` chiranjeevi sarja, - chitraloka.com | Kannada Movie News, Reviews | Image

chiranjeevi sarja,

  • ಇವ್ರು ಶ್ಯಾನೆ ಟಾಪಾಗವ್ಳೆ ಅಂದ್ರೆ.. ಅವ್ರು ಶ್ಯಾನೆ ಟಾಪಾಗವ್ನೆ..

    shane top agavale son craze

    ಬಹುಶಃ ಇತ್ತೀಚೆಗೆ ಹಾಡೊಂದು ಇಷ್ಟೊಂದು ದೊಡ್ಡ ಕ್ರೇಜ್ ಹುಟ್ಟುಹಾಕಿದ್ದ ಉದಾಹರಣೆ ಇಲ್ಲ. ಸಿಂಗ ಚಿತ್ರದ ಹಾಡು ಅಷ್ಟೊಂದು ಕ್ರೇಜ್ ಸೃಷ್ಟಿಸಿದೆ. ಶ್ಯಾನೆ ಟಾಪಾಗವ್ಳೆ ಅನ್ನೋ ಹಾಡಿದೆಯಲ್ಲ, ಅದು ಆನ್‍ಲೈನ್‍ನಲ್ಲಿ ಭಯಂಕರ ಫೇಮಸ್. ಅದೊಂದು ಹಾಡನ್ನು ನೋಡಿ ಮೆಚ್ಚಿದವರ ಸಂಖ್ಯೆ 80 ಲಕ್ಷಕ್ಕೂ ಹೆಚ್ಚು. ಆದರೆ ಅದಕ್ಕಿಂತಲೂ ದೊಡ್ಡದೊಂದು ನ್ಯೂಸ್ ಇನ್ನೊಂದಿದೆ.

    ಚಿತ್ರದಲ್ಲಿ ಚಿರಂಜೀವಿ ಸರ್ಜಾ ಈ ಹಾಡು ಹಾಡೋದು ಅದಿತಿ ಪ್ರಭುದೇವ ಮೇಲೆ. ಆದರೆ, ಟಿಕ್‍ಟಾಕ್ ಸೇರಿದಂತೆ ಸೋಷಿಯಲ್ ಮೀಡಿಯಾದಲ್ಲಿ ಈ ಹಾಡಿಗೆ ತಮ್ಮದೇ ಲಿರಿಕ್ಸ್ ಸೃಷ್ಟಿಸಿದೆ ಯುವ ಫಂಡ. ಅದರಲ್ಲೂ ಹುಡುಗಿಯರು ಈ ಹಾಡಿಗೆ ಪುರುಷಾಕಾರ ನೀಡಿ, ಶ್ಯಾನೆ ಟಾಪಾಗವ್ನೆ ನಮ್ ಹುಡುಗ ಶ್ಯಾನೆ ಟಾಪಾಗವ್ನೆ ಎಂದು ಹಾಡು ಹರಿಬಿಟ್ಟಿದ್ದಾರೆ.

    ಟಿಕ್‍ಟಾಕ್ ಒಂದರಲ್ಲೇ ಈ ಹಾಡು 7 ಲಕ್ಷಕ್ಕೂ ಹೆಚ್ಚು ಮರುಸೃಷ್ಟಿಯಾಗಿದೆ. ಧರ್ಮವಿಶ್ ಖುಷಿಯಾಗಲೇಬೇಕಲ್ವೆ.. ಉದಯ್ ಮೆಹ್ತಾ ನಿರ್ಮಾಣದ ಸಿನಿಮಾಗೆ ವಿಜಯ್ ಕಿರಣ್ ನಿರ್ದೇಶನವಿದೆ. 

    ಚಿರು, ಅದಿತಿ ಜೊತೆ ರವಿಶಂಕರ್, ತಾರಾ, ಶಿವರಾಜ್ ಕೆಆರ್ ಪೇಟೆ, ಅರುಣಾ ಬಾಲರಾಜ್, ರಂಜಿತಾ ಮೊದಲಾದವರು ಚಿತ್ರದ ತಾರಾಬಳಗದಲ್ಲಿದ್ದಾರೆ.

  • ಕಾಮಿಡಿ ಅಲ್ಲ.. ಸೀರಿಯಸ್ ಚಿಕ್ಕಣ್ಣ

    chikkanna in rajahuli

    ಚಿಕ್ಕಣ್ಣ ಎಂದ ಕೂಡಲೇ ಜನರ ಮುಖದಲ್ಲಿ ನಗು ಅರಳುತ್ತೆ. ಮುಖ ನೋಡಿದರೆ ಹಲ್ಲು ಓಪನ್ ಆಗುತ್ತೆ. ಇನ್ನು ಚಿಕ್ಕಣ್ಣ ಡೈಲಾಗ್ ಹೊಡೆಯೋಕೆ ಶುರು ಮಾಡಿದ್ರೆ, ಗಹಗಹಿಸಿ ನಗುವುದಷ್ಟೇ ಬಾಕಿ. ಅದು ಚಿಕ್ಕಣ್ಣ ಕಾಮಿಡಿಗಿರುವ ಸ್ಪೆಷಾಲಿಟಿ.

    ಆದರೆ, ಅಂಥಾ ಚಿಕ್ಕಣ್ಣ ಈಗ ಸೀರಿಯಸ್ ಪಾತ್ರ ಮಾಡಿದ್ದಾರಂತೆ. ಸಂಹಾರ ಚಿತ್ರದಲ್ಲಿ ಚಿಕ್ಕಣ್ಣ ಅವರದ್ದು ಇನ್ಸ್‍ಪೆಕ್ಟರ್ ಪಾತ್ರ. ಸಿಕ್ಕಾಪಟ್ಟೆ ಸೀರಿಯಸ್ ಆಗಿದೆ ಎಂದಿದ್ದಾರೆ ಚಿಕ್ಕಣ್ಣ.

    ಆದರೆ, ಟ್ರೇಲರ್‍ನಲ್ಲಿ ಕಾಮಿಡಿಯೇ ಇದ್ಯಲ್ಲ ಅಂದ್ರೆ, ಅದು ಸಿಚುಯೇಷನ್ ಕಾಮಿಡಿ ಅಷ್ಟೆ, ಉಳಿದಂತೆ ಸೀರಿಯಸ್ ಪಾತ್ರ ಅಂತಾರೆ ಚಿಕ್ಕಣ್ಣ.

    ಅಂದಹಾಗೆ ಚಿಕ್ಕಣ್ಣಗೆ ಒಬ್ಬ ನಟನಾಗಿ ಇಮೇಜ್ ಸೃಷ್ಟಿಸಿದ್ದು ರಾಜಾಹುಲಿ. ಆ ಚಿತ್ರದ ನಿರ್ದೇಶಕ ಗುರು ದೇಶಪಾಂಡೆ ನಿರ್ದೇಶನದಲ್ಲಿಯೇ ಚಿಕ್ಕಣ್ಣ ಹೊಸ ಇಮೇಜ್‍ನಲ್ಲಿ ಕಾಣಿಸಿಕೊಂಡಿದ್ದಾರೆ. ಗುಡ್‍ಲಕ್.

  • ಗಂಡನ ಲವ್ವರ್ ಬ್ಯೂಟಿ ಹೊಗಳೋ ಹೆಂಡತಿ ನೋಡಿದ್ರಾ..?

    meghana raj sings for chiru's movie

    ಎಲ್ಲಾದರೂ ಕಂಡಿದ್ದೀರಾ..? ಕೇಳಿದ್ದೀರಾ..? ಆದರೆ ಇದು ಸತ್ಯ.. ಸತ್ಯ.. ಸತ್ಯ.. ಪತಿ ಚಿರಂಜೀವಿ ಸರ್ಜಾ ಕಣ್ಣು ಹಾಕಿರೋ ಹುಡುಗಿ ಶ್ಯಾನೆ ಟಾಪ್ ಆಗಿರೋ ಆದಿತಿ ಪ್ರಭುದೇವ. ಆ ಹುಡುಗಿಯನ್ನು ನವೀನ್ ಸಜ್ಜು ಧ್ವನಿಯಲ್ಲಿ ಚಿರು ಹಾಡಿ ಹೊಗಳಿ ಕುಣಿದು ಕುಪ್ಪಳಿಸುತ್ತಿದ್ದರೆ, ಮೇಘನಾ ರಾಜ್ ಅವರ ಜೊತೆಯಲ್ಲೇ ಹಾಡಿ, ಹಾಡಿನ ಕಿಕ್ಕೇರಿಸಿದ್ದಾರೆ.

    ವ್ಹಾಟ್ ಎ ಬ್ಯೂಟಿಫುಲ್ ಹುಡುಗಿ.. ಅನ್ನೋ ಈ ಹಾಡು ಸಿಂಗ ಚಿತ್ರದ್ದು. ಹಾಡನ್ನು ಬಿಡುಗಡೆ ಮಾಡಿರೋದು ಚಾಲೆಂಜಿಂಗ್ ಸ್ಟಾರ್ ದರ್ಶನ್. ಆ ಚಿತ್ರದ ಶ್ಯಾನೆ ಟಾಪಾಗವ್ಳೆ ಹಾಡು ಕೇಳಿ, ಅವರೇ ಚಿರುಗೆ ಕೇಳಿದ್ರಂತೆ. ಯಾವ ಚಿತ್ರದ್ದು ಈ ಹಾಡು, ವಿಚಾರಿಸು ಅಂತಾ. ಚಿರು ಚಿತ್ರದ್ದೇ ಎಂದು ಗೊತ್ತಾದಾಗ ಖುಷಿಯಾಗಿ ಅಭಿನಂದಿಸಿದ್ದರಂತೆ.

    ಉದಯ್ ಮೆಹ್ತಾ ನಿರ್ಮಾಣದ ಚಿತ್ರಕ್ಕೆ ವಿಜಯ್ ಕಿರಣ್ ನಿರ್ದೇಶನ ಮಾಡಿದ್ದಾರೆ. ಧರ್ಮ ವಿಶ್ ಸಂಗೀತ ನೀಡಿದ್ದಾರೆ.

  • ಗೋ ಹತ್ಯೆ.. ಡೈಲಾಗ್‍ಗೆ ಕತ್ತರಿ..!

    cow slaughter dialogue removied from seizer

    ಸೀಜರ್ ಚಿತ್ರ ನಾಳೆ ತೆರೆಕಾಣುತ್ತಿದೆ. ಚಿತ್ರದಲ್ಲಿ ಒಂದು ಕಡೆ ಗೋಹತ್ಯೆ ಕುರಿತ ಡೈಲಾಗ್ ಇದೆ. ಪಾತ್ರಧಾರಿ ರವಿಚಂದ್ರನ್, ಹಸುವಿನ ತಲೆ ಕಡಿಯುವುದು ಹಾಗೂ ಹೆತ್ತ ತಾಯಿಯ ತಲೆ ಹಿಡಿಯುವುದು ಎರಡೂ ಒಂದೇ ಎಂದು ಹೇಳುವ ಡೈಲಾಗ್ ಅದು. ಆ ಸಂಭಾಷಣೆಗೆ ವಿರೋಧ ವ್ಯಕ್ತವಾಗಿತ್ತು. ಗೋಹತ್ಯೆ ಪರ ಇರುವ ಸಂಘಟನೆಗಳು ಹಾಗೂ ಚಿತ್ರತಂಡದ ಭಾಗವಾಗಿರುವ ಪ್ರಕಾಶ್ ರೈ, ನಿರ್ದೇಶಕ ವಿನಯ್ ಕೃಷ್ಣ ವಿರುದ್ಧ ಕೆಂಡಕಾರಿದ್ದರು. ಫೋನ್ ಮಾಡಿ ಬೈದಿದ್ದೇನೆ ಎಂದು ಹೇಳಿದ್ದರು ಪ್ರಕಾಶ್ ರೈ.

    ಸಂಭಾಷಣೆಗೂ ರೈಗೂ ಸಂಬಂಧ ಇಲ್ಲ. ಅವರು ನನಗೆ ಫೋನ್ ಮಾಡಿಲ್ಲ ಎಂದಿದ್ದ ವಿನಯ್ ಕೃಷ್ಣ, ಈಗ ಚಿತ್ರದಲ್ಲಿ ಡೈಲಾಗ್‍ಗೆ ಮ್ಯೂಟ್ ಹಾಕಿಸಿದ್ದಾರೆ. ಅಂದರೆ, ಚಿತ್ರಮಂದಿರದಲ್ಲಿ ಈ ಸಿನಿಮಾ ನೋಡುವಾಗ ಆ ಸಂಭಾಷಣೆ ಬರುವ ವೇಳೆ ಬೀಪ್ ಸೌಂಡ್ ಮಾತ್ರ ಕೇಳುತ್ತೆ. 

    ನಟ ರವಿಚಂದ್ರನ್ ಕೂಡಾ ವಿವಾದ ಏಕೆ, ಡೈಲಾಗ್ ಬಿಡಿ ಎಂದು ಸೂಚಿಸಿದ ಹಿನ್ನೆಲೆಯಲ್ಲಿ ನಿರ್ದೇಶಕ ವಿನಯ್ ಹಾಗೂ ನಿರ್ಮಾಪಕ ತ್ರಿವಿಕ್ರಮ್ ಡೈಲಾಗ್‍ಗೆ ಕತ್ತರಿ ಆಡಿಸಿದ್ದಾರೆ. ಗೋಹತ್ಯೆ ಡೈಲಾಗ್ ಇಲ್ಲದ ಸೀಜರ್ ಸಿನಿಮಾ ನಾಳೆ ತೆರೆ ಕಾಣಲಿದೆ.

  • ಗೋಹತ್ಯೆ ಕುರಿತ ರವಿಚಂದ್ರನ್ ಡೈಲಾಗ್ ವಿವಾದ

    ravichandran dialogue creates controversy

    `ಹಸು ತಲೆ ಕಡಿಯೋದೂ ಒಂದೇ.. ಹೆತ್ತ ತಾಯಿಯ ತಲೆ ಹಿಡಿಯೋದೂ ಒಂದೇ..' ಇದು ರವಿಚಂದ್ರನ್ ಅಭಿನಯದ ಸೀಜರ್ ಚಿತ್ರದಲ್ಲಿರೋ ಡೈಲಾಗ್. ಈ ಡೈಲಾಗ್ ಹೇಳೋದು ನಾಯಕ ಕ್ರೇಜಿಸ್ಟಾರ್ ರವಿಚಂದ್ರನ್. ಸೀಜರ್ ಚಿತ್ರದ ಟ್ರೇಲರ್‍ನಲ್ಲೂ ಈ ಡೈಲಾಗ್ ಇದೆ. ಆದರೆ, ಈ ಡೈಲಾಗ್ ಈಗ ವಿವಾದಕ್ಕೆ ಕಾರಣವಾಗಿದೆ. 

    ರವಿಚಂದ್ರನ್ ಅವರಿಗೆ ಈಗ ಮಾರ್ಕೆಟ್ ಇಲ್ಲ. ಹೀಗಾಗಿ ಇಂತಹ ಗಿಮಿಕ್ ಮಾಡಿದ್ದಾರೆ. ಬೇರೆಯವರ ಆಹಾರ ಅಭ್ಯಾಸಗಳ ಬಗ್ಗೆ ಮಾತನಾಡೋ ಹಕ್ಕು ಅವರಿಗೆ ಇಲ್ಲ ಎನ್ನುವುದು ವಕೀಲ ಬಿ.ಟಿ.ವೆಂಕಟೇಶ್ ಎಂಬುವರ ಹೇಳಿಕೆ. ಹಿರಿಯ ನಟರಾದ ರವಿಚಂದ್ರನ್, ಈ ರೀತಿಯ ಡೈಲಾಗ್‍ಗೆ ನೋ ಎನ್ನಬೇಕಿತ್ತು. ಇದು ಕೋಮುಗಲಭೆಗೆ ಕಾರಣವಾಗಬಹುದು ಎಂದು ಆತಂಕ ವ್ಯಕ್ತಪಡಿಸಿದ್ದಾರೆ ಜನವಾದಿ ಸಂಘಟನೆ ನಾಯಕಿ ವಿಮಲಾ. 

    ಒಬ್ಬ ಹಿಂದೂ ಆಗಿ ಹಸುಗಳನ್ನು ಕೊಲ್ಲಬೇಡಿ ಎಂದು ಹೇಳೋದು ನನ್ನ ಹಕ್ಕು. ಗೋವನ್ನು ನಾವು ಪೂಜಿಸುತ್ತೇವೆ. ಗೋಹತ್ಯೆ ನಿಲ್ಲಿಸಬೇಕು. ಚಿತ್ರದಲ್ಲಿ ನಾವು ಅದನ್ನೇ ಹೇಳಿದ್ದೇವೆ. ಚಿತ್ರದ ಬಗ್ಗೆ ಸೆನ್ಸಾರ್ ಮಂಡಳಿಯೂ ಆಕ್ಷೇಪ ವ್ಯಕ್ತಪಡಿಸಿಲ್ಲ. ಒಂದೇ ಒಂದು ಕಟ್ ಇಲ್ಲದೆ ಪ್ರಮಾಣ ಪತ್ರ ಕೊಟ್ಟಿದೆ. ಇದರಲ್ಲಿ ವಿವಾದವೇ ಇಲ್ಲ ಎಂದಿದ್ದಾರೆ ನಿರ್ದೇಶಕ ವಿನಯ್ ಕೃಷ್ಣ.

    ಸೀಜರ್ ಚಿತ್ರ ಬಿಡುಗಡೆಗೆ ಸಿದ್ಧವಾಗಿದ್ದು, ಚುನಾವಣೆ ಹೊಸ್ತಿಲಲ್ಲಿ ನಿಂತಿರುವಾಗ ಇಂತಹ ವಿವಾದವಾದರೆ ಬಿಡುಗಡೆ ಸಾಧ್ಯವೇ ಎಂಬ ಅನುಮಾನವನ್ನೂ ಹುಟ್ಟುಹಾಕಿದೆ. ರವಿಚಂದ್ರನ್ ಜೊತೆ ಚಿತ್ರದಲ್ಲಿ ಚಿರಂಜೀವಿ ಸರ್ಜಾ, ಪ್ರಕಾಶ್ ರೈ ಕೂಡಾ ಇದ್ದಾರೆ.

  • ಚಂದನ್ ಶೆಟ್ಟಿ ಸಂಗೀತ ನಿರ್ದೇಶನದ ಸೀಜರ್

    chandan shetty's music in seizer

    ಚಂದನ್ ಶೆಟ್ಟಿ ಎಂದರೆ ತಕ್ಷಣ ನೆನಪಾಗುವುದು ಮೂರೇ ಮೂರು ಪೆಗ್ಗಿಗೆ.. ಹಾಡು. ಆದರೆ, ಚಂದನ್ ಶೆಟ್ಟಿ ಇದಿಷ್ಟೇ ಅಲ್ಲ, ಅವರು ಗಾಯಕರೂ ಹೌದು. ಹಾಡನ್ನು ಬರೆಯುವ ಕಲೆಯೂ ಅವರಿಗೆ ಸಿದ್ಧಿಸಿದೆ. ಸಂಗೀತ ಸಂಯೋಜಿಸುವುದೂ ಗೊತ್ತಿದೆ. ಇದೆಲ್ಲವೂ ಗೊತ್ತಿರುವ ಚಂದನ್ ಶೆಟ್ಟಿ, ಸೀಜರ್ ಚಿತ್ರಕ್ಕೆ ಸಂಗೀತ ನಿರ್ದೇಶನ ಮಾಡಿದ್ದಾರೆ.

    ಚಂದನ್ ಶೆಟ್ಟಿಯವರಿಗೆ ಇಂತಾದ್ದೊಂದು ಅವಕಾಶ ಕೊಟ್ಟಿದ್ದು ನಿರ್ಮಾಪಕ ತ್ರಿವಿಕ್ರಮ್. ಪವರ್ ಚಿತ್ರದ ಧಮ್ ಪವರೇ ಹಾಡು ಕೇಳಿದ ನಂತರ ತ್ರಿವಿಕ್ರಮ್, ಚಂದನ್ ಅವರನ್ನು ಆಯ್ಕೆ ಮಾಡಿದರಂತೆ.

    ಚಿತ್ರದಲ್ಲಿ ನಾಲ್ಕು ಹಾಡುಗಳಿದ್ದು, ನಾಲ್ಕೂ ಹಾಡುಗಳು ಸದ್ಯಕ್ಕೆ ಹಿಟ್ ಲಿಸ್ಟ್‍ನಲ್ಲಿವೆ. ವೆಸ್ಟರ್ನ್ ಶೈಲಿಯಲ್ಲಿರುವ ಸಂಗೀತ, ಅಭಿಮಾನಿಗಳಿಗೆ ಇಷ್ಟವಾಗಿದೆ.ರವಿಚಂದ್ರನ್, ಚಿರಂಜೀವಿ ಸರ್ಜಾ, ಪಾರೂಲ್ ಯಾದವ್ ಅಭಿನಯದ ಚಿತ್ರಕ್ಕೆ ವಿನಯ್ ಕೃಷ್ಣ ನಿರ್ದೇಶಕರು. ಚಿತ್ರ ಇದೇ ವಾರ ತೆರೆಗೆ ಬರುತ್ತಿದೆ.

  • ಚಿರಂಜೀವಿ ಸರ್ಜಾ V/S ಅರ್ಜುನ್ ಸರ್ಜಾ

    chiranjeevi sarja vs arjun sarja

    ಚಿರಂಜೀವಿ ಸರ್ಜಾ ಅವರಿಗೆ ಅರ್ಜುನ್ ಸರ್ಜಾ ಗಾಡ್‍ಫಾದರ್ ಅನ್ನೊದು ರಹಸ್ಯವೇನೂ ಅಲ್ಲ. ಮಾವ ಅರ್ಜುನ್ ಸರ್ಜಾ ಹಾಕಿದ ಗೆರೆಯನ್ನು ಚಿರಂಜೀವಿ ಸರ್ಜಾ ಆಗಲೀ, ಧ್ರುವ ಸರ್ಜಾ ಆಗಲೀ ಇದುವರೆಗೂ ದಾಟಿಲ್ಲ. ಮುಂದೆಯೂ ಅಂತಹ ಯಾವುದೇ ಸೂಚನೆಗಳಿಲ್ಲ. ಹೀಗಿದ್ದರೂ ಅರ್ಜುನ್ ಸರ್ಜಾ ವಿರುದ್ಧವೇ ಚಿರಂಜೀವಿ ಸರ್ಜಾ ನಿಲ್ಲುವಂತಾ ಪರಿಸ್ಥಿತಿ ಎದುರಾಗಿದೆ.

    ಚಿರಂಜೀವಿ ಸರ್ಜಾ ನಿರ್ದೇಶನದ ಪ್ರೇಮ ಬರಹ ಚಿತ್ರ ಫೆಬ್ರವರಿ 9ರಂದು ಬಿಡುಗಡೆಯಾಗುತ್ತಿದೆ. ಪ್ರೇಮ ಬರಹ ಚಿತ್ರದ ಹೀರೋಯಿನ್ ಅರ್ಜುನ್ ಸರ್ಜಾ ಮಗಳು ಐಶ್ವರ್ಯಾ. ಅದು ಐಶ್ವರ್ಯಾ ಅವರ ಪ್ರಥಮ ಚಿತ್ರವೂ ಹೌದು.

    ಅದೇ ದಿನ ಚಿರಂಜೀವಿ ಸರ್ಜಾ ಅಭಿನಯದ ಸಂಹಾರ ಕೂಡಾ ಬಿಡುಗಡೆಯಾಗುತ್ತಿದೆ. ಗುರು ದೇಶ್‍ಪಾಂಡೆ ನಿರ್ದೇಶನದ ಸಂಹಾರ ಚಿತ್ರದಲ್ಲಿ ಹರಿಪ್ರಿಯಾ ನಾಯಕಿ. ಕುರುಡನ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಚಿರಂಜೀವಿ ಸರ್ಜಾ, ಆ ದಿನ ಪೈಪೋಟಿ ನೀಡಬೇಕಿರುವುದು ತನ್ನ ಮಾವನ ನಿರ್ದೇಶನದ, ಮಾವನ ಮಗಳ ಚಿತ್ರಕ್ಕೆ. 

    ಒಂದೇ ದಿನ, ಒಂದೇ ಕುಟುಂಬದ ಎರಡು ಚಿತ್ರಗಳು ತೆರೆಗೆ ಬರುತ್ತಿರುವುದು ಸ್ಯಾಂಡಲ್‍ವುಡ್ ವಿಶೇಷ ಎಂದಷ್ಟೇ ಈಗ ಹೇಳೋಬಹುದು.

     

  • ಚಿರಂಜೀವಿ ಸರ್ಜಾ..ಚೇತನ್ ಜೊತೆ ಜೊತೆಯಲಿ..

    chethan and chiranjeeivi sarja team up

    ಚಿರಂಜೀವಿ ಸರ್ಜಾ ಮತ್ತು ಚೇತನ್ ರಣಂ ಚಿತ್ರದಲ್ಲಿ ಒಟ್ಟಿಗೇ ನಟಿಸುತ್ತಿದ್ದಾರೆ. ವಿ ಸಮುದ್ರ ನಿರ್ದೇಶನದ ಈ ಚಿತ್ರದಲ್ಲಿ, ಚೇತನ್ ಕ್ರಾಂತಿಕಾರಿಯ ಪಾತ್ರ ಮಾಡುತ್ತಿದ್ದಾರೆ. ಅದೂ ಚೆಗವೇರಾ ಮಾದರಿಯ ಕ್ರಾಂತಿಕಾರಿ. 

    ಈಗ ಆ ಚಿತ್ರಕ್ಕೆ ಚಿರಂಜೀವಿ ಸರ್ಜಾ ಪ್ರವೇಶವಾಗಿದೆ. ಚಿರು, ಈ ಚಿತ್ರದಲ್ಲಿ ಪೊಲೀಸ್ ಅಧಿಕಾರಿಯ ಪಾತ್ರ ಮಾಡುತ್ತಿದ್ದಾರಂತೆ. ಚೇತನ್ ಇರುವ ದೃಶ್ಯಗಳ ಚಿತ್ರೀಕರಣ ಮುಕ್ತಾಯವಾಗಿದ್ದು, ಚಿರಂಜೀವಿ ಸರ್ಜಾ ಅಭಿನಯದ ದೃಶ್ಯಗಳ ಚಿತ್ರೀಕರಣ ಬಾಕಿ ಇದೆ. ಚಿರು, 20 ದಿನಗಳ ಕಾಲ್‍ಶೀಟ್ ಕೊಟ್ಟಿದ್ದಾರೆ.

  • ಚಿರು ಖಾಕಿ ಶುರು

    chiranjeeivi's khaki starts

    ಚಿರಂಜೀವಿ ಸರ್ಜಾ ಈಗ ಸಿಕ್ಕಾಪಟ್ಟೆ ಬ್ಯುಸಿ. ಒಂದು ಕಡೆ ಚಿರಂಜೀವಿ ಸರ್ಜಾರ ಸಿಂಗ, ರಾಜಮಾರ್ತಾಂಡ, ಆದ್ಯ ಚಿತ್ರಗಳು ಶೂಟಿಂಗ್ ಹಂತದಲ್ಲಿವೆ. ಮೊನ್ನೆ ಮೊನ್ನೆಯಷ್ಟೇ ಜುಗಾರಿ ಕ್ರಾಸ್ ಮುಹೂರ್ತವಾಗಿದೆ. ಈಗ ಬೆನ್ನಲ್ಲೇ ಖಾಕಿ ಶುರುವಾಗಿದೆ.

    ನವೀನ್ ರೆಡ್ಡಿ ನಿರ್ದೇಶನದ ಖಾಕಿ ಚಿತ್ರಕ್ಕೆ ದಿ ಪವರ್ ಆಫ್ ಕಾಮನ್ ಮ್ಯಾನ್ ಅನ್ನೋ ಟ್ಯಾಗ್‍ಲೈನ್ ಇದೆ. ಚಿತ್ರದ ಮೊದಲ ದೃಶ್ಯಕ್ಕೆ ಚಿರಂಜೀವಿ ಸರ್ಜಾ ಪತ್ನಿ, ನಟಿ ಮೇಘನಾ ರಾಜ್ ಕ್ಲಾಪ್ ಮಾಡಿ ಸಂಭ್ರಮಿಸಿದ್ರು.

  • ಚಿರು ಮೇಘನಾ ಮದ್ವೆಯಂತೆ..! ನಿಜಾನಾ..?

    chiranjeevi sarja meghana raj

    ಚಿರಂಜೀವಿ ಸರ್ಜಾ ಮತ್ತು ಮೇಘನಾ ರಾಜ್ ಮಧ್ಯೆ ಪ್ರೀತಿಯಿದೆ.. ಅವರಿಬ್ಬರೂ ಮದುವೆಯಾಗಲಿದ್ದಾರೆ ಎಂಬ ಸುದ್ದಿ ಗಾಂಧಿನಗರದಲ್ಲಿ ಹರಿದಾಡಲು ಶುರುವಾಗಿ 2 ವರ್ಷಗಳೇ ಕಳೆದುಹೋದವು. ಊಹೂಂ.. ಸುದ್ದಿ ನಿಜವಾಗಲಿಲ್ಲ. 

    ಇಬ್ಬರೂ ಎರಡು ಚಿತ್ರಗಳಲ್ಲಿ ಒಟ್ಟಾಗಿ ನಟಿಸಿದರು. ಪ್ರೀತಿ ಮದುವೆ ಸುದ್ದಿಗೆ ರೆಕ್ಕೆ ಪುಕ್ಕ ಬಂದವು. ಖಾಸಗಿ ಸಮಾರಂಭಗಳಲ್ಲಿ ಜೊತೆಯಾಗಿ ಕಾಣಿಸಿಕೊಂಡರು. ಸುದ್ದಿಯ ಗಿಡ ಬೆಳೆದು ಹೆಮ್ಮರವಾಗೋಕೆ ಗೊಬ್ಬರ ಸಿಕ್ಕಂತಾಯ್ತು. ಮಧ್ಯೆ ಮಧ್ಯೆ ಇಬ್ಬರೂ ತಮ್ಮ ಮಧ್ಯೆ ಅಂಥದ್ದೇನೂ ಇಲ್ಲ ಎಂದು ಹೇಳುತ್ತಲೇ ಬಂದರು. 

    ಈಗ ಮತ್ತೊಂದು ಹೊಸ ಸುದ್ದಿ. ಇಬ್ಬರೂ ಡಿಸೆಂಬರ್ 2ನೇ ವಾರದಲ್ಲಿ ಸಪ್ತಪದಿ ತುಳಿಯುತ್ತಿದ್ದಾರಂತೆ. ಈ ಬಾರಿಯೂ ಮೇಘನಾ ಮತ್ತು ಚಿರಂಜೀವಿ ಸರ್ಜಾ, ಇದನ್ನು ನಿರಾಕರಿಸಿದ್ದಾರೆ. ತಮ್ಮ ಮದುವೆ ಬಗ್ಗೆಯೇ ಏಕೆ ಇಷ್ಟೊಂದು ಸುದ್ದಿ ಹಬ್ಬುತ್ತವೋ ನಮಗೂ ಗೊತ್ತಿಲ್ಲ ಎಂದಿದ್ದಾರೆ.

  • ಚಿರು ಸರ್ಜಾ ಕೋಟ್ಯಧಿಪತಿಯೋ.. ಭಿಕ್ಷುಕನೋ..?

    amma i love you poster creates curiosity

    ಅಮ್ಮ ಐ ಲವ್ ಯೂ.. ತಾಯಿಯನ್ನು ಇಷ್ಟಪಡುವ ಪ್ರತಿಯೊಬ್ಬರಿಗೂ ಇಷ್ಟವಾಗುವಂಥಾ ಟೈಟಲ್ಲು. ಚೈತನ್ಯ ನಿರ್ದೇಶನದ ಸಿನಿಮಾ ಆಗಿರೋದ್ರಿಂದ ಕುತೂಹಲವೂ ದೊಡ್ಡ ಮಟ್ಟದಲ್ಲೇ ಇದೆ. ಅಲ್ಲದೆ ಚಿತ್ರದ ನಿರ್ಮಾಪಕರಾಗಿರುವುದು ಯೋಗಿಶ್ ದ್ವಾರಕೀಶ್ ಮತ್ತು ದ್ವಾರಕೀಶ್. ಕಥೆಗೆ ಇನ್ನಿಲ್ಲದ ಪ್ರಾಮುಖ್ಯತೆ ಕೊಡುವ ಯೋಗಿ ದ್ವಾರಕೀಶ್, ಈ ಸಿನಿಮಾದಲ್ಲೂ ಕಥೆಯನ್ನೇ ಗಮನದಲ್ಲಿಟ್ಟುಕೊಂಡಿದ್ದಾರೆ ಅನ್ನೋದ್ರಲ್ಲಿ ಎರಡು ಮಾತಿಲ್ಲ.

    ಎಲ್ಲವನ್ನೂ ಸಿದ್ಧಪಡಿಸಿಕೊಂಡು ಸಿನಿಮಾಗೆ ಫೈನಲ್ ಟಚಪ್ ನೀಡುತ್ತಿರುವ ಚಿತ್ರತಂಡ ಆಡಿಯೋ ಬಿಡುಗಡೆಗೆ ಸಿದ್ಧವಾಗಿದೆ. ಈ ಮಧ್ಯೆ ಗಮನ ಸೆಳೆಯುತ್ತಿರುವ ಅಂಶವೆಂದರೆ ಚಿತ್ರದ ಪೋಸ್ಟರ್‍ಗಳು. ಒಂದು ಪೋಸ್ಟರ್‍ನಲ್ಲಿ ಚಾರ್ಟರ್ಡ್ ಪ್ಲೇನ್‍ನಿಂದ ಇಳಿಯುತ್ತಿರುವ ಕೋಟ್ಯಧಿಪತಿಯ ಲುಕ್‍ನಲ್ಲಿರುವ ಚಿರು, ಇನ್ನೊಂದು ಪೋಸ್ಟರ್‍ನಲ್ಲಿ ಅಪ್ಪಟ ಭಿಕ್ಷುಕನಂತೆ ಕಾಣಿಸುತ್ತಿರುವ ಚಿರು.. ಏನಿದು ಅನ್ನೋ ಕುತೂಹಲ ಹುಟ್ಟೋಕೆ ಅಷ್ಟು ಸಾಕು.

    ಅಂದಹಾಗೆ ಈ ಭಾನುವಾರ ಅಮ್ಮಂದಿರ ದಿನ. ಆ ದಿನದ ವಿಶೇಷವಾಗಿ ಚಿತ್ರತಂಡ ಚಿತ್ರದ ಒಂದು ಹಾಡನ್ನು ಬಿಡುಗಡೆ ಮಾಡುತ್ತಿದೆ. ಅದು, ಅಮ್ಮ ಐ ಲವ್ ಯೂ ಚಿತ್ರತಂಡದಿಂದ ಅಮ್ಮಂದಿರ ದಿನಕ್ಕೆ ಉಡುಗೊರೆ.

  • ಚಿರು, ಧ್ರುವಾ ಅಮ್ಮನ ದಿನದ ಸ್ಪೆಷಲ್ ವಿಡಿಯೋ

    mothers days special

    ಅಮ್ಮ ಐ ಲವ್ ಯೂ ಚಿತ್ರತಂಡ ಅಮ್ಮಂದಿರ ದಿನಕ್ಕಾಗಿ ಒಂದು ಸ್ಪೆಷಲ್ ವಿಡಿಯೋ ಹಾಗೂ ಒಂದು ಹಾಡನ್ನು ರಿಲೀಸ್ ಮಾಡ್ತಾ ಇದೆ. ತಾಯಿಯ ಕುರಿತು ಇದ್ದ ಒಂದು ಕೊಟೇಷನ್ ಗಿರಿ ದ್ವಾರಕೀಶ್ ಮತ್ತು ಚೈತನ್ಯಗೆ ಇಷ್ಟವಾಗಿದೆ. ಅದನ್ನು ಕನ್ನಡಕ್ಕೆ ಅನುವಾದಿಸಿ ಚಿರು ಮುಂದಿಟ್ಟಾಗ ಚಿರು ಮತ್ತು ಧ್ರುವ ಒಟ್ಟಿಗೇ ಮಾಡುವ ಬಯಕೆ ತೋರಿಸಿದ್ರು. ಅದರಂತೆ ವಿಡಿಯೋ ಸಿದ್ಧವಾಯ್ತು. ಈಗ ಅಮ್ಮಂದಿರ ದಿನದ ಕೊಡುಗೆಯಾಗಿ ಬಂದಿದೆ. ಅಷ್ಟೇ ಅಲ್ಲ, ಚಿತ್ರದ ಒಂದು ಹಾಡಿನ ವಿಡಿಯೋವೊಂದನ್ನು ಬಿಡುಗಡೆ ಮಾಡಲಾಗುತ್ತಿದೆ.

    ಇಷ್ಟಕ್ಕೂ ವಿಡಿಯೋದಲ್ಲಿ ಏನಿದೆ ಅಂತೀರಾ.. ತಾಯಿಯಿಂದ ಏನು ಬಯಸುತ್ತೇವೆ ಮತ್ತು ತಾಯಿಗೆ ಏನು ಕೊಡುತ್ತೇವೆ ಅನ್ನೋ ಸಂದೇಶ ವಿಡಿಯೋದಲ್ಲಿದೆ. ಅಷ್ಟೇ ಅಲ್ಲ, ತಂದೆಯಾಗಲು ಒಂದು ಕ್ಷಣ ಬೇಕು ಆದರೆ, ತಾಯಿಯಾಗಲು ಒಂದು ಜೀವನ ಬೇಕು ಅನ್ನೋದು ವಿಡಿಯೋ ಸಂದೇಶ. ಇದು ಅಮ್ಮಂದಿರ ದಿನಕ್ಕಾಗಿ ಅಮ್ಮ ಐ ಲವ್ ಯೂ ಚಿತ್ರತಂಡ ನೀಡುತ್ತಿರುವ ಕಾಣಿಕೆ.

  • ಚಿರು-ಮೇಘನಾ ಎರಡನೇ ಮದುವೆ

    chiru meghana gets married

    ಚಿರಂಜೀವಿ ಸರ್ಜಾ ಮತ್ತು ಮೇಘನಾ ರಾಜ್ 2ನೇ ಬಾರಿಗೆ ಮದುವೆಯಾಗಿದ್ದಾರೆ. ಒಂದೇ ವಾರದೊಳಗೆ ಎರಡು ಬಾರಿ ಮದುವೆಯಾಗಿರೋದು ವಿಶೇಷ. ಏಪ್ರಿಲ್ 29ರಂದು ಕ್ರಿಶ್ಚಿಯನ್ ಸಂಪ್ರದಾಯದಂತೆ ಮದುವೆಯಾದ ಚಿರು-ಮೇಘನಾ, ಈಗ ಹಿಂದೂ ಸಂಪ್ರದಾಯದಂತೆ ಸಪ್ತಪದಿ ತುಳಿದಿದ್ದಾರೆ.

    ಬುಧವಾರ ಬೆಳಗ್ಗೆ 10ರಿಂದ 11.30ರೊಳಗೆ ನಡೆದ ಮಿಥುನ ಲಗ್ನದಲ್ಲಿ ಚಿರು-ಮೇಘನಾ ಸತಿಪತಿಗಳಾದರು. ತಾಳಿ ಕಟ್ಟುವಾಗ ಮೇಘನಾ ನಾನ್‍ಸ್ಟಾಪ್ ಆಗಿ ಮಾತನಾಡುತ್ತಲೇ ಇದ್ದರು. ಚಿರು ನಗುತ್ತಲೇ ಇದ್ದರು. ನೀಲಿ ಗೋಲ್ಡ್ ಮಿಶ್ರಿತ ಅಂಚಿನ ಸೀರೆ ಧರಿಸಿದ್ದ ಮೇಘನಾ, ಅದಕ್ಕೆ ತಕ್ಕಂತೆ ಮಾಂಗ್‍ಟಿಕಾ, ಡಾಬು, ಒಡವೆಗಳಿಂದ ನಕ್ಷತ್ರದಂತೆ ಮಿನುಗುತ್ತಿದ್ದರು. ವರ ಚಿರು, ಪೇಟ, ಬಿಳಿಪಂಚೆ, ಶಲ್ಯದಲ್ಲಿ ಮಿನುಗಿದರು.

    ನವದಂಪತಿಗಳ ವಿವಾಹ ಸಂಭ್ರಮಕ್ಕೆ ಇಡೀ ಸ್ಯಾಂಡಲ್‍ವುಡ್ ಸಾಕ್ಷಿಯಾಯ್ತು. ತೆಲುಗು, ತಮಿಳು ಹಾಗೂ ಮಲಯಾಳಂ ಚಿತ್ರರಂಗದ ಕಲಾವಿದರು, ತಂತ್ರಜ್ಞರೂ ಮದುವೆಗೆ ಆಗಮಿಸಿ ವಧೂವರರಿಗೆ ಶುಭ ಕೋರಿದರು.

  • ಚಿರುವಿನ 'ಆಕೆ'ಗೆ ಕಿಚ್ಚನ ಮೆಚ್ಚುಗೆ

    sudeep wishes aake team

    ಚಿರಂಜೀವಿ ಸರ್ಜಾ ಅಭಿನಯದ ಆಕೆ ಚಿತ್ರಕ್ಕೆ ಚಿತ್ರರಂಗದಲ್ಲಿ ಮೆಚ್ಚುಗೆಯ ಸುರಿಮಳೆಯೇ ಸುರಿಯುತ್ತಿದೆ. ಈಗ ಆಕೆಯನ್ನು ಹೊಗಳುವ ಸರದಿ ಕಿಚ್ಚ ಸುದೀಪ್ ಅವರದ್ದು. ಆಕೆ ಚಿತ್ರದ ಟ್ರೇಲರ್ ನೋಡಿಯೇ ಸುದೀಪ್ ಫಿದಾ ಆಗಿ ಹೋಗಿದ್ದಾರೆ.

    ಚಿರು ಸರ್ಜಾ, ಸುದೀಪ್‍ರನ್ನ ತನ್ನ ಗಾಡ್‍ಫಾದರ್ ಎಂದೇ ಹೇಳಿಕೊಳ್ತಾರೆ. ಸುದೀಪ್ ಕೂಡಾ ಅಷ್ಟೆ. ಈ ಹಿಂದೆ ವರದನಾಯಕ ಚಿತ್ರದಲ್ಲಿ ಸುದೀಪ್ ಪೋಷಕ ನಟನಾಗಿ ನಟಿಸಿದ್ದರು. ಆ ಚಿತ್ರಕ್ಕೆ ಚಿರು ನಾಯಕರಾಗಿದ್ದರು.

    ಚಿರಂಜೀವಿ ಸರ್ಜಾಗೆ ಬೆನ್ನು ತಟ್ಟುವ, ಒಳ್ಳೆಯದು ಮಾಡಿದಾಗ ಮೆಚ್ಚುವ, ತಪ್ಪು ಮಾಡಿದಾಗ ಒಳಗೇ ಕರೆದು ಬುದ್ದಿ ಹೇಳುವ ಒಂದು ಆತ್ಮೀಯತೆಯನ್ನು ಸುದೀಪ್ ಇಟ್ಟುಕೊಂಡಿದ್ದಾರೆ.

    ಆ ಆತ್ಮೀಯತೆಯ ಇನ್ನೊಂದು ಹೆಜ್ಜೆಯೇ ಈ ಹೊಗಳಿಕೆ. ಸುದೀಪ್ ಬಳಿ ಹೊಗಳಿಸಿಕೊಳ್ಳೋದು ಸುಮ್ಮನೆ ಮಾತಲ್ಲ. ಇಷ್ಟವಾಗದೇ ಹೋದರೆ, ಏನೊಂದೂ ಮಾತನಾಡದೆ ಸುಮ್ಮನಾಗಿಬಿಡುವ ಸುದೀಪ್, ಆಕೆ ಚಿತ್ರವನ್ನು ಮೆಚ್ಚಿದ್ದಾರೆ ಎಂದರೆ, ಚಿತ್ರದಲ್ಲಿ ಸ್ಪೆಷಲ್ ಇದೆ ಎಂದೇ ಅರ್ಥ. 

    ಆಕೆ, ಇದೇ ಜೂನ್ 30ಕ್ಕೆ ತೆರೆ ಕಾಣ್ತಾ ಇದೆ. ಚಿರಂಜೀವಿ ಸರ್ಜಾ, ಶರ್ಮಿಳಾ ಮಾಂಡ್ರೆ ನಾಯಕ-ನಾಯಕಿ. ಚೈತನ್ಯ ನಿರ್ದೇಶನದ ಚಿತ್ರ ಆಕೆ. ಟ್ರೇಲರ್ ನೋಡಿಯೇ ಭಯಬಿದ್ದವರು, ಚಿತ್ರವನ್ನು ಮಿಸ್ ಮಾಡಿಕೊಳ್ಳೋದಿಲ್ಲ ಅನ್ನೋ ಗ್ಯಾರಂಟಿ ಚಿತ್ರತಂಡಕ್ಕಿದೆ. 

    Related Articles :-

    ಆಕೆಗೆ ದರ್ಶನ್ ನಂತರ ರಮ್ಯಾ ಶಹಬ್ಬಾಸ್​ಗಿರಿ

    ಆಕೆ ಅರ್ಧ ಸ್ಯಾಂಡಲ್​ವುಡ್, ಉಳಿದರ್ಧ ಹಾಲಿವುಡ್

    Aake Censored

    Will It Be 9th Or 16th For Aake?

    Aake Trailer Released

    Eros International Presents Aake

    Chaitanya - Chiru Film Titled Aake 

     

     

     

  • ಚಿರುವಿನಂತಾ ಮಕ್ಕಳಿರಬೇಕು ಅಂದವರು ಮಹಿಳಾ ಪ್ರೇಕ್ಷಕರು..!

    women audience loves chiru sarja

    ಅಮ್ಮ ಐ ಲವ್ ಯು. ಥಿಯೇಟರುಗಳಲ್ಲಿ ಪ್ರೇಕ್ಷಕರ ಕಣ್ಣಾಲಿ ಒದ್ದೆ ಮಾಡುತ್ತಿರುವ ಸಿನಿಮಾ. ತಾಯಿಗಾಗಿ, ತಾಯಿಯ ಆರೋಗ್ಯಕ್ಕಾಗಿ ಭಿಕ್ಷೆ ಬೇಡುವ ಮಗನ ಕಥೆ, ತುಂಬಾ ಇಷ್ಟವಾಗಿರೋದು ಮಹಿಳಾ ಪ್ರೇಕ್ಷಕರಿಗೆ. ಥಿಯೇಟರಿನಿಂದ ಹೊರಬಂದ ಮಹಿಳೆಯರು, ಇದ್ದರೆ ಚಿರಂಜೀವಿ ಸರ್ಜಾನಂತಾ ಮಕ್ಕಳು ಇರಬೇಕು ಎನ್ನುತ್ತಿರುವುದು ಚಿತ್ರತಂಡಕ್ಕೆ ಸಿಕ್ಕಿರುವ ಅತಿದೊಡ್ಡ ಗೆಲುವು ಎಂದರೆ ತಪ್ಪಲ್ಲ.

    ಪ್ರೇಕ್ಷಕರು, ಕಳೆದ ವರ್ಷ ರಾಜಕುಮಾರ ಚಿತ್ರಕ್ಕೆ ಇಂತಾದ್ದೊಂದು ಪ್ರತಿಕ್ರಿಯೆ ಕೊಟ್ಟಿದ್ದರು. ಈ ಬಾರಿ ಅಮ್ಮ ಐ ಲವ್ ಯು ಚಿತ್ರಕ್ಕೆ ಅಂತಾದ್ದೊಂದು ಪ್ರತಿಕ್ರಿಯೆ ಸಿಕ್ಕಿದೆ. ತಾಯಿ ಅಂದ್ರೆ ಏನು ಅಂಥಾ ತಿಳಿದುಕೊಳ್ಳೋಕೆ ಮಕ್ಕಳು, ಮಕ್ಕಳು ಹೇಗಿರಬೇಕು, ಹೇಗೆ ಬೆಳೆಸಬೇಕು ಅಂತಾ ತಿಳಿದುಕೊಳ್ಳೋಕೆ ಹೆತ್ತವರು ಈ ಸಿನಿಮಾ ನೋಡಬೇಕು ಅಂಥಾ ಪ್ರೇಕ್ಷಕರು ಹೇಳಿ, ಸಿನಿಮಾದವರಿಗೆ ಒಳ್ಳೆಯದಾಗಲಿ ಎಂದು ಹಾರೈಸುತ್ತಿದ್ದಾರೆ. ಯೋಗಿ ದ್ವಾರಕೀಶ್, ಚೈತನ್ಯಗೆ ಸಿಕ್ಕಿರುವ ಅತಿದೊಡ್ಡ ಆಶೀರ್ವಾದ ಇದು.

  • ಜುಗಾರಿ ಕ್ರಾಸ್ ಹೀರೋ ಚಿರಂಜೀವಿ ಸರ್ಜಾ

    jugari cross hero finally finalised

    ಜುಗಾರಿ ಕ್ರಾಸ್ ಅನ್ನೋ ಕಾದಂಬರಿಯನ್ನ ಸಿನಿಮಾ ಮಾಡೋಕೆ ಹೊರಟವರು ಒಬ್ಬಿಬ್ಬರಲ್ಲ. ರಾಜೇಂದ್ರ ಸಿಂಗ್ ಬಾಬು, ಕೋಡ್ಲು ರಾಮಕೃಷ್ಣ ಸೇರಿದಂತೆ ಹಲವರು ಪೂರ್ಣಚಂದ್ರ ತೇಜಸ್ವಿಯವರ ಕಾದಂಬರಿಗೆ ಸಿನಿಮಾ ರೂಪ ಕೊಡೋಕೆ ಪ್ರಯತ್ನಿಸಿದ್ದರು. ಸಕ್ಸಸ್ ಆಗಿರಲಿಲ್ಲ. ಪೂಚಂತೇ ಅವರ ಆ ಕಾದಂಬರಿ, ಸಾಹಿತ್ಯ ಲೋಕದ ನಕ್ಷತ್ರಗಳಲ್ಲಿ ಒಂದು. ಈಗ ಆ ಕಾದಂಬರಿಯನ್ನು ಸಿನಿಮಾ ಮಾಡೋಕೆ ದಿಟ್ಟ ಹೆಜ್ಜೆಯಿಟ್ಟಿರುವುದು ನಿರ್ದೇಶಕ ನಾಗಾಭರಣ.

    ಕಾದಂಬರಿಯನ್ನು ಈಗಿನ ಕಾಲಕ್ಕೆ ತಕ್ಕಂತೆ ಬದಲಿಸಿಕೊಂಡಿದ್ದೇವೆ. ಏಕೆಂದರೆ, ಮಲೆನಾಡು ಬದಲಾಗಿದೆ. ಅದಕ್ಕಾಗಿ 17 ಬಾರಿ ಚಿತ್ರಕಥೆಯನ್ನು ತಿದ್ದಿದ್ದೇನೆ. ಈಗ ಫೈನಲ್ ಆಗಿದೆ ಎಂದಿದ್ದಾರೆ ನಾಗಾಭರಣ.

    ಚಿತ್ರಕ್ಕೆ ಹೀರೋ ಆಗಿ ಆಯ್ಕೆಯಾಗಿರೋದು ಚಿರಂಜೀವಿ ಸರ್ಜಾ. ಕಡ್ಡಿಪುಡಿ ಚಂದ್ರು ಜುಗಾರಿ ಕ್ರಾಸ್ ನಿರ್ಮಾಣದ ಹೊಣೆ ಹೊತ್ತಿದ್ದಾರೆ. ಉಳಿದ ತಾರಾಬಳಗದ ಆಯ್ಕೆ ಬಿರುಸಿನಿಂದ ನಡೆಯುತ್ತಿದೆ.

  • ತೇಜಸ್ವಿ ಕಾದಂಬರಿಗೆ ನಾಗಾಭರಣ ಟಚ್

    jugari cross is based on a novel by poornachandra tejaswi

    ಜುಗಾರಿ ಕ್ರಾಸ್. ಕನ್ನಡದ ಶ್ರೇಷ್ಟ ಕಾದಂಬರಿಗಳಲ್ಲಿ ಒಂದು. ಪೂರ್ಣಚಂದ್ರ ತೇಜಸ್ವಿಯವರ ಈ ಅಪರೂಪದ ಕಲಾಕೃತಿ ಕೊನೆಗೂ ಸಿನಿಮಾ ಆಗುತ್ತಿದೆ. ಶ್ರೇಷ್ಟ ಸಾಹಿತಿಯ ಕಾದಂಬರಿಯನ್ನು ಸಿನಿಮಾ ಮಾಡುವ ಸಾಹಸಕ್ಕೆ ಕೈ ಹಾಕಿರುವ ನಿರ್ದೇಶಕ ನಾಗಾಭರಣ, ಚಿರಂಜೀವಿ ಸರ್ಜಾ ಅವರನ್ನು ಹೀರೋ ಮಾಡಿದ್ದಾರೆ.

    ಕಮರ್ಷಿಯಲ್ ಚಿತ್ರಗಳಲ್ಲೇ ಗುರುತಿಸಿಕೊಂಡಿದ್ದ ಚಿರುಗೆ, ಇದು ಹೊಸ ಅನುಭವ. ತೇಜಸ್ವಿಯವರ ಕಾದಂಬರಿಯನ್ನು ಸಿನಿಮಾ ಮಾಡುವ ಸಾಹಸಕ್ಕೆ ಕೈ ಹಾಕಿರುವುದು ಕಡ್ಡಿಪುಡಿ ಖ್ಯಾತಿಯ ಎಂ.ಚಂದ್ರು.

    ಯಶ್, ಪುನೀತ್ ಮೊದಲಾದವರ ಶುಭ ಹಾರೈಕೆಯೊಂದಿಗೆ ಚಿತ್ರ ಶುರುವಾಗಿದೆ. ನಿರ್ದೇಶಕ ಪನ್ನಗಾಭರಣ, ಈ ಚಿತ್ರದಲ್ಲಿ ಸಹಾಯಕ ನಿರ್ದೇಶಕರಾಗಿದ್ದಾರೆ. 

     

  • ನಾನಾ.. ಮಾವನಾ..? ಚಿರಂಜೀವಿ ಸರ್ಜಾ ವಿಚಿತ್ರ ಸಂಕಟ

    chiranjeevi sarja in big dilema

    ಮುದ್ದಾಡೆಂದಿದೆ ಮಲ್ಲಿಗೆ ಹೂ.. ಬಳಸೂ ಎಂದಿದೆ ಸಂಪಿಗೆ ಹೂ.. ಅದು ಇಬ್ಬರ ಹೆಂಡಿರ ಗಂಡನ ತಾಕಲಾಟ. ಆದರೆ, ಚಿರಂಜೀವಿ ಸರ್ಜಾರದ್ದು ಆ ರೀತಿಯ ಸಂಕಟವಲ್ಲ. ಹೇಳಿಕೊಳ್ಳಲಾಗದ, ಸುಮ್ಮನಿರಲಾಗದ ವಿಚಿತ್ರ ತಳಮಳ. ಏಕೆಂದರೆ, ಈ ವಾರ ಅವರಿಗೆ ಎರಡು ಖುಷಿಯಿದೆ. ವಿಚಿತ್ರವೆಂದರೆ ಅವರೆಡೂ ಅವರಿಗೆ ಟೆನ್ಷನ್ ಕೂಡಾ ಹೌದು.

    ಈ ವಾರ ಚಿರಂಜೀವಿ ಸರ್ಜಾ ಅಭಿನಯದ ಸಂಹಾರ ಚಿತ್ರ ತೆರೆಗೆ ಬರುತ್ತಿದೆ. ಅದಕ್ಕೆ ಎದುರಾಗಿ ಬರುತ್ತಿರುವುದು ಪ್ರೇಮಬರಹ ಸಿನಿಮಾ. ಅದು ಐಶ್ವರ್ಯಾ ಸರ್ಜಾ ಲಾಂಚ್ ಆಗುತ್ತಿರುವ ಚಿತ್ರ. ಚಿರಂಜೀವಿ ಸರ್ಜಾ ತಮ್ಮ ಜೀವನದಲ್ಲಿ ತಮ್ಮ ಮಾಮ ಅರ್ಜುನ್ ಸರ್ಜಾರನ್ನು ಯಾವ ಎತ್ತರದಲ್ಲಿಟ್ಟಿದ್ದಾರೆ ಅನ್ನೋದನ್ನು ಬಿಡಿಸಿ ಹೇಳುವ ಅಗತ್ಯವೇ ಇಲ್ಲ. ಆದರೆ, ಈಗ ಅದೇ ಚಿತ್ರದ ಎದುರು ಅವರ ಚಿತ್ರವೇ ನಿಲ್ಲುವವಿಚಿತ್ರ ಪರಿಸ್ಥಿತಿ ಎದುರಾಗಿಬಿಟ್ಟಿದೆ.

    ಸಂಹಾರ ಚಿತ್ರ ಗೆಲ್ಲಬೇಕು. ಹಾಗೆಂದು ಪ್ರಾರ್ಥಿಸೋಕೆ ಕಾರಣ, ಆ ಚಿತ್ರಕ್ಕೆ ಅವರೇ ಹೀರೋ. ಪ್ರೇಮಬರಹ ಚಿತ್ರವೂ ಗೆಲ್ಲಬೇಕು. ಏಕೆಂದರೆ, ಆ ಚಿತ್ರದ ನಾಯಕಿ ಅರ್ಜುನ್ ಸರ್ಜಾ ಮಗಳು. ಅಷ್ಟೇ ಅಲ್ಲ, ಪ್ರೇಮಬರಹ ಚಿತ್ರದಲ್ಲಿ ಚಿರಂಜೀವಿ ಸರ್ಜಾ ಒಂದು ಹಾಡಲ್ಲಿ ಕುಣಿದು ಕುಪ್ಪಳಿಸಿದ್ದಾರೆ ಕೂಡಾ. 

    ಹೀಗಾಗಿ ಒಂದೇ ವಾರ ಚಿರಂಜೀವಿ ಸರ್ಜಾ ಆಂಜನೇಯನ ಎದುರು ಎರಡು ಬೇಡಿಕೆ ಇಟ್ಟಿರೋದು ಸ್ಪಷ್ಟ. ಸಂಹಾರ ಚಿತ್ರ ಗೆಲ್ಲಬೇಕು. ಪ್ರೇಮಬರಹ ಚಿತ್ರವೂ ಗೆಲ್ಲಬೇಕು. ಆಂಜನೇಯ ಆ ಬೇಡಿಕೆಯನ್ನು ಈಡೇರಿಸಬೇಕು. 

  • ನಾಯಕಿ ನಾನೇ.. ಖಳನಾಯಕಿ ನಾನೇ..

    samhara heroine and villain is haripriya

    ಸಂಹಾರ ಚಿತ್ರದ ನಾಯಕಿ ಯಾರು..? ಹರಿಪ್ರಿಯಾ. ಖಳನಾಯಕಿ ಯಾರು..? ಹರಿಪ್ರಿಯಾ. ಎರಡೂ ಹೇಗೆ ಸಾಧ್ಯ..? ಸಿನಿಮಾ ನೋಡಿ. ನಿಮಗೇ ಗೊತ್ತಾಗುತ್ತೆ. ಇದು ಹರಿಪ್ರಿಯಾ ತಮ್ಮ ಪಾತ್ರದ ಬಗ್ಗೆ ಹೇಳಿಕೊಂಡಿರೋ ಮಾತು.

    ಸಿನಿಮಾದಲ್ಲಿ ಹರಿಪ್ರಿಯಾ ಅವರು ಎರಡು ಶೇಡ್‍ಗಳಲ್ಲಿ ಕಾಣಿಸಿಕೊಳ್ತಾರಂತೆ. ಮೊದಲರ್ಧದಲ್ಲಿ ಎಷ್ಟು ಕ್ಯೂಟ್ ಪಾತ್ರವೆಂದರೆ, ಸಿಕ್ಕರೆ ಇಂಥಾ ಹುಡುಗಿ ನಮಗೂ ಸಿಗಬೇಕು ಎನ್ನಿಸುವಷ್ಟು ಒಳ್ಳೆಯ ಹುಡುಗಿ. ಮಧ್ಯಂತರದ ನಂತರ ಕಥೆಯೇ ಉಲ್ಟಾ. ಅಕ್ಷರಶಃ ರಾಕ್ಷಸಿ.

    ಮಾಮೂಲಿ ಪಾತ್ರಗಳಿಗಿಂತ ಇದು ಎಷ್ಟು ಡಿಫರೆಂಟ್ ಎಂದರೆ, ಕಥೆ ಮತ್ತು ಪಾತ್ರ ಕೇಳಿದ ತಕ್ಷಣ ಒಪ್ಪಿಕೊಂಡುಬಿಟ್ಟೆ. ಇದು ರೆಗ್ಯುಲರ್ ಹೀರೋಯಿನ್ ಪಾತ್ರಗಳಿಗಿಂತ ಕಂಪ್ಲೀಟ್ ಡಿಫರೆಂಟ್ ಅನ್ನೋದು ಹರಿಪ್ರಿಯಾ ನುಡಿ.

    ನೀರ್‍ದೋಸೆ ನಂತರ ಬೇರೆಯೇ ಇಮೇಜ್ ಪಡೆದುಕೊಂಡಿದ್ದ ಹರಿಪ್ರಿಯಾ, ಈಗ ಸಂಹಾರ ನಂತರ ಆ ಇಮೇಜ್ ಮತ್ತೊಂದು ಮಗ್ಗುಲು ಬದಲಿಸುವ ಸಾಧ್ಯತೆಯ ನಿರೀಕ್ಷೆಯಲ್ಲಿದ್ದಾರೆ.

     

     

  • ನಿಗೂಢ ಸಂಹಾರ.. ವಿಭಿನ್ನತೆಯ ಸಂಚಾರ

    samhara is a suspense thriller

    ಚಿರಂಜೀವಿ ಸರ್ಜಾ ಹಾಗೂ ಹರಿಪ್ರಿಯಾ ಅಭಿನಯದ ಸಂಹಾರದ ಕಥೆ ಏನು..? ಅದು ನಿಗೂಢ. ಗುರುದೇಶಪಾಂಡೆ ಚಿತ್ರದ ಕಥೆಯ ಎಳೆಯನ್ನು ಎಲ್ಲಿಯೂ ಬಿಟ್ಟುಕೊಟ್ಟಿಲ್ಲ. ಆದರೆ, ಚಿರಂಜೀವಿ ಸರ್ಜಾ ಈ ಚಿತ್ರದಲ್ಲಿ ಕಣ್ಣು ಕಾಣದ ಕುರುಡ. ಅಂಧ. ಹಾಗೆಯೇ ಅಡುಗೆ ಭಟ್ಟ. ಇದು ಹೇಗೆ ಸಾಧ್ಯ ಎನ್ನುವವರಿಗೆ ಚಿತ್ರದಲ್ಲಿಯೇ ಉತ್ತರ ಸಿಗುತ್ತೆ.

    ನಾಯಕಿಯಾಗಿರೋದು ಹರಿಪ್ರಿಯಾ. ಅವರು ಇಲ್ಲಿ ಎರಡು ಶೇಡ್‍ಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ನೆಗೆಟಿವ್ ರೋಲ್ ಇರಬಹುದಾ ಅಥವಾ ಫ್ಯಾಮಿಲಿ ಓರಿಯೆಂಟೆಡ್ ಪಾತ್ರವಾ..? ಅದು ಸೀಕ್ರೆಟ್.

    ಇನ್ನು ಕಾವ್ಯಾಶೆಟ್ಟಿ, ಈ ಚಿತ್ರದಲ್ಲಿ ಜರ್ನಲಿಸ್ಟ್ ಪಾತ್ರ. ಹಿಂದಿನ ಚಿತ್ರದಲ್ಲಿ ಟಿವಿ ಚಾನೆಲ್ ಮಾಲಕಿಯಾಗಿದ್ದ ಕಾವ್ಯಾಶೆಟ್ಟಿ, ಈ ಚಿತ್ರದಲ್ಲಿ ರಿಪೋರ್ಟರ್. 

    ನಟ ಚಿಕ್ಕಣ್ಣ ಅವರದ್ದು ರಾಜಾಹುಲಿ ಸ್ಟೈಲ್‍ನ ಇನ್ಸ್‍ಪೆಕ್ಟರ್ ಪಾತ್ರ. ಅದು ಸೇಡಿನ ಕಥೆಯಾ..? ಗೊತ್ತಿಲ್ಲ. ಸಸ್ಪೆನ್ಸ್ ಕಾಯ್ದಿಟ್ಟಿರುವ ಗುರುದೇಶಪಾಂಡೆ, ಸಂಪೂರ್ಣ ಕುತೂಹಲ ತಣಿಸುವುದು ಈ ವಾರದ ಕೊನೆಯಲ್ಲಿ. 

     

     

#

Adi Lakshmi Purana Movie Gallery

Rightbanner02_butterfly_inside

Yaana Movie Gallery