` sudeep - chitraloka.com | Kannada Movie News, Reviews | Image

sudeep

  • ಚಿರಂಜೀವಿ, ಅಮಿತಾಬ್ ಬಚ್ಚನ್ ಜೊತೆ ಕಿಚ್ಚ ಸುದೀಪ್

    amitab bacchan, sudeep, chiranjeevi image

    ಕಿಚ್ಚ ಸುದೀಪ್ ಸ್ಯಾಂಡಲ್​ವುಡ್​ನಿಂದ ಹಾರಿ, ಬಾಲಿವುಡ್​ನಲ್ಲಿ ಮಿನುಗಿ, ಟಾಲಿವುಡ್, ಕಾಲಿವುಡ್​ನಲ್ಲಿ ಮಿಂಚಿ ಈಗ ಹಾಲಿವುಡ್​ಗೂ ಹಾರುತ್ತಿದ್ಧಾರೆ. ಇದರ ನಡುವೆಯೇ ಇನ್ನೊಂದು ಗುಡ್​ನ್ಯೂಸ್ ತೆಲುಗಿನಿಂದ ಬರ್ತಾ ಇದೆ. ಇತ್ತಿಚೆಗಷ್ಟೇ 150ನೇ ಚಿತ್ರದಲ್ಲಿ ನಟಿಸಿದ್ದ ಚಿರಂಜೀವಿ, ಇನ್ನೊಂದು ಚಿತ್ರಕ್ಕೆ ಸಿದ್ಧರಾಗುತ್ತಿದ್ದಾರೆ. ಆ ಚಿತ್ರದಲ್ಲಿ ಬಾಲಿವುಡ್ ಸೂಪರ್ ಸ್ಟಾರ್ ಅಮಿತಾಬ್ ಬಚ್ಚನ್ ಕೂಡಾ ನಟಿಸಲಿದ್ದಾರೆ. ಕಿಕ್, ರೇಸುಗುರಂ ಖ್ಯಾತಿಯ ಸುರೇಂದ್ರ ರೆಡ್ಡಿ ನಿರ್ದೇಶಕರು.

    ಸ್ವಾತಂತ್ರ್ಯ ಯೋಧನ ಕುರಿತಾದ ಆ ಚಿತ್ರಕ್ಕೆ ಸಂಗೀತ ನೀಡುತ್ತಿರುವುದು ಎ.ಆರ್.ರೆಹಮಾನ್. ಆ ಚಿತ್ರದ ಒಂದು ಪ್ರಮುಖ ಪಾತ್ರಕ್ಕೆ ಚಿತ್ರತಂಡ ಸುದೀಪ್ ಅವರನ್ನು ಸಂಪರ್ಕಿಸಿದೆಯಂತೆ. ಕನ್ನಡ ಮತ್ತು ತೆಲುಗು ಎರಡೂ ಭಾಷೆ ಗೊತ್ತಿರುವ ವ್ಯಕ್ತಿಯ ಪಾತ್ರಕ್ಕೆ ಸುದೀಪ್ ಬೇಕು ಎಂದು ಚಿತ್ರತಂಡ ಡಿಮ್ಯಾಂಡ್ ಇಟ್ಟಿದೆ. ಆಫರ್ ಬಂದಿರುವುದು ನಿಜವಾದರೂ ಸುದೀಪ್ ಇನ್ನೂ ಅದನ್ ಕನ್​ಫರ್ಮ್ ಮಾಡಿಲ್ಲ. 

    ಅಂದಹಾಗೆ ಅಮಿತಾಬ್​ ಜೊತೆ ಈಗಾಗಲೇ ಸುದೀಪ್​ಗೆ ನಟಿಸಿದ ಅನುಭವವಿದೆ. ಹಿಂದಿಯ ರಣ್ ಚಿತ್ರದಲ್ಲಿ ನಟಿಸಿದ್ದ ಸುದೀಪ್ ಅಭಿನಯಕ್ಕೆ ಅಮಿತಾಬ್ ಮಾರುಹೋಗಿದ್ದರು. ಇನ್ನು ಸುದೀಪ್​ ಒಪ್ಪಿಕೊಂಡರೆ, ಅದು ಚಿರಂಜೀವಿ ಜೊತೆಗೆ ನಟಿಸುವ ಮೊದಲ ಚಿತ್ರವಾಗಲಿದೆ.

  • ಚಿರುವಿನ 'ಆಕೆ'ಗೆ ಕಿಚ್ಚನ ಮೆಚ್ಚುಗೆ

    sudeep wishes aake team

    ಚಿರಂಜೀವಿ ಸರ್ಜಾ ಅಭಿನಯದ ಆಕೆ ಚಿತ್ರಕ್ಕೆ ಚಿತ್ರರಂಗದಲ್ಲಿ ಮೆಚ್ಚುಗೆಯ ಸುರಿಮಳೆಯೇ ಸುರಿಯುತ್ತಿದೆ. ಈಗ ಆಕೆಯನ್ನು ಹೊಗಳುವ ಸರದಿ ಕಿಚ್ಚ ಸುದೀಪ್ ಅವರದ್ದು. ಆಕೆ ಚಿತ್ರದ ಟ್ರೇಲರ್ ನೋಡಿಯೇ ಸುದೀಪ್ ಫಿದಾ ಆಗಿ ಹೋಗಿದ್ದಾರೆ.

    ಚಿರು ಸರ್ಜಾ, ಸುದೀಪ್‍ರನ್ನ ತನ್ನ ಗಾಡ್‍ಫಾದರ್ ಎಂದೇ ಹೇಳಿಕೊಳ್ತಾರೆ. ಸುದೀಪ್ ಕೂಡಾ ಅಷ್ಟೆ. ಈ ಹಿಂದೆ ವರದನಾಯಕ ಚಿತ್ರದಲ್ಲಿ ಸುದೀಪ್ ಪೋಷಕ ನಟನಾಗಿ ನಟಿಸಿದ್ದರು. ಆ ಚಿತ್ರಕ್ಕೆ ಚಿರು ನಾಯಕರಾಗಿದ್ದರು.

    ಚಿರಂಜೀವಿ ಸರ್ಜಾಗೆ ಬೆನ್ನು ತಟ್ಟುವ, ಒಳ್ಳೆಯದು ಮಾಡಿದಾಗ ಮೆಚ್ಚುವ, ತಪ್ಪು ಮಾಡಿದಾಗ ಒಳಗೇ ಕರೆದು ಬುದ್ದಿ ಹೇಳುವ ಒಂದು ಆತ್ಮೀಯತೆಯನ್ನು ಸುದೀಪ್ ಇಟ್ಟುಕೊಂಡಿದ್ದಾರೆ.

    ಆ ಆತ್ಮೀಯತೆಯ ಇನ್ನೊಂದು ಹೆಜ್ಜೆಯೇ ಈ ಹೊಗಳಿಕೆ. ಸುದೀಪ್ ಬಳಿ ಹೊಗಳಿಸಿಕೊಳ್ಳೋದು ಸುಮ್ಮನೆ ಮಾತಲ್ಲ. ಇಷ್ಟವಾಗದೇ ಹೋದರೆ, ಏನೊಂದೂ ಮಾತನಾಡದೆ ಸುಮ್ಮನಾಗಿಬಿಡುವ ಸುದೀಪ್, ಆಕೆ ಚಿತ್ರವನ್ನು ಮೆಚ್ಚಿದ್ದಾರೆ ಎಂದರೆ, ಚಿತ್ರದಲ್ಲಿ ಸ್ಪೆಷಲ್ ಇದೆ ಎಂದೇ ಅರ್ಥ. 

    ಆಕೆ, ಇದೇ ಜೂನ್ 30ಕ್ಕೆ ತೆರೆ ಕಾಣ್ತಾ ಇದೆ. ಚಿರಂಜೀವಿ ಸರ್ಜಾ, ಶರ್ಮಿಳಾ ಮಾಂಡ್ರೆ ನಾಯಕ-ನಾಯಕಿ. ಚೈತನ್ಯ ನಿರ್ದೇಶನದ ಚಿತ್ರ ಆಕೆ. ಟ್ರೇಲರ್ ನೋಡಿಯೇ ಭಯಬಿದ್ದವರು, ಚಿತ್ರವನ್ನು ಮಿಸ್ ಮಾಡಿಕೊಳ್ಳೋದಿಲ್ಲ ಅನ್ನೋ ಗ್ಯಾರಂಟಿ ಚಿತ್ರತಂಡಕ್ಕಿದೆ. 

    Related Articles :-

    ಆಕೆಗೆ ದರ್ಶನ್ ನಂತರ ರಮ್ಯಾ ಶಹಬ್ಬಾಸ್​ಗಿರಿ

    ಆಕೆ ಅರ್ಧ ಸ್ಯಾಂಡಲ್​ವುಡ್, ಉಳಿದರ್ಧ ಹಾಲಿವುಡ್

    Aake Censored

    Will It Be 9th Or 16th For Aake?

    Aake Trailer Released

    Eros International Presents Aake

    Chaitanya - Chiru Film Titled Aake 

     

     

     

  • ಚುನಾವಣಾ ಪ್ರಚಾರದಿಂದ ಹಿಂದೆ ಸರಿದ ಕಿಚ್ಚ

    sudeep skips election campaign

    ಕಿಚ್ಚ ಸುದೀಪ್, ಚುನಾವಣಾ ಪ್ರಚಾರ ಹಾಗೂ ರಾಜಕೀಯದಿಂದ ಹಿಂದೆ ಸರಿದಿದ್ದಾರೆ. ಮೊದಲಿನ ಯೋಜನೆಯಂತೆಯೇ ಆಗಿದ್ದರೆ, ಇಂದು ಸುದೀಪ್ ಚಾಮುಂಡೇಶ್ವರಿ ಕ್ಷೇತ್ರದಲ್ಲಿ ಸಿದ್ದರಾಮಯ್ಯ ಪರ ಪ್ರಚಾರ ಕೈಗೊಳ್ಳಬೇಕಿತ್ತು. ಸ್ವತಃ ಸಿದ್ದರಾಮಯ್ಯ ಕೂಡಾ ಮೈಸೂರಿನಲ್ಲಿ ಈ ವಿಚಾರ ಹೇಳಿದ್ದರು. ಆದರೆ, ಈಗ ರಾಜಕೀಯ ಪ್ರಚಾರದಿಂದ ಹಿಂದೆ ಸರಿಯೋದಾಗಿ ಘೋಷಿಸಿದ್ದಾರೆ ಕಿಚ್ಚ ಸುದೀಪ್.

    ಗೆಳೆಯ ರಾಜೂಗೌಡ ಪರವಾಗಿ ಸುರಪುರದಲ್ಲಿ, ಶ್ರೀರಾಮುಲು ಪರವಾಗಿ ಮೊಳಕಾಲ್ಮೂರಿನಲ್ಲಿ ಸುದೀಪ್ ಪ್ರಚಾರ ಮಾಡಿದ್ದರು. ಈ ಕುರಿತು ಈಗ ಸ್ಪಷ್ಟವಾಗಿ ತಿಳಿಸಿರುವ ಸುದೀಪ್, ಇನ್ನು ಮುಂದೆ ಗೆಳೆಯರು, ಅಭಿಮಾನಿಗಳ ಒತ್ತಡಕ್ಕೆ ಮಣಿದು ಪ್ರಚಾರ ಮಾಡೋದಿಲ್ಲ. ಎಲ್ಲರಿಗೂ ನನ್ನ ಮೇಲೆ ಪ್ರೀತಿ, ಅಭಿಮಾನ ಇದೆ ಅನ್ನೊದು ನಿಜ. ಆದರೆ, ನನ್ನ ಪ್ರಚಾರದಿಂದ ಚುನಾವಣೆ ಫಲಿತಾಂಶ ಬದಲಾಗಲಿದೆ ಎಂದೇನೂ ನಾನು ಭಾವಿಸುವುದಿಲ್ಲ. ಇದು ನಾನು ತೆಗೆದುಕೊಳ್ಳುತ್ತಿರುವ ಕಠಿಣ ನಿರ್ಧಾರ. ಅಭಿಮಾನಿಗಳು ಹಾಗೂ ಗೆಳೆಯರ ಪರವಾಗಿ ನಿರ್ಧಾರ ತೆಗೆದುಕೊಳ್ಳುತ್ತಿದ್ದೇನೆ. ನನ್ನ ಕಷ್ಟದ ದಿನಗಳಲ್ಲಿ ಜೊತೆಗಿದ್ದವರ ಪರ ಪ್ರಚಾರಕ್ಕೆ ಹೋಗಿದ್ದೆ. ಈ ಬಗ್ಗೆ ನನಗೇನೂ ವಿಷಾದವಿಲ್ಲ. ಆದರೆ ಇನ್ನು ಮುಂದೆ ಪ್ರಚಾರಕ್ಕೆ ಹೋಗುವುದಿಲ್ಲ. ಯಾವುದೇ ಪಕ್ಷವನ್ನು ಬೆಂಬಲಿಸುವ ಅಥವಾ ನಿರಾಕರಿಸುವ ಉದ್ದೇಶ ನನಗಿಲ್ಲ ಎಂದಿದ್ದಾರೆ ಸುದೀಪ್.

    ಸುದೀಪ್ ಅವರ ನಿರ್ಧಾರ ಈಗ ಖುಷಿಕೊಟ್ಟಿರುವುದು ಅಭಿಮಾನಿಗಳಿಗೆ.

    Related Articles :-

    I'm Not Gonna Be A Part Of Any Further Campaign - Sudeep

  • ಛೆ.. ತಪ್ಪು ಮಾಡಿಬಿಟ್ಟೆ.. ಸುದೀಪ್ ಸರ್ ಕ್ಷಮಿಸಿಬಿಡಿ - ಸಂಯುಕ್ತಾ ಹೆಗಡೆ

    samyuktha apologizes to sudeep

    ಸಂಯುಕ್ತಾ ಹೆಗಡೆ ಮೊದಲು ಸುದ್ದಿಯಾಗಿದ್ದು ಕಿರಿಕ್ ಪಾರ್ಟಿಯಿಂದ. ನೀನಿರೆ ಸನಿಹ ನೀನಿರೆ ಹಾಡಿನ ಮೋಡಿಗೆ ಮರುಳಾಗದವರೇ ಇಲ್ಲ. ಪ್ರತಿಭಾವಂತ ಹುಡುಗಿ ಎಂದು ಎಲ್ಲರೂ ಬೆರಗಿನಿಂದ ನೋಡುತ್ತಿರುವಾಗಲೇ ಸಂಯುಕ್ತಾ ಹೆಗಡೆ ಸುದ್ದಿಯಾಗಬಾರದ ಕಾರಣಗಳಿಗೇ ಸುದ್ದಿಯಾಗುತ್ತಾ ಹೋದರು. ಕಾಲೇಜ್ ಕುಮಾರ ಚಿತ್ರದಲ್ಲಿ ಕಿರಿಕ್ ಮಾಡಿಕೊಂಡರು. ಚಿತ್ರ ಬಿಡುಗಡೆಯಾದರೂ ಕಿರಿಕ್ ನಿಲ್ಲಲೇ ಇಲ್ಲ. ಅದು ಸಂಯುಕ್ತಾಗೆ ಕೇವಲ 2ನೇ ಸಿನಿಮಾ. ಅದಾದ ನಂತರ ಸಂಯುಕ್ತಾ ಹೆಗಡೆ ಕಾಣಿಸಿಕೊಂಡಿದ್ದು ಬಿಗ್‍ಬಾಸ್‍ನಲ್ಲಿ. ಅಲ್ಲಿ ಸಮೀರಾಚಾರ್ಯ ಅವರ ಮೇಲೆ ಸಂಯುಕ್ತಾ ನಡೆಸಿದ ಕಪಾಳಮೋಕ್ಷ ಪ್ರಕರಣ ಯಾವ ರೀತಿ ಸುದ್ದಿಯಾಯಿತು ಅನ್ನೋದು ಗೊತ್ತಿರುವಂಥದ್ದೇ. ಈಗ ಈ ಎಲ್ಲ ಘಟನೆಯ ಬಗ್ಗೆ ಸಂಯುಕ್ತಾ ಹೆಗಡೆ ಮನಬಿಚ್ಚಿ ಮಾತನಾಡಿದ್ದಾರೆ. ಅವರ ಮಾತಿನಲ್ಲೇ ಕೇಳಿ.

    `ಹೊಡೆಯುವುದೇನೋ ಹೊಡೆದುಬಿಟ್ಟೆ. ಆದರೆ, ಕ್ಷಮೆ ಕೇಳಿದ ನಂತರವೂ ಅದು ಕಾಡುತ್ತಲೇ ಇದೆ. ನಾನು ಹೊಡೆಯಬಾರದಿತ್ತು, ತಪ್ಪು ಮಾಡಿಬಿಟ್ಟೆ ಎನ್ನಿಸುತ್ತಲೇ ಇದೆ. ಹೌದು, ನಾನು ದುಡುಕಿಬಿಟ್ಟೆ. ಆ ತಪ್ಪು ಮಾಡಬಾರದಿತ್ತು. ಆ ಘಟನೆಗೆ ನೀವು ಟಿವಿಯಲ್ಲಿ ನೋಡಿದ ಅದೊಂದು ದೃಶ್ಯವೇ ಕಾರಣ ಅಲ್ಲ. ಹಿಂದಿನ ಘಟನೆಗಳ ಒಟ್ಟು ರೂಪ ಅದು. ಆದರೂ ನಾನು ಹೊಡೆಯಬಾರದಿತ್ತು. ನನ್ನ ಆ ವರ್ತನೆ ನನಗೇ ಬೇಸರ ಮೂಡಿಸಿದೆ. ಬಿಗ್‍ಬಾಸ್‍ನಿಂದ ಬಂದ ಮೇಲೆ ಹಲವರ ಟೀಕೆಗಳನ್ನು ನೋಡಿದೆ. ಅಭಿಮಾನಿಗಳೂ ಬೈದಿದ್ದಾರೆ. ಅಲ್ಲದವರೂ ಬೈದಿದ್ದಾರೆ. ಆದರೆ, ಅಚ್ಚರಿ ಎನಿಸಿದ್ದು, ಅದೇ ಬಿಗ್‍ಬಾಸ್ ಶೋನಲ್ಲಿ ನನಗಿಂತಲೂ ಕೆಟ್ಟದಾಗಿ ವರ್ತಿಸಿದವರು, ನನ್ನ ಬಗ್ಗೆ ಮಾತನಾಡಿದಾಗ. ಇರಲಿ. ಈ ಘಟನೆ ನಂತರ ಸುದೀಪ್ ಸರ್ ಜೊತೆ ಕೂಡಾ ನಾನು ಮಾತನಾಡಿಲ್ಲ. ಅವರಿಗೂ ನಾನು ಕ್ಷಮೆ ಕೇಳಬೇಕಿದೆ. ಏಕೆಂದರೆ, ನನ್ನ ಈ ಪ್ರಕರಣದಿಂದ ಅವರ ಗೌರವಕ್ಕೂ ಪೆಟ್ಟು ಬಿದ್ದಿದೆ.''

    ಇದಿಷ್ಟೂ ಸಂಯುಕ್ತಾ ಹೆಗಡೆ ಮಾತು. ವಯಸ್ಸಿನ್ನೂ ಕೇವಲ 19. ಕ್ಷಮಿಸಬಹುದಲ್ಲವೆ. 

    ಇನ್ನು ಬಿಗ್‍ಬಾಸ್ ಶೋನಲ್ಲಿಯೇ ಮಾತನಾಡಿರುವ ಸುದೀಪ್, ಸಂಯುಕ್ತಾ ಮಾಡಿದ್ದು ತಪ್ಪು. ಅವರು ಏನೇ ಸಮರ್ಥನೆ ಮಾಡಿದ್ದರೂ, ಅದನ್ನು ಒಪ್ಪಿಕೊಳ್ಳುವುದು ಸಾಧ್ಯವಿಲ್ಲ. ಸಂಯುಕ್ತಾ ಅವರೇ, ನೀವು ಮಾಡಿದ್ದು ತಪ್ಪು ಎಂದಿದ್ದಾರೆ.

  • ಜೋಗಿ ಪ್ರೇಮ್‍ಗೆ ಧೈರ್ಯ ಹೇಳಿದ ಕಿಚ್ಚ

    sudeep wishes prem

    ದಿ ವಿಲನ್ ಚಿತ್ರದ ಸಕ್ಸಸ್ ಖುಷಿಯಲ್ಲಿರುವ ನಿರ್ದೇಶಕ ಜೋಗಿ ಪ್ರೇಮ್, ಅಷ್ಟೇ ಪ್ರಮಾಣದ ಟೀಕೆಯನ್ನೂ ಎದುರಿಸುತ್ತಿದ್ದಾರೆ. ಹೀಗೆ ಟೀಕೆ ಎದುರಿಸುತ್ತಿದ್ದ ವೇಳೆಯಲ್ಲೇ ಪ್ರೇಮ್‍ಗೆ ಹುಟ್ಟುಹಬ್ಬದ ಸಂಭ್ರಮ. ಆ ಸಂಭ್ರಮಕ್ಕೆ ವಿಶ್ ಮಾಡಿರುವ ಕಿಚ್ಚ ಸುದೀಪ್, ಧೈರ್ಯವನ್ನೂ ತುಂಬಿದ್ದಾರೆ.

    `ಹುಟ್ಟುಹಬ್ಬದ ಶುಭಾಶಯಗಳು ಪ್ರೇಮ್. ಇಡೀ ವರ್ಷ ನಿನಗೆ ಶುಭವಾಗಲಿ. ಸದಾ ನಗುನಗುತ್ತಲೇ ಇರಿ. ಮರೆಯಬೇಡ.. ನೀನು ಯಾವಾಗ್ಯಾವಾಗ ದಾಳಿಗೆ ಒಳಗಾಗುತ್ತೀಯೋ.. ಆಗೆಲ್ಲ ನೀನು ಗಮನ ಸೆಳೆಯುವಂತಹ ಕೆಲಸ ಮಾಡುತ್ತಲೇ ಇರುತ್ತೀಯ ಎಂದರ್ಥ. ಈ ಹಂತವನ್ನು ಎಂಜಾಯ್ ಮಾಡು. ಸಕ್ಸಸ್‍ನ ಖುಷಿ ಅನುಭವಿಸು'

    ಇದು ಪ್ರೇಮ್‍ಗೆ ಕಿಚ್ಚ ಹೇಳಿರುವ ಧೈರ್ಯ ಮತ್ತು ಹುಟ್ಟುಹಬ್ಬದ ಶುಭಾಶಯ.

  • ಟಗರು ನೋಡಿ ವಿಮರ್ಶೆಯನ್ನೇ ಬರೆದರು ಕಿಚ್ಚ

    sudeep, shivarajkumar imagr

    ಶಿವರಾಜ್‍ಕುಮಾರ್, ಸೂರಿ ಕಾಂಬಿನೇಷನ್‍ನ ಟಗರು ವಿಭಿನ್ನತೆಯಿಂದಾಗಿಯೇ ಗುಟುರು ಹಾಕುತ್ತಿದೆ. ಬಾಕ್ಸಾಫೀಸ್‍ನಲ್ಲಿ ಜೋರು ಸದ್ದು ಮಾಡುತ್ತಿದೆ. ಸ್ವತಃ ಶಿವರಾಜ್‍ಕುಮಾರ್ ಸೇರಿದಂತೆ ಎಲ್ಲರನ್ನೂ ಅಭಿಮಾನಿಗಳು ಅವರವರ ಪಾತ್ರಗಳ ಮೂಲಕವೇ ಗುರುತಿಸುತ್ತಿರುವುದು ವಿಶೇಷ. ನಿತ್ಯೋತ್ಸವ ಕವಿ ಕೆ.ಎಸ್.ನಿಸಾರ್ ಅಹಮದ್ ಕೂಡಾ ಚಿತ್ರವನ್ನು ನೋಡಿ ಮೆಚ್ಚಿಕೊಂಡಿದ್ದಾರೆ. ಇನ್ನು ಕಿಚ್ಚ ಸುದೀಪ್ ಇನ್ನೂ ಒಂದು ಹೆಜ್ಜೆ ಮುಂದೆ ಹೋಗಿದ್ದಾರೆ. ಚಿತ್ರವನ್ನು ನೋಡಿ, ಚಿತ್ರದ ಬಗ್ಗೆ ಸ್ವತಃ ವಿಮರ್ಶೆ ಬರೆದಿದ್ದಾರೆ ಸುದೀಪ್.

    ಸಿನಿಮಾದ ನಿರೂಪಣೆ ತುಂಬಾ ಚೆನ್ನಾಗಿದೆ. ತೆರೆಯ ಮೇಲೆ ಬರುವ ಪ್ರತಿ ಪಾತ್ರವೂ ಜನರನ್ನು ಕನ್‍ಫ್ಯೂಸ್ ಮಾಡುತ್ತೆ. ವಿಭಿನ್ನವಾಗಿ ಕಥೆ ಹೇಳುವ ಪ್ರಯತ್ನ ಚೆನ್ನಾಗಿದೆ ಹಾಗೂ ಅದರಲ್ಲಿ ಸೂರಿ ಗೆದ್ದಿದ್ದಾರೆ.

    ಇನ್ನು ಶಿವರಾಜ್‍ಕುಮಾರ್ ಎನರ್ಜಿ, ಅಭಿನಯ ವಂಡರ್‍ಫುಲ್. ತೆರೆಯ ಮೇಲೆ ಅದ್ಭುತವಾಗಿ ಕಾಣಿಸುತ್ತಾರೆ. ಧನಂಜಯ್ ಪಾತ್ರ ಮತ್ತು ಅಭಿನಯ ಎರಡೂ ಚೆನ್ನಾಗಿವೆ. ವಸಿಷ್ಠ ಸಿಂಹ ಅವರ ಧ್ವನಿ ಎಲ್ಲರ ಗಮನ ಸೆಳೆಯುತ್ತದೆ. ಚಿತ್ರದ ಸಂಗೀತ ಎಲ್ಲರ ಗಮನ ಸೆಳೆಯುತ್ತದೆ. ಸಂಗೀತ ನೀಡಿದ ಚರಣ್‍ರಾಜ್‍ಗೆ ನನ್ನ ಅಭಿನಂದನೆ.

    ಇದು ಕಿಚ್ಚನ ವಿಮರ್ಶೆ. ಕನ್ನಡದ ಮಟ್ಟಿಗೆ ಈ ರೀತಿಯ ನಡೆ ನಿಜಕ್ಕೂ ಹೊಸತು. ಒಬ್ಬ ಸ್ಟಾರ್‍ನ ಚಿತ್ರವನ್ನು ಇನ್ನೊಬ್ಬ ಸ್ಟಾರ್ ನೋಡುವುದು ಹಾಗೂ ಅದಕ್ಕೆ ವಿಮರ್ಶೆ ಮಾಡುವುದು ಕನ್ನಡಕ್ಕೆ ನಿಜವಾಗಿಯೂ ಹೊಸತು. ಕಿಚ್ಚ ಸುದೀಪ್ ಈ ಮೂಲಕ ಮತ್ತೊಂದು ಸತ್ಸಂಪ್ರದಾಯಕ್ಕೆ ನಾಂದಿ ಹಾಡಿದ್ದಾರೆ.

  • ಟೀಸರ್‍ನಲ್ಲಿ ಗೆದ್ದ ವಿಲನ್ ಪ್ರೇಮ್

    two teasers of the villain released

    ನಿರ್ದೇಶಕ ಪ್ರೇಮ್ ಮೇಲೆ ಒಂದು ಕಂಪ್ಲೇಂಟ್ ಇದೆ. ಅವರು ಬಿಲ್ಡಪ್ ಜಾಸ್ತಿ ಕೊಡ್ತಾರೆ ಅನ್ನೋದು. ನಮ್ಮ ಸಿನಿಮಾಗೆ ನಾವೇ ಬಿಲ್ಡಪ್ ಕೊಡದೇ ಇದ್ರೆ ಇನ್ಯಾರ್ ಕೊಡ್ತಾರೆ ಅನ್ನೋದು ಪ್ರೇಮ್ ಅವರ ಸಮರ್ಥನೆ. ಆದರೆ, ದಿ ವಿಲನ್ ಟೀಸರ್‍ನಲ್ಲಿ ಬಿಲ್ಡಪ್‍ನ್ನೂ ಆಚೆಗಿಟ್ಟು ಪ್ರೇಮ್ ಗೆದ್ದಿರುವುದು ವಿಶೇಷ. 

    thevillain_teaser_launch.jpgಟೀಸರ್ ಎಂದರೆ, ಚಿತ್ರದ ಬಗ್ಗೆ ಕುತೂಹಲ, ನಿರೀಕ್ಷೆ ಹೆಚ್ಚಿಸುವಂತಿರಬೇಕು. ಶೋಕೇಸ್‍ನಲ್ಲಿರುವ ಬೊಂಬೆಯ ಹಾಗೆ. ಅಷ್ಟರಮಟ್ಟಿಗೆ ಟೀಸರ್ ಗೆದ್ದಿದೆ. 

    ಶಿವರಾಜ್‍ಕುಮಾರ್ ಮತ್ತು ಸುದೀಪ್‍ಗೆ ಪ್ರತ್ಯೇಕ ಟೀಸರ್ ಕೊಟ್ಟಿರುವ ಪ್ರೇಮ್, ರಾಮ, ರಾವಣರ ಕಥೆ ಹೇಳುತ್ತಿದ್ದಾರಾ..? ರಾಮ ಯಾರು..? ರಾವಣ ಯಾರು..? ಕುತೂಹಲ ಹೆಚ್ಚಿದೆ.

    ಕಣ್ಣು, ಧ್ವನಿಗಳ ಮೂಲಕ ನಟಿಸುತ್ತಿದ್ದ ಸುದೀಪ್, ಈ ಬಾರಿ ಬೆರಳುಗಳ ಮೂಲಕವೂ ನಟಿಸಿರೋದು ಸ್ಪೆಷಲ್. ಶಿವರಾಜ್‍ಕುಮಾರ್ ಕೂಡಾ ಅಷ್ಟೆ...ಕಣ್ಣಲ್ಲೇ ಬೆಂಕಿಯುಂಡೆ. ಟೀಸರ್‍ನಲ್ಲಿ ಗೆದ್ದಿರುವ ಪ್ರೇಮ್, ಸಿನಿಮಾದಲ್ಲೂ ಗೆಲ್ಲಲಿ. ಏಕೆಂದರೆ, ಇದು ಕನ್ನಡ ಚಿತ್ರರಂಗವೇ ಬಹುನಿರೀಕ್ಷೆಯಿಂದ ಎದುರು ನೋಡುತ್ತಿರುವ ಸಿನಿಮಾ. ಸಿ.ಆರ್.ಮನೋಹರ್ ನಿರ್ಮಾಣದ ಚಿತ್ರದಲ್ಲಿ ಆ್ಯಮಿ ಜಾಕ್ಸನ್ ನಾಯಕಿ. ಸಿನಿಮಾ ಆಗಸ್ಟ್‍ನಲ್ಲೇ ತೆರೆಗೆ ಬಂದರೂ ಅಚ್ಚರಿಯಿಲ್ಲ ಎನ್ನಲಾಗಿದೆ.

  • ಟ್ವಿಟರ್‍ನಲ್ಲಿ ನಂ. 1 ಆದ ಸುದೀಪ್ - ಸಿನಿಮಾ, ಗೆಳೆಯರ ಟ್ವೀಟ್ ಸಂಭ್ರಮ

    sudeep fans and friends celebrate twitter journey

    ಟ್ವಿಟರ್‍ನಲ್ಲಿ 1 ಮಿಲಿಯನ್ ಫಾಲೋವರ್ಸ್ ದಾಖಲೆ ಮುಟ್ಟಿದ ಸುದೀಪ್ ಸಾಧನೆ ಈಗ ಕೇವಲ ಸುದೀಪ್ ಸಂಭ್ರಮವಲ್ಲ. ಇಡೀ ಚಿತ್ರರಂಗದ ಸಂಭ್ರಮವೇ ಆಗಿಬಿಟ್ಟಿದೆ. ಪತ್ನಿ, ಮಗಳು, ಗೆಳೆಯರು..ಎಲ್ಲರೂ ಶುಭ ಕೋರಿದ್ದಾರೆ. ಅಭಿಮಾನಿಗಳ ಮಾತು ಬಿಡಿ, ಗಣೇಶನ ಹಬ್ಬಕ್ಕೆ ಮೊದಲೇ ದೀಪಾವಳಿ ಪಟಾಕಿ ಹೊಡೆದು ಸಂಭ್ರಮಿಸುತ್ತಿದ್ದಾರೆ.

    ಧನ್ಯವಾದ ಸಹೋದರ ಎಂದು ಟ್ವೀಟ್ ಮಾಡಿರುವುದು ಹಿರಿಯ ನಟ ಜಗ್ಗೇಶ್. ನಟ ನೀನಾಸಂ ಸತೀಶ್, ವಿಲನ್ ಚಿತ್ರದ ನಿರ್ದೇಶಕ ಪ್ರೇಮ್,  ಬಾಲಿವುಡ್ ಗೆಳೆಯ ಟ್ವಿಟರ್‍ಗೆ ಎಂಟ್ರಿ ಕೊಡಲು ಕಾರಣರಾದ ನಟ ರಿತೇಶ್ ದೇಶ್‍ಮುಖ್, ಕಬೀರ್ ದುಲ್ಹನ್ ಸಿಂಗ್, ನಿಮಾಪಕರಾದ ಮನೋಹರ್, ಕಾರ್ತಿಕ್ ಗೌಡ, ಚಿತ್ರಲೋಕ ಸಂಪಾದಕ ವೀರೇಶ್, ಕಲರ್ಸ್ ಕನ್ನಡ, ಝೀ ಕನ್ನಡ, ಆನಂದ್ ಆಡಿಯೋ.. ಹೀಗೆ ಸುದೀಪ್‍ಗೆ ಶುಭ ಕೋರಿದವರ ಸಂಖ್ಯೆ ತುಂಬಾ ದೊಡ್ಡದು.

    ಸುದೀಪ್ ನಿಮ್ಮ ಫಾಲೋವರ್ಸ್ ಸಂಖ್ಯೆ 1 ಮಿಲಿಯನ್ ದಾಟಿದೆ.ಅಭಿನಂದನೆಗಳು. ನಿಮ್ಮ ಬಗ್ಗೆ ನನಗೆ ಮತ್ತು ಸಾನುಗೆ ಹೆಮ್ಮೆಯಿದೆ ಎಂದು ಟ್ವೀಟ್ ಮಾಡಿದ್ದಾರೆ , ಸುದೀಪ್ ಪತ್ನಿ ಪ್ರಿಯಾ ರಾಧಾಕೃಷ್ಣನ್.

    ಟ್ವಿಟರ್ ಪರಿಚಯಿಸಿದ ಗೆಳೆಯ ರಿತೇಶ್ ದೇಶ್‍ಮುಖ್ ಟ್ವಿಟರ್ ಮೂಲಕವೇ ಅಪ್ಪುಗೆಯ ಸಂದೇಶ ಕಳಿಸಿದ್ದಾರೆ. ಒಟ್ಟಿನಲ್ಲಿ ಸುದೀಪ್ 1 ಮಿಲಿಯನ್ ಫಾಲೋವರ್ಸ್ ಸಂಪಾದಿಸಿದ್ದು ಕೇವಲ ಒಬ್ಬರ ಸಂಭ್ರಮವಾಗಿಲ್ಲ.

    Related Articles :-

    ಸ್ಯಾಂಡಲ್‍ವುಡ್‍ನ ಮೊದಲ ಮಿಲಿಯನೇರ್ ಕಿಚ್ಚ ಸುದೀಪ್

    Sudeep Twitter Story

    Sudeep - The First Millionaire From Sandalwood

    ಸ್ಯಾಂಡಲ್‍ವುಡ್‍ನ ಮೊದಲ ಮಿಲಿಯನೇರ್ ಕಿಚ್ಚ ಸುದೀಪ್

  • ಡಾರ್ಲಿಂಗ್ ಜೊತೆ ಹೋದ ಪ್ರೇಮ್ - ರಕ್ಷಿತಾ ಮುನಿಸು - ಕಿಚ್ಚನ ಉತ್ತರ ಸೂಪರ್ಬ್

    rakshitha sudeep's friendly banter

    ಜೋಗಿ ಪ್ರೇಮ್ ತಮ್ಮ ಪತ್ನಿ ರಕ್ಷಿತಾರನ್ನು ಡಾರ್ಲಿಂಗ್ ಎನ್ನುತ್ತಾರೋ ಇಲ್ಲವೋ ಗೊತ್ತಿಲ್ಲ. ಆದರೆ, ಸುದೀಪ್‍ರನ್ನು ಪ್ರೇಮ್ ಯಾವಾಗಲೂ ಕರೆಯೋದು ಡಾರ್ಲಿಂಗ್ ಎಂತಲೇ. ಈಗ ಈ ಡಾರ್ಲಿಂಗ್ ಜೊತೆ ಸುದೀಪ್ ಮುಂಬೈಗೆ ಹೋಗಿದ್ದಾರೆ. ದಬಾಂಗ್ 3ಯಲ್ಲಿ ನಟಿಸುತ್ತಿರುವ ಸುದೀಪ್, ದಬಾಂಗ್ ಸೆಟ್ಟಿಗೆ ಪ್ರೇಮ್‍ರನ್ನು ಕರೆದುಕೊಂಡು ಹೋಗಿದ್ದಾರೆ.

    ಮುಂಬೈಗೆ ಪ್ರೇಮ್‍ನನ್ನು ಮಾತ್ರ ಕರೆದುಕೊಂಡು ಹೋಗಿದ್ದೀಯ. ನನ್ನನ್ನು ಬಿಟ್ಟು ಹೋಗಿದ್ದೀಯ, ನಾನ್ ಏನ್ ಮಾಡಿದ್ದೆ ನಿನಗೆ.. ಎಂದು ಹುಸಿಮುನಿಸು ತೋರಿದ್ದಾರೆ ರಕ್ಷಿತಾ. ಅದಕ್ಕೆ ಸುದೀಪ್ ಕೊಟ್ಟಿರುವ ಉತ್ತರವೂ ಮಜವಾಗಿದೆ.

    ದಿ ವಿಲನ್ ಶೂಟಿಂಗ್ ನಡೀತಿದ್ದಾಗ, ನಮ್ಮನ್ನು ನೋಡೋಕೆ ಒಂದ್ಸಲ ಕೂಡಾ ನೀನು ಸೆಟ್ಟಿಗೆ ಬರಲಿಲ್ಲ. ಅದಕ್ಕೆ ನಿಮ್ಮ ಪತಿಯೇ ನಿರ್ದೇಶಕ. ಎರಡು ವರ್ಷ ನಿರ್ದೇಶನ ಮಾಡಿದ್ದರು. ಚಂದ್ರಾ ಲೇಔಟ್‍ನಿಂದ ಮಿನರ್ವ ಮಿಲ್ಸ್‍ಗೇ ಬರೋಕೆ ನಿನಗೆ ಸಾಧ್ಯವಾಗಲಿಲ್ಲ, ಇನ್ನು ಮುಂಬೈಗೆ ಕರೆದುಕೊಂಡು ಬರೋದು ಯಾಕೆ ಅಂತಾ ಸುಮ್ಮನಾದ್ವಿ ಎಂದು ಉತ್ತರ ಕೊಟ್ಟಿದ್ದಾರೆ ಕಿಚ್ಚ ಸುದೀಪ್.

    ಇಷ್ಟಕ್ಕೂ ರಕ್ಷಿತಾ ಬೇಸರಕ್ಕೆ ಕಾರಣವೂ ಇದೆ. ಏನಂದ್ರೆ.. ರಕ್ಷಿತಾ ಸಲ್ಮಾನ್ ಖಾನ್‍ರ ಅಭಿಮಾನಿ. ಗೆಳೆಯ ಸುದೀಪ್, ಸಲ್ಮಾನ್ ಜೊತೆ ನಟಿಸುತ್ತಿದ್ದಾರೆ. ಪತಿ ಪ್ರೇಮ್ ಆ ಚಿತ್ರದ ಸೆಟ್ಟಿಗೆ ಹೋಗಿದ್ದಾರೆ. ನಾನ್ ಮಾತ್ರ ಇಲ್ಲ ಅಂದಾಗ ಬೇಜಾರಾಗೋದು ಕಾಮನ್ ಅಲ್ವೇ..

  • ಡಿಕೆ ಶಿವಕುಮಾರ್ ಐಟಿ ರೈಡ್ - ಸಿನಿಮಾ ಶೂಟಿಂಗ್‍ಗೂ ತಟ್ಟಿದ ಬಿಸಿ

    sudeep image

    ಇಂಧನ ಸಚಿವ ಡಿ.ಕೆ. ಶಿವಕುಮಾರ್ ಮನೆ, ಸಂಬಂಧಿಕರು ಸೇರಿದಂತೆ ಅವರ ಆಸ್ತಿಪಾಸ್ತಿಗಳ ಮೇಲೆಲ್ಲ ಐಟಿ ರೈಡ್ ಆಗಿದೆ. ದೇಶಾದ್ಯಂತ 39ಕ್ಕೂ ಹೆಚ್ಚು ಕಡೆ, ನೂರಾರು ಅಧಿಕಾರಿಗಳಿಂದ ನಡೆಯುತ್ತಿರುವ ಐಟಿ ರೈಡ್ ಬಿಸಿ, ಸಿನಿಮಾ ಶೂಟಿಂಗ್‍ಗೂ ತಟ್ಟಿದೆ.

    ಬಿಡದಿ ಸಮೀಪದ ಈಗಲ್‍ಟನ್ ರೆಸಾರ್ಟ್‍ನಲ್ಲಿ ಗುಜರಾತ್‍ನ ಶಾಸಕರಿದ್ದಾರೆ. ಅವರ ಆತಿಥ್ಯ ನೋಡಿಕೊಳ್ತಾ ಇರೋದು ಡಿ.ಕೆ. ಶಿವಕುಮಾರ್. ಒಂದು ಕಡೆ ರೈಡ್ ಆಗಿರುವ ಹಿನ್ನೆಲೆಯಲ್ಲಿ ಇಡೀ ರೆಸಾರ್ಟ್‍ಗೆ ಬಿಗಿ ಭದ್ರತೆ ಕಲ್ಪಿಸಲಾಗಿದೆ. ಈ ಭದ್ರತೆಯ ಬಿಸಿ ತಟ್ಟಿದ್ದು ರಾಜು ಕನ್ನಡ ಮೀಡಿಯಂ ಚಿತ್ರದ ಶೂಟಿಂಗ್‍ಗೆ.

    ಚಿತ್ರದಲ್ಲಿ ಸುದೀಪ್ ಪ್ರಮುಖ ಪಾತ್ರವೊಂದರಲ್ಲಿ ನಟಿಸುತ್ತಿದ್ದು, ಬೆಳಗ್ಗೆಯೇ ಇಡೀ ಚಿತ್ರತಂಡದ ಕಲಾವಿದರು, ತಂತ್ರಜ್ಞರು ಕ್ಯಾರವಾನ್ ಸಮೇತ ಹೋಗಿದ್ದರು. ಆದರೆ, ಬಿಗಿ ಭದ್ರತೆ ಹಿನ್ನೆಲೆಯಲ್ಲಿ ಚಿತ್ರತಂಡಕ್ಕೆ ರೆಸಾರ್ಟ್‍ಗೆ ಹೋಗಲು ಸಾಧ್ಯವಾಗಲಿಲ್ಲ. 

    ಸುಮಾರು ಅರ್ಧಗಂಟೆ ಇಡೀ ತಂಡವನ್ನು ತಪಾಸಣೆಗೊಳಪಡಿಸಿದ ಮೇಲೆ, ಚಿತ್ರತಂಡಕ್ಕೆ ರೆಸಾರ್ಟ್‍ನಲ್ಲಿ ಶೂಟಿಂಗ್ ಮಾಡಿಕೊಳ್ಳಲು ಬಿಟ್ಟುಕೊಟ್ಟಿದ್ದಾರೆ.

  • ಡ್ಯಾನ್ಸ್ ಮಾಡೋಕೆ ಕಿಚ್ಚ-ಸುನಿಲ್ ಶೆಟ್ಟಿ ರೆಡಿ

    suniel shetty sudeep's dance in pailwan

    ಕಿಚ್ಚ ಸುದೀಪ್ ಮತ್ತು ಸುನಿಲ್ ಶೆಟ್ಟಿ ಇಬ್ಬರಿಗೂ ಡ್ಯಾನ್ಸ್ ಎಂದರೆ ಅಷ್ಟಕ್ಕಷ್ಟೆ. ಅನಿವಾರ್ಯದ ಹೊರತಾಗಿ ಸ್ಟೆಪ್ಸ್ ಹಾಕಿದ್ದಿಲ್ಲ. ಈಗ ಅವರಿಬ್ಬರನ್ನೂ ಕುಣಿಸುತ್ತಿದ್ದಾರೆ ನಿರ್ದೇಶಕ ಕೃಷ್ಣ. ಪೈಲ್ವಾನ್ ಚಿತ್ರದ ಹಾಡಿನ ಶೂಟಿಂಗ್ ಶುರುವಾಗಿದ್ದು, ಸುನಿಲ್ ಶೆಟ್ಟಿ, ಟೀಂ ಸೇರಿಕೊಂಡಿದ್ದಾರೆ. ಹಾಡುಗಳ ಶೂಟಿಂಗ್ ನಡೆಯುತ್ತಿದೆ.

    ಹೈದರಾಬಾದ್‍ನಲ್ಲಿ ಇದಕ್ಕಾಗಿಯೇ ದೊಡ್ಡ ಸೆಟ್ ಹಾಕಲಾಗಿದೆ. ಕುಸ್ತಿಯಲ್ಲಿ ಗೆದ್ದ ಬಳಿಕ ಸಂಭ್ರಮಿಸುವ ಹಾಡು ಇದಾಗಿದ್ದು, ಹಾಡಿಗೆ ಸಾಹಿತ್ಯ ಬರೆದಿದ್ದಾ ವಿ.ನಾಗೇಂದ್ರ ಪ್ರಸಾದ್. 

  • ತಾಯಿಗೆ ತಕ್ಕ ಮಗನಿಗೆ ಕಿಚ್ಚನ ಪವರ್

    sudeep gives voice over to thayige thakka maga

    ತಾಯಿಗೆ ತಕ್ಕ ಮಗ. ಶಶಾಂಕ್ ನಿರ್ದೇಶನ, ನಿರ್ಮಾಣದ ಸಿನಿಮಾ. ಕೃಷ್ಣನ್ ಲವ್ ಸ್ಟೋರಿ ಮತ್ತು ಕೃಷ್ಣ ಲೀಲಾ ನಂತರ ಅಜೇಯ್ ರಾವ್ ಮತ್ತು ಶಶಾಂಕ್ ಮತ್ತೊಮ್ಮೆ ಜೊತೆಯಾಗಿರುವ ಸಿನಿಮಾ. ಚಿತ್ರದ ಪ್ರಮುಖ ತಾಯಿಯ ಪಾತ್ರದಲ್ಲಿರೋದು ಸುಮಲತಾ. ಮೊದಲೇ ಅಣ್ಣಾವ್ರ ಹಳೆಯ ಸೂಪರ್ ಹಿಟ್ ಚಿತ್ರದ ಟೈಟಲ್. ಹೀಗೆ ಹಲವು ನಿರೀಕ್ಷೆ ಹುಟ್ಟಿಸಿರುವ ಸಿನಿಮಾಗೆ ಈಗ ಇನ್ನೊಂದು ಪವರ್ ಕೊಟ್ಟಿದ್ದಾರೆ ಕಿಚ್ಚ ಸುದೀಪ್.

    ತಾಯಿಗೆ ತಕ್ಕ ಮಗ ಚಿತ್ರಕ್ಕೆ ಹಿನ್ನೆಲೆ ಧ್ವನಿ ನೀಡಿದ್ದಾರೆ ಸುದೀಪ್. ಆಶಿಕಾ ರಂಗನಾಥ್ ಚಿತ್ರದ ನಾಯಕಿ. ಆಗಸ್ಟ್ 31ಕ್ಕೆ ಚಿತ್ರದ ಟ್ರೈಲರ್ ರಿಲೀಸ್ ಆಗಲಿದ್ದು, ಅದಕ್ಕೊಂದು ಟೀಸರ್ ಕೂಡಾ ರಿಲೀಸ್ ಮಾಡಿದ್ದಾರೆ ಶಶಾಂಕ್.

  • ತುಳು ಭಾಷೆಯ ಕಟಪ್ಪಾಡಿ ಕಟ್ಟಪ್ಪನಿಗೆ ಕಿಚ್ಚನ ಪ್ರೋತ್ಸಾಹ

    sudeep supports coastalwood

    ಕಿಚ್ಚ ಸುದೀಪ್ ಬರ್ತಾರೆ ಅಂದ್ರೆ, ಪ್ರತಿಯೊಬ್ಬರೂ ಸಂಭ್ರಮಿಸ್ತಾರೆ. ಈಗ ಸಂಭ್ರಮಿಸುವ ಸರದಿ ತುಳು ಚಿತ್ರರಂಗದ್ದು. ಕನ್ನಡದ ಉಪಭಾಷೆಯಾಗಿರುವ ತುಳು, ತನ್ನದೇ ಆದ ವೈಶಿಷ್ಟ್ಯ ಹೊಂದಿರುವ ಭಾಷೆ. ಕರಾವಳಿ ಭಾಗದಲ್ಲಿ ತನ್ನದೇ ಆದ ಸೊಗಡಿನಿಂದ ಜನಭಾಷೆಯಾಗಿರುವ ತುಳುವಿನಲ್ಲಿಯೇ ಪ್ರತ್ಯೇಕ ಚಿತ್ರಗಳು ಬರುತ್ತಿವೆ. ಆದರೆ, ಆ ಚಿತ್ರಗಳಿನ್ನೂ ಕನ್ನಡದ ಮುಖ್ಯವಾಹಿನಿಗೆ ಬಂದಿಲ್ಲ. ತುಳು ಸೀಮೆಯ ಗಡಿ ದಾಟಿಲ್ಲ. 

    ಹೀಗೆ ತನ್ನದೇ ಆದ ಇತಿಮಿತಿಯಲ್ಲಿ ಬೆಳೆಯುತ್ತಿರುವ ತುಳು ಚಿತ್ರರಂಗಕ್ಕೆ ಸಂಭ್ರಮದ ಕಿಚ್ಚು ಹಚ್ಚಿರುವುದು ಕಿಚ್ಚ ಸುದೀಪ್. ತುಳು ಚಿತ್ರ ನಿರ್ಮಾಪಕರ ಸಂಘದ ಅಧ್ಯಕ್ಷರೂ ಆಗಿರುವ ರಾಜೇಶ್ ಬ್ರಹ್ಮಾವರ, ತುಳುವಿನಲ್ಲಿ ಕಟಪಾಡಿ ಕಟ್ಟಪ್ಪ ಅನ್ನೋ ಸಿನಿಮಾ ನಿರ್ಮಿಸಿದ್ದಾರೆ. ರಿಲೀಸ್‍ಗೆ ರೆಡಿಯಾಗಿರೋ ಚಿತ್ರದ ಆಡಿಯೊ ಬಿಡುಗಡೆಗೆ ಅತಿಥಿಯಾಗಿರೋದು ಕಿಚ್ಚ ಸುದೀಪ್.

    ಕೋಸ್ಟಲ್‍ವುಡ್‍ನ ಸಿನಿಮಾ ಪ್ರಚಾರಕ್ಕೆ ಸ್ಯಾಂಡಲ್‍ವುಡ್‍ನ ಸ್ಟಾರ್ ನಟರೊಬ್ಬರು ಮುಂದಾಗಿರುವುದು ಸಹಜವಾಗಿಯೇ ತುಳು ಚಿತ್ರರಂಗದ ಉತ್ಸಾಹ ಹೆಚ್ಚಿಸಿದೆ.

  • ತೆಲುಗಿನಲ್ಲೂ ಕೋಟಿಗೊಬ್ಬನ ದರ್ಬಾರ್

    sudeep, nitya menon starrer kotigobba 2

    ಕಿಚ್ಚ ಸುದೀಪ್ ಹಾಗೂ ನಿತ್ಯಾ ಮೆನನ್ ಅಭಿನಯದ ಕೋಟಿಗೊಬ್ಬ-2 ಚಿತ್ರ, ಕನ್ನಡದಲ್ಲಿ ಸೂಪರ್ ಹಿಟ್ ಆಗಿತ್ತು. ಬಾಕ್ಸಾಫೀಸ್‍ನಲ್ಲೂ ದಾಖಲೆ ಬರೆದಿತ್ತು. ಈಗ ಅದೇ ಸಿನಿಮಾ ತೆಲುಗಿಗೆ ಕೋಟಿಕೊಕ್ಕುಡು ಹೆಸರಿನಲ್ಲಿ ರಿಲೀಸ್ ಆಗಿದೆ. ತೆಲುಗಿನಲ್ಲಿ ಈಗಾಗಲೇ ಥಿಯೇಟರ್‍ನಲ್ಲಿ ಅಭಿಮಾನಿಗಳನ್ನು ಆಕರ್ಷಿಸಿರುವ ಕೋಟಿಕೊಕ್ಕುಡು ಚಿತ್ರವನ್ನು ಖ್ಯಾತ ನಿರ್ಮಾಪಕ ಬಿಎ ರಾಜು ವಿತರಣೆ ಮಾಡಿದ್ದಾರೆ.

    ಈಗ ಚಿತ್ರದ ನಂತರ ತೆಲುಗಿನಲ್ಲೂ ದೊಡ್ಡ ಮಾರ್ಕೆಟ್ ಸೃಷ್ಟಿಸಿಕೊಂಡಿರುವ ಸುದೀಪ್ ಸಿನಿಮಾ, ತೆಲುಗಿನಲ್ಲೂ ದಾಖಲೆ ಬರೆಯುವ ಸನ್ನಾಹದಲ್ಲಿದೆ. ಚಿತ್ರತಂಡಕ್ಕೆ ಶುಭ ಕೋರಿದ್ದಾರೆ ಕಿಚ್ಚ ಸುದೀಪ್.

     

  • ತ್ರಿಮೂರ್ತಿಗಳಿಗೆ ಹ್ಯಾಟ್ಸಾಫ್ ಎಂದ ಕಿಚ್ಚ

    sudeep applauds to trimurthi

    ಕಲಾವಿದರ ಸಂಘಕ್ಕೊಂದು ಸ್ವಂತ ಕಟ್ಟಡ. ಅದು ಕನ್ನಡ ಚಿತ್ರರಂಗದ ಕಲಾವಿದರ ಹಲವು ವರ್ಷಗಳ ಕನಸು. ಡಾ.ರಾಜ್ ಇದ್ದಾಗ ಚಿಗುರಿದ ಆ ಕನಸು ನನಸಾಗಿದ್ದು ಇತ್ತೀಚೆಗೆ. ಕಲಾವಿದರ ಸಂಘದ ಕಟ್ಟಡ ಉದ್ಘಾಟನೆಯಾಗಿದ್ದು ಕೂಡಾ ಇತ್ತೀಚೆಗೆ. ಮುಖ್ಯಮಂತ್ರಿ ಸಿದ್ದರಾಮಯ್ಯನವರೇ ಆ ಕಟ್ಟಡವನ್ನು ಉದ್ಘಾಟಿಸಿ, ಚಿತ್ರರಂಗದವರ ಜೊತೆ ಸಂಭ್ರಮಿಸಿ ಹೋಗಿದ್ದರು.

    ಕಲಾವಿದರ ಸಂಘದ ಕಟ್ಟಡ ನಿರ್ಮಾಣ ಕುರಿತಂತೆ ಕಿಚ್ಚ ಸುದೀಪ್ ವಿಶೇಸವಾಗಿ ಮೂವರಿಗೆ ಥ್ಯಾಂಕ್ಸ್ ಹೇಳಿದ್ದಾರೆ. ಅಂಬರೀಷ್, ರಾಕ್‍ಲೈನ್ ವೆಂಕಟೇಶ್ ಮತ್ತು ದೊಡ್ಡಣ್ಣ. ಇಡೀ ಕಟ್ಟಡದ ಕನಸನ್ನು ನನಸಾಗಿದ್ದು ಒಬ್ಬ ವ್ಯಕ್ತಿ. ಅದು ಅಂಬರೀಷ್ ಸರ್. ಅವರ ಜೊತೆ ಗಟ್ಟಿಯಾಗಿ ನಿಂತವರು ಇಬ್ಬರು. ರಾಕ್‍ಲೈನ್ ವೆಂಕಟೇಶ್ ಮತ್ತು ದೊಡ್ಡಣ್ಣ ಎಂದಿದ್ದಾರೆ ಸುದೀಪ್.

    ಕಟ್ಟಡ ಉದ್ಘಾಟನೆ ಸಮಾರಂಭದ ಒಂದು ಗ್ರೂಪ್ ಫೋಟೋ ಟ್ವೀಟ್ ಮಾಡಿರುವ ಸುದೀಪ್, ನೋಡೋಕೆ ಇದು ಸಾಮಾನ್ಯ ಗ್ರೂಪ್ ಫೋಟೋದಂತೆ ಕಾಣುತ್ತೆ. ಆದರೆ, ಇದರ ಹಿಂದೆ ನಾವೆಲ್ಲ ಸೆಲ್ಯೂಟ್ ಹೊಡೆಯಬೇಕಾದ ಸಾಧಕರಿದ್ದಾರೆ ಎಂದು ಸ್ಮರಿಸಿದ್ದಾರೆ ಕಿಚ್ಚ ಸುದೀಪ್.

     

  • ದಚ್ಚುಗೆ ಕಿಚ್ಚನ ಹಾರೈಕೆ

    sudeep wishes darshan a speedy recovery

    ಚಾಲೆಂಜಿಂಗ್ ಸ್ಟಾರ್ ದರ್ಶನ್, ಮೈಸೂರಿನಲ್ಲಿ ಅಪಘಾತಕ್ಕೀಡಾಗಿ ಗುಣಮುಖರಾಗುತ್ತಿದ್ದಾರೆ. ಅವರ ಬಲಗೈ ಮೂಳೆ ಮುರಿದಿದ್ದು, 25 ಹೊಲಿಗೆ ಹಾಕಲಾಗಿದೆ. ಅಭಿಮಾನಿಗಳಿಗೂ ಆತಂಕಪಡಬೇಡಿ ಎಂದು ಮನವಿ ಮಾಡಿರುವ ದರ್ಶನ್, ಇನ್ನೂ ಎರಡು ದಿನ ರೆಸ್ಟ್ ಪಡೆಯಲಿದ್ದಾರೆ. ದರ್ಶನ್ ಗುಣಮುಖರಾಗಿರುವುದರ ಬಗ್ಗೆ ಕಿಚ್ಚ ಸುದೀಪ್ ಸಂತಸ ವ್ಯಕ್ತಪಡಿಸಿದ್ದಾರೆ.

    ನೀವು ಗುಣಮುಖರಾಗಿದ್ದೀರಿ ಎಂದು ತಿಳಿದು ಸಂತಸವಾಯಿತು. ಆದಷ್ಟು ಬೇಗ ಆರೋಗ್ಯವಂತನಾಗಿ ಬಾ ಗೆಳೆಯ ಎಂದು ಟ್ವೀಟ್ ಮಾಡಿದ್ದಾರೆ.

  • ದಬಾಂಗ್ 3ಗೆ ಸುದೀಪ್..?

    sudeep in dabang 3 ?

    ಸಲ್ಮಾನ್ ಖಾನ್ ಅಭಿನಯದ ದಬಾಂಗ್ 3 ಸಿನಿಮಾದಲ್ಲಿ ಸುದೀಪ್ ನಟಿಸಲಿದ್ದಾರಂತೆ ಅನ್ನೋ ಸುದ್ದಿ ಈಗ ಗಾಂಧಿನಗರದ ಹಾಟ್‍ನ್ಯೂಸ್. ಕಿಚ್ಚ ಸುದೀಪ್‍ಗೆ ಬಾಲಿವುಡ್ ಹೊಸದಲ್ಲ. ಈಗಾಗಲೇ ಕೆಲವು ಚಿತ್ರಗಳಲ್ಲಿ ನಟಿಸಿರುವ ಸುದೀಪ್, ಅಮಿತಾಬ್ ಬಚ್ಚನ್‍ರಂತಹ ದಿಗ್ಗಜನಿಂದಲೇ ಮೆಚ್ಚುಗೆ ಗಳಿಸಿರುವ ಕಲಾವಿದ. ದಬಾಂಗ್ 3 ಚಿತ್ರದಲ್ಲಿ ಸುದೀಪ್ ನಟಿಸುತ್ತಿರುವುದನ್ನು ಸುದೀಪ್ ಅಧಿಕೃತವಾಗಿ ಹೇಳಿಲ್ಲವಾದರೂ ಸುದ್ದಿಯನ್ನು ನಿರಾಕರಿಸಿಲ್ಲ.

    ಚಿತ್ರದಲ್ಲಿ ಸುದೀಪ್ ವಿಲನ್ ಆಗಿ ನಟಿಸುತ್ತಿಲ್ಲವಂತೆ. ಬದಲಿಗೆ ಅತ್ಯಂತ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ಧಾರೆ ಎನ್ನುವುದು ಒಂದು ಸುದ್ದಿಯಾದರೆ, ಇಲ್ಲ.. ಇಲ್ಲ.. ಸುದೀಪ್ ವಿಲನ್ ಪಾತ್ರದಲ್ಲೇ ಕಾಣಿಸಿಕೊಳ್ಳುತ್ತಿದ್ಧಾರೆ ಎನ್ನುತ್ತಿದೆ ಇನ್ನೊಂದು ಮೂಲ. ಸಲ್ಮಾನ್ ಸೋದರ ಅರ್ಬಾಜ್ ಖಾನ್, ಸುದೀಪ್‍ರ ಆತ್ಮೀಯ ಗೆಳೆಯ. ಈ ಗೆಳೆತನವೇ ಸುದೀಪ್ ಅವರನ್ನು ದಬಾಂಗ್ 3ಗೆ ಕರೆದೊಯ್ಯುತ್ತಿದೆ. 

    ಈ ಮೊದಲೇ ಸುದೀಪ್ ಟೈಗರ್ ಜಿಂದಾ ಹೈ ಚಿತ್ರದಲ್ಲಿ ಸಲ್ಮಾನ್ ಎದುರು ನಟಿಸಬೇಕಿತ್ತು. ಡೇಟ್ಸ್ ಸಮಸ್ಯೆಯಿಂದಾಗಿ ಆ ಚಿತ್ರವನ್ನು ಸುದೀಪ್ ಕೈಬಿಟ್ಟಿದ್ದರು. ಈಗ ಮತ್ತೊಮ್ಮೆ ಚಾನ್ಸ್. 

  • ದಬಾಂಗ್ 3ಯಲ್ಲಿ ಕಿಚ್ಚನ ಪಾತ್ರ ಅಚ್ಚರಿ

    sudeep character in dabanng is special says producer

    ಕಿಚ್ಚ ಸುದೀಪ್ ನಟಿಸುವ ಚಿತ್ರ ಎಂದರೆ ಅವರ ಪಾತ್ರದ ಮೇಲೆ ಭಾರಿ ನಿರೀಕ್ಷೆ ಇರುವುದು ಸಹಜವೇ. ಸಲ್ಮಾನ್ ಖಾನ್ ಅಭಿನಯದ ದಬಾಂಗ್ 3ಯಲ್ಲಿ ಸಲ್ಲು ಜೊತೆ ನಮ್ಮ ಕಿಚ್ಚ ಇದ್ದಾರೆ ಎಂದಾಕ್ಷಣ ಕನ್ನಡಿಗರು ಥ್ರಿಲ್ಲಾಗಿದ್ದರು. ಈಗ ದಬಾಂಗ್ 3 ಚಿತ್ರದ ನಿರ್ಮಾಪಕ ಅರ್ಬಾಜ್ ಖಾನ್, ಕಿಚ್ಚನ ಫ್ಯಾನ್ಸುಗಳೆಲ್ಲ ಥ್ರಿಲ್ಲಾಗುವಂತ ಸುದ್ದಿ ಕೊಟ್ಟಿದ್ದಾರೆ.

    ದಬಾಂಗ್ 3ಯಲ್ಲಿ ಸುದೀಪ್ ಅವರದ್ದು ಸರ್‍ಪ್ರೈಸ್ ಎಲಿಮೆಂಟ್ ಎಂದಿದ್ದಾರೆ. ನಿರ್ಮಾಪಕರೇ ಸುದೀಪ್ ಸರ್‍ಪ್ರೈಸ್ ಎಲಿಮೆಂಟ್ ಎನ್ನುತ್ತಿರುವಾಗ ಅಭಿಮಾನಿಗಳ ನಿರೀಕ್ಷೆ ಯಾವ ಮಟ್ಟಕ್ಕೇರಬಹುದು..? ಕಾದು ನೋಡಿ.. ಎಂಜಾಯ್ ಮಾಡಿ.

  • ದಬಾಂಗ್ 3ಯಲ್ಲಿ ಕಿಚ್ಚನ ಹೆಸರೇನು..?

    sudeep as billy singh in dabang 3

    ದಬಾಂಗ್ 3. ಸಲ್ಮಾನ್ ಖಾನ್ ಅಭಿನಯದ ದಬಾಂಗ್ ಸೀಕ್ವೆಲ್. ಬಾಲಿವುಡ್ನ ಟ್ರೆಂಡ್ ಸೆಟ್ಟರ್ ಆಗಿರುವ ಚಿತ್ರದ 3ನೇ ಸೀಕ್ವೆಲ್ನಲ್ಲಿ ಚುಲ್ ಬುಲ್ ಪಾಂಡೆಗೆ ಕಿಚ್ಚ ಸುದೀಪ್ ವಿಲನ್. ಸುದೀಪ್ ಪಾತ್ರ ಹೇಗಿರಲಿದೆ ಅನ್ನೋದನ್ನು ಪೋಸ್ಟರ್ ಡಿಸೈನ್ ಮಾಡಿಸಿ ಬಿಟ್ಟಿದ್ದಾರೆ ಸಲ್ಮಾನ್ ಖಾನ್.

    ಚಿತ್ರದಲ್ಲಿ ಸುದೀಪ್ ಹೆಸರು ಬಿಲ್ಲಿ ಎಂದಿರಲಿದೆ ಎನ್ನುವುದು ಪೋಸ್ಟರ್ ಹೇಳ್ತಿರೋ ಕಥೆ. ವಿಲನ್ ಎಷ್ಟು ಸ್ಟ್ರಾಂಗ್ ಇರ್ತಾನೋ.. ಅಷ್ಟು ಮಜಾ ಬರಲಿದೆ ಅಂತಿದ್ದಾರೆ ಸಲ್ಮಾನ್. ವಿಲನ್ ಜೊತೆ ಪ್ರೀತಿ ಆದರೆ ಹಿಂಗೆಲ್ಲ ಆಗುತ್ತೆ ಎಂದು ಕಿಚಾಯಿಸಿದ್ದಾರೆ ಸುದೀಪ್.

    ಪೈಲ್ವಾನ್ ಕಿಚ್ಚನನ್ನು ನೋಡಿ ಬಂದಾ ನೋಡೋ ಪೈಲ್ವಾನ್ ಎಂದಿದ್ದ ಫ್ಯಾನ್ಸ್ಗೆ, ಸೈರಾದ ಅವುಕು ರಾಜನಾಗಿ ಬೇರೆಯದ್ದೇ ಅವತಾರ ತೋರಿಸಿದ್ದರು ಸುದೀಪ್. ಈಗ ಬಿಲ್ಲಿ ಸಿಂಗ್ ಆಗಿ ಕಿಕ್ ಕೊಡೋಕೆ ಬರುತ್ತಿದ್ದಾರೆ. ದಬಾಂಗ್ 3 ಕನ್ನಡದಲ್ಲೂ ಡಬ್ ಆಗಿ ಬರಲಿದೆ. ಚಿತ್ರಕ್ಕೆ ಪ್ರಭುದೇವ ಡೈರೆಕ್ಟರ್.

  • ದರ್ಶನ್ ಕುರುಕ್ಷೇತ್ರಕ್ಕೆ ಸುದೀಪ್ ಶುಭಾಶಯ - ಅಭಿಮಾನಿಗಳ ಬೇಡಿಕೆ ಒಂದೇ..

    sudeep, darshan

    ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಇತ್ತೀಚೆಗೆ ನಟ ಸುದೀಪ್ ಬಗ್ಗೆ ಬೇಸರಗೊಂಡಿದ್ದರು. ತಾವಿಬ್ಬರೂ ಗೆಳೆಯರೇ ಅಲ್ಲ, ವೃತ್ತಿ ಬದುಕಿನ ಜೊತೆಗಾರರಷ್ಟೇ ಎಂದಿದ್ದರು. ಅದಕ್ಕೂ ಮುನ್ನ ಟ್ವಿಟರ್‍ನಲ್ಲಿ ಸುದೀಪ್‍ರನ್ನು ಅನ್‍ಫಾಲೋ ಮಾಡಿದ್ದರು. ಇಬ್ಬರಲ್ಲೂ ಕನ್ನಡ ಚಿತ್ರರಂಗದ ಅಪರೂಪದ ಗೆಳೆತನವನ್ನು ಕಾಣುತ್ತಿದ್ದ ಅಭಿಮಾನಿಗಳಿಗೆ ಅದು ಆಘಾತವನ್ನೇ ತಂದಿತ್ತು.

    ಈಗ ಸುದೀಪ್ ಇನ್ನೂ ಒಂದು ಹೆಜ್ಜೆ ಮುಂದೆ ಹೋಗಿದ್ದಾರೆ. ಪ್ರೀತಿಯಿಂದ.. ತಮ್ಮ ಟ್ವಿಟರ್ ಖಾತೆಯಲ್ಲಿ ನಟ ದರ್ಶನ್ ಅಭಿನಯದ 50ನೇ ಚಿತ್ರ ಕುರುಕ್ಷೇತ್ರಕ್ಕೆ ಶುಭ ಕೋರಿದ್ದಾರೆ. ದರ್ಶನ್ ಕಿರೀಟಕ್ಕೆ ಇನ್ನೊಂದು ಗರಿ ಸೇರ್ಪಡೆಯಾಗಲಿದೆ. ಆ ಚಿತ್ರದ ದುರ್ಯೋಧನನ ಪಾತ್ರವನ್ನು ದರ್ಶನ್ ಬಿಟ್ಟರೆ ಮಿಕ್ಕವರ್ಯಾರಿಂದಲೂ ಮಾಡಲು ಸಾಧ್ಯವಿಲ್ಲ ಎಂದಿದ್ದಾರೆ. ಅಂದಹಾಗೆ ಸುದೀಪ್ ಇಂಥಾದ್ದೊಂದು ಟ್ವೀಟ್ ಮಾಡಿರುವುದು ಸ್ನೇಹಿತರ ದಿನಾಚರಣೆಯ ಸಂಭ್ರಮದಲ್ಲಿದ್ದಾಗ..

    ಸುದೀಪ್‍ರ ಈ ಒಂದು ಟ್ವೀಟ್, ಈ ಒಂದು ಸ್ನೇಹ ಸಂದೇಶ.. ಇಬ್ಬರೂ ನಟರ ಅಭಿಮಾನಿಗಳಲ್ಲಿ ಉತ್ಸಾಹ ಮೂಡಿಸಿದೆ. ಟ್ವಿಟರ್‍ನಲ್ಲಿ, ಫೇಸ್‍ಬುಕ್‍ನಲ್ಲಿ ಅಭಿಮಾನಿಗಳದ್ದು ಒಂದೇ ಬೇಡಿಕೆ. ನೀವಿಬ್ಬರೂ ಮೊದಲಿನಂತೆ ಗೆಳೆಯರಾಗಿರಿ, ಒಟ್ಟಿಗೇ ಸಿನಿಮಾ ಮಾಡಿ, ಒಬ್ಬರ ಗೆಲುವಿಗೆ ಒಬ್ಬರು ಜೊತೆಯಾಗಿ.. ಹೀಗೆ ಅಭಿಮಾನಿಗಳೆಲ್ಲ ಇಬ್ಬರೂ ನಟರ ಮೇಲೆ ಪ್ರೀತಿಯ ಬಂಧನವನ್ನೇ ಹೇರುತ್ತಿದ್ದಾರೆ. ಅಭಿಮಾನಿಗಳ ಪ್ರೀತಿಯ ಆಗ್ರಹಕ್ಕೆ ದರ್ಶನ್, ಸುದೀಪ್ ಏನಂತಾರೆ..? ಕಾದು ನೋಡೋಣ.

    Related Articles :-

    Sudeep Wishes Kurukshetra

Kaalidasa Kannada Mestru Pressmeet Gallery

Kabza Movie Launch Gallery