` yash, - chitraloka.com | Kannada Movie News, Reviews | Image

yash,

  • ಮಿಸೆಸ್ ರಾಮಾಚಾರಿ ಈಗ ರಾಗಿ ಮುದ್ದೆ ಸ್ಪೆಷಲಿಸ್ಟ್

    radhika pandith is mudde specialist

    ರಾಧಿಕಾ ಪಂಡಿತ್ ಮದುವೆಯಾದ ಮೇಲೆ ಸಿಕ್ಕಾಪಟ್ಟೆ ಬದಲಾಗಿದ್ದಾರೆ. ಮೊದಲಿಗಿಂತ ಹೆಚ್ಚು ಗ್ಲಾಮರಸ್ ಆಗಿ ಕಾಣಿಸಿಕೊಳ್ತಾರೆ. ಸಿಕ್ಕಾಪಟ್ಟೆ ಟೂರ್ ಮಾಡ್ತಿದ್ದಾರೆ. ಸಿನಿಮಾಗಳಿಂದ 7 ತಿಂಗಳು ಬ್ರೇಕ್ ತೆಗೆದುಕೊಂಡಿದ್ದ ರಾಧಿಕಾ, ಈ ಗ್ಯಾಪ್‍ನಲ್ಲಿ ಏನೇನೋ ಕಲಿತಿದ್ದಾರೆ. ಹಾಗೆ ಕಲಿತ ವಿದ್ಯೆಯ ಪರಿಣಾಮ, ರಾಧಿಕಾ ಈಗ ಮುದ್ದೆ ಸ್ಪೆಷಲಿಸ್ಟ್.

    ಮದುವೆಗೆ ಮುಂಚೆ ರಾಧಿಕಾಗೆ ಮಲಗಿದ್ದ ಜಾಗದಲ್ಲೇ ಕಾಫಿ ಬರ್ತಾ ಇತ್ತು. ಅಮ್ಮ ಕೊಡ್ತಾ ಇದ್ರು. ಮದುವೆಯಾದ ಮೇಲೆ ಯಶ್‍ಗೆ ಕಾಫಿ ಕೊಡೋ ಕೆಲಸವನ್ನು ರಾಧಿಕಾನೇ ವಹಿಸಿಕೊಂಡಿದ್ದಾರಂತೆ.. ಪ್ರೀತಿಯಿಂದ. ಅಡುಗೆ ಮಾಡೋಕೆ ಬರ್ತಾ ಇತ್ತು. ಆದರೆ, ರಾಗಿ ಮುದ್ದೆ ಮಾಡೋದು ಕಲಿತಿದ್ದು ಮದುವೆಯಾದ್ಮೇಲೆ ಎಂದು ಹೇಳಿಕೊಂಡಿದ್ದಾರೆ ರಾಧಿಕಾ. ಈಗ ರಾಧಿಕಾ ಮುದ್ದೆ ಮಾಡಿದರೆ, ಗುಂಡು ಗುಂಡಾಗಿ, ಒಂದೇ ಒಂದು ಗಂಟಿಲ್ಲದೆ ಮೃದುವಾಗಿ ಮಾಡ್ತಾರಂತೆ.

    ಅಡುಗೆ ಮಾಡೋದು, ಬಡಿಸೋದು ಎರಡೂ ಖುಷಿ ಕೊಡುತ್ತೆ. ಮನೆಯಲ್ಲಿದ್ದಾಗ ಯಶ್, ನಾನು ರಾಜಾಹುಲಿ ಅಂದ್ರೆ, ನಾನು ದುರ್ಗಮ್ಮ ಅಂತೀನಿ ಅಂಥಾ ಹೇಳ್ಕೊಂಡು ನಗ್ತಾರೆ ರಾಧಿಕಾ. ಹುಲಿ ಮೇಲೆ ಸವಾರಿ ಮಾಡೋದು ದುರ್ಗಿ ಅನ್ನೊದನ್ನ ಅಭಿಮಾನಿಗಳಿಗೆ ನೆನಪಿಸಬೇಕಿಲ್ಲ ಅಲ್ವಾ..?

  • ಮೇ ತಿಂಗಳಿಂದ ಕೆಜಿಎಫ್ ಚಾಪ್ಟರ್ 2 ಆರಂಭ

    kgf chapter 2 shooting to start from may

    ಕೆಜಿಎಫ್ ಚಾಪ್ಟರ್ 2 ಚಿತ್ರದ ಚಿತ್ರೀಕರಣವನ್ನು ಮೇ ತಿಂಗಳಿಂದ ಆರಂಭಿಸಲು ಚಿತ್ರತಂಡ ನಿರ್ಧರಿಸಿಬಿಟ್ಟಿದೆ. ಚಾಪ್ಟರ್ 2ನ ಶೇ.25ರಷ್ಟು ಚಿತ್ರೀಕರಣವನ್ನು ಈಗಾಗಲೇ ಮುಗಿಸಿರುವ ಚಿತ್ರತಂಡ, ಉಳಿದ ಭಾಗದ ಚಿತ್ರೀಕರಣಕ್ಕೆ ಸಜ್ಜಾಗುತ್ತಿದೆ. ಕೆಜಿಎಫ್ ಚಾಪ್ಟರ್ 1ಕ್ಕೆ ಮಾಡಿಕೊಂಡಂತೆಯೇ, ಶೂಟಿಂಗಿಗೆ ಹೋಗುವ ಮುನ್ನವೇ ಎಲ್ಲವನ್ನೂ ತಯಾರು ಮಾಡಿಕೊಳ್ಳುತ್ತಿದೆ ಕೆಜಿಎಫ್ ಟೀಂ.

    ಯಶ್ ಈಗಾಗಲೇ ಗಡ್ಡ ಬೆಳೆಸೋಕೆ ಶುರು ಮಾಡಿದ್ದಾರೆ. ಮೇ ತಿಂಗಳ ಹೊತ್ತಿಗೆ ಕೆಜಿಎಫ್ ಚಾಪ್ಟರ್ 1 ಲೆವೆಲ್ಲಿಗೆ ಬರಲಿದೆ ಯಶ್ ಗಡ್ಡ. ಪ್ರಶಾಂತ್ ನೀಲ್ ನಿರ್ದೇಶನದಲ್ಲಿ ಚಿತ್ರ ರೆಡಿಯಾಗುತ್ತಿದೆ. ಸದ್ಯಕ್ಕಂತೂ ಯಶ್ ಕೆಜಿಎಫ್ ಬಿಟ್ಟು ಬೇರೆ ಧ್ಯಾನ ಮಾಡೋದಿಲ್ಲ. ಕೆಜಿಎಫ್ ಚಾಪ್ಟರ್ 2, 2020ರಲ್ಲಿ ರಿಲೀಸ್ ಆಗುವ ಸಾಧ್ಯತೆ ಇದೆ.

  • ಮೈ ನೇಮ್ ಈಸ್ ಕಿರಾತಕ ನಿಂತು ಹೋಯ್ತಾ..? - ಜಯಣ್ಣ ಹೇಳಿದ್ದೇನು..?

    jayanna clarifies on kirataka 2 being shelved

    ಕೆಜಿಎಫ್ ಶೂಟಿಂಗ್ ಮುಗಿಸಿದ ನಂತರ ರಾಕಿಂಗ್ ಸ್ಟಾರ್ ಯಶ್ ತೊಡಗಿಸಿಕೊಂಡಿದ್ದ ಸಿನಿಮಾ ಮೈ ನೇಮ್ ಈಸ್ ಕಿರಾತಕ. ಅನಿಲ್ ಕುಮಾರ್ ನಿರ್ದೇಶನದ ಚಿತ್ರ, ಒಂದು ಹಂತದ ಶೂಟಿಂಗ್‍ನ್ನು ಕೂಡಾ ಮುಗಿಸಿದೆ. ಹೀಗಿರುವಾಗಲೇ, ಚಿತ್ರವನ್ನು ನಿಲ್ಲಿಸಿಬಿಟ್ಟಿದ್ದಾರೆ ಎಂಬ ಸುದ್ದಿ ಗಾಂಧಿನಗರದಲ್ಲಿ ಹಬ್ಬಿಬಿಟ್ಟಿದೆ. ಅಫ್‍ಕೋರ್ಸ್.. ಹಾಗೆ ಸುದ್ದಿ ಹಬ್ಬೋಕೆ ಕಾರಣ, ಮೈ ನೇಮ್ ಈಸ್ ಕಿರಾತಕ ಚಿತ್ರದ ನಿರ್ದೇಶಕ ಅನಿಲ್ ಕುಮಾರ್, ರಾಮ್‍ಕುಮಾರ್ ಪುತ್ರ ಧಿರೇನ್ ಅಭಿನಯದ ದಾರಿ ತಪ್ಪಿದ ಮಗ ಚಿತ್ರವನ್ನು ಆರಂಭಿಸಿರುವುದು. ಹೀಗಾಗಿ ಗೊಂದಲಗಳಿಗೆ ಸ್ವತಃ ನಿರ್ಮಾಪಕ ಜಯಣ್ಣ ಉತ್ತರ ಕೊಟ್ಟಿದ್ದಾರೆ.

    `ಮೈ ನೇಮ್ ಈಸ್ ಕಿರಾತಕ ನಿಂತಿಲ್ಲ. ಎಲ್ಲವೂ ಪ್ಲಾನ್ ಪ್ರಕಾರವಾಗಿಯೇ ನಡೆಯುತ್ತಿದೆ. ಯಶ್, ಈಗ ಕೆಜಿಎಫ್ ರಿಲೀಸ್‍ನಲ್ಲಿ ಬ್ಯುಸಿಯಾಗಿದ್ದಾರೆ. ನಮ್ಮ ಪ್ಲಾನ್ ಪ್ರಕಾರವೇ, ಚಿತ್ರದ ಚಿತ್ರೀಕರಣ ಜನವರಿ ಕೊನೆಯಲ್ಲಿ ಶುರುವಾಗಬೇಕು. ಒಂದು ಹಂತದ ಚಿತ್ರೀಕರಣ ಮುಗಿಸಿ, ಬ್ರೇಕ್ ತೆಗೆದುಕೊಂಡಿದ್ದೇವೆ. ರೂಮರ್‍ಗಳನ್ನು ನಂಬಬೇಡಿ'' ಇದು ಜಯಣ್ಣ ಕೊಟ್ಟಿರುವ ಉತ್ತರ.

  • ಯಶ್ BOSS

    yash buys fancy car registration number

    ರಾಕಿಂಗ್ ಸ್ಟಾರ್ ಯಶ್ ಹೊಸ ಕಾರು ಖರೀದಿಸಿದ್ದು ಈಗ ಹಳೇ ಸುದ್ದಿ. ಆ ಹೊಸ ಕಾರಿಗೆ ಬಾಸ್ ಆಗಿರುವ ಯಶ್, ಕಾರ್ ನಂಬರ್‍ನಲ್ಲೂ ಬಾಸ್ ಆಗಿದ್ದಾರೆ. ತಮ್ಮ ಕಾರ್‍ಗೆ ಫ್ಯಾನ್ಸಿ ನಂಬರ್ ಖರೀದಿಸಿದ ಯಶ್, 8055 ನಂಬರ್‍ನ್ನು 1.47 ಲಕ್ಷ ರೂ.ಗೆ ಹರಾಜಿನಲ್ಲಿ ಖರೀದಿಸಿದ್ದಾರೆ. ಶಾಂತಿನಗರದ ಸಾರಿಗೆ ಕಚೇರಿಯಲ್ಲಿ ಕೆಎ05-ಎಂವೈ ಶ್ರೇಣಿಯ ಫ್ಯಾನ್ಸಿ ನಂಬರ್‍ನ್ನು ಖರೀದಿಸಿದ್ದಾರೆ ಯಶ್.

    ಈ ನಂಬರ್‍ನ ವಿಶೇಷತೆ ಏನ್ ಗೊತ್ತಾ..? 8055 ಅನ್ನೋ ನಂಬರ್‍ನ್ನ ನಂಬರ್ ಪ್ಲೇಟ್‍ನಲ್ಲಿ ಬರೆಸಿದ್ರೆ, ನೋಡೋದಕ್ಕೆ ಇಂಗ್ಲಿಷ್‍ನಲ್ಲಿ  BOSS   ಅನ್ನೋ ರೀತಿ ಕಾಣುತ್ತೆ. ಕೆಲವರು ಪ್ರತಿಷ್ಟೆಗಾಗಿ ಈ ರೀತಿಯ ನಂಬರ್ ಪಡೆಯುತ್ತಾರೆ. 

    ಯಶ್, ತಮ್ಮ ಗೆಳೆಯ ರಾಕೇಶ್ ಅವರ ಮೂಲಕ ಈ ನಂಬರ್ ಖರೀದಿ ಮಾಡಿದ್ದಾರೆ. ಎಷ್ಟೇ ಹಣವಾದರೂ ಪರವಾಗಿಲ್ಲ, 8005 ನಂಬರ್ ಬೇಕೇ ಬೇಕು ಎಂದು ಯಶ್ ಹೇಳಿದ್ದರು. ಹೀಗಾಗಿ ಹರಾಜಿನಲ್ಲಿ ಭಾಗವಹಿಸಿ 8055 ( BOSS ) ನಂಬರ್ ಪಡೆದಿದ್ದೇನೆ ಎಂದು ತಿಳಿಸಿದ್ದಾರೆ ರಾಕೇಶ್.

  • ಯಶ್ ಅಭಿಮಾನಿ ರವಿ ನಿಧನ

    yash fan who attempted suicide is no more

    ನಿನ್ನೆಯಷ್ಟೇ ಯಶ್ ಹುಟ್ಟುಹಬ್ಬದ ಆಚರಣೆ ಮಾಡಲಿಲ್ಲ ಎಂದು ಹತಾಶೆಯಿಂದ ಆತ್ಮಹತ್ಯೆಗೆ ಯತ್ನಿಸಿದ್ದ ಅಭಿಮಾನಿ ರವಿ ಚಿಕಿತ್ಸೆ ಫಲಿಸದೆ ಸಾವನ್ನಪ್ಪಿದ್ದಾರೆ. 

    ರಾತ್ರಿ 1.30 ಕ್ಕೆ ಸಾವನ್ನಪ್ಪಿದ್ದಾರೆ. ರವಿಯವರ ಶೇಕಡಾ 70% ದೇಹ ಸುಟ್ಟಹೋಗಿದ್ದು, ಬದುಕುಳಿಯುವಸಾಧ್ಯತೆ ಕಡಿಮೆ ಎಂದು ಹೇಳಲಾಗಿತ್ತು. ನಟ ಯಶ್ ಕೂಡಾ ಆಸ್ಪತ್ರೆಗೆ ಭೇಟಿ ನೀಡಿದ್ದರು. ಇನ್ನು ಮುಂದೆ ಯಾರೂ ಈ ರೀತಿ ದುಸ್ಸಾಹಸ ಮಾಬಾರದು ಎಂದು ಮನವಿ ಮಾಡಿದ್ದರು.

    Related Articles :-

    ದಯವಿಟ್ಟು ಹಿಂಗೆಲ್ಲ ಮಾಡ್ಕೋಬೇಡಿ.. ಮತ್ತೆ ಹಿಂಗಾದ್ರೆ ನಾನು ಬರಲ್ಲ - ಯಶ್

  • ಯಶ್ ಅಭಿಮಾನಿಗಳ ಆಕ್ರೋಶಕ್ಕೆ ಕ್ಷಮೆ ಕೇಳಿದ ರಶ್ಮಿಕಾ ಮಂದಣ್ಣ

    rashmika apologises

    ನಟ ಯಶ್​ರನ್ನು ಶೋ ಆಫ್ ಸ್ಟಾರ್ ಎಂದಿದ್ದ ನಟಿ ರಶ್ಮಿಕಾ ಮಂದಣ್ಣ ಕ್ಷಮೆಯಾಚಿಸಿದ್ದಾರೆ. ಫೇಸ್​ಬುಕ್​ನಲ್ಲಿ ವಿವರಣೆ ನೀಡಿರುವ ರಶ್ಮಿಕಾ, ತನಗೆ ಯಶ್​ ಬಗ್ಗೆ ಗೌರವವಿದೆ. ಅದು ಸ್ಟಾರ್ ಸುವರ್ಣ ವಾಹಿನಿಯಲ್ಲಿ 7 ತಿಂಗಳ ಹಿಂದೆ ಪ್ರಸಾರವಾಗಿದ್ದ ಸಂದರ್ಶನ. ಕಿರಿಕ್ ಪಾರ್ಟಿ ಚಿತ್ರದ ಸಕ್ಸಸ್ ಪಾರ್ಟಿ ವೇಳೆ ಅದನ್ನು ಮತ್ತೆ ಬಳಸಲಾಗಿತ್ತು. 

    ಅದು ಸೀರಿಯಸ್ ವಿಷಯವೇ ಆಗಿರಲಿಲ್ಲ.  ತಮಾಷೆಯ ವಿಷಯವಾಗಿತ್ತು. ಕಾರ್ಯಕ್ರಮದಲ್ಲಿ  ಱಪಿಡ್ ಫೈರ್ ಎನ್ನುವ ಭಾಗದಲ್ಲಿ ಪಟಪಟನೆ ಉತ್ತರ ಹೇಳಬೇಕು. ಹಾಗೆ ಉತ್ತರ ಹೇಳುವಾಗ ಆಗಿರುವ ತಮಾಷೆಯ ವಿಷಯ ಇದು. 

    ಯಶ್ ಸೇರಿದಂತೆ ಎಲ್ಲ ನಟರ  ಬಗ್ಗೆ ನನಗೆ ಗೌರವವಿದೆ. ಯಶ್ ಅವರ ಪ್ರತಿಭೆ ಮತ್ತು ಪರಿಶ್ರಮ ಪ್ರತಿಯೊಬ್ಬರಿಗೂ ಸ್ಫೂರ್ತಿ. ಅವರನ್ನು ನೋಯಿಸುವ, ಅವರಿಗೆ ಅವಮಾನ ಮಾಡುವ ಯಾವುದೇ ಉದ್ದೇಶ ನನಗಿಲ್ಲ. 

    ಕಾರ್ಯಕ್ರಮದಲ್ಲಿನ ಎಡಿಟ್ ಆದ ಮಾತುಗಳನ್ನಷ್ಟೇ ವಿವಾದ ಮಾಡಬೇಡಿ. ನನ್ನ ಸಂದರ್ಶನವನ್ನು ಪೂರ್ತಿಯಾಗಿ ನೋಡಿ. ಕೇವಲ 2 ಲೈನ್ ಇಟ್ಟುಕೊಂಡು ವಿವಾದ ಸೃಷ್ಟಿಸುವುದು ಬೇಡ. 

    ಇಷ್ಟಕ್ಕೂ ಅದನ್ನು ತಮಾಷೆಗಾಗಿ ಹೇಳಿದ್ದೆನೆಯೇ ಹೊರತು, ಯಶ್ ಅವರನ್ನಾಗಲೀ, ಬೇರೆ ಯಾರನ್ನೇ ಆಗಲಿ ನೋಯಿಸುವ ಉದ್ದೇಶ ಇರಲಿಲ್ಲ. ಆದರೂ, ಯಾರಿಗೇ ಬೇಸರವಾಗಿದ್ದರೂ  ಕ್ಷಮೆಯಿರಲಿ. 

    ನನಗೆ ಮಾಧ್ಯಮಗಳು ಆರಂಭದಿಂದಲೂ ಬೆಂಬಲ ನೀಡಿವೆ. ನನ್ನ ಬೆಳವಣಿಗೆಯಲ್ಲಿ ಮಾಧ್ಯಮಗಳ ಪಾತ್ರ ಬಹಳ ದೊಡ್ಡದು. ಮಾಧ್ಯಮಗಳು ನನ್ನ ಈ ಮನವಿಗೆ ಸ್ಪಂದಿಸುತ್ತವೆ ಎಂಬ ನಂಬಿಕೆ ನನ್ನದು. 

    ಇದನ್ನು ದೊಡ್ಡ ವಿವಾದವನ್ನಾಗಿಸುವುದು ಬೇಡ. ನಿಮ್ಮ ಆಶೀರ್ವಾದ ಸದಾ ಇರಲಿ 

    ನಿಮ್ಮ ರಶ್ಮಿಕಾ

    Related Articles :-

    ಮಿ. ಶೋ ಆಫ್ ಎಂದಿದ್ದ ಕಿರಿಕ್ ರಶ್ಮಿಕಾಗೆ ಯಶ್ ಕೊಟ್ಟ ಉತ್ತರ

  • ಯಶ್ ಅಮ್ಮ... ಯಶ್‍ಗಿಂತ ಚಿಕ್ಕೋರು ಕಣ್ರಿ..!

    interesting story about rocky bhai's mother in kgf

    ಕೆಜಿಎಫ್ ಚಿತ್ರದ ಟ್ರೇಲರ್ ನೋಡಿದವರಿಗೆ ಗಮನ ಸೆಳೆಯೋದು ಅಮ್ಮ. ಆಕೆ ಯಶ್‍ಗೆ ಹೇಳೋ ಡೈಲಾಗ್... ಮೈ ನವಿರೇಳಿಸುವುದು ನಿಜ.

    ನಿನ್ನ ಬೆನ್ನ ಹಿಂದೆ ಸಾವಿರ ಜನ ನಿಂತಿದ್ಧಾರೆ ಅನ್ನೋ ಧೈರ್ಯ ನಿನಗೆ ಇದ್ರೆ, ಬರೀ ಒಂದು ಯುದ್ಧ ಗೆಲ್ಲಬಹುದು. ಅದೇ.. ನೀನು ಮುಂದೆ ನಿಂತಿದ್ದೀಯಾ ಅನ್ನೋ ಧೈರ್ಯ ಸಾವಿರ ಜನಕ್ಕೆ ಬಂದ್ರೆ, ನೀನು ಪ್ರಪಂಚಾನೇ ಗೆಲ್ಲಬಹುದು.

    ಅದು ಕೆಜಿಎಫ್‍ನಲ್ಲಿ ಯಶ್‍ಗೆ ತಾಯಿ ಹೇಳೋ ಮಾತು. ಇಂತಹ ಮಾತನ್ನಾಡಿರುವ, ಯಶ್‍ಗೆ ತಾಯಿಯಾಗಿ ನಟಿಸಿರುವ ನಟಿ ಅರ್ಚನಾ ಜೋಯಿಸ್. ವಿಶೇಷ ಅಂದ್ರೆ, ಆಕೆ ವಯಸ್ಸಿನಲ್ಲಿ ಯಶ್‍ಗಿಂತ ಚಿಕ್ಕವರಂತೆ. ಮಹಾದೇವಿ ಅನ್ನೋ ಸೀರಿಯಲ್‍ನಲ್ಲಿ ತ್ರಿಪುರ ಸುಂದರಿ ದೇವಿಯ ಪಾತ್ರ ಮಾಡಿದ್ದ ಅರ್ಚನಾ, ದುರ್ಗಾ ಧಾರಾವಾಹಿಯಲ್ಲೂ ದೇವಿಯ ಪಾತ್ರದಲ್ಲೇ ನಟಿಸಿದ್ದರು. ನೀಲಿ ಅನ್ನೋ ಸೀರಿಯಲ್‍ನಲ್ಲೂ ಪ್ರಮುಖ ಪಾತ್ರ ಮಾಡಿದ್ದರು. ಇಷ್ಟಿದ್ದರೂ ಅರ್ಚನಾಗೆ ಭರತ ನಾಟ್ಯ ಎಂದರೆ ಪಂಚಪ್ರಾಣ. ಭರತನಾಟ್ಯಕ್ಕಾಗಿ ದೊಡ್ಡ ದೊಡ್ಡ ಅವಕಾಶಗಳನ್ನು ಕೈಚೆಲ್ಲಿರುವ ಅರ್ಚನಾ ಜೋಯಿಸ್, ರಾಷ್ಟ್ರೀಯ ಮಟ್ಟದ ನಾಟ್ಯ ಕಲಾವಿದೆ. ಇವರ ಪತಿ ಶ್ರೇಯಸ್ ಉಡುಪ. ಲವ್ ಮ್ಯಾರೇಜ್.

    ಅರ್ಚನಾ ಅವರಿಗೆ ಶಾರೂಕ್, ಅಮೀರ್ ಖಾನ್, ಯಶ್ ಮತ್ತು ಪ್ರಭಾಸ್ ಎಂದರೆ ತುಂಬಾ ಇಷ್ಟ. ಈಗ ಯಶ್‍ಗೆ ಕೆಜಿಎಫ್‍ನಲ್ಲಿ ಅಮ್ಮನಾಗಿ ನಟಿಸಿ ಗೆದ್ದಿದ್ದಾರೆ.

  • ಯಶ್ ಎಂಟ್ರಿ ಆದರೆ, ಕೆಜಿಎಫ್ ಮುಗಿದಂತೆ..!

    kgf shooting in final shooting

    ಕೆಜಿಎಫ್ ಚಿತ್ರದ ಚಿತ್ರೀಕರಣ ಅಂತಿಮ ಹಂತಕ್ಕೆ ತಲುಪಿದೆ. ಒಂದು ವರ್ಷದಿಂದ ನಡೆಯುತ್ತಿರುವ ಶೂಟಿಂಗ್ ಈಗ ಫೈನಲ್ ಸ್ಟೇಜ್‍ನಲ್ಲಿದೆ. ಅಂತಿಮ ಹಂತದ ಚಿತ್ರೀಕರಣಕ್ಕಾಗಿ ಮಿನರ್ವ ಮಿಲ್‍ನಲ್ಲಿ ಸೆಟ್‍ವೊಂದನ್ನು ಹಾಕಲಾಗಿದೆ. ಆ ಸೆಟ್‍ನಲ್ಲಿ ನಡೆಯೋದು ಯಶ್ ಇಂಟ್ರೊಡಕ್ಷನ್ ಸಾಂಗ್‍ನ ಶೂಟಿಂಗ್. ಅದೊಂದು ಮುಗಿದರೆ ಚಿತ್ರೀಕರಣ ಮುಗಿದಂತೆಯೇ ಲೆಕ್ಕ.

    ಆರಂಭದಿಂದ ಅಂತ್ಯದವರೆಗೆ ಚಿತ್ರದ ಕುರಿತು ನಿಗೂಢತೆಗಳನ್ನೇ ಕಾಪಾಡಿಕೊಂಡು ಬಂದ ನಿರ್ದೇಶಕ ಪ್ರಶಾಂತ್ ನೀಲ್, ಚಿತ್ರೀಕರಣವನ್ನು ಅಂತಿಮ ಹಂತಕ್ಕೆ ತಂದು ನಿಲ್ಲಿಸಿದ್ದಾರೆ. ಚಿತ್ರದಲ್ಲಿ 80ರ ದಶಕದ ಕಥೆ ಇದೆ. ಆದರೆ, ಇದು ಉಗ್ರಂ ಸ್ಟೈಲಿನ ಕಥೆ ಅಲ್ಲ ಅನ್ನೋದು ಪ್ರಶಾಂತ್ ನೀಲ್ ಮಾತು.

    ವಿಜಯ್ ಕಿರಗಂದೂರು ಅವರ ಹೊಂಬಾಳೆ ಫಿಲಂಸ್ ನಿರ್ಮಾಣದ ಚಿತ್ರದಲ್ಲಿ ಅನಂತ್‍ನಾಗ್, ರಮ್ಯಾಕೃಷ್ಣ ಮೊದಲಾದ ಹಿರಿಯರೇ ಪೋಷಕ ಪಾತ್ರಗಳಲ್ಲಿರುವುದು ವಿಶೇಷ. ಕನ್ನಡ, ತೆಲುಗು, ತಮಿಳು, ಮಲಯಾಳಂ ಹಾಗೂ ಹಿಂದಿಯಲ್ಲಿ ಏಕಕಾಲಕ್ಕೆ ತಯಾರಾಗುತ್ತಿರುವ ಚಿತ್ರ, ಕನ್ನಡ ಚಿತ್ರರಂಗದ ಇತಿಹಾಸದಲ್ಲೇ ಅತ್ಯಂತ ಭಾರಿ ಬಜೆಟ್ಟಿನ, ಅದ್ದೂರಿ ಚಿತ್ರವಾಗುತ್ತಿದೆ.

  • ಯಶ್ ಕಣ್ಣೀರಿನ ಕಥೆ

    what made rocking stra yash cry

    ಸಿನಿಮಾಗಳಲ್ಲಿ ವಿಲನ್‍ಗಳನ್ನು ಚಚ್ಚಿ ಬಿಸಾಡುವ ರಾಕಿಂಗ್ ಸ್ಟಾರ್ ಯಶ್, ಕಣ್ಣೀರಿಟ್ಟಿದ್ದಾರೆ. ಯಶ್ ಕಣ್ಣೀರು ಕಂಡು ರಾಧಿಕಾ ಪಂಡಿತ್ ಕರಗಿ ಹೋಗಿದ್ದಾರೆ. ಇಷ್ಟಕ್ಕೂ ಯಶ್ ಕಣ್ಣೀರಿಗೆ ಕಾರಣ, ಮಗಳು ಐರಾ.

    ಐರಾಗೆ ಕಿವಿ ಚುಚ್ಚಿಸಲಾಗಿದೆ. ಈ ಕಿವಿ ಚುಚ್ಚಿಸುವ ವೇಳೆ ಯಶ್ ಕಣ್ಣೀರಿಟ್ಟುಬಿಟ್ಟರಂತೆ. ಇದೇ ಮೊದಲ ಬಾರಿ ಯಶ್ ಕಣ್ಣೀರು ಹಾಕುವುದನ್ನು ನೋಡಿದೆ. ಈ ಬಂಧನ ಎಷ್ಟು ಬೆಲೆ ಬಾಳುವುದು ಎಂಬುದು ಮತ್ತೊಮ್ಮೆ ಭಾಸವಾಯ್ತು ಎಂದಿರುವ ರಾಧಿಕಾ ಪಂಡಿತ್, ಹೆತ್ತವರ ಅತ್ಯಂತ ಕಷ್ಟದ ದಿನಗಳಲ್ಲಿ ಇದೂ ಒಂದು ಎಂದಿದ್ದಾರೆ.

    ಅಭಿಮಾನಿಗಳೇ ಡೋಂಟ್‍ವರಿ.. ಯಶ್ ಮತ್ತು ಐರಾ ಇಬ್ಬರೂ ಕ್ಷೇಮ ಎಂದಿದ್ದಾರೆ ರಾಧಿಕಾ ಪಂಡಿತ್.

  • ಯಶ್ ಕೆಜಿಎಫ್‍ಗೆ ಝೀರೋ ಶಾರುಕ್ ಒಬ್ಬರೇ ಎದುರಾಳಿ ಅಲ್ಲ.. 

    yash's kgf has many competations

    ಕೆಜಿಎಫ್ ಸಿನಿಮಾ ಡಿಸೆಂಬರ್ 21ಕ್ಕೆ ರಿಲೀಸ್ ಆಗುತ್ತಿರುವುದು ಈಗ ಸ್ಯಾಂಡಲ್‍ವುಡ್ ಸೆನ್ಸೇಷನ್. ಕೆಜಿಎಫ್‍ನ್ನು ಇಡೀ ಭಾರತೀಯ ಚಿತ್ರರಂಗವೇ ಎದುರು ನೋಡುವಂತೆ ಮಾಡಿರುವುದೇ ಚಿತ್ರದ ಮೇಲೆ ಬೆಟ್ಟದಷ್ಟು ನಿರೀಕ್ಷೆ ಮೂಡಿಸಿದೆ.

    ಅಂದಹಾಗೆ ಆ ದಿನ ಯಶ್ ಎದುರಿಗೆ ಬರುತ್ತಿರುವ ಅತಿದೊಡ್ಡ ಸಿನಿಮಾ ಝೀರೋ. ಶಾರೂಕ್ ಖಾನ್, ಅನೂಷ್ಕಾ ಶರ್ಮಾ, ಕತ್ರಿನಾ ಕೈಫ್ ಅಭಿನಯದ ಸಿನಿಮಾದಲ್ಲಿ ಸಲ್ಮಾನ್ ಖಾನ್ ಅತಿಥಿ ನಟನಾಗಿ ನಟಿಸಿದ್ದಾರೆ.

    ಯಶ್‍ಗೆ ಶಾರೂಕ್ ಒಬ್ಬರೇ ಅಲ್ಲ, ಅದೇ ದಿನ ತಮಿಳಿನಲ್ಲಿ ವಿಜಯ್ ಸೇತುಪತಿ ಅಭಿನಯದ ಸೀತಾಕತ್ತಿ ರಿಲೀಸ್ ಆಗುತ್ತಿದೆ. ತಮಿಳಿನಲ್ಲಿ ಸತತ ಹಿಟ್ ಚಿತ್ರಗಳನ್ನೇ ನೀಡುತ್ತಿರುವ ಸ್ಪೆಷಲ್ ಹೀರೋ ವಿಜಯ್ ಸೇತುಪತಿ. ಅದರ ಜೊತೆಗೆ ಧನುಷ್ ಅಭಿನಯದ ಮಾರಿ 2 ಕೂಡಾ ರಿಲೀಸ್ ಆಗುತ್ತಿದೆ.

    ಇನ್ನು ಹಾಲಿವುಡ್‍ನ ಅಕ್ವಾಮ್ಯಾನ್, ಅಲಿಟಾ, ಬ್ಯಾಟ್ಲ್ ಏಂಜಲ್ ಮತ್ತು ಬಂಬಲ್ ಬೀ ಚಿತ್ರಗಳು ರಿಲೀಸ್ ಆಗುತ್ತಿವೆ. ಪ್ರತಿ ಸಿನಿಮಾನೂ ಸೆನ್ಸೇಷನ್ ಸೃಷ್ಟಿಸಿರುವಂತಹ ಚಿತ್ರಗಳೇ.

    ಅದೇ ದಿನ ಮಲಯಾಳಂನಲ್ಲಿ ಮಮ್ಮೂಟ್ಟಿ ಅಭಿನಯದ ಯಾತ್ರಾ ರಿಲೀಸ್ ಆಗಲಿದೆ. ನಯನತಾರಾ ಅಭಿನಯದ ಐರಾ, ನಿತ್ಯಾ ಮೆನನ್ ಅಭಿನಯದ ಪ್ರಾಣ, ಕಾರ್ತಿ ಅಭಿನಯದ ದೇವಾ ಚಿತ್ರಗಳು ರಿಲೀಸ್ ಆಗುತ್ತಿವೆ.

    ಒಟ್ಟಿನಲ್ಲಿ ಕೆಜಿಎಫ್‍ಗೆ ಚಾಲೆಂಜ್‍ಗಳು ತುಂಬಾನೇ ಇವೆ.

  • ಯಶ್ ಕೆಜಿಎಫ್‍ಗೆ ಬಾಲಿವುಡ್ ಮಿಲ್ಕಾಸಿಂಗ್ ಬಲ

    farhan aktar to distribute hindi version of kgf

    ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಕೆಜಿಎಫ್ ಬಿಡುಗಡೆಗೆ ರೆಡಿಯಾಗುತ್ತಿದೆ. ನವೆಂಬರ್ 16ರಂದೇ ರಿಲೀಸ್ ಎಂದು ಘೋಷಿಸಿದ್ದ ಚಿತ್ರತಂಡ ಈಗ ಬಿಡುಗಡೆಯನ್ನು ಡಿಸೆಂಬರ್ 21ಕ್ಕೆ ಮುಂದೂಡಿದೆ. ಈ ಕುರಿತು ಸುದ್ದಿಗೋಷ್ಟಿ ಕರೆದಿದ್ದ ಚಿತ್ರತಂಡ ಚಿತ್ರದ ಬಿಡುಗಡೆ ಕುರಿತು ಇದ್ದ ಅನುಮಾನಗಳಿಗೆ ಉತ್ತರ ನೀಡಿದೆ. ಸಿನಿಮಾವನ್ನು ಏಕಕಾಲದಲ್ಲಿ 5 ಭಾಷೆಯಲ್ಲಿ ಬಿಡುಗಡೆ ಮಾಡುತ್ತಿರುವುದೇ ಚಿತ್ರದ ಬಿಡುಗಡೆ ದಿನಾಂಕ ಮುಂದೆ ಹೋಗಲು ಕಾರಣ. ಇದರ ಹೊರತಾಗಿ ಮತ್ಯಾವುದೇ ಕಾರಣಗಳಿಲ್ಲ.

    yash_farhan_aktar_anil_thad.jpgಹಿಂದಿಯಲ್ಲಿ ಕೆಜಿಎಫ್ ಸಿನಿಮಾವನ್ನು ರವೀನಾ ಟಂಡನ್ ಅವರ ಪತಿ ಅನಿಲ್ ತಡಾನಿ ಹಾಗೂ ಬಾಲಿವುಡ್‍ನ ಮಿಲ್ಕಾಸಿಂಗ್ ಎಂದೇ ಖ್ಯಾತರಾಗಿರುವ ಫರ್ಹಾನ್ ಅಖ್ತರ್ ಜಂಟಿಯಾಗಿ ರಿಲೀಸ್ ಮಾಡುತ್ತಿದ್ದಾರೆ. ಇದನ್ನು ಫರ್ಹಾನ್ ಅಖ್ತರ್ ಹೆಮ್ಮೆಯಿಂದ ಹೇಳಿಕೊಂಡಿದ್ದಾರೆ. ಹಿಂದಿಯಲ್ಲಿ ಸಿನಿಮಾ ರಿಲೀಸ್‍ಗೆ ಮುನ್ನ ಪ್ರಚಾರಕ್ಕೆ ಸ್ವಲ್ಪ ಸಮಯ ಬೇಕೆಂದು ವಿತರಕರು ಕೇಳಿಕೊಂಡ ಕಾರಣ, ಬಿಡುಗಡೆಯನ್ನು ಮುಂದಕ್ಕೆ ಹಾಕಲಾಯಿತು ಎಂದು ತಿಳಿಸಿದ್ದಾರೆ ಯಶ್. 

  • ಯಶ್ ಕೆಜಿಎಫ್‍ಗೆ ಶಾರುಖ್ ಖಾನ್ ಬಹುಪರಾಕ್

    sharu khan praises yash's kgf

    ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಕೆಜಿಎಫ್, ದೇಶಾದ್ಯಂತ ಅಲೆ ಎಬ್ಬಿಸಿದೆ. ಡಿಸೆಂಬರ್ 21ಕ್ಕೆ ರಿಲೀಸ್ ಆಗುತ್ತಿರುವ ಸಿನಿಮಾಗೆ ಮೊದಲ ಎದುರಾಳಿಯೇ ಶಾರೂಕ್ ಖಾನ್ ಅಭಿನಯದ ಝೀರೋ. ಅದೇ ದಿನ ತೆರೆ ಕಾಣುತ್ತಿರುವ ಝೀರೋಗಿಂತಲೂ ದೊಡ್ಡ ಟ್ರೆಂಡ್ ಸೃಷ್ಟಿಸಿದೆ ಕೆಜಿಎಫ್. ಇದೆಲ್ಲದರ ನಡುವೆಯೇ ಕೆಜಿಎಫ್‍ಗೆ ಬಹುಪರಾಕ್ ಎಂದಿದ್ದಾರೆ ಶಾರುಕ್ ಖಾನ್.

    ಚಿತ್ರದ ಟ್ರೇಲರ್ ನೋಡಿದೆ. ತುಂಬಾ ಚೆನ್ನಾಗಿದೆ. ಚಿತ್ರಕ್ಕಾಗಿ ತಂಡದವರು 3 ವರ್ಷ ಶ್ರಮ ಹಾಕಿದ್ದಾರೆ ಎಂದು ತಿಳಿಯಿತು. ಚಿತ್ರದ ಹೀರೋ, ಹೀರೋಯಿನ್, ಇಡೀ ಟೀಂ ಬಗ್ಗೆ ತಿಳಿದುಕೊಂಡೆ. ಯಶ್ ಮುಂಬೈಗೆ ಬಂದಾಗ ಖಂಡಿತಾ ಭೇಟಿಯಾಗುತ್ತೇನೆ ಎಂದಿದ್ದಾರೆ ಶಾರುಕ್ ಖಾನ್.

    ಸಿನಿಮಾವನ್ನು ದಕ್ಷಿಣದ ಸಿನಿಮಾ, ಉತ್ತರದ ಸಿನಿಮಾ ಎಂದು ಬೇಧ ಭಾವ ಮಾಡೋದು ಬೇಡ. ಎಲ್ಲವೂ ಭಾರತೀಯ ಚಿತ್ರಗಳೇ. ಕೆಜಿಎಫ್‍ಗೆ ಒಳ್ಳೆಯದಾಗಲಿ ಎಂದು ಶುಭ ಹಾರೈಸಿದ್ದಾರೆ ಶಾರುಕ್.  

  • ಯಶ್ ಗಡ್ಡಕ್ಕೆ ಅಂಬರೀಷ್ ಡೆಡ್‍ಲೈನ್

    ambi fixed deadline for yash's beard

    ರಾಕಿಂಗ್ ಸ್ಟಾರ್ ಯಶ್, ಅಂಬರೀಷ್ ಅವರ ದೊಡ್ಡ ಅಭಿಮಾನಿ. ಎಷ್ಟೆಂದರೂ ಮಂಡ್ಯ ಸೀಮೆಯ ಹುಡುಗ. ಅದು ಸಹಜವೇ ಬಿಡಿ. ರಾಜಾಹುಲಿಯಲ್ಲಿ ಅಂಬರೀಷ್ ಅಭಿಮಾನಿಯಾಗಿಯೇ ಕಾಣಿಸಿಕೊಂಡಿದ್ದ ಯಶ್‍ಗೆ ಅಂಬರೀಷ್ ಅವರ ಜಲೀಲನ ಪಾತ್ರವನ್ನು ಮಾಡಬೇಕು ಅನ್ನೋ ಆಸೆಯಿದೆಯಂತೆ. 

    ನನ್ನನ್ನು ಅತಿ ಹೆಚ್ಚಾಗಿ ಕಾಡೋದು ಜಲೀಲನ ಪಾತ್ರ. ಯಾರಾದರೂ ಆ ಮಾದರಿಯ ಕಥೆ ಮಾಡಿಕೊಂಡು ಬರಲಿ ಎಂದು ಕಾಯುತ್ತಲೇ ಇದ್ದೇನೆ ಎಂದು ಆಸೆ ತೋಡಿಕೊಂಡಿದ್ದಾರೆ ಯಶ್.

    ಇದರ ಮಧ್ಯೆ ಕೆಜಿಎಫ್ ಚಿತ್ರಕ್ಕಾಗಿ ಇಷ್ಟುದ್ದ ಗಡ್ಡ ಬಿಟ್ಟಿರುವ ಯಶ್‍ಗೆ ಗಡ್ಡ ತೆಗೆಯುವಂತೆ ಅಂಬರೀಷ್ ಹೇಳಿದ್ದಾರಂತೆ. ಜೂನ್ 20ರ ಡೆಡ್‍ಲೈನ್ ಕೊಟ್ಟಿದ್ದಾರಂತೆ. ಅದಕ್ಕೂ ಮುಂಚೆಯೇ ಗಡ್ಡ ತೆಗೆಯೋದಾಗಿ ಅಂಬರೀಷ್‍ಗೆ ಯಶ್ ಪ್ರಾಮಿಸ್ ಮಾಡಿದ್ದಾರಂತೆ.

    ಅಂದಹಾಗೆ.. ಅದರ ಅರ್ಥ ಜೂನ್ 20ರೊಳಗೆ ಕೆಜಿಎಫ್ ಚಿತ್ರದ ಶೂಟಿಂಗ್ ಸಂಪೂರ್ಣ ಮುಗಿಯಲಿದೆ ಎಂದು.

  • ಯಶ್ ಗಡ್ಡಕ್ಕೆ ಮುಕ್ತಿ

    kgf to shave his beard after kgf

    ರಾಕಿಂಗ್ ಸ್ಟಾರ್ ಗಡ್ಡವಿಲ್ಲದೆ ಕಾಣಿಸಿಕೊಂಡಿದ್ದೇ ಇಲ್ಲ. ಅವರ ಇದುವರೆಗಿನ ಸಿನಿಮಾಗಳಲ್ಲಿ ಲಕ್ಕಿ ಬಿಟ್ಟರೆ, ಬೇರೆಲ್ಲ ಚಿತ್ರಗಳಲ್ಲೂ ಗಡ್ಡದೊಂದಿಗೇ ನಟಿಸಿದ್ದಾರೆ ಯಶ್. ಆದರೆ, ಕೆಜಿಎಫ್ ಚಿತ್ರದಲ್ಲಿನ ಯಶ್ ಅವರ ಗಡ್ಡ ಒಂದೂವರೆ ವರ್ಷದಿಂದ ಇತ್ತು. ಪ್ಯಾಂಟು, ಶರ್ಟು ತೆಗೆದು, ಖಾವಿ ತೊಡಿಸಿಬಿಟ್ಟರೆ ಥೇಟು ಋಷಿಯಂತೆ ಕಾಣ್ತಾರೆ ಅಂತಾ ಅಭಿಮಾನಿಗಳು ರೇಗಿಸುವುದೂ ಇತ್ತು.

    ಸುಮಾರು ಒಂದುವರೆ ವರ್ಷದಿಂದ ತಮಗೆ ಅಂಟಿಕೊಂಡಿದ್ದ ಗಡ್ಡಕ್ಕೆ ಮುಕ್ತಿ ಕಾಣಿಸೋಕೆ ಯಶ್ ನಿರ್ಧಾರ ಮಾಡಿದ್ದಾರಂತೆ. ಕೆಜಿಎಫ್ ಚಿತ್ರದ ಇಂಟ್ರೊಡಕ್ಷನ್ ಸಾಂಗ್ ಶೂಟಿಂಗ್ ಮುಕ್ತಾಯ ಹಂತದಲ್ಲಿದ್ದು, ಅದು ಮುಗಿದರೆ, ಸಿನಿಮಾ ಮುಗಿದಂತೆ. ಅದಾದ ನಂತರ ಗಡ್ಡಕ್ಕೆ ಮುಕ್ತಿ ನೀಡಲು ಯಶ್ ನಿರ್ಧರಿಸಿದ್ದಾರೆ.

     

  • ಯಶ್ ಚಿತ್ರ ಈ ವರ್ಷ ಇಲ್ಲ..!

    no yash movie this year

    ಸಂತು ಸ್ಟ್ರೈಟ್ ಫಾರ್ವರ್ಡ್ ಚಿತ್ರವೇ ಕೊನೆ. ನಂತರ ಯಶ್ ನಟಿಸುತ್ತಿರುವುದು ಕೆಜಿಎಫ್ ಚಿತ್ರದಲ್ಲಿ ಮಾತ್ರ. ಎಲ್ಲವೂ ಪ್ಲಾನ್ ಪ್ರಕಾರ ಅಗಿದ್ದರೆ, ಈ ವರ್ಷದ ಕೊನೆಗೆ ಚಿತ್ರ ರಿಲೀಸ್ ಆಗಬೇಕಿತ್ತು. ಆದರೆ, ಈಗಿನ ಪ್ರಕಾರ, ಚಿತ್ರದ ಶೂಟಿಂಗೇ ಮುಗಿದಿಲ್ಲವಂತೆ. ಇನ್ನೂ ಹಲವು ಪೋರ್ಷನ್ಸ್ ಬಾಕಿಯಿದ್ದು, ಚಿತ್ರ ದಿನದಿಂದ ದಿನಕ್ಕೆ ಬೃಹದಾಕಾರವಾಗಿ ಬೆಳೆಯುತ್ತಿದೆ. ಹೀಗಾಗಿ ಇಷ್ಟು ಹೊತ್ತಿಗೆ ಪೋಸ್ಟ್ ಪ್ರೊಡಕ್ಷನ್‍ನಲ್ಲಿ ಬ್ಯುಸಿಯಾಗಬೇಕಿದ್ದ ಚಿತ್ರತಂಡ, ಇನ್ನೂ ಶೂಟಿಂಗ್ ಹಂತದಲ್ಲೇ ಇದೆ.

    ಹಾಗಾದರೆ, ಚಿತ್ರ ಯಾವಾಗ..? ಬಹುಶಃ 2018ರ ಫೆಬ್ರವರಿ ಅಥವಾ ಮಾರ್ಚ್ ಎನ್ನುತ್ತಿದೆ ಚಿತ್ರತಂಡದ ಮೂಲಗಳು. ಅಲ್ಲಿಗೆ 2107ರಲ್ಲಿ ಯಶ್ ಅಭಿನಯದ ಒಂದೇ ಒಂದು ಚಿತ್ರವೂ ಬಿಡುಗಡೆಯಾಗದೆ ದಾಖಲೆ ಸೃಷ್ಟಿಯಾಗಲಿದೆ. ಕಳೆದ ವರ್ಷ ಅಕ್ಟೋಬರ್‍ನಲ್ಲಿ ಸಂತು ಸ್ಟ್ರೈಟ್ ಫಾರ್ವರ್ಡ್ ಚಿತ್ರ ರಿಲೀಸ್ ಆಗಿತ್ತು. ಈ ವರ್ಷ ಯಶ್ ಅವರ ಸಿನಿಮಾ ರಿಲೀಸ್ ಆಗದಿದ್ದರೂ, ಕೆಜಿಎಫ್ ಕನಿಷ್ಠ 10 ಚಿತ್ರಗಳಿಗಾಗುವಷ್ಟು ಕುತೂಹಲ ಹುಟ್ಟಿಸಿದೆ.

  • ಯಶ್ ಚಿತ್ರಕ್ಕೆ ರಶ್ಮಿಕಾ ನಾಯಕಿ..?

    is rashmika yash's heroine for next movie

    ಕಿರಿಕ್ ಪಾರ್ಟಿ ಚಿತ್ರದ ಮೂಲಕ ಬೆಳ್ಳಿತೆರೆಗೆ ಪರಿಚಯವಾದ ನಟಿ ರಶ್ಮಿಕಾ ಮಂದಣ್ಣ, ಯಶ್‍ಗೆ ನಾಯಕಿಯಾಗಲಿದ್ದಾರಾ..? ಅಂಥಾದ್ದೊಂದು ಸುದ್ದಿ ಗಾಂದಿನಗರದಲ್ಲಿ ಓಡಾಡುತ್ತಿದೆ. ಈಗಾಗಲೇ ರಕ್ಷಿತ್ ಶೆಟ್ಟಿ ಜೊತೆ ಎಂಗೇಜ್‍ಮೆಂಟ್ ಮಾಡಿಕೊಂಡಿರುವ ರಶ್ಮಿಕಾ, ಅದಾದ ನಂತರ ಸಣ್ಣದೊಂದು ರಗಳೆಗೆ ಸಿಕ್ಕಿಕೊಂಡಿದ್ದರು. ಟಿವಿ ಶೋವೊಂದರಲ್ಲಿ ಯಶ್ ಅವರನ್ನು ತಮಾಷೆಯಾಗಿ ಶೋಅಫ್ ಎಂದಿದ್ದು, ನಂತರ ಅಭಿಮಾನಿಗಳ ಆಕ್ರೋಶಕ್ಕೆ ಕಾರಣವಾಗಿತ್ತು. ತಕ್ಷಣ ಕ್ಷಮೆಯಾಚಿಸಿದ್ದ ರಶ್ಮಿಕಾ, ಅದೇ ಸಂದರ್ಶನದಲ್ಲಿ ಯಶ್ ಬಗ್ಗೆ ಹೇಳಿದ್ದ ಒಳ್ಳೆಯ ಮಾತುಗಳನ್ನೂ ನೆನಪಿಸಿದ್ದರು. ಅಷ್ಟೇ ಅಲ್ಲ, ಯಶ್ ಪ್ರತಿಯೊಬ್ಬ ಕಲಾವಿದರಿಗೂ ಸ್ಫೂರ್ತಿ ಎಂದಿದ್ದರು. ಖುದ್ದು ಯಶ್ ತಮ್ಮ ಫೇಸ್‍ಬುಕ್ ಪೇಜ್‍ನಲ್ಲಿ ಅಭಿಮಾನಿಗಳಿಗೆ ಬಿಟ್ಟುಬಿಡಿ ಎಂದು ಹೇಳಿದ ಮೇಲೆಯೇ ಆ ವಿವಾದ ತಣ್ಣಗಾಗಿದ್ದು.

    ಈಗ ರಶ್ಮಿಕಾ, ಯಶ್ ಅವರ ಮುಂದಿನ ಚಿತ್ರಕ್ಕೆ ನಾಯಕಿಯಾಗಿ ಆಯ್ಕೆಯಾಗಿದ್ದಾರೆ ಎಂಬ ಸುದ್ದಿ ಓಡಾಡುತ್ತಿದೆ. ಕೆಜಿಎಫ್ ಚಿತ್ರದಲ್ಲಿ ಬ್ಯುಸಿಯಾಗಿರುವ ಯಶ್, ನಂತರ ರಾಣಾ ಚಿತ್ರದಲ್ಲಿ ನಟಿಸಲಿದ್ದಾರೆ. ಆ ಚಿತ್ರದ ನಿರ್ದೇಶಕ ಹರ್ಷ.

    ಅಂದಹಾಗೆ ಹರ್ಷ ನಿರ್ದೇಶನದ, ಪುನೀತ್ ರಾಜ್‍ಕುಮಾರ್ ಚಿತ್ರದಲ್ಲಿ ಕೂಡಾ ರಶ್ಮಿಕಾ ನಾಯಕಿ. ಅದೇ ಜೋಡಿ ಕಂಟಿನ್ಯೂ ಆದರೆ ಆಶ್ಚರ್ಯ ಪಡಬೇಕಿಲ್ಲ.

    Related Articles :-

    ಮಿ. ಶೋ ಆಫ್ ಎಂದಿದ್ದ ಕಿರಿಕ್ ರಶ್ಮಿಕಾಗೆ ಯಶ್ ಕೊಟ್ಟ ಉತ್ತರ

    ಯಶ್ ಅಭಿಮಾನಿಗಳ ಆಕ್ರೋಶಕ್ಕೆ ಕ್ಷಮೆ ಕೇಳಿದ ರಶ್ಮಿಕಾ ಮಂದಣ್ಣ

  • ಯಶ್ ಟೀಕಾಕಾರರಿಗೆ ಪ್ರಥಮ್ ಚಾಲೆಂಜ್

    pratham hits back at yash trollers

    ಕಿಚ್ಚ ಸುದೀಪ್ ಮತ್ತು ಯಶ್ ನಡುವೆ ಉತ್ತಮ ಸ್ನೇಹವಿದೆ. ಸುದೀಪ್‍ರ ಫಿಟ್‍ನೆಸ್ ಚಾಲೆಂಜ್‍ಗೆ ಯಶ್ ವಿಡಿಯೋ ಮಾಡಿ ಕಳಿಸಿದ್ದಕ್ಕಿಂತ ದೊಡ್ಡ ಸಾಕ್ಷಿ ಬೇಕಿಲ್ಲ. ಆದರೆ, ಆ ವಿಡಿಯೋದಲ್ಲಿ ಸುದೀಪ್‍ರನ್ನು ಸುದೀಪ್ ಸರ್ ಎನ್ನಬೇಕಿತ್ತು ಎಂದು ಕೆಲವು ಅತಿರೇಕಿ ಅಭಿಮಾನಿಗಳು ರೊಚ್ಚಿಗೆದ್ದುಬಿಟ್ಟಿದ್ದಾರೆ. ಸ್ವತಃ ಸುದೀಪ್, ಯಶ್‍ರನ್ನು ಹಾಗೆಲ್ಲ ಟೀಕಿಸಬೇಡಿ ಎಂದು ಮನವಿ ಮಾಡಿದ್ದರೂ, ಇನ್ನೂ ಕೆಲವರು ಕಂಟಿನ್ಯೂ ಮಾಡ್ತಾನೇ ಇದ್ದಾರೆ. ಅಂತಹವರಿಗೆ ಪ್ರಥಮ್ ಈಗ ಒಂದು ಚಾಲೆಂಜ್ ಹಾಕಿದ್ದಾರೆ.

    ನಿಮಗೆ ಯಶ್‍ರನ್ನು ಕಾಲೆಳೆಯಬೇಕು ಅಂತಿದ್ರೆ, ಒಂದ್ಸಲ ಅವರನ್ನು ತಲೆಯೆತ್ತಿ ನೋಡಿ. ಅವರು ಆಗಲೇ ತುಂಬಾ ಮೇಲಿದ್ದಾರೆ.ಸ್ಸೋ.. ಕೆಳಗೆ ನಿಂತು ಕಲ್ಲೆಸೆಯೋ ಪ್ರಯತ್ನ ಬೇಡ. ಅದು ನಿಮ್ಮ ತಲೆ ಮೇಲೇ ಬೀಳುತ್ತೆ. ಇದು ಪ್ರಥಮ್ ಮಾತು.

    ಅವರನ್ನು ಟೀಕಿಸುವವರು ಮೊದಲು ಅವರು ಏರಿರುವ ಎತ್ತರಕ್ಕೆ ಬೆಳೆಯಲಿ ಎಂದಿದ್ದಾರೆ ಪ್ರಥಮ್.

    Related Articles :-

    ಅಭಿಮಾನಿಗಳ ಅತಿರೇಕ - ಸುದೀಪ್ ಬುದ್ದಿವಾದ

     

  • ಯಶ್ ತೆಲುಗು, ತಮಿಳು, ಹಿಂದಿ ಕಲಿಯೋಕೆ ಕಾರಣ ಇದೇ..

    why did yash lean and speak in all languages

    ರಾಕಿಂಗ್ ಸ್ಟಾರ್ ಯಶ್ ಅವರ ಕೆಜಿಎಫ್ ಚಿತ್ರ ತಮಿಳು, ತೆಲುಗು, ಹಿಂದಿ, ಮಲಯಾಳಂನಲ್ಲೂ ರಿಲೀಸ್ ಆಗುತ್ತಿದೆ. ಚಿತ್ರದ ಪ್ರಮೋಷನ್‍ಗೆ ಮುಂಬೈಗೆ ಹೋದಾಗ ಹಿಂದಿಯಲ್ಲಿ, ಹೈದರಾಬಾದ್‍ಗೆ ಹೋದಾಗ ತೆಲುಗಿನಲ್ಲಿ, ಚೆನ್ನೈಗೆ ಹೋದಾಗ ತಮಿಳಿನಲ್ಲಿಯೇ ಮಾತನಾಡಿದ ಯಶ್, ಅಚ್ಚರಿ ಹುಟ್ಟಿಸಿದ್ದರು. ಏಕೆಂದರೆ, ಆರಂಭದ ದಿನಗಳಲ್ಲಿ ಯಶ್‍ಗೆ ಬೇರೆ ಭಾಷೆಗಳು ಬರುತ್ತಿರಲಿಲ್ಲ ಎನ್ನುವುದು ಗುಟ್ಟೇನಲ್ಲ. ಹೀಗಿದ್ದ ಯಶ್, ಇಷ್ಟೂ ಭಾಷೆಗಳನ್ನು ಕಲಿತಿದ್ದು ಹೇಗೆ.. ಅದು ಅನಿವಾರ್ಯತೆ ಮತ್ತು ಉತ್ಸಾಹ.

    ನಮ್ಮ ಚಿತ್ರವನ್ನು ಎಲ್ಲರಿಗೂ ತಲುಪಿಸಬೇಕು. ಎಲ್ಲರಿಗೂ ರೀಚ್ ಮಾಡಿಸಬೇಕು. ಅದು ಆಗಬೇಕೆಂದರೆ, ನಾವು ಎಲ್ಲಿಗೆ ಹೋಗುತ್ತೇವೆಯೋ ಅಲ್ಲಿ.. ಅವರ ಭಾಷೆಯನ್ನೇ ಮಾತನಾಡಬೇಕು. ಆಗ ಅಲ್ಲಿನ ಜನರಿಗೆ ನಾವು ರೀಚ್ ಆಗುತ್ತೇವೆ. ಹೀಗಾಗಿ ನಾನು ಪ್ರಯತ್ನ ಪಟ್ಟೆ. ಆದರೆ, ಮಾತನಾಡಿದಾಗ.. ನಾನು ಇಷ್ಟು ಚೆನ್ನಾಗಿ ಮಾತನಾಡಿದೆನಾ ಎಂದು ನನಗೇ ಅಚ್ಚರಿಯಾಗಿತ್ತು ಅಂತಾರೆ ಯಶ್.

    ಯಶ್ ಅವರ ಎದುರು ಯಾರಾದರೂ ಬೇರೆ ಭಾಷೆ ಮಾತನಾಡಿದರೆ, ಅವರಿಗೆ ಕನ್ನಡ ಗೊತ್ತಿದೆ ಎನ್ನುವುದು ಕೂಡಾ ತಿಳಿದಿದ್ದರೆ.. ಯಶ್ ನೇರವಾಗಿ ಕನ್ನಡದಲ್ಲಿಯೇ ಮಾತನಾಡುವವರು. ನಾವೂ ರಾಜ್ಯದಲ್ಲಿ ಯಾರಾದರೂ ಬೇರೆ ಭಾಷೆಯಲ್ಲಿ ಮಾತನಾಡುತ್ತಿದ್ದರೆ, ಕರ್ನಾಟಕದಲ್ಲಿದ್ದೀರಿ, ಕನ್ನಡ ಮಾತನಾಡಿ ಎಂದು ಮುಲಾಜಿಲ್ಲದೇ ಹೇಳುತ್ತೇವೆ. ಹಾಗೆ ಹೇಳುವವರು ಬೇರೆ ರಾಜ್ಯಕ್ಕೆ ಹೋದಾಗ.. ಅವರ ಭಾಷೆಗೆ ಗೌರವ ಕೊಡಬೇಕಲ್ಲವೆ ಅಂತಾರೆ ಯಶ್.

    ಇದು, ಯಶ್ ಅವರದ್ದಷ್ಟೇ ಅಲ್ಲ, ಕೋಟ್ಯಂತರ ಕನ್ನಡಿಗ ಸ್ವಭಾವವೂ ಹೌದು. ಇದು ಎಷ್ಟೋ ವರ್ಷಗಳಿಂದ ಬೆಂಗಳೂರಿನಲ್ಲಿದ್ದು, ಕನ್ನಡವನ್ನು ಕಲಿಯದೇ ಇರುವವರಿಗೂ ಅರ್ಥವಾಗಬೇಕು. ಅಷ್ಟೆ.

  • ಯಶ್ ತೋರಿಸಿದ ಆ ಪ್ರೀತಿಯೇ ವಿಶಾಲ್‍ರ ಅಕ್ಕರೆಗೆ ಕಾರಣ

    real reason why vishal is supporting yash's kgf

    ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಕೆಜಿಎಫ್‍ನ್ನು ತಮಿಳುನಾಡಿನಲ್ಲಿ ರಿಲೀಸ್ ಮಾಡಲು ಮುಂದೆ ಬಂದಿರೋದು ತಮಿಳು ಕಲಾವಿದರ ಸಂಘದ ಅಧ್ಯಕ್ಷರೂ ಆಗಿರುವ ವಿಶಾಲ್. ಅವರು ಟಾಲಿವುಡ್‍ನ ಸ್ಟಾರ್ ನಟರೂ ಹೌದು. ನಿರ್ಮಾಪಕರೂ ಹೌದು, ವಿತರಕರೂ ಹೌದು. ಇಷ್ಟಿದ್ದರೂ ಕನ್ನಡ ಚಿತ್ರ ಕೆಜಿಎಫ್ ರಿಲೀಸ್‍ಗೆ ಮುಂದೆ ನಿಲ್ಲೊದಕ್ಕೆ ಕಾರಣವೂ ಇದೆ.

    ನಿಮಗೆ ಚೆನ್ನೈನಲ್ಲಿ ಕಳೆದ ವರ್ಷ ಸಂಭವಿಸಿದ್ದ ಪ್ರಕೃತಿ ವಿಕೋಪ ನೆನಪಿದೆ ತಾನೇ..ಆಗ ಇಡೀ ಚಿತ್ರರಂಗ ಚೆನ್ನೈ ಜನತೆಯ ನೆರವಿಗೆ ಧಾವಿಸಿತ್ತು. ಕರ್ನಾಟಕದಿಂದಲೂ ನೆರವು ಹೋಗಿತ್ತು. ಆಗ ಚೆನ್ನೈಗೆ, ಕರ್ನಾಟಕದಿಂದ ತಲುಪಿದ ಮೊದಲ ನೆರವಿನ ಟ್ರಕ್ ಯಶ್ ಅವರದ್ದಂತೆ. ಆ ಪ್ರೀತಿಗಾಗಿ ಕೆಜಿಎಫ್ ಚಿತ್ರದ ಬಿಡುಗಡೆಗೆ ನಿಂತಿದ್ದೇನೆ ಎಂದಿದ್ದಾರೆ ವಿಶಾಲ್.

    ಒಂದು ನೆರವು.. ಒಂದು ಸಹಾಯ.. ಒಂದು ಅಂತಃಕರಣ.. ಹೇಗೆಲ್ಲ ಗೆಳೆಯರನ್ನು ಸಂಪಾದನೆ ಮಾಡಿಕೊಡುತ್ತೆ.. ಅಲ್ವಾ..?

  • ಯಶ್ ಮುಂದಿನ ಸಿನಿಮಾ ಫಿಕ್ಸ್..!

    yash next film with rambo 2 director

    ರಾಕಿಂಗ್ ಸ್ಟಾರ್ ಯಶ್‍ರ ಹೊಸ ಸಿನಿಮಾ ಯಾವುದು..? ಕೆಜಿಎಫ್ ಮುಗಿದ ಮೇಲೆ ಯಾವ ಸಿನಿಮಾ ಮಾಡ್ತಾರೆ..? ಕಥೆ ಏನು..? ಡೈರೆಕ್ಟರ್ ಯಾರು..? ಹೀಗೆ ಹಲವಾರು ಪ್ರಶ್ನೆಗಳು ಕಾಡುತ್ತಲೇ ಇವೆ. ಈಗ ಆ ಪ್ರಶ್ನೆಗಳಿಗೆಲ್ಲ ಉತ್ತರ ಸಿಕ್ಕಿದೆ. ಯಶ್ ಅವರ ಹೊಸ ಸಿನಿಮಾದ ಡೈರೆಕ್ಟರ್ ಅನಿಲ್ ಕುಮಾರ್.

    ರ್ಯಾಂಬೋ2 ಮೂಲಕ ಚುಟುಚುಟು ಮ್ಯಾಜಿಕ್ ಸೃಷ್ಟಿಸಿದ ಅನಿಲ್, ಯಶ್ ಅವರಿಗೆ ಈಗಾಗಲೇ ಕಥೆ ಹೇಳಿದ್ದಾರಂತೆ. ಯಶ್ ಕಡೆಯಿಂದ ಗ್ರೀನ್ ಸಿಗ್ನಲ್ ಸಿಕ್ಕಿದೆ. ಸ್ಕ್ರಿಪ್ಟ್ ವರ್ಕ್ ನಡೆಯುತ್ತಿದೆ. ಅನಿಲ್ ಕುಮಾರ್, ಯಶ್‍ಗೆ ಹೊಸಬರೇನಲ್ಲ. ಯಶ್ ಟೀಂನಲ್ಲೇ ಇದ್ದ ಸದಸ್ಯ. ಸಂತು ಸ್ಟ್ರೈಟ್ ಫಾರ್ವರ್ಡ್ ಚಿತ್ರಕ್ಕೆ ಸಂಭಾಷಣೆ ಬರೆದಿದ್ದ ಅನಿಲ್, ಈಗ ಯಶ್ ಅವರಿಗೆ ಆ್ಯಕ್ಷನ್ ಕಟ್ ಹೇಳೋಕೆ ಸಿದ್ಧರಾಗುತ್ತಿದ್ದಾರೆ.

India Vs England Pressmeet Gallery

Odeya Audio Launch Gallery