` puneeth rajkumar, - chitraloka.com | Kannada Movie News, Reviews | Image

puneeth rajkumar,

  • ಚಂಬಲ್‍ನಲ್ಲಿ ಪವರ್ ಸ್ಟಾರ್

    chambal teaser will have powerstar puneeth's voice

    ನೀನಾಸಂ ಸತೀಶ್ ಅಭಿನಯದ ಜೇಕಬ್ ವರ್ಗಿಸ್ ನಿರ್ದೇಶನದ ಚಿತ್ರ ಚಂಬಲ್, ರಿಲೀಸ್‍ಗೆ ರೆಡಿಯಾಗಿದೆ. ಕಾರ್ಪೊರೇಟ್ ಜಗತ್ತಿನ ಕಥೆಯಂತೆ ಕಾಣುತ್ತಿರುವ ಚಂಬಲ್, ಥ್ರಿಲ್ಲರ್ ಸಿನಿಮಾ. ಈ ಸಿನಿಮಾಗೆ ನೆಟ್‍ಫ್ಲಿಕ್ಸ್‍ನವರು 10 ಕೋಟಿ ಕೊಟ್ಟು ಖರೀದಿಸುವ ಆಫರ್ ಕೊಟ್ಟರೂ ಬೇಡ ಎಂದು ತಿರಸ್ಕರಿಸಿ ಥಿಯೇಟರಿಗೆ ಬರುತ್ತಿರುವ ಚಿತ್ರವಿದು. ಈ ಚಿತ್ರಕ್ಕೀಗ ಹೊಸ ಪವರ್ ಸಿಕ್ಕಿದೆ. ಆ ಹೊಸ ಪವರ್ ಕೊಟ್ಟಿರೋದು ಪವರ್‍ಸ್ಟಾರ್ ಪುನೀತ್ ರಾಜ್ ಕುಮಾರ್.

    ಚಂಬಲ್ ಚಿತ್ರಕ್ಕೆ ಪುನೀತ್ ರಾಜ್‍ಕುಮಾರ್ ಕಂಠದಾನ ಮಾಡಿದ್ದು, ಟೀಸರ್‍ನಲ್ಲಷ್ಟೇ ಅಲ್ಲ, ಇಡೀ ಚಿತ್ರದಲ್ಲಿ ಪುನೀತ್ ಧ್ವನಿ ಇರಲಿದೆಯಂತೆ. ರಾಜರಥ ಚಿತ್ರದಲ್ಲಿಯೂ ಹೀಗೆಯೇ ಪುನೀತ್ ಧ್ವನಿ ಬಳಸಿಕೊಳ್ಳಲಾಗಿತ್ತು.

    ಪೃಥ್ವಿ, ಸವಾರಿ ಚಿತ್ರಗಳನ್ನು ಡೈರೆಕ್ಷನ್ ಮಾಡಿದ್ದ ಜೇಕಬ್ ವರ್ಗಿಸ್, ಚಿತ್ರದ ನಿರ್ಮಾಪಕರಲ್ಲೂ ಒಬ್ಬರು. ಸೋನು ಗೌಡ, ಕಿಶೋರ್ ಚಿತ್ರದಲ್ಲಿ ನಟಿಸಿದ್ದಾರೆ.

  • ಚಿಕ್ಕಪ್ಪ-ದೊಡ್ಡಪ್ಪ ಇಬ್ಬರನ್ನೂ ಮೀರಿಸುವ ಯುವರಾಜನ ಡ್ಯಾನ್ಸ್

    yuva rajkumar to love perform at natasarvabhouma's audio launch

    ಸ್ಯಾಂಡಲ್‍ವುಡ್‍ನ ನಂ.1 ಡ್ಯಾನ್ಸರ್ ಯಾರು ಎಂದರೆ ಅನುಮಾನವೇ ಇಲ್ಲದಂತೆ ಕಣ್ಣ ಮುಂದೆ ಬರೋದು ಪುನೀತ್ ರಾಜ್‍ಕುಮಾರ್. ಅವರ ಪ್ರತಿ ಚಿತ್ರದಲ್ಲೂ ಒಂದಲ್ಲ ಒಂದು ವಿಶೇಷ ಸ್ಟೆಪ್ ಇದ್ದೇ ಇರುತ್ತೆ. ಈಗ ಅವರನ್ನೂ ಮೀರಿಸುವ ಸುಳಿವು ಕೊಡುತ್ತಾ ಬಂದಿದೆ ಯುವ ಕುಡಿ. ಇನ್ನು ಶಿವಣ್ಣನ ಡ್ಯಾನ್ಸ್ ಬಗ್ಗೆ ಪ್ರತ್ಯೇಕವಾಗಿ ಹೇಳುವ ಅಗತ್ಯವೇ ಇಲ್ಲ. 

    ರಾಘವೇಂದ್ರ ರಾಜ್‍ಕುಮಾರ್ ಅವರ 2ನೇ ಪುತ್ರ ಯುವ ರಾಜ್ ಕುಮಾರ್ ಅವರ ಡ್ಯಾನ್ಸ್, ಚಿಕ್ಕಪ್ಪ, ದೊಡ್ಡಪ್ಪ ಇಬ್ಬರನ್ನೂ ಮೀರಿಸುವಂತಿದೆ. ನಟಸಾರ್ವಭೌಮ ಚಿತ್ರದ ಪುನೀತ್ ಡ್ಯಾನ್ಸ್‍ಗೆ ಯುವರಾಜ್ ಕುಮಾರ್ ಸ್ಟೆಪ್ ಹಾಕಿದ್ದು, ಹುಬ್ಬೇರಿಸುವಂತಿದೆ. ಜನವರಿ 5ರಂದು ಹುಬ್ಬಳ್ಳಿಯಲ್ಲಿ ನಟಸಾರ್ವಭೌಮ ಚಿತ್ರದ ಆಡಿಯೋ ರಿಲೀಸ್ ಕಾರ್ಯಕ್ರಮವಿದ್ದು, ಆ ದಿನ ಯುವರಾಜ್ ಕುಮಾರ್ ಸ್ಟೇಜ್ ಮೇಲೆ ಶೋ ಕೊಡಲಿದ್ದಾರಂತೆ. 

    ಈಗಾಗಲೇ ನಿರ್ಮಾಪಕರಾಗಿ ಗುರುತಿಸಿಕೊಂಡಿರುವ ಯುವರಾಜ್ ಕುಮಾರ್, ಸಮಾಜಸೇವೆ ಕಾರ್ಯಗಳಲ್ಲಿಯೇ ಹೆಚ್ಚು ತೊಡಗಿಸಿಕೊಂಡಿದ್ದಾರೆ. ಬಹಿರಂಗವಾಗಿ ಹೆಚ್ಚು ಕಾಣಿಸಿಕೊಳ್ಳದ ಯುವರಾಜ್, ಚಿಕ್ಕಪ್ಪನ ಬಹು ನಿರೀಕ್ಷೆಯ ಚಿತ್ರದ ಆಡಿಯೋ ರಿಲೀಸ್‍ನಲ್ಲಿ ಮಿಂಚಲಿದ್ದಾರೆ.

  • ಚುಟು ಚುಟು ಹುಡುಗಿಗೆ ಅಪ್ಪು ಜೊತೆ ನಟಿಸುವಾಸೆ..!

    ashika ranganath expresses desire to work with puneeth rajkumar

    ಕನ್ನಡದಲ್ಲಿ ಚುಟು ಚುಟು ಹುಡುಗಿ ಅಂತಾನೇ ಫೇಮಸ್ ಆದವರು ಅಶಿಕಾ ರಂಗನಾಥ್. ಅಪ್ಪಟ ಚಿನಕುರುಳಿಯಂತೆ ಹೆಜ್ಜೆ ಹಾಕಿ, ಕನ್ನಡಿಗರ ಹೃದಯ ಗೆದ್ದ ಈ ಹುಡುಗಿ, ಸದ್ಯಕ್ಕೆ ಅವತಾರ್ ಪುರುಷ ಹಾಗೂ ರಂಗಮಂದಿರ ಚಿತ್ರಗಳಲ್ಲಿ ಬ್ಯುಸಿ. 

    ಚಿತ್ರರಂಗಕ್ಕೆ ಬಂದು 3 ವರ್ಷವಾಗಿದೆ. ಈ 3 ವರ್ಷಗಳಲ್ಲಿ ನನಗೆ ಒಳ್ಳೊಳ್ಳೆಯ ಚಿತ್ರತಂಡ, ಸಿನಿಮಾ ಸಿಕ್ಕಿದೆ. ಸಕ್ಸಸ್ ಕೂಡಾ ಸಿಕ್ಕಿದೆ ಎನ್ನುವ ಅಶಿಕಾಗೆ, ತೆಲುಗು, ತಮಿಳಿನಿಂದಲೂ ಆಫರ್‍ಗಳಿವೆಯಂತೆ. ತೆಲುಗಿನಲ್ಲಿ ಒಂದು ಸಿನಿಮಾದ ಮಾತುಕತೆ ಫೈನಲ್ ಹಂತದಲ್ಲಿದೆ. ಫೈನಲ್ ಆದ ಮೇಲೆ ಹೇಳ್ತೇನೆ ಎನ್ನುವ ಅಶಿಕಾಗೆ, ಕನ್ನಡದಲ್ಲಿ ಎಲ್ಲ ಸ್ಟಾರ್‍ಗಳ ಜೊತೆಯಲ್ಲೂ ನಟಿಸುವ ಆಸೆ ಇದೆ.

    ಎಲ್ಲ ಸ್ಟಾರ್‍ಗಳಿಗಿಂತಲೂ ಪುನೀತ್ ಮೇಲೆ ಸ್ವಲ್ಪ ಹೆಚ್ಚು ಆಸೆ. ಅಪ್ಪು ಜೊತೆ ಒಂದು ಚಿತ್ರದಲ್ಲಾದರೂ ನಟಿಸಬೇಕು ಅನ್ನೋದು. ಕಾರಣ ಸಿಂಪಲ್, ಅಶಿಕಾ ಬೇಸಿಕಲಿ ಡ್ಯಾನ್ಸರ್. ನೃತ್ಯದಲ್ಲಿ ಪಳಗಿದವರಿಗೆ ಅಪ್ಪು ಜೊತೆ ನಟಿಸಬೇಕು ಅನ್ನಿಸೋದು ಕಾಮನ್ ಬಿಡಿ.

  • ಚೆಂದ ಚೆಂದ ಚೆಂದ ಚೆಂದ ನನ್ ಹೆಂಡ್ತಿ.. ಏನ್ ಹವಾರೀ..

    Anjaniputra chanda chanda song trending

    ಅಂಜನಿಪುತ್ರ ಚಿತ್ರ ಒಂದು ಕಡೆ ಥಿಯೇಟರುಗಳಲ್ಲಿ ಭರ್ಜರಿ ಪ್ರರ್ದಶನ ಕಾಣುತ್ತಿರುವಾಗಲೇ, ಅದಕ್ಕಿಂತ ದೊಡ್ಡ ಹವಾ ಎಬ್ಬಿಸಿರುವುದು ಚೆಂದ ಚೆಂದ ಚೆಂದ ಚೆಂದ ನನ್ ಹೆಂಡ್ತಿ.. ಹಾಡು ಸಿಕ್ಕಾಪಟ್ಟೆ ಕ್ರೇಜ್ ಸೃಷ್ಟಿಸಿಬಿಟ್ಟಿದೆ. ಎಷ್ಟರಮಟ್ಟಿಗೆ ಎಂದರೆ, ಹಾಡಿಗೆ ಅವರವರೇ ಕಾನ್ಸೆಪ್ಟ್ ಮಾಡಿಕೊಂಡು, ಅವರವರೇ ಸ್ಟೆಪ್ಸ್ ಹಾಕಿ ಆನ್‍ಲೈನ್‍ಗೆ ಅಪ್‍ಲೋಡ್ ಮಾಡುತ್ತಿದ್ದಾರೆ.

    ಮೊನ್ನೆ ಮೊನ್ನೆಯಷ್ಟೇ ಉಜಿರೆಯ ಎಸ್‍ಡಿಎಂ ಕಾಲೇಜ್‍ನ ಶಿಕ್ಷಕಿಯರು ಹಾಗೂ ವಿದ್ಯಾರ್ಥಿಗಳ ಸ್ಟೆಪ್ಸ್ ವೈರಲ್ ಆಗಿತ್ತು. ಈಗ ಸಾಫ್ಟ್‍ವೇರ್ ಉದ್ಯೋಗಿಗಳ ಸರದಿ. ಮೈಸೂರಿನ ಇನ್ಫೋಸಿಸ್ ಉದ್ಯೋಗಿಗಳೆಲ್ಲ ಸೇರಿಕೊಂಡು ಚೆಂದ ಚೆಂದ ಚೆಂದ ಚೆಂದ ನನ್ ಹೆಂಡ್ತಿ.. ಹಾಡನ್ನು ಮರುಸೃಷ್ಟಿ ಮಾಡಿದ್ದಾರೆ.

    ಶಿವರಾಜ್ ಕುಮಾರ್ ಹಾಗೂ ಪುನೀತ್ ಅಭಿಮಾನಿಗಳಂತೂ ವಿಭಿನ್ನವಾಗಿ ಹಾಡುಗಳನ್ನು ತಾವೇ ಸೃಷ್ಟಿಸಿ ಆನ್‍ಲೈನ್‍ಗೆ ಅಪ್‍ಲೋಡ್ ಮಾಡುತ್ತಿದ್ದಾರೆ. ಹೆಂಡ್ತಿಯನ್ನು ಪ್ರೀತಿಸುವವರು ಯಾರು ತಾನೇ ಹಾಡನ್ನು ನಿರಾಕರಿಸ್ತಾರೆ ಹೇಳಿ.

  • ಜನವರಿ 5ಕ್ಕೆ ಆಡಿಯೋ.. ಫೆಬ್ರವರಿ 7ಕ್ಕೆ ವಿಡಿಯೋ..

    natasarvabhouma audio on jan 5th

    ಪವರ್‍ಸ್ಟಾರ್ ಪುನೀತ್ ರಾಜ್‍ಕುಮಾರ್ ಅಭಿನಯದ ಬಹುನಿರೀಕ್ಷಿತ ಚಿತ್ರ 2019ರ ಆರಂಭದಲ್ಲೇ ತೆರೆಗೆ ಬರುವುದು ಅಧಿಕೃತವಾಗಿದೆ. ನಟಸಾರ್ವಭೌಮ ಚಿತ್ರದ ಬಿಡುಗಡೆಗೆ ವೇದಿಕೆ ಸಿದ್ಧಗೊಳ್ಳುತ್ತಿದ್ದು, ಜನವರಿ 5ರಂದು ಚಿತ್ರದ ಆಡಿಯೋ ಬಿಡುಗಡೆಯಾಗಲಿದೆ. ಸಿನಿಮಾ ರಿಲೀಸ್ ಆಗುವುದು ಫೆಬ್ರವರಿ 7ನೇ ತಾರೀಕಿಗೆ. ಅಂದರೆ, ಆಡಿಯೋ ರಿಲೀಸ್ ಆದ ಬರೋಬ್ಬರಿ 1 ತಿಂಗಳ ಚಿತ್ರ, ಪ್ರೇಕ್ಷಕರ ಎದುರು ಬರಲಿದೆ. ಕಳೆದ ವರ್ಷವಿಡೀ ಪುನೀತ್ ಸಿನಿಮಾ ಇರಲಿಲ್ಲ. ಹೀಗಾಗಿ ಅಪ್ಪು ಅಭಿಮಾನಿಗಳ ನಿರೀಕ್ಷೆ ಆಕಾಶದಲ್ಲಿದೆ.

    ಪವನ್ ಒಡೆಯರ್ ನಿರ್ದೇಶನದ ಚಿತ್ರಕ್ಕೆ ರಾಕ್‍ಲೈನ್ ವೆಂಕಟೇಶ್ ನಿರ್ಮಾಪಕ. ರಚಿತಾ ರಾಮ್ ಮತ್ತೊಮ್ಮೆ ಅಪ್ಪು ಜೋಡಿಯಾಗಿದ್ದರೆ, ಅನುಪಮಾ ಪರಮೇಶ್ವರ್ ಗಮನ ಸೆಳೆಯುತ್ತಿದ್ದಾರೆ. ಬಿ.ಸರೋಜಾದೇವಿ ಹಲವು ವರ್ಷಗಳ ನಂತರ ತೆರೆ ಮೇಲೆ ಬರುತ್ತಿದ್ದಾರೆ. ಅಪ್ಪು ಜೊತೆ ಡ್ಯಾನ್ಸ್ ಮಾಡೋಕೆ ಸಿದ್ಧರಾ

  • ಜರ್ಮನಿಯ ಅಭಿಮಾನಿ ತ್ರಾಸ್ ಆಗ್ತತಿ ಅಂದಾಗ

    german fan sings kannada song for puneeth rajkumar

    ಪುನೀತ್ ರಾಜ್‍ಕುಮಾರ್‍ಗೆ ಕನ್ನಡಿಗರಷ್ಟೇ ಅಲ್ಲ,  ವಿದೇಶದಲ್ಲೂ ಅಭಿಮಾನಿಗಳಿರುವುದು ಹೊಸ ವಿಷಯವೇನಲ್ಲ. ಅಂಥಾ ಒಬ್ಬ ವಿಶೇಷ ಅಭಿಮಾನಿಯ ಕಥೆ ಇದು. ಈತನ ಹೆಸರು ಜೂಲಿಯನ್. ಪುನೀತ್ ಅವರ ಚಿತ್ರಗಳ ಅಭಿಮಾನಿ. ಜರ್ಮನಿಯವರು. 

    ಪುನೀತ್ ಸಿನಿಮಾ ನೋಡುತ್ತಲೇ ಕನ್ನಡವನ್ನೂ ಕಲಿತುಬಿಟ್ಟಿದ್ದಾರೆ. ಇತ್ತೀಚೆಗೆ ಪುನೀತ್ ಅವರನ್ನು ಭೇಟಿಯಾಗಿ ಕನ್ನಡದಲ್ಲೇ ಮಾತನಾಡಿ ಖುಷಿಪಟ್ಟಿದ್ದಾರೆ. ಆದರೆ, ಪುನೀತ್‍ಗೆ ಕೂಡಾ ಅಚ್ಚರಿಯಾಗಿದ್ದು ದೊಡ್ಮನೆ ಹುಡ್ಗ ಚಿತ್ರದ ಹಾಡನ್ನು ಜೂಲಿಯನ್ ಹಾಡಿದಾಗ.

    ಯಾಕ್ಲಾ ಹುಡುಗ ಮೈಯ್ಯಾಗ ಹೆಂಗ್ ಐತಿ.. ಎಂಬ ಉತ್ತರ ಕರ್ನಾಟಕ ಶೈಲಿಯ ಹಾಡನ್ನು ಸರಾಗವಾಗಿ ಹಾಡಿದಾಗ ಪುನೀತ್‍ಗೆ ಕೂಡಾ ಅಚ್ಚರಿ. ಕನ್ನಡದವರೇ ಕನ್ನಡವನ್ನು ಮರೆಯುತ್ತಿರುವ ಈ ಹೊತ್ತಿನಲ್ಲಿ ವಿದೇಶಿಯರು ಕನ್ನಡ ಕಲಿಯುತ್ತಿರುವುದು ಕನ್ನಡಿಗರು ಹೆಮ್ಮೆ ಪಡುವ ವಿಷಯವೇ ಅಲ್ಲವೇ.

  • ಜುಲೈ 7ಕ್ಕೆ ರಾಜಕುಮಾರ ಶತದಿನೋತ್ಸವ ಸಂಭ್ರಮ - ಸಂಭ್ರಮಕ್ಕೆ ಸಾಕ್ಷಿಯಾಗಲಿದೆ ಇಡೀ ಚಿತ್ರರಂಗ

    rajakumara 100 days celebration with kannada film industry

    ಪುನೀತ್ ರಾಜ್​ಕುಮಾರ್ ಅಭಿನಯದ ರಾಜಕುಮಾರ ಚಿತ್ರದ ಯಶಸ್ಸು ಇಡೀ ಚಿತ್ರರಂಗಕ್ಕೆ ಉತ್ಸಾಹ ತುಂಬಿದೆ. ಅಭೂತಪೂರ್ವ ಯಶಸ್ಸನ್ನು ನಿರ್ಮಾಪಕ ಕಾರ್ತಿಕ್ ಗೌಡ ಇಡೀ ಚಿತ್ರರಂಗದ ಜೊತೆ ಹಂಚಿಕೊಳ್ಳಲು ನಿರ್ಧರಿಸಿದ್ದಾರೆ.

    ಜುಲೈ 7ಕ್ಕೆ ಬೆಂಗಳೂರಿನಲ್ಲಿ ಬೃಹತ್ ಸಮಾರಂಭ ನಡೆಯಲಿದೆ. ಸಮಾರಂಭಕ್ಕೆ ರಾಜಕುಮಾರ ಚಿತ್ರತಂಡವಷ್ಟೇ ಅಲ್ಲ, ಇಡೀ ರಾಜ್ ಕುಟುಂಬ ಭಾಗವಹಿಸಲಿದೆ. ಕ್ರೇಜಿಸ್ಟಾರ್ ರವಿಚಂದ್ರನ್, ಕಿಚ್ಚ ಸುದೀಪ್, ರಾಕಿಂಗ್ ಸ್ಟಾರ್ ಯಶ್, ಗೋಲ್ಡನ್ ಸ್ಟಾರ್ ಗಣೇಶ್ ಸೇರಿದಂತೆ ಚಿತ್ರರಂಗದ ಗಣ್ಯಾತಿಗಣ್ಯರು ರಾಜಕುಮಾರನ ಸಂಭ್ರಮದಲ್ಲಿ ಪಾಲ್ಗೊಳ್ಳುತ್ತಿದ್ದಾರೆ.

    ಅಷ್ಟೇ ಅಲ್ಲ, ಬಾಕ್ಸಾಫೀಸ್​ನಲ್ಲಿ ದಾಖಲೆಯನ್ನೇ ಸೃಷ್ಟಿಸಿರುವ ಚಿತ್ರ, ಚಿತ್ರದಲ್ಲಿ ಭಾಗವಹಿಸಿದ ಪ್ರತಿಯೊಬ್ಬ ತಂತ್ರಜ್ಞರನ್ನು, ಕಾರ್ಮಿಕರನ್ನೂ ಆ ದಿನ ಸ್ಮರಣಿಕೆ ನೀಡಿ ಗೌರವಿಸಲಿದೆ. ಇಂಥಾದ್ದೊಂದು ಸಂಪ್ರದಾಯ ರಾಜ್ ಕುಟುಂಬದ ಬ್ಯಾನರ್​ನ ಚಿತ್ರಗಳಲ್ಲಿ ಸಾಮಾನ್ಯವಾಗಿತ್ತು. ಆ ಸಂಪ್ರದಾಯವನ್ನು ಕಾರ್ತಿಕ್ ಗೌಡ ಅವರು ಕೂಡಾ ಆರಂಭಿಸಿದ್ದಾರೆ. 

    ಒಟ್ಟಿನಲ್ಲಿ ರಾಜಕುಮಾರ ಚಿತ್ರದ ಯಶಸ್ಸು, ಇಡೀ ಚಿತ್ರರಂಗದಲ್ಲಿ ಹಬ್ಬ ಸೃಷ್ಟಿಸಿದೆ ಎಂದರೆ ತಪ್ಪಾಗಲಾರದು.

  • ಜೋಪಾನ.. ಹೃದಯ ಕದ್ದೇಬಿಟ್ಟ ನಟಸಾರ್ವಭೌಮ

    natasarvabhouma duet song wins lover's heart

    ನಟಸಾರ್ವಭೌಮ ಚಿತ್ರದ ಯುಗಳ ಗೀತೆ ಹೊರಬಿದ್ದಿದೆ. ಪವರ್ ಸ್ಟಾರ್ ಪುನೀತ್-ಪವನ್ ಒಡೆಯರ್-ರಾಕ್‍ಲೈನ್ ವೆಂಕಟೇಶ್-ರಚಿತಾ ರಾಮ್ ಕಾಂಬಿನೇಷನ್ನಿನ ಸಿನಿಮಾ. ಫೆಬ್ರವರಿ 7ಕ್ಕೆ ರಿಲೀಸ್ ಆಗುತ್ತಿರುವ ಸಿನಿಮಾದ ಯುಗಳ ಗೀತೆಯನ್ನು ತೇಲಿಬಿಟ್ಟಿದೆ ಚಿತ್ರತಂಡ.

    ಜೋಪಾನ.. ಜೋಕೆ ಜೋಪಾನ.. ನನ್ನ ಹೃದಯ ಕದಿಯೋ ಕಳ್ಳ ಬಂದ ಜೋಪಾನ.. ಸೋತೆ ನಾ.. ಪೂರ್ತಿ ಸೋತೆ ನಾ.. ಇವನ ನಡತೆ ನೋಡಿ ಮತ್ತೆ ಮತ್ತೆ ಸೋತೆ ನಾ.. ಸುಳಿದರು ಕಣ್ಣ ಮುಂದೆ.. ಹುಡುಗರು ನೂರು.. ಸರಿಸಮ ಯಾರಿಲ್ಲ ಇವನಿಗೆ ಚೂರು.. ಇವನನು ಹೆತ್ತವರು ಯಾರು.. 

    ಯಾರೋ ನಾನು.. ಯಾರೋ ನೀನು.. ನಂದೂ ನಿಂದೂ ಒಂದೇ ಏನು..?

    ಕವಿರಾಜ್ ಬರೆದಿರುವ ಹಾಡಿಗೆ ಅಷ್ಟೇ ಮಧುರ ಧ್ವನಿ ಕೊಟ್ಟಿರೋದು ಶ್ರೇಯಾ ಘೋಷಾಲ್. ಇಮಾನ್ ಮ್ಯೂಸಿಕ್ ನೀಡಿರುವ ಸಿನಿಮಾದ ಹಾಡು, ಹೃದಯ ಕದಿಯುವಂತಿದೆ.

  • ಟಗರು 2ನಲ್ಲಿ ಶಿವಣ್ಣ, ಪುನೀತ್?

    suri wishes to cast puneeth and shivanna

    ಟಗರು ಚಿತ್ರ 100 ದಿನ ಪೂರೈಸಿ ಮುನ್ನುಗ್ಗುತ್ತಿರುವಾಗಲೇ ನಿರ್ದೇಶಕ ಸೂರಿ, ಟಗರು 2 ಕನಸು ಬಿಚ್ಚಿಟ್ಟಿದ್ದಾರೆ. ಟಗರು ಚಿತ್ರದ ವೇಳೆಯಲ್ಲಿಯೇ ಟಗರು 2 ಚಿತ್ರದ ಸುದ್ದಿ ಹೊರಬಿದ್ದಿದೆಯಾದರೂ, ಚಿತ್ರದ ಕಥೆಯೇ ಇನ್ನೂ ಫೈನಲ್ ಆಗಿಲ್ಲ. ಆದರೆ, ಸೂರಿ ತಲೆಯಲ್ಲಿ ಟಗರು 2ನಲ್ಲಿ ಶಿವರಾಜ್ ಕುಮಾರ್ ಮತ್ತು ಪುನೀತ್ ಇಬ್ಬರನ್ನೂ ಸೇರಿಸಿದರೆ ಹೇಗೆ ಅನ್ನೋ ಐಡಿಯಾ ಬಂದಿದೆಯಂತೆ.

    ನಮ್ಮ ಬಳಿ ಈಗಾಗಲೇ ಒಂದು ಟಗರು ಇದೆ. ಇನ್ನೊಂದು ಟಗರನ್ನು ನಿಲ್ಲಿಸಿದರೆ, ಖಂಡಿತಾ ಅದು ದೊಡ್ಡ ಸಿನಿಮಾ ಆಗಲಿದೆ. ಸಹೋದರರಿಗೆ ಸಿನಿಮಾ ಮಾಡುವಾಗ ಎಲ್ಲವನ್ನೂ ತಲೆಯಲ್ಲಿಟ್ಟುಕೊಂಡು ಸಿನಿಮಾ ಮಾಡಬೇಕು. ಇಬ್ಬರ ಅಭಿಮಾನಿ ಬಳಗವೂ ದೊಡ್ಡದು. ಇಬ್ಬರೂ ಒಳ್ಳೆ ಡ್ಯಾನ್ಸರ್‍ಗಳು. ಇದೆಲ್ಲವನ್ನೂ ತಲೆಯಲ್ಲಿಟ್ಟುಕೊಂಡು ಸ್ಕ್ರಿಪ್ಟ್ ಮಾಡಬೇಕು ಎಂದಿದ್ದಾರೆ ಸೂರಿ.

    ಪುನೀತ ಜೊತೆ ಕೆಲವು ಬಾರಿ ಮಾತನಾಡಿದ್ದೇನೆ. ಆದರೆ ಇನ್ನೂ ಯಾವುದೂ ಫೈನಲ್ ಆಗಿಲ್ಲ. ಕಥೆ ಇಬ್ಬರಿಗೂ ಇಷ್ಟವಾಗಬೇಕು ಎಂದಿದ್ದಾರೆ ಸೂರಿ.  ಅಭಿಮಾನಿಗಳು ಆಗಲೇ ಗುಟುರು ಹಾಕಿ ಕಾಯ್ತಾವ್ರೆ.

  • ಟಿಶ್ಯೂ ಪೇಪರ್‍ನಲ್ಲಿ ಕವಲುದಾರಿ ಪ್ರಮೋಷನ್

    kavaludaari promotions on tissue paaper

    ಗೋಧಿ ಬಣ್ಣ ಸಾಧಾರಣ ಮೈಕಟ್ಟು ಚಿತ್ರವನ್ನು ಕಾಫಿ ಕಪ್ಪುಗಳಲ್ಲಿ ಪ್ರಮೋಟ್ ಮಾಡಿದ್ದ ನಿರ್ದೇಶಕ ಹೇಮಂತ್ ರಾವ್, ಕವಲುದಾರಿ ಚಿತ್ರವನ್ನು ಟಿಶ್ಯೂ ಪೇಪರ್‍ಗಳಲ್ಲಿ ಪ್ರಮೋಟ್ ಮಾಡುತ್ತಿದ್ದಾರೆ. ಟಿಶ್ಯೂ ಪೇಪರ್‍ಗಳಲ್ಲಿ ಚಿತ್ರದ ವಿವರಗಳನ್ನು ಮುದ್ರಿಸಿ, ಜನರನ್ನು ರೀಚ್ ಆಗಲು ಹೊರಟಿದ್ದಾರೆ.

    ಪಿಆರ್‍ಕೆ ಬ್ಯಾನರ್‍ನ ಮೊದಲ ಸಿನಿಮಾ ಕವಲುದಾರಿ. ಚಿತ್ರದ ಪ್ರಮೋಷನ್‍ಗೆ ಸ್ವತಃ ಪುನೀತ್ ಇದ್ದಾರೆ. ಅನಂತ್‍ನಾಗ್, ರಿಷಿ, ಸುಮನ್ ರಂಗನಾಥ್, ಅಚ್ಯುತ್ ಕುಮಾರ್, ರೋಷನಿ ಪ್ರಕಾಶ್ ಅಭಿನಯದ ಸಿನಿಮಾ ಕವಲುದಾರಿ.

    ಸಿನಿಮಾ ಪ್ರಚಾರಕ್ಕೆ ಈಗ ಪೋಸ್ಟರ್‍ಗಳಿಲ್ಲ, ಬ್ಯಾನರುಗಳೂ ಇಲ್ಲ. ಹೀಗಿರುವಾಗ ಚಿತ್ರದ ಪ್ರಚಾರಕ್ಕೆ ವಿಭಿನ್ನ ಐಡಿಯಾ ಕಂಡುಕೊಳ್ಳುವುದು ಅನಿವಾರ್ಯವೂ ಹೌದು. ಹೇಮಂತ್ ರಾವ್ ವಿಭಿನ್ನ ಹೆಜ್ಜೆಯಿಟ್ಟಿದ್ದಾರೆ.

  • ಡ್ಯಾನ್ಸ್ ವಿತ್ ಅಪ್ಪು.. ನಟಸಾರ್ವಭೌಮನ ಚಾಲೆಂಜ್

    natasarvabhouma's dance with appu challenge

    ಪುನೀತ್ ರಾಜ್‍ಕುಮಾರ್ ಅಭಿನಯದ ನಟಸಾರ್ವಭೌಮ ಚಿತ್ರತಂಡ ಅಭಿಮಾನಿಗಳಿಗೆ ಹೊಸದೊಂದು ಸ್ಪರ್ಧೆಯೊಡ್ಡಿದೆ. ಚಿತ್ರದ ಟ್ರೇಲರ್‍ನಲ್ಲಿ ಪುನೀತ್ ಮಾಡಿರುವ ಡ್ಯಾನ್ಸ್ ಸ್ಟೆಪ್‍ನ್ನು #Dancewihthappu ಮಾಡಿ ಅಪ್‍ಲೋಡ್ ಮಾಡುವಂತೆ ಚಾಲೆಂಜ್ ಹಾಕಿದೆ. ಇದು #Dancewihthappu... ಡ್ಯಾನ್ಸ್‍ವಿತ್‍ಅಪ್ಪು ಚಾಲೆಂಜ್. 

    ಪುನೀತ್ ನೆಲದ ಮೇಲೆ ಒಂದು ಕೈ ಊರಿಕೊಂಡು, ಜಾರಿಕೊಂಡು ಹೋಗುತ್ತಾ ಡ್ಯಾನ್ಸ್ ಮಾಡುವ ಸ್ಟೆಪ್‍ನ್ನು ಅಭಿಮಾನಿಗಳು ಮಾಡಬೇಕು. ಇದು ಪುನೀತ್ ರಾಜ್‍ಕುಮಾರ್ ಅವರೇ ಅಭಿಮಾನಿಗಳಿಗೆ ನೀಡಿರುವ ಟಾಸ್ಕ್. #Dancewihthappu

    ರಾಕ್‍ಲೈನ್ ವೆಂಕಟೇಶ್ ನಿರ್ಮಾಣದ ನಟಸಾರ್ವಭೌಮ ಚಿತ್ರಕ್ಕೆ ಪವನ್ ಒಡೆಯರ್ ನಿರ್ದೇಶನವಿದೆ. ರಚಿತಾ ರಾಮ್, ಅನುಪಮಾ ಪರಮೇಶ್ವರನ್ ಹಾಗೂ ಬಿ.ಸರೋಜಾದೇವಿ ನಟಿಸಿರುವ ಚಿತ್ರ ಫೆಬ್ರವರಿಯಲ್ಲಿ ರಿಲೀಸ್ ಆಗುತ್ತಿದೆ.

  • ತಾಜಾ ಸಮಾಚಾರ.. ನಟಸಾರ್ವಭೌಮನ 50ನೇ ದಿನದ ಕಾಣಿಕೆ

    natasarvabhouma celebrates 50 days

    ಪುನೀತ್ ರಾಜ್‍ಕುಮಾರ್, ರಚಿತಾ ರಾಮ್, ಅನುಪಮಾ, ರವಿಶಂಕರ್, ಚಿಕ್ಕಣ್ಣ, ಸಾಧುಕೋಕಿಲ, ಬಿ.ಸರೋಜಾದೇವಿ.. ಹೀಗೆ ದೊಡ್ಡ ದೊಡ್ಡ ಕಲಾವಿದರೇ ತುಂಬಿದ್ದ, ಪವನ್ ಒಡೆಯರ್ ನಿರ್ದೇಶನದ ನಟಸಾರ್ವಭೌಮ ಚಿತ್ರ ಯಶಸ್ವಿಯಾಗಿ 50 ದಿನ ಪೂರೈಸಿದೆ. 

    ರಾಕ್‍ಲೈನ್ ವೆಂಕಟೇಶ್ ನಿರ್ಮಾಣದ ಚಿತ್ರ ಈ ಸಕ್ಸಸ್ ಖುಷಿಯನ್ನು ಚಿತ್ರದ ಸೂಪರ್ ಹಿಟ್ ಸಾಂಗ್ ತಾಜಾ ಸಮಾಚಾರ.. ಹಾಡಿನ ವಿಡಿಯೋ ಬಿಡುಗಡೆ ಮಾಡುವುದರ ಮೂಲಕ ಹಂಚಿಕೆಕೊಂಡಿದೆ.

    ಪುನೀತ್, ಅನುಪಮಾ ನಡುವಿನ ಸರಸ ಸಲ್ಲಾಪದ ಈ ಗೀತೆಗೆ ಜಯಂತ್ ಕಾಯ್ಕಿಣಿ ಸಾಹಿತ್ಯ ಬರೆದಿದ್ದರೆ, ಜಿತಿನ್ ರಾಜ್ ಹಾಡಿದ್ದಾ

  • ತುಳುವಿಗೂ ಕಾಲಿಟ್ಟರು ಪವರ್‍ಸ್ಟಾರ್

    puneeth debuts as singer for tulu films

    ಪವರ್‍ಸ್ಟಾರ್ ಪುನೀತ್ ರಾಜ್‍ಕುಮಾರ್ ಹೀರೋ ಅಷ್ಟೇ ಅಲ್ಲ, ಒಳ್ಳೆಯ ಹಾಡುಗಾರರೂ ಹೌದು. ಅವರು ಹಾಡಿದ ಹಾಡು ಸೂಪರ್ ಹಿಟ್ ಆಗುತ್ತೆ ಅನ್ನೋ ನಂಬಿಕೆ ಚಿತ್ರರಂಗದಲ್ಲಿದೆ. ಹಾಡಷ್ಟೇ ಅಲ್ಲ, ಸಿನಿಮಾ ಸಕ್ಸಸ್‍ಗೂ ಕಾರಣವಾಗುತ್ತೆ. ಈಗ ಪವರ್‍ಸ್ಟಾರ್ ಪುನೀತ್ ರಾಜ್‍ಕುಮಾರ್, ತುಳು ಚಿತ್ರರಂಗಕ್ಕೆ ಕಾಲಿಟ್ಟಿದ್ದಾರೆ. ನಾಯಕರಾಗಿ ಅಲ್ಲ, ಗಾಯಕರಾಗಿ.

    ಉಮ್ಲಿ ಅನ್ನೋ ತುಳು ಸಿನಿಮಾದಲ್ಲಿ ಪುನೀತ್ ಒಂದು ಹಾಡು ಹಾಡಿದ್ದಾರೆ. ರಾರೊಂಡು ಬಟ್ಟೊಂಡು ಉಮ್ಲಿ.. ಅನ್ನೋ ಹಾಡಿನ ಟ್ರ್ಯಾಕ್ ಇಷ್ಟವಾಯ್ತು. ನಾನ್ಯಾಕೆ ಹಾಡಬಾರದು ಎನ್ನಿಸಿತು. ಸಂಗೀತಕ್ಕೆ ಭಾಷೆಯ ಗಡಿ ಎಲ್ಲಿದೆ. ಸಂಗೀತಕ್ಕೇ ಮಾತನಾಡೋ ಶಕ್ತಿಯಿದೆ ಎಂದಿರುವುದು ಪುನೀತ್ ರಾಜ್‍ಕುಮಾರ್.

    ತುಳು ಸಿನಿಮಾಗಳನ್ನು ಕರಾವಳಿ ಪ್ರದೇಶದ ಹೊರಗೆ, ತುಳು ಭಾಷಿಕರನ್ನಷ್ಟೇ ಅಲ್ಲದೆ, ಎಲ್ಲ ಕನ್ನಡಿಗರಿಗೂ ತಲುಪಿಸುವ ಕನಸು ನಮ್ಮದು. ಹೀಗಾಗಿ ಪುನೀತ್ ರಾಜ್‍ಕುಮಾರ್ ಅವರನ್ನು ಕೇಳಿಕೊಂಡೆವು. ಅವರೂ ಒಪ್ಪಿಕೊಂಡು ಚೆಂದ ಹಾಡಿದ್ದಾರೆ ಎಂದಿದ್ದಾರೆ ನಿರ್ದೇಶಕ ರಂಜಿತ್ ಸುವರ್ಣ.

  • ತೆಲುಗು ಇಂಡಸ್ಟ್ರಿಗೆ ಪುನೀತ್ ಎಂಟ್ರಿ..!

    mmch in telugu

    ಪವರ್‍ಸ್ಟಾರ್ ಪುನೀತ್ ರಾಜ್‍ಕುಮಾರ್, ತೆಲುಗು ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟಿದ್ದಾರೆ. ನಟನಾಗಿ ಅಲ್ಲ, ಚಿತ್ರೋದ್ಯಮಿಯಾಗಿ. ತಮ್ಮದೇ ಆದ ಪಿಆರ್‍ಕೆ ಆಡಿಯೋ ಮೂಲಕ ತೆಲುಗು ಚಿತ್ರರಂಗದ ಬ್ಯುಸಿನೆಸ್‍ಗೆ ಎಂಟ್ರಿ ಆಗಿದ್ದಾರೆ. ಪುನೀತ್ ಈ ಬ್ಯುಸಿನೆಸ್ ಶುರುಮಾಡಿರೋದು ರಿಯಲ್ ದಂಡುಪಾಳ್ಯ ಅನ್ನೋ ಚಿತ್ರದ ಮೂಲಕ.

    ಯಾವುದಿದು ರಿಯಲ್ ದಂಡುಪಾಳ್ಯ ಅಂತಾ ಕನ್‍ಫ್ಯೂಸ್ ಆಗಬೇಡಿ. ಐವರು ನಾಯಕಿಯರನ್ನಿಟ್ಟುಕೊಂಡು ಮುಸ್ಸಂಜೆ ಮಹೇಶ್ ನಿರ್ದೇಶಿಸಿರುವ ಎಂಎಂಸಿಹೆಚ್ ಚಿತ್ರದ ತೆಲುಗು ಅವತರಣಿಕೆಯ ಹೆಸರು ರಿಯಲ್ ದಂಡುಪಾಳ್ಯ.

    ಈ ಚಿತ್ರದ ತೆಲುಗು ವರ್ಷನ್ ಆಡಿಯೋ ಹಕ್ಕುಗಳನ್ನೂ ಖರೀದಿಸುವ ಮೂಲಕ ಪುನೀತ್  ತೆಲುಗು ಇಂಡಸ್ಟ್ರಿಯಲ್ಲಿ ಬ್ಯುಸಿನೆಸ್ ಶುರು ಮಾಡಿದ್ದಾರೆ.

    ಮೇಘನಾ ರಾಜ್, ರಾಗಿಣಿ, ಸಂಯುಕ್ತ ಬೆಳವಾಡಿ, ನಕ್ಷತ್ರ, ಪ್ರಾರ್ಥನಾ ಪ್ರಕಾಶ್ ನಟಿಸಿರುವ ಚಿತ್ರ ಎಂಎಂಸಿಹೆಚ್

  • ಥ್ಯಾಂಕ್ಯೂ ಯಶ್ - ಪುನೀತ್ ರಾಜ್ ಕುಮಾರ್

    yash wishes good luck to natasarvabhouma

    ನಟಸಾರ್ವಭೌಮ ಚಿತ್ರಕ್ಕೆ ಶುಭ ಹಾರೈಸಿದವರಲ್ಲಿ ಸ್ಯಾಂಡಲ್‍ವುಡ್ ಸ್ಟಾರ್‍ಗಳ ದೊಡ್ಡ ಕ್ಯೂ ಇದೆ. ಕಿಚ್ಚ ಸುದೀಪ್, ಅಪ್ಪು ಡ್ಯಾನ್ಸ್ ನೋಡೋಕೆ ಕಾಯುತ್ತಿದ್ದೇನೆ ಎಂದು ಹೇಳೋ ಮೂಲಕ ನಿರೀಕ್ಷೆಯ ಕಿಚ್ಚು ಹೊತ್ತಿಸಿದ್ದರು. ಈಗ ಯಶ್ ಕೂಡಾ ಅಪ್ಪು ಸಿನಿಮಾಗೆ ಶುಭ ಹಾರೈಸಿದ್ದಾರೆ.

    ಅಪ್ಪು ಸರ್ ತಮ್ಮ ವಿಶಿಷ್ಟ, ವಿಭಿನ್ನ ಡ್ಯಾನ್ಸ್, ಪಾತ್ರಪೋಷಣೆಯ ಮೂಲಕ ಅಪಾರ ನಿರೀಕ್ಷೆ ಹುಟ್ಟುಹಾಕಿದ್ದಾರೆ. ನಟಸಾರ್ವಭೌಮ ಯಶಸ್ಸು ಕಾಣಲಿ ಎಂದು ಶುಭ ಕೋರಿದ್ದಾರೆ ಯಶ್.

    ಪುನೀತ್ ರಾಜ್‍ಕುಮಾರ್, ಥ್ಯಾಂಕ್ಯೂ ಯಶ್ ಎಂದಿದ್ದಾರೆ. ಕೆಜಿಎಫ್ ಚಿತ್ರದ ಬಿಡುಗಡೆ ವೇಳೆ, ಪುನೀತ್ ರಾಜ್‍ಕುಮಾರ್, ಯಶ್ ಚಿತ್ರಕ್ಕೆ ಶುಭ ಕೋರಿ ವಿಡಿಯೋ ಸಂದೇಶ ಕಳುಹಿಸಿದ್ದರು.

  • ದ.ಭಾರತದ ಮಲ್ಟಿಸ್ಟಾರ್ ಚಿತ್ರದಲ್ಲಿ ಪುನೀತ್..!

    gautham menon's muttistarrer movie

    ಪುನೀತ್ ರಾಜ್‍ಕುಮಾರ್ ಮುಂದಿನ ಸಿನಿಮಾ ಯಾವುದು..? ಲಿಸ್ಟ್ ನೋಡಿದರೆ ಉದ್ದವಾಗಿದೆ. ರಾಕ್‍ಲೈನ್ ವೆಂಕಟೇಶ್ ಬ್ಯಾನರ್‍ಗೆ ಓಕೆ ಎಂದಿರುವ ಪುನೀತ್‍ಗಾಗಿ ಇನ್ನೂ ಕೆಲವು ನಿರ್ದೇಶಕರು ಕಾಯುತ್ತಿದ್ದಾರೆ. ಪವನ್ ಒಡೆಯರ್, ಶಶಾಂಕ್ ಹಾಗೂ ಸಂತೋಷ್ ಆನಂದ್‍ರಾಮ್ ಕಥೆ ರೆಡಿಯಾಗಿಟ್ಟುಕೊಂಡು ಕ್ಯೂನಲ್ಲಿದ್ದಾರೆ. ಹೀಗಿರುವಾಗಲೇ ಕಾಲಿವುಡ್‍ನಲ್ಲಿ ಮಲ್ಟಿಸ್ಟಾರ್ ಚಿತ್ರದಲ್ಲಿ ಪುನೀತ್ ನಟಿಸಲಿದ್ದಾರೆ ಎಂಬ ಸುದ್ದಿ ಬಂದಿದೆ. ಈ ಸುದ್ದಿ ಕೊಟ್ಟಿರೋದು ಸ್ಟಾರ್ ಡೈರೆಕ್ಟರ್ ಗೌತಮ್ ಮೆನನ್.

    ಮಿನ್ನಲೆ, ಕಾಕಕಾಕ್ಕ, ರೆಹನಾ ಹೈ ತೇರಿ ದಿಲ್ ಮೆ, ವಾರನಂ ಆಯಿರಂ, ಎಟೋ ವೆಲ್ಲಿಪೋಯಿಂದಿ ಮನಸು, ಯೇ ಮಾಯೆ ಚೇಸ್ಯಾವೆ, ಎಕ್ ದಿವಾನಾ ಥಾ.. ಹೀಗೆ ಗೌತಮ್ ನಿರ್ದೇಶನದ ಹಿಟ್ ಚಿತ್ರಗಳ ಸಂಖ್ಯೆಯೂ ದೊಡ್ಡದು.

    ನಿರ್ದೇಶಕನಾಗಿಯಷ್ಟೇ ಅಲ್ಲ, ನಿರ್ಮಾಪಕನಾಗಿಯೂ ಮಿಸ್ಸಾರಾ ಕನವು, ವೆಪ್ಪಂ, ಒರು ನಾಲ್ ಇರುವಿಲ್, ಪವರ್‍ಪಾಂಡಿಯಂತ.. ವಿಭಿನ್ನ ಸಿನಿಮಾಗಳನ್ನೇ ಕೊಟ್ಟಿರುವ ಖ್ಯಾತಿ ಇವರದ್ದು. 

    ಇಂತಹ ಗೌತಮ್ ಈಗ ಮಲ್ಟಿಸ್ಟಾರ್ ಚಿತ್ರಕ್ಕೆ ಮುಂದಾಗಿದ್ದಾರೆ. ಏಕಕಾಲದಲ್ಲಿ ಕನ್ನಡ, ತೆಲುಗು, ತಮಿಳು ಹಾಗೂ ಮಲಯಾಳಂನಲ್ಲಿ ಸಿನಿಮಾ ಮಾಡಲು ಹೊರಟಿದ್ದಾರೆ. ಆ ಚಿತ್ರದಲ್ಲಿ ಕನ್ನಡದಿಂದ ಪುನೀತ್ ರಾಜ್‍ಕುಮಾರ್, ಬಾಲಿವುಡ್ ಹಾಗೂ ಕಾಲಿವುಡ್‍ಗೆ ಮಾಧವನ್, ಮಲಯಾಳಂನಿಂದ ಟುವಿನೋ ಥಾಮಸ್.. ಹೀಗೆ ಕಲಾವಿದರ ಆಯ್ಕೆಯಾಗಿದೆ. ಕಾರ್ತಿಕ್, ಸಿಂಬು ಕೂಡಾ ಚಿತ್ರದಲ್ಲಿರುತ್ತಾರೆ.

    ಸದ್ಯಕ್ಕೆ ಈ ಮಾಹಿತಿ ಹೇಳಿರುವುದ ಗೌತಮ್ ಮೆನನ್. ಪುನೀತ್ ರಾಜ್‍ಕುಮಾರ್ ಇನ್ನೂ ಏನೂ ಮಾತನಾಡಿಲ್ಲ. 

  • ದಟ್ ಈಸ್ ಪುನೀತ್ ಪವರ್ 

    natasarvabhouma rules box office on weekdays too

    ಸಾಮಾನ್ಯವಾಗಿ ಸ್ಟಾರ್‍ಗಳ ಚಿತ್ರಗಳು ರಿಲೀಸ್ ಆದರೆ ಮೊದಲೆರಡು ದಿನ, ವೀಕೆಂಡ್ ಭರ್ಜರಿ ಹೌಸ್‍ಫುಲ್ ಶೋ ಇರುತ್ತವೆ. ಥಿಯೇಟರುಗಳು ತುಂಬಿ ತುಳುಕುತ್ತವೆ. ಪುನೀತ್ ಸಿನಿಮಾಗಳೂ ಅದಕ್ಕೆ ಹೊಸದಲ್ಲ. ಆದರೆ, ಪುನೀತ್ ಸಿನಿಮಾಗಳು ಬೇರೆಯವರಿಗಿಂತ ಡಿಫರೆಂಟ್ ಎನ್ನುವುದಕ್ಕೆ ಸಾಕ್ಷಿ ನುಡಿಯುತ್ತಿದೆ ನಟಸಾರ್ವಭೌಮ.

    ಕನ್ನಡದಲ್ಲಿ ಮೊದಲ ದಿನವೇ ಮಹಿಳಾ ಪ್ರೇಕ್ಷಕರು ಮತ್ತು ಕುಟುಂಬದವರನ್ನು ಥಿಯೇಟರಿಗೆ ಕರೆತರುವ ಶಕ್ತಿ ಇರುವುದು ಪುನೀತ್ ರಾಜ್‍ಕುಮಾರ್‍ಗೆ. ಈಗ ವೀಕೆಂಡ್ ನಂತರ ಅಂದರೆ, ಸೋಮವಾರ, ಮಂಗಳವಾರವೂ ಹೌಸ್‍ಫುಲ್ ಪ್ರದರ್ಶನ ಕಾಣುತ್ತಿದೆ ನಟಸಾರ್ವಭೌಮ.

    ಹೀಗಾಗಿ ಥಿಯೇಟರುಗಳ ಸಂಖ್ಯೆಯನ್ನು ಹೆಚ್ಚಿಸಲಾಗಿದೆ. ಶೋಗಳ ಸಂಖ್ಯೆಯೂ ಹೆಚ್ಚಿದೆ. ವಿದೇಶದಲ್ಲೂ ಬಿಡುಗಡೆಯಾಗುತ್ತಿರುವ ನಟಸಾರ್ವಭೌಮ, ಪುನೀತ್ ಸಿನಿಮಾಗಳ ಹಿಂದಿನವುಗಳಿಗಿಂತ ಡಿಫರೆಂಟ್ ಎನ್ನುವುದೇ ವಿಶೇಷ. ದಟ್ ಈಸ್ ಪುನೀತ್ ರಾಜ್‍ಕುಮಾರ್.

  • ದರ್ಶನ್, ಪುನೀತ್ ಎಟಿಎಂ ಕಾರ್ಡ್..!

    darshan and puneeth atm cards now

    ಅಭಿಮಾನಿಗಳು ಇರೋದೇ ಹಾಗೆ. ಪ್ರೀತಿಸಿದರೆ ಹೃದಯ ಸಿಂಹಾಸನದಲ್ಲಿ ಪಟ್ಟಾಭಿಷೇಕ ಮಾಡಿಕೊಂಡುಬಿಡ್ತಾರೆ. ಹೃದಯದಲ್ಲಿ, ಮೈಮೇಲಿನ ಟ್ಯಾಟೂಗಳಲ್ಲಿ, ಕಟೌಟುಗಳ ಮೇಲಿನ ಅಭಿಷೇಕದಲ್ಲಿ, ಹೂವಿನ ಹಾರಗಳಲ್ಲಿ, ಥಿಯೇಟರುಗಳ ಮುಂದಿನ ಸ್ಟಾರ್‍ಗಳಲ್ಲಿದ್ದ ಅಭಿಮಾನ ಈಗ ಎಟಿಎಂ ಕಾರ್ಡ್‍ಗೂ ಬಂದುಬಿಟ್ಟಿದೆ.

    ಈ ಹುಡುಗನ ಹೆಸರು ಪ್ರೀತಂ. ಪುನೀತ್ ರಾಜ್‍ಕುಮಾರ್ ಅಭಿಮಾನಿ. ಬ್ಯಾಂಕ್‍ನವರು ಎಟಿಎಂ ಕಾರ್ಡ್ ಮೇಲೆ ದೇವರ ಫೋಟೊ, ನಮ್ಮ ಫೋಟೊ ಹಾಕಿಸಿಕೊಳ್ಳುವ ಅವಕಾಶ ಕೊಟ್ಟಿದ್ದೇ ತಡ, ಪುನೀತ್ ರಾಜ್‍ಕುಮಾರ್ ಜೊತೆ ತೆಗೆಸಿಕೊಂಡ ಫೋಟೋ ಹಾಕಿಸಿಕೊಂಡಿದ್ದಾರೆ.

    ದರ್ಶನ್ ಅಭಿಮಾನಿಗಳಾದ ಮಂಜುನಾಥ್ ಮತ್ತು ಸಂತೋಷ್ ಎಂಬ ಇಬ್ಬರು ಯುವಕರೂ ಹಾಗೆ.. ಅವರ ಎಟಿಎಂ ಕಾರ್ಡ್‍ನಲ್ಲಿ ದರ್ಶನ್ ಜೊತೆ ತೆಗೆಸಿಕೊಂಡಿರುವ ಫೋಟೋ ಇದೆ. 

    ಅಭಿಮಾನಿಗಳ ಈ ಪ್ರೀತಿಗೆ ನಾನು ಯಾವತ್ತಿಗೂ ಋಣಿ ಎಂದಿದ್ದಾರೆ ಪುನೀತ್ ರಾಜ್‍ಕುಮಾರ್.

  • ದರ್ಶನ್, ಸುದೀಪ್ ಜೊತೆ ನಟಿಸಲು ಸಿದ್ಧ - ಪುನೀತ್

    ready to act with sudeep and darshan says puneeth

    ಒಳ್ಳೆಯ ಕಥೆ ಸಿಗಬೇಕು. ಇಷ್ಟವಾಗುವಂತಾದ್ದೊಂದು ಕಥೆ ಸಿಕ್ಕರೆ, ಸುದೀಪ್ ಮತ್ತು ದರ್ಶನ್ ಜೊತೆ ನಟಿಸಲು ನಾನು ರೆಡಿ. ನನಗೂ ಎಲ್ಲ ನಟರ ಜೊತೆ ನಟಿಸಬೇಕೆಂಬ ಆಸೆಯಿದೆ. ಇಂಥಾದ್ದೊಂದು ಕನಸು ಹೇಳಿಕೊಂಡಿದ್ದಾರೆ ಪುನೀತ್ ರಾಜ್‍ಕುಮಾರ್.

    ಹಬ್ಬದ ದಿನ ಇದೇ ಮೊದಲ ಬಾರಿಗೆ ಫೇಸ್‍ಬುಕ್ ಲೈವ್‍ಗೆ ಬಂದಿದ್ದ ಪುನೀತ್, ನೇರವಾಗಿ ಅಭಿಮಾನಿಗಳಿಗೇ ಇಂಥಾದ್ದೊಂದು ವಾಗ್ದಾನ ಮಾಡಿದ್ದಾರೆ. ಮುಂದಿನ ತಿಂಗಳ ಕೊನೆಯಲ್ಲಿ ಪುನೀತ್ ಕನ್ನಡ ಕಿರುತೆರೆಯಲ್ಲಿ ಪ್ರತ್ಯಕ್ಷರಾಗುತ್ತಿದ್ದಾರೆ. ಫ್ಯಾಮಿಲಿ ಪವರ್ ರಿಯಾಲಿಟಿ ಶೋ ಮೂಲಕ ಬರುತ್ತಿರುವ ಪುನೀತ್, ಆ ಶೋನಲ್ಲಿ ಕೌಟುಂಬಿಕ ಬಾಂಧವ್ಯಗಳ ಕಥೆ ಹೇಳಲಿದ್ದಾರಂತೆ.

  • ದೀಪಾವಳಿಗೆ ನಟಸಾರ್ವಭೌಮ..?

    will natasarvabhouma release on deepavali

    ಪುನೀತ್ ರಾಜ್‍ಕುಮಾರ್ ಅಭಿನಯದ ನಟಸಾರ್ವಭೌಮ ಸಿನಿಮಾ, ದೀಪಾವಳಿಗೆ ರಿಲೀಸ್ ಆಗುತ್ತಾ..? ಅಂತಾದ್ದೊಂದು ನಿರೀಕ್ಷೆ ಈಗ ಗರಿಗೆದರುತ್ತಿದೆ. ರಾಕ್‍ಲೈನ್ ವೆಂಕಟೇಶ್ ನಿರ್ಮಾಣದ ಸಿನಿಮಾದ ಕೆಲವೇ ಕೆಲವು ದೃಶ್ಯ ಹಾಗೂ ಹಾಡುಗಳ ಶೂಟಿಂಗ್ ಬಾಕಿಯಿದ್ದು, ಸೆಪ್ಟೆಂಬರ್ 18ರಿಂದ ಮತ್ತೆ ಶೂಟಿಂಗ್ ಶುರುವಾಗುತ್ತಿದೆ. ಅದು ಮುಗಿದರೆ ಕುಂಬಳಕಾಯಿ ಒಡೆದಂತೆಯೇ ಲೆಕ್ಕ. 

    ಶೂಟಿಂಗ್ ಜೊತೆ ಜೊತೆಯಲ್ಲೇ ನಿರ್ದೇಶಕ ಪವನ್ ಒಡೆಯರ್, ಪೋಸ್ಟ್ ಪ್ರೊಡಕ್ಷನ್ ಕೆಲಸದಲ್ಲೂ ತೊಡಗಿಸಿಕೊಂಡಿರೋದ್ರಿಂದ, ಶೂಟಿಂಗ್ ಮುಗಿದ ನಂತರ, ಶೀಘ್ರದಲ್ಲೇ ಸಿನಿಮಾ ತೆರೆಗೆ ಬರಲು ಸಿದ್ಧವಾಗಲಿದೆ. 

    ಪವನ್ ಒಡೆಯರ್ ಹಾಗೂ ರಾಕ್‍ಲೈನ್ ವೆಂಕಟೇಶ್ ಪ್ಲಾನ್ ಪ್ರಕಾರವೇ ಎಲ್ಲವೂ ನಡೆದರೆ, ದೀಪಾವಳಿಗೆ ನಟಸಾರ್ವಭೌಮನನ್ನು ತೆರೆಯ ಮೇಲೆ ನೋಡಬಹುದು.

I Love You Movie Gallery

Rightbanner02_butterfly_inside

Paddehuli Movie Gallery