` sudeep - chitraloka.com | Kannada Movie News, Reviews | Image

sudeep

  • ತ್ರಿಮೂರ್ತಿಗಳಿಗೆ ಹ್ಯಾಟ್ಸಾಫ್ ಎಂದ ಕಿಚ್ಚ

    sudeep applauds to trimurthi

    ಕಲಾವಿದರ ಸಂಘಕ್ಕೊಂದು ಸ್ವಂತ ಕಟ್ಟಡ. ಅದು ಕನ್ನಡ ಚಿತ್ರರಂಗದ ಕಲಾವಿದರ ಹಲವು ವರ್ಷಗಳ ಕನಸು. ಡಾ.ರಾಜ್ ಇದ್ದಾಗ ಚಿಗುರಿದ ಆ ಕನಸು ನನಸಾಗಿದ್ದು ಇತ್ತೀಚೆಗೆ. ಕಲಾವಿದರ ಸಂಘದ ಕಟ್ಟಡ ಉದ್ಘಾಟನೆಯಾಗಿದ್ದು ಕೂಡಾ ಇತ್ತೀಚೆಗೆ. ಮುಖ್ಯಮಂತ್ರಿ ಸಿದ್ದರಾಮಯ್ಯನವರೇ ಆ ಕಟ್ಟಡವನ್ನು ಉದ್ಘಾಟಿಸಿ, ಚಿತ್ರರಂಗದವರ ಜೊತೆ ಸಂಭ್ರಮಿಸಿ ಹೋಗಿದ್ದರು.

    ಕಲಾವಿದರ ಸಂಘದ ಕಟ್ಟಡ ನಿರ್ಮಾಣ ಕುರಿತಂತೆ ಕಿಚ್ಚ ಸುದೀಪ್ ವಿಶೇಸವಾಗಿ ಮೂವರಿಗೆ ಥ್ಯಾಂಕ್ಸ್ ಹೇಳಿದ್ದಾರೆ. ಅಂಬರೀಷ್, ರಾಕ್‍ಲೈನ್ ವೆಂಕಟೇಶ್ ಮತ್ತು ದೊಡ್ಡಣ್ಣ. ಇಡೀ ಕಟ್ಟಡದ ಕನಸನ್ನು ನನಸಾಗಿದ್ದು ಒಬ್ಬ ವ್ಯಕ್ತಿ. ಅದು ಅಂಬರೀಷ್ ಸರ್. ಅವರ ಜೊತೆ ಗಟ್ಟಿಯಾಗಿ ನಿಂತವರು ಇಬ್ಬರು. ರಾಕ್‍ಲೈನ್ ವೆಂಕಟೇಶ್ ಮತ್ತು ದೊಡ್ಡಣ್ಣ ಎಂದಿದ್ದಾರೆ ಸುದೀಪ್.

    ಕಟ್ಟಡ ಉದ್ಘಾಟನೆ ಸಮಾರಂಭದ ಒಂದು ಗ್ರೂಪ್ ಫೋಟೋ ಟ್ವೀಟ್ ಮಾಡಿರುವ ಸುದೀಪ್, ನೋಡೋಕೆ ಇದು ಸಾಮಾನ್ಯ ಗ್ರೂಪ್ ಫೋಟೋದಂತೆ ಕಾಣುತ್ತೆ. ಆದರೆ, ಇದರ ಹಿಂದೆ ನಾವೆಲ್ಲ ಸೆಲ್ಯೂಟ್ ಹೊಡೆಯಬೇಕಾದ ಸಾಧಕರಿದ್ದಾರೆ ಎಂದು ಸ್ಮರಿಸಿದ್ದಾರೆ ಕಿಚ್ಚ ಸುದೀಪ್.

     

  • ದಚ್ಚುಗೆ ಕಿಚ್ಚನ ಹಾರೈಕೆ

    sudeep wishes darshan a speedy recovery

    ಚಾಲೆಂಜಿಂಗ್ ಸ್ಟಾರ್ ದರ್ಶನ್, ಮೈಸೂರಿನಲ್ಲಿ ಅಪಘಾತಕ್ಕೀಡಾಗಿ ಗುಣಮುಖರಾಗುತ್ತಿದ್ದಾರೆ. ಅವರ ಬಲಗೈ ಮೂಳೆ ಮುರಿದಿದ್ದು, 25 ಹೊಲಿಗೆ ಹಾಕಲಾಗಿದೆ. ಅಭಿಮಾನಿಗಳಿಗೂ ಆತಂಕಪಡಬೇಡಿ ಎಂದು ಮನವಿ ಮಾಡಿರುವ ದರ್ಶನ್, ಇನ್ನೂ ಎರಡು ದಿನ ರೆಸ್ಟ್ ಪಡೆಯಲಿದ್ದಾರೆ. ದರ್ಶನ್ ಗುಣಮುಖರಾಗಿರುವುದರ ಬಗ್ಗೆ ಕಿಚ್ಚ ಸುದೀಪ್ ಸಂತಸ ವ್ಯಕ್ತಪಡಿಸಿದ್ದಾರೆ.

    ನೀವು ಗುಣಮುಖರಾಗಿದ್ದೀರಿ ಎಂದು ತಿಳಿದು ಸಂತಸವಾಯಿತು. ಆದಷ್ಟು ಬೇಗ ಆರೋಗ್ಯವಂತನಾಗಿ ಬಾ ಗೆಳೆಯ ಎಂದು ಟ್ವೀಟ್ ಮಾಡಿದ್ದಾರೆ.

  • ದಬಾಂಗ್ 3ಗೆ ಸುದೀಪ್..?

    sudeep in dabang 3 ?

    ಸಲ್ಮಾನ್ ಖಾನ್ ಅಭಿನಯದ ದಬಾಂಗ್ 3 ಸಿನಿಮಾದಲ್ಲಿ ಸುದೀಪ್ ನಟಿಸಲಿದ್ದಾರಂತೆ ಅನ್ನೋ ಸುದ್ದಿ ಈಗ ಗಾಂಧಿನಗರದ ಹಾಟ್‍ನ್ಯೂಸ್. ಕಿಚ್ಚ ಸುದೀಪ್‍ಗೆ ಬಾಲಿವುಡ್ ಹೊಸದಲ್ಲ. ಈಗಾಗಲೇ ಕೆಲವು ಚಿತ್ರಗಳಲ್ಲಿ ನಟಿಸಿರುವ ಸುದೀಪ್, ಅಮಿತಾಬ್ ಬಚ್ಚನ್‍ರಂತಹ ದಿಗ್ಗಜನಿಂದಲೇ ಮೆಚ್ಚುಗೆ ಗಳಿಸಿರುವ ಕಲಾವಿದ. ದಬಾಂಗ್ 3 ಚಿತ್ರದಲ್ಲಿ ಸುದೀಪ್ ನಟಿಸುತ್ತಿರುವುದನ್ನು ಸುದೀಪ್ ಅಧಿಕೃತವಾಗಿ ಹೇಳಿಲ್ಲವಾದರೂ ಸುದ್ದಿಯನ್ನು ನಿರಾಕರಿಸಿಲ್ಲ.

    ಚಿತ್ರದಲ್ಲಿ ಸುದೀಪ್ ವಿಲನ್ ಆಗಿ ನಟಿಸುತ್ತಿಲ್ಲವಂತೆ. ಬದಲಿಗೆ ಅತ್ಯಂತ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ಧಾರೆ ಎನ್ನುವುದು ಒಂದು ಸುದ್ದಿಯಾದರೆ, ಇಲ್ಲ.. ಇಲ್ಲ.. ಸುದೀಪ್ ವಿಲನ್ ಪಾತ್ರದಲ್ಲೇ ಕಾಣಿಸಿಕೊಳ್ಳುತ್ತಿದ್ಧಾರೆ ಎನ್ನುತ್ತಿದೆ ಇನ್ನೊಂದು ಮೂಲ. ಸಲ್ಮಾನ್ ಸೋದರ ಅರ್ಬಾಜ್ ಖಾನ್, ಸುದೀಪ್‍ರ ಆತ್ಮೀಯ ಗೆಳೆಯ. ಈ ಗೆಳೆತನವೇ ಸುದೀಪ್ ಅವರನ್ನು ದಬಾಂಗ್ 3ಗೆ ಕರೆದೊಯ್ಯುತ್ತಿದೆ. 

    ಈ ಮೊದಲೇ ಸುದೀಪ್ ಟೈಗರ್ ಜಿಂದಾ ಹೈ ಚಿತ್ರದಲ್ಲಿ ಸಲ್ಮಾನ್ ಎದುರು ನಟಿಸಬೇಕಿತ್ತು. ಡೇಟ್ಸ್ ಸಮಸ್ಯೆಯಿಂದಾಗಿ ಆ ಚಿತ್ರವನ್ನು ಸುದೀಪ್ ಕೈಬಿಟ್ಟಿದ್ದರು. ಈಗ ಮತ್ತೊಮ್ಮೆ ಚಾನ್ಸ್. 

  • ದಬಾಂಗ್ 3ಯಲ್ಲಿ ಕಿಚ್ಚನ ಪಾತ್ರ ಅಚ್ಚರಿ

    sudeep character in dabanng is special says producer

    ಕಿಚ್ಚ ಸುದೀಪ್ ನಟಿಸುವ ಚಿತ್ರ ಎಂದರೆ ಅವರ ಪಾತ್ರದ ಮೇಲೆ ಭಾರಿ ನಿರೀಕ್ಷೆ ಇರುವುದು ಸಹಜವೇ. ಸಲ್ಮಾನ್ ಖಾನ್ ಅಭಿನಯದ ದಬಾಂಗ್ 3ಯಲ್ಲಿ ಸಲ್ಲು ಜೊತೆ ನಮ್ಮ ಕಿಚ್ಚ ಇದ್ದಾರೆ ಎಂದಾಕ್ಷಣ ಕನ್ನಡಿಗರು ಥ್ರಿಲ್ಲಾಗಿದ್ದರು. ಈಗ ದಬಾಂಗ್ 3 ಚಿತ್ರದ ನಿರ್ಮಾಪಕ ಅರ್ಬಾಜ್ ಖಾನ್, ಕಿಚ್ಚನ ಫ್ಯಾನ್ಸುಗಳೆಲ್ಲ ಥ್ರಿಲ್ಲಾಗುವಂತ ಸುದ್ದಿ ಕೊಟ್ಟಿದ್ದಾರೆ.

    ದಬಾಂಗ್ 3ಯಲ್ಲಿ ಸುದೀಪ್ ಅವರದ್ದು ಸರ್‍ಪ್ರೈಸ್ ಎಲಿಮೆಂಟ್ ಎಂದಿದ್ದಾರೆ. ನಿರ್ಮಾಪಕರೇ ಸುದೀಪ್ ಸರ್‍ಪ್ರೈಸ್ ಎಲಿಮೆಂಟ್ ಎನ್ನುತ್ತಿರುವಾಗ ಅಭಿಮಾನಿಗಳ ನಿರೀಕ್ಷೆ ಯಾವ ಮಟ್ಟಕ್ಕೇರಬಹುದು..? ಕಾದು ನೋಡಿ.. ಎಂಜಾಯ್ ಮಾಡಿ.

  • ದಬಾಂಗ್ 3ಯಲ್ಲಿ ಕಿಚ್ಚನ ಹೆಸರೇನು..?

    sudeep as billy singh in dabang 3

    ದಬಾಂಗ್ 3. ಸಲ್ಮಾನ್ ಖಾನ್ ಅಭಿನಯದ ದಬಾಂಗ್ ಸೀಕ್ವೆಲ್. ಬಾಲಿವುಡ್ನ ಟ್ರೆಂಡ್ ಸೆಟ್ಟರ್ ಆಗಿರುವ ಚಿತ್ರದ 3ನೇ ಸೀಕ್ವೆಲ್ನಲ್ಲಿ ಚುಲ್ ಬುಲ್ ಪಾಂಡೆಗೆ ಕಿಚ್ಚ ಸುದೀಪ್ ವಿಲನ್. ಸುದೀಪ್ ಪಾತ್ರ ಹೇಗಿರಲಿದೆ ಅನ್ನೋದನ್ನು ಪೋಸ್ಟರ್ ಡಿಸೈನ್ ಮಾಡಿಸಿ ಬಿಟ್ಟಿದ್ದಾರೆ ಸಲ್ಮಾನ್ ಖಾನ್.

    ಚಿತ್ರದಲ್ಲಿ ಸುದೀಪ್ ಹೆಸರು ಬಿಲ್ಲಿ ಎಂದಿರಲಿದೆ ಎನ್ನುವುದು ಪೋಸ್ಟರ್ ಹೇಳ್ತಿರೋ ಕಥೆ. ವಿಲನ್ ಎಷ್ಟು ಸ್ಟ್ರಾಂಗ್ ಇರ್ತಾನೋ.. ಅಷ್ಟು ಮಜಾ ಬರಲಿದೆ ಅಂತಿದ್ದಾರೆ ಸಲ್ಮಾನ್. ವಿಲನ್ ಜೊತೆ ಪ್ರೀತಿ ಆದರೆ ಹಿಂಗೆಲ್ಲ ಆಗುತ್ತೆ ಎಂದು ಕಿಚಾಯಿಸಿದ್ದಾರೆ ಸುದೀಪ್.

    ಪೈಲ್ವಾನ್ ಕಿಚ್ಚನನ್ನು ನೋಡಿ ಬಂದಾ ನೋಡೋ ಪೈಲ್ವಾನ್ ಎಂದಿದ್ದ ಫ್ಯಾನ್ಸ್ಗೆ, ಸೈರಾದ ಅವುಕು ರಾಜನಾಗಿ ಬೇರೆಯದ್ದೇ ಅವತಾರ ತೋರಿಸಿದ್ದರು ಸುದೀಪ್. ಈಗ ಬಿಲ್ಲಿ ಸಿಂಗ್ ಆಗಿ ಕಿಕ್ ಕೊಡೋಕೆ ಬರುತ್ತಿದ್ದಾರೆ. ದಬಾಂಗ್ 3 ಕನ್ನಡದಲ್ಲೂ ಡಬ್ ಆಗಿ ಬರಲಿದೆ. ಚಿತ್ರಕ್ಕೆ ಪ್ರಭುದೇವ ಡೈರೆಕ್ಟರ್.

  • ದರ್ಶನ್ ಕುರುಕ್ಷೇತ್ರಕ್ಕೆ ಸುದೀಪ್ ಶುಭಾಶಯ - ಅಭಿಮಾನಿಗಳ ಬೇಡಿಕೆ ಒಂದೇ..

    sudeep, darshan

    ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಇತ್ತೀಚೆಗೆ ನಟ ಸುದೀಪ್ ಬಗ್ಗೆ ಬೇಸರಗೊಂಡಿದ್ದರು. ತಾವಿಬ್ಬರೂ ಗೆಳೆಯರೇ ಅಲ್ಲ, ವೃತ್ತಿ ಬದುಕಿನ ಜೊತೆಗಾರರಷ್ಟೇ ಎಂದಿದ್ದರು. ಅದಕ್ಕೂ ಮುನ್ನ ಟ್ವಿಟರ್‍ನಲ್ಲಿ ಸುದೀಪ್‍ರನ್ನು ಅನ್‍ಫಾಲೋ ಮಾಡಿದ್ದರು. ಇಬ್ಬರಲ್ಲೂ ಕನ್ನಡ ಚಿತ್ರರಂಗದ ಅಪರೂಪದ ಗೆಳೆತನವನ್ನು ಕಾಣುತ್ತಿದ್ದ ಅಭಿಮಾನಿಗಳಿಗೆ ಅದು ಆಘಾತವನ್ನೇ ತಂದಿತ್ತು.

    ಈಗ ಸುದೀಪ್ ಇನ್ನೂ ಒಂದು ಹೆಜ್ಜೆ ಮುಂದೆ ಹೋಗಿದ್ದಾರೆ. ಪ್ರೀತಿಯಿಂದ.. ತಮ್ಮ ಟ್ವಿಟರ್ ಖಾತೆಯಲ್ಲಿ ನಟ ದರ್ಶನ್ ಅಭಿನಯದ 50ನೇ ಚಿತ್ರ ಕುರುಕ್ಷೇತ್ರಕ್ಕೆ ಶುಭ ಕೋರಿದ್ದಾರೆ. ದರ್ಶನ್ ಕಿರೀಟಕ್ಕೆ ಇನ್ನೊಂದು ಗರಿ ಸೇರ್ಪಡೆಯಾಗಲಿದೆ. ಆ ಚಿತ್ರದ ದುರ್ಯೋಧನನ ಪಾತ್ರವನ್ನು ದರ್ಶನ್ ಬಿಟ್ಟರೆ ಮಿಕ್ಕವರ್ಯಾರಿಂದಲೂ ಮಾಡಲು ಸಾಧ್ಯವಿಲ್ಲ ಎಂದಿದ್ದಾರೆ. ಅಂದಹಾಗೆ ಸುದೀಪ್ ಇಂಥಾದ್ದೊಂದು ಟ್ವೀಟ್ ಮಾಡಿರುವುದು ಸ್ನೇಹಿತರ ದಿನಾಚರಣೆಯ ಸಂಭ್ರಮದಲ್ಲಿದ್ದಾಗ..

    ಸುದೀಪ್‍ರ ಈ ಒಂದು ಟ್ವೀಟ್, ಈ ಒಂದು ಸ್ನೇಹ ಸಂದೇಶ.. ಇಬ್ಬರೂ ನಟರ ಅಭಿಮಾನಿಗಳಲ್ಲಿ ಉತ್ಸಾಹ ಮೂಡಿಸಿದೆ. ಟ್ವಿಟರ್‍ನಲ್ಲಿ, ಫೇಸ್‍ಬುಕ್‍ನಲ್ಲಿ ಅಭಿಮಾನಿಗಳದ್ದು ಒಂದೇ ಬೇಡಿಕೆ. ನೀವಿಬ್ಬರೂ ಮೊದಲಿನಂತೆ ಗೆಳೆಯರಾಗಿರಿ, ಒಟ್ಟಿಗೇ ಸಿನಿಮಾ ಮಾಡಿ, ಒಬ್ಬರ ಗೆಲುವಿಗೆ ಒಬ್ಬರು ಜೊತೆಯಾಗಿ.. ಹೀಗೆ ಅಭಿಮಾನಿಗಳೆಲ್ಲ ಇಬ್ಬರೂ ನಟರ ಮೇಲೆ ಪ್ರೀತಿಯ ಬಂಧನವನ್ನೇ ಹೇರುತ್ತಿದ್ದಾರೆ. ಅಭಿಮಾನಿಗಳ ಪ್ರೀತಿಯ ಆಗ್ರಹಕ್ಕೆ ದರ್ಶನ್, ಸುದೀಪ್ ಏನಂತಾರೆ..? ಕಾದು ನೋಡೋಣ.

    Related Articles :-

    Sudeep Wishes Kurukshetra

  • ದರ್ಶನ್ ಗಾಗಿ ದುರ್ಗದ ಹುಲಿ ಕೈಬಿಟ್ಟ ಕಿಚ್ಚ

    sudeep drops madakari movie nayaka project

    ಕಿಚ್ಚ ಸುದೀಪ್ ದುರ್ಗದ ಹುಲಿ ಚಿತ್ರವನ್ನು ಕೈಬಿಟ್ಟಿದ್ದಾರೆ. ಮದಕರಿ ನಾಯಕನ ಕುರಿತು ಚಿತ್ರ ಮಾಡುವ ಯೋಜನೆಯನ್ನು ಕೈಬಿಟ್ಟು, ವಿವಾದಕ್ಕೆ ತೆರೆ ಎಳೆದಿದ್ದಾರೆ. ದುರ್ಗದ ಹುಲಿ ಕೈಬಿಡುವುದಾಗಿ ಹೇಳಿರುವ ಸುದೀಪ್, ನಮ್ಮವರಿಗಾಗಿ.. ನಮ್ಮವರ ಖುಷಿಗಾಗಿ ತ್ಯಾಗ ಮಾಡುವುದೇ ಒಳ್ಳೆಯದು ಎಂಬ ಸಂದೇಶ ರವಾನಿಸಿದ್ದಾರೆ.

    ಇತ್ತೀಚೆಗೆ ಸುದೀಪ್ ಅವರನ್ನು ಭೇಟಿ ಮಾಡಿದ್ದ ರಾಕ್‍ಲೈನ್ ವೆಂಕಟೇಶ್ ಅವರಿಗೆ ಸುದೀಪ್ `ನೀವು ನಮ್ಮ ಚಿತ್ರರಂಗದ ನಿರ್ಮಾಪಕರು. ದರ್ಶನ್ ಕೂಡಾ ನಮ್ಮ ಚಿತ್ರರಂಗದ ಹೀರೋ. ನಾನೂ ನಿಮ್ಮವನೇ. ಒಂದೊಳ್ಳೆ ಕಥೆಗಾಗಿ ನಾನು.. ನೀವು ಮುನಿಸಿಕೊಳ್ಳುವುದು ಬೇಡ. ಖುಷಿಯಾಗಿ ವೀರ ಮದಕರಿ ಚಿತ್ರ ಮಾಡಿ'' ಎಂದು ಹೇಳಿದ್ದಾರಂತೆ.

  • ದರ್ಶನ್ ಜೊತೆ ನಟಿಸೋಕೆ ನಾನ್ ರೆಡಿ - ಕಿಚ್ಚ ಸುದೀಪ

    sudeep ready to act with darshan

    ಕಿಚ್ಚ ಸುದೀಪ್ ಮತ್ತು ದರ್ಶನ್ ಚಿತ್ರರಂಗಕ್ಕೆ ಒಟ್ಟಿಗೇ ಬಂದವರು. ಆದರೆ, ಇಬ್ಬರನ್ನೂ ಒಂದೇ ಚಿತ್ರದಲ್ಲಿ ನೋಡುವ ಭಾಗ್ಯ ಕನ್ನಡಿಗರಿಗೆ ಇನ್ನೂ ಸಿಕ್ಕಿಲ್ಲ. ಇಬ್ಬರು ಸ್ಟಾರ್‍ಗಳು ಒಟ್ಟಿಗೇ ನಟಿಸೋದು ಯಾವಾಗ ಅನ್ನೋದು ಅಭಿಮಾನಿಗಳ ಪ್ರಶ್ನೆ. ಅಂತಹ ಒಬ್ಬ ಅಭಿಮಾನಿಯ ಪ್ರಶ್ನೆಗೆ ಕಿಚ್ಚ ಸುದೀಪ್ ಅಷ್ಟೇ ಪ್ರೀತಿಯಿಂದ ಉತ್ತರ ಕೊಟ್ಟಿದ್ದಾರೆ. ದರ್ಶನ್ ಅಂದು.. ಇಂದೂ.. ಎಂದೆಂದೂ ನನ್ನ ಸ್ನೇಹಿತನೇ ಎಂದಿದ್ದಾರೆ ಸುದೀಪ್.

    ಒಳ್ಳೆಯ ಸ್ಕ್ರಿಪ್ಟ್ ಸಿಕ್ಕರೆ, ದರ್ಶನ್ ಜೊತೆ ನಟಿಸೋಕೆ ನಾನ್ ರೆಡಿ ಎಂದಿದ್ದಾರೆ. ಸುದೀಪ್. ಅವರು ಕಾಯುತ್ತಿರುವ ಒಳ್ಳೆಯ ಸ್ಕ್ರಿಪ್ಟ್ ಅವರಿಬ್ಬರಿಗೂ ಬೇಗ ಸಿಗಲಿ.

     

  • ದರ್ಶನ್ ನಿಜಕ್ಕೂ ಅದೃಷ್ಟವಂತ, ಅಂತಹ ಅವಕಾಶ ಯಾರಿಗೂ ಸಿಕ್ಕಲ್ಲ - ಸುದೀಪ್

    darshan double lucky

    ದರ್ಶನ್ ಅಭಿನಯದ ಕುರುಕ್ಷೇತ್ರ ಚಿತ್ರ ಸೆಟ್ಟೇರಿದ ಮಾರನೇ ದಿನ ಸುದೀಪ್ ಟ್ವಿಟರ್ ಮೂಲಕ ದರ್ಶನ್ ಮತ್ತು ಕುರುಕ್ಷೇತ್ರ ತಂಡಕ್ಕೆ ಶುಭ ಹಾರೈಸಿದ್ದರು. ಇಂತಹ ಪ್ರಯತ್ನಗಳು ನಡೆಯುತ್ತಲೇ ಇರಬೇಕು ಎಂದಿದ್ದರು. ಸುದೀಪ್‍ರ ಈ ಸ್ವಯಂಪ್ರೇರಿತ ಮೆಚ್ಚುಗೆ ಅಭಿಮಾನಿಗಳಲ್ಲಿ ಹೊಸ ಉತ್ಸಾಹವನ್ನೇ ಮೂಡಿಸಿತ್ತು.

    ಸುವರ್ಣ ನ್ಯೂಸ್‍ನಲ್ಲಿ ವಿಶೇಷ ಸಂದರ್ಶನದಲ್ಲಿ ಭಾಗವಹಿಸಿದ್ದ ಸುದೀಪ್ ಅವರಿಗೆ ಇದೇ ಪ್ರಶ್ನೆ ಎದುರಾಯ್ತು. ಅದಕ್ಕೆ ಸುದೀಪ್ ನೀಡಿದ ಉತ್ತರ ಇದು.

    ``ಅದರಲ್ಲಿ ವಿಶೇಷವೇನೂ ಇಲ್ಲ. ಕುರುಕ್ಷೇತ್ರ ಚಿತ್ರದ ಮುಹೂರ್ತದ ಸುದ್ದಿಯನ್ನು ಟ್ವಿಟರ್‍ನಲ್ಲಿ ನೋಡಿದೆ. ನನಗೆ ಚಿತ್ರದಲ್ಲಿ ತುಂಬಾ ಪಾತ್ರಗಳಿದ್ದರೆ ತುಂಬಾನೇ ಇಷ್ಟವಾಗುತ್ತೆ.ಅಲ್ಲಿ ರವಿ ಸರ್, ಅಂಬರೀಷ್ ಅಣ್ಣ, ಅರ್ಜುನ್ ಸರ್ಜಾ, ರವಿಶಂಕರ್, ನಿಖಿಲ್.. ಹೀಗೆ ತುಂಬಾ ಕಲಾವಿದರು ಒಟ್ಟಿಗೇ ಇದ್ದರು. ನನಗದು ಇಷ್ಟವಾಯಿತು. ವಿಷ್ ಮಾಡಬೇಕು ಎನ್ನಿಸಿತು. ಮಾಡಿದೆ ಅಷ್ಟೆ. ಅದಕ್ಕೂ ಮೊದಲು ಒಂದ್ಸಲ ಆ ಪಾತ್ರದಲ್ಲಿ ನನ್ನನ್ನು ನಾನೇ ಕಲ್ಪನೆ ಮಾಡಿಕೊಂಡೆ. ಅಬ್ಬಾ.. ಅಂತಹ ಪಾತ್ರಕ್ಕೆ ನಾನು ಸೂಟಬಲ್ ವ್ಯಕ್ತಿ ಅಲ್ಲವೇ ಅಲ್ಲ ಎನ್ನಿಸಿಬಿಟ್ಟಿತು. ಆ ಪಾತ್ರವನ್ನು ಅವನು ಚೆನ್ನಾಗಿ ಮಾಡುತ್ತಾನೆ. ಒಂದು ಲೆಕ್ಕದಲ್ಲಿ ಆತ ಅದೃಷ್ಟವಂತ. ಐತಿಹಾಸಿಕ ಮತ್ತು ಪೌರಾಣಿಕ, ಹೀಗೆ ಎರಡೂ ವೈವಿಧ್ಯಮಯ ಪಾತ್ರಗಳಲ್ಲಿ ನಟಿಸುವ ಅವಕಾಶ ಸಿಕ್ಕಿದೆ. ಆತ ಅದನ್ನು ಅದ್ಭುತವಾಗಿ ಮಾಡುತ್ತಾನೆ''

  • ದರ್ಶನ್, ಸುದೀಪ್ ಜೊತೆ ನಟಿಸಲು ಸಿದ್ಧ - ಪುನೀತ್

    ready to act with sudeep and darshan says puneeth

    ಒಳ್ಳೆಯ ಕಥೆ ಸಿಗಬೇಕು. ಇಷ್ಟವಾಗುವಂತಾದ್ದೊಂದು ಕಥೆ ಸಿಕ್ಕರೆ, ಸುದೀಪ್ ಮತ್ತು ದರ್ಶನ್ ಜೊತೆ ನಟಿಸಲು ನಾನು ರೆಡಿ. ನನಗೂ ಎಲ್ಲ ನಟರ ಜೊತೆ ನಟಿಸಬೇಕೆಂಬ ಆಸೆಯಿದೆ. ಇಂಥಾದ್ದೊಂದು ಕನಸು ಹೇಳಿಕೊಂಡಿದ್ದಾರೆ ಪುನೀತ್ ರಾಜ್‍ಕುಮಾರ್.

    ಹಬ್ಬದ ದಿನ ಇದೇ ಮೊದಲ ಬಾರಿಗೆ ಫೇಸ್‍ಬುಕ್ ಲೈವ್‍ಗೆ ಬಂದಿದ್ದ ಪುನೀತ್, ನೇರವಾಗಿ ಅಭಿಮಾನಿಗಳಿಗೇ ಇಂಥಾದ್ದೊಂದು ವಾಗ್ದಾನ ಮಾಡಿದ್ದಾರೆ. ಮುಂದಿನ ತಿಂಗಳ ಕೊನೆಯಲ್ಲಿ ಪುನೀತ್ ಕನ್ನಡ ಕಿರುತೆರೆಯಲ್ಲಿ ಪ್ರತ್ಯಕ್ಷರಾಗುತ್ತಿದ್ದಾರೆ. ಫ್ಯಾಮಿಲಿ ಪವರ್ ರಿಯಾಲಿಟಿ ಶೋ ಮೂಲಕ ಬರುತ್ತಿರುವ ಪುನೀತ್, ಆ ಶೋನಲ್ಲಿ ಕೌಟುಂಬಿಕ ಬಾಂಧವ್ಯಗಳ ಕಥೆ ಹೇಳಲಿದ್ದಾರಂತೆ.

  • ದಿ ವಿಲನ್ - ಒಂದು ಸೀನ್‍ಗೇ ಮೂರೂವರೆ ಕೋಟಿ..!

    the villain

    ದಿ ವಿಲನ್. ಶಿವರಾಜ್ ಕುಮಾರ್ ಮತ್ತು ಸುದೀಪ್ ಒಟ್ಟಿಗೇ ನಟಿಸುತ್ತಿರುವ ಈ ಸಿನಿಮಾ, ಕನ್ನಡ ಚಿತ್ರರಂಗದಲ್ಲಿ ಭರ್ಜರಿ ನಿರೀಕ್ಷೆ ಹುಟ್ಟಿಸಿರುವ ಚಿತ್ರ. ಇಬ್ಬರು ದೊಡ್ಡ ಸ್ಟಾರ್‍ಗಳು ಒಟ್ಟಿಗೇ ನಟಿಸುತ್ತಿರುವ ಕಾರಣಕ್ಕೆ ಇಷ್ಟು ದೊಡ್ಡ ನಿರೀಕ್ಷೆ ಮೂಡಿಸಿರುವ ಚಿತ್ರದ ಇನ್ನೊಂದು ಹೈಲೈಟ್ ಇಲ್ಲಿದೆ ನೋಡಿ.

    ದಿ ವಿಲನ್ ಚಿತ್ರದ ಒಂದು ಚೇಸಿಂಗ್ ಸೀನ್‍ಗೇ ಮೂರೂವರೆ ಕೋಟಿ ಖರ್ಚಾಗುತ್ತಿದೆಯಂತೆ. ಅದು ಕನ್ನಡದ ಸಣ್ಣ ಬಜೆಟ್ ಸಿನಿಮಾಗಳ ಒಟ್ಟು ಬಜೆಟ್ ಎಂಬುದು ನಿಮಗೆ ಗೊತ್ತಿರಲಿ. ಚಿತ್ರದ ಈ ಚೇಸಿಂಗ್ ಸೀನ್‍ನ ಚಿತ್ರೀಕರಣ ನಡೆಯುತ್ತಿರುವುದು ಬ್ಯಾಂಕಾಕ್‍ನಲ್ಲಿ. ಆ ದೃಶ್ಯದ ಚಿತ್ರೀಕರಣ ನೋಡಲು ಶಿವಣ್ಣನ ಮಗಳು ನಿವೇದಿತಾ ಕೂಡಾ ಬ್ಯಾಂಕಾಕ್‍ಗೆ ಹೋಗಿದ್ದಾರೆ.

    ಈ ದೃಶ್ಯದಲ್ಲಿ ಸುದೀಪ್, ಶಿವಣ್ಣ ಜೊತೆ ತಿಲಕ್ ಕೂಡಾ ಕಾಣಿಸಿಕೊಳ್ಳಲಿದ್ದಾರೆ. ಸಾಹಸ ದೃಶ್ಯ ಸಂಯೋಜಿಸಿರುವುದು ಮಾಸ್ ಮಾದ. ವಿದೇಶಿ ಸಾಹಸ ಕಲಾವಿದರೂ ಕೂಡಾ ಈ ಸಾಹಸ ದೃಶ್ಯದಲ್ಲಿ ನಟಿಸಲಿದ್ದು, ದುಬಾರಿ ಕಾರುಗಳ ಬಳಕೆಯಾಗುತ್ತಿದೆ. 

    ಈ ಮೂರೂವರೆ ಕೋಟಿ ವೆಚ್ಚದ ದೃಶ್ಯದ ಚಿತ್ರೀಕರಣ ನಡೆಯಲಿರುವುದು 2 ದಿನ. ಒಂದು ದೃಶ್ಯಕ್ಕೆ ಇಷ್ಟು ಖರ್ಚು ಮಾಡಲಿರುವ ಚಿತ್ರದ ಒಟ್ಟಾರೆ ಬಜೆಟ್ ಎಷ್ಟಿರಬಹುದು..? ನಮಗೂ ಗೊತ್ತಿಲ್ಲ. ನೀವೇ ಲೆಕ್ಕ ಹಾಕಿ.

    Related Articles :-

    ರಿಲೀಸ್‍ಗೂ ಮೊದಲೇ ದುಬೈಯಲ್ಲಿ ವಿಲನ್ ಅಬ್ಬರ

    ಇಂದಿನಿಂದ ಚಿಕ್ಕಮಗಳೂರಿನಲ್ಲಿ ವಿಲನ್ ಟೀಂ

    ದಿ ವಿಲನ್ ಚಿತ್ರದ ಸೀಕ್ರೆಟ್ ಹೇಳಿದ ಕಿಚ್ಚ

    ವಿಲನ್ ಚಿತ್ರದ ಕಾನ್ಸೆಪ್ಟ್ - ಹೀಗೂ ಉಂಟೆ..?

    Motion poster Of 'The Villain' Released!

  • ದಿ ವಿಲನ್ ಆಡಿಯೋಗೆ 1 ಕೋಟಿ, 8 ಲಕ್ಷ..!

    the villain audio rights sold for 1.08 crores

    ಕನ್ನಡದ ಬಹುನಿರೀಕ್ಷಿತ ಚಿತ್ರ `ದಿ ವಿಲನ್' ಚಿತ್ರದ ಆಡಿಯೋ ರೈಟ್ಸ್ 1 ಕೋಟಿ, 8 ಲಕ್ಷಕ್ಕೆ ಮಾರಾಟವಾಗಿದೆ. ಇದು ಒಂದು ದಾಖಲೆಯೇ. ದಕ್ಷಿಣ ಭಾರತ ಚಿತ್ರರಂಗದಲ್ಲಿ 70 ಲಕ್ಷಕ್ಕೆ ಆಡಿಯೋ ಮಾರಾಟವಾಗುವುದು ಗರಿಷ್ಠ ಸರಾಸರಿ. ಹೀಗಿರುವಾಗ ವಿಲನ್ ಚಿತ್ರಕ್ಕೆ 1 ಕೋಟಿ 8 ಲಕ್ಷ ನೀಡಿದೆ ಆನಂದ್ ಆಡಿಯೋ ಕಂಪೆನಿ.

    ಪ್ರೇಮ್ ಅವರ ಚಿತ್ರಗಳಿಂದ ಆನಂದ್ ಆಡಿಯೋಗೆ ಈ ಹಿಂದೆ ಒಳ್ಳೆಯ ಬ್ಯುಸಿನೆಸ್ ಆಗಿದೆ. ಈ ಹಿನ್ನೆಲೆಯಲ್ಲಿ ಈ ಮೊತ್ತಕ್ಕೆ ಆಡಿಯೊ ಖರೀದಿಸಿದ್ದಾರೆ ಎಂದು ಹೇಳಿಕೊಂಡಿದ್ದಾರೆ ಪ್ರೇಮ್. ಚಿತ್ರದ ಚಿತ್ರೀಕರಣ ಮುಂದಿನ ತಿಂಗಳು ಮುಗಿಯಲಿದ್ದು, ಪೋಸ್ಟ್ ಪ್ರೊಡಕ್ಷನ್ ಕೆಲಸಗಳೂ ಆಗಲೇ ಶುರುವಾಗಿವೆ. ಸಿ.ಆರ್. ಮನೋಹರ್ ನಿರ್ಮಾಣದ ಚಿತ್ರ ಶಿವರಾಜ್‍ಕುಮಾರ್ & ಸುದೀಪ್ ಕಾಂಬಿನೇಷನ್‍ನಿಂದಾಗಿಯೇ ಭಾರಿ ನಿರೀಕ್ಷೆ ಹುಟ್ಟಿಸಿರುವ ಸಿನಿಮಾ.

  • ದಿ ವಿಲನ್ ಚಿತ್ರದ ಸೀಕ್ರೆಟ್ ಹೇಳಿದ ಕಿಚ್ಚ

    sudeep, the villain

    ಕಿಚ್ಚ ಸುದೀಪ್ ಇದೇ ಮೊದಲ ಬಾರಿಗೆ ಫೇಸ್​ಬುಕ್​ ಲೈವ್​ನಲ್ಲಿ ಕಾಣಿಸಿಕೊಂಡಿದ್ದಾರೆ. ಅದಕ್ಕೆ ಕಾರಣ, ದಿ ವಿಲನ್ ಚಿತ್ರದ ನಿರ್ದೇಶಕ. ಚಿತ್ರದಲ್ಲಿ ಇಂಥಾದ್ದೊಂದು ಅವಕಾಶ ಕೊಟ್ಟಿದ್ದಕ್ಕೆ ಪ್ರೇಮ್​ಗೆ ಅಭಿನಂದನೆ ಸಲ್ಲಿಸಿದ್ದಾರೆ ಕಿಚ್ಚ ಸುದೀಪ್. ಇದೇ ವೇಳೆ ಸುದೀಪ್ ಹುಟ್ಟುಹಬ್ಬದ ವಿಶೇಷವಾಗಿ ಚಿತ್ರದ ಮೋಶನ್ ಪೋಸ್ಟರ್​ನ್ನೂ ರಿಲೀಸ್ ಮಾಡಲಾಗಿದೆ.

    ಶಿವರಾಜ್ ಕುಮಾರ್ ಜೊತೆ ನಟಿಸುವ ಚಾನ್ಸ್ ಸಿಕ್ಕಿದ್ದಕ್ಕೆ, ಅದನ್ನು ಸಾಧ್ಯವಾಗಿಸಿದ ಪ್ರೇಮ್ ಹಠಕ್ಕೆ ಸುದೀಪ್ ಖುಷಿಯಾಗಿದ್ದಾರೆ. ಚಿತ್ರದ ಚಿತ್ರೀಕರಣದ ವೇಳೆ ಪ್ರೇಮ್ ಸಿಕ್ಕಾಪಟ್ಟೆ ಕಾಟ ಕೊಡ್ತಾನೆ ಅನ್ನೋದನ್ನು ಪ್ರೀತಿಯಿಂದಲೇ ಹೇಳಿಕೊಂಡಿರುವ ಕಿಚ್ಚ ಸುದೀಪ್, ಅದೇ ವೇಳೆ ಚಿತ್ರದ ಗುಟ್ಟೊಂದನ್ನು ಬಿಟ್ಟುಕೊಟ್ಟಿದ್ದಾರೆ.

    ಚಿತ್ರದಲ್ಲಿ ನಾವೀಗ ನೋಡ್ತಿರೋದು ಸುದೀಪ್​ರ ಒಂದು ಗೆಟಪ್ ಮಾತ್ರ. ಆದರೆ, ಚಿತ್ರದಲ್ಲಿ ಸುದೀಪ್ ಮೂರು ಶೇಡ್​ಗಳಲ್ಲಿ, ಮೂರು ಅವತಾರಗಳಲ್ಲಿ ಕಾಣಿಸಿಕೊಳ್ಳುತ್ತಾರಂತೆ. ಉಳಿದಂತೆ ಕಥೆಯ ಬಗ್ಗೆ ಏನೊಂದು ಗುಟ್ಟನ್ನೂ ಬಿಟ್ಟುಕೊಡದ ಸುದೀಪ್, ದಿ ವಿಲನ್ ಚಿತ್ರದ ಬಗ್ಗೆ ಅಪಾರ ನಿರೀಕ್ಷೆ ಇಟ್ಟುಕೊಂಡಿರುವುದಾಗಿ ಹೇಳಿದ್ದಾರೆ. ಅರ್ಜುನ್ ಜನ್ಯ ಸಂಗೀತ ಸಂಯೋಜಸಿರುವ ಒಂದು ಹಾಡಿನ ಕೆಲವು ಸಾಲುಗಳನ್ನಷ್ಟೇ ಸುದೀಪ್ ಕೇಳಿದ್ದಾರಂತೆ. ಅದು ಕೂಡಾ ಸಖತ್ತಾಗಿದೆ ಎಂದು ಖುಷಿ ಹಂಚಿಕೊಂಡಿದ್ದಾರೆ ಸುದೀಪ್.

  • ದಿ ವಿಲನ್ ಡಬ್ಬಿಂಗ್ ಶುರು

    the villain dubbing starts

    ಕಿಚ್ಚ ಸುದೀಪ್ ಮತ್ತು ಶಿವರಾಜ್‍ಕುಮಾರ್ ಒಟ್ಟಿಗೇ ನಟಿಸುತ್ತಿರುವ ಸ್ಯಾಂಡಲ್‍ವುಡ್‍ನ ಬಹುನಿರೀಕ್ಷಿತ ಚಿತ್ರ ದಿ ವಿಲನ್. ಪ್ರೇಮ್ ನಿರ್ದೇಶನದಲ್ಲಿ ಮೂಡಿ ಬರುತ್ತಿರುವ ಚಿತ್ರದ ಡಬ್ಬಿಂಗ್ ಈಗ ಶುರುವಾಗಿದೆ. ಹಾಗೆಂದು ಶೂಟಂಗ್ ಮುಗಿದಿದೆ ಎಂದುಕೊಳ್ಳಬೇಡಿ. ಇನ್ನೂ ಎರಡು ಹಾಡುಗಳ ಶೂಟಿಂಗ್ ಕೆಲಸ ಬಾಕಿಯಿದೆ.

    ಸಿ.ಆರ್.ಮನೋಹರ್ ನಿರ್ಮಾಣದ ಚಿತ್ರ ವರಮಹಾಲಕ್ಷ್ಮಿ ಹಬ್ಬಕ್ಕೆ ತೆರೆಯ ಮೇಲೆ ಬರಲಿದೆ. ರಿಲೀಸ್ ಡೇಟ್ ಫಿಕ್ಸ್ ಮಾಡಿಕೊಂಡೇ ಪೋಸ್ಟ್ ಪ್ರೊಡಕ್ಷನ್ ಕೆಲಸ ಶುರು ಮಾಡಲಾಗಿದೆ. ಎಲ್ಲವೂ ನಿರೀಕ್ಷೆಯಂತೆಯೇ ಆದರೆ, ಆಗಸ್ಟ್ 24ರಂದು ಚಿತ್ರ ತೆರೆಗೆ ಬರಲಿದೆ.

    ಅಂದಹಾಗೆ.. ಸುದೀಪ್ ಅವರೇ ಹೀರೋ ಆಗಿರುವ ಚಿತ್ರವೊಂದು ತೆರೆಯ ಮೇಲೆ ಒಂದು ವರ್ಷ 2 ತಿಂಗಳಾಗಿದೆ.

  • ದಿ ವಿಲನ್ ರಿಲೀಸ್ ಲಕ್ಷ್ಮಿ ಹಬ್ಬಕ್ಕಿಲ್ಲ.. ಮುಂದಾ..?

    the villain not releasing for varamahalakshmi festival

    ದಿ ವಿಲನ್ ಚಿತ್ರ ಆಗಸ್ಟ್‍ನಲ್ಲಿಯೇ ವರಮಹಾಲಕ್ಷ್ಮಿ ಹಬ್ಬದ ದಿನ ರಿಲೀಸ್ ಆಗಲಿದೆ ಎಂಬ ಸುದ್ದಿ ಗಾಂಧಿನಗರದಲ್ಲಿ ದಟ್ಟವಾಗಿ ಹಬ್ಬಿತ್ತು. ಈಗ ದಿ ವಿಲನ್ ಚಿತ್ರತಂಡದಿಂದ ಒಂದು ಸುದ್ದಿಯಂತೂ ಪಕ್ಕಾ ಆಗಿದೆ. ವರಮಹಾಲಕ್ಷ್ಮಿ ಹಬ್ಬಕ್ಕೆ ದಿ ವಿಲನ್ ರಿಲೀಸ್ ಆಗುತ್ತಿಲ್ಲ.

    ವಿಲನ್ ಚಿತ್ರದ 3 ಹಾಡುಗಳನ್ನು ರಿಲೀಸ್ ಮಾಡಿರುವ ಚಿತ್ರತಂಡ, ಆಡಿಯೋ ಬಿಡುಗಡೆ ಸಮಾರಂಭವನ್ನು ಅದ್ಧೂರಿಯಾಗಿ ದುಬೈ ಹಾಗೂ ಹುಬ್ಬಳ್ಳಿಯಲ್ಲಿಆಯೋಜಿಸಲು ತೀರ್ಮಾನಿಸಿದೆ. ಚಿತ್ರತಂಡದ ಪೋಸ್ಟ್ ಪ್ರೊಡಕ್ಷನ್ ಕೆಲಸಗಳು ಚುರುಕಾಗಿ ನಡೆಯುತ್ತಿವೆ. ಹೀಗಿರುವಾಗಲೇ.. ದಿ ವಿಲನ್ ಸಿನಿಮಾ ಸೆಪ್ಟೆಂಬರ್ 13ಕ್ಕೆ ರಿಲೀಸ್ ಆಗಲಿದೆ ಎಂಬ ಸುದ್ದಿ ಹರಿದಾಡೋಕೆ ಶುರುವಾಗಿದೆ.

    ಈ ಸೆಪ್ಟೆಂಬರ್ 13ರ ಡೇಟ್ ಫಿಕ್ಸ್ ಮಾಡಿರುವುದು ನಿರ್ಮಾಪಕ ಸಿ.ಆರ್.ಮನೋಹರ್ ಅಲ್ಲ, ನಿರ್ದೇಶಕ ಜೋಗಿ ಪ್ರೇಮ್ ಅಲ್ಲ. ಶಿವರಾಜ್‍ಕುಮಾರ್ ಮತ್ತು ಸುದೀಪ್ ಅಭಿಮಾನಿಗಳು.

  • ದಿ ವಿಲನ್ ವಿಳಂಬಕ್ಕೆ ಯಾರು ಕಾರಣ..?

    delya in the villain

    ದಿ ವಿಲನ್ ಎಂಬ ಚಿತ್ರದ ಕನಸು ಬಿತ್ತಿರುವ ನಿರ್ದೇಶಕ ಪ್ರೇಮ್, ಚಿತ್ರವನ್ನು ಮಾತ್ರ ಬೇಗ ಮುಗಿಸುತ್ತಿಲ್ಲ. ಮೊದಲೇ ಹೇಳಿದಂತೆ ಆಗಿದ್ದರೆ ಚಿತ್ರ ಇಷ್ಟು ಹೊತ್ತಿಗೆ ತೆರೆಗೆ ಬರಲು ರೆಡಿಯಾಗಿರಬೇಕಿತ್ತು. ಆದರೆ, ಇನ್ನೂ ಶೂಟಿಂಗ್ ಮುಗಿದಿಲ್ಲ. ಇನ್ನೂ 12 ದಿನದ ಶೂಟಿಂಗ್ ಬಾಕಿ ಇದೆಯಂತೆ. ಮೊದಲೇ ಶಿವರಾಜ್‍ಕುಮಾರ್ ಮತ್ತು ಸುದೀಪ್ ಕಾಂಬಿನೇಷನ್ ಸಿನಿಮಾ. ಇಷ್ಟು ನಿಧಾನವಾದರೆ ಹೇಗೆ..? ಯಾರು ಕಾರಣ ಎಂದರೆ, ಪ್ರಶ್ನೆ ಪ್ರೇಮ್ ಅವರತ್ತಲೇ ತಿರುಗುತ್ತಿದೆ.

    ಚಿತ್ರ ಇನ್ನೂ ಮುಗಿದಿಲ್ಲ. ಚಿತ್ರ ಯಾಕೆ ತಡವಾಯ್ತು ಅನ್ನೋದನ್ನು ಪ್ರೇಮ್ ಅವರನ್ನೇ ಕೇಳಬೇಕು. ನಾನೇನಾದರೂ ನಿರ್ದೇಶಕನಾಗಿದ್ದರೆ, ಪಕ್ಕಾ ಪ್ಲಾನ್ ಮಾಡಿಕೊಳ್ಳುತ್ತಿದ್ದೆ. ನಿರ್ಮಾಪಕರಿಗೆ ನಷ್ಟವಾಗದಂತೆ ನೋಡಿಕೊಳ್ಳುತ್ತಿದ್ದೆ. ಮುಂದೇನಾದರೂ ನಾನು ಡೈರೆಕ್ಷನ್ ಮಾಡಿದರೆ, ಸಿನಿಮಾ ಶುರುವಾದ ನಂತರದ 7ನೇ ತಿಂಗಳು ಸಿನಿಮಾ ತೆರೆಯ ಮೇಲಿರುವಂತೆ ನೋಡಿಕೊಳ್ಳುತ್ತೇನೆ. ಎರಡು ವರ್ಷ ಸಿನಿಮಾ ಮಾಡಿದರೆ ಗೆಲ್ಲುತ್ತೆ ಅನ್ನೋದು ಭ್ರಮೆಯಷ್ಟೆ ಎಂದಿದ್ದಾರೆ ಸ್ವತಃ ಶಿವರಾಜ್‍ಕುಮಾರ್.

  • ದಿ ವಿಲನ್ ಸೃಷ್ಟಿಸುತ್ತಿರುವ ದಾಖಲೆಗಳು..

    the villain creates record after record

    ದಿ ವಿಲನ್. ಶಿವರಾಜ್‍ಕುಮಾರ್ ಮತ್ತು ಕಿಚ್ಚ ಸುದೀಪ್‍ರನ್ನು ಒಗ್ಗೂಡಿಸಿದ್ದೇ ಪ್ರೇಮ್ ಮಾಡಿದ ಮೊದಲ ದಾಖಲೆ. ಕನ್ನಡ ಚಿತ್ರರಂಗದ ಎರಡು ಧ್ರುವ ನಕ್ಷತ್ರಗಳನ್ನು ಒಟ್ಟುಗೂಡಿಸುವುದು ಸುಲಭದ ಮಾತಲ್ಲ. ಹಾಗೆ ಶುರುವಾದ ಚಿತ್ರ, ಬಿಡುಗಡೆಗೂ ಮುನ್ನವೇ ದಾಖಲೆಗಳ ಮೇಲೆ ದಾಖಲೆ ಬರೆಯುತ್ತಿರುವುದು ವಿಶೇಷ.

    ದಿ ವಿಲನ್.. ಒಟ್ಟಾರೆ ತೋರಿಸಿದ್ದು 4 ನಿಮಿಷಗಳ ಟೀಸರ್. ಕನ್ನಡ ಚಿತ್ರರಂಗದಲ್ಲಷ್ಟೇ ಅಲ್ಲ, ಭಾರತ ಚಿತ್ರರಂಗದ ಇತಿಹಾಸದಲ್ಲೇ ಟೀಸರ್ ಬಿಡುಗಡೆಗಾಗಿ ಪ್ರೇಕ್ಷಕರಿಂದಲೇ ಹಣ ವಸೂಲಿ ಮಾಡಿದ ಉದಾಹರಣೆಗಳೇ ಇಲ್ಲ ಎನ್ನಬೇಕು. ಇದು ದಾಖಲೆಯೇ ಸರಿ.

    ಇಡೀ ಚಿತ್ರ ನೋಡೋದು ಬಿಡಿ, 4 ನಿಮಿಷಗಳ ಟೀಸರ್ ನೋಡೋಕೆ ಜನ 500 ರೂ. ಕೊಟ್ಟಿದ್ದಾರೆ. ಅಫ್‍ಕೋರ್ಸ್, ಆ ಹಣವನ್ನು ನಿರ್ಮಾಪಕ ಸಿ.ಆರ್.ಮನೋಹರ್ ಸಂಕಷ್ಟದಲ್ಲಿರುವ ನಿರ್ದೇಶಕರಿಗೇ ನೀಡಿರುವುದು ಸ್ವಾಗತಾರ್ಹ.

    ಆನಂದ್ ಪಿ.ರಾಜು, ಎ.ಟಿ.ರಘು, ಬೂದಾಳ ಕೃಷ್ಣಮೂರ್ತಿ, ಹಿರೇಮಠ್ ಅವರಿಗೆ ಟೀಸರ್ ಪ್ರದರ್ಶನದಿಂದ ಬಂದ ಹಣವನ್ನು ಸಂದಾಯ ಮಾಡಲಾಗಿದೆ. ಅದು ಅವರ ಸಂಕಷ್ಟದ ಬದುಕಿದೆ ದಿ ವಿಲನ್ ಸ್ಪಂದಿಸಿದ ರೀತಿ. 

    ಟೈಮೆಕ್ಸ್ ಹಾಗೂ ಡೈರಿ ಡೇ ಸಂಸ್ಥೆಗಳು, ದಿ ವಿಲನ್ ಚಿತ್ರಕ್ಕೆ ಬ್ರಾಂಡ್ ಪಾರ್ಟ್‍ನರ್ ಆಗಿರುವುದು ವಿಶೇಷ. ಇದು ಕನ್ನಡಕ್ಕೆ ಹೊಸದೇನಲ್ಲವಾದರೂ, ಟೈಮೆಕ್ಸ್ ಸಂಸ್ಥೆ ದಿ ವಿಲನ್ ಹೆಸರಿನಲ್ಲೇ ವಾಚ್ ತರುತ್ತಿರುವುದು ಹೊಸದು. ಒನ್ಸ್ ಎಗೇಯ್ನ್, ಇದೂ ಕೂಡಾ ದಾಖಲೆ.

    ಚಿತ್ರದ ಟೀಸರ್‍ನ್ನು ಮುಖ್ಯಮಂತ್ರಿ ಕುಮಾರಸ್ವಾಮಿಯವರೇ ಬಿಡುಗಡೆಗೊಳಿಸಿದ್ದು ವಿಶೇಷ. ಅಂದಹಾಗೆ ದಿ ವಿಲನ್ ಚಿತ್ರತಂಡ, ಮೊದಲು ಶುರು ಮಾಡಿದ್ದು ಕಲಿ ಚಿತ್ರವನ್ನ. ಆ ಚಿತ್ರವನ್ನು ಲಾಂಚ್ ಮಾಡಿದ್ದವರು ಆಗ ಸಿಎಂ ಆಗಿದ್ದ ಸಿದ್ದರಾಮಯ್ಯ. ಅದಾದ ಮೇಲೆ ಕಥೆಯೂ ಬದಲಾಗಿ ದಿ ವಿಲನ್ ಸಿದ್ಧವಾಯ್ತು. ಈ ಚಿತ್ರದ ಟೀಸರ್ ರಿಲೀಸ್ ಮಾಡಿದ್ದು ಈಗಿನ ಸಿಎಂ ಕುಮಾರಸ್ವಾಮಿ. ಒನ್ ಮೋರ್ ಸ್ಪೆಷಲ್.

    ಇನ್ನು ಚಿತ್ರದ ಎರಡೂ ಟೀಸರ್‍ಗಳು, ದಾಖಲೆ ಪ್ರಮಾಣದಲ್ಲಿ ಹಿಟ್ಸ್ ಪಡೆಯತ್ತಿರುವುದು ವಿಶೇಷ. ಕನ್ನಡ ಚಿತ್ರದ ಟೀಸರ್‍ವೊಂದು, ಬಿಡುಗಡೆ ದಿನವೇ ಟ್ವಿಟರ್‍ನಲ್ಲಿ ಟ್ರೆಂಡ್ ಆಗಿದ್ದು ಕೂಡಾ ದಿ ವಿಲನ್ ಸೃಷ್ಟಿಸಿದ ದಾಖಲೆಯೇ..

  • ದಿ ವಿಲನ್ ಹಾಡನ್ನು ಕೇಳಿ.. ಒಂದ್ಸಲ ಓದ್ಕೊಂಡ್ ಬಿಡಿ

    the villain lyrics

    ನಾನ್ ಸೈಲೆಂಟ್ ಆಗಿದ್ರೆ ರಾಮ

    ವಯಲೆಂಟ್ ಆದ್ರೆ.. ರಾವಣಾ...

    ರಾವಣಾ... ರಾವಣಾ...

    ಅಣ್ಣಾ ನನ್ನ ಊರು..

    ಅಣ್ಣಾ ನನ್ನ ಹಎಸರು..

    ಅಣ್ಣಾ ನಾನು ಕೆಂಚಹಳ್ಳಿ ಕೆಂಚ ಕಾಣಣ್ಣೋ..

    ಇಫ್ ಯೂ ಕಮ್ ಟುಡೇ..

    ಐ ಆ್ಯಮ್ ಸೋ ಹ್ಯಾಪಿ

    ಇಫ್ ಯೂ ಕಮ್ ಟುಮಾರೋ..

    ಐ ಆ್ಯಮ್ ಟೂ ಬ್ಯಾಡ್

    ಯೂ ಪಿಕ್ ದ ಟೈಂ..

    ಟಿಕ್ ಟಿಕ್ ಟಿಕ್ ಟಿಕ್ ಟಿಕ್

    ಟಿಕ್ ಟಿಕ್ ಟಿಕ್ ಟಿಕ್ ಟಿಕ್

    ಧಗ ಧಗ ಧಗ ಧಗ

    ರಾಜರ ಹಿರಿ ಮಗ..

    ಬಿಟ್ಟ ನೋಡು ಮೂರನೇ ಕಣ್ಣ

    ಶಂಕರಾ.. ಶಿವಶಂಕರಾ..

    ತಗ ತಗ ತಗ ತಗ

    ಮಚ್ಚೇಟು ಬೀಳುವಾಗ

    ಕೈಕಾಲು ಲ್ಯಾಪ್ಸು

    ಶಿವಶಂಕರಾ.. ಅಯ್ಯೋ ಶಂಕರಾ..

    ಮಚ್ಚು ಹಿಡಿದು ನಿಂತ್ರೆ ನೀನು ಹುಚ್ಚೆದ್ದು ಕುಣೀತಾರೋ..

    ನಿನ್ನ ಮುಂದೆ ಎಲ್ರೂ ಬಚ್ಚ ಕಾಣಣ್ಣ..

    ಇಫ್ ಯೂ ಕಮ್ ಟುಡೇ..

    ಐ ಆ್ಯಮ್ ಸೋ ಹ್ಯಾಪಿ

    ಇಫ್ ಯೂ ಕಮ್ ಟುಮಾರೋ..

    ಐ ಆ್ಯಮ್ ಟೂ ಬ್ಯಾಡ್

    ಯೂ ಪಿಕ್ ದ ಟೈಂ..

    ಟಿಕ್ ಟಿಕ್ ಟಿಕ್ ಟಿಕ್ ಟಿಕ್

    ಟಿಕ್ ಟಿಕ್ ಟಿಕ್ ಟಿಕ್ ಟಿಕ್

    ರಾಜಾಧಿರಾಜನೇ.. 

    ರಾಕ್ಷಸರ ರಾಜನೇ..

    ಹೇಳಿ ಹೇಳಿ ಹೇಳ್ರಪ್ಪಾ..

    ಎಲ್ರೂ ಒಟ್ಟಿಗೆ ಹೇಳ್ರಪ್ಪಾ..

    ಟಿಕ್ ಟಿಕ್ ಟಿಕ್ ಟಿಕ್ ಟಿಕ್

    ಟಿಕ್ ಟಿಕ್ ಟಿಕ್ ಟಿಕ್ ಟಿಕ್

    ಬಿಡು ಬಿಡು ಬಿಡು ಬಿಡು 

    ನಾನು ಅನ್ನದ್ ಮೊದ್ಲು ಬಿಡು

    ನಾವು ಅಂತಾ ಬಾಳೋದು ಕಲಿ ಶಂಕರಾ..

    ಶಿವಶಂಕರಾ..

    ಕೊಡು ಕೊಡು ಕೊಡು ಕೊಡು 

    ಕೈಲಾದಷ್ಟು ದಾನ ಕೊಡು

    ಸ್ವರ್ಗ ನರ್ಕ ಎಲ್ಲ ಇಲ್ಲೇ.. ಶಂಕರಾ..

    ಶಿವಶಂಕರಾ..

    ನಿನ್ನೆ ಮೊನ್ನೆ ಬಂದೋರೆಲ್ಲ ನಂಬರ್ ಒನ್ ಅಂತಾರೋ..

    ಅವ್ರವ್ರೆ ಸಂಘ ಕಟ್ಕೊಂಡು ಬಿರುದು ಇಟ್ಕೊಂಡ್ ನಿಂತವ್ರೋ..

    ನಿಂಗೆ ನಂಬರ್‍ಗಳ ಲೆಕ್ಕ ಇಲ್ಲಣ್ಣ..

    ಇಫ್ ಯೂ ಕಮ್ ಟುಡೇ..

    ಐ ಆ್ಯಮ್ ಸೋ ಹ್ಯಾಪಿ

    ಇಫ್ ಯೂ ಕಮ್ ಟುಮಾರೋ..

    ಐ ಆ್ಯಮ್ ಟೂ ಬ್ಯಾಡ್

    ಯೂ ಪಿಕ್ ದ ಟೈಂ..

    ಟಿಕ್ ಟಿಕ್ ಟಿಕ್ ಟಿಕ್ ಟಿಕ್

    ಟಿಕ್ ಟಿಕ್ ಟಿಕ್ ಟಿಕ್ ಟಿಕ್

  • ದಿ ವಿಲನ್‍ನ ಹಾಡುಗಳೆಲ್ಲ `ಪ್ರೇಮ್'ಮಯ..!

    prem's magic in the villain's magic

    ದಿ ವಿಲನ್ ಚಿತ್ರದ ಹಾಡುಗಳು ರಿಲೀಸ್ ಆಗಿವೆ. ವಿಡಿಯೋ ಟ್ರ್ಯಾಕ್ ಬಿಡದೆ, ಕೇವಲ ಲಿರಿಕಲ್ ವಿಡಿಯೋ ಬಿಟ್ಟು ಮೋಡಿ ಸೃಷ್ಟಿಸಿದ್ದಾರೆ ಪ್ರೇಮ್. ದಿನೇ ದಿನೇ ಹಾಡುಗಳ ಹಿಟ್ಸ್ ಹೆಚ್ಚುತ್ತಲೇ ಇದೆ. ಚಿತ್ರದ ಹಾಡುಗಳ ಸ್ಪೆಷಾಲಿಟಿ ಏನ್ ಗೊತ್ತಾ..? ಚಿತ್ರದ ಎಲ್ಲ ಹಾಡುಗಳಲ್ಲೂ ಪ್ರೇಮ್ ಇದ್ದಾರೆ. 

    ಚಿತ್ರದ ಎಲ್ಲ ಹಾಡುಗಳನ್ನೂ ಬರೆದಿರುವುದು ಜೋಗಿ ಪ್ರೇಮ್. ದಲೇರ್ ಮೆಹಂದಿಯಂತಹವರಿಂದ ಹಾಡಿಸಿದರೂ ಅದು ಪ್ರೇಮ್‍ಗೆ ಇಷ್ಟವಾಗಲಿಲ್ಲ. ಆಡು ಭಾಷೆಯನ್ನು ಹೆಚ್ಚಾಗಿ ಬಳಸಿದ್ದ ಪ್ರೇಮ್‍ಗೆ, ಆ ಆಡುಭಾಷೆಯ ಉಚ್ಛಾರಣೆ ಹಿಂದಿ ಗಾಯಕರಿಂದ ಸರಿ ಕಾಣಲಿಲ್ಲ. ಹೀಗಾಗಿ ಹಾಡುಗಳಲ್ಲಿ ಪ್ರೇಮ್ ಅವರ ಧ್ವನಿ ಖಾಯಂ ಆಗಿದೆ ಎನ್ನುತ್ತಾರೆ ಅರ್ಜುನ್ ಜನ್ಯ.

    ಅರ್ಜುನ್ ಜನ್ಯ ಅವರಿಗೆ ದಿನಗಟ್ಟಲೆ ಕಾಟ ಕೊಟ್ಟಿದ್ದೇನೆ. ಈಗ ಒಳ್ಳೆಯ ಹಾಡುಗಳು ಬಂದಿವೆ. ನನ್ನ ಚಿತ್ರದಲ್ಲಿ ಹಾಡುಗಳಿಗೂ ಅಷ್ಟೇ ಪ್ರಾಮುಖ್ಯತೆ ಕೊಡುತ್ತೇನೆ. ಪ್ರತಿಯೊಂದು ಹಾಡು, ಚಿತ್ರದ ಕಥೆಗೆ ಪೂರಕವಾಗಿವೆ ಎಂದು ಹೇಳಿಕೊಂಡಿದ್ದಾರೆ ನಿರ್ದೇಶಕ ಪ್ರೇಮ್.

    ಶಿವರಾಜ್‍ಕುಮಾರ್, ಸುದೀಪ್, ಆ್ಯಮಿ ಜಾಕ್ಸನ್, ಮಿಥುನ್ ಚಕ್ರವರ್ತಿ, ಶ್ರೀಕಾಂತ್ ಅಭಿನಯದ ಸಿನಿಮಾ, ಅಕ್ಟೋಬರ್‍ನಲ್ಲಿ ತೆರೆಕಾಣುವ ಸಾಧ್ಯತೆ ಇದೆ.

  • ದುನಿಯಾ ವಿಜಿಗೆ ಕಿಚ್ಚನ ಹಾರೈಕೆ

    sudeep congragulates duniya vijay

    ನಟ ದುನಿಯಾ ವಿಜಯ್, ನಿರ್ದೇಶಕರಾಗಲು ಹೊರಟಿರುವುದನ್ನು ನಟ ಸುದೀಪ್ ಸ್ವಾಗತಿಸಿದ್ದಾರೆ. ಸುದೀಪ್ ಅಭಿನಯದ ರಂಗ ಎಸ್‍ಎಸ್‍ಎಲ್‍ಸಿ ಚಿತ್ರದಲ್ಲಿ ದುನಿಯಾ ವಿಜಿ, ವಿಲನ್ ಆಗಿ ನಟಿಸಿದ್ದವರು. ಅದಾದ ಮೇಲೆ ವಿಜಿ, ಹೀರೋ ಆಗಿ, ಸ್ಟಾರ್ ಆದರು. ಈಗ ಡೈರೆಕ್ಟರ್ ಆಗುತ್ತಿದ್ದಾರೆ.

    ವಿಜಿ ನಿರ್ದೇಶಕರಾಗುತ್ತಿರುವುದನ್ನು ಚಿತ್ರಲೋಕ ವೆಬ್‍ಸೈಟ್‍ನಲ್ಲಿ ನೋಡಿ ತಿಳಿದ ಸುದೀಪ್, ಅದನ್ನೇ ರೀ ಟ್ವೀಟ್ ಮಾಡಿದ್ದಾರೆ. ಶುಭ ಹಾರೈಸುವುದರ ಜೊತೆಗೆ, ನಮ್ಮನ್ನು ನಾವೇ ಹುಡುಕಿಕೊಳ್ಳುವ ಈ ಸಾಹಸ ನಿಜಕ್ಕೂ ಬೇರೆಯದೇ ಅನುಭವ. ನಿರ್ದೇಶಕರಾಗಲು ಹೊರಟಿರುವ ದುನಿಯಾ ವಿಜಯ್‍ಗೆ ಶುಭವಾಗಲಿ. ನಿಮ್ಮ ಪ್ರತಿ ಹೆಜ್ಜೆಯನ್ನೂ ಆನಂದಿಸಿ ಎಂದು ಶುಭ ಕೋರಿದ್ದಾರೆ ಸುದೀಪ್.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery