` ಪ್ರಕಾಶ್ ರೈಗೆ ಕಿಚ್ಚನ ಬಹುಪರಾಕ್ - chitraloka.com | Kannada Movie News, Reviews | Image

User Rating: 0 / 5

Star inactiveStar inactiveStar inactiveStar inactiveStar inactive
 
sudeep praises prakash raj
Sudeep, Prakash Rai In A Book Launch Event

ಕಿಚ್ಚ ಸುದೀಪ್, ತಮಗೆ ಇಷ್ಟವಾಗಿದ್ದನ್ನು, ಅನ್ನಿಸಿದ್ದನ್ನು ಮುಚ್ಚುಮರೆಯಿಲ್ಲದ ಹೇಳುವ ವ್ಯಕ್ತಿ. ಇಷ್ಟವಾದವರನ್ನು ಕರಡಿಯಂತೆ ಪ್ರೀತಿಸುವ ಸುದೀಪ್, ಮೊನ್ನೆ ಪ್ರಕಾಶ್ ರೈ ಅವರ `ಇರುವುದೆಲ್ಲವ ಬಿಟ್ಟು..' ಪುಸ್ತಕ ಬಿಡುಗಡೆ ಕಾರ್ಯಕ್ರಮಕ್ಕೆ ಬಂದಿದ್ದರು. ಅದೂ ಏರ್‍ಪೋರ್ಟ್‍ಗೆ ಹೋಗಿ, ಅಲ್ಲಿ ಪ್ರಕಾಶ್ ರೈ ಅವರ ಟ್ವಿಟರ್ ನೋಡಿ, ಪ್ರಯಾಣವನ್ನು ಮುಂದಕ್ಕೆ ಹಾಕಿ ಕಾರ್ಯಕ್ರಮಕ್ಕೆ ಬಂದಿದ್ದರು ಸುದೀಪ್. ಅಷ್ಟೇ ಪ್ರೀತಿಯಿಂದ ಪ್ರಕಾಶ್ ರೈ ಅವರ ಮೇಲಿನ ಪ್ರೀತಿ, ಅಭಿಮಾನವನ್ನು ಬಿಚ್ಚಿಟ್ಟರು.

ನನ್ನ ನಟನಾ ಬದುಕಿನಲ್ಲಿ ನಾನು ಶರಣಾಗಿರುವುದು ಇಬ್ಬರಿಗೆ ಮಾತ್ರ. ಮೊದಲು ಮಾತಾಡ್ ಮಾತಾಡ್ ಮಲ್ಲಿಗೆ ಚಿತ್ರೀಕರಣದ ವೇಳೆ ವಿಷ್ಣುವರ್ಧನ್ ಸರ್‍ಗೆ. ಆಮೇಲೆ ರನ್ನ ಚಿತ್ರೀಕರಣದ ವೇಳೆ ಪ್ರಕಾಶ್ ರೈ ಅವರಿಗೆ.. ಎಂದರು ಸುದೀಪ್.

ಪ್ರಕಾಶ್ ರೈ ಜೊತೆ ನಟಿಸುವ ಅವಕಾಶ ನನಗೆ ಸಿಕ್ಕಿದ್ದು ರನ್ನ ಚಿತ್ರದಲ್ಲಿ. ಅವರು ಮಾತನಾಡುವಾಗ ಎಕೋ ಹೊಡೆಯುತ್ತೆ. ಅವರು ಎದುರಿಗಿದ್ದರೆ ನಟಿಸುವುದು ಕಷ್ಟ. ರನ್ನದಲ್ಲಿ ಕೂಡಾ ಅಷ್ಟೆ, ಅವರು ನಟಿಸುವಾಗ ನಾನು ಮಾತನಾಡಲೇ ಇಲ್ಲ. ಅವರು ಮಾತನಾಡುವ ತನಕ ಸುಮ್ಮನಿದ್ದು, ನಂತರ ಅವರ ಕೈಯ್ಯನ್ನು ಮೆಲ್ಲಗೆ ಒತ್ತಿದ್ದೆ. ಹಾಗಾಗಿ ನಾನೂ ಗೆದ್ದೆ ಎಂದು ಹೇಳಿಕೊಂಡಿದ್ದಾರೆ ಸುದೀಪ್.

ಅಂದಹಾಗೆ ವೇದಿಕೆಯಲ್ಲಿದ್ದವರು ಬಹುತೇಕ ಸಾಹಿತ್ಯಾಸಕ್ತರು. ಸಾಹಿತಿಗಳು. ಆ ವೇದಿಕೆಯಲ್ಲಿ ಸುದೀಪ್ ಅವರ ಮಾತು ಎಲ್ಲರಿಗೂ ಇಷ್ಟವಾಗಿದ್ದು ವಿಶೇಷ. ಏಕೆಂದರೆ, ಅಲ್ಲಿ ಮಾತನಾಡಿದ್ದು ಸೂಪರ್ ಸ್ಟಾರ್ ಸುದೀಪ್ ಆಗಿರಲಿಲ್ಲ. ಪ್ರಕಾಶ್ ರೈ ಅವರ ನಟನೆಯನ್ನು ಗೌರವಿಸುವ, ಅಭಿಮಾನಿಸುವ ಅಭಿಮಾನಿ ಸುದೀಪ್. 

16 Years To Majestic Gallery

Valentine Special Gallery