` yash, - chitraloka.com | Kannada Movie News, Reviews | Image

yash,

  • ಅರ್ಜುನ್ ರೆಡ್ಡಿ ಆಗ್ತಾರಾ ಯಶ್..?

    will yash act in arun reddy remake movie

    ರಾಕಿಂಗ್ ಸ್ಟಾರ್ ಮುಂದಿನ ಚಿತ್ರ ರೀಮೇಕಾ..? ತೆಲುಗಿನ ಸೂಪರ್ ಹಿಟ್ ಸಿನಿಮಾ ಅರ್ಜುನ್ ರೆಡ್ಡಿ ಚಿತ್ರದಲ್ಲಿ ಯಶ್ ನಟಿಸಲಿದ್ದಾರಾ..? ಗಾಂಧಿನಗರದಲ್ಲಿ ಯಶ್ ಕುರಿತು ಇಂಥಾದ್ದೊಂದು ಸುದ್ದಿ ಭರ್ಜರಿಯಾಗಿ ಸದ್ದು ಮಾಡುತ್ತಿದೆ.

    ಅರ್ಜುನ್ ರೆಡ್ಡಿ, ತೆಲುಗಿನ ಚಿತ್ರ. ರೊಮ್ಯಾಂಟಿಕ್ ಮತ್ತು ಹಸಿಬಿಸಿ ದೃಶ್ಯಗಳು ಹೆಚ್ಚಿರುವ ಚಿತ್ರ. ಕಥೆ ನಡೆಯುವುದೂ ಕೂಡಾ ಕನ್ನಡ ಪರಿಸರದಲ್ಲಿ. ಆ ಚಿತ್ರವನ್ನು ಕನ್ನಡದಲ್ಲಿ ಮಾಡಬೇಕು ಎಂದು ರಾಕ್‍ಲೈನ್ ವೆಂಕಟೇಶ್ ರೀಮೇಕ್ ಹಕ್ಕು ಖರೀದಿಸಿದ್ದಾರಂತೆ. ಈಗಾಗಲೇ ತಮಿಳಿನಲ್ಲಿ ಧನುಷ್ ಈ ಪಾತ್ರ ಮಾಡುತ್ತಿದ್ದಾರೆ. ಕನ್ನಡದಲ್ಲಿ ಯಶ್ ಅವರನ್ನೇ ಆಯ್ಕೆ ಮಾಡಿಕೊಂಡರೆ ಚೆನ್ನಾಗಿರುತ್ತೆ ಎಂಬ ಅಭಿಪ್ರಾಯ ಕೇಳಿಬಂದಿದೆ.

    ಯಶ್ ಚಿತ್ರದಲ್ಲಿ ರೊಮ್ಯಾನ್ಸ್ ಇರುತ್ತಾದರೂ, ಅದು ಒಂದು ಲಿಮಿಟ್ ಮೀರುವುದಿಲ್ಲ. ಕಿಸ್ಸಿಂಗ್ ಸೀನ್‍ಗಳಂತೂ ಇಲ್ಲವೇ ಇಲ್ಲ. ಆದರೆ, ಅರ್ಜುನ್ ರೆಡ್ಡಿ ಚಿತ್ರದಲ್ಲಿ ಹಸಿಬಿಸಿ ದೃಶ್ಯಗಳು, ಓವರ್ ರೊಮ್ಯಾಂಟಿಕ್ ಸೀನ್‍ಗಳು, ಕಿಸ್ಸಿಂಗ್ ಸೀನ್‍ಗಳು ಬೇಜಾನ್ ಇವೆ. ಹೀಗಾಗಿ ಅದನ್ನು ಯಶ್ ಒಪ್ಪಿಕೊಳ್ಳುವುದೇ ಡೌಟು ಎಂಬ ಸುದ್ದಿಯೂ ಇದೆ. ಒಟ್ಟಿನಲ್ಲಿ ಅರ್ಜುನ್ ರೆಡ್ಡಿ ಕನ್ನಡಕ್ಕೆ ಬರುತ್ತಿರುವ ಸುದ್ದಿಗೆ ವೇಗ ಸಿಕ್ಕಿದೆ.

     

  • ಉಪೇಂದ್ರ ರಾಜಕೀಯ ಪ್ರವೇಶಕ್ಕೆ ಯಶ್ ಶುಭ ಹಾರೈಕೆ

    upendra, yash

    ಉಪೇಂದ್ರ ರಾಜಕೀಯ ಪ್ರವೇಶಕ್ಕೆ ರಾಕಿಂಗ್ ಸ್ಟಾರ್ ಯಶ್ ಶುಭ ಕೋರಿದ್ದಾರೆ. ನನ್ನ ಪ್ರಕಾರ ಉಪೇಂದ್ರ ತುಂಬಾ ಲೇಟ್ ಮಾಡಿದ್ರು. ಇನ್ನೂ ಬೇಗ ಬರಬೇಕಿತ್ತು.

    ಅವರ ಕನಸುಗಳ ಬಗ್ಗೆ ನಮಗೆಲ್ಲ ಚೆನ್ನಾಗಿ ಗೊತ್ತು. ಅವರಿಂದ ಸ್ಫೂರ್ತಿ ಪಡೆದು ಚಿತ್ರರಂಗಕ್ಕೆ ಬಂದವನು ನಾನು. ಜೊತೆಯಲ್ಲಿರುವವರನ್ನು `ಗೋ' ಎನ್ನುವವರು ಲೀಡರ್ ಆಗಲ್ಲ. `ಲೆಟ್ ಅಸ್ ಗೋ' ಎಂದು ಜೊತೆಯಲ್ಲಿ ಕರೆದುಕೊಂಡು ಹೋಗುವವರು ಲೀಡರ್ ಆಗ್ತಾರೆ.

    ಅವರಲ್ಲಿ ಲೀಡರ್ ಶಿಪ್ ಕ್ವಾಲಿಟಿ ಇದೆ. ಅವರ ಕನಸುಗಳು ನನಸಾಗಲಿ. ಅವರ ಜೊತೆ ಕೈಜೋಡಿಸೋಣ. ಅವರು ಹೋಗುತ್ತಿರುವ ಸರಿಯಾಗಿಯೇ ಇದೆ. ಪ್ರಜಾಕೀಯ ಎಂಬ ಹೊಸ ಹೆಸರನ್ನು ಕೊಟ್ಟಿದ್ದಾರೆ. ಅವರು ಒಳ್ಳೆಯದನ್ನೇ ಮಾಡುತ್ತಾರೆ. ಆ ನಂಬಿಕೆ ನನಗಿದೆ. ಅವರಿಗೆ ನನ್ನ ಬೆಂಬಲವಿದೆ ಎಂದಿದ್ದಾರೆ ಯಶ್.

  • ಌಂಕರ್ ಆದರು ರಾಕಿಂಗ್ ಸ್ಟಾರ್ ಯಶ್

    yash becomes anchor

    ರಾಕಿಂಗ್ ಸ್ಟಾರ್ ಯಶ್, ಕೆರೆ, ನೀರು ಎನ್ನುತ್ತಾ ಸಮಾಜಮುಖಿ ಕೆಲಸಗಳಲ್ಲಿ ತೊಡಗಿಸಿಕೊಂಡಿರುವುದು ಹೊಸದೇನೂ ಅಲ್ಲ. ಕೊಪ್ಪಳದ ಬಳಿ ಕೆರೆಯೊಂದರ ಜೀರ್ಣೋದ್ಧಾರ ಮಾಡಿಸಿರುವುದು ಯಶ್ ಸಾಧನೆ. 

    ಆದರೆ, ಈ ಬಾರಿ ಅವರು ನೀರಿಗಾಗಿ, ನದಿಗಳ ಉಳಿವಿಗಾಗಿ ಌಂಕರ್ ಆಗಿದ್ದಾರೆ. ಜಗ್ಗಿ ವಾಸುದೇವ್ ಅವರು ದೇಶಾದ್ಯಂತ ನದಿಗಳ ಉಳಿವಿಗಾಗಿ  ''Rally For Rivers‏'' ಅಭಿಯಾನ ಕೈಗೆತ್ತಿಕೊಂಡಿದ್ದಾರೆ. ಈ ಅಭಿಯಾನಕ್ಕೆ ಕನ್ನಡದಲ್ಲಿ ಈಗಾಗಲೇ ಪುನೀತ್ ರಾಜ್​ಕುಮಾರ್, ಗಣೇಶ್ ಸೇರಿದಂತೆ ಹಲವು ನಟರು ಬೆಂಬಲ ವ್ಯಕ್ತಪಡಿಸಿದ್ದಾರೆ. 

    ಈ ಅಭಿಯಾನದ ಮೂಲಪುರುಷ ಜಗ್ಗಿ ವಾಸುದೇವ್ ಅವರನ್ನು ಯಶ್ ನಿರೂಪಕರಾಗಿ ಸಂದರ್ಶನ ಮಾಡಿದ್ದಾರೆ. ಪ್ರೇಕ್ಷಕರ ಗ್ಯಾಲರಿಯಲ್ಲಿ ಕುಳಿತಿದ್ದ ರಾಧಿಕಾ ಪಂಡಿತ್, ಈ ಕಾರ್ಯಕ್ರಮದಲ್ಲಿ ವಿಶೇಷ ಆಹ್ವಾನಿತರಾಗಿದ್ದರು. ಸ್ವತಃ ಕೆರೆಗಳ ಉಳಿವಿಗಾಗಿ ಟೊಂಕ ಕಟ್ಟಿ ಹೊರಟಿರುವ ಯಶ್, ಸದ್ಗುರು ಅವರನ್ನು ಸಂದರ್ಶಿಸಲು ಉತ್ತಮ ಆಯ್ಕೆ ಎನ್ನುವುದು ಪ್ರೇಕ್ಷಕರ ಅಭಿಪ್ರಾಯವಾಗಿತ್ತು.  ಯಶ್ ಮತ್ತು ಸದ್ಗುರು ಸಂವಾದ' ಕಾರ್ಯಕ್ರಮ, ಇದೇ ಭಾನುವಾರ  ಜೀ-ಕನ್ನಡ ಚಾನೆಲ್​ನಲ್ಲಿ ಪ್ರಸಾರವಾಗಲಿದೆ.

  • ಎಡಿಟಿಂಗ್ ಟೇಬಲ್ ಮೇಲೆ ಕೆಜಿಎಫ್

    kgf post production work starts

    ಕನ್ನಡ ಚಿತ್ರರಂಗದ ಬಹುನಿರೀಕ್ಷಿತ ಸಿನಿಮಾ ಕೆಜಿಎಫ್ ಪೋಸ್ಟ್ ಪ್ರೊಡಕ್ಷನ್ ಹಂತ ತಲುಪಿದೆ. ರಾಕಿಂಗ್ ಸ್ಟಾರ್ ಯಶ್, ತಮ್ಮ ಪಾತ್ರಕ್ಕೆ ಡಬ್ಬಿಂಗ್ ಶುರು ಮಾಡಿದ್ದಾರೆ. ಹಾಗೆಂದು ಚಿತ್ರದ ಚಿತ್ರೀಕರಣ ಸಂಪೂರ್ಣವಾಗಿ ಮುಗಿದಿಲ್ಲ. ಇನ್ನೂ ಒಂದು ಹಾಡಿನ ಚಿತ್ರೀಕರಣ ಬಾಕಿ ಇದೆ. ಹಾಡಿಗೆ ಎಲ್ಲ ಪ್ಲಾನ್ ಮಾಡಿಕೊಂಡಿರುವ ಚಿತ್ರತಂಡ, ಈಗ ಪೋಸ್ಟ್ ಪ್ರೊಡಕ್ಷನ್ ಕೆಲಸಕ್ಕೆ ಕೈ ಹಾಕಿದೆ.

    ಪ್ರಶಾಂತ್ ನೀಲ್ ನಿರ್ದೇಶನದ ಚಿತ್ರಕ್ಕೆ ಶ್ರೀನಿಧಿ ಶೆಟ್ಟಿ ನಾಯಕಿ. ಅನಂತ್ ನಾಗ್, ಮಾಳವಿಕ ಸೇರಿದಂತೆ ಘಟಾನುಘಟಿಗಳ ತಂಡವೇ ಚಿತ್ರತಂಡದಲ್ಲಿದೆ. ಹೊಂಬಾಳೆ ಪ್ರೊಡಕ್ಷನ್ಸ್‍ನಲ್ಲಿ ಬರುತ್ತಿರುವ ಸಿನಿಮಾಗೆ ವಿಜಯ್ ಕಿರಗಂದೂರು, ಕಾರ್ತಿಕ್ ಗೌಡ ನಿರ್ಮಾಪಕರು. 

  • ಒಂದೇ ದಿನ ಯಶ್‍ರಿಂದ 3 ಬೆಂಜ್ ಕಾರ್ ಖರೀದಿ

    yash buys 3 benz cars

    ಅಪ್ಪನಿಗೆ ಒಂದು, ಅಮ್ಮನಿಗೆ ಒಂದು, ತಮಗೆ ಹಾಗೂ ರಾಧಿಕಾಗೆ ಒಂದು.. ಹೀಗೆ ಒಂದೇ ದಿನ 3 ಬೆಂಜ್ ಕಾರು ಖರೀದಿಸಿದ್ದಾರೆ ಯಶ್. ಒಂದು ಬೆಂಜ್ ಜಿಎಲ್‍ಎಸ್, ಬೆಂಜ್ ಇ ಕ್ಲಾಸ್ ಹಾಗೂ ಮತ್ತೊಂದು ಬೆಂಜ್ ಜಿಎಸ್‍ಸಿ ಎಎಂಜಿ ಕಪಲ್ ಕಾರು ಖರೀದಿಸಿದ್ದಾರೆ.

    yash_benz1.jpgಇದು ಮೊದಲ ಮದುವೆ ವಾರ್ಷಿಕೋತ್ಸವಕ್ಕೆ ಯಶ್ ರಾಧಿಕಾಗೆ ಹಾಗೂ ತಮ್ಮ ಅಪ್ಪ, ಅಮ್ಮನಿಗೆ ಕೊಡುತ್ತಿರುವ ಉಡುಗೊರೆ ಎಂದುಕೊಳ್ಳಿ. ಇದೇ ಡಿಸೆಂಬರ್ 9ಕ್ಕೆ ಯಶ್, ರಾಧಿಕಾ ಮದುವೆಯಾಗಿ ಒಂದು ವರ್ಷವಾಗುತ್ತಿದೆ. 

    ಯಶ್-ರಾಧಿಕಾ ದಂಪತಿಗೆ ವಿವಾಹ ವಾರ್ಷಿಕೋತ್ಸವದ ಶುಭಾಶಯಗಳು.

  • ಕಟಕ ಚಿತ್ರಕ್ಕೆ ಯಶ್‍ದೇ ದೃಷ್ಟಿ ಆಯ್ತಂತೆ..!

    yash likes kataka movie

    ಕಟಕ.. ಟ್ರೇಲರ್‍ನಿಂದಲೇ ಕುತೂಹಲ ಮೂಡಿಸಿರುವ ಸಿನಿಮಾ. ಟ್ರೇಲರ್‍ನ್ನೇ 13 ಭಾಷೆಯಲ್ಲಿ ರಿಲೀಸ್ ಮಾಡಿದ್ದ ಕಟಕ ಚಿತ್ರತಂಡ, ಈಗ ಸಿನಿಮಾವನ್ನು ಬಿಡುಗಡೆ ಮಾಡಿದೆ. ಬಿಡುಗಡೆ ವೇಳೆಯಲ್ಲಿಯೇ ಕಟಕ ಚಿತ್ರರಂಗಕ್ಕೆ ಬೋನಸ್ ಎಂಬಂತೆ ಸಿಕ್ಕಿರುವುದು ಯಶ್ ಹೊಗಳಿಕೆ. 

    ಚಿತ್ರದ ಟ್ರೇಲರ್ ನೋಡಿ, ಚಿತ್ರವನ್ನು ನೋಡಲೇಬೇಕು ಎಂದು ಆಸೆ ಪಟ್ಟಿದ್ದ ಯಶ್, ಚಿತ್ರವನ್ನು ಮನಸಾರೆ ಹೊಗಳಿದ್ದಾರೆ. ಸಾಮಾನ್ಯವಾಗಿ ನಾನು ಸಸ್ಪೆನ್ಸ್, ಹಾರರ್ ಸಿನಿಮಾಗಳನ್ನ ನೋಡಲ್ಲ. ಆದರೆ, ಈ ಚಿತ್ರ ನೋಡಿದೆ. ತುಂಬಾ ಇಷ್ಟವಾಯ್ತು. ಚಿತ್ರಕ್ಕೆ ತಗುಲಿದರೆ, ನನ್ನ ದೃಷ್ಟಿಯೇ ತಗುಲುತ್ತೆ ಎಂದು ಹೊಗಳಿದ್ದಾರೆ ರಾಕಿಂಗ್ ಸ್ಟಾರ್.

    ಅದರಲ್ಲೂ ಯಶ್‍ಗೆ ಇಷ್ಟವಾಗಿರೋದು ಪುಟ್ಟ ಬಾಲಕಿಯ ನಟನೆ. 5 ವರ್ಷದ ಬಾಲಕಿಯ ಮೇಲೆ ವಾಮಾಚಾರ ಮಾಡುವ ಕಥಾ ಹಂದರವನ್ನಿಟ್ಟುಕೊಂಡು ಚಿತ್ರವನ್ನು ಕಟ್ಟಿಕೊಡಲಾಗಿದೆ. ರವಿ ಬಸ್ರೂರು ನಿರ್ದೇಶನದ 3ನೇ ಚಿತ್ರವನ್ನು ಪ್ರತಿಯೊಬ್ಬರೂ ಪ್ರೋತ್ಸಾಹಿಸಬೇಕು ಎಂದು ಹಾರೈಸಿದ್ದಾರೆ ಯಶ್.

    Related Articles :-

    Kataka Trailer Released In 13 Languages

    ಹೊಸ ದಾಖಲೆ ಬರೆಯಲಿದೆ ಕಟಕ ಟ್ರೇಲರ್

    Puneeth and Yash To Release The Trailer of Kataka

  • ಕನ್ನಡಕ್ಕೆ ಬರ್ತಾರಾ ಮಗಧೀರನ ಚೆಲುವೆ..?

    will kajal agarwal act in kgf

    ಕೆಜಿಎಫ್ ಚಿತ್ರಕ್ಕೆ ಕಾಜಲ್ ಅಗರ್‍ವಾಲ್ ಬರ್ತಾರಾ..? ಸ್ಪೆಷಲ್ ಸಾಂಗ್‍ನಲ್ಲಿ ಕುಣಿದು ಕುಪ್ಪಳಿಸ್ತಾರಾ..? ಅಂಥಾದ್ದೊಂದು ಚರ್ಚೆ ಗಾಂಧಿನಗರದಲ್ಲಿ ಜೋರಾಗಿ ನಡೆಯುತ್ತಿದೆ. ಕೆಜಿಎಫ್ ಟೀಂ ಹೂಂ ಅಂತಿಲ್ಲ, ಊಹೂಂ ಅಂತಿಲ್ಲ. ಆಗಸ್ಟ್ 7ವರೆಗೆ ವೇಯ್ಟ್ ಮಾಡಿ ಅಂತಿದೆ. ಆ ಒಂದು ಹಾಡಿನ ಚಿತ್ರೀಕರಣವಷ್ಟೇ ಬಾಕಿ ಉಳಿದಿದ್ದು, ಆ ಹಾಡು ಮುಗಿದರೆ, ಚಿತ್ರೀಕರಣ ಮುಕ್ತಾಯವಾದಂತೆ.

    ತಮನ್ನಾ ಭಾಟಿಯಾ, ಲಕ್ಷ್ಮೀ ರೈ ಹಾಗೂ ನೋರಾ ಫತೇಹಿ ಅವರನ್ನೂ ಕೂಡಾ ಸಂಪರ್ಕಿಸಿದೆಯಂತೆ. ಆದರೆ, ಯಶ್ ಜೊತೆ ಹೆಜ್ಜೆ ಹಾಕೋ ಆ ಚೆಲುವೆ ಯಾರು ಅನ್ನೋ ಸಸ್ಪೆನ್ಸ್‍ನ್ನು ಮಾತ್ರ ಹಾಗೆಯೇ ಉಳಿಸಿಕೊಂಡಿದೆ.

    ಹೊಂಬಾಳೆ ಫಿಲಂಸ್‍ನ ಅದ್ದೂರಿ ಸಿನಿಮಾ, ಕನ್ನಡ ಚಿತ್ರರಂಗದಲ್ಲೇ ದುಬಾರಿ ವೆಚ್ಚದ ಚಿತ್ರವಾಗುತ್ತಿದೆ. ಸುಮಾರು 50 ಕೋಟಿ ವೆಚ್ಚದಲ್ಲಿ ಸಿದ್ಧವಾಗುತ್ತಿರುವ ಸಿನಿಮಾ, 5 ಭಾಷೆಗಳಲ್ಲೂ ಬಿಡುಗಡೆಯಾಗಿದೆ. ಪ್ರಶಾಂತ್ ನೀಲ್ ನಿರ್ದೇಶನದ ಚಿತ್ರಕ್ಕೆ ಶ್ರೀನಿಧಿ ಶೆಟ್ಟಿ ನಾಯಕಿ.

  • ಕನ್ನಡದ ಕೋಟ್ಯಧಿಪತಿ ಯಶ್

    will yash host kannada kotiyadhipathi

    ಕೌನ್ ಬನೇಗಾ ಕರೋಡ್‍ಪತಿ ಹೆಸರು ನೆನಪಾದ ಕೂಡಲೇ ಕಣ್ಣ ಎದುರು ಬರೋದು ಅಮಿತಾಬ್ ಬಚ್ಚನ್. ಕನ್ನಡದ ಕೋಟ್ಯಧಿಪತಿ ಎಂದರೆ ಕಣ್ಣೆದುರು ಬರೋದು ಪುನೀತ್ ರಾಜ್‍ಕುಮಾರ್. ಎರಡು ಸೀಸನ್ ನಂತರ ಕೋಟ್ಯಧಿಪತಿ ಶೋ ಸ್ಥಗಿತಗೊಂಡಿತ್ತು. ಈಗ ಆ ರಿಯಾಲಿಟಿ ಶೋವನ್ನು ಮತ್ತೆ ಆರಂಭಿಸಲು ಸ್ಟಾರ್ ಸುವರ್ಣ ಮುಂದಾಗಿದೆ. ಈ ಬಾರಿ ಕೋಟ್ಯಧಿಪತಿ ಸೀಟ್‍ನಲ್ಲಿ ಕೂರುತ್ತಿರುವುದು ಪುನೀತ್ ಅಲ್ಲ, ಯಶ್.

    ಪುನೀತ್ ರಾಜ್‍ಕುಮಾರ್, ಕಲರ್ಸ್ ಕನ್ನಡ ವಾಹಿನಿಯ ಜೊತೆ ಒಪ್ಪಂದ ಮಾಡಿಕೊಂಡಿರುವ ಹಿನ್ನೆಲೆಯಲ್ಲಿ ಯಶ್ ಅವರ ಆಗಮನವಾಗಿದೆ. ಮೂಲಗಳ ಪ್ರಕಾರ, ಈ ಕುರಿತ ಎಲ್ಲ ಒಪ್ಪಂದಗಳಿಗೂ ಸಹಿ ಹಾಕಿದ್ದಾರೆ ಯಶ್.

    ಆದರೆ, ಯಶ್.. ಹೌದು. ಮಾಡುತ್ತಿದ್ದೇನೆ ಎಂದು ಹೇಳುತ್ತಿಲ್ಲ. ಪ್ರಸ್ತಾಪ ಬಂದಿರುವುದು ನಿಜ. ಇನ್ನೂ ಫೈನಲ್ ಆಗಿಲ್ಲ. ಕೆಜಿಎಫ್ ಶೂಟಿಂಗ್ ಬಾಕಿ ಇರುವ ಕಾರಣ, ನಿರ್ಧಾರ ತೆಗೆದುಕೊಂಡಿಲ್ಲ ಎಂದಿದ್ದಾರೆ.

  • ಕರ್ನಾಟಕದ ಗಡಿ ದಾಟಲಿದೆ ಕೆಜಿಎಫ್ ಹವಾ

    kgf records to cross karnataka

    ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಕೆಜಿಎಫ್ ಹವಾ ಕರ್ನಾಟಕದ ಗಡಿಯನ್ನೂ ದಾಟಿ ಹೋಗಲಿದೆ. ಕನ್ನಡದಲ್ಲಿ ತಯಾರಾಗುತ್ತಿರುವ ಚಿತ್ರದ, ತೆಲುಗು, ತಮಿಳು, ಮಲಯಾಳಂ ಹಾಗೂ ಹಿಂದಿ ಅವತರಣಿಕೆಯೂ ಬಿಡುಗಡೆಯಾಗಲಿದೆ. ಒಟ್ಟು 5 ಭಾಷೆಗಳಲ್ಲಿ ಕೆಜಿಎಫ್ ತೆರೆ ಕಾಣಲಿದೆ.

    ಚಿತ್ರದ ಶೇ.50ರಷ್ಟು ಶೂಟಿಂಗ್ ಮುಗಿದಿದೆ. ಇನ್ನೂ ಚಿತ್ರದ ಮುಂದಿನ ಶೂಟಿಂಗ್ ಪ್ಲಾನ್, ಲಡಾಖ್, ಕೋಲ್ಕೊತ್ತಾ, ಮುಂಬೈಗಳಲ್ಲೆಲ್ಲ ಸಂಚರಿಸಬೇಕಿದೆ.

    ಚಿತ್ರದ ತಾರಾಬಳಗಕ್ಕೆ ರಾಜಾಹುಲಿಯ ವಿಲನ್ ವಸಿಷ್ಠ ಸಿಂಹ ಸೇರ್ಪಡೆಗೊಂಡಿದ್ದಾರೆ. ರಾಜಾಹುಲಿ ನಂತರ, ಯಶ್ ಚಿತ್ರದಲ್ಲಿ ವಸಿಷ್ಠ ಸಿಂಹ ನಟಿಸುತ್ತಿರುವುದು ಇದೇ ಮೊದಲು. 4 ವರ್ಷಗಳ ನಂತರ ಹಿಟ್ ಹೀರೋ-ವಿಲನ್ ಜೋಡಿ ಕೆಜಿಎಫ್‍ನಲ್ಲಿ ಮತ್ತೆ ಘರ್ಜಿಸಲಿದೆ. ಅಲ್ಲದೆ 5 ಭಾಷೆಗಳಲ್ಲಿಬಿಡುಗಡೆಯಾಗುತ್ತಿರುವ ಚಿತ್ರಕ್ಕೆ ರಮ್ಯಕೃಷ್ಣ, ನಾಸಿರ್ ಕೂಡಾ ಸೇರುವ ನಿರೀಕ್ಷೆಯಿದೆ.

    Related Articles :-

    ಕೆಜಿಎಫ್ 2ನೇ ಔಟ್‍ಲುಕ್ ಸೆನ್ಸೇಷನ್

  • ಕರ್ನಾಟಕದ ಸ್ಟಾರ್‍ಗಳು, ಲೀಡರ್‍ಗಳು.. ಯಶ್ ಕಂಡಂತೆ..

    yash talks on stars and politicians

    ಒಬ್ಬ ನಟರ ಬಗ್ಗೆ, ನಾಯಕರ ಬಗ್ಗೆ ಒಬ್ಬೊಬ್ಬರ ಅಭಿಪ್ರಾಯವೂ ಒಂದೊಂದು ರೀತಿ ಇರುತ್ತೆ. ಅಂಥಾದ್ದರಲ್ಲಿ ರಾಕಿಂಗ್ ಸ್ಟಾರ್ ಯಶ್ ಅವರ ಕಣ್ಣಲ್ಲಿ ಕರ್ನಾಟಕದ, ದೇಶದ ನಾಯಕರ ಬಗ್ಗೆ, ಚಿತ್ರರಂಗದ ಇತರೆ ಸ್ಟಾರ್‍ಗಳ ಬಗ್ಗೆ ತಮ್ಮದೇ ಆದ ಅಭಿಪ್ರಾಯ ಮುಂದಿಟ್ಟಿದ್ದಾರೆ.

    ಯಶ್ ಕಂಡಂತೆ ಮೋದಿ - ಚಾಯ್‍ವಾಲಾ ಒಬ್ಬರು ದೇಶದ ಪ್ರದಾನಿಯಾಗುವುದು ಸುಲಭದ ಮಾತಲ್ಲ. ದೇಶಕ್ಕಾಗಿ ಇಡೀ ಜೀವನವನ್ನೇ ಮುಡುಪಾಗಿಟ್ಟು, ಅಭಿವೃದ್ಧಿಯ ಕನಸು ನನಸು ಮಾಡಲು ಶ್ರಮಿಸುತ್ತಿದ್ದಾರೆ.

    ಯಶ್ ಕಂಡಂತೆ ಸಿದ್ದರಾಮಯ್ಯ - ತುಂಬಾ ಗಟ್ಟಿ ನಾಯಕ. ಯಾವುದೇ ಸಮಸ್ಯೆ ಇರಲಿ, ಅದಕ್ಕೆ ಕೂಲ್ ಆಗಿ ಕೌಂಟರ್ ಕೊಟ್ಟು ಹೋಗುವ ಕಲೆ ಅವರಿಗೆ ಸಿದ್ಧಿಸಿದೆ. 

    ಯಶ್ ಕಂಡಂತೆ ದೇವೇಗೌಡ - ಇಡೀ ದೇಶವನ್ನು ಕರ್ನಾಟಕದತ್ತ ತಿರುಗಿ ನೋಡುವಂತೆ ಮಾಡಿದ ನಾಯಕ. ದೊಡ್ಡತನ ಮೆರೆದುಬಿಡುತ್ತಾರೆ. ಅವರ ನಡವಳಿಕೆ ನಮಗೆ ಕೆಲವು ಸಲ ಮುಜುಗರ ಉಂಟು ಮಾಡುತ್ತೆ. ನಾವು ಅವರ ಮನೆಗೆ ಮದುವೆ ಆಹ್ವಾನ ಪತ್ರಿಕೆ ಕೊಡಲು ಹೋದಾಗ, ಅವರಿಗೆ ಹಾಕಲು ತೆಗೆದುಕೊಂಡು ಹೋಗಿದ್ದ ಹಾರವನ್ನು ನಮಗೆ ಹಾಕಿ ಶುಭ ಹಾರೈಸಿದರು. ಅವರ ದೊಡ್ಡತನದ ಎದುರು ಮೂಕನಾಗಿ ಹೋಗಿದ್ದೆ.

    ಯಶ್ ಕಂಡಂತೆ ಯಡಿಯೂರಪ್ಪ - ಹುಟ್ಟು ಹೋರಾಟಗಾರರು. ಶ್ರಮಜೀವಿ. ನಿದ್ದೆ ಬಿಟ್ಟು ಜನರಿಗಾಗಿ ಕೆಲಸ ಮಾಡುವ ವ್ಯಕ್ತಿ

    ಯಶ್ ಕಂಡಂತೆ ಕುಮಾರಸ್ವಾಮಿ - ತುಂಬಾ ಸರಳ ವ್ಯಕ್ತಿ. ಹಿರಿಯರು, ಕಿರಿಯರೆನ್ನದೆ ಎಲ್ಲರಿಗೂ ಗೌರವ ಕೊಡುತ್ತಾರೆ. ಅವರನ್ನು ತುಂಬಾ ಹತ್ತಿರದಿಂದ ನೋಡಿದ್ದೇನೆ.

    ಯಶ್ ಕಂಡಂತೆ ಪುನೀತ್ - ಅವರ ಸರಳತೆಯೇ ನನಗೆ ತುಂಬಾ ಇಷ್ಟ. ಎಲ್ಲವೂ ಇದ್ದು, ತಾನು ಮಾತ್ರ ಏನೇನೂ ಅಲ್ಲವೇನೋ ಎಂಬಂತೆ ಬದುಕುವ ಅವರ ವ್ಯಕ್ತಿತ್ವವೇ ಸೂಪರ್.

    ಯಶ್ ಕಂಡಂತೆ ಸುದೀಪ್ - ಅದೊಂಥರಾ ಆಳೆತ್ತರದ ಕಲಾಕೃತಿ. ನನಗೆ ಅವರ ವಾಯ್ಸ್ ಇಷ್ಟ. ಅವರ ವಾಯ್ಸ್‍ನಲ್ಲಿ ಎಂಥದ್ದೋ ಶಕ್ತಿ ಇದೆ.

    ಯಶ್ ಕಂಡಂತೆ ದರ್ಶನ್ - ಕನ್ನಡ ಚಿತ್ರರಂಗದ ಮಾಸ್ ಹೀರೋ ಅವರು. ಅವರ ಎದುರು ನಿಂತರೆ ಬೇರೆಯವರು ಕಾಣೋದಿಲ್ಲ. ಕುರುಕ್ಷೇತ್ರದ ಫೋಟೋ ನೋಡಿದಾಗ, ಇವರು ನಮ್ಮವರು ಎಂಬುದೇ ಹೆಮ್ಮೆ ಮೂಡಿಸಿತು.

    ಯಶ್ ಕಂಡಂತೆ ಜಗ್ಗೇಶ್ - ಅವರೊಬ್ಬರು ಜಒತೆಯಲ್ಲಿದ್ದರೆ, ಎಂಥ ಒತ್ತಡದಲ್ಲೂ ನಗು ನಗುತ್ತಾ ಬದುಕಿಬಿಡಬಹುದು. ಒತ್ತಡವೇ ಇರೋದಿಲ್ಲ. ಯಾರಿಗೆ ಏನೇ ಕಷ್ಟ ಬಂದರೂ ಮೊದಲು ನುಗ್ಗುವ ವ್ಯಕ್ತಿ ಜಗ್ಗೇಶ್. ಕನ್ನಡ ನಾಡು, ನುಡಿ ವಿಚಾರದಲ್ಲಿ ಅವರಿಗೆ ತುಂಬಾ ಅಭಿಮಾನ.

  • ಕಿಚ್ಚನ ಚಾಲೆಂಜ್ ಸ್ವೀಕರಿಸಿದ ಯಶ್, ಪ್ರಿಯಾ ಸುದೀಪ್

    sudeep's fitness challenge

    ಕಿಚ್ಚ ಸುದೀಪ್ ಹಾಕಿದ್ದ ಫಿಟ್‍ನೆಸ್ ಚಾಲೆಂಜ್‍ನ್ನು ಯಶ್ ಮತ್ತು ಪ್ರಿಯಾ ಸ್ವೀಕರಿಸಿದ್ಧಾರೆ. ಯಶ್‍ರದ್ದು ಒಂಥರಾ ಡಿಫರೆಂಟ್. ಅವರು ತಾವು ವ್ಯಾಯಾಮ ಮಾಡುವ ವಿಡಿಯೋ ಹಾಕೋದ್ರ ಬದಲು, ತಮ್ಮ ಗೆಳೆಯ ಚಕ್ಲಿ ಅಲಿಯಾಸ್ ಚೇತನ್‍ರನ್ನು ವ್ಯಾಯಾಮಕ್ಕೆ ಎಳೆದು ತಂದಿದ್ದಾರೆ. ಲೈಫಲ್ಲೇ ವ್ಯಾಯಾಮ ಮಾಡೋಕೆ ಆಗಲ್ಲ ಎನ್ನುತ್ತಿದ್ದ ಗೆಳೆಯನನ್ನು ಜಿಮ್‍ಗೆ ತಳ್ಳಿದ್ದಾರೆ.

    ಹಾಯ್ ಸುದೀಪ್, ನೀವು ನನಗೆ ಚಾಲೆಂಜ್ ಕೊಟ್ಟಿದ್ದೀರ. ಥ್ಯಾಂಕ್ಯೂ. ನಾವು ಆ್ಯಕ್ಟರ್‍ಗಳು ಯಾವಾಗಲೂ ಫಿಟ್ನೆಸ್ ಚಾಲೆಂಜ್ ಮಾಡ್ತನೇ ಇರ್ತೇವೆ. ಹಾಗಾಗಿ ಒಂದು ಟ್ವಿಸ್ಟ್ ಕೊಟ್ಟಿದ್ದೇನೆ. ಲೈಫಲ್ಲಿ ಫಿಟ್ ಆಗೋಕೆ ಸಾಧ್ಯವಿಲ್ಲ ಎನ್ನುವ ನನ್ನ ಬಾಲ್ಯದ ಗೆಳೆಯ ಚೇತನ್ ಅಲಿಯಾಸ್ ಚಕ್ಲಿಯ ಮೂಲಕ ನಿಮ್ಮ ಚಾಲೆಂಜ್ ಮಾಡಿಸುತ್ತೇನೆ ಎಂದು ಹೇಳಿರುವ ಯಶ್, ತಮ್ಮ ಗೆಳೆಯನ ಫಿಟ್ನೆಸ್ ವಿಡಿಯೋ ಅಪ್‍ಲೋಡ್ ಮಾಡಿದ್ದಾರೆ.

    ಸುದೀಪ್ ತಮ್ಮ ಪತ್ನಿ ಪ್ರಿಯಾ ಅವರಿಗೂ ಫಿಟ್‍ನೆಸ್ ಚಾಲೆಂಜ್ ಹಾಕಿದ್ದರು. ಪತಿಯ ಚಾಲೆಂಜ್ ಸ್ವೀಕರಿಸಿದ ಪ್ರಿಯಾ, ವೇಯ್ಟ್ ಲಿಫ್ಟ್ ಮಾಡುವ ವಿಡಿಯೋ ಹಾಕಿದ್ದಾರೆ. 

    ಇನ್ನು ಸುದೀಪ್ ಹಾಕಿರುವ ಚಾಲೆಂಜ್‍ನಲ್ಲಿ ಬಾಕಿ ಉಳಿದಿರೋದು ಶಿವರಾಜ್ ಕುಮಾರ್ ಮಾತ್ರ.

  • ಕಿರಾತಕ 2 - ಏನಿದು  ವಿವಾದ..?

    kirataka 2 controvery

    ಕೆಜಿಎಫ್ ನಂತರ ಯಶ್ ಜಯಣ್ಣ ಕಂಬೈನ್ಸ್‍ನ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಅದು ಅನಿಲ್ ಕುಮಾರ್ ನಿರ್ದೇಶನದ ಕಿರಾತಕ 2 ಚಿತ್ರದಲ್ಲಿ ಎಂಬ ವಿಷಯ ಹೊರಬಿದ್ದಿದ್ದೇ ತಡ, ವಿವಾದ ಸೃಷ್ಟಿಯಾಗಿದೆ. ಕಿರಾತಕ 2 ಟೈಟಲ್ ನಮ್ಮದು ಎಂದು ನಿರ್ದೇಶಕ ಪ್ರದೀಪ್ ರಾಜ್, ಚೇಂಬರ್ ಮೆಟ್ಟಿಲೇರಿದ್ದಾರೆ.

    ಕಿರಾತಕ ಚಿತ್ರದ ನಿರ್ದೇಶಕ ಪ್ರದೀಪ್ ರಾಜ್. ಕಿರಾತಕ 2 ಟೈಟಲ್ ನಮ್ಮ ಬಳಿಯೇ ಇದೆ. ಆ ಟೈಟಲ್ ನನ್ನ ಮತ್ತು ಯಶ್ ಕಾಂಬಿನೇಷನ್‍ನಲ್ಲಿ ಬಂದರೆ ಮಾತ್ರ ಓಕೆ. ಬೇರೆ ನಿರ್ದೇಶಕರಿಗೆ ಕೊಡುವುದಿಲ್ಲ ಎಂದು ಯಶ್ ಅವರಿಗೇ ಹೇಳಿದ್ದಾರಂತೆ ಪ್ರದೀಪ್ ರಾಜ್.

    ಕಿರಾತಕ 2 ಟೈಟಲ್ ನಮ್ಮ ಬಳಿ ಇದೆ ಎಂದಿರುವುದು ನಿರ್ಮಾಪಕ ಜಯಣ್ಣ. ಟೈಟಲ್ ರಿಜಿಸ್ಟರ್ ಮಾಡಿದ್ದೇವೆ. ಆಗಸ್ಟ್ 27ರಿಂದ ಚಿತ್ರೀಕರಣ ಶುರುವಾಗಲಿದೆ. ಲೊಕೇಷನ್ ಹುಡುಕಾಟದಲ್ಲಿದ್ದೇವೆ ಎಂದಿದ್ದಾರೆ ಜಯಣ್ಣ.

    ಚಿತ್ರಕ್ಕೆ ನಾಯಕಿಯಾಗಿರೋದು ಶ್ವೇತ ಅಲಿಯಾಸ್ ನಂದಿತಾ. ನಂದ ಲವ್ಸ್ ನಂದಿತಾದಲ್ಲಿ ಜಿಂಕೆಮರಿ ಹಾಡಿಗೆ ಬಿಂದಾಸ್ ಹೆಜ್ಜೆ ಹಾಕಿದ್ದ ನಂದಿತಾ.. ಕಿರಾತಕ-2 ಚಿತ್ರಕ್ಕೆ ಹೀರೋಯಿನ್. ಕಿರಾತಕನ ಅಪ್ಪ-ಅಮ್ಮನಾಗಿ ಈ ಚಿತ್ರದಲ್ಲೂ ನಾಗಾಭರಣ-ತಾರಾ ಕಾಣಿಸಿಕೊಳ್ಳಲಿದ್ದಾರೆ.

  • ಕಿರಾತಕ 2ನಲ್ಲಿ ಯಶ್

    yash in kirathaka

    ಯಶ್, ಸತತ 2 ವರ್ಷಗಳಿಂದ ಕೆಜಿಎಫ್‍ನಲ್ಲಿ ತೊಡಗಿಸಿಕೊಂಡಿದ್ದಾರೆ. ಒಬ್ಬ ನಟ ಅಷ್ಟು ಸುದೀರ್ಘ ಅವಧಿಯನ್ನು ಒಂದೇ ಚಿತ್ರಕ್ಕೆ ಕೊಡುವುದು ಅಪರೂಪ. ಕೆಜಿಎಫ್ ಚಿತ್ರದ ಒಂದು ಹಾಡಿನ ಚಿತ್ರೀಕರಣ ಬಾಕಿಯಿದ್ದು, ಆ ಹಾಡಿನ ಚಿತ್ರೀಕರಣ ಆಗಸ್ಟ್ 7ರಿಂದ ಶುರುವಾಗಲಿದೆ. ಅದು ಮುಗಿದ ಮೇಲೆ ಯಶ್ ಹೊಸ ಚಿತ್ರಗಳತ್ತ ಗಮನಹರಿಸಲಿದ್ದಾರೆ. ಹಾಗೆ ಯಶ್ ಒಪ್ಪಿಕೊಂಡಿರುವ ಹೊಸ ಚಿತ್ರ ಕಿರಾತಕ 2.

    ಕಿರಾತಕ, ಯಶ್ ಅವರ ದೊಡ್ಡ ಮಟ್ಟದಲ್ಲಿ ಹಿಟ್ ಆಗಿದ್ದ ಸಿನಿಮಾ. ಮಂಡ್ಯದ ಪುಂಡ ಹುಡುಗನಾಗಿ ಯಶ್ ಇಷ್ಟವಾಗಿದ್ದರು. ಈಗ ಕಿರಾತಕ 2 ಸಿನಿಮಾವನ್ನು ಅನಿಲ್ ಕುಮಾರ್ ಮಾಡುತ್ತಿದ್ದಾರೆ. ರ್ಯಾಂಬೋ2 ಸಕ್ಸಸ್ ಖುಷಿಯಲ್ಲಿರುವ ಅನಿಲ್, ಯಶ್ ಅವರಿಗಾಗಿ ಸಖತ್ ತರಲೆ, ತಮಾಷೆಯ ಕಥೆಯೊಂದನ್ನು ಸಿದ್ಧಪಡಿಸಿದ್ದಾರೆ. ಕೆಜೆಎಫ್ ಚಿತ್ರೀಕರಣ ಮುಗಿದ ನಂತರ, ಇದೇ ತಿಂಗಳು ಕಿರಾತಕ2 ಶುರುವಾಗಲಿದೆ. 

    ಇದು ಕಿರಾತಕ ಚಿತ್ರದ ಮುಂದುವರಿದ ಭಾಗವಾ..? ಹಾಗೊಂದು ಕುತೂಹಲ ಹುಟ್ಟೋಕೆ ಕಾರಣವಿದೆ. ಕಿರಾತಕ ಚಿತ್ರದಲ್ಲಿ ಹೀರೋ ದುಬೈನಲ್ಲಿ ಪತ್ನಿಯೊಂದಿಗೆ ಸೆಟ್ಲ್ ಆಗುತ್ತಾನೆ. ಈಗ.. ಕಿರಾತಕ 2 ಚಿತ್ರದ ಕೆಲವು ದೃಶ್ಯಗಳು ದುಬೈನಲ್ಲಿ ಚಿತ್ರೀಕರಣಗೊಳ್ಳಲಿವೆಯಂತೆ. ಉಳಿದಂತೆ ಇನ್ನೂ ಲೊಕೇಷನ್ ಹುಡುಕಬೇಕಿದೆ. ಚಿತ್ರದ ಕಥೆಯಲ್ಲಿ ಸೆಂಟಿಮೆಂಟ್, ಕಾಮಿಡಿ, ಮಾಸ್ ಅಪೀಲ್ ಎಲ್ಲವೂ ಇದೆ ಎಂದಿದ್ದಾರೆ ಅನಿಲ್.

    ಒಟ್ಟಿನಲ್ಲಿ ಆಗಸ್ಟ್‍ನಲ್ಲಿ ಯಶ್ ಗಡ್ಡಕ್ಕೆ ಮುಕ್ತಿ ಸಿಗಲಿದೆ. ವರಮಹಾಲಕ್ಷ್ಮಿ ಹಬ್ಬದ ದಿನ ಕಿರಾತಕ 2 ಸೆಟ್ಟೇರುವ ಸಾಧ್ಯತೆ ಇದೆ.

  • ಕೆಜಿಎಫ್ 2ನೇ ಔಟ್‍ಲುಕ್ ಸೆನ್ಸೇಷನ್

    kgf new look

    ನಾನು ಬರೋವರೆಗೂ ಮಾತ್ರ ಬೇರೆಯವರ ಹವಾ, ನಾನು ಬಂದ ಮೇಲೆ ನಂದೇ ಹವಾ.. ಇದು ಯಶ್ ಫೇಮಸ್ ಡೈಲಾಗ್. ಅದು ಕೆಜಿಎಫ್ ಚಿತ್ರದ 2ನೇ ಔಟ್‍ಲುಕ್‍ನಲ್ಲೂ ಋಜುವಾತಾಗಿದೆ. 

    ಕೆಜಿಎಫ್ ಚಿತ್ರದ 2ನೇ ಔಟ್‍ಲುಕ್ ಬಿಡುಗಡೆಯಾಗಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ಸೆನ್ಸೇಷನ್ ಸೃಷ್ಟಿಸಿದೆ. ಟ್ರೆಂಡ್ ಆಗಿಬಿಟ್ಟಿದೆ. ಚಿತ್ರದ ಪೋಸ್ಟರ್‍ನಲ್ಲಿ ಯಶ್ 70-80ನೇ ದಶಕದ ರೋಲ್‍ನಲ್ಲಿ ಕಾಣಿಸಿಕೊಂಡಿದ್ದಾರೆ. ಉದ್ದನೆಯ ಗಡ್ಡ, ಉದ್ದನೆಯ ಕೂದಲಿನ ಕಂಪ್ಲೀಟ್ ರಾ ಲುಕ್, ಅಭಿಮಾನಿಗಳಲ್ಲಿ ಕ್ರೇಜ್‍ನ್ನೇ ಸೃಷ್ಟಿಸಿದೆ. 

    ಚಿತ್ರದ ಕಥೆ ಏನಿರಬಹುದು..? ಎಂಬ ಬಗ್ಗೆ ಪ್ರೇಕ್ಷಕರ ತಲೆಗೆ ಹುಳ ಬಿಡುವುದರಲ್ಲಿ ನಿರ್ದೇಶಕ ಪ್ರಶಾಂತ್ ನೀಲ್ ಗೆದ್ದಿದ್ದಾರೆ. ಕಾರ್ತಿಕ್ ಗೌಡ ನಿರ್ಮಾಣದ ಕೆಜಿಎಫ್, ಕನ್ನಡದ ದೊಡ್ಡ ಬಜೆಟ್ ಚಿತ್ರವಾಗುತ್ತಿದೆ.

    Related Articles :-

    Srinidhi Shetty To Join KGF

    First Look Of KGF Released

    First Look of KGF Today Evening

    Yash's KGF Shooting Started Today

    KGF Sets In Badami

    Yash In KGF On Feb 1 or 10th

    Silent Start to Costliest Kannada film KGF

    Yash Next Film KGF - Exclusive

  • ಕೆಜಿಎಫ್ ಆಡಿಯೋ ಲಹರಿಗೆ. ಸೇಲಾಗಿದ್ದು ಎಷ್ಟು ಕೋಟಿಗೆ..?

    lahari music gets kgf audio launch

    ಕನ್ನಡ ಚಿತ್ರರಂಗದ ಬಹುನಿರೀಕ್ಷಿತ, ಭಾರಿ ಬಜೆಟ್‍ನ ಸಿನಿಮಾ ಕೆಜಿಎಫ್. ಯಶ್, ಪ್ರಶಾಂತ್ ನೀಲ್ ಮತ್ತು ಹೊಂಬಾಳೆ ಪ್ರೊಡಕ್ಷನ್ಸ್ ವಿಜಯ್ ಕಿರಗಂದೂರು ಕಾಂಬಿನೇಷನ್‍ನ ಈ ಬಿಗ್ ಸಿನಿಮಾದ ಆಡಿಯೋ ರೈಟ್ಸ್ ಮಾರಾಟವಾಗಿದೆ.

    ಕೆಜಿಎಫ್ ಆಡಿಯೋ ರೈಟ್ಸ್ ಖರೀದಿಸಿರುವುದು ಲಹರಿ ವೇಲು. ರವಿ ಬಸ್ರೂರು ಸಂಗೀತ ನಿರ್ದೇಶನದ ಹಾಡುಗಳು ಬೊಂಬಾಟ್ ಆಗಿವೆ ಅನ್ನೋದು ಚಿತ್ರತಂಡದ ಮೂಲಗಳ ಮಾಹಿತಿ. ಕನ್ನಡ ಅಷ್ಟೇ ಅಲ್ಲ, ತೆಲುಗು, ತಮಿಳು, ಹಿಂದಿಯ ಆಡಿಯೋ ರೈಟ್ಸ್‍ನ್ನು ಕೂಡಾ ಲಹರಿ ವೇಲು ಅವರೇ ಖರೀದಿಸಿದ್ದಾರೆ. ದೊಡ್ಡ ಮೊತ್ತಕ್ಕೆ ಅನ್ನೋದು ಪಕ್ಕಾ. ಆದರೆ, ಎಷ್ಟು ಕೋಟಿಗೆ ಅನ್ನೋದನ್ನು ಗುಟ್ಟಾಗಿಯೇ ಇಟ್ಟಿದೆ ಕೆಜಿಎಫ್ ಟೀಂ.

  • ಕೆಜಿಎಫ್ ಕಥೆ ಗೊತ್ತಾಗೋಯ್ತು..

    what is kgf storyline

    ಕೆಜಿಎಫ್ ರಿಲೀಸ್ ಡೇಟ್ ಪ್ರಕಟಿಸಿದ ಹೊತ್ತಲ್ಲೇ ಚಿತ್ರದ ಕಥೆ ಎಳೆಯನ್ನೂ ಬಿಚ್ಚಿಟ್ಟಿದ್ದಾರೆ ನಿರ್ದೇಶಕ ಪ್ರಶಾಂತ್ ನೀಲ್. ದುರಾಸೆಯ ದುಷ್ಟನೊಬ್ಬನ ಕೈಗೆ ಬಂಗಾರದ ಗಣಿ ಸಿಕ್ಕರೆ, ಒಂದು ವ್ಯವಸ್ಥೆಯಲ್ಲಿ ಆತ ಏನೆಲ್ಲ ಅಲ್ಲೋಲಕಲ್ಲೋಲ ಸೃಷ್ಟಿಸುತ್ತಾನೆ ಎನ್ನುವುದೇ ಚಿತ್ರದ ಕಥೆ. ಚಿತ್ರದಲ್ಲಿ ಅಂಡರ್‍ವಲ್ರ್ಡ್ ಲಿಂಕ್ ಇದೆ. ಚಿತ್ರದ ಹೀರೋ ಯಶ್, ತಾಯಿಯ ಸೂಚನೆಯಂತೆ ಅಂಡರ್‍ವಲ್ರ್ಡ್‍ಗೆ ಎಂಟ್ರಿ ಕೊಡುತ್ತಾನೆ. ಚಿನ್ನದ ಕಥೆಗೂ, ತಾಯಿಯ ಮಾತಿಗೂ ಏನ್ ಸಂಬಂಧ ಅನ್ನೋದು ಚಿತ್ರದಲ್ಲಿ ಗೊತ್ತಾಗಲಿದೆ. ಅಂಡರ್‍ವಲ್ರ್ಡ್ ಡಾನ್ ಸ್ಟೋರಿಯೇ ಚಿತ್ರದ ಕಥೆ.

    ಹೀಗೆ ಕಥೆಯ ಎಳೆಯನ್ನಷ್ಟೇ ಬಿಚ್ಚಿಟ್ಟಿರುವ ಪ್ರಶಾಂತ್ ನೀಲ್, ಇದಕ್ಕೂ ಕೋಲಾರದ ಚಿನ್ನದ ಗಣಿಗೂ ಸಂಬಂಧವಿಲ್ಲ. ಇದು ಯಾವುದೇ ಜಗತ್ತಿಗೂ, ಯಾವುದೇ ಊರಿಗೂ ಲಿಂಕ್ ಆಗಬಹುದಾದ ಕಥೆ. ನನ್ನ ಕಲ್ಪನೆಯ ಕಥೆ ಎಂದು ಹೇಳಿಕೊಳ್ತಾರೆ.

    ಹೊಂಬಾಳೆ ಪ್ರೊಡಕ್ಷನ್ಸ್‍ನಲ್ಲಿ ಬರುತ್ತಿರುವ ಸಿನಿಮಾದ ಟ್ರೈಲರ್ ಅಕ್ಟೋಬರ್ 14ಕ್ಕೆ ರಿಲೀಸ್ ಆದ್ರೆ, ಸಿನಿಮಾ ನವೆಂಬರ್ 16ಕ್ಕೆ ರಿಲೀಸ್ ಆಗುತ್ತೆ. ನವೆಂಬರ್ 16ಕ್ಕೆ ಬರೋದು ಕೆಜಿಎಫ್ ಚಾಪ್ಟರ್ 1. ಚಾಪ್ಟರ್ 2, 2019ರ ಅಂತ್ಯಕ್ಕೆ ಬರಲಿದೆಯಂತೆ.

  • ಕೆಜಿಎಫ್ ಚಿತ್ರದಲ್ಲಿ ಅಂಥಾದ್ದೇನಿದೆ..?

    kgf highlights revealed by prashanth neel

    ರಾಕಿಂಗ್ ಸ್ಟಾರ್ ಯಶ್ ಅಭಿನಯದ, ಹೊಂಬಾಳೆ ಪ್ರೊಡಕ್ಷನ್ಸ್ ನಿರ್ಮಾಣದ ಕೆಜಿಎಫ್ ಚಿತ್ರ, ಕನ್ನಡ ಚಿತ್ರರಂಗದ ಬಹುನಿರೀಕ್ಷಿತ ಚಿತ್ರಗಳಲ್ಲಿ ಒಂದು. ಸುಮಾರು ಒಂದು ವರ್ಷದಿಂದ ಕನ್ನಡಿಗರು ಎದುರು ನೋಡುತ್ತಿರುವ ಚಿತ್ರ. ಚಿತ್ರದ ಚಿತ್ರೀಕರಣ ಇನ್ನೂ ಶೇ.15ರಷ್ಟು ಬಾಕಿಯಿದೆ. ಇದುವರೆಗೆ ಹೊರಬಂದಿರೋದು ಎರಡು ಟೀಸರ್ ಮಾತ್ರ. ಅವು ಹುಟ್ಟಿಸಿರುವ ಕುತೂಹಲ ಸಣ್ಣದೇನಲ್ಲ. ಇಷ್ಟಕ್ಕೂ ಚಿತ್ರದಲ್ಲಿ ಅಂಥಾದ್ದೇನಿದೆ..? ಕಥೆ ಎಂಥಾದ್ದು..? ನಿರ್ದೇಶಕ ಉಗ್ರಂ ಪ್ರಶಾಂತ್ ನೀಲ್, ಒಂದಿಷ್ಟು ಹೇಳಿಕೊಂಡಿದ್ದಾರೆ.

    ಇದು 70ರಿಂದ 80ರ ದಶಕದಲ್ಲಿ ನಡೆಯುವ ಕಥೆ. ಅಂಡರ್‍ವಲ್ರ್ಡ್ ಛಾಯೆಯಿರುವುದು ಹೌದಾದರೂ, ಅದಕ್ಕೂ ಕೆಜೆಎಫ್‍ಗೂ ಸಂಬಂಧವಿಲ್ಲ. ಪಾತ್ರಗಳು ನನ್ನ ಕಲ್ಪನೆಯವೇ ಹೊರತು, ನಿಜವಾದ ವ್ಯಕ್ತಿಗೆ ಸಂಬಂಧಪಟ್ಟಿದ್ದಲ್ಲ. ಚಿತ್ರದಲ್ಲಿ ಆ್ಯಕ್ಷನ್, ರೊಮ್ಯಾನ್ಸ್, ತಾಯಿ-ಮಗನ ಸೆಂಟಿಮೆಂಟ್ ಎಲ್ಲವೂ ಇದೆ. ಉಗ್ರಂ ಚಿತ್ರಕ್ಕೂ, ಈ ಚಿತ್ರಕ್ಕೂ ಕೂದಲೆಳೆಯಷ್ಟೂ ಲಿಂಕ್ ಇಲ್ಲ. ಇದು ಕಥೆಯ ಬಗ್ಗೆ ಪ್ರಶಾಂತ್ ಹೇಳಿರುವ ಮಾತು.

    ಇನ್ನು ಚಿತ್ರ ರಿಲೀಸ್ ಆಗುವುದು ಏಪ್ರಿಲ್, ಮೇ ನಂತರಾನೇ ಎಂದಿದ್ದಾರೆ ಪ್ರಶಾಂತ್. ನಿರ್ಮಾಪಕ ವಿಜಯ್ ಕಿರಗಂದೂರು ಅವರ ನಿರೀಕ್ಷೆಯಂತೆಯೇ ಚಿತ್ರ ಮೂಡಿ ಬರುತ್ತಿದೆ. ಮೇಕಿಂಗ್ ಶೈಲಿ ಹಾಲಿವುಡ್ ಮಾದರಿಯಲ್ಲಿದೆ ಎಂದು ಖುಷಿಗೊಂಡಿದ್ದಾರೆ. 

    ಯಶ್ ಅವರಂತೂ ಇಡೀ ಚಿತ್ರವನ್ನು ತಮ್ಮದೇ ಹೋಮ್ ಬ್ಯಾನರ್ ಸಿನಿಮಾವೇನೋ ಎಂಬಷ್ಟು ಪ್ರೀತಿಸುತ್ತಿದ್ದಾರೆ. ತಾವೊಬ್ಬ ಸ್ಟಾರ್ ನಟ ಅನ್ನೋದನ್ನು ಪಕ್ಕಕ್ಕಿಟ್ಟು, ಚಿತ್ರದ ಚಿತ್ರೀಕರಣದಲ್ಲಿ ಇನ್‍ವಾಲ್ವ್ ಆಗುತ್ತಿದ್ದಾರೆ. ಅನಂತ್‍ನಾಗ್, ಅಚ್ಯುತ್ ಕುಮಾರ್, ವಸಿಷ್ಠ ಸಿಂಹ,  ನಾಜರ್ ಕೂಡಾ ಅಷ್ಟೆ.. ಪ್ರತಿಯೊಬ್ಬರೂ ಸಿನಿಮಾವನ್ನು ನಮ್ಮ ಸಿನಿಮಾ ಎಂದೇ ಸಹಕಾರ ನೀಡುತ್ತಿದ್ದಾರೆ. ಒಂದು ಅದ್ಬುತ ಅನುಭವದ ಚಿತ್ರವಂತೂ ನಿಮ್ಮ ಮುಂದೆ ಬರಲಿದೆ ಎಂದು ಭರವಸೆ ನೀಡಿದ್ದಾರೆ ಪ್ರಶಾಂತ್.

  • ಕೆಜಿಎಫ್ ಟ್ರೇಲರ್ ಅಂಬರೀಷ್ರಿಂದ ರಿಲೀಸ್

    kgf trailer launched by ambareesh

    ರಾಕಿಂಗ್ ಸ್ಟಾರ್ ಯಶ್, ಹೊಂಬಾಳೆ ಪ್ರೊಡಕ್ಷನ್ಸ್ ಮತ್ತು ಪ್ರಶಾಂತ್ ನೀಲ್ ಕಾಂಬಿನೇಷನ್ನಿನದ ಕೆಜಿಎಫ್ ಸಿನಿಮಾ ಟ್ರೇಲರ್ ಅದ್ದೂರಿಯಾಗಿ ಬಿಡುಗಡೆಯಾಗಿದೆ. ರೆಬಲ್ ಸ್ಟಾರ್ ಅಂಬರೀಶ್ ಚಿತ್ರದ ಐದೂ ಭಾಷೆಯ ಟ್ರೇಲರ್ ರಿಲೀಸ್ ಮಾಡಿದ್ದಾರೆ. ನಾವು ನೀವು ಕಂಡಂತೆ ಯಾವುದೇ ಟ್ರೇಲರ್ ಆಗಲಿ, ಬಿಡುಗಡೆಗೆ ಬರೋದು ಕೆಲವೇ ಜನ. ಆದರೆ ಕೆಜಿಎಫ್ ಇಡೀ ಪ್ರಪಂಚವನ್ನೇ ಆವರಿಸಿಕೊಳ್ಳುತ್ತೆ. ಅದು ನನ್ನ ಆಸೆ ಎಂದರು ಅಂಬಿ. ಟ್ರೇಲರ್ ಬಹಳ ಕುತೂಹಲ ಸೃಷ್ಟಿಸಿದೆ. ಇಷ್ಟು ದೊಡ್ಡ ಸಿನಿಮಾದ ಟ್ರೇಲರ್ ರಿಲೀಸ್ ಮಾಡೋಕೆ ಖುಷಿಯಾಗುತ್ತಿದೆ ಎಂದರು ಅಂಬಿ.

    ಹೊಂಬಾಳೆ ಪ್ರೊಡಕ್ಷನ್ನಿಂದ ಕನ್ನಡ-ಮಲಯಾಳಂ ಟ್ರೈಲರ್ ರಿಲೀಸ್ ಆದರೆ, ವಿಶಾಲ್ ಫಿಲಂ ಫ್ಯಾಕ್ಟರಿಯಿಂದ ತಮಿಳು ಟ್ರೈಲರ್  ರಿಲೀಸ್ ಆಗಿದೆ. ವರಾಹಿ ಪ್ರೊಡಕ್ಷನ್ ತೆಲುಗು ಮತ್ತು ಹಿಂದಿ ಟ್ರೈಲರ್ ರಿಲೀಸ್ ಮಾಡಿದೆ. 

    ಐದು ಭಾಷೆಗಳ ಪತ್ರಕರ್ತರ ಸಮ್ಮುಖದಲ್ಲಿ ರಿಲೀಸ್ ಆದ ಕೆಜಿಎಪ್ ಚಿತ್ರದ ಟ್ರೇಲರ್, ರಿಲೀಸ್ ಆದ ಕೆಲವೇ ನಿಮಿಷಗಳಲ್ಲಿ ಟ್ರೆಂಡ್ ಆಗಿದ್ದು ವಿಶೇಷ.  ಕೆಜಿಎಫ್ ಡಿಸೆಂಬರ್ 21ರಂದು ರಿಲೀಸ್ ಆಗುತ್ತಿದೆ.

  • ಕೆಜಿಎಫ್ ಟ್ರೇಲರ್‍ನ ಪವರ್‍ಫುಲ್ ಡೈಲಾಗ್ಸ್

    kgf dialogues goes viral

    ಕೆಜಿಎಫ್ ಚಿತ್ರದ ಮೇಕಿಂಗ್, ದೃಶ್ಯ ವೈಭವಕ್ಕೆ ಪೈಪೋಟಿ ನೀಡಿರುವ ಡೈಲಾಗುಗಳಂತೂ ಅದ್ಭುತ. ಟ್ರೇಲರ್‍ನಲ್ಲಿ ಖಡಕ್ ಅನ್ನಿಸೋದು ಎರಡೇ ಡೈಲಾಗು. ಉಳಿದಂತೆ ಭಾವನೆಗಳನ್ನು ಕೆರಳಿಸುವ, ಉದ್ದೀಪಿಸುವ ಮಾತುಗಳಿವೆ. ಟ್ರೇಲರ್ ಆರಂಭ : ಆ ರಾತ್ರಿ ಎರಡು ಘಟನೆ ನಡೀತು. ಆ ಜಾಗಾನೂ ಹುಟ್ತು. ಅವನೂ ಹುಟ್ಟಿದ..

    ಡೈಲಾಗ್ ನಂ. 1 - ಮುಂಬೈ ಏನು ನಿಮ್ಮಪ್ಪಂದಾ..?

    ಅಲ್ಲ ಕಣೋ.. ನಿಮ್ಮಪ್ಪಂದೇ.. ನಿಮ್ಮಪ್ಪ ನಾನೇ..

    ಡೈಲಾಗ್ ನಂ. 2 - ನಿನ್ನ ಬೆನ್ನ ಹಿಂದೆ ಸಾವಿರ ಜನ ನಿಂತಿದ್ದಾರೆ ಅನ್ನೋ ಧೈರ್ಯ ನಿನಗೆ ಇದ್ರೆ, ನೀನು ಬರೀ ಒಂದು ಯುದ್ಧ ಗೆಲ್ಲಬಹುದು.

    ಅದೇ ನೀನು ಮುಂದೆ ನಿಂತಿದ್ದೀಯ ಅನ್ನೋ ಧೈರ್ಯ ನಿನ್ನ ಹಿಂದೆ ಇರೋ ಸಾವಿರ ಜನಕ್ಕೆ ಬಂದ್ರೆ, ನೀನು ಪ್ರಪಂಚನೇ ಗೆಲ್ಲಬಹುದು.

    ಡೈಲಾಗ್ ನಂ. 3 - ರೌಡಿ : ಏನೋ ಬೇಕು ನಿಂಗೆ..?  ಮಾಸ್ಟರ್ ಯಶ್ ಡೈಲಾಗ್ : ದುನಿಯಾ

    ಟ್ರೇಲರ್ ಇಂಟರ್ವಲ್ - ನೀನು ಒಂದು ಆನೆ ಹೊಡೀಬೇಕು ಅಂತಾ ಹೇಳ್ತಾನೆ ಡಾನ್. ಯಶ್ ಜರ್ನಿ ಶುರು. ಹೊರಟ.. ಅವನಿಗೆ ಹೋಗೋ ದಾರಿನೂ ಗೊತ್ತಿರ್ಲಿಲ್ಲ. ತಲುಪೋ ಜಾಗದ ಬಗ್ಗೆ ಗೊತ್ತಿರಲಿಲ್ಲ.  ಅಲ್ಲಿನ ಅಮಾನುಷತೆಯೂ ಗೊತ್ತಿರಲಿಲ್ಲ.

    ಹೀಗೆ ಶುರುವಾಗುವ ಟ್ರೇಲರ್‍ನಲ್ಲಿ ಸಣ್ಣ ಸಣ್ಣ ಸೌಂಡು ಕೂಡಾ ಎದ್ದು ಕಾಣುತ್ತೆ. ಕಿವಿಗೆ ನಾಟುತ್ತೆ. ಪ್ರಶಾಂತ್ ನೀಲ್ ಮತ್ತೊಮ್ಮೆ ಉಗ್ರಂ ನೆನಪಿಸುತ್ತಾರೆ.

  • ಕೆಜಿಎಫ್ ಡೈಲಾಗ್‍ದೇ ಹವಾ..

    kgf dialogue is hit

    ರಾಕಿಂಗ್ ಸ್ಟಾರ್ ಯಶ್ ಅಂದ್ರೆ, ಡೈಲಾಗ್‍ಗಳಿಗೆ ಬರವೇ ಇರೋದಿಲ್ಲ. ಇನ್ನು ಕೆಜಿಎಫ್ ಚಿತ್ರದ ನಿರ್ದೇಶಕ ಪ್ರಶಾಂತ್ ನೀಲ್. ಈ ಇಬ್ಬರ ಕಾಂಬಿನೇಷನ್ನಿನ ಕೆಜಿಎಫ್, ಭರ್ಜರಿ ನಿರೀಕ್ಷೆ ಹುಟ್ಟಿಸಿರುವಾಗಲೇ, ಯಶ್‍ರ ಆ ಡೈಲಾಗ್ ಹವಾ ಸೃಷ್ಟಿಸಿದೆ

    ರಕ್ತದ ವಾಸನೆ ಕಂಡ್ರೆ ಬೇಜಾನ್ ಮೀನುಗಳು ಒಟ್ಟಿಗೇ ಬಂದ್ ಬಿಡ್ತವೆ. ಆದರೆ, ಆ ಮೀನುಗಳಿಗೆ ಗೊತ್ತಿಲ್ಲ, ಆ ರಕ್ತ ಮೀನುಗಳನ್ನು ಬೇಟೆಯಾಡೋ ತಿಮಿಂಗಿಲದ್ದು ಅಂತಾ.. ಇದು ಯಶ್ ಡೈಲಾಗ್.

    ಇದಕ್ಕೆ ಮುಂಚೆ ಇದೇ ಚಿತ್ರದ ಇನ್ನೊಂದು ಡೈಲಾಗ್‍ನ್ನು ಸ್ವತಃ ಯಶ್ ಬಹಿರಂಗಪಡಿಸಿದ್ರು. ಇನ್ಮೇಲಿಂದ ಅವರಪ್ಪ ನನ್ ಮಾವ, ನಾನು ನಿಮ್ಮೆಲ್ಲರಿಗೂ ಭಾವ. ನಿಮ್ಮಕ್ಕನ್ ಚೆನ್ನಾಗ್ ನೋಡ್ಕಳ್ರೋ, ಚೆನ್ನಾಗ್ ನೋಡ್ಕಳಿ ಅನ್ನೋ ಡೈಲಾಗ್ ಬಹಿರಂಗವಾಗಿತ್ತು.

    ಈಗ 2ನೇ ಡೈಲಾಗ್ ಹೊರಬಿದ್ದಿದೆ. ಹೊಂಬಾಳೆ ಫಿಲ್ಸ್ಮ್ ನಿರ್ಮಿಸುತ್ತಿರುವ ಚಿತ್ರಕ್ಕೆ ವಿಜಯ್ ಕಿರಗಂದೂರು ನಿರ್ಮಾಪಕರು. 5 ಭಾಷೆಗಳಲ್ಲಿ ರಿಲೀಸ್ ಆಗಲಿರುವ ಚಿತ್ರದಲ್ಲಿರೋದು 80ರ ದಶಕದ ಕಥೆ. ಅಷ್ಟನ್ನು ಬಿಟ್ಟರೆ, ಬೇರ್ಯಾವುದೇ ಸೀಕ್ರೆಟ್ ಬಹಿರಂಗವಾಗಿಲ್ಲ.

#

The Terrorist Movie Gallery

Thayige Thakka Maga Movie Gallery