` radhika pandit, - chitraloka.com | Kannada Movie News, Reviews | Image

radhika pandit,

  • ಮತ್ತೊಂದು ಮಗುವಿನ ನಿರೀಕ್ಷೆಯಲ್ಲಿ ಮಿ. ಅಂಡ್ ಮಿಸೆಸ್ ರಾಮಾಚಾರಿ

    yash radhika expecting again

    ರಾಧಿಕಾ ಪಂಡಿತ್ ಮತ್ತೊಮ್ಮೆ ಗರ್ಭಿಣಿಯಾಗಿದ್ದಾರೆ. ಮತ್ತೊಂದು ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ರಾಧಿಕಾ ಪಂಡಿತ್ ಅವರ ಮೊದಲ ಮಗಳು ಐರಾಗೆ ಈಗಿನ್ನೂ 7 ತಿಂಗಳು. ಐರಾಗೆ ಒಂದು ವರ್ಷ, 2 ತಿಂಗಳಾಗುವಷ್ಟರಲ್ಲಿ ತಮ್ಮನೋ, ತಂಗಿಯೋ ಜೊತೆಯಾಗಲಿದ್ದಾರೆ. ರಾಧಿಕಾ ಪಂಡಿತ್, 4 ತಿಂಗಳ ಗರ್ಭಿಣಿ.

    ಮೊನ್ನೆ ಮೊನ್ನೆಯಷ್ಟೇ ಮೊದಲ ಮಗಳಿಗೆ ಐರಾ ಎಂದು ನಾಮಕರಣ ಸಂಭ್ರಮಿಸಿದ್ದ ಯಶ್-ರಾಧಿಕಾ ದಂಪತಿ, ಮತ್ತೊಂದು ಸಂಭ್ರಮಕ್ಕೆ ಜೊತೆಯಾಗುತ್ತಿದ್ದಾರೆ. 

  • ಮದುವೆಯಾದ ಆ ದಿನವೇ ಬರಲಿದೆ ಪುಟ್ಟ ಕಂದ..!

    radhika pandit's baby shower at taj west end hotel

    ರಾಧಿಕಾ ಪಂಡಿತ್ ಮತ್ತು ಯಶ್ ದಂಪತಿ ಮದುವೆಯಾಗಿದ್ದು ಡಿಸೆಂಬರ್ 9ರಂದು. 2 ವರ್ಷಗಳ ಹಿಂದೆ. ಅದೇ ದಿನ.. ಡಿಸೆಂಬರ್ 9ರಂದೇ ಮನೆಗೆ ಪುಟ್ಟ ಕಂದ ಬರಲಿದೆ. ಅದೇ ದಿನ ವೈದ್ಯರು ಡೇಟ್ಸ್ ಕೊಟ್ಟಿದ್ದಾರಂತೆ. 

    ತಾಜ್ ವೆಸ್ಟ್ ಎಂಡ್ ಹೋಟೆಲ್‍ನಲ್ಲಿ ರಾಧಿಕಾ ಪಂಡಿತ್‍ಗೆ ಸಂಭ್ರಮದ ಸೀಮಂತ ಮಾಡಿದ್ದಾರೆ ಮೊಗ್ಗಿನ ಮನಸಿನ ಚೆಲುವ ಯಶ್. ಸೀಮಂತಕ್ಕಾಗಿಯೇ ಅರುಣ್ ಸಾಗರ್ ವಿಶೇಷ ಮಂಟಪ ಕಟ್ಟಿದ್ದರೆ, ಹಸಿರು ಚಪ್ಪರದ ನಡುವೆ ರಾಧಿಕಾ ಪಂಡಿತ್‍ಗೆ ಚಿತ್ರರಂಗದ ಕುಟುಂಬದ ಗಣ್ಯರು ಆಗಮಿಸಿ ಶುಭ ಹಾರೈಸಿದರು.

    ಡಿಸೆಂಬರ್ 9ಕ್ಕೆ ಮದುವೆಯಾಗಿ 2 ವರ್ಷ. ಅದೇ ದಿನ ಪುಟ್ಟ ಕಂದನ ಆಗಮನ.. ಅದಾದ ಕೆಲವೇ ದಿನಗಳಲ್ಲಿ ಯಶ್ ವೃತ್ತಿ ಜೀವನದ ಮೌಂಟ್ ಎವರೆಸ್ಟ್ ಕೆಜಿಎಫ್ ರಿಲೀಸ್. ಡಿಸೆಂಬರ್ ಯಶ್ ಪಾಲಿಗೆ ಅದೃಷ್ಟದ ತಿಂಗಳಾಗಲಿ.

  • ಮಿಸೆಸ್ ರಾಮಾಚಾರಿ ಈಗ ರಾಗಿ ಮುದ್ದೆ ಸ್ಪೆಷಲಿಸ್ಟ್

    radhika pandith is mudde specialist

    ರಾಧಿಕಾ ಪಂಡಿತ್ ಮದುವೆಯಾದ ಮೇಲೆ ಸಿಕ್ಕಾಪಟ್ಟೆ ಬದಲಾಗಿದ್ದಾರೆ. ಮೊದಲಿಗಿಂತ ಹೆಚ್ಚು ಗ್ಲಾಮರಸ್ ಆಗಿ ಕಾಣಿಸಿಕೊಳ್ತಾರೆ. ಸಿಕ್ಕಾಪಟ್ಟೆ ಟೂರ್ ಮಾಡ್ತಿದ್ದಾರೆ. ಸಿನಿಮಾಗಳಿಂದ 7 ತಿಂಗಳು ಬ್ರೇಕ್ ತೆಗೆದುಕೊಂಡಿದ್ದ ರಾಧಿಕಾ, ಈ ಗ್ಯಾಪ್‍ನಲ್ಲಿ ಏನೇನೋ ಕಲಿತಿದ್ದಾರೆ. ಹಾಗೆ ಕಲಿತ ವಿದ್ಯೆಯ ಪರಿಣಾಮ, ರಾಧಿಕಾ ಈಗ ಮುದ್ದೆ ಸ್ಪೆಷಲಿಸ್ಟ್.

    ಮದುವೆಗೆ ಮುಂಚೆ ರಾಧಿಕಾಗೆ ಮಲಗಿದ್ದ ಜಾಗದಲ್ಲೇ ಕಾಫಿ ಬರ್ತಾ ಇತ್ತು. ಅಮ್ಮ ಕೊಡ್ತಾ ಇದ್ರು. ಮದುವೆಯಾದ ಮೇಲೆ ಯಶ್‍ಗೆ ಕಾಫಿ ಕೊಡೋ ಕೆಲಸವನ್ನು ರಾಧಿಕಾನೇ ವಹಿಸಿಕೊಂಡಿದ್ದಾರಂತೆ.. ಪ್ರೀತಿಯಿಂದ. ಅಡುಗೆ ಮಾಡೋಕೆ ಬರ್ತಾ ಇತ್ತು. ಆದರೆ, ರಾಗಿ ಮುದ್ದೆ ಮಾಡೋದು ಕಲಿತಿದ್ದು ಮದುವೆಯಾದ್ಮೇಲೆ ಎಂದು ಹೇಳಿಕೊಂಡಿದ್ದಾರೆ ರಾಧಿಕಾ. ಈಗ ರಾಧಿಕಾ ಮುದ್ದೆ ಮಾಡಿದರೆ, ಗುಂಡು ಗುಂಡಾಗಿ, ಒಂದೇ ಒಂದು ಗಂಟಿಲ್ಲದೆ ಮೃದುವಾಗಿ ಮಾಡ್ತಾರಂತೆ.

    ಅಡುಗೆ ಮಾಡೋದು, ಬಡಿಸೋದು ಎರಡೂ ಖುಷಿ ಕೊಡುತ್ತೆ. ಮನೆಯಲ್ಲಿದ್ದಾಗ ಯಶ್, ನಾನು ರಾಜಾಹುಲಿ ಅಂದ್ರೆ, ನಾನು ದುರ್ಗಮ್ಮ ಅಂತೀನಿ ಅಂಥಾ ಹೇಳ್ಕೊಂಡು ನಗ್ತಾರೆ ರಾಧಿಕಾ. ಹುಲಿ ಮೇಲೆ ಸವಾರಿ ಮಾಡೋದು ದುರ್ಗಿ ಅನ್ನೊದನ್ನ ಅಭಿಮಾನಿಗಳಿಗೆ ನೆನಪಿಸಬೇಕಿಲ್ಲ ಅಲ್ವಾ..?

  • ಯಶ್ ಕಣ್ಣೀರಿನ ಕಥೆ

    what made rocking stra yash cry

    ಸಿನಿಮಾಗಳಲ್ಲಿ ವಿಲನ್‍ಗಳನ್ನು ಚಚ್ಚಿ ಬಿಸಾಡುವ ರಾಕಿಂಗ್ ಸ್ಟಾರ್ ಯಶ್, ಕಣ್ಣೀರಿಟ್ಟಿದ್ದಾರೆ. ಯಶ್ ಕಣ್ಣೀರು ಕಂಡು ರಾಧಿಕಾ ಪಂಡಿತ್ ಕರಗಿ ಹೋಗಿದ್ದಾರೆ. ಇಷ್ಟಕ್ಕೂ ಯಶ್ ಕಣ್ಣೀರಿಗೆ ಕಾರಣ, ಮಗಳು ಐರಾ.

    ಐರಾಗೆ ಕಿವಿ ಚುಚ್ಚಿಸಲಾಗಿದೆ. ಈ ಕಿವಿ ಚುಚ್ಚಿಸುವ ವೇಳೆ ಯಶ್ ಕಣ್ಣೀರಿಟ್ಟುಬಿಟ್ಟರಂತೆ. ಇದೇ ಮೊದಲ ಬಾರಿ ಯಶ್ ಕಣ್ಣೀರು ಹಾಕುವುದನ್ನು ನೋಡಿದೆ. ಈ ಬಂಧನ ಎಷ್ಟು ಬೆಲೆ ಬಾಳುವುದು ಎಂಬುದು ಮತ್ತೊಮ್ಮೆ ಭಾಸವಾಯ್ತು ಎಂದಿರುವ ರಾಧಿಕಾ ಪಂಡಿತ್, ಹೆತ್ತವರ ಅತ್ಯಂತ ಕಷ್ಟದ ದಿನಗಳಲ್ಲಿ ಇದೂ ಒಂದು ಎಂದಿದ್ದಾರೆ.

    ಅಭಿಮಾನಿಗಳೇ ಡೋಂಟ್‍ವರಿ.. ಯಶ್ ಮತ್ತು ಐರಾ ಇಬ್ಬರೂ ಕ್ಷೇಮ ಎಂದಿದ್ದಾರೆ ರಾಧಿಕಾ ಪಂಡಿತ್.

  • ಯಶ್ ಮನೆಯ ದೊಡ್ಡ ಮಗು ಹುಟ್ಟುಹಬ್ಬ

    radhika pandit's birthday celebrations

    ರಾಕಿಂಗ್ ಸ್ಟಾರ್ ಯಶ್ ಅವರಿಗೆ ಇಬ್ಬರು ಮಕ್ಕಳು. ಮೊದಲ ಮಗುವಿಗೆ ವರ್ಷ ತುಂಬಿದೆ. 2ನೇ ಮಗುವಿನ ವಯಸ್ಸಿನ್ನೂ ವರ್ಷ ದಾಟಿಲ್ಲ. ಆದರೆ.. ಅವರ ಮನೆಯ ದೊಡ್ಡ ಮಗುವಿಗೆ 36 ವರ್ಷ. ಆ ಮಗು ಇನ್ಯಾರೂ ಅಲ್ಲ, ಯಶ್ ಅವರ ಪತ್ನಿ ರಾಧಿಕಾ ಪಂಡಿತ್.

    ಮಾರ್ಚ್ 7ರಂದು ಹುಟ್ಟುಹಬ್ಬ ಆಚರಿಸಿಕೊಂಡಿರುವ ರಾಧಿಕಾ ಪಂಡಿತ್ ಅವರಿಗೆ ಯಶ್ ವಿಶ್ ಮಾಡಿರುವುದು ಹೀಗೆ. ಕಣ್ಣಲ್ಲಿ ಕಣ್ಣಿಟ್ಟು ನೋಡುತ್ತಿರುವ ಫೋಟೋ ಹಾಕಿ ನಮ್ಮ ಮನೆಯ ದೊಡ್ಡ ಮಗುವಿಗೆ ಹುಟ್ಟುಹಬ್ಬವ ಶುಭಾಶಯ ಎಂದಿದ್ದಾರೆ ಯಶ್.

  • ಯಶ್ ರಾಧಿಕಾ ಜೋಡಿಯಾಗಿ ವರ್ಷವಾಯ್ತು - ಲೇಟೆಸ್ಟು ಬಂಧನಕ್ಕೆ 1 ವರ್ಷ

    yash radhika image

    ರಾಕಿಂಗ್ ಸ್ಟಾರ್ ಯಶ್ ಮತ್ತು ರಾಧಿಕಾ ಪಂಡಿತ್ ಜೋಡಿಯಾಗಿ ವರ್ಷವಾಗಿ ಹೋಯ್ತಾ..? ಇದು ಅಭಿಮಾನಿಗಳಿಗೂ ಅಚ್ಚರಿ. ಆ ಅಚ್ಚರಿಯ ಕ್ಷಣವನ್ನು ಶ್ರೀಮತಿ ರಾಧಿಕಾ ನೆನಪಿಸಿಕೊಂಡಿದ್ದನ್ನು ನೋಡಿ  ಅಭಿಮಾನಿಗಳು ಪುಳಕಗೊಂಡಿದ್ದಾರೆ. 

    ಈ ಜೋಡಿ ಮದುವೆಯಾಗಿ 8 ತಿಂಗಳಷ್ಟೇ ಆಗಿರೋದು.ಆದರೆ, ನಿಶ್ಚಿತಾರ್ಥವಾಗಿ ಒಂದು ವರ್ಷವಾಗಿದೆ. ಕಳೆದ ವರ್ಷ ಆಗಸ್ಟ್ 12ರಂದು ಯಶ್ ಮತ್ತು ರಾಧಿಕಾ ಅವರಿಬ್ಬರ ಪ್ರೀತಿಯ ಬಂಧನಕ್ಕೆ ನಿಶ್ಚಿತಾರ್ಥದ ಉಂಗುರದ ಮುದ್ರೆ ಬಿದ್ದಿತ್ತು. ಆ ಸಂಭ್ರಮ ಕ್ಷಣಗಳನ್ನು ರಾಧಿಕಾ ಹಂಚಿಕೊಂಡಿದ್ದಾರೆ.

    ವರ್ಷವಾಯಿತು. ಆ ನಗು, ಆ ಸಂಭ್ರಮ, ಆ ನಸುನಗೆ, ಆ ಹೂವಿನ ಪರಿಮಳ, ಕೇಕ್‌ನ ಸ್ವಾದ, ಸಂಭ್ರಮದ ಪುಳಕ, ತಳಮಳಗೊಂಡ ಕ್ಷಣಗಳನ್ನೂ ಇನ್ನೂ ಮರೆತಿಲ್ಲ ಎಂದಿದ್ದಾರೆ ರಾಧಿಕಾ. ಅವರ ಪ್ರೀತಿ ನೂರ್ಕಾಲ ಬಾಳಲಿ.

  • ಯಶ್, ರಾಧಿಕಾ ಪಂಡಿತ್ ಈಗ ಇಬ್ಬರಲ್ಲ.. ಮೂವರು..!

    yash and radhika pandit shres good news with fans

    ಯಶ್ ಮತ್ತು ರಾಧಿಕಾ ಪಂಡಿತ್ ದಾಂಪತ್ಯ ಜೀವನದಲ್ಲೀಗ ಸಂಭ್ರಮ, ಸಡಗರದ ಸಮಯ. ಇಬ್ಬರು ಈಗ ಮೂವರಾಗುತ್ತಿದ್ದಾರೆ. ಯಶ್ ತಾಯಿಯಾಗುತ್ತಿದ್ದಾರೆ. ಮದುವೆಯಾದ ಒಂದೂವರೆ ವರ್ಷದ ನಂತರ ಸಿಹಿ ಸುದ್ದಿ ಕೊಟ್ಟಿದ್ದಾರೆ ರಾಧಿಕಾ.

    ತಂದೆಯಾಗುತ್ತಿರುವ ಸಂತೋಷವನ್ನು ಯಶ್ ವಿಶೇಷವಾಗಿ ಸೆಲಬ್ರೇಟ್ ಮಾಡಿದ್ದಾರೆ. ವೈಜಿಎಫ್ ಅನ್ನೋ ಪುಟ್ಟದೊಂದು ವಿಡಿಯೋ ರೆಡಿ ಮಾಡಿಬಿಟ್ಟಿರುವ ಯಶ್, ವೈಜಿಎಫ್‍ನ ಅರ್ಥ ವಿವರಿಸಿದ್ದಾರೆ. ವೈ ಅಂದ್ರೆ ಯಶ್, ಜಿ ಅಂದ್ರೆ ಗೋಯಿಂಗ್ ಟು ಬಿ, ಎಫ್ ಅಂದ್ರೆ ಫಾದರ್. ಡಿಸೆಂಬರ್‍ನಲ್ಲಿ ಸ್ಟಾರ್ ದಂಪತಿ ಮಡಿಲು ತುಂಬೋಕೆ ಮಗನೋ, ಮಗಳೋ ಬರಲಿದ್ಧಾರೆ.

    Related Articles :-

    Radhika Pandit Announces Birth Of Child 

  • ಯಶ್-ರಾಧಿಕಾ ಪಂಡಿತ್‍ಗೆ ಅಂಬಿ ತಾತನ ಒಲವಿನ ಉಡುಗೊರೆ

    ambi's special gift to yash and radhika's daughter

    ಯಶ್ ಮತ್ತು ರಾಧಿಕಾ ಪಂಡಿತ್ ಅವರ ಮಗಳಿಗೆ ರೆಬಲ್‍ಸ್ಟಾರ್ ಅಂಬರೀಶ್, ವಿಶೇಷ ಗಿಫ್ಟ್ ಕೊಟ್ಟಿದ್ದಾರೆ. ಅದು ಬೇರೇನಲ್ಲ.. ಸಾಗುವಾನಿ ಮರದ ತೊಟ್ಟಿಲು. ಯಶ್, ರಾಧಿಕಾ ದಂಪತಿ ಮೇಲೆ ವಿಶೇಷ ಪ್ರೀತಿ ಇಟ್ಟುಕೊಂಡಿದ್ದ ಅಂಬಿ ಭಾಗವಹಿಸಿದ್ದ ಕೊನೆಯ ಕಾರ್ಯಕ್ರಮವೇ ರಾಧಿಕಾ ಪಂಡಿತ್ ಸೀಮಂತ.

    ಹಾಗೆ ಬಂದು ದಂಪತಿಗೆ ಹಾರೈಸಿ ಹೋದ ಅಂಬಿ, ಒಂದು ಉಡುಗೊರೆ ಸಿದ್ಧ ಮಾಡಿದ್ದರು. ಸುಮಲತಾ ಅವರಿಗೂ ಗೊತ್ತಿಲ್ಲದಂತೆ ಬೆಳಗಾವಿಯ ಕಲಘಟಗಿಯಲ್ಲಿ ವಿಶೇಷ ತೊಟ್ಟಿಲೊಂದನ್ನು ಮಾಡಿಸಿದ್ದರು. ಅದೂ ಅಂತಿಂಥಾ ತೊಟ್ಟಿಲಲ್ಲ. ಸಾಗುವಾನಿ ಮರದಿಂದಲೇ ಮಾಡುವ, 100 ವರ್ಷ ಬಣ್ಣ ಹಾಳಾಗದ ವಿಶೇಷ ತೊಟ್ಟಿಲು. ಬೆಲೆ ಒಂದೂವರೆ ಲಕ್ಷಕ್ಕೂ ಹೆಚ್ಚು. ಕಲಘಟಗಿಯ ನಾರಾಯಣ ಕಲಾಲ್ ಎಂಬುವವರಿಗೆ ಹೇಳಿದ್ದರಂತೆ ಅಂಬಿ. ಅವರು ಕಲಘಟಗಿಯ ಹೆಸರುವಾಸಿ ತೊಟ್ಟಿಲು ಕಲಾವಿದ ಶ್ರೀಧರ್ ಸಾಹುಕಾರ್ ಎಂಬುವವರಿಗೆ ಹೇಳಿ ತೊಟ್ಟಿಲು ಮಾಡಿಸಿದ್ದರಂತೆ. 

    ಸುಮಲತಾ ಅವರ ವಾಟ್ಸಪ್ ನಂಬರ್‍ಗೆ ಆ ತೊಟ್ಟಿಲಿನ ಚಿತ್ರ ಬಂದಾಗ ಅಚ್ಚರಿಗೊಳಗಾದ ಸುಮಲತಾ, ನಂತರ ಯಶ್‍ಗೆ ಫೋನ್ ಮಾಡಿ ಅಂಬಿ ಸ್ವರ್ಗದಿಂದಲೇ ನಿಮ್ಮ ಮಗುವಿಗೆ ತೊಟ್ಟಿಲು ಕಾಣಿಕೆ ಕೊಟ್ಟಿದ್ದಾರೆ. ನಿಮ್ಮ ಮಗಳು ಅದೃಷ್ಟವಂತೆ ಎಂದಿದ್ದಾರೆ. ಯಶ್ ಕೂಡಾ ಭಾವುಕರಾಗಿದ್ದಾರೆ.

  • ಯಶ್-ರಾಧಿಕಾ ಸುದ್ದಿಗೋಷ್ಟಿಯಲ್ಲಿ ಅತಿ ಹೆಚ್ಚು ಮಾತನಾಡಿದ್ದು ಐರಾ..!

    ayra grabs main attention during yash radhika's pressmeet

    ಅಕ್ಟೋಬರ್ 30ರಂದು 2ನೇ ಮಗುವಿಗೆ ಜನ್ಮ ನೀಡಿದ್ದ ರಾಧಿಕಾ ಪಂಡಿತ್, ಪತಿ ಯಶ್ ಅವರೊಂದಿಗೆ ಸುದ್ದಿಗೋಷ್ಟಿ ನಡೆಸಿ, ಮಗುವಿನ ಆರೋಗ್ಯದ ಮಾಹಿತಿ ನೀಡಿದ್ದಾರೆ. ನಟ ಯಶ್ ಅವರಂತೂ ‘ದೇವರ ದಯೆ, ಅಮ್ಮ, ಮಗು ಸೂಪರ್ ಆಗಿದ್ದಾರೆ. ಎರಡನೇ ಮಗುವಾಗಿದ್ದರಿಂದ ಸ್ವಲ್ಪ ಅನುಭವವೂ ಇತ್ತು. ನನ್ನ ಆಸೆಯಂತೆ ಹೆಣ್ಣು ಮತ್ತು ರಾಧಿಕಾ ಆಸೆಯಂತೆ ಗಂಡು ಮಗುವಾಗಿದೆ. ಅಕ್ಟೋಬರ್ 10ರಿಂದ ಯಾವುದೇ ಶೂಟಿಂಗ್‌ ಮಾಡಿಲ್ಲ. ರಜೆಯಲ್ಲಿದ್ದೆ. ರಾಧಿಕಾಗೆ ಪ್ರಾಮಿಸ್ ಮಾಡಿದ್ದೆ. ಅದರಂತೆ ತುಂಬಾ ಹೊತ್ತು ರಾಧಿಕಾ ಜೊತೆಯಲ್ಲಿದ್ದೆ. ಎರಡು ಮಕ್ಕಳ ಜನನದ ಹೊತ್ತಿನಲ್ಲೂ ನಾನು ಆಪರೇಷನ್ ಥಿಯೇಟರಿನಲ್ಲಿದ್ದೆ ಎಂದಿದ್ದಾರೆ.

    ರಾಧಿಕಾ ಪಂಡಿತ್ ಮಾತನಾಡಿ ‘ಒಂಭತ್ತು ತಿಂಗಳು ಹೊತ್ತು ಜನ್ಮ ಕೊಟ್ಟರೂ ಇಬ್ಬರೂ ಮಕ್ಕಳು ಯಶ್ ರೀತಿಯಲ್ಲೇ ಇದ್ದಾರೆ. ನನ್ನ ರೀತಿ ಇಲ್ಲ’ ಎಂದು ಜೋಕ್ ಮಾಡಿದರು. ಶುಭಾಶಯ ಕೋರಿದವರಿಗೆ ಧನ್ಯವಾದ ತಿಳಿಸಿದರು. ನಾಮಕರಣ ಸದ್ಯಕ್ಕಿಲ್ಲ.

    ಡಾಕ್ಟರ್ ಸ್ವರ್ಣಲತಾ ಮಗುವಿನ ಆರೋಗ್ಯ ಚೆನ್ನಾಗಿದೆ. ತೂಕ, ಬೆಳವಣಿಗೆ ಚೆನ್ನಾಗಿದೆ ಎಂದು ತಿಳಿಸಿದರೆ, ಡಾ. ಶ್ರೀನಾಥ್ ವೈದ್ಯರು ಹೇಳಿದ ಪ್ರತಿಯೊಂದನ್ನೂ ಚಾಚೂತಪ್ಪದೆ ಪಾಲಿಸಿದ ಯಶ್-ರಾಧಿಕಾ ದಂಪತಿಗೆ ಆದರ್ಶ ತಂದೆ ತಾಯಿ ಎಂದು ಕರೆದರು.

    ಆದರೆ, ಇಡೀ ಸುದ್ದಿಗೋಷ್ಟಿಯುದ್ದಕ್ಕೂ ಅತಿ ಹೆಚ್ಚು ಮಾತನಾಡಿದ್ದು ಮಗಳು ಐರಾ. ಎಲ್ಲರೂ ಮಾತನಾಡುತ್ತಿರುವಾಗ ಪುಟ್ಟ ಕಂದ ತಂತಾನೇ ಆ..ಊ.. ಎಂದುಕೊಂಡು ಮುದ್ದು ಮುದ್ದಾಗಿ ಉಲಿಯುತ್ತಲೇ ಇತ್ತು. ಮಗು ಮುದ್ದಾಗಿದೆ.

  • ಯಾರೀಕೆ ಆದಿಲಕ್ಷ್ಮಿಯ ಸೃಷ್ಟಿಕರ್ತೆ..?

    who is the director of adilakshmi purana

    ಆದಿಲಕ್ಷ್ಮಿ ಪುರಾಣ.. ಇದೇ ವಾರ ರಿಲೀಸ್ ಆಗುತ್ತಿರುವ ಸಿನಿಮಾ. ರಾಧಿಕಾ ಪಂಡಿತ್, ನಿರೂಪ್ ಭಂಡಾರಿ ನಟಿಸಿರುವ ಚಿತ್ರದ ನಿರ್ದೇಶಕಿ ಪ್ರಿಯಾ. ತಮಿಳುನಾಡಿನವರಾದ ಪ್ರಿಯಾ ಮಣಿರತ್ನಂ ಅವರ ಬಳಿ ಅಸಿಸ್ಟೆಂಟ್ ಆಗಿದ್ದವರು. ಮಣಿರತ್ನಂ ಅವರ ಪತ್ನಿ ಸುಹಾಸಿನಿ ಜೊತೆಯಲ್ಲೂ ಕೆಲಸ ಮಾಡಿದ್ದಾರೆ.

    ತಮಿಳಿನಲ್ಲಿ ಕಂಡನಾಳ್ ಮುದುಲ್, ಕಣ್ಣಾಮೂಚಿ ಏನಡ ಎಂಬ ಎರಡು ಚಿತ್ರಗಳನ್ನು ನಿರ್ದೇಶಿಸಿದ್ದಾರೆ. ಮಣಿರತ್ನಂ ದೃಶ್ಯಗಳನ್ನು ಸೃಷ್ಟಿಸುವ ಕಲೆ ಮತ್ತು ಸುಹಾಸಿನಿಯವರ ಬರವಣಿಗೆಯನ್ನು ಇಷ್ಟಪಡುವ ಪ್ರಿಯಾಗೆ ಕನ್ನಡದಲ್ಲಿದು ಮೊದಲ ಚಿತ್ರ.

    ಅಂದಹಾಗೆ ಚಿತ್ರಕ್ಕೆ ನಾಯಕ, ನಾಯಕಿಯ ಆಯ್ಕೆಯನ್ನು ರಾಕ್‍ಲೈನ್ ಅವರೇ ಮಾಡಿದ್ದರಂತೆ. ಹಾಗೆಂದು ಬೇಸರವೇನಿಲ್ಲ. ಅವರಿಬ್ಬರೂ ತಮ್ಮ ಪಾತ್ರಕ್ಕೆ ಅದ್ಭುತವಾಗಿ ನ್ಯಾಯ ಒದಗಿಸಿದ್ದಾರೆ. ಈಗ ಅವರ ಜಾಗದಲ್ಲಿ ಇನ್ನೊಬ್ಬರನ್ನು ಕಲ್ಪಿಸಿಕೊಳ್ಳುವುದೂ ಕಷ್ಟ ಎನ್ನುತಾರೆ ಪ್ರಿಯಾ.

    ಪ್ರಿಯಾ ನಿರ್ದೇಶನದ ಮೊದಲ ಚಿತ್ರಕ್ಕೆ ಕ್ಯಾಮೆರಾಮನ್ ಆಗಿರುವುದು ಅವರ ಗೆಳತಿ ಪ್ರೀತಾ. ಕನ್ನಡದಲ್ಲಿ ಸಿನಿಮಾ ಯಶಸ್ವಿಯಾದರೆ ತಮಿಳಿನಲ್ಲೂ ರಿಲೀಸ್ ಮಾಡುವ ಆಲೋಚನೆ ಪ್ರಿಯಾ ಅವರಿಗೆ ಇದೆ.

  • ರವಿಚಂದ್ರನ್ ಚಿತ್ರಕ್ಕೆ ರಾಧಿಕಾ ಕುಮಾರಸ್ವಾಮಿ ನಾಯಕಿ

    ravichandran, radhika kumaraswamy

    ರವಿಚಂದ್ರನ್ ನಿರ್ದೇಶನದ 'ರಾಜೇಂದ್ರ ಪೊನ್ನಪ್ಪ' ಚಿತ್ರದಲ್ಲಿ ನಾಯಕಿಯಾಗಿ  ರಾಧಿಕಾ ಕುಮಾರಸ್ವಾಮಿ ನಟಿಸುತ್ತಿದ್ದಾರೆ. ಈ ಹಿಂದೆ ರವಿಚಂದ್ರನ್ - ರಾಧಿಕಾ 'ಹಠವಾದಿ' ಮತ್ತು 'ಒಡಹುಟ್ಟಿದವಳು' ಚಿತ್ರದಲ್ಲಿ ನಟಿಸಿದ್ದ ರಾಧಿಕಾ, ಸುಮಾರು 11 ವರ್ಷಗಳ ನಂತರ ಮತ್ತೊಮ್ಮೆ ರವಿಚಂದ್ರನ್ ಜೊತೆಯಾಗಿದ್ದಾರೆ.

    ಈ ಚಿತ್ರಕ್ಕೆ ರವಿಚಂದ್ರನ್ ಬರೀ ನಾಯಕನಷ್ಟೇ ಅಲ್ಲ,  ಕಥೆ, ಚಿತ್ರಕಥೆಯೂ ಅವರದ್ದೇ. ನಿರ್ದೇಶಕರೂ ಅವರೇ. ಚಿತ್ರವನ್ನು ಈಶ್ವರಿ ಪ್ರೊಡಕ್ಷನ್ ಬ್ಯಾನರ್‌ನಡಿ ನಿರ್ಮಿಸುತ್ತಿದ್ದಾರೆ ಗೌತಮ್ ಶ್ರೀವತ್ಸ ಸಂಗೀತ ಮತ್ತು ಜಿ.ಎಸ್.ವಿ. ಸೀತಾರಾಂ ಛಾಯಾಗ್ರಹಣ ಚಿತ್ರಕ್ಕಿದೆ. ರವಿಚಂದ್ರನ್ ಈಗಾಗಲೇ 'ದಶರಥ' ಮತ್ತು 'ಬಕಾಸುರ' ಚಿತ್ರಗಳನ್ನು ಬಹುತೇಕ ಮುಗಿಸಿದ್ದಾರೆ.

    Related Articles :-

    Radhika Is The Heroine For Rajendra Ponnappa

     

     

  • ರಾಜಕುಮಾರಿಗೆ ಹೆಸರಿಡುವ ಹೊಣೆ ಯಶ್ ಅವರದ್ದೇ..

    yash to name his princess soon

    ರಾಕಿಂಗ್ ಸ್ಟಾರ್ ಯಶ್, ರಾಧಿಕಾ ಪಂಡಿತ್ ಅವರ ಮನೆಗೀಗ ಮುದ್ದಾದ ರಾಜಕುಮಾರಿ ಬಂದಿದ್ದಾಳೆ. ಮಗಳನ್ನು ತಮ್ಮ ವಿವಾಹ ವಾರ್ಷಿಕೋತ್ಸವದ ದಿನವೇ ಮನೆದುಂಬಿಸಿಕೊಂಡಿದ್ದಾರೆ ಯಶ್ ದಂಪತಿ. ನಮ್ಮ ಮಗು, ನಮ್ಮ ವಿವಾಹ ವಾರ್ಷಿಕೋತ್ಸವದ ಉಡುಗೊರೆ ಎಂದು ಹೇಳಿದ್ದಾರೆ ರಾಧಿಕಾ. 

    ಎಲ್ಲ ಓಕೆ.. ನಿಮ್ಮ ರಾಜಕುಮಾರಿಯ ಹೆಸರೇನು ಅಂದ್ರೆ ಅದರ ಹೊಣೆ ಇರೋದು ಯಶ್ ಮೇಲೆ. ಗಂಡು ಮಗು ಆಗಲಿದೆ ಎಂದು ರಾಧಿಕಾ, ಹೆಣ್ಣು ಮಗು ಆಗಲಿದೆ ಎಂದು ಯಶ್ ಬೆಟ್ ಕಟ್ಟಿದ್ದರಂತೆ. ಗಂಡು ಮಗು ಹುಟ್ಟಿದರೆ ಏನು ಹೆಸರಿಡಬೇಕು ಎಂದು ರಾಧಿಕಾ ಮೊದಲೇ ನಿರ್ಧರಿಸಿದ್ದರಂತೆ. ಹೆಣ್ಣು ಹುಟ್ಟಿದರೆ ಏನು ಹೆಸರಿಡಬೇಕು ಎಂದು ಯಶ್ ಫೈನಲ್ ಮಾಡಬೇಕಿತ್ತು.

    ನಾನು ಕೆಲಸದ ಬ್ಯುಸಿಯಲ್ಲಿ ಹೆಸರು ಫೈನಲ್ ಮಾಡೋಕೆ ಆಗಲಿಲ್ಲ. ಇನ್ನು ಕೆಲವೇ ದಿನಗಳಲ್ಲಿ ಹೆಸರು ನಿರ್ಧರಿಸುತ್ತೇನೆ ಎಂದಿದ್ದಾರೆ ಯಶ್.

    ಆಸ್ಪತ್ರೆಯಿಂದ ಮನೆಗೆ ಹೋಗುವ ಮುನ್ನ ಸುದ್ದಿಗೋಷ್ಟಿಯಲ್ಲಿ ಮಗುವಿನೊಂದಿಗೆ ಬಂದಿದ್ದ ಯಶ್ ದಂಪತಿ, ತಮ್ಮ ಬಗ್ಗೆ ಕಾಳಜಿ ತೋರಿಸಿದ ಎಲ್ಲರಿಗೂ ಧನ್ಯವಾದ ಎಂದರು.

    ಅಂಬರೀಷ್ ಅವರು ನೀಡಿದ ತೊಟ್ಟಿಲು ಉಡುಗೊರೆಯನ್ನು ಪ್ರೀತಿಯಿಂದ ಸ್ಮರಿಸಿದ ಯಶ್, ನಮಗೆ ಅವರು ತಂದೆಯ ಸ್ಥಾನದಲ್ಲಿದ್ರು. ಮಗಳನ್ನು ನೋಡಲು ಅವರು ಇರಬೇಕಿತ್ತು ಎಂದು ಭಾವುಕರಾದರು ಯಶ್.

  • ರಾಧಿಕಾ ಪಂಡಿತ್ ಕುಟುಂಬಕ್ಕೆ ಲಕ್ಷ್ಮಿ ಬಂದಳು..!

    radhika pandit welcomes brothers daughter

    ಯಶ್ ಅವರನ್ನು ಮದುವೆಯಾದ ಮೇಲೆ ರಾಧಿಕಾ ಪಂಡಿತ್ ಅವರಿಗೆ ಆಗಾಗ ಮುಂದಿನ ಗುಡ್ ನ್ಯೂಸ್ ಯಾವಾಗ ಅನ್ನೋ ಪ್ರಶ್ನೆ ಎದುರಾಗ್ತಾನೇ ಇರುತ್ತೆ. ಸದ್ಯಕ್ಕಿಲ್ಲ ಎಂದು ನಕ್ಕು ಮುಂದೆ ಸಾಗುವ ರಾಧಿಕಾ ಪಂಡಿತ್, ಈಗ ಅತ್ತೆಯಾಗಿದ್ದಾರೆ. ರಾಧಿಕಾ ಅವರ ಸಹೋದರ ಗೌರಂಗ್ ಪಂಡಿತ್, ಅತ್ತಿಗೆ ಸಹನಾ ದಂಪತಿ ಮುದ್ದು ಮಗುವಿಗೆ ಜನ್ಮ ನೀಡಿದ್ದಾರೆ. ಅತ್ತಿಗೆಯ ಹೆರಿಗೆಗಾಗಿ ಅಮೆರಿಕಕ್ಕೇ ಹೋಗಿದ್ದ ರಾಧಿಕಾ, ಮಗುವಿನ ಫೋಟೋ ಜೊತೆ ತಮ್ಮ ಕುಟುಂಬಕ್ಕೆ ಹೊಸ ಸದಸ್ಯನ ಆಗಮನ ಸಾರಿದ್ದಾರೆ.

    `ನಾನು ಈಗ ಅತ್ತೆ ಆಗಿದ್ದೇನೆ. ಮುದ್ದು ಕಂದನನ್ನು ನೋಡಿದ ತಕ್ಷಣ ನಾನು ಎಮೋಷನಲ್ ಆದೆ. ನನ್ನ ನೋಟವನ್ನು ಬೇರೆಡೆ ಬದಲಿಸಲು ಆಗುತ್ತಿಲ್ಲ. ಈಗ ಅಣ್ಣ ಅತ್ತಿಗೆ ಪೋಷಕರಾಗಿದ್ದಾರೆ ಎಂದು ಬರೆದುಕೊಂಡಿದ್ದಾರೆ ರಾಧಿಕಾ.

    ಸದ್ಯಕ್ಕೆ ಚಿಕಾಗೋದಲ್ಲಿರುವ ರಾಧಿಕಾ, ಇನ್ನೂ 22 ದಿನ  ಯಶ್‍ರನ್ನು ನೋಡದೇ ಇರಬೇಕು. ಅವರನ್ನು ತುಂಬಾ ಮಿಸ್ ಮಾಡಿಕೊಳ್ಳುತ್ತಿದ್ದೇನೆ ಎಂದಿದ್ದಾರೆ.

  • ರಾಧಿಕಾ ಪಂಡಿತ್ ಸ್ವಾಗತಕ್ಕೆ ಸಿದ್ಧರಾಗಿ..

    adilakshmi purana coming soon

    ರಾಧಿಕಾ ಪಂಡಿತ್ ತೆರೆಯ ಮೇಲೆ ಕಾಣಿಸಿಕೊಂಡು ಹೆಚ್ಚೂ ಕಡಿಮೆ 3 ವರ್ಷ. ಮದುವೆ.. ಬಾಣಂತನ, ಕಂದನ ಆರೈಕೆಗಳಲ್ಲೇ ಮುಳುಗಿಹೋಗಿದ್ದ ರಾಧಿಕಾ ಪಂಡಿತ್ ಮತ್ತೆ ಬರುತ್ತಿದ್ದಾರೆ. ಅಫ್‍ಕೋರ್ಸ್, ಇದು ಯಶ್ ಮದುವೆಯಾದ ಮೇಲೆ ಅವರು ನಟಿಸಿದ್ದ ಸಿನಿಮಾ. ಆದಿಲಕ್ಷ್ಮೀ ಪುರಾಣ.

    ರಾಕ್‍ಲೈನ್ ವೆಂಕಟೇಶ್ ನಿರ್ಮಾಣದ ಚಿತ್ರದಲ್ಲಿ ರಂಗಿತರಂಗ ಖ್ಯಾತಿಯ ನಿರೂಪ್ ಭಂಡಾರಿ ಹೀರೋ.

    ಮಣಿರತ್ನಂ ಅವರ ಬಳಿ ಅಸಿಸ್ಟೆಂಟ್ ಆಗಿದ್ದ ಪ್ರಿಯಾ ಈ ಚಿತ್ರದ ನಿರ್ದೇಶಕಿ. ಚಿತ್ರದ ಬಿಡುಗಡೆಗೆ ವ್ಯವಸ್ಥೆಗಳಾಗುತ್ತಿದ್ದು, ಜೂನ್ 21ಕ್ಕೆ ಆದಿಲಕ್ಷ್ಮೀ ಪುರಾಣದ ಆಡಿಯೋ ರಿಲೀಸ್ ಆಗಲಿದೆ. ಜುಲೈನಲ್ಲಿ ಸಿನಿಮಾ ತೆರೆ ಮೇಲೆ ಬರಲಿದೆ.

  • ರಾಧಿಕಾ ಪಂಡಿತ್ ಹೀಗಿದ್ದಾರ್ ನೋಡಿ..

    second year engagement anniversary for yash and radhika

    ರಾಧಿಕಾ ಪಂಡಿತ್ ತಾಯಿಯಾಗುತ್ತಿದ್ದಾರೆ. ತಾವು ತಾಯಿಯಾಗುತ್ತಿರುವುದನ್ನು ಖಚಿತ ಪಡಿಸಿರುವ ರಾಧಿಕಾ, ತುಂಬಿದ ಹೊಟ್ಟೆಯಲ್ಲಿ ಹೇಗೆ ಕಾಣಿಸುತ್ತಿದ್ದಾರೆ ಅನ್ನೋದನ್ನ ಎಲ್ಲರ ಜೊತೆ ಹಂಚಿಕೊಂಡಿದ್ದಾರೆ. ಯಶ್ ಜೊತೆ ಬಸುರಿ ರಾಧಿಕಾರನ್ನು ನೋಡುವುದೇ ಒಂದು ಚೆಂದ.

    ಅಂದಹಾಗೆ ಆಗಸ್ಟ್ 12, ಯಶ್-ರಾಧಿಕಾ ನಿಶ್ಚಿತಾರ್ಥವಾದ ದಿನ. 2 ವರ್ಷಗಳ ಹಿಂದೆ ಆಗಸ್ಟ್ 12ರಂದೇ ಮದುವೆಯ ಗುಟ್ಟು ಮುರಿದಿದ್ದ ಜೋಡಿ, ಈಗ ಅದೇ ಆಗಸ್ಟ್ 12ರಂದು ಮಗುವಿನ ಗುಟ್ಟು ಹೇಳಿದೆ. ಮರಿ ಕೃಷ್ಣನೋ.. ರಾಧೆಯೋ.. ಚೆಂದದ ಮಗು ಮಡಿಲಿಗೆ ಬರಲಿ. ಅದು ಅಭಿಮಾನಿಗಳ ಹಾರೈಕೆ.

  • ರಾಧಿಕಾ ಪಂಡಿತ್, ಯಶ್ ದಂಪತಿಗೆ ಗಂಡು ಮಗು

    radhika pandit yash blessed with baby boy

    ಯಶ್ ಮತ್ತು ರಾಧಿಕಾ ಪಂಡಿತ್ ಮನೆಯಲ್ಲೀಗ ಮತ್ತೆ ಸಂಭ್ರಮ. ಐರಾಗೊಬ್ಬ ತಮ್ಮ ಬಂದಿದ್ದಾನೆ. ರಾಧಿಕಾ ಪಂಡಿತ್ 2ನೇ ಮಗುವಿಗೆ ತಾಯಿಯಾಗಿದ್ದಾರೆ. ಪೋರ್ಟಿಸ್ ಆಸ್ಪತ್ರೆಯಲ್ಲಿ ರಾಧಿಕಾ ಪಂಡಿತ್ ಗಂಡು ಮಗುವಿಗೆ ಜನ್ಮ ನೀಡಿದ್ದಾರೆ.

    ಡಿಸೆಂಬರ್ 2, 2018ರಂದು ರಾಧಿಕಾ ಪಂಡಿತ್, ಐರಾಳಿಗೆ ಜನ್ಮ ನೀಡಿದ್ದರು. ನಂತರ ಜೂನ್‍ನಲ್ಲಿ ಮತ್ತೊಮ್ಮೆ ಗರ್ಭಿಣಿ ಎನ್ನುವುದನ್ನು ಬಹಿರಂಗಪಡಿಸಿದ್ದರು. ಈಗ ಅಕ್ಟೋಬರ್ 30ರಂದು ಮಗ ಹುಟ್ಟಿದ್ದಾನೆ.

  • ರಾಧಿಕಾ ಶೂಟಿಂಗ್ ಸ್ಟಾರ್ಟ್..!

    radhika shoots for simple sundari

    ಯಶ್ ಅವರ ಜೊತೆ ವಿವಾಹವಾದ ನಂತರ ಸಿನಿಮಾ ರಂಗದಿಂದ ಸ್ವಲ್ಪ ಬಿಡುವು ತೆಗೆದುಕೊಂಡಿದ್ದ ರಾಧಿಕಾ ಪಂಡಿತ್, ಮತ್ತೆ ಶೂಟಿಂಗ್‍ಗೆ ಎಂಟ್ರಿ ಕೊಟ್ಟಿದ್ದಾರೆ. ಆಲ್‍ಮೋಸ್ಟ್ ಒಂದು ವರ್ಷದ ಬಳಿಕ ರಾಧಿಕಾ ನಟಿಸುತ್ತಿರುವ ಹೊಸ ಚಿತ್ರಕ್ಕೆ ಇನ್ನೂ ಹೆಸರಿಟ್ಟಿಲ್ಲ. ರಾಕ್‍ಲೈನ್ ವೆಂಕಟೇಶ್ ನಿರ್ಮಾಣದ ಈ ಚಿತ್ರದಲ್ಲಿ ರಂಗಿತರಂಗ ಖ್ಯಾತಿಯ ನಿರೂಪ್ ಭಂಡಾರಿ ಹೀರೋ.

    ಸಿಂಪಲ್ ಸುಂದರಿಯ ಹೊಸ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳುತ್ತಿರುವುದು ವಿ.ಪ್ರಿಯಾ. ಮಣಿರತ್ನಂ ಅವರ ಜೊತೆಗೆ ಅಸಿಸ್ಟೆಂಟ್ ಆಗಿದ್ದ ನಿರ್ದೇಶಕಿ ಪ್ರಿಯಾಗೆ ಇದು ಮೊದಲ ಕನ್ನಡ ಚಿತ್ರ. ಶೂಟಿಂಗ್‍ನಲ್ಲಿದ್ದ ಒಂದು ಫೋಟೋವನ್ನು ಹಂಚಿಕೊಂಡಿರುವ ರಾಧಿಕಾ ಪಂಡಿತ್, ನಿಮ್ಮ ಶುಭ ಹಾರೈಕೆಗಳಿರಲಿ ಎಂದಿದ್ದಾರೆ. 

  • ರಾಧಿಕಾ-ನಿರೂಪ್ ಆದಿ ಲಕ್ಷ್ಮೀ ಪುರಾಣ

    radhika nirup's new movie title is aadi lakshmi purana

    ರಾಧಿಕಾ ಪಂಡಿತ್, ನಿರೂಪ್ ಭಂಡಾರಿ ಅಭಿನಯದ ಹೊಸ ಸಿನಿಮಾ ಟೈಟಲ್ ಕೊನೆಗೂ ಫಿಕ್ಸ್ ಆಗಿದೆ. ಶೂಟಿಂಗ್ ಮುಗಿಸಿ, ಈಗಾಗಲೇ ಪೋಸ್ಟ್ ಪ್ರೊಡಕ್ಷನ್‍ನಲ್ಲಿರೋ ಸಿನಿಮಾಗೆ ಟೈಟಲ್ ಇಟ್ಟಿರಲಿಲ್ಲ. ಈಗ ಚಿತ್ರಕ್ಕೆ ಆದಿ ಲಕ್ಷ್ಮೀ ಪುರಾಣ ಎಂಬ ಟೈಟಲ್ ಫೈನಲ್ ಮಾಡಿದ್ದಾರೆ ನಿದೇಶಕಿ ಪ್ರಿಯಾ.

    ಯಶ್ ಜೊತೆ ಮದುವೆಯಾದ ನಂತರ ರಾಧಿಕಾ ಪಂಡಿತ್ ನಟಿಸಿರುವ ಸಿನಿಮಾ ಇದು. ರಂಗಿತರಂಗ, ರಾಜರಥ ನಂತರ, ಅಣ್ಣನನ್ನು ಬಿಟ್ಟು ಬೇರೆ ನಿರ್ದೇಶಕರ ಜೊತೆ ನಿರೂಪ್ ಭಂಡಾರಿ ನಟಿಸಿರುವ ಮೊದಲ ಸಿನಿಮಾ ಇದು. ಮಣಿರತ್ನಂ, ಸುಹಾಸಿನಿ ಜೊತೆ ಕೆಲಸ ಮಾಡಿದ್ದ ಪ್ರಿಯಾ ಈ ಚಿತ್ರದ ನಿರ್ದೇಶಕಿ. ರಾಕ್‍ಲೈನ್ ವೆಂಕಟೇಶ್ ನಿರ್ಮಾಣದ ಸಿನಿಮಾ. ಹೀಗಾಗಿಯೇ ಚಿತ್ರದ ಮೇಲೆ ಭಾರಿ ನಿರೀಕ್ಷೆ ಇದೆ.

    ಆದಿ ಅನ್ನೊದು ನಾಯಕನ ಹೆಸರು. ಲಕ್ಷ್ಮೀ ಅನ್ನೋದು ನಾಯಕಿ ಹೆಸರು. ಹೀಗಾಗಿ ಚಿತ್ರಕ್ಕೆ ಆದಿ ಲಕ್ಷ್ಮೀ ಪುರಾಣ ಎಂಬ ಹೆಸರಿಟ್ಟಿದ್ದೇವೆ. ಶೀರ್ಷಿಕೆಗೆ ತಕ್ಕಂತೆ ಸಿನಿಮಾದಲ್ಲಿ ಮುದ್ದಾದ ವಿಭಿನ್ನವಾದ ಪ್ರೇಮ ಕಥೆ ಇದೆ ಎಂದು ಭರವಸೆ ಕೊಟ್ಟಿದ್ದಾರೆ ಪ್ರಿಯಾ.

  • ರಾಧಿಕಾ-ಯಶ್ ಮಾಲ್ಡೀವ್ಸ್‍ನಲ್ಲಿ ಬೇಬಿ ಮೂನ್

    yash and radhika pandit o their babymoon

    ರಾಧಿಕಾ ಪಂಡಿತ್ ತಾಯಿಯಾಗುತ್ತಿದ್ದಾರೆ. ಕುಟುಂಬಕ್ಕೆ ಬರುತ್ತಿರುವ ಹೊಸ ಅತಿಥಿಯ ಸ್ವಾಗತವನ್ನು ವಿಶೇಷವಾಗಿ ಸಂಭ್ರಮಿಸುತ್ತಿದ್ದಾರೆ ಯಶ್ ಮತ್ತು ರಾಧಿಕಾ. ದಂಪತಿಯ ಸಂಭ್ರಮ ಈಗ ಮಾಲ್ಡೀವ್ಸ್‍ಗೆ ಕಾಲಿಟ್ಟಿದೆ.

    ಪತ್ನಿಯೊಂದಿಗೆ ಮಾಲ್ಡೀವ್ಸ್‍ನಲ್ಲಿ ಬೇಬಿ ಮೂನ್ ಸೆಲಬ್ರೇಟ್ ಮಾಡುತ್ತಿದ್ದಾರೆ ರಾಧಿಕಾ ಪಂಡಿತ್. ಪತಿಯೊಂದಿಗೆ ಮಾಲ್ಡೀವ್ಸ್‍ನ ಸುಂದರ ಬೀಚುಗಳಲ್ಲಿ ಸುತ್ತಾಡುತ್ತಿದ್ದಾರೆ. ವಿಶೇಷ ಫೋಟೋಶೂಟ್ ಕೂಡಾ ಮಾಡಿಸಿದ್ದಾರೆ. 

  • ರಾಧಿಕಾರದ್ದು ಕಮ್‍ಬ್ಯಾಕ್ ಎನ್ನಬೇಡಿ - ಯಶ್

    radhika's is not a come back film

    ಪತ್ನಿ ರಾಧಿಕಾ ಪಂಡಿತ್ ಮತ್ತೆ ಬಣ್ಣ ಹಚ್ಚುತ್ತಿರುವುದಕ್ಕೆ ಪತಿ ಯಶ್ ನೀಡಿರುವ ಪ್ರತಿಕ್ರಿಯೆ ಇದು. ಅವರೇನೂ ಚಿತ್ರರಂಗದಿಂದ ದೂರ ಹೋಗಿರಲಿಲ್ಲ. ಗ್ಯಾಪ್ ತೆಗೆದುಕೊಂಡಿದ್ದರು, ಅಷ್ಟೆ. ಅದು ಕಮ್‍ಬ್ಯಾಕ್ ಅಲ್ಲ. ಈಗ ನಾನೂ ಕೂಡಾ ಮದುವೆಯಾದ ಮೇಲೆ ಕೆಜಿಎಫ್‍ನಲ್ಲಿ ನಟಿಸುತ್ತಿದ್ದೇನೆ.

    ನನ್ನ ಚಿತ್ರವನ್ನೇಕೆ ಕಮ್‍ಬ್ಯಾಕ್ ಎನ್ನುವುದಿಲ್ಲ. ಮಹಿಳೆಯರು ಮದುವೆಯಾದ ಮೇಲೆ ನಟಿಸಿದರೆ ಮಾತ್ರ ಕಮ್‍ಬ್ಯಾಕ್ ಎನ್ನುವುದೇಕೆ..ಎಂದೆಲ್ಲ ಪ್ರಶ್ನಿಸಿದ್ದಾರೆ ನಟ ಯಶ್.

    Related Articles :-

    ಮತ್ತೆ ಬಣ್ಣ ಹಚ್ಚುತ್ತಿದ್ದಾರೆ ರಾಧಿಕಾ ಪಂಡಿತ್

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery