` ಪುನೀತ್‍ಗೆ ಕೊನೆಗೂ ಸಿಕ್ಕಿತು ವಾಲ್ಮೀಕಿ ರಾಮಾಯಣ - chitraloka.com | Kannada Movie News, Reviews | Image

User Rating: 4 / 5

Star activeStar activeStar activeStar activeStar inactive
 
puneeth finally gets valmiki ramayana
Puneeth Rajkumar, Bettadha Hoo Movie Image

ಬೆಟ್ಟದ ಹೂವು ಸಿನಿಮಾ ನೋಡಿದ್ದೀರಿ ತಾನೇ. ಅದು ಪುನೀತ್‍ಗೆ ಬಾಲ್ಯದಲ್ಲೇ ರಾಷ್ಟ್ರಪ್ರಶಸ್ತಿ ತಂದುಕೊಟ್ಟ ಚಿತ್ರ. ಆ ಚಿತ್ರದ ಕಥೆಯಾದರೂ ಏನ್ ಗೊತ್ತಾ..? ಬಡವರ ಮನೆಯ ಹುಡುಗ, ಪೈಸೆ ಪೈಸೆ ಕೂಡಿಟ್ಟು ವಾಲ್ಮೀಕಿ ರಾಮಾಯಣ ಖರೀದಿಸಿ ಓದುವ ಆಸೆ ಇಟ್ಟುಕೊಂಡಿರುತ್ತಾನೆ. 10 ರೂಪಾಯಿ ಕೂಡಿಸಿ, ರಾಮಾಯಣದ ಪುಸ್ತಕ ಕೊಂಡುಕೊಳ್ಳಬೇಕು ಅನ್ನೊದು ಬಾಲಕ ಪುನೀತ್‍ನ ಜೀವನದ ಗುರಿ. ಆದರೆ, 10 ರೂಪಾಯಿ ಕೂಡಿದ ಮೇಲೆ ಮನೆಯ ಕಷ್ಟಗಳು ಅವನ ಮನಕಲಕುತ್ತವೆ. ವಾಲ್ಮೀಕಿ ರಾಮಾಯಣ ಖರೀದಿಸಬೇಕು ಎಂದಿದ್ದವನು ಮನೆಗೆ ರಗ್ಗು ತೆಗೆದುಕೊಂಡು ಹೋಗುತ್ತಾನೆ. ಚಳಿಯಲ್ಲಿ ನಡುಗುವ ತಾಯಿಗೆ ರಗ್ಗು ಕೊಡುತ್ತಾನೆ. ಪ್ರೇಕ್ಷಕರ ಕಣ್ಣಲ್ಲಿ ನೀರಾಡಿರುತ್ತೆ. ಇದು ಸಿನಿಮಾ ಕಥೆ.

ಆದರೆ, ಸಿನಿಮಾ ಆದ ಮೇಲೆ ವಾಲ್ಮೀಕಿ ರಾಮಾಯಣ ಪುಸ್ತಕ ಖರೀದಿಸಬೇಕು ಎಂದು ಪುನೀತ್‍ಗೂ ಅನಿಸಿತ್ತಂತೆ. ಬೇರೆ ಪುಸ್ತಕಗಳನ್ನು ಓದಿದರೂ, ವಾಲ್ಮೀಕಿ ರಾಮಾಯಣ ಪುಸ್ತಕ ಸಿಕ್ಕಿರಲಿಲ್ಲ. ಅದನ್ನು ಈಗ ಅಭಿಮಾನಿಯೊಬ್ಬರು ಈಡೇರಿಸಿದ್ದಾರೆ. ಪುನೀತ್‍ರನ್ನು ಇತ್ತೀಚೆಗೆ ಭೇಟಿ ಮಾಡಿದ ಅಭಿಮಾನಿಯೊಬ್ಬರು ಪುನೀತ್‍ಗೆ ವಾಲ್ಮೀಕಿ ರಾಮಾಯಣ ಪುಸ್ತಕವನ್ನು ಉಡುಗೊರೆಯಾಗಿ ಕೊಟ್ಟಿದ್ದಾರೆ. ಅಮೂಲ್ಯ ವಜ್ರವೇನೋ ಎಂಬಷ್ಟು ಜತನದಿಂದ ಕಾಪಿಟ್ಟುಕೊಂಡಿರುವ ಪುನೀತ್, ಅದನ್ನು ಸಂಭ್ರಮದಿಂದ ಫೇಸ್‍ಬುಕ್‍ನಲ್ಲಿ ಹಂಚಿಕೊಂಡಿದ್ದಾರೆ.

#

16 Years To Majestic Gallery

Prema Baraha Success Meet Gallery