` kiccha sudeepa - chitraloka.com | Kannada Movie News, Reviews | Image

kiccha sudeepa

  • ಅಂಬಿ.. ಸಂಭ್ರಮಕ್ಕೆ ದಕ್ಷಿಣ ಚಿತ್ರರಂಗದ ಸೂಪರ್‍ಸ್ಟಾರ್ಸ್

    ambi ninge vaisaitho audio launch on aug 10th

    ಅಂಬಿ ನಿಂಗೆ ವಯಸ್ಸಾಯ್ತೋ.. ರೆಬಲ್‍ಸ್ಟಾರ್ ಅಂಬರೀಷ್ ಹಲವು ವರ್ಷಗಳ ನಂತರ ಹೀರೋ ಆಗಿ ನಟಿಸಿರುವ ಸಿನಿಮಾ. ಸುದೀಪ್ ಚಿತ್ರದಲ್ಲಿ ಯಂಗ್ ಅಂಬರೀಷ್ ಆಗಿ ನಟಿಸಿದ್ದಾರೆ. ಜಾಕ್ ಮಂಜು ನಿರ್ಮಾಣದ ಚಿತ್ರಕ್ಕೆ ಗುರುದತ್ ಗಾಣಿಗ ಎಂಬ ಹೊಸ ಪ್ರತಿಭೆಯ ನಿರ್ದೇಶನವಿದೆ. ಶೃತಿ ಹರಿಹರನ್, ಚಿತ್ರದಲ್ಲಿ ಯಂಗ್ ಸುಹಾಸಿನಿಯಾಗಿ ನಟಿಸಿದ್ದಾರೆ. ಇಷ್ಟೆಲ್ಲ ವಿಶೇಷಗಳಿರೋ ಚಿತ್ರದ ಆಡಿಯೋ ಬಿಡುಗಡೆಯನ್ನೂ ಅದ್ಧೂರಿಯಾಗಿಯೇ ಮಾಡೋಕೆ ನಿರ್ಧರಿಸಿದೆ ಚಿತ್ರತಂಡ.

    ಆಗಸ್ಟ್ 10ಕ್ಕೆ ಚಿತ್ರದ ಆಡಿಯೋ ಬಿಡುಗಡೆ ಸಮಾರಂಭ ಇಟ್ಟುಕೊಳ್ಳಲಾಗಿದೆ. ಆ ಸಮಾರಂಭಕ್ಕೆ ಸೂಪರ್ ಸ್ಟಾರ್ ರಜನಿಕಾಂತ್ ಸೇರಿದಂತೆ ದಕ್ಷಿಣ ಭಾರತ ಚಿತ್ರರಂಗದ ಹಲವು ತಾರೆಯರು ಆಗಮಿಸುವ ನಿರೀಕ್ಷೆ ಇದೆ. 

    ಇನ್ನು ಕನ್ನಡ ಚಿತ್ರರಂಗದ ಬಹುತೇಕ ಎಲ್ಲ ಸ್ಟಾರ್‍ಗಳೂ, ಕಲಾವಿದರು, ತಂತ್ರಜ್ಞರು ತಂಡೋಪತಂಡವಾಗಿ ಅಂಬಿ.. ಹಾಡುಗಳ ಸಂಭ್ರಮಕ್ಕೆ ಸಾಕ್ಷಿಯಾಗಲಿದ್ದಾರೆ. 

    ಚಿತ್ರದ ಟೈಟಲ್ ನೋಡಿ, ನಂಗೆ ವಯಸ್ಸಾಯ್ತು ಅಂದ್ಕೋಬೇಡಿ. ಸಿನಿಮಾ ನೋಡಿ ಡಿಸೈಡ್ ಮಾಡಿ. ವಯಸ್ಸಾಗಿದ್ಯೋ ಇಲ್ವೋ ಅನ್ನೋದನ್ನ ಎಂದು ಅಂಬಿ ಸ್ಟೈಲ್‍ನಲ್ಲೇ ಚಾಲೆಂಜ್ ಹಾಕಿದ್ದಾರೆ ಅಂಬರೀಷ್. ಈ ಚಿತ್ರದ ಹಿಂದಿನ ಶಕ್ತಿ ಸುದೀಪ್. ಅವನಿಲ್ಲದಿದ್ದರೆ ಈ ಚಿತ್ರ ಬರುತ್ತಿರಲಿಲ್ಲ ಎಂದು ಸುದೀಪ್‍ರನ್ನು ಹೊಗಳಿದ್ದಾರೆ.

  • ಅಂಬಿ.. ಸಿನಿಮಾ.. ಕಿಚ್ಚ, ಶಿವಣ್ಣ, ಪ್ರೇಮ್ ಕಂಡಂತೆ..

    ambi ninge vaisiatho is awaited by film industry too

    ಅಂಬಿ ನಿಂಗ್ ವಯಸ್ಸಾಯ್ತೋ.. ಸಿನಿಮಾ ಮುಂದಿನ ವಾರ ರಿಲೀಸ್. ಅಂಬರೀಷ್ 14 ವರ್ಷಗಳ ನಂತರ ಮತ್ತೊಮ್ಮೆ ಹೀರೋ ಆಗಿ ನಟಿಸಿದ್ದಾರೆ ಎನ್ನುವುದೇ ಅಭಿಮಾನಿಗಳಲ್ಲಿ ಥ್ರಿಲ್. ಅಭಿಮಾನಿಗಳಂತೆಯೇ ಸ್ಯಾಂಡಲ್‍ವುಡ್ ತಾರೆಗಳೂ ಸಿನಿಮಾ ನೋಡಲು ತುದಿಗಾಲಲ್ಲಿ ನಿಂತಿದ್ದಾರೆ.

    ಶಿವರಾಜ್‍ಕುಮಾರ್ ಅವರಿಗೆ ಅಂಬಿ ನಿಂಗ್ ವಯಸ್ಸಾಯ್ತೋ.. ಚಿತ್ರದ ಟೈಟಲ್ ಹೇಳೋದು ಸ್ವಲ್ಪ ಕಷ್ಟ. ಯಾಕಂದ್ರೆ, ಅವರಿಗೆ ವಯಸ್ಸೇ ಆಗಲ್ಲ. ಈಗಾಗಲೇ ಹಾಡು ಕೇಳಿದ್ದೇನೆ. ಚೆನ್ನಾಗಿ ಬಂದಿದೆ. ಸಿನಿಮಾ ಕೂಡಾ ಚೆನ್ನಾಗಿ ಬಂದಿರುತ್ತೆ ಅನ್ನೋದು ನನ್ನ ನಂಬಿಕೆ. ನಿದೇಶಕ ಗುರುದತ್ ಗಾಣಿಗ ಅವರಿಗೆ ವಿಶ್ ಮಾಡಿದ್ದೇನೆ. ಸಿನಿಮಾ ನೋಡಲು ಕಾಯುತ್ತಿದ್ದೇನೆ ಎಂದಿದ್ದಾರೆ ಶಿವಣ್ಣ.

    ಈ ಸಿನಿಮಾದಲ್ಲಿ ಅಂಬರೀಷ್ ಅವರನ್ನು ನೋಡಿದ ಜನ ನಿಜಕ್ಕೂ ಖುಷಿ ಪಡ್ತಾರೆ. ಸಿನಿಮಾದಲ್ಲಿ ಅಂಬರೀಷ್ ಅಪ್ಪಟ ಮಗುವಿನಂತೆ ನಟಿಸಿದ್ದಾರೆ. ಅದರಲ್ಲೂ ಸುಹಾಸಿನಿಯವರನ್ನು ಭೇಟಿ ಮಾಡುವ ದೃಶ್ಯಗಳಲ್ಲಿ ಸುದೀಪ್ ಅಪ್ಪಟ ಮಗು. ಅದನ್ನು ಗುರುದತ್ ಗಾಣಿಗ ಅದ್ಭುತವಾಗಿ ಸೆರೆಹಿಡಿದಿದ್ದಾರೆ. ಇದು ಕಿಚ್ಚ ಸುದೀಪ್ ಮಾತು. ಸಿನಿಮಾದಲ್ಲಿ ಯಂಗ್ ಅಂಬರೀಷ್ ಆಗಿ ಕಾಣಿಸಿಕೊಂಡಿರೋ ಸುದೀಪ್ ಚಿತ್ರದ ನಿರ್ಮಾಪಕರೂ ಹೌದು.

    ನೆನಪಿರಲಿ ಪ್ರೇಮ್ ಅವರಂತೂ ಸಿನಿಮಾ ನೋಡೋಕೆ ಕಾಯುತ್ತಿದ್ದಾರೆ. ಅದಕ್ಕೆ ವಿಶೇಷ ಕಾರಣವೂ ಇದೆ. ಸಿನಿಮಾದಲ್ಲಿ ಸುದೀಪ್ ಮಾಡಿರುವ ಪಾತ್ರದಲ್ಲಿ ಮೊದಲು ಪ್ರೇಮ್ ನಟಿಸಬೇಕಾಗಿತ್ತಂತೆ. ಆಗ ನಿರ್ಮಾಪಕರು ಬೇರೆ ಇದ್ದರು. ಸುದೀಪ್ ಟೇಕ್ ಓವರ್ ಮಾಡಿದ ಮೇಲೆ ಬದಲಾವಣೆಗಳಾದವು. ಹೀಗಾಗಿ ಅಂಬಿಯಣ್ಣನ ಜೊತೆ ನಟಿಸೋ ಚಾನ್ಸ್ ಮಿಸ್ಸಾಯ್ತು ಎನ್ನುವ ಪ್ರೇಮ್, ಚಿತ್ರವನ್ನು ನೋಡೋಕೆ ತುದಿಗಾಲಲ್ಲಿ ನಿಂತಿದ್ದೇನೆ ಎಂದಿದ್ದಾರೆ.

  • ಅಂಬಿಗೆ ವಯಸ್ಸಾಗುವ ಮುನ್ನ.. ಹಳ್ಳಿ ಹೈದ ಕಿಚ್ಚ.. 

    ambi ninge vaisaitho shooting image

    ಅಂಬಿ ನಿಂಗೆ ವಯಸ್ಸಾಯ್ತೊ... ಬಹಳ ವರ್ಷಗಳ ನಂತರ ಅಂಬರೀಷ್ ಪೋಷಕ ಪಾತ್ರ ಬಿಟ್ಟು, ಮುಖ್ಯ ಪಾತ್ರದಲ್ಲಿ ನಟಿಸುತ್ತಿರುವ ಸಿನಿಮಾ. ಅಂಬರೀಷ್ ಅವರನ್ನು ಹೀರೋ ಮಾಡಿರುವ ಜಾಕ್ ಮಂಜು, ಯಂಗ್ ಅಂಬರೀಷ್ ಪಾತ್ರದಲ್ಲಿ ತೋರಿಸಿರೋದು ಸುದೀಪ್ ಅವರನ್ನ. 

    ಚಿತ್ರದಲ್ಲಿ ಸುದೀಪ್ ಹೇಗೆ ಕಾಣ್ತಾರೆ ಅನ್ನೋಕ್ಕೆ ಇನ್ನೊಂದು ಫೋಟೋ ಹೊರಗೆ ಬಿಟ್ಟಿದ್ದಾರೆ. ಅದರಲ್ಲಿ ಸುದೀಪ್ ಮತ್ತು ಶೃತಿ ಹರಿಹರನ್, ಅಪ್ಪಟ ಹಳ್ಳಿಯ ಪ್ರೇಮಿಗಳಾಗಿ ಕಾಣಿಸಿಕೊಂಡಿದ್ದಾರೆ. ಸುದೀಪ್ ಮತ್ತು ಶೃತಿ, ಇಬ್ಬರಿಗೂ ಇಂಥಾದ್ದೊಂದು ಲುಕ್ ಹೊಸದೇ.. ಹೀಗಾಗಿಯೇ ಪೋಸ್ಟರ್‍ನಲ್ಲಿ ಫ್ರೆಶ್‍ನೆಸ್ ಇದೆ.

    ಗುರುದತ್ ನಿರ್ದೇಶನದ ಚಿತ್ರದಲ್ಲಿ 2 ಕಥೆಗಳಿವೆ. ಒಂದು 70-80ರ ದಶಕದ ಕಥೆ. ಇನ್ನೊಂದು ಈಗಿನ ಕಥೆ. 70ರ ದಶಕಕ್ಕೆ ಸುದೀಪ್, ಈಗಿನ ಕಾಲಕ್ಕೆ ಅಂಬರೀಷ್. ಸ್ಸೋ.. ಅಂಬಿಗೆ ವಯಸ್ಸಾಗುವ ಮುನ್ನ.. ಸುಹಾಸಿನಿಗೂ ವಯಸ್ಸಾಗೋ ಮೊದಲು, ತೆರೆ ಮೇಲೆ ಕಾಣಿಸಿಕೊಳ್ಳೋದು ಸುದೀಪ್ ಮತ್ತು ಶೃತಿ. ಚಿತ್ರ ಆಗಸ್ಟ್‍ನಲ್ಲಿ ತೆರೆಗೆ ಬರುವ ಸಾಧ್ಯತೆ ಇದೆ.

  • ಅಂಬಿಗೆ ಸುಹಾಸಿನಿಯೇ ಜೋಡಿಯಾಗಿ ಬಂದರು..!

    suhasini to pair with ambi

    ಅಂಬಿ ನಿಂಗೆ ವಯಸ್ಸಾಯ್ತೋ ಚಿತ್ರದಲ್ಲಿ ರೆಬಲ್‍ಸ್ಟಾರ್ ಅಂಬರೀಷ್‍ಗೆ ಜೋಡಿ ಯಾರು ಎಂಬ ಕುತೂಹಲಕ್ಕೆ ಕೊನೆಗೂ ತೆರೆ ಬಿದ್ದಿದೆ. ಅಂಬರೀಷ್‍ಗೆ ಜೋಡಿ ಸುಮಲತಾ ಅಲ್ಲ, ರಮ್ಯಕೃಷ್ಣಾ ಅಲ್ಲ, ಖುಷ್‍ಬೂ ಕೂಡಾ ಅಲ್ಲ. ಮೊದಲೇ ನಿಗದಿಯಾಗಿದ್ದಂತೆ ಸುಹಾಸಿನಿ.

    ಈಗಾಗಲೇ ಸುಹಾಸಿನಿ ಶೂಟಿಂಗ್‍ಗೆ ಆಗಮಿಸಿದ್ದು, ಚಿತ್ರೀಕರಣದಲ್ಲಿ ಭಾಗಿಯಾಗಿದ್ದಾರೆ. ಜಾಕ್ ಮಂಜು ನಿರ್ಮಾಣದ ಈ ಚಿತ್ರಕ್ಕೆ ಬೆನ್ನೆಲುಬಾಗಿರುವುದು ಕಿಚ್ಚ ಸುದೀಪ್. ಗುರುದತ್ ಗಾಣಿಗ ಎಂಬ ಯುವ ಪ್ರತಿಭೆಗೆ ಚಿತ್ರ ನಿರ್ದೇಶನದ ಜವಾಬ್ದಾರಿ ನೀಡಲಾಗಿದೆ.

  • ಅಣ್ಣಾವ್ರನ್ನು ನೆನಪಿಸಿತು ದಿ ವಿಲನ್ 2ನೇ ಸಾಂಗ್

    the villain's second song

    ದಿ ವಿಲನ್ ಚಿತ್ರದ ಎರಡನೇ ಹಾಡನ್ನು ಪ್ರೇಮ್ ಹೊರಬಿಟ್ಟಿದ್ದಾರೆ. ನಿನ್ನೆ ಮೊನ್ನೆ ಬಂದೋರೆಲ್ಲ ನಂಬರ್ ಒನ್ ಅಂತಾರೆ ಹಾಡಿನಲ್ಲಿ ಮ್ಯಾಜಿಕ್ ಸೃಷ್ಟಿಸಿದ್ದ ಪ್ರೇಮ್, 2ನೇ ಹಾಡಿನಲ್ಲೂ ಮೋಡಿ ಮಾಡಿದ್ದಾರೆ. 2ನೇ ಹಾಡು ಅಣ್ಣಾವ್ರನ್ನು ನೆನಪಿಸುತ್ತಿರುವುದು ವಿಶೇಷ.

    ನಾನ್ ಸೈಲೆಂಟ್ ಆಗಿದ್ರೆ ರಾಮ.. ವಯೊಲೆಂಟ್ ಆದ್ನೋ.. ರಾವಣ.. ಎಂದು ಶುರುವಾಗುತ್ತೆ ಈ ಹಾಡು. ಅಣ್ಣಾ ನನ್ನ ಊರು.. ಅಣ್ಣಾ ನನ್ನ ಹೆಸರು.. ಅಣ್ಣಾ ನಾನು ಕೆಂಚನಳ್ಳಿ ಕೆಂಚ ಕಣಣ್ಣೊ.. ಎಂದು ಮುಂದುವರೆಯುತ್ತೆ. ನಂತರ ಬರುವ ಸಾಹಿತ್ಯವೇ ಇಫ್ ಯೂ ಕಂ ಟುಡೇ.. ಆ್ಯಮ್ ಸೋ ಹ್ಯಾಪಿ.. ಇಫ್ ಯೂ ಕಮ್ ಟುಮಾರೋ.. ಆ್ಯಮ್ ಟೂ ಬ್ಯಾಡ್.. ಯು ಪಿಕ್ ದ ಟೈಮ್.. ಟಿಕ್ ಟಿಕ್ ಟಿಕ್.. ಟಿಕ್ ಟಿಕ್ ಟಿಕ್ ಟಿಕ್.. ಟಿಕ್ 

    ಆಪರೇಷನ್ ಡೈಮಂಡ್ ರಾಕೆಟ್ ಚಿತ್ರದ ಹಾಡು ನೆನಪಾಯ್ತಾ..? ಅಣ್ಣಾವ್ರು ಓದಿದ್ದು 2ನೇ ಕ್ಲಾಸ್ ಆಗಿದ್ದರೂ, ಆ ಇಂಗ್ಲಿಷ್ ಹಾಡನ್ನ ಎಷ್ಟು ಅದ್ಭುತವಾಗಿ ಹಾಡಿದ್ದರು ಎಂದರೆ, ಯಾರೋ ವಿದೇಶಿ ಹಾಡುಗಾರನೇ ಹಾಡಿರಬೇಕು ಎನ್ನಿಸುವ ಹಾಗಿತ್ತು. ವಿದೇಶಿ ಇಂಗ್ಲಿಷರ ಆಕ್ಸೆಂಟ್‍ನಲ್ಲೇ ಹಾಡಿದ್ದ ಹಾಡು, ಮೋಡಿಯನ್ನೇ ಮಾಡಿತ್ತು. ಈಗ ಅರ್ಜುನ್ ಜನ್ಯ, ಆ ಹಾಡಿನ ಪಲ್ಲವಿಯನ್ನು ತಮ್ಮ ಹಾಡಿನಲ್ಲಿ ಮಿಕ್ಸ್ ಮಾಡಿದ್ದಾರೆ. ಹಾಡು ಅದ್ಬುತವಾಗಿದೆ.

    ಅಂದಹಾಗೆ ಇದು ಒಂದೇ ಹಾಡು. ಆದರೆ, ಈ ಒಂದೇ ಹಾಡಿಗೆ ನಾಲ್ವರು ಗಾಯಕರು ಧ್ವನಿ ನೀಡಿದ್ದಾರೆ. ವಿಜಯ್ ಪ್ರಕಾಶ್, ಕೈಲಾಶ್ ಕೇರ್, ಸಿದ್ದಾರ್ಥ ಬಸ್ರೂರು ಹಾಗೂ ಜೋಗಿ ಪ್ರೇಮ್ ಈ ಹಾಡು ಹಾಡಿದ್ದಾರೆ. 2ನೇ ಹಾಡನ್ನು ಕಂಠೀರವ ಸ್ಟುಡಿಯೋದಲ್ಲಿ ಬಿಡುಗಡೆ ಮಾಡಿರುವ ಪ್ರೇಮ್, ಮುಂದಿನ ಗೀತೆಗಳನ್ನು ಹುಬ್ಬಳ್ಳಿ, ದುಬೈನಲ್ಲಿ ರಿಲೀಸ್ ಮಾಡುವ ಆಲೋಚನೆಯಲ್ಲಿದ್ದಾರೆ. ಅದ್ಧೂರಿಯಾಗಿ ಮಾಡೋಕೆ ಬೆನ್ನಿಗೆ ನಿಂತಿರೋದು ನಿರ್ಮಾಪಕ ಸಿ.ಆರ್.ಮನೋಹರ್.

    ಈ ಹಾಡು ಕೇಳಿದರೆ, ಬಹುಶಃ ಈ ಹಾಡನ್ನು ಶಿವರಾಜ್ ಕುಮಾರ್ ಮೇಲೆಯೇ ಚಿತ್ರೀಕರಿಸಿದ ಹಾಗಿದೆ. ಆದರೆ, ಪ್ರೇಮ್ ಡೈರೆಕ್ಷನ್ ಮೂವಿ. ಕುತೂಹಲದಿಂದ ಕಾಯಲೇಬೇಕು.

  • ಅಭಿಮಾನಿಗಳಿಗೆ ಸುದೀಪ್ ಎಚ್ಚರಿಕೆ

    sudeep tweets on frauh account

    ‘‘ಕೆಲವರು ನನ್ನ ಹುಟ್ಟುಹಬ್ಬಕ್ಕಾಗಿ ಟಿ-ಶರ್ಟ್ ಹಾಗೂ ಐಡಿ ಕಾರ್ಡ್ ಮಾಡಿಸಲು ಹಣ ಕಲೆಕ್ಟ್ ಮಾಡುತ್ತಿರುವುದು ನನ್ನ ಗಮನಕ್ಕೆ ಬಂದಿದೆ. ಅಂಥವರ ಬಗ್ಗೆ ಮಾಹಿತಿ ಸಿಕ್ಕರೆ, ದಯವಿಟ್ಟು ನನಗೆ ತಿಳಿಸಿ’’ ಇದು ಸುದೀಪ್ ತಮ್ಮ ಟ್ವಿಟರ್ ಖಾತೆಯಲ್ಲಿ ಹಾಕಿಕೊಂಡಿರುವ ಸ್ಟೇಟಸ್.

    ಅದು ಅಭಿಮಾನಿಗಳಿಗೆ ಎಚ್ಚರಿಕೆಯೂ ಹೌದು. ಸೆಪ್ಟೆಂಬರ್ 2 ರಂದು ಸುದೀಪ್ ಹುಟ್ಟುಹಬ್ಬವಿದೆ. ಇನ್ನೂ ಒಂದೂವರೆ ತಿಂಗಳು ಟೈಮ್ ಇದೆ. ಹುಟ್ಟುಹಬ್ಬದ ನೆಪದಲ್ಲಿ ಹಣ ಹೊಡೆಯಲು ಕೆಲವು ಕಿಡಿಗೇಡಿಗಳು ಆಗಲೇ ಸಂಚು ಮಾಡಿಬಿಟ್ಟಿದ್ದಾರೆ. ಸುದೀಪ್ ಜನ್ಮದಿನ ಸೆಲೆಬ್ರೇಟ್ ಮಾಡಲು ಹಣ ವಸೂಲಿ ಮಾಡುವುದು, ಸುದೀಪ್ ಹೆಸರಿನಲ್ಲಿ  

    ಟಿ-ಶರ್ಟ್ ಹಾಗೂ ಐಡಿ ಕಾರ್ಡ್ ಮಾಡಿಸುವುದು ಹಾಗೂ ಅವುಗಳಿಗಾಗಿ ಹಣ ಕೇಳುತ್ತಿರುವುದು ಸ್ವತಃ ಸುದೀಪ್ ಗಮನಕ್ಕೆ ಬಂದಿದೆ. ತಕ್ಷಣವೇ ಎಚ್ಚೆತ್ತುಕೊಂಡಿರುವ ನಟ ಸುದೀಪ್, ಅಭಿಮಾನಿಗಳಿಗೆ ಎಚ್ಚರಿಕೆ ಕೊಟ್ಟಿದ್ದಾರೆ. ಸುದೀಪ್ ಫ್ಯಾನ್ಸ್ ಕ್ಲಬ್ಗಳು ಕೂಡಾ ಸುದೀಪ್ ಟ್ವೀಟ್ನ್ನು ರೀಟ್ವೀಟ್ ಮಾಡಿ, ಅಭಿಮಾನಿಗಳನ್ನು ಎಚ್ಚರಿಸುವ ಕೆಲಸ ಮಾಡುತ್ತಿವೆ.

    ನಿಮ್ಮ ಬೆವರಿನ ಹಣವನ್ನು ವಸೂಲಿಗಾರರಿಗೆ ನೀಡಬೇಡಿ. ಸುದೀಪ್ ಬಯಸುವುದು ಪ್ರೀತಿ ಮತ್ತು ಅಭಿಮಾನವನ್ನು ಮಾತ್ರ ಎಂದಿದ್ದಾರೆ.

  • ಆಯುಧಪೂಜೆಗೆ ದಿ ವಿಲನ್ ಹಬ್ಬ

    the villain to release on ayudha pooja

    ಅಕ್ಟೋಬರ್ 18ಕ್ಕೆ ಆಯುಧಪೂಜೆ. ಅದಾದ ಮರುದಿನ ವಿಜಯದಶಮಿ. ನಾಡಹಬ್ಬ ದಸರಾ ಸಂಭ್ರಮ. ಚಾಮುಂಡೇಶ್ವರಿ ನಾಡು ಮೈಸೂರಿನಲ್ಲಿ ಅದ್ಧೂರಿ ಅಂಬಾರಿ. ಹೀಗೆ.. ನಾಡಿಗೆ ನಾಡೇ ದಸರಾ ಸಂಭ್ರಮದಲ್ಲಿರುವಾಗ ಬರುತ್ತಾನೆ ದಿ ವಿಲನ್. ಅಕ್ಟೋಬರ್ 18ಕ್ಕೆ ದಿ ವಿಲನ್ ರಿಲೀಸ್.

    ಹಬ್ಬದ ದಿನ ರಿಲೀಸ್ ಡೇಟ್ ಹೇಳೋದಾಗಿ ಹೇಳಿದ್ದ ನಿರ್ದೇಶಕ ಪ್ರೇಮ್ ಮತ್ತು ನಿರ್ಮಾಪಕ ಸಿ.ಆರ್.ಮನೋಹರ್, ನುಡಿದಂತೆ ನಡೆದಿದ್ದಾರೆ. ಶಿವಣ್ಣ ಮತ್ತು ಸುದೀಪ್ ಅಭಿನಯದ ಸಿನಿಮಾ ಆದ ಕಾರಣ, ಎಲ್ಲೆಲ್ಲೂ ಅದ್ಧೂರಿ ಸಂಭ್ರಮವಿರುತ್ತೆ. ಹೀಗಾಗಿಯೇ ವಿತರಕರ ಜೊತೆ ಒಂದು ಸಭೆ ಮಾಡಿ ನಿರ್ಣಯ ಘೋಷಿಸಿದ್ದಾರೆ ನಿರ್ಮಾಪಕ ಸಿ.ಆರ್.ಮನೋಹರ್ ಮತ್ತು ನಿರ್ದೇಶಕ ಪ್ರೇಮ್. ನಿರೀಕ್ಷೆಯಂತೆ 1000 ಚಿತ್ರಮಂದಿರಗಳಲ್ಲಿ ಸಿನಿಮಾ ರಿಲೀಸ್ ಆಗುತ್ತಿದೆಯಾ..? ಕಾದು ನೋಡಿ.

  • ಈ ಅಭಿಮಾನಕ್ಕೆ ಸುದೀಪ್ ಮೌನವಾಗಿಬಿಟ್ಟರು..!

    sudeep is speechless over his 82 year old fan

    ಕಿಚ್ಚ ಸುದೀಪ್‍ಗೆ ಅಭಿಮಾನಿಗಳ ಸಂಖ್ಯೆ ಕಡಿಮೆಯೇನಲ್ಲ. ಸುದೀಪ್‍ಗೆ ಚಿಕ್ಕ ಮಕ್ಕಳಿಂದ ಹಿಡಿದು ವೃದ್ಧರವರೆಗೆ ಅಭಿಮಾನಿಗಳಿದ್ದಾರೆ. ಅದು ಈಗ ಮತ್ತೊಮ್ಮೆ ಸಾಬೀತಾಗಿದೆ. ಅಂತಹ ಒಬ್ಬರು ಹಿರಿಯ ಅಭಿಮಾನಿಯೊಬ್ಬರು ಸುದೀಪ್ ಅವರನ್ನು ಮನೆಗೆ ಆಹ್ವಾನಿಸಿದ್ದಾರೆ.

    ಅವರೋ 82 ವರ್ಷದ ಅಜ್ಜಿ. ಸುದೀಪ್ ಅವರು ಚಿತ್ರರಂಗಕ್ಕೆ ಬಂದು 22 ವರ್ಷವಾದ ಹಿನ್ನೆಲೆಯಲ್ಲಿ ಶುಭ ಹಾರೈಸಿರುವ ಅವರು ``ನೀವೆಂದರೆ ನಮಗಿಷ್ಟ. ಸ್ವಂತ ಪರಿಶ್ರಮದಿಂದ ಒಳ್ಳೆಯ ಸಾಧನೆ ಮಾಡಿದ್ದೀರಿ. ನಿಮ್ಮ ಕುಟುಂಬ, ತಂದೆ ತಾಯಿಯರನ್ನೂ ಚೆನ್ನಾಗಿ ನೋಡಿಕೊಳ್ಳುತ್ತಿದ್ದೀರಂತೆ. ಸಮಾಜಕ್ಕೂ ಒಳ್ಳೆಯ ಕೆಲಸ ಮಾಡುತ್ತಿದ್ದೀರಂತೆ. ಒಂದ್ಸಲ ಬಿಡುವು ಮಾಡಿಕೊಂಡು ಮನೆಗೆ ಬನ್ನಿ'' ಹೀಗೆ ಹೇಳಿರುವ ಪುಟ್ಟ ವಿಡಿಯೋವೊಂದನ್ನು ಸುದೀಪ್‍ಗೆ ಕಳುಹಿಸಿಕೊಟ್ಟಿದ್ದಾರೆ ಆ ಅಜ್ಜಿ.

    ಅಂಥಾದ್ದೊಂದು ಅಭಿಮಾನಕ್ಕೆ ಸುದೀಪ್ ಮೂಕವಿಸ್ಮಿತರಾಗದೆ ಬೇರೆ ಮಾರ್ಗವಾದರೂ ಏನಿತ್ತು..? ಖಂಡಿತಾ ಬರುತ್ತೇನೆ, ನಿಮ್ಮ ಆಶೀರ್ವಾದವೇ ನನ್ನ ಸಂಪಾದನೆ ಎಂದು ಪ್ರತಿಕ್ರಿಯಿಸಿದ್ದಾರೆ ಕಿಚ್ಚ ಸುದೀಪ್.

     

     

     

     

  • ಎದ್ದೇಳು ಮಂಜುನಾಥ ಅಂದ್ರೆ ಎದ್ದಿದ್ದು ಸುದೀಪ್

    big boss 5

    ಎದ್ದೇಳು ಮಂಜುನಾಥ ಅಂದ್ರೆ, ತಕ್ಷಣ ನೆನಪಾಗೋದು ನಟ ಜಗ್ಗೇಶ್. ಆದರೆ, ಈ ಹಾಡಿಗೆ ಇಗ ಎದ್ದೇಳೋ ಸರದಿ ಸುದೀಪ್ ಅವರದ್ದು. ಅಂದಹಾಗೆ ಇದು ಬಿಗ್‍ಬಾಸ್ ಶೋ ಆರಂಭದ ಮೊದಲ ಪ್ರೋಮೋ.

    ಹಾಲಿವುಡ್, ಬಾಲಿವುಡ್, ಟಾಲಿವುಡ್, ಕಾಲಿವುಡ್, ಸ್ಯಾಂಡಲ್‍ವುಡ್, ಕ್ರಿಕೆಟ್ಟು...ಎಲ್ಲಿಂದ ಟೈಂ ಅಡ್ಜಸ್ಟ್ ಮಾಡ್ತಾರೋ ಎಂದು ಇಬ್ಬರು ಯುವಕರು ಮಾತನಾಡ್ತಿರೋವಾಗ್ಲೇ ಎದ್ದೇಳು ಮಂಜುನಾಥದ ಹಾಡು ಕೇಳಿಸುತ್ತೆ. ನಿದ್ದೆ ಮಾಡೋಣ ಎಂದುಕೊಂಡ ಸುದೀಪ್ ಅವರನ್ನು ಬಡಿದೆಬ್ಬಿಸುವುದು ಎದ್ದೇಳು ಮಂಜುನಾಥ..ಎದ್ದೇಳಲೋ.. ಹಾಡು. 

    ಅಲ್ಲಿಗೆ ಬಿಗ್‍ಬಾಸ್ ಶುರುವಾಯ್ತಾ..? ಹೌದು ಸ್ವಾಮಿ..

  • ಒಂದು ಸೀಕ್ರೆಟ್ ಬಿಟ್ಟೇ ಬಿಟ್ರು ವಿಲನ್ ಪ್ರೇಮ್

    prem reveals one of the villain's secret

    ದಿ ವಿಲನ್ ಚಿತ್ರದ ಕಥೆಯನ್ನೇ ನಂಗೆ ಹೇಳಿಲ್ಲ. ಶಿವಣ್ಣಂಗೂ ಹೇಳಿಲ್ಲ. ಅವರಿಗೆ ಹೇಳಿದ್ದೀನಿ ಡಾರ್ಲಿಂಗ್ ಅಂತಾ ನಂಗೆ, ನಂಗೆ ಹೇಳಿದ್ದೀನಿ ಅಂಥಾ ಶಿವಣ್ಣಂಗೆ ಯಾಮಾರಿಸಿದ್ದಾರೆ ಪ್ರೇಮ್.. ಇದು ಆಗಾಗ್ಗೆ ವಿಲನ್ ನಿರ್ದೇಶಕ ಪ್ರೇಮ್ ಅವರನ್ನು ಸುದೀಪ್ ಅವರು ಗೋಳಾಡಿಸುವ ಪರಿ. ಪ್ರೇಮ್ ಇರೋದೇ ಹಾಗೆ. ಗುಟ್ಟು ಬಿಟ್ಟುಕೊಡಲ್ಲ. ಇಷ್ಟೆಲ್ಲ ಆಗಿಯೂ.. ಈ ಬಾರಿ ಪ್ರೇಮ್ ದಿ ವಿಲನ್ ಚಿತ್ರದ ಒಂದು ಮಹಾ ಸೀಕ್ರೆಟ್ ಹೊರಹಾಕಿದ್ದಾರೆ.

    ದಿ ವಿಲನ್ ಚಿತ್ರದ ಕ್ಲೈಮಾಕ್ಸ್‍ನಲ್ಲಿ ಫೈಟ್ ಇಲ್ಲವಂತೆ. ಅದು ಸೆಂಟಿಮೆಂಟ್ ದೃಶ್ಯ ಎಂಬ ಮಾಹಿತಿಯನ್ನು ಸ್ವತಃ ಪ್ರೇಮ್ ಅವರೇ ಹೊರಹಾಕಿರುವುದು ವಿಶೇಷ. ಶಿವಣ್ಣ ಮತ್ತು ಸುದೀಪ್ ಇಬ್ಬರೂ ಕಮರ್ಷಿಯಲ್ ಹೀರೋಗಳು. ಅವರನ್ನಿಟ್ಟುಕೊಂಡು ಆ್ಯಕ್ಷನ್ ಸಿನಿಮಾ ಮಾಡೋದು ದೊಡ್ಡದಲ್ಲ. ಒಂದು ಉದ್ದೇಶ, ಸಂದೇಶ ಇಟ್ಟುಕೊಂಡು ಸೆಂಟಿಮೆಂಟ್ ಕಥೆ ಇರುವ ಸಿನಿಮಾ ಮಾಡಿದ್ದೇನೆ ಎಂದಿದ್ದಾರೆ ಪ್ರೇಮ್.

    ಕ್ಲೈಮಾಕ್ಸ್‍ನಲ್ಲಿ ಫೈಟ್ ಸೀನ್ ಇಲ್ಲ ಎನ್ನುವ ಮೂಲಕ ಪ್ರೇಮ್ ಒಂದು ಗುಟ್ಟನ್ನಷ್ಟೇ ಹೊರಹಾಕಿದ್ದಾರೆ. ಉಳಿದ ಗುಟ್ಟುಗಳನ್ನೆಲ್ಲ ಈಗಲೇ ಹೇಳೋಕೆ ಸಾಧ್ಯವಿಲ್ಲ. ಸಿ.ಆರ್.ಮನೋಹರ್ ನಿರ್ಮಾಣದ ಈ ಸಿನಿಮಾದ ಮಿಕ್ಕ ಎಲ್ಲ ಗುಟ್ಟುಗಳನ್ನೂ ನೋಡೋಕೆ ಆಯುಧಪೂಜೆವರೆಗೆ ಕಾಯಲೇಬೇಕು.

  • ಕಿಚ್ಚ ಮತ್ತು ಜುಲೈ 6ರ ಗುಟ್ಟು

    sudeep's sentiment to july 6th

    ಕಿಚ್ಚ ಸುದೀಪ್, ಜುಲೈ 6ನೇ ತಾರೀಕನ್ನು ಮರೆಯುವ ಹಾಗೆಯೇ ಇಲ್ಲ. ಆ ದಿನಾಂಕ, ಅವರ ಬದುಕಿನಲ್ಲಿ ಆ ರೀತಿಯಲ್ಲಿ ಮೈಲುಗಲ್ಲು ಸೃಷ್ಟಿಸಿದೆ. ಕಿಚ್ಚ ಸುದೀಪ್ ಬೆಳ್ಳಿತೆರೆಗೆ ಬಂದಿದ್ದು ಬ್ರಹ್ಮ ಚಿತ್ರದ ಮೂಲಕ. ಆದರೆ, ಆ ಸಿನಿಮಾ ಮುಹೂರ್ತಕ್ಕೇ ಮುಕ್ತಾಯವಾಯ್ತು. ನಂತರ ನಟಿಸಿದ್ದು ತಾಯವ್ವ ಚಿತ್ರದಲ್ಲಿ. ಅದು ಹಿಟ್ ಆಗಲಿಲ್ಲ. ಪ್ರತ್ಯರ್ಥದಲ್ಲಿ ಪೋಷಕ ನಟನಾಗಿ ನಟಿಸಿದ ಸುದೀಪ್, ಸ್ಪರ್ಶ ಚಿತ್ರದಲ್ಲಿ ತಮ್ಮ ಛಾಪು ಮೂಡಿಸಿದರು. ಆದರೆ, ಸುದೀಪ್‍ರನ್ನು ಸ್ಟಾರ್ ಆಗಿಸಿದ್ದು, ಕನ್ನಡಿಗರ ಕಿಚ್ಚನನ್ನಾಗಿಸಿದ್ದು ಹುಚ್ಚ ಸಿನಿಮಾ.

    ಅಂದಹಾಗೆ ಹುಚ್ಚ ಬಿಡುಗಡೆಯಾದ ದಿನ ಜುಲೈ 6. ಆ ಸಿನಿಮಾ ಬಿಡುಗಡೆಯಾಗಿ 17 ವರ್ಷಗಳಾಗಿವೆ. ಸುದೀಪ್ ಹಲವಾರು ಹಿಟ್ ಕೊಟ್ಟಿದ್ದಾರೆ. ಆದರೆ, ಹುಚ್ಚನ ನೆನಪು ಕಾಡುತ್ತಲೇ ಇರುತ್ತೆ. ಜುಲೈ 6ರ ಗುಟ್ಟು ಅಷ್ಟಕ್ಕೇ ನಿಲ್ಲೋದಿಲ್ಲ. ಸುದೀಪ್ ಅಭಿನಯದ ಈಗ ಸಿನಿಮಾ ರಿಲೀಸ್ ಆಗಿದ್ದು ಕೂಡಾ ಅದೇ ಜುಲೈ 6ನೇ ತಾರೀಕು. ಈಗ ರಿಲೀಸ್ ಆಗಿ ಈಗ 6 ವರ್ಷ.

    ಒಂದು ಸಿನಿಮಾ ನನ್ನನ್ನು ಕನ್ನಡಿಗರಿಗೆ ಪರಿಚಯಸಿತು. ಕನ್ನಡಿಗರ ಹೃದಯದಲ್ಲೊಂದು ಶಾಶ್ವತ ಸ್ಥಾನ ಕೊಡಿಸಿತು. ಇನ್ನೊಂದು ಸಿನಿಮಾ ನನ್ನನ್ನು ವಿಶ್ವ ಚಿತ್ರರಂಗಕ್ಕೆ ಪರಿಚಯ ಮಾಡಿಕೊಟ್ಟಿತು. ಆ ಎರಡೂ ಚಿತ್ರತಂಡಗಳಿಗೆ ನಾನು ಋಣಿ. ಥ್ಯಾಂಕ್ಸ್ ಎಂಬ ಪದ ತುಂಬಾ ಚಿಕ್ಕದೇನೋ. ಆದರೆ, ಇದನ್ನು ನಾನು ಹೃದಯದಿಂದ ಹೇಳುತ್ತಿದ್ದೇನೆ. ಎರಡೂ ಚಿತ್ರತಂಡಗಳಿಗೆ ಧನ್ಯವಾದ ಎಂದಿದ್ದಾರೆ ಸುದೀಪ್.

  • ಕಿಚ್ಚ ಸುದೀಪನ ಜಪಾನ್ ಅಭಿಮಾನಿ

    kiccha's japanese fan art work

    ಕಿಚ್ಚ ಸುದೀಪ್, ಕನ್ನಡದಲ್ಲಷ್ಟೇ ಅಲ್ಲ, ಇಡೀ ಭಾರತೀಯ ಚಿತ್ರರಂಗಕ್ಕೇ ಸಲ್ಲುವ ಸ್ಟಾರ್ ನಟ. ಹೀಗಾಗಿ ಸುದೀಪ್ ಅಭಿಮಾನಿಗಳು ದೇಶ ವಿದೇಶದಲ್ಲೆಲ್ಲ ಇದ್ದಾರೆ. ಈಗ ನಾವು ಹೇಳ್ತಿರೋದು ಜಪಾನ್‍ನ ಅಂತಹ ಒಬ್ಬ ಕಿಚ್ಚನ ಅಭಿಮಾನಿಯ ಬಗ್ಗೆ.

    ಈತನ ಹೆಸರು ಮೋಹಿಶ್‍ಮೊಟೊ. ಕಿಚ್ಚ ಸುದೀಪ್‍ಗೆ ಈತ ಎಷ್ಟರಮಟ್ಟಿಗಿನ ಅಭಿಮಾನಿಯೆಂದರೆ, ಸುದೀಪ್‍ರ ಪ್ರತಿ ಚಿತ್ರದ ಪೋಸ್ಟರ್‍ನ್ನು ತನ್ನ ಕುಂಚದಲ್ಲಿ ಅರಳಿಸಿದ್ದಾನೆ. ರನ್ನ, ವೀರಮದಕರಿ, ಬಾಹುಬಲಿಯ ಸುಲ್ತಾನ, ಹೆಬ್ಬುಲಿ.. ಹೀಗೆ ಸುದೀಪ್ ಅಭಿನಯದ ಹಲವು ಚಿತ್ರಗಳ ಪಾತ್ರಗಳು ಮೋಹಿಶ್‍ಮೋಟೋ ಕೈಯ್ಯಲ್ಲಿ ರೇಖಾಚಿತ್ರಗಳಾಗಿವೆ.

    ರನ್ನ ಚಿತ್ರದಲ್ಲಿ ಸುದೀಪ್‍ರನ್ನು ಬಬ್ಬರ್ ಶೇರ್ ಎಂದು ಹೊಗಳುವ ಹಾಡಿದೆ. ಸುದೀಪ್ ಕುರಿತ ರೇಖಾಚಿತ್ರಗಳ ಸರಣಿಗೆ ಬಬ್ಬರ್ ಶೇರ್ ಎಂದೇ ಹೆಸರಿಟ್ಟಿದ್ದಾರೆ ಮೋಹಿಶ್‍ಮೋಟೊ. ಈ ಸರಣಿಯಲ್ಲಿ ಇನ್ನಷ್ಟು ರೇಖಾಚಿತ್ರಗಳನ್ನು ಬರೆಯುವುದಾಗಿಯೂ ತಿಳಿಸಿದ್ದಾರೆ. 

    ಮುದ್ದಾದ ರೇಖಾಚಿತ್ರಗಳನ್ನು ನೋಡಿದ ಸುದೀಪ್, ಅಭಿಮಾನಿಯ ಅಭಿಮಾನಕ್ಕೆ ಶರಣಾಗಿಬಿಟ್ಟಿದ್ದಾರೆ.

  • ಕಿಚ್ಚ ಸುದೀಪ್ 5 ವರ್ಷ ಚಿಕ್ಕವರಾಗಿದ್ದಾರಂತೆ..!

    big boss 5

    ಕಿಚ್ಚ ಸುದೀಪ್ ಕನ್ನಡದ ಸ್ಮಾರ್ಟ್ ಹೀರೋ. ಅದನ್ನು ಅವರ ಮಹಿಳಾ ಅಭಿಮಾನಿಗಳಂತೂ ಇನ್ನೂ ಪ್ರೀತಿಯಿಂದ ಹೇಳ್ತಾರೆ. ಆದರೆ, ಈ ಬಾರಿ ಆ ಮಾತು ಹೇಳಿರೋದು ಬಿಗ್‍ಬಾಸ್ ಡೈರೆಕ್ಟರ್ ಪರಮೇಶ್ವರ್ ಗುಂಡ್ಕಲ್. ಬಿಗ್‍ಬಾಸ್ 5ನೇ ಆವೃತ್ತಿ ಆರಂಭಕ್ಕೆ ಕ್ಷಣಗಣನೆ ಶುರುವಾಗಿದೆ. ಈ ಆವೃತ್ತಿಯಲ್ಲಿ ಸುದೀಪ್ ಅವರ ಹೇರ್‍ಸ್ಟೈಲ್ ತುಂಬಾನೇ ಡಿಫರೆಂಟಾಗಿದೆಯಂತೆ. ಪ್ರತಿ ಆವೃತ್ತಿಗೂ ಸುದೀಪ್ ಭಿನ್ನ ಭಿನ್ನ ಗೆಟಪ್‍ಗಳಲ್ಲಿ ಕಾಣಿಸಿಕೊಳ್ತಾರೆ. ಈ ಬಾರಿಯ ಅವರ ಹೇರ್‍ಸ್ಟೈಲ್ ದಿ ಬೆಸ್ಟ್ ಎಂದಿದ್ದಾರೆ ಪರಮೇಶ್ವರ್ ಗುಂಡ್ಕಲ್.

    ಬಿಗ್‍ಬಾಸ್ ನಿರ್ದೇಶಕರಿಗೆ ಇಷ್ಟವಾಗಿರೋದು ಸುದೀಪ್ ಅವರ ಕಮಿಟ್‍ಮೆಂಟ್. ಸ್ಯಾಂಡಲ್‍ವುಡ್, ಬಾಲಿವುಡ್, ಕಾಲಿವುಡ್, ಟಾಲಿವುಡ್, ಹಾಲಿವುಡ್‍ಗಳಲ್ಲಿ ಏಕಕಾಲಕ್ಕೆ ಬ್ಯುಸಿಯಾಗಿರುವ ಸುದೀಪ್, ಬಿಗ್‍ಬಾಸ್‍ಗೆ ಪ್ರತಿ ವಾರದ ಶನಿವಾರ ಡೇಟ್ಸ್ ಕೊಟ್ಟಿದ್ದಾರೆ. ಶನಿವಾರ ರೆಕಾರ್ಡಿಂಗ್ ಎಂದರೆ, ಹಿಂದಿನ ರಾತ್ರಿ ನಿದ್ದೆಗೆಡಲೇಬೇಕು. ಬಿಗ್‍ಬಾಸ್‍ನ ಎಲ್ಲ ಎಪಿಸೋಡ್‍ಗಳನ್ನೂ ನೋಡಬೇಕು. ನಂತರ ರೆಕಾರ್ಡಿಂಗ್. ಅದನ್ನು ಸ್ಕ್ರೀನ್ ಮೇಲೆ ಎಲ್ಲಿಯೂ ಕಾಣಿಸದಂತೆ ನೋಡಿಕೊಳ್ಳುವುದು ಸುದೀಪ್ ಅವರ ಗುಣ.

    ಸುದೀಪ್ ಎತ್ತರದ ನಟ. 6.2 ಅಡಿ ಎತ್ತರದ ಸುದೀಪ್‍ಗೆ ಅದ್ಭುತವಾದ ಧ್ವನಿಯೂ ಇದೆ. ಆಟಗಾರ, ಗಾಯಕ, ನಿರ್ದೇಶಕ..ಎಲ್ಲಕ್ಕಿಂತ ಮಿಗಿಲಾಗಿ ಅಪರೂಪದ ವ್ಯಕ್ತಿತ್ವ. ಅವರ ಜೊತೆ ಕೆಲಸ ಮಾಡುವುದು ಖುಷಿ ಎಂದಿದ್ದಾರೆ ಪರಮೇಶ್ವರ್ ಗುಂಡ್ಕಲ್.

    ಎಲ್ಲ ಓಕೆ.. ಸುದೀಪ್ ಇನ್ನೂ 5 ವರ್ಷ ಚಿಕ್ಕವರಾದ್ರೆ ಹೇಗೆ ಕಾಣ್ತಾರೆ..? ಅಭಿಮಾನಿಗಳ ಕುತೂಹಲಕ್ಕೆ ಉತ್ತರ.. ಕೆಲವೇ ದಿನಗಳಲ್ಲಿ.

  • ಕಿಚ್ಚನ `ಕಿಚ್ಚನ್ ಟೈಂ' ಟೇಸ್ಟಿ ಟೇಸ್ಟಿ..

    big boss 5

    ಕಿಚ್ಚ ಸುದೀಪ್ ನಟನೆ, ನಿರ್ದೇಶನದಲ್ಲಷ್ಟೇ ಅಡುಗೆ ಮನೆ ಹೊಕ್ಕರೆ ಸಾಕ್ಷಾತ್ ನಳ ಮಹಾರಾಜ.. ಭೀಮಸೇನನಿದ್ದ ಹಾಗೆ. ಕಿಚ್ಚನ ಕೈಪಾಕವನ್ನು ಸವಿದವರಿಗೆ, ಅಡುಗೆ ಮಾಡುವಾಗ ಸುದೀಪ್ ಅವರು ತೋರಿಸುವ ಶ್ರದ್ಧೆಯನ್ನು ನೆನಪಿಸಿಕೊಂಡೇ ನೆನಪಿಸಿಕೊಳ್ತಾರೆ. ರುಚಿಯನ್ನು ಚಪ್ಪರಿಸ್ತಾರೆ. ಅಡುಗೆ ಮಾಡೋದು ಸುದೀಪ್ ಹವ್ಯಾಸ.

    ಹೀಗೆ ಅಡುಗೆ ಮನೆಯನ್ನು ಇಷ್ಟಪಡುವ ಸುದೀಪ್, ಬಿಗ್‍ಬಾಸ್ ಮನೆಯಲ್ಲಿ ಕಿಚ್ಚನ್ ಟೈಂ ನಡೆಸಿಕೊಡುತ್ತಿದ್ದಾರೆ. ಈ ಬಾರಿಯ ಕಿಚ್ಚನ್ ಟೈಂನಲ್ಲಿ ಸುದೀಪ್ ಜೊತೆ ಕಿರಿಕ್ ಸಂಯುಕ್ತಾ ಹೆಗ್ಡೆ, ಕೆಂಡಸಂಪಿಗೆಯ ಮುಗ್ದ ಹುಡುಗ ವಿಕ್ಕಿ ಇದ್ದರು. ಅವರಿಬ್ಬರೂ ಕಾಲೇಜ್‍ಕುಮಾರ್ ಚಿತ್ರದಲ್ಲಿ ಒಟ್ಟಿಗೇ ನಟಿಸಿದ್ದಾರೆ. ಆ ಚಿತ್ರ ಬಿಡುಗಡೆಗೆ ರೆಡಿಯಾಗಿದೆ. ಕಿಚ್ಚನ್ ಟೈಮ್‍ನಲ್ಲಿ  ರುಚಿರುಚಿಯಾಗಿ ಚಿಕನ್ ಫ್ರೈ ಮಾಡಿದ ಸಂಯುಕ್ತಾ ಹೆಗ್ಡೆ, ಸುದೀಪ್‍ಗೆ ಕೊಟ್ಟರು.

    ಇನ್ನು ಕಿಚ್ಚನ್ ಟೈಂನಲ್ಲಿ ಅಡುಗೆಗೆ ಬಿಗ್‍ಬಾಸ್ ಖುಷಿಯಾಗಿದ್ದಾರೆ. ಟಿವಿಯಲ್ಲಿ ನೋಡಿದವರಿಗೆ ಇಷ್ಟವಾಗಿರೋದು ಒನ್ಸ್ ಎಗೇಯ್ನ್.. ಕಿಚ್ಚನ್ ಸ್ಟೈಲ್. ಅವರ ಡ್ರೆಸ್ಸು, ಮಾತು..

     

  • ಕಿಚ್ಚನ ಎದುರು ಗುಂಡಪ್ಪ ಹೇಳಿದ ಮೊಟ್ಟೆಯ ಕಥೆ

    kicchanan kitchen with gundappa vishwanath

    ಕಿಚ್ಚ ಸುದೀಪ್ ಅವರ ಬಿಗ್‍ಬಾಸ್ ಶೋನಲ್ಲಿ ಬರುವ ಅತಿಥಿಗಳು ಒಂದಲ್ಲಾ ಒಂದು ಸ್ವಾರಸ್ಯದ ಕಥೆ ಹೇಳಿಕೊಂಡೇ ಹೇಳಿಕೊಳ್ತಾರೆ. ಕಲ್ಲುಬಂಡೆಯನ್ನೂ ಮಾತನಾಡಿಸುವ ಛಾತಿಯುಳ್ಳ ಸುದೀಪ್‍ಗೆ ಅತಿಥಿಗಳಿಂದ ಅಂತಹ ಕಥೆಗಳನ್ನು ಹೊರತೆಗೆಸುವುದು ಹೊಸದಲ್ಲ.

    ವಿಶ್ವನಾಥ್ ಟೆಸ್ಟ್ ಕ್ರಿಕೆಟ್‍ಗೆ ಪಾದಾರ್ಪಣೆ ಮಾಡಿದ್ದು 1969ರಲ್ಲಿ. ಮೊದಲ ಟೆಸ್ಟ್, ಮೊದಲ ಇನ್ನಿಂಗ್ಸ್‍ನಲ್ಲಿಯೇ ವಿಶ್ವನಾಥ್ ಸೊನ್ನೆ ಸುತಿದರು. ಔಟಾಗಿ ಪೆವಿಲಿಯನ್‍ಗೆ ವಾಪಸ್ ಆಗುವಾಗ ಪ್ರೇಕ್ಷಕರ್ಯಾರೋ ಕೊಳೆತ ಮೊಟ್ಟೆಯನ್ನು ವಿಶ್ವನಾಥ್ ಅವರತ್ತ ಎಸೆದಿದ್ದರಂತೆ. 

    ಅಷ್ಟೊತ್ತಿಗಾಗಲೇ ದೇಸೀ ಟೂರ್ನಿಗಳಲ್ಲಿ ಅದ್ಭುತ ಆಟವಾಡುತ್ತಿದ್ದ ವಿಶ್ವನಾಥ್, ಏನಾಗಿ ಹೋಯ್ತು ನನಗೆ ಎಂದುಕೊಂಡು ಕುಳಿತಿದ್ದಾಗ, ತಂಡದ ಕ್ಯಾಪ್ಟನ್ ಬಂದು ಧೈರ್ಯ ಹೇಳಿದರಂತೆ. ಮುಂದಿನ ಇನ್ನಿಂಗ್ಸ್‍ನಲ್ಲಿ ಸೆಂಚುರಿ ಹೊಡೀತಿಯ, ಬಿಡು ಎಂದು ಸಮಾಧಾನಿಸಿದ್ದರಂತೆ. 

    ಅದು ನಿಜವೂ ಆಯ್ತು. ಅದೇ ಟೆಸ್ಟ್‍ನ 2ನೇ ಇನ್ನಿಂಗ್ಸ್‍ನಲ್ಲಿ ವಿಶ್ವನಾಥ್ 137 ರನ್ ಹೊಡೆದರು. ಇನ್ನೂ ಒಂದು ವಿಶೇಷ ಗೊತ್ತಾ..? ಆ 137 ರನ್‍ನಲ್ಲಿ 100 ರನ್ ಕೇವಲ ಬೌಂಡರಿಗಳಿಂದಲೇ ಬಂದಿದ್ದವು. 25 ಬೌಂಡರಿ. ಮೊಟ್ಟೆ ಎಸೆದಿದ್ದ ಪ್ರೇಕ್ಷಕರೇ, ಎದ್ದು ನಿಂತಿ ಕಿವಗಡಚಿಕ್ಕುವಂತೆ ಚಪ್ಪಾಳೆ ತಟ್ಟಿದ್ದರು.

    ಇದೆಲ್ಲವನ್ನೂ ಗುಂಡಪ್ಪ ವಿಶ್ವನಾಥ್, ಕಿಚ್ಚನ ಎದುರು ಹೇಳಿಕೊಂಡಿದ್ದಾರೆ. ಮೊಟ್ಟೆ ಹೊಡೆದ ಕೈಗಳೇ ಚಪ್ಪಾಳೆ ತಟ್ಟಿದ್ದ ಕಥೆಯಲ್ಲಿ, ಜೀವನ ಸಂದೇಶವೂ ಇದೆ. ಹೌದು ತಾನೇ.

  • ಕಿಚ್ಚನ ಎಫೆಕ್ಟ್, ರಾಜು ಕನ್ನಡ ಮೀಡಿಯಂಗೆ ಫಾರಿನ್ ಡಿಮ್ಯಾಂಡ್

    kiccha effect

    ಕೆ.ಎ. ಸುರೇಶ್‌ ನಿರ್ಮಾಣದ  'ರಾಜು ಕನ್ನಡ ಮೀಡಿಯಂ' ಚಿತ್ರ, ಭರ್ಜರಿ ಸದ್ದು ಮಾಡುತ್ತಿದೆ. ಟೀಸರ್ ಬಿಡುಗಡೆಯ ನಂತರವಂತೂ ಡಿಮ್ಯಾಂಡ್ ಸಿಕ್ಕಾಪಟ್ಟೆ ಜಾಸ್ತಿಯಾಗಿದೆಯಂತೆ. ಅದರಲ್ಲೂ ಸುರೇಶ್ ಥ್ರಿಲ್ಲಾಗೋಕೆ ಕಾರಣ, ವಿದೇಶಗಳಲ್ಲಿ ಸೃಷ್ಟಿಯಾಗಿರುವ ಕ್ರೇಜ್. ಚಿತ್ರವನ್ನು ವಿದೇಶಗಳಲ್ಲಿ ವಿತರಣೆ ಮಾಡಲು ವಿತರಕರು ಬೆನ್ನು ಬಿದ್ದಿದ್ದಾರಂತೆ. ಕಾರಣವೇನೆಂದು ಹುಡುಕಿದರೆ ಸಿಕ್ಕಿರುವ ಉತ್ತರ ಕಿಚ್ಚ ಸುದೀಪ್.

    ಚಿತ್ರದ ಟೀಸರ್ ಬಾಲಿವುಡ್​ ಲೆವೆಲ್ಲಿನಲ್ಲಿದೆ. 'ಫಸ್ಟ್ ರ‍್ಯಾಂಕ್ ರಾಜು' ಖ್ಯಾತಿಯ ಗುರುನಂದನ್, ರಾಜು ಪಾತ್ರ ನಿಭಾಯಿಸಿದ್ದಾರೆ. ರಂಗಿತರಂಗ ಖ್ಯಾತಿಯ ಅವಂತಿಕಾ ಶೆಟ್ಟಿ ನಾಯಕಿ.  ಇವರ ಜೊತೆ ಆಶಿಕ ರಂಗನಾಥ್ ಹಾಗೂ ಅಂಜೇಲಿನ ಕೂಡಾ ನಾಯಕಿಯರಾಗಿ ನಟಿಸಿದ್ದಾರೆ. ಸಾಧು ಕೋಕಿಲ, ಕುರಿ ಪ್ರತಾಪ್, ಚಿಕ್ಕಣ್ಣ, ಸುಚಿಂದ್ರ ಪ್ರಸಾದ್, ಬಿಗ್ ಬಾಸ್ ಖ್ಯಾತಿಯ ಪ್ರಥಮ್, ಕಿರಿಕ್ ಕೀರ್ತಿ, ನಿರ್ದೇಶಕರಾದ ಓಂ ಪ್ರಕಾಶ್ ರಾವ್, ಇಂದ್ರಜಿತ್ ಲಂಕೇಶ್.. ಹೀಗೆ ಅದ್ಧೂರಿ ತಾರಾಗಣದ ಚಿತ್ರ, ರಿಲೀಸ್ ಆಗೋಕೆ ರೆಡಿಯಾಗಿದೆ.

  • ಕಿಚ್ಚನ ಚಿತ್ರಕ್ಕೆ ಬರುತ್ತಿದ್ದಾರೆ ಸುನಿಲ್ ಶೆಟ್ಟಿ

    suneil shetty in phailwan

    ಕಿಚ್ಚ ಸುದೀಪ್ ಅಭಿನಯದ ಪೈಲ್ವಾನ್ ಚಿತ್ರಕ್ಕೆ ಸುನಿಲ್ ಶೆಟ್ಟಿ ಆಯ್ಕೆಯಾಗಿದ್ದಾರೆ. ನಟಿಸುವುದು ಪಕ್ಕಾ. ಆದರೆ, ಸುನಿಲ್ ಶೆಟ್ಟಿ ಪಾತ್ರ ಏನು ಅನ್ನೋದ್ರ ಬಗ್ಗೆ ಇನ್ನೂ ಸ್ಪಷ್ಟ ಮಾಹಿತಿ ಇಲ್ಲ. 

    ಸುನಿಲ್ ಶೆಟ್ಟಿ ನಟಿಸೋಕೆ ಒಪ್ಪಿದ್ದಾರೆ. ಪಾತ್ರ ಇನ್ನಷ್ಟೇ ಫೈನಲೈಸ್ ಆಗಬೇಕು ಎಂದಿದ್ದಾರೆ ನಿರ್ದೇಶಕ ಕೃಷ್ಣ. ಸುನಿಲ್ ಶೆಟ್ಟಿ ಸರ್ ಬರುತ್ತಿರುವುದೇ ನನಗೊಂದು ಎಕ್ಸೈಟ್‍ಮೆಂಟ್ ಎಂದಿದ್ದಾರೆ ಸುದೀಪ್.

    ಸುನಿಲ್ ಶೆಟ್ಟಿ, ಕನ್ನಡ ಚಿತ್ರರಂಗಕ್ಕೆ ಬರುತ್ತಿರುವುದಕ್ಕೆ ಮೂಲ ಕಾರಣ, ಸುದೀಪ್ ಮತ್ತು ಸುನಿಲ್ ಶೆಟ್ಟಿ ನಡುವೆ ಇರುವ ಸ್ನೇಹ. ಸೆಲಬ್ರಿಟಿ ಕ್ರಿಕೆಟ್ ಲೀಗ್‍ನಿಂದ ಶುರುವಾದ ಸ್ನೇಹ ನಿರಂತರವಾಗಿ ಮುಂದುವರೆಯುತ್ತಿದೆ. ಆ ಸ್ನೇಹವೇ ಸುನಿಲ್ ಶೆಟ್ಟಿಯವರನ್ನು ಕನ್ನಡ ಚಿತ್ರರಂಗದತ್ತ ಕರೆತಂದಿದೆ. ಪೈಲ್ವಾನ್ ಚಿತ್ರದ ಚಿತ್ರೀಕರಣ ಮೇ 17ರಿಂದ ಶುರುವಾಗಲಿದೆ.

    Related Articles :-

    Sunil Shetty To Act In 'Phailwan'

  • ಕಿಚ್ಚನ ಪೈಲ್ವಾನ್ ಶುರುವಾಯ್ತು

    phailwan started on ugadi festival

    ಕಿಚ್ಚ ಸುದೀಪ್ ಅಭಿನಯದ ಪೈಲ್ವಾನ್ ಚಿತ್ರಕ್ಕೆ ಓಂಕಾರ ಬಿದ್ದಿದೆ. ಚಿತ್ರಕ್ಕೆ ಹನುಮಂತನಗರದ ಶ್ರೀರಾಮಾಂಜನೇಯ ಸ್ವಾಮಿ ದೇವಸ್ಥಾನದಲ್ಲಿ ಮುಹೂರ್ತ ನೆರವೇರಿತು. ಕಿಚ್ಚ ಸುದೀಪ್ ಅಭಿನಯದ ಮೊದಲ ದೃಶ್ಯಕ್ಕೆ ಪ್ರಿಯಾ ಸುದೀಪ್ ಕ್ಲಾಪ್ ಮಾಡಿದರು.

    ಚಿತ್ರವನ್ನು ನಿರ್ದೇಶಿಸುತ್ತಿರುವುದು ಹೆಬ್ಬುಲಿ ಕೃಷ್ಣ. ಸ್ವಪ್ನ ಕೃಷ್ಣ ನಿರ್ಮಾಪಕಿ. ಇನ್ನುಳಿದಂತೆ ಹೆಬ್ಬುಲಿ ಚಿತ್ರತಂಡವೇ ಈ ಚಿತ್ರದಲ್ಲೂ ಕೆಲಸ ಮಾಡಲಿದೆ.

    ಹೆಬ್ಬುಲಿಯಲ್ಲಿ ಸುದೀಪ್‍ರನ್ನು ಸೈನಿಕನಾಗಿ ತೋರಿಸಿದ್ದ ಕೃಷ್ಣ, ಈ ಚಿತ್ರದಲ್ಲಿ ಸುದೀಪ್ ಅವರನ್ನು ಬಾಕ್ಸರ್ ಆಗಿ ತೋರಿಸಲಿದ್ದಾರೆ.

  • ಕಿಚ್ಚನ ಬಿಗ್​ಬಾಸ್ ಮನೆಗೆ ನೀವೂ ಹೋಗಬಹುದು

    big boss season 5

    ಬಿಗ್​ಬಾಸ್ ಎಂದರೆ, ಖ್ಯಾತ ನಟ, ನಟಿಯರು, ಸೆಲೆಬ್ರಿಟಿಗಳೇ ತುಂಬಿರುವ ಮನೆ ಎನ್ನೋದು ಇದುವರೆಗಿನ ನಂಬಿಕೆ. ಈ ಬಾರಿ ಕಾನ್ಸೆಪ್ಟ್ ಬದಲಾಗಿದೆ. ಬಿಗ್‌ ಬಾಸ್‌ ಮನೆಗೆ ನೀವೂ ಹೋಗಬಹುದು.  ಬಿಗ್‌ ಬಾಸ್ ಕನ್ನಡ ರಿಯಾಲಿಟಿ ಷೋದ ಐದನೇ ಆವೃತ್ತಿಯಲ್ಲಿ ಜನಸಮಾನ್ಯರಿಗೂ ಅವಕಾಶ ನೀಡಲು ಕಲರ್ಸ್‌ ಕನ್ನಡ ವಾಹಿನಿ ನಿರ್ಧರಿಸಿದೆ. ಸೆಲೆಬ್ರಿಟಿಗಳ ಆಟ ತುಂಟಾಟಗಳನ್ನೇ ನೋಡಿ ಖುಷಿಪಡುತ್ತಿದ್ದ ಜನಸಾಮಾನ್ಯರು ಬಿಗ್​ಬಾಸ್​ನಲ್ಲಿ ಕಾಣಿಸಿಕೊಳ್ಳಬಹುದು. ಕಿಚ್ಚ ಸುದೀಪ್ ಎದುರು ಮಾತನಾಡಬಹುದ

    ಅರ್ಜಿ ಸಲ್ಲಿಕೆ ಶೀಘ್ರದಲ್ಲೇ ಶುರುವಾಗಲಿದೆ. ಈ ಬಾರಿಯೂ ಒಟ್ಟು 15 ಸ್ಪರ್ಧಿಗಳಿರಲಿದ್ದಾರೆ. ಆ 15ರಲ್ಲಿ ಮೂವರು ಜನಸಾಮಾನ್ಯರು. ಸ್ಪರ್ಧಿಗಳ ಆಯ್ಕೆಗೆ ಈ ವಾರವೇ ವಾಹಿನಿ ಅಧಿಕೃತವಾಗಿ ಅರ್ಜಿ ಕರೆಯಲಿದೆ. ವೂಟ್‌ ಡಾಟ್‌ ಕಾಂನಲ್ಲಿ ಅರ್ಜಿ ನಮೂನೆ ಲಭ್ಯವಿದೆ. ಅರ್ಜಿ ಸಲ್ಲಿಕೆಗೆ ಅಧಿಕೃತ ಪ್ರಕಟಣೆ ಇನ್ನೂ ಹೊರಬಿದ್ದಿಲ್ಲ.

    ನೀವು ಮಾಡಬೇಕಾದ್ದು ಇಷ್ಟೆ. 

    ಅರ್ಜಿಯಲ್ಲಿ ಕೇಳಲಾಗಿರುವ 3 ಪ್ರಶ್ನೆಗಳಿಗೆ ಉತ್ತರಿಸುವುದು. ನಿಮ್ಮನ್ನು ನಿಮ್ಮದೇ ಆದ ರೀತಿಯಲ್ಲಿ ಪರಿಚಯಿಸಿಕೊಳ್ಳಬೇಕು. ನೀವು ಬಿಗ್‌ಬಾಸ್‌ ಕಾರ್ಯಕ್ರಮದಲ್ಲಿ ಭಾಗವಹಿಸಲು ಬಯಸುತ್ತಿರುವುದು ಏಕೆ ಎಂದು ಹೇಳಬೇಕು. ಅಷ್ಟೇ ಅಲ್ಲ,  ಇತರರಿಗಿಂತ ನೀವು ಹೇಗೆ ಭಿನ್ನ ಎಂದು ತೋರಿಸಿಕೊಳ್ಳಬೇಕು. ಇದಕ್ಕೆ ಮೂರು ನಿಮಿಷದ ಉತ್ತರವನ್ನು ವಿಡಿಯೊ ಮಾಡಿ ಕಳಿಸಿಕೊಡಬೇಕು. ನಿಮ್ಮ ವಿಡಿಯೋ ಕ್ರಿಯೇಟಿವಿಟಿ ಮೇಲೆ ನಿಮ್ಮ ಆಯ್ಕೆ ನಿರ್ಧಾರವಾಗಬಹುದು. 

    ಇಂಥ ಪ್ರಯತ್ನ ಕನ್ನಡದಲ್ಲಷ್ಟೇ ಹೊಸದು. ಈಗಾಗಲೇ ಬೇರೆ ಬೇರೆ ದೇಶಗಳಲ್ಲಿ ಈ ಕಾನ್ಸೆಪ್ಟ್ ಈಗಾಗಲೇ ಪ್ರಯೋಗವಾಗಿದ್ದು, ಯಶಸ್ವಿಯೂ ಆಗಿದೆ.

     

  • ಕಿಚ್ಚನಿಗೆ ಹುಟ್ಟುಹಬ್ಬದ ಉಡುಗೊರೆಗಳ ಸುರಿಮಳೆ

    sudeep imag

    ಈ ವರ್ಷದ ಕಿಚ್ಚ ಸುದೀಪ್ ಹುಟ್ಟುಹಬ್ಬ ತುಂಬಾನೇ ಸ್ಪೆಷಲ್. ಹುಟ್ಟುಹಬ್ಬಗಳ ಸುರಿಮಳೆಯೇ ಆಗುತ್ತಿದೆ. ಅವರು ನಟಿಸುತ್ತಿರುವ ಚಿತ್ರಗಳ ಟೀಂ, ತಲಾ ಒಂದೊಂದು ಗಿಫ್ಟ್ ನೀಡಿದೆ.

    ಹೆಬ್ಬುಲಿ ಕೃಷ್ಣ ನಿರ್ದೇಶನದ ಪೈಲ್ವಾನ್ ಚಿತ್ರದ ಪೋಸ್ಟರ್ ಕ್ರೇಝ್ ಸೃಷ್ಟಿಸಿದ್ದರೆ, ರಾಜು ಕನ್ನಡ ಮೀಡಿಯಂನ ಸ್ಟೈಲಿಷ್ ಲುಕ್ ಬೇರೆಯೇ ಟೇಸ್ಟ್‍ನಲ್ಲಿದೆ. ದಿ ವಿಲನ್ ಚಿತ್ರದ ಮೋಷನ್ ಪೋಸ್ಟರ್‍ನ ಮ್ಯಾಜಿಕ್ಕೇ ಬೇರೆ. ಇವುಗಳಿಗೆಲ್ಲ ಕಳಶವಿಟ್ಟಂತೆ ಅಭಿಮಾನಿಗಳಿಂದ ಸಮಾಜಸೇವೆ. ಅನ್ನದಾನ, ರಕ್ತದಾನ, ಅನಾಥರಿಗೆ ಅನುದಾನಗಳು. ಸುದೀಪ್ ಬರ್ತ್‍ಡೇಯನ್ನು ಸ್ಪೆಷಲ್ ಮಾಡಿರುವುದೇ ಇವು.

Padarasa Movie Gallery

Kumari 21 Movie Gallery