` yash, - chitraloka.com | Kannada Movie News, Reviews | Image

yash,

  • ನೋ ಪಾಲಿಟಿಕ್ಸ್.. ನೋ ಪ್ರಚಾರ.. - ಯಶ್

    yash will not even campaign this elesctions

    ಯಶ್ ಅವರು ಸಾಮಾಜಿಕ ಚಟುವಟಿಕೆಗಳಲ್ಲಿ ತೊಡಗಿಕೊಂಡ ದಿನದಿಂದಲೂ ಎಲ್ಲರೂ ಅವರನ್ನು ಕೇಳುತ್ತಿರುವ ಪ್ರಶ್ನೆಯೇ ಅದು. ನೀವು ರಾಜಕೀಯಕ್ಕೆ ಬರ್ತೀರಾ ಅಂತಾ. ಅದಕ್ಕೆ ಯಶ್ ಹಲವು ಬಾರಿ ನೋ ಎಂದು ಸ್ಪಷ್ಟವಾಗಿ ಉತ್ತರ ಕೊಟ್ಟಾಗಿದೆ. ಈಗ ಯಶ್ ಅವರಿಗೆ ಎದುರಾಗಿರುವ ಪ್ರಶ್ನೆ, ರಾಜಕೀಯಕ್ಕೆ ಬರಲ್ಲ ಓಕೆ, ಪ್ರಚಾರ ಮಾಡ್ತೀರಾ ಅನ್ನೋದು.

    ಏಕೆಂದರೆ.. ವಿಷ್ಣುವರ್ಧನ್, ಸುದೀಪ್, ದರ್ಶನ್ ಸೇರಿದಂತೆ ಹಲವರು ರಾಜಕೀಯ ಪಕ್ಷಗಳ ಜೊತೆ ಗುರುತಿಸಿಕೊಂಡಿಲ್ಲ. ಆದರೆ, ತಮಗಿಷ್ಟವಾದ ವ್ಯಕ್ತಿಗಳ ಪ್ರಚಾರ ಮಾಡಿದ ಉದಾಹರಣೆಗಳಿವೆ. ಹೀಗಾಗಿಯೇ ಯಶ್ ಅವರಿಗೂ ಇಂಥಾದ್ದೊಂದು ಪ್ರಶ್ನೆ ಎದುರಾಗಿದೆ.

    ನಾನು ಯಾವುದೇ ರಾಜಕೀಯ ಪಕ್ಷದ ಪರ ಪ್ರಚಾರ ಮಾಡಲ್ಲ. ವ್ಯಕ್ತಿಗಳು ಇಷ್ಟವಾದರೆ, ಒಳ್ಳೆಯವರು ಎನಿಸಿದರೆ ಖಂಡಿತಾ ಮಾಡುತ್ತೇನೆ. ಆದರೆ, ಅಂತಹವರ್ಯಾರೂ ನನಗೆ ವೈಯಕ್ತಿಕವಾಗಿ  ಗೊತ್ತಿಲ್ಲ ಎಂದಿದ್ದಾರೆ ಯಶ್. ಅಲ್ಲಿಗೆ ಯಾರಾದರೂ ನಾಯಕರ ಪರ ಯಶ್ ಪ್ರಚಾರ ಮಾಡಬಹುದು ಎಂಬ ನಿರೀಕ್ಷೆಯೂ ಹುಸಿಯಾಗಿದೆ.

  • ನೋ ರಾಜಕೀಯ - ರಾಕಿಂಗ್ ಸ್ಟಾರ್ ಯಶ್

    no politics says yash

    ಚಿತ್ರನಟ ಯಶ್ ರಾಜಕೀಯಕ್ಕೆ ಬರ್ತಾರಾ..? ಇಂಥಾದ್ದೊಂದು ಪ್ರಶ್ನೆಯನ್ನು ಇತ್ತೀಚೆಗೆ ಎದುರಿಸುತ್ತಿರುವ ಸ್ಟಾರ್‍ಗಳಲ್ಲಿ ಯಶ್ ಅವರ ಹೆಸರು ಮುಂಚೂಣಿಯಲ್ಲಿಯೇ ಬರುತ್ತೆ. ಅದಕ್ಕೆ ತಕ್ಕಂತೆ ಅವರು ಉತ್ತರ ಕರ್ನಾಟಕದ ಹಳ್ಳಿಗಳಿಗೆ ಕುಡಿಯುವ ನೀರು ಪೂರೈಸುವ, ಕೆರೆಗಳನ್ನು ಪುನರುಜ್ಜೀವನಗೊಳಿಸುವ ಕೆಲಸಕ್ಕೆ ಕೈ ಹಾಕಿದಾಗಲಂತೂ, ಇದು ರಾಜಕೀಯ ಪ್ರವೇಶಕ್ಕೆ ಸಿದ್ಧ ಮಾಡಿಕೊಳ್ಳುತ್ತಿರುವ ವೇದಿಕೆ ಎಂದೇ ಹಲವರು ಬಣ್ಣಿಸಿದರು. ಆಗಲೂ ರಾಜಕೀಯ ನಿರಾಕರಿಸಿದ್ದರು ಯಶ್. ಅದೊಂದೇ ಬಾರಿಯಲ್ಲ, ಹಲವು ಬಾರಿ ತಮ್ಮ ರಾಜಕೀಯ ಪ್ರವೇಶಕ್ಕೆ ನೋ ನೋ ಎನ್ನುತ್ತಲೇ ಬಂದಿದ್ದಾರೆ. ಈಗ ಮತ್ತೊಮ್ಮೆ ನೋ ಎಂದಿದ್ದಾರೆ.

    ಯಶ್ ಅವರಿಗೆ ಈ ಪ್ರಶ್ನೆ ಮತ್ತೆ ಎದುರಾಗಿದ್ದು ವಿಜಯಪುರದಲ್ಲಿ. ರಾಜ್ಯ ಸರ್ಕಾರದ ಪ್ರಭಾವಿ ಸಚಿವ, ನೀರಾವರಿ ಇಲಾಖೆಯ ಹೊಣೆ ಹೊತ್ತಿರುವ, ಪ್ರಸ್ತುತ ಪ್ರತ್ಯೇಕ ಲಿಂಗಾಯತ ಧರ್ಮ ಹೋರಾಟದಲ್ಲಿ ಗುರುತಿಸಿಕೊಂಡಿರುವ ಎಂ.ಬಿ. ಪಾಟೀಲ್ ಅವರ ಹುಟ್ಟುಹಬ್ಬದಲ್ಲಿ. ಸಚಿವರ ಹುಟ್ಟುಹಬ್ಬಕ್ಕೆ ಶುಭಕೋರಲು ಯಶ್ ಮತ್ತು ರಾಧಿಕಾ ವಿಜಯಪುರಕ್ಕೆ ಆಗಮಿಸಿದ್ದರು. ಆಗ ಈ ಪ್ರಶ್ನೆ ಮತ್ತೊಮ್ಮೆ ಎದುರಾಯ್ತು.

    ಆಗ ಮತ್ತೊಮ್ಮೆ ಸ್ಪಷ್ಟನೆ ಕೊಟ್ಟ ಯಶ್, ಎಂ.ಬಿ. ಪಾಟೀಲರಿಗೂ ನಮ್ಮ ಕುಟುಂಬಕ್ಕೂ ಹಳೆಯ ಬಾಂಧವ್ಯವಿದೆ. ಹೀಗಾಗಿ ಹುಟ್ಟುಹಬ್ಬಕ್ಕೆ ಶುಭ ಕೋರಲು ಬಂದಿದ್ದೇನೆ. ಇದರ ಹೊರತಾಗಿ ಯಾವುದೇ ರಾಜಕೀಯ ಇಲ್ಲ. ನಾನು ರಾಜಕೀಯಕ್ಕೆ ಬರಲ್ಲ. ಚಿತ್ರರಂಗದಿಂದ ಯಾರೇ ರಾಜಕೀಯಕ್ಕೆ ಬಂದರೂ ಪಕ್ಷಭೇದವಿಲ್ಲದೆ ಬೆಂಬಲ ನೀಡುತ್ತೇನೆ ಎಂದಿದ್ದಾರೆ ಯಶ್.

    ಪ್ರತ್ಯೇಕ ಲಿಂಗಾಯತ ಧರ್ಮದ ವಿಚಾರದಲ್ಲೂ ಸ್ಪಷ್ಟವಾಗಿ ಮಾತನಾಡಿದ ಯಶ್, ಜಾತಿ ಅನ್ನೋದು ಸಂಸ್ಕøತಿ. ಇರೋದು ಒಂದೇ ಧರ್ಮ. ಅದು ಮಾನವ ಧರ್ಮ. ನನ್ನ ಈ ಭೇಟಿಗೂ, ಲಿಂಗಾಯತ ಧರ್ಮ ವಿಚಾರಕ್ಕೂ ತಳುಕಕು ಹಾಕಬೇಡಿ ಎಂದು ಮನವಿ ಮಾಡಿದ್ದಾರೆ.

  • ನ್ಯೂ ಇಯರ್ ಪಾರ್ಟಿ ಕುಡುಕರಿಗೆ ಯಶ್ ಕೊಟ್ಟ ಐಡಿಯಾ ಮತ್ತು ಎಚ್ಚರಿಕೆ

    yash's messgae for new year party

    ಕುಡಿಯಬೇಡಿ. ಅದು ಮೊದಲನೇ ಸಲಹೆ. ಅಕಸ್ಮಾತ್ ಕುಡಿದರೂ.. ಕುಡಿದ ಮತ್ತಿನಲ್ಲಿ ವಾಹನ ಚಲಾಯಿಸಬೇಡಿ. ಈ ಬಾರಿಯ ಹೊಸ ವರ್ಷಾಚರಣೆ ಸಂಭ್ರಮದಲ್ಲಿರುವವರಿಗೆ ಪೊಲೀಸರು ಯಶ್ ಮೂಲಕ ಈ ಬುದ್ದಿವಾದ ಹೇಳಿಸಿದ್ದಾರೆ. ಹೊಸ ವರ್ಷ ಪಾರ್ಟಿ, ಮೋಜು, ಮಸ್ತಿ ಎಂದು ಕುಣಿದು ಕುಡಿದು ಕುಪ್ಪಳಿಸಿ ಮನೆಗೆ ಹೋಗುವಾಗ ಎಚ್ಚರಿಕೆಯಿರಲಿ ಎಂದು ಯಶ್ ಅವರಿಂದ ಜಾಗೃತಿ ವಿಡಿಯೋ ಮಾಡಿಸಿದ್ದಾರೆ.

    ಯಶ್ ಹೇಳಿರುವುದು ಇಷ್ಟೆ..ಒಂದು ದಿನದ ಪಾರ್ಟಿ, ಫ್ರೆಂಡ್ಸ್ ಜೊತೆ ಖುಷಿಯಾಗಿರುವ ಜೋಶ್‍ನಲ್ಲಿ ಮೈಮರೆತು ಗಾಡಿ ಓಡಿಸಿದರೆ, ಅನಾಹುತ ತಪ್ಪಿದ್ದಲ್ಲ. ನಿಮ್ಮನ್ನು ನಂಬಿಕೊಂಡು ನಿಮ್ಮನ್ನು ಪ್ರೀತಿಸುವ ಜೀವಗಳು ಇವೆ ಎನ್ನುವುದು ನೆನಪಿನಲ್ಲಿರಲಿ. ಹೊಸತನ ಬರಮಾಡಿಕೊಳ್ಳುವ ಸಂಭ್ರಮದಲ್ಲಿ ಎಚ್ಚರ ತಪ್ಪಬೇಡಿ. ಸ್ಸೋ.. ಹಾಗಾದರೆ.. ನಾವೇನು ಮಾಡಬೇಕು. ಪರಿಹಾರವೂ ಇದೆ.

    ಸಾರ್ವಜನಿಕ ಸಾರಿಗೆ ಬಳಸಿ. ಅಥವಾ ಕ್ಯಾಬ್, ಆಟೋಗಳನ್ನು ಬಳಸಿ. ಕುಡಿಯದೇ ಇರುವ ಗೆಳೆಯರ ಕೈಲಿ ಗಾಡಿ ಓಡಿಸಿ. ದಯವಿಟ್ಟು ರಸ್ತೆ ಸುರಕ್ಷತೆಗಾಗಿ ಪೊಲೀಸರ ಜೊತೆ ಕೈಜೋಡಿಸಿ. ಹ್ಯಾಪಿ ನ್ಯೂ ಇಯರ್..ಬಿ ಸೇಫ್.

  • ಪಕ್ಷಾತೀತ ಪ್ರಚಾರಕ್ಕೆ ಯಶ್ ಎಂಟ್ರಿ

    yash campaigns for few candidates

    ರಾಕಿಂಗ್ ಸ್ಟಾರ್ ಯಶ್, ಪ್ರಚಾರದ ಕಣಕ್ಕೆ ಧುಮುಕಿದ್ದಾರೆ. ನನಗೆ ರಾಜಕೀಯ ಆಸೆಗಳಿಲ್ಲ. ಆದರೆ, ಯಾವುದೇ ಅಭ್ಯರ್ಥಿ, ಚುನಾವಣೆ ಗೆದ್ದ ನಂತರವೂ ನಾನು ಕೇಳುವ ಜನರ ಪ್ರಶ್ನೆ, ಸಮಸ್ಯೆಗಳಿಗೆ ಉತ್ತರಿಸುವ ಭರವಸೆ ಕೊಡುತ್ತಾರೋ, ಅವರ ಪರ ಪ್ರಚಾರ ಮಾಡುತ್ತೇನೆ ಎಂದು ಘೋಷಿಸಿದ್ದ ಯಶ್, ಈಗ ಅಧಿಕೃತವಾಗಿ ಪ್ರಚಾರದ ಕಣಕ್ಕೆ ಧುಮುಕಿದ್ದಾರೆ. ಪಕ್ಷಾತೀತವಾಗಿ.

    ಯಶ್ ಪ್ರಚಾರಕ್ಕೆ ಹೋಗುತ್ತಿರುವ ನಾಯಕರಲ್ಲಿ ಎಲ್ಲ ಪಕ್ಷದವರೂ ಇರುವುದು ವಿಶೇಷ. ಕಾಂಗ್ರೆಸ್‍ನ ಎಂ.ಬಿ.ಪಾಟೀಲ್ (ಬಬಲೇಶ್ವರ ಕ್ಷೇತ್ರ), ವಿನಯ್ ಕುಲಕರ್ಣಿ (ಧಾರವಾಡ) ಬಿಜೆಪಿಯಿಂದ ಸಿ.ಎಂ.ಉದಾಸಿ(ಹಾನಗಲ್), ಜ್ಯೋತಿ ಗಣೇಶ್(ತುಮಕೂರು ನಗರ), ರಾಮದಾಸ್(ಕೃಷ್ಣರಾಜ), ಸತೀಶ್ ರೆಡ್ಡಿ(ಬೊಮ್ಮನಹಳ್ಳಿ) ಹಾಗೂ ಜೆಡಿಎಸ್‍ನಿಂದ ಸಾ.ರಾ.ಮಹೇಶ್(ಕೆ.ಆರ್.ನಗರ) ಪರ ಯಶ್ ಪ್ರಚಾರ ನಡೆಸಲಿದ್ದಾರೆ.

  • ಪಾಕಿಸ್ತಾನದಲ್ಲಿ ಕೆಜಿಎಫ್ ರಿಲೀಸ್

    kgf released in pakistan

    ವಿಶ್ವದಾದ್ಯಂತ ಅಬ್ಬರಿಸುತ್ತಿರುವ ಕೆಜಿಎಫ್, ಪಾಕಿಸ್ತಾನದಲ್ಲೂ ರಿಲೀಸ್ ಆಗಿದೆ. ಪಾಕಿಸ್ತಾನದ ರಾಜಧಾನಿ ಇಸ್ಲಾಮಾಬಾದ್ ಹಾಗೂ ಲಾಹೋರ್‍ನಲ್ಲಿ ಪ್ರದರ್ಶನ ಕಾಣುತ್ತಿದೆ ಕೆಜಿಎಫ್. ಇಸ್ಲಾಮಾಬಾದ್‍ನ ಕ್ಲಬ್ ಮಾಲ್‍ನಲ್ಲಿ ಕೆಜಿಎಫ್ ಭರಾಟೆ ಜೋರಾಗಿಯೇ ಇದೆ.

    ಪಾಕಿಸ್ತಾನದಲ್ಲಿ ರಿಲೀಸ್ ಆಗಿರುವ ಮೊದಲ ಕನ್ನಡ ಸಿನಿಮಾ ಕೆಜಿಎಫ್. ಆದರೆ, ಪಾಕ್‍ನಲ್ಲಿ ರಿಲೀಸ್ ಆಗಿರುವುದು ಕೆಜಿಎಫ್‍ನ ಹಿಂದಿ ವರ್ಷನ್. 200 ಕೋಟಿ ಗಳಿಸಿ ಮುನ್ನುಗ್ಗುತ್ತಿರುವ ಕೆಜಿಎಫ್ ಹವಾ, ಚೀನಾದಲ್ಲಿನ್ನೂ ಶುರುವಾಗಿಲ್ಲ.

  • ಪಾಕಿಸ್ತಾನದಲ್ಲೂ ಕೆಜಿಎಫ್ ಸದ್ದು..!

    kgf craze reaches pakistan

    ಕೆಜಿಎಫ್ ಸಿನಿಮಾ ಭಾರತದಲ್ಲಷ್ಟೇ ಅಲ್ಲ, ಪಾಕಿಸ್ತಾನದಲ್ಲೂ ಸದ್ದು ಮಾಡುತ್ತಿದೆ. ಇದೇ ಮೊದಲ ಬಾರಿಗೆ ಕನ್ನಡ ಚಿತ್ರವೊಂದು ಈ ರೀತಿ ಹವಾ ಸೃಷ್ಟಿಸುತ್ತಿದೆ. ಪಾಕಿಸ್ತಾನದಲ್ಲಿಯೂ ಚಿತ್ರದ ಬಗ್ಗೆ ಕ್ರೇಜ್ ಸೃಷ್ಟಿಯಾಗಿದ್ದು, ಚಿತ್ರವನ್ನು ನೋಡೋಕೆ ರೆಡಿಯಾಗಿದ್ದಾರೆ.

    ಇದು ಮಾಮೂಲಿ ಸಲ್ಮಾನ್, ಶಾರುಕ್ ಸಿನಿಮಾ ಅಲ್ಲ. ಚಿತ್ರದ ಮೇಕಿಂಗ್ ವಂಡರ್‍ಫುಲ್ ಆಗಿದೆ. ಡೈಲಾಗ್‍ಗಳೂ ಕಿಕ್ ಕೊಡುತ್ತಿವೆ. ಮಾಮೂಲಿ ಬಾಲಿವುಡ್ ಸಿನಿಮಾಗಿಂತ ಬೇರೆಯದೇ ಆದ ಸಿನಿಮಾ ಇದು. ನಾವಂತೂ ನೋಡಲು ಕಾಯುತ್ತಿದ್ದೇವೆ ಎಂದು ಪಾಕಿಸ್ತಾನದಲ್ಲಿರುವ ಬಾಲಿವುಡ್ ಸಿನಿಮಾ ಅಭಿಮಾನಿಗಳು ವಿಡಿಯೋ ಹೇಳಿಕೆ ಕೊಟ್ಟಿದ್ದಾರೆ.

    ಹೊಂಬಾಳೆ ಫಿಲಂಸ್ ಭರ್ಜರಿ ಹಿಟ್ ಕೊಡುವುದಕ್ಕೆ, ಸಂಭ್ರಮಿಸುವುದಕ್ಕೆ ಸಿದ್ಧವಾಗುತ್ತಿದೆ. 

  • ಪುಟ್ಟ ಮಕ್ಕಳಿಗೆ ಯಶ್ ಹೇಳಿದ ಕಥೆಗಳು

    yash shares moral stories to kids

    ಮಗುವೊಂದು ತಾಯಿಯ ಬಳಿ `ನನಗೆ ಕಪ್ಪು ಬಣ್ಣದ ಬಲೂನ್ ಬೇಡ, ಕೆಂಪು ಬಣ್ಣದ್ದೇ ಬೇಕು' ಎಂದು ಹಠ ಹಿಡಿದಿತ್ತು. ಯಾಕೆ ಎಂದು ಕೇಳಿದಾಗ, ಕಪ್ಪು ಬಣ್ಣದ ಬಲೂನ್ ಮೇಲೆ ಹೋಗಲ್ಲ ಎಂದು ಹೇಳಿತಂತೆ ಮಗು. ಆಗ ತಾಯಿ, `ಬಣ್ಣದಿಂದ ಯಾವುದೂ ಮೇಲೆ ಹೋಗಲ್ಲ. ಬದಲಿಗೆ ಬಲೂನ್ ಒಳಗಿನ ಗಾಳಿ ಮೊದಲಾದ ಅಂಶಗಳಿಂದ ಮೇಲೆ ಹೋಗುತ್ತೆ' ಎಂದು ಹೇಳಿದಳು.

    ಇದು ಯಶ್ ಮಕ್ಕಳಿಗೆ ಹೇಳಿದ ಕಥೆ. ಮಕ್ಕಳನ್ನು ಬಣ್ಣದ ಆದಾರದ ಮೇಲೆ ನೋಡಬಾರದು, ಬಣ್ಣ ಮೇಲ್ನೋಟಕ್ಕೆ ಮಾತ್ರ ಎಂದು ಮಕ್ಕಳಿಗೆ ಯಶ್ ಹೇಳಿರುವ ಕಥೆ.

    ಆರ್‍ಪಿಸಿ ಲೇಔಟ್‍ನ ಕೇಂಬ್ರಿಡ್ಜಸ್ ಸ್ಕೂಲ್‍ನಲ್ಲಿ ನಡೆದ ನಿರ್ಮಲ ಅನ್ನೋ ಸಿನಿಮಾದ ಮುಹೂರ್ತ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ಯಶ್, ಅದೇ ವೇಳೆ ಮಕ್ಕಳೊಂದಿಗೆ ಮಕ್ಕಳಾಗಿ ಬೆರೆತರು. ಇದೇ ವೇಳೆ ಮಕ್ಕಳಿಗೆ ಹಲವು ಬುದ್ದಿ ಮಾತುಗಳನ್ನೂ ಹೇಳಿದರು.

    ತಾಯಿಗೆ ಮನೆಗೆಲಸದಲ್ಲಿ ಸಹಾಯ ಮಾಡಿ, ನಿಮ್ಮ ಊಟದ ತಟ್ಟೆಯನ್ನು ನೀವೇ ತೊಳೆಯಿರಿ. ನಿಮ್ಮ ಬಟ್ಟೆ ನೀವೇ ಒಗೆದುಕೊಳ್ಳಿ ಎಂದೆಲ್ಲ ಹೇಳಿದ ಯಶ್, ನಿಮ್ಮ ಧರ್ಮದ ಬಗ್ಗೆ ಗೌರವ ಇರಲಿ. ಆದರೆ, ಜಾತಿ, ಧರ್ಮ ಮನೆಗಷ್ಟೇ ಸೀಮಿತವಾಗಿರಲಿ. ತಲೆಯಲ್ಲಿನ ಜಾತಿಯನ್ನು ಕಿತ್ತು ಹಾಕಿ, ನಾವೆಲ್ಲರೂ ಒಂದೇ ಎಂಬ ಭಾವನೆ ಬೆಳೆಸಿಕೊಂಡರೆ, ದೇಶದ ಪ್ರಗತಿ ಸಾಧ್ಯ ಎಂಬ ಕಿವಿಮಾತನ್ನೂ ಹೇಳಿದರು ಯಶ್.

  • ಪುರಿ ಜಗನ್ನಾಥ್-ಯಶ್ ಜನಗಣಮನ

    yash in puri jagannath movie ?

    ಪುರಿ ಜಗನ್ನಾಥ್, ದಕ್ಷಿಣ ಭಾರತ ಚಿತ್ರರಂಗದ ಸ್ಟಾರ್ ಡೈರೆಕ್ಟರ್. ತೆಲುಗು, ಕನ್ನಡ ಹಾಗೂ ತಮಿಳಿನಲ್ಲಿ ಯಶಸ್ವಿ ಚಿತ್ರಗಳನ್ನು ಕೊಟ್ಟಿರುವ ನಿರ್ದೇಶಕ. ಸದ್ಯಕ್ಕೆ ಇಸ್ಮಾರ್ಟ್ ಶಂಕರ್ ಸಕ್ಸಸ್‍ನಲ್ಲಿ ತೇಲುತ್ತಿರುವ ಪುರಿ ಜಗನ್ನಾಥ್, ಕನ್ನಡ ಸಿನಿಮಾ ಮಾಡ್ತಾರಾ..? ಅದೂ ಯಶ್ ಜೊತೆಗೆ.

    ಇಂಥಾದ್ದೊಂದು ಸುದ್ದಿ ಗಾಂಧಿನಗರದಲ್ಲಿ ಸರಿದಾಡುತ್ತಿದೆ. ಪುರಿ ಜಗನ್ನಾಥ್, ಯಶ್ ಜೊತೆ ಜನಗಣಮನ ಎಂಬ ಸಿನಿಮಾ ಮಾಡಲು ಮುಂದಾಗಿದ್ದಾರಂತೆ. ಕನ್ನಡ ಮತ್ತು ತೆಲುಗಿನಲ್ಲಿ ಏಕಕಾಲಕ್ಕೆ ಸಿನಿಮಾ ಮಾಡುವುದು ಪುರಿ ಜಗನ್ನಾಥ್ ಪ್ಲಾನ್. ಈ ಕುರಿತು ಬೆಂಗಳೂರಿನಲ್ಲಿಯೇ ಮಾತುಕತೆ ಕೂಡಾ ನಡೆದಿದೆಯಂತೆ. ಕೆಜಿಎಫ್ ನಂತರ ಯಶ್ ಮಾರ್ಕೆಟ್ ಪ್ಯಾನ್ ಇಂಡಿಯಾ ಮಟ್ಟಕ್ಕೆ ವಿಸ್ತರಿಸಿರುವುದು ಇದಕ್ಕೆ ಕಾರಣ.

    ಹೌದು, ನಾವು ಸಿನಿಮಾ ಮಾಡುತ್ತಿರುವುದು ಸತ್ಯ ಎಂದು ಪುರಿ ಜಗನ್ನಾಥ್ ಆಗಲೀ, ಯಶ್ ಆಗಲೀ ಅಧಿಕೃತವಾಗಿ ಎಲ್ಲಿಯೂ ಹೇಳಿಕೊಂಡಿಲ್ಲ.

  • ಪುರಿ-ಯಶ್ ಜನಗಣಮನ

    high speculations iver yash and puri jagannath combination movies

    ರಾಕಿಂಗ್ ಸ್ಟಾರ್ ಯಶ್ ಮತ್ತು ತೆಲುಗಿನ ಟ್ರೆಂಡ್ ಸೆಟ್ಟರ್ ಡೈರೆಕ್ಟರ್ ಪುರಿ ಜಗನ್ನಾಥ್ ಕಾಂಬಿನೇಷನ್ನಿನಲ್ಲಿ ಜನಗಣಮನ ಅನ್ನೋ ಹೆಸರಿನ ಸಿನಿಮಾ ಮೂಡಿ ಬರಲಿದೆ ಎಂಬ ಸುದ್ದಿ ಟಾಲಿವುಡ್ಡಿನಿಂದಲೇ ಬರುತ್ತಿದೆ. ಇತ್ತೀಚೆಗೆ ಬೆಂಗಳೂರಿಗೆ ಬಂದಿದ್ದ ಪುರಿ ಜಗನ್ನಾಥ್, ಯಶ್ ಅವರಿಗೆ ಒನ್ ಲೈನ್ ಸ್ಟೋರಿ ಹೇಳಿದ್ದಾರೆ. ಮೂಲಗಳ ಪ್ರಕಾರ ಯಶ್ ಅವರಿಗೆ ಒನ್ ಲೈನ್ ಇಷ್ಟವಾಗಿದೆ.

    ಸದ್ಯಕ್ಕೆ ಪುರಿ, ವಿಜಯ್ ದೇವರಕೊಂಡ ನಟನೆಯ ಚಿತ್ರಕ್ಕೆ ನಿರ್ದೇಶನ ಮಾಡುತ್ತಿದ್ದಾರೆ. ಯಶ್, ಕೆಜಿಎಫ್-2ನಲ್ಲಿ ಬ್ಯುಸಿಯಾಗಿದ್ದಾರೆ.

    ಪುರಿ ಜಗನ್ನಾಥ್ ಕನ್ನಡಕ್ಕೆ ಹೊಸಬರಲ್ಲ. ಅಪ್ಪು ಮೂಲಕ ಪುನೀತ್‍ರನ್ನು ಹೀರೋ ಆಗಿ ಲಾಂಚ್ ಮಾಡಿದ್ದವರೇ ಪುರಿ ಜಗನ್ನಾಥ್. ಯುವರಾಜ ಚಿತ್ರವನ್ನು ನಿರ್ದೇಶಿಸಿದ್ದವರೂ ಅವರೇ. ಪೊಕಿರಿ, ಬದ್ರಿ, ತಮ್ಮುಡು, ಬ್ಯಸಿನೆಸ್ ಮ್ಯಾನ್, ಇಸ್ಮಾರ್ಟ್ ಶಂಕರ್, ಅಮ್ಮ ನಾನ್ನ ಒಕ ತಮಿಳು ಅಮ್ಮಾಯಿ.. ಹೀಗೆ ಹಿಟ್ ಚಿತ್ರಗಳ ಸಾಲೇ ಪುರಿ ಲಸ್ಟಿನಲ್ಲಿದೆ. ಯಶ್ ಕೂಡಾ ಜೊತೆಯಾದರೆ.. ವೇಯ್ಟ್ & ಸೀ.

     

  • ಪ್ರಶಾಂತ್ ನೀಲ್ ಐಡಿಯಾ ಕೇಳಿ ನಕ್ಕಿದ್ದರಂತೆ ಯಶ್..!

    yash reveals interesting story behind kgf

    ಕೆಜಿಎಫ್ ಮೇಲೆ ನಂಬಿಕೆ ಇಡೋಕೆ ಅತಿ ದೊಡ್ಡ ಕಾರಣ ಯಶ್ ಅಷ್ಟೇ ಅಲ್ಲ, ಪ್ರಶಾಂತ್ ನೀಲ್. ಅದಕ್ಕೂ ಮುನ್ನ ಪ್ರಶಾಂತ್ ನೀಲ್ ಮಾಡಿದ್ದ ಉಗ್ರಂ ಚಿತ್ರ, ಅದ್ಭುತ ಪ್ರೆಸೆಂಟೇಷನ್‍ನಿಂದ ಗಮನ ಸೆಳೆದಿದ್ದ ಸಿನಿಮಾ. ಬಹುಶಃ ಆ ಸಿನಿಮಾ ಮಾಡದೇ ಹೋಗಿದ್ದರೆ, ಪ್ರಶಾಂತ್ ನೀಲ್ ಇಂದು ಕೆಜಿಎಫ್ ಮಾಡೋಕೆ ಸಾಧ್ಯವೇ ಇರಲಿಲ್ಲ. ಆ ರಹಸ್ಯವನ್ನೂ ಯಶ್ ಅವರೇ ಬಿಚ್ಚಿಟ್ಟಿದ್ದಾರೆ.

    ಪ್ರಶಾಂತ್ ಅದ್ಭುತ ನಿರ್ದೇಶಕ. ಆದರೆ, ಕೆಟ್ಟದಾಗಿ ನರೇಶನ್ ಮಾಡ್ತಾರೆ. ಅವರು ಕಥೆಯನ್ನು ನಮಗೆ ಹೇಳುವಾಗ, ಅವರ ಕಲ್ಪನೆಯ ಹತ್ತಿರಕ್ಕೂ ಹೋಗೋಕೆ ಆಗಲ್ಲ. ಮೊದಲ ಬಾರಿ ಇವರು ಕೆಜಿಎಫ್ ಐಡಿಯಾ ಹೇಳಿದಾಗ ನಾನೇ ನಕ್ಕುಬಿಟ್ಟಿದ್ದೆ. ಏನೋ ಸ್ಪೆಷಲ್ ಇದೆ ಎನ್ನಿಸಿದರೂ ಏನು ಎಂದು ಅರ್ಥವಾಗಿರಲಿಲ್ಲ. ಉಗ್ರಂ ನೋಡಿದ ಮೇಲೆ, ನನಗೆ ಆ ಕಥೆ ಹೇಳಿದ ಇವರೇನಾ ಉಗ್ರಂ ಮಾಡಿದ್ದು ಎನ್ನುವಷ್ಟು ಅಚ್ಚರಿಯಾಗಿತ್ತು. ನಂತರ ಕೆಜಿಎಫ್ ಒಪ್ಪಿದೆವು. ಕಥೆ ಹೇಳುವಾಗಿನ ಪ್ರಶಾಂತ್ ನೀಲ್ ಬೇರೆ. ಡೈರೆಕ್ಷನ್ ಮಾಡುವಾಗಿನ ಪ್ರಶಾಂತ್ ನೀಲ್ ಬೇರೆ. ಅವರಿಗೆ ಏನು ಬೇಕು ಅನ್ನೋದು ಅತ್ಯಂತ ಸ್ಪಷ್ಟವಾಗಿ ಗೊತ್ತು. ಅದನ್ನು ಅವರು ಎಲ್ಲಿಯೂ ಬಿಟ್ಟುಕೊಡದೇ ಮಾಡ್ತಾರೆ. ಅಂತಹ ಬೆರಗು ಹುಟ್ಟಿಸುವ ನಿರ್ದೇಶಕ ಪ್ರಶಾಂತ್ ನೀಲ್''

    ಇದು ಯಶ್, ಪ್ರಶಾಂತ್ ಬಗ್ಗೆ ಹೇಳಿರುವ ಮಾತು. ಯಶ್ ಪ್ರಕಾರ, ಪ್ರಶಾಂತ್ ನೀಲ್ ಅವರ ಅತಿದೊಡ್ಡ ಬಂಡವಾಳ, ಹೂಡಿಕೆ ಉಗ್ರಂ. ಈಗ ಕೆಜಿಎಫ್ ಬರುತ್ತಿದೆ. ಪ್ರಶಾಂತ್ ನೀಲ್‍ಗಷ್ಟೇ ಏಕೆ, ಕೆಜಿಎಫ್.. ಕನ್ನಡ ಚಿತ್ರರಂಗಕ್ಕೇ ಒಂದು ಚಾಲೆಂಜ್. ಗೆಲ್ಲಬೇಕು.

  • ಪ್ರಶಾಂತ್ ನೀಲ್ ಬಗ್ಗೆ ಯಶ್ ಕಂಡ ಕನಸು

    yash praises director prashnth neel

    ಕೆಜಿಎಫ್ ಎಂಬ ಬ್ಲಾಕ್ ಬಸ್ಟರ್ ಕೊಟ್ಟ ಯಶ್, ಆ ಚಿತ್ರಕ್ಕಾಗಿ ನಿರ್ದೇಶಕ ಪ್ರಶಾಂತ್ ನೀಲ್ ಅವರ ಅಭಿಮಾನಿಯೂ ಹೌದು. ಪ್ರಶಾಂತ್ ನೀಲ್ ಅವರ ವೃತ್ತಿ ಪರತೆ ಮತ್ತು ಕ್ರಿಯೇಟಿವಿಟಿಯನ್ನು ಹೊಗಳಿದ್ದಾರೆ. ತಮ್ಮ ಹುಟ್ಟುಹಬ್ಬದ ಸಂಭ್ರಮದಲ್ಲಿ ಮಾತನಾಡಿರುವ ಯಶ್ `ಪ್ರಶಾಂತ್ ನೀಲ್ ಅವರಿಗೆ ಹಾಲಿವುಡ್‍ನಲ್ಲಿಯೂ ಸಿನಿಮಾ ಮಾಡುವ ಶಕ್ತಿ ಇದೆ.

    ಅವರ ಬಳಿ ಒಂದು ಇಂಗ್ಲಿಷ್ ಸಿನಿಮಾ ಮಾಡಿಸಬೇಕು. ಅವರಿಗೆ ಆ ತಾಕತ್ತಿದೆ' ಎನ್ನುವ ಯಶ್ ತಮ್ಮನ್ನೇ ಹಾಕಿಕೊಂಡು ಇಂಗ್ಲಿಷ್ ಸಿನಿಮಾ ಮಾಡಬೇಕೆಂದಿಲ್ಲ, ಅವರಿಗೆ ಇಷ್ಟವಾಗುವ ಯಾರನ್ನೇ ಆದರೂ ಹಾಕಿಕೊಂಡು ಸಿನಿಮಾ ಮಾಡಬಹುದು. ಸಿನಿಮಾ ಡಿಸೈನ್ ಜವಾಬ್ದಾರಿ ನಂದು ಎಂದಿದ್ದಾರೆ ಯಶ್.

  • ಪ್ರೀತಿಯ ಅತ್ತೆ, ಡಾರ್ಲಿಂಗ್ ಮಾವನಿಗೆ ರಾಧಿಕಾ ಶುಭಾಶಯ

    radhika pandit celebrates in laws wedding anniversary

    ಪ್ರೀತಿಯ ಅತ್ತೆ ಮತ್ತು ಡಾರ್ಲಿಂಗ್ ಮಾವನಿಗೆ ವಿವಾಹ ವಾರ್ಷಿಕೋತ್ಸವದ ಶುಭಾಶಯಗಳು. ನನ್ನ ಬದುಕಿನಲ್ಲಿ ನಿಮ್ಮನ್ನು ಪಡೆದಿರುವುದಕ್ಕೆ ಸಂತೋಷವಿದೆ. ನೀವಿಬ್ಬರೂ ನನಗೆ ಬೆಸ್ಟ್ ಎನಿಸುವಂತ ನಿಮ್ಮ ಮಗನನ್ನು ಗಿಫ್ಟ್ ಆಗಿ ನೀಡಿದ್ದೀರಿ. ನೀವೇ ನನಗೆ ಪ್ರಪಂಚ...

    ಹೀಗೆ ಪುಟ್ಟ ಸಾಲೊಂದನ್ನು ಬರೆದು ಅತ್ತೆ-ಮಾವನ ವಿವಾಹ ವಾರ್ಷಿಕೋತ್ಸವಕ್ಕೆ ಶುಭ ಹಾರೈಸಿದ್ದಾರೆ. ಎಲೆಕ್ಷನ್ ಪ್ರಚಾರದ ನಡುವೆಯೂ ಅಪ್ಪ-ಅಮ್ಮನ ವಿವಾಹ ವಾರ್ಷಿಕೋತ್ಸವಕ್ಕೆ ಬಂದು ವಿಷ್ ಮಾಡಿ ತೆರಳಿದ್ದಾರೆ ನಟ ಯಶ್.

  • ಬಕಾಸುರದಲ್ಲಿ ಶಿವಣ್ಣ, ಯಶ್

    shvanna yash in buckaasura

    ರವಿಚಂದ್ರನ್ ಅಭಿನಯದ ಬಕಾಸುರ ಚಿತ್ರದಲ್ಲಿ ಶಿವರಾಜ್‍ಕುಮಾರ್ ಹಾಗೂ ಯಶ್ ಕೂಡಾ ಇದ್ದಾರೆ. ಆದರೆ, ನಟರಾಗಿ ತೆರೆಯ ಮೇಲಲ್ಲ. ಹಿನ್ನೆಲೆಯಲ್ಲಿ ವಾಯ್ಸ್ ರೂಪದಲ್ಲಿ. ಕನ್ನಡ ಚಿತ್ರರಂಗದಲ್ಲಿ ಬೇರೆಯವರ ಚಿತ್ರಗಳಿಗೆ ಧ್ವನಿ ನೀಡುವ ಟ್ರೆಂಡ್ ಶುರುವಾಗಿದೆ.

    ಬಕಾಸುರ ಚಿತ್ರದ ಪಾತ್ರಗಳನ್ನು ಪರಿಚಯ ಮಾಡಿಸುವುದು ಶಿವರಾಜ್‍ಕುಮಾರ್ ಮತ್ತು ಯಶ್. ಬೇರೊಬ್ಬರ ಚಿತ್ರದಲ್ಲಿ ಈ ರೀತಿ ವಾಯ್ಸ್ ಓವರ್ ನೀಡಿರುವುದು ಯಶ್‍ಗೆ ಪ್ರಥಮ ಅನುಭವ. ಶಿವರಾಜ್‍ಕುಮಾರ್ ಬೇರೆಯವರ ಚಿತ್ರಗಳಲ್ಲಿ ಕಾಣಿಸಿಕೊಂಡಿದ್ದರೂ, ವಾಯ್ಸ್ ಮೂಲಕವಷ್ಟೇ ಬರುತ್ತಿರುವುದು ಅವರಿಗೂ ಫಸ್ಟ್.

    ಬಕಾಸುರ ಚಿತ್ರದಲ್ಲಿ ರವಿಚಂದ್ರನ್, ಬ್ಯುಸಿನೆಸ್‍ಮ್ಯಾನ್ ಪಾತ್ರದಲ್ಲಿದ್ದರೆ, ಆರ್. ಜೆ. ರೋಹಿತ್ ಚಿತ್ರದಲ್ಲಿ ವಕೀಲನಾಗಿ ಕಾಣಿಸಿಕೊಂಡಿದ್ದಾರೆ. ಸೈಕಾಲಜಿಕಲ್ ಥ್ರಿಲ್ಲರ್ ಸಿನಿಮಾ ಥಿಯೇಟರ್‍ಗೆ ಬರೋಕೆ ಸಿದ್ಧವಾಗಿ ನಿಂತಿದೆ.

  • ಬಳ್ಳಾರಿಯಲ್ಲಿ ಕೆಜಿಎಫ್

    kgf team in bellary

    ಕೆಜಿಎಫ್ ಚಾಪ್ಟರ್ 2 ಚಿತ್ರೀಕರಣ ಬೆಂಗಳೂರಿನಿಂದ ಬಳ್ಳಾರಿಗೆ ಶಿಫ್ಟ್ ಆಗಿದೆ. ಬಳ್ಳಾರಿ ಜಿಲ್ಲೆಯ ಸಂಡೂರಿನಲ್ಲಿರುವ ಜಿಂದಾಲ್  ಉಕ್ಕಿನ ಕಾರ್ಖಾನೆಯಲ್ಲಿ ಕೆಜಿಎಫ್ ಚಾಪ್ಟರ್ 2 ಶೂಟಿಂಗ್ ಬಿರುಸಿನಿಂದ ಸಾಗುತ್ತಿದೆ. ಕಾರ್ಖಾನೆಯಲ್ಲಿಯೇ ಸೆಟ್ ಹಾಕಲಾಗಿದ್ದು, ನೂರಕ್ಕೂ ಹೆಚ್ಚು ಕಲಾವಿದರು ಚಿತ್ರೀಕರಣದಲ್ಲಿ ಬ್ಯುಸಿಯಾಗಿದ್ದಾರೆ.

    ಪ್ರಶಾಂತ್ ನೀಲ್ ನಿರ್ದೇಶನದ ಸಿನಿಮಾ ಚಿತ್ರೀಕರಣ ಕಡೆಯ ಹಂತದಲ್ಲಿದೆ. ಆದರೆ ಚಿತ್ರತಂಡಕ್ಕೆ ಸವಾಲಾಗಿರುವುದು ಯಶ್ ನೋಡಲು ಬರುತ್ತಿರುವ ಜನ. ಸಂಡೂರಿನಲ್ಲಿ ಕೆಜಿಎಫ್ ಟೀಂ ಇದೆ ಎಂದು ಗೊತ್ತಾಗಿದ್ದೇ ತಡ, ಅಲ್ಲಿಗೆ ಯಶ್ ಅಭಿಮಾನಿಗಳ ದಂಡೇ ಹರಿದುಬರುತ್ತಿದೆ. ಹೊಂಬಾಳೆ ಟೀಂ ಈ ಕ್ರೌಡ್ ನಿಯಂತ್ರಿಸಲು ಹರಸಾಹಸ ಮಾಡುತ್ತಿದೆ.

  • ಬಾಡಿಗೆ ಮನೆ ಖಾಲಿ ಮಾಡಿದ ಯಶ್ : ಮುಗಿದಿಲ್ಲ ಹೋರಾಟ

    yash vacates his rented house

    ನಟ ಯಶ್, ವಿವಾದದ ಗೂಡಾಗಿದ್ದ ಬನಶಂಕರಿಯಲ್ಲಿ ಬಾಡಿಗೆಗೆ ಇದ್ದ ಮನೆಯನ್ನು ಖಾಲಿ ಮಾಡಿದೆ. ಮಾಲೀಕರಿಗೆ ಕೊಡಬೇಕಿದ್ದ ಬಾಡಿಗೆ ಹಣವನ್ನು ಡಿಡಿ ಮೂಲಕವೇ ನೀಡಲಾಗಿದೆ. ಆದರೆ, ವಿವಾದ ಇಷ್ಟಕ್ಕೇ ಮುಗಿದಿಲ್ಲ.

    ಯಶ್ ಮನೆಯವರು ಮನೆಯನ್ನು ತುಂಬಾ ಹಾಳು ಮಾಡಿದ್ದಾರೆ. ಉಪಯೋಗಕ್ಕೆ ಯೋಗ್ಯವಲ್ಲದ ರೀತಿಯಲ್ಲಿ ಧಕ್ಕೆ ಮಾಡಿದ್ದಾರೆ. ಹೀಗಾಗಿ ಯಶ್ ಕುಟುಂಬದ ವಿರುದ್ಧ ಕ್ರಿಮಿನಲ್ ಮೊಕದ್ದಮೆ ಹೂಡಲು ಮನೆ ಮಾಲೀಕರು ನಿರ್ಧರಿಸಿದ್ದಾರೆ ಎಂದು ಮನೆ ಮಾಲೀಕರ ಪರ ವಕೀಲ ಎಂ.ಟಿ.ನಾಣಯ್ಯ ತಿಳಿಸಿದ್ದಾರೆ.

  • ಬಾಲಿವುಡ್ಡಲ್ಲಿ ರಾಕಿಭಾಯ್ ಹವಾ

    yash sensation in bollywood

    ರಾಕಿಂಗ್ ಸ್ಟಾರ್ ಯಶ್ ಹವಾ ಈಗ ಸ್ಯಾಂಡಲ್‍ವುಡ್ ಗಡಿ ದಾಟಿ ತೆಲುಗು, ತಮಿಳು, ಮಲಯಾಳಂ ಹಾಗೂ ಹಿಂದಿ ಭಾಷೆಯಲ್ಲೂ ಜೋರಾಗಿ ಬೀಸ್ತಾ ಇದೆ. ಆ ಹವಾ ಎಷ್ಟರಮಟ್ಟಿಗೆ ಇದೆ ಅಂದ್ರೆ, ಈಗ ಬಾಲಿವುಡ್‍ನಲ್ಲಿ ಯಶ್ ಅವರದ್ದೇ ಹವಾ. ಅದೂ ಬಾಲಿವುಡ್ ಟಾಪ್ ಸ್ಟಾರ್‍ಗಳಿಗೆ ಟಕ್ಕರ್ ಕೊಡುವ ಹಂತಕ್ಕೆ ಹೋಗಿದೆ.

    ಇತ್ತೀಚೆಗೆ ಬಾಲಿವುಡ್‍ನಲ್ಲಿ ಓರ್ ಮ್ಯಾಕ್ಸ್ ಮೀಡಿಯಾ ಒಂದು ಸರ್ವೆ ಮಾಡಿತ್ತು. 2020ರ ಬಹುನಿರೀಕ್ಷಿತ ಚಿತ್ರಗಳು ಯಾವುವು ಎಂದು ಸಮೀಕ್ಷೆ ಮಾಡಿತ್ತು. ಆ ಸರ್ವೆಯ ಟಾಪ್ 5 ಚಿತ್ರಗಳಲ್ಲಿ ಕೆಜಿಎಫ್ ಚಾಪ್ಟರ್ 2 ನಂ.1 ಸ್ಥಾನದಲ್ಲಿದೆ.

    ಕೆಜಿಎಫ್ ನಂತರದ ಸ್ಥಾನಗಳಲ್ಲಿ ಅಕ್ಷಯ್ ಕುಮಾರ್, ಅಜಯ್ ದೇವಗನ್, ರಣ್‍ವೀರ್ ಸಿಂಗ್ ಚಿತ್ರಗಳಿವೆ. ಇದು ಹೆಮ್ಮೆಯ ಜೊತೆಗೆ ಜವಾಬ್ದಾರಿಯನ್ನೂ ಹೆಚ್ಚಿಸಿದೆ. ನಿರ್ದೇಶಕ ಪ್ರಶಾಂತ್ ನೀಲ್, ನಿರ್ಮಾಪಕ ವಿಜಯ್ ಕಿರಗಂದೂರು ಚಿತ್ರವನ್ನು ಕೆಜಿಎಫ್ ಚಾಪ್ಟರ್ 1ಗಿಂತ ಅದ್ಭುತವಾಗಿ ತೆರೆಯ ಮೇಲೆ ತರಲು ಪ್ರೇರೇಪಣೆ ನೀಡಿದೆ ಎಂದರೆ ತಪ್ಪಾಗಲಿಕ್ಕಿಲ್ಲ.

  • ಬಾಹುಬಲಿ ನಂತರ ತೆಲುಗು, ರೋಬೋ ನಂತರ ತಮಿಳು.. ಕೆಜಿಎಫ್ ನಂತರ ಕನ್ನಡ..

    radhika pandit confident about kgf

    ಕೆಜಿಎಫ್ ಸಿನಿಮಾ ಟ್ರೇಲರ್ ರಿಲೀಸ್ ಸನಿಹವಾಗುತ್ತಿದ್ದಂತೆಯೇ ಚಿತ್ರದ ಕುರಿತು ನಿರೀಕ್ಷೆಗಳೂ ಗಗನಮುಖಿಯಾಗುತ್ತಿವೆ. ಸಿನಿಮಾದ ಬಗ್ಗೆ ಚಿತ್ರತಂಡದ ಕಾನ್ಫಿಡೆನ್ಸ್ ಅಮೋಘ. ಹೊಂಬಾಳೆ ಪ್ರೊಡಕ್ಷನ್ಸ್‍ನ ವಿಜಯ್ ಕಿರಗಂದೂರು, ನಿರ್ದೇಶಕ ಪ್ರಶಾಂತ್ ನೀಲ್, ಹೀರೋ ರಾಕಿಂಗ್ ಸ್ಟಾರ್ ಯಶ್ ಅವರಷ್ಟೇ ಆತ್ಮವಿಶ್ವಾಸ ಇರೋದು ಯಶ್ ಪತ್ನಿ ರಾಧಿಕಾ ಪಂಡಿತ್‍ಗೆ.

    ನನಗೆ ಚಿತ್ರದ ಕಥೆ ಗೊತ್ತಿದೆ. ಚೆನ್ನಾಗಿದೆ. ಈ ಸಿನಿಮಾ ಬಂದ ಮೇಲೆ ಇಡೀ ಭಾರತೀಯ ಚಿತ್ರರಂಗ ಕನ್ನಡ ಚಿತ್ರರಂಗದತ್ತ ತಿರುಗಿ ನೋಡಲಿದೆ. ಹೇಗೆ ರೋಬೋ ನಂತರ ತಮಿಳು ಚಿತ್ರರಂಗ, ಬಾಹುಬಲಿ ನಂತರ ತೆಲುಗು ಚಿತ್ರರಂಗ ನಾವು ಯಾರ್ಗೂ ಕಮ್ಮಿ ಇಲ್ಲ ಎಂದು ತೋರಿಸಿಕೊಂಡವೋ.. ಹಾಗೆಯೇ ಈ ಸಿನಿಮಾ ಕೂಡಾ ಕನ್ನಡ ಚಿತ್ರರಂಗವನ್ನು ಆ ಮಟ್ಟಕ್ಕೆ ಕೊಂಡೊಯ್ಯಲಿದೆ. ಈ ಆತ್ಮವಿಶ್ವಾಸದ ಮಾತು ಹೇಳಿರೋದು ರಾಧಿಕಾ ಪಂಡಿತ್.

    ನಾನು ಯಶ್ ಪತ್ನಿಯಾಗಿ ಅಷ್ಟೇ ಅಲ್ಲ, ಚಿತ್ರರಂಗದ ಒಬ್ಬ ನಟಿಯಾಗಿ ಕೂಡಾ ಈ ಚಿತ್ರ ಗೆಲ್ಲಬೇಕು. ಇಷ್ಟು ದೊಡ್ಡ ಸಿನಿಮಾ ಗೆದ್ದರೆ, ಅದು ಕನ್ನಡ ಚಿತ್ರರಂಗಕ್ಕೆ ದೊಡ್ಡ ಶಕ್ತಿ ತುಂಬಲಿದೆ ಅನ್ನೋದು ರಾಧಿಕಾ ಪಂಡಿತ್ ಭರವಸೆ.

    ಕೆಜಿಎಫ್ ಚಿತ್ರದ ಟ್ರೇಲರ್ ನವೆಂಬರ್ 9ಕ್ಕೆ ರಿಲೀಸ್ ಆಗುತ್ತಿದೆ. ಡಿಸೆಂಬರ್ 21ಕ್ಕೆ ಸಿನಿಮಾ ಬಿಡುಗಡೆಯಾಗಲಿದೆ.

  • ಬಾಹುಬಲಿಗೆ ಆದ ಗತಿಯೇ ಕೆಜಿಎಫ್ ಚಿತ್ರಕ್ಕೂ ಆಗುತ್ತಾ..?

    kgf to premiere on tv soon

    ಕೆಜಿಎಫ್ ಇನ್ನೂ ಥಿಯೇಟರುಗಳಲ್ಲಿ ಓಡುತ್ತಿದೆ. ವೀಕೆಂಡ್ ಹೌಸ್‍ಫುಲ್ ಆಗುತ್ತಿದೆ. ಹೀಗಿರುವಾಗಲೇ.. ಇನ್ನೂ 50 ದಿನ ಪೂರೈಸುವ ಮುನ್ನವೇ ಚಿತ್ರ ಟಿವಿಯಲ್ಲಿ ಪ್ರಸಾರವಾಗೋಕೆ ರೆಡಿಯಾಗಿಬಿಟ್ಟಿದೆ. ಹಿಂದಿಗೆ ಡಬ್ ಆಗಿರುವ ಕೆಜಿಎಫ್ ಚಿತ್ರದ ಹಿಂದಿ ವರ್ಷನ್ ಸೋನಿ ಮ್ಯಾಕ್ಸ್‍ನಲ್ಲಿ ಶೀಘ್ರದಲ್ಲೇ ಪ್ರಸಾರವಾಗಲಿದೆ. ಈಗಾಗಲೇ ಕೆಜಿಎಫ್ ಪ್ರಸಾರದ ಪ್ರೋಮೋ ಹೊರಬಿಟ್ಟಿದೆ ಸೋನಿ ಮ್ಯಾಕ್ಸ್.

    ಈ ಹಿಂದೆ ಬಾಹುಬಲಿ ಸಿನಿಮಾವನ್ನೂ ಹೀಗೆಯೇ ಮಾಡಿತ್ತು ಹಿಂದಿ ಚಾನೆಲ್. ಚಿತ್ರ ಥಿಯೇಟಿನಲ್ಲಿರುವಾಗಲೇ ಟಿವಿಯಲ್ಲಿ ಪ್ರಸಾರ ಮಾಡಿತ್ತು. ಅದು ಚಿತ್ರದ ಬಾಕ್ಸಾಫೀಸ್‍ಗೂ ಹೊಡೆತ ಕೊಟ್ಟಿತ್ತು. ಈಗ ಅದೇ ರೀತಿಯಲ್ಲಿ ಕೆಜಿಎಫ್‍ಗೂ ಆಗುತ್ತಾ..? ಗೊತ್ತಿಲ್ಲ. ಪ್ರೋಮೋದಲ್ಲಿ ನಿರೀಕ್ಷಿಸಿ ಎಂದು ಪ್ರೋಮೋ ಬರುತ್ತಿದೆಯೇ ಹೊರತು, ಡೇಟ್ ಮತ್ತು ಟೈಂ ಹೇಳಿಲ್ಲ.

  • ಬೆಂಗಳೂರು ಅಂತಾರಾಷ್ಟ್ರೀಯ ಸಿನಿಮೋತ್ಸವದಲ್ಲಿ ಸಿಎಂಗೆ ಯಶ್ ಮನವಿ

    yash requests cm for big studio in bangalore

    ಬೆಂಗಳೂರು ಅಂತಾರಾಷ್ಟ್ರೀಯ ಸಿನಿಮೋತ್ಸವ ಶುರುವಾಗಿದೆ. ಕಾರ್ಯಕ್ರಮಕ್ಕೆ ಖುದ್ದು ಮುಖ್ಯಮಂತ್ರಿಗಳಿಂದಲೇ ಚಾಲನೆ ಸಿಕ್ಕಿದೆ. ಫೆ.27ರಿಂದ ಸಿನಿಮಾ ಪ್ರದರ್ಶನ, ಸಂವಾದ, ಚರ್ಚೆಗಳು ನಡೆಯಲಿವೆ. ಉದ್ಘಾಟನಾ ಕಾರ್ಯಕ್ರಮಕ್ಕೆ  ಮುಖ್ಯ ಅತಿಥಿಗಳಾಗಿದ್ದವರು ಸಿಎಂ ಯಡಿಯೂರಪ್ಪ. ಯಶ್, ಜಯಪ್ರದಾ, ಬೋನಿ ಕಪೂರ್, ಸೋನು ನಿಗಂ, ಆದಿತಿ ಪ್ರಭುದೇವ, ಅಕಾಡೆಮಿ ಅಧ್ಯಕ್ಷ ಸುನಿಲ್ ಪುರಾಣಿಕ್, ಚೇಂಬರ್ ಅಧ್ಯಕ್ಷ ಜೈರಾಜ್ ಸೇರಿದಂತೆ ಹಲವು ಗಣ್ಯರು ಭಾಗವಹಿಸಿದ್ದರು.

    ಚಿತ್ರರಂಗದ ಬೇಡಿಕೆಗಳಿಗೆ ಸ್ಪಂದಿಸುವ ಭರವಸೆ ನೀಡಿದರು ಯಡಿಯೂರಪ್ಪ. ಮಾಹಿತಿ ಪುಸ್ತಕ ಬಿಡುಗಡೆ ಮಾಡಿದ ಯಶ್ ಮುಖ್ಯಮಂತ್ರಿ ಯಡಿಯೂರಪ್ಪ ಅವರಿಗೆ `ಕನ್ನಡ ಚಿತ್ರರಂಗದಲ್ಲಿ ಒಳ್ಳೊಳ್ಳೆ ಪ್ರತಿಭೆಗಳಿದ್ದಾರೆ. ಆದರೆ ಒಂದೇ ಒಂದು ಒಳ್ಳೆಯ ಸ್ಟುಡಿಯೋ ಇಲ್ಲ. ನೀವು ನಮಗೊಂದು ಒಳ್ಳೆಯ ದೊಡ್ಡ ಸ್ಟುಡಿಯೋ ಕಟ್ಟಿಸಿಕೊಡಿ. ಇಡೀ ಭಾರತೀಯ ಚಿತ್ರರಂಗವನ್ನೇ ಆಳಬಲ್ಲ ಪ್ರತಿಭಾವಂತರು ನಮ್ಮಲ್ಲಿದ್ದಾರೆ. ನಾವು ಬೇರೆ ರಾಜ್ಯಗಳಿಗೆ ಹೋಗಿ ಶೂಟಿಂಗ್ ಮಾಡಬೇಕಾದ ಅನಿವಾರ್ಯತೆ ತಪ್ಪಿಸಿ ಎಂದು ಮನವಿ ಮಾಡಿಕೊಂಡರು.

  • ಬೆಳಗ್ಗೆ 6ಕ್ಕೇ ಕೆಜಿಎಫ್ ಮಾರ್ನಿಂಗ್ ಶೋ

    kgf shows will start st 6 in the morning

    ಕೆಜಿಎಫ್ ಹವಾ ಇದೇ ಶುಕ್ರವಾರದಿಂದ ಆರಂಭ. ಆ ದಿನ ಬೆಂಗಳೂರಿನ ಹಲವಾರು ಥಿಯೇಟರುಗಳಲ್ಲಿ ಮುಂಜಾನೆಯೇ ಶೋ ಶುರುವಾಗಲಿದೆ. ಆ ದಿನ ಬೆಂಗಳೂರಿನ ಕಾಮಾಕ್ಯ, ಶಾರದಾ ಸಿನಿಮಾ, ತಿರುಮಲ ಡಿಜಿಟಲ್, ವಿನಾಯಕ್ ಸಿನಿಮಾಸ್‍ಗಳಲ್ಲಿ ಈಗಾಗಲೇ ಅಧಿಕೃತವಾಗಿಯೇ ಟಿಕೆಟ್ ಬುಕ್ ಆಗಿದ್ದು, ಆ ದಿನ ಬೆಳಗ್ಗೆ 6ಕ್ಕೇ ಶೋ ಶುರುವಾಗಲಿದೆ.

    ಇನ್ನು ರಿಲೀಸ್ ದಿನ ಅಬ್ಬರ ಜೋರಾದರೆ, ಮಧ್ಯರಾತ್ರಿಯೇ ಶೋ ನಡೆದರೂ ಆಶ್ಚರ್ಯ ಪಡಬೇಕಿಲ್ಲ. ಬಳ್ಳಾರಿಯಲ್ಲಂತೂ ಇತ್ತೀಚೆಗೆ ಸ್ಟಾರ್ ಸಿನಿಮಾಗಳು ಅರ್ಧರಾತ್ರಿಯಲ್ಲೇ ರಿಲೀಸ್ ಆಗುವುದು ಈಗ ಕಾಮನ್ ಆಗಿಬಿಟ್ಟಿದೆ.

    ಕೆಜಿಎಫ್ ದೇಶಾದ್ಯಂತ 2000+ ಚಿತ್ರಮಂದಿರಗಳಲ್ಲಿ ರಿಲೀಸ್ ಆಗುತ್ತಿದೆ. ಬೆಂಗಳೂರಿನಲ್ಲಿ ಕನ್ನಡ ಅಷ್ಟೇ ಅಲ್ಲ, ತಮಿಳು, ತೆಲುಗು, ಮಲಯಾಳಂ ಹಾಗೂ ಹಿಂದಿ ವರ್ಷನ್ ಕೆಜಿಎಫ್ ಕೂಡಾ ರಿಲೀಸ್ ಆಗುತ್ತಿದೆ. ಕೆಜಿಎಫ್ ರಿಲೀಸ್‍ಗೇ ಕಾಯುತ್ತಿದ್ದೆವೇನೋ ಎಂಬಂತೆ ಅಭಿಮಾನಿಗಳು ಶೋ ಬುಕಿಂಗ್ ಆರಂಭವಾದ ಕೆಲವೇ ಗಂಟೆಗಳಲ್ಲಿ ಟಿಕೆಟ್ ಸೋಲ್ಡ್ ಔಟ್ ಮಾಡಿಬಿಟ್ಟಿದ್ದಾರೆ. 

Shivarjun Movie Gallery

KFCC 75Years Celebrations and Logo Launch Gallery