` puneeth rajkumar, - chitraloka.com | Kannada Movie News, Reviews | Image

puneeth rajkumar,

  • ಕರ್ನಾಟಕ ರತ್ನನ ಪುತ್ರ ಈಗ ಯುವರತ್ನ..!

    son of karnataka ratna turns yuvaratna

    ಪವರ್ ಸ್ಟಾರ್ ಪುನೀತ್ ರಾಜ್‍ಕುಮಾರ್, ರಾಜಕುಮಾರ, ರಾಮಾಚಾರಿ ಖ್ಯಾತಿಯ ಸಂತೋಷ್ ಆನಂದ್‍ರಾಮ್, ಕನ್ನಡ ಚಿತ್ರರಂಗದ ಪ್ರತಿಷ್ಠಿತ ಪ್ರೊಡಕ್ಷನ್ ಸಂಸ್ಥೆಯಾಗಿರುವ ಹೊಂಬಾಳೆ ಪ್ರೊಡಕ್ಷನ್ಸ್‍ನ ನಿರ್ಮಾಪಕ ವಿಜಯ್ ಕಿರಗಂದೂರು.. ಈ ತ್ರಿವೇಣಿ ಸಂಗಮದ ಹೊಸ ಸಿನಿಮಾದ ಟೈಟಲ್ ಯುವರತ್ನ.

    ಈ ಸಿನಿಮಾದ ಟೈಟಲ್ ಜ್ವಾಲಾಮುಖಿ, ದೇವತಾ ಮನುಷ್ಯ, ಪರಶುರಾಮ್, ಕ್ರಾಂತಿವೀರ ಎಂಬೆಲ್ಲ ಸುದ್ದಿಗಳು ಗಾಂಧಿನಗರದ ತುಂಬೆಲ್ಲ ಹರಿದಾಡಿದ್ದವು. ಆ ಎಲ್ಲವನ್ನೂ ಮೀರಿ ಹೊಸದೇ ಟೈಟಲ್ ಇಟ್ಟಿದ್ದಾರೆ ಸಂತೋಷ್ ಆನಂದ್‍ರಾಮ್. ಡಾ.ರಾಜ್‍ಕುಮಾರ್ ಕರ್ನಾಟಕ ರತ್ನ ಪುರಸ್ಕಾರ ಸ್ವೀಕರಿಸಿದ್ದ ಹೆಮ್ಮೆಯ ಕಲಾವಿದ. ಅವರ ಪುತ್ರ ಪುನೀತ್, ಈಗ ಯುವರತ್ನರಾಗುತ್ತಿದ್ದಾರೆ.

    ಅಪ್ಪು ಅಭಿಮಾನಿಗಳಾದ ವಿನುತಾ ಮತ್ತು ಮಹೇಶ್ ಎಂಬ ಇಬ್ಬರು ವಿಕಲಚೇತನ ಮಕ್ಕಳಿಂದ ಸಿನಿಮಾದ ಟೈಟಲ್ ಲಾಂಚ್ ಆಯ್ತು. ಕಾವೇರಿ ಚಿತ್ರಮಂದಿರದಲ್ಲಿ ನಡೆದ ಕಾರ್ಯಕ್ರಮಕ್ಕೆ ನೂರಾರು ಅಭಿಮಾನಿಗಳು ಆಗಮಿಸಿ ಪುನೀತ್ ಹೊಸ ಚಿತ್ರಕ್ಕೆ ಶುಭ ಹಾರೈಸಿದರು. ಕನ್ನಡ ರಾಜ್ಯೋತ್ಸವ ಮತ್ತು ಯುವರತ್ನ ಟೈಟಲ್ ಲಾಂಚ್, ಎರಡನ್ನೂ ಒಟ್ಟಿಗೇ ಸಂಭ್ರಮದಿಂದ ಆಚರಿಸಲಾಯ್ತು.

  • ಕಾರು ಅಪಘಾತ - ಪುನೀತ್ ರಾಜ್‍ಕುಮಾರ್ ಸೇಫ್

    puneeth escapes from an car accident

    ಪವರ್‍ಸ್ಟಾರ್ ಪುನೀತ್ ರಾಜ್‍ಕುಮಾರ್ ಅವರ ಕಾರು ಅನಂತಪುರಂ ಬಳಿ ಅಪಘಾತಕ್ಕೀಡಾಗಿದೆ. ಅದೃಷ್ಟವಶಾತ್ ಪುನೀತ್ ಸೇರಿದಂತೆ ಕಾರ್‍ನಲ್ಲಿದ್ದ ಯಾರಿಗೂ ಅಪಾಯವಾಗಿಲ್ಲ. ಕಾರ್‍ನಲ್ಲಿದ್ದ ಒಬ್ಬರ ಮೂಗಿಗೆ  ಗಾಯವಾಗಿದೆ. ಅದರ ಹೊರತಾಗಿ ಎಲ್ಲರೂ ಸೇಫ್. 

    ರಾತ್ರಿ ಸುಮಾರು 9.30ರ ವೇಳೆಯಲ್ಲಿ ನಟಸಾರ್ವಭೌಮ ಶೂಟಿಂಗ್ ಮುಗಿಸಿಕೊಂಡು ಬಳ್ಳಾರಿ ಕಡೆಯಿಂದ ಬೆಂಗಳೂರಿಗೆ ಬರುತ್ತಿದ್ದಾಗ, ರಸ್ತೆಯಲ್ಲಿದ್ದ ಗುಂಡಿಯೊಂದಕ್ಕೆ ಕಾರು ಇಳಿದಿದೆ. ಗುಂಡಿಗಿಳಿದ ರಭಸಕ್ಕೆ ರೇಂಜ್ ರೋವರ್ ಕಾರ್‍ನ ಟೈರ್ ಓಪನ್ ಆಗಿದೆ. ಹೀಗಾಗಿ ಚಾಲಕನ ಹತೋಟಿ ತಪ್ಪಿದೆ. ರಸ್ತೆ ಡಿವೈಡರ್‍ಗೆ ಗುದ್ದಿದೆ. ತಕ್ಷಣವೇ ಸ್ಥಳೀಯರು ನೆರವಿಗೆ ಧಾವಿಸಿದ್ದಾರೆ. ಪುನೀತ್ ರಾಜ್‍ಕುಮಾರ್‍ರನ್ನು ನೋಡಿ ಗುರುತು ಹಿಡಿದ ತೆಲುಗಿನವರು ಕೂಡಾ ನೆರವಿಗೆ ಧಾವಿಸಿ ಬಂದಿದ್ದಾರೆ. ತಕ್ಷಣವೇ ಬೇರೆ ವಾಹನದ ವ್ಯವಸ್ಥೆ ಮಾಡಿಕೊಟ್ಟಿದ್ದಾರೆ. ರಾತ್ರಿಯೇ ಪುನೀತ್ ಸದಾಶಿವನಗರದ ಮನೆಗೆ ವಾಪಸ್ ಆಗಿದ್ದಾರೆ.

    ಯಾರೂ ಆತಂಕಪಡುವ ಅಗತ್ಯವಿಲ್ಲ. ನಮಗೆ ಯಾವುದೇ ಅಪಾಯವಾಗಿಲ್ಲ. ಅಪಘಾತವಾದಾಗ ಅಲ್ಲಿಯೇ ಇದ್ದ ತೆಲುಗಿನವರು ಹಾಗೂ ಕನ್ನಡದವರು ಎಲ್ಲರೂ ಸಹಾಯ ಮಾಡಿದರು. ಒಳ್ಳೆಯವರು ಎಲ್ಲ ಕಡೆ ಇರ್ತಾರೆ. ಆತಂಕ ಬೇಡ ಎಂದು ಹೇಳಿದ್ದಾರೆ ಪುನೀತ್ ರಾಜ್‍ಕುಮಾರ್.

    ಅಪಘಾತದ ವೇಳೆ ಸ್ಪಂದಿಸಿದ, ಕಾಳಜಿ ತೋರಿಸಿದ ಪ್ರತಿಯೊಬ್ಬರಿಗೂ ನಾನು ಋಣಿ ಎಂದು ಕೃತಜ್ಞತೆ ವ್ಯಕ್ತಪಡಿಸಿದ್ದಾರೆ ಪುನೀತ್.

  • ಕೋಟ್ಯಧಿಪತಿ ಹಾಟ್‍ಸೀಟ್‍ಗೆ ಪುನೀತ್ ಬರಬೇಕು

    ramesh wants puneeth as first contestant for kannada kotyadhipathi

    ಕನ್ನಡದ ಕೋಟ್ಯಧಿಪತಿ ರಿಯಾಲಿಟಿ ಶೋನ ಆ್ಯಂಕರ್ ಆಗಿ ಪುನೀತ್ ರಾಜ್‍ಕುಮಾರ್ ಸ್ಥಾನಕ್ಕೆ ರಮೇಶ್ ಅರವಿಂದ್  ಬರುತ್ತಿದ್ದಾರೆ. ಮೇ 7ರಿಂದ ಸ್ಪರ್ಧಿಗಳ ಆಯ್ಕೆ ಪ್ರಕ್ರಿಯೆ ಶುರುವಾಗಲಿದೆ. ಹೀಗಿರುವಾಗ ರಮೇಶ್ ಅರವಿಂದ ಅವರ ಎದುರು ಹಾಟ್‍ಸೀಟ್‍ನಲ್ಲಿ ಮೊದಲಿಗೆ ಯಾರು ಬಂದು ಕುಳಿತರೆ ಚೆಂದ.. ಈ ಪ್ರಶ್ನೆಗೆ ಸ್ವತಃ ರಮೇಶ್ ಅರವಿಂದ್ ಉತ್ತರ ಕೊಟ್ಟಿದ್ದಾರೆ.

    ಹಾಟ್‍ಸೀಟ್‍ನಲ್ಲಿ ಮೊದಲ ಸ್ಪರ್ಧಿಯಾಗಿ ಪುನೀತ್ ರಾಜ್‍ಕುಮಾರ್ ಅವರನ್ನೇ ನೋಡಲು ಬಯಸುತ್ತೇನೆ ಎಂದಿದ್ದಾರೆ ರಮೇಶ್ ಅರವಿಂದ್. ಅದಕ್ಕೆ ಕಾರಣವೂ ಇದೆ. ರಮೇಶ್ ಅವರಿಗೆ ತುಂಬಾ ಒಳ್ಳೆಯ ಹೆಸರು ತಂದುಕೊಟ್ಟ ವೀಕೆಂಡ್ ವಿತ್ ರಮೇಶ್ ಶೋ ಶುರುವಾಗಿದ್ದೇ ಪುನೀತ್ ರಾಜ್‍ಕುಮಾರ್ ಅವರಿಂದ. ಹೀಗಾಗಿ ಈ ಶೋನಲ್ಲೂ ಅವರೇ ಮೊದಲ ಸ್ಪರ್ಧಿಯಾಗಿ ಬರಲಿ ಎಂದು ಬಯಸುತ್ತೇನೆ ಎಂದು ಹೇಳಿಕೊಂಡಿದ್ದಾರೆ ರಮೇಶ್ ಅರವಿಂದ್.

    ರಮೇಶ್ ಅವರು ಈ ಶೋ ಒಪ್ಪಿಕೊಂಡ ನಂತರ ಸ್ವತಃ ಪುನೀತ್, ರಮೇಶ್ ಅವರಿಗೆ ಫೋನ್ ಮಾಡಿ ವಿಷ್ ಮಾಡಿದರಂತೆ. ಇನ್ನು ಒಂದು ತಿಂಗಳು. ಕೋಟ್ಯಧಿಪತಿ ಶುರುವಾಗಲಿದೆ.

  • ಕ್ಯೂನಲ್ಲಿ ಮೂರು.. ಫಸ್ಟ್ ಯಾರು..?

    puneeth's 3 movies waiting

    ಪವರ್‍ಸ್ಟಾರ್ ಪುನೀತ್ ರಾಜ್‍ಕುಮಾರ್ ಮುಂದಿನ ಸಿನಿಮಾ ಯಾವುದು? ಅದು ಈಗ ಅಭಿಮಾನಿಗಳನ್ನು ಕಾಡುತ್ತಿರುವ ಮಿಲಿಯನ್ ಡಾಲರ್ ಪ್ರಶ್ನೆ. ಅಂಜನೀಪುತ್ರ ಭರ್ಜರಿಯಾಗಿ 25 ದಿನ ಪೂರೈಸಿ ಮುನ್ನುಗ್ಗುತ್ತಿದೆ. ಆದರೆ, ಪುನೀತ್‍ರ ಮುಂದಿನ ಸಿನಿಮಾ ಇನ್ನೂ ನಿರ್ಧಾರವಾಗಿಲ್ಲ. ಗೊಂದಲಕ್ಕೆ ಕಾರಣಗಳೂ ಇವೆ. ಏಕೆಂದರೆ ಕ್ಯೂನಲ್ಲಿ 3 ಚಿತ್ರಗಳಿವೆ.

    ವಿಜಯ್ ಕಿರಗಂದೂರು ನಿರ್ಮಾಣದ ಸಂತೋಷ್ ಆನಂದ್‍ರಾಮ್ ನಿರ್ದೇಶನದ ಚಿತ್ರ ಒಂದು ಕಡೆ.. ರಾಕ್‍ಲೈನ್ ನಿರ್ಮಾಣದ ಪವನ್ ಒಡೆಯರ್ ನಿರ್ದೇಶನದ ಸಿನಿಮಾ ಮತ್ತೊಂದು ಕಡೆ.. ಸ್ವತಃ ಪುನೀತ್ ನಿರ್ಮಾಣದ ಶಶಾಂಕ್ ನಿರ್ದೇಶನದ ಸಿನಿಮಾ ಮಗದೊಂದು ಕಡೆ.. ಈ ಮೂರರಲ್ಲಿ ಮೊದಲು ಶುರುವಾಗುವ ಚಿತ್ರ ಯಾವುದು..?

    ಮೂರೂ ಚಿತ್ರಗಳಿಗೆ ಸಿದ್ಧತೆ ನಡೆದಿದೆ. ಆದರೆ, ಮೊದಲು ಶುರುವಾಗುವ ಸಿನಿಮಾ ಯಾವುದು ಎಂದು ನನಗೂ ಗೊತ್ತಿಲ್ಲ. ಯಾವುದೇ ಗೊಂದಲ ಇಲ್ಲದಂತೆ ಸಿನಿಮಾ ಶುರು ಮಾಡೋಣ ಎಂದು ಹೇಳಿದ್ದೇನೆ. ಯಾವುದು ಮೊದಲು ಅನ್ನೋದು ಫೆಬ್ರವರಿ ಮೊದಲ ವಾರ ಗೊತ್ತಾಗಲಿದೆ ಎಂದಿದ್ದಾರೆ ಪುನೀತ್ ರಾಜ್‍ಕುಮಾರ್.

  • ಗಡ್ಡ ಬಿಡ್ಬೇಕಂತೆ ಪುನೀತ್ ರಾಜ್‍ಕುಮಾರ್..!

    puneeth with beard

    ಪುನೀತ್ ರಾಜ್‍ಕುಮಾರ್ ಗಡ್ಡಧಾರಿಯಾಗಿರುವುದನ್ನು ನೋಡಿದವರೇ ಅಪರೂಪ. ಒಂದು ಕಾಲದ ವೀರಕನ್ನಡಗಿಗ, ರಾಜಕುಮಾರ ಚಿತ್ರದಲ್ಲಿ ಕೆಲವೊಂದು ದೃಶ್ಯಗಳನ್ನು ಹೊರತುಪಡಿಸಿದರೆ, ಪುನೀತ್ ಸಿನಿಮಾಗಳಲ್ಲಿ ಕ್ಲೀನ್ & ನೀಟ್ ಶೇವ್ ಆಗಿಯೇ ಕಾಣಿಸಿಕೊಳ್ತಾರೆ. ಇತ್ತೀಚೆಗೆ ಫ್ಯಾಮಿಲಿ ಪವರ್ ರಿಯಾಲಿಟಿ ಶೋನದಲ್ಲಿ ಗಡ್ಡಧಾರಿಯಾಗಿದ್ದಾರೆ.

    ಇಂತಹ ಪುನೀತ್‍ಗೆ ತಾನೂ ಗಡ್ಡಧಾರಿಯಾಗಿ ಸಿನಿಮಾವೊಂದರಲ್ಲಿ ನಟಿಸಬೇಕು ಎನ್ನಿಸಿದೆ. ಹಾಗಂತ, ಈಗ ಗಡ್ಡ ಬಿಟ್ಟಿರೋದು ನೋಡಿ, ಅದು ಮುಂದಿನ ಚಿತ್ರದ ಗೆಟಪ್ ಎಂದುಕೊಳ್ಳಬೇಡಿ. ಅಂಜನೀಪುತ್ರದ ಶೂಟಿಂಗ್ ಮುಗಿದು, ಹೊಸ ಚಿತ್ರ ಶುರುವಾಗುವ ನಡುವಿನ ಗ್ಯಾಪ್‍ಗಷ್ಟೇ ಗಡ್ಡ. ಈಗಾಗಲೇ ಪುನೀತ್ ಒನ್ಸ್ ಎಗೇಯ್ನ್ ನೀಟ್ & ಕ್ಲೀನ್ ಶೇವ್.

    ಈಗ ಪುನೀತ್‍ಗೆ ಗಡ್ಡಧಾರಿಯಾಗಿ ನಟಿಸುವಂತಹ ಕಥೆ ಹೇಳುವವರು ಯಾರು..? ಪುನೀತ್ ಹುಡುಕ್ತಾನೇ ಇರ್ತಾರೆ.

    ಪುನೀತ್ ಗಡ್ಡ ಬಿಡೋಕೆ ಇವರೇ ಕಾರಣ..!

  • ಚೆಂದ ಚೆಂದ ಚೆಂದ ಚೆಂದ ನನ್ ಹೆಂಡ್ತಿ.. ಏನ್ ಹವಾರೀ..

    Anjaniputra chanda chanda song trending

    ಅಂಜನಿಪುತ್ರ ಚಿತ್ರ ಒಂದು ಕಡೆ ಥಿಯೇಟರುಗಳಲ್ಲಿ ಭರ್ಜರಿ ಪ್ರರ್ದಶನ ಕಾಣುತ್ತಿರುವಾಗಲೇ, ಅದಕ್ಕಿಂತ ದೊಡ್ಡ ಹವಾ ಎಬ್ಬಿಸಿರುವುದು ಚೆಂದ ಚೆಂದ ಚೆಂದ ಚೆಂದ ನನ್ ಹೆಂಡ್ತಿ.. ಹಾಡು ಸಿಕ್ಕಾಪಟ್ಟೆ ಕ್ರೇಜ್ ಸೃಷ್ಟಿಸಿಬಿಟ್ಟಿದೆ. ಎಷ್ಟರಮಟ್ಟಿಗೆ ಎಂದರೆ, ಹಾಡಿಗೆ ಅವರವರೇ ಕಾನ್ಸೆಪ್ಟ್ ಮಾಡಿಕೊಂಡು, ಅವರವರೇ ಸ್ಟೆಪ್ಸ್ ಹಾಕಿ ಆನ್‍ಲೈನ್‍ಗೆ ಅಪ್‍ಲೋಡ್ ಮಾಡುತ್ತಿದ್ದಾರೆ.

    ಮೊನ್ನೆ ಮೊನ್ನೆಯಷ್ಟೇ ಉಜಿರೆಯ ಎಸ್‍ಡಿಎಂ ಕಾಲೇಜ್‍ನ ಶಿಕ್ಷಕಿಯರು ಹಾಗೂ ವಿದ್ಯಾರ್ಥಿಗಳ ಸ್ಟೆಪ್ಸ್ ವೈರಲ್ ಆಗಿತ್ತು. ಈಗ ಸಾಫ್ಟ್‍ವೇರ್ ಉದ್ಯೋಗಿಗಳ ಸರದಿ. ಮೈಸೂರಿನ ಇನ್ಫೋಸಿಸ್ ಉದ್ಯೋಗಿಗಳೆಲ್ಲ ಸೇರಿಕೊಂಡು ಚೆಂದ ಚೆಂದ ಚೆಂದ ಚೆಂದ ನನ್ ಹೆಂಡ್ತಿ.. ಹಾಡನ್ನು ಮರುಸೃಷ್ಟಿ ಮಾಡಿದ್ದಾರೆ.

    ಶಿವರಾಜ್ ಕುಮಾರ್ ಹಾಗೂ ಪುನೀತ್ ಅಭಿಮಾನಿಗಳಂತೂ ವಿಭಿನ್ನವಾಗಿ ಹಾಡುಗಳನ್ನು ತಾವೇ ಸೃಷ್ಟಿಸಿ ಆನ್‍ಲೈನ್‍ಗೆ ಅಪ್‍ಲೋಡ್ ಮಾಡುತ್ತಿದ್ದಾರೆ. ಹೆಂಡ್ತಿಯನ್ನು ಪ್ರೀತಿಸುವವರು ಯಾರು ತಾನೇ ಹಾಡನ್ನು ನಿರಾಕರಿಸ್ತಾರೆ ಹೇಳಿ.

  • ಜರ್ಮನಿಯ ಅಭಿಮಾನಿ ತ್ರಾಸ್ ಆಗ್ತತಿ ಅಂದಾಗ

    german fan sings kannada song for puneeth rajkumar

    ಪುನೀತ್ ರಾಜ್‍ಕುಮಾರ್‍ಗೆ ಕನ್ನಡಿಗರಷ್ಟೇ ಅಲ್ಲ,  ವಿದೇಶದಲ್ಲೂ ಅಭಿಮಾನಿಗಳಿರುವುದು ಹೊಸ ವಿಷಯವೇನಲ್ಲ. ಅಂಥಾ ಒಬ್ಬ ವಿಶೇಷ ಅಭಿಮಾನಿಯ ಕಥೆ ಇದು. ಈತನ ಹೆಸರು ಜೂಲಿಯನ್. ಪುನೀತ್ ಅವರ ಚಿತ್ರಗಳ ಅಭಿಮಾನಿ. ಜರ್ಮನಿಯವರು. 

    ಪುನೀತ್ ಸಿನಿಮಾ ನೋಡುತ್ತಲೇ ಕನ್ನಡವನ್ನೂ ಕಲಿತುಬಿಟ್ಟಿದ್ದಾರೆ. ಇತ್ತೀಚೆಗೆ ಪುನೀತ್ ಅವರನ್ನು ಭೇಟಿಯಾಗಿ ಕನ್ನಡದಲ್ಲೇ ಮಾತನಾಡಿ ಖುಷಿಪಟ್ಟಿದ್ದಾರೆ. ಆದರೆ, ಪುನೀತ್‍ಗೆ ಕೂಡಾ ಅಚ್ಚರಿಯಾಗಿದ್ದು ದೊಡ್ಮನೆ ಹುಡ್ಗ ಚಿತ್ರದ ಹಾಡನ್ನು ಜೂಲಿಯನ್ ಹಾಡಿದಾಗ.

    ಯಾಕ್ಲಾ ಹುಡುಗ ಮೈಯ್ಯಾಗ ಹೆಂಗ್ ಐತಿ.. ಎಂಬ ಉತ್ತರ ಕರ್ನಾಟಕ ಶೈಲಿಯ ಹಾಡನ್ನು ಸರಾಗವಾಗಿ ಹಾಡಿದಾಗ ಪುನೀತ್‍ಗೆ ಕೂಡಾ ಅಚ್ಚರಿ. ಕನ್ನಡದವರೇ ಕನ್ನಡವನ್ನು ಮರೆಯುತ್ತಿರುವ ಈ ಹೊತ್ತಿನಲ್ಲಿ ವಿದೇಶಿಯರು ಕನ್ನಡ ಕಲಿಯುತ್ತಿರುವುದು ಕನ್ನಡಿಗರು ಹೆಮ್ಮೆ ಪಡುವ ವಿಷಯವೇ ಅಲ್ಲವೇ.

  • ಜುಲೈ 7ಕ್ಕೆ ರಾಜಕುಮಾರ ಶತದಿನೋತ್ಸವ ಸಂಭ್ರಮ - ಸಂಭ್ರಮಕ್ಕೆ ಸಾಕ್ಷಿಯಾಗಲಿದೆ ಇಡೀ ಚಿತ್ರರಂಗ

    rajakumara 100 days celebration with kannada film industry

    ಪುನೀತ್ ರಾಜ್​ಕುಮಾರ್ ಅಭಿನಯದ ರಾಜಕುಮಾರ ಚಿತ್ರದ ಯಶಸ್ಸು ಇಡೀ ಚಿತ್ರರಂಗಕ್ಕೆ ಉತ್ಸಾಹ ತುಂಬಿದೆ. ಅಭೂತಪೂರ್ವ ಯಶಸ್ಸನ್ನು ನಿರ್ಮಾಪಕ ಕಾರ್ತಿಕ್ ಗೌಡ ಇಡೀ ಚಿತ್ರರಂಗದ ಜೊತೆ ಹಂಚಿಕೊಳ್ಳಲು ನಿರ್ಧರಿಸಿದ್ದಾರೆ.

    ಜುಲೈ 7ಕ್ಕೆ ಬೆಂಗಳೂರಿನಲ್ಲಿ ಬೃಹತ್ ಸಮಾರಂಭ ನಡೆಯಲಿದೆ. ಸಮಾರಂಭಕ್ಕೆ ರಾಜಕುಮಾರ ಚಿತ್ರತಂಡವಷ್ಟೇ ಅಲ್ಲ, ಇಡೀ ರಾಜ್ ಕುಟುಂಬ ಭಾಗವಹಿಸಲಿದೆ. ಕ್ರೇಜಿಸ್ಟಾರ್ ರವಿಚಂದ್ರನ್, ಕಿಚ್ಚ ಸುದೀಪ್, ರಾಕಿಂಗ್ ಸ್ಟಾರ್ ಯಶ್, ಗೋಲ್ಡನ್ ಸ್ಟಾರ್ ಗಣೇಶ್ ಸೇರಿದಂತೆ ಚಿತ್ರರಂಗದ ಗಣ್ಯಾತಿಗಣ್ಯರು ರಾಜಕುಮಾರನ ಸಂಭ್ರಮದಲ್ಲಿ ಪಾಲ್ಗೊಳ್ಳುತ್ತಿದ್ದಾರೆ.

    ಅಷ್ಟೇ ಅಲ್ಲ, ಬಾಕ್ಸಾಫೀಸ್​ನಲ್ಲಿ ದಾಖಲೆಯನ್ನೇ ಸೃಷ್ಟಿಸಿರುವ ಚಿತ್ರ, ಚಿತ್ರದಲ್ಲಿ ಭಾಗವಹಿಸಿದ ಪ್ರತಿಯೊಬ್ಬ ತಂತ್ರಜ್ಞರನ್ನು, ಕಾರ್ಮಿಕರನ್ನೂ ಆ ದಿನ ಸ್ಮರಣಿಕೆ ನೀಡಿ ಗೌರವಿಸಲಿದೆ. ಇಂಥಾದ್ದೊಂದು ಸಂಪ್ರದಾಯ ರಾಜ್ ಕುಟುಂಬದ ಬ್ಯಾನರ್​ನ ಚಿತ್ರಗಳಲ್ಲಿ ಸಾಮಾನ್ಯವಾಗಿತ್ತು. ಆ ಸಂಪ್ರದಾಯವನ್ನು ಕಾರ್ತಿಕ್ ಗೌಡ ಅವರು ಕೂಡಾ ಆರಂಭಿಸಿದ್ದಾರೆ. 

    ಒಟ್ಟಿನಲ್ಲಿ ರಾಜಕುಮಾರ ಚಿತ್ರದ ಯಶಸ್ಸು, ಇಡೀ ಚಿತ್ರರಂಗದಲ್ಲಿ ಹಬ್ಬ ಸೃಷ್ಟಿಸಿದೆ ಎಂದರೆ ತಪ್ಪಾಗಲಾರದು.

  • ಟಗರು 2ನಲ್ಲಿ ಶಿವಣ್ಣ, ಪುನೀತ್?

    suri wishes to cast puneeth and shivanna

    ಟಗರು ಚಿತ್ರ 100 ದಿನ ಪೂರೈಸಿ ಮುನ್ನುಗ್ಗುತ್ತಿರುವಾಗಲೇ ನಿರ್ದೇಶಕ ಸೂರಿ, ಟಗರು 2 ಕನಸು ಬಿಚ್ಚಿಟ್ಟಿದ್ದಾರೆ. ಟಗರು ಚಿತ್ರದ ವೇಳೆಯಲ್ಲಿಯೇ ಟಗರು 2 ಚಿತ್ರದ ಸುದ್ದಿ ಹೊರಬಿದ್ದಿದೆಯಾದರೂ, ಚಿತ್ರದ ಕಥೆಯೇ ಇನ್ನೂ ಫೈನಲ್ ಆಗಿಲ್ಲ. ಆದರೆ, ಸೂರಿ ತಲೆಯಲ್ಲಿ ಟಗರು 2ನಲ್ಲಿ ಶಿವರಾಜ್ ಕುಮಾರ್ ಮತ್ತು ಪುನೀತ್ ಇಬ್ಬರನ್ನೂ ಸೇರಿಸಿದರೆ ಹೇಗೆ ಅನ್ನೋ ಐಡಿಯಾ ಬಂದಿದೆಯಂತೆ.

    ನಮ್ಮ ಬಳಿ ಈಗಾಗಲೇ ಒಂದು ಟಗರು ಇದೆ. ಇನ್ನೊಂದು ಟಗರನ್ನು ನಿಲ್ಲಿಸಿದರೆ, ಖಂಡಿತಾ ಅದು ದೊಡ್ಡ ಸಿನಿಮಾ ಆಗಲಿದೆ. ಸಹೋದರರಿಗೆ ಸಿನಿಮಾ ಮಾಡುವಾಗ ಎಲ್ಲವನ್ನೂ ತಲೆಯಲ್ಲಿಟ್ಟುಕೊಂಡು ಸಿನಿಮಾ ಮಾಡಬೇಕು. ಇಬ್ಬರ ಅಭಿಮಾನಿ ಬಳಗವೂ ದೊಡ್ಡದು. ಇಬ್ಬರೂ ಒಳ್ಳೆ ಡ್ಯಾನ್ಸರ್‍ಗಳು. ಇದೆಲ್ಲವನ್ನೂ ತಲೆಯಲ್ಲಿಟ್ಟುಕೊಂಡು ಸ್ಕ್ರಿಪ್ಟ್ ಮಾಡಬೇಕು ಎಂದಿದ್ದಾರೆ ಸೂರಿ.

    ಪುನೀತ ಜೊತೆ ಕೆಲವು ಬಾರಿ ಮಾತನಾಡಿದ್ದೇನೆ. ಆದರೆ ಇನ್ನೂ ಯಾವುದೂ ಫೈನಲ್ ಆಗಿಲ್ಲ. ಕಥೆ ಇಬ್ಬರಿಗೂ ಇಷ್ಟವಾಗಬೇಕು ಎಂದಿದ್ದಾರೆ ಸೂರಿ.  ಅಭಿಮಾನಿಗಳು ಆಗಲೇ ಗುಟುರು ಹಾಕಿ ಕಾಯ್ತಾವ್ರೆ.

  • ತುಳುವಿಗೂ ಕಾಲಿಟ್ಟರು ಪವರ್‍ಸ್ಟಾರ್

    puneeth debuts as singer for tulu films

    ಪವರ್‍ಸ್ಟಾರ್ ಪುನೀತ್ ರಾಜ್‍ಕುಮಾರ್ ಹೀರೋ ಅಷ್ಟೇ ಅಲ್ಲ, ಒಳ್ಳೆಯ ಹಾಡುಗಾರರೂ ಹೌದು. ಅವರು ಹಾಡಿದ ಹಾಡು ಸೂಪರ್ ಹಿಟ್ ಆಗುತ್ತೆ ಅನ್ನೋ ನಂಬಿಕೆ ಚಿತ್ರರಂಗದಲ್ಲಿದೆ. ಹಾಡಷ್ಟೇ ಅಲ್ಲ, ಸಿನಿಮಾ ಸಕ್ಸಸ್‍ಗೂ ಕಾರಣವಾಗುತ್ತೆ. ಈಗ ಪವರ್‍ಸ್ಟಾರ್ ಪುನೀತ್ ರಾಜ್‍ಕುಮಾರ್, ತುಳು ಚಿತ್ರರಂಗಕ್ಕೆ ಕಾಲಿಟ್ಟಿದ್ದಾರೆ. ನಾಯಕರಾಗಿ ಅಲ್ಲ, ಗಾಯಕರಾಗಿ.

    ಉಮ್ಲಿ ಅನ್ನೋ ತುಳು ಸಿನಿಮಾದಲ್ಲಿ ಪುನೀತ್ ಒಂದು ಹಾಡು ಹಾಡಿದ್ದಾರೆ. ರಾರೊಂಡು ಬಟ್ಟೊಂಡು ಉಮ್ಲಿ.. ಅನ್ನೋ ಹಾಡಿನ ಟ್ರ್ಯಾಕ್ ಇಷ್ಟವಾಯ್ತು. ನಾನ್ಯಾಕೆ ಹಾಡಬಾರದು ಎನ್ನಿಸಿತು. ಸಂಗೀತಕ್ಕೆ ಭಾಷೆಯ ಗಡಿ ಎಲ್ಲಿದೆ. ಸಂಗೀತಕ್ಕೇ ಮಾತನಾಡೋ ಶಕ್ತಿಯಿದೆ ಎಂದಿರುವುದು ಪುನೀತ್ ರಾಜ್‍ಕುಮಾರ್.

    ತುಳು ಸಿನಿಮಾಗಳನ್ನು ಕರಾವಳಿ ಪ್ರದೇಶದ ಹೊರಗೆ, ತುಳು ಭಾಷಿಕರನ್ನಷ್ಟೇ ಅಲ್ಲದೆ, ಎಲ್ಲ ಕನ್ನಡಿಗರಿಗೂ ತಲುಪಿಸುವ ಕನಸು ನಮ್ಮದು. ಹೀಗಾಗಿ ಪುನೀತ್ ರಾಜ್‍ಕುಮಾರ್ ಅವರನ್ನು ಕೇಳಿಕೊಂಡೆವು. ಅವರೂ ಒಪ್ಪಿಕೊಂಡು ಚೆಂದ ಹಾಡಿದ್ದಾರೆ ಎಂದಿದ್ದಾರೆ ನಿರ್ದೇಶಕ ರಂಜಿತ್ ಸುವರ್ಣ.

  • ತೆಲುಗು ಇಂಡಸ್ಟ್ರಿಗೆ ಪುನೀತ್ ಎಂಟ್ರಿ..!

    mmch in telugu

    ಪವರ್‍ಸ್ಟಾರ್ ಪುನೀತ್ ರಾಜ್‍ಕುಮಾರ್, ತೆಲುಗು ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟಿದ್ದಾರೆ. ನಟನಾಗಿ ಅಲ್ಲ, ಚಿತ್ರೋದ್ಯಮಿಯಾಗಿ. ತಮ್ಮದೇ ಆದ ಪಿಆರ್‍ಕೆ ಆಡಿಯೋ ಮೂಲಕ ತೆಲುಗು ಚಿತ್ರರಂಗದ ಬ್ಯುಸಿನೆಸ್‍ಗೆ ಎಂಟ್ರಿ ಆಗಿದ್ದಾರೆ. ಪುನೀತ್ ಈ ಬ್ಯುಸಿನೆಸ್ ಶುರುಮಾಡಿರೋದು ರಿಯಲ್ ದಂಡುಪಾಳ್ಯ ಅನ್ನೋ ಚಿತ್ರದ ಮೂಲಕ.

    ಯಾವುದಿದು ರಿಯಲ್ ದಂಡುಪಾಳ್ಯ ಅಂತಾ ಕನ್‍ಫ್ಯೂಸ್ ಆಗಬೇಡಿ. ಐವರು ನಾಯಕಿಯರನ್ನಿಟ್ಟುಕೊಂಡು ಮುಸ್ಸಂಜೆ ಮಹೇಶ್ ನಿರ್ದೇಶಿಸಿರುವ ಎಂಎಂಸಿಹೆಚ್ ಚಿತ್ರದ ತೆಲುಗು ಅವತರಣಿಕೆಯ ಹೆಸರು ರಿಯಲ್ ದಂಡುಪಾಳ್ಯ.

    ಈ ಚಿತ್ರದ ತೆಲುಗು ವರ್ಷನ್ ಆಡಿಯೋ ಹಕ್ಕುಗಳನ್ನೂ ಖರೀದಿಸುವ ಮೂಲಕ ಪುನೀತ್  ತೆಲುಗು ಇಂಡಸ್ಟ್ರಿಯಲ್ಲಿ ಬ್ಯುಸಿನೆಸ್ ಶುರು ಮಾಡಿದ್ದಾರೆ.

    ಮೇಘನಾ ರಾಜ್, ರಾಗಿಣಿ, ಸಂಯುಕ್ತ ಬೆಳವಾಡಿ, ನಕ್ಷತ್ರ, ಪ್ರಾರ್ಥನಾ ಪ್ರಕಾಶ್ ನಟಿಸಿರುವ ಚಿತ್ರ ಎಂಎಂಸಿಹೆಚ್

  • ದ.ಭಾರತದ ಮಲ್ಟಿಸ್ಟಾರ್ ಚಿತ್ರದಲ್ಲಿ ಪುನೀತ್..!

    gautham menon's muttistarrer movie

    ಪುನೀತ್ ರಾಜ್‍ಕುಮಾರ್ ಮುಂದಿನ ಸಿನಿಮಾ ಯಾವುದು..? ಲಿಸ್ಟ್ ನೋಡಿದರೆ ಉದ್ದವಾಗಿದೆ. ರಾಕ್‍ಲೈನ್ ವೆಂಕಟೇಶ್ ಬ್ಯಾನರ್‍ಗೆ ಓಕೆ ಎಂದಿರುವ ಪುನೀತ್‍ಗಾಗಿ ಇನ್ನೂ ಕೆಲವು ನಿರ್ದೇಶಕರು ಕಾಯುತ್ತಿದ್ದಾರೆ. ಪವನ್ ಒಡೆಯರ್, ಶಶಾಂಕ್ ಹಾಗೂ ಸಂತೋಷ್ ಆನಂದ್‍ರಾಮ್ ಕಥೆ ರೆಡಿಯಾಗಿಟ್ಟುಕೊಂಡು ಕ್ಯೂನಲ್ಲಿದ್ದಾರೆ. ಹೀಗಿರುವಾಗಲೇ ಕಾಲಿವುಡ್‍ನಲ್ಲಿ ಮಲ್ಟಿಸ್ಟಾರ್ ಚಿತ್ರದಲ್ಲಿ ಪುನೀತ್ ನಟಿಸಲಿದ್ದಾರೆ ಎಂಬ ಸುದ್ದಿ ಬಂದಿದೆ. ಈ ಸುದ್ದಿ ಕೊಟ್ಟಿರೋದು ಸ್ಟಾರ್ ಡೈರೆಕ್ಟರ್ ಗೌತಮ್ ಮೆನನ್.

    ಮಿನ್ನಲೆ, ಕಾಕಕಾಕ್ಕ, ರೆಹನಾ ಹೈ ತೇರಿ ದಿಲ್ ಮೆ, ವಾರನಂ ಆಯಿರಂ, ಎಟೋ ವೆಲ್ಲಿಪೋಯಿಂದಿ ಮನಸು, ಯೇ ಮಾಯೆ ಚೇಸ್ಯಾವೆ, ಎಕ್ ದಿವಾನಾ ಥಾ.. ಹೀಗೆ ಗೌತಮ್ ನಿರ್ದೇಶನದ ಹಿಟ್ ಚಿತ್ರಗಳ ಸಂಖ್ಯೆಯೂ ದೊಡ್ಡದು.

    ನಿರ್ದೇಶಕನಾಗಿಯಷ್ಟೇ ಅಲ್ಲ, ನಿರ್ಮಾಪಕನಾಗಿಯೂ ಮಿಸ್ಸಾರಾ ಕನವು, ವೆಪ್ಪಂ, ಒರು ನಾಲ್ ಇರುವಿಲ್, ಪವರ್‍ಪಾಂಡಿಯಂತ.. ವಿಭಿನ್ನ ಸಿನಿಮಾಗಳನ್ನೇ ಕೊಟ್ಟಿರುವ ಖ್ಯಾತಿ ಇವರದ್ದು. 

    ಇಂತಹ ಗೌತಮ್ ಈಗ ಮಲ್ಟಿಸ್ಟಾರ್ ಚಿತ್ರಕ್ಕೆ ಮುಂದಾಗಿದ್ದಾರೆ. ಏಕಕಾಲದಲ್ಲಿ ಕನ್ನಡ, ತೆಲುಗು, ತಮಿಳು ಹಾಗೂ ಮಲಯಾಳಂನಲ್ಲಿ ಸಿನಿಮಾ ಮಾಡಲು ಹೊರಟಿದ್ದಾರೆ. ಆ ಚಿತ್ರದಲ್ಲಿ ಕನ್ನಡದಿಂದ ಪುನೀತ್ ರಾಜ್‍ಕುಮಾರ್, ಬಾಲಿವುಡ್ ಹಾಗೂ ಕಾಲಿವುಡ್‍ಗೆ ಮಾಧವನ್, ಮಲಯಾಳಂನಿಂದ ಟುವಿನೋ ಥಾಮಸ್.. ಹೀಗೆ ಕಲಾವಿದರ ಆಯ್ಕೆಯಾಗಿದೆ. ಕಾರ್ತಿಕ್, ಸಿಂಬು ಕೂಡಾ ಚಿತ್ರದಲ್ಲಿರುತ್ತಾರೆ.

    ಸದ್ಯಕ್ಕೆ ಈ ಮಾಹಿತಿ ಹೇಳಿರುವುದ ಗೌತಮ್ ಮೆನನ್. ಪುನೀತ್ ರಾಜ್‍ಕುಮಾರ್ ಇನ್ನೂ ಏನೂ ಮಾತನಾಡಿಲ್ಲ. 

  • ದರ್ಶನ್, ಪುನೀತ್ ಎಟಿಎಂ ಕಾರ್ಡ್..!

    darshan and puneeth atm cards now

    ಅಭಿಮಾನಿಗಳು ಇರೋದೇ ಹಾಗೆ. ಪ್ರೀತಿಸಿದರೆ ಹೃದಯ ಸಿಂಹಾಸನದಲ್ಲಿ ಪಟ್ಟಾಭಿಷೇಕ ಮಾಡಿಕೊಂಡುಬಿಡ್ತಾರೆ. ಹೃದಯದಲ್ಲಿ, ಮೈಮೇಲಿನ ಟ್ಯಾಟೂಗಳಲ್ಲಿ, ಕಟೌಟುಗಳ ಮೇಲಿನ ಅಭಿಷೇಕದಲ್ಲಿ, ಹೂವಿನ ಹಾರಗಳಲ್ಲಿ, ಥಿಯೇಟರುಗಳ ಮುಂದಿನ ಸ್ಟಾರ್‍ಗಳಲ್ಲಿದ್ದ ಅಭಿಮಾನ ಈಗ ಎಟಿಎಂ ಕಾರ್ಡ್‍ಗೂ ಬಂದುಬಿಟ್ಟಿದೆ.

    ಈ ಹುಡುಗನ ಹೆಸರು ಪ್ರೀತಂ. ಪುನೀತ್ ರಾಜ್‍ಕುಮಾರ್ ಅಭಿಮಾನಿ. ಬ್ಯಾಂಕ್‍ನವರು ಎಟಿಎಂ ಕಾರ್ಡ್ ಮೇಲೆ ದೇವರ ಫೋಟೊ, ನಮ್ಮ ಫೋಟೊ ಹಾಕಿಸಿಕೊಳ್ಳುವ ಅವಕಾಶ ಕೊಟ್ಟಿದ್ದೇ ತಡ, ಪುನೀತ್ ರಾಜ್‍ಕುಮಾರ್ ಜೊತೆ ತೆಗೆಸಿಕೊಂಡ ಫೋಟೋ ಹಾಕಿಸಿಕೊಂಡಿದ್ದಾರೆ.

    ದರ್ಶನ್ ಅಭಿಮಾನಿಗಳಾದ ಮಂಜುನಾಥ್ ಮತ್ತು ಸಂತೋಷ್ ಎಂಬ ಇಬ್ಬರು ಯುವಕರೂ ಹಾಗೆ.. ಅವರ ಎಟಿಎಂ ಕಾರ್ಡ್‍ನಲ್ಲಿ ದರ್ಶನ್ ಜೊತೆ ತೆಗೆಸಿಕೊಂಡಿರುವ ಫೋಟೋ ಇದೆ. 

    ಅಭಿಮಾನಿಗಳ ಈ ಪ್ರೀತಿಗೆ ನಾನು ಯಾವತ್ತಿಗೂ ಋಣಿ ಎಂದಿದ್ದಾರೆ ಪುನೀತ್ ರಾಜ್‍ಕುಮಾರ್.

  • ದರ್ಶನ್, ಸುದೀಪ್ ಜೊತೆ ನಟಿಸಲು ಸಿದ್ಧ - ಪುನೀತ್

    ready to act with sudeep and darshan says puneeth

    ಒಳ್ಳೆಯ ಕಥೆ ಸಿಗಬೇಕು. ಇಷ್ಟವಾಗುವಂತಾದ್ದೊಂದು ಕಥೆ ಸಿಕ್ಕರೆ, ಸುದೀಪ್ ಮತ್ತು ದರ್ಶನ್ ಜೊತೆ ನಟಿಸಲು ನಾನು ರೆಡಿ. ನನಗೂ ಎಲ್ಲ ನಟರ ಜೊತೆ ನಟಿಸಬೇಕೆಂಬ ಆಸೆಯಿದೆ. ಇಂಥಾದ್ದೊಂದು ಕನಸು ಹೇಳಿಕೊಂಡಿದ್ದಾರೆ ಪುನೀತ್ ರಾಜ್‍ಕುಮಾರ್.

    ಹಬ್ಬದ ದಿನ ಇದೇ ಮೊದಲ ಬಾರಿಗೆ ಫೇಸ್‍ಬುಕ್ ಲೈವ್‍ಗೆ ಬಂದಿದ್ದ ಪುನೀತ್, ನೇರವಾಗಿ ಅಭಿಮಾನಿಗಳಿಗೇ ಇಂಥಾದ್ದೊಂದು ವಾಗ್ದಾನ ಮಾಡಿದ್ದಾರೆ. ಮುಂದಿನ ತಿಂಗಳ ಕೊನೆಯಲ್ಲಿ ಪುನೀತ್ ಕನ್ನಡ ಕಿರುತೆರೆಯಲ್ಲಿ ಪ್ರತ್ಯಕ್ಷರಾಗುತ್ತಿದ್ದಾರೆ. ಫ್ಯಾಮಿಲಿ ಪವರ್ ರಿಯಾಲಿಟಿ ಶೋ ಮೂಲಕ ಬರುತ್ತಿರುವ ಪುನೀತ್, ಆ ಶೋನಲ್ಲಿ ಕೌಟುಂಬಿಕ ಬಾಂಧವ್ಯಗಳ ಕಥೆ ಹೇಳಲಿದ್ದಾರಂತೆ.

  • ದೀಪಾವಳಿಗೆ ನಟಸಾರ್ವಭೌಮ..?

    will natasarvabhouma release on deepavali

    ಪುನೀತ್ ರಾಜ್‍ಕುಮಾರ್ ಅಭಿನಯದ ನಟಸಾರ್ವಭೌಮ ಸಿನಿಮಾ, ದೀಪಾವಳಿಗೆ ರಿಲೀಸ್ ಆಗುತ್ತಾ..? ಅಂತಾದ್ದೊಂದು ನಿರೀಕ್ಷೆ ಈಗ ಗರಿಗೆದರುತ್ತಿದೆ. ರಾಕ್‍ಲೈನ್ ವೆಂಕಟೇಶ್ ನಿರ್ಮಾಣದ ಸಿನಿಮಾದ ಕೆಲವೇ ಕೆಲವು ದೃಶ್ಯ ಹಾಗೂ ಹಾಡುಗಳ ಶೂಟಿಂಗ್ ಬಾಕಿಯಿದ್ದು, ಸೆಪ್ಟೆಂಬರ್ 18ರಿಂದ ಮತ್ತೆ ಶೂಟಿಂಗ್ ಶುರುವಾಗುತ್ತಿದೆ. ಅದು ಮುಗಿದರೆ ಕುಂಬಳಕಾಯಿ ಒಡೆದಂತೆಯೇ ಲೆಕ್ಕ. 

    ಶೂಟಿಂಗ್ ಜೊತೆ ಜೊತೆಯಲ್ಲೇ ನಿರ್ದೇಶಕ ಪವನ್ ಒಡೆಯರ್, ಪೋಸ್ಟ್ ಪ್ರೊಡಕ್ಷನ್ ಕೆಲಸದಲ್ಲೂ ತೊಡಗಿಸಿಕೊಂಡಿರೋದ್ರಿಂದ, ಶೂಟಿಂಗ್ ಮುಗಿದ ನಂತರ, ಶೀಘ್ರದಲ್ಲೇ ಸಿನಿಮಾ ತೆರೆಗೆ ಬರಲು ಸಿದ್ಧವಾಗಲಿದೆ. 

    ಪವನ್ ಒಡೆಯರ್ ಹಾಗೂ ರಾಕ್‍ಲೈನ್ ವೆಂಕಟೇಶ್ ಪ್ಲಾನ್ ಪ್ರಕಾರವೇ ಎಲ್ಲವೂ ನಡೆದರೆ, ದೀಪಾವಳಿಗೆ ನಟಸಾರ್ವಭೌಮನನ್ನು ತೆರೆಯ ಮೇಲೆ ನೋಡಬಹುದು.

  • ದುನಿಯಾ ವಿಜಿ ಜಾನಿಗೆ ಅಪ್ಪು ಹಾಡು..

    puneeth sings for johnny johnny yes papa movie

    ಅಂಜೋದಿಲ್ಲ.. ಗಿಂಜೋದಿಲ್ಲ.. ಮುಖಾಮುಖಿ ಮುಕಾಬಲ್ಲ.. ಅಡ್ರೆಸ್ ಇಲ್ಲ.. ಫೇಸ್‍ಬುಕ್ ಇಲ್ಲ.. ನನ್ನಷ್ಟು ಫೇಮಸ್ ಯಾರೂ ಇಲ್ಲ.. ಈ ಹಾಡು ಹಾಡಿರೋದು ಪವರ್‍ಸ್ಟಾರ್. ಸಿನಿಮಾ.. ಜಾನಿ ಜಾನಿ ಯೆಸ್ ಪಪ್ಪಾ. 

    ಪುನೀತ್ ರಾಜ್‍ಕುಮಾರ್, ಗಾಯಕರೂ ಹೌದು. ಹಲವು ಚಿತ್ರಗಳಿಗೆ ಹಾಡು ಹಾಡಿರುವ ಪುನೀತ್ ರಾಜ್‍ಕುಮಾರ್, ಈಗ ಇದೇ ಮೊದಲ ಬಾರಿಗೆ ದುನಿಯಾ ವಿಜಯ್ ಚಿತ್ರಕ್ಕೆ ಹಾಡು ಹಾಡಿದ್ದಾರೆ.

    ಪುನೀತ್ ಹಾಡಿರೋದು ಚಿತ್ರದ ಟೈಟಲ್ ಸಾಂಗ್. ಅಜನೀಶ್ ಲೋಕನಾಥ್ ಸಂಗೀತ ನಿರ್ದೇಶನದ ಹಾಡಿಗೆ ದುನಿಯಾ ವಿಜಿ ಹೆಜ್ಜೆ ಹಾಕಿದ್ದಾರೆ. ಪ್ರೀತಮ್ ಗುಬ್ಬಿ ನಿರ್ದೇಶನದ ಚಿತ್ರದಲ್ಲಿ ರಚಿತಾ ರಾಮ್ ಹೊಸ ಪದ್ಮಾವತಿಯಾಗಿ ಕಾಣಿಸಿಕೊಂಡಿದ್ದು, ಗ್ಲಾಮರ್ ಲುಕ್‍ನಲ್ಲಿ ಕಂಗೊಳಿಸಿದ್ದಾರೆ.

  • ದೇವತಾಮನುಷ್ಯ, ರುಸ್ತುಂ ಚಿತ್ರಗಳಿಗೆ ಮುಹೂರ್ತ

    puneeth shivanna's new movie launched today

    ಡಾ.ರಾಜ್‍ಕುಮಾರ್ ಹುಟ್ಟುಹಬ್ಬ, ಕನ್ನಡಿಗರ ಪಾಲಿಗೆ ಹಬ್ಬ. ಈ ವಿಶೇಷ ಹಬ್ಬದ ದಿನ ಅಣ್ಣಾವ್ರ ಮಕ್ಕಳ ಚಿತ್ರ ಸೆಟ್ಟೇರದಿದ್ದರೆ ಹೇಗೆ..? ಈ ಬಾರಿಯೂ ಶಿವರಾಜ್‍ಕುಮಾರ್ ಹಾಗೂ ಪುನೀತ್ ರಾಜ್‍ಕುಮಾರ್ ಅಭಿನಯದ ಚಿತ್ರಗಳು ಸೆಟ್ಟೇರುತ್ತಿವೆ.

    ಸಂತೋಷ್ ಆನಂದ್‍ರಾಮ್ ನಿರ್ದೇಶನದ ದೇವತಾಮನುಷ್ಯ ಚಿತ್ರಕ್ಕೆ ಇಂದು ಮುಹೂರ್ತ. ಅಂದಹಾಗೆ ದೇವತಾಮನುಷ್ಯ ಅನ್ನೋ ಟೈಟಲ್ ಇನ್ನೂ ಫೈನಲ್ ಆಗಿಲ್ಲ. ಅದೇ ಟೈಟಲ್‍ನ್ನು ಚಿತ್ರಕ್ಕೆ ಇಡಬಹುದು ಎಂಬ ನಿರೀಕ್ಷೆ ಇದೆ.

    ಇನ್ನು ಶಿವರಾಜ್‍ಕುಮಾರ್ ಅಭಿನಯದ ಸಾಹಸ ನಿರ್ದೇಶಕ ರವಿವರ್ಮ ನಿರ್ದೇಶನದ ರುಸ್ತುಂ ಚಿತ್ರಕ್ಕೂ ರಾಜ್ ಹುಟ್ಟುಹಬ್ಬದ ದಿನವೇ ಮುಹೂರ್ತ. ಶ್ರದ್ಧಾ ಶ್ರೀನಾಥ್, ಶಿವರಾಜ್‍ಕುಮಾರ್‍ಗೆ ನಾಯಕಿ. ಮಯೂರಿ, ಶಿವಣ್ಣನ ತಂಗಿಯಾಗಿ ನಟಿಸುತ್ತಿದ್ದಾರೆ.

  • ನಟ ಸಾರ್ವಭೌಮನಿಗೆ ಇನ್ನೊಬ್ಬ ಹೀರೋಯಿನ್

    pavan wodeyar in search of new heroine

    ಪುನೀತ್ ರಾಜ್‍ಕುಮಾರ್ ಅಭಿನಯದ ನಟಸಾರ್ವಭೌಮ ಚಿತ್ರಕ್ಕೆ ಹೊಸ ನಾಯಕಿ ಆಯ್ಕೆಯಾಗಲಿದ್ದಾರೆ. ಕೆಲವೇ ದಿನಗಳಲ್ಲಿ ಹೊಸ ನಾಯಕಿಯ ಹೆಸರು ಫೈನಲ್ ಮಾಡಲಿದ್ದೇವೆ. ಹೀಗೆಂದು ನಿರ್ದೇಶಕ ಪವನ್ ಒಡೆಯರ್ ಹೇಳಿದ್ದಾರೆ. ಹಾಗಾದರೆ ರಚಿತಾ ರಾಮ್..?

    ಅಭಿಮಾನಿಗಳೇ.. ಡೋಂಟ್‍ವರಿ.. ಡಿಂಪಲ್ ಕ್ವೀನ್ ನಟಸಾರ್ವಭೌಮನ ನಾಯಕಿ. ಚಿತ್ರಕ್ಕೆ ಇನ್ನೊಬ್ಬ ನಾಯಕಿಯ ಪಾತ್ರದ ಅವಶ್ಯಕತೆ ಇದೆ. ಅದು ಕಥೆಗೆ ತಿರುವು ನೀಡುವಂತಹ ಪಾತ್ರ. ಆ ಪಾತ್ರಕ್ಕಾಗಿ ಅಂದರೆ 2ನೇ ನಾಯಕಿಗಾಗಿ ಪವನ್ ಒಡೆಯರ್ ಹುಡುಕಾಟ ಶುರು ಮಾಡಿದ್ದಾರೆ. ಶೀಘ್ರದಲ್ಲೇ 2ನೇ ನಾಯಕಿಯ ಆಯ್ಕೆ ಮುಗಿಯಲಿದೆ. 

  • ನಟಸಾರ್ವಭೌಮ ಯಾವ ರೀತಿಯ ಸಿನಿಮಾ..?

    natasarvabhouma photo generates curiosity

    ನಟ ಸಾರ್ವಭೌಮ ಸಿನಿಮಾದ ಕಥೆ ಏನು..? ಕೌಟುಂಬಿಕ ಕಥಾ ಹಂದರದ ಚಿತ್ರವಾ..? ಇಬ್ಬರು ನಾಯಕಿಯರಿದ್ದಾರೆ, ತ್ರಿಕೋನ ಪ್ರೇಮಕಥೆಯಾ..? ಚಿತ್ರದ ಕಥಾನಾಯಕ ಫೋಟೋಗ್ರಾಫರ್. ಹಾಗಾದರೆ, ಮೀಡಿಯಾ ಸ್ಟೋರಿನಾ..? ಹೀಗೆ ಹಲವಾರು ಪ್ರಶ್ನೆ ಹುಟ್ಟಿ ಹಾಕಿದೆ ನಟಸಾರ್ವಭೌಮ. ಆ ಕುತೂಹಲಕ್ಕೆ ಇನ್ನೊಂದು ಸೇರ್ಪಡೆ ಇದು, ಈ ಫೋಟೋ.

    ನಟಸಾರ್ವಭೌಮ ಚಿತ್ರದ ಶೂಟಿಂಗ್ ಸೆಟ್‍ನಿಂದ ಹೊರಬಂದಿರುವ ಈ ಫೋಟೋ, ಬಾದಾಮಿಯಲ್ಲಿ ನಡೆದ ಚಿತ್ರೀಕರಣದ ವೇಳೆ ಪುನೀತ್  ಪೂಜೆಯಲ್ಲಿ ತೊಡಗಿಸಿಕೊಂಡಿರುವ ಒಂದು ಫೋಟೋ.  

    ಹೀಗೆ ಹಲವು ಅಂಶಗಳು ಇದು ಯಾವ ರೀತಿಯ ಸಿನಿಮಾ ಇರಬಹುದು ಎಂಬ ಕುತೂಹಲ ಸೃಷ್ಟಿಸಿವೆ. 

    ಪವನ್ ಒಡೆಯರ್ ನಿರ್ದೇಶನದ ಚಿತ್ರದಲ್ಲಿ ರಚಿತಾ ರಾಮ್ ನಾಯಕಿಯಾಗಿದ್ದರೆ, ಬಿ.ಸರೋಜಾದೇವಿ ಹಲವು ವರ್ಷಗಳ ನಂತರ ಈ ಚಿತ್ರದಲ್ಲಿ ಬಣ್ಣ ಹಚ್ಚಿದ್ದಾರೆ. ಬಾಹುಬಲಿಯ ಕಾಲಕೇಯ ಖ್ಯಾತಿಯ ಪ್ರಭಾಕರ್ ಕೂಡಾ ಚಿತ್ರದಲ್ಲಿದ್ದಾರೆ. ರಾಕ್‍ಲೈನ್ ವೆಂಕಟೇಶ್ ನಿರ್ಮಾಣದ ಈ ಸಿನಿಮಾ ಅಂತಿಮ ಹಂತದ ಚಿತ್ರೀಕರಣದಲ್ಲಿದೆ.

  • ನಟಸಾರ್ವಭೌಮನ ಜೊತೆ ಚಿಕ್ಕಣ್ಣ, ಕಿರಿಕ್ ರಘು ಡ್ಯಾನ್ಸ್

    natasarvabhouma shoots a party song

    ಪುನೀತ್ ರಾಜ್‍ಕುಮಾರ್ ಅಭಿನಯದ ನಟಸಾರ್ವಭೌಮ ಚಿತ್ರಕ್ಕೆ ಜಾನಿ ಮಾಸ್ಟರ್ ನೃತ್ಯ ನಿರ್ದೇಶನ ಮಾಡುತ್ತಿರುವುದೇ ಸೆನ್ಸೇಷನ್ ಸೃಷ್ಟಿಸಿದೆ. ಹಾಡಿನ ಚಿತ್ರೀಕರಣವೂ ಈಗಾಗಲೇ ನಡೆದಿದ್ದು, ಪುನೀತ್ ಹೆಜ್ಜೆ ಹಾಕಿರೋದು ಪಾರ್ಟಿ ಸಾಂಗ್‍ಗಂತೆ. ಯೋಗರಾಜ್ ಭಟ್ಟರ ಸಾಹಿತ್ಯಕ್ಕೆ ಡಿಫರೆಂಟ್ ಸ್ಟೆಪ್ಸ್ ಕೊಟ್ಟಿರೊದು ಜಾನಿ ಮಾಸ್ಟರ್. ರಾಜಕುಮಾರ ಚಿತ್ರದಲ್ಲಿ ಅಪ್ಪು ಡ್ಯಾನ್ಸ್ ಡ್ಯಾನ್ಸ್.. ನೃತ್ಯ ಚಿಕ್ಕಮಕ್ಕಳಿಂದ ಹಿಡಿದು ವಯೋವೃದ್ಧರವರೆಗೆ ಎಲ್ಲರನ್ನೂ ಥ್ರಿಲ್ಲಾಗಿಸಿತ್ತು. ಅದಕ್ಕಿಂತ ವಿಭಿನ್ನವಾದ ಸ್ಟೆಪ್ಸ್ ಹಾಕಿಸಿದ್ದಾರೆ ಎಂದು ಖುಷಿಯಾಗಿದ್ದಾರೆ ನಿರ್ದೇಶಕ ಪವನ್ ಒಡೆಯರ್.

    ಪಾರ್ಟಿ ಸಾಂಗ್‍ನಲ್ಲಿ ಪುನೀತ್ ಜೊತೆ ಚಿಕ್ಕಣ್ಣ, ಕಿರಿಕ್ ಪಾರ್ಟಿ ಖ್ಯಾತಿಯ ರಘು ಕೂಡಾ ಹೆಜ್ಜೆ ಹಾಕಿರೋದು ವಿಶೇಷ. ರಾಕ್‍ಲೈನ್ ವೆಂಕಟೇಶ್ ನಿರ್ಮಾಣದ ಚಿತ್ರದಲ್ಲಿ ರಚಿತಾ ರಾಮ್, ಅನುಪಮಾ ನಾಯಕಿಯರು. ಬಿ.ಸರೋಜಾದೇವಿ ಬಹಳ ವರ್ಷಗಳ ನಂತರ ಬಣ್ಣ ಹಚ್ಚುತ್ತಿರುವುದು ನಟಸಾರ್ವಭೌಮನ ಸ್ಪೆಷಲ್.

The Terrorist Movie Gallery

Thayige Thakka Maga Movie Gallery