` puneeth rajkumar, - chitraloka.com | Kannada Movie News, Reviews | Image

puneeth rajkumar,

  • ಅಪ್ಪು, ಸುದೀಪ್ ಶೋ ಒಟ್ಟೊಟ್ಟಿಗೇ ಬರ್ತಾರೆ

    sudeep puneeth during rajakumara successmeet

    ಮೊನ್ನೆ ಮೊನ್ನೆಯಷ್ಟೇ ಪುನೀತ್ ಮತ್ತು ಸುದೀಪ್ ಒಟ್ಟಿಗೇ ಕಿರುತೆರೆ ಶೋವೊಂದರಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂದು ಇದೇ ಚಿತ್ರಲೋಕದಲ್ಲಿ ಓದಿದ್ದಿರಿ. ಅದು ಈಗ ನಿಜವಾಗುತ್ತಿದೆ. ಆದರೆ, ಇಬ್ಬರೂ ಬೇರೆ ಬೇರೆ ರಿಯಾಲಿಟಿ ಶೋಗಳಲ್ಲಿ ಹೋಸ್ಟ್ ಆಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಇಬ್ಬರೂ ಬಿಗ್ ಸ್ಟಾರ್‍ಗಳನ್ನು ಒಂದುಗೂಡಿಸಿರುವುದು ಕಲರ್ಸ್ ಸೂಪರ್ ಕನ್ನಡ ಚಾನೆಲ್.

    ಇದೇ ತಿಂಗಳು ಬಿಗ್‍ಬಾಸ್ 5ನೇ ಆವೃತ್ತಿ ಶುರುವಾಗುತ್ತಿದೆ. ಈ ಕಾರ್ಯಕ್ರಮವನ್ನು ನಡೆಸಿಕೊಡೋದು ಕಿಚ್ಚ ಸುದೀಪ್. ಇದೇ ತಿಂಗಳು ಪುನೀತ್ ರಾಜ್‍ಕುಮಾರ್ ಶೋ ಕೂಡಾ ಶುರುವಾಗಲಿದೆ. ಭಾರತದ ಜಿಇಸಿ ವಾಹಿನಿ(ಮನರಂಜನವಾ ವಾಹಿನಿ(ಗಳಲ್ಲಿ ಇದೇ ಮೊದಲ ಬಾರಿಗೆ ಭಾರತದ ಟಾಪ್ 10ನಲ್ಲಿ ಕಾಣಿಸಿಕೊಂಡಿರುವ ಕಲರ್ಸ್ ಕನ್ನಡ, ಈಗ ಇಬ್ಬರು ದೊಡ್ಡ ಸ್ಟಾರ್‍ಗಳನ್ನು ಒಟ್ಟಿಗೇ ಕಾಣಿಸಿಕೊಳ್ಳುವಂತೆ ಮಾಡಿದೆ.

    Relayed Articles :-

    ಫ್ಯಾಮಿಲಿ ಶೋ ನಡೆಸಿಕೊಡ್ತಾರೆ ಪುನೀತ್

  • ಕನ್ನಡ ಚಿತ್ರರಂಗದ ಹಬ್ಬವಾಯ್ತು ರಾಜಕುಮಾರನ ಸಂಭ್ರಮ - ತಾರೆಯರ ಸಮಾಗಮ

    rajakumara 100 days function

    ಕನ್ನಡ ಚಿತ್ರರಂಗದ ಹಬ್ಬವಾಯ್ತು ರಾಜಕುಮಾರನ ಸಂಭ್ರಮ - ತಾರೆಯರ ಸಮಾಗಮ ಬಹುಶಃ ಇಂಥಾದ್ದೊಂದು ಸಂಭ್ರಮ ನಡೆದು ಯಾವ ಕಾಲವಾಗಿತ್ತೋ. ಚಿತ್ರವೊಂದರ ಶತದಿನೋತ್ಸವ ಸಮಾರಂಭದಲ್ಲಿ ಚಿತ್ರರಂಗದ ತಾರೆಯರೆಲ್ಲ ಒಂದಾಗಿ ಸೇರುವುದು, ಶುಭ ಹಾರೈಸುವುದು

    ನಿಜಕ್ಕೂ ಅತ್ಯುತ್ತಮ ಬೆಳವಣಿಗೆ. ಆ ಸಮಾರಂಭದಲ್ಲಿ ಎಲ್ಲರೂ ಇದ್ದರು. ಶಿವರಾಜ್ ಕುಮಾರ್, ರಾಘವೇಂದ್ರ ರಾಜ್ಕುಮಾರ್ ಸುದೀಪ್, ಯಶ್, ಜಗ್ಗೇಶ್, ಶ್ರೀಮುರಳಿ, ಫಿಲ್ಮ್ ಚೇಂಬರ್ ಅಧ್ಯಕ್ಷ ಸಾ.ರಾ. ಗೋವಿಂದು...ಹೀಗೆ ಹೆಚ್ಚೂ ಕಡಿಮೆ ಇಡೀ ಚಿತ್ರರಂಗದ ಸಮಾಗಮವಾಗಿತ್ತು.

    ಇನ್ನು ಸಂಭ್ರಮದಲ್ಲಿ ಪಾಲ್ಗೊಂಡಿದ್ದ ಕಲಾವಿದರು ಹೇಳಿದ ಮಾತುಗಳು ಚೇತೋಹಾರಿಯಾಗಿದ್ದವು. ಸುದೀಪ್ಗೆ ಖುಷಿ ಕೊಟ್ಟಿದ್ದು ಚಿತ್ರದಲ್ಲಿನ  ಅಪ್ಪು ಡ್ಯಾನ್ಸ್. ನಮಗೆ ಅದೆಲ್ಲ ಬರೋಲ್ಲ. ಬಿಡುವಾದಾಗ ಪುನೀತ್ ಬಳಿ ಡ್ಯಾನ್ಸ್ ಹೇಳಿಸಿಕೊಳ್ತೇನೆ ಎಂದರು. ಅಪ್ಪು ನಾಚಿ ನೀರಾದರು. ಬೊಂಬೆ ಹೇಳುತೈತೆ ಹಾಡನ್ನೂ ಹಾಡಿದರು. ಸುದೀಪ್ ಮತ್ತು ಪುನೀತ್ ವೇದಿಕೆ ಮೇಲೆ ಸ್ಟೆಪ್ಪು ಹಾಕಿದರು. ಬೊಂಬೆ ಹೇಳುತೈತೆ ಹಾಡು ಹೇಳುತ್ತ ಶಿವಣ್ಣ, ತಮ್ಮನನ್ನು ಅಪ್ಪಿಕೊಂಡು ಖುಷಿಪಟ್ಟರು. ಜಗ್ಗೇಶ್ ವೇದಿಕೆಯಲ್ಲಿದ್ದವರ ಖುಷಿಗೆ ಒಗ್ಗರಣೆ ಹಾಕಿದರು.

    ಇದು ಕನ್ನಡಿಗರ ಗೆಲುವು ಎನ್ನುವ ಮೂಲಕ ಚಿತ್ರದ ಯಶಸ್ಸನ್ನು ಇನ್ನೂ ಮೇಲ್ಮಟ್ಟಕ್ಕೆ ಏರಿಸಿದ್ದು ನಟ ಯಶ್.ಒಟ್ಟಿನಲ್ಲಿ ರಾಜಕುಮಾರನ ಸಂಭ್ರಮದ ವೇದಿಕೆ ಅಕ್ಷರಶಃ ಚಿತ್ರರಂಗದ ಹಬ್ಬವಾಗಿತ್ತು.ಚಿತ್ರದ ಲಾಭದಲ್ಲಿನ ಪಾಲನ್ನು ತಂತ್ರಜ್ಞರಿಗೆ ಹಂಚಿದ ನಿರ್ಮಾಪಕ ಕಾರ್ತಿಕ್ ಗೌಡ, ಎಲ್ಲರ ಮೆಚ್ಚುಗೆ ಗಳಿಸಿದರು.

  • ಪುನೀತ್ ಹೊಸ ಚಿತ್ರ - ನಿರ್ದೇಶನ ಶಶಾಂಕ್, ನಿರ್ಮಾಪಕ ಪುನೀತ್ ರಾಜ್‍ಕುಮಾರ್ 

    puneeth rajkumar to produce

    ಪುನೀತ್ ರಾಜ್‍ಕುಮಾರ್ ಆಂಜನಿಪುತ್ರದ ಶೂಟಿಂಗ್ ಮುಗಿಸಿದ ನಂತರ ರಾಕ್‍ಲೈನ್ ನಿರ್ಮಾಣದ ಚಿತ್ರದಲ್ಲಿ ತೊಡಗಿಸಿಕೊಳ್ಳುತ್ತಿದ್ದಾರೆ. ಆ ಚಿತ್ರ ಮುಗಿದ ನಂತರ ಪುನೀತ್ ತಮ್ಮದೇ ಬ್ಯಾನರ್‍ನಲ್ಲಿ ಹೊಸ ಚಿತ್ರ ಕೈಗೆತ್ತಿಕೊಳ್ಳುತ್ತಿದ್ದಾರೆ. ನಿರ್ದೇಶಕ ಶಶಾಂಕ್.

    ಮೊಗ್ಗಿನ ಮನಸ್ಸು, ಕೃಷ್ಣನ್ ಲವ್ ಸ್ಟೋರಿ, ಕೃಷ್ಣ ಲೀಲೆ, ಬಚ್ಚನ್, ಮುಂಗಾರು ಮಳೆ-2.. ಹೀಗೆ ಡಿಫರೆಂಟ್ ಸಿನಿಮಾಗಳ ಮೂಲಕ ಸ್ಟಾರ್ ಡೈರೆಕ್ಟರ್ ಆಗಿರುವ ಶಶಾಂಕ್‍ಗೆ, ಪುನೀತ್ ಜೊತೆ ಇದು ಮೊದಲ ಚಿತ್ರ. 

    ಪಿಆರ್‍ಕೆ ಬ್ಯಾನರ್‍ನಲ್ಲಿ ನಿರ್ಮಾಣವಾಗುವ ಈ ಚಿತ್ರ ಜನವರಿಯಲ್ಲಿ ಸೆಟ್ಟೇರುವ ಸಾಧ್ಯತೆ ಇದೆ. 

    ಪಿಆರ್‍ಕೆ ಬ್ಯಾನರ್‍ನಲ್ಲಿ ಈಗಾಗಲೇ ಬೇರೆಯವರಿಗೆ ಅವಕಾಶ ಕೊಡಲಾಗಿದೆ. ಈ ಬ್ಯಾನರ್‍ನಲ್ಲಿ ನಿರ್ಮಾಣವಾಗುತ್ತಿರುವ ಮೊದಲ ಚಿತ್ರ ಕವಲುದಾರಿ. ಆಲಮೇಲಮ್ಮ ಖ್ಯಾತಿಯ ರಿಷಿ ಆ ಚಿತ್ರದ ನಾಯಕ. ಎರಡನೇ ಚಿತ್ರಕ್ಕೆ ಶಶಾಂಕ್ ನಿರ್ದೇಶರಾಗುತ್ತಿದ್ದಾರೆ.

    Related Articles :-

    Puneeth To Team Up With Shashank For A New Film

  • ಮುಜಾ ಟಾಕೀಸ್‍ನಲ್ಲಿ ಮೊತ್ತಮೊದಲ ಬಾರಿಗೆ ಪುನೀತ್ ರಾಜ್‍ಕುಮಾರ್

    puneeth rajkumar in maja talkies

    ಕನ್ನಡ ಕಿರುತೆರೆಯ ಕಾಮಿಡಿ ರಿಯಾಲಿಟಿ ಷೋನಲ್ಲಿ ಮಜಾ ಟಾಕೀಸ್‍ಗೆ ಬೇರೆಯದ್ದೇ ಸ್ಥಾನವಿದೆ. 200 ಎಪಿಸೋಡ್ ದಾಟಿ ಮುನ್ನುಗ್ಗುತ್ತಿರುವ ಈ ಕಾಮಿಡಿ ಶೋಗೆ ಚಿತ್ರರಂಗದ ಸ್ಟಾರ್‍ಗಳೆಲ್ಲ ಬಂದು ಹೋಗಿದ್ದಾರೆ. ಆದರೆ, ಇದುವರೆಗೆ ಮಜಾ ಟಾಕೀಸ್‍ನಲ್ಲಿ ಪುನೀತ್ ರಾಜ್‍ಕುಮಾರ್ ಎಂಟ್ರಿ ಕೊಟ್ಟಿರಲಿಲ್ಲ.

    ಸೃಜನ್ ಲೋಕೇಶ್ ನಡೆಸಿಕೊಡುವ ಮಜಾ ಟಾಕೀಸ್‍ನಲ್ಲಿ ಇದೇ ಮೊದಲ ಬಾರಿಗೆ ಪುನೀತ್ ರಾಜ್‍ಕುಮಾರ್ ಕಾಣಿಸಿಕೊಂಡಿದ್ದಾರೆ. ಅದು ರಾಜಕುಮಾರ ಸಕ್ಸಸ್ ಹಿನ್ನೆಲೆಯಲ್ಲಿ. 

    ರಾಜಕುಮಾರ ಚಿತ್ರ 50 ದಿನ ಪೂರೈಸಿದಾಗಲೇ ಮಜಾ ಟಾಕೀಸ್‍ಗೆ ಪುನೀತ್ ಎಂಟ್ರಿ ಕೊಟ್ಟಿದ್ದರು. ಕಾರ್ಯಕ್ರಮ ಶೂಟಿಂಗ್ ಕೂಡಾ ಆಗಿತ್ತು. ಆದರೆ, ಪುನೀತ್ ಭಾಗವಹಿಸಿರುವ ಕಾರ್ಯಕ್ರಮವನ್ನು ವಿಶೇಷ ದಿನದಂದೇ ಪ್ರಸಾರ ಮಾಡಬೇಕು ಎಂದು ನಿರ್ಧರಿಸಿದ್ದ ಕಾಯಕ್ರಮ ನಿರ್ಮಾಪಕರು, ಈಗ ರಾಜಕುಮಾರ ಚಿತ್ರದ ಶತದಿನೋತ್ಸವ ದಿನದಂದು ಡೇಟ್ ಫಿಕ್ಸ್ ಮಾಡಿದ್ದಾರೆ.

    ಕಾರ್ಯಕ್ರಮದ ವಿಶೇಷತೆಗಳೇನು ಗೊತ್ತಾ..?

    ಜುಲೈ 1ರಂದು ರಾಜಕುಮಾರ ಚಿತ್ರ 100 ದಿನ ಪೂರೈಸಲಿದೆ. ಅದೇ ದಿನ ಈ ಕಾರ್ಯಕ್ರಮ ಪ್ರಸಾರವಾಗಲಿದೆ.

    ಇದು ಮಜಾ ಟಾಕೀಸ್ ಸರಣಿಯ 250ನೇ ಎಪಿಸೋಡ್

    ಈ ಕಾರ್ಯಕ್ರಮದಲ್ಲಿ ಅಪ್ಪು ಪುಟ್ಟ ಮಕ್ಕಳೊಂದಿಗೆ ಡ್ಯಾನ್ಸ್ ಮಾಡಿರೋದು ವಿಶೇಷ.

  • ಶಾಸಕನ ಪುತ್ರನ ದಾಂಧಲೆ - ವಿದ್ವತ್‍ಗೆ ಪುನೀತ್ ರಾಜ್‍ಕುಮಾರ್ ಸಾಂತ್ವನ

    puneeth meets vidvath

    ಶಾಂತಿನಗರ ಕ್ಷೇತ್ರದ ಕಾಂಗ್ರೆಸ್ ಶಾಸಕ ಹ್ಯಾರಿಸ್‍ರ ಪುತ್ರ ಮಹಮ್ಮದ್ ನಲಪ್ಪಾಡ್‍ನ ದಾದಾಗಿರಿ, ಇಡೀ ರಾಜ್ಯವನ್ನು ಬೆಚ್ಚಿಬೀಳಿಸಿದೆ. ನಲಪ್ಪಾಡ್‍ನ ರೌಡಿಸಂ ಆರ್ಭಟಕ್ಕೆ, ವಿದ್ವತ್ ಎಂಬ ಹುಡುಗನ ಎದೆ ಮೂಳೆಗಳು ಮುರಿದಿವೆ. ದವಡೆಯ ಎಲುಬುಗಳು ನಲುಗಿವೆ. ಮೂರು ದಿನ ಕಳೆದರೂ ಐಸಿಯುನಿಂದ ಹೊರಬಂದಿಲ್ಲ ವಿದ್ವತ್. ಇನ್ನೂ ಒಂದು ವಾರ ವಿದ್ವತ್ ಐಸಿಯುನಲ್ಲೇ ಇರಬೇಕೆಂದು ಹೇಳಿದ್ದಾರೆ ವೈದ್ಯರು. ಹೀಗೆ ಹೊಡೆತ ತಿಂದು ಆಸ್ಪತ್ರೆಯಲ್ಲಿ ಮಲಗಿರುವ ವಿದ್ವತ್‍ಗೆ ಸಾಂತ್ವನ ಹೇಳಲು ಹೋದವರು ಪುನೀತ್ ರಾಜ್‍ಕುಮಾರ್.

    ಅಂದಹಾಗೆ ನಲಪ್ಪಾಡ್‍ನ ಗೂಂಡಾಗಿರಿಗೆ ಏಟು ತಿಂದು ರಕ್ತದ ಮಡುವಿನಲ್ಲಿ ಬಿದ್ದವನನ್ನು ಆಸ್ಪತ್ರೆಗೆ ಸೇರಿಸಿದ್ದವರು ಗುರು ರಾಜ್‍ಕುಮಾರ್. ಪುನೀತ್ ಅವರ ಅಣ್ಣ ರಾಘವೇಂದ್ರ ರಾಜ್‍ಕುಮಾರ್ ಅವರ 2ನೇ ಮಗ. ಗುರು ಮತ್ತು ವಿದ್ವತ್ ಬಾಲ್ಯ ಸ್ನೇಹಿತರು. ಚಿಕ್ಕಂದಿನಿಂದ ಒಟ್ಟಿಗೇ ಬೆಳೆದಿದ್ದವರು ಸಹಜವಾಗಿಯೇ ವಿದ್ವತ್, ಪುನೀತ್ ಅವರಿಗೆ ಚಿರಪರಿಚಿತ. 

    ವಿದ್ವತ್‍ನನ್ನು ಆಸ್ಪತ್ರೆಯಲ್ಲಿ ನೋಡಿಬಂದ ಪುನೀತ್ ಭಾವುಕರಾಗಿದ್ದುದು ಸುಳ್ಳಲ್ಲ. ಇಂತಹ ಘಟನೆ ನಡೆಯಬಾರದಿತ್ತು. ತಪ್ಪಿತಸ್ಥರ ವಿರುದ್ಧ ಕ್ರಮ ಕೈಗೊಳ್ಳಬೇಕು. ವಿದ್ವತ್ ನನ್ನ ತಮ್ಮ ಅಥವಾ ಮಗನಿದ್ದ ಹಾಗೆ ಎಂದರು ಪುನೀತ್ ರಾಜ್‍ಕುಮಾರ್.

    ಇನ್ನು ಜೀವದ ಗೆಳೆಯ ವಿದ್ವತ್ ಮೇಲೆ ನಡೆದ ಹಲ್ಲೆ, ಗುರು ರಾಜ್‍ಕುಮಾರ್ ಅವರನ್ನೂ ಕೆರಳಿಸಿದೆ. ಜಸ್ಟಿಸ್ ಫಾರ್ ವಿದ್ವತ್ ಎಂಬ ಅಭಿಯಾನ ಆರಂಭಿಸಿದ್ದಾರೆ ಗುರು ರಾಜ್‍ಕುಮಾರ್. ವಿದ್ವತ್ ಜೊತೆಗಿನ ಪುಟ್ಟ ಮಕ್ಕಳಾಗಿದ್ದಾಗಿನ ಫೋಟೋವೊಂದನ್ನು ಹಾಕಿಕೊಂಡಿದ್ದಾರೆ. 

    ಇನ್ನೊಂದು ವಿಷಯವೇನೆಂದರೆ, ವಿದ್ವತ್ ಅಂಗವಿಕಲರೇನಲ್ಲ. ಆದರೆ, ಅವರ ಒಂದು ಕಾಲು ಸೊಟ್ಟಗಿದ್ದು, ಸರಿಯಾಗಿ ಕೂರಲು ಸಾಧ್ಯವಾಗುವುದಿಲ್ಲ. ಹೀಗಾಗಿಯೇ ಹೋಟೆಲ್‍ನಲ್ಲಿ ಅವರ ಕಾಲು ತಾಗಿತು ಎಂದು ನಲಪ್ಪಾಡ್ ಅಬ್ಬರಿಸಿರುವುದು. ವಿದ್ವತ್ ಎರಡು ಬಾರಿ ಕ್ಷಮೆ ಕೇಳಿದರೂ ಬಿಡದೆ ಹೊಡೆದಿರುವುದು. ವಿದ್ವತ್‍ಗೆ ನ್ಯಾಯ ಸಿಗಬೇಕಿದೆ.

  • ಸಾವಿರ ಸಿನಿಮಾ ಸರದಾರ ಹೊನ್ನವಳ್ಳಿ ಕೃಷ್ಣ

    honnavall krishna is now the king of 1000 films

    ಹೊನ್ನವಳ್ಳಿ ಕೃಷ್ಣ ಅಭಿನಯದ ಮೊದಲ ಚಿತ್ರ ನ್ಯಾಯವೇ ದೇವರು. 1000ನೇ ಚಿತ್ರ ಭೂತಯ್ಯನ ಮಗ ಅಯ್ಯು. ಆ ಚಿತ್ರದ ಆಡಿಯೋ ಬಿಡುಗಡೆ ಸಮಾರಂಭಕ್ಕೆ ಕಳೆ ತಂದವರು ಪುನೀತ್ ರಾಜ್​ಕುಮಾರ್. ಅದಕ್ಕೆ ಕಾರಣ,  ಹೊನ್ನವಳ್ಳಿ ಮೇಲಿನ ಪ್ರೀತಿ. ಪುನೀತ್​ರನ್ನು ಚಿಕ್ಕ ಹುಡುಗನಾಗಿದ್ದಾಗ ಹೆಗಲ ಮೇಲೆ ಹೊತ್ತು ಬೆಳೆಸಿದ್ದವರು ಹೊನ್ನವಳ್ಳಿ ಕೃಷ್ಣ. ಗುರು, ಗಾರ್ಡಿಯನ್ ಎಲ್ಲವೂ ಆಗಿದ್ದ ಹೊನ್ನವಳ್ಳಿ ಕೃಷ್ಣ ಅವರ ಬಗ್ಗೆ ಪುನೀತ್ ಇಂದಿಗೂ ಅದೇ ಪ್ರೀತಿ ಇಟ್ಟುಕೊಂಡಿರುವುದು ವಿಶೇಷ. 

    ನನಗೆ ಗೊತ್ತಿರೋದು ಬಣ್ಣದ ಬದುಕು. ನಾನು ಈಗಲೂ ನಿರ್ದೇಶಕರು, ನಿರ್ಮಾಪಕರ ಬಳಿ ಚಾನ್ಸ್‌ ಕೇಳುತ್ತೇನೆ. ಈಗಲೂ ನಿನಗೆ ಚಾನ್ಸ್‌ ಕೊಡಬೇಕೇ? ಎನ್ನುತ್ತಾರೆ. ಆದರೆ, ನಾನು ಸಿನಿಮಾ ವಿದ್ಯಾರ್ಥಿ. ನಟನೆ ಮೂಲಕ ಕಲಿಯುತ್ತಲೇ ಇದ್ದೇನೆ ಅಂತಾರೆ ಹೊನ್ನವಳ್ಳಿ ಕೃಷ್ಣ. 

    ವರನಟ ರಾಜ್‌ಕುಮಾರ್, ಅಂಬರೀಷ್‌, ಶಿವರಾಜ್‌ಕುಮಾರ್, ರಾಘವೇಂದ್ರ ರಾಜ್‌ಕುಮಾರ್‌, ಪುನೀತ್‌ ರಾಜ್‌ಕುಮಾರ್‌, ಜಗ್ಗೇಶ್‌ ಸೇರಿದಂತೆ ಹೊಸಪೀಳಿಗೆಯ ಕಲಾವಿದರ ಸಿನಿಮಾಗಳಲ್ಲಿಯೂ ನಟಿಸಿರುವುದು ಅವರ ಹೆಗ್ಗಳಿಕೆ. ಗಜಪತಿ ಗರ್ವಭಂಗ, ಮುತ್ತಣ್ಣ, ಶ್ರತಿ, ಗಣೇಶನ ಮದುವೆ.. ಹೀಗೆ ನೆನಪಿನಲ್ಲುಳಿಯುವ ಪಾತ್ರಗಳಿವೆ. 

    ಪುನೀತ್​ಗೋಸ್ಕರ ಸಹ ನಿರ್ದೇಶನ ಮಾಡುತ್ತಿದೆ. ಶಿವ ಮೆಚ್ಚಿದ ಕಣ್ಣಪ್ಪ ಚಿತ್ರದ ನಂತರ ಅದನ್ನು ಬಿಟ್ಟುಬಿಟ್ಟೆ ಎಂದು ನೆನಪಿಸಿಕೊಳ್ಳುವ ಹೊನ್ನವಳ್ಳಿ, 40ಕ್ಕೂ ಹೆಚ್ಚು ಚಿತ್ರಗಳಿಗೆ ಸಹ ನಿರ್ದೇಶನ ಮಾಡಿದ್ಧಾರೆ. ಆದರೆ, ನಿರ್ದೇಶನದ ಅವಕಾಶ ಸಿಕ್ಕಿಲ್ಲ.

    ನನಗೆ ಒಂದು ಸಾವಿರ ಸಿನಿಮಾಗಳಲ್ಲಿ ನಟಿಸಿದ್ದೇನೆಂಬ ಅಹಂ ಇಲ್ಲ. ಕಲಾವಿದರಿಗೆ ವೃತ್ತಿಯಲ್ಲಿ ನಯ, ವಿನಯ ಇರಬೇಕು. ಆಗ ಮಾತ್ರವೇ ಉನ್ನತಮಟ್ಟಕ್ಕೇರಲು ಸಾಧ್ಯ. ಅದನ್ನು ನಾನು ರಾಜ್​ರಿಂದ ಕಲಿತೆ ಎಂದು ಸ್ಮರಿಸಿಕೊಳ್ಳುವ ಹೊನ್ನವಳ್ಳಿ ಕೃಷ್ಣ, ಗಾಂಧಿನಗರಕ್ಕೆ ಬಂದಿದ್ದೇ ರಾಜ್ ಅವರನ್ನು ಕಣ್ತುಂಬಾ ನೋಡುವ ಸಲುವಾಗಿ. ಆಮೇಲೆ ಅವರ ಮನೆ ಮಗನಂತೆಯೇ ಆಗಿ ಹೋದರು ಹೊನ್ನವಳ್ಳಿ ಕೃಷ್ಣ.

    45 ವರ್ಷಗಳಿಂದ ಚಿತ್ರರಂಗದಲ್ಲಿರುವ ಹೊನ್ನವಳ್ಳಿ ಕೃಷ್ಣ, ಭೂತಯ್ಯನ ಮಗ ಅಯ್ಯು ಚಿತ್ರದಲ್ಲಿ ನಟಿಸಿದ್ದಾರೆ. ವಿಷ್ಣುವರ್ಧನ್, ಲೋಕೇಸ್, ಎಂ.ಪಿ. ಶಂಕರ್ ಹಾಗೂ ಸಿದ್ಧಲಿಂಗಯ್ಯ ಜೋಡಿಯ ಹಳೆಯ ಭೂತಯ್ಯನ ಮಗ ಅಯ್ಯು ಚಿತ್ರಕ್ಕೂ, ಈ ಚಿತ್ರಕ್ಕೂ ಯಾವುದೇ ಸಂಬಂಧ ಇಲ್ಲ. ಹೆಸರೊಂದನ್ನು ಹೊರತುಪಡಿಸಿ.

    ಭೂತಯ್ಯನ ಮಗು ಅಯ್ಯು, ಹೊನ್ನವಳ್ಳಿ ಕೃಷ್ಣ ಅವರಿಗೆ ಸ್ಮರಣೀಯ ಚಿತ್ರವಾಗಲಿ.

  • #ರಚಿತಾಬೇಡ ಅಭಿಯಾನ.. ನೈಜ ಅಭಿಮಾನಿಗಳದ್ದಲ್ಲ..!

    rachitha campaign is not from real puneeth fans

    ಪವರ್ ಸ್ಟಾರ್ ಪುನೀತ್ ರಾಜ್‍ಕುಮಾರ್ ಅಭಿನಯದ ನಟಸಾರ್ವಭೌಮ ಚಿತ್ರಕ್ಕೆ ರಚಿತಾ ರಾಮ್ ನಾಯಕಿಯಾದಾಗ, ಪುನೀತ್ ಅಭಿಮಾನಿಗಳು ನಿಜಕ್ಕೂ ಖುಷಿಗೊಂಡಿದ್ದರು. ಕನ್ನಡ ಚಿತ್ರರಂಗದ ಸ್ಟಾರ್‍ಗಳ ಹೀರೋಯಿನ್ ಎಂದೇ ಹೆಸರುವಾಸಿಯಾಗಿರುವ ರಚಿತಾಗೆ ಇದು ಅಪ್ಪು ಜೊತೆ ಎರಡನೇ ಸಿನಿಮಾ. ಚಕ್ರವ್ಯೂಹ ಚಿತ್ರದಲ್ಲಿ ಇದೇ ಜೋಡಿ ಮಾಡಿತ್ತು. 

    ಆದರೆ, ಪ್ರಿಯಾಂಕಾ ಜಾಗಕ್ಕೆ ರಚಿತಾ ರಾಮ್ ಬಂದಾಗ, ಆನ್‍ಲೈನ್‍ನಲ್ಲಿ ಒಂದು ಅಭಿಯಾನ ಶುರುವಾಯಿತು. ಪುನೀತ್ ಅಭಿಮಾನಿಗಳು ಎಂದು ಹೇಳಿಕೊಂಡ ಕೆಲವರು #ರಚಿತಾಬೇಡ ಎಂಬ ಅಭಿಯಾನವನ್ನೇ ನಡೆಸಿದರು. ಚಿತ್ರಲೋಕ ಈ ಬಗ್ಗೆ ವರದಿ ಮಾಡಿ, ಅದರ ನಂತರ ಸುದ್ದಿಯ ಬೆನ್ನು ಹತ್ತಿದಾಗ ಗೊತ್ತಾಗಿದ್ದೇ ಬೇರೆ.

    ಪುನೀತ್ ರಾಜ್‍ಕುಮಾರ್, ತಮ್ಮ ಅಭಿಮಾನಿಗಳ ಜೊತೆ ನಿರಂತರ ಸಂಪರ್ಕದಲ್ಲಿರುತ್ತಾರೆ. ಆದರೆ, ಅವರ್ಯಾರೂ ಈ ಬಗ್ಗೆ ಪುನೀತ್ ಬಳಿ ಪ್ರಸ್ತಾಪ ಮಾಡಿಲ್ಲ. ನಿಜವಾದ ಪುನೀತ್ ರಾಜ್‍ಕುಮಾರ್ ಅಭಿಮಾನಿಗಳು ಅಪ್ಪು-ರಚಿತಾ ಜೋಡಿಗೆ ನಿಜಕ್ಕೂ ಖುಷಿಯಾಗಿದ್ದಾರೆ. ಆದರೆ, ಕೆಲವರು ಪುನೀತ್ ಅಭಿಮಾನಿಗಳ ಹೆಸರಲ್ಲಿ ಈ ಫೇಕ್ ಅಭಿಯಾನ ಶುರು ಮಾಡಿದ್ದು ಯಾಕೆ..? ಅದಕ್ಕೆ ಉತ್ತರವೇ ಸಿಗುತ್ತಿಲ್ಲ.

    ಇನ್ನು ರಚಿತಾ ರಾಮ್, ಪುನೀತ್ ಬಗ್ಗೆ ಅತ್ಯಂತ ಗೌರವದಿಂದ ನಡೆದುಕೊಳ್ಳುವ ನಟಿ. ಇದು ಇಡೀ ಚಿತ್ರೋದ್ಯಮಕ್ಕೇ ಗೊತ್ತಿರುವ ವಿಷಯ. ಹಾಗಾದರೆ, ಇದು ಫೇಕ್ ಅಭಿಯಾನವಾ..? ಪುನೀತ್ ರಾಜ್‍ಕುಮಾರ್ ಅವರ ನಿಜವಾದ ಅಭಿಮಾನಿಗಳ್ಯಾರೂ ಈ ರೀತಿ ನಡೆದುಕೊಂಡಿಲ್ಲ. ಆದರೆ, ಈ ಅಭಿಯಾನ ಒಂದಿಷ್ಟು ತಳಮಳ ಸೃಷ್ಟಿಸಿದ್ದಂತೂ ಸತ್ಯ.

    ಪುನೀತ್ ರಾಜ್‍ಕುಮಾರ್ ಆಗಲೀ, ನಿರ್ಮಾಪಕ ರಾಕ್‍ಲೈನ್ ವೆಂಕಟೇಶ್ ಆಗಲೀ, ನಿರ್ದೇಶಕ ಪವನ್ ಒಡೆಯರ್ ಆಗಲೀ.. ಯಾರೂ ಈ ಅಭಿಯಾನವನ್ನು ಗಂಭೀರವಾಗಿ ಪರಿಗಣಿಸಿಲ್ಲ. 

    ಅಭಿಮಾನಿಗಳ ಹೆಸರಲ್ಲಿ ಇಂತಹ ಅತಿರೇಕಗಳು ಚಿತ್ರರಂಗಕ್ಕೆ ಹೊಸದೇನಲ್ಲ. ಆದರೆ, ಅತಿರೇಕದ ಅಭಿಮಾನ ಪ್ರದರ್ಶನದಿಂದ ಚಿತ್ರರಂಗಕ್ಕೆ ಒಳಿತಾಗುವುದಕ್ಕಿಂತ ಹೆಚ್ಚಾಗಿ ಕೆಡುಕೇ ಹೆಚ್ಚು. ನಿಜವಾದ ಅಭಿಮಾನಿಗಳು ಇದನ್ನು ಅರ್ಥ ಮಾಡಿಕೊಂಡಿದ್ದಾರೆ. ನಟಸಾರ್ವಭೌಮ ಚಿತ್ರ ಯಶಸ್ವಿಯಾಗಲಿ ಎಂದು ಹಾರೈಸಿದ್ದಾರೆ.

    Related Articles :-

    ಪುನೀತ್ ಜೊತೆ #ರಚಿತಾಬೇಡ. ಅಭಿಮಾನಿಗಳ ಅಭಿಯಾನ..

  • 'Kannadada Kotyadipathi' on June 22nd

    kannada kotyadipathi on june 23rd

    The hugely popular reality programme 'Kannadada Kotyadipathi' is all set to be launched in the Colors Kannada channel from the 22nd of June. The programme will be aired in the channel on Saturday and Sundays at 8 PM.

    'Kannadada Kotyadipathi' was launched seven years back in Suvarna and the first two seasons were hosted by Puneeth Rajakumar. However, the third edition was hosted by Ramesh Aravind. Now Puneeth is back to host the show once again after a gap of five years.

    'Kannadada Kotyadipathi' is adapted from the iconic global format 'Who Wants To Be A Millionaire'.

  • 'Kavalu Daari' Audio Release On March 5th

    kavalu daari audio release on march 5th

    Rishi starrer 'Kavalu Daari' is complete and the film is likely to be released in the end of March. Meanwhile, the audio release is scheduled on the 05th of March. The songs of the film is being released through PRK Audio.

    'Kavalu Daari' is a thriller and is being directed by Hemanth Rao of 'Godhi Banna Sadharana Maikattu' fame. Hemanth  himself has written the story and screenplay for the film. Ananth Nag, Avinash, Achyuth Kumar, Suman Ranganath plays prominent roles in the film.

    The film is being produced by Ashwini Puneeth Rajakumar under the PRK Productions banner. Charan Raj is the music director, while Advaitha Gurumurthy is the cameraman.

  • 'Kavalu Daari' Audio Released

    kavaludaari audio released

    The first song of Rishi starrer 'Kavalu Daari' sung by Sanchith Hegde was released on Monday evening. Puneeth Rajakumar, Raghavendra Rajakumar, Ananth Nag, music composer Charan Raj and others were present at the occasion.

    The songs of the film is being released through PRK Audio and the rest of four songs will be released on every Monday from next week onwards. 

    'Kavalu Daari' is a thriller and is being directed by Hemanth Rao of 'Godhi Banna Sadharana Maikattu' fame. Rishi, Ananth Nag, Avinash, Achyuth Kumar, Suman Ranganath plays prominent roles in the film. The film is being produced by Ashwini Puneeth Rajakumar under the PRK Productions banner.

Geetha Movie Gallery

Adhyaksha In America Audio Release Images