` ಕನಕಾನಾ..ಅಂಜನೀಪುತ್ರನಾ..? ಯಾರು ಫಸ್ಟ್..? - chitraloka.com | Kannada Movie News, Reviews | Image

User Rating: 5 / 5

Star activeStar activeStar activeStar activeStar active
 
kanaka or anjaniputra, who will be first
Kanaka, Anjaniputra Image

ಡಿಸೆಂಬರ್ ಸ್ಟಾರ್‍ಗಳ ತಿಂಗಳಾಗಲಿದೆ ಎಂಬ ನಿರೀಕ್ಷೆ ಸುಳ್ಳಾಗಿಲ್ಲ. ತಿಂಗಳು ಶುರುವಾಗಿರುವುದೇ ಮಫ್ತಿ ಚಿತ್ರದ ಭರ್ಜರಿ ಪ್ರದರ್ಶನದ ಮೂಲಕ. ಈಗ ಇದೇ ತಿಂಗಳಲ್ಲಿ ಕನಕ ಹಾಗೂ ಅಂಜನೀಪುತ್ರ ಬಿಡುಗಡೆಗೆ ಕಾಯುತ್ತಿವೆ.

ಅಂಜನೀಪುತ್ರ, ಪವರ್ ಸ್ಟಾರ್ ಪುನೀತ್-ಹರ್ಷ ಕಾಂಬಿನೇಷನ್ ಚಿತ್ರವಾದರೆ, ಕನಕ, ದುನಿಯಾ ವಿಜಿ-ಆರ್.ಚಂದ್ರು ಕಾಂಬಿನೇಷನ್ ಸಿನಿಮಾ. ವಿಶೇಷವೆಂದರೆ ಎರಡೂ ಚಿತ್ರಗಳು ಸೆನ್ಸಾರ್ ಮಂಡಳಿಯವರ ಎದುರು ಇವೆ. ಸರ್ಟಿಫಿಕೇಟ್‍ಗಾಗಿ ಕಾಯುತ್ತಿವೆ.

ಕನಕ ಚಿತ್ರಕ್ಕೆ ಈ ವಾರ ಸರ್ಟಿಫಿಕೇಟ್ ಸಿಗಬಹುದು. ಡಿ.15ಕ್ಕೆ ರಿಲೀಸ್ ಆಗುವ ಸಾಧ್ಯತೆ ಇದೆ. ವಿಳಂಬವಾದರೆ, ಇನ್ನೊಂದು ವಾರ ಮುಂದೆ ಹೋಗಬಹುದು. ಆಗ ಎದುರಾಗುವುದು ಅಂಜನೀಪುತ್ರ ಚಿತ್ರ. 

ಸ್ಟಾರ್ ಕ್ಲಾಷ್ ತಪ್ಪಿಸಲು ಅಂಜನೀಪುತ್ರ ಚಿತ್ರವೇ ಮುಂದೆ ಹೋಗುವ ಸಾಧ್ಯತೆಗಳಿವೆಯಂತೆ. ಎರಡೂ ಚಿತ್ರಗಳ ನಿರ್ಮಾಪಕರು ತಮ್ಮ ತಮ್ಮ ಚಿತ್ರಗಳ ಬಿಡುಗಡೆ ಬಗ್ಗೆ ಕಾಳಜಿ ವಹಿಸಿದ್ದಾರೆ. ಪ್ರತಿದಿನ ಸಂಪರ್ಕದಲ್ಲಿದ್ದಾರೆ. ಹೀಗಾಗಿ, ಕನಕ ಮೊದಲು ಬಂದರೆ, ಅಂಜನೀಪುತ್ರ ಮುಂದಿನ ವರ್ಷ ಬಿಡುಗಡೆಯಾದರೂ ಆಶ್ಚರ್ಯವಿಲ್ಲ.

#

Chamak Movie Gallery

Rightbanner02_tora_inside

Tora Tora PressMeet Gallery