` sudeep - chitraloka.com | Kannada Movie News, Reviews | Image

sudeep

  • ಶಿವಣ್ಣ ಜೊತೆ ಹೆಜ್ಜೆ ಹಾಕಿದ ಸುಂದರಿಯರ ಮಾತು

    shivanna dances sandalwood beauties

    ಹ್ಯಾಟ್ರಿಕ್ ಹೀರೋ ಶಿವರಾಜ್‍ಕುಮಾರ್, ಅದ್ಭುತ ಡ್ಯಾನ್ಸರ್ ಎಂಬುದು ಕನ್ನಡಿಗರೆಲ್ಲರಿಗೂ ಗೊತ್ತಿರುವ ವಿಚಾರವೇ. ದಿ ವಿಲನ್ ಚಿತ್ರದಲ್ಲಿ ಶಿವಣ್ಣ ಜೊತೆ ಹಲವು ಸುಂದರಿಯರು ಹೆಜ್ಜೆ ಹಾಕಿದ್ದಾರೆ. ರಚಿತಾ ರಾಮ್, ಶ್ರದ್ಧಾ ಶ್ರೀನಾಥ್, ರಾಧಿಕಾ ಚೇತನ್, ಭಾವನಾ ರಾವ್, ಸಂಯುಕ್ತಾ ಹೊರನಾಡು, ಶಾನ್ವಿ ಶ್ರೀವಾಸ್ತವ್.. ಶಿವಣ್ಣ ಜೊತೆ ಸ್ಟೆಪ್ ಹಾಕಿರುವ ನಟಿಯರು. ಇವರಿಗೆಲ್ಲ ಒನ್ಸ್ ಎಗೇಯ್ನ್ ಅಚ್ಚರಿಯಾಗಿರುವುದು ಶಿವರಾಜ್‍ಕುಮಾರ್ ಅವರ ಎನರ್ಜಿ. 

    ಶಿವಣ್ಣ ಜೊತೆ ಕಾಣಿಸಿಕೊಳ್ಳೋದೇ ಹೆಮ್ಮೆಯ ಸಂಗತಿ. ನಾನಂತೂ ಎಕ್ಸೈಟ್ ಆಗಿದ್ದೇನೆ. ನರ್ವಸ್ ಕೂಡಾ ಆಗಿದ್ದೇನೆ.

    ರಾಧಿಕಾ ಚೇತನ್

    ಇದು ಸುದೀಪ್, ಶಿವರಾಜ್‍ಕುಮಾರ್ ಸಿನಿಮಾ ಅನ್ನೋ ಕಾರಣಕ್ಕೆ ಒಪ್ಪಿಕೊಂಡೆ. ಶೂಟಿಂಗ್ ತುಂಬಾ ಚೆನ್ನಾಗಿತ್ತು. ಆದರೆ, ಶಿವಣ್ಣ ತುಂಬಾ ಫಾಸ್ಟ್ ಆಗಿ ಡ್ಯಾನ್ಸ್ ಮಾಡ್ತಾರೆ. ಅವರ ವೇಗಕ್ಕೆ ತಕ್ಕಂತೆ ಹೆಜ್ಜೆ ಹಾಕೋದು ಕಷ್ಟ.

    ಶ್ರದ್ಧಾ ಶ್ರೀನಾಥ್

    ಹಾಡು ರಿಚ್ ಆಗಿ ಮೂಡಿಬಂದಿದೆ. ಇನ್ನೂ ಕೆಲವು ಇಂಟ್ರೆಸ್ಟಿಂಗ್ ವಿಷಯಗಳಿವೆ. ಸದ್ಯಕ್ಕೆ ಅವುಗಳನ್ನು ನಾವು ಬಹಿರಂಗಪಡಿಸುವ ಹಾಗಿಲ್ಲ. 

    ಭಾವನಾ ರಾವ್

    ಶಿವಣ್ಣ ಅವರ ಎನರ್ಜಿಗೆ ತಕ್ಕಂತೆ ಸ್ಟೆಪ್ ಹಾಕೋದು ಅಷ್ಟು ಸುಲಭ ಅಲ್ಲ. ನನಗೆ ಶೂಟಿಂಗ್ ವೇಳೆ ಕಾಲಿಗೆ ಸ್ವಲ್ಪ ಗಾಯವಾಗಿತ್ತು. ಇದರಿಂದಾಗಿ ವೇಗವಾಗಿ ಹೆಜ್ಜೆ ಹಾಕೋಕೆ ಆಗ್ತಾ ಇರಲಿಲ್ಲ. ಆದರೆ, ಶೂಟಿಂಗ್ ಮುಗಿದ ಮೇಲೆ ಗೊತ್ತಾಗಿದ್ದೇನೆಂದರೆ, ಶಿವಣ್ಣಂಗೂ ಅದೇ ರೀತಿ ಆಗಿತ್ತು. ಆದರೆ, ಅದನ್ನು ಅವರು ತೋರಿಸಿಕೊಳ್ಳಲೇ ಇಲ್ಲ. 

    ಶಾನ್ವಿ ಶ್ರೀವಾಸ್ತವ್

    Related Articles :-

    ಶಿವಣ್ಣ ಜೊತೆಗೆ ಡ್ಯಾನ್ಸ್‍ಗೆ ಸ್ಯಾಂಡಲ್‍ವುಡ್ ಸುಂದರಿಯರು..!

  • ಶಿವಣ್ಣ ಸ್ಟಂಟ್ಸ್‍ಗೆ ವಿಲನ್ ಟೀಂ ಫಿದಾ

    shivarajkumar, prem

    ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಸ್ಟಂಟ್ಸ್‍ಗಳನ್ನು ಡ್ಯೂಪ್ ಇಲ್ಲದೆ ಮಾಡ್ತಾರೆ ಅನ್ನೋದು ಹೊಸ ಸುದ್ದಿಯೇನೂ ಅಲ್ಲ. ಆದರೆ, ಈಗ.. 50 ದಾಟಿದ ಮೇಲೂ ಶಿವರಾಜ್ ಕುಮಾರ್ ಅವರು ಅದೇ ರೀತಿ ಡ್ಯೂಪ್ ಇಲ್ಲದೆ ಸ್ಟಂಟ್ ಮಾಡ್ತಾರೆ ಅಂದ್ರೆ, ಅಚ್ಚರಿ ಆಗದೇ ಇರುತ್ತಾ..?

    ದಿ ವಿಲನ್ ಚಿತ್ರದ ಸಾಹಸ ದೃಶ್ಯಗಳ ಶೂಟಿಂಗ್ ವೇಳೆ ಖುದ್ದು ನಿರ್ದೇಶಕ ಪ್ರೇಮ್ ಕೂಡಾ ಬೆರಗಾಗುವಂತೆ, ಸಾಹಸ ನಿರ್ದೇಶಕರು ಅಚ್ಚರಿ ಪಡುವಂತೆ ಸ್ಟಂಟ್ಸ್ ಮಾಡಿದ್ದಾರೆ ಶಿವರಾಜ್ ಕುಮಾರ್. ಅದೂ ಡ್ಯೂಪ್ ಇಲ್ಲದೆ.

    ಬ್ಯಾಂಕಾಕ್‍ನಲ್ಲಿ ಚಿತ್ರದ ಈ ಸಾಹಸ ದೃಶ್ಯಗಳ ಶೂಟಿಂಗ್ ನಡೆದಿದ್ದು, ಈ ಸಾಹಸವನ್ನು ಪಾರ್ಕರ್ ಚೇಸ್ ಎಂದು ಕರೀತಾರಂತೆ. ಯುವಕರ ಗ್ಯಾಂಗ್‍ನ್ನು ಬೆನ್ನತ್ತಿ ಹಿಡಿಯುವ ದೃಶ್ಯ ಅದು. ಭಾಗವಹಿಸಿದ್ದವರೆಲ್ಲ 25ರ ವಯಸ್ಸಿನ ಯುವಕರು. ಅವರೆಲ್ಲರನ್ನೂ ದಾಟಿ, ಶತ್ರುಗಳನ್ನು ಹಿಡಿಯುವ ದೃಶ್ಯದಲ್ಲಿ ಶಿವಣ್ಣ ಲೀಲಾಜಾಲವಾಗಿ ಅಭಿನಯಿಸಿದ್ದಾರೆ. 

  • ಶಿವಣ್ಣ, ಸುದೀಪ್ ಇಬ್ಬರಲ್ಲಿ ರಿಯಲ್ ವಿಲನ್ ಯಾರು..?

    who is the real villain in the villain

    ದಿ ವಿಲನ್ ಚಿತ್ರದ ಟ್ರೈಲರ್ ಹಾಗೂ ಹಾಡಿನ ಲಿರಿಕಲ್ ವಿಡಿಯೋಗಳನ್ನಷ್ಟೇ ಹೊರಬಿಟ್ಟಿರುವ ದಿ ವಿಲನ್ ಟೀಂ, ಒಂದು ಬಹುದೊಡ್ಡ ಪ್ರಶ್ನೆಯನ್ನು ಹಾಗೆಯೇ ಉಳಿಸಿಬಿಟ್ಟಿದೆ. ಕನ್ನಡ ಚಿತ್ರರಂಗದ ಇಬ್ಬರು ಸೂಪರ್‍ಸ್ಟಾರ್‍ಗಳನ್ನಿಟ್ಟುಕೊಂಡು ದಿ ವಿಲನ್ ಅನ್ನೋ ಟೈಟಲ್ ಇಟ್ಟು ಸಿನಿಮಾ ಮಾಡಿರುವ ಜೋಗಿ ಪ್ರೇಮ್, ಚಿತ್ರದಲ್ಲಿ ವಿಲನ್ ಯಾರು ಅನ್ನೋ ಗುಟ್ಟನ್ನು ಮಾತ್ರ ಬಿಟ್ಟುಕೊಟ್ಟಿಲ್ಲ. ಆ ಗುಟ್ಟನ್ನು ಅಕ್ಟೋಬರ್ 1ರಂದು ರಟ್ಟು ಮಾಡಲಿದ್ದಾರಂತೆ.

    ಅರೆ.. ಸಿನಿಮಾ ರಿಲೀಸ್ ಆಗೋದು ಅಕ್ಟೋಬರ್ 18ಕ್ಕೆ. ಅಕ್ಟೋಬರ್ 1ಕ್ಕೇ ಹೇಗೆ ರಟ್ಟು ಮಾಡ್ತಾರೆ ಅಂತಿರಾ..? ಅದು ಪ್ರೇಮ್ ಸ್ಟೈಲ್. ಅ.1ನೇ ತಾರೀಕು ಚಿತ್ರದ ಇನ್ನೊಂದು ಟ್ರೈಲರ್ ರಿಲೀಸ್ ಆಗಲಿದೆ. ಅದು ಶಿವಣ್ಣ ಮತ್ತು ಸುದೀಪ್ ಪಾತ್ರಗಳು ಮುಖಾಮುಖಿಯಾಗುವ ಟ್ರೈಲರ್. ಅದನ್ನು ಸೂಕ್ಷ್ಮವಾಗಿ ನೋಡಿದರೆ ವಿಲನ್ ಯಾರು ಅನ್ನೋ ಸೀಕ್ರೆಟ್‍ಗೆ ಉತ್ತರ ಸಿಗಲಿದೆ ಎಂದಿದ್ದಾರೆ ಪ್ರೇಮ್.

    ಸಿ.ಆರ್.ಮನೋಹರ್ ನಿರ್ಮಾಣದ ಈ ಅದ್ಧೂರಿ ಸಿನಿಮಾದಲ್ಲಿ ಬಾಲಿವುಡ್, ಹಾಲಿವುಡ್ ತಾರೆಯರೆಲ್ಲ ನಟಿಸಿದ್ದಾರೆ. ಸಿನಿಮಾಗೆ ಅಡ್ವಾನ್ಸ್ ಬುಕಿಂಗ್ ಯಾವಾಗ ಅನ್ನೋದು ಅಕ್ಟೋಬರ್ 2ರಂದು ಗೊತ್ತಾಗಲಿದೆಯಂತೆ.

  • ಶಿವಣ್ಣಂದೂ ವಿಲನ್ ಲುಕ್ಕೇ.. ಹಾಗಾದ್ರೆ..

    shivarajkumar's look too creates curiosity

    ಕಿಚ್ಚ ಸುದೀಪ್ ಅವರ ಒಂದು ಫಸ್ಟ್ ಲುಕ್ ನೋಡಿದವರಿಗೆ, ದಿ ವಿಲನ್ ಸಿನಿಮಾದಲ್ಲಿ ಸುದೀಪ್ ಅವರೇ ವಿಲನ್ ಇರಬೇಕು ಅನ್ನಿಸೋದು ಸಹಜ. ಆದರೆ, ಒಂದ್ಸಲ ಈ ಫೋಟೋ ನೋಡಿ, ಇದು ಶಿವರಾಜ್‍ಕುಮಾರ್ ಅವರದ್ದು.

    ಸುದೀಪ್ ಬ್ಲಾಕ್ ಡ್ರೆಸ್ ಮತ್ತು ರಗಡ್ ಲುಕ್‍ನಲ್ಲಿದ್ದರೆ, ಶಿವಣ್ಣಂದು ಇನ್ನೂ ರಗಡ್ ಲುಕ್ಕು. ಉದ್ದನೆಯ ಕೂದಲು, ತಲೆಗೊಂದು ಸ್ಕಾರ್ಫ್, ಬಿಳಿಬಿಳಿಯಾದ ಕುರುಚಲು ಗಡ್ಡ, ಕಣ್ಣಿಗೆ ದಪ್ಪನೆಯ ಕನ್ನಡಕ, ಜೀನ್ಸ್ ಜಾಕೆಟ್ಟು.. 

    ಈ ಲುಕ್ ನೋಡಿದ್ರೆ, ಶಿವರಾಜ್ ಕುಮಾರ್ ಅವರೇ ವಿಲನ್ ಇರಬೇಕು ಅನ್ನಿಸೋದು ಸಹಜ. ನಿರ್ದೇಶಕ ಪ್ರೇಮ್ ಬಾಯ್ಬಿಡಲ್ಲ, ಬಾಯಿಬಿಟ್ಟರೂ ಇನ್ನಷ್ಟು ಹುಳ ಬಿಡ್ತಾರೆ. ಕಿಚ್ಚ ಸುದೀಪ್ ಹೇಳಲ್ಲ, ಶಿವರಾಜ್‍ಕುಮಾರ್ ಕೂಡಾ ಡೈರೆಕ್ಟರ್ ಕಡೆ ಬೆರಳು ತೋರಿಸ್ತಾರೆ.

    ಒಟ್ಟಿನಲ್ಲಿ ದಿ ವಿಲನ್ ಸಿನಿಮಾ ಹೇಗಿದೆ ಅನ್ನೋದನ್ನ ತಿಳಿಯೋಕೆ ರಿಲೀಸ್‍ವರೆಗೂ ಕಾಯೋದು ಅನಿವಾರ್ಯ.

    Related Articles :-

    ಫಸ್ಟ್ ಲುಕ್ ತೋರಿಸಿ ಮತ್ತೆ ಹುಳ ಬಿಟ್ಟ ಪ್ರೇಮ್

  • ಶಿವಣ್ಣನ ಎಂಟ್ರಿಗೇ 6 ಹೀರೋಯಿನ್ಸ್..!

    shivarajkumar image from the villain

    ಶಿವರಾಜ್ ಕುಮಾರ್ ಮತ್ತು ಸುದೀಪ್ ಅಭಿನಯದ ದಿ ವಿಲನ್ ಚಿತ್ರದ ಚಿತ್ರೀಕರಣ ಬಿರುಸಾಗಿ ಸಾಗುತ್ತಿದೆ. ಈಗಾಗಲೇ ಕಿಚ್ಚ ಸುದೀಪ್ ಎಂಟ್ರಿ ಸೀನ್ ಶೂಟಿಂಗ್ ಆಗಿದೆಯಂತೆ. ಈಗ ಆಗಬೇಕಿರೋದು ಶಿವಣ್ಣ ಎಂಟ್ರಿ ಸೀನ್. ಶಿವರಾಜ್ ಕುಮಾರ್ ಎಂಟ್ರಿ ಸೀನ್ ಕೂಡಾ ಗ್ರ್ಯಾಂಡ್ ಆಗಿಯೇ ಇರಬೇಕು ಎಂದು ಪ್ಲಾನ್ ಮಾಡಿರುವ ನಿರ್ದೇಶಕ ಪ್ರೇಮ್, ಅದಕ್ಕಾಗಿ 6 ನಾಯಕಿಯರನ್ನು ಸಂಪರ್ಕಿಸಿದ್ದಾರೆ.

    ಸಿನಿಮಾದಲ್ಲಿರುವುದು ಒಬ್ಬರೇ ನಾಯಕಿ. ಆ್ಯಮಿ ಜಾಕ್ಸನ್. ಆದರೆ, ಶಿವಣ್ಣನ ಇಂಟ್ರೊಡಕ್ಷನ್ ಸಾಂಗ್‍ನಲ್ಲಿ ಮಾತ್ರ 6 ಜನ ಹೀರೋಯಿನ್ಸ್ ಹೆಜ್ಜೆ ಹಾಕಲಿದ್ದಾರೆ. ಅವರು ಯಾರು ಅನ್ನೋದು ಪ್ರೇಮ್‍ಗಷ್ಟೇ ಗೊತ್ತಿರುವ ಸೀಕ್ರೆಟ್.

  • ಶಿವಣ್ಣನ ಮಾಸ್‍ಲೀಡರ್‍ಗೆ ಮೊದಲ ಪ್ರೇಕ್ಷಕರಾದ ಕಿಚ್ಚ ಸುದೀಪ್ 

    sudeep becomes first audience for mass leader

    ಕಿಚ್ಚ ಸುದೀಪ್ ಸುಮ್ಮನೆ ಕೂರುವವರೇ ಅಲ್ಲ. ಏನಾದರೊಂದು ಮಾಡುತ್ತಲೇ ಇರುತ್ತಾರೆ. ಅವರಿಗೆ ಇಷ್ಟವಾಗಬೇಕಷ್ಟೆ. ಈಗಲೂ ಅಷಞÉ್ಟ. ಶಿವರಾಜ್ ಕುಮಾರ್ ಅಭಿನಯದ ಮಾಸ್ ಲೀಡರ್ ಚಿತ್ರದ ಟ್ರೇಲರ್ ಮತ್ತು ಶಿವಣ್ಣನ ಲುಕ್ ಸುದೀಪ್‍ಗೆ ಇಷ್ಟವಾಗಿದೆ. ಇಷ್ಟವಾದ ನಂತರ ತಡ ಮಾಡಿಲ್ಲ. ಚಿತ್ರದ ಪ್ರೀಮಿಯರ್ ಶೋ ಏರ್ಪಡಿಸಿಯೇಬಿಟ್ಟಿದ್ದಾರೆ. ತಮ್ಮ ಮನೆಯಲ್ಲೇ. 

    ಸುದೀಪ್ ಮನೆಯಲ್ಲಿ ಮಾಸ್ ಲೀಡರ್ ಚಿತ್ರದ ಪ್ರೀಮಿಯರ್ ಶೋ ಏರ್ಪಡಿಸಿರುವ ಸುದೀಪ್, ಚಿತ್ರವನ್ನು ನೋಡೋಕೆ ಶಿವರಾಜ್ ಕುಮಾರ್ ಅವರನ್ನೂ ಆಹ್ವಾನಿಸಿದ್ರು. ಪತ್ನಿ ಗೀತಾ ಜೊತೆ ಸುದೀಪ್ ಮನೆಯಲ್ಲಿ ತಮ್ಮದೇ ಸಿನಿಮಾ ನೋಡಿದರು ಶಿವರಾಜ್ ಕುಮಾರ್.

    ಅಪ್ಪ ಹೇಗೋ.. ಸುದೀಪ್ ಕೂಡಾ ಹಾಗೆ.. - ಶಿವಣ್ಣ

    ಸುದೀಪ್ ನನಗೆ ಸಹೋದರನಿದ್ದ ಹಾಗೆ. ಅಪ್ಪು ಹೇಗೋ, ಸುದೀಪ್ ಕೂಡಾ ಹಾಗೆ. ಆಗಾಗ್ಗೆ ಬರುತ್ತಲೇ ಇರುತ್ತೇವೆ. ಇದೇನೂ ಹೊಸದಲ್ಲ ಎಂದರು ಶಿವರಾಜ್ ಕುಮಾರ್. ಸುದೀಪ್ ಫೋನ್ ಮಾಡಿ ಸಿನಿಮಾ ನೋಡಬೇಕು ಎಂದಿದ್ದು ಸಂತೋಷವಾಯಿತು ಎಂದಿದ್ದಾರೆ ಶಿವಣ್ಣ.

    ಗೀತಕ್ಕಂಗೆ ಸ್ಪೆಷಲ್ ಥ್ಯಾಂಕ್ಸ್ - ಸುದೀಪ್

    ಶಿವಣ್ಣ ಸಿನಿಮಾವನ್ನು ನನ್ನ ಮನೆಯಲ್ಲಿ ನೋಡಿದ್ದು ತುಂಬಾ ಖುಷಿ ಕೊಟ್ಟಿದೆ.ಇದಕ್ಕೆಲ್ಲ ಕಾರಣ ಗೀತಕ್ಕ. ಗೀತಕ್ಕಂಗೆ ಸ್ಪೆಷಲ್ ಥ್ಯಾಂಕ್ಸ್ ಎಂದರು ಸುದೀಪ್.

    ದಿ ವಿಲನ್ ಚಿತ್ರದಲ್ಲಿ ಒಟ್ಟಾಗಿ ನಟಿಸುತ್ತಿರುವ ಶಿವರಾಜ್ ಕುಮಾರ್ ಮತ್ತು ಸುದೀಪ್ ಸ್ನೇಹ ಸಂಬಂಧ, ಚಿತ್ರರಂಗಕ್ಕೂ ಖುಷಿ...ಅಭಿಮಾನಿಗಳಿಗೂ ಖುಷಿ..

  • ಶೂಟಿಂಗ್..ವರ್ಕೌಟ್.. ಶೂಟಿಂಗ್..ವರ್ಕೌಟ್.. ಶೂಟಿಂಗ್..ವರ್ಕೌಟ್..

    pailwan is a result of hardwork

    ಪೈಲ್ವಾನ್, ಕಿಚ್ಚ ಸುದೀಪ್ ಬಹಳ ಇಷ್ಟಪಟ್ಟು, ಅದಕ್ಕೆ ತಕ್ಕಂತೆ ಕಷ್ಟವನ್ನೂ ಪಟ್ಟು ನಟಿಸಿರುವ ಬಹುನಿರೀಕ್ಷಿತ. ಇಡೀ ಇಂಡಿಯಾದಲ್ಲಿ ತೆರೆ ಕಾಣ್ತಿರೋ ಈ ಚಿತ್ರ ನಟನಾಗಿ ಸುದೀಪ್ ಅವರಿಗೆ ಸವಾಲೂ ಹೌದು. ನಿರ್ದೇಶಕ ಕೃಷ್ಣ, ಚಿತ್ರದ ಕಥೆಯನ್ನು ಸುದೀಪ್ ಅವರಿಗೆ ಹೇಳಿದಾಗ ಈ ಕಥೆಯನ್ನು ಮತ್ತೊಮ್ಮೆ ನನಗೆ ತರಬೇಡ ಎಂದು ಕಳಿಸಿದ್ದರಂತೆ ಕಿಚ್ಚ. ಆದರೆ, ಕೃಷ್ಣ ಹೋದ ಮೇಲೆ ಯಾಕೆ ಮಾಡಬಾರದು ಎಂದು ಯೋಚನೆ ಮಾಡಿದರಂತೆ. ಮತ್ತೆ ಕೃಷ್ಣ ಅವರನ್ನು ಕರೆಸಿಕೊಂಡರಂತೆ.

    ಕೃಷ್ಣ ಬಳಿ ಸುದೀಪ್ ಹಾಕಿದ್ದು ಒಂದೇ ಕಂಡೀಷನ್. ನಾನು ಹಾರ್ಡ್‍ವರ್ಕ್ ಮಾಡುತ್ತೇನೆ, ನೀವು ಸಾಥ್ ಕೊಡಬೇಕು. ಇಡೀ ಸಿನಿಮಾದ ಶೂಟಿಂಗ್ ಬೇರೆ ಕಡೆ ಆಗಬೇಕು. ಶೂಟಿಂಗ್.. ವರ್ಕೌಟ್.. ಶೂಟಿಂಗ್.. ವರ್ಕೌಟ್.. ಇಷ್ಟೇ ಇರಬೇಕು. ಚಿತ್ರೀಕರಣದ ಜಾಗಕ್ಕೆ ಯಾರೂ ಬರಬಾರದು. ಬೆಳಗ್ಗೆ 6ಕ್ಕೆ ಶೂಟಿಂಗ್ ಶುರುವಾಗಲೇಬೇಕು. ಹೀಗೆ ಷರತ್ತು ವಿಧಿಸಿಯೇ ಬೆವರು ಸುರಿಸಲು ಶುರು ಮಾಡಿದರು.

    ನಾನೊಬ್ಬನೇ ಅಲ್ಲ, ಇಡೀ ಚಿತ್ರತಂಡ ನನ್ನೊಂದಿಗೆ ಕಷ್ಟಪಟ್ಟಿದೆ. ನಾವು ಪಟ್ಟ ಕಷ್ಟ, ಚಿತ್ರದ ಎರಡು ಪೋಸ್ಟರ್, ಟೀಸರ್‍ನಲ್ಲಿ ಕಾಣಿಸ್ತಿದೆ. ಚಿತ್ರದ ಕ್ವಾಲಿಟಿ ಚೆನ್ನಾಗಿದೆ ಎಂದು ವಿಶ್ವಾಸದಿಂದ ಹೇಳುತ್ತಾರೆ ಸುದೀಪ್.

  • ಶ್ರೀರಾಮುಲು ಪರ ಕಿಚ್ಚನ ಪ್ರಚಾರ

    kiccha sudeep campaigns for sriramulu

    ಚುನಾವಣೆ ಪ್ರಚಾರದಲ್ಲಿ ಬ್ಯುಸಿಯಾಗಿರುವ ಕಿಚ್ಚ ಸುದೀಪ್, ಮೊಳಕಾಲ್ಮೂರಿನಲ್ಲಿ ಶ್ರೀರಾಮುಲು ಪರ ಪ್ರಚಾರ ನಡೆಸುತ್ತಿದ್ದಾರೆ. ಪ್ರತಿ ಹಳ್ಳಿಯಲ್ಲೂ ಸುದೀಪ್ ಅವರನ್ನು ಅಡ್ಡಗಟ್ಟುತ್ತಿರುವ ಗ್ರಾಮಸ್ಥರು, ಸುದೀಪ್‍ಗೆ ಪ್ರೀತಿಯ ಸುರಿಮಳೆಯನ್ನೇ ಸುರಿಸುತ್ತಿದ್ದಾರೆ. ಅಭಿಮಾನಿಗಳ ಎದುರು ಸುದೀಪ್ ಮೂಕರಷ್ಟೆ.

    ಚಿತ್ರದುರ್ಗ ತಾಲೂಕಿನ ಕೊಂಡ್ಲಹಳ್ಳಿಯಲ್ಲಿ ಬಹಿರಂಗ ಸಮಾವೇಶದಲ್ಲಿ ಮಾತನಾಡಿದ ಸುದೀಪ್, ನನ್ನದು ರಾಜಕೀಯ ಪಕ್ಷವಲ್ಲ, ಸಿನಿಮಾ ಪಕ್ಷ. ರಾಮುಲು ನನ್ನ ಆತ್ಮೀಯರು. ಅವರಿಗೆ ಮತ ನೀಡಿ ಗೆಲ್ಲಿಸಿ. ನಾನು ಗೆದ್ದಾಗ, ಬಿದ್ದಾಗ ನನ್ನ ಜೊತೆ ಇದ್ದೀರಿ. ನಾನು ಚುನಾವಣೆ ಪ್ರಚಾರಕ್ಕಾಗಿ ಇಲ್ಲಿಗೆ ಬಂದಿಲ್ಲ. ಸ್ನೇಹಕ್ಕಾಗಿ ಬಂದಿದ್ದೇನೆ. ಶ್ರೀರಾಮುಲು ಒಳ್ಳೆಯ ಮನುಷ್ಯ, ಅವರನ್ನು ಗೆಲ್ಲಿಸಿ ಎಂದು ಮನವಿ ಮಾಡಿದರು.

    ಅಭಿಮಾನಿಗಳ ಪ್ರೀತಿಗೆ ಶರಣಾದ ಸುದೀಪ್, ಸಾವು ಎದುರಿಗೆ ಬಂದಾಗ ನನ್ನ ಕೈ ಮೀಸೆ ಮೇಲಿರಬೇಕು, ಆ ಗುಂಡಿಗೆ ನನ್ನದಾಗಬೇಕು ಎಂಬ ವೀರ ಮದಕರಿ ಚಿತ್ರದ ಡೈಲಾಗ್‍ನ್ನೂ ಹೊಡೆದರು.

  • ಸಂಕ್ರಾಂತಿ ನಂತರ ಕೋಟಿಗೊಬ್ಬ 3

    kotigobba 3 shooting to resume after sankranthi

    ಕಿಚ್ಚ ಸುದೀಪ್ ಅಭಿನಯದ ಕೋಟಿಗೊಬ್ಬ 3 ಚಿತ್ರದ ಕಥೆ ಏನಾಯ್ತು..? ಚಿತ್ರದ ಶೂಟಿಂಗ್ ಎಲ್ಲಿಗೆ ಬಂತು..? ಇಂತಹ ಹಲವು ಪ್ರಶ್ನೆಗಳಿಗೆ ಚಿತ್ರತಂಡದಿಂದ ಉತ್ತರ ಬಂದಿದೆ. ಚಿತ್ರದ ಶೇ.60ರಷ್ಟು ಭಾಗದ ಶೂಟಿಂಗ್ ಮುಗಿದಿದ್ದು, ಸಂಕೃಆಂತಿ ನಂತರ ಉಳಿದ ಭಾಗದ ಚಿತ್ರೀಕರಣ ಶುರುವಾಗಲಿದೆಯಂತೆ. 

    ಇನ್ನುಳಿದ ಶೇ.40ರಷ್ಟು ಚಿತ್ರೀಕರಣವನ್ನು ಬೆಂಗಳೂರಿನಲ್ಲೇ ನಡೆಸಲು ಪ್ಲಾನ್ ಮಾಡಿದೆ ಚಿತ್ರತಂಡ. ಸದ್ಯಕ್ಕೆ ಸುದೀಪ್, ಕನ್ನಡದಲ್ಲಿ ಪೈಲ್ವಾನ್ ಹಾಗೂ ತೆಲುಗಿನ ಸೈರಾದಲ್ಲಿ ಕಂಪ್ಲೀಟ್ ಬ್ಯುಸಿ. ಬೇಸಗೆ ರಜೆಯ ಹೊತ್ತಿಗೆ ಪೈಲ್ವಾನ್ ತೆರೆಗೆ ಬರಲಿದ್ದು, ಅದಾದ ನಂತರ ಕೋಟಿಗೊಬ್ಬ 3 ರಿಲೀಸ್‍ಗೆ ಪ್ಲಾನ್ ಮಾಡುತ್ತಿದ್ದಾರಂತೆ ಸುದೀಪ್. 

  • ಸರ್ಬಿಯಾದಲ್ಲಿ ಸುದೀಪ್ ಸೆನ್ಸೇಷನ್

    sudeep creates sensation in serbia

    ಕಿಚ್ಚ ಸುದೀಪ್, ಕರ್ನಾಟಕದಲ್ಲಿ, ದಕ್ಷಿಣ ಭಾರತದಲ್ಲಿ ಏನು ಮಾಡಿದರೂ ಬ್ರೇಕಿಂಗ್ ನ್ಯೂಸ್. ಏಕೆಂದರೆ ಅವರ ಅಭಿಮಾನಿ ಬಳಗ ಅಷ್ಟು ದೊಡ್ಡದು. ಅವರ ಖ್ಯಾತಿ ಈಗ ಭಾರತವನ್ನೂ ದಾಟಿ ಸರ್ಬಿಯಾಗೂ ಕಾಲಿಟ್ಟಿದೆ. ಸರ್ಬಿಯಾದಲ್ಲಿ ಕೋಟಿಗೊಬ್ಬ 3 ಚಿತ್ರೀಕರಣದಲ್ಲಿ ಬ್ಯುಸಿಯಾಗಿರುವ ಸುದೀಪ್ ಅವರಿಗೆ ಹಿತವಾದ ಶಾಕ್ ನೀಡಿರುವುದು ಸರ್ಬಿಯಾದ ಪತ್ರಿಕೆ ಹಾಗೂ ವೆಬ್‍ಸೈಟ್‍ಗಳು. ಸರ್ಬಿಯಾದ ಟೆಲಿಗ್ರಾಫ್ ಪತ್ರಿಕೆ ಹಾಗೂ ವೆಬ್‍ಸೈಟುಗಳಲ್ಲಿ ಕಿಚ್ಚ ಸುದೀಪ್ ಬಗ್ಗೆ ಸವಿವರವಾದ ಲೇಖನವನ್ನೇ ಬರೆಯಲಾಗಿದೆ.

    ಸುದೀಪ್ ಅವರನ್ನ ಕಿಚ್ಚ ಸುದೀಪ್ ಅಂತಾ ಕರೆಯೋದು ಯಾಕೆ..? ಅವರ ಚಿತ್ರಗಳ ಸಕ್ಸಸ್ ಏನು..? ಕೋಟಿಗೊಬ್ಬ2 ಚಿತ್ರ ಗೆದ್ದಿದ್ದು ಹೇಗೆ..? ಭಾರತದಲ್ಲಿ ಅವರ ಜನಪ್ರಿಯತೆ ಎಷ್ಟಿದೆ ಅನ್ನೋದನ್ನೆಲ್ಲ ವಿವರವಾಗಿ ಬರೆಯಲಾಗಿದೆ.

    ಶಿವ ಕಾರ್ತಿಕ್ ನಿರ್ದೇಶನದ ಚಿತ್ರಕ್ಕೆ ಸೂರಪ್ಪ ಬಾಬು ನಿರ್ಮಾಪಕರು. ಚಿತ್ರದಲ್ಲಿ ಮಡೋನ್ನಾ ಸೆಬಾಸ್ಟಿಯನ್ ಹಾಗೂ ಶ್ರದ್ಧಾದಾಸ್ ನಾಯಕಿಯರು. ಬಾಲಿವುಡ್ ನಟ ಅಫ್ತಾಬ್ ಶಿವದಾಸಾನಿ ಕೂಡಾ ಪ್ರಮುಖ ಪಾತ್ರವೊಂದರಲ್ಲಿ ನಟಿಸುತ್ತಿದ್ದಾರೆ.

  • ಸಲ್ಮಾನ್ ಖಾನ್ ಕನ್ನಡ ಮೇಷ್ಟ್ರು ಕಿಚ್ಚ ಸುದೀಪ್

    sudeep is salman;s kannada teacher

    ಕಿಚ್ಚ ಸುದೀಪ್ ಕನ್ನಡ ಅದ್ಭುತ. ಭಾಷೆಯ ಏರಿಳಿತ, ಉಚ್ಚಾರಣೆಯಲ್ಲಿನ ಸ್ಪಷ್ಟತೆ, ಅಲ್ಪಪ್ರಾಣ, ಮಹಾಪ್ರಾಣಗಳ ಬಳಕೆಯಲ್ಲಿನ ಲಯಬದ್ಧ ಮಾತುಗಾರಿಕೆ.. ಕಿಚ್ಚ ಸುದೀಪ್ ಅವರ ಧ್ವನಿ.. ಎಲ್ಲವೂ ಒಂದಕ್ಕೊಂದು ಮೇಳೈಸಿಬಿಟ್ಟರೆ.. ಕೇಳುವುದೊಂದು ಸೊಗಸು. ಇದೇನು ಸುದೀಪ್ ಅವರಿಗೆ ಜನ್ಮತಃ ಬಂದ ವರವಲ್ಲ. ಕಲಿತುಕೊಂಡು ಅಭ್ಯಾಸ ಮಾಡಿ ಗಳಿಸಿಕೊಂಡಿದ್ದು. ಇಂತಹ ಸುದೀಪ್ ಈಗ ಕನ್ನಡ ಮೇಷ್ಟರಾಗಿದ್ದಾರೆ. ಅದೂ ಸಲ್ಮಾನ್ ಖಾನ್‍ಗೆ.

    ದಬಾಂಗ್ 3 ಕನ್ನಡದಲ್ಲಿ ಡಬ್ ಆಗಿ ಬರುತ್ತಿದೆ. ಆ ಚಿತ್ರದಲ್ಲಿ ಚುಲ್ ಬುಲ್ ಪಾಂಡೆಯಾಗಿ ನಟಿಸಿರುವ ಸಲ್ಮಾನ್ ಕನ್ನಡದಲ್ಲಿ ಸ್ವತಃ ತಾವೇ ಡಬ್ ಮಾಡುವ ಇರಾದೆ ತೋರಿಸಿದ್ದಾರೆ. ಅಷ್ಟೇ ಅಲ್ಲ, ಸಲ್ಮಾನ್.. ಸುದೀಪ್ ಅವರ ಜೊತೆ ಕನ್ನಡದಲ್ಲಿಯೇ ಮಾತನಾಡಲು ಪ್ರಯತ್ನಿಸುತ್ತಾ, ತಪ್ಪುಗಳನ್ನು ತಿದ್ದಿಕೊಳ್ಳುತ್ತಿದ್ದಾರೆ.

    ಕನ್ನಡದಲ್ಲಿಯೇ ಡಬ್ ಮಾಡಲು ಇಷ್ಟವಿದೆ. ನಿಮ್ ಸಪೋರ್ಟ್ ಬೇಕು ಎಂದಾಗ ನಾನಂತೂ ಎಕ್ಸೈಟ್ ಆದೆ. ಅದನ್ನು ಸ್ವಾಗತಿಸುವುದು ನನ್ನ ಕೆಲಸ. ಅಲ್ಲಿಂದ ಡಬ್ಬಿಂಗ್ ಪ್ರಕ್ರಿಯೆ ಶುರುವಾಗಿದೆ. ಇಷ್ಟರಲ್ಲೇ ಕನ್ನಡ ದಬಾಂಗ್ 3ಯ ಟ್ರೇಲರ್ ಕೂಡಾ ಬರಲಿದೆ ಎಂದಿದ್ದಾರೆ ಸುದೀಪ್.

  • ಸಲ್ಮಾನ್ ಖಾನ್​ಗೆ ವಿಲನ್ ಆಗ್ತಾರಾ ಕಿಚ್ಚ ಸುದೀಪ್..?

    sudeep salman khan

    ಕನ್ನಡದ ಸೂಪರ್ ಸ್ಟಾರ್ ಕಿಚ್ಚ ಸುದೀಪ್​ಗೆ ಬೇರೆ ಭಾಷೆಯಲ್ಲಿ ನಟಿಸುವುದು ಹೊಸದೇನೂ ಅಲ್ಲ. ಹಿಂದಿ, ತಮಿಳು, ತೆಲುಗಿನಲ್ಲಾಗಲೇ ಕಿಚ್ಚನ ಹೆಜ್ಜೆ ಗುರುತು ಮೂಡಿದೆ. ಆದರೆ, ಈಗ ಬರುತ್ತಿರುವ ಸುದ್ದಿ ಇನ್ನೂ ಹೊಸದು. ಇದು ಬಂದಿರೋದು ಬಾಲಿವುಡ್​ನಿಂದ.    

    ಸಲ್ಮಾನ್ ಖಾನ್ ಅಭಿನಯದ ‘ಟೈಗರ್ ಜಿಂದಾ ಹೈ’ ಚಿತ್ರದಲ್ಲಿ ಸುದೀಪ್ ಖಳನಾಯಕರಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಅದು 2012ರಲ್ಲಿ ಬಂದಿದ್ದ ಏಕ್ ಥಾ ಟೈಗರ್ ಚಿತ್ರದ ಸೀಕ್ವೆಲ್. ಆ ಚಿತ್ರದಲ್ಲಿ ಸಲ್ಮಾನ್ ಖಾನ್, ಭಾರತದ ರಾ ಏಜೆಂಟ್ ಪಾತ್ರದಲ್ಲಿ ನಟಿಸಿದ್ದರು. ನಾಯಕಿಯಾಗಿ ಕತ್ರಿನಾ ಕೈಫ್ ಪಾಕ್ ಐಎಸ್​ಐ ಏಜೆಂಟ್ ಆಗಿ ಕಾಣಿಸಿಕೊಂಡಿದ್ದರು. ಎರಡು ಶತ್ರು ದೇಶಗಳ ಗೂಢಚಾರರು ಪ್ರೀತಿಗಾಗಿ ದೇಶವನ್ನೇ ಬಿಟ್ಟು ನಿಗೂಢವಾಗಿ ಮರೆಯಾಗುವುದರೊಂದಿಗೆ ಚಿತ್ರ ಕೊನೆಯಾಗಿತ್ತು. 

    ಈಗ ಆ ಚಿತ್ರದ ಎರಡನೇ ಭಾಗ ಸಿದ್ಧವಾಗುತ್ತಿದೆ. ಹಾಗಾದರೆ, ನಾಪತ್ತೆಯಾಗಿದ್ದ ಸಲ್ಮಾನ್ ಖಾನ್ ಮತ್ತು ಕತ್ರಿನಾ ಕೈಫ್​ರನ್ನು ಹುಡುಕಿಕೊಂಡು ಬರುವ ಪಾಕ್ ಐಎಸ್​ಐ ಏಜೆಂಟ್ ಆಗಿ ಸುದೀಪ್ ಕಾಣಿಸಿಕೊಳ್ಳಲಿದ್ದಾರಾ..? ಸದ್ಯಕ್ಕೆ ಇದು ಸಸ್ಪೆನ್ಸ್.ಸುದೀಪ್ ಪಾತ್ರದ ಹೆಸರು ಜಹೀರ್.

    ಚಿತ್ರಕ್ಕೆ ಸುದೀಪ್ ಅವರನ್ನೇ ಆಯ್ಕೆ ಮಾಡಿಕೊಳ್ಳುವುದರ ಹಿಂದೆ ಬಾಕ್ಸಾಫೀಸ್ ಲೆಕ್ಕಾಚಾರವೂ ಇದೆ. ದಕ್ಷಿಣದಲ್ಲಿ ಕರ್ನಾಟಕ, ತಮಿಳುನಾಡು ಹಾಗೂ ಆಂಧ್ರಪ್ರದೇಶ, ತೆಲಂಗಾಣದಲ್ಲೂ ಸುದೀಪ್ ಚಿತ್ರಗಳಿಗೆ ಡಿಮ್ಯಾಂಡ್ ಇದೆ. ಹೀಗಾಗಿ ದಕ್ಷಿಣದ ಸ್ಟಾರ್ ನಟರನ್ನು ಹಾಕಿಕೊಳ್ಳುವ ಲೆಕ್ಕಾಚಾರ ಬಾಲಿವುಡ್​ನದ್ದು. ಅದರ ಮೂಲಕ ಸುದೀಪ್ ಸ್ಟಾರ್​ಗಿರಿಯ ಲಾಭ ಪಡೆಯುವ ಬ್ಯುಸಿನೆಸ್ ಲೆಕ್ಕಾಚಾರವೂ ಇದರ ಹಿಂದಿದೆ.

    Related Articles :-

    Will Sudeep Act In Salman Khan's Tiger Zinda Hai?

  • ಸಲ್ಲು ಎದುರು ನಟಿಸುವಾಗ ಕಿಚ್ಚನಿಗೆ ತಮ್ಮ ವಿಲನ್‍ಗಳ ಕಷ್ಟ ಅರ್ಥವಾಯ್ತು..!

    sudeep couldn;t kick salman for a scene in dabaang 3

    ಕಿಚ್ಚ ಸುದೀಪ್ ಎದುರು ನಟಿಸುವಾಗ ವಿಲನ್ ಪಾತ್ರ ಮಾಡುವವರು ಸುದೀಪ್‍ಗೆ ಹೊಡೆಯುವ, ಒದೆಯುವ ದೃಶ್ಯಗಳಿದ್ದರೆ ಹಿಂದೇಟು ಹಾಕುತ್ತಾರೆ. ಅದು ಸೀನಿಯರ್ ಆಗುತ್ತಾ ಹೋದಂತೆ ಎದುರಿಸಲೇಬೇಕಾದ ಅತಿದೊಡ್ಡ ಸವಾಲು. ಶಬ್ಧವೇದಿ ಚಿತ್ರದಲ್ಲಿ ಡಾ.ರಾಜ್ ಅವರಿಗೆ ಹೊಡೆಯುವ ಸೀನ್ ಮಾಡು ಎಂದಿದ್ದಕ್ಕೆ, ಶೋಭರಾಜ್ ಎಸ್. ನಾರಾಯಣ್ ಅವರ ಜೊತೆ ಹೆಚ್ಚೂ ಕಡಿಮೆ ಜಗಳಕ್ಕೆ ಬಿದ್ದಿದ್ದನ್ನು ಚಿತ್ರರಂಗ ನೋಡಿದೆ. ಆದರೆ, ತಮ್ಮ ಎದುರು ಹಾಗೆ ಹಿಂದೇಟು ಹಾಕುವವರಿಗೆ ಏಯ್.. ಬಿಡ್ರಪ್ಪ... ಇದೆಲ್ಲ ಸಿನಿಮಾ ಕಣ್ರೋ.. ನೋ ಪ್ರಾಬ್ಲಂ.. ಎನ್ನುತ್ತಿದ್ದ ಸುದೀಪ್ ಅವರಿಗೆ ಆ ಕಷ್ಟ ಅರ್ಥವಾಗಿದ್ದು ಸಲ್ಮಾನ್ ಖಾನ್ ಎದುರು ನಟಿಸುವಾಗ.

    ನಟ ಸುದೀಪ್‍ಗೆ ಇಂಗ್ಲಿಷ್ ಸಲೀಸು.. ಹಿಂದಿ ಭಾರೀ ತುಟ್ಟಿ. ಹೀಗಾಗಿ ಡೈಲಾಗುಗಳನ್ನು ಒಟ್ಟಿಗೇ ಕೊಡಬೇಡಿ ಎಂದು ಪ್ರಭುದೇವ ಬಳಿ ಕೇಳಿಕೊಂಡಿದ್ದರಂತೆ. ಆದರೆ, ಅದಕ್ಕಿಂತ ದೊಡ್ಡ ಚಾಲೆಂಜ್ ಎದುರಾಗಿದ್ದು ಸಲ್ಮಾನ್ ಖಾನ್ ಎದೆಗೆ ಒದೆಯುವ ಸೀನ್ ಬಂದಾಗ. ಹಿಟ್ ಮಿ ಬುಡ್ಡೀ.. ಎಂದು ಸಲ್ಮಾನ್ ಹೇಳಿದರೂ ಆ ಸೀನ್ ಮಾಡುವುದು ಕಷ್ಟವಾಯ್ತಂತೆ. ಕೆಲವು ಗಂಟೆಗಳ ಕಾಲ ಚಿತ್ರೀಕರಣವನ್ನೇ ನಿಲ್ಲಿಸಿ ನಂತರ ಶೂಟ್ ಮಾಡಿದರಂತೆ.ಅದೂ ಕೆಲವು ಬದಲಾವಣೆಗಳೊಂದಿಗೆ..

    `ನನಗೆ ಆಗ ನನ್ನನ್ನು ಒದೆಯಲು ಅದೇಕೆ ನಮ್ಮ ಸಹನಟರು ಹಿಂದೇಟು ಹಾಕ್ತಾರೆ ಅನ್ನೋದು ಅರ್ಥವಾಯ್ತು' ಎಂದಿದ್ದಾರೆ ಕಿಚ್ಚ ಸುದೀಪ್. ಸದ್ಯಕ್ಕೆ ಸುದೀಪ್ ಪೈಲ್ವಾನ್ ಚಿತ್ರದ ಬಿಡುಗಡೆಯಲ್ಲಿ ಫುಲ್ ಬ್ಯುಸಿ. ಸೆಪ್ಟೆಂಬರ್ 12ರಂದು ಪೈಲ್ವಾನ್ ಜಗತ್ತಿನಾದ್ಯಂತ 3000ಕ್ಕೂ ಹೆಚ್ಚು ಥಿಯೇಟರುಗಳಲ್ಲಿ 5 ಭಾಷೆಗಳಲ್ಲಿ ರಿಲೀಸ್ ಆಗುತ್ತಿದೆ.ನ

  • ಸಲ್ಲು, ಕಿಚ್ಚ ಬರೀ ಮೈಲಿ ಫೈಟಿಂಗ್

    salman sudeep fight in dabang 3

    ದಬಾಂಗ್ 3 ಸಿನಿಮಾದ ಕ್ಲೈಮಾಕ್ಸ್ ಶೂಟಿಂಗ್ ಮುಗಿದಿದೆ. ಸಲ್ಮಾನ್ ಎದುರು ನೆಗೆಟಿವ್ ರೋಲ್‍ನಲ್ಲಿ ನಟಿಸಿರುವ ಕಿಚ್ಚ ಸುದೀಪ್, ಇದೇ ಮೊದಲ ಬಾರಿಗೆ ಷರ್ಟ್‍ಲೆಸ್ ಆಗಿ ಫೈಟ್ ಮಾಡಿದ್ದಾರೆ. ಸಲ್ಮಾನ್ ಖಾನ್, ಷರ್ಟ್ ತೆಗೆಯೋಕೆ ಫೇಮಸ್. ಅವರು ಬರೀ ಮೈಲಿ ಒಂದು ಸೀನ್ ಆದರೂ ಕಾಣಿಸಿಕೊಂಡರೆ ಚಿತ್ರ ಹಿಟ್ ಎನ್ನುವುದು ಬಾಲಿವುಡ್ ಮಂದಿಯ ನಂಬಿಕೆ.

    ಆದರೆ, ನಮ್ಮ ಕಿಚ್ಚ ಸುದೀಪ್‍ಗೆ ಇದು ಹೊಸದು. ಈಗ ಅವರೂ ಸಿಕ್ಸ್‍ಪ್ಯಾಕ್‍ನಲ್ಲಿರೋದ್ರಿಂದ ನೋ ಪ್ರಾಬ್ಲಂ. ಸಲ್ಮಾನ್ ಜೊತೆ ಷರ್ಟ್‍ಲೆಸ್ ಫೈಟ್ ಮಾಡುವುದನ್ನು ಯಾವತ್ತೂ ನಾನು ಆಲೋಚಿಸಿರಲಿಲ್ಲ. ಈಗ ಅದನ್ನು ಎಂಜಾಯ್ ಮಾಡುತ್ತಿದ್ದೇನೆ ಎಂದಿದ್ದಾರೆ ಸುದೀಪ್. ಪ್ರಭುದೇವ ನಿರ್ದೇಶನದ ಚಿತ್ರವಿದು.

  • ಸವಿಸವಿ ನೆನಪು.. ಸಾವಿರ ನೆನಪು.. - ಕಿಚ್ಚ @ 22

    22 years of sudeep

    ಸರಿಯಾಗಿ ಇವತ್ತಿಗೆ 22 ವರ್ಷಗಳ ಹಿಂದೆ, ಕನ್ನಡ ಚಿತ್ರರಂಗಕ್ಕೆ ಒಬ್ಬ ಸ್ಟಾರ್ ಕಾಲಿಟ್ಟಿದ್ದ. ಅವತ್ತು ಆತ ಅಂಬೆಗಾಲಿಡುತ್ತಿದ್ದ ಮಗು. ಇಂದು ಸ್ಟಾರ್. ಕನ್ನಡ ಚಿತ್ರರಂಗಕ್ಕೆ ಪ್ರತಿ ವರ್ಷ ಹಲವಾರು ಹೊಸ ಪ್ರತಿಭೆಗಳು ಬರುತ್ತವೆ. ಆದರೆ, ನಿಲ್ಲುವ ಗಟ್ಟಿಕಾಳು ಕೆಲವೇ ಕೆಲವು. ಅಂತಹವರಲ್ಲಿ ಸುದೀಪ್ ವಿಶೇಷವಾಗಿ ನಿಂತುಬಿಡ್ತಾರೆ. ಈ 22 ವರ್ಷಗಳಲ್ಲಿ ಅವರು ಚಿತ್ರರಂಗದ ಪ್ರತಿ ಕ್ಷೇತ್ರದಲ್ಲೂ ಹೆಜ್ಜೆಯಿಟ್ಟಿದ್ದಾರೆ. ಗೆದ್ದಿದ್ದಾರೆ. ಸೋತಿದ್ದಾರೆ. ಸೋತಿದ್ದ ಸ್ಥಳದಲ್ಲೇ ಮತ್ತೆ ಗೆದ್ದಿದ್ದಾರೆ. ಕನ್ನಡದಲ್ಲಷ್ಟೇ ಅಲ್ಲ, ಸುದೀಪ್, ತೆಲುಗು, ತಮಿಳು, ಹಿಂದಿಗೂ ಕಾಲಿಟ್ಟು ಗೆದ್ದ ಆರಡಿ ಕಟೌಟು. ಹಾಲಿವುಡ್‍ಗೂ ಪಾದಾರ್ಪಣೆ ಮಾಡ್ತಿರೋ ಸುದೀಪ್, ಚಿತ್ರರಂಗಕ್ಕೆ ಬಂದು 22 ವರ್ಷವಾಗಿ ಹೋಯ್ತಾ..? ತಮ್ಮ ಆರಂಭದ ದಿನದ ಕ್ಷಣಗಳನ್ನು ಸ್ವತಃ ಸುದೀಪ್ ಹೇಳಿಕೊಂಡಿದ್ದಾರೆ. ಇದು ಅವರದ್ದೇ ಪತ್ರ. 

    sudeep_kmv.jpg1996, ಜನವರಿ 31

    ಬ್ರಹ್ಮ ಚಿತ್ರದ ಮೊದಲ ದಿನದ ಚಿತ್ರೀಕರಣ ಶುರುವಾಯ್ತು. ಅದು ನಾನು ನನ್ನ ಬದುಕಿನಲ್ಲಿ ಮೊತ್ತ ಮೊದಲ ಬಾರಿಗೆ ಮೇಕಪ್ ಹಚ್ಚಿಕೊಂಡ ದಿನ. ಈ ಸಿನಿಮಾ ಪ್ರಪಂಚಕ್ಕೆ ಕಾಲಿಟ್ಟ ದಿನ ಅದು.

    ನನಗೆ ಆ್ಯಕ್ಷನ್, ಕಟ್ ಎಂಬ ಪದಗಳು ಹೊಸದಲ್ಲ. ತಂದೆಯ ಜೊತೆ, ಸ್ನೇಹಿತರ ಜೊತೆ ಹಲವು ಬಾರಿ ಚಿತ್ರೀಕರಣದ ಸ್ಥಳಗಳಿಗೆ ಹೋಗುತ್ತಿದ್ದೆ. ಕೇಳುತ್ತಿದ್ದೆ. ಆದರೆ, ಆ ಆ್ಯಕ್ಷನ್ ಕಟ್‍ನಲ್ಲಿ ಸ್ವತಃ ಭಾಗವಾಗದ ಆ ಕ್ಷಣ ಇದೆಯಲ್ಲ.. ಅದನ್ನು ಪದಗಳಲ್ಲಿ ಹೇಳುವುದು ಕಷ್ಟ.

    ಆ ದಿನ ನಾನು ಎದುರಿಸಿದ್ದು ಅತ್ಯಂತ ಸರಳ ಸನ್ನಿವೇಶ. ಆ ಚಿತ್ರದಲ್ಲಿ ಅಂಬರೀಷ್ ಮಾಮ ನನ್ನ ಅಣ್ಣನ ಪಾತ್ರ ಮಾಡಿದ್ದರು. ನಾನು ಅವರಿಂದ ಆಶೀರ್ವಾದ ಪಡೆಯಬೇಕಿತ್ತು. ಆದರೆ, ನನಗೆ ಆಗ ಅದು ಸರಳ ದೃಶ್ಯವಾಗಿರಲಿಲ್ಲ. ತುಂಬಾ ಟೇಕ್ ತೆಗೆದುಕೊಂಡೆ. ಅದನ್ನು ನೋಡಿದವರಿಗೆ ನನ್ನ ಸಾಮಥ್ರ್ಯ, ಪ್ರತಿಭೆ ಬಗ್ಗೆ ಅನುಮಾನ ಬಂದಿದ್ದರೂ ಬಂದಿರಬಹುದು. ಅಂದಿನಿಂದ ಶುರುವಾದ ಪಯಣ... ನಿಧಾನಕ್ಕೆ ಸರಿಯಾಗುತ್ತಾ ಹೋಯ್ತು.

    22 ವರ್ಷ ಕಳೆದಾಯ್ತು. ಸಿನಿಮಾಗೆ ಹೇಗೆ ಧನ್ಯವಾದ ಹೇಳಬೇಕು ಎಂದು ಗೊತ್ತಾಗುತ್ತಿಲ್ಲ. ನನ್ನ ನಿರ್ಮಾಪಕರು, ನಿರ್ದೇಶಕರು, ಸಹೋದ್ಯೋಗಿಗಳು, ಸಹ ನಟ-ನಟಿಯರು, ವಿತರಕರು, ಪ್ರದರ್ಶಕರು, ಮಾಧ್ಯಮ.. ಎಲ್ಲಕ್ಕಿಂತ ಮಿಗಿಲಾಗಿ ನೀವು.. ನನ್ನ ಈ ಪಯಣದಲ್ಲಿ ಯಾವುದೇ ಷರತ್ತುಗಳಿಲ್ಲದೆ ಪ್ರೀತಿಸಿದ್ದೀರಿ. ಅಭಿಮಾನದಿಂದ ಅಪ್ಪಿಕೊಂಡಿದ್ದೀರಿ. ನನ್ನನ್ನು ಹಾಗೆ ಅಪ್ಪಿಕೊಂಡು ಒಪ್ಪಿಸಿಕೊಂಡ ನಿಮಗೆ ನಾನು ಚಿರಋಣಿ.

    ಸಿನಮಾ, ನನಗೆ ನನ್ನ ಜೀವನದ ಅತ್ಯಂತ ಸುಂದರ ಸಂಗತಿ. ಇವತ್ತು ನಾನು ಏನೇ ಆಗಿರಬಹುದು. ಅದು ನೀವು ನನಗೆ ಕೊಟ್ಟ ಉಡುಗೊರೆ. ಧನ್ಯವಾದಗಳು.

    ನನ್ನ ಕುಟುಂಬದವರಿಗೆ ನಾನು ಕೃತಜ್ಞತೆ ಸಲ್ಲಿಸಲೇಬೇಕು. ಅವರು ನನಗಾಗಿ ಮಾಡಿದ ತ್ಯಾಗವನ್ನು ನಾನು ಮರಳಿ ಕೊಡಲು ಸಾಧ್ಯವೇ..? 

    ನನ್ನ ಜೊತೆ ನಿಂತಿದ್ದಕ್ಕೆ ನನ್ನ ಕುಟುಂಬಕ್ಕೆ ಕೃತಜ್ಞತೆ ಸಲ್ಲಿಸಲೇಬೇಕು. 

    ನನ್ನ ಜೀವನದ ಪ್ರತಿ ಕ್ಷಣಗಳಲ್ಲೂ ನನಗೆ ಜೊತೆಯಾದ ಚಿತ್ರರಂಗಕ್ಕೆ ನಾನು ಯಾವತ್ತೂ ಅಭಾರಿ. ಚಿತ್ರರಂಗದ ಸೇವೆಗೆ ನಾನು ಸದಾಸಿದ್ಧ.

    ಪ್ರೀತಿಯಿರಲಿ

    ಕಿಚ್ಚ ಸುದೀಪ

    ಇಂಥಾದ್ದೊಂದು ಹೃದಯಸ್ಪರ್ಶಿ ಪತ್ರ ಬರೆದಿರುವ ಸುದೀಪ್, ತಮ್ಮ 22 ವರ್ಷಗಳ ವೃತ್ತಿ ಜೀವನದ ಆರಂಭದ ಕ್ಷಣಗಳನ್ನು ನೆನಪಿಸಿಕೊಂಡಿದ್ದಾರೆ. 

  • ಸಿಕ್ಸ್ ಪ್ಯಾಕ್‍ಗಾಗಿ ಜಿಮ್‍ಗೆ ಹೊರಟ ಸುದೀಪ್

    sudeep's intense workout

    ಹಿಂದಿಯಲ್ಲಿ ಒಂದು ನಂಬಿಕೆಯಿದೆ. ಸಲ್ಮಾನ್ ಖಾನ್ ಚಿತ್ರಗಳಲ್ಲಿ ಅವರ ದೇಹ ಪ್ರದರ್ಶನವಾಗದೇ ಇದ್ದರೆ, ಸಿನಿಮಾ ಗೆಲ್ಲುವುದು ಡೌಟು ಎಂಬ ನಂಬಿಕೆಯದು. ಹೀಗಾಗಿ ಸಲ್ಲು ಚಿತ್ರಗಳಲ್ಲಿ ಅಂಥಾದ್ದೊಂದು ಸೀನ್ ಸೆಕೆಂಡುಗಳ ಲೆಕ್ಕದಲ್ಲಾದರೂ ಬಂದು ಹೋಗಿರುತ್ತೆ. ಹಿಂದಿಯಲ್ಲಿ ಹೃತಿಕ್, ಶಾರೂಕ್, ಕನ್ನಡದಲ್ಲಿ ದುನಿಯಾ ವಿಜಯ್, ಪುನೀತ್, ದರ್ಶನ್ ಮೊದಲಾದವರು ಈಗಾಗಲೇ ತಮ್ಮ ಸಿಕ್ಸ್‍ಪ್ಯಾಕ್‍ನ್ನು ಸಿನಿಮಾಗಳಲ್ಲಿ ತೋರಿಸಿದ್ದಾರೆ. ಆದರೆ, ಅದರಿಂದ ದೂರವೇ ಇದ್ದವರು ಸುದೀಪ್. 

    ದೇಹವನ್ನು ಹದ್ದುಬಸ್ತಿನಲ್ಲಿಟ್ಟುಕೊಂಡಿರುವ ನಟರಲ್ಲಿ ಸುದೀಪ್ ಕೂಡಾ ಒಬ್ಬರು. ಹೀಗಿದ್ದರೂ, ಸುದೀಪ್ ತಮ್ಮ ದೇಹವನ್ನು ಯಾವುದೇ ಚಿತ್ರಗಳಲ್ಲಿಯೂ ಪ್ರದರ್ಶನ ಮಾಡಿದವರಲ್ಲ. ಆ ಕಾಲ ಈಗ ಹತ್ತಿರವಾಗುತ್ತಿದೆ. ಏಕೆಂದರೆ, ಅವರೀಗ ಪೈಲ್ವಾನ್ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. 

    ಅದು ಕೃಷ್ಣ ನಿರ್ದೇಶನದ ಚಿತ್ರ. ಒಬ್ಬ ಪೈಲ್ವಾನ್ ಹೇಗೆಂದರೆ ಹಾಗೆ ಇರೋಕೆ ಸಾಧ್ಯವಿಲ್ಲ. ಅದಕ್ಕೆ ತನ್ನದೇ ಆದ ನಿಯಮಗಳಿವೆ. ಈವರೆಗೂ ಮಾಡಿದ್ದ ಪಾತ್ರಗಳಲ್ಲಿ ದೇಹ ತೋರಿಸಬೇಕಾದ ಅಗತ್ಯ ಇರಲಿಲ್ಲ. ಆದರೆ, ಈ ಚಿತ್ರಕ್ಕೆ ತಯಾರಿ ಮಾಡಿಕೊಳ್ಳಲೇಬೇಕಿದೆ ಎಂದಿದ್ದಾರೆ ಕಿಚ್ಚ. 

  • ಸಿದ್ದರಾಮಯ್ಯ ಜೊತೆ ಸುದೀಪ್ 45 ನಿಮಿಷ ಮೀಟಿಂಗ್

    sudeep's letter to cm

    ಕಿಚ್ಚ ಸುದೀಪ್ ರಾಜಕೀಯಕ್ಕೆ ಬರ್ತಾರಾ..? ಇಂಥಾದ್ದೊಂದು ಪ್ರಶ್ನೆಗೆ ಸುದೀಪ್ ಖಡಾಖಂಡಿತವಾಗಿ ನೋ ಎಂದುಬಿಟ್ಟಿದ್ದಾರೆ. ರಾಜಕೀಯ ನಮ್ಮಂತಹವರಿಗಲ್ಲ ಎಂದಿದ್ದಾರೆ. ಆದರೆ, ಇಂದು ಇದ್ದಕ್ಕಿದ್ದಂತೆ ಸಿದ್ದರಾಮಯ್ಯ ಜೊತೆ ಸುದೀಪ್ ಭೇಟಿ ಮಾಡಿರುವುದು ತೀವ್ರ ಕುತೂಹಲ ಮೂಡಿಸಿತ್ತು. ಸಿಎಂ ಸಿದ್ದರಾಮಯ್ಯನವರ ಕಾವೇರಿ ನಿವಾಸಕ್ಕೆ ಭೇಟಿ ನೀಡಿದ ಸುದೀಪ್, ಸುಮಾರು 45 ನಿಮಿಷ ಕಾಲ ಸಿದ್ದರಾಮಯ್ಯ ಜೊತೆ ಮಾತುಕತೆ ನಡೆಸಿದ್ರ.

    ಈ ವೇಳೆ ವಿಷ್ಣು ಸ್ಮಾರಕ ಕುರಿತಂತೆ ಸಿದ್ದರಾಮಯ್ಯನವರಿಗೆ ಮನವಿ ಮಾಡಿರುವ ಸುದೀಪ್, ಸಮಾಧಿಯನ್ನು ಮಾತ್ರ ಸ್ಥಳಾಂತರಿಸಬೇಡಿ ಎಂದು ಮನವಿ ಮಾಡಿದ್ದಾರೆ. ಸ್ಮಾರಕವನ್ನು ಎಲ್ಲಾದರೂ ನಿರ್ಮಿಸಿ, ಸಮಾಧಿ ಸ್ಥಳ ಈಗ ಇರುವ ಜಾಗದಲ್ಲಿಯೇ ಇರಲಿ ಎಂದು ಕೇಳಿಕೊಂಡಿದ್ದಾರೆ.

    ರಾಜಕೀಯದ ಬಗ್ಗೆ ಏನಾದರೂ ಮಾತನಾಡಿದಿರಾ ಎಂಬ ಪ್ರಶ್ನೆಗೆ ಸುದೀಪ್ ನೀಡಿರುವುದು ಮುಗುಳ್ನಗೆಯ ಉತ್ತರ.

  • ಸುದೀಪ್ ಆ್ಯಪ್, ಸುದೀಪ್ ವೆಬ್‍ಸೈಟ್ ನೋಡಿದಿರಾ..?

    sudeep app and website launch

    ಕಿಚ್ಚ ಸುದೀಪ್ ಅಭಿಮಾನಿಗಳಿಗೆ ಆಗಾಗ್ಗೆ ಸಿಹಿಯಾದ ಶಾಕ್ ಕೊಡ್ತಾನೇ ಇರ್ತಾರೆ. ಆದರೆ, ಈ ಬಾರಿ ಸುದೀಪ್‍ಗೆ ಅಭಿಮಾನಿಗಳೇ ಸಿಹಿ ಸಿಹಿಯಾದ ಉಡುಗೊರೆ ಕೊಟ್ಟಿದ್ದಾರೆ. ಅಭಿಮಾನಿಗಳೇ ಸೇರಿ ಕಿಚ್ಚ ಸುದೀಪ್ ಆ್ಯಪ್ ಹಾಗೂ ವೆಬ್‍ಸೈಟ್ ರೂಪಿಸಿದ್ದಾರೆ. ಇದು ಕಿಚ್ಚ ಸುದೀಪ್ ಫ್ಯಾನ್ಸ್ ಅಸೋಸಿಯೇಷನ್ ಸಾಹಸ. ಈ ಸಾಹಸ ಮಾಡಿರೋದು ಬೆಳಗಾವಿ ಜಿಲ್ಲೆಯ ಕಿಚ್ಚನ ಫ್ಯಾನ್ಸ್. 

    ಋತ್ವಿಕ್ ಹಾಗೂ ಇನ್ನಿಬ್ಬರು ಗೆಳೆಯರು ಒಟ್ಟಿಗೇ ಸೇರಿ ಈ ಆ್ಯಪ್ ಹಾಗೂ ವೆಬ್ ರೂಪಿಸಿದ್ಧಾರೆ. ಈ ವೆಬ್ ಹಾಗೂ ಆ್ಯಪ್‍ನಲ್ಲಿ ಸುದೀಪ್ ಅವರ ಹೊಸ ಹೊಸ ಸಿನಿಮಾ, ಆ ಸಿನಿಮಾಗಳಿಗೆ ಸಂಬಂಧಪಟ್ಟ ಸುದ್ದಿಗಳು, ಫೋಟೋಗಳೂ ಇರುತ್ತವೆ. ಬಹುಶಃ, ತಮ್ಮ ಹೆಸರಿನಲ್ಲೇ ಒಂದು ಆ್ಯಪ್ ಹಾಗೂ ವೆಬ್‍ಸೈಟ್ ಹೊಂದಿರುವ ಏಕೈಕ ನಟ ಸುದೀಪ್ ಅವರೇ ಇರಬೇಕು.

    ಆ್ಯಪ್‍ಗಾಗಿ KSFA  ಎಂದು ಟೈಪ್ ಮಾಡಿ. ವೆಬ್‍ಸೈಟ್ ವಿಳಾಸ ಇದು. ksfaofficial.com

  • ಸುದೀಪ್ ಇಷ್ಟವಾಗೋದು ಈ ಕಾರಣಕ್ಕೆ..

    sudeep

    ಕಿಚ್ಚ ಸುದೀಪ್ ಅವರನ್ನು ಹತ್ತಿರದಿಂದ ಬಲ್ಲವರಿಗೆ, ಅವರು ಬೇರೆ ಬೇರೆ ಕಾರಣಗಳಿಗೆ ಇಷ್ಟಪಡುತ್ತಾರೆ. ರನ್ನ ಚಿತ್ರದಲ್ಲೊಂದು ಡೈಲಾಗ್ ಇದೆ. ಯಾರ ಎದುರು ತಲೆ ತಗ್ಗಿಸಬೇಕು ಎಂದು ಗೊತ್ತಿರುವವನೇ ನಿಜವಾದ ಗ್ರೇಟ್ ಮ್ಯಾನ್ ಅನ್ನೋ ಅರ್ಥದ ಸಂಭಾಷಣೆ ಅದು. ಸುದೀಪ್ ರಿಯಲ್ ಲೈಫ್‍ಲ್ಲೂ ಇರೋದು ಹಾಗೇನೆ.

    ಈಗ ವಿಷ್ಣು ಸಮಾಧಿ ವಿಚಾರವನ್ನೇ ತೆಗೆದುಕೊಳ್ಳಿ. ಸುದೀಪ್ ವಿಷ್ಣು ಸಮಾಧಿ ಸ್ಥಳವನ್ನು ಪುಣ್ಯಭೂಮಿ ಎಂದು ಕರೆದು, ಅದರ ಜವಾಬ್ದಾರಿ ತೆಗೆದುಕೊಳ್ಳುವುದಾಗಿ ಹೇಳಿದ್ದಾರೆ. ಹಾಗೆಂದು ಮೈಸೂರಿನಲ್ಲಿ ನಿರ್ಮಿಸಲು ಉದ್ದೇಶಿಸಿರುವ ವಿಷ್ಣು ಸ್ಮಾರಕವನ್ನೇನೂ ವಿರೋಧಿಸಿಲ್ಲ. 

    ಅಂದಹಾಗೆ ಓದುಗರಿಗೆ ಸ್ವಲ್ಪ ಅಪರಿಚಿತವಾಗಿಯೇ ಉಳಿದಿರುವ ಈ ಕಥೆಯನ್ನೂ ಓದಿಬಿಡಿ. ವಿಷ್ಣು ಅವರ ಸಮಾಧಿ ಇರೋದು ಅಭಿಮಾನ್ ಸ್ಟುಡಿಯೋದಲ್ಲಿ. ಅದು ಹಿರಿಯ ನಟ ಬಾಲಕೃಷ್ಣ ಅವರ ಕನಸಿನ ಕೂಸು. ಆದರೆ, ಅವರ ನಿಧನದೊಂದಿಗೆ ಅದು ಅನಾಥವಾಗಿ ಹೋಗಿತ್ತು. ಎಷ್ಟರಮಟ್ಟಿಗೆ ಎಂದರೆ ಬಾಲಕೃಷ್ಣ ಅವರ ಸಮಾಧಿ ಕೂಡಾ ಅನಾಥವಾಗಿತ್ತು.

    ಅದು ಸುದೀಪ್‍ಗೆ ಗೊತ್ತಾದ ನಂತರ, ಏನೊಂದು ಮಾತನಾಡದೆ ಸದ್ದಿಲ್ಲದೆ ಬಾಲಕೃಷ್ಣ ಅವರ ಸಮಾಧಿಯನ್ನು ಸ್ಮಾರಕವನ್ನಾಗಿಸಿದರು ಸುದೀಪ್. ಅಭಿಮಾನ್ ಸ್ಟುಡಿಯೋಗೆ ಹೋದರೆ, ಹಾಸ್ನನಟ ಬಾಲಣ್ಣನವರ ಚಿರನಿದ್ರಾಲಯ. ಕಲಾ ಬಾಂಧವರಿಗೆಲ್ಲ ಇದೊಂದು ದೇವಾಲಯ ಎಂಬ ಬೋರ್ಡ್ ಇರುವ ಪುಟ್ಟ ಸ್ಮಾರಕ ಕಣ್ಣಿಗೆ ಬೀಳುತ್ತೆ. ಅದೇ ಬೋರ್ಡ್‍ನ ಕೆಳಗೆ ಕೊಡುಗೆ ಎಂದು ಸರೋವರ್ ಪ್ರೊಡಕ್ಷನ್ಸ್‍ನ ಹೆಸರನ್ನು ಪುಟ್ಟದಾಗಿ ಬರೆಯಲಾಗಿದೆ. 

    ಹೀಗೆ ಅಭಿಮಾನ್ ಸ್ಟುಡಿಯೋದ ಜೊತೆ ಭಾವನಾತ್ಮಕ ನಂಟು ಹೊಂದಿರುವ ಸುದೀಪ್, ವಿಷ್ಣುವರ್ಧನ್ ಅವರನ್ನು ಅಪಾರವಾಗಿ ಗೌರವಿಸುತ್ತಿದ್ದ ಕಲಾವಿದ. ಹೀಗಾಗಿಯೇ ಸ್ಮಾರಕ ವಿಳಂಬವಾಗುತ್ತಿರುವುದಕ್ಕೆ ಬೇಸರಗೊಂಡು ಸ್ವತಃ ರಂಗಕ್ಕಿಳಿದಿದ್ದಾರೆ. ಸರ್ಕಾರ, ಕಾನೂನು ಗೊಂದಲಗಳನ್ನು ಬಗೆಹರಿಸಿದರೆ, ವಿಷ್ಣು ಅವರ ಸ್ಮಾರಕ ಬೆಳಗುವುದರಲ್ಲಿ ಸಂಶಯವಿಲ್ಲ.

  • ಸುದೀಪ್ ಎದುರು ನಟಿಸೋಕೆ ಸುನಿಲ್ ಶೆಟ್ಟಿಗೆ ಟೆನ್ಷನ್..!

    interesting conversation between sudeep and suneil shetty

    ಸಾಮಾನ್ಯವಾಗಿ ಸ್ಟಾರ್‍ಗಳ ಎದುರು ನಟಿಸೋಕೆ ಹೊಸ ಮುಖಗಳು ನರ್ವಸ್ ಆಗೋದು ಸಹಜ. ಆದರೆ, ಪೈಲ್ವಾನ್ ಚಿತ್ರದಲ್ಲಿ ಸುದೀಪ್ ಎದುರು ನಟಿಸೋಕೆ ರೆಡಿಯಾಗುತ್ತಿರುವ ಬಾಲಿವುಡ್ ಸ್ಟಾರ್ ಸುನಿಲ್ ಶೆಟ್ಟಿಗೂ ನರ್ವಸ್‍ನೆಸ್ ಕಾಡುತ್ತಿದೆಯಂತೆ. ಮುಂದಿನ ಶೆಡ್ಯೂಲ್‍ನಲ್ಲಿ ಸುನಿಲ್ ಶೆಟ್ಟಿ ಜೊತೆ ನಟಿಸಲಿದ್ದೇನೆ ಎಂದು ಟ್ವೀಟ್ ಮಾಡಿದ್ದ ಸುದೀಪ್‍ಗೆ ಸುನಿಲ್ ಶೆಟ್ಟಿ ಇಂಥಾದ್ದೊಂದು ಪ್ರತಿಕ್ರಿಯೆ ಕೊಟ್ಟಿದ್ದಾರೆ.

    ನನ್ನ ಪ್ರಥಮ ಹೆಜ್ಜೆ ಸೋದರ ಸುದೀಪ್ ಜೊತೆ. ಉತ್ಸಾಹ ಮತ್ತು ಆತಂಕ ಕಾಡುತ್ತಿದೆ ಎಂದಿದ್ದಾರೆ ಸುನಿಲ್ ಶೆಟ್ಟಿ.

    ಸುನಿಲ್ ಶೆಟ್ಟಿ ಪ್ರತಿಕ್ರಿಯೆಗೆ ಮನಸಾರೆ ನಕ್ಕಿರುವ ಸುದೀಪ್, ನಿಮ್ಮ ಜೊತೆ ಕೆಲಸ ಮಾಡಲು ಇಡೀ ತಂಡ ಕಾಯುತ್ತಿದೆ. ನಿಮ್ಮೊಂದಿಗೆ ಕೆಲಸ ಮಾಡುವ ವೇಳೆ ಹೇಗಿರಬೇಕು ಅನ್ನೋ ನರ್ವಸ್‍ನೆಸ್ ಕಾಡುತ್ತಿರುವುದು ನಮ್ಮ ತಂಡಕ್ಕೆ ಎಂದಿದ್ದಾರೆ ಸುದೀಪ್.

Adhyaksha In America Success Meet Gallery

Ellidhe Illitanaka Movie Gallery