` shivarajkumar, - chitraloka.com | Kannada Movie News, Reviews | Image

shivarajkumar,

  • ದಿ ವಿಲನ್.. ಹಾಡು, ಟೀಸರ್ ನೋಡೋಕೆ ರೆಡಿಯಾಗಿ

    the villain audio and teaser soon

    ದಿ ವಿಲನ್.. ಭರ್ಜರಿ ಕಾಂಬಿನೇಷನ್‍ನಿಂದಾಗಿಯೇ ಮೌಂಟ್ ಎವರೆಸ್ಟ್‍ನಷ್ಟು ನಿರೀಕ್ಷೆ ಹುಟ್ಟಿಸಿರುವ ಸಿನಿಮಾ. ಶಿವರಾಜ್‍ಕುಮಾರ್, ಸುದೀಪ್ ಜೋಡಿಯಾಗಿರುವುದು, ಪ್ರೇಮ್ ನಿರ್ದೇಶನ, ಬಾಲಿವುಡ್ ಸ್ಟಾರ್‍ಗಳ ನಟನೆ, ಸಿ.ಆರ್.ಮನೋಹರ್ ನಿರ್ಮಾಣ.. ಹೀಗೆ ವಿಶೇಷತೆಗಳೋ ವಿಶೇಷತೆಗಳು. ಹೀಗಾಗಿಯೇ ಚಿತ್ರದ ಒಂದೊಂದು ಸಣ್ಣ ಸುದ್ದಿಯನ್ನೂ ಪ್ರೇಕ್ಷಕರು, ಅಭಿಮಾನಿಗಳು ಉತ್ಸಾಹದಿಂದ ಗಮನಿಸುತ್ತಿರುತ್ತಾರೆ. 

    ಈಗ ಚಿತ್ರದ ಟೀಸರ್, ಹಾಡು ನೋಡುವ ಸಮಯ ಹತ್ತಿರವಾಗಿದೆ. ಚಿತ್ರದ ಆಡಿಯೋ ಹಕ್ಕುಗಳನ್ನು ಆನಂದ್ ಆಡಿಯೋ ಖರೀದಿಸಿದೆ. ಜೂನ್ ಮೊದಲ ವಾರದಲ್ಲಿ ಚಿತ್ರದ ಟೀಸರ್ ಹೊರಬರುವ ನಿರೀಕ್ಷೆ ಇದೆ. ಜೂನ್ ಅಂತ್ಯದೊಳಗೆ ಹಾಡುಗಳನ್ನು ಕಣ್ತುಂಬಿಕೊಳ್ಳಬಹುದು. ಗೆಟ್ ರೆಡಿ.

     

  • ದಿ ವಿಲನ್‍ಗೆ 50 ದಿನ.. ಸಂಭ್ರಮವೇ ಮಿಸ್ಸಿಂಗ್

    the villain completes 50 days

    ದಿ ವಿಲನ್. ಶಿವಣ್ಣ, ಸುದೀಪ್ ಕಾಂಬಿನೇಷನ್ ಎಂಬ ಕಾರಣಕ್ಕಾಗಿಯೇ ಭರ್ಜರಿ ನಿರೀಕ್ಷೆ ಹುಟ್ಟಿಸಿದ್ದ ಸಿನಿಮಾ. ಬಿಡುಗಡೆಯ ನಂತರ ಮಿಶ್ರ ಪ್ರತಿಕ್ರಿಯೆ ಬಂದವಾದರೂ, ಬಾಕ್ಸಾಫೀಸ್‍ನಲ್ಲಿ ಚೆನ್ನಾಗಿಯೇ ಸದ್ದು ಮಾಡಿತು. ಈಗ ಸಿನಿಮಾ 50 ದಿನ ಪೂರೈಸಿದೆ. ಆದರೆ, ಎಲ್ಲಿ ನೋಡಿದರೂ ಸಂಭ್ರಮವೇ ಕಾಣುತ್ತಿಲ್ಲ.

    ಸಿನಿಮಾ ರಿಲೀಸ್ ಆದ 4 ದಿನಗಳ ನಂತರ ಸಿನಿಮಾ ಬಗ್ಗೆ ಚಿತ್ರತಂಡ ಮಾತನಾಡುವುದನ್ನೇ ಮರೆತುಬಿಟ್ಟಿತು. ಸ್ವತಃ ಕಿಚ್ಚ ಸುದೀಪ್, ಎಲ್ಲಿ ವಿಲನ್ ಟೀಂ ಎಂದು ಪ್ರಶ್ನಿಸುವವರೆಗೆ ಚಿತ್ರ ಯಾವ್ಯಾವ ಚಿತ್ರಮಂದಿರಗಳಲ್ಲಿದೆ ಎಂಬ ಜಾಹೀರಾತೂ ಕಾಣಿಸಲಿಲ್ಲ. ಚಿತ್ರದ ಬಗ್ಗೆ ವಿಶೇಷ ಪ್ರೀತಿ ಇಟ್ಟುಕೊಂಡಿದ್ದ ಕಿಚ್ಚ ಸುದೀಪ್ ಆಗಾಗ್ಗೆ ಚಾಟಿ ಬೀಸುತ್ತಲೇ ಹೋದರಾದರು, ದಿ ವಿಲನ್ ಟೀಂ.. ಅದೇಕೋ ಸೈಲೆಂಟ್ ಆಗಿಬಿಡ್ತು. ಈಗಲೂ ಅಷ್ಟೆ.. ಸ್ವತಃ ಸುದೀಪ್, ಚಿತ್ರ 50 ದಿನ ಪೂರೈಸಿದೆ ಅನ್ನೋದನ್ನು ನೆನಪಿಸಿದ್ದಾರೆ. ಅದಾದ ಮೇಲೆ ನಿರ್ದೇಶಕ ಪ್ರೇಮ್ ಖುಷಿ ಹಂಚಿಕೊಂಡಿದ್ದಾರೆ. ಆದರೂ.. ಸಂಭ್ರಮವೇ ಮಿಸ್ಸಿಂಗ್.

    ಹೀಗಾಗೋಕೆ ಏನು ಕಾರಣ..? ಗೊತ್ತಿಲ್ಲ. ಸಮ್‍ಥಿಂಗ್ ಈಸ್ ರಾಂಗ್.

  • ದಿ ವಿಲನ್‍ನ ಹಾಡುಗಳೆಲ್ಲ `ಪ್ರೇಮ್'ಮಯ..!

    prem's magic in the villain's magic

    ದಿ ವಿಲನ್ ಚಿತ್ರದ ಹಾಡುಗಳು ರಿಲೀಸ್ ಆಗಿವೆ. ವಿಡಿಯೋ ಟ್ರ್ಯಾಕ್ ಬಿಡದೆ, ಕೇವಲ ಲಿರಿಕಲ್ ವಿಡಿಯೋ ಬಿಟ್ಟು ಮೋಡಿ ಸೃಷ್ಟಿಸಿದ್ದಾರೆ ಪ್ರೇಮ್. ದಿನೇ ದಿನೇ ಹಾಡುಗಳ ಹಿಟ್ಸ್ ಹೆಚ್ಚುತ್ತಲೇ ಇದೆ. ಚಿತ್ರದ ಹಾಡುಗಳ ಸ್ಪೆಷಾಲಿಟಿ ಏನ್ ಗೊತ್ತಾ..? ಚಿತ್ರದ ಎಲ್ಲ ಹಾಡುಗಳಲ್ಲೂ ಪ್ರೇಮ್ ಇದ್ದಾರೆ. 

    ಚಿತ್ರದ ಎಲ್ಲ ಹಾಡುಗಳನ್ನೂ ಬರೆದಿರುವುದು ಜೋಗಿ ಪ್ರೇಮ್. ದಲೇರ್ ಮೆಹಂದಿಯಂತಹವರಿಂದ ಹಾಡಿಸಿದರೂ ಅದು ಪ್ರೇಮ್‍ಗೆ ಇಷ್ಟವಾಗಲಿಲ್ಲ. ಆಡು ಭಾಷೆಯನ್ನು ಹೆಚ್ಚಾಗಿ ಬಳಸಿದ್ದ ಪ್ರೇಮ್‍ಗೆ, ಆ ಆಡುಭಾಷೆಯ ಉಚ್ಛಾರಣೆ ಹಿಂದಿ ಗಾಯಕರಿಂದ ಸರಿ ಕಾಣಲಿಲ್ಲ. ಹೀಗಾಗಿ ಹಾಡುಗಳಲ್ಲಿ ಪ್ರೇಮ್ ಅವರ ಧ್ವನಿ ಖಾಯಂ ಆಗಿದೆ ಎನ್ನುತ್ತಾರೆ ಅರ್ಜುನ್ ಜನ್ಯ.

    ಅರ್ಜುನ್ ಜನ್ಯ ಅವರಿಗೆ ದಿನಗಟ್ಟಲೆ ಕಾಟ ಕೊಟ್ಟಿದ್ದೇನೆ. ಈಗ ಒಳ್ಳೆಯ ಹಾಡುಗಳು ಬಂದಿವೆ. ನನ್ನ ಚಿತ್ರದಲ್ಲಿ ಹಾಡುಗಳಿಗೂ ಅಷ್ಟೇ ಪ್ರಾಮುಖ್ಯತೆ ಕೊಡುತ್ತೇನೆ. ಪ್ರತಿಯೊಂದು ಹಾಡು, ಚಿತ್ರದ ಕಥೆಗೆ ಪೂರಕವಾಗಿವೆ ಎಂದು ಹೇಳಿಕೊಂಡಿದ್ದಾರೆ ನಿರ್ದೇಶಕ ಪ್ರೇಮ್.

    ಶಿವರಾಜ್‍ಕುಮಾರ್, ಸುದೀಪ್, ಆ್ಯಮಿ ಜಾಕ್ಸನ್, ಮಿಥುನ್ ಚಕ್ರವರ್ತಿ, ಶ್ರೀಕಾಂತ್ ಅಭಿನಯದ ಸಿನಿಮಾ, ಅಕ್ಟೋಬರ್‍ನಲ್ಲಿ ತೆರೆಕಾಣುವ ಸಾಧ್ಯತೆ ಇದೆ.

  • ದುಬೈನಲ್ಲಿ ವಿಲನ್ ಕ್ರೇಝ್

    the villain's craze in dubai

    ಕನ್ನಡ ಚಿತ್ರರಂಗದ ಬಹುನಿರೀಕ್ಷಿತ ಚಿತ್ರವಾಗಿರುವ ದಿ ವಿಲನ್ ಚಿತ್ರದ ಆಡಿಯೋ ರಿಲೀಸ್, ದುಬೈನಲ್ಲಿ ಅದ್ಧೂರಿಯಾಗಿ ನೆರವೇರಿದೆ. ದುಬೈನಲ್ಲಿ ಅಡಿಯೋ ಬಿಡುಗಡೆ ಮಾಡಿದ ಮೊದಲ ಕನ್ನಡ ಸಿನಿಮಾ ದಿ ವಿಲನ್ ಎಂದು ಹೆಮ್ಮೆಯಿಂದ ಹೇಳಿಕೊಂಡಿದ್ದಾರೆ ನಿರ್ದೇಶಕ ಪ್ರೇಮ್. ಇತ್ತೀಚೆಗಷ್ಟೇ ಬೆಂಗಳೂರಿನಲ್ಲಿ ಆಡಿಯೋ ರಿಲೀಸ್ ಮಾಡಿದ್ದ ಚಿತ್ರತಂಡ, ದುಬೈನಲ್ಲಿಯೂ ಆಡಿಯೋ ರಿಲೀಸ್ ಮಾಡುವ ಮೂಲಕ ಅದ್ಧೂರಿ ಪ್ರಚಾರ ಆರಂಭಿಸಿದೆ.

    ಅನಿವಾರ್ಯ ಕಾರಣಗಳಿಂದ ಕಾರ್ಯಕ್ರಮಕ್ಕೆ ಬರಲಾಗುತ್ತಿಲ್ಲ ಎಂದು ತಿಳಿಸಿದ್ದ ನಾಯಕ ಕಿಚ್ಚ ಸುದೀಪ್, ಚಿತ್ರತಂಡಕ್ಕೆ ಶುಭ ಹಾರೈಸಿದ್ದರು. ಶಿವರಾಜ್‍ಕುಮಾರ್, ಅಂಬರೀಷ್, ಅರ್ಜುನ್ ಜನ್ಯಾ, ನಾಯಕಿ ನಟಿ ಆ್ಯಮಿ ಜಾಕ್ಸನ್ ಹಾಗೂ ನಿರ್ಮಾಪಕ ಸಿ.ಆರ್. ಮನೋಹರ್ ಆಡಿಯೋ ರಿಲೀಸ್‍ನಲ್ಲಿ ಭಾಗವಹಿಸಿದ್ದರು. ಸೆಪ್ಟೆಂಬರ್ ಕೊನೆಯಲ್ಲಿ ಚಿತ್ರ ಬಿಡುಗಡೆಯಾಗುವ ನಿರೀಕ್ಷೆ ಇದೆ.

  • ದೇವತಾಮನುಷ್ಯ, ರುಸ್ತುಂ ಚಿತ್ರಗಳಿಗೆ ಮುಹೂರ್ತ

    puneeth shivanna's new movie launched today

    ಡಾ.ರಾಜ್‍ಕುಮಾರ್ ಹುಟ್ಟುಹಬ್ಬ, ಕನ್ನಡಿಗರ ಪಾಲಿಗೆ ಹಬ್ಬ. ಈ ವಿಶೇಷ ಹಬ್ಬದ ದಿನ ಅಣ್ಣಾವ್ರ ಮಕ್ಕಳ ಚಿತ್ರ ಸೆಟ್ಟೇರದಿದ್ದರೆ ಹೇಗೆ..? ಈ ಬಾರಿಯೂ ಶಿವರಾಜ್‍ಕುಮಾರ್ ಹಾಗೂ ಪುನೀತ್ ರಾಜ್‍ಕುಮಾರ್ ಅಭಿನಯದ ಚಿತ್ರಗಳು ಸೆಟ್ಟೇರುತ್ತಿವೆ.

    ಸಂತೋಷ್ ಆನಂದ್‍ರಾಮ್ ನಿರ್ದೇಶನದ ದೇವತಾಮನುಷ್ಯ ಚಿತ್ರಕ್ಕೆ ಇಂದು ಮುಹೂರ್ತ. ಅಂದಹಾಗೆ ದೇವತಾಮನುಷ್ಯ ಅನ್ನೋ ಟೈಟಲ್ ಇನ್ನೂ ಫೈನಲ್ ಆಗಿಲ್ಲ. ಅದೇ ಟೈಟಲ್‍ನ್ನು ಚಿತ್ರಕ್ಕೆ ಇಡಬಹುದು ಎಂಬ ನಿರೀಕ್ಷೆ ಇದೆ.

    ಇನ್ನು ಶಿವರಾಜ್‍ಕುಮಾರ್ ಅಭಿನಯದ ಸಾಹಸ ನಿರ್ದೇಶಕ ರವಿವರ್ಮ ನಿರ್ದೇಶನದ ರುಸ್ತುಂ ಚಿತ್ರಕ್ಕೂ ರಾಜ್ ಹುಟ್ಟುಹಬ್ಬದ ದಿನವೇ ಮುಹೂರ್ತ. ಶ್ರದ್ಧಾ ಶ್ರೀನಾಥ್, ಶಿವರಾಜ್‍ಕುಮಾರ್‍ಗೆ ನಾಯಕಿ. ಮಯೂರಿ, ಶಿವಣ್ಣನ ತಂಗಿಯಾಗಿ ನಟಿಸುತ್ತಿದ್ದಾರೆ.

  • ದೇಶದಲ್ಲೇ ನಡೆದಿರಲಿಲ್ಲ ಇಂಥಾದ್ದೊಂದು ಸಿನಿಮಾ ಐಟಿ ರೇಡ್..!

    biggest ever income raids raid on sandalwood stars

    ಶಿವರಾಜ್ ಕುಮಾರ್, ಸುದೀಪ್, ಪುನೀತ್ ರಾಜ್‍ಕುಮಾರ್, ಯಶ್, ರಾಕ್‍ಲೈನ್ ವೆಂಕಟೇಶ್, ಸಿ.ಆರ್.ಮನೋಹರ್, ಜಯಣ್ಣ, ವಿಜಯ್ ಕಿರಗಂದೂರು ಮೇಲೆ ನಡೆದಿರುವ ಐತಿಹಾಸಿಕ ಐಟಿ ರೇಡ್ ಹಿಂದಿರೋ ನಿಜವಾದ ಕಾರಣ ಏನಿರಬಹುದು..? ಅದು ಈಗ ಎಲ್ಲೆಡೆ ಚರ್ಚೆಯಾಗುತ್ತಿರುವ ವಿಷಯ. ಏಕೆಂದರೆ, ಈ ಹಿಂದೆ ಚಿತ್ರರಂಗದವರ ಐಟಿ ದಾಳಿ ಆಗಿಯೇ ಇಲ್ಲ ಎಂದಲ್ಲ. ಹಲವಾರು ಬಾರಿ ಆಗಿವೆ. ಅತೀ ಹೆಚ್ಚು ಐಟಿ ತನಿಖೆ ಎದುರಿಸಿರುವುದು ಬಾಲಿವುಡ್ ಮಂದಿ. ಅವರನ್ನು ತಮಿಳು, ತೆಲುಗು ಚಿತ್ರನಟರು, ನಿರ್ಮಾಪಕರ ಮನೆಗಳಿಗೆ ಐಟಿ ಮಂದಿ ಹೋಗಿ ಬಂದಿದ್ದಾರೆ. ಆದರೆ.. ಹೀಗೆ.. ಇಷ್ಟು ದೊಡ್ಡ ಮಟ್ಟದಲ್ಲಿ.. ಒಂದೇ ದಿನ.. ಇಷ್ಟೊಂದು ನಟರ ಮೇಲೆ, ನಿರ್ಮಾಪಕರ ಮೇಲೆ ಏಕಕಾಲದಲ್ಲಿ ದಾಳಿ ನಡೆದಿದ್ದು ದೇಶದಲ್ಲಿ ಇದೇ ಮೊದಲು.

    ಸುಮಾರು 300 ಅಧಿಕಾರಿಗಳ ತಂಡ ದಾಳಿ, ಪರಿಶೀಲನೆ, ವಿಚಾರಣೆಯಲ್ಲಿ ನಿರತವಾಗಿದ್ದಾರೆ. ದಾಳಿ ಎದುರಿಸುತ್ತಿರುವುದು 10ಕ್ಕೂ ಹೆಚ್ಚು ಮಂದಿ. 100 ಇನ್ನೋವಾ ಕಾರುಗಳಲ್ಲಿ ಬಂದಿರುವ ಅಧಿಕಾರಿಗಳು, ಸ್ಥಳೀಯ ಪೊಲೀಸರಿಗೆ ಮಾಹಿತಿ ನೀಡಿದ್ದು ದಾಳಿ ಆರಂಭಿಸುವ ಅರ್ಧಗಂಟೆಗೂ ಮುನ್ನ. ಅದು ಐಟಿ ಅಧಿಕಾರಿಗಳ ದಾಳಿಯ ವೈಖರಿ.

    ಒಂದು ಮೂಲದ ಪ್ರಕಾರ, ಇತ್ತೀಚೆಗೆ ಬಂದಂತಹ ವಿಲನ್, ಕೆಜಿಎಫ್ ಚಿತ್ರಗಳು ನೂರಾರು ಕೋಟಿ ಗಳಿಸಿವೆ ಎಂಬ ಸುದ್ದಿಯೇ ಇದಕ್ಕೆಲ್ಲ ಕಾರಣ ಎನ್ನಲಾಗಿದೆ. ಚಿತ್ರಕ್ಕೆ ಅಷ್ಟು ದೊಡ್ಡ ಮೊತ್ತ ಹೂಡಿಕೆ ಮಾಡಿದ್ದು ಹೇಗೆ..? ಆ ಹಣ ಎಲ್ಲಿಂದ ಬಂತು..? ಅದು ಕಪ್ಪುಹಣವಾ..? ಹಾಗಾದರೆ, ಕಪ್ಪುಹಣದ ಮೂಲ ಎಲ್ಲಿ..? ಯಾರು..? ಇಷ್ಟೂ ಹಣಕ್ಕೆ ತೆರಿಗೆ ಕಟ್ಟಿದ್ದಾರಾ..? ಇಲ್ಲವಾ..? ಹೀಗೆ ಹಲವಾರು ಅನುಮಾನಗಳ ಹಿನ್ನೆಲೆಯಲ್ಲಿ ಈ ದಾಳಿ ನಡೆದಿದೆ ಎನ್ನಲಾಗಿದೆ.

  • ದೊಡ್ಡ ಸಿನಿಮಾ.. ದೊಡ್ಡ ಟಿಕೆಟ್ಟು..

    the villain movie on oct 18th

    ದಿ ವಿಲನ್ ಸಿನಿಮಾ ಮುಂದಿನ ವಾರ ರಿಲೀಸ್ ಆಗ್ತಿದೆ. ಈ ಚಿತ್ರ ನೋಡೋಕೆ ನೀವು ಥಿಯೇಟರ್‍ಗೆ ಹೋದರೆ ಮಾಮೂಲಿ ಬೆಲೆಗಿಂತ ಹೆಚ್ಚಿನ ಬೆಲೆ ಕೊಡಬೇಕು. ಹೇಗಿರುತ್ತೆ ದಿ ವಿಲನ್ ಚಿತ್ರದ ಟಿಕೆಟ್ ಬೆಲೆ..? ಇಲ್ಲಿದೆ ನೋಡಿ ವಿವರ.

    ಸಿಂಗಲ್ ಸ್ಕ್ರೀನ್ ಥಿಯೇಟರುಗಳಲ್ಲಿ - ಬಾಲ್ಕನಿ ದರ 50 ರೂ. ಏರಿಕೆ. ಸೆಕೆಂಡ್ ಕ್ಲಾಸ್ 18 ರೂ. ಏರಿಕೆ. ಹೀಗಾಗಿ ಬಾಲ್ಕನಿಗೆ 200 ರೂ. ಹಾಗೂ ಸೆಕೆಂಡ್ ಕ್ಲಾಸ್ ಟಿಕೆಟ್‍ಗೆ 118 ರೂ. ಕೊಡಬೇಕು. ಮಲ್ಟಿಪ್ಲೆಕ್ಸ್‍ಗಳಲ್ಲಿ ಟಿಕೆಟ್ ದರ - 400 ರೂ. ಇರಲಿದೆಯಂತೆ. 

    ಇಷ್ಟೆಲ್ಲ ಆಗಿಯೂ ಈ ದರ ಇರುವುದು ಆರಂಭದ 4 ದಿನ ಮಾತ್ರ. ನಂತರ ಟಿಕೆಟ್ ದರ ಹಳೆಯ ದರಕ್ಕೆ ಮರಳಲಿದೆ.

    ಪರಭಾಷೆಯ ಚಿತ್ರಗಳಿಗೆ ಸಡ್ಡು ಹೊಡೆಯಲೆಂದು ಕನ್ನಡದ ನಿರ್ಮಾಪಕರೊಬ್ಬರು ಅದ್ಧೂರಿಯಾಗಿ ಸಿನಿಮಾ ಮಾಡಿದಾಗ, ನಿರ್ಮಾಪಕರನ್ನೂ ಉಳಿಸಿಕೊಳ್ಳಬೇಕು. ಬೇರೆ ಭಾಷೆ ಚಿತ್ರಗಳಿಗೆ ದುಬಾರಿ ದರ ಕೊಟ್ಟು ಸಿನಿಮಾ ನೋಡುವ ಕನ್ನಡಿಗರು ಕನ್ನಡ ಸಿನಿಮಾವನ್ನೂ ನೋಡಿ ಪ್ರೋತ್ಸಾಹಿಸಲಿ ಎನ್ನುವುದು ವಿತರಕ ಜಾಕ್ ಮಂಜು ಮಾತು.

  • ದೊಡ್ಮನೆಯ ದೊಡ್ಡ ಸುದ್ದಿ

    big news from dodmane

    ಶಿವರಾಜ್ ಕುಮಾರ್ ಹೊಸ ಸಾಹಸಕ್ಕೆ ಕೈ ಹಾಕಿದ್ದಾರೆ. ಪ್ರೊಡಕ್ಷನ್ ಹೌಸ್ ಆರಂಭಿಸುತ್ತಿರುವ ಸುದ್ದಿಯನ್ನು ಇದೇ ಚಿತ್ರಲೋಕದಲ್ಲಿ ಓದಿದ್ದೀರಷ್ಟೆ. ಇದು ಅದೇ ಸುದ್ದಿಯ ಅಪ್​ಡೇಟ್. ಈ ಪ್ರೊಡಕ್ಷನ್ ಹೌಸ್ ಮೂಲಕ ಶಿವರಾಜ್ ಕುಮಾರ್ ಪುತ್ರಿ ನಿವೇದಿತಾ ಕಿರುತೆರೆಗೆ ಎಂಟ್ರಿ ಕೊಡುತ್ತಿದ್ದಾರೆ. ನಟಿಯಾಗಿ ಅಲ್ಲ, ನಿರ್ಮಾಪಕಿಯಾಗಿ.

    ಅಂಡಮಾನ್ ಸಿನಿಮಾದಲ್ಲಿ ಅಪ್ಪನ ಜೊತೆ ನಟಿಸಿದ್ದ ನಿವೇದಿತಾ, ಮಾನಸ ಸರೋವರ ಎಂಬ ಧಾರಾವಾಹಿಗೆ ನಿರ್ಮಾಪಕಿಯಾಗುತ್ತಿದ್ದಾರೆ.     ಶ್ರೀ ಮುತ್ತು ಸಿನಿ ಸರ್ವಿಸಸ್ ಪ್ರೊಡಕ್ಷನ್ಸ್ ಸಂಸ್ಥೆಯ ಮೂಲಕ ಧಾರಾವಾಹಿ ಫೀಲ್ಡಿಗಿಳಿಯುತ್ತಿದ್ದಾರೆ ನಿವೇದಿತಾ. ಪ್ರೊಡಕ್ಷನ್ ಹೌಸ್​ಗೆ ಕಂಠೀರವ ಸ್ಟುಡಿಯೋದಲ್ಲಿ ಶ್ರೀಕಾರ ಬೀಳುತ್ತಿದೆ.

    Related Articles :-

    ಶಿವಣ್ಣ ಕುಟುಂಬದ ಹೊಸ ಸಾಹಸ

     

  • ದ್ರೋಣ.. ಆಗ ಜಗ್ಗೇಶ್.. ಈಗ ಶಿವರಾಜ್‍ಕುಮಾರ್

    shivarajkimar's next film is drona

    ದ್ರೋಣ ಎಂದರೆ ಗುರು. ದ್ರೋಣ ಎಂದರೆ ಶಸ್ತ್ರವಿದ್ಯಾಪಾರಂಗತ. ದ್ರೋಣ ಎಂದರೆ ಮಹಾಭಾರತ. ದ್ರೋಣ ಎಂದರೆ, ಕ್ರೀಡಾಪಟುಗಳ ಕೋಚ್‍ಗಳಿಗೆ ಕೊಡುವ ಮಹೋನ್ನತ ಪ್ರಶಸ್ತಿ. ದ್ರೋಣ ಎಂದರೆ, ಕೆಲವು ವರ್ಷಗಳ ಹಿಂದೆ ಜಗ್ಗೇಶ್. ದ್ರೋಣ ಎಂದರೆ, ಈಗ ಶಿವರಾಜ್‍ಕುಮಾರ್. ಹೌದು, ದ್ರೋಣ ಅನ್ನೋ ಹೆಸರಿನ ಸಿನಿಮಾ ಸೆಟ್ಟೇರುತ್ತಿದೆ. ಜೂನ್ 22ರಂದು ಮುಹೂರ್ತಕ್ಕೆ ಸಿದ್ಧವಾಗಿದೆ ದ್ರೋಣ ಸಿನಿಮಾ.

    ಈ ಚಿತ್ರದ ನಿರ್ದೇಶಕ ಪ್ರಮೋದ್ ಚಕ್ರವರ್ತಿ. ಈ ಮೊದಲು ಹರಹರ ಮಹಾದೇವ ಎಂದು ಟೈಟಲ್ ಇಡಲಾಗಿತ್ತು. ಈಗ ಟೈಟಲ್ ಬದಲಾಗಿದೆ. ದ್ರೋಣ ಎಂಬ ಟೈಟಲ್ ಫೈನಲ್ ಆಗಿದೆ. ಹನುಮಾನ್ ಚಿತ್ರವಿರುವ ಧ್ವಜ ಹಿಡಿದಿರುವ ಶಿವಣ್ಣನ ಔಟ್‍ಲುಕ್ ಹೊರಬಿದ್ದಿದೆ.

    ಚಿತ್ರಕ್ಕೆ ಮಲಯಾಳಿ ಚೆಲುವೆ ಇನಿಯಾ ನಾಯಕಿ. ಮೋಹನ್‍ಲಾಲ್ ಜೊತೆ ನಟಿಸಿ ಸೈ ಎನಿಸಿಕೊಂಡಿದ್ದ ಇನಿಯಾ, ದ್ರೋಣ ಮೂಲಕ ಕನ್ನಡಕ್ಕೆ ಬರುತ್ತಿದ್ದಾರೆ. ರಂಗಾಯಣ ರಘು, ಸಾಧುಕೋಕಿಲ ಮೊದಲಾದವರು ನಟಿಸುತ್ತಿರುವ ಚಿತ್ರ ದ್ರೋಣ.

    ಅಂದಹಾಗೆ ದ್ರೋಣ, ಜಗ್ಗೇಶ್ ನಿರ್ಮಾಣದ ಮೊದಲ ಚಿತ್ರ. 1998ರಲ್ಲಿ ತೆರೆಗೆ ಬಂದಿದ್ದ ಸಿನಿಮಾ, ಹಿಟ್ ಆಗಿತ್ತು. ಈಗ ಸರಿಯಾಗಿ 20 ವರ್ಷಗಳ ನಂತರ ದ್ರೋಣ ಎಂಬ ಹೆಸರಿನ ಚಿತ್ರ ಸೆಟ್ಟೇರುತ್ತಿದೆ. ಈ ಬಾರಿ ಶಿವರಾಜ್‍ಕುಮಾರ್.

  • ಧ್ರುವ ಸರ್ಜಾ, ಶಿವಣ್ಣ ಜೋಡಿ ಸಂಭ್ರಮ

    shivanna, dhruva during bharjari 75 days

    ಹ್ಯಾಟ್ರಿಕ್ ಹೀರೋ ಎಂದರೆ, ಕನ್ನಡಿಗರಿಗೆ ತಕ್ಷಣ ನೆನಪಾಗೋದು ಶಿವರಾಜ್ ಕುಮಾರ್. ಆನಂದ್, ರಥಸಪ್ತಮಿ ಹಾಗೂ ಮನಮೆಚ್ಚಿದ ಹುಡುಗಿ ಚಿತ್ರಗಳು ಸತತವಾಗಿ ಹಿಟ್ ಆಗಿ ಶಿವರಾಜ್ ಕುಮಾರ್‍ಗೆ ಸಿಕ್ಕಿದ್ದು ಬಿರುದು ಅದು. ಈಗ ಅದೇ ಹಾದಿಯಲ್ಲಿರೋದು ಧ್ರುವ ಸರ್ಜಾ.

    ವಿಶೇಷವೇನು ಗೊತ್ತಾ..? ಸಂತೋಷ್‍ನಲ್ಲಿ ಮಫ್ತಿ ಚಿತ್ರ ಭರ್ಜರಿಯಾಗಿ ಓಡುತ್ತಿದ್ದರೆ, ಅದರ ಪಕ್ಕದಲ್ಲೇ ಭರ್ಜರಿ ಶತದಿನೋತ್ಸವ ಸಮೀಪಿಸುತ್ತಿದೆ. ಚಿತ್ರದ 75ನೇ ದಿನದ ಸಂಭ್ರಮಕ್ಕೆ ಧ್ರುವ ಬಂದಿದ್ದರೆ, ಮಫ್ತಿ ಚಿತ್ರವನ್ನು ಪ್ರೇಕ್ಷಕರ ಜೊತೆ ನೋಡಲು ಶಿವರಾಜ್ ಕುಮಾರ್ ಬಂದಿದ್ದರು. 

    ಸಂಭ್ರಮವನ್ನು ಇಬ್ಬರೂ ಒಟ್ಟಿಗೇ ಆಚರಿಸಿದ್ದು ವಿಶೇಷವಾಗಿತ್ತು. ಈ ವೇಳೆ ಮಾತನಾಡಿದ ಧ್ರುವಾ ಶಿವರಾಜ್ ಕುಮಾರ್ ಕಾಲಿಗೆ ನಮಸ್ಕರಿಸಿದರು. ಕನ್ನಡಕ್ಕೊಬ್ಬರೇ ಹ್ಯಾಟ್ರಿಕ್ ಹೀರೋ, ಅದು ಶಿವಣ್ಣ ಎಂದರು. 

    ಧ್ರುವ ಸರ್ಜಾ ಬೆನ್ನು ತಟ್ಟಿದ ಶಿವಣ್ಣ, ಆರಂಭದ ದಿನಗಳನ್ನು ನೆನಪಿಸಿಕೊಂಡರು. ಧ್ರುವ ಸರ್ಜಾ ಸತತ ಹ್ಯಾಟ್ರಿಕ್ ಹಿಟ್ ನೀಡಿರುವುದನ್ನು ಅಭಿಮಾನಿಗಳ ಜೊತೆ ಸಂಭ್ರಮಿಸಿದರು.

    Related Articles :-

    Shivarajakumar Attends Bharjari 75 Days Celebrations

  • ಧ್ವಜಾರೋಹಣ.. ಜನಗಣಮನ.. ಮಾಸ್​ ಲೀಡರ್ ಸಂಭ್ರಮ

    shivarajkumar image

    ಶಿವರಾಜ್ ಕುಮಾರ್ ಅಭಿನಯದ ಮಾಸ್ ಲೀಡರ್ ಚಿತ್ರ ರಾಜ್ಯಾದ್ಯಂತ ಯಶಸ್ವಿ ಪ್ರದರ್ಶನ ಕಾಣ್ತಾ ಇದೆ. ದೇಶಪ್ರೇಮದ ಕಥೆಯನ್ನೇ ಹೊಂದಿರುವ ಚಿತ್ರ ಪ್ರೇಕ್ಷಕರಿಗೂ ಇಷ್ಟವಾಗಿದೆ. ಈ ಹಿನ್ನೆಲೆಯಲ್ಲಿ ಚಿತ್ರತಂಡ ಬೆಂಗಳೂರಿನ ವೀರೇಶ್ ಚಿತ್ರಮಂದಿರದಲ್ಲಿ ಧ್ವಜಾರೋಹಣ ಮಾಡಿ ಸಂಭ್ರಮ ಆಚರಿಸಿತು. ನೂರು ಆಟೋಗಳೊಂದಿಗೆ ಶಿವರಾಜ್ ಕುಮಾರ್ ಮೆರವಣಿಗೆ ನಡೆಯಿತು. 

    ಧ್ವಜಾರೋಹಣ ಮಾಡಿ ಮಾತನಾಡಿದ ಶಿವರಾಜ್ ಕುಮಾರ್, ಪ್ರತಿ ವರ್ಷ ಮನೆಯಲ್ಲಿ ಸಂಭ್ರಮಾಚರಣೆ ನಡೆಯುತ್ತಿತ್ತು. ಈ ಬಾರಿ ಸಿನಿಮಾ ಬಿಡುಗಡೆ ಹಿನ್ನೆಲೆಯಲ್ಲಿ ಹೊರಗೆ ಧ್ವಜಾರೋಹಣ ಮಾಡಿದ್ದೇವೆ ಎಂದರು.

    ಆಗಸ್ಟ್ 15 ಶಿವರಾಜ್ ಕುಮಾರ್ ತಮ್ಮ ರಾಘವೇಂದ್ರ ರಾಜ್​ಕುಮಾರ್ ಹುಟ್ಟುಹಬ್ಬವೂ ಹೌದು. ತಮ್ಮನಿಗೆ ನೂರಾರು ವರ್ಷ ಚೆನ್ನಾಗಿ ಬಾಳು ಎಂದು ಶುಭ ಹಾರೈಸಿದರು ಶಿವಣ್ಣ.

  • ನನಗಾಗಿ ಅಲ್ಲ, ಕಥೆಗಾಗಿ ಕವಚ ನೋಡಿ - ಶಿವರಾಜ್ ಕುಮಾರ್

    watch kavacha not for me says shivarajkumar

    ಕವಚ, ಬಹುದಿನಗಳ ತೂಗುಯ್ಯಾಲೆಯ ಬಳಿಕ ತೆರೆಗೆ ಬರುತ್ತಿರುವ ಸಿನಿಮಾ. ಸುದೀರ್ಘ ವಿರಾಮದ ನಂತರ ಶಿವಣ್ಣ ನಟಿಸಿರುವ ರೀಮೇಕ್ ಸಿನಿಮಾ. ಡಿಸೆಂಬರ್‍ನಲ್ಲಿಯೇ ತೆರೆಗೆ ಬರಬೇಕಿದ್ದ ಕವಚ, ಏಪ್ರಿಲ್‍ಗೆ ಬರುತ್ತಿದೆ. ಕವಚ ಚಿತ್ರದಲ್ಲಿ ಶಿವಣ್ಣ, ಇದೇ ಮೊದಲ ಬಾರಿಗೆ ಅಂಧನಾಗಿ ನಟಿಸಿದ್ದಾರೆ.

    ಇದು ಬೇರೆಯೇ ಜಾನರ್‍ನ ಸಿನಿಮಾ. ಒಳ್ಳೆಯ ಕಥೆ. ನೀವು ಇಲ್ಲಿ ರೆಗ್ಯುಲರ್ ಶಿವರಾಜ್ ಕುಮಾರ್ ನೋಡಲೆಂದು ಬಂದರೆ ಸಿಕ್ಕೋದಿಲ್ಲ. ಈ ಸಿನಿಮಾವನ್ನು ನನಗಾಗಿ ಅಲ್ಲ, ಕಥೆಗಾಗಿ ನೋಡಬೇಕು ಎಂದಿದ್ದಾರೆ ಶಿವಣ್ಣ.

    ಜಿವಿಆರ್ ವಾಸು ನಿರ್ದೇಶನದ ಕವಚ, ಮಲಯಾಳಂನ ಒಪ್ಪಂ ಚಿತ್ರದ ರೀಮೇಕ್. ಒಂದೊಳ್ಳೆಯ ಕಥೆ ಕನ್ನಡಿಗರಿಗೆ ಮಿಸ್ ಆಗಬಾರದು ಎಂಬ ಕಾರಣಕ್ಕೆ ಈ ಚಿತ್ರ ಒಪ್ಪಿಕೊಂಡೆ ಎಂದಿರುವ ಶಿವಣ್ಣ, ರೀಮೇಕ್ ಒಪ್ಪಿಕೊಂಡಿದ್ದಕ್ಕೆ ಕಾರಣವನ್ನೂ ಕೊಟ್ಟಿದ್ದಾರೆ.

  • ನಾಗರಹಾವು ನೋಡಿದ ಶಿವಣ್ಣ, ಜಗ್ಗೇಶ್

    nagarahaavu is superhit across karnataka

    ಸಾಹಸಸಿಂಹ ಡಾ.ವಿಷ್ಣುವರ್ಧನ್ ಅಭಿನಯದ ನಾಗರಹಾವು, ಬಾಕ್ಸಾಫೀಸ್‍ನ್ನು ಚಿಂದಿ ಉಡಾಯಿಸುತ್ತಿದೆ. ಹೊಸ ಸಿನಿಮಾಗೆ ಬರುವಂತೆ ಪ್ರೇಕ್ಷಕರು ಥಿಯೇಟರ್‍ಗೆ ಓಡೋಡಿ ಬರುತ್ತಿರುವುದು ಕ್ಲಾಸಿಕ್ ಸಿನಿಮಾ ಪವರ್‍ಗೆ ಸಾಕ್ಷಿಯಾಗುತ್ತಿದೆ. ಈ ಸಿನಿಮಾವನ್ನು ಥಿಯೇಟರ್‍ನಲ್ಲೇ ನೋಡೋದಾಗಿ ಚಿತ್ರೋದ್ಯಮದ ಹಲವರು ಹೇಳಿದ್ದರು. ಹ್ಯಾಟ್ರಿಕ್ ಹೀರೋ ಶಿವರಾಜ್‍ಕುಮಾರ್, ಇತ್ತೀಚೆಗೆ ನರ್ತಕಿ ಚಿತ್ರಮಂದಿರದಲ್ಲಿ ಅಭಿಮಾನಿಗಳ ಜೊತೆ ಕುಳಿತು ಚಿತ್ರ ನೋಡಿದ್ದಾರೆ. ಜಗ್ಗೇಶ್ ಕೂಡಾ, ಸಿನಿಮಾ ನೋಡಿ, ಹೊಸ ತಂತ್ರಜ್ಞಾನದಲ್ಲಿ ಹೊಸ ನಾಗರಹಾವು ಅದ್ಭುತವಾಗಿದೆ ಎಂದಿದ್ದಾರೆ.

    ಶಿವರಾಜ್‍ಕುಮಾರ್ ಜೊತೆ ರವಿಚಂದ್ರನ್ ಸೋದರ ಬಾಲಾಜಿ ಕೂಡಾ ಸಿನಿಮಾ ನೋಡಿದರು. ಈಶ್ವರಿ ಸಂಸ್ಥೆಯ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ ಶಿವರಾಜ್‍ಕುಮಾರ್, ಇದೇ ವೇಳೆ ವಿಷ್ಣುವರ್ಧನ್ ಸ್ಮಾರಕ ನಿರ್ಮಾಣದ ಬಗ್ಗೆಯೂ ಮಾತನಾಡಿದ್ದಾರೆ.

    ವಿಷ್ಣುವರ್ಧನ್ ಸ್ಮಾರಕ ಆಗಬೇಕು. ಆಗುತ್ತೆ. ಈ ಕುರಿತು ಎಲ್ಲ ಪ್ರಯತ್ನವನ್ನೂ ಮಾಡುತ್ತೇವೆ ಎಂದಿದ್ದಾರೆ.

    ಇದೆಲ್ಲದರ ಮಧ್ಯೆ ಸಿನಿಮಾವನ್ನು ಹೊರರಾಜ್ಯಗಳಲ್ಲೂ ರಿಲೀಸ್ ಮಾಡೋಕೆ ವಿತರಕರು ಮುಂದಾಗಿದ್ದಾರೆ. ಕೆಲವೇ ದಿನಗಳಲ್ಲಿ ಅಲಹಾಬಾದ್, ಹೈದರಾಬಾದ್‍ಗಳಲ್ಲೂ ನಾಗರಹಾವು ಭುಸುಗುಟ್ಟಲಿದೆ.

  • ನಿರ್ಮಾಪಕರ ಪಾಲಿಗೆ ಹೀರೋ ಆಗ್ತಾನಾ ವಿಲನ್..?

    the villain demands more share from multiplex

    ದಿ ವಿಲನ್ ಚಿತ್ರ, ಕನ್ನಡ ಚಿತ್ರರಂಗದ ಎಲ್ಲ ನಿರ್ಮಾಪಕರ ಪಾಲಿಗೆ ಹೀರೋ ಆಗುತ್ತಾ..? ಅಂಥದ್ದೊಂದು ಚರ್ಚೆಗೆ ನಾಂದಿ ಹಾಡಿದೆ ವಿಲನ್ ಸಿನಿಮಾ. ದಿ ವಿಲನ್ ಚಿತ್ರ ಅಕ್ಟೋಬರ್ 18ಕ್ಕೆ ಬಿಡುಗಡೆಯಾಗುತ್ತಿದ್ದು, ಮಲ್ಟಿಪ್ಲೆಕ್ಸ್‍ಗಳು ಸಿನಿಮಾ ಲಾಭಾಂಶದ ಷೇರ್‍ನ್ನು 50:50 ಅನುಪಾತಕ್ಕಿಂತ ಹೆಚ್ಚು ಕೊಡುವಂತೆ ಚಿತ್ರ ತಂಡ ಫಿಲಂ ಚೇಂಬರ್‍ಗೆ ಮನವಿ ಮಾಡಿದೆ.

    ಈಗ ಇರುವ ನಿಯಮಗಳ ಪ್ರಕಾರ, ಮಲ್ಟಿಪ್ಲೆಕ್ಸ್‍ಗಳು ಸಿನಿಮಾ ಪ್ರದರ್ಶನದಿಂದ ಲಾಭದಲ್ಲಿ ನಿರ್ಮಾಪಕರಿಗೆ ಶೇ.50ರಷ್ಟು ಮೊತ್ತ ನೀಡಿ, ಉಳಿದ ಶೇ.50ರಷ್ಟನ್ನು ತಾವು ಪಡೆದುಕೊಳ್ಳುತ್ತಿವೆ. ಇರಿಂದ ದೊಡ್ಡ ದೊಡ್ಡ ಸಿನಿಮಾಗಳಿಗೆ ನಷ್ಟವೇ ಹೆಚ್ಚು ಅನ್ನುವುದು ದಿ ವಿಲನ್ ತಂಡದ ವಾದ. ಅಲ್ಲದೆ ಆಂಧ್ರಪ್ರದೇಶದಲ್ಲಿ ನಿರ್ಮಾಪಕರಿಗೆ ಶೇ.55 ಮತ್ತು ಮಲ್ಟಿಪ್ಲೆಕ್ಸ್‍ನವರಿಗೆ ಶೆ.45 ಲಾಭಾಂಶ ಹಂಚಿಕೆ ಸೂತ್ರವಿದೆ. ಕರ್ನಾಟಕದಲ್ಲಿ 60:40 ಹಂಚಿಕೆ ಸೂತ್ರ ಮಾಡುವಂತೆ ಚಿತ್ರತಂಡ ಮನವಿ ಮಾಡಿದೆ.

    ಈ ಕುರಿತು ಫಿಲಂ ಚೇಂಬರ್ ಅಧ್ಯಕ್ಷ ಚಿನ್ನೇಗೌಡ ಮಲ್ಟಿಪ್ಲೆಕ್ಸ್ ಮಾಲೀಕರೊಂದಿಗೆ ಸಭೆ ನಡೆಸಿದ್ದಾರೆ. ಮಲ್ಟಿಪ್ಲೆಕ್ಸ್ ಮಾಲೀಕರಿಂದಲೂ ಸಕಾರಾತ್ಮಕ ಪ್ರತಿಕ್ರಿಯೆ ಸಿಕ್ಕಿದೆ. ಸಭೆಯಲ್ಲಿ ನಿರ್ದೇಶಕ ಪ್ರೇಮ್, ನಿರ್ಮಾಪಕರು ಮತ್ತು ವಿತರಕರೂ ಆಗಿರುವ ಜಾಕ್ ಮಂಜು, ಜಯಣ್ಣ, ಕೆ.ಮಂಜು, ರಮೇಶ್ ಯಾದವ್, ಎನ್.ಕುಮಾರ್ ಮೊದಲಾದವರು ಭಾಗವಹಿಸಿದ್ದರು.

  • ಪತ್ನಿ, ತಮ್ಮನೊಂದಿಗೆ ಶಿವಣ್ಣ ಹುಟ್ಟುಹಬ್ಬ

    shivarajkumar celebrates his birthday post surgery

    ಹ್ಯಾಟ್ರಿಕ್ ಹೀರೋ ಶಿವರಾಜ್‍ಕುಮಾರ್, ಲಂಡನ್‍ನಲ್ಲಿಯೇ ತಮ್ಮ ಹುಟ್ಟುಹಬ್ಬ ಆಚರಿಸಿಕೊಂಡಿದ್ದಾರೆ. ಬಲಭುಜದ ಶಸ್ತ್ರ ಚಿಕಿತ್ಸೆಗಾಗಿ ತೆರಳಿರುವ ಶಿವಣ್ಣ ಅಪರೇಷನ್ ಮುಗಿದಿದೆ. ಶಸ್ತ್ರ ಚಿಕಿತ್ಸೆ ಯಶಸ್ವಿಯಾಗಿದೆ.

    ಪತ್ನಿ ಗೀತಾ ಶಿವರಾಜ್‍ಕುಮಾರ್ ಹಾಗೂ ತಮ್ಮ ಪುನೀತ್ ರಾಜ್‍ಕುಮಾರ್ ಯೋಗಕ್ಷೇಮ ನೋಡಿಕೊಳ್ಳುತ್ತಿದ್ದಾರೆ. ಈ ನಡುವೆಯೇ ಶಿವಣ್ಣನ ಹುಟ್ಟುಹಬ್ಬಕ್ಕೆ ಕೇಕ್ ಕತ್ತರಿಸಿ, ಶುಭ ಹಾರೈಸಿದ್ದಾರೆ ಗೀತಾ ಮತ್ತು ಪುನೀತ್.

    ಹ್ಯಾಪಿ ಹುಟ್ದಬ್ಬ ಶಿವಣ್ಣ.

  • ಪದ್ಮಾವತಿ ವಿರೋಧಿಗಳು ಶಿವಣ್ಣನ್ನೂ ಬಿಡಲಿಲ್ಲ..!

    shivarajkumar trolled by padmavathi haters

    ಶಿವರಾಜ್ ಕುಮಾರ್ ಇತ್ತೀಚೆಗೆ ಪದ್ಮಾವತಿ ಚಿತ್ರದ ಕುರಿತು ಹೇಳಿಕೆ ನೀಡಿದ್ದರು. ಸಂಜಯ್ ಲೀಲಾ ಬನ್ಸಾಲಿ ಒಬ್ಬ ಉತ್ತಮ ನಿರ್ದೇಶಕ. ಪದ್ಮಾವತಿ ಚಿತ್ರದ ಬಗ್ಗೆ ಬಿಡುಗಡೆಗೆ ಮುನ್ನವೇ ಮಾತನಾಡಬೇಡಿ. ಚಿತ್ರದಲ್ಲಿ ಏನಿದೆ..ಏನಿಲ್ಲ ಎಂದು ಮೊದಲು ನೋಡಿ. ಚಿತ್ರವನ್ನೇ ನೋಡದೆ, ಅದರಲ್ಲಿ ಏನಿದೆ ಎಂಬುದೂ ಗೊತ್ತಿಲ್ಲದೆ ಚಿತ್ರವನ್ನು ಟೀಕಿಸಬೇಡಿ ಎಂದಿದ್ದರು. ಆ ಮೂಲಕ ಬನ್ಸಾಲಿಗೆ ಬೆಂಬಲ ಘೋಷಿಸಿದ್ದರು.

    ಶಿವಣ್ಣನವರ ಈ ಹೇಳಿಕೆ, ಸಂಚಲನ ಸೃಷ್ಟಿಸಿದ್ದು ಸುಳ್ಳಲ್ಲ. ಇದಕ್ಕೂ  ಮೊದಲು ಕೆಲವರು ಬೆಂಬಲ ವ್ಯಕ್ತಪಡಿಸಿದ್ದು ನಿಜ. ಆದರೆ, ಸ್ಟಾರ್ ನಟರೊಬ್ಬರು ಬಹಿರಂಗವಾಗಿ ಹೇಳಿಕೆ ನೀಡುವ ಸಾಹಸ ಮಾಡಿರಲಿಲ್ಲ. ಶಿವಣ್ಣ ಇಂಥಾದ್ದೊಂದು ಹೇಳಿಕೆ ನೀಡಿದ್ದೇ ತಡ, ಪದ್ಮಾವತಿ ವಿರುದ್ಧ ಆ್ಯಕ್ಟಿವ್ ಆಗಿರುವವರು ಶಿವಣ್ಣ ವಿರುದ್ಧ ತಿರುಗಿಬಿದ್ದಿದ್ದಾರೆ.

    ನಿಮಗ್ಯಾಕೆ, ಊರ ಉಸಾಬರಿ..? ಎಂದು ಕೆಲವರು ಪ್ರಶ್ನಿಸಿದ್ದಾರೆ. ನಿಮ್ಮ ತಂದೆ ಮಯೂರ, ಶ್ರೀಕೃಷ್ಣದೇವರಾಯದಂತಹ ಸಿನಿಮಾ ಮಾಡಿ, ಹಿಂದೂ ಸಂಸ್ಕøತಿಯನ್ನು ಎತ್ತಿ ಹಿಡಿದು ಅಣ್ಣಾವ್ರಾದರು ಎಂಬುದನ್ನು ಮರೆಯಬೇಡಿ ಎಂದಿದ್ದಾರೆ.

    ಇನ್ನೂ ಕೆಲವರು ಶಿವರಾಜ್ ಕುಮಾರ್ ಬೆಂಬಲಕ್ಕೆ ಬಂದಿದ್ದಾರೆ. ಶಿವಣ್ಣ ಹೇಳಿರೋದ್ರಲ್ಲಿ ತಪ್ಪೇನಿಲ್ಲ. ಸಿನಿಮಾದಲ್ಲಿ ಏನಿದೆ ಅನ್ನೋದು ಯಾರಿಗೂ ಗೊತ್ತಿಲ್ಲ. ರಿಲೀಸ್‍ಗೆ ಮುಂಚೆ ಹೀಗ್ಯಾಕೆ ಕೂಗಾಡ್ತಾರೋ ಅರ್ಥವಾಗುತ್ತಿಲ್ಲ. ಶಿವರಾಜ್ ಕುಮಾರ್ ಈಸ್ ರೈಟ್ ಎಂದಿದ್ದಾರೆ.

    ಈ ಟ್ರೋಲ್‍ಗಳಿಗೆಲ್ಲ ಶಿವರಾಜ್ ಕುಮಾರ್ ಹೇಳಿರೋದು ಇಷ್ಟೆ. ಆ ಸಿನಿಮಾ ರಿಲೀಸ್ ಆಗುತ್ತೆ. ಆಗ, ಚಿತ್ರದಲ್ಲಿ ಇವರು ಹೇಳ್ತಿರೋ ರೀತಿ ಪದ್ಮಾವತಿಯನ್ನು ತಪ್ಪಾಗಿ ತೋರಿಸಿಲ್ಲ ಎಂದರೆ, ಆಗ ಏನು ಮಾಡ್ತಾರೆ..? ಇದು ಅವರು ಕೇಳುತ್ತಿರುವ ಪ್ರಶ್ನೆ. ನನ್ನ ವಿರುದ್ಧ ಟ್ರೋಲ್ ಮಾಡುವುದರಿಂದ ನನಗೇನೂ ಆಗೋದಿಲ್ಲ. ಒಬ್ಬ ಕಲಾವಿದನಾಗಿ ಇನ್ನೊಬ್ಬ ಕಲಾವಿದನಿಗೆ ಬೆಂಬಲ ನೀಡಿದ್ದೇನೆ. ನಾನು ಪ್ರಾಮಾಣಿಕವಾಗಿದ್ದೇನೆ ಎಂದಿದ್ದಾರೆ.

  • ಪುಣ್ಯಕ್ಷೇತ್ರ ಕದ್ರಿಯಲ್ಲಿ ಶಿವರಾಜ್ ಕುಮಾರ್

    shivarajkuamar kadri visit

    ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಮಂಗಳೂರಿನ ಕದ್ರಿ ದೇವಾಲಯಕ್ಕೆ ಭೇಟಿ ನೀಡಿ ವಿಶೇಷ ಪೂಜೆ ನೆರವೇರಿಸಿದ್ದಾರೆ.  ಕದ್ರಿ ಮೈದಾನದಲ್ಲಿ ಸ್ಟಾರ್ ನೈಟ್ಸ್ ಕಾರ್ಯಕ್ರಮದಲ್ಲಿ ಭಾಗವಹಿಸಲು ಮಂಗಳೂರಿಗೆ ಆಗಮಿಸಿದ್ದ ಶಿವರಾಜ್ ಕುಮಾರ್, ಕದ್ರಿಗೆ ಭೇಟಿ ನೀಡಿ ಮಂಜುನಾಥನಿಗೆ ಪೂಜೆ ಸಲ್ಲಿಸಿದರು.

    ದೇಗುಲಕ್ಕೆ ಆಗಮಿಸಿದ್ದ ಭಕ್ತರು ಶಿವರಾಜ್ ಕುಮಾರ್ ಜೊತೆ ಸೆಲ್ಫಿ ತೆಗೆದುಕೊಂಡು ಸಂಭ್ರಮಿಸಿದರು. ವಿಟ್ಲಪಿಂಡಿ ಹಾಗೂ ಶ್ರೀಕೃಷ್ಣ ಜನ್ಮಾಷ್ಟಮಿ ಹಿನ್ನೆಲೆಯಲ್ಲಿ ಉಡುಪಿಯ ಕೃಷ್ಣ ಮಠಕ್ಕೆ ಭೇಟಿ ನೀಡಿ ಶ್ರೀಕೃಷ್ಣನ ದರ್ಶನ ಪಡೆದಿದ್ದ ಶಿವರಾಜ್ ಕುಮಾರ್, ಪುಟಾಣಿ ಕೃಷ್ಣರನ್ನು ಎತ್ತಿಕೊಂಡು ಮುದ್ದಾಡಿದ್ದರು. ಪೇಜಾವರ ಶ್ರೀಗಳನ್ನು ಭೇಟಿ ಮಾಡಿ ಆಶೀರ್ವಾದ ಪಡೆದಿದ್ದರು.

    ಟಗರು ಶೂಟಿಂಗ್​ ಕೂಡಾ ಅಲ್ಲಿಯೇ ನಡೆಯುತ್ತಿದ್ದು, ಬಿಡುವಿಲ್ಲದ ಕಾರ್ಯಕ್ರಮಗಳ ಮಧ್ಯೆಯೂ ಪುಣ್ಯಕ್ಷೇತ್ರ ದರ್ಶನ ಮಾಡುತ್ತಲೇ ಇದ್ದಾರೆ ಶಿವರಾಜ್ ಕುಮಾರ್.

  • ಪುನರ್ ಪರಿಶೀಲನಾ ಸೆನ್ಸಾರ್‍ಗೆ ದಿ ವಿಲನ್ 

    the villain goes to revising committeee

    ಶಿವರಾಜ್‍ಕುಮಾರ್ ಮತ್ತು ಕಿಚ್ಚ ಸುದೀಪ್ ಅಭಿನಯದ ದಿ ವಿಲನ್ ಚಿತ್ರಕ್ಕೆ ಸೆನ್ಸಾರ್ ಮಂಡಳಿ ಎ ಸರ್ಟಿಫಿಕೇಟ್ ಪ್ರಮಾಣಪತ್ರ ನೀಡುತ್ತೇವೆ ಎಂದಿದ್ದಾರೆ. ಈ ಸರ್ಟಿಫಿಕೇಟ್ ಕೊಡೋಕೆ ಅವರು ನೀಡುತ್ತಿರುವ ಕಾರಣಗಳಿವೆ. ಚಿತ್ರದಲ್ಲಿ ಆ್ಯಕ್ಷನ್ ದೃಶ್ಯಗಳಿವೆ. ಭಾರತೀಯರು ಬ್ರಿಟಿಷರ ಬಗ್ಗೆ ಮಾತನಾಡುವ ಡೈಲಾಗ್‍ಗಳಿವೆ. ಅಂಡರ್‍ವಲ್ರ್ಡ್ ಸಬ್ಜೆಕ್ಟ್. ಹೀಗಾಗಿ ಎ ಪ್ರಮಾಣ ಪತ್ರ ಎನ್ನುತ್ತಿದ್ದಾರೆ ಸೆನ್ಸಾರ್ ಅಧಿಕಾರಿಗಳು.

    ನಾವು ಮಾಡಿರುವು ಫ್ಯಾಮಿಲಿ ಓರಿಯಂಟೆಡ್ ಕಮರ್ಷಿಯಲ್ ಸಿನಿಮಾ. ಚಿತ್ರದಲ್ಲಿ ಮದರ್ ಸೆಂಟಿಮೆಂಟ್ ಕೂಡಾ ಇದೆ. ಎ ಸರ್ಟಿಫಿಕೇಟ್ ಕೊಟ್ಟರೆ, ಮಲ್ಟಿಪ್ಲೆಕ್ಸ್‍ಗಳಲ್ಲಿ ಪ್ರಾಬ್ಲಂ ಆಗುತ್ತೆ. ಯು/ಎ ಪ್ರಮಾಣ ಪತ್ರವನ್ನಾದರೂ ಕೊಟ್ಟರೆ ಒಳ್ಳೆಯದು. ಹೀಗಾಗಿ ಚಿತ್ರವನ್ನು ರಿವೈಸಿಂಗ್ ಕಮಿಟಿಗೆ ಒಯ್ಯುವುದಾಗಿ ತಿಳಿಸಿದ್ದಾರೆ ನಿರ್ದೇಶಕ ಪ್ರೇಮ್.

    ಸಿ.ಆರ್.ಮನೋಹರ್ ನಿರ್ಮಾಣದ ಚಿತ್ರವನ್ನು ಗೌರಿಗಣೇಶ ಹಬ್ಬಕ್ಕೆ ಬಿಡುಗಡೆ ಮಾಡಲು ಸಿದ್ಧತೆ ನಡೆದಿದೆ. ರಿವೈಸಿಂಗ್ ಕಮಿಟಿ ನಿರ್ಧಾರ ಏನಾಗಲಿದೆಯೋ.. ಕಾಯಬೇಕಷ್ಟೆ.

  • ಪೌರಕಾರ್ಮಿಕನ ಮನೆ ಗೃಹಪ್ರವೇಶಕ್ಕೆ ಶಿವಣ್ಣ

    shivarajkumar visits labor house ceremony

    ಒಂದರ ಹಿಂದೊಂದು ಸಿನಿಮಾ ಶೂಟಿಂಗ್, ಸಿನಿಮಾ ರಿಲೀಸ್, ವೆಬ್‍ಸಿರೀಸ್.. ಹೀಗೆ ಶಿವಣ್ಣ ಸದಾ ಬ್ಯುಸಿ. ಇಷ್ಟು ಬ್ಯುಸಿಯಾಗಿರೋ ಶಿವಣ್ಣ ಮೈಸೂರಿನ ಅಶೋಕಪುರಂನ ಪೌರಕಾರ್ಮಿಕರ ಕಾಲೋನಿಯಲ್ಲಿರುವ ಪೌರ ಕಾರ್ಮಿಕ ಎನ್.ಮಾರ ಮನೆಗೆ ಭೇಟಿ ಕೊಟ್ಟರು. ಮನೆಯಲ್ಲಿ ದೇವರಿಗೆ ಪೂಜೆ ಮಾಡಿ, ತಾವೇ ಸಿಹಿಯನ್ನೂ ಹಂಚಿದರು.

    ಕಳೆದ ಗುರುವಾರ ಮಾರ ಮನೆಗೆ ಗೃಹಪ್ರವೇಶವಿತ್ತು. ಕೊನೆಯ ಕ್ಷಣದಲ್ಲಿ ಹೋಗಲಾಗದೆ ಫೋನಿನಲ್ಲಿ ಶುಭ ಕೋರಿದ್ದ ಶಿವಣ್ಣ, ನಂತರ ಹೋಗಿ ಮಾರನ ಕುಟುಂಬಕ್ಕೆ ಶುಭ ಕೋರಿದ್ದಾರೆ. 

  • ಪ್ರೇಮ್ ಹೇಳಿದ ಆ್ಯಮಿಯ ಸಿಂಪಲ್ ಸ್ಟೋರಿ

    prem talks about amy jackson

    ದಿ ವಿಲನ್ ಚಿತ್ರದ ನಾಯಕಿ ಆ್ಯಮಿ ಜಾಕ್ಸನ್. ಇದಕ್ಕೂ ಮೊದಲು ಜಾನ್ ಅಬ್ರಹಾಂ, ವಿಕ್ರಂ, ರಾಮ್‍ಚರಣ್ ತೇಜ, ಅಕ್ಷಯ್ ಕುಮಾರ್, ಪ್ರಭುದೇವ, ರಜನಿಕಾಂತ್‍ರಂತಹ ಸ್ಟಾರ್‍ಗಳ ಜೊತೆ ನಟಿಸಿರುವವರು. ಸೂಪರ್ ಸ್ಟಾರ್ ರಜನಿ ಜೊತೆ ನಟಿಸಿರುವ 2.0 ಇನ್ನೂ ರಿಲೀಸ್ ಆಗಬೇಕಿದೆ. ಮೂಲತಃ ಬ್ರಿಟನ್ನಿನವರಾದ ಆ್ಯಮಿ ಜಾಕ್ಸನ್ ಅವರನ್ನು ಆಯ್ಕೆ ಮಾಡಿಕೊಳ್ಳೋಕೆ ಕಾರಣವೇ ಆಕೆಯ ಬ್ರಿಟಿಷ್ ಲುಕ್. ಪಾತ್ರಕ್ಕೆ  ಹೇಳಿ ಮಾಡಿಸಿದಂತಿರುವ ಆ ಲುಕ್‍ನಿಂದಾಗಿಯೇ ಅವರನ್ನು ಆಯ್ಕೆ ಮಾಡಿಕೊಳ್ಳಲಾಯ್ತು ಎಂದಿದ್ದಾರೆ ಪ್ರೇಮ್.

    ಸೆಟ್‍ನಲ್ಲಿ ಸಿಂಪಲ್ ಆಗಿರುತ್ತಿದ್ದ ಆ್ಯಮಿ ಜಾಕ್ಸನ್, ಮೇಕಪ್ ಹಾಕಿಕೊಂಡ ಮೇಲೆ ಸೆಟ್ ಬಿಟ್ಟು ಕದಲುತ್ತಲೇ ಇರಲಿಲ್ಲವಂತೆ. ಕ್ಯಾರವಾನ್‍ಗೂ ಹೋಗದೆ ಸೆಟ್‍ನಲ್ಲಿದ್ದವರ ಜೊತೆ ಬೆರೆಯತ್ತಿದ್ದರಂತೆ ಆ್ಯಮಿ ಜಾಕ್ಸನ್. 

    ಲಂಗ ದಾವಣಿಯಲ್ಲೂ ಆ್ಯಮಿ ಜಾಕ್ಸನ್ ಚೆಂದ ಕಾಣಿಸ್ತಾರೆ ಎಂದಿರುವ ಪ್ರೇಮ್, ಮೈಸೂರಿನಲ್ಲಿ ಆ್ಯಮಿ ಜಾಕ್ಸನ್‍ಗೆ ಮೈಸೂರು ಪಾಕ್ ತಿನ್ನಿಸಿದ ಕಥೆ ಹೇಳಿಕೊಂಡು ನಗುತ್ತಾರೆ. ಸರಳತೆ ವಿಚಾರಕ್ಕೆ ಬಂದ್ರೆ, ಶಿವಣ್ಣ ಹೇಗೋ.. ಆ್ಯಮಿ ಜಾಕ್ಸನ್ ಕೂಡಾ ಹಾಗೆ ಅಂತಾರೆ ಪ್ರೇಮ್.

    ಚಿತ್ರದ ಪ್ರಚಾರಕ್ಕೆ ಕೈ ಕೊಡುತ್ತಿದ್ದಾರೆ ಎಂದು ಬೇಸರಿಸಿಕೊಂಡಿದ್ದ ಪ್ರೇಮ್, ಆ್ಯಮಿ ಜಾಕ್ಸನ್ ಶೂಟಿಂಗ್ ವೇಳೆ ತುಂಬಾ ಕೋ ಆಪರೇಟ್ ಮಾಡಿದ್ದರು ಎನ್ನುವುದನ್ನು ಮರೆಯೋದಿಲ್ಲ.

Adi Lakshmi Purana Movie Gallery

Rightbanner02_butterfly_inside

Yaana Movie Gallery