` meghana raj - chitraloka.com | Kannada Movie News, Reviews | Image

meghana raj

  • ಮೇಘನಾ ರಾಜ್ ಈಗ ಒಂಟಿ

    meghana raj is now onti

    ಮದುವೆಯಾಗಿ, ಕೆಲವು ತಿಂಗಳು ಆರಾಮಾಗಿದ್ದ ಬಳಿಕ ಮೇಘನಾ ರಾಜ್ ಸಿಕ್ಕಾಪಟ್ಟೆ ಬ್ಯುಸಿಯಾಗುತ್ತಿದ್ದಾರೆ. ಒಂದರ ಹಿಂದೊಂದು ಪಾತ್ರಗಳನ್ನು ಒಪ್ಪಿಕೊಳ್ಳುತ್ತಿದ್ದಾರೆ. ಅವರೀಗ ಒಂಟಿಯಾಗಿದ್ದಾರೆ.

    ಒರಟ ಐ ಲವ್ ಯೂ ಸಿನಿಮಾದ ಬಳಿಕ ನಿರ್ದೇಶಕ ಶ್ರೀ ನಿರ್ದೇಶಿಸುತ್ತಿರುವ ಚಿತ್ರವಿದು. ಸಿನಿಮಾದಲ್ಲಿ ಮೇಘನಾ, ಕಾಲೇಜು ಹುಡುಗಿಯಾಗಿ ಕಾಣಿಸಿಕೊಂಡಿದ್ದಾರೆ. ಕಾಲೇಜು ಹುಡುಗಿಯ ಪಾತ್ರವಾದರೂ ಡಿಫರೆಂಟ್ ಲುಕ್, ಗೆಟಪ್ ನನಗಿದೆ ಎನ್ನುತ್ತಾರೆ ಈಗಲೂ ಸ್ವೀಟ್ ಸಿಕ್ಸ್‍ಟೀನ್‍ರಂತೆಯೇ ಕಾಣುವ ಮೇಘನಾ.

    ಈ ಸಂಜೆ ಚಿತ್ರದ ಹೀರೋ ಆರ್ಯ ಕಥಾ ನಾಯಕ. ಭೂಗತ ಜಗತ್ತು, ಲವ್ ಸ್ಟೋರಿ ಎಲ್ಲವೂ ಇರುವ ಮಾಸ್ & ಕ್ಲಾಸ್ ಸಿನಿಮಾ ಎನ್ನುವುದು ನಿರ್ದೇಶಕರ ಭರವಸೆ.

  • ಮೇಘನಾ ರಾಜ್ ಕನಸು ಕುರುಕ್ಷೇತ್ರದಲ್ಲಿ ನನಸಾಯ್ತು..!!

    meghana raj's dreams come true with kurukshetra

    ಕನ್ನಡ ಮತ್ತು ಮಲಯಾಳಂನಲ್ಲಿ ಹಲವು ಚಿತ್ರಗಳಲ್ಲಿ ನಟಿಸಿರುವ ಮೇಘನಾ ರಾಜ್, ಆರಂಭದಲ್ಲಿ ಸುಂದರ್ ರಾಜ್-ಪ್ರಮೀಳಾ ಜೋಷಾಯ್ ಮಗಳಾಗಿ ಗುರುತಿಸಿಕೊಂಡರೂ, ಕೆಲವೇ ದಿನಗಳಲ್ಲಿ ಸುಂದರ್ ರಾಜ್-ಪ್ರಮೀಳಾ ಜೋಷಾಯ್.. ಮೇಘನಾ ರಾಜ್ ತಂದೆ ತಾಯಿಯಂತೆ ಎನ್ನುವಷ್ಟರ ಮಟ್ಟಿಗೆ ಬೆಳೆದವರು. ಅದು ಮೇಘನಾ ರಾಜ್ ಪ್ರತಿಭೆಗೆ ಸಾಕ್ಷಿ. ಹೀಗಿದ್ದರೂ ಮೇಘನಾ ರಾಜ್ ಅವರಿಗೆ ದರ್ಶನ್ ಜೊತೆ ನಟಿಸುವ ಕನಸಿತ್ತಂತೆ.

    ದರ್ಶನ್ ಜೊತೆ ನಟಿಸಬೇಕು ಎನ್ನುವುದು ನನ್ನ ಕನಸಾಗಿತ್ತು. ಆದರೆ, ಈಡೇರಿರಲೇ ಇಲ್ಲ. ಕುರುಕ್ಷೇತ್ರದಲ್ಲಿ ಭಾನುಮತಿಯ ಆಫರ್ ಬಂದಾಗ ಥ್ರಿಲ್ಲಾಗಿದ್ದೆ ಎನ್ನುವ ಮೇಘನಾಗೆ ಕುರುಕ್ಷೇತ್ರ ಹಲವು ಪ್ರಥಮಗಳ ಸಿನಿಮಾ.

    ಮೊದಲ ಪೌರಾಣಿಕ ಚಿತ್ರ, ಮೊದಲ 3ಡಿ ಸಿನಿಮಾ, ಸೆಟ್ಟಿನಲ್ಲಿಯೇ ಚಿತ್ರೀಕರಿಸಲ್ಪಟ್ಟ ಮೊದಲ ಸಿನಿಮಾ, ಮಾವ ಅರ್ಜುನ್ ಸರ್ಜಾ ಜೊತೆಯಲ್ಲೂ ಮೊದಲನೇ ಸಿನಿಮಾ ಮತ್ತು ದರ್ಶನ್ ಜೊತೆ ಮೊದಲ ಸಿನಿಮಾ. 

    ಮೊದಲ ದಿನವೇ ಅರ್ಜುನ್ ಸರ್ಜಾ ಮತ್ತು ದರ್ಶನ್ ಎದುರು ನಟಿಸುವ ದೃಶ್ಯ, ಜೊತೆಗೆ ದೊಡ್ಡ ಡೈಲಾಗು.. ನರ್ವಸ್ ಆಗಿದ್ದೆ ಎಂದು ಹೇಳಿಕೊಂಡಿದ್ದಾರೆ ಮೇಘನಾ ರಾಜ್.

    ಕುರುಕ್ಷೇತ್ರದಲ್ಲಿ ಮೇಘನಾ ರಾಜ್ ಭಾನುಮತಿ ಪಾತ್ರದಲ್ಲಿ ನಟಿಸಿದ್ದು, ಚಾರುತಂತಿ ಹಾಡು ಹಿಟ್ ಆಗಿದೆ.  ಇಡೀ ಚಿತ್ರತಂಡದಲ್ಲಿ ನಾನೇ ಚಿಕ್ಕವಳು. ಜೊತೆಯಲ್ಲಿದ್ದವರೆಲ್ಲ ದಿಗ್ಗಜರು. ಹೀಗಾಗಿ ಸೆಟ್‍ಗೆ ಹೋಗುವಾಗ ಒಂದು ಭಯ ಇರುತ್ತಿತ್ತು ಎಂದಿದ್ದಾರೆ ಮೇಘನಾ.

     

  • ಮೇಘನಾ ರಾಜ್`ಗೆ ಸಿದ್ದರಾಮಯ್ಯ ಸೊಸೆ ಸಾಂತ್ವನ

    ex cm siddaramaiah's daughter in law visits meghana raj

    ಪತಿಯನ್ನು ಕಳೆದುಕೊಂಡ ದುಃಖದಲ್ಲಿರುವ ಮೇಘನಾ ರಾಜ್ ಅವರಿಗೆ ಹಲವರು ಸಾಂತ್ವನ ಹೇಳಿದ್ದಾರೆ. ಸಿದ್ದರಾಮಯ್ಯನವರ ಸೊಸೆ ಕೂಡಾ ಮೇಘನಾ ಅವರ ಮನೆಗೆ ತೆರಳಿ ಸುಮಾರು 3 ಗಂಟೆಗಳ ಕಾಲ ಅವರ ಜೊತೆ ಕಳೆದಿದ್ದಾರೆ. ಸಾಂತ್ವನ ಹೇಳಿರುವುದು ಸಿದ್ದರಾಮಯ್ಯನವರ ಹಿರಿಯ ಮಗ ದಿವಂಗತ ರಾಕೇಶ್ ಅವರ ಪತ್ನಿ ಸ್ಮಿತಾ ರಾಕೇಶ್. ಪತಿಯನ್ನು ಕಳೆದುಕೊಂಡವರ ದುಃಖ, ಪತಿಯನ್ನು ಕಳೆದುಕೊಂಡವರಿಗೆ ಇನ್ನೂ ಹೆಚ್ಚು ಅರ್ಥವಾಗುತ್ತದೆ.. ಅಲ್ಲವೇ..

    ಸ್ಮಿತಾ ರಾಕೇಶ್, ಮೇಘನಾ ರಾಜ್ ಕುಟುಂಬದ ಒಳ್ಳೆಯ ಒಡನಾಟ ಇಟ್ಟುಕೊಂಡಿದ್ದವರು. ಸ್ಮಿತಾ ಅವರೊಂದಿಗೆ ನಟ ಒಳ್ಳೆ ಹುಡ್ಗ ಪ್ರಥಮ್ ಕೂಡಾ ಮೇಘನಾ ಅವರ ಮನೆಗೆ ತೆರಳಿದ್ದರು.

  • ಮೇಘನಾ ಸರ್ಜಾ 6 ತಿಂಗಳ ಗರ್ಭಿಣಿ 

    meghana raj 6 months pregnan

    ಮೇಘನಾ ರಾಜ್, ಚಿರಂಜೀವಿ ಸರ್ಜಾ ಅವರನ್ನು ಮದುವೆಯಾಗಿ 2 ವರ್ಷವಾಗಿತ್ತು. ಅವರದ್ದು ಲವ್ ಮ್ಯಾರೇಜ್. ಎರಡೂ ಕುಟುಂಬಗಳ ಜೊತೆ ಸ್ನೇಹ ಸಂಬಂಧವೂ ಉತ್ತಮವಾಗಿತ್ತು. ಹೀಗಾಗಿ ಮಕ್ಕಳ ಪ್ರೀತಿಗೆ ಅಡ್ಡಿ ಬರಲಿಲ್ಲ. ಪ್ರೀತಿಗೆ ಮದುವೆಯ ಮುದ್ರೆ ಬಿದ್ದಿತ್ತು.

    ಅವರ ದಾಂಪತ್ಯವೂ ಚೆನ್ನಾಗಿತ್ತು. ಮೇಘನಾ ರಾಜ್ ಈಗ 6 ತಿಂಗಳ ಗರ್ಭಿಣಿ. ಇತ್ತೀಚೆಗೆ ಪತ್ನಿಯ ಸೀಮಂತವನ್ನು ಹೇಗೆ ಮಾಡಬೇಕು ಎಂದು ಮನೆಯವರ ಜೊತೆ ಚರ್ಚೆ ಮಾಡಿಕೊಂಡಿದ್ದ ಚಿರು, ಅದನ್ನು ಬಹಿರಂಗ ಪಡಿಸಲು ಕಾಯುತ್ತಿದ್ದರು. ಮನೆಯವರಿಗೆ ಹಾಗೂ ಚಿತ್ರರಂಗದ ಕೆಲವೇ ಕೆಲವು ಆತ್ಮೀಯರಿಗೆ ಮಾತ್ರವೇ ಮೇಘನಾ ರಾಜ್ ಗರ್ಭಿಣಿ ಎಂಬ ವಿಷಯ ಗೊತ್ತಿತ್ತು. 

    ಈಗ ಪುಟ್ಟ ಕಂದನನ್ನು ನೋಡುವ ಮುನ್ನವೇ ಚಿರು ಇನ್ನಿಲ್ಲವಾಗಿದ್ದಾರೆ. ಮತ್ತೆ ಹುಟ್ಟಿ ಬಾ ಚಿರು..

  • ಮೇಘನಾ-ಚಿರು 10 ವರ್ಷದ ಲವ್ ಸ್ಟೋರಿ

    meghana reveals her 10 years love story

    ನಮ್ಮಿಬ್ಬರ ಪ್ರೀತಿ ವಿಚಾರ ಹೇಳೋವಾಗ ತಡವಾಯ್ತು. ಆದರೆ ಬೇಜಾರೇನಿಲ್ಲ. ಸಂಬಂಧ ಮುಚ್ಚಿಡುವ ಅವಶ್ಯಕತೆಯೆನೂ ಇರಲಿಲ್ಲ. ಅದನ್ನು ಜನರಿಗೆ ಹೇಳುವ ಸಂದರ್ಭ ಕೂಡಿ ಬಂದಿರಲಿಲ್ಲ ಅಷ್ಟೆ. ಹೀಗೆ ಹೆಳುತ್ತಾ ಮತ್ತು ಚಿರು ನಡುವಿನ 10 ವರ್ಷದ ಪ್ರೇಮಕಥೆ ಬಿಚ್ಚಿಟ್ಟಿದ್ದಾರೆ ಮೇಘನಾ. 

    ಅವರಿಬ್ಬರ ಪರಿಚಯವಾಗಿದ್ದು ಯಾವುದೋ ಕಾರ್ಯಕ್ರಮದಲ್ಲಿ. ಅಮ್ಮನೇ ಪರಿಚಯ ಮಾಡಿಸಿದರು. ಚಿರಂಜೀವಿ ಸರ್ಜಾ ನೋಡೋಕೆ ರಫ್ ಅಷ್ಟೆ. ನಾಚಿಕೆ ಸ್ವಭಾವದ ಕರುಣಾಮಯಿ. ಹೀಗಾಗಿಯೇ ಚಿರು ಇಷ್ಟವಾದರು ಎನ್ನುತ್ತಾರೆ ಮೇಘನಾ. ನಿಶ್ಚಿತಾರ್ಥದ ವಿಚಾರವನ್ನು ತಂದೆ ಮುಚ್ಚಿಟ್ಟಿದ್ದಕ್ಕೆ ಕಾರಣ, ಅದು ನಮ್ಮ ಖಾಸಗಿ ವಿಷಯ ಎಂಬುದಷ್ಟೆ.  ಅಲ್ಲದೆ ಆ ವಿಷಯವನ್ನು ಚಿರಂಜೀವಿ ಹುಟ್ಟುಹಬ್ಬದ ದಿನವೇ ಅನೌನ್ಸ್ ಮಾಡಬೇಕು ಎಂದು ನಿರ್ಧರಿಸಿದ್ದೆವು. ಇದರ ಹೊರತಾಗಿ ಬೇರೆ ಯಾವ ಕಾರಣವೂ ಇಲ್ಲ. ಇಷ್ಟನ್ನೂ ಹೇಳಿಕೊಂಡಿರುವ ಮೇಘನಾ, ಮದುವೆ ಯಾವಾಗ ಅನ್ನೋದು ಫಿಕ್ಸ್ ಆಗಿಲ್ಲ ಎಂದಿದ್ದಾರೆ.

    ನನ್ನದು ಕೋಪದ ಸ್ವಭಾವ. ನನಗೆ ವಿರುದ್ಧವಾದ ವ್ಯಕ್ತಿತ್ವ ಚಿರಂಜೀವಿಯದ್ದು. ಅವರು ಸಿಟ್ಟು ಮಾಡಿಕೊಳ್ಳಲ್ಲ ಎಂದು ಚಿರಂಜೀವಿ ವ್ಯಕ್ತಿತ್ವ ಹೊಗಳುವ ಮೇಘನಾಗೆ, ತನ್ನ ತಾಯಿ ಹುಷಾರಿಲ್ಲದಿದ್ದಾಗ, 200 ಕಿ.ಮೀ. ಡ್ರೈವ್ ಮಾಡಿಕೊಂಡು ಬಂದು ನನ್ನ ಜೊತೆ ಇದ್ದ ಚಿರಂಜೀವಿ ಬಗ್ಗೆ ವಿಶೇಷ ಅಕ್ಕರೆಯೂ ಇದೆ. 

    ಮದುವೆ ಯಾವಾಗ ಅಂತಾ ತಲೆ ಕೆಡಿಸಿಕೊಂಡ್ರೆ ಸೌಂದರ್ಯ ಹಾಳಾಗುತ್ತೆ. ಅದನ್ನೆಲ್ಲ ಹಿರಿಯರಿಗೆ ಬಿಟ್ಟಿದ್ದೇವೆ ಎಂದು ನಗುವ ಮೇಘನಾ, ಎಂಜೇಜ್‍ಮೆಂಟ್‍ಗೆ ರೆಡಿಯಾಗುತ್ತಿದ್ದಾರೆ.

    Related Articles :-

    ಮೇಘನಾಗೂ ನಂಗೂ ಮದ್ವೆ ಗ್ಯಾರಂಟಿ - ಚಿರಂಜೀವಿ

    Chiru Confirms His Engagement With Meghana Raj

    ಅ.22ಕ್ಕೆ ಚಿರು-ಮೇಘನಾ ನಿಶ್ಚಿತಾರ್ಥ

    ಚಿರು ಮೇಘನಾ ಮದ್ವೆಯಂತೆ..! ನಿಜಾನಾ..?

     

  • ಮೇಘನಾ-ಚಿರು ಮೊದಲ ಮದುವೆ ಆಯ್ತು..!

    chiranjeevi meghana first wedding completed

    ಮೇಘನಾ ರಾಜ್ ಮತ್ತು ಚಿರಂಜೀವಿ ಸರ್ಜಾ ಅವರ ಮೊದಲ ಮದುವೆ ನೆರವೇರಿದೆ. ಕ್ರೈಸ್ತ ಸಂಪ್ರದಾಯದಂತೆ ಚಿರು ಮತ್ತು ಮೇಘನಾ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಇನ್ನು ಮೇ 2ರಂದು ಹಿಂದೂ ಸಂಪ್ರದಾಯದಂತೆ ಮತ್ತೊಮ್ಮೆ ಶಾಸ್ತ್ರೋಕ್ತವಾಗಿ ವಿವಾಹವಾಗಲಿದ್ದಾರೆ.

    ಕೋರಮಂಗಲದಲ್ಲಿರುವ ಸೆಂಟ್ ಆಂಥೋನಿ ಫ್ರೈರಿ ಚರ್ಚ್‍ನಲ್ಲಿ ಫಾದರ್ ಪ್ರವೀಣ್ ಕುಮಾರ್, ವಿವಾಹ ವಿಧಿ ನೆರವೇರಿಸಿಕೊಟ್ಟರು. ಕ್ರೈಸ್ತ ಸಂಪ್ರದಾಯದಂತೆ ಮೇಘನಾ ಶ್ವೇತಧಾರಿಣಿಯಾಗಿದ್ದರೆ, ಚಿರು ನೀಲಿ ಸೂಟ್‍ನಲ್ಲಿದ್ದರು. ಉಂಗುರ ಬದಲಾಯಿಸಿಕೊಂಡ ನಂತರ, ವಿವಾಹದ ನೋಂದಣಿಯನ್ನು ಮಾಡಿಕೊಳ್ಳಲಾಯ್ತು. ಬೈಬಲ್ ಮುಟ್ಟಿ ಪ್ರಮಾಣ ಸ್ವೀಕರಿಸಿ, ಉಂಗುರ ಬದಲಾಯಿಸಿ ಕೊಂಡರು.

    ಚಿರಂಜೀವಿ ಪರವಾಗಿ ಅರ್ಜುನ್ ಸರ್ಜಾ, ಆಶಾ ರಾಣಿ, ಧ್ರುವ ಸರ್ಜಾ ಸಹಿ ಹಾಕಿದರೆ, ಮೇಘನಾ ಅವರ ಪರವಾಗಿ ಸಂತೋಷ್ ಕೋಷಿ, ಸೋಫಿಯಾ ಕೋಷಿ ಸಹಿ ಹಾಕಿದರು. ಕಲಾವಿದರಾದ ತಾರಾ, ಪ್ರಜ್ವಲ್ ದೇವರಾಜ್ ನವವಧುವರರಿಗೆ ಶುಭ ಹಾರೈಸಿದ್ರು.

    ಮೇಘನಾ ಅವರ ತಾಯಿ ಪ್ರಮೀಳಾ ಜೋಷಾಯ್ ಕ್ಯಾಥೊಲಿಕ್ ಕ್ರೈಸ್ತರಾಗಿದ್ದರೆ, ಸುಂದರ್ ರಾಜ್ ಅಯ್ಯಂಗಾರ್ ಬ್ರಾಹ್ಮಣರು. ಮೇ 2ರಂದು ಅಯ್ಯಂಗಾರ್ ಸಂಪ್ರದಾಯದಂತೆ ಶಾಸ್ತ್ರೋಕ್ರವಾಗಿ ಮದುವೆ ನಡೆಯಲಿದೆ.

  • ಮೇಘನಾ-ಚಿರುಗೆ ಎರಡೆರಡು ಮದುವೆ..! 

    chiranjeeivi meghana raj to tie knot in two traditions

    ಚಿರಂಜೀವಿ ಸರ್ಜಾ ಮತ್ತು ಮೇಘನಾ ರಾಜ್ ಸಪ್ತಪದಿ ತುಳಿಯುತ್ತಿದ್ದಾರೆ. ಮದುವೆ ಇರೋದು ಮೇ 2ನೇ ತಾರೀಕು. ಮೇಘನಾ ಅವರ ತಂದೆ ಸುಂದರ್ ರಾಜ್ ಹಿಂದೂ. ತಾಯಿ ಪ್ರಮೀಳಾ ಜೋಷಾಯ್ ಕ್ಯಾಥೊಲಿಕ್ ಕ್ರಿಶ್ಚಿಯನ್. ಹೀಗಾಗಿ ಎರಡೂ ಸಂಪ್ರದಾಯಗಳಲ್ಲಿ ಮದುವೆ ನಡೆಯಲಿದೆ.

    ಮೇಘನಾ ಮನೆಯಲ್ಲಿ ಈಗಾಗಲೇ ಅರಿಶಿಣ ಮತ್ತು ಚಪ್ಪರ ಶಾಸ್ತ್ರ ಮುಗಿದಿದೆ. ನಾಳೆ ಅಂದರೆ 27ನೇ ತಾರೀಕು ಚಿರಂಜೀವಿ ಸರ್ಜಾ ಮನೆಯಲ್ಲಿ ಚಪ್ಪರ ಶಾಸ್ತ್ರ. ಇದಾದ ಮೇಲೆ ಮದುವೆ.

    ಏಪ್ರಿಲ್ 29ನೇ ತಾರೀಕು ಅಂದ್ರೆ ಭಾನುವಾರ ಕೋರಮಂಗಲದ ಚರ್ಚ್‍ನಲ್ಲಿ ಚಿರಂಜೀವಿ ಸರ್ಜಾ ಮತ್ತು ಮೇಘನಾ ರಾಜ್ ಮದುವೆಯಾಗಲಿದ್ದಾರೆ. ಅದು ಕ್ರೈಸ್ತ ಸಂಪ್ರದಾಯದಂತೆ. ಭಾನುವಾರ ಸಂಜೆ 4 ಗಂಟೆಗೆ ಸೆಂಟ್ ಬೆಸಲಿಕಾ ಥೀಮ್‍ನಲ್ಲಿ ನಡೆಯುವ  ಕಾರ್ಯಕ್ರಮಕ್ಕೆ ಬಂಧುಗಳು ಹಾಗೂ ಆಪ್ತರಿಗಷ್ಟೇ ಆಹ್ವಾನ ನೀಡಲಾಗಿದೆ.

    ಇದಾದ ಮೇಲೆ ಏಪ್ರಿಲ್ 30ನೇ ತಾರೀಕು ಸಂಗೀತ್ ಕಾರ್ಯಕ್ರಮ ಇದೆ. ಅದಾದ ಮೇಲೆ ಮೇ 1ಕ್ಕೆ ವರಪೂಜೆ. ಮೇ 2ಕ್ಕೆ ಮದುವೆ. ಬೆಳಗ್ಗೆ 10.30ರ ಮುಹೂರ್ತದಲ್ಲಿ ಮೇಘನಾಗೆ ಚಿರು ಮಾಂಗಲ್ಯ ಧಾರಣೆ ಮಾಡಲಿದ್ದಾರೆ. ಅದು 2ನೇ ಮದುವೆ.

  • ಮೇಘನಾಗೂ ನಂಗೂ ಮದ್ವೆ ಗ್ಯಾರಂಟಿ - ಚಿರಂಜೀವಿ

    meghana chiru engagement confirmed

    ಮೇಘನಾ ರಾಜ್ ಹಾಗೂ ಚಿರಂಜೀವಿ ಸರ್ಜಾಗೆ ಎಂಗೇಜ್‍ಮೆಂಟ್ ಫಿಕ್ಸ್ ಆಗಿದೆ ಎಂದು ಸುದ್ದಿಯಾದಾಗ, ನ್ಯೂಸ್ ಚಾನೆಲ್ಲುಗಳಲ್ಲಿ ಸ್ವತಃ ಮಾತನಾಡಿದ್ದ ಚಿರಂಜೀವಿ ಸರ್ಜಾ, ಮದುವೆಯ ಸುದ್ದಿ ನಿರಾಕರಿಸಿದ್ದರು. ಮೇಘನಾ ಸೈಲೆಂಟ್ ಆಗಿದ್ದುಬಿಟ್ಟಿದ್ದರು. ಸುಂದರ್‍ರಾಜ್-ಪ್ರಮೀಳಾ ಜೋಷಾಯ್ ಕೂಡಾ ಮದುವೆ ಸುದ್ದಿ ಒಪ್ಪಿಕೊಂಡಿರಲಿಲ್ಲ. 

    ಆದರೆ, ಈಗ ಚಿರಂಜೀವಿ ಸರ್ಜಾ ಅವರೇ ತಾನು ಮತ್ತು ಮೇಘನಾ ಮದುವೆಯಾಗುತ್ತಿರುವುದು ನಿಜ ಎಂದು ಒಪ್ಪಿಕೊಂಡಿದ್ದಾರೆ. ಹುಟ್ಟುಹಬ್ಬ ಆಚರಿಸಿಕೊಂಡ ಚಿರಂಜೀವಿ ಸರ್ಜಾರ, 22ಕ್ಕೆ ನಿಶ್ಚಿತಾರ್ಥ, ಆದರೆ, ಮದುವೆ ಡೇಟ್ ಫಿಕ್ಸ್ ಆಗಿಲ್ಲ ಎಂದಿದ್ದಾರೆ. 

    ಚಿತ್ರರಂಗದ ಮತ್ತೊಂದು ಜೋಡಿ, ಈಗ ಮದುವೆಯ ಬಂಧನಕ್ಕೆ ಸಿಲುಕಲು ಸಿದ್ಧವಾಗಿದೆ. ಹೊಸ ಬಾಳಿನ ಹೊಸಿಲಲಿ ನಿಂತಿರುವ ಹೊಸ ಜೋಡಿಗೆ ಶುಭವಾಗಲಿ..

    Related Articles :-

    Chiru Confirms His Engagement With Meghana Raj

    ಅ.22ಕ್ಕೆ ಚಿರು-ಮೇಘನಾ ನಿಶ್ಚಿತಾರ್ಥ

    ಚಿರು ಮೇಘನಾ ಮದ್ವೆಯಂತೆ..! ನಿಜಾನಾ..?

  • ಮೈದುನನಿಗಾಗಿ ಮೇಘನಾ ನಿರ್ಮಾಪಕಿ

    meghana t produce dhruva movie

    ನಿಶ್ಚಿತಾರ್ಥದ ನಂತರ ಇರುವುದೆಲ್ಲವ ಬಿಟ್ಟು.. ಸಿನಿಮಾದಲ್ಲಿ ನಟಿಸುತ್ತಿರುವ ಮೇಘನಾ ರಾಜ್, ಈಗ ಇನ್ನೊಂದು ಸವಾಲಿಗೆ ಕೈ ಹಾಕಿದ್ದಾರೆ. ಮೇಘನಾ ರಾಜ್ ನಿರ್ಮಾಪಕಿಯಾಗುತ್ತಿದ್ದಾರಂತೆ. ತಮ್ಮದೇ ಹೊಸ ಬ್ಯಾನರ್ ಶುರು ಮಾಡಲಿದ್ದಾರಂತೆ. ಅಂದಹಾಗೆ ಮೇಘನಾ ಬ್ಯಾನರ್‍ನ ಮೊದಲ ಚಿತ್ರಕ್ಕೆ ನಾಯಕರಾಗಿ  ಧ್ರುವ ಸರ್ಜಾ ನಟಿಸುವ ಸಾಧ್ಯತೆಗಳಿವೆ.

    ಮೇಘನಾ ಕುಟುಂಬಕ್ಕೆ ಚಿತ್ರ ನಿರ್ಮಾಣದ ಅನುಭವ ಹೊಸದೇನಲ್ಲ. ಸುಂದರ್ ರಾಜ್, ಪ್ರಮೀಳಾ ಜೋಷಾಯ್ ನಿರ್ಮಾಪಕರಾಗಿದ್ದವರು. ಇನ್ನು ಸರ್ಜಾ ಫ್ಯಾಮಿಲಿಗೂ ಚಿತ್ರ ನಿರ್ಮಾಣ ಹೊಸದಲ್ಲ. ಆದರೆ, ಭಾವೀ ಪತಿಯ ತಮ್ಮನಿಗಾಗಿ ಮೇಘನಾ ನಿರ್ಮಾಪಕಿಯಾಗಲಿದ್ದಾರೆ ಎನ್ನುವುದೇ ಸುದ್ದಿ ಸ್ವಾರಸ್ಯ.

  • ರಾಘವೇಂದ್ರ ರಾಜ್ ಕುಮಾರ್ ಶ್ರೇಷ್ಟ ನಟ, ಮೇಘನಾ ರಾಜ್ ಶ್ರೇಷ್ಟ ನಟಿ

    Raghavendra Rajkumar, Meghana Raj Image

    ರಾಜ್ಯ ಚಲನಚಿತ್ರ ಪ್ರಶಸ್ತಿ ಪಟ್ಟಿ ಪ್ರಕಟಗೊಂಡಿದೆ. ವಾರ್ತಾ ಮತ್ತು ಸಾರ್ವಜನಿಕ ಸಂಪರ್ಕ ಇಲಾಖೆ ಮೂಲಕ ರಾಜ್ಯ ಸರ್ಕಾರ ಚಲನಚಿತ್ರ ರಂಗದ ಸಾಧಕರಿಗೆ ಜೀವಮಾನ ಸಾಧನೆಗಾಗಿ ಮತ್ತು ಚಲನಚಿತ್ರದ ವಿವಿಧ ವಿಭಾಗಗಳಲ್ಲಿ ನೀಡುವ 2018ನೇ ಪ್ರಶಸ್ತಿಗಳು ಘೋಷಣೆಯಾಗಿವೆ. ಬಸಂತ್ ಕುಮಾರ್ ಪಾಟೀಲ್ ಅಧ್ಯಕ್ಷತೆಯ ಸಮಿತಿಯಲ್ಲಿ ಪಿ.ಎಚ್‌.ವಿಶ್ವನಾಥ್, ಮಾರ್ಸ್ ಸುರೇಶ್, ರವೀಂದ್ರ ಭಟ್  ಇದ್ದರು.  ಆಯ್ಕೆ ಸಮಿತಿಗೆ ಕಳಿಸಲಾಗಿದ್ದ 162 ಚಿತ್ರಗಳನ್ನು ವೀಕ್ಷಿಸಿದ ಸಮತಿ ವಾರ್ಷಿ ಪ್ರಶಸ್ತಿ ಮತ್ತು ಜೀವಮಾನ ಸಾಧನೆಯ ಪ್ರಶಸ್ತಿಗಳನ್ನು ಘೋಷಿಸಿದೆ.

    ಜೀವಮಾನ ಸಾಧನೆ ಪ್ರಶಸ್ತಿ :

    ಡಾ.ರಾಜ್‌ಕುಮಾರ್ ಪ್ರಶಸ್ತಿ -ಜೆ.ಕೆ.ಶ್ರೀನಿವಾಸ ಮೂರ್ತಿ

    ಪುಟ್ಟಣ್ಣ ಕಣಗಾಲ್ ಪ್ರಶಸ್ತಿ-ಪಿ.ಶೇಷಾದ್ರಿ

    ಡಾ.ವಿಷ್ಣುವರ್ಧನ್ ಪ್ರಶಸ್ತಿ-ಬಿ.ಎಸ್.ಬಸವರಾಜು

    ಮೊದಲನೇ ಅತ್ಯುತ್ತಮ ಚಿತ್ರ: ಆ ಕರಾಳ ರಾತ್ರಿ

    ಎರಡನೇ ಅತ್ಯುತ್ತಮ ಚಿತ್ರ: ರಾಮನ ಸವಾರಿ

    ಮೂರನೇ ಅತ್ಯುತ್ತಮ ಚಿತ್ರ: ಒಂದಲ್ಲಾ ಎರಡಲ್ಲಾ

    ಅತ್ಯುತ್ತಮ ನಟ: ರಾಘವೇಂದ್ರ ರಾಜ್‌ಕುಮಾರ್ (ಅಮ್ಮನ ಮನೆ)

    ಅತ್ಯುತ್ತಮ ನಟಿ: ಮೇಘನಾ ರಾಜ್ (ಇರುವುದೆಲ್ಲವ ಬಿಟ್ಟು)

    ಅತ್ಯುತ್ತಮ ಪೋಷಕ ನಟ: ಬಾಲಾಜಿ ಮನೋಹರ್ (ಚೂರಿಕಟ್ಟೆ)

    ಅತ್ಯುತ್ತಮ ಪೋಷಕ ನಟಿ: ವೀಣಾ ಸುಂದರ್ (ಆ ಕರಾಳ ರಾತ್ರಿ)

    ವಿಶೇಷ ಸಾಮಾಜಿಕ ಕಾಳಜಿಯ ಚಿತ್ರ: ಸಂತಕವಿ ಕನಕದಾಸರ ರಾಮಧಾನ್ಯ

    ಅತ್ಯುತ್ತಮ ಜನಪ್ರಿಯ ಮನರಂಜನಾ ಚಿತ್ರ: ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ ಕಾಸರಗೋಡು

    ಅತ್ಯುತ್ತಮ ಮಕ್ಕಳ ಚಿತ್ರ: ಹೂವು ಬಳ್ಳಿ

    ನಿರ್ದೇಶಕರ ಪ್ರಥಮ ನಿರ್ದೇಶನದ ಅತ್ಯುತ್ತಮ ಚಿತ್ರ: ಬೆಳಕಿನ ಕನ್ನಡಿ

    ಅತ್ಯುತ್ತಮ ಕರ್ನಾಟಕ ಪ್ರಾದೇಶಿಕ ಭಾಷಾ ಚಿತ್ರ: ದೇಯಿ ಬೈದೇತಿ

    ಅತ್ಯುತ್ತಮ ಕತೆ: ಹರೀಶ್ ಎಸ್ (ನಾಯಿಗೆರೆ)

    ಅತ್ಯುತ್ತಮ ಚಿತ್ರಕಥೆ: ಪಿ.ಶೇಷಾದ್ರಿ (ಮೂಕಜ್ಜಿಯ ಕನಸುಗಳು)

    ಅತ್ಯುತ್ತಮ ಸಂಭಾಷಣೆ: ಶಿರಿಷಾ ಜೋಶಿ (ಸಾವಿತ್ರಿ ಭಾಯಿ ಪುಲೆ)

    ಅತ್ಯುತ್ತಮ ಸಂಗೀತ ನಿರ್ದೇಶನ: ರವಿ ಬಸ್ರೂರು (ಕೆಜಿಎಫ್)

    ಅತ್ಯುತ್ತಮ ಕಲಾ ನಿರ್ದೇಶನ : ಶಿವಕುಮಾರ್ (ಕೆಜಿಎಫ್)

    ಅತ್ಯುತ್ತಮ ಬಾಲನಟ: ಮಾಸ್ಟರ್ ಆರೆನ್(ರಾಮನ ಸವಾರಿ)

    ಅತ್ಯುತ್ತಮ ಬಾಲನಟಿ: ಬೇಬಿ ಸಿಂಚನಾ (ಅಂದವಾದ ಸಿನಿಮಾ)

    ಅತ್ಯುತ್ತಮ ಗೀತ ರಚನೆ: ಡಾ.ಬರಗೂರು ರಾಮಚಂದ್ರಪ್ಪ (ಬಯಲಾಟದ ಭೀಮಣ್ಣ ಚಿತ್ರದ ಸಾವೇ ಸಾವೇ ಹಾಡು)

    ಅತ್ಯುತ್ತಮ ಕಿರುಚಿತ್ರ: ಪಡುವಾರಳ್ಳಿ

    ಅತ್ಯುತ್ತಮ ಹಿನ್ನಲೆ ಗಾಯಕ: ಸಿದ್ದಾರ್ಥ್ ಬೆಳ್ಮಣ್ಣು (ಸಂತಕವಿ ಕನಕದಾಸರ ರಾಮಧಾನ್ಯ ಚಿತ್ರದ ಇರುಳ ಚಂದಿರನ.. )

    ಅತ್ಯುತ್ತಮ ಹಿನ್ನಲೆ ಗಾಯಕಿ: ಕಲಾವತಿ ದಯಾನಂದ (ದೇಯಿ ಬೈದೇತಿ ಚಿತ್ರದ ಗೆಜ್ಜೆಗಿರಿ ನಂದನಾ.. )

    ರಾಜ್ಯ ಚಲನಚಿತ್ರ ಸಾಹಿತ್ಯ ವಾರ್ಷಿಕ ಪ್ರಶಸ್ತಿಯನ್ನು ಇಬ್ಬರು ಲೇಖಕರಿಗೆ ಜಂಟಿಯಾಗಿ ನೀಡಲಾಗಿದೆ. ಚಿತ್ರಕಥೆ ಹಾಗೆಂದರೇನು?  ಕೃತಿಗೆ ಎನ್‌.ಎಸ್‌.ಶಂಕರ್ ಮತ್ತು ಅಂಬರೀಶ್ ವ್ಯಕ್ತಿ-ವ್ಯಕ್ತಿತ್ವ-ವರ್ಣರಂಜಿತ ಬದುಕು ಕೃತಿಗೆ ಡಾ.ಶರಣು ಹುಲ್ಲೂರು ಪ್ರಶಸ್ತಿ ಪಡೆದಿದ್ದಾರೆ.

  • ಲವ್ವಿನಲ್ಲಿ ಬಿದ್ದವರು, ಮನೆಯವರಿಗೆ ಹೇಳಿದ್ದು ಹೇಗೆ..?

    meghana chiru says special thanks to media

    ಚಿರು, ಮೇಘನಾ ಎಂಗೇಜ್‍ಮೆಂಟ್ ಆಗಿಹೋಯ್ತು. ಇಬ್ಬರೂ ಪರಸ್ಪರ ಉಂಗುರ ಬದಲಿಸಿಕೊಂಡಿದ್ದೂ ಆಯ್ತು. ಅವರಿಬ್ಬರು 10 ವರ್ಷಗಳ ಲವ್‍ಸ್ಟೋರಿಯನ್ನು ಕೇಳಿ, ಖುಷಿಪಟ್ಟು ಶುಭ ಹಾರೈಸಿದ್ದೂ ಆಯ್ತು. ಆದರೆ, ಇವರಿಬ್ಬರ ಲವ್ ವಿಷಯವನ್ನು ಮನೆಯವರಿಗೆ ತಿಳಿಸಿದ್ದು ಹೇಗೆ..? 

    ಮೇಘನಾಗೆ ನೇರವಾಗಿ ಪ್ರಪೋಸ್ ಮಾಡಿದ್ದ ಚಿರುಗೆ, ಮನೆಯವರಿಗೆ ಹೇಳೋಕೆ ಸಂಕೋಚ. ಇತ್ತ ಮೇಘನಾಗೂ ಅಷ್ಟೆ.. ಅಪ್ಪಅಮ್ಮ, ಫ್ರೆಂಡ್ಸ್ ರೀತಿಯೇ ಇದ್ದರೂ, ಪ್ರೀತಿ ವಿಚಾರ ಹೇಳೋಕೆ ಹೆಜ್ಜೆ ಹಿಂದೆ ಹೋಗುತ್ತಿತ್ತು. ಆಗ ಅದನ್ನು ಸರಳ ಮಾಡಿದ್ದು, ಮೀಡಿಯಾಗಳಂತೆ. ಹೀಗಾಗಿ ಮೀಡಿಯಾಗಳಿಗೆ ಸ್ಪೆಷಲ್ ಥ್ಯಾಂಕ್ಸ್ ಹೇಳಿದ್ದಾರೆ ಚಿರು-ಮೇಘನಾ. ಚಿರು ತಮ್ಮ ಲವ್ ವಿಷಯವನ್ನು ಮೊದಲು ಹೇಳಿದ್ದು ತಮ್ಮ ಧ್ರುವ ಸರ್ಜಾಗಂತೆ.

    ಮೇಘನಾ, ಚಿರುಗೆ ಆಂಟಿಕ್ ರಿಂಗ್ ತೊಡಿಸಿದರೆ, ಸರ್ಜಾ ಮೇಘನಾಗೆ ನಕ್ಷತ್ರ ಮಾದರಿಯ ಡೈಮಂಡ್ ರಿಂಗ್ ತೊಡಿಸಿದರು. ಆ ರಿಂಗುಗಳಿಗಿಂತ ಮಿರಮಿರನೆ ಮಿಂಚುತ್ತಿದ್ದುದು ಇಬ್ಬರ ಮುಖದಲ್ಲಿದ್ದ ಮುಗುಳುನಗೆ..ಉಲ್ಲಾಸ..ಉತ್ಸಾಹ.. ಎರಡೂ ಕುಟುಂಬಗಳಲ್ಲಿ ಹೆಚ್ಚು ಕಡಿಮೆ 25 ವರ್ಷಗಳ ನಂತರ ನಡೆಯುತ್ತಿರುವ ಶುಭ ಕಾರ್ಯ. ಹೀಗಾಗಿ ಚಿರು-ಮೇಘನಾ ಎಂಗೇಜ್‍ಮೆಂಟ್ ಅದ್ದೂರಿಯಾಗಿ ನೆರವೇರಿತು.

  • ಲಾಯರ್ ಮೇಘನಾ.. ಸ್ಫೂರ್ತಿಯಾದ ಮಹಾಭಾರತದ ಅರ್ಜುನ..!

    meghana raj's role is inspired from arjuna's role

    ಎಲ್ಲಿಯ ಲಾಯರ್‍ಗಿರಿ.. ಎಲ್ಲಿಯ ಮಹಾಭಾರತ.. ಆದರೆ, ಅಂಥಾದ್ದೊಂದು ವಿಶೇಷ ಸ್ಫೂರ್ತಿ ಇಟ್ಟುಕೊಂಡು ರೆಡಿಯಾಗುತ್ತಿರೋ ಬುದ್ದಿವಂತ 2 ಚಿತ್ರದಲ್ಲಿ ಮೇಘನಾ ರಾಜ್ ಅವರದ್ದು ಲಾಯರ್ ಪಾತ್ರ. ಆ ಪಾತ್ರಕ್ಕೆ ಸ್ಫೂರ್ತಿ ಮಹಾಭಾರತದ ಅರ್ಜುನನ ಪಾತ್ರ. ಜೊತೆಗೆ ಮುಸ್ಲಿಂ ಹುಡುಗಿ...

    ಕನ್‍ಫ್ಯೂಸ್ ಆಗಬೇಕು. ಕುತೂಹಲ ಹುಟ್ಟಬೇಕು. ಅಷ್ಟರಮಟ್ಟಿಗೆ ಬುದ್ದಿವಂತ 2 ಕುತೂಹಲ ಹುಟ್ಟಿಸಿದೆ. ಮೌರ್ಯ ನಿರ್ದೇಶನದ ಈ ಚಿತ್ರದಲ್ಲಿ ಹಳೆಯ ಬುದ್ದಿವಂತ ಚಿತ್ರದ ಒಂದೆಳೆಯೂ ಇರೋದಿಲ್ವಂತೆ. ಕೋರ್ಟ್ ದೃಶ್ಯಗಳಿರುತ್ತವೆ. ಆದರೆ, ಅದು ಕೂಡಾ ಡಿಫರೆಂಟ್ ಎಂಬ ಭರವಸೆ ಕೊಟ್ಟಿದ್ದಾರೆ ಮೌರ್ಯ.

  • ಸೆಲ್ಫಿ ಮೇಘನಾ.. ಗೂಗಲ್ ಸೃಜನ್

    selfie meghana google srujan

    ಒಂದೆಡೆ ತಮ್ಮದೇ ನಿರ್ಮಾಣದಲ್ಲಿ ಎಲ್ಲಿದ್ದೆ ಇಲ್ಲಿ ತನಕ ಚಿತ್ರವನ್ನು ಕಟ್ಟುತ್ತಿರುವ ಟಾಕಿಂಗ್ ಸ್ಟಾರ್ ಸೃಜನ್ ಲೋಕೇಶ್, ಮತ್ತೊಂದು ಚಿತ್ರದಲ್ಲಿ ಹೀರೋ ಆಗಿ ನಟಿಸಿದ್ದಾರೆ. ಮೇಘನಾ ರಾಜ್ ಜೊತೆ ನಾಯಕರಾಗಿರುವ ಈ ಚಿತ್ರಕ್ಕೆ ಮಧುಚಂದ್ರ ಡೈರೆಕ್ಟರ್. ಈಗಾಗಲೇ ಶೂಟಿಂಗ್ ಮುಗಿದಿದೆ.

    ಚಿತ್ರದ ಟೈಟಲ್ ಏನ್ ಗೊತ್ತಾ..? ಸೆಲ್ಫಿ ಮಮ್ಮಿ ಗೂಗಲ್ ಡ್ಯಾಡಿ. ಮೊಬೈಲ್‍ಗೆ ಅಂಟಿಕೊಂಡಿರುವ ಹೆತ್ತವರು, ಅದು ಕುಟುಂಬದಲ್ಲಿ ಸೃಷ್ಟಿಸುವ ಸಮಸ್ಯೆ, ಸಂಕಟಗಳೇ ಚಿತ್ರದ ಕಥೆ. ಈ ಚಿತ್ರಕ್ಕೆ ಟ್ಯಾಗ್‍ಲೈನ್ .. ಮಕ್ಕಳ ಕಥೆ ಕೇಳಲೇಬೇಡಿ.

  • ಹೀಗಿದ್ದಾರೆ ಭಾನುಮತಿ..!

    bhanumathi 's look

    ಕುರುಕ್ಷೇತ್ರದಲ್ಲಿ ದುರ್ಯೋಧನ ಹೇಗಿದ್ದಾನೆ ಅನ್ನೋದನ್ನು ನೋಡಿದ್ದವರಿಗೆ ಈಗ ಭಾನುಮತಿಯನ್ನು ನೋಡುವ ಸಮಯ. ಮೇಘನಾ ರಾಜ್ ಕುರುಕ್ಷೇತ್ರದಲ್ಲಿ ಭಾನುಮತಿಯಾಗಿ ನಟಿಸುತ್ತಿದ್ದಾರೆ. ಚಿತ್ರದ ಸೆಟ್‍ನಲ್ಲಿರುವ ಮೇಘನಾ, ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಹಾಗೂ ಅರ್ಜುನ್ ಸರ್ಜಾ ಜೊತೆ ಫೋಟೋ ತೆಗೆಸಿಕೊಂಡಿದ್ದಾರೆ.

    ದರ್ಶನ್ ಜೊತೆ ಮೇಘನಾಗೆ ಇದು ಮೊದಲನೇ ಚಿತ್ರ. ಜೊತೆಯಲ್ಲಿ ಅರ್ಜುನ್ ಸರ್ಜಾ ಕೂಡಾ ಇದ್ದಾರೆ. ಚಾಲೆಂಜಿಂಗ್ ಪಾತ್ರಗಳನ್ನು ಲೀಲಾಜಾಲವಾಗಿ ನಿರ್ವಹಿಸುವ ಮೇಘನಾ, ಕುರುಕ್ಷೇತ್ರದ ಭಾನುಮತಿ ಪಾತ್ರವನ್ನು ಹೇಗೆ ನಿಭಾಯಿಸುತ್ತಾರೆ ಎಂಬ ಕುತೂಹಲವಿದೆ.

    Related Articles :-

    ದುರ್ಯೋಧನನಿಗೆ ಮೇಘನಾ ಭಾನುಮತಿ

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery