` sudeep - chitraloka.com | Kannada Movie News, Reviews | Image

sudeep

  • ವಿಲನ್ ಚಿತ್ರದ ಕಾನ್ಸೆಪ್ಟ್ - ಹೀಗೂ ಉಂಟೆ..?

    the villain poster

    ಪೋಸ್ಟರ್ ತುಂಬಾ ಬೆಂಕಿ. ಬ್ಯಾಕ್‍ಗ್ರೌಂಡ್‍ನಲ್ಲಿ ರಣ ರಣ ರಾವಣ ಎಂಬ ಮ್ಯೂಸಿಕ್. ನೋಡ ನೋಡುತ್ತಿದ್ದಂತೆಯೇ ಶಿವರಾಜ್ ಕುಮಾರ್ ತಲೆ ಉರುಳಿ ಬರುತ್ತೆ. ಬೆನ್ನಲ್ಲೇ ಸುದೀಪ್ ತಲೆ ಉರುಳುತ್ತೆ. ದೇಹವೆಲ್ಲ ಬೆಂಕಿ..ಶಿವಣ್ಣದ ಮುಖದಿಂದ ಸುದೀಪ್ ಮುಖ ಹೊರಬಂದರೆ, ಸುದೀಪ್ ಮುಖದಿಂದ ಶಿವರಾಜ್ ಕುಮಾರ್ ಮುಖ ಚಿಮ್ಮುತ್ತೆ. ಇದು ದಿ ವಿಲನ್ ಚಿತ್ರದ ಮೋಶನ್ ಪೋಸ್ಟರ್.

    ಪ್ರತಿ ರಾಮನ ಒಳಗೂ ಒಬ್ಬ ರಾವಣ ಇರುತ್ತಾನೆ. ಪ್ರತಿಯೊಬ್ಬ ರಾವಣನಲ್ಲೂ ಒಬ್ಬ ರಾಮನಿರುತ್ತಾನೆ ಎಂಬ ಕಾನ್ಸೆಪ್ಟ್‍ನಲ್ಲಿ ಸಿದ್ಧವಾಗುತ್ತಿರುವ ಚಿತ್ರ ದಿ ವಿಲನ್. ಜೋಗಿ ಪ್ರೇಮ್ ನಿರ್ದೇಶನದ ಚಿತ್ರದ ಮೇಲೆ ಸ್ಯಾಂಡಲ್‍ವುಡ್ ಭರ್ಜರಿ ನಿರೀಕ್ಷೆ ಇಟ್ಟುಕೊಂಡಿದೆ. ಸುದೀಪ್ ಹುಟ್ಟುಹಬ್ಬಕ್ಕೆ ವಿಶೇಷ ಪೋಸ್ಟರ್ ರಿಲೀಸ್ ಮಾಡಿ ಶುಭ ಕೋರಿದೆ.

    Related Articles :-

    Motion poster Of 'The Villain' Released!

    ಮತ್ತೆ ಬ್ಯಾಂಕಾಕ್‍ಗೆ `ದಿ ವಿಲನ್' ಟೀಂ

    The Villain Rights Sold

    ದಿ ವಿಲನ್, ಲಂಡನ್ ಶೂಟಿಂಗ್ ಮುಗೀತು - ಭಾನುವಾರದ ಕಿಚ್ಚನ ಪ್ಲಾನ್ ಏನು?

     

     

  • ವಿಲನ್ ಟಿಕೆಟ್ ಬುಕ್ಕಿಂಗ್ ಅಕ್ಟೋಬರ್ 11ರಿಂದ

    the villain ticket booking from oct 1

    ದಿ ವಿಲನ್. ಚಿತ್ರದ 4 ಟೀಸರ್‍ಗಳನ್ನು ಬಿಟ್ಟಿರೋ ನಿರ್ದೇಶಕ ಪ್ರೇಮ್, ಅಭಿಮಾನಿಗಳನ್ನು ಕುತೂಹಲ, ಕಾತುರದ ತುತ್ತತುದಿಗೆ ಕೊಂಡೊಯ್ದಿದ್ದಾರೆ. ಪ್ರೇಮ್ ಇಷ್ಟವಾಗೋದು ಈ ಕಾರಣಕ್ಕೆ. ಒಂದು ಸಿನಿಮಾವನ್ನು ಎಷ್ಟು ಅದ್ಭುತವಾಗಿ ಹೇಗೆ ಪ್ರಮೋಟ್ ಮಾಡಬೇಕು ಅನ್ನೋದು ಪ್ರೇಮ್‍ಗೆ ಚೆನ್ನಾಗಿ ಗೊತ್ತು. ದಿ ವಿಲನ್ ಚಿತ್ರದಲ್ಲಂತೂ, ಚಿತ್ರ ಪ್ರಚಾರದ ಸಾಧ್ಯತೆಗಳನ್ನೆಲ್ಲ ತೆರೆದಿಟ್ಟ ಪ್ರೇಮ್, ಇಡೀ ಚಿತ್ರರಂಗವೇ ಕಣ್ಣಲ್ಲಿ ಕಣ್ಣಿಟ್ಟು ಕಾಯುವಂತೆ ಮಾಡಿದ್ದಾರೆ. 

    4 ಟೀಸರ್ ಬಿಟ್ಟರೂ, ಚಿತ್ರದ ಕಥೆ ಏನಿರಬಹುದು ಅನ್ನೋ ಗುಟ್ಟು ಮಾತ್ರ ಬಿಟ್ಟುಕೊಟ್ಟಿಲ್ಲ ಪ್ರೇಮ್. ಇದೇ ವೇಳೆ ಚಿತ್ರದ ಟಿಕೆಟ್ ಅಡ್ವಾನ್ಸ್ ಬುಕ್ಕಿಂಗ್ ಡೇಟ್‍ನ್ನು ಅನೌನ್ಸ್ ಮಾಡಿದ್ದಾರೆ. ಅಕ್ಟೋಬರ್ 11ರಿಂದ ಅಂದರೆ ಸಿನಿಮಾ ಬಿಡುಗಡೆಯಾಗುವುದಕ್ಕೆ ಒಂದು ವಾರ ಮೊದಲಿನಿಂದಲೇ ನೀವು ಆನ್‍ಲೈನ್‍ನಲ್ಲಿ ದಿ ವಿಲನ್‍ಗೆ ಟಿಕೆಟ್ ಬುಕ್ ಮಾಡಬಹುದು. ಸಿ.ಆರ್.ಮನೋಹರ್ ನಿರ್ಮಾಣದ ಚಿತ್ರ ಏಕಕಾಲದಲ್ಲಿ ತೆಲುಗು ಹಾಗೂ ತಮಿಳಿನಲ್ಲೂ ರಿಲೀಸ್ ಆಗಲಿದೆ. 1000+ ಚಿತ್ರಮಂದಿರಗಳಲ್ಲಿ ಸಿನಿಮಾ ರಿಲೀಸ್ ಮಾಡೋಕೆ ಸಿದ್ಧರಾಗಿದ್ದಾರೆ ನಿರ್ಮಾಪಕ ಸಿ.ಆರ್.ಮನೋಹರ್.

  • ವಿಲನ್ ಪ್ರೇಮ್​ಗೆ ಶಹಬ್ಬಾಸ್ ಎಂದ ಸುದೀಪ್

    sudeep praises prem

    ಕಿಚ್ಚ ಸುದೀಪ್ ಮತ್ತು ಶಿವರಾಜ್ ಕುಮಾರ್ ಅಭಿನಯಿಸುತ್ತಿರುವ 'ದಿ ವಿಲನ್' ಶೂಟಿಂಗ್​ ಬ್ಯಾಂಕಾಕ್​ನಲ್ಲಿ ಭರ್ಜರಿಯಾಗಿ ಸಾಗಿದೆ. ಪ್ರೇಮ್ ಕೆಲಸದ ವೈಖರಿಗೆ ಸುದೀಪ್ ಖುಷಿಗೊಂಡಿದ್ದಾರೆ. 

    ಸದ್ಯ, ಬ್ಯಾಂಕಾಕ್ ಶೂಟಿಂಗ್ನಲ್ಲಿರುವ ಸುದೀಪ್, ಬ್ಯಾಂಕಾಕ್ ಚಿತ್ರೀಕರಣದ ಅನುಭವ ಅದ್ಭುತ ಎಂದು ಹೇಳಿದ್ದಾರೆ. ''ಬ್ಯಾಂಕಾಕ್​ನಲ್ಲಿ ಚಿತ್ರೀಕರಣ ಅದ್ಭುತವಾಗಿತ್ತು. ಅಲ್ಲಿನ ವ್ಯವಸ್ಥೆ, ಪ್ರೊಡಕ್ಷನ್ ಕೆಲಸ, ಇಡೀ ಚಿತ್ರತಂಡ ಮತ್ತು ತಾಂತ್ರಿಕವರ್ಗದ ಕೆಲಸಗಳು ಉತ್ತಮವಾಗಿದ್ದವು'' ಎಂದು ಟ್ವೀಟ್ ಮಾಡಿದ್ದಾರೆ.

    ಮುಂದಿನ 10 ದಿನ ಚೇಸಿಂಗ್ ದೃಶ್ಯಗಳನ್ನ ಶೂಟ್ ಮಾಡುತ್ತಿದ್ದೇವೆ. ಚಿತ್ರದ ಸ್ಟೋರಿ ಬೋರ್ಡ್ ನೋಡಿದೆ. ಸಖತ್ ಥ್ರಿಲ್ಲಿಂಗ್. ಚಿತ್ರೀಕರಣದಲ್ಲಿ ಭಾಗಿಯಾಗಲು ಕಾತುರದಿಂದ ಕಾಯುತ್ತಿದ್ದೇನೆ'' ಎಂದಿದ್ದಾರೆ ಸುದೀಪ್.

    ಸುದೀಪ್ ಹೊಗಳಿಕೆ, ದಿ ವಿಲನ್ ಚಿತ್ರದ ಬಗ್ಗೆ ಇದ್ದ ನಿರೀಕ್ಷೆಯನ್ನ ಇನ್ನಷ್ಟು ಹೆಚ್ಚಿಸಿದೆ.

    Related Articles :-

    Amy Jackson Joins The Villain

    Storm Hampers The Shooting Of The Villain

    Sudeep Joins The Villain Second Schedule

    Mithun Chakraborty Joins The Sets Of The Villain

    Amy Jackson Is The Heroine For The Villain

    Puneeth Visits The Villain Set - Exclusive

    First look Of The Villain Released

    First Look Of The Villain Today Night At 7 PM

    First Look Of The Villain On April 1st

    Sudeep Starts Shooting For The Villain

    Sruthi Hariharan For 'The Villain'

    The Villain Starting Next Week

     

  • ವಿಲನ್ ಮೂಲಕ ರಕ್ಷಿತಾ ರೀ ಎಂಟ್ರಿ

    rakshitha re entry with the villan

    ಅಪ್ಪು ಮೂಲಕ ಬೆಳ್ಳಿತೆರೆಗೆ ಕಾಲಿಟ್ಟ ರಕ್ಷಿತಾ, ಕನ್ನಡ ಚಿತ್ರರಂಗ ಅಷ್ಟೇ ಅಲ್ಲ, ತೆಲುಗು, ತಮಿಳುನಲ್ಲೂ ಹವಾ ಸೃಷ್ಟಿಸಿದ್ದವರು. ಮದುವೆಯಾದ ಮೇಲೆ ಅಪ್ಪಟ ಗೃಹಿಣಿಯಾದ ರಕ್ಷಿತಾ ಕಿರುತೆರೆಗಷ್ಟೇ ಸೀಮಿತರಾಗಿಬಿಟ್ಟಿದ್ದಾರೆ. ಈಗ ಮತ್ತೊಮ್ಮೆ ಬೆಳ್ಳಿತೆರೆಗೆ ಎಂಟ್ರಿ ಕೊಡುತ್ತಿದ್ದಾರೆ. ನಟಿಯಾಗಿ ಅಲ್ಲ, ಕಂಠದಾನ ಕಲಾವಿದೆಯಾಗಿ.

    ದಿ ವಿಲನ್ ಚಿತ್ರದ ನಾಯಕಿ ಆ್ಯಮಿ ಜಾಕ್ಸನ್‍ಗೆ ಧ್ವನಿ ನೀಡುತ್ತಿರುವುದು ರಕ್ಷಿತಾ. ಯಾರ್ಯಾರದ್ದೋ ಧ್ವನಿ ಟೆಸ್ಟ್ ಮಾಡಿದ್ದ ಪ್ರೇಮ್‍ಗೆ, ಅದ್ಯಾವುದೂ ಇಷ್ಟವಾಗದೆ ಕೊನೆಗೆ ಓಕೆಯಾಗಿದ್ದು ರಕ್ಷಿತಾ ಅವರ ಧ್ವನಿ. ರಕ್ಷಿತಾ ಧ್ವನಿ ಡಿಫರೆಂಟಾಗಿದೆ ಅನ್ನೋ ಕಾರಣಕ್ಕೆ ರಕ್ಷಿತಾ ಅವರ ಧ್ವನಿಯನ್ನೇ ಫೈನಲ್ ಮಾಡಿದ್ದಾರೆ ಪ್ರೇಮ್. ಇದುವರೆಗೆ ತಮ್ಮ ಪಾತ್ರಕ್ಕಷ್ಟೇ ಧ್ವನಿ ನೀಡಿದ್ದ ರಕ್ಷಿತಾ, ಈ ಚಿತ್ರದ ಮೂಲಕ ಬೇರೊಬ್ಬರ ಪಾತ್ರಕ್ಕೂ ಧ್ವನಿ ಕೊಡುವ ಸಾಹಸಕ್ಕೆ ಕೈ ಹಾಕಿದ್ದಾರೆ.

    ಅಂದಹಾಗೆ ರಕ್ಷಿತಾ ಅವರ ಧ್ವನಿಯನ್ನು ಆ್ಯಮಿ ಜಾಕ್ಸನ್ ಪಾತ್ರಕ್ಕೆ ಹೊಂದುತ್ತೆ ಎಂದು ಗುರುತಿಸಿದ ಮೊದಲಿಗರು ಪ್ರೇಮ್ ಅಲ್ಲ, ನಿರ್ದೇಶಕ ಮಹೇಶ್ ಬಾಬು ಹಾಗೂ ಸೌಂಡ್ ಎಂಜಿನಿಯರ್ ಆನಂದ್ ಅಂತೆ. ಒಟ್ಟಿನಲ್ಲಿ ಶಿವರಾಜ್‍ಕುಮಾರ್, ಸುದೀಪ್ ಕಾಂಬಿನೇಷನ್‍ನ ಅದ್ಧೂರಿ ಚಿತ್ರಕ್ಕೆ ಮತ್ತೊಬ್ಬ ಸ್ಟಾರ್ ಎಂಟ್ರಿ ಕೊಟ್ಟಿದ್ದಾರೆ.

  • ವಿಲನ್ ವಿಳಂಬಕ್ಕೆ ಪ್ರೇಮ್ ಕಾರಣ ಅಲ್ಲ - ಸುದೀಪ್

    the villain delay issue clarified by sudeep

    ದಿ ವಿಲನ್ ವಿಳಂಬಕ್ಕೆ ಯಾರು ಕಾರಣ ಎಂಬ ಬಗ್ಗೆ ಶಿವರಾಜ್‍ಕುಮಾರ್ ಮಾತನಾಡಿದ್ದರು. ಅವರು ನೇರವಾಗಿ ಪ್ರೇಮ್ ಅವರೇ ಕಾರಣ ಎಂದೇನೂ ಹೇಳಿರಲಿಲ್ಲ. ಆದರೆ, ಚಿತ್ರವನ್ನು ನಿರ್ದೇಶಿಸಲು ಹೊರಡುವಾಗ ನಿರ್ದೇಶಕರಿಗೆ ಒಂದು ಪ್ಲಾನ್ ಇರಬೇಕು ಎಂಬರ್ಥದಲ್ಲಿ ಮಾತನಾಡಿದ್ದರು. ಈ ಕುರಿತು ಚಿತ್ರಲೋಕ ಕೂಡಾ ವರದಿ ಮಾಡಿತ್ತು.

    ಈ ವರದಿಗೆ ಪ್ರತಿಕ್ರಿಯೆ ನೀಡಿರುವ ಸುದೀಪ್, `ದಿ ವಿಲನ್' ವಿಳಂಬಕ್ಕೆ ಪ್ರೇಮ್ ಒಬ್ಬರನ್ನೇ ದೂಷಿಸುವುದು ಸರಿಯಲ್ಲ ಎಂದಿದ್ದಾರೆ. ಪ್ರೇಮ್ ಒಬ್ಬ ಫ್ಯಾಷನೇಟ್ ನಿರ್ದೇಶಕ. ಅವರು ಪ್ಲಾನ್ ಇಲ್ಲದೆ ಚಿತ್ರವನ್ನು ಶುರು ಮಾಡಿಲ್ಲ. ಸನ್ನಿವೇಶ ಹಾಗೂ ಪರಿಸ್ಥಿತಿಗಳು ಇದಕ್ಕೆಲ್ಲ ಕಾರಣ. ಪ್ರೇಮ್ ಒಬ್ಬರನ್ನೇ ದೂಷಿಸುವುದು ಸರಿಯಲ್ಲ ಎಂದಿದ್ದಾರೆ ಸುದೀಪ್.

    `ದಿ ವಿಲನ್' ಹೇಳಿಕೇಳಿ ಶಿವರಾಜ್‍ಕುಮಾರ್, ಸುದೀಪ್ ಹಾಗೂ ಪ್ರೇಮ್ ಕಾಂಬಿನೇಷನ್ನಿನ ಸಿನಿಮಾ. ಒಂದೊಂದು ದಿನ ವಿಳಂಬವಾದಷ್ಟೂ ಅಭಿಮಾನಿಗಳ ನಿರೀಕ್ಷೆ, ಕುತೂಹಲ ಹೆಚ್ಚುತ್ತಲೇ ಹೋಗುತ್ತೆ. ಕೇವಲ ಕಾಂಬಿನೇಷನ್ ಕಾರಣಕ್ಕೇ ದಿ ವಿಲನ್ ಚಿತ್ರ ಮೌಂಟ್‍ಎವರೆಸ್ಟ್‍ನಷ್ಟು ಎತ್ತರದ ನಿರೀಕ್ಷೆ ಮೂಡಿಸಿರುವುದು ನಿಜ. 

    ಇನ್ನು ಚಿತ್ರದಲ್ಲಿ ತೊಡಗಿಸಿಕೊಂಡಿರುವ ಸುದೀಪ್, ಶಿವರಾಜ್‍ಕುಮಾರ್, ಪ್ರೇಮ್, ನಿರ್ಮಾಪಕ ಮನೋಹರ್ ಸೇರಿದಂತೆ ಪ್ರತಿಯೊಬ್ಬರೂ ಸಿನಿಮಾ ಹುಚ್ಚರೇ. ಏನೇ ಮಾಡಿದರೂ ಅದ್ಭುತವಾಗಿ ಮಾಡಬೇಕು ಎನ್ನುವವರು. ಸಿನಿಮಾ ಆದಷ್ಟು ಬೇಗ ತೆರೆ ಕಾಣಲಿ.

  • ವಿಷ್ಣು ಹಬ್ಬಕ್ಕೆ ಸುದೀಪ್ ಗಾಯನ

    sudeep to sing at vishnu rastriya utsava

    ವಿಷ್ಣುವರ್ಧನ್ ಹುಟ್ಟುಹಬ್ಬವನ್ನು ರಾಷ್ಟ್ರೀಯ ಹಬ್ಬದಂತೆ ಆಚರಿಸಲಾಗುತ್ತಿದೆ. ವಿಷ್ಣು ಸೇನಾ ಸಮಿತಿ, ಸೆಪ್ಟೆಂಬರ್ 16,17 ಹಾಗೂ 18ರಂದು 3 ದಿನ ವಿಷ್ಣು ಜಯಂತಿಗಾಗಿ ವಿಶೇಷ, ವಿಭಿನ್ನ ಕಾರ್ಯಕ್ರಮಗಳನ್ನು ಹಮ್ಮಿಕೊಂಡಿದೆ. ಈ ಕಾರ್ಯಕ್ರಮದಲ್ಲಿ ವಿಷ್ಣು ಅವರಿಗಾಗಿಯೇ ವಿಶೇಷ ಹಾಡು ರಚಿಸಲಾಗಿದ್ದು, ಆ ಗೀತೆಯನ್ನು ವಿಷ್ಣು ಅಭಿಮಾನಿಯೂ ಆಗಿರುವ ಕಿಚ್ಚ ಸುದೀಪ್ ಹಾಡುತ್ತಿದ್ದಾರೆ.

    ಕೆ. ಕಲ್ಯಾಣ್ ಸಾಹಿತ್ಯ ರಚಿಸಿ, ಸಂಗೀತ ನೀಡಿರುವ ಹಾಡಿನ ರೆಕಾರ್ಡಿಂಗ್, ಹೈದರಾಬಾದ್‍ನಲ್ಲಿ ನಡೆಯಲಿದೆ. ಉತ್ಸವ ಗೀತೆಗೆ ಧ್ವನಿಯಾಗುತ್ತಿರುವುದಷ್ಟೇ ಅಲ್ಲ, ವಿಷ್ಣು ಉತ್ಸವಕ್ಕೆ ಈ ಬಾರಿ ಸುದೀಪ್ ಅವರೇ ಚಾಲನೆ ನೀಡುತ್ತಿದ್ದಾರೆ.

  • ವಿಷ್ಣುವರ್ಧನ್ ಅವರ ಸಮಾದಿ ಪುಣ್ಯ ಭೂಮಿ - ಸುದೀಪ್

    sudeep request cm for vishnu memorial in mysore

    ವಿಷ್ಣುವರ್ಧನ್ ಅವರ ಸಮಾಧಿ ಇರುವುದು ಅಭಿಮಾನ್ ಸ್ಟುಡಿಯೋದಲ್ಲಿ. ಅಲ್ಲಿಂದ ಸಮಾಧಿಯನ್ನು ಮೈಸೂರಿಗೆ ಸ್ಥಳಾಂತರಿಸಿ ಅಲ್ಲಿ ಸ್ಮಾರಕ ನಿರ್ಮಿಸಬೇಕು ಎಂಬ ವಾದ ಒಂದು ಕಡೆ, ಸಮಾಧಿ ಇಲ್ಲಿಯೇ ಇರಲಿ, ಸ್ಮಾರಕವೂ ಇಲ್ಲಿಯೇ ಆಗಲಿ ಎನ್ನುವ ಹೋರಾಟ ಮತ್ತೊಂದು ಕಡೆ. ಈ ಎರಡು ವಾದಗಳ ಮಧ್ಯೆ ವಿಷ್ಣುವರ್ಧನ್ ಸ್ಮಾರಕದ ಕನನು ಕನಸಾಗಿಯೇ ಉಳಿದುಬಿಟ್ಟಿದೆ.

    ಈ ಹಿನ್ನೆಲೆಯಲ್ಲಿ ಸಿಎಂ ಸಿದ್ದರಾಮಯ್ಯನವರನ್ನು ಭೇಟಿ ಮಾಡಿರುವ ಕಿಚ್ಚ ಸುದೀಪ್, ವಿಷ್ಣುವರ್ಧನ್ ಅವರ ಸ್ಮಾರಕ ನಿರ್ಮಾಣ ಹೋರಾಟಕ್ಕೆ ಮತ್ತೆ ಬಲ ತಂದಿದ್ದಾರೆ. ಅವರು ಸಿದ್ದರಾಮಯ್ಯನವರನ್ನು ಕೇಳಿರುವುದು ಇಷ್ಟೆ. ವಿಷ್ಣು ಅವರ ಸಮಾಧಿ ಇರುವ ಜಾಗ ಪುಣ್ಯಭೂಮಿ. ಅದನ್ನು ಯಾವುದೇ ಕಾರಣಕ್ಕೂ ಸ್ಥಳಾಂತರಿಸುವುದು ಬೇಡ. ಬಾಲಕೃಷ್ಣ ಅವರ ಕುಟುಂಬಕ್ಕೆ ಪರಿಹಾರವನ್ನು ಕೊಡಿ. ಅವರ ಕುಟುಂಬದ ಮೇಲೆ ಸರ್ಕಾರ ಹಾಕಿರುವ ಕೇಸ್​ಗಳನ್ನು ವಾಪಸ್ ತೆಗೆದಕೊಂಡರೆ ವಿವಾದ ಬಗೆಹರಿಯಬಹುದು. ಖುದ್ದು ನೀವೇ ಸಂಧಾನ ನಡೆಸಿ, ಮಾತನಾಡಿದರೆ, ಬಾಲಕೃಷ್ಣ ಕುಟುಂಬಸ್ಥರು ಒಪ್ಪಿಯೇ ಒಪ್ಪುತ್ತಾರೆ ಎಂದು ಸಿದ್ದರಾಮಯ್ಯನವರಿಗೆ ಮನವಿ ಮಾಡಿದ್ದಾರೆ ಸುದೀಪ್.

    ಸಮಾಧಿ ಜಾಗದ ಸಮಸ್ಯೆಯೊಂದನ್ನು ಬಗೆಹರಿಸಿಬಿಡಿ. ಆ ಜಾಗವನ್ನು ನಮಗೆ ಕೊಡಿ. ವಿಷ್ಣು ಅಭಿಮಾನಿಗಳೊಂದಿಗೆ ನಾವು ಆ ಜಾಗವನ್ನು ಅಭಿವೃದ್ಧಿಪಡಿಸುತ್ತೇವೆ. ಇದನ್ನು ಹೊರತುಪಡಿಸಿ, ಸರ್ಕಾರ ಮಾಡಲು ಉದ್ದೇಶಿಸಿರುವ ಸ್ಮಾರಕವನ್ನು ಎಲ್ಲಿ ಬೇಕಾದರೂ ನಿರ್ಮಿಸಿ. ಅದಕ್ಕೆ ನಮ್ಮ ತಕರಾರಿಲ್ಲ ಎಂದಿದ್ದಾರೆ ಸುದೀಪ್. 

    ವಿಷ್ಣುವರ್ಧನ್ ನಿಧನರಾಗಿ ಇದೇ ಡಿಸೆಂಬರ್ 30ಕ್ಕೆ 8 ವರ್ಷ ತುಂಬಲಿದೆ. ಆದರೆ, ಸಮಾಧಿಯ ಜಾಗದಲ್ಲಿ ವಿಷ್ಣು ಅವರ ನೆನಪಿಗಾಗಿ ಏನೆಂದರೆ ಏನೂ ಇಲ್ಲ. ಹೀಗಾಗಿಯೇ, ಅದರ ಜವಾಬ್ದಾರಿಯನ್ನು ಅಭಿಮಾನಿಗಳ ಜೊತೆ ಸ್ವತಃ ತಾವು ಹೊತ್ತುಕೊಳ್ಳೋದಾಗಿ ಹೇಳಿದ್ದಾರೆ ಸುದೀಪ್. ಹಾಗೆಂದು ಸರ್ಕಾರ ನಿರ್ಮಿಸಲು ಉದ್ದೇಶಿಸಿರುವ ವಿಷ್ಣು ಅವರ ಸ್ಮಾರಕಕ್ಕೆ ಯಾವುದೇ ವಿರೋಧ ವ್ಯಕ್ತಪಡಿಸಿಲ್ಲ ಎನ್ನುವುದು ಗಮನಾರ್ಹ. ಅಭಿಮಾನವೆಂದರೆ ಇದೇ ಅಲ್ಲವೆ.

  • ವ್ಯಾಯಾಮ ಹೇಳಿಕೊಡುತ್ತಿದ್ದಾರೆ ಅಂಬರೀಷ್

    ambi is gym trainer

    ಅಂಬಿ ನಿಂಗೆ ವಯಸ್ಸಾಯ್ತೋ ಚಿತ್ರ ಭಾರಿ ಸದ್ದು ಮಾಡುತ್ತಿದೆ. ಅಂಬರೀಷ್ & ಸುದೀಪ್ ಕಾಂಬಿನೇಷನ್ ಎಂಬುದೇ ಸೆನ್ಸೇಷನ್ ಸೃಷ್ಟಿಸಿದೆ. ಜೊತೆಗೆ, ಅಂಬರೀಷ್ ಅವರು ಅಭಿಮಾನಿಗಳಿಗಾಗಿಯೇ ಒಂದು ಪತ್ರ ಬರೆದು, ಕುತೂಹಲ ಮತ್ತು ನಿರೀಕ್ಷೆ ಎರಡನ್ನೂ ಹೆಚ್ಚಿಸಿಬಿಟ್ಟಿದ್ದಾರೆ.

    ಚಿತ್ರದ ಶೂಟಿಂಗ್ ಶುರುವಾಗಿದೆ. ಚಿತ್ರದಲ್ಲಿ ಅಂಬರೀಷ್ ಅವರದ್ದು ಸ್ಟಂಟ್‍ಮ್ಯಾನ್ ಪಾತ್ರ. ನಿವೃತ್ತಿಯಾದರೂ ವೃತ್ತಿ ಬಿಡಲು ಇಷ್ಟವಿರಲ್ಲ. ಮಗ ದೊಡ್ಡ ಹುದ್ದೆಯಲ್ಲಿದ್ದರೂ ಸ್ವಾಭಿಮಾನದಿಂದ ಬದುಕುವ ಅಂಬಿ, ಜಿಮ್ ಟ್ರೈನರ್ ಆಗಿ ಕೆಲಸ ಮುಂದುವರೆಸುತ್ತಾರೆ. ಈ ಭಾಗದ ಚಿತ್ರೀಕರಣ ಈಗ ಜೆಪಿ ನಗರದ ಜಿಮ್‍ವೊಂದರಲ್ಲಿ ಶುರುವಾಗಿದೆ. 

    ಗುರುದತ್ ಗಾಣಿಗ ಎಂಬುವರು ನಿರ್ದೇಶಿಸುತ್ತಿರುವ ಚಿತ್ರ, ಕಿಚ್ಚ ಕ್ರಿಯೇಷನ್ಸ್ ಬ್ಯಾನರ್‍ನಲ್ಲಿ ಬರುತ್ತಿದೆ. ನಿರ್ಮಾಪಕರು ಜಾಕ್ ಮಂಜು. ಅಂಬಿಗೆ ಸುಹಾಸಿನಿ ನಾಯಕಿ.

  • ವ್ಹಾವ್.. ವಾಟ್ ಎ ಫಿಲಂ.. ಇದು ಕಿಚ್ಚನ ಕರಾಳ ರಾತ್ರಿ ವಿಮರ್ಶೆ

    kiccha sudeep appreciates karala ratri

    ಕರಾಳ ರಾತ್ರಿ. ದಯಾಳ್ ಪದ್ಮನಾಭ್ ನಿರ್ದೇಶನದ ಸಿನಿಮಾ ಸೈಲೆಂಟ್ ಆಗಿ ಹಿಟ್ ಆದ ಚಿತ್ರ. ಜಯಕೀರ್ತಿ, ಅನುಪಮಾ ಗೌಡ, ರಂಗಾಯಣ ರಘು ನಟಿಸಿದ್ದ ಚಿತ್ರ, ಬಿಡುಗಡೆಯಾದ ಮೇಲೆ ಹಂತ ಹಂತವಾಗಿ ಪ್ರೇಕ್ಷಕರ ಹೃದಯ ಗೆಲ್ಲುತ್ತಾ ಹೋಯ್ತು. ಈಗ 25 ದಿನಗಳ ಯಶಸ್ವೀ ಪ್ರದರ್ಶನ ಮುಗಿಸಿ ಮುನ್ನುಗ್ಗುತ್ತಿದೆ.

    ಜೆಕೆ, ಕಿಚ್ಚ ಸುದೀಪ್‍ರ ಆತ್ಮೀಯ ಗೆಳೆಯ. ಗೆಳೆಯನ ಚಿತ್ರವೊಂದು ಸಕ್ಸಸ್ ಕಾಣುತ್ತಿರುವ ಖುಷಿಗೆ, ಚಿತ್ರವನ್ನು ನೋಡಿರುವ ಸುದೀಪ್, ಚಿತ್ರತಂಡಕ್ಕೆ ಶುಭ ಹಾರೈಸಿದ್ದಾರೆ. 

    ಜೆಕೆ, ಸಿನಿಮಾವನ್ನು ನನಗೆ ತೋರಿಸಲು ಇಷ್ಟಪಟ್ಟಿದ್ದರು. ಸಮಯ ಹೊಂದಿಸಿಕೊಳ್ಳೋಕೆ ಆಗಲಿಲ್ಲ. ಚಿತ್ರವನ್ನು ನೋಡಿದಾಗ ಥ್ರಿಲ್ ಆಗಿ ಹೋದೆ. ಅತ್ಯಂತ ಕಡಿಮೆ ಪಾತ್ರಗಳು, ಪ್ರತಿಕ್ಷಣವೂ ನಮ್ಮನ್ನು ಚಿತ್ರದೊಳಗೆ ಕೂರಿಸಿಕೊಳ್ಳುವ ಚಿತ್ರಕಥೆ, ಸತ್ಯ ಗೊತ್ತಾದಾಗ ನಮ್ಮನ್ನು ಬೆಚ್ಚಿಬೀಳಿಸುತ್ತೆ. ಸೀಟ್‍ನ ತುದಿಗೆ ಕೂರುವಂತೆ ಮಾಡುತ್ತೆ.ಇಂಥಾದ್ದೊಂದು ಚಿತ್ರದಲ್ಲಿ ನಟಿಸಿದ ಕಲಾವಿದರು, ನಿರ್ದೇಶಕರು, ತಂತ್ರಜ್ಞರು ಎಲ್ಲರಿಗೂ ಹ್ಯಾಟ್ಸಾಫ್.

    ರಂಗಾಯಣ ರಘು, ಕನ್ನಡ ಚಿತ್ರರಂಗಕ್ಕೆ ದೊಡ್ಡದೊಂದು ಉಡುಗೊರೆ. ಅದು ಈ ಚಿತ್ರದಲ್ಲಿ ಮತ್ತೊಮ್ಮೆ ಸಾಬೀತಾಗಿದೆ. ವೀಣಾ ಸುಂದರ್ ಅಭಿನಯವಂತೂ ವಂಡರ್‍ಫುಲ್. ಅನುಪಮಾ ಅವರದ್ದಂತೂ 100 ಚಿತ್ರಗಳಲ್ಲಿ ನಟಿಸಿರುವ ಕಲಾವಿದರಂತೆ ಪ್ರಬುದ್ಧರಾಗಿ ನಟಿಸಿದ್ದಾರೆ. ಮೊದಲ ಚಿತ್ರದಲ್ಲೇ ಕಠಿಣ ಸವಾಲು ಸ್ವೀಕರಿಸಿ ಗೆದ್ದಿದ್ದಾರೆ. ಆಕೆಗೆ ಅತ್ಯುತ್ತಮ ಭವಿಷ್ಯವಿದೆ. ಇನ್ನು ಜೆಕೆ, ಈ ಚಿತ್ರದಲ್ಲಿ ನನಗೂ ಸರ್‍ಪ್ರೈಸ್ ಕೊಟ್ಟಿದ್ದಾರೆ. ಅವರ ಇನ್‍ವಾಲ್ವ್‍ಮೆಂಟ್, ಪಾತ್ರಕ್ಕೆ ತಮ್ಮನ್ನು ಒಗ್ಗಿಸಿಕೊಂಡಿರುವ ರೀತಿ ಅಮೋಘ.

    ನಿರ್ದೇಶಕ ದಯಾಳ್.. ಅವರಂತೂ ಎಕ್ಸಲೆಂಟ್. ಬೂದುಗನ್ನಡಿ ಹಾಕಿಕೊಂಡು ತಪ್ಪು ಹುಡುಕೋಣ ಎಂದು ಕೊಂಡೆ. ಝೂಮ್ ಲೆನ್ಸ್ ಫೇಲ್ ಆಯ್ತು. ಕಂಗ್ರಾಟ್ಸ್ ದಯಾಳ್. ನಾರಾಯಣ್ ಅವರ ಹಿನ್ನೆಲೆ ಸಂಗೀತವಂತೂ ಅದ್ಭುತ.

    ಯಾವುದೇ ಸಿನಿಮಾ ನೋಡಿದಾಗ ಅದು ಕಂಪ್ಲೀಟ್ ಎನಿಸುವುದಿಲ್ಲ. ಯಾವುದಾದರೊಂದು ಸಣ್ಣ ತಪ್ಪಾದರೂ ಕಾಣಿಸುತ್ತೆ. ಆದರೆ, ಈ ಚಿತ್ರವನ್ನು ನೋಡಿ. ವ್ಹಾವ್.. ವ್ಹಾಟ್ ಎ ಫಿಲ್ಮ್ ಅಂತೀರಿ.

    ಇದು ಕಿಚ್ಚ ಸುದೀಪ್ ಕರಾಳ ರಾತ್ರಿಗೆ ಬರೆದಿರುವ ವಿಮರ್ಶೆ. ಸಿನಿಮಾ ನಿಜಕ್ಕೂ ಥ್ರಿಲ್ಲಿಂಗ್ ಆಗಿದೆ ಅನ್ನೋದು ಸುದೀಪ್ ಮಾತು. 

  • ಶಿವಣ್ಣ ಜೊತೆ ಹೆಜ್ಜೆ ಹಾಕಿದ ಸುಂದರಿಯರ ಮಾತು

    shivanna dances sandalwood beauties

    ಹ್ಯಾಟ್ರಿಕ್ ಹೀರೋ ಶಿವರಾಜ್‍ಕುಮಾರ್, ಅದ್ಭುತ ಡ್ಯಾನ್ಸರ್ ಎಂಬುದು ಕನ್ನಡಿಗರೆಲ್ಲರಿಗೂ ಗೊತ್ತಿರುವ ವಿಚಾರವೇ. ದಿ ವಿಲನ್ ಚಿತ್ರದಲ್ಲಿ ಶಿವಣ್ಣ ಜೊತೆ ಹಲವು ಸುಂದರಿಯರು ಹೆಜ್ಜೆ ಹಾಕಿದ್ದಾರೆ. ರಚಿತಾ ರಾಮ್, ಶ್ರದ್ಧಾ ಶ್ರೀನಾಥ್, ರಾಧಿಕಾ ಚೇತನ್, ಭಾವನಾ ರಾವ್, ಸಂಯುಕ್ತಾ ಹೊರನಾಡು, ಶಾನ್ವಿ ಶ್ರೀವಾಸ್ತವ್.. ಶಿವಣ್ಣ ಜೊತೆ ಸ್ಟೆಪ್ ಹಾಕಿರುವ ನಟಿಯರು. ಇವರಿಗೆಲ್ಲ ಒನ್ಸ್ ಎಗೇಯ್ನ್ ಅಚ್ಚರಿಯಾಗಿರುವುದು ಶಿವರಾಜ್‍ಕುಮಾರ್ ಅವರ ಎನರ್ಜಿ. 

    ಶಿವಣ್ಣ ಜೊತೆ ಕಾಣಿಸಿಕೊಳ್ಳೋದೇ ಹೆಮ್ಮೆಯ ಸಂಗತಿ. ನಾನಂತೂ ಎಕ್ಸೈಟ್ ಆಗಿದ್ದೇನೆ. ನರ್ವಸ್ ಕೂಡಾ ಆಗಿದ್ದೇನೆ.

    ರಾಧಿಕಾ ಚೇತನ್

    ಇದು ಸುದೀಪ್, ಶಿವರಾಜ್‍ಕುಮಾರ್ ಸಿನಿಮಾ ಅನ್ನೋ ಕಾರಣಕ್ಕೆ ಒಪ್ಪಿಕೊಂಡೆ. ಶೂಟಿಂಗ್ ತುಂಬಾ ಚೆನ್ನಾಗಿತ್ತು. ಆದರೆ, ಶಿವಣ್ಣ ತುಂಬಾ ಫಾಸ್ಟ್ ಆಗಿ ಡ್ಯಾನ್ಸ್ ಮಾಡ್ತಾರೆ. ಅವರ ವೇಗಕ್ಕೆ ತಕ್ಕಂತೆ ಹೆಜ್ಜೆ ಹಾಕೋದು ಕಷ್ಟ.

    ಶ್ರದ್ಧಾ ಶ್ರೀನಾಥ್

    ಹಾಡು ರಿಚ್ ಆಗಿ ಮೂಡಿಬಂದಿದೆ. ಇನ್ನೂ ಕೆಲವು ಇಂಟ್ರೆಸ್ಟಿಂಗ್ ವಿಷಯಗಳಿವೆ. ಸದ್ಯಕ್ಕೆ ಅವುಗಳನ್ನು ನಾವು ಬಹಿರಂಗಪಡಿಸುವ ಹಾಗಿಲ್ಲ. 

    ಭಾವನಾ ರಾವ್

    ಶಿವಣ್ಣ ಅವರ ಎನರ್ಜಿಗೆ ತಕ್ಕಂತೆ ಸ್ಟೆಪ್ ಹಾಕೋದು ಅಷ್ಟು ಸುಲಭ ಅಲ್ಲ. ನನಗೆ ಶೂಟಿಂಗ್ ವೇಳೆ ಕಾಲಿಗೆ ಸ್ವಲ್ಪ ಗಾಯವಾಗಿತ್ತು. ಇದರಿಂದಾಗಿ ವೇಗವಾಗಿ ಹೆಜ್ಜೆ ಹಾಕೋಕೆ ಆಗ್ತಾ ಇರಲಿಲ್ಲ. ಆದರೆ, ಶೂಟಿಂಗ್ ಮುಗಿದ ಮೇಲೆ ಗೊತ್ತಾಗಿದ್ದೇನೆಂದರೆ, ಶಿವಣ್ಣಂಗೂ ಅದೇ ರೀತಿ ಆಗಿತ್ತು. ಆದರೆ, ಅದನ್ನು ಅವರು ತೋರಿಸಿಕೊಳ್ಳಲೇ ಇಲ್ಲ. 

    ಶಾನ್ವಿ ಶ್ರೀವಾಸ್ತವ್

    Related Articles :-

    ಶಿವಣ್ಣ ಜೊತೆಗೆ ಡ್ಯಾನ್ಸ್‍ಗೆ ಸ್ಯಾಂಡಲ್‍ವುಡ್ ಸುಂದರಿಯರು..!

  • ಶಿವಣ್ಣ ಸ್ಟಂಟ್ಸ್‍ಗೆ ವಿಲನ್ ಟೀಂ ಫಿದಾ

    shivarajkumar, prem

    ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಸ್ಟಂಟ್ಸ್‍ಗಳನ್ನು ಡ್ಯೂಪ್ ಇಲ್ಲದೆ ಮಾಡ್ತಾರೆ ಅನ್ನೋದು ಹೊಸ ಸುದ್ದಿಯೇನೂ ಅಲ್ಲ. ಆದರೆ, ಈಗ.. 50 ದಾಟಿದ ಮೇಲೂ ಶಿವರಾಜ್ ಕುಮಾರ್ ಅವರು ಅದೇ ರೀತಿ ಡ್ಯೂಪ್ ಇಲ್ಲದೆ ಸ್ಟಂಟ್ ಮಾಡ್ತಾರೆ ಅಂದ್ರೆ, ಅಚ್ಚರಿ ಆಗದೇ ಇರುತ್ತಾ..?

    ದಿ ವಿಲನ್ ಚಿತ್ರದ ಸಾಹಸ ದೃಶ್ಯಗಳ ಶೂಟಿಂಗ್ ವೇಳೆ ಖುದ್ದು ನಿರ್ದೇಶಕ ಪ್ರೇಮ್ ಕೂಡಾ ಬೆರಗಾಗುವಂತೆ, ಸಾಹಸ ನಿರ್ದೇಶಕರು ಅಚ್ಚರಿ ಪಡುವಂತೆ ಸ್ಟಂಟ್ಸ್ ಮಾಡಿದ್ದಾರೆ ಶಿವರಾಜ್ ಕುಮಾರ್. ಅದೂ ಡ್ಯೂಪ್ ಇಲ್ಲದೆ.

    ಬ್ಯಾಂಕಾಕ್‍ನಲ್ಲಿ ಚಿತ್ರದ ಈ ಸಾಹಸ ದೃಶ್ಯಗಳ ಶೂಟಿಂಗ್ ನಡೆದಿದ್ದು, ಈ ಸಾಹಸವನ್ನು ಪಾರ್ಕರ್ ಚೇಸ್ ಎಂದು ಕರೀತಾರಂತೆ. ಯುವಕರ ಗ್ಯಾಂಗ್‍ನ್ನು ಬೆನ್ನತ್ತಿ ಹಿಡಿಯುವ ದೃಶ್ಯ ಅದು. ಭಾಗವಹಿಸಿದ್ದವರೆಲ್ಲ 25ರ ವಯಸ್ಸಿನ ಯುವಕರು. ಅವರೆಲ್ಲರನ್ನೂ ದಾಟಿ, ಶತ್ರುಗಳನ್ನು ಹಿಡಿಯುವ ದೃಶ್ಯದಲ್ಲಿ ಶಿವಣ್ಣ ಲೀಲಾಜಾಲವಾಗಿ ಅಭಿನಯಿಸಿದ್ದಾರೆ. 

  • ಶಿವಣ್ಣ, ಸುದೀಪ್ ಇಬ್ಬರಲ್ಲಿ ರಿಯಲ್ ವಿಲನ್ ಯಾರು..?

    who is the real villain in the villain

    ದಿ ವಿಲನ್ ಚಿತ್ರದ ಟ್ರೈಲರ್ ಹಾಗೂ ಹಾಡಿನ ಲಿರಿಕಲ್ ವಿಡಿಯೋಗಳನ್ನಷ್ಟೇ ಹೊರಬಿಟ್ಟಿರುವ ದಿ ವಿಲನ್ ಟೀಂ, ಒಂದು ಬಹುದೊಡ್ಡ ಪ್ರಶ್ನೆಯನ್ನು ಹಾಗೆಯೇ ಉಳಿಸಿಬಿಟ್ಟಿದೆ. ಕನ್ನಡ ಚಿತ್ರರಂಗದ ಇಬ್ಬರು ಸೂಪರ್‍ಸ್ಟಾರ್‍ಗಳನ್ನಿಟ್ಟುಕೊಂಡು ದಿ ವಿಲನ್ ಅನ್ನೋ ಟೈಟಲ್ ಇಟ್ಟು ಸಿನಿಮಾ ಮಾಡಿರುವ ಜೋಗಿ ಪ್ರೇಮ್, ಚಿತ್ರದಲ್ಲಿ ವಿಲನ್ ಯಾರು ಅನ್ನೋ ಗುಟ್ಟನ್ನು ಮಾತ್ರ ಬಿಟ್ಟುಕೊಟ್ಟಿಲ್ಲ. ಆ ಗುಟ್ಟನ್ನು ಅಕ್ಟೋಬರ್ 1ರಂದು ರಟ್ಟು ಮಾಡಲಿದ್ದಾರಂತೆ.

    ಅರೆ.. ಸಿನಿಮಾ ರಿಲೀಸ್ ಆಗೋದು ಅಕ್ಟೋಬರ್ 18ಕ್ಕೆ. ಅಕ್ಟೋಬರ್ 1ಕ್ಕೇ ಹೇಗೆ ರಟ್ಟು ಮಾಡ್ತಾರೆ ಅಂತಿರಾ..? ಅದು ಪ್ರೇಮ್ ಸ್ಟೈಲ್. ಅ.1ನೇ ತಾರೀಕು ಚಿತ್ರದ ಇನ್ನೊಂದು ಟ್ರೈಲರ್ ರಿಲೀಸ್ ಆಗಲಿದೆ. ಅದು ಶಿವಣ್ಣ ಮತ್ತು ಸುದೀಪ್ ಪಾತ್ರಗಳು ಮುಖಾಮುಖಿಯಾಗುವ ಟ್ರೈಲರ್. ಅದನ್ನು ಸೂಕ್ಷ್ಮವಾಗಿ ನೋಡಿದರೆ ವಿಲನ್ ಯಾರು ಅನ್ನೋ ಸೀಕ್ರೆಟ್‍ಗೆ ಉತ್ತರ ಸಿಗಲಿದೆ ಎಂದಿದ್ದಾರೆ ಪ್ರೇಮ್.

    ಸಿ.ಆರ್.ಮನೋಹರ್ ನಿರ್ಮಾಣದ ಈ ಅದ್ಧೂರಿ ಸಿನಿಮಾದಲ್ಲಿ ಬಾಲಿವುಡ್, ಹಾಲಿವುಡ್ ತಾರೆಯರೆಲ್ಲ ನಟಿಸಿದ್ದಾರೆ. ಸಿನಿಮಾಗೆ ಅಡ್ವಾನ್ಸ್ ಬುಕಿಂಗ್ ಯಾವಾಗ ಅನ್ನೋದು ಅಕ್ಟೋಬರ್ 2ರಂದು ಗೊತ್ತಾಗಲಿದೆಯಂತೆ.

  • ಶಿವಣ್ಣಂದೂ ವಿಲನ್ ಲುಕ್ಕೇ.. ಹಾಗಾದ್ರೆ..

    shivarajkumar's look too creates curiosity

    ಕಿಚ್ಚ ಸುದೀಪ್ ಅವರ ಒಂದು ಫಸ್ಟ್ ಲುಕ್ ನೋಡಿದವರಿಗೆ, ದಿ ವಿಲನ್ ಸಿನಿಮಾದಲ್ಲಿ ಸುದೀಪ್ ಅವರೇ ವಿಲನ್ ಇರಬೇಕು ಅನ್ನಿಸೋದು ಸಹಜ. ಆದರೆ, ಒಂದ್ಸಲ ಈ ಫೋಟೋ ನೋಡಿ, ಇದು ಶಿವರಾಜ್‍ಕುಮಾರ್ ಅವರದ್ದು.

    ಸುದೀಪ್ ಬ್ಲಾಕ್ ಡ್ರೆಸ್ ಮತ್ತು ರಗಡ್ ಲುಕ್‍ನಲ್ಲಿದ್ದರೆ, ಶಿವಣ್ಣಂದು ಇನ್ನೂ ರಗಡ್ ಲುಕ್ಕು. ಉದ್ದನೆಯ ಕೂದಲು, ತಲೆಗೊಂದು ಸ್ಕಾರ್ಫ್, ಬಿಳಿಬಿಳಿಯಾದ ಕುರುಚಲು ಗಡ್ಡ, ಕಣ್ಣಿಗೆ ದಪ್ಪನೆಯ ಕನ್ನಡಕ, ಜೀನ್ಸ್ ಜಾಕೆಟ್ಟು.. 

    ಈ ಲುಕ್ ನೋಡಿದ್ರೆ, ಶಿವರಾಜ್ ಕುಮಾರ್ ಅವರೇ ವಿಲನ್ ಇರಬೇಕು ಅನ್ನಿಸೋದು ಸಹಜ. ನಿರ್ದೇಶಕ ಪ್ರೇಮ್ ಬಾಯ್ಬಿಡಲ್ಲ, ಬಾಯಿಬಿಟ್ಟರೂ ಇನ್ನಷ್ಟು ಹುಳ ಬಿಡ್ತಾರೆ. ಕಿಚ್ಚ ಸುದೀಪ್ ಹೇಳಲ್ಲ, ಶಿವರಾಜ್‍ಕುಮಾರ್ ಕೂಡಾ ಡೈರೆಕ್ಟರ್ ಕಡೆ ಬೆರಳು ತೋರಿಸ್ತಾರೆ.

    ಒಟ್ಟಿನಲ್ಲಿ ದಿ ವಿಲನ್ ಸಿನಿಮಾ ಹೇಗಿದೆ ಅನ್ನೋದನ್ನ ತಿಳಿಯೋಕೆ ರಿಲೀಸ್‍ವರೆಗೂ ಕಾಯೋದು ಅನಿವಾರ್ಯ.

    Related Articles :-

    ಫಸ್ಟ್ ಲುಕ್ ತೋರಿಸಿ ಮತ್ತೆ ಹುಳ ಬಿಟ್ಟ ಪ್ರೇಮ್

  • ಶಿವಣ್ಣನ ಎಂಟ್ರಿಗೇ 6 ಹೀರೋಯಿನ್ಸ್..!

    shivarajkumar image from the villain

    ಶಿವರಾಜ್ ಕುಮಾರ್ ಮತ್ತು ಸುದೀಪ್ ಅಭಿನಯದ ದಿ ವಿಲನ್ ಚಿತ್ರದ ಚಿತ್ರೀಕರಣ ಬಿರುಸಾಗಿ ಸಾಗುತ್ತಿದೆ. ಈಗಾಗಲೇ ಕಿಚ್ಚ ಸುದೀಪ್ ಎಂಟ್ರಿ ಸೀನ್ ಶೂಟಿಂಗ್ ಆಗಿದೆಯಂತೆ. ಈಗ ಆಗಬೇಕಿರೋದು ಶಿವಣ್ಣ ಎಂಟ್ರಿ ಸೀನ್. ಶಿವರಾಜ್ ಕುಮಾರ್ ಎಂಟ್ರಿ ಸೀನ್ ಕೂಡಾ ಗ್ರ್ಯಾಂಡ್ ಆಗಿಯೇ ಇರಬೇಕು ಎಂದು ಪ್ಲಾನ್ ಮಾಡಿರುವ ನಿರ್ದೇಶಕ ಪ್ರೇಮ್, ಅದಕ್ಕಾಗಿ 6 ನಾಯಕಿಯರನ್ನು ಸಂಪರ್ಕಿಸಿದ್ದಾರೆ.

    ಸಿನಿಮಾದಲ್ಲಿರುವುದು ಒಬ್ಬರೇ ನಾಯಕಿ. ಆ್ಯಮಿ ಜಾಕ್ಸನ್. ಆದರೆ, ಶಿವಣ್ಣನ ಇಂಟ್ರೊಡಕ್ಷನ್ ಸಾಂಗ್‍ನಲ್ಲಿ ಮಾತ್ರ 6 ಜನ ಹೀರೋಯಿನ್ಸ್ ಹೆಜ್ಜೆ ಹಾಕಲಿದ್ದಾರೆ. ಅವರು ಯಾರು ಅನ್ನೋದು ಪ್ರೇಮ್‍ಗಷ್ಟೇ ಗೊತ್ತಿರುವ ಸೀಕ್ರೆಟ್.

  • ಶಿವಣ್ಣನ ಮಾಸ್‍ಲೀಡರ್‍ಗೆ ಮೊದಲ ಪ್ರೇಕ್ಷಕರಾದ ಕಿಚ್ಚ ಸುದೀಪ್ 

    sudeep becomes first audience for mass leader

    ಕಿಚ್ಚ ಸುದೀಪ್ ಸುಮ್ಮನೆ ಕೂರುವವರೇ ಅಲ್ಲ. ಏನಾದರೊಂದು ಮಾಡುತ್ತಲೇ ಇರುತ್ತಾರೆ. ಅವರಿಗೆ ಇಷ್ಟವಾಗಬೇಕಷ್ಟೆ. ಈಗಲೂ ಅಷಞÉ್ಟ. ಶಿವರಾಜ್ ಕುಮಾರ್ ಅಭಿನಯದ ಮಾಸ್ ಲೀಡರ್ ಚಿತ್ರದ ಟ್ರೇಲರ್ ಮತ್ತು ಶಿವಣ್ಣನ ಲುಕ್ ಸುದೀಪ್‍ಗೆ ಇಷ್ಟವಾಗಿದೆ. ಇಷ್ಟವಾದ ನಂತರ ತಡ ಮಾಡಿಲ್ಲ. ಚಿತ್ರದ ಪ್ರೀಮಿಯರ್ ಶೋ ಏರ್ಪಡಿಸಿಯೇಬಿಟ್ಟಿದ್ದಾರೆ. ತಮ್ಮ ಮನೆಯಲ್ಲೇ. 

    ಸುದೀಪ್ ಮನೆಯಲ್ಲಿ ಮಾಸ್ ಲೀಡರ್ ಚಿತ್ರದ ಪ್ರೀಮಿಯರ್ ಶೋ ಏರ್ಪಡಿಸಿರುವ ಸುದೀಪ್, ಚಿತ್ರವನ್ನು ನೋಡೋಕೆ ಶಿವರಾಜ್ ಕುಮಾರ್ ಅವರನ್ನೂ ಆಹ್ವಾನಿಸಿದ್ರು. ಪತ್ನಿ ಗೀತಾ ಜೊತೆ ಸುದೀಪ್ ಮನೆಯಲ್ಲಿ ತಮ್ಮದೇ ಸಿನಿಮಾ ನೋಡಿದರು ಶಿವರಾಜ್ ಕುಮಾರ್.

    ಅಪ್ಪ ಹೇಗೋ.. ಸುದೀಪ್ ಕೂಡಾ ಹಾಗೆ.. - ಶಿವಣ್ಣ

    ಸುದೀಪ್ ನನಗೆ ಸಹೋದರನಿದ್ದ ಹಾಗೆ. ಅಪ್ಪು ಹೇಗೋ, ಸುದೀಪ್ ಕೂಡಾ ಹಾಗೆ. ಆಗಾಗ್ಗೆ ಬರುತ್ತಲೇ ಇರುತ್ತೇವೆ. ಇದೇನೂ ಹೊಸದಲ್ಲ ಎಂದರು ಶಿವರಾಜ್ ಕುಮಾರ್. ಸುದೀಪ್ ಫೋನ್ ಮಾಡಿ ಸಿನಿಮಾ ನೋಡಬೇಕು ಎಂದಿದ್ದು ಸಂತೋಷವಾಯಿತು ಎಂದಿದ್ದಾರೆ ಶಿವಣ್ಣ.

    ಗೀತಕ್ಕಂಗೆ ಸ್ಪೆಷಲ್ ಥ್ಯಾಂಕ್ಸ್ - ಸುದೀಪ್

    ಶಿವಣ್ಣ ಸಿನಿಮಾವನ್ನು ನನ್ನ ಮನೆಯಲ್ಲಿ ನೋಡಿದ್ದು ತುಂಬಾ ಖುಷಿ ಕೊಟ್ಟಿದೆ.ಇದಕ್ಕೆಲ್ಲ ಕಾರಣ ಗೀತಕ್ಕ. ಗೀತಕ್ಕಂಗೆ ಸ್ಪೆಷಲ್ ಥ್ಯಾಂಕ್ಸ್ ಎಂದರು ಸುದೀಪ್.

    ದಿ ವಿಲನ್ ಚಿತ್ರದಲ್ಲಿ ಒಟ್ಟಾಗಿ ನಟಿಸುತ್ತಿರುವ ಶಿವರಾಜ್ ಕುಮಾರ್ ಮತ್ತು ಸುದೀಪ್ ಸ್ನೇಹ ಸಂಬಂಧ, ಚಿತ್ರರಂಗಕ್ಕೂ ಖುಷಿ...ಅಭಿಮಾನಿಗಳಿಗೂ ಖುಷಿ..

  • ಶ್ರೀರಾಮುಲು ಪರ ಕಿಚ್ಚನ ಪ್ರಚಾರ

    kiccha sudeep campaigns for sriramulu

    ಚುನಾವಣೆ ಪ್ರಚಾರದಲ್ಲಿ ಬ್ಯುಸಿಯಾಗಿರುವ ಕಿಚ್ಚ ಸುದೀಪ್, ಮೊಳಕಾಲ್ಮೂರಿನಲ್ಲಿ ಶ್ರೀರಾಮುಲು ಪರ ಪ್ರಚಾರ ನಡೆಸುತ್ತಿದ್ದಾರೆ. ಪ್ರತಿ ಹಳ್ಳಿಯಲ್ಲೂ ಸುದೀಪ್ ಅವರನ್ನು ಅಡ್ಡಗಟ್ಟುತ್ತಿರುವ ಗ್ರಾಮಸ್ಥರು, ಸುದೀಪ್‍ಗೆ ಪ್ರೀತಿಯ ಸುರಿಮಳೆಯನ್ನೇ ಸುರಿಸುತ್ತಿದ್ದಾರೆ. ಅಭಿಮಾನಿಗಳ ಎದುರು ಸುದೀಪ್ ಮೂಕರಷ್ಟೆ.

    ಚಿತ್ರದುರ್ಗ ತಾಲೂಕಿನ ಕೊಂಡ್ಲಹಳ್ಳಿಯಲ್ಲಿ ಬಹಿರಂಗ ಸಮಾವೇಶದಲ್ಲಿ ಮಾತನಾಡಿದ ಸುದೀಪ್, ನನ್ನದು ರಾಜಕೀಯ ಪಕ್ಷವಲ್ಲ, ಸಿನಿಮಾ ಪಕ್ಷ. ರಾಮುಲು ನನ್ನ ಆತ್ಮೀಯರು. ಅವರಿಗೆ ಮತ ನೀಡಿ ಗೆಲ್ಲಿಸಿ. ನಾನು ಗೆದ್ದಾಗ, ಬಿದ್ದಾಗ ನನ್ನ ಜೊತೆ ಇದ್ದೀರಿ. ನಾನು ಚುನಾವಣೆ ಪ್ರಚಾರಕ್ಕಾಗಿ ಇಲ್ಲಿಗೆ ಬಂದಿಲ್ಲ. ಸ್ನೇಹಕ್ಕಾಗಿ ಬಂದಿದ್ದೇನೆ. ಶ್ರೀರಾಮುಲು ಒಳ್ಳೆಯ ಮನುಷ್ಯ, ಅವರನ್ನು ಗೆಲ್ಲಿಸಿ ಎಂದು ಮನವಿ ಮಾಡಿದರು.

    ಅಭಿಮಾನಿಗಳ ಪ್ರೀತಿಗೆ ಶರಣಾದ ಸುದೀಪ್, ಸಾವು ಎದುರಿಗೆ ಬಂದಾಗ ನನ್ನ ಕೈ ಮೀಸೆ ಮೇಲಿರಬೇಕು, ಆ ಗುಂಡಿಗೆ ನನ್ನದಾಗಬೇಕು ಎಂಬ ವೀರ ಮದಕರಿ ಚಿತ್ರದ ಡೈಲಾಗ್‍ನ್ನೂ ಹೊಡೆದರು.

  • ಸಂಕ್ರಾಂತಿ ನಂತರ ಕೋಟಿಗೊಬ್ಬ 3

    kotigobba 3 shooting to resume after sankranthi

    ಕಿಚ್ಚ ಸುದೀಪ್ ಅಭಿನಯದ ಕೋಟಿಗೊಬ್ಬ 3 ಚಿತ್ರದ ಕಥೆ ಏನಾಯ್ತು..? ಚಿತ್ರದ ಶೂಟಿಂಗ್ ಎಲ್ಲಿಗೆ ಬಂತು..? ಇಂತಹ ಹಲವು ಪ್ರಶ್ನೆಗಳಿಗೆ ಚಿತ್ರತಂಡದಿಂದ ಉತ್ತರ ಬಂದಿದೆ. ಚಿತ್ರದ ಶೇ.60ರಷ್ಟು ಭಾಗದ ಶೂಟಿಂಗ್ ಮುಗಿದಿದ್ದು, ಸಂಕೃಆಂತಿ ನಂತರ ಉಳಿದ ಭಾಗದ ಚಿತ್ರೀಕರಣ ಶುರುವಾಗಲಿದೆಯಂತೆ. 

    ಇನ್ನುಳಿದ ಶೇ.40ರಷ್ಟು ಚಿತ್ರೀಕರಣವನ್ನು ಬೆಂಗಳೂರಿನಲ್ಲೇ ನಡೆಸಲು ಪ್ಲಾನ್ ಮಾಡಿದೆ ಚಿತ್ರತಂಡ. ಸದ್ಯಕ್ಕೆ ಸುದೀಪ್, ಕನ್ನಡದಲ್ಲಿ ಪೈಲ್ವಾನ್ ಹಾಗೂ ತೆಲುಗಿನ ಸೈರಾದಲ್ಲಿ ಕಂಪ್ಲೀಟ್ ಬ್ಯುಸಿ. ಬೇಸಗೆ ರಜೆಯ ಹೊತ್ತಿಗೆ ಪೈಲ್ವಾನ್ ತೆರೆಗೆ ಬರಲಿದ್ದು, ಅದಾದ ನಂತರ ಕೋಟಿಗೊಬ್ಬ 3 ರಿಲೀಸ್‍ಗೆ ಪ್ಲಾನ್ ಮಾಡುತ್ತಿದ್ದಾರಂತೆ ಸುದೀಪ್. 

  • ಸರ್ಬಿಯಾದಲ್ಲಿ ಸುದೀಪ್ ಸೆನ್ಸೇಷನ್

    sudeep creates sensation in serbia

    ಕಿಚ್ಚ ಸುದೀಪ್, ಕರ್ನಾಟಕದಲ್ಲಿ, ದಕ್ಷಿಣ ಭಾರತದಲ್ಲಿ ಏನು ಮಾಡಿದರೂ ಬ್ರೇಕಿಂಗ್ ನ್ಯೂಸ್. ಏಕೆಂದರೆ ಅವರ ಅಭಿಮಾನಿ ಬಳಗ ಅಷ್ಟು ದೊಡ್ಡದು. ಅವರ ಖ್ಯಾತಿ ಈಗ ಭಾರತವನ್ನೂ ದಾಟಿ ಸರ್ಬಿಯಾಗೂ ಕಾಲಿಟ್ಟಿದೆ. ಸರ್ಬಿಯಾದಲ್ಲಿ ಕೋಟಿಗೊಬ್ಬ 3 ಚಿತ್ರೀಕರಣದಲ್ಲಿ ಬ್ಯುಸಿಯಾಗಿರುವ ಸುದೀಪ್ ಅವರಿಗೆ ಹಿತವಾದ ಶಾಕ್ ನೀಡಿರುವುದು ಸರ್ಬಿಯಾದ ಪತ್ರಿಕೆ ಹಾಗೂ ವೆಬ್‍ಸೈಟ್‍ಗಳು. ಸರ್ಬಿಯಾದ ಟೆಲಿಗ್ರಾಫ್ ಪತ್ರಿಕೆ ಹಾಗೂ ವೆಬ್‍ಸೈಟುಗಳಲ್ಲಿ ಕಿಚ್ಚ ಸುದೀಪ್ ಬಗ್ಗೆ ಸವಿವರವಾದ ಲೇಖನವನ್ನೇ ಬರೆಯಲಾಗಿದೆ.

    ಸುದೀಪ್ ಅವರನ್ನ ಕಿಚ್ಚ ಸುದೀಪ್ ಅಂತಾ ಕರೆಯೋದು ಯಾಕೆ..? ಅವರ ಚಿತ್ರಗಳ ಸಕ್ಸಸ್ ಏನು..? ಕೋಟಿಗೊಬ್ಬ2 ಚಿತ್ರ ಗೆದ್ದಿದ್ದು ಹೇಗೆ..? ಭಾರತದಲ್ಲಿ ಅವರ ಜನಪ್ರಿಯತೆ ಎಷ್ಟಿದೆ ಅನ್ನೋದನ್ನೆಲ್ಲ ವಿವರವಾಗಿ ಬರೆಯಲಾಗಿದೆ.

    ಶಿವ ಕಾರ್ತಿಕ್ ನಿರ್ದೇಶನದ ಚಿತ್ರಕ್ಕೆ ಸೂರಪ್ಪ ಬಾಬು ನಿರ್ಮಾಪಕರು. ಚಿತ್ರದಲ್ಲಿ ಮಡೋನ್ನಾ ಸೆಬಾಸ್ಟಿಯನ್ ಹಾಗೂ ಶ್ರದ್ಧಾದಾಸ್ ನಾಯಕಿಯರು. ಬಾಲಿವುಡ್ ನಟ ಅಫ್ತಾಬ್ ಶಿವದಾಸಾನಿ ಕೂಡಾ ಪ್ರಮುಖ ಪಾತ್ರವೊಂದರಲ್ಲಿ ನಟಿಸುತ್ತಿದ್ದಾರೆ.

  • ಸಲ್ಮಾನ್ ಖಾನ್​ಗೆ ವಿಲನ್ ಆಗ್ತಾರಾ ಕಿಚ್ಚ ಸುದೀಪ್..?

    sudeep salman khan

    ಕನ್ನಡದ ಸೂಪರ್ ಸ್ಟಾರ್ ಕಿಚ್ಚ ಸುದೀಪ್​ಗೆ ಬೇರೆ ಭಾಷೆಯಲ್ಲಿ ನಟಿಸುವುದು ಹೊಸದೇನೂ ಅಲ್ಲ. ಹಿಂದಿ, ತಮಿಳು, ತೆಲುಗಿನಲ್ಲಾಗಲೇ ಕಿಚ್ಚನ ಹೆಜ್ಜೆ ಗುರುತು ಮೂಡಿದೆ. ಆದರೆ, ಈಗ ಬರುತ್ತಿರುವ ಸುದ್ದಿ ಇನ್ನೂ ಹೊಸದು. ಇದು ಬಂದಿರೋದು ಬಾಲಿವುಡ್​ನಿಂದ.    

    ಸಲ್ಮಾನ್ ಖಾನ್ ಅಭಿನಯದ ‘ಟೈಗರ್ ಜಿಂದಾ ಹೈ’ ಚಿತ್ರದಲ್ಲಿ ಸುದೀಪ್ ಖಳನಾಯಕರಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಅದು 2012ರಲ್ಲಿ ಬಂದಿದ್ದ ಏಕ್ ಥಾ ಟೈಗರ್ ಚಿತ್ರದ ಸೀಕ್ವೆಲ್. ಆ ಚಿತ್ರದಲ್ಲಿ ಸಲ್ಮಾನ್ ಖಾನ್, ಭಾರತದ ರಾ ಏಜೆಂಟ್ ಪಾತ್ರದಲ್ಲಿ ನಟಿಸಿದ್ದರು. ನಾಯಕಿಯಾಗಿ ಕತ್ರಿನಾ ಕೈಫ್ ಪಾಕ್ ಐಎಸ್​ಐ ಏಜೆಂಟ್ ಆಗಿ ಕಾಣಿಸಿಕೊಂಡಿದ್ದರು. ಎರಡು ಶತ್ರು ದೇಶಗಳ ಗೂಢಚಾರರು ಪ್ರೀತಿಗಾಗಿ ದೇಶವನ್ನೇ ಬಿಟ್ಟು ನಿಗೂಢವಾಗಿ ಮರೆಯಾಗುವುದರೊಂದಿಗೆ ಚಿತ್ರ ಕೊನೆಯಾಗಿತ್ತು. 

    ಈಗ ಆ ಚಿತ್ರದ ಎರಡನೇ ಭಾಗ ಸಿದ್ಧವಾಗುತ್ತಿದೆ. ಹಾಗಾದರೆ, ನಾಪತ್ತೆಯಾಗಿದ್ದ ಸಲ್ಮಾನ್ ಖಾನ್ ಮತ್ತು ಕತ್ರಿನಾ ಕೈಫ್​ರನ್ನು ಹುಡುಕಿಕೊಂಡು ಬರುವ ಪಾಕ್ ಐಎಸ್​ಐ ಏಜೆಂಟ್ ಆಗಿ ಸುದೀಪ್ ಕಾಣಿಸಿಕೊಳ್ಳಲಿದ್ದಾರಾ..? ಸದ್ಯಕ್ಕೆ ಇದು ಸಸ್ಪೆನ್ಸ್.ಸುದೀಪ್ ಪಾತ್ರದ ಹೆಸರು ಜಹೀರ್.

    ಚಿತ್ರಕ್ಕೆ ಸುದೀಪ್ ಅವರನ್ನೇ ಆಯ್ಕೆ ಮಾಡಿಕೊಳ್ಳುವುದರ ಹಿಂದೆ ಬಾಕ್ಸಾಫೀಸ್ ಲೆಕ್ಕಾಚಾರವೂ ಇದೆ. ದಕ್ಷಿಣದಲ್ಲಿ ಕರ್ನಾಟಕ, ತಮಿಳುನಾಡು ಹಾಗೂ ಆಂಧ್ರಪ್ರದೇಶ, ತೆಲಂಗಾಣದಲ್ಲೂ ಸುದೀಪ್ ಚಿತ್ರಗಳಿಗೆ ಡಿಮ್ಯಾಂಡ್ ಇದೆ. ಹೀಗಾಗಿ ದಕ್ಷಿಣದ ಸ್ಟಾರ್ ನಟರನ್ನು ಹಾಕಿಕೊಳ್ಳುವ ಲೆಕ್ಕಾಚಾರ ಬಾಲಿವುಡ್​ನದ್ದು. ಅದರ ಮೂಲಕ ಸುದೀಪ್ ಸ್ಟಾರ್​ಗಿರಿಯ ಲಾಭ ಪಡೆಯುವ ಬ್ಯುಸಿನೆಸ್ ಲೆಕ್ಕಾಚಾರವೂ ಇದರ ಹಿಂದಿದೆ.

    Related Articles :-

    Will Sudeep Act In Salman Khan's Tiger Zinda Hai?

  • ಸವಿಸವಿ ನೆನಪು.. ಸಾವಿರ ನೆನಪು.. - ಕಿಚ್ಚ @ 22

    22 years of sudeep

    ಸರಿಯಾಗಿ ಇವತ್ತಿಗೆ 22 ವರ್ಷಗಳ ಹಿಂದೆ, ಕನ್ನಡ ಚಿತ್ರರಂಗಕ್ಕೆ ಒಬ್ಬ ಸ್ಟಾರ್ ಕಾಲಿಟ್ಟಿದ್ದ. ಅವತ್ತು ಆತ ಅಂಬೆಗಾಲಿಡುತ್ತಿದ್ದ ಮಗು. ಇಂದು ಸ್ಟಾರ್. ಕನ್ನಡ ಚಿತ್ರರಂಗಕ್ಕೆ ಪ್ರತಿ ವರ್ಷ ಹಲವಾರು ಹೊಸ ಪ್ರತಿಭೆಗಳು ಬರುತ್ತವೆ. ಆದರೆ, ನಿಲ್ಲುವ ಗಟ್ಟಿಕಾಳು ಕೆಲವೇ ಕೆಲವು. ಅಂತಹವರಲ್ಲಿ ಸುದೀಪ್ ವಿಶೇಷವಾಗಿ ನಿಂತುಬಿಡ್ತಾರೆ. ಈ 22 ವರ್ಷಗಳಲ್ಲಿ ಅವರು ಚಿತ್ರರಂಗದ ಪ್ರತಿ ಕ್ಷೇತ್ರದಲ್ಲೂ ಹೆಜ್ಜೆಯಿಟ್ಟಿದ್ದಾರೆ. ಗೆದ್ದಿದ್ದಾರೆ. ಸೋತಿದ್ದಾರೆ. ಸೋತಿದ್ದ ಸ್ಥಳದಲ್ಲೇ ಮತ್ತೆ ಗೆದ್ದಿದ್ದಾರೆ. ಕನ್ನಡದಲ್ಲಷ್ಟೇ ಅಲ್ಲ, ಸುದೀಪ್, ತೆಲುಗು, ತಮಿಳು, ಹಿಂದಿಗೂ ಕಾಲಿಟ್ಟು ಗೆದ್ದ ಆರಡಿ ಕಟೌಟು. ಹಾಲಿವುಡ್‍ಗೂ ಪಾದಾರ್ಪಣೆ ಮಾಡ್ತಿರೋ ಸುದೀಪ್, ಚಿತ್ರರಂಗಕ್ಕೆ ಬಂದು 22 ವರ್ಷವಾಗಿ ಹೋಯ್ತಾ..? ತಮ್ಮ ಆರಂಭದ ದಿನದ ಕ್ಷಣಗಳನ್ನು ಸ್ವತಃ ಸುದೀಪ್ ಹೇಳಿಕೊಂಡಿದ್ದಾರೆ. ಇದು ಅವರದ್ದೇ ಪತ್ರ. 

    sudeep_kmv.jpg1996, ಜನವರಿ 31

    ಬ್ರಹ್ಮ ಚಿತ್ರದ ಮೊದಲ ದಿನದ ಚಿತ್ರೀಕರಣ ಶುರುವಾಯ್ತು. ಅದು ನಾನು ನನ್ನ ಬದುಕಿನಲ್ಲಿ ಮೊತ್ತ ಮೊದಲ ಬಾರಿಗೆ ಮೇಕಪ್ ಹಚ್ಚಿಕೊಂಡ ದಿನ. ಈ ಸಿನಿಮಾ ಪ್ರಪಂಚಕ್ಕೆ ಕಾಲಿಟ್ಟ ದಿನ ಅದು.

    ನನಗೆ ಆ್ಯಕ್ಷನ್, ಕಟ್ ಎಂಬ ಪದಗಳು ಹೊಸದಲ್ಲ. ತಂದೆಯ ಜೊತೆ, ಸ್ನೇಹಿತರ ಜೊತೆ ಹಲವು ಬಾರಿ ಚಿತ್ರೀಕರಣದ ಸ್ಥಳಗಳಿಗೆ ಹೋಗುತ್ತಿದ್ದೆ. ಕೇಳುತ್ತಿದ್ದೆ. ಆದರೆ, ಆ ಆ್ಯಕ್ಷನ್ ಕಟ್‍ನಲ್ಲಿ ಸ್ವತಃ ಭಾಗವಾಗದ ಆ ಕ್ಷಣ ಇದೆಯಲ್ಲ.. ಅದನ್ನು ಪದಗಳಲ್ಲಿ ಹೇಳುವುದು ಕಷ್ಟ.

    ಆ ದಿನ ನಾನು ಎದುರಿಸಿದ್ದು ಅತ್ಯಂತ ಸರಳ ಸನ್ನಿವೇಶ. ಆ ಚಿತ್ರದಲ್ಲಿ ಅಂಬರೀಷ್ ಮಾಮ ನನ್ನ ಅಣ್ಣನ ಪಾತ್ರ ಮಾಡಿದ್ದರು. ನಾನು ಅವರಿಂದ ಆಶೀರ್ವಾದ ಪಡೆಯಬೇಕಿತ್ತು. ಆದರೆ, ನನಗೆ ಆಗ ಅದು ಸರಳ ದೃಶ್ಯವಾಗಿರಲಿಲ್ಲ. ತುಂಬಾ ಟೇಕ್ ತೆಗೆದುಕೊಂಡೆ. ಅದನ್ನು ನೋಡಿದವರಿಗೆ ನನ್ನ ಸಾಮಥ್ರ್ಯ, ಪ್ರತಿಭೆ ಬಗ್ಗೆ ಅನುಮಾನ ಬಂದಿದ್ದರೂ ಬಂದಿರಬಹುದು. ಅಂದಿನಿಂದ ಶುರುವಾದ ಪಯಣ... ನಿಧಾನಕ್ಕೆ ಸರಿಯಾಗುತ್ತಾ ಹೋಯ್ತು.

    22 ವರ್ಷ ಕಳೆದಾಯ್ತು. ಸಿನಿಮಾಗೆ ಹೇಗೆ ಧನ್ಯವಾದ ಹೇಳಬೇಕು ಎಂದು ಗೊತ್ತಾಗುತ್ತಿಲ್ಲ. ನನ್ನ ನಿರ್ಮಾಪಕರು, ನಿರ್ದೇಶಕರು, ಸಹೋದ್ಯೋಗಿಗಳು, ಸಹ ನಟ-ನಟಿಯರು, ವಿತರಕರು, ಪ್ರದರ್ಶಕರು, ಮಾಧ್ಯಮ.. ಎಲ್ಲಕ್ಕಿಂತ ಮಿಗಿಲಾಗಿ ನೀವು.. ನನ್ನ ಈ ಪಯಣದಲ್ಲಿ ಯಾವುದೇ ಷರತ್ತುಗಳಿಲ್ಲದೆ ಪ್ರೀತಿಸಿದ್ದೀರಿ. ಅಭಿಮಾನದಿಂದ ಅಪ್ಪಿಕೊಂಡಿದ್ದೀರಿ. ನನ್ನನ್ನು ಹಾಗೆ ಅಪ್ಪಿಕೊಂಡು ಒಪ್ಪಿಸಿಕೊಂಡ ನಿಮಗೆ ನಾನು ಚಿರಋಣಿ.

    ಸಿನಮಾ, ನನಗೆ ನನ್ನ ಜೀವನದ ಅತ್ಯಂತ ಸುಂದರ ಸಂಗತಿ. ಇವತ್ತು ನಾನು ಏನೇ ಆಗಿರಬಹುದು. ಅದು ನೀವು ನನಗೆ ಕೊಟ್ಟ ಉಡುಗೊರೆ. ಧನ್ಯವಾದಗಳು.

    ನನ್ನ ಕುಟುಂಬದವರಿಗೆ ನಾನು ಕೃತಜ್ಞತೆ ಸಲ್ಲಿಸಲೇಬೇಕು. ಅವರು ನನಗಾಗಿ ಮಾಡಿದ ತ್ಯಾಗವನ್ನು ನಾನು ಮರಳಿ ಕೊಡಲು ಸಾಧ್ಯವೇ..? 

    ನನ್ನ ಜೊತೆ ನಿಂತಿದ್ದಕ್ಕೆ ನನ್ನ ಕುಟುಂಬಕ್ಕೆ ಕೃತಜ್ಞತೆ ಸಲ್ಲಿಸಲೇಬೇಕು. 

    ನನ್ನ ಜೀವನದ ಪ್ರತಿ ಕ್ಷಣಗಳಲ್ಲೂ ನನಗೆ ಜೊತೆಯಾದ ಚಿತ್ರರಂಗಕ್ಕೆ ನಾನು ಯಾವತ್ತೂ ಅಭಾರಿ. ಚಿತ್ರರಂಗದ ಸೇವೆಗೆ ನಾನು ಸದಾಸಿದ್ಧ.

    ಪ್ರೀತಿಯಿರಲಿ

    ಕಿಚ್ಚ ಸುದೀಪ

    ಇಂಥಾದ್ದೊಂದು ಹೃದಯಸ್ಪರ್ಶಿ ಪತ್ರ ಬರೆದಿರುವ ಸುದೀಪ್, ತಮ್ಮ 22 ವರ್ಷಗಳ ವೃತ್ತಿ ಜೀವನದ ಆರಂಭದ ಕ್ಷಣಗಳನ್ನು ನೆನಪಿಸಿಕೊಂಡಿದ್ದಾರೆ. 

Yajamana Movie Gallery

Bazaar Movie Gallery