡಿದೆ. ಹೀಗಾಗಿ ಇದು ನ್ಯಾಷನಲ್ ಲೀಡರ್ ಸಿನಿಮಾ. ಹೀಗಾಗಿಯೇ ಬೇರೆ ಬೇರೆ ಭಾಷೆಗಳಿಂದ ಅತ್ಯುತ್ತಮ ನಟರನ್ನು ಆಯ್ಕೆ ಮಾಡಿಕೊಳ್ಳುತ್ತಿದ್ದೇವೆ. ಹಿಂದಿಯಿಂದ ಅಮಿತಾಭ್ ಬರುತ್ತಿದ್ದಾರೆ. ಕನ್ನಡದಿಂದ  ನೀವು ಬರಲೇಬೇಕು. ಈ ಚಿತ್ರ ಅಂತಾರಾಷ್ಟ್ರೀಯ ಮಟ್ಟಕ್ಕೆ ಹೋಗಬೇಕು. ಪ್ರತಿಯೊಬ್ಬರಿಗೂ ಉಯ್ಯಾಲವಾಡ ನರಸಿಂಹ ರೆಡ್ಡಿಯ ಹೋರಾಟದ ಪರಿಚಯವಾಗಬೇಕು. ಹೀಗಾಗಿ ನೀವು ಒಪ್ಪಿಕೊಳ್ಳಲೇಬೇಕು ಎಂದು ಹಠ ಹಿಡಿದಿದ್ದಾರೆ ನಿರ್ದೇಶಕ ಸುರೀಂದರ್ ರೆಡ್ಡಿ.

    ನಿರ್ದೇಶಕರ ಒತ್ತಾಯಕ್ಕೆ ಮಣಿದ ಸುದೀಪ್, ಕೊನೆಗೂ ಸೈರಾಗೆ ಓಕೆ ಎಂದಿದ್ದಾರೆ. ಸದ್ಯಕ್ಕೆ ಸುದೀಪ್ ಎಷ್ಟೊಂದು ಬ್ಯುಸಿಯೆಂದರೆ, ಸದ್ಯಕ್ಕೆ ದಿ ವಿಲನ್ ಬಿಡುವಿಲ್ಲದಂತೆ ಶೂಟ್ ಆಗುತ್ತಿದೆ. ಜನವರಿ ಆರಂಭದಲ್ಲಿ ಪೈಲ್ವಾನ್ ಚಿತ್ರ ಶುರುವಾಗಬೇಕು. ಅದರ ಮಧ್ಯೆ ಕೋಟಿಗೊಬ್ಬ 3 ಶೂಟಿಂಗ್ ಕೂಡಾ ನಡೆಯಬೇಕು. ಅಂಬಿ ನಿಂಗೆ ವಯಸ್ಸಾಯ್ತೋ ಚಿತ್ರಕ್ಕೂ ಟೈಂ ಹೊಂದಿಸಿಕೊಳ್ಳಬೇಕು. ಹಾಲಿವುಡ್‍ನ ರೈಸನ್ ಚಿತ್ರ ಕೂಡಾ ಕ್ಯೂನಲ್ಲಿರುತ್ತೆ. 

    ಇವೆಲ್ಲದರ ಮಧ್ಯೆ ಸೈರಾಗೆ ಡೇಟ್ಸ್ ಹೊಂದಿಸಿಕೊಳ್ಳಬೇಕಿದೆ ಕಿಚ್ಚ ಸುದೀಪ್.

    ಅಂದಹಾಗೆ, ನಮ್ಮಲ್ಲಿ ಸಂಗೊಳ್ಳಿ ರಾಯಣ್ಣ ಹೇಗೋ, ಹಾಗೆಯೇ ಆಂಧ್ರಪ್ರದೇಶದಲ್ಲಿ ಉಯ್ಯಾಲವಾಡ ನರಸಿಂಹ ರೆಡ್ಡಿ. ಆತನ ಹೋರಾಟದ ಬಗ್ಗೆ ದಂತಕತೆಗಳೇ ಇವೆ. ಆತನನ್ನು ತೆಲುಗರು ಸೈರಾ ಎಂದೇ ಕರೆಯುತ್ತಾರೆ. ಆ ಪಾತ್ರ ನಿರ್ವಹಿಸುತ್ತಿರುವುದು  ಚಿರಂಜೀವಿ. ಸುದೀಪ್ ಪಾತ್ರ ಏನು ಎಂಬ ಕುತೂಹಲ ಇನ್ನೂ ಚಾಲ್ತಿಯಲ್ಲಿದೆ. 

Shivarjun Movie Gallery

KFCC 75Years Celebrations and Logo Launch Gallery