` pavan wadeyar, - chitraloka.com | Kannada Movie News, Reviews | Image

pavan wadeyar,

  • ಅಕ್ಟೋಬರ್ 5ಕ್ಕೆ ನಟಸಾರ್ವಭೌಮ

    natasarvabhouma on oct 5th

    ಪುನೀತ್ ರಾಜ್‍ಕುಮಾರ್ ಅಭಿನಯದ ನಟಸಾರ್ವಭೌಮ ಸಿನಿಮಾದ ರಿಲೀಸ್‍ಗೆ ಮುಹೂರ್ತ ಫಿಕ್ಸ್ ಆಗಿದೆ. ಅಕ್ಟೋಬರ್ 5ಕ್ಕೆ ಚಿತ್ರದ ಬಿಡುಗಡೆ. ರಾಕ್‍ಲೈನ್ ವೆಂಕಟೇಶ್ ನಿರ್ಮಾಣದ ಚಿತ್ರವಾಗಿರುವ ಕಾರಣ, ಬಿಡುಗಡೆ ದಿನಾಂಕ ಮುಂದಕ್ಕೆ ಹೋಗುವ ಸಾಧ್ಯತೆ ಇಲ್ಲ. ಪವನ್ ಒಡೆಯರ್ ನಿರ್ದೇಶನದ ಚಿತ್ರದ ಚಿತ್ರೀಕರಣ ಕಡೆಯ ಹಂತದಲ್ಲಿದ್ದು, ಪೋಸ್ಟ್ ಪ್ರೊಡಕ್ಷನ್ ಕೆಲಸವೂ ಏಕಕಾಲದಲ್ಲಿ ನಡೆಯುತ್ತಿದೆ. 

    ಬಾಗಲಕೋಟೆಯಲ್ಲಿ ಪುಷ್ಕರಣಿ ಬಳಿಯ ಶೂಟಿಂಗ್ ವಿವಾದವೂ ಶಾಂತಿಯುತವಾಗಿ ಬಗೆಹರಿದಿದ್ದು, ಚಿತ್ರದ ಚಿತ್ರೀಕರಣ ಮುಗಿದಿದೆ. ರಚಿತಾರಾಮ್ ನಾಯಕಿಯಾಗಿರುವ ಸಿನಿಮಾದಲ್ಲಿ ಹಿರಿಯ ನಟಿ ಬಿ.ಸರೋಜಾದೇವಿ ನಟಿಸುತ್ತಿರುವುದು ವಿಶೇಷ. ಡಿ.ಇಮಾನ್ ಚಿತ್ರಕ್ಕೆ ಸಂಗೀತ ನೀಡಿದ್ದಾರೆ. 

  • ಅಪೇಕ್ಷಾ ಗೂಗ್ಲಿಗೆ ಪವನ್ ಕ್ಲೀನ್‍ಬೌಲ್ಡ್

    pavan wadeyar engagetment image

    ಈ ವರ್ಷ ಚಿತ್ರರಂಗದಲ್ಲಿ ಮದುವೆಗಳ ವರ್ಷ. ವರ್ಷದ ಆರಂಭದಿಂದ ಶುರುವಾದ ಮದುವೆ, ನಿಶ್ಚಿತಾರ್ಥಗಳ ಸಂಭ್ರಮ ಮುಂದುವರೆಯುತ್ತಿದೆ. ಈ ಸಂಭ್ರಮಕ್ಕೆ ಹೊಸ ಸೇರ್ಪಡೆ ನಟ, ನಿರ್ದೇಶಕ ಪವನ್ ಒಡೆಯರ್.

    ಪವನ್ ಒಡೆಯರ್, ಕೈ ಹಿಡಿಯುತ್ತಿರುವುದು ನಟಿ ಅಪೇಕ್ಷಾ ಅವರನ್ನು, ಕಾಫಿತೋಟ ಚಿತ್ರದಲ್ಲಿ ನಟಿಸಿದ್ದ ಅಪೇಕ್ಷಾ, ಹಲವು ಕಿರುತೆರೆ ಧಾರಾವಾಹಿಗಳಲ್ಲಿ ನಟಿಸಿದ್ದಾರೆ. ಗೋವಿಂದಾಯ ನಮ, ಗೂಗ್ಲಿ, ರಣವಿಕ್ರಮ ಮೊದಲಾದ ಚಿತ್ರಗಳನ್ನು ನಿರ್ದೇಶಿಸಿರುವ ಪವನ್ ಒಡೆಯರ್, ಪ್ರೀತಿ ಗೀತಿ ಇತ್ಯಾದಿ, ಬಹುಪರಾಕ್ ಚಿತ್ರಗಳಲ್ಲಿ ನಟರಾಗಿದ್ದವರು.

    ಇದೇ ಡಿಸೆಂಬರ್ 7ರಂದು ಪವನ್ ಒಡೆಯರ್ ಹಾಗೂ ಅಪೇಕ್ಷಾ ನಿಶ್ಚಿತಾರ್ಥ ನೆರವೇರಲಿದೆ. 

  • ಅಪ್ಪು ಮೇಲೆ ರಚಿತಾಗಿರೋ ಬೇಸರ ಅದೊಂದೇ..

    rachita's dream dance with appu still pending

    ನಟಸಾರ್ವಭೌಮ ಚಿತ್ರದಲ್ಲಿ ಪುನೀತ್ ರಾಜ್‍ಕುಮಾರ್ ಎದುರು ನಟಿಸಿರುವ ರಚಿತಾ ರಾಮ್‍ಗೆ, ಅಪ್ಪು ಜೊತೆ ಇದು 2ನೇ ಸಿನಿಮಾ. ಪುನೀತ್ ಜೊತೆ 2 ಚಿತ್ರಗಳಲ್ಲಿ ನಟಿಸಿರುವ ಖುಷಿಯಿದ್ದರೂ, ಅವರ ಆಸೆ ಕಂಪ್ಲೀಟ್ ಈಡೇರಿಲ್ಲ. ಈಗಲೂ ರಚಿತಾಗೆ ಅದೊಂದು ಬೇಸರ ಇದೆಯಂತೆ.

    ಚಿತ್ರರಂಗಕ್ಕೇ ಗೊತ್ತಿರೋ ಹಾಗೆ ಅಪ್ಪು ಅದ್ಭುತ ಡ್ಯಾನ್ಸರ್. ಆದರೆ, 2 ಚಿತ್ರಗಳಲ್ಲಿ ಒಟ್ಟಿಗೆ ನಟಿಸಿದ್ದರೂ, ರಚಿತಾಗೆ ಪುನೀತ್ ಜೊತೆ ಡ್ಯಾನ್ಸ್ ಮಾಡುವ ಅವಕಾಶ  ಸಿಕ್ಕಿಲ್ಲ. 

    ನನಗೆ ಇನ್ನೂ ಒಂದು ಚಿತ್ರದಲ್ಲಿ ಅಪ್ಪು ಜೊತೆ ನಟಿಸುವ ಅವಕಾಶ ಸಿಕ್ಕೇ ಸಿಗುತ್ತೆ. ಆಗ ನನ್ನ ಮೊದಲ ಡಿಮ್ಯಾಂಡ್, ಅಪ್ಪು ಜೊತೆ ಒಂದು ಡ್ಯಾನ್ಸ್ ಬೇಕು ಅನ್ನೋದು ಅಂತಾರೆ ರಚಿತಾ.

  • ಅಪ್ಪು, ರಾಕ್‍ಲೈನ್, ಪವನ್ ಒಡೆಯರ್ ಕಾಂಬಿನೇಷನ್ ರೆಡಿ

    pavan appu, rockline team up

    ಪವರ್ ಸ್ಟಾರ್ ಪುನೀತ್ ರಾಜ್‍ಕುಮಾರ್ ಮುಂದಿನ ಸಿನಿಮಾ ಯಾವುದು ಎಂಬ ಗೊಂದಲಕ್ಕೆ ಸದ್ಯಕ್ಕೆ ತೆರೆ ಬೀಳುತ್ತಿದೆ. ಅಂಜನೀಪುತ್ರ ಚಿತ್ರದ ನಂತರ ಅಪ್ಪು ಶಶಾಂಕ್ ನಿರ್ದೇಶನದ ಸಿನಿಮಾದಲ್ಲಿ ನಟಿಸ್ತಾರಾ..? ರಾಕ್‍ಲೈನ್ ಬ್ಯಾನರ್‍ನಲ್ಲಿ ನಟಿಸ್ತಾರಾ..? ಎಂಬ ಪ್ರಶ್ನೆಗಳಿಗೆ ಉತ್ತರ ಸಿಕ್ಕಿದೆ. ಮುಂದಿನ ತಿಂಗಳು ರಾಕ್‍ಲೈನ್ ಬ್ಯಾನರ್‍ನಲ್ಲಿ ಪುನೀತ್ ರಾಜ್‍ಕುಮಾರ್ ಅಭಿನಯದ ಸಿನಿಮಾ ಸೆಟ್ಟೇರಲಿದೆ. 

    ನಿರ್ದೇಶನ ಪವನ್ ಒಡೆಯರ್ ಅವರದ್ದು.

    ಸಿನಿಮಾದ ಕಥೆ ಓಕೆ ಆಗಿದೆ. ತಾಂತ್ರಿಕ ವರ್ಗ ಹಾಗೂ ಕಲಾವಿದರ ಆಯ್ಕೆ ನಡೆಯಬೇಕಿದೆ. ಅಪ್ಪು ಅಭಿಮಾನಿಗಳನ್ನು ರಂಜಿಸುವ ಎಲ್ಲ ಅಂಶಗಳೂ ಚಿತ್ರದಲ್ಲಿವೆ. ಆ ನಿಟ್ಟಿನಲ್ಲೇ ಪವನ್ ಒಡೆಯರ್ ಕಥೆ ಸಿದ್ಧ ಮಾಡಿದ್ದಾರೆ ಎಂದಿದ್ದಾರೆ ನಿರ್ಮಾಪಕ ರಾಕ್‍ಲೈನ್ ವೆಂಕಟೇಶ್.

    ಈಗ ಪವನ್ ಒಡೆಯರ್ ಏನು ಮಾಡ್ತಾರೆ..? ಅವರು ಅಂಬರೀಷ್ ಪುತ್ರ ಅಭಿಷೇಕ್‍ಗೆ ಕಥೆ ಹೇಳಿದ್ದಾರೆ. ಸಿನಿಮಾ ಬಗ್ಗೆ ಅಂತಿಮ ನಿರ್ಧಾರ ಹೊರಬಿದ್ದಿಲ್ಲವಾದರೂ ಅದು ಡ್ರಾಪ್ ಅಂತೂ ಆಗಿಲ್ಲ. ಈಗ ಅಪ್ಪು ಸಿನಿಮಾ ಒಪ್ಪಿಕೊಂಡರೆ ಮಿನಿಮಮ್ 6 ತಿಂಗಳು ಪವನ್ ಒಡೆಯರ್ ಬೇರೆ ಕಡೆ ಹೊರಳೋಕೆ ಸಾಧ್ಯವೇ ಇಲ್ಲ. ಈ ಎಲ್ಲದರ ಮಧ್ಯೆ ಫೆಬ್ರವರಿಯಲ್ಲಿ ರಾಕ್‍ಲೈನ್ ಬ್ಯಾನರ್ ಸಿನಿಮಾ ಸೆಟ್ಟೇರುತ್ತಿರುವುದು ನಿಜ.

    Related Articles :-

    Pavan Wodeyar To Direct A Film For Puneeth Rajakumar

  • ಅಪ್ಪುಗೆ ಚುಟು ಚುಟು ಡ್ಯಾನ್ಸರ್ ಸ್ಟೆಪ್

    natasarvabhouma introductions song being shot

    ಚುಟು ಚುಟು ಅಂತೈತಿ.. ಹಾಡಿನಷ್ಟೇ ಹಿಟ್ ಆಗಿದ್ದುದು ಚುಟು ಚುಟು ಹಾಡಿಗೆ ಮಾಡಿಸಿದ್ದ ಡ್ಯಾನ್ಸ್. ಶರಣ್ ಮತ್ತು ಅಶಿಕಾರ ಮೈಮೂಳೆಯ ಬಗ್ಗೆ ಅಚ್ಚರಿ ಪಡುವಂತೆ ಸ್ಟೆಪ್ಸ್ ಹಾಕಿಸಿದ್ದ ನೃತ್ಯ ನಿರ್ದೇಶಕ ಭೂಷಣ್, ಈಗ ಪುನೀತ್ ರಾಜ್‍ಕುಮಾರ್‍ಗೆ ಡ್ಯಾನ್ಸ್ ಮಾಸ್ಟರ್ ಆಗಿದ್ದಾರೆ.

    ನಟಸಾರ್ವಭೌಮ ಚಿತ್ರದ ಇಂಟ್ರೊಡಕ್ಷನ್ ಸಾಂಗ್ ಶೂಟಿಂಗ್  ನಡೆಯುತ್ತಿದೆ. ಸ್ಟೆಪ್ಟ್ ಹೇಳಿಕೊಡ್ತಿರೋದು ಭೂಷಣ್. ಎಪಿಕ್ ಮಾದರಿಯ ಸೆಟ್‍ಗಳಲ್ಲಿ ಹಾಡಿನ ಶೂಟಿಂಗ್ ನಡೆಯುತ್ತಿದ್ದು, ಜನವರಿ ಹೊತ್ತಿಗೆ ಸಿನಿಮಾ ತೆರೆಗೆ ತರಲು ಸಿದ್ಧತೆ ನಡೆದಿದೆ. ಈ ಹಾಡು ಮುಗಿದರೆ ನಟಸಾರ್ವಭೌಮನ ಶೂಟಿಂಗ್ ಮುಗಿದಂತೆ ಎಂದಿದ್ದಾರೆ ಪವನ್ ಒಡೆಯರ್. 

    ಪುನೀತ್‍ಗೆ ಸಿನಿಮಾದಲ್ಲಿ ಇಬ್ಬರು ನಾಯಕಿಯರು. ರಚಿತಾ ರಾಮ್ ಮತ್ತು ಅನುಪಮಾ ಪರಮೇಶ್ವರನ್. ರಾಕ್‍ಲೈನ್ ವೆಂಕಟೇಶ್ ನಿರ್ಮಾಣದ ಸಿನಿಮಾದಲ್ಲಿ ಪುನೀತ್ ಪತ್ರಕರ್ತರಾಗಿ ಕಾಣಿಸಿಕೊಂಡಿದ್ದಾರೆ.

  • ಅಬ್ಬಾ..! ನಟಸಾರ್ವಭೌಮ ಚಿತ್ರದಲ್ಲಿ 11 ಹಾಡುಗಳು..!

    natasarvabhouma has 11 songs

    ಪುನೀತ್ ರಾಜ್‍ಕುಮಾರ್ ಅಭಿನಯದ ನಟಸಾರ್ವಭೌಮ ಚಿತ್ರದಲ್ಲಿ ಎಷ್ಟು ಹಾಡುಗಳಿರಬಹುದು..? ನಾಲ್ಕು.. ಐದು.. ಆರು.. ಅಲ್ಲಲ್ಲ.. ಬರೋಬ್ಬರಿ 11 ಹಾಡುಗಳಿವೆ. ಲಹರಿ ಹೊರತಂದಿರುವ ಆಡಿಯೋ ಆಲ್ಬಂನಲ್ಲಿ ಒಟ್ಟು 11 ಸಾಂಗುಗಳಿವೆ.

    ಪವನ್ ಒಡೆಯರ್ ನಿರ್ದೇಶನದ ಚಿತ್ರ ಮ್ಯೂಸಿಕಲ್ ಸಿನಿಮಾ ಆಗಲಿದೆಯಾ..? ಹಾಗೇನಿಲ್ಲ ಎನ್ನುತ್ತಿದೆ ಚಿತ್ರತಂಡ. ಚಿತ್ರದಲ್ಲಿರೋದು 4 ಹಾಡುಗಳು ಮಾತ್ರ ಅಂತೆ. ಉಳಿದಂತೆ ಹಾಡುಗಳು ಜಸ್ಟ್ ಫಾರ್ ಫ್ಯಾನ್ಸ್.

    ಚಿತ್ರದಲ್ಲಿ ಅಪ್ಪುಗೆ ರಚಿತಾ ರಾಮ್, ಅನುಪಮಾ ಪರಮೇಶ್ವರನ್ ಜೋಡಿಯಾಗಿ ನಟಿಸಿದ್ದು, ಬಿ.ಸರೋಜಾದೇವಿ ಸುದೀರ್ಘ ಅವಧಿಯ ನಂತರ ಮತ್ತೊಮ್ಮೆ ಬೆಳ್ಳಿತೆರೆ ಮೇಲೆ ಬರುತ್ತಿದ್ದಾರೆ.

     

  • ಅಭಿಮಾನಿ ದೇವರುಗಳೇ.. ನೀವೂ ನಟಸಾರ್ವಭೌಮರಾಗಿ..

    natasarvabhouma challenge to fans

    ನೀವು ಮಾಡಬೇಕಾದ್ದು ಇಷ್ಟೆ. ನಟಸಾರ್ವಭೌಮ ಚಿತ್ರದ ಟೀಸರ್ ನೋಡಿದ್ದೀರಲ್ವಾ..? ಅ ಟೀಸರ್‍ನಲ್ಲಿ ಪುನೀತ್ ರಾಜ್‍ಕುಮಾರ್ ಕಾಣಿಸಿಕೊಂಡಿದ್ರಲ್ಲಾ.. ಅದೇ ಸ್ಟೈಲ್‍ನಲ್ಲಿ ನೀವು ಪುಟ್ಟದೊಂದು ವಿಡಿಯೋ ಮಾಡಬೇಕು. ಆ ವಿಡಿಯೋವನ್ನ #Natasarvabhouma ಹ್ಯಾಷ್‍ಟ್ಯಾಗ್ ಬಳಸಿ, ಸೋಷಿಯಲ್ ಮೀಡಿಯಾದಲ್ಲಿ ಅಪ್‍ಲೋಡ್ ಮಾಡಬೇಕು.

    ಹೀಗೆ ಮಾಡಿದ ವಿಡಿಯೋಗಲ್ಲಿ ದಿ ಬೆಸ್ಟ್ ವಿಡಿಯೋಗಳನ್ನ ನಟಸಾರ್ವಭೌಮ ಚಿತ್ರತಂಡ ಸೆಲೆಕ್ಟ್ ಮಾಡುತ್ತೆ. ಆ ಅಭಿಮಾನಿ ದೇವರುಗಳು ನಟಸಾರ್ವಭೌಮ ಚಿತ್ರದ ಆಡಿಯೋ ಬಿಡುಗಡೆ ದಿನದ ಕಾರ್ಯಕ್ರಮದಲ್ಲಿ ಅಪ್ಪು ಜೊತೆ ಸ್ಟೇಜ್ ಮೇಲಿರ್ತಾರೆ. ರಾಕ್‍ಲೈನ್ ವೆಂಕಟೇಶ್ ನಿರ್ಮಾಣದ ಚಿತ್ರಕ್ಕೆ ಪವನ್ ಒಡೆಯರ್ ನಿರ್ದೇಶನವಿದೆ. ರಚಿತಾ ರಾಮ್-ಅನುಪಮಾ ಪರಮೇಶ್ವರನ್ ನಾಯಕಿಯಾಗಿರುವ ಚಿತ್ರದಲ್ಲಿ ಬಿ.ಸರೋಜಾದೇವಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

  • ಅಭಿಷೇಕ್ ಅಂಬರೀಷ್ ಚಿತ್ರಕ್ಕೆ ಪವನ್ ಒಡೆಯರ್ ಡೈರೆಕ್ಟರ್

    pawan wodeyar to direct abhishek's debut

    ಅಭಿಷೇಕ್ ಅಂಬರೀಷ್ ಚಿತ್ರರಂಗಕ್ಕೆ ಬರುವುದು ಪಕ್ಕಾ ಎಂದು ನಿರ್ಧಾರವಾದ ದಿನದಿಂದಲೂ ಚಿತ್ರಕ್ಕೆ ಯಾರು ಡೈರೆಕ್ಟರ್..? ಎಂಬ ಪ್ರಶ್ನೆ ಕಾಡುತ್ತಲೇ ಇತ್ತು. ಆ ಕಾಡುವ ಪ್ರಶ್ನೆಗಳಿಗೆಲ್ಲ ಉತ್ತರ ಸಿಕ್ಕಿದೆ. ಅಭಿಷೇಕ್ ಅಭಿನಯದ ಮೊದಲ ಚಿತ್ರಕ್ಕೆ ಪವನ್ ಒಡೆಯರ್ ನಿರ್ದೇಶಕ. ಚಿತ್ರದ ಕಥೆಯನ್ನು ಓಕೆ ಮಾಡಿರುವುದು ಸ್ವತಃ ಅಂಬರೀಷ್.

    ಗೆಳೆಯನ ಮಗನ ಮೊದಲ ಚಿತ್ರವನ್ನು ನಿರ್ಮಿಸುವ ಜವಾಬ್ದಾರಿಯನ್ನು ಸಂದೇಶ್ ನಾಗರಾಜ್ ಹೊತ್ತುಕೊಂಡಿದ್ದಾರೆ. ರೆಬಲ್ ಸ್ಟಾರ್ ಅಂಬರೀಷ್ ಪುತ್ರನ ಚಿತ್ರಕ್ಕೆ ಜಲೀಲ ಅಥವಾ ಕನ್ವರ್‍ಲಾಲ್ ಎಂಬ ಹೆಸರುಗಳಲ್ಲಿ ಯಾವುದಾದರೂ ಒಂದನ್ನು ಫೈನಲ್ ಮಾಡುವ ಆಲೋಚನೆ ಇದೆ.

    ಸಿನಿಮಾಗೆ ಪವನ್ ಒಡೆಯರ್ ಕಥೆ ಮತ್ತು ನಿರ್ದೇಶನದ ಹೊಣೆ ಹೊತ್ತುಕೊಂಡಿದ್ದಾರೆ. ಚಿತ್ರಕಥೆ, ಸಂಭಾಷಣೆ ಇನ್ನೊಬ್ಬರ ಜವಾಬ್ದಾರಿ. ಸಿನಿಮಾಗೆ 6 ಸಂಗೀತ ನಿರ್ದೇಶಕರು ಕೆಲಸ ಮಾಡಲಿದ್ದಾರಂತೆ. ಅಲ್ಲಿಗೆ ಮೂವರು ನಿರ್ದೇಶಕರು, 6 ಸಂಗೀತ ನಿರ್ದೇಶಕರ ಸಹಯೋಗದಲ್ಲಿ ಅಭಿಷೇಕ್ ಅಂಬರೀಷ್ ಮೊದಲ ಚಿತ್ರ ಲಾಂಚ್ ಆಗಲಿದೆ.

    ಫೆಬ್ರವರಿ ಕೊನೆಯ ಅಥವಾ ಮಾರ್ಚ್ ಮೊದಲ ವಾರದಲ್ಲಿ ಚಿತ್ರ ಅದ್ಧೂರಿಯಾಗಿ ಸೆಟ್ಟೇರುವ ನಿರೀಕ್ಷೆಗಳಿವೆ. ಚಿತ್ರದ ನಾಯಕಿ ಸೇರಿದಂತೆ ಉಳಿದ ತಾರಾಬಳಗದ ಆಯ್ಕೆ ಆಗಿಲ್ಲ.

  • ಓಪನ್ ದ ಬಾಟಲ್.. ಕಿಕ್ಕು ಹೆಚ್ಚಿಸಿದ ನಟಸಾರ್ವಭೌಮ

    powerstar kicks up new year party with open the bottle

    ಪವರ್ ಸ್ಟಾರ್ ಪುನೀತ್ ರಾಜ್‍ಕುಮಾರ್, ಪವನ್ ಒಡೆಯರ್, ಯೋಗರಾಜ್ ಭಟ್, ವಿಜಯ್ ಪ್ರಕಾಶ್, ಡಿ.ಇಮ್ಮಾನ್.. ಇವ್ರೆಲ್ಲ ಸೇರ್ಕೊಂಡು ಹೊಸ ವರ್ಷದ ಕಿಕ್ಕೇರಿಸಿಬಿಟ್ಟಿದ್ದಾರೆ. ನಟಸಾರ್ವಭೌಮ ಚಿತ್ರದ ಓಪನ್ ದ ಬಾಟಲ್ ಹಾಡಿನ ಲಿರಿಕಲ್ ವಿಡಿಯೋ ಹೊರ ಬಿಟ್ಟಿದೆ ರಾಕ್‍ಲೈನ್ ಪ್ರೊಡಕ್ಷನ್ಸ್. ಹಾಡು ಕಿಕ್ಕೇರಿಸುವಂತಿದೆ.

    ಏಳೂವರೆ ತುಟಿ ಒಣಗತೈತೆ ಏನ್ ಮಾಡಣ.. ಹಾಳು ಎಣ್ಣಿ ಚಟ ಬಿಡಬೇಕು.. ಕಮ್ಮಿ ಕುಡ್ಯಣ.. ಎಣ್ಣೆ ಬಿಡೋದಕ್ಕೆ ಇಟ್ಟಿರೋ ಪಾರ್ಟಿ ಇದು.. ಫ್ರೆಂಡ್ಸೆಲ್ಲ ಕೈ ಹಾಕ್ರಿ.. ಜೋಡಿಸ್ರೋ ಟೇಬಲ್.. ಓಪನ್ ದ ಬಾಟಲ್.. ಎಂದು ಶುರುವಾಗುವ ಹಾಡಿನಲ್ಲಿ ಮೈಮರೆತು ಕುಣಿಯೋಕೆ ಬೇಕಾದ ಎಲ್ಲ ಸರಕುಗಳೂ ಇವೆ.

    ಹಾಡು ಕೇಳೋಕಷ್ಟೇ ಅಲ್ಲ, ನೋಡೋಕೂ ಮಜವಾಗಿದೆ. ಪುನೀತ್ ಚಿಂದಿಯಾಗಿ ಕುಣಿದಿದ್ದಾರೆ. ಅವರು ಇದುವರೆಗೂ ಅಂತಹ ಸ್ಟೆಪ್ಪುಗಳನ್ನು ಹಾಕಿಯೇ ಇಲ್ಲ. ವಿಡಿಯೋನೂ ಬಿಡ್ತೇವೆ ನೋಡ್ತಾ ಇರಿ ಎಂದು ಆಸೆಯ ಕಿಕ್ಕು ಕೊಟ್ಟಿದ್ದಾರೆ ಪವನ್ ಒಡೆಯರ್.

  • ಚಿಕ್ಕಪ್ಪ-ದೊಡ್ಡಪ್ಪ ಇಬ್ಬರನ್ನೂ ಮೀರಿಸುವ ಯುವರಾಜನ ಡ್ಯಾನ್ಸ್

    yuva rajkumar to love perform at natasarvabhouma's audio launch

    ಸ್ಯಾಂಡಲ್‍ವುಡ್‍ನ ನಂ.1 ಡ್ಯಾನ್ಸರ್ ಯಾರು ಎಂದರೆ ಅನುಮಾನವೇ ಇಲ್ಲದಂತೆ ಕಣ್ಣ ಮುಂದೆ ಬರೋದು ಪುನೀತ್ ರಾಜ್‍ಕುಮಾರ್. ಅವರ ಪ್ರತಿ ಚಿತ್ರದಲ್ಲೂ ಒಂದಲ್ಲ ಒಂದು ವಿಶೇಷ ಸ್ಟೆಪ್ ಇದ್ದೇ ಇರುತ್ತೆ. ಈಗ ಅವರನ್ನೂ ಮೀರಿಸುವ ಸುಳಿವು ಕೊಡುತ್ತಾ ಬಂದಿದೆ ಯುವ ಕುಡಿ. ಇನ್ನು ಶಿವಣ್ಣನ ಡ್ಯಾನ್ಸ್ ಬಗ್ಗೆ ಪ್ರತ್ಯೇಕವಾಗಿ ಹೇಳುವ ಅಗತ್ಯವೇ ಇಲ್ಲ. 

    ರಾಘವೇಂದ್ರ ರಾಜ್‍ಕುಮಾರ್ ಅವರ 2ನೇ ಪುತ್ರ ಯುವ ರಾಜ್ ಕುಮಾರ್ ಅವರ ಡ್ಯಾನ್ಸ್, ಚಿಕ್ಕಪ್ಪ, ದೊಡ್ಡಪ್ಪ ಇಬ್ಬರನ್ನೂ ಮೀರಿಸುವಂತಿದೆ. ನಟಸಾರ್ವಭೌಮ ಚಿತ್ರದ ಪುನೀತ್ ಡ್ಯಾನ್ಸ್‍ಗೆ ಯುವರಾಜ್ ಕುಮಾರ್ ಸ್ಟೆಪ್ ಹಾಕಿದ್ದು, ಹುಬ್ಬೇರಿಸುವಂತಿದೆ. ಜನವರಿ 5ರಂದು ಹುಬ್ಬಳ್ಳಿಯಲ್ಲಿ ನಟಸಾರ್ವಭೌಮ ಚಿತ್ರದ ಆಡಿಯೋ ರಿಲೀಸ್ ಕಾರ್ಯಕ್ರಮವಿದ್ದು, ಆ ದಿನ ಯುವರಾಜ್ ಕುಮಾರ್ ಸ್ಟೇಜ್ ಮೇಲೆ ಶೋ ಕೊಡಲಿದ್ದಾರಂತೆ. 

    ಈಗಾಗಲೇ ನಿರ್ಮಾಪಕರಾಗಿ ಗುರುತಿಸಿಕೊಂಡಿರುವ ಯುವರಾಜ್ ಕುಮಾರ್, ಸಮಾಜಸೇವೆ ಕಾರ್ಯಗಳಲ್ಲಿಯೇ ಹೆಚ್ಚು ತೊಡಗಿಸಿಕೊಂಡಿದ್ದಾರೆ. ಬಹಿರಂಗವಾಗಿ ಹೆಚ್ಚು ಕಾಣಿಸಿಕೊಳ್ಳದ ಯುವರಾಜ್, ಚಿಕ್ಕಪ್ಪನ ಬಹು ನಿರೀಕ್ಷೆಯ ಚಿತ್ರದ ಆಡಿಯೋ ರಿಲೀಸ್‍ನಲ್ಲಿ ಮಿಂಚಲಿದ್ದಾರೆ.

  • ಜನವರಿ 5ಕ್ಕೆ ಆಡಿಯೋ.. ಫೆಬ್ರವರಿ 7ಕ್ಕೆ ವಿಡಿಯೋ..

    natasarvabhouma audio on jan 5th

    ಪವರ್‍ಸ್ಟಾರ್ ಪುನೀತ್ ರಾಜ್‍ಕುಮಾರ್ ಅಭಿನಯದ ಬಹುನಿರೀಕ್ಷಿತ ಚಿತ್ರ 2019ರ ಆರಂಭದಲ್ಲೇ ತೆರೆಗೆ ಬರುವುದು ಅಧಿಕೃತವಾಗಿದೆ. ನಟಸಾರ್ವಭೌಮ ಚಿತ್ರದ ಬಿಡುಗಡೆಗೆ ವೇದಿಕೆ ಸಿದ್ಧಗೊಳ್ಳುತ್ತಿದ್ದು, ಜನವರಿ 5ರಂದು ಚಿತ್ರದ ಆಡಿಯೋ ಬಿಡುಗಡೆಯಾಗಲಿದೆ. ಸಿನಿಮಾ ರಿಲೀಸ್ ಆಗುವುದು ಫೆಬ್ರವರಿ 7ನೇ ತಾರೀಕಿಗೆ. ಅಂದರೆ, ಆಡಿಯೋ ರಿಲೀಸ್ ಆದ ಬರೋಬ್ಬರಿ 1 ತಿಂಗಳ ಚಿತ್ರ, ಪ್ರೇಕ್ಷಕರ ಎದುರು ಬರಲಿದೆ. ಕಳೆದ ವರ್ಷವಿಡೀ ಪುನೀತ್ ಸಿನಿಮಾ ಇರಲಿಲ್ಲ. ಹೀಗಾಗಿ ಅಪ್ಪು ಅಭಿಮಾನಿಗಳ ನಿರೀಕ್ಷೆ ಆಕಾಶದಲ್ಲಿದೆ.

    ಪವನ್ ಒಡೆಯರ್ ನಿರ್ದೇಶನದ ಚಿತ್ರಕ್ಕೆ ರಾಕ್‍ಲೈನ್ ವೆಂಕಟೇಶ್ ನಿರ್ಮಾಪಕ. ರಚಿತಾ ರಾಮ್ ಮತ್ತೊಮ್ಮೆ ಅಪ್ಪು ಜೋಡಿಯಾಗಿದ್ದರೆ, ಅನುಪಮಾ ಪರಮೇಶ್ವರ್ ಗಮನ ಸೆಳೆಯುತ್ತಿದ್ದಾರೆ. ಬಿ.ಸರೋಜಾದೇವಿ ಹಲವು ವರ್ಷಗಳ ನಂತರ ತೆರೆ ಮೇಲೆ ಬರುತ್ತಿದ್ದಾರೆ. ಅಪ್ಪು ಜೊತೆ ಡ್ಯಾನ್ಸ್ ಮಾಡೋಕೆ ಸಿದ್ಧರಾ

  • ಡ್ಯಾನ್ಸ್ ವಿತ್ ಅಪ್ಪು.. ನಟಸಾರ್ವಭೌಮನ ಚಾಲೆಂಜ್

    natasarvabhouma's dance with appu challenge

    ಪುನೀತ್ ರಾಜ್‍ಕುಮಾರ್ ಅಭಿನಯದ ನಟಸಾರ್ವಭೌಮ ಚಿತ್ರತಂಡ ಅಭಿಮಾನಿಗಳಿಗೆ ಹೊಸದೊಂದು ಸ್ಪರ್ಧೆಯೊಡ್ಡಿದೆ. ಚಿತ್ರದ ಟ್ರೇಲರ್‍ನಲ್ಲಿ ಪುನೀತ್ ಮಾಡಿರುವ ಡ್ಯಾನ್ಸ್ ಸ್ಟೆಪ್‍ನ್ನು #Dancewihthappu ಮಾಡಿ ಅಪ್‍ಲೋಡ್ ಮಾಡುವಂತೆ ಚಾಲೆಂಜ್ ಹಾಕಿದೆ. ಇದು #Dancewihthappu... ಡ್ಯಾನ್ಸ್‍ವಿತ್‍ಅಪ್ಪು ಚಾಲೆಂಜ್. 

    ಪುನೀತ್ ನೆಲದ ಮೇಲೆ ಒಂದು ಕೈ ಊರಿಕೊಂಡು, ಜಾರಿಕೊಂಡು ಹೋಗುತ್ತಾ ಡ್ಯಾನ್ಸ್ ಮಾಡುವ ಸ್ಟೆಪ್‍ನ್ನು ಅಭಿಮಾನಿಗಳು ಮಾಡಬೇಕು. ಇದು ಪುನೀತ್ ರಾಜ್‍ಕುಮಾರ್ ಅವರೇ ಅಭಿಮಾನಿಗಳಿಗೆ ನೀಡಿರುವ ಟಾಸ್ಕ್. #Dancewihthappu

    ರಾಕ್‍ಲೈನ್ ವೆಂಕಟೇಶ್ ನಿರ್ಮಾಣದ ನಟಸಾರ್ವಭೌಮ ಚಿತ್ರಕ್ಕೆ ಪವನ್ ಒಡೆಯರ್ ನಿರ್ದೇಶನವಿದೆ. ರಚಿತಾ ರಾಮ್, ಅನುಪಮಾ ಪರಮೇಶ್ವರನ್ ಹಾಗೂ ಬಿ.ಸರೋಜಾದೇವಿ ನಟಿಸಿರುವ ಚಿತ್ರ ಫೆಬ್ರವರಿಯಲ್ಲಿ ರಿಲೀಸ್ ಆಗುತ್ತಿದೆ.

  • ದರ್ಶನ್ 51ನೇ ಚಿತ್ರಕ್ಕೆ ಡೈರೆಕ್ಷನ್ - ಪವನ್ ಒಡೆಯರ್ ರೆಡಿ

    pavan vodeyar to direct darshan;s 52st movie

    ಸದ್ಯಕ್ಕೆ ದರ್ಶನ್ ಕುರುಕ್ಷೇತ್ರ ಚಿತ್ರದ ಶೂಟಿಂಗ್‍ನಲ್ಲಿ ಕಂಪ್ಲೀಟ್ ಬ್ಯುಸಿ. ಅದು ದರ್ಶನ್ ಅಭಿನಯದ 50ನೇ ಚಿತ್ರವೂ ಹೌದು. ಹೀಗಿರುವಾಗಲೇ 51ನೇ ಚಿತ್ರಕ್ಕೆ ಆಗಲೇ ವೇದಿಕೆ ಸಿದ್ಧಗೊಳ್ಳುತ್ತಿದೆ. ದರ್ಶನ್ ಅಭಿನಯದ 51ನೇ ಚಿತ್ರದ ನಿರ್ಮಾಪಕ ಸಂದೇಶ್ ನಾಗರಾಜ್, ನಿರ್ದೇಶಕ ಪವನ್ ಒಡೆಯರ್.

    ಕುರುಕ್ಷೇತ್ರ ಚಿತ್ರದ ನಂತರ ಪವನ್ ಒಡೆಯರ್ ನಿರ್ದೆಶನದ ಚಿತ್ರ ಸೆಟ್ಟೇರುತ್ತಿದೆ. ಚಿತ್ರದ ಕಥೆಯ ಎಳೆ ದರ್ಶನ್‍ಗೆ ಇಷ್ಟವಾಗಿದೆ. ಚಿತ್ರಕಥೆ ರಚಿಸುವುದರಲ್ಲಿ ಸಂಪೂರ್ಣ ಮಗ್ನನಾಗಿರುವ ಪವನ್, ಸದ್ಯಕ್ಕೆ ಬೇರೆ ಯಾವುದೇ ಯೋಚನೆಯನ್ನೂ ಮಾಡುತ್ತಿಲ್ಲವಂತೆ. ದರ್ಶನ್‍ರ 51ನೇ ಚಿತ್ರದ ಮೇಲೆ ಸಂಪೂರ್ಣ ಗಮನಹರಿಸಿದ್ದಾರಂತೆ.

  • ದಾಖಲೆ ಮೊತ್ತಕ್ಕೆ ನಟಸಾರ್ವಭೌಮ ಸೇಲ್..!

    natasarvabhouma distribution rights sold for record sum

    ಪುನೀತ್ ಚಿತ್ರಗಳು ಎಂದರೆ ವಿತರಕರು ಸಾಲುಗಟ್ಟುತ್ತಾರೆ. ಜೊತೆಗೆ ಈ ಬಾರಿ ಪುನೀತ್ ಜೊತೆ ರಾಕ್‍ಲೈನ್ ವೆಂಕಟೇಶ್ ಸಿನಿಮಾ ಎಂಬುದೂ ಸೇರಿ ನಟಸಾರ್ವಭೌಮನಿಗೆ ಸಿಕ್ಕಾಪಟ್ಟೆ ಡಿಮ್ಯಾಂಡ್ ಸೃಷ್ಟಿಯಾಗಿದೆ. ಚಿತ್ರದ ಟ್ರೇಲರ್ ಎಬ್ಬಿಸಿದ ಹವಾ ನೋಡಿದ ವಿತರಕರು, ಚಿತ್ರವನ್ನು ದಾಖಲೆ ಮೊತ್ತಕ್ಕೆ ಖರೀದಿಸಿದ್ದಾರಂತೆ.

    ಧೀರಜ್ ಎಂಟರ್‍ಪ್ರೈಸಸ್ ಚಿತ್ರವನ್ನು ಭಾರಿ ಮೊತ್ತಕ್ಕೆ ಖರೀದಿಸಿದ್ದು, 350ಕ್ಕೂ ಹೆಚ್ಚು ಸೆಂಟರ್‍ಗಳಲ್ಲಿ ಸಿನಿಮಾ ರಿಲೀಸ್ ಆಗಲಿದೆ. ಪುನೀತ್, ರಚಿತಾ ರಾಮ್, ಅನುಪಮಾ, ಚಿಕ್ಕಣ್ಣ, ಸಾಧುಕೋಕಿಲ, ಬಿ.ಸರೋಜಾದೇವಿ, ರವಿಶಂಕರ್ ಸೇರಿದಂತೆ ಭರ್ಜರಿ ತಾರಾಗಣ ಇರುವ ಚಿತ್ರಕ್ಕೆ ಪವನ್ ಒಡೆಯರ್ ನಿರ್ದೇಶಕ.

  • ದೀಪಾವಳಿಗೆ ನಟಸಾರ್ವಭೌಮ..?

    will natasarvabhouma release on deepavali

    ಪುನೀತ್ ರಾಜ್‍ಕುಮಾರ್ ಅಭಿನಯದ ನಟಸಾರ್ವಭೌಮ ಸಿನಿಮಾ, ದೀಪಾವಳಿಗೆ ರಿಲೀಸ್ ಆಗುತ್ತಾ..? ಅಂತಾದ್ದೊಂದು ನಿರೀಕ್ಷೆ ಈಗ ಗರಿಗೆದರುತ್ತಿದೆ. ರಾಕ್‍ಲೈನ್ ವೆಂಕಟೇಶ್ ನಿರ್ಮಾಣದ ಸಿನಿಮಾದ ಕೆಲವೇ ಕೆಲವು ದೃಶ್ಯ ಹಾಗೂ ಹಾಡುಗಳ ಶೂಟಿಂಗ್ ಬಾಕಿಯಿದ್ದು, ಸೆಪ್ಟೆಂಬರ್ 18ರಿಂದ ಮತ್ತೆ ಶೂಟಿಂಗ್ ಶುರುವಾಗುತ್ತಿದೆ. ಅದು ಮುಗಿದರೆ ಕುಂಬಳಕಾಯಿ ಒಡೆದಂತೆಯೇ ಲೆಕ್ಕ. 

    ಶೂಟಿಂಗ್ ಜೊತೆ ಜೊತೆಯಲ್ಲೇ ನಿರ್ದೇಶಕ ಪವನ್ ಒಡೆಯರ್, ಪೋಸ್ಟ್ ಪ್ರೊಡಕ್ಷನ್ ಕೆಲಸದಲ್ಲೂ ತೊಡಗಿಸಿಕೊಂಡಿರೋದ್ರಿಂದ, ಶೂಟಿಂಗ್ ಮುಗಿದ ನಂತರ, ಶೀಘ್ರದಲ್ಲೇ ಸಿನಿಮಾ ತೆರೆಗೆ ಬರಲು ಸಿದ್ಧವಾಗಲಿದೆ. 

    ಪವನ್ ಒಡೆಯರ್ ಹಾಗೂ ರಾಕ್‍ಲೈನ್ ವೆಂಕಟೇಶ್ ಪ್ಲಾನ್ ಪ್ರಕಾರವೇ ಎಲ್ಲವೂ ನಡೆದರೆ, ದೀಪಾವಳಿಗೆ ನಟಸಾರ್ವಭೌಮನನ್ನು ತೆರೆಯ ಮೇಲೆ ನೋಡಬಹುದು.

  • ದುರ್ಯೋಧನ ದರ್ಶನ್ 51ನೇ ಚಿತ್ರ ಒಡೆಯರ್ - ನಿರ್ದೇಶಕ ಪವನ್ ಒಡೆಯರ್

    pavan wadeyar to direct darshan's 51st

    ದರ್ಶನ್, ಮೈಸೂರಿನವರು. ಅಲ್ಲಿಯೇ ಹುಟ್ಟಿ ಬೆಳೆದವರು. ಕರ್ನಾಟಕದ ಅಭಿಮಾನಿಗಳ ಚಾಲೆಂಜಿಂಗ್ ಸ್ಟಾರ್ ಆಗಿರುವ ದರ್ಶನ್‍ಗೆ, ಮೈಸೂರಿನ ಮೇಲೆ ಒಂದು ವಿಶೇಷ ಪ್ರೀತಿಯಂತೂ ಇದ್ದೇ ಇದೆ. ಅಂತಹ ದರ್ಶನ್ ಈಗ ಒಡೆಯರ್ ಸಿನಿಮಾಗೆ ರೆಡಿಯಾಗುತ್ತಿದ್ದಾರೆ.

    ಸದ್ಯಕ್ಕೆ ಕುರುಕ್ಷೇತ್ರ ಚಿತ್ರದಲ್ಲಿ ದುರ್ಯೋಧನನ ಪಾತ್ರದಲ್ಲಿ ಬ್ಯುಸಿಯಾಗಿರುವ ದರ್ಶನ್, ಆ ಚಿತ್ರ ಮುಗಿದ ಮೇಲೆ ಪವನ್ ಒಡೆಯರ್ ಚಿತ್ರದಲ್ಲಿ ನಟಿಸಲಿದ್ದಾರೆ. ಚಿತ್ರದ ಸ್ಕ್ರಿಪ್ಟ್ ವರ್ಕ್‍ನ್ನು ಮುಗಿಸಿರುವ ಪವನ್, ಚಿತ್ರಕ್ಕೆ ಇಟ್ಟಿರುವ ಟೈಟಲ್ ಒಡೆಯರ್.

    ಹಾಗೆಂದು ತಮ್ಮ ಹೆಸರಿನಲ್ಲಿ ಚಿತ್ರ ನಿರ್ದೇಶಿಸುತ್ತಿದ್ದಾರೆ ಎಂದು ಕೊಳ್ಳಬೇಡಿ. ನಿರ್ಮಾಪಕ ಸಂದೇಶ್ ನಾಗರಾಜ್ ಕೂಡಾ ಮೈಸೂರಿನವರೇ. ಸುಮಾರು ರ್ಷಗಳ ಹಿಂದೆ ಅವರು ಒಡೆಯರ್ ಎಂದು ಟೈಟಲ್ ರಿಜಿಸ್ಟರ್ ಮಾಡಿಸಿದ್ದರು. ಅದೇ ಟೈಟಲ್ ಪವನ್ ಒಡೆಯರ್‍ಗೂ ಇಷ್ಟವಾಗಿ, ಚಿತ್ರಕ್ಕೆ ಆ ಹೆಸರನ್ನೇ ಫೈನಲ್ ಮಾಡಿದ್ದಾರೆ. ಒಡೆಯರ್ ಎನ್ನುವ ಹೆಸರಿನಲ್ಲೇ ಮೈಸೂರು ಮತ್ತು ಕರ್ನಾಟಕದ ಚರಿತ್ರೆಯಿದೆ ಎನ್ನುವುದನ್ನು ಮರೆಯುವಂತಿಲ್ಲ.

    Related Articles :-

    Darshan's Wodeyar Script Almost Ready

  • ನಟ ಸಾರ್ವಭೌಮನಿಗೆ ಇನ್ನೊಬ್ಬ ಹೀರೋಯಿನ್

    pavan wodeyar in search of new heroine

    ಪುನೀತ್ ರಾಜ್‍ಕುಮಾರ್ ಅಭಿನಯದ ನಟಸಾರ್ವಭೌಮ ಚಿತ್ರಕ್ಕೆ ಹೊಸ ನಾಯಕಿ ಆಯ್ಕೆಯಾಗಲಿದ್ದಾರೆ. ಕೆಲವೇ ದಿನಗಳಲ್ಲಿ ಹೊಸ ನಾಯಕಿಯ ಹೆಸರು ಫೈನಲ್ ಮಾಡಲಿದ್ದೇವೆ. ಹೀಗೆಂದು ನಿರ್ದೇಶಕ ಪವನ್ ಒಡೆಯರ್ ಹೇಳಿದ್ದಾರೆ. ಹಾಗಾದರೆ ರಚಿತಾ ರಾಮ್..?

    ಅಭಿಮಾನಿಗಳೇ.. ಡೋಂಟ್‍ವರಿ.. ಡಿಂಪಲ್ ಕ್ವೀನ್ ನಟಸಾರ್ವಭೌಮನ ನಾಯಕಿ. ಚಿತ್ರಕ್ಕೆ ಇನ್ನೊಬ್ಬ ನಾಯಕಿಯ ಪಾತ್ರದ ಅವಶ್ಯಕತೆ ಇದೆ. ಅದು ಕಥೆಗೆ ತಿರುವು ನೀಡುವಂತಹ ಪಾತ್ರ. ಆ ಪಾತ್ರಕ್ಕಾಗಿ ಅಂದರೆ 2ನೇ ನಾಯಕಿಗಾಗಿ ಪವನ್ ಒಡೆಯರ್ ಹುಡುಕಾಟ ಶುರು ಮಾಡಿದ್ದಾರೆ. ಶೀಘ್ರದಲ್ಲೇ 2ನೇ ನಾಯಕಿಯ ಆಯ್ಕೆ ಮುಗಿಯಲಿದೆ. 

  • ನಟಸಾರ್ವಭೌಮ ಆಡಿಯೋ ಅದ್ಧೂರಿ

    natavabhouma audio launch in hubbali

    ಪವರ್ ಸ್ಟಾರ್ ಪುನೀತ್ ರಾಜ್‍ಕುಮಾರ್ ಅಭಿನಯದ ನಟಸಾರ್ವಭೌಮ ಚಿತ್ರದ ಅಡಿಯೋ ಲಾಂಚ್ ಅದ್ಧೂರಿಯಾಗಿ ನೆರವೇರಿದೆ. ಹುಬ್ಬಳ್ಳಿಯ ನೆಹರೂ ಮೈದಾನದಲ್ಲಿ ನಡೆದ ಅದ್ಧೂರಿ ಕಾರ್ಯಕ್ರಮದಲ್ಲಿ ಸಾವಿರಾರು ಅಭಿಮಾನಿಗಳ ಸಮ್ಮುಖದಲ್ಲಿ ಅಪ್ಪು ಸಿನಿಮಾದ ಹಾಡುಗಳ ಬಿಡುಗಡೆಯಾಗಿದೆ. 

    ಐಟಿ ದಾಳಿ ಹಿನ್ನೆಲೆಯಲ್ಲಿ ಪುನೀತ್ ರಾಜ್‍ಕುಮಾರ್, ರಾಕ್‍ಲೈನ್ ವೆಂಕಟೇಶ್ ಕಾರ್ಯಕ್ರಮಕ್ಕೆ ಬರುವ ಬಗ್ಗೆ ಸಂಶಯಗಳಿದ್ದವು. ನಿರ್ಮಾಪಕ ರಾಕ್‍ಲೈನ್ ವೆಂಕಟೇಶ್ ಸಮಾರಂಭಕ್ಕೆ ಬರಲು ಸಾಧ್ಯವಾಗಲಿಲ್ಲ. ಪುನೀತ್ ಕಾರ್ಯಕ್ರಮಕ್ಕೆ ಆಗಮಿಸಿದ್ದಷ್ಟೇ ಅಲ್ಲ, ಅದ್ಭುತ ಡ್ಯಾನ್ಸ್ ಮೂಲಕ ಅಭಿಮಾನಿಗಳನ್ನು ರಂಜಿಸಿದ್ರು.

    ಪುನೀತ್ ಜೊತೆ ಅಷ್ಟೇ ಅದ್ಭುತವಾಗಿ ಹೆಜ್ಜೆ ಹಾಕಿದ ರಚಿತಾ ರಾಮ್, ಪ್ರೇಕ್ಷಕರ ಶಿಳ್ಳೆ ಚಪ್ಪಾಳೆ ಗಿಟ್ಟಿಸಿದ್ರು. ನಿರೂಪಕಿ ಅನುಶ್ರೀ ಅವರ ಉತ್ತರ ಕರ್ನಾಟಕ ಶೈಲಿಯ ನಿರೂಪಣೆ ಗಮನ ಸೆಳೆಯಿತು.

    ಪವನ್ ಒಡೆಯರ್ ನಿರ್ದೇಶನದ ನಟಸಾರ್ವಭೌಮ, ರಿಲೀಸ್‍ಗೆ ರೆಡಿಯಾಗಿದ್ದು, ಪ್ರಚಾರದ ಕೆಲಸಕ್ಕೆ ಆಡಿಯೋ ಲಾಂಚ್ ಮೂಲಕ ಮುಂದಾಗಿದೆ ಚಿತ್ರತಂಡ.

  • ನಟಸಾರ್ವಭೌಮ ಟೈಟಲ್ ಇಡೋಕೆ ಏನು ಕಾರಣ..?

    reason behind natasarvabhouma trailer

    ನಟಸಾರ್ವಭೌಮ ಎಂದಾಕ್ಷಣ ಕನ್ನಡಿಗರ ಕಣ್ಣ ಮುಂದೆ ಬರೋದು ಡಾ.ರಾಜ್‍ಕುಮಾರ್. ಅದು ಅವರಿಗೆ ಅಭಿಮಾನಿಗಳು ನೀಡಿದ್ದ ಬಿರುದೂ ಹೌದು. ಅವರ ಚಿತ್ರದ ಹೆಸರೂ ಹೌದು. ಹೀಗಾಗಿಯೇ ಪುನೀತ್ ಚಿತ್ರಕ್ಕೆ ನಟಸಾರ್ವಭೌಮ ಎಂದು ಟೈಟಲ್ ಕೊಟ್ಟಾಗ ಕೆಲವರು ಬೇಡ ಎಂದಿದ್ದರಂತೆ. 

    ಕಾರಣ ಇಷ್ಟೆ, ಡಾ.ರಾಜ್ ಹೆಸರು ಮತ್ತು ಬಿರುದಿನ ತೂಕವೇ ಚಿತ್ರದ ನಿರೀಕ್ಷೆಯನ್ನು ಭಾರಿ ಭಾರಿ ಪ್ರಮಾಣದಲ್ಲಿ ಏರಿಸುತ್ತೆ. ಮತ್ತೊಂದು ಇದು ಪಕ್ಕಾ ಕಮರ್ಷಿಯಲ್ ಸಿನಿಮಾ. ಈ ಟೈಟಲ್ ಬೇಕಾ..? ಎಂಬ ಪ್ರಶ್ನೆಗಳು ಎದ್ದಿದ್ದವಂತೆ.

    `ಆದರೆ, ಚಿತ್ರದ ಕಥೆಗೆ ಆ ಟೈಟಲ್ ಅತ್ಯುತ್ತಮವಾಗಿ ಹೊಂದಾಣಿಕೆಯಾಗುತ್ತೆ. ನೀವೂ ಅಷ್ಟೆ, ಸಿನಿಮಾ ನೋಡಿದ ಮೇಲೆ ಟೈಟಲ್ ಸರಿಯಾಗಿದೆ ಎಂದು ಖಂಡಿತಾ ಹೇಳುತ್ತೀರಿ' ಎಂದು ಭರವಸೆ ಕೊಡ್ತಾರೆ ನಿರ್ದೇಶಕ ಪವನ್ ಒಡೆಯರ್.

  • ನಟಸಾರ್ವಭೌಮ ಯಾವ ರೀತಿಯ ಸಿನಿಮಾ..?

    natasarvabhouma photo generates curiosity

    ನಟ ಸಾರ್ವಭೌಮ ಸಿನಿಮಾದ ಕಥೆ ಏನು..? ಕೌಟುಂಬಿಕ ಕಥಾ ಹಂದರದ ಚಿತ್ರವಾ..? ಇಬ್ಬರು ನಾಯಕಿಯರಿದ್ದಾರೆ, ತ್ರಿಕೋನ ಪ್ರೇಮಕಥೆಯಾ..? ಚಿತ್ರದ ಕಥಾನಾಯಕ ಫೋಟೋಗ್ರಾಫರ್. ಹಾಗಾದರೆ, ಮೀಡಿಯಾ ಸ್ಟೋರಿನಾ..? ಹೀಗೆ ಹಲವಾರು ಪ್ರಶ್ನೆ ಹುಟ್ಟಿ ಹಾಕಿದೆ ನಟಸಾರ್ವಭೌಮ. ಆ ಕುತೂಹಲಕ್ಕೆ ಇನ್ನೊಂದು ಸೇರ್ಪಡೆ ಇದು, ಈ ಫೋಟೋ.

    ನಟಸಾರ್ವಭೌಮ ಚಿತ್ರದ ಶೂಟಿಂಗ್ ಸೆಟ್‍ನಿಂದ ಹೊರಬಂದಿರುವ ಈ ಫೋಟೋ, ಬಾದಾಮಿಯಲ್ಲಿ ನಡೆದ ಚಿತ್ರೀಕರಣದ ವೇಳೆ ಪುನೀತ್  ಪೂಜೆಯಲ್ಲಿ ತೊಡಗಿಸಿಕೊಂಡಿರುವ ಒಂದು ಫೋಟೋ.  

    ಹೀಗೆ ಹಲವು ಅಂಶಗಳು ಇದು ಯಾವ ರೀತಿಯ ಸಿನಿಮಾ ಇರಬಹುದು ಎಂಬ ಕುತೂಹಲ ಸೃಷ್ಟಿಸಿವೆ. 

    ಪವನ್ ಒಡೆಯರ್ ನಿರ್ದೇಶನದ ಚಿತ್ರದಲ್ಲಿ ರಚಿತಾ ರಾಮ್ ನಾಯಕಿಯಾಗಿದ್ದರೆ, ಬಿ.ಸರೋಜಾದೇವಿ ಹಲವು ವರ್ಷಗಳ ನಂತರ ಈ ಚಿತ್ರದಲ್ಲಿ ಬಣ್ಣ ಹಚ್ಚಿದ್ದಾರೆ. ಬಾಹುಬಲಿಯ ಕಾಲಕೇಯ ಖ್ಯಾತಿಯ ಪ್ರಭಾಕರ್ ಕೂಡಾ ಚಿತ್ರದಲ್ಲಿದ್ದಾರೆ. ರಾಕ್‍ಲೈನ್ ವೆಂಕಟೇಶ್ ನಿರ್ಮಾಣದ ಈ ಸಿನಿಮಾ ಅಂತಿಮ ಹಂತದ ಚಿತ್ರೀಕರಣದಲ್ಲಿದೆ.

Chemistry Of Kariyappa Movie Gallery

BellBottom Movie Gallery