` radhika pandit, - chitraloka.com | Kannada Movie News, Reviews | Image

radhika pandit,

  • `ರಾಯ'ರ ಮಗಳ ಫೋಟೋ ವೈರಲ್

    baby yr image

    ಬೇಬಿ ವೈಆರ್. ಇದು ಸದ್ಯಕ್ಕೆ ಯಶ್ ಮತ್ತು ರಾಧಿಕಾ ಪಂಡಿತ್ ಮಗಳಿಗೆ ಇಟ್ಟಿರೋ ಟೆಂಪೊರರಿ ಹೆಸರು. ನಾವು ಸ್ವಲ್ಪ ಕನ್ನಡದಲ್ಲೇ ಕರೆಯುತ್ತಿದ್ದೇವೆ. ರಾಯರ ಮಗಳು ಅನ್ನೋಣ. 

    ಅಕ್ಷಯ ತೃತೀಯದ ದಿನದಂದು, ತಮ್ಮ ಮುದ್ದಿನ ಮಗಳ ಫೋಟೋ ತೋರಿಸಲು ಮುಹೂರ್ತ ಇಟ್ಟುಕೊಂಡಿದ್ದ ಯಶ್ ಮತ್ತು ರಾಧಿಕಾ ಜೋಡಿ, ಮುದ್ದು ಮುದ್ದಾದ ಫೋಟೋ ಬಿಡುಗಡೆ ಮಾಡಿದೆ.

    ಅಭಿಮಾನಿಗಳು, ಚಿತ್ರರಂಗದ ಹಲವು ಕಲಾವಿದರು, ತಂತ್ರಜ್ಞರು.. `ರಾಯ'ರ ಮಗಳಿಗೆ ಶುಭ ಕೋರಿದ್ದಾರೆ. ಹರಸಿ ಆಶೀರ್ವದಿಸಿದ್ದಾರೆ. 

    ಸದ್ಯಕ್ಕಿನ್ನೂ `ರಾಯ'ರ ಮಗಳಿಗೆ ನಾಮಕರಣ ಆಗಿಲ್ಲ. ಸ್ವಲ್ಪ ದಿನಗಳಲ್ಲೇ `ರಾಯ'ರ ಮಗಳ ನಾಮಕರಣದ ಮುಹೂರ್ತ ಫಿಕ್ಸ್ ಆಗಬಹುದು. ಕಾಯ್ತಾ ಇರಿ.

  • ಅಡುಗೆ ಭಟ್ಟನಾದರು ರಾಕಿಂಗ್ ಸ್ಟಾರ್

    yash cooks for his wife radhika pandit

    ರಾಕಿಂಗ್ ಸ್ಟಾರ್ ಯಶ್, ಅಡುಗೆ ಭಟ್ಟನಾಗಿದ್ದಾರೆ. ಮೊಗ್ಗಿನ ಮನಸ್ಸಿನ ಹುಡುಗಿಗಾಗಿ. ಪತ್ನಿ ರಾಧಿಕಾ ಪಂಡಿತ್‍ಗಾಗಿ ಅಡುಗೆ ಮಾಡಿ ಬಡಿಸಿದ್ದಾರೆ ಯಶ್.ಗರ್ಭಿಣಿಯಾಗಿರುವ ರಾಧಿಕಾ ಪಂಡಿತ್‍ಗೆ ಇದು ಬಸುರಿ ಬಯಕೆಯಾ..? ಗೊತ್ತಿಲ್ಲ. ಪತ್ನಿ ಕೇಳಿದ್ದೆಲ್ಲವನ್ನೂ ಪ್ರೀತಿಯಿಂದ ಮಾಡುವ ಯಶ್, ಈ ಬಾರಿ ಅಡುಗೆ ಮಾಡಿದ್ದಾರೆ. 

    ಪರವಾಗಿಲ್ಲ, ಕೆಟ್ಟ ಅಡುಗೆ ಭಟ್ಟನೇನೂ ಅಲ್ಲ. ಎಷ್ಟೆಂದ್ರೂ ರಾಕಿಂಗ್ ಸ್ಟಾರ್ ಅಲ್ವಾ.. ಎಂದು ಕಿಚಾಯಿಸಿದ್ದಾರೆ ರಾಧಿಕಾ ಪಂಡಿತ್.

  • ಅವಳ ಮದುವೆಗೆ ಒಪ್ಪಿಗೆ ಕೊಡ್ತಾನಾ ಗಂಡ..? ಆದಿಲಕ್ಷ್ಮೀ ಪುರಾಣ

    adi lakshmi purana traile released

    ಮದುವೆಯಾಗು.. ಹುಡುಗಿ ನೋಡು.. ಎನ್ನುತ್ತಿದ್ದ ತಾಯಿಗೆ ಹುಡುಗಿಯನ್ನು ನೋಡಿಕೊಂಡು ಬಂದ ಮಗ ಹೇಳ್ತಾನೆ. ``ನಾನೊಂದು ಹುಡುಗಿಯನ್ನ ಇಷ್ಟಪಟ್ಟಿದ್ದೀನಿ. ಅವಳನ್ನೇ ಮದುವೆಯಾಗ್ತೀನಿ' ತಾಯಿ ಹೇಳ್ತಾಳೆ `ಕೇಳೋಣ ಬಿಡು' ಆದರೆ ಮಗನ ಮುಂದಿನ ರಿಯಾಕ್ಷನ್ ನೋಡಿ.. ಕೇಳೋದಾದ್ರೆ, ಅವಳ ಗಂಡನ್ನೇ ಕೇಳಬೇಕು..

    ಇಂತಹ ಸಣ್ಣದೊಂದು ಪಂಚ್ ಕೊಟ್ಟೇ ಟ್ರೇಲರ್ ಬಿಟ್ಟಿದ್ದಾರೆ ನಿರ್ಮಾಪಕ ರಾಕ್‍ಲೈನ್ ವೆಂಕಟೇಶ್. ಆದಿಲಕ್ಷ್ಮೀ ಪುರಾಣದ ಟ್ರೇಲರ್‍ನ ಝಲಕ್ ಇದು. ನಿರೂಪ್ ಭಂಡಾರಿ ಮತ್ತು ರಾಧಿಕಾ ಪಂಡಿತ್ ಅಭಿನಯದ ಈ ಸಿನಿಮಾಗೆ ಪ್ರಿಯಾ ನಿರ್ದೇಶಕಿ.

    2016ರಲ್ಲಿ ಯಶ್ ಜೊತೆ ನಟಿಸಿದ್ದ ಸಂತು ಸ್ಟ್ರೈಟ್ ಫಾರ್ವರ್ಡ್ ಚಿತ್ರದ ನಂತರ ರಾಧಿಕಾ ಪಂಡಿತ್ ಅವರು ನಟಿಸಿರುವ ಚಿತ್ರವಿದು. ಯಶ್ ಅವರನ್ನು ಮದುವೆಯಾದ ಮೇಲೆ ಮತ್ತೊಮ್ಮೆ ತೆರೆ ಮೇಲೆ ಕಾಣಿಸಿಕೊಂಡಿರೋ ಮೊದಲ ಚಿತ್ರ. 

  • ಆದಿಲಕ್ಷ್ಮಿ ಪುರಾಣ

    adi lakshmi purana highlights

    ಆದಿ ದಕ್ಷ, ಪ್ರಾಮಾಣಿಕ ಅಧಿಕಾರಿ. ಸುಳ್ಳು ಹೇಳುವವರನ್ನು ಕಂಡ್ರೆ ಆಗೋದಿಲ್ಲ... ಅದು ನಿರೂಪ್ ಭಂಡಾರಿ..

    ಅವನಿಗೆ ಮದುವೆಯಾಗಿಲ್ಲ. ಹುಡುಗಿ ಹುಡುಕುತ್ತಿದ್ದಾರೆ. ಇವನೇ ಯಾರಿಗೂ ಎಸ್ ಅಂತಿಲ್ಲ.. ಇವನಿಗೆ ಎಂತ ಹುಡುಗಿ ಬೇಕು ಅಂದ್ರೆ, ಅವಳನ್ನು ನೋಡಿದ ತಕ್ಷಣ ಮಿಂಚು ಹೊಡೀಬೇಕು. ಹಾರ್ಟಲ್ಲಿ ಸುನಾಮಿ ಎದ್ದೇಳಬೇಕು...

    ನಿರೂಪ್‍ಗೆ ಮಿಂಚು ಹೊಡೆಸಿ, ಸುನಾಮಿಯನ್ನೂ ಏಳುವಂತೆ ಮಾಡುವ ಚೆಲುವೆ ಸಿಂಡ್ರೆಲಾ ರಾಧಿಕಾ ಪಂಡಿತ್.

    ನಿಮ್ಮ ಹೆಸರು ನಂದಿನಿ ಅಲ್ಲ ತಾನೆ.. ಹಳೆಯ ಕಾಲದಿಂದಲೂ ಆ ಹೆಸರಿನ ಹುಡುಗೀರೇ ಹುಡುಗರಿಗೆ ಹುಚ್ಚು ಹಿಡಿಸಿರೋದು ಎನ್ನುವ ಡೈಲಾಗಿನಲ್ಲಿ ಬಂಧನ, ಮುಂಗಾರು ಮಳೆ ಚಿತ್ರಗಳನ್ನೆಲ್ಲ ನೆನಪಿಸಿಬಿಡ್ತಾರೆ.

    ಆದಿ ಲಕ್ಷ್ಮಿ ಲವ್ ಪುರಾಣದ ಕಥೆ ಇಷ್ಟರಲ್ಲೇ ಕುತೂಹಲ ಹುಟ್ಟಿಸಿಬಿಡುತ್ತೆ. ಮಣಿರತ್ನಂ ಅಸಿಸ್ಟೆಂಟ್ ಆಗಿದ್ದ ಪ್ರಿಯಾ ನಿರ್ದೇಶನದ ಮೊದಲ ಚಿತ್ರವಿದು. 

    ಈಗ ಕುತೂಹಲವನ್ನು ಹಿಮಾಲಯದ ಎತ್ತರಕ್ಕೆ ಹೊತ್ತೊಯ್ಯುವ ಈ ಡೈಲಾಗ್ ಕೇಳಿಬಿಡಿ.

    ನಾನೊಂದು ಹುಡುಗಿಯನ್ನು ಇಷ್ಟಪಟ್ಟಿದ್ದೇನೆ ಅಂತಾನೆ ನಾಯಕ. ಓಕೆ ಅನ್ನೋದನ್ನೇ ಕಾಯುತ್ತಿರುವ ನಾಯಕನ ಅಮ್ಮ ತಾರಾ, ಬಾ.. ಹೋಗಿ ಅವರ ಅಪ್ಪ ಅಮ್ಮನನ್ನ ಕೇಳಿಬಿಡೋಣ ಅಂತಾರೆ.

    ನಾವು ಹೆಣ್ಣು ಕೇಳೋದಾದ್ರೆ, ಅವಳ ಗಂಡನನ್ನೇ ಕೇಳಬೇಕು ಅಂತಾನೆ ನಾಯಕ.. ಮುಂದಿನದ್ದು.. ನಿಮ್ಮ ಊಹೆಗೆ ಬಿಟ್ಟಿದ್ದು. ಉತ್ತರ ಸಿಕ್ಕೋದು ಮುಂದಿನ ವಾರ.

  • ಆದಿಲಕ್ಷ್ಮೀ ಪುರಾಣದಲ್ಲಿ ಹೆಣ್ಮಕ್ಳದ್ದೇ ಸಾಮ್ರಾಜ್ಯ

    women power in adilakshmi purana

    ಆದಿಲಕ್ಷ್ಮೀ ಪುರಾಣ, ರಾಧಿಕಾ ಪಂಡಿತ್‍ರನ್ನು 3 ವರ್ಷಗಳ ನಂತರ ತೆರೆಗೆ ತರುತ್ತಿರುವ ಚಿತ್ರವಿದು. ರಾಜರಥ ನಂತರ ನಿರೂಪ್ ಭಂಡಾರಿ ನಟಿಸಿರುವ ಚಿತ್ರವೂ ಆದಿಲಕ್ಷ್ಮೀ ಪುರಾಣ. ಮದುವೆಯಾಗಿರುವ ಹುಡುಗಿಯನ್ ಲವ್ ಮಾಡೋ ಸ್ಟೋರಿ ಇರುವ ಆದಿಲಕ್ಷ್ಮೀಪುರಾಣದಲ್ಲಿ ಹೆಣ್ಮಕ್ಕಳದ್ದೇ ಸಾಮ್ರಾಜ್ಯ.

    ನಿರ್ಮಾಪಕ ರಾಕ್‍ಲೈನ್ ವೆಂಕಟೇಶ್. ಆದರೆ, ಚಿತ್ರದ ನಿರ್ದೇಶಕಿ ಪ್ರಿಯಾ. ಆಕೆ ಮಣಿರತ್ನಂ ಅಸಿಸ್ಟೆಂಟ್ ಆಗಿದ್ದ ಹುಡುಗಿ. ಅವರಷ್ಟೇ ಅಲ್ಲ, ಚಿತ್ರದ ಛಾಯಾಗ್ರಹಕಿಯೂ ಪ್ರೀತಾ ಅನ್ನೋ ಇನ್ನೊಬ್ಬ ಹುಡುಗಿ. ಸ್ಸೋ.. ಇಲ್ಲಿ ಚಿತ್ರತಂಡದವರನ್ನೆಲ್ಲ ಆಡಿಸಿರೋದು, ಕುಣಿಸಿರೋದು ಹೆಂಗಸರೇ. ಚಿತ್ರ ರಿಲೀಸ್‍ಗೆ ರೆಡಿಯಾಗಿ ನಿಂತಿದೆ. ಜಸ್ಟ್ ವೇಯ್ಟ್..

  • ಗಲಿ ಗಲಿ ಮೇ.. ಡ್ಯಾನ್ಸ್ ಯಶ್ ಜೊತೆ ರಾಧಿಕಾ ಪಂಡಿತ್ ಹೆಜ್ಜೆ

    yash dances for gali gali

    ಕೆಜಿಎಫ್‍ನಲ್ಲಿ ಭರ್ಜರಿ ಸೌಂಡು ಮಾಡಿದ್ದ ಹಾಡು ಗಲೀ ಗಲೀ ಮೇ.. ಕನ್ನಡದಲ್ಲಿ ಜೋಕೆ ನಾನು ಬಳ್ಳಿಯ ಮಿಂಚು ಹಾಡನ್ನು ಬಳಸಿದ್ದರೆ, ಹಿಂದಿ ವರ್ಷನ್‍ನಲ್ಲಿ ಗಲಿ ಗಲಿ ಮೇ.. ಹಾಡನ್ನು ಬಳಸಲಾಗಿತ್ತು. ಆ ಹಾಡಿಗೆ ಯಶ್ ಜೊತೆ ಹೆಜ್ಜೆ ಹಾಕಿದ್ದ ಚೆಲುವೆ ಮೌನಿ ರಾಯ್ ಹಾಡಿ ಕುಣಿದಿದ್ದರು. ಈಗ ಅದೇ ಹಾಡಿಗೆ ಯಶ್ ಜೊತೆ ರಾಧಿಕಾ ಪಂಡಿತ್ ಹೆಜ್ಜೆ ಹಾಕಿದ್ದಾರೆ.

    2ನೇ ಮಗುವಿಗೆ ತಾಯಿಯಾಗುತ್ತಿರುವ ರಾಧಿಕಾ ಪಂಡಿತ್ ಜೊತೆ ಯಶ್ ಗಲೀ ಗಲೀ ಮೇ ಹಾಡಿಗೆ ಸ್ಟೆಪ್ ಹಾಕಿದ್ದಾರೆ. ಈಗಲೂ ನಾನು ನಿಮ್ಮೊಂದಿಗೆ ನಿಮ್ಮ ರಿದಂಗೆ ಹೆಜ್ಜೆ ಹಾಕಬಲ್ಲೆ ಎಂದು ಬರೆದುಕೊಂಡಿದ್ದಾರೆ ರಾಧಿಕಾ ಪಂಡಿತ್. 

  • ಗೆಳತಿಯರಿಂದಲೇ ರಾಧಿಕಾ ಪಂಡಿತ್ ಸೀಮಂತ

    radhika pandit'a baby shower

    ನಟಿ ರಾಧಿಕಾ ಪಂಡಿತ್ 2ನೇ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ಮೊದಲ ಮಗು ಐರಾಳ ತೊದಲು ಮಾತು ಕೇಳುವ ಹೊತ್ತಿನಲ್ಲಾಗಲೇ 2ನೇ ಮಗುವಿಗಾಗಿ ಕಾಯುತ್ತಿದ್ದಾರೆ. ಇದೆಲ್ಲದರ ನಡುವೆ ರಾಧಿಕಾ ಪಂಡಿತ್ ಸೀಮಂತವೂ ಆಗಿದೆ.

    ವೆಸ್ಟರ್ನ್ ಶೈಲಿಯಲ್ಲಿ ರಾಧಿಕಾರ ಸೀಮಂತ ಮಾಡಿರುವುದು ಗೆಳತಿಯರು. ಫೇರಿಟೇಲ್ ನೆನಪಿಸುವ ಶೈಲಿಯಲ್ಲಿ ರಾಧಿಕಾ ಪಂಡಿತ್ ಅವರ ಸೀಮಂತ ಮಾಡಿ ಸಂಭ್ರಮಿಸಿದ್ದಾರೆ. ಮನೆಯವರು ಮಾಡುವುದು ಬೇರೆ.. ಅಣ್ಣನೋ.. ಅಕ್ಕನೋ.. ತಂಗಿಯರೋ ಮಾಡುವುದು ಬೇರೆ.. ಇದು ಹಾಗಲ್ಲ. ರಾಧಿಕಾ ಪಂಡಿತ್ ತಮ್ಮ ಗೆಳತಿಯರನ್ನು ಪ್ರೀತಿಸುವ ಪರಿ ಹೇಗಿದೆ ಎಂಬುದಕ್ಕೆ ಈ ಸೀಮಂತವೇ ಉದಾಹರಣೆ.

  • ಡುಮ್ಮಿ.. ಲಡ್ಡೂ.. ಸೋಡಾಬುಡ್ಡಿ.. ಲಕ್ಷ್ಮೀ.. ರಾಧಿಕಾ ಪಂಡಿತ್

    radhika is a sweet faced liar in adi lakshmi purana

    ಡುಮ್ಮಿ ಲಕ್ಷ್ಮೀ ಎಂದರೂ ಅವಳು ತಿರುಗಿ ನೋಡ್ತಾಳೆ.. ಸೋಡಾಬುಡ್ಡಿ ಅಂದ್ರೂ ಹಾ ಅಂತಾಳೆ.. ಲಡ್ಡೂ ಲಕ್ಷ್ಮಿ ಎಂದರೂ ಓ ಅಂತಾಳೆ.. ಅವಳು ಆದಿಲಕ್ಷ್ಮೀ ಪುರಾಣದ ಲಕ್ಷ್ಮಿ.. ಅರ್ಥಾತ್ ರಾಧಿಕಾ ಪಂಡಿತ್.

    ಇಂತಹ ಮಾತುಗಳನ್ನೇ ಕೇಳಿ ಬೆಳೆದ ಲಕ್ಷ್ಮಿ, ನಾನು ನೋಡೋಕೆ ಚೆನ್ನಾಗಿಲ್ಲ.. ಕುರೂಪಿ ಎನ್ನುವ ಭಾವನೆಯಲ್ಲೇ ಬೆಳೆದಿರುತ್ತಾಳೆ ಲಕ್ಷ್ಮಿ. ಯಾರಾದರೂ ನೀನು ಚೆನ್ನಾಗಿದ್ದೀಯ ಅಂದ್ರೂ ನಂಬೋಕೆ ರೆಡಿ ಇರಲ್ಲ. ಧೋನಿ ಅಂದ್ರೆ ಈ ಲಕ್ಷ್ಮೀಗೆ ಪಂಚಪ್ರಾಣ. ಇಂತಹ ಹುಡುಗಿಯನ್ನು  ಆದಿ ಅರ್ಥಾತ್ ನಿರೂಪ್ ಭಂಡಾರಿ ಲವ್ ಮಾಡ್ತಾರೆ. ಅಷ್ಟು ಹೊತ್ತಿಗೆ ಈ ಲಡ್ಡೂಗೆ ಮದುವೆಯಾಗಿ 7 ವರ್ಷದ ಮಗುವೂ ಇರುತ್ತಾ..? ಟ್ರೇಲರ್ ನೋಡೋವ್ರಿಗೆ ಕಾಡುವ ಕುತೂಹಲವಿದು.

    ನಿರ್ದೇಶಕಿ ಪ್ರಿಯಾ, ಸುಳ್ಳುಗಳಿಂದಲೇ ತುಂಬಿ ತುಳುಕುವ ಒಂದು ಮಜಾ ಸ್ಟೋರಿ ಹೇಳಿದ್ದಾರೆ. ರಾಕ್‍ಲೈನ್ ವೆಂಕಟೇಶ್ ನಿರ್ಮಾಣದ ಆದಿ ಲಕ್ಷ್ಮೀ ಪುರಾಣ ಚಿತ್ರ ಈಗ ಥಿಯೇಟರುಗಳಲ್ಲಿದೆ. ನೋಡಿ.. ಮಜಾ ಮಾಡಿ..

  • ಡೊಲ್ಲ ಅಂದ್ರೆ ತಿರುಗಿ ನೋಡ್ಲೇಬೇಕು ಯಶ್..!

    radhika's nick name for yash is dolla

    ರಾಕಿಂಗ್ ಸ್ಟಾರ್ ಯಶ್, ಡೊಲ್ಲ ಅಂತ ಕೂಗಿದ್ರೆ ತಿರುಗಿ ನೋಡ್ಲೇಬೇಕು. ಯೆಸ್.. ಏಕಂದ್ರೆ, ಅದು ರಾಧಿಕಾ ಪಂಡಿತ್ ಮೊಬೈಲ್‍ನಲ್ಲಿ ಯಶ್ ಅವರ ನಂಬರ್‍ಗೆ ರಾಧಿಕಾ ಇಟ್ಟುಕೊಂಡಿರೋ ಹೆಸರು.

    ಮದುವೆಗೂ ಮೊದಲು ಯಾರಿಗೂ ಗೊತ್ತಾಗದಂತೆ  ಸೀಕ್ರೆಟ್ ಮೈನ್‍ಟೇನ್ ಮಾಡುವಾಗ ಯಶ್ ಅವರ ಹೆಸರನ್ನು ಡೊಲ್ಲ ಎಂದು ಸೇವ್ ಮಾಡಿಟ್ಟುಕೊಂಡಿದ್ದರಂತೆ. ಮದುವೆಯಾದ ಮೇಲೂ ಅದು ಬದಲಾಗಿಲ್ಲ. ಈಗಲೂ ರಾಧಿಕಾ ಪಂಡಿತ್ ಮೊಬೈಲ್‍ನಲ್ಲಿ ಡೊಲ್ಲ ಅಂತಾನೇ ಯಶ್ ನಂಬರ್ ಸೇವ್ ಆಗಿದೆ. 

  • ತಾವೇ ತುಂಬಿಸಿದ ಕೆರೆಗೆ ಯಶ್, ರಾಧಿಕಾ ಬಾಗಿನ

    yash radhika pandit at yalaburga district

    ರಾಕಿಂಗ್‌ ಸ್ಟಾರ್‌ ಯಶ್‌ ಹಾಗೂ ರಾಧಿಕಾ ಪಂಡಿತ್ ಯಲಬುರ್ಗಾ ತಾಲೂಕಿನ ತಲ್ಲೂರು ಕೆರೆಗೆ ಬಾಗಿನ ಅರ್ಪಿಸಿದ್ದಾರೆ. ಬರದಿಂದ ನೀರೇ ಬತ್ತಿ ಹೋಗಿದ್ದ ಈ ಕೆರೆಯ ಪುನರುಜ್ಜೀವನಕ್ಕೆ ಯಶ್ ಸುಮಾರು 1 ಕೋಟಿ ಖರ್ಚು ಮಾಡಿದ್ದಾರೆ. ತಾವೇ ತುಂಬಿಸಿದ ಕೆರೆಗೆ ದಂಪತಿ ಬಾಗಿನ ಅರ್ಪಿಸಿ, ಗಂಗೆಗೆ ಕೈ ಮುಗಿದಿದ್ದಾರೆ.

    ಯಶೋಮಾರ್ಗ ಫೌಂಡೇಶನ್‌ ಮೂಲಕ ಫೆಬ್ರವರಿ 28ರಂದು ಕಾಮಗಾರಿ ಶುರುವಾಗಿತ್ತು. ಹೂಳು ತೆಗೆಯುವ ವೇಳೆ ಕೆಲವೇ ದಿನಗಳಲ್ಲಿ ಕೆರೆಯಲ್ಲಿ ಅಂತರ್ಜಲ ಉಕ್ಕಿ ಹರಿದಿತ್ತು. ಇತ್ತೀಚೆಗೆ ಸುರಿದ ಭಾರಿ ಮಳೆಯಿಂದಾಗಿ ಕೆರೆ ಮತ್ತಷ್ಟು ತುಂಬಿರುವುದು ಗ್ರಾಮಸ್ಥರ ಮೊಗದಲ್ಲಿ ಸಂತಸ ಮೂಡಿಸಿದೆ.

    ತುಂಬಿದ ಕೆರೆಯನ್ನು ನೋಡಲು ಸಂತಸವಾಗುತ್ತಿದೆ ಎಂದು ಯಶ್ ಹೇಳಿದ್ದಾರೆ.

  • ನಾನು ಯಶ್​ ಅವರನ್ನ ಮದುವೆ ಆಗ್ಲಾ..? - ರಾಧಿಕಾಗೇ ಕೇಳಿದ ಹುಡುಗಿ

    a girl proposed yash

    ಯಶ್ ಅಂದ್ರೆ ಹೆಣ್ಮಕ್ಕಳಿಗೆ ಒಂಥರಾ ಪ್ರೀತಿ. ಅದೇನೋ ಆಕರ್ಷಣೆ. ಏನೋ.. ಮದುವೆಗೆ ಮುಂಚೆ ಇತ್ತು ಬಿಡಿ ಅಂದುಕೊಳ್ಳೋ ಹಾಗಿಲ್ಲ. ಮದುವೆಯಾದ ಮೇಲೂ ಆ ಕ್ರಷ್ ಕಡಿಮೆಯಾಗಿಲ್ಲ.

    ಪಲ್ಲವಿ ಎಂಬ ಅಭಿಮಾನಿಯೊಬ್ಬರು ಸಾಮಾಜಿಕ ಜಾಲತಾಣದಲ್ಲಿ ಯಶ್ ಅವರ ಪತ್ನಿ ರಾಧಿಕಾ ಪಂಡಿತ್​ಗೇ ಈ ಪ್ರಶ್ನೆ ಕೇಳಿದ್ದಾರೆ. ಯಶ್ ಮತ್ತು ರಾಧಿಕಾರ ಫೋಟೋ ನೋಡಿ ಆ ಹುಡುಗಿ ಕೇಳಿದ ಪ್ರಶ್ನೆಗೆ ರಾಧಿಕಾ ಅಷ್ಟೇ ತಮಾಷೆಯ ಉತ್ತರ ಕೊಟ್ಟಿದ್ದಾರೆ. ಯಶ್ ಒಪ್ಪಿದರೆ, ಮದುವೆಯಾಗಿ ಎಂದಿದ್ದಾರೆ. ರಾಧಿಕಾ ಉತ್ತರ ಈಗ ವೈರಲ್ ಆಗುತ್ತಿದೆ.

  • ಪ್ರೀತಿಯ ಅತ್ತೆ, ಡಾರ್ಲಿಂಗ್ ಮಾವನಿಗೆ ರಾಧಿಕಾ ಶುಭಾಶಯ

    radhika pandit celebrates in laws wedding anniversary

    ಪ್ರೀತಿಯ ಅತ್ತೆ ಮತ್ತು ಡಾರ್ಲಿಂಗ್ ಮಾವನಿಗೆ ವಿವಾಹ ವಾರ್ಷಿಕೋತ್ಸವದ ಶುಭಾಶಯಗಳು. ನನ್ನ ಬದುಕಿನಲ್ಲಿ ನಿಮ್ಮನ್ನು ಪಡೆದಿರುವುದಕ್ಕೆ ಸಂತೋಷವಿದೆ. ನೀವಿಬ್ಬರೂ ನನಗೆ ಬೆಸ್ಟ್ ಎನಿಸುವಂತ ನಿಮ್ಮ ಮಗನನ್ನು ಗಿಫ್ಟ್ ಆಗಿ ನೀಡಿದ್ದೀರಿ. ನೀವೇ ನನಗೆ ಪ್ರಪಂಚ...

    ಹೀಗೆ ಪುಟ್ಟ ಸಾಲೊಂದನ್ನು ಬರೆದು ಅತ್ತೆ-ಮಾವನ ವಿವಾಹ ವಾರ್ಷಿಕೋತ್ಸವಕ್ಕೆ ಶುಭ ಹಾರೈಸಿದ್ದಾರೆ. ಎಲೆಕ್ಷನ್ ಪ್ರಚಾರದ ನಡುವೆಯೂ ಅಪ್ಪ-ಅಮ್ಮನ ವಿವಾಹ ವಾರ್ಷಿಕೋತ್ಸವಕ್ಕೆ ಬಂದು ವಿಷ್ ಮಾಡಿ ತೆರಳಿದ್ದಾರೆ ನಟ ಯಶ್.

  • ಬಾಹುಬಲಿ ನಂತರ ತೆಲುಗು, ರೋಬೋ ನಂತರ ತಮಿಳು.. ಕೆಜಿಎಫ್ ನಂತರ ಕನ್ನಡ..

    radhika pandit confident about kgf

    ಕೆಜಿಎಫ್ ಸಿನಿಮಾ ಟ್ರೇಲರ್ ರಿಲೀಸ್ ಸನಿಹವಾಗುತ್ತಿದ್ದಂತೆಯೇ ಚಿತ್ರದ ಕುರಿತು ನಿರೀಕ್ಷೆಗಳೂ ಗಗನಮುಖಿಯಾಗುತ್ತಿವೆ. ಸಿನಿಮಾದ ಬಗ್ಗೆ ಚಿತ್ರತಂಡದ ಕಾನ್ಫಿಡೆನ್ಸ್ ಅಮೋಘ. ಹೊಂಬಾಳೆ ಪ್ರೊಡಕ್ಷನ್ಸ್‍ನ ವಿಜಯ್ ಕಿರಗಂದೂರು, ನಿರ್ದೇಶಕ ಪ್ರಶಾಂತ್ ನೀಲ್, ಹೀರೋ ರಾಕಿಂಗ್ ಸ್ಟಾರ್ ಯಶ್ ಅವರಷ್ಟೇ ಆತ್ಮವಿಶ್ವಾಸ ಇರೋದು ಯಶ್ ಪತ್ನಿ ರಾಧಿಕಾ ಪಂಡಿತ್‍ಗೆ.

    ನನಗೆ ಚಿತ್ರದ ಕಥೆ ಗೊತ್ತಿದೆ. ಚೆನ್ನಾಗಿದೆ. ಈ ಸಿನಿಮಾ ಬಂದ ಮೇಲೆ ಇಡೀ ಭಾರತೀಯ ಚಿತ್ರರಂಗ ಕನ್ನಡ ಚಿತ್ರರಂಗದತ್ತ ತಿರುಗಿ ನೋಡಲಿದೆ. ಹೇಗೆ ರೋಬೋ ನಂತರ ತಮಿಳು ಚಿತ್ರರಂಗ, ಬಾಹುಬಲಿ ನಂತರ ತೆಲುಗು ಚಿತ್ರರಂಗ ನಾವು ಯಾರ್ಗೂ ಕಮ್ಮಿ ಇಲ್ಲ ಎಂದು ತೋರಿಸಿಕೊಂಡವೋ.. ಹಾಗೆಯೇ ಈ ಸಿನಿಮಾ ಕೂಡಾ ಕನ್ನಡ ಚಿತ್ರರಂಗವನ್ನು ಆ ಮಟ್ಟಕ್ಕೆ ಕೊಂಡೊಯ್ಯಲಿದೆ. ಈ ಆತ್ಮವಿಶ್ವಾಸದ ಮಾತು ಹೇಳಿರೋದು ರಾಧಿಕಾ ಪಂಡಿತ್.

    ನಾನು ಯಶ್ ಪತ್ನಿಯಾಗಿ ಅಷ್ಟೇ ಅಲ್ಲ, ಚಿತ್ರರಂಗದ ಒಬ್ಬ ನಟಿಯಾಗಿ ಕೂಡಾ ಈ ಚಿತ್ರ ಗೆಲ್ಲಬೇಕು. ಇಷ್ಟು ದೊಡ್ಡ ಸಿನಿಮಾ ಗೆದ್ದರೆ, ಅದು ಕನ್ನಡ ಚಿತ್ರರಂಗಕ್ಕೆ ದೊಡ್ಡ ಶಕ್ತಿ ತುಂಬಲಿದೆ ಅನ್ನೋದು ರಾಧಿಕಾ ಪಂಡಿತ್ ಭರವಸೆ.

    ಕೆಜಿಎಫ್ ಚಿತ್ರದ ಟ್ರೇಲರ್ ನವೆಂಬರ್ 9ಕ್ಕೆ ರಿಲೀಸ್ ಆಗುತ್ತಿದೆ. ಡಿಸೆಂಬರ್ 21ಕ್ಕೆ ಸಿನಿಮಾ ಬಿಡುಗಡೆಯಾಗಲಿದೆ.

  • ಮತ್ತೆ ಬಣ್ಣ ಹಚ್ಚುತ್ತಿದ್ದಾರೆ ರಾಧಿಕಾ ಪಂಡಿತ್

    radhika pandit to act after marriage

    ಸಂತು ಸ್ಟ್ರೈಟ್ ಫಾರ್ವರ್ಡ್ ಚಿತ್ರವೇ ಕೊನೆ. ರಾಧಿಕಾ ಪಂಡಿತ್ ಅಭಿನಯದ ಯಾವ ಚಿತ್ರವೂ ಬಂದಿರಲಿಲ್ಲ. ಮದುವೆಯಾದ ನಂತರ ಚಿತ್ರರಂಗ ಬಿಟ್ಟರಾ ಎಂಬ ಪ್ರಶ್ನೆಗೆ ಮತ್ತೆ ನಟಿಸುತ್ತೇನೆ ಎನ್ನುತ್ತಿದ್ದರಾದರೂ, ಯಾವುದೇ ಹೊಸ ಚಿತ್ರ ಒಪ್ಪಿಕೊಂಡಿರಲಿಲ್ಲ. ಈಗ ಆ ಎಲ್ಲ ನಿರೀಕ್ಷೆಗಳಿಗೆ ಬ್ರೇಕ್ ಬಿದ್ದಿದೆ.

    ರಾಧಿಕಾ ಪಂಡಿತ್ ರಾಕ್‍ಲೈನ್ ವೆಂಕಟೇಶ್ ನಿರ್ಮಾಣದ ಹೊಸ ಚಿತ್ರದಲ್ಲಿ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಹೀರೋ ರಂಗಿತರಂಗ ಖ್ಯಾತಿಯ ನಿರೂಪ್ ಭಂಡಾರಿ. ರಂಗಿತರಂಗ ನಂತರ ನಿರೂಪ್ ಭಂಡಾರಿ ನಟಿಸುತ್ತಿರುವ ಎರಡನೇ ಚಿತ್ರವೂ ಇದಾಗಲಿದೆ.

    ಚಿತ್ರದ ಟೈಟಲ್, ಕಥೆ, ಬೇರೆ ತಂತ್ರಜ್ಞರು, ಕಲಾವಿದರ ಬಗ್ಗೆ ಇನ್ನೂ ಗುಟ್ಟು ಬಿಟ್ಟುಕೊಟ್ಟಿಲ್ಲ.

  • ಮತ್ತೊಂದು ಮಗುವಿನ ನಿರೀಕ್ಷೆಯಲ್ಲಿ ಮಿ. ಅಂಡ್ ಮಿಸೆಸ್ ರಾಮಾಚಾರಿ

    yash radhika expecting again

    ರಾಧಿಕಾ ಪಂಡಿತ್ ಮತ್ತೊಮ್ಮೆ ಗರ್ಭಿಣಿಯಾಗಿದ್ದಾರೆ. ಮತ್ತೊಂದು ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ರಾಧಿಕಾ ಪಂಡಿತ್ ಅವರ ಮೊದಲ ಮಗಳು ಐರಾಗೆ ಈಗಿನ್ನೂ 7 ತಿಂಗಳು. ಐರಾಗೆ ಒಂದು ವರ್ಷ, 2 ತಿಂಗಳಾಗುವಷ್ಟರಲ್ಲಿ ತಮ್ಮನೋ, ತಂಗಿಯೋ ಜೊತೆಯಾಗಲಿದ್ದಾರೆ. ರಾಧಿಕಾ ಪಂಡಿತ್, 4 ತಿಂಗಳ ಗರ್ಭಿಣಿ.

    ಮೊನ್ನೆ ಮೊನ್ನೆಯಷ್ಟೇ ಮೊದಲ ಮಗಳಿಗೆ ಐರಾ ಎಂದು ನಾಮಕರಣ ಸಂಭ್ರಮಿಸಿದ್ದ ಯಶ್-ರಾಧಿಕಾ ದಂಪತಿ, ಮತ್ತೊಂದು ಸಂಭ್ರಮಕ್ಕೆ ಜೊತೆಯಾಗುತ್ತಿದ್ದಾರೆ. 

  • ಮದುವೆಯಾದ ಆ ದಿನವೇ ಬರಲಿದೆ ಪುಟ್ಟ ಕಂದ..!

    radhika pandit's baby shower at taj west end hotel

    ರಾಧಿಕಾ ಪಂಡಿತ್ ಮತ್ತು ಯಶ್ ದಂಪತಿ ಮದುವೆಯಾಗಿದ್ದು ಡಿಸೆಂಬರ್ 9ರಂದು. 2 ವರ್ಷಗಳ ಹಿಂದೆ. ಅದೇ ದಿನ.. ಡಿಸೆಂಬರ್ 9ರಂದೇ ಮನೆಗೆ ಪುಟ್ಟ ಕಂದ ಬರಲಿದೆ. ಅದೇ ದಿನ ವೈದ್ಯರು ಡೇಟ್ಸ್ ಕೊಟ್ಟಿದ್ದಾರಂತೆ. 

    ತಾಜ್ ವೆಸ್ಟ್ ಎಂಡ್ ಹೋಟೆಲ್‍ನಲ್ಲಿ ರಾಧಿಕಾ ಪಂಡಿತ್‍ಗೆ ಸಂಭ್ರಮದ ಸೀಮಂತ ಮಾಡಿದ್ದಾರೆ ಮೊಗ್ಗಿನ ಮನಸಿನ ಚೆಲುವ ಯಶ್. ಸೀಮಂತಕ್ಕಾಗಿಯೇ ಅರುಣ್ ಸಾಗರ್ ವಿಶೇಷ ಮಂಟಪ ಕಟ್ಟಿದ್ದರೆ, ಹಸಿರು ಚಪ್ಪರದ ನಡುವೆ ರಾಧಿಕಾ ಪಂಡಿತ್‍ಗೆ ಚಿತ್ರರಂಗದ ಕುಟುಂಬದ ಗಣ್ಯರು ಆಗಮಿಸಿ ಶುಭ ಹಾರೈಸಿದರು.

    ಡಿಸೆಂಬರ್ 9ಕ್ಕೆ ಮದುವೆಯಾಗಿ 2 ವರ್ಷ. ಅದೇ ದಿನ ಪುಟ್ಟ ಕಂದನ ಆಗಮನ.. ಅದಾದ ಕೆಲವೇ ದಿನಗಳಲ್ಲಿ ಯಶ್ ವೃತ್ತಿ ಜೀವನದ ಮೌಂಟ್ ಎವರೆಸ್ಟ್ ಕೆಜಿಎಫ್ ರಿಲೀಸ್. ಡಿಸೆಂಬರ್ ಯಶ್ ಪಾಲಿಗೆ ಅದೃಷ್ಟದ ತಿಂಗಳಾಗಲಿ.

  • ಮಿಸೆಸ್ ರಾಮಾಚಾರಿ ಈಗ ರಾಗಿ ಮುದ್ದೆ ಸ್ಪೆಷಲಿಸ್ಟ್

    radhika pandith is mudde specialist

    ರಾಧಿಕಾ ಪಂಡಿತ್ ಮದುವೆಯಾದ ಮೇಲೆ ಸಿಕ್ಕಾಪಟ್ಟೆ ಬದಲಾಗಿದ್ದಾರೆ. ಮೊದಲಿಗಿಂತ ಹೆಚ್ಚು ಗ್ಲಾಮರಸ್ ಆಗಿ ಕಾಣಿಸಿಕೊಳ್ತಾರೆ. ಸಿಕ್ಕಾಪಟ್ಟೆ ಟೂರ್ ಮಾಡ್ತಿದ್ದಾರೆ. ಸಿನಿಮಾಗಳಿಂದ 7 ತಿಂಗಳು ಬ್ರೇಕ್ ತೆಗೆದುಕೊಂಡಿದ್ದ ರಾಧಿಕಾ, ಈ ಗ್ಯಾಪ್‍ನಲ್ಲಿ ಏನೇನೋ ಕಲಿತಿದ್ದಾರೆ. ಹಾಗೆ ಕಲಿತ ವಿದ್ಯೆಯ ಪರಿಣಾಮ, ರಾಧಿಕಾ ಈಗ ಮುದ್ದೆ ಸ್ಪೆಷಲಿಸ್ಟ್.

    ಮದುವೆಗೆ ಮುಂಚೆ ರಾಧಿಕಾಗೆ ಮಲಗಿದ್ದ ಜಾಗದಲ್ಲೇ ಕಾಫಿ ಬರ್ತಾ ಇತ್ತು. ಅಮ್ಮ ಕೊಡ್ತಾ ಇದ್ರು. ಮದುವೆಯಾದ ಮೇಲೆ ಯಶ್‍ಗೆ ಕಾಫಿ ಕೊಡೋ ಕೆಲಸವನ್ನು ರಾಧಿಕಾನೇ ವಹಿಸಿಕೊಂಡಿದ್ದಾರಂತೆ.. ಪ್ರೀತಿಯಿಂದ. ಅಡುಗೆ ಮಾಡೋಕೆ ಬರ್ತಾ ಇತ್ತು. ಆದರೆ, ರಾಗಿ ಮುದ್ದೆ ಮಾಡೋದು ಕಲಿತಿದ್ದು ಮದುವೆಯಾದ್ಮೇಲೆ ಎಂದು ಹೇಳಿಕೊಂಡಿದ್ದಾರೆ ರಾಧಿಕಾ. ಈಗ ರಾಧಿಕಾ ಮುದ್ದೆ ಮಾಡಿದರೆ, ಗುಂಡು ಗುಂಡಾಗಿ, ಒಂದೇ ಒಂದು ಗಂಟಿಲ್ಲದೆ ಮೃದುವಾಗಿ ಮಾಡ್ತಾರಂತೆ.

    ಅಡುಗೆ ಮಾಡೋದು, ಬಡಿಸೋದು ಎರಡೂ ಖುಷಿ ಕೊಡುತ್ತೆ. ಮನೆಯಲ್ಲಿದ್ದಾಗ ಯಶ್, ನಾನು ರಾಜಾಹುಲಿ ಅಂದ್ರೆ, ನಾನು ದುರ್ಗಮ್ಮ ಅಂತೀನಿ ಅಂಥಾ ಹೇಳ್ಕೊಂಡು ನಗ್ತಾರೆ ರಾಧಿಕಾ. ಹುಲಿ ಮೇಲೆ ಸವಾರಿ ಮಾಡೋದು ದುರ್ಗಿ ಅನ್ನೊದನ್ನ ಅಭಿಮಾನಿಗಳಿಗೆ ನೆನಪಿಸಬೇಕಿಲ್ಲ ಅಲ್ವಾ..?

  • ಯಶ್ ಕಣ್ಣೀರಿನ ಕಥೆ

    what made rocking stra yash cry

    ಸಿನಿಮಾಗಳಲ್ಲಿ ವಿಲನ್‍ಗಳನ್ನು ಚಚ್ಚಿ ಬಿಸಾಡುವ ರಾಕಿಂಗ್ ಸ್ಟಾರ್ ಯಶ್, ಕಣ್ಣೀರಿಟ್ಟಿದ್ದಾರೆ. ಯಶ್ ಕಣ್ಣೀರು ಕಂಡು ರಾಧಿಕಾ ಪಂಡಿತ್ ಕರಗಿ ಹೋಗಿದ್ದಾರೆ. ಇಷ್ಟಕ್ಕೂ ಯಶ್ ಕಣ್ಣೀರಿಗೆ ಕಾರಣ, ಮಗಳು ಐರಾ.

    ಐರಾಗೆ ಕಿವಿ ಚುಚ್ಚಿಸಲಾಗಿದೆ. ಈ ಕಿವಿ ಚುಚ್ಚಿಸುವ ವೇಳೆ ಯಶ್ ಕಣ್ಣೀರಿಟ್ಟುಬಿಟ್ಟರಂತೆ. ಇದೇ ಮೊದಲ ಬಾರಿ ಯಶ್ ಕಣ್ಣೀರು ಹಾಕುವುದನ್ನು ನೋಡಿದೆ. ಈ ಬಂಧನ ಎಷ್ಟು ಬೆಲೆ ಬಾಳುವುದು ಎಂಬುದು ಮತ್ತೊಮ್ಮೆ ಭಾಸವಾಯ್ತು ಎಂದಿರುವ ರಾಧಿಕಾ ಪಂಡಿತ್, ಹೆತ್ತವರ ಅತ್ಯಂತ ಕಷ್ಟದ ದಿನಗಳಲ್ಲಿ ಇದೂ ಒಂದು ಎಂದಿದ್ದಾರೆ.

    ಅಭಿಮಾನಿಗಳೇ ಡೋಂಟ್‍ವರಿ.. ಯಶ್ ಮತ್ತು ಐರಾ ಇಬ್ಬರೂ ಕ್ಷೇಮ ಎಂದಿದ್ದಾರೆ ರಾಧಿಕಾ ಪಂಡಿತ್.

  • ಯಶ್ ರಾಧಿಕಾ ಜೋಡಿಯಾಗಿ ವರ್ಷವಾಯ್ತು - ಲೇಟೆಸ್ಟು ಬಂಧನಕ್ಕೆ 1 ವರ್ಷ

    yash radhika image

    ರಾಕಿಂಗ್ ಸ್ಟಾರ್ ಯಶ್ ಮತ್ತು ರಾಧಿಕಾ ಪಂಡಿತ್ ಜೋಡಿಯಾಗಿ ವರ್ಷವಾಗಿ ಹೋಯ್ತಾ..? ಇದು ಅಭಿಮಾನಿಗಳಿಗೂ ಅಚ್ಚರಿ. ಆ ಅಚ್ಚರಿಯ ಕ್ಷಣವನ್ನು ಶ್ರೀಮತಿ ರಾಧಿಕಾ ನೆನಪಿಸಿಕೊಂಡಿದ್ದನ್ನು ನೋಡಿ  ಅಭಿಮಾನಿಗಳು ಪುಳಕಗೊಂಡಿದ್ದಾರೆ. 

    ಈ ಜೋಡಿ ಮದುವೆಯಾಗಿ 8 ತಿಂಗಳಷ್ಟೇ ಆಗಿರೋದು.ಆದರೆ, ನಿಶ್ಚಿತಾರ್ಥವಾಗಿ ಒಂದು ವರ್ಷವಾಗಿದೆ. ಕಳೆದ ವರ್ಷ ಆಗಸ್ಟ್ 12ರಂದು ಯಶ್ ಮತ್ತು ರಾಧಿಕಾ ಅವರಿಬ್ಬರ ಪ್ರೀತಿಯ ಬಂಧನಕ್ಕೆ ನಿಶ್ಚಿತಾರ್ಥದ ಉಂಗುರದ ಮುದ್ರೆ ಬಿದ್ದಿತ್ತು. ಆ ಸಂಭ್ರಮ ಕ್ಷಣಗಳನ್ನು ರಾಧಿಕಾ ಹಂಚಿಕೊಂಡಿದ್ದಾರೆ.

    ವರ್ಷವಾಯಿತು. ಆ ನಗು, ಆ ಸಂಭ್ರಮ, ಆ ನಸುನಗೆ, ಆ ಹೂವಿನ ಪರಿಮಳ, ಕೇಕ್‌ನ ಸ್ವಾದ, ಸಂಭ್ರಮದ ಪುಳಕ, ತಳಮಳಗೊಂಡ ಕ್ಷಣಗಳನ್ನೂ ಇನ್ನೂ ಮರೆತಿಲ್ಲ ಎಂದಿದ್ದಾರೆ ರಾಧಿಕಾ. ಅವರ ಪ್ರೀತಿ ನೂರ್ಕಾಲ ಬಾಳಲಿ.

  • ಯಶ್, ರಾಧಿಕಾ ಪಂಡಿತ್ ಈಗ ಇಬ್ಬರಲ್ಲ.. ಮೂವರು..!

    yash and radhika pandit shres good news with fans

    ಯಶ್ ಮತ್ತು ರಾಧಿಕಾ ಪಂಡಿತ್ ದಾಂಪತ್ಯ ಜೀವನದಲ್ಲೀಗ ಸಂಭ್ರಮ, ಸಡಗರದ ಸಮಯ. ಇಬ್ಬರು ಈಗ ಮೂವರಾಗುತ್ತಿದ್ದಾರೆ. ಯಶ್ ತಾಯಿಯಾಗುತ್ತಿದ್ದಾರೆ. ಮದುವೆಯಾದ ಒಂದೂವರೆ ವರ್ಷದ ನಂತರ ಸಿಹಿ ಸುದ್ದಿ ಕೊಟ್ಟಿದ್ದಾರೆ ರಾಧಿಕಾ.

    ತಂದೆಯಾಗುತ್ತಿರುವ ಸಂತೋಷವನ್ನು ಯಶ್ ವಿಶೇಷವಾಗಿ ಸೆಲಬ್ರೇಟ್ ಮಾಡಿದ್ದಾರೆ. ವೈಜಿಎಫ್ ಅನ್ನೋ ಪುಟ್ಟದೊಂದು ವಿಡಿಯೋ ರೆಡಿ ಮಾಡಿಬಿಟ್ಟಿರುವ ಯಶ್, ವೈಜಿಎಫ್‍ನ ಅರ್ಥ ವಿವರಿಸಿದ್ದಾರೆ. ವೈ ಅಂದ್ರೆ ಯಶ್, ಜಿ ಅಂದ್ರೆ ಗೋಯಿಂಗ್ ಟು ಬಿ, ಎಫ್ ಅಂದ್ರೆ ಫಾದರ್. ಡಿಸೆಂಬರ್‍ನಲ್ಲಿ ಸ್ಟಾರ್ ದಂಪತಿ ಮಡಿಲು ತುಂಬೋಕೆ ಮಗನೋ, ಮಗಳೋ ಬರಲಿದ್ಧಾರೆ.

    Related Articles :-

    Radhika Pandit Announces Birth Of Child 

Ayushmanbhava Movie Gallery

Ellidhe Illitanaka Movie Gallery